&nbsp;<a href="https://kyzylorda-news.kz/">Kyzylorda-news.kz.</a>&nbsp; Қытай интернетте танымал тұлғалардың интернет желісінде&nbsp;таратқан ақпаратын қадағалау&nbsp;күшейтілмек, деп хабарлайды&nbsp;<a href="https://stan.kz/">Stan.kz</a>&nbsp;<a href="https://www.bbc.com/russian/news-59406951?at_medium=RSS&at_campaign=KARANGA">.</a>
Сондай-ақ танымал тулғалар туралы фан-клубтары интернетте қандай ақпараттар таратып жатқанын да қадағалап отырмақ.&nbsp;
Қытайдың киберкеңістік басқармасы бұл шаралар сапалы интернет кеңістігін орнатуға бағытталғанын айтты. Реттеушінің айтуынша, жұлдыздар туралы өсек тарату және оларға шамадан тыс көңіл бөлу Қытай қоғамының дәстүрлі құндылықтарына нұқсан келтіреді.
Ведомство қызметкерлері қоғам пікіріне ықпал ететін ең танымал тұлғалардың жеке парақшаларын ғана емес, сонымен қатар бұл жұлдыздар туралы ақпарат жарияланған сайттарды, соның ішінде олардың қатысуымен жасалған жарнамаларды да қадағалайтын болады.
Барлық жарнама нақты сайттарға бағытталуы керек, ал фан-клубтарды белсенді жанкүйерлер ғана емес, уәкілетті агенттер басқаруы керек.
Агенттік Қытай қоғамына жат құндылықтарды насихаттайтын атақты адамдардың тізімін құруды және толықтыруды жоспарлап отыр.
Мысалы, атақты адамдар жанкүйерлерін&nbsp;өздері жарнамалайтын заттарды сатып алуға шақырады.
Қытай үкіметі актерлерге, блогерлерге, әншілерге және басқа да танымал тұлғаларға “моральдық қағидаларды” ұстануды бұйырды, әйтпесе теледидарда да, интернетте де көрсетуге тыйым салатынын мәлімдеді.
Сейсенбіде Қытай өнерпаздары қауымдастығы “әдепсіз мінез-құлық” үшін тікелей эфирге тыйым салынған 88 адамның тізімін жариялады.
Бұған дейін реттеуші хабар таратушылар мен онлайн-платформаларды фанаттар қауымдастығында не болып жатқанын және олардың кумирлері адамдарды неге шақыратынын бақылауға міндеттеді.

Атақты адамдарға әлеуметтік желіде өз байлығын көрсетуге тыйым салынады

<a href="https://kyzylorda-news.kz/ru/obshestvo/">Kyzylorda-news.kz</a>. Денсаулыққа зиян келтірмей, азық-түлік алған кезде қаражат үнемдеуге болады. Мұның жолын диетолог дәрігер,&nbsp;гастроэнтеролог Маргарита Арзуманян&nbsp;<a href="https://radiosputnik.ria.ru/20211123/ekonomiya-1760190133.html">Sputnik радиосына</a>&nbsp;берген сұхбатында бөлісті.&nbsp;
Оның айтуынша, бірінші кезекте сауда желісінің өзінің маркасымен тұрған өнімдерді таңдау керек.&nbsp;
<blockquote>
 “Сауда желісінің өзінің тауарлары бренд өнімдерге қарағанда арзанырақ. Тауар арзан болса, сапасыз деген сөз емес. Өйткені өндіруші өнімді үлкен көлемде алады, оның үстіне жарнамаға ақша жұмсалмайды. Сондықтан қымбат болмайды”, – деді Маргарита Арзуманян.
</blockquote>
Маманның сөзіне қарағанда, сауда желісінің тауары мен бренд маркасымен сатылатын өнімдердің айырмашылығы жоқ.
<blockquote>
 “Масс-маркет сөмкесі мен брендтік сөмкенің функциясы бір, бірақ біз өзімізді жақсы сезіну үшін көбірек ақша төлеп, бренд тауар аламыз. Азық-түлікке келгенде де дәл солай. Менің ойымша, сауда желісі шығарған тауарды алған кезде біраз қаражат үнемделеді”, – деді Маргарита Арзуманян.
</blockquote>
Алайда өнімнің құрамына назар аударуды ұмытпау керек.&nbsp;
<blockquote>
 “Тауар сауда желісінікі болса да, брендтік өнім болса бәрібір. Құрамы түсінікті, жарамдылық мерзімі ұзақ болуға тиіс. Қаптаманы, тауардың жағдайын анықтап қарау керек”, – деді маман.
</blockquote>

Азық-түлікке жұмсалатын қаражатты қалай үнемдеуге болады?

