<a href="https://kyzylorda-news.kz/">Kyzylorda-news.kz.</a>&nbsp;Бүгінгі күні облыс әкімінің ірі кәсіпорын жұмыс берушілерімен еңбек ұжымдарында әлеуметтік ахуалдың тұрақтылығын қамтамасыз етуге бағытталған үшжақты меморандумдар жасау жөніндегі игі бастама істері жалғастырылуда.
Аймақ басшысының тапсырмасына сәйкес өңірдегі әр саланың ірі кәсіпорын басшыларымен облыс әкімінің орынбасары Мархабат Жайымбетов кездесу өткізді.
Кездесу барысында Мархабат Жайымбетұлы жұмысшылардың еңбек құқықтарын қорғау, жұмыс орындарындағы еңбек жағдайын жақсарту, қауіпсіз еңбек жағдайларын жасау және табысын арттыру басты назардағы мәселе екендігіне тоқталды.
Жалпы өңірдегі ірі кәсіпорындар облыста 23 мыңға жуық адамды жұмыспен қамтып, оларға қосымша әлеуметтік қолдау көрсетіп келе жатқандығын айтып, алдағы уақытта осы еңбек ұжымдарында әлеуметтік ахуалдың тұрақтылығын қамтамасыз ету үшін әрбір жұмыс беруші қызметкерлеріне қолайлы еңбек жағдайларын жасап, жалақыларын кезең-кезеңімен көбейту бойынша шаралар қабылдауы қажет екендігін атап өтті.
Сонымен бірге, ірі кәсіпорын басшыларын бизнестің әлеуметтік жауапкершілігін арттыруға, түрлі әлеуметтік жобалар мен әлеуметтік нысандар салу арқылы халықтың әл-ауқатын көтеруге бағытталған игі істер жасауға шақырды.
Жиын соңында облыс әкімдігі, ірі кәсіпорын жұмыс берушілері мен облыстық кәсіподақ өзара ынтамақтастық туралы Меморандумдарға қол қойды.
Атап айтқанда, «СНПС- Ай Дан Мұнай», «ШалқияЦинк ЛТД», «Аэропорт «Қоркыт Ата», «Қызылорда электр тарату тораптары компаниясы» АҚ, «Кольжан», «Клиника Интертич», «Кызылқұм», «РУ-6», «Хорасан-U (Хорасан-У)», «Гежуба Шиелі Цемент Компаниясы», «Фирма Балауса», «Шаған Жер», «Қазалы теміржол ауруханасы», «ALEXEY SULTAN AKHMET», «Zhanros Drilling», «СКЗ-U», «Сыр медиа» «Ұлы Қабырға» (Кызылорда)» Бұрғылау компаниясы ЖШС-тері, ШЖҚ «Қызылордажылуэлектрорталығы» кәсіпорындарымен Меморандумдар жасалды.
Бұған дейін, облыс әкімдігі «ҚазГерМұнай» БК ЖШС, «Торғай Петролеум» АҚ, «ПетроҚазақстан Құмкөл Ресорсиз» АҚ, «Қазақстан Темір Жолы Жүк тасымалы» қосалқы бөлімі, «ҚОР» Мұнай компаниясы» АҚ, «ҚАЗПЕТРОЛ ГРУП» ЖШС, «Қуатамлонмұнай» БК ЖШС компаниялармен осы тектес меморандумдар жасасқан.
Меморандумның негізгі мақсаты – еңбек ұжымындағы әлеуметтік – еңбек жағдайы мен өндірістік процестердің тұрақтылығын қамтамасыз ету, жұмыс орындарын сақтау және персоналды жұмыспен қамтуды қамтамасыз ету жөнінде шараларды қабылдау болып табылады.

