Kyzylorda-news.kz. ҚР Денсаулық сақтау министрлігі соңғы тәулікте коронавирустан қайтыс болғандар статистикасын жариялады.
Оған сәйкес, 21 қаңтар күні Қазақстан аумағында 12 адам коронавирустан қайтқан. Пневмониядан кісі өлімі болмаған.
Коронавирустан ажал құшқандардың ең көбі Нұр-Сұлтан қаласында және Ақтөбе облысында – 3 адамнан.
Сондай-ақ, Ақмола облысында – 2, Алматы, Шымкент қалалары мен Қызылорда, Алматы облыстарында – бір адамнан көз жұмды. Еліміздің басқа өңірлерінде қайғылы жағдайлар тіркелген жоқ.

Қызылордада 1 науқас коронавирустан көз  жұмды

Kyzylorda-news.kz. Өткен тәулікте елде&nbsp;14 012 науқастың коронавирусқа тапсырған тесті оң нәтиже көрсетті, деп хабарлады коронавирустың таралуына&nbsp;жол бермеу жөніндегі ведомствоаралық комиссия.
Аймақтар бойынша:
<ul>
<li>Нұр-сұлтан қаласы – 3460</li>
<li>Алматы қаласы – 2516</li>
<li>Шымкент қаласы – 315</li>
<li>Ақмола облысы – 1006</li>
<li>Ақтөбе облысы – 414</li>
<li>Алматы облысы – 483</li>
<li>Атырау облысы-463</li>
<li>Шығыс Қазақстан облысы – 593</li>
<li>Жамбыл облысы – 214</li>
<li>Батыс Қазақстан облысы – 558</li>
<li>Қарағанды облысы – 2036</li>
<li>Қостанай облысы – 244</li>
<li>Қызылорда облысы – 183</li>
<li>Маңғыстау облысы-189</li>
<li>Павлодар облысы – 1014</li>
<li>Солтүстік Қазақстан облысы – 189</li>
<li>Түркістан облысы – 135.</li>
</ul>

Өткен тәулікте 183 адам вирус жұқтырған

Kyzylorda-news.kz. Қазалы ауданының әкімі Мұхтар Оразбаев Сарыбұлақ ауылына арнайы барып, тұрғындармен кездесті. Халықпен кездесуге аудан әкімінің орынбасары Күнтілес Назымбеков және бірқатар мекеме-кәсіпорын басшылары да қатысты.
Ауылдық клубта өткен басқосуда Мұхтар Әуесұлы аудан орталығынан шалғай орналасқан ауылдың жағдайы үнемі назарында екенін жеткізіп, ауданда атқарылып жатқан жұмыстарды тілге тиек етті. 
Сондай-ақ, Сарыбұлақ ауылындағы клубтың жайы, елді мекендегі ауыз сумен қамтамасыз ету сияқты мәселелерді шешілу жолдары қарастырылып жатқанын айтып берді.
Өз кезегінде ауылдық ардагерлер кеңесінің төрағасы Сражадин Шамұратов сарбұлақтықтардың негізгі мәселелерінің бірі елді мекендегі ауыз су мен клуб ғимараты екенін жеткізді. 
Сонымен қатар, ардақты ақсақал Сарыбұлақ ауылының тұрғындары «басы ауырып, балтыры сыздаған» жағдайда Ақсуат ауылына баруға мәжбүр екенін білдірді.
<blockquote>
 Біз үшін бұл қиындық туғызып отыр. Себебі Ақсуат ауылына тура баратын бізде мүмкіндік жоқ. Сондықтан медициналық бекетті Басықара ауылына қаратуыңызды сұраймыз. Егер осы елдегі ағайындар ауыра қалса, жол-жөнекей Басықара ауылына немесе аудан орталығына барады. Одан бөлек, ауылға акушер керек. Бізде дайын маман да бар. Сондықтан ауылға ең болмаса жарты ставкамен болса да акушер штаты ашылу қажет, – деді Сражадин Шамұратов.
</blockquote>
Мұнан соң бірнеше ауыл тұрғыны сөз кезегін алып, өздерінің ұсыныс-пікірлерін жеткізді. Атап айтар болсақ, №78 мектепке септик, ауылға жаңа трансформатор қажет екені айтылды. Сондай-ақ, білім ордасының оқушыларды тасымалдайтын көлігінің тозығы жеткендігі де тілге тиек етілді. 
Басқосуды қорытындылаған аудан әкімі Мұхтар Оразбаев әрбір ұсыныс-пікірге қатысты жауап беріп, мәселені шешу үшін жұмыс жасайтындығын білдірді. Сондай-ақ, шалғайдағы ауылдың тұрғындары ешқашан ескерусіз қалмайтынын жеткізді.
<img src="https://kyzylorda-news.kz/wp-content/uploads/2022/01/272286992_3260083850879206_3630535430880703637_n.jpg" alt="" />
<img src="https://kyzylorda-news.kz/wp-content/uploads/2022/01/272185012_3260084174212507_6878001897966951636_n.jpg" alt="" />

