<a href="https://kyzylorda-news.kz/">Kyzylorda-news.kz.</a>&nbsp;25-27 маусымына арналған ауа райы болжамы жарияланды.
Солтүстік-батыс циклонының терең жырасы және онымен байланысты фронтальді бұлттылық алқаптары, өзімен бірге қысқа мерзімді жаңбыр, найзағай, қатты жел мен бұршақты ала келеді. Тек еліміздің батыс және солтүстік-батыс өңірлері ғана скандинавиялық антициклон жотасының әсерін сезінеді. Осылайша бұлт саны азайып, жаңбыр тоқтайды. Оңтүстікте шаңды дауыл күтіледі.
Ауа температурасының негізгі аясы күндіз келесідей күтіледі: батыста +25, +35С, солтүстікте +25, +33С, орталықта +30, +37С, шығыста +27, +37С, оңтүстікте өте қатты ыстық – +40+45С.

Демалыс күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Талантты жастарды танытатын «Дарын» мемлекеттік жастар сыйлығына байқау басталды. Байқауға өтініш қабылдау 10 тамызға дейін жалғасады. «Дарын» жастар сыйлығын алуға кандидатураларды ұсынуды мемлекеттiк органдар және қоғамдық бiрлестiктердің өкілдері жүргiзедi. Бүл туралы Өңірлік коммуникациялар қызметінде өткен брифингте облыстық «Жастар ресурстық орталығы» КММ директоры Мақсат Дауылбай хабарлады.
<blockquote>
 «Дарын» мемлекеттік жастар сыйлығы – ғылым мен шығармашылықты ұштастыра білген, қоғамдық қызметте жемісті еңбегімен көзге түскен, спортты жанына серік еткен дарынды жастарды мемлекет тарапынан қолдау мақсатында ұйымдастырылады. Байқау «Әдебиет», «Ғылым» , «Дизайн және бейнелеу өнері», «Журналистика», «Классикалық музыка», «Қоғамдық қызмет», «Спорт», «Театр және кино», «Эстрада», «Халық шығармашылығы» атты 10 номинация бойынша өтеді. Бұл ауқымды байқауға 29 жасқа дейінгі халықаралық, республикалық конкурстардың жүлдегелері және қоғамды дамытуға өзіндік үлес қосқан азаматтар үміткер бола алады. Жеңімпаздарға ҚР Үкіметінің қаулысымен «Дарын» мемлекеттік жастар сыйлығының лауреаты атағы беріліп, диплом және төсбелгілермен марапатталады. Сыр елінің дарынды жастары бұл байқауда жеңімпаз болатынына сенімдімін», – деді Мақсат Дауылбайұлы.
</blockquote>
Биыл Мемлекет басшысы тағайындаған «Тәуелсіздік ұрпақтары» конкурсына 30 грант беріледі. Әрбір грантқа 3 млн. теңгеден астам қаржы ұсынылған.
2021 жылы «Тәуелсіздік ұрпақтары» грантының жеңімпазы Айсана Намурадин байқау барысын баяндады.
<blockquote>
 «Ұстаздық пен қоғамдық салада белсенділік танытып, түрлі байқауларда жетістіктерге жетіп келемін. Ең үлкен жетістігім Мемлекет басшысы Қ.Тоқаевтың қолынан «Тәуелсізік ұрпақтары» грантының «Медиа» бағыты бойынша марапатталғаным. Бұл грант мемлекет тарапынан еліміздің өркендеуіне өз үлесін қосып жүрген белсенді жастарға қолдау деп білемін», – деді Айсана Намурадин.
</blockquote>