Kyzylorda-news.kz. Қызылорда облысында ақылы жолдың дауы әлі басылмай тұр. Бұған дейін жауапты “Қазавтожол” компаниясы 2013 жылы министрлік бекіткен тариф бағасы көтерілмейді деп уәде берген еді. Алайда сол тарифтен екі есе көп ақы төлеп жүрміз деген қызылордалық жүк көлігінің жүргізушілері бас көтерді. Айтуларынша, қарашаның 23-інен бері жүргізушілер тіпті өздері жүрмеген бағыт үшін де төлем жасауға мәжбүр болған.&nbsp;Бұл туралы “31” арнаның&nbsp;“Информбюро”&nbsp;бағдарламасы хабарлайды.
Жаңақорған мен Шиелі аудандарынан Қызылорда қаласына жүк тасымалдап жүрген көлік иелерінің сөзінше, ақылы жол &nbsp;жүргізушілердің әбден қалтасын қаққан. Олар жүрмеген жолымызға ақы төлеп жүрміз деп ашынады. Мәселен, Қызылордадан шығып, Жаңақорған ауданына жетпей орналасқан мынадай камерадан ассақ болды, Түркістанның шекарасына дейінгі жүрмеген 99 шақырым жолдың ақшасын төлетеді екен.&nbsp;
<blockquote>
 “Каръерден тас тиейміз де, Қызылордаға келеміз. Каръерден бастап есептегенде, 151 шақырым. Соған 20 теңгеден есептесек, 3000 теңге шығады. Ал қазір бізге Қызылордаға келу үшін 5 мың мен 8 мың арасында ақша шығып жатыр”, –&nbsp;деді&nbsp;жүк көлігінің жүргізушісі Мұхамеджан Ахметов.
 “Табысымыз 25 мың болса, оның 10-14 мыңын жолға төлеп тұрмыз ғой. Сонда жартысын жолға жіберіп тұрмыз. Қажетті құралдар бар одан бөлек. Бұл тірідей тонау ғой”, –&nbsp;деді&nbsp;жүк көлігінің жүргізушісі Жамбыл Жәнібекұлы.
</blockquote>

Қызылордалық көлік жүргізушілер ақылы жолға қарсылық білдіріп, бас көтерді

Kyzylorda-news.kz. Қазақстанда өткен тәулікте 847 адамда коронавирус індеті ПТР арқылы расталып ауырғаны белгілі болды. Бұл туралы coronavirus2020.kz сайты хабарлайды.
Аймақтар бойынша: Нұр-Сұлтан қаласы – 117, Алматы қаласы – 85, Шымкент қаласы – 5, Ақмола облысы – 83, Ақтөбе облысы – 13, Алматы облысы – 37, Атырау облысы – 4, Шығыс Қазақстан облысы – 45, Жамбыл облысы – 9, Батыс Қазақстан облысы – 22, Қарағанды облысы – 97, Қостанай облысы – 102, Қызылорда облысы – 6, Маңғыстау облысы – 4, Павлодар облысы – 93, Солтүстік Қазақстан облысы – 121, Түркістан облысы – 4.
Жалпы ел бойынша ауырғандар саны 970092.

