<a href="https://kyzylorda-news.kz/ru/obshestvo/">Kyzylorda-news.kz</a>. Емханаға еркін тіркелудің аяқталуына 2 аптадан аз уақыт қалды. 15-қыркүйектен 15-қарашаға дейінгі кезеңде азаматтар өз қалауы бойынша емхананы ауыстыра алады немесе алғаш рет тіркеле алады. 2021 жылғы науқан кезеңінде 188 мың адам бекітілу ұйымын өз таңдауы бойынша өзгертуді шешкен. Алғаш рет емханаларға 1 316 адам бекітілді.
Қолжетімді бекіту
Республикалық электрондық денсаулық сақтау орталығының мәліметтеріне сәйкес, 2021 жылғы 31 қазандағы жағдай бойынша алғашқы медициналық-санитарлық көмек ұйымдарына 19,4 млн-нан астам адам бекітілген, олардың ішінде шетелдіктер мен қандастар да бар.
Шетелдіктерге қатысты Әлеуметтік медициналық сақтандыру қорында Қазақстан аумағында тұрақты тұратын және тиісті құжаттарды, яғни тұруға ықтиярхатты алған шетелдік азаматтар емханаға тіркеле алатыны айтылып өтті. Ал «Көші-қон туралы» ҚР Заңы бойынша Қазақстан аумағында жұмыс істейтін ЕАЭО қатысушы елдері (Ресей, Белоруссия, Қырғызстан және Армения) азаматтарының (олардың отбасы мүшелері – жұбайларын және балаларын қоса алғанда) МСАК ұйымына бекіту және алғашқы медициналық-санитариялық көмек алу үшін тиісті ерікті медициналық сақтандыру шарты (ЕМС) болуы тиіс.
Сонымен қатар олар аса қауіпті инфекциялар бойынша емделген жағдайда ТМККК шеңберінде қажетті медициналық көмекті ала алады. Аса қауіпті инфекция туындаған жағдайда кепілдендірілген тегін медициналық көмек алуға Қазақстанда уақытша жүрген басқа елдердің азаматтары да құқылы.
Өңірлік бөліністе
Тіркелген халықтың жалпы санының 40% – дан астамы, атап айтқанда 7,8 млн адам-ауылдық жерлердің тұрғындары болып табылады.
<blockquote>
 «Тұрғындар Денсаулық сақтау субъектілерінің дерекқорында тіркелген және тегін медициналық көмектің кепілдік берілген көлемі шеңберінде, міндетті әлеуметтік медициналық сақтандыру жүйесінде медициналық қызметтер көрсетуге үміткер медициналық ұйымдарға ғана бекітіле алады. Олардың тізімімен Қордың fms.kz. сайтында «Пациент үшін» бөліміндегі «Емхананы таңдау» арқылы танысуға болады», – деп Әлеуметтік медициналық сақтандыру қорында түсіндіреді.
</blockquote>
Бүгінгі күні бекітілген халық тіркелімінде (БХТ) 643 медициналық ұйым бар, оларға қазақстандықтар тіркелген. Онда халыққа қызмет көрсететін 12 948 учаске құрылды.
**Тіркелу мүмкіндігі-15 қарашаға дейін 
**Әлеуметтік медициналық сақтандыру қоры бекітілу науқаны жыл сайын өткізіліп, 15 қарашаға дейін жалғасатынын еске салады.
<blockquote>
 «Медициналық-санитариялық көмек ұйымын таңдап және учаскеге бекітіле отырып, пациент онда ТМККК және МӘМС жүйесі шеңберінде медициналық қызметтердің барлық спектрін ала алады. Бұл жағдайда үйде қызмет көрсету мүмкіндігінің болуы үшін пациентке тұрғылықты жеріне жақын жердегі емхананы таңдау ұсынылады», – деп Қордың баспасөз қызметі кеңес береді.
</blockquote>
Бекіту екі жолмен жүзеге асырылады.
<ol>
<li>Электрондық үкімет порталында www.e.gov.kz бекітілу үшін (ЭЦҚ қажет). Ол үшін «Денсаулық сақтау» бөлімінде «Медициналық-санитариялық алғашқы көмек көрсететін медициналық ұйымға бекітілу» қызметін таңдау қажет. Барлық жолдар толтырылғаннан кейін пациент туралы ақпарат автоматты түрде емханаға түседі. Егер барлық манипуляциялар дұрыс жасалса, медициналық мекеменің электрондық цифрлық қолтаңбасымен расталған бекітілу туралы хабарлама келеді.</li>
<li>Тікелей медициналық ұйымның өзінде бекітілу. Бұл мүмкіндік зейнеткерлерге, мүгедектерге, бала кезінен мүгедекке заң бойынша тағайындалған қамқоршыларға, қамқоршыларға немесе қорғаншыларға, патронат тәрбиешілерге, колонияларда жазасын өтеп жатқан сотталғандарға, мерзімді қызметтегі әскери қызметшілерге, медреседе оқитын студенттер мен азаматтарға, шет мемлекеттерде туылған балаларға, сондай-ақ сенімхат бойынша бекітуді ресімдейтін адамдарға арналған. Ол үшін сол жерде өтініш жазып, жеке басын куәландыратын құжатты көрсету қажет.</li>
<li>Қорда атап өткендей, емхананы бекітілу науқанынан тыс та ауыстыруға болады: егер адам тұрақты немесе уақытша тұратын, жұмыс істейтін, оқитын жерін ауыстырса, басқа елді мекенге көшсе, сондай-ақ оның қазіргі емханасы қайта ұйымдастырылған немесе таратылған жағдайда.</li>
</ol>
Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаған жағдайда, онда сіз ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Telegram-да SaqtandyryBot және Qoldau 24/7 мобильді қосымшасы.