Қызылордадағы ірі кәсіпорындарда 23 мыңға жуық адам жұмыс істейді

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Жарлығының аясында Қызылорда облысының әкімі Нұрлыбек Нәлібаев аудан халқымен кездесіп, көкейде жүрген сауалдарын тыңдады.
Басқосу барысында аймақ басшысы өңірдегі негізгі міндеттер бойынша жоспарларымен бөлісіп, шешімі күттірмейтін мәселелерді ортаға салды.
<blockquote>
 «Биыл ауылдық елді мекендерді газдандыру бойынша 13 жобаны іске асыру басталды, оның 7-уін осы жылы аяқтаймыз. Нәтижесінде, 15 мыңнан астам халқы бар 7 елді мекен табиғи газға қол жеткізіп, оны тұтынатын халық санының үлесі 68 пайызға жетеді. Биыл Сексеуіл кентін газдандыру жұмыстары басталады. Жобаны келесі жылы аяқтау жоспарда бар. Арал ауданының 65 шақырым жолын жөндеуге 2,5 млрд. теңге қаржы қаралды. Бұл қаржыға Жаңақұрылыс ауылына баратын автомобиль жолының, Қызылжар мен Шөмішкөл елді мекендері арасындағы автомобиль жолының құрылысын саламыз. Сондай-ақ, Бөген-Ақлақ автомобиль жолы, Сазды, Қызылжар елді мекендеріне кіреберіс автомобиль жолы, Аманөткел ауылына баратын автомобиль жолы, Сексеуіл кентіндегі темір жол өткелінен №231 мектепке дейінгі көшеге орташа жөндеу жұмыстары бар», – деді аймақ басшысы.
</blockquote>
Мұнан бөлек, Сырдария өзені арқылы өтетін Хан учаскесіндегі қалқымалы көпір қайта жаңғыртылып, Арал қаласына кіреберіс автомобиль жолы мен қаладағы 5 көшені жарықтандыру жұмыстары басталмақ.
Жиын соңында аймақ басшысы тұрғындармен пікірлесіп, сұрақтарына жауап берді.
Кездесуде балық шаруашылығын дамыту, жол сапасын жақсарту, ауылдарға ауыз су тарту мәселелері айтылды.
<img src="https://kyzylorda-news.kz/wp-content/uploads/2022/06/290169313_329098792744705_5780272746893135838_n-1.jpg" alt="" />