«Дарын» мемлекеттік жастар сыйлығына байқау жарияланды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Қазалы ауданына жұмыс сапарымен барып, жаңа үлгідегі 250 орындық емхананың ашылу салтанатына қатысты.
Аймақ басшысы тұрғындарды жаңа емхананың ашылуымен құттықтап, ауданға қажетті нысандарды салу алдағы уақытта да жалғасын табатынын жеткізді.
<blockquote>
 “Бүгін сіздермен көптен күткен ауысымына 250 келушіге арналған аудандық емхананың ашылу салтанатында жүздесіп отырмыз. 
 Бұл – тек қазалылықтар үшін ғана емес, барша облыс халқы үшін аса маңызды жаңалық. 
 Жаңа аурухана науқастарға сапалы, жоғары технологиялық медициналық көмек көрсету үшін заманауи медициналық техникамен, құралдармен жабдықталған. 
 Ресейден «Ангиограф» медициналық аппараты алынып, орнатылды. Бұл коронарография жасайтын аппарат аудандар ішінде тек Қазалыда ғана бар. 
 Бұның барлығы сіздердің сапалы дәрігерлік көмек алуларыңыз үшін жасалған игі істер”, – деді аймақ басшысы.
</blockquote>
Іс-шарада «РЗА» акционерлік қоғамының президенті, Қызылорда облысының құрметті азаматы Самұрат Имандосов жерлестерін құттықтап, жылы лебізін білдірді.
Облыс әкімі емхананың 1 қабаттағы орналасқан медициналық кабинеттердің жұмыстарымен танысты. «Жасыл дәлізден» өтіп, балалар бөлімін аралап шықты және рентген, флюрография, маммография және ФГДС кабинеттерінің жұмыстарымен танысып шығады.
Айта кетейік, емхана құрамында қабылдау бөлімі, педиатрия, жұқпалы аурулар бөлімі, рентгендік диагностикалық бөлім, ортопедия және бронхоскопия, УДЗ кабинеті сынды бөлімдерде білікті дәрігерлер мен тәжірибелі мейірбикелер қызмет көрсететін болады.
<img src="https://kyzylorda-news.kz/wp-content/uploads/2022/06/poliklinika1.jpg" alt="" />
<img src="https://kyzylorda-news.kz/wp-content/uploads/2022/06/poliklinika2.jpg" alt="" />

Қазалы ауданында 250 орындық емхана ашылды

<a href="https://kyzylorda-news.kz/">Kyzylorda-news.kz.</a> Мектеп мұғалімдеріне еңбек демалысының ақысы мен денсаулықты сауықтыру жәрдемақысын уақтылы төлемеу мәселесі «AMANAT» партиясы жанындағы Білім беру және денсаулық сақтау мәселелері жөніндегі республикалық қоғамдық кеңестің кезектен тыс отырысында қаралды.
«AMANAT» партиясының Хатшысы Жігер Қалиевтің айтуынша, орын алып отырған жағдай мемлекеттің педагогтарды қолдау үшін жұмсаған бар күш-жігерін зая кетіреді.
<blockquote>
 «Мәжіліс депутаттары мен партияның аймақтардағы қоғамдық қабылдау бөлмелеріне мектеп мұғалімдерінен еңбек демалысының ақысы мен сауықтыру жәрдемақысының толық және уақтылы төленбеу фактілері бойынша көптеген шағым келіп түсті. Партия мүшелерінің 30%-дан астамы – білім беру саласының өкілдері. Сондықтан бүгін біз партия алаңына өкілетті министрліктердің өкілдерін шақырдық және бейнеконференця байланысы арқылы барлық өңір қосылып отыр», – деді Жігер Қалиев.
</blockquote>
Бейнеконференця байланысы арқылы өткен жиынға өңірден партияның облыстық филиалының Атқарушы хатшысы Ләйлә Төрешова, партияның облыстық филиалы жанындағы «Білім беру және денсаулық сақтау» мәселелері жөніндегі қоғамдық кеңес төрағасының орынбасары Гүлнар Есқалиева және облыстық білім басқармасының басшысы Ділда Момбек қатысты.
Алқалы жиында мәселенің түп-тамырына үңіліп, оны жүйелі түрде шешу жолдары жан –жақты талқыланды.
<img src="https://kyzylorda-news.kz/wp-content/uploads/2022/06/2a785b7d-67b0-4b87-b272-75de29dafe22.jpg" alt="" />
<img src="https://kyzylorda-news.kz/wp-content/uploads/2022/06/3a8761a7-5499-4e55-91e7-d477c070ce6c.jpg" alt="" />