Қызылордада 6 адам коронавирус жұқтырды

Kyzylorda-news.kz. 28 қарашада ауқымды антициклон әсерінен республиканың басым бөлігінде жауын-шашынсыз ауа райы күтіледі.
Еліміздің тек қиыр батысында қар мен жаңбыр жауады. Сонымен қатар Қазақстан бойынша тұман, көктайғақ, екпінді жел күтіледі, солтүстікте жаяу бұрқасын болады, деп хабарлайды «Қазгидромет» РМК.
Қызылорда облысының орталығында жел 15-20 м/с дейін күшейеді.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қыс мезгілінде ауа райының құбылмалылығына қарай өзен-көлдердегі мұз қалың болып қатпайды, көп жерлерде тек мұз ойықтарында су бетін қабыршақ қана жауып тұрады. Сондықтан қазіргі уақытта мұздың үстіне шығу өте қауіпті. Қарапайым ережелерді сақтау арқылы үлкен қатерден сақтануға болады.
Мұны білген шарт:
– судағы қатқан мұздың қалыңдығы 10 см болса, ол адам үшін қауіпті болып саналады;
– өзен бұрылыстары мен ағынды суларда, ағысы қатты жерлерде, ағаш, қамыс, бұталар өскен су аймақтарында мұз өте әлсіз болады;
– егер ауаның температурасы 0-ден жоғары үш күн бойы ұстаса, мұздың қаттылығы 25% төмендейді;
– мұздың қатқанының сапасын былай анықтауға болады: егер мұз түсі көгілдір болса – қатты, егер ақ түсті болса сапасы 2 есе төмендейді, егер сұр, ақшыл немесе сарғыш аралас болса мұз әлсіз дегенді білдіреді, мұндайда мұзға шығуға болмайды.
Егер суық суға абайсыздан түсіп кетсеңіз не істеу қажет?
– Сасқалақтамаңыз, шұғыл қимылдар жасамаңыз, бірқалыпты демалыңыз;
– Қолыңызды жазып, денеңізді ағыс бағытына тіке қойып, мұздан ұстауға тырысыңыз;
– Ақырындап кеудеңізді мұз үстіне шығарып, алдымен бір аяғыңызды, кейін екінші аяғыңызды мұз үстіне шығаруға тырысыңыз;
– Мұз үстіне шыққаннан кейін ақырындап жағаға қарай еңбектеңіз, ол жердегі мұз тексерілген, қатты.
Егер сіз біреуге көмектескіңіз келсе:
– Кез-келген ұзын таяқша, тақтайша, шыбық, жіпті қолданыңыз (шарфтарды, белбеулерді, керек жағдайда киімдерді байлап қолдануға болады);
– Аяқ пен қолды жан-жаққа созып, құтқару құралдарын алдынан итере отырып, мұз ойығына қарай еңбектеңіз;
– Судағы адамға бірнеше метр қашықтықта тоқтап, құтқару құралын лақтырыңыз, киімді, арқанды, таяқшаны, бұтақты т.б.;
– Зардап шегушіні мұз үстіне шығарып, келген жаққа қарай бірге еңбектеңіздер.
Зардап шеккен адамды жылы жерге әкеліңіз. Көмек көрсетіңіз: су киімдерін шешіңіз, спирт немесе арақ жағып, қолыңызбен денесін тез, шапшаң қимылмен уқалаңыз (қызарғанға дейін), ыстық шай беріңіз. Ешқашан да зардап шегушіге алкоголь бермеңіз – мұндай жағдайдың соңында адамның талып қалуы мүмкін.

