<a href="https://kyzylorda-news.kz/">Kyzylorda-news.kz.</a>&nbsp; Биылғы жылы облыс көлемінде ауыл шаруашылығы жануарлары арасында 16 түрлі аса жұқпалы аурулардың алдын алу үшін республикалық бюджетттен 6311,2 мың доза ветеринариялық препараттар қаралған. Қазіргі күні, облысқа 6280,3 мың доза жеткізіліп, бекітілген 10 айлық жоспар 96,9% орындалды. Бұл жөнінде Өңірілік коммуникациялар қызметінде өткен брифингте облыстық ветеринария басқармасының басшысы Шахмардан Қойшыбаев мәлімдеді.
<blockquote>
 «Ауыл шаруашылығы жануарларын бірдейлендіру жұмыстары бекітілген жоспарға сәйкес атқарылуда. Қазіргі күні 87,7 мың бас мүйізді ірі қара, 266,6 мың бас уақ мал, 9,0 мың бас түйе, 669 бас шошқа бірдейлендіріліп, дерекқор жүйесіне енгізілді. 
 Арал ауданында орын алған қуаңшылық салдарынан бүгінгі күнге жалпы 597 бастың өлім-жітімі тіркелді. Барлығы 205822 бас төрт түлік малға 180 күнге 184640 тонна шөп қажет екендігі есептелініп, нәтижесінде 163263 тонна шөп және 2960,8 тонна жем жеткізілді», -деді басқарма басшысы Шахмардан Сұлтанбекұлы.
</blockquote>
Сонымен қатар Қазалы ауданындағы мал шығыны барысында аудан әкімдігімен бірлесіп, кеткен шығынға байланысты зерттеу-зерделеу жұмыстары тиісінше орындалған. Мал су ішетін қашыртқы суынан сынамалар қосымша Қазалы аудандық санитариялық-эпидемиологиялық бақылау басқармасының зертханасына зерттеуге өткізілді. Сараптама барысында мал иелерімен кездесіп мал жайылымы мен суаттарын ауыстыру, мамандарға уақытылы хабарлау қажеттігі туралы түсіндірме жұмыстары жүргізілді.
Басқарма басшысының айтуынша Жаңақорған ауданының 8 ауылдық округінің егін алқаптарындағы қашыртқылардағы су көлемі азайып, мал ішуге жеткіліксіз болған. Осыған байланысты облыстық ветеринария басқармасы Жаңақорған ауданы әкімдігі және тиісті мекемелермен кездесіп, мәселені шешуде жан-жақты бірнеше бағыты талқыланды. Нәтижесінде Сырдария өзенінен су алу мәселесіне қазіргі жағдай түсіндіріліп, су мәселесін шұғыл шешудің егістік жерде жер асты суының қазіргі таңда жақындығы ескеріліп, құдық қазудың тиімділігі түсіндірілген.