Мұғалімдерге еңбек демалысының ақысы уақытылы төленуі тиіс

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Аралдағы сапары барысында Аманөткел елдімекеніндегі «Camel Pro» шаруа қожалығының егістік алқабына барып, жаңбырлатып суару әдісімен танысты.
Аймақ басшысына аудан бойынша жүргізілген егін егу жұмыстары мен қуаңшылыққа қарсы атқарылып жатқан шаруалар баяндалды.
Шаруа қожалық жаңа технологиямен егіс егуге Түркия елінен 3 тонна жоңышқа тұқымын және жаңбырлатып суаратын құрылғыларын сатып алған. Қазіргі таңда жаңа жоңышқа тұқымын себуге дайындық жұмыстары жүруде. Жалпы егістік көлемі 80 гектарды құрайды.
Кәсіпкер өткен жылғы қуаңшылық салдары біраз шаруаға әсер еткенін және жаңа үлгідегі жаңбырлатып суару технологиясын өндіріске енгізу ісін әрі қарай да жалғастыратынын жеткізді.
Өңір басшысы су тапшылығын жою үшін үкіметтен 3,6 млрд. теңге қаржы бөлінгенін, оның ішінде, Арал ауданына тиесілі қаражатқа 10 дана дизельді насос алып, 7 ұңғыманы жөндеп, 4 каналды тазалау жұмыстарының жүргізілетінін атап өтті. Сондай-ақ, мал азығын дайындаудың маңыздылығына тоқталып, қажетті сұранысты аймақта өтеу керектігін тағы бір қаперге салды.
<img src="https://kyzylorda-news.kz/wp-content/uploads/2022/06/290006632_328927672761817_3424205303581345723_n.jpg" alt="" />
<img src="https://kyzylorda-news.kz/wp-content/uploads/2022/06/290073718_328927686095149_2732770389423856811_n.jpg" alt="" />

«Camel Pro» шаруа қожалығы жаңбырлатып суару әдісін қолданады

<a href="https://kyzylorda-news.kz/">Kyzylorda-news.kz.</a> «AMANAT» партиясының облыстық филиалы жанындағы «Білім беру және денсаулық сақтау мәселелері жөніндегі қоғамдық кеңестің» отырысы өтті. Онда облыс бойынша арнайы және мектеп-интернаттарында оқитын балалардың оқып, тұруына жасалған жағдайлар, аутизм және аутизм спектр бұзылыстары бар балалармен жұмыс жасау бағытындағы мәселелер талқыланды.
Күн тәртібіндегі бірінші мәселе бойынша облыстық білім басқармасы басшысының орынбасары Азиз Ізімбетов хабарлама жасап, атқарылып жатқан жұмыстарды баяндады.
Басқарма басшысының айтуынша өңірде 35 интернаттық мекемебар, онда 2474 бала тәрбиеленуде. Атап айтсақ, жетім және ата-анасының қамқорлығынсыз қалған балаларға арналған 2 интернат, 3-і арнайы түзету мектеп-интернаты, 3 балалар оңалту орталықтары, 1 санаторный мектеп-интернат, 1 девианты мінез-құлықты балаларға арналған интернат, 1 кәмелетке толмағандарды бейімдеу орталығы, 4 дарынды балаларға арналған мектеп-интернат және 20 мектеп жанындағы интернаттар. 
Олардың 8-і 2012-2015 жылдар аралығында пайлануға берілген. Соңғы 5 жылда демеушілердің есебінен 2 интернатқа, жергілікті бюджет есебінен соңғы 3 жылда 2 облыстық интернатқа күрделі жөндеу жұмыстары және 7 облыстық мекемеге ағымдағы жөндеу жұмыстары жүргізілген. 2022-2024 жылы 6 облыстық интернаттық мекемеге және 20 мектеп жанындағы интернаттық мекемелерге материалдық-техникалық базасын жаңарту жоспарға енгізілген.
<blockquote>
 Алдағы уақытта балалардың қауіпсіздігін қамтамасыз ету үшін арнайы күзет қызметін ұйымдастыру; бейнебақылау камераларымен толық жабықтау, «Қазақтелеком» АҚ-ы арқылы бұлтты бейне бақылау камераларды орнату; турникет қою шаралары қолға алынбақ. Тәрбие жұмыстарына да ерекше мін беріліп, тәжірибелі мамандардан құрылған жұмысшы топ әдістемелік көмек көрсетуде,- дейді Азиз Ізімбетов.
</blockquote>
«Асыл Мирас» Аутизм Орталығының басшысы Г.Күлетова Аутизм және аутизм спектр бұзылыстары бар балалармен жұмыс жасау барысы туралы кеңінен таныстырып өтті.
Жиын барысында «Ерекше балалар мінез-құлықты қолданбалы талдауға кіріспе: проблемалы мінез-құлықты түзету қағидалары мен аутизм спектріндегі бұзылыстар және басқа да даму ерекшеліктері бар балаларды үйрету стратегиялары» атты кітабы таныстырылып, даму ерекшеліктері түрлі балалармен жұмыс жасайтын қызметкерлерге, мемлекеттік мекемелерге және кітапханаға таратылды.
<img src="https://kyzylorda-news.kz/wp-content/uploads/2022/06/477ed7cf-a6bf-4b80-acde-721a51f23623.jpg" alt="" />
<img src="https://kyzylorda-news.kz/wp-content/uploads/2022/06/e129a586-3b64-4a70-93c6-82501519db08.jpg" alt="" />