Биыл Сексеуіл кентін газдандыру жұмыстары басталады

<a href="https://kyzylorda-news.kz/">Kyzylorda-news.kz.</a>&nbsp;Президент Жарлығы аясында облыс әкімі Нұрлыбек Нәлібаев Қазалы ауданының халқымен кездесті.
Алдымен аймақ басшысы өңірде атқарылған негізгі жұмыстарды тізбелеп, Қазалы ауданы үшін өзекті мәселелерге тоқталды. Оның ішінде өнім өндіруге бағытталған жобалар тарқатылды.
<blockquote>
 «Биыл ауданда «1200 басқа арналған ірі қара мал өсіру кешенінің және сүт өңдеу зауытының ІІ кезеңі» және «Балық қалдықтарынан жасалған балық ұнын өндіру кешені» жобаларын жалғастырамыз. Мемлекеттік қолдау шараларының арқасында мал басы санында өсім бар. Мәселен, Қазалы ауданында ет 101,3%, сүт 105%, мал басы 115% деңгейінде өсті. Ендігі кезекте мал өнімдерін өндірумен бірге оны терең өңдеуге мән береміз», – деді Нұрлыбек Нәлібаев.
</blockquote>
Облыс әкімі халыққа аса өзекті жолдарды жөңдеу, газ тарту мәселелерін де шет қалдырмады. Биыл Әйтеке би кенті мен Қазалы қаласы аралығындағы автомобиль жолын қайта жаңғырту жұмыстары аяқталады.
Қазалы қаласынан Жаңақұрылыс, Бекарыстан би ауылынан Майдакөл елді мекені бағытына қарай жол тораптарын орташа жөндеу жұмыстары басталды.
Сондай-ақ, Қазалы қаласынан Кәукей, Қожабақыдан Бекарыстан би және Абай ауылынан Басықара елді мекені бағытындағы автомобиль жолдарын орташа жөндеуді биыл толық аяқталады.
Мұнан бөлек «Өңірлерді дамыту» бағдарламасы аясында биыл Қазалы қаласының 10 көшесі жарықтандырылып, 16 шақырым электр желісі жаңғыртылады. Ал, Әйтеке би кенті мен Мұратбаев ауылы тұрғындары көгілдір отынға қол жеткізсе, сәуір айында облыс әкімі ауданға жасаған жұмыс сапары барысында Қазалы қаласында алау отын жақты. Енді биыл Жалаңтөс батыр, Пірімов, Басықара ауылдарына газ кіреді.
Аймақ басшысы Қазалы ауданында кәсіпкерлік, өндіріс, ауыл шаруашылығы, білім мен денсаулық салаларында атқарылған жұмыстарды баяндап, биыл қолға алынған жобаларды тізбеледі. Мәселен, азық-түлік бағасын тұрақтандыру мақсатында жоспардан бөлек, ауданда 114 гектар жерге қосымша егін егілген.
Нұрлыбек Нәлібаев Қарлан көпірінің мәселесіне арнайы тоқталды.
<blockquote>
 «Аудан жұрты үшін ғана емес аймақ үшін Қарлан көпірінің маңызы зор. Әсіресе, көктем мен күзгі сең жүрген уақытта екі ортадағы жол қатынасында біршама қиындық туындайтынын білеміз. 10 елді мекенді аудан орталығымен байланыстыратын көпір мәселесін арнайы барған уақытта мердігермен ақылдасып, негізгі жұмыстарды бағдарлаған едік. Биыл ғана басталған көпір құрылысының қазірде 20 пайызы орындалды. Көпірді 2024 жылы аяқтаймыз», – деді облыс әкімі.
</blockquote>
Халықпен кездесу соңында облыс әкімі Нұрлыбек Нәлібаев жиын соңында тұрғындардың сауалдарына жауап берді.
Мұнан соң, кезектілік тәртібімен азаматтардың жеке мәселелері бойынша қабылдап, аудан әкімі мен жауапты сала басшыларына нақты тапсырма берді.
<img src="https://kyzylorda-news.kz/wp-content/uploads/2022/06/290105595_329102559410995_6430815550351369743_n.jpg" alt="" />
<img src="https://kyzylorda-news.kz/wp-content/uploads/2022/06/290065992_329103059410945_7126046347262620062_n.jpg" alt="" />

Нұрлыбек Нәлібаев: Карлан көпірін 2024 жылы аяқтаймыз

<a href="https://kyzylorda-news.kz/">Kyzylorda-news.kz.</a> Бүгін елдің басым бөлігінде құбылмалы ауа райы сақталады, деп хабарлайды Қазгидромет.
Синоптиктердің болжамынша, күн күркіреп, жаңбыр жауады. Республиканың оңтүстік-шығысында қатты жел соғып, жаңбыр жауады.
Қызылорда облысының басым бөлігінде төтенше өрт қаупі сақталады. Ауа температурасы +41 +43 градусты көрсетеді.

Қызылордада ауа температурасы +43 градусты көрсетеді

<a href="https://kyzylorda-news.kz/">Kyzylorda-news.kz.</a> Қызылорда облысында осы жылдың 5 айында мемлекеттік бюджет 109 пайызға орындалып, нақты 80,655 млрд. теңге өндірілді. Бұл былтырғы жылмен салыстырғанда мемлекеттік бюджет түсімінің 127 пайызын құрайды. Бұл туралы Өңірлік коммуникациялар қызметінде өткен брифингте облыстық кірістер департаменті басшысының орынбасары Әділ Бекішов хабарлады.
<blockquote>
 «Бес айда республикалық бюджет 100 пайызға, ал жергілікті бюджет жоспары 128 пайызға орындалды. Ал, бюджетке 7,879 млрд. теңге қосымша қаржы өндірілді. Бұл өткен жылмен салыстырғанда 495 млн. теңгеге артық. Сонымен қатар, жеке тұлғалардың аударымдарына қатысты мәселе түсініспеушілік тудырып, қоғамда қызу талқыланды. Бұл өзгеріс салықтан жалтарып жүрген кәсіпкерлерге тікелей қатысты екенін айтқым келеді. Қазір тауар мен қызмет ақысын мобильді аударымдар арқылы алып, таза табысын жасырған бизнес өкілдері аз емес. Елімізде кез келген азамат бір жылдық табысын он екі еселенген көлемде тіркеуі тиіс. Сондай-ақ, салық кодексінің шеңберінде 2025 жылға дейін екінші деңгейдегі банктер арнаулы мәліметтерді мемлекеттік кірістер органдарына беруі қажет», – деді Әділ Бекішов.
</blockquote>