Қызылордаға аса жұқпалы аурулардың алдын алу үшін 6280,3 мың доза дәрі келді

<a href="https://kyzylorda-news.kz/">Kyzylorda-news.kz.</a>&nbsp; Әлеуметтік қорғау жүйесі қызметкерлері күніне байланысты облыс әкімінің орынбасарымен іс-шаралар жоспары бекітілді. Мереке аясында 250 мүгедектігі бар балаға Н.Бекежанов атындағы драма театрда тегін қойылым, мүгедектігі бар ересек адамға спектакль көрсетілді. Сонымен қатар, Облыс әкімі әлеуметтік қорғау жүйесі ардагерлерімен кездесті. Жүйесінің қалыптасып, көпсалалық, бірнеше деңгейлік ұлттық моделінің негізін салған ардагерлерді кәсіби меркесімен құттықтап, құрмет көрсетті.
Бұл туралы өңірлік коммуникациялар қызметінде өткен брифингте Облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов баяндады.
<blockquote>
 -Бюджеттен тыс көздерден көмекке мұқтаж халықтың әлжуаз топтарынан шыққан 8143 адамға 124,1 млн.теңгеге қайырымдылық көмектер көрсетілді. 50 отбасы тұрғын-үймен қамтамасыз етілді. Сондай- ақ, еңбек және халықты әлеуметтік қорғау министрлігі өткізген әлеуметтік қызметкерлерді тестілеуде 512 әлеуметтік қызметкер қатысып, оның 82,2 пайызы шекті көрсеткіштен жоғары балл жинады. Қазіргі таңда Үкімет тарапынан Әлеуметтік қамсыздандыру кодексі әзірленуде. Кодексте әлеуметтік қызметкердің мәртебесі және олардың жалақысының кезең-кезеңімен арттырылуы қамтылатын болады» – , деді Мейрамбек Жақсылықұлы
</blockquote>
Nur Otan партиясының “Өзгеру жолы: әрқайсысына лайықты өмір” сайлауалды бағдарламасын іске асыру жөніндегі Жол картасына сәйкес биыл арнайы әлеуметтік қызмет көрсету балалар орталығы жанынан мүгедек балаларға арналған 20 төсектік оңалту орталығы ашылды.Бүгінде, Ұлы Жеңістің 76 жылдығы мерекесіне 3756 Ұлы отан соғысына қатысушылары мен оларға теңестірілгендерге әлеуметтік көмек берілді.
100 жылдық тарихы бар әлеуметтік саланың қалыптасуына зор үлес қосқан апа-ағаларымыздың ізгілікті ізін бүгінгі күні білікті де білімді мамандар, сала үздіктері жалғастыруда.

Әлеуметтік қорғау жүйесі қызметкерлері күні

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Еңбек және халықты әлеуметтік қорғау министрі Серік Шәпкенов жұмыс сапарымен Қызылорда облысына келді. Іссапары кезінде ведомоство басшысы аймақтағы “Ауыл-Ел бесігі”, “Жұмыспен қамтудың Жол картасы” мемлекеттік бағдарламасымен іске асқан әлеуметтік нысандарды аралап көреді.
Облыс әкімі Гүлшара Әбдіқалықова министрге мемлекеттік бағдарламалардың өңірде іске асырылуы барысын айтып, жобалардың тиімділігіне тоқталды.
Мәселен, 2019 жылы бастау алған «Ауыл-Ел бесігі» арқылы Жалағаш пен Жосалыда 31 жобаны жүзеге асыруға республикалық бюджеттен 1,7 млрд. теңге бөлініп, толығымен игерілді. Оның ішінде 4 мектеп, 1 емхана, 5 мәдениет нысаны, жалпы ұзындығы 28,6 шақырымды құрайтын 21 ауыл ішілік көшелер жөнделді.
Министр ең әуелі Қызылорда қаласындағы Бәйтерек тұрғын ауданында «Жұмыспен қамтудың жол картасы 2020-2021» бағдарламасы аясында салынып жатқан мектептің құрылыс жұмысымен танысты. 600 орынды қамтитын білім мекемесінің құрылысы келер жылы аяқталады. Бүгінде құрылыс алаңына 40-тан астам маман тартылған. Барлығы да жергілікті жердің тұрғындары.
Ведомство басшысы азаматтарды жұмыспен қамту, қажетті мамандарды тарту мемлекеттік бағдарламаларды жүзеге асырудағы негізгі міндеттердің бірі екенін алға тартты. Жұмыс барысында өзіне жүктелген жұмыстарды уақытылы жүргізе алмаған мердігер компаниялардың жауапкершілігі қаралатынын айтты.
Ал аймақ басшысы аталған нысанның ерекше бақылауда екенін тілге тиек етті. Себебі қала шекарасының кеңеюі мен демографияның өсуі жаңа мектептің қажеттілігіне жол ашты. Жаңа мектеп бой көтерсе, орын тапшылығы мәселесін шешуге мүмкіндік береді.
Бұл ретте облыс әкімі мемлекеттік бағдарлама аясында республикалық бюджеттен бөлінген қаржының мақсатты игерілуі қатаң бақылауда екенін жеткізді. Сондай-ақ, нысан құрылысына жауапты мердігер мекеме басшысына жұмысты сапалы әрі уақытында аяқтауды тапсырды.
Айта кетейік, министр Серік Шәпкенов өңірге жасаған іссапары кезінде Сырдария, Жалағаш, Қармақшы мен Қазалы аудандарына барады.
<img src="https://kyzylorda-news.kz/wp-content/uploads/2021/10/249502197_3843232342446473_1007493192738490037_n.jpg" alt="" />
<img src="https://kyzylorda-news.kz/wp-content/uploads/2021/10/strojka-1.jpg" alt="" />
<img src="https://kyzylorda-news.kz/wp-content/uploads/2021/10/250304871_3843232349113139_3858341733496649199_n.jpg" alt="" />
<img src="https://kyzylorda-news.kz/wp-content/uploads/2021/10/250311980_3843232345779806_8127532872419844894_n.jpg" alt="" />