Қазақстанда 1 300-ден астам адам емханаларға алғаш рет тіркелді

<a href="https://kyzylorda-news.kz/ru/obshestvo/">Kyzylorda-news.kz</a>. Биылдан бастап мүгедектігі бар адамдар техникалық оңалту құралдары мен қызметтерін әлеуметтік қызметтер порталынан өз таңдаулары арқылы алуда. Бүгінгі күнде облыс бойынша 22 369 әлеуметтік оңалтуды қажет ететіндердің 82,8 пайызы әлеуметтік оңалту шараларын алды.
Бұл туралы өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева баяндады.
<blockquote>
 «Ағымдағы жылы 23 кохлеарлы импланты бар мүгедектігі бар адамға сөйлеу процессорларын ауыстыру және реттеу қызметін көрсету үшін 115,1 млн.теңге қаралды. Биылғы жылдан бастап Басқармаға қарасты Арнаулы әлеуметтік қызметтер көрсету балалар орталығы жанынан 20 орынға арналған тірек-қимыл аппараты бұзылған балаларды оңалту орталығы өз жұмысын бастады. Сонымен қатар, өңірімізде 2017 жылдан бастап ерекше қажеттілігі бар балаларды мемлекеттік әлеуметтік тапсырыс аясында Иппотерапиямен оңалту шаралары жүргізілуде» – , деді Айгүл Болатқызы.
</blockquote>
Биылғы жылдың 1 қазанында 1132 мүгедектігі бар балаға 48,3 млн.теңгеге материалдық көмек төленді.
<blockquote>
 Мүгедектігі бар адамдардың әлеуметтік инфрақұрылым нысандарына кедергісіз кіруіне жағдай жасау жұмыстарына, Қазақстан Республикасының Еңбек және халықты әлеуметтік қорғау министрлігімен Қызылорда облысы көлемінде 2021-2025 жылдарға 1294 инфрақұрылым объектілерін бейімдеуден өткізу жоспары белгіленді. Жоспарға сәйкес 2021 жылға 258 нысанды толық бейімдеу жұмыстары көзделген. Қазіргі таңда 258 әлеуметтік инфрақұрылым объектілерінің барлығына толық бейімдеу жүргізіліп, республикалық «Қолжетімділіктің интерактивті картасына» енгізілді. Сондай-ақ, облыста бірнеше рет қайырымдылық акциялары ұйымдастырылып, бюджеттен тыс көздерден көмекке мұқтаж халықтың әлжуаз топтарынан шыққан 8143 адамға, оның ішінде 1000 нан астамы мүгедектігі бар адамдарға 124,1 млн.теңгеге қайырымдылық көмектер көрсетілді. 50 отбасы тұрғын-үймен қамтамасыз етілді. Мұндай қайырымдылық шаралар жалғасын табуда, – деді басқарма басшысының орынбасары Айгүл Ибраева.
</blockquote>
Айта кетейік, бүгінде облыста мүгедектігі бар адамдар саны 30921 болса, оның 5455-і балалар. Естуі бойынша мүгедектер – 330, көз мүгедектері – 831, кресло-арбаның көмегімен қозғалатындар – 1418 адам.