Мұхтар Оразбаев: Шалғай ауылдың мәселелері ескерусіз қалмайды

Kyzylorda-news.kz. Бүгін облыс әкімі Гүлшара Әбдіқалықова Сыр өңірінің зиялы қауым өкілдері, ардагерлер кеңесінің мүшелерімен кездесіп, пікір алмасты. Коронавирустық шектеулерге байланысты өңір басшысы ардагерлермен шағын құрамда кездесті.
Жиынға облыстық ардагерлер кеңесінің төрағасы Серік Дүйсенбаев, қоғам қайраткері, медицина саласының ардагері Тұрғанбай Маханов, мемлекет және қоғам қайраткері Биғали Қаюпов шақырылды.
Алдымен аймақ басшысы ардагерлер қай кезде де ұрпақтар сабастығын берік орнатуда парасаттылық танытып, салиқалы пікір айтып, қоғамдық өмірдің жандануына ерекше үлес қосып келе жатқанын атап өтті. Гүлшара Әбдіқалықова қайраткер азаматтардағы шақырудағы мақсат алдағы кезеңде атқарылатын жұмыстарды саралау және ортақ мәселелерді бірлесіп талқылау мен ой-пікірді тыңдау екенін жеткізді.
<blockquote>
 Қазақ халқы қай кезде де үлкенін құрметтеп, алдыңғы буын ағалардың пікіріне құлақ асып, ақсақалдармен кеңесіп отырған. Бұл ретте Сіздердің өмірден түйген тәжірибелеріңіз көп, әрбіріңіздің Сыр өңірі үшін орындарыңыз бөлек. Еліміз өзінің жаңа тарихындағы ең күрделі сәттерді өткеруде. Тәуелсіздігіміздің төртінші онжылдығына аяқ басқан алғашқы күндері ел берекесін алған дүрбелең басталып, тұтастығымыз бен елдігімізге нұқсан келтіруге бағытталған іс-қимылдар орын алды. 
 Сындарлы кезеңде Мемлекет басшысы жедел әрі батыл шешімдер қабылдап, халқымыз сын сағаттан аман өтті. Президент 11 қаңтарда Парламент Мәжілісінің жалпы отырысында тәуелсіз мемлекетімізді одан әрі дамытудың жаңа міндеттерін белгілеп, елімізде тарихи өзгерістер кезеңі басталғанын мәлімдеді. 
 Басты мақсат – күш-жігерімізді біріктіріп бар қиындықтарды еңсеру және қуатты Жаңа Қазақстанды құру. Осы ретте, өңірдегі зиялы қауым өкілдеріне артылар жауапкершілік одан әрі күшейе түсетіні анық. Сондықтан бірінші кезекте Өздеріңізбен кездесіп, кеңесіп, алдағы жоспарларымызды бірлесе жүзеге асырсақ деген ниетпен жиналып отырмыз, – деді Гүлшара Әбдіқалықова.
</blockquote>
Басқосуда медицина майталманы Тұрғанбай Маханов соңғы кездері ақсақалдар мен жастар арасындағы сабақтастықтың ажырап кеткенін айтып, ұлттық құндылықтарды дәріптеуде Ақсақалдар кеңесі мен Жастар орталығының бірлескен жұмыстарын жандандыру қажеттігін қаперге салды. Сондай-ақ, діни тұрғыда бағытынан адасып жүрген жастарға рухани тәлім-тәрбие беру ісіне де жете мән беру керектігін атап өтті. Ал, облыстық ардагерлер кеңесінің төрағасы Серік Дүйсенбаев жастардың ой-санасына әсер ететін түрлі ақпараттарға тосқауыл қойып, бірлікке үндейтін танымдық басқосуларды арттыру қажет деген ұсынысын ортаға салды.
Кездесуде ардагер Биғали Қаюпов технологиялық өзгерістер қоғамында өмір сүретін жастармен ашық дискуссия орнату қажеттігін және нақты әрекеттерге негізделген «Жаңа Қазақстан» бастамасына қолдау білдіруде барлық буынның дайын болуы тиіс екенін еске салды. Мемлекет басшысы айқындаған міндеттерді орындауда білімді, парасаты биік азаматтарды тарту қажеттілігіне тоқталды.
Жиын соңында облыс әкімі ортақ мәселелерді бірлесіп шешуде әрбір ұсыныс ескерілетінін және зиялы қауым өкілдерін Президент ұстанымына қолдау білдіруге шақырды.
<img src="https://kyzylorda-news.kz/wp-content/uploads/2022/01/fb_img_1642880107911.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642880115639.jpg" alt="" />