Білім беру және денсаулық сақтау мәселелері жөніндегі қоғамдық кеңестің отырысы өтті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Арал ауданындағы жұмыс сапарында Қаратерең елді мекеніне қарасты Ақлақ су тоспасына барып, жағдайды бақылады.
Алдымен аймақ басшысы ауыл тұрғындарымен кездесіп, ұсыныстарын тыңдады.
Су тоспасының жағдайымен танысқан облыс әкімі өткен аптада Мәжілістегі Парламенттік тыңдауда депутаттардың назарына су шаруашалығының өзекті проблемалары мен Арал теңізінің қазіргі ахуалын көтергенін айтып, алдағы уақытта нақты қолдау шараларының болатынын жеткізді.
2003 жылы салынған Ақлақ су тоспаның қыс-көктем мезгілінде мұз жүру әсерінен салынған 9 мұзжарғыштың 5-і құлап, су астына кеткен. 2021 жылы «Қазсушар» РМК Қызылорда филиалы мен Қызылорда обылысының төтенше жағдайлар департаментінің қызметкерлерімен бірлесіп су асты визуалды тексеру жұмыстары жүргізілді. Нәтижесінде, мұзжарғыштардың ойылып, сумен шайылғандығы анықталған.
Су тоспасының жағдайымен танысқан аймақ басшысы жауапты сала басшыларына нақты тапсымалар жүктеп, нысанның су өткізу жағдайын реттеуді міндеттеді.
<img src="https://kyzylorda-news.kz/wp-content/uploads/2022/06/290090935_328921462762438_3244782399804643500_n.jpg" alt="" />