ҚР Еңбек және халықты әлеуметтік қорғау министрі Қызылордаға келді

<a href="https://kyzylorda-news.kz/">Kyzylorda-news.kz.</a> «Тұлпар мініп, ту алған!» байқауының Қызылорда облысы бойынша байқаудың қалалық, аудандық кезеңдері өз мәресіне жетті. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Байқау 6-10 сынып оқушылары арасында «Едіге батыр» жырын жатқа айтудан өтуде. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқаудың қалалық, аудандық кезеңдеріне облыс бойынша 662 мұғалім дайындаған 713 оқушы қатысып, жүлделі орындарға ие болған 24 оқушы облыстық кезеңіне жолдама алды.
«Тұлпар мініп, ту алған!» байқауының Қызылорда қаласы мен аудандарда өткен алғашқы кезеңінің жеңімпаздары төмендегідей.
Қызылорда қаласы бойынша: 
1 орын – №271 орта мектептің 7-сынып оқушысы Жаннұр Аман, дайындаған мұғалімі Гайнегул Аймыратова; 
2 орын – №187 мектептің 8-сынып оқушысы Жансая Төлеп, дайындаған мұғалімі Баян Мұрынбаева; 
3 орын – №189 мектеп гимназиясының 8-сынып оқушысы Аяулым Мұханбетжан, дайындаған мұғалімі Анар Баймаханова.
<img src="https://kyzylorda-news.kz/wp-content/uploads/2021/10/e0f38050-ec06-4f40-b433-1dcdca3caaeb.jpg" alt="" />
Қызылорда қаласы бойынша жеңімпаздар
Жаңақорған ауданы бойынша: 
1 орын – №247 орта мектептің 8-сынып оқушысы Кәусар Есіркеп, дайындаған мұғалімі Қалдықыз Нұртазаева; 
2 орын – №125 мектептің 9-сынып оқушысы Әсел Ыбырайхан, дайындаған мұғалімі Сымбат Алшынбекова; 
3 орын – №193 мектептің 9-сынып оқушысы Жансая Сәрсенбайқызы, дайындаған мұғалімі Тұрғанай Дүйсенова.
<img src="https://kyzylorda-news.kz/wp-content/uploads/2021/10/fe1bd3ed05d9596b22103fbcbdd97718.png" alt="" />
Жаңақорған ауданы
Шиелі ауданы бойынша: 
1 орын – №181 орта мектептің 10-сынып оқушысы Ақзерек Исмайлова, дайындаған мұғалімі Мөлдір Әбсұлтанова; 
2 орын – №149 мектептің 9-сынып оқушысы Құралай Исаханова, дайындаған мұғалімі Ләззат Түменбаева; 
3 орын – №251 мектептің 9-сынып оқушысы Мөлдір Мұзарапова, дайындаған мұғалімі Ұлжан Бименді.
<img src="https://kyzylorda-news.kz/wp-content/uploads/2021/10/69eb00e3-a255-44a4-8bf9-a155745fbbb5-1-1.jpg" alt="" />
Шиелі ауданы
Сырдария ауданы бойынша: 
1 орын – №137 орта мектептің 9-сынып оқушысы Жәмила Әбсаттар, дайындаған мұғалімі Асылзат Тұрсынбаева; 
2 орын – №130 мектептің 8-сынып оқушысы Сағындық Балғабайұлы, дайындаған мұғалімі Роза Қараева; 
3 орын – №135 мектептің 7-сынып оқушысы Жанбике Асхатқызы, дайындаған мұғалімі Гүлнар Тәжімұратова.