Қызылордада мүгедектігі бар жандарға қандай көмек көрсетіледі?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Биылғы жылы аймақтағы 3 аудан орталығын газдандыру жұмыстары толық аяқталып, 46 мың тұрғын табиғи газбен қамтылды. Атап айтқанда, Жосалы, Жалағаш және Тереңөзек кенттері көгілдір отынның игілігін көруде. Алдағы уақытта аймақтағы ірі елді мекендерді газға қосу бойынша жұмыстар жасалуда. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов хабарлады.
<blockquote>
 «Облыс тұрғындарының табиғи газға қосылу үлесі 65 пайызды құрады. Бүгінде аймақтағы тіректі елді мекендерді газға қосу жұмыстары қарқынды жүруде. Атап айтсақ, өткен жылы Арал ауданыныдағы Жақсықылыш кенті, Қазалыдағы Ғ.Мұратбаев және Шиелідегі Байсын елді мекендеріне көгілдір отын жеткізілген. Ал биыл Қазалы қаласы, Шиелі ауданыныдағы Н.Бекежанов пен Ш.Қодаманов ауылдарына газ тарту жұмыстары басталып, қазіргі таңда құрылыс аяқталуға жақын. Қармақшы ауданындағы Төретам кенті мен Ақай ауылына ткөгілдір отын жеткізу жұмыстары 2022 жылдың соңына дейін жүзеге аспақ. Ол үшін жергілікті бюджеттен қаржы бөлінген. Қала маңындағы Наурыз және Ж.Махамбетов ауылдарын газдандыру үшін республикалық бюджеттен 500 млн теңгеге жуық ақша қаралып, жұмыс жоспар бойынша 2023 жылы аяқталуы керек. Сондай-ақ «Ауыл ел-бесігі» бағдарламасы аясында Қазалы ауданына қарасты Қ.Пірімов, Жалаңтөс батыр, Басықара ауылдарын газдандыру жоспарлануда, – деді Ерлан Ералыұлы.
</blockquote>

Қызылордада 3 аудан табиғи газға қосылды

<a href="https://kyzylorda-news.kz/ru/obshestvo/">Kyzylorda-news.kz</a>. Биылғы жылдың он айында 169 есірткі қылмысы анықталды. Оның ішінде, есірткіні аса ірі мөлшерде сақтаудың – 10, есірткі сатудың – 22, есірткі өсірудің – 41 дерегі анықталды. Сондай-ақ, заңсыз айналымнан барлығы 143 келі есірткі заты тәркіленсе, оның 352 грамы синтетикалық есірткі құралы болып шықты.
Бұл жөнінде Өңірлік коммуникациялар қызметінде өткен баспасөз конференциясында облыстық полиция департаментінің Есірткі қылмысына қарсы іс-қимыл басқармасының бастығы Еркін Тұңғышбай БАҚ өкілдеріне мәлімдеді.
<blockquote>
 «Жыл басынан бері есірткімен байланысты қылмыстық теріс қылықтардың 90 дерегі анықталды. Осыған орай есірткі қылмысын анықтау бойынша тиісті жұмыстар жүргізілген болатын. Атқарылған іс-шаралардың нәтижесінде, облыс көлемінде есірткіні насихаттау және жарнамалардың 2 дерегі тіркеліп, олар дер кезінде жойылды. Әлеуметтік желі арқылы синтетикалық есірткіні тарату деректерін анықтау мақсатында департаменттің қызметкерлері қала көлемінде рейдтік іс-шаралар жүргізді. Тиісінше, облыс орталығында синтетикалық есірткі жасырылған 75 нүкте табылды. Олар бойынша 3 қылмыстық теріс қылық анықталып, 72 дерек бойынша сараптама тағайындалды. Ауқымды іс-шаралардың барысында аталған қылмысты жасаған Қызылорда қаласының тұрғыны құрықталды. Республика көлемінде 1 маусым – 30 қазан аралығында өткізілген «Қарасора-2021» жедел профилактикалық іс-шарасы кезінде есірткі өсірудің 41 дерегі тіркелді. Атап айтқанда, 16 дерек далалық аймақтан, 25 дерегі үй ауласынан және саяжайдан табылды. Есірткі өсіргені үшін барлығы 52 азамат ұсталды. Оқиға орнынан барлығы 14 мың түптен асатын сора өсімдігі жойылды», – деді Еркін Қаржаубайұлы.
</blockquote>
Айта кететін жәйт, тамыз айының бастап құмды далалық аймақтарға 21 рет әуеден шолу жұмыстары жүргізілген. Бірлескен іс-шараның барысында есірткі алқабының 8 дерегі анықталып, есірткіні аса ірі мөлшерде сақтаудың 4 дерегі анықталды.
<img src="https://kyzylorda-news.kz/wp-content/uploads/2021/11/251127801_1405236763205165_7703932318573227458_n.jpg" alt="" />