Қызылорда облысында салық түсімі артты

<a href="https://kyzylorda-news.kz/">Kyzylorda-news.kz.</a>&nbsp;Қоғамда ең көп сын садағына ұшырайтын сала жол инфрақұрылымы. Бүгінде аймақта жол құрылысы қызу жүріп жатыр. Бірақ, сол жолдардың сапасы көбіне үдеден шықпайды. Осы мақсатта, «Жол активтерінің ұлттық сапа орталығы» РМК Қызылорда филиалының базасында өңірдегі жол салушы мердігерлер мен тапсырыс беруші мемлекеттік мекеменің өкілдері жиылды.
Орталық мамандары жол құрылысында жиі кездесетін олқылықтарды тізіп, кемшіліктердің алдын алу бойынша кеңес берді. Себебі, қазіргі таңда салынып жатқан кейбір автожолдардың сапасы сын көтермейді. Асфальт жабындылары нормаға сай шықпайды.
<blockquote>
 «Жалпы жолшылардың жұмыс маусымы басталған уақыттан бері біздің мамандар 169 рет жолдарға тексеруге шығып, ішінара 508 сынама зертханалық зерделеуден өтті. Соның нәтижесінде 63 жол құрылыс материалы нормативтік талаптарға сай болмай шықты. Біздің мекеме тарапынан мердігерлер мен тапсырыс берушілерге ескертпе хаттамалар жіберіліп, 20 миллион 350 мың теңгенің сапасыз асфальт жамылғысы сүріліп, нормаға сай қайта төселді. Яғни, жол салушы компаниялар едәуір шығынға батты. Егер, о баста зауыттан шыққан асфальттің сапасын жіті тексеріп, оң қорытындысын алғаннан кейін салса мұндай болмас еді», – дейді филиал директоры Ерболат Көштаев.
</blockquote>
Басқосу барысында мамандар көбіне асфальттың тығыздығы мен қалыңдығы нормаға сәйкес келмейтінін жеткізді. Яғни, жолдың құрылысына жауапты техникалық қадағаушылар тиісті бақылау жүргізбей, мемлекеттік стандартқа сай келетін зертханаларға жүгінбейді. Осындай немқұрайлы көзқарастан жол салушы мердігер компаниялар опық жеп отыр.
Кездесуде жол құрылысына қатысты бірқатар мәселелер талқыланып, ой-пікірлер ортаға салынды. Сондай-ақ, жиынға қатысушылар мекеменің зертхана жұмысымен танысып, асфальт жабындылары қалай тексерілетінін көзбен көрді.
<img src="https://kyzylorda-news.kz/wp-content/uploads/2022/06/whatsapp-image-2022-06-23-at-17.33.41.jpeg" alt="" />