<img src="https://kyzylorda-news.kz/wp-content/uploads/2021/10/0941df37-afbb-489d-b190-a5b290230afb.jpg" alt="" />
Сырдария ауданы
Жалағаш ауданы бойынша: 
1 орын – №117 орта мектептің 9-сынып оқушысы Ақнұр Қоңтай, дайындаған мұғалімі Гүлзат Дабылова; 
2 орын – №122 мектептің 10-сынып оқушысы Жанерке Серікбай, дайындаған мұғалімі Шұғыла Дүйсебаева; 
3 орын – №117 мектептің 8-сынып оқушысы Жұмағали Таңсұлу, дайындаған мұғалімі Ақгүл Алмағамбетова.
<img src="https://kyzylorda-news.kz/wp-content/uploads/2021/10/fb_img_1635336838596-1.jpg" alt="" />
Жалағаш ауданы
Арал ауданы бойынша: 
1 орын – №263 мектептің 6-сынып оқушысы Көпберген Қарақат, дайындаған мұғалімі Айнагүл Кузенова; 
2 орын – №73 мектептің 10-сынып оқушысы Қарақат Берікқызы, дайындаған мұғалімі Нұрсұлу Ибраева; 
3 орын – №82 мектептің 10-сынып оқушысы Нұрислам Жұмадин, дайындаған мұғалімі Айнұр Төлегенова.
<img src="https://kyzylorda-news.kz/wp-content/uploads/2021/10/249518610_1268520586893782_6924819230543040497_n-1.jpg" alt="" />
Арал ауданы
Қазалы ауданы бойынша: 
1 орын – №170 орта мектептің 10-сынып оқушысы Гаухар Әзен, дайындаған мұғалімі Жадыра Кушекпаева; 
2 орын – №170 мектептің 6-сынып оқушысы Гүлназ Жеңісбек, дайындаған мұғалімі Балагүл Орынбаева; 
3 орын – №93 мектептің 8-сынып оқушысы Құндызай Болатбай, дайындаған мұғалімі Ұлпан Тәуекелова.
<img src="https://kyzylorda-news.kz/wp-content/uploads/2021/10/a60835cf-f71a-4ea4-a9cc-bb0cd2a3b399.jpg" alt="" />
Қазалы ауданы
Қармақшы ауданы бойынша: 
1 орын – №274 мектептің 8-сынып оқушысы Жания Болатова, дайындаған мұғалімі Набат Алденова; 
2 орын – №99 мектептің 10-сынып оқушысы Жолдас Аманжол, дайындаған мұғалімі Лаура Демеуова; 
3 орын – №109 мектептің 10-сынып оқушысы Нұрлыайым Кәрібаева, дайындаған мұғалімі Валя Сүйеубаева.
<img src="https://kyzylorda-news.kz/wp-content/uploads/2021/10/8ca2f9c5-ba0d-45df-a8d7-eabb3f6a7d15-1.jpg" alt="" />
Қармақшы ауданы
Аудандық-қалалық кезеңде І орын еншілегендерге 150 мың, ІІ орын 100 мың, ІІІ орын иегерлеріне 50 мың теңгенің сертификаты табысталды.
Айта кетейік, байқаудың облыстық кезеңін 2021 жылдың 10 қарашасында өткізу жоспарланған. Облыстық кезеңде үздік шыққан І орын иегеріне 750 000 теңге, ІІ орынға 350 000, ІІІ орын үшін 200 000 теңге қаржылай сый беріледі. Облыстық деңгейдегі жеңімпаз оқушылардың мұғалімдеріне де сый қарастырылған: І орынға 1 500 000 теңге, ІІ орын иегеріне 700 000, ІІІ орынды еншілеген қатысушының мұғаліміне 400 000 теңге беріледі.