Қызылордада жыл басынан бері 169 есірткі қылмысы тіркелді

<a href="https://kyzylorda-news.kz/ru/obshestvo/">Kyzylorda-news.kz</a>. Бүгіннен бастап Шардара су қоймасынан Сырдария өзенінің төменгі ағысына секудына 90 текше метр су жіберілуде.
Шардара су қоймасына су көлемінің аз түсуіне сәйкес, су қоймасынан өзеннің төменгі ағысына 2021 жылдың 8 қыркүйек -18 қазан аралығында секундына 30 текше метр, 19 қазан-23 қазан аралығында секундына 50 текше метр, 24 қазан-2 қараша аралығында секундына 65 текше метр су босатылды. Су қоймасына түсіп жатқан су көлемінің ұлғаюына байланысты осы жылдың 3 қарашасынан бастап су қоймасынан өзеннің төменгі ағысына секундына 90 текше метр су жіберілуде.
Бүгінгі күні Шардара су қоймасындағы су көлемі 894 млн. текше метрді құрап отыр. Былтыр бұл көрсеткіш 1005 млн. текше метр болған. Қазіргі таңда қоймаға түсіп жатқан су көлемі секундына 149 текше метр, ал өткен жылы секундына 182 текше метр еді. Бүгінде өзеннің төменге ағысына тасталып жатқан су көлемі секундына 90 текше метр болса, 2020 жылы секундына 75 текше метр болатын.
Арыс өзенімен Сырдария өзеніне түсіп жатқан су көлемі секундына 3,5 текше метр. Өткен жылы секундына 6,1 текше метрді құраған.
Қызылорда облысы шекарасына Көктөбе су бекеті арқылы секундына 114 текше метр су түсіп, Қызылорда су торабынан өзеннің төменгі ағысына секундына 76 текше метр, Әйтек су торабынан өзеннің төменгі ағысына секундына 34 текше метр, Қараөзек арнасымен секундына 40 текше метр, Қазалы су торабынан өзеннің төменгі ағысына секундына 20 текше метр су жіберілуде.
Қазіргі уақытта Қараөзек арнасы арқылы Қазалы және Ақлақ су тораптарымен Сырдария өзенінің суы тежеліп көлдерге экологиялық жағдайды жақсарту мақсатында секундына 61 текше метр су жіберілуде.
<img src="https://kyzylorda-news.kz/wp-content/uploads/2021/11/ooo.jpg" alt="" />
<img src="https://kyzylorda-news.kz/wp-content/uploads/2021/11/sh.jpg" alt="" />
<img src="https://kyzylorda-news.kz/wp-content/uploads/2021/11/darija.jpg" alt="" />

Сырдария өзенінің бүгінгі жайы қалай?

<a href="https://kyzylorda-news.kz/ru/obshestvo/">Kyzylorda-news.kz</a>. «Азаматтарға арналған үкімет» мемлекеттік корпорациясы цифрлық даму, инновациялар және аэроғарыш өнеркәсібі министрлігімен бірлесіп, «ХҚО» мобильдік қосымшасын енгізді. Ол қазақстандықтарға мемлекеттік қызметтерді смартфондағы бейнеқоңырау функциясы арқылы алуға мүмкіндік береді.
Бүгінде Қызылорда облысының операторлары «ХҚО» қосымшасы арқылы пилоттық тәртіпте клиенттердің қоңырауларын қабылдауды бастады.
Жалпы, «ХҚО» мобильдік қосымшасы арқылы пилоттық режимде 24 мемлекеттік қызметті алуға мүмкіндік болады. Олардың арасында сотталмағандығы туралы анықтама алу, зейнетақы қорынан үзінді көшірме алу, Қазақстан Республикасының аумағында жылжымайтын мүлік объектілерінің мекенжайын айқындау бойынша анықтама беру, бала тууды тіркеу, жылжымайтын мүліктің бар екендігі туралы анықтама алу және тұрғылықты тіркеуден шығару сияқты және т.б. қызмет түрлері бар.
Бейнеқоңырау функциясы бойынша қандай да бір мемлекеттік қызметтерді алу үшін биометриялық сәйкестендіруден өту қажет.
«ХҚО» мобильдік қосымшасын Play Market-тен жүктеп алуға болады және жақын арада App Store-да пайда болады.