Мұз үстіне шығу қауіпті

<a href="https://kyzylorda-news.kz/">Kyzylorda-news.kz.</a> Екі жыл бұрын басталған дәстүр бұл. Әлі есімде. Облыстық мәслихат депутаты, «Nur Otan» партиясының мүшесі Аманжол Оңғарбаевтың басшылығымен «Сыр медиа» ЖШС қызметкерлерінен жасақталған топ Елбасының «Болашаққа бағдар: рухани жаңғыру» және «Ұлы даланың жеті қыры» бағдарламасы аясында Сыр бойындағы киелі жерлермен танысып, насихаттауды қолға алғаны бар. Бас директор Аманжол Сақыпұлының өзі бастап, әсіресе, жас тілшілерді бұл сапарға ерте шығуы көңіл қуантты.
Жазғы мезгіл. Ысыған уақыт басталғалы ысылдаған құм арасынан қазақтың өткенін білсек деген өлермендікпен апталап жүрсек те, бұл сапарға өкінген ешкім жоқ шығар. Бастысы, тарихи тұлғалардың өмір жолы мен ерлік ісі, елге деген қызметіне қатысты көрген-білгенімізді қағазға беттеп, «теңізге қосқан тамшыдай» болса да үлес қосуды өзімізге парыз санадық. Әрі солай еттік те. Ойға түйіп, параққа түсірген жазбалар облыс пен аудандық басыламдарда жарық көрді.
Сол уақытта сапар басын Отырар ауданындағы Арыстан бабтан бастауды жөн көрдік. Облыс статусын алған ежелгі қалада құрылыс қарқынды жүріп жатқан уақыт. Қала ішіне аралап, Отырар ауданына түсер автожолға дейінгі біздің байқағанымыз осы болды. Одан соң 50 шақырымнан әрі жатқан Шәуілдірдегі Арыстан бабтың мекенінде ұзақ аялдағанымыз бар. Дұрысы, осында қондық. «Арыстан бабқа түне, Қожа Ах¬меттен тіле» деген сөзді сіз де естігенсіз. Қазақылықтан аттамадық солай.
Айтпақшы, жеті жерде жайы бар әулиенің Арал ауданында да қорымы бар. Кесене емес, ақ тастармен қоршалған, төрт құлақты там ғана. Жергілікті жұрт мұнда Арыстан бабтың өзі жатқанына шүбәсіз сенеді. Сапар барысында ол жерді де көзбен көрдік. Әдетте, зиярат етуге ниет еткен азаматтар рухани астанамыз – Түркістанға жақын орналасқан Арыстан баб кесенесіне арнайы ат басын тіреуге тырысатыны рас. Әрі ондағы арасы жиі шоғырланған киелі орынның көптігі де себеп шығар. Біз сол уақытта көргеніміз бен түйгенімізді саралай келе, баба жатыр деген сенімдегі қос мекеннің ахуалын қаз-қалпынша газет бетіне жазуға тырыстық. Әсіресе, «Аралдың Ақирегінде жатқан киелі мекенді гүлдендіріп, туризмнің дамуына дем беруге болмас па?!» деген ой келе берді басымызға. Бұл Елбасы көтерген рухани жаңғыруға үн қосатын игілік, шын мәнінде. Әлі де Арал топырағына табаның тие бере дәл алдыңнан көрінер Арыстан баб әулиенің кесенесі мен жан-жағын көркейтуді тиісті орындар назарға алса, мұндағы ат басын тірейтін ағайынның қарасы тіпті көбейеді деген сенім зор. 
Қош, біз бұдан бөлек Түркістан қаласындағы Қожа Ахмет Яссауи кесенесіне соғып, ежелгі қала Сауран мен Сығанақта болдық. Бұдан бөлек, Шиеліде орналасқан үлкен зиярат кешеніндегі бабалар рухына құран бағыштадық. Мұнда қазақтың жеті әулиесі, сөзге шешен датқалары, батырлары жатыр. Экспедиция барысында осы әулиелер мекеніне де бас сұғып, бабалар рухына тағзым еттік.
Қазақта үш жүзге пір болған Мүсірәлі сопы әзизден кейінгі діни қайраткер ретінде Марал ишанның аты белгілі. Ал, аңыз айтатын үш жүзге пір болған, жеті өлікке жан берген сопы әзиз Мүсірәлінің «тоқсан түйе томардың үстінде күймей», хан кеңесіндегі пір сайлау сынағынан өткен кереметі тіпті бөлек әңгіме. Біз айтып отырған Марал баба Құрманұлының Сыр өңірі, одан қалды, қазақ рухания¬тында айрықша орны бар. «Сыр медиа» ЖШС-ның арнайы тобы Қармақшы жерінде де болды. Қорқыт баба мәңгілік мекен тапқан өлкеден тұтас елге белгілі дарынды ұл-қыздың шыққаны аян. Киелі топыраққа қадам басып тұрып, әуелі дүние тылсымын қобыз сарынына сыйғызған баба басына да, ишан жатқан мекенге де барғанбыз.
Сол жаздағы ерекше сапар Қазалы топырағында жалғасқан. Өзіміз атын естіп, сырттай қанық болғанмен, Қызылқұмның әр түкпіріндегі бұрынғы киелі кісілердің жатқан жайын осы жолы көзбен көргенбіз. Нақты мақсат та осы еді ғой. Олар кімдер десеңіз, аруақты Жанқожа баба, үш жүзге пір болған Мүсірәліұлы Қосым, мың баламен Бұланты шайқасында жоңғарды қырған Сартай батыр… Тізім жалғаса береді.
Сырдың бойын қасиет қонған һәм киелілер жатқан мекен деуіміздің де себебі осында. Әлі де қарт Қаратаудан бастап Аралдың кең атырабына дейінгі аймақта бүгінгілер білмейтін һәм білуге тиісті қанша құндылық жатқанын ешкім тап басып айта алмайды. Біз аймақтың бір бөлігін ғана шарлап шықтық. Бармаған, көрмеген нысандар қаншама?! Рас, бұған дейін атқарылған жұмысты да жоққа шығара алмаймыз. Біздің ежелгі кесенелер мен көне қалалар орны өзгелер тамсанатын Рим, Мысыр, Қытай өркениеттерімен иық тіресіп, шежірелі тарихтан сыр шерте алатыны анық. Бір қуанарлығы, біздегі барлық құнды жәдігер мемлекет бақылауына өтіп, қамқорлыққа алынды. Бұны ұлт мұрасына адалдық танытып, көне тарихымызды жаңғыртуда атқарылған көптеген нәтижелі істің арқасы деп білеміз.
Осындай шежірелі ескерткіштеріміз жайлы жазу үстеліне отырмас бұрын, олардың нақты мекен-жайына барып, көзбен көріп, көңілге түю бөлек дүние. Айтқандай, облыстық мәслихат депутаты, «Сыр медиа» ЖШС басшысы Аманжол Оңғарбаевтың ұйымдастыруымен құралған шығармашылық топтың киелі жерлер мен тарихи мекендерге сапары әлі де жалғасатын болады. Бұл – жаңғыру жолы. Бұл – «көрсем», «білсем» деп құмартқан кейінгі буынға деген рухани қазына.
Ержан ҚОЖАС