«Тұлпар мініп, ту алған!»: Қызылорда облысы бойынша байқаудың қалалық, аудандық кезеңдері аяқталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; «Тұлпар мініп, ту алған!» байқауының Қармақшы аудандық кезеңі аяқталды. Жосалы кентіндегі аудандық мәдениет үйінде ткен байқауда аудан мектептері бойынша 74 оқушы «Едіге батыр» жырын жатқа айтудан жарысып, бақ сынады.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Байқаудың ашылу салтанатында «Nur Otan» партиясы Қармақшы аудандық филиалы төрағасының бірінші орынбасары Дастан Буханов құттықтау сөз сөйледі. Сондай-ақ, «Дарын» қосымша білім беру орталығы директорының орынбасары Гүлжахан Сағындыққызы, талапкерлерге сәттілік тіледі.
Байқауға «Nur Otan» партиясы Қармақшы аудандық филиалы төрағасының бірінші орынбасары Дастан Буханов, «Nur Otan» партиясы Қармақшы аудандық филиалының сарапшы маманы Нұрсұлтан Айтбайұлы, аудандық білім бөлімі басшысының міндетін атқарушы Гульзия Дуйсембаева, халықаралық «Қазақ тілі» қоғамының Қармақшы аудандық филиалы төрайымы Күлжауһар Раева, аудандық жыраулар үйінің маманы Айдынбек Скендіров, аудандық жастар ресурстық орталығының директоры Сырым Әділбеков, «Qazaq Epos» қоғамдық қорының өкілі Нұрсұлтан Қаражан қазылық етті.
Сайыста оқушылардың жырды жатқа айтқа айту барысында кідірмей, мүдірмей оқуы, жырды толық жаттауы ескерілді.
Нәтижесінде, қазылар шешімімен Қармақшы ауданы бойынша келесі оқушылар жеңімпаз атанды: 
1 орын(150 мың теңге) – №274 мектептің 8-сынып оқушысы Жания Болатова, дайындаған мұғалімі Набат Алденова; 
2 орын(100 мың теңге) – №99 мектептің 10-сынып оқушысы Жолдас Аманжол, дайындаған мұғалімі Лаура Демеуова; 
3 орын(50 мың теңге) – №109 мектептің 10-сынып оқушысы Нұрлыайым Кәрібаева, дайындаған мұғалімі Валя Сүйеубаева.
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.
<img src="https://kyzylorda-news.kz/wp-content/uploads/2021/10/8ca2f9c5-ba0d-45df-a8d7-eabb3f6a7d15.jpg" alt="" />

«Тұлпар мініп, ту алған!»: Қармақшы ауданы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазақстан мектептерінде бірінші тоқсан аяқталуға таяды. Күзгі демалыс 1 қарашада басталады.
Мектептердегі демалыс 1-7 қараша аралығында бір аптаға созылады, деп хабарлады білім және ғылым министрлігінің баспасөз қызметі.
Демалыс басталар алдында мектептерде БЖБ және ТЖБ өткізіледі, содан кейін тоқсанға қорытынды баға қойылады.
Білім министрлігінің мәліметінше, биылғы оқу жылында 30% мектеп бір ауысымда оқуға ауысты.
Мектептердің 68%-інде оқыту екі ауысымда жүргізіледі, ал мектептердің қалған 2%-інде оқу процесі үш ауысымда ұйымдастырылған.

Оқушылар неше күн демалады?