«ХҚО» мобильдік қосымшасын енгізді

<a href="https://kyzylorda-news.kz/ru/obshestvo/">Kyzylorda-news.kz</a>. Комплаенс ұғымы – бұл ұйым белгілеген ережелер мен этикалық нормалардың жиынтығы, ұйым қызметкерлерінің іскерлік – мінез құлқы құрметті кәсіп құру мақсаттарына сәйкес келеді.
Заңға сәйкес, барлық компаниялар сыбайлас жемқорлыққа қарсы іс-қимыл субъектісі болып табылады. Демек олардың барлығына сыбайлас жемқорлықтың алдын алу бойынша шаралар қабылдауға, сондай-ақ сыбайлас жемқорлық құқық бұзушылықтар жасауға ықпал ететін себептер мен жағдайларды азайтуға құқық берілген. 
Комплаенс-қызметтердің негізгі міндеті – тиісті ұйымның және оның қызметкерлерінің Қазақстан Республикасы Сыбайлас жемқорлыққа қарсы іс-қимыл туралы заңнамасын сақтауын қамтамасыз ету болып табылады. Сонымен қатар, бұл ұйымның “қорғаушы – кеңесшісінің” көп функциялы ұстанымы екенін атап өткен жөн. Ол қағидалардың сақталуын талдайды, тәуекелдерді анықтайды, тікелей бірінші басшыға немесе Директорлар кеңесіне бағынатын тәуелсіз тұлға болып есептеледі. 
Комплаенс қызметі Сыбайлас жемқорлықтың алдын алу шараларының тиімді құралдарының бірі болып табылады. Айта кететін жәйт, комплаенс институтын Қазақстан посткеңестік кеңістік елдері арасында алғашқылардың бірі болып енгізуде. 
Квазимемлекеттік мекемелерде сыбайлас жемқорлыққа қарсы комплаенс институтын енгізу міндеті өткен жылдың соңынан бастап заңнамалық деңгейге енгізілді. Яғни, 2020 жылдың 6 қазанында “Сыбайлас жемқорлыққа қарсы іс-қимыл туралы” Заңның 16-бабына «Квазимемлекеттік сектор субъектілерінде негізгі міндеті тиісті ұйымның және оның қызметкерлерінің сыбайлас жемқорлыққа қарсы іс-қимыл туралы заңнамасын сақтауын қамтамасыз ету болып табылатын, сыбайлас жемқорлыққа қарсы комплаенс-қызметтің функцияларын атқаратын құрылымдық бөлімшелерді айқындауды көздейтін түзетулер енгізілді. Бұл сыбайлас жемқорлық құқық бұзушылыққа жол бермеу, сондай-ақ сыбайлас жемқорлыққа қарсы мәдениетті қалыптастыру үшін жасалған қадам. 
Сыбайлас жемқорлыққа қарсы комплаенс-институтын ұйымдастыруға және квазимемлекеттік сектор субъектілерінде біріңғай тәсілді қалыптастыру мақсатында Қазақстан Республикасының сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет)тарапынан нұсқама әзірленіп, өңіріміздегі барлық квазимемлекеттік және жеке секторларға жолданды. Нәтижесінде қазіргі таңда облыс бойынша 200-ден аса мекемеде сыбайлас жемқорлыққа қарсы комплаенс офицерлері тағайындалды. 
Бұнымен тоқтап қалмай, қалған ұйымдарға да комплаенс институтын енгізу бойынша қазіргі кезде департамент тарапынан жұмыстар атқарылып жатыр.Департамент өз кезегінде комплаенс қызметтерін құруда әдістемелік көмек көрсететін болады. 
Қазақстан Республикасы Президенті жанындағы Мемлекеттік басқару академиясының Қызылорда облыстық филиалында сыбайлас жемқорлыққа қарсы мәдениет пен заңнамалық жаңашылдықтарды түсіндіре отырып, ISO 37001 халықаралық стандартының негізіндегі комплаенс офицерлерді оқытатын 24-сағаттық (3 күндік) семинар ұйымдастырылған. Аталған семинар мемлекеттік және орыс тілдерінде, ZOOM платформасы арқылы онлайн форматта топтың жиналуына қарай өткізіледі. 
Қазіргі уақытта ISO 37001 стандарты бүкіл әлемде кеңінен таралған. 
Айта кетсек, Мемлекеттік басқару академиясы мемлекеттік ұйымдар арасында бірінші болып ISO 37001 Парақорлықпен күрес менеджменті жүйесін сертификаттаудан өткен.
Айнұр БОЛАТ, 
Қазақстан Республикасы Сыбайлас жемқорлыққа қарсы іс-қимыл агенттігі 
(Сыбайлас жемқорлыққа қарсы қызмет) 
Қызылорда облысы бойынша департаментінің бас маманы

Айнұр Болат: Өңірімізде сыбайлас жемқорлыққа қарсы комплаенс институттары құрылды