Қызылордада 63 жол құрылыс материалы нормативтік талаптарға сай емес

<a href="https://kyzylorda-news.kz/">Kyzylorda-news.kz.</a> Жас тілшілерге әлеуметтік желі әдебі, цифрлы құқық алғышартын насихаттау, бағдар беру кезек күттірмейтін қадам. Осыған орай 23 маусым күні Қызылорда облысындағы Т.Жүргенов атындағы Шығармашылық үйінде «Цифрлы әлемдегі құқық» тақырыбында арнайы тренинг өткізілді. Тренингке 20-ға жуық тілшілер мен студент жастар қатысты.
Медиа-тренер, журналист Ерболат Тұрсынқожаның бастамасымен өткізілген шарада әлеуметтік желі ережесінен бөлек, жеке тұлғаның цифрлық құқығы, &nbsp;қоғам мен мемлекет сын-қатер туралы кешенді ұғым талқыланды.
<img src="https://aqmeshit-zhastary.kz/wp-content/uploads/2022/09/whatsapp-image-2022-09-06-at-16.16.58-1024x768.jpeg" alt="" />
Сондай-ақ шара барысында медиа-сыншы, IT-маман Оразай Қыдырбаев аталмыш мәселенің маңыз, ғаламтор құпиясы, электронды демократия тақырыбында ой бөлісті. Қатысушылар мәселемен қатар, олықылықты шешу жолы мен халықаралық тәжірибелерді сараптады.
Тренинг нәтижесінде қатысушылар әлеуметтік желілердегі әдеп пен цифрлы құқық туралы түсінік қалыптастырып, базалық білімге ие болды.
<img src="https://aqmeshit-zhastary.kz/wp-content/uploads/2022/09/whatsapp-image-2022-09-06-at-16.17.00-1024x768.jpeg" alt="" />

Цифрлы әлем – құқық бастауы

<a href="https://kyzylorda-news.kz/">Kyzylorda-news.kz.</a> Қызылорда облысы Шиелі ауданының 3 елді мекенінде саяқ шегіртке қаптап кетті.
Осыған орай шаруашылықтар зиянкестерге қарсы дәрі шашу жұмыстарын жүргізді. Жалпы биыл Шиелі ауданы бойынша 30 мың гектардай жер зерттеліп, 4 мың 600 гектары саяқ шегірткеге қарсы химиялық өңдеуден өтті. Сонымен қатар шаруашылық құрылымдарының 5 мың гектардай жеріне зиянкестерге қарсы препараттар себілді. Мұнан бөлек аса қауіпті азиялық шегірткеге қарсы шаралар да жоспарлы түрде жалғасуда. Бұл ретте аудан бойынша 12 мың 440 гектардан астам жер залалсыздандырылған.
<blockquote>
 «Бестам, Еңбекші және осы кент орталығына бұлтты дауыл келіп, арнайы табиғи құбылыстың әсерінен болған. Біз дер кезінде улау мекемелерімен бірігіп өңдедік. Ешқандай да егінге залалын тигізген жоқ», – дейді Шиелі аудандық ауыл шаруашылығы бөлімінің басшысы Мұрат Әшірбеков.
</blockquote>
<a href="https://24.kz/kz/zha-aly-tar/o-am/item/551410-shieli-audanynda-y-auyldarda-shegirtke-aptady">Хабар 24</a>

Шиелі ауданындағы ауылдарда шегіртке қаптап кетті

<a href="https://kyzylorda-news.kz/">Kyzylorda-news.kz.</a> Қызылорда облысының қоғамдық даму басқармасы басшының 2022 жылғы 21 маусымдағы бұйрығымен Ахметов Нұрболат Серікбайұлы «Дін мәселелерін зерттеу орталығы» коммуналдық мемлекеттік мекемесінің директоры лауазымына тағайындалды.
Нұрболат Серікбайұлы 1968 жылы Қызылорда қаласында дүниеге келген. Алғашқы еңбек жолын 1988 жылы Қостанай облысы, Қамысты ауылы, Дружба совхозында эксплуатация инженері болып бастаған. 1991-1992 жж. – Қызылорда қаласы ЦКЗ №12 Өрт сөндіру бөлімінде бөлімше командирі;1992-2013 жж. – Қызылорда облыстық ішкі істер департаментінің Жол полициясы басқармасында басшылық қызметтерді атқарған.
2013 жылдың мамыр айынан ҚР ІІМ-нің құрметті зейнеткері. 2014 жылғы 12 ақпаннан бастап бүгінгі күнге дейін Қызылорда облысының дін істері басқармасының «Дін мәселелерін зерттеу орталығы» КММ-нің «Мониторинг-талдау, ұйымдастыру және жоспарлау» бөлімінің басшысы қызметін атқарып келді.