<a href="https://kyzylorda-news.kz/ru/obshestvo/">Kyzylorda-news.kz</a>. Қазақконцерттің ресми атауы ауысты. Еліміздің бас концерттік ұйымына КСРО және Қазақстанның халық әртісі, Халық қаһарманы Роза Бағланованың есімі берілді, деп хабарлайды ҚазАқпарат.
Қазақконцерттің атауы ҚР Үкіметінің 17 тамыздағы қаулысына сәйкес ауысты.
2022 жылы қазақтың бұлбұл әншісі Роза Бағланованың туғанына 100 толуына орай Мемлекет басшысы Қасым-Жомарт Тоқаев ұлы әншінің есімін халық жадында мәңгі сақтау үшін шараларды қабылдауды тапсырғаны белгілі.
Ұйым басшысы Жеңіс Сейдуллаұлы мәлімдегендей, Қазақконцерт ұжымы үшін бұл – өзекті тапсырма.
<blockquote>
 – Қазақконцерт тарапынан ұйымға Роза Бағланованың есімін беру мәселесін қарастыру жөнінде Мәдениет және спорт министрі А.Райымқұлованың атына хат жолданған болатын. Бұл игі бастаманы халық әртістері, Қазақконцерт құрамында өнер көрсетіп жүрген еліміздің еңбек сіңірген қайраткерлері, мәдениет үздіктері мен жас таланттар бірден қолдады. Олардың қатарында: Бибігүл Төлегенова, Нұрғали Нүсіпжанов, Мұрат Құсайынов, Ақжол Мейірбеков, Алтынбек Қоразбаев, Роза Рымбаева, Айман Мусахаджаева, Нағима Есқалиева, Мақпал Жүнісова, Айжан Нұрмағамбетова, Бағдат Самединова, Жеңіс Ысқақова, Құрмаш Махан, Азамат Жылтыркөзов, Ерлан Рысқали, Медет Чотабаев, Әміре т.б. орындаушылар бар. Аталған шара Роза Бағланова есімінің ұлт жадында, келешек ұрпақтың есінде мәңгі сақталуына және уақыт өткен сайын қайта жаңғырып отыруына елеулі үлес қосады деп білеміз, – деп жеткізді Жеңіс Сейдуллаұлы.
</blockquote>
Өткен концерттік маусымда өзінің 60 жылдық мерейтойын атап өткен Қазақконцерттің тарихына үңілсек, Роза Бағланова бұл ұйымда 1960 жылдан бастап, өмірінің соңына дейін жемісті еңбек еткен.
Қазақконцерттің негізін қалаушылардың бірі, ұйымның әншісі болып қазақтың ән өнерін дамытуға өлшеусіз зор үлес қосты.
Көзі тірісінде аты аңызға айналған Роза Тәжібайқызы майдан даласында ән салып, әсем даусымен бүкіл әлемді тамсандырды.
Бар ғұмырын халқына арнаған Роза Бағланова бойындағы талантымен қазақ өнерінің ұлылығын паш етіп, еліміздің рухани байлығын асқақтата түсті.

«Қазақконцерт» ұйымына Роза Бағланованың есімі берілді

<a href="https://kyzylorda-news.kz/ru/obshestvo/">Kyzylorda-news.kz</a>. Бойынан өнер, қабілет байқалған өскіннің білім көкжиегін кеңейтетін «Тұлпар мініп ту алған!» байқауының Қазалы аудандық кезеңінде Әйтеке би кентіндегі №170 мектептің оқушылары, апалы-сіңілі Гауһар Әзен мен Гүлназ Жеңісбек жеңімпаз атанды.
Қазіргі таңда Гауһар оныншы сыныпта, Гүлназ алтыншы сыныпта оқиды. Осы уақытқа дейін екеуі де түрлі пәндік олимпиадалар, өнер-білім жарыстарынан жүлдесіз қайтқан емес.
Гауһар Әзен қазақ әдебиеті мен интелектуалды сайыстардан құралақан емес. Жыр алыптарын насихаттауға бағытталған “Қадыр Мырза Әлі”, “Мұқағали Мақатаев” оқуларының бірнеше мәрте жүлдесін жеңіп алғаны өз алдына бір төбе. Қызылорда қаласына 200 жыл толуына орай өткізілген шығармалар байқауының аудандық кезеңінде жеңімпаз атанып, облыстан үшінші орынды қанжығалады. Ол аз десеңіз, Түркістан қаласында ұйымдастырылған “Яссауитану” халықаралық байқауында қаржылай сертификаттың иегері болды. Гүлназ да айтулы додаларда топ жарып келеді.
Дарынды қыздарға дара жол сілтеп, тәрбиесін келістіріп отырған анасы Күләш Аймағамбетова. Әкесі Жеңісбек Аралбаев жеке тірлігі бар, ауданға танымал кәсіпкер. Балаларының барлық жолсапарлары мен білім алуға деген талпынысына әрдайым қолдау көрсетіп отырады.
Оларды жарыс жолында баптап, аянбай тер төккен мұғалімдері Жадыра Көшекбаева мен Балагүл Орынбаева ауданға, облысқа белгілі талай білгірді баптаған білікті ұстаздар.
Ағайындылар «Тұлпар мініп ту алған!» байқауына 2019 жылы қатысып, екеуі де аудандық кезеңде жеңімпаз атанған. Ал, Гауһар облыстық кезеңде жүлделі үшінші орынды иеленген. Биыл да байқаудың аудандық кезеңінде өнерімен дараланып, Гауһар Әзен бірінші орынды, Гүлназ Жеңісбек екінші орынды иеленді.
Қос дарын осылайша байқаудың облыстық кезеңіне жолдама алды. Көпшілікке үлгілі отбасынан шыққан дарынды қыздарға сәттілік тілейміз!