Қызылорда облысының әкімі Ақлақ су тоспасының жағдайымен танысты

<a href="https://kyzylorda-news.kz/">Kyzylorda-news.kz.</a>&nbsp;Теңізді өлкенің тыныс-тіршілігі балық шаруашылығымен тығыз байланысты. Облыс әкімі Арал ауданы халқымен кездесуінде де осы мәселеге ерекше назар аударды.
Нұрлыбек Нәлібаев соңғы уақытта заңсыз балық аулау әрекеттерінің көбейіп кеткенін айтып, Мемлекет басшысының браконьерлік әрекеттерге тыйым салып, балық өсіріп, оны өңдейтін кәсіпорын құруға қолайлы жағдай жасауды тапсырғанын тілге тиек етті.
Жұмыс сапары барысында аймақ басшысы «Қамыстыбас» балық питомнигіне арнайы барып, цехтың жұмысымен және уылдырық шайқау процесімен танысты. Одан әрі кермеше арқылы балық аулау және сырғалау рәсіміне қатысты.
Өңір басшысы балық шаруашылығының аймақ үшін маңыздылығына тағы бір тоқталып, балық түрлерін көбейтудің маңызды екенін жеткізіп, тиісті жұмыстардың дұрыс үйлестірілуін тапсырды.
<blockquote>
 «Питомникке қарасты «Қосжар» бөлімшесінде 10 балық өсіру тоғаны бар, оның 3-еуі қыстық тоған. «Тастақ» бөлімшесінде 23 өсіру тоғанын пайдаланып отырмыз. Тоғандардың жалпы ауданы 165 гектарды құрайды. Қазіргі таңда 14 млн-ға жуық бір жаздық және 420 мың екі жаздық балық шабақтары өсірілуде. Мұнда тұқы, ақ амур және дөңмаңдай деп аталатын балық түрлері бар. Өсірілген балықты теңіз бен Қамыстыбас көліне күз айларында жібереміз. Бір қуаныштысы, былтырғыдай су тапшылығы биыл орын алмады. Тоғандарға су жіберуде әзірге қиындық жоқ», – дейді бас балық өсіруші Шынболат Күлмашов.
</blockquote>
<img src="https://kyzylorda-news.kz/wp-content/uploads/2022/06/289891376_328869246100993_6562471637218033040_n.jpg" alt="" />
<img src="https://kyzylorda-news.kz/wp-content/uploads/2022/06/balyk.jpg" alt="" />
<img src="https://kyzylorda-news.kz/wp-content/uploads/2022/06/wyldyryk.jpg" alt="" />

Шынболат Күлмашов: Тоғандарға су жіберуде әзірге қиындық жоқ

<a href="https://kyzylorda-news.kz/">Kyzylorda-news.kz.</a>&nbsp;Аймақ басшысы тұрғындармен кездескен сайын азық-түлік бағасын тұрақтандыру үшін әр ауылдың мүмкіндігіне қарай көкөніс және бақша өнімдерін өндіру үшін бос жатқан жерлерді икемдеп, егін егуге ынталы азаматтарға бөліп беру қажеттігін айтып келеді. Облыс әкімінің тапсырмасы негізінде бұл жұмыстар барлық ауданда іске асырылуда. Мәселен, Арал ауданында 70,5 гектар жерге қосымша егін егілген.
Облыс әкімі Нұрлыбек Нәлібаев Ескіұра елді мекеніне арнайы барып, егістік жұмыстарымен танысты.
Өңір басшысы ауыл тұрғындарына ризашылығын білдіріп, бұл шараның азық-түлікке сұраныстың көлемін айтарлықтай төмендететінін тілге тиек етті. Елді мекендегі 10 отбасы 11,5 гектарды құрайтын егістік алқабына 3 гектар картоп, 4 гектар жаңа жоңышқа, 1,2 гектар көкөніс, 3,3 гектар бақша дақылдарын еккен.
Облыс әкімі қазіргі кезде егісті әртараптандырудың маңызды екенін және әр ауылдың өзіндік ерекшелігін ескере келе, өнімділікті көбейту қажеттігін баса айтты. Сондай-ақ, арналарға су жеткізу, насос қондырғыларын уақытылы алу мәселесін жеделдетуді тапсырды.
Айта кету керек, биыл егіншілік саласына 4,3 млрд. теңге, мал шаруашылығын субсидиялауға 4 млрд. теңге қаржы қаралды. Мемлекеттік қолдау шараларының арқасында мал басы санында өсім бар. Мәселен, Арал ауданында ет 103,3%, сүт 102,1%, мал басы 100-105% аралығында өсті. Ендігі кезекте мал өнімдерін өндірумен бірге оны терең өңдеуге ерекше мән берілмек.
<img src="https://kyzylorda-news.kz/wp-content/uploads/2022/06/eskiwra.jpg" alt="" />
<img src="https://kyzylorda-news.kz/wp-content/uploads/2022/06/290122187_328858326102085_1037646081061767300_n.jpg" alt="" />