<a href="https://kyzylorda-news.kz/ru/obshestvo/">Kyzylorda-news.kz</a>. Арал теңізінің құрғаған ұлтанының жалпы көлемі​ 4,5 млн. гектарды құрайды. Оның ішінде 2,2 млн. гектар Қазақстан аумағында орналасқан. Теңізінің тартылуынан жыл сайын ауаға 75 млн. тонна тұз бен топырақ ұшып, экологиялық апат тудыруда.
Мемлекет Басшысының Арал теңізінің құрғаған ұлтанында алдағы 5 жыл ішінде 1,1 млн. гектар сексеуіл екпелерін ұлғайту жөнінде шаралар кешенін қабылдау туралы тапсырмасына сәйкес ағымдағы жылдың күз айында теңіздің құрғаған ұлтанында 100 мың гектарға сексеуіл егу жұмыстары жоспарлануда. Осыған байланысты, «Қызылорда орман және жануарлар дүниесін қорғау жөніндегі мемлекеттік мекемесі» сексеуіл тұқымдарын жинау жұмыстарын жүргізуде.<a href="https://www.facebook.com/photo/?fbid=1090019128420235&set=pcb.1090019381753543&__cft__[0]=AZVJAYiXgqafKFM42v1nDbrz-4jNKAQzSZnvu22zsR_7mNAh0RP2Jzpvn88WCTf5BvfC_0W2cSKUp5_NDe-lV-_ePFpdwoBFbV7LTLyinUvQIK8IlEEm95k_7p7OyvH1rli2gb_hYMEtuYo8Kc9jAfgK69zp6WmL88L2dczaYDW1hA&__tn__=*bH-R"></a><a href="https://www.facebook.com/photo/?fbid=1090019191753562&set=pcb.1090019381753543&__cft__[0]=AZVJAYiXgqafKFM42v1nDbrz-4jNKAQzSZnvu22zsR_7mNAh0RP2Jzpvn88WCTf5BvfC_0W2cSKUp5_NDe-lV-_ePFpdwoBFbV7LTLyinUvQIK8IlEEm95k_7p7OyvH1rli2gb_hYMEtuYo8Kc9jAfgK69zp6WmL88L2dczaYDW1hA&__tn__=*bH-R"></a><a href="https://www.facebook.com/photo/?fbid=1090019241753557&set=pcb.1090019381753543&__cft__[0]=AZVJAYiXgqafKFM42v1nDbrz-4jNKAQzSZnvu22zsR_7mNAh0RP2Jzpvn88WCTf5BvfC_0W2cSKUp5_NDe-lV-_ePFpdwoBFbV7LTLyinUvQIK8IlEEm95k_7p7OyvH1rli2gb_hYMEtuYo8Kc9jAfgK69zp6WmL88L2dczaYDW1hA&__tn__=*bH-R"></a><a href="https://www.facebook.com/photo/?fbid=1090019285086886&set=pcb.1090019381753543&__cft__[0]=AZVJAYiXgqafKFM42v1nDbrz-4jNKAQzSZnvu22zsR_7mNAh0RP2Jzpvn88WCTf5BvfC_0W2cSKUp5_NDe-lV-_ePFpdwoBFbV7LTLyinUvQIK8IlEEm95k_7p7OyvH1rli2gb_hYMEtuYo8Kc9jAfgK69zp6WmL88L2dczaYDW1hA&__tn__=*bH-R"></a><a href="https://www.facebook.com/photo/?fbid=1090019345086880&set=pcb.1090019381753543&__cft__[0]=AZVJAYiXgqafKFM42v1nDbrz-4jNKAQzSZnvu22zsR_7mNAh0RP2Jzpvn88WCTf5BvfC_0W2cSKUp5_NDe-lV-_ePFpdwoBFbV7LTLyinUvQIK8IlEEm95k_7p7OyvH1rli2gb_hYMEtuYo8Kc9jAfgK69zp6WmL88L2dczaYDW1hA&__tn__=*bH-R"></a>