Дін мәселелерін зерттеу орталығында жаңа директор

<a href="https://kyzylorda-news.kz/">Kyzylorda-news.kz.</a>&nbsp; Бүгін ел тыныштығын кірпік қақпай күзетіп жүрген тәртіп сақшылары кәсіби мерекелерін атап өтуде.
Қазақстан полициясының 30 жылдығына арналған мерекелік іс – шаралар еліміздің барлық өңірлерінде атап өтілуде.&nbsp; Атаулы мерекені Сыр елінің сақшылары да жоғары деңгейде өткізді.
Қай кезеңде болмасын&nbsp; бұл күн бейбіт уақытта қазақстандықтардың тыныштығы мен қауіпсіздігі үшін өз өмірлерін құрбан еткен айбынды полиция қызметкерлеріне құрмет көрсету күні болып саналатыны анық.
Ел қорғаны, тәртіп сақшысы, еліне, жеріне адал қызмет атқарып мәңгілік сапарға аттанған полиция қызметкерлерінің ерліктеріне бас иіп, 1 минут үнсіздікпен қызмет бабында қаза болған қызметкерлерді еске алу рәсімі өтті.
Сонан соң Қазақстан Республикасының &nbsp;Ішкі істер министрі полиция генерал-лейтенанты Ахметжанов Марат Мұратұлының құттықтау лебізі бейне – үндеуі арқылы көрсетілді.
Қазақстан полициясының 30 жылдығы қарсаңында Ішкі істер министрінің бұйрығымен 21 қызметкер марапатталып, 7 қызметкер кезекті және мерзімінен бұрын шендерін алды. &nbsp;&nbsp;
«Құқық тәртібін қамтамасыз етуге қосқан үлесі үшін» полиция полковнигі Жамал-ад-Дин Назарбек төсбелгісімен, ҚР ІІМ грамотасымен полиция майоры Нагашыбай Жалгасбаев марапатталды.
Бүгінгі мерекелік шара барысында Қызылорда облысы Полиция департаментінің бастығы полиция генерал-майоры Бектөре Сұлтан ішкі істер органдарының ардагерлерін және жеке құрамды кәсіби мерекемен құттықтап, лебізін білдірді.
<blockquote>
 «Атаулы мереке қарсаңында ардагерлерді және жеке құрамды Қазақстан полициясының күні мерекесімен шын жүректен құттықтаймын!
 Ел қорғандары болған тәртіп сақшыларына және олардың отбасыларына құт – береке, зор денсаулық, амандық тілеймін!» деген&nbsp; ақ жарма тілегін айтты.&nbsp;&nbsp;
</blockquote>
Сонан соң, департамен бастығы «Қазақстан полициясының 30 жылдығына арналған мерейтойлық кітабын» ардагерлерге табыстап, жеке құрам қызметкерлерін марапаттады.&nbsp;&nbsp;&nbsp;&nbsp;&nbsp;&nbsp;
Департамент бастығының бұйрығымен қызметтік міндеттерін адал атқарған, құқықтық тәртіп пен қауіпсіздікті қамтамасыз етуде ерекше көзге түскен департаменттің&nbsp; 269 қызметкері мен 32 ардагері, «Қазақстан Полициясына 30 жыл медалімен» 360 қызметкер және 224 ардагерлер марапатталды.
Мерекелік іс-шара концерттік бағдарламаға ұласты. Халықтың тыныштығы мен қауіпсіздігін қорғап, қоғамдық тәртіпті қамтамасыз ету бағытында абыройлы қызмет етіп жүрген полиция қызметкерлеріне арнап Облыстық филармонияның әншілері өнер көрсетті. Концертте полиция қызметкерлерінің өнерлері&nbsp; де тамашаланды.
<img src="https://kyzylorda-news.kz/wp-content/uploads/2022/06/dsc_0525-scaled.jpg" alt="" />
<img src="https://kyzylorda-news.kz/wp-content/uploads/2022/06/dsc_0003-scaled.jpg" alt="" />