Аймақ басшысы Ескіұра ауылындағы егіс алқабына барды

<a href="https://kyzylorda-news.kz/">Kyzylorda-news.kz.</a>&nbsp;Астық өңдеушілер одағының президенті Әлихан Талғатбектің айтуынша, ұнның тоннасы 250 мың теңгеге дейін өсуі ықтимал. Өйткені ақпанда тоннасы 120 мың теңгеден алынған астық қоры таусылды. Енді тоннасы 170 мың теңгеден алынған астық өңделеді дейді сала маманы. Бұл барлық ұн өнімдерінің бағасына ықпал етері сөзсіз.
<blockquote>
 «Ресей ұн экспортына шектеу енгізгендіктен соңғы бірнеше айда қазақстандық диірмендердің 80 пайызының жұмысы тоқтатады. Салдарынан біз Тәжікстан мен Өзбекстан нарығын жоғалттық. Бұл мемлекеттерге жіберілетін ұн экспортының көлемі қысқарды. Аталмыш нарықты ресейлік кәсіпорындар жаулап алды. Өйткені баға жағынан біз бәсекелесе алмаймыз», – дейді одақ президенті Әлихан Талғатбек.
</blockquote>
Одақ ақпаратына сай, биыл ақпан-маусым аралығында ұнның тоннасы 160 мың теңгеден 220 мыңға дейін өсті.
<blockquote>
 «Бұл бұрынғы бағадан 37,5%-ке жоғары. Шілдеде біз ұнның бағасын тағы өсіруге мәжбүрміз. Өйткені астықтың тоннасы 170 мың теңгеге дейін жетті. Сондықтан ұнның тоннасын 220 мыңнан 250 мың теңгеге дейін көтереміз. Баға шамамен 23%-ке өседі. Тізбектей келе бұл ұн өнімдерінің қымбаттауына әкеледі», – дейді Қазақстанның астық өңдеушілер одағының президенті Әлихан Талғатбек.
</blockquote>
<a href="https://baq.kz/elimizde-shildede-un-qymbattauy-mumkin-281579/">Baq.kz</a>

Шілдеде ұн қымбаттауы мүмкін

<a href="https://kyzylorda-news.kz/">Kyzylorda-news.kz.</a>&nbsp;Бүгінгі күні облыс әкімінің ірі кәсіпорын жұмыс берушілерімен еңбек ұжымдарында әлеуметтік ахуалдың тұрақтылығын қамтамасыз етуге бағытталған үшжақты меморандумдар жасау жөніндегі игі бастама істері жалғастырылуда.
Аймақ басшысының тапсырмасына сәйкес өңірдегі әр саланың ірі кәсіпорын басшыларымен облыс әкімінің орынбасары Мархабат Жайымбетов кездесу өткізді.
Кездесу барысында Мархабат Жайымбетұлы жұмысшылардың еңбек құқықтарын қорғау, жұмыс орындарындағы еңбек жағдайын жақсарту, қауіпсіз еңбек жағдайларын жасау және табысын арттыру басты назардағы мәселе екендігіне тоқталды.
Жалпы өңірдегі ірі кәсіпорындар облыста 23 мыңға жуық адамды жұмыспен қамтып, оларға қосымша әлеуметтік қолдау көрсетіп келе жатқандығын айтып, алдағы уақытта осы еңбек ұжымдарында әлеуметтік ахуалдың тұрақтылығын қамтамасыз ету үшін әрбір жұмыс беруші қызметкерлеріне қолайлы еңбек жағдайларын жасап, жалақыларын кезең-кезеңімен көбейту бойынша шаралар қабылдауы қажет екендігін атап өтті.
Сонымен бірге, ірі кәсіпорын басшыларын бизнестің әлеуметтік жауапкершілігін арттыруға, түрлі әлеуметтік жобалар мен әлеуметтік нысандар салу арқылы халықтың әл-ауқатын көтеруге бағытталған игі істер жасауға шақырды.
Жиын соңында облыс әкімдігі, ірі кәсіпорын жұмыс берушілері мен облыстық кәсіподақ өзара ынтамақтастық туралы Меморандумдарға қол қойды.
Атап айтқанда, «СНПС- Ай Дан Мұнай», «ШалқияЦинк ЛТД», «Аэропорт «Қоркыт Ата», «Қызылорда электр тарату тораптары компаниясы» АҚ, «Кольжан», «Клиника Интертич», «Кызылқұм», «РУ-6», «Хорасан-U (Хорасан-У)», «Гежуба Шиелі Цемент Компаниясы», «Фирма Балауса», «Шаған Жер», «Қазалы теміржол ауруханасы», «ALEXEY SULTAN AKHMET», «Zhanros Drilling», «СКЗ-U», «Сыр медиа» «Ұлы Қабырға» (Кызылорда)» Бұрғылау компаниясы ЖШС-тері, ШЖҚ «Қызылордажылуэлектрорталығы» кәсіпорындарымен Меморандумдар жасалды.
Бұған дейін, облыс әкімдігі «ҚазГерМұнай» БК ЖШС, «Торғай Петролеум» АҚ, «ПетроҚазақстан Құмкөл Ресорсиз» АҚ, «Қазақстан Темір Жолы Жүк тасымалы» қосалқы бөлімі, «ҚОР» Мұнай компаниясы» АҚ, «ҚАЗПЕТРОЛ ГРУП» ЖШС, «Қуатамлонмұнай» БК ЖШС компаниялармен осы тектес меморандумдар жасасқан.
Меморандумның негізгі мақсаты – еңбек ұжымындағы әлеуметтік – еңбек жағдайы мен өндірістік процестердің тұрақтылығын қамтамасыз ету, жұмыс орындарын сақтау және персоналды жұмыспен қамтуды қамтамасыз ету жөнінде шараларды қабылдау болып табылады.