Аралда сексеуіл тұқымын жинау жұмыстары жүргізілуде

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы аумақтық қорғаныс бригадасының ротасымен арнайы тактикалық оқу-жаттығуы өтті.
Жаңақорған ауданы Бесарық ауылдық округіндегі «Талдысу» лагерінің базасында өткен жиынға Қызылорда облысының аумақтық қорғаныс бригадасына тіркелген 78 адамнан тұратын әскери міндеттілер шақырылды.
Оқу-жаттығудың мақсаты – аумақтық қорғаныс бригада ротасын жауынгерлік әзірліктің жоғары деңгейіне келтіру, ерекше маңызды объектіні күзету және қорғау жөніндегі бөлімшенің іс-қимылын пысықтау мен жауынгерлік үйлесімділікті арттыру.
<blockquote>
 «Жаттығулар барысында жеке құрам білімін жетілдіріп, аумақтық қорғаныс ротасының далалық дағдысы мен үйлесімділігін арттыру мәселелерін іс жүзінде пысықтады. Сонымен қоса, аумақтық қорғаныс бригадасының міндеттерін орындау кезінде жоғары жауынгерлік пен моральдық-психологиялық қасиеттерін қалыптастырды», – деді аумақтық қорғаныс бригадасының командирі полковник Керімбай Ойықбаев.
</blockquote>
Арнайы-тактикалық оқу-жаттығу үш кезеңнен өтті. Бірінші кезеңде рота жеке құрамы жауынгерлік әзірліктің жоғары деңгейіне келтіріліп, жұмылдыру мәселелері пысықталды. Оқу-жаттығудың екінші кезеңінде жауынгерлік үйлесімділікті ұйымдастыру мен өткізу мәселелері атқарылды. Қорытынды үшінші кезеңде объектілерді күзетуді күшейту, заңсыз әскери құрамалардың бағытын айқындап жою, жауапты аймақ шегіндегі соғыс жағдайы режимін қамтамасыз ету және қолдау бойынша рота командирінің жұмысы ұйымдастырылды.
Аумақтық әскерлерді құру туралы Жарлыққа Қазақстан Республикасының Президенті 2015 жылы қол қойған болатын. 2018 жылдың соңында барлық облыс орталықтары мен республикалық маңызы бар қалаларда аумақтық қорғаныс бригадалары құрылды. Тактикалық-арнайы оқу-жаттығуларды тұрақты өткізу әскери міндеттілерді тиімді оқытудың қажетті шарты болып табылады.
<img src="https://kyzylorda-news.kz/wp-content/uploads/2021/11/e3a1d5a8-c371-46b3-958d-d7a4e3e432ba.jpg" alt="" />

Жаңақорғанда тактикалық оқу-жаттығуы өтті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Ұлттық экономика министрі Әсет Ерғалиев Жаңа жылға қарай азық-түлік және басқа да тауарлар бағасы қалай болатынын айтты, деп хабарлайды&nbsp;<a href="https://stan.kz/">Stan.kz</a>.
Мәжілісте ұлттық экономика министріне кәсіпкерлер мен қарапайым халықтың Қытайдан импортталатын тауарлардың қымбаттауына қатысты алаңдаушылығы айтылды.&nbsp;
<blockquote>
 “Қытай шекарасымен байланысты мәселе біздің ведомствоға жатпайды. Бұл сауда және қаржы министрліктеріне қойылатын сұрақ. Бағаның өсуіне қатысты айтар болсам: маусымдық құбылу бар, желтоқсанда әдетте бәрі жаңа жылға дайындалады. Сол себепті белгілі бір азық-түлік өнімдері қымбаттайды”, – деп жауап берді Ерғалиев.
</blockquote>
Сондай-ақ министрден қазір дүкенде нан мен картоп қанша тұратынын сұрады.
<blockquote>
 “Нан 130 теңге тұрады, түріне байланысты. Картоп 425 теңге шамасында”, – деді ол.
</blockquote>
Бұдан бөлек, Ерғалиев қазір үкімет экономикадағы инфляциялық процестерді тежеу үшін шаралар кешенін қабылдағанын айтты. Министр әр өңірмен бағаны мониторингілеу жұмысы жүргізіліп жатқанын айтып&nbsp;сендірді.
Бұған дейін Қазақстанда 10 ай ішінде инфляция 8,9%-ті құрағаны хабарланды.