Сыр елінің сақшылары кәсіби мерекелерін атап өтті

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында 2020 жылдан бастап экологиялық – санитарлық талаптарға сәйкес жылдық қуаты 60 мың тоннаны құрайтын қоқыс сұрыптайтын кешен жұмыс істеп келеді.
«Белкөл» кентінен 7,5 шақырым қашықтықта орналасқан полигон тұрмыстық қатты қалдықтарды залалсыздандыру, оны сұрыптаудан өткізу және көму жұмыстарымен айналысады.
Қазіргі таңда кәсіпорында 30-дан аса адам 9 техника көмегімен тұрмыстық қатты қалдықтарды сұрыптау қызметімен айналысуда.
Кешен күніне 150-160 тонна қалдықтарды сұрыптаудан өткізеді. Осы сұрыпталған шикізат өнімдерінің 45-50 тоннасы қайталама пайдалану үшін тиісті мекемелерге жөнелтілуде.

Полигонда күніне 150-160 тонна қалдық сұрыпталып жатыр

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы кәсіпкерлер палатасының заңгерлері «Әлібаев» шаруа қожалығын ірі шығыннан қорғап қалды. Кәсіпкер мемлекеттен алған 8,4 млн теңге субсидияны қайтармайтын болды.
«Әлібаев» шаруа қожалығы Қызылорда облысында алма өсірумен айналысады. Кәсіпкер 2018 жылы 5 гектар жерді тегістеп, қоршап, 10 мың түп алма ағашының көшетін отырғызады. Көшетті тамшылатып суғару әдісімен өсіреді. Жеміс өсірілетін аумаққа мырышпен қапталған сым тіреуіш бағаналарын, сымды тарту құралдарын, аралық тіреуіш бағаналарын орнатады.
Бұл жұмыстар үшін кеткен шығынның бір бөлігі мемлекет тарапынан субсидияланатынын естіп, сол жылы құжаттарын өткізеді. Мемлекеттік бағдарлама операторы кәсіпкердің қызметі субсидиялауға жатады деп шешім қабылдап, 2018 жылы шілдеде 8,4 млн теңге субсидия беріледі.
Алайда биыл бағдарламаға жауапты облыстық ауыл шаруашылығы басқармасы «Әлібаев» шаруа қожалығын сотқа беріп, төленген субсидияны бюджетке қайтаруын талап етеді. Басқарма талап арызда қадағалау органының берген ұсынымын, сондай-ақ кәсіпкердің қаржыны мемлекетке қайтару туралы ескертпе хатты жауапсыз қалдыруын негізге алады.
Қиындыққа тап болған кәсіпкер Палата заңгерлерінен көмек сұрады.
<blockquote>
 «Біз мәселені зерделеу барысында қадағалаушы органның аралық бағандардың орнатылғаны жөнінде акті немесе басқа да тиісті құжаттардың жоқтығын алға тартқаны анықталды. Біріншіден, «Әлібаев» шаруа қожалығы бағандарды келесі бір кәсіпкерден алған. Олардың арасында жасалған келісімшарттары бар. Шарт бойынша тараптар міндеттерді толығымен орындап, қабылдау актілеріне қол қойған, төлем жасаған. Екіншіден, ол инвестициялық салымдарды нысаналы мақсатына жұмсаған. Заңда «адал иеленуші» деген термин бар. Кәсіпкер барлық жағынан осы санатқа енеді. Бұндай жағдайда кәсіпкерден мемлекеттен алған қолдауды қайтар деу негізсіз деген ұстанымымызды сотта жеткіздік» – деді Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан.
</blockquote>
Сотта облыстық мамандандырылған ауданаралық сотының судьясы Ғалымжан Бекмамбетов қос тарапты мұқият тыңдап, тараптардың өкілдерімен «Әлібаев» шаруа қожалығына қосымша көшпелі көріп-тексеру жұмысын жүргізді. Көріп-тексеру барысында кәсіпкердің алма бағында аралық &nbsp;тіреуіш бағаналар бар екені расталды. Нәтижесінде сот облыстық ауыл шаруашылығы басқармасының талабын қанағаттандырудан бас тартып, кәсіпкердің құқығы қорғалды.

Қазақстан және Қызылорда облысының жаңалықтары