«Тұлпар мініп ту алған!»: Қазалылық апалы-сіңілі оқушылар облыстық кезеңге жолдама алды

Наурызбай Байқадамов: Қоғам салмақты ойлауды ұмытпауы керек

<a href="https://kyzylorda-news.kz/ru/obshestvo/">Kyzylorda-news.kz</a>. 1 қазанда Халық санағының екінші кезеңі басталды. Санақтың II-кезеңі 1 – қыркүйектен басталып 30 – қазанға дейін жүргізіледі. Ал, онлайн санақтың қорытындысы бойынша облыста 437738 адам халық санағынан өтіп, 53,2 пайызды құрады. Қазақстан Республикасы бойынша Қызылорда облысы онлайн санақтан өту рейтингісінде екінші орында. Бұл туралы Өңірлік коммуникациялар қызметінде өткен брифингте Қызылорда облысы әкімінің орынбасары Балжан Шаменова баяндады.
<blockquote>
 «Халық санағы-мемлекеттік дәрежеге ие, көптеген сұрақтарға жауап беретін саяси іс-шара. Ұлттық халық санағының негізгі логотипі мен девизі бұл – Қазақстанда әркім маңызды. Санақ нәтижесі бойынша алынған деректер демографиялық үрдістерді өлшеуге, салыстыруға, талдауға және ағымдарын болжауға мүмкіндік береді. Биылғы өткізіліп жатқан халық санағының алдыңғыларының өз ерекшеліктері бар. Бірінші рет санақ онлайн форматта жүргізілуде. Онлайн санаққа қызылордалықтар белсенді қатысып, республика бойынша алдыңғы қатарда», – деді облыс әкімінің орынбасары Балжан Мөрәліқызы.
</blockquote>
Өңіріміздегі барлық 108 санақ учаскелері, эпидемиологиялық талаптар сақталынды, жүргізетін персоналдар вакцинацияланған және қажетті құрал-жабдықтармен маскалармен және дезинфекциялаушы заттармен қамтамасыз етілді. II-кезеңдегі сұқбатшылардың қауіпсіздігін қамтамасыз ету мақсатында, әрбір санақ учаскелеріне полиция департаментінің учаскелік инспекторлары бекітілген. Сонымен қатар, сұқбатшылар 1-30 қазан аралығында Қызылорда қаласындағы қоғамдық көліктерде тегін жүру қарастырылған. Облыс көлемінде орналасқан жабық мекемелер толығымен онлайн санақтан өтті.
<blockquote>
 «Қазіргі таңда, II – кезеңде санақ бөлімінің жұмыстарына 4 адам, 41 нұсқаушы, 138 нұсқаушы-бақылаушы, 1 – ші қазаннан бастап 758 сұқбатшылар уақытша жұмысқа тартылды. Бүгінде планшет құрылғысы оффлайнмен санақтан өткен халықтың саны 358828 адам немесе 43,6 пайыз құрап отыр. Облысымыздағы халықтың жалпы халық санағынан өтуі 96,8 пайыз немесе 796566 адамды құрады»-,деді Облыстық статистика департаментінің басшысы Мариям Баекеева.
</blockquote>
<img src="https://kyzylorda-news.kz/wp-content/uploads/2021/10/250268649_1401228866939288_3433479197680570827_n.jpg" alt="" />