Ұлттық экономика министрі: Жаңа жылға таяу азық-түлік бағасы көтеріледі

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қылмыс жасап істі болған жастар қоғамнан шет қалмайды. Бүгінде оларды жұмыспен қамту қарқынды жұмыстар жүзеге асырылуда.
Жаңақорған ауданы ішкі саясат бөлімінің «Жастар ресурстық орталығы» КММ-нің ұйымдастыруымен аудандық аграрлық колледжінің студенттері мен пробация есебіндегі жастарды кәсіпке тарту мақсатында арнайы экскурсия ұйымдастырылды. Шара барысында «Нұрбол-И» шаруа қожалығының төрағасы Изатулла Үсеновтің&nbsp; жеке кәсібімен танысып, кәсіп ашудың қыр-сырын сұрап, білді.
Аудандық пробация қызметінің бастығы Анарбек Искаковтың айтуынша пробация есебінде 14-29 жас аралығындағы 30-ға жуық жас бар.
<blockquote>
 «Олардың ішінде төрт азамат «Бастау бизнес» жобасы бойынша бір айлық «кәсіпкерлік негіздері» курсын оқып, бизнес жоспар құрып, 583 мың теңге көлемінде&nbsp; мемлекеттен қайтарымсыз грант ұтып алып, жеке кәсіп ашқан. Бұл іс-шараның мақсаты пробация есебіндегі жастарды жұмыспен қамту. Олардың өмірден өз орнын табуға көмек көрсету. Жуырда тағы бір есептегі азамат қайтарымсыз грант алуға құжаттарын рәсімдеуде»,- дейді &nbsp;әділет майоры А.Искаков.
</blockquote>
<img src="https://kyzylorda-news.kz/wp-content/uploads/2021/11/whatsapp-image-2021-11-02-at-11.17.33-1.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-02-at-11.18.02.jpeg" alt="" />

Жаңақорғанда есепте тұрған жастарды кәсіпкерлікке бейімдеу жұмыстары жүргізіліп жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының шаруалары бір құжаттың салдарынан 20,6 млн теңгені мемлекетке қайтаруға мәжбүр болған еді. Кәсіпкерлер палатасының заңгерлері жауапты органнан дер кезінде түсіндірме хатын алып, мәселені шешіп берді.
Осы жылдың қазанында Қызылорда облысы кәсіпкерлер палатасына бір топ шаруа қожалық иелерінен ұжымдық өтініш түсті. Өтініште шаруалар жергілікті атқарушы орган мемлекеттен алған субсидияны қайтаруды талап етіп жатқанын жеткізіпті.
<blockquote>
 «Шаруа қожалықтары 2019 жылы күрішті өндіру шығындарын ішінара өтеуге бөлінген субсидияны алған болатынбыз. Алайда 6 қазанда ауыл шаруашылығы басқармасынан 14 күннің ішінде субсидияға берілген қаржыны қайтару туралы хат алдық. Аталған мәселені шешуге көмек көрсетулеріңізді сұраймыз», – деп жазылған шаруалардан түскен хатта.
</blockquote>
Жеті шаруа қожалықтан қайтаруды қажет ететін сома 20,6 млн теңгені құрайды.
Жергілікті атқарушы орган кәсіпкерлер субсидияны алуға арналған өтінімді беру барысында өңдеуші кәсіпорынмен жасаған ауыл шаруашылығы өнімін тапсыру туралы шарттарды тіркемеген деп отыр, яғни субсидия&nbsp; заңсыз төленген деп тұжырымдаған.
Кәсіпкерлер палатасының сарапшылары аталған салаға субсидияны төлеуге арналған нормативтік-құқықтық құжаттарды толықтай зерттеп, шаруалардың құжатынан қателік таппады.
<blockquote>
 «Кәсіпкерлер өтінім беру барысында келісімшарттардың сканерленген нұсқасын тіркемегенімен құжаттың нөмірін, қол қойылған күнін көрсеткен. Бұл жағдайда нақты бағасын уәкілетті орган ғана бере алады. Сол үшін біз өтінімге қоса шарттың сканерленген көшірмесін тіркеу міндеттілігіне қатысты түсіндірме беруді сұрап Ауыл шаруашылығы министрлігіне хат жаздық», – деп пікір білдірді Қызылорда облысындағы кәсіпкерлердің құқығын қорғайтын бизнес-омбудсменнің өкілі Салават Құлмахан.
</blockquote>
Ауыл шаруашылығы министрлігі Кәсіпкерлер палатасына көп күттірмей жауабын жолдады. Онда: «Қазақстан Республикасы Ауыл шаруашылығы министрінің 2020 жылғы 30 наурыздағы № 107 бұйрығымен бекітілген «Өсімдік шаруашылығы өнімінің шығымдылығы мен сапасын арттыруды субсидиялау қағидаларында» өтінімге қосымша ауыл шаруашылық тауарын өндірушілердің өңдеуші кәсіпорынмен жасалған ауыл шаруашылығы өнімін тапсыру туралы шарттардың сканерленген көшірмесін тіркеу талабы көрсетілмеген», – деп жазылған.
Бұл түсіндірме хат кәсіпкерлер тарапынан кемшілік жіберілмегенін дәлелдеді. Нәтижесінде облыстың ауыл шаруашылық тауарын өндірушілер мемлекеттен бөлінген субсидияны қайтармай, 20,6 млн теңгесін сақтап қалды.

Қазақстан және Қызылорда облысының жаңалықтары