Қызылордадағы ірі кәсіпорындарда 23 мыңға жуық адам жұмыс істейді

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Жарлығының аясында Қызылорда облысының әкімі Нұрлыбек Нәлібаев аудан халқымен кездесіп, көкейде жүрген сауалдарын тыңдады.
Басқосу барысында аймақ басшысы өңірдегі негізгі міндеттер бойынша жоспарларымен бөлісіп, шешімі күттірмейтін мәселелерді ортаға салды.
<blockquote>
 «Биыл ауылдық елді мекендерді газдандыру бойынша 13 жобаны іске асыру басталды, оның 7-уін осы жылы аяқтаймыз. Нәтижесінде, 15 мыңнан астам халқы бар 7 елді мекен табиғи газға қол жеткізіп, оны тұтынатын халық санының үлесі 68 пайызға жетеді. Биыл Сексеуіл кентін газдандыру жұмыстары басталады. Жобаны келесі жылы аяқтау жоспарда бар. Арал ауданының 65 шақырым жолын жөндеуге 2,5 млрд. теңге қаржы қаралды. Бұл қаржыға Жаңақұрылыс ауылына баратын автомобиль жолының, Қызылжар мен Шөмішкөл елді мекендері арасындағы автомобиль жолының құрылысын саламыз. Сондай-ақ, Бөген-Ақлақ автомобиль жолы, Сазды, Қызылжар елді мекендеріне кіреберіс автомобиль жолы, Аманөткел ауылына баратын автомобиль жолы, Сексеуіл кентіндегі темір жол өткелінен №231 мектепке дейінгі көшеге орташа жөндеу жұмыстары бар», – деді аймақ басшысы.
</blockquote>
Мұнан бөлек, Сырдария өзені арқылы өтетін Хан учаскесіндегі қалқымалы көпір қайта жаңғыртылып, Арал қаласына кіреберіс автомобиль жолы мен қаладағы 5 көшені жарықтандыру жұмыстары басталмақ.
Жиын соңында аймақ басшысы тұрғындармен пікірлесіп, сұрақтарына жауап берді.
Кездесуде балық шаруашылығын дамыту, жол сапасын жақсарту, ауылдарға ауыз су тарту мәселелері айтылды.
<img src="https://kyzylorda-news.kz/wp-content/uploads/2022/06/290169313_329098792744705_5780272746893135838_n-1.jpg" alt="" />

Қазақстан және Қызылорда облысының жаңалықтары