Қызылордалықтардың 96,8 пайызы ұлттық санақтан өтті

<a href="https://kyzylorda-news.kz/ru/obshestvo/">Kyzylorda-news.kz</a>. «Рухани жаңғыру» қазақстандық қоғамдық даму институты» КЕАҚ ұйымдастыруымен «Рухани жаңғыру» бағдарламасын іске асыру бойынша республикалық онлайн семинар өтті. Семинарға бағдарламаны жүзеге асыруға жауапты мемлекеттік органдардың басшылары, облыс, қала және аудан әкімдерінің орынбасарлары қатысты.
Вебинар жұмысы барысында «Рухани жаңғыру» бағдарламасын халық арасында кеңінен насихаттау бойынша жұмыстарды жетілдіру, бағдарламаны ғылыми сүйемелдеу, сарапшылық және әдістемелік қамтамасыз етілуін өзектендіру. Қызылорда облысының ғылыми негізделген жұмыс бағытының тәжірибесі өңірлерге үлгі есебінде таныстырылды.
Маңызды жиында сөз алған облыстық ішкі саясат басқармасының басшысы Мира Қазбекова Сыр өңірінде «Рухани жаңғыру» бағдарламасы бойынша жасалып жатқан жұмыстарды баянады.
<blockquote>
 «Рухани жаңғыру» орталығы 2021 жылдың басында қайта құрылды. Бүгінде онда 19 маман бар. Оның 2-і ғылым кандидаты 1-і PhD докторы және 2-і ғылым магистрі. Орталықты қайта құру және құрылымын жасақтау барысында ғылыми сүйемелдеу жұмыстарына ерекше назар аудардық. Мақсатымыз бағдарламаны түсіндіруде ғылыми негізделген кешенді жұмыстарды жүргізу және түрлі ұйымдар мен мекемелерге әдістемелік қолдау көрсету. Орталықтың үйлестіруімен облысқа белгілі ғалымдарды біріктірген «Ғылыми-сарапшылық» топ құрылды. Топ мүшелері бүгінде бағдарламаның ғылыми-теориялық және әдістемелік жағынан негіздеуге қолдау көрсетуде. 
 «Рухани жаңғыру» бағдарламасы мен Президентіміз Қасым-Жомарт Тоқаевтың «Тәуелсіздік бәрінен қымбат» мақаласы негізінде, Тәуелсіздігіміздің 30-жылдығы мерейлі датасы аясында «Сыр жұрты» танымдық-пассионарлық жобасы әзірленген болатын. Жобаның басты мақсаты өңірдің тарихи – саяси және мәдени – рухани даралығын айшықтау арқылы, өскелең жас ұрпақты отаншылдық рухта тәрбилеп, білім мен ғылымға қызығушылығын артыру. Тәуелсіздіктің құндылықтары арқылы, жаңғыру кезеңіндегі адамның жаңа болмысын қалыптастыру, – деді басқарма басшысы Мира Жомартқызы.
</blockquote>
Сөз соңында басқарма басшысы Бағдарламаны теориялық әрі әдістемелік қамтамасыз ету үшін Республикалық деңгейде Ғылыми-сарапшылық Кеңес құрудың, өңірлерде Ғылыми-сарапшылық топтарды қалыптастыру қажеттігі туралы ұсынысын ортаға салып, «Бұл бағдарламанының ғылыми, сарапшылық және әдістемелік қамтамасыз етілуін арттырып, нәтижелі жұмыстарға қол жеткізудің ең тиімді жолы», – деп атап өтті.
<img src="https://kyzylorda-news.kz/wp-content/uploads/2021/10/250365764_1401246036937571_5160814581471929640_n.jpg" alt="" />

«Рухани жаңғыру»: Қызылорданың жұмыс бағыты өңірлерге үлгі есебінде таныстырылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 2141 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 400,
Алматы қаласы – 322,
Шымкент қаласы – 40,
Ақмола облысы – 153,
Ақтөбе облысы – 74,
Алматы облысы – 95,
Атырау облысы – 11,
Шығыс Қазақстан облысы – 188,
Жамбыл облысы – 17,
Батыс Қазақстан облысы – 315,
Қарағанды облысы – 67,
Қостанай облысы – 25,
Қызылорда облысы – 43,
Маңғыстау облысы – 72,
Павлодар облысы – 126,
Солтүстік Қазақстан облысы – 144,
Түркістан облысы – 49.
Қазақстан бойынша жазылғандар саны – 881124.

Қазақстан және Қызылорда облысының жаңалықтары