Гүлшара Әбдіқалықова ардагерлер кеңесінің мүшелерімен кездесті

Kyzylorda-news.kz. Қазгидромет 23 қаңтарға арналған ауа райы болжамын жариялады.
Еліміздің басым бөлігіне антициклон өз әсерін сақтайды. Тек еліміздің батысында, оңтүстігінде және орталығында фронталды бөліктер жаңбыр мен қар түріндегі жауын-шашын әкеледі.
Сондай-ақ олармен бірге желдің күшеюі және көктайғақ күтіледі. Республика бойынша кей жерлерде тұман күтіледі.
Қызылорда облысының орталығында тұман күтіледі.

23 қаңтарға арналған ауа райы болжамы

Kyzylorda-news.kz. Бас прокуратураның 1 қызмет бастығының орынбасары Елдос Қилымжанов Бас прокуратура еліміздегі орын алған лаңкестік әрекеттердің мән-жайларын және себептерін анықтау мақсатында жұмыстарын жалғастырып жатқанын жеткізді.
Оның айтуынша бүгінге жедел тергеу топтарымен 819 қылмыстық іс тергеліп жатыр. Сонымен қатар терроризм актісімен – 45, жаппай тәртіпсіздікпен—36, 15 адам өлтіру деректері тіркелген.
<blockquote>
 «Ұрлық, тонау, қаруды жымқыру, билік өкіліне қатысты күш қолдану фактілерімен қылмыстық істер тергелуде. 
 Бұл істер бойынша 970 күдікті қамауға алынып, олардың ішінде 182-сі соттың санкциясымен күзетпен ұстауға алынған, 29-на қатысты үйқамақта ұстау түріндегі бұлтартпау шаралары қолданылған. 
 464 адам терроризм және жаппай тәртіпсіздік істері бойынша ұсталды»,- деді Елдос Қилымжанов.
</blockquote>

Жаппай тәртіпсіздік: 819 қылмыстық іс тергеліп жатыр

Kyzylorda-news.kz. Қазақстандағы жаппай тәртіпсіздік кезінде 226 адам ұрлық істегені үшін, қаруды заңсыз сақтаған 60 адам, қаруларды жымқырған 39 адам, бұзақылық жасаған 25 адам, 21 адам тонау деректерімен қамауға алынған. Бұл туралы Бас прокуратураның 1 қызмет бастығының орынбасары Елдос Қилымжанов мәлімдеді.
Басқа да қылмыстық істер бойынша қолға түскен азаматтар белгілі болды.
<blockquote>
 «Осы жерде түсіндіріп өткен жөн болар, бір қылмыстық іс бойынша бірнеше адам, яғни сыбайлас қатысушылар болуы мүмкін. 
 Бұл деректер әлі де түпкілікті емес. Олар прокуратурамен ұстау негіздерін тексеру және соттарда қамауға алу істерінің қаралу нәтижесіне байланысты. 
 Атап айтқанда, 29 ұсталған адам бойынша соттармен қамауға алуға бас тартылған, олар қазір босатылды»,- деді Елдос Қилымжанов.
</blockquote>

Елдос Қилымжанов: Жаппай тәртіпсіздік кезінде ұрлыққа қатысы бар 226 адам қамалды

Kyzylorda-news.kz. Бас прокуратураның 1 қызмет бастығының орынбасары Елдос Қилымжанов Президенттің ауырлататын мән-жайлардан бөлек, жазаларды жеңілдету туралы тапсырмасына сәйкес атқарылған жұмыстарды баяндады.
Жалпы сотпен, қаңтардағы оқиғалар бойынша 9213 әкімшілік іс қаралған. 
Сот шын ниетпен өкіну және жеңілдететін мән-жайлардың болуын ескеріп 4561 адамға қатысты ескерту жасаумен шектеліп отыр.
<blockquote>
 «Прокурорлардың өтінішхаттарымен 1083 адам қамаудан босатылды, 490 айыппұл жазалары ескертуге ауыстырылды, 386 әкімшілік істері құқықбұзушылық құрамының болмауына байланысты толығымен қысқартылды. 
 Қазіргі уақытта, 362 адам әкімшілік қамаққа алынып, 1245 тұлғаларға қатысты айыппұл қолданылды»,- деді Елдос Қилымжанов.
</blockquote>

Қамауда жатқан 1083 адам  босатылды

Kyzylorda-news.kz. ҚР ІІМ Қылмыстық-атқару жүйесі комитеті төрағасының орынбасары Мейрам Аюбаев сотталғандар мен қамаудағыларды медициналық қамтамасыз ету азаматтық денсаулық сақтау органдарына берілетінін айтты.
<blockquote>
 «Мемлекет басшысының тапсырмасына сәйкес, сотталғандар мен қамаудағыларды медициналық қамтамасыз ету кезең-кезеңімен азаматтық денсаулық сақтау органдарына беріледі. Тиісті заңға қол қойылды. Медициналық қамтамасыз ету биылғы жылдың 1 шілдесінен бастап 16 тергеу изоляторында және 2023 жылы 1 қаңтардан бастап қалған 64 мекемеде берілетін болады», дейді Мейрам Аюбаев.
</blockquote>

Мейрам Аюбаев:   Қамаудағыларды медициналық қамтамасыз ету азаматтық денсаулық сақтау органдарына беріледі

Kyzylorda-news.kz. Аз күнде ел ішіне кеулеп кірген омикрон неге жылдам тарайды? «Мүмкін бұл жай ғана тұмау шығар» деп ойлап жүргендер де бар. 100-ден аса мемлекеттен анықталған бұл вирус Қазақстанды да әуреге салып тұр. Сонымен біз осы омикрон жайлы нені білуіміз керек?
Соңғы тәулікте ел бойынша 16 мыңнан астам адам вирус жұқтырды. Бұл бір апта бұрынғы дерекпен салыстырғанда 4 мыңға көп. Аурудың аз уақытта мұнша жылдам өршуіне не себеп? Мамандардың пайымдауынша, бұған коронавирустың омикрон түрінің таралуы түрткі болуы мүмкін. Өйткені індеттің бұл түрі аса қауіпті болмағанымен көз ілеспес шапшаңдықпен тарап жатыр.
<blockquote>
 “Коронавирусты инфекцияның омикрон штамының ерекшелігі – оның контагёзділігі жоғары. Контагёздік дегеніміз инфекцияның адамнан адамға жұғу қасиеті. Яғни омикрон штамының дельта штамға қарағанда жұқпалылығы 7 есе жоғары. Инкубациялық кезеңі басқа штамдарға қарағанда аз уақытты құрайды, орта есеппен 2-5 күн аралығы, – дейді дәрігер Арайлым Сайлыбай.
</blockquote>
Демек, бұрын коронавируспен ауырсаңыз, омикронның жұқпайтынына еш кепіл жоқ. Сондықтан бойыңыздан ауру белгілерін байқасаңыз дереу дәрігерге қаралыңыз, дейді мамандар. Мұның үстіне вирустың өршуіне байланысты елде жедел жәрдем шақырушылар көбейген.
<blockquote>
 “Бүгінде бізде 3 мыңға жуық мобильді топ бар. Омикронның таралуына байланысты алғашқы медициналық-санитарлық көмек ұйымдарының жүктемесі артты. Жағдайға сәйкес, олардың жұмыс жоспары қайта қаралып, колл-орталықтар тәулік бойы қызмет етуде. Алдағы уақытта жүктеме артатын болса, 1600 қосымша мобильді бригада резервте тұр”, – деді ҚР ДСМ Санитарлық-эпидемиологиялық бақылау комитетінің төрағасы Айжан Есмағамбетова.
</blockquote>
Иә, омикронмен ойнауға болмайды. Мұны әлем мамандары да мойындап отыр. Мұның үстіне “омикрон пандемияның соңғы демі болуы мүмкін” деген пікірді Дүниежүзілік денсаулық сақтау ұйымы өкілдері жоққа шығарды. Күллі әлемді үрей құшағында ұстап отырған қауіпті індет әлі айылын жиған жоқ. Уақыт өте коронавирус құбылып, жаңа түрлері шығып жатыр. Мамандардың айтуынша, жағдайды ушықтырмаудың жалғыз жолы санитарлық талаптарды мұқият сақтап, екпе алу.
<a href="https://24.kz/kz/zha-aly-tar/o-am/item/523292-omikron-shtamy-nelikten-zhyldam-tarajdy">Хабар 24</a>

Омикрон штамы неліктен жылдам тарайды?

Kyzylorda-news.kz. Арал теңізінің құрғаған табанына көшет егіледі. Өзбекстанның орман шаруашылығы комитеті Қарақалпақстан, Бұхара, Науаи және Хорезм әкімдіктерімен бірлесіп, жергілікті бюджет есебінен осы істі атқарады.
Елдің министрлер кабинеті Аралдың экологиялық мәселесін реттеуге арналған 2022-2026 жылдар жоспарын дайындады. Мұндай шаруа Қазақстан тарапынан да жасалып жатыр. Енді ауқымды міндетке өзбекстандық ғалымдар атсалысады. Олар қай жерге қандай өсімдік егу керектігін анықтайды. Әзірге теңіздің Өзбекстан жағында орман шаруашылығына қолайлы аумақтар белгіленбеген. Жоспар бойынша жыл сайын 10-шы желтоқсанда ғалымдар тиісті зерттеу нәтижесін ұсынып отырады.
<a href="https://24.kz/kz/zha-aly-tar/lemde/item/523300-zbekstan-aral-te-izini-tabanyna-a-ash-otyr-yzady">24 kz</a>

Өзбекстан Арал теңізінің табанына ағаш отырғызады

Kyzylorda-news.kz. Дүниежүзілік денсаулық сақтау ұйымының (ДДҰ) иммундау бойынша сарапшылардың стратегиялық консультативтік тобы (SAGE) 5-11 жас аралығындағы балаларға Pfizer/BioNTech вакцинасын егуді мақұлдады, деп хабарлады SAGE 19 қаңтардағы отырысынан кейінгі мәлімдемеде.
Мәлімдемеге сәйкес, ДДҰ-ның консультативтік тобы Pfizer/BioNTech вакцинасын 5-11 жас аралығындағы балаларға қолдануды кеңейтуді ұсынды. Балалар үшін 10 микрограмм азайтылған доза ұсынылады, бұл&nbsp; ересектерді вакцинациялау үшін қолданылатын дозадан үш есе аз.
Сонымен қатар, ДДҰ-ның консультативтік тобы егде жастағы адамдар немесе медицина қызметкерлері сияқты қауіп тобындағы адамдарға бастапқы вакцинациядан кейін 4-6 айдан кейін коронавирусқа қарсы күшейткіш вакцинацияны ұсынды.
Дүниежүзілік денсаулық сақтау ұйымының иммундау департаментінің басшысы Кейт О’Брайен консультативтік топтың шешімдеріне түсініктеме бере отырып, ұйымда балаларға коронавирус вакцинасының күшейткіш дозасы қажет екендігі туралы ешқандай дәлел жоқ екенін атап өтті.
<a href="https://massaget.kz/layfstayl/Zdorove/67242/">massaget.kz</a>

Қазақстан және Қызылорда облысының жаңалықтары

Қызылордада 1 науқас коронавирустан көз жұмды