Үлгі болар үрдіс бар бізде

<a href="https://kyzylorda-news.kz/">Kyzylorda-news.kz.</a>&nbsp;Жеке тұрғын үйлерде өртті болдырмау мақсатында өрт қауіпсіздігін сақтау, өрттің тілсіз жау екендігі аз айтылып жүрген жоқ. Сонда да болса өрт оқиғалары жеке тұрғын үйлерде көп орын алып отыр.
Қыс мезгілінде жеке тұрғын үйлерде ережеге сай салынбаған жылу пештерінің ақауынан өрт оқиғалары орын алады. Қысқа әзірліктің бірі – жылыту құралдарын мұқият дайындау.
Дұрыс күтім жасалмаған, сондай–ақ дұрыс салынбаған жылу пеші талай жанды сан соқтырып жатыр. Негізінен ереже бойынша пештің түтін жолдары 3 айда бір рет тазартылып отыру қажет.
Пештің түтін жолдары үйдің негізгі құрылысынан дербес орналастырылуы қажет. Түтін жолы аралығында бос аралық (противопожарная разделка) кесекпен қаланған көлемі 38 сантиметр, отқа қарсы төзімділік құраммен өңделген қорғағыш пайдаланғанда 25 сантиметрге дейін бос аралық қалдырылуы тиіс.
Бұндай бос аралық көлемі балабақша, аурухана, мектеп пен асханаларда көлемі 51 сантиметр болуы шарт. Жылыту пешінің алдындағы еденге көлемі 50х70 сантиметр қаңылтыр қағылады.
Жылыту пешін еденнің бетіне орнатуға болмайды. Уақытша қолдан жасалған темір пештерін орнатқан жағдайда, темір пеш аяқтарының биіктігі 0,2 метрден кем болмауы тиіс, еденнің бетіне бір қатар кесек өріліп, батпақпен сыланып, темір пеш орнатылады.
Ағаш конструкцияларынан және ағаш жиһаздардан 1 метр қашықтықта, беті сыланған қабырғалардан 0,7 м қашықтықта орнатылуы тиіс. Негізінен келгенде пешті арнайы маман кісілерге соқтырған жөн.
Қыстың күні боранда пештің тартпай қалуы немесе саңылауларынан от қашуы салдарынан оны қайта салып әбігерге түспес үшін, өрт қауіпсіздігі талаптарына сай етіп салу қажет.
Пеш дұрыс жанбаған, немесе жан-жағынан жалын шашқан жағдайда арнайы маманға көрсетіп алған дұрыс. Өрт – тілсіз жау. Өрт зардабы, орны толмас өкінішке душар етеді. Бұл апаттан сақтану үшін әрбір тұрғын үй иесі толыққанды сақтық шараларын жасауы керек.
А.Қуанышбеков,
Қазалы ауданының Төтенше жағдайлар
бөлімінің инженері азаматтық қоғау лейтенанты

Тілсіз жаудан сақтанайық

<a href="https://kyzylorda-news.kz/">Kyzylorda-news.kz.</a>&nbsp;Үндістанда той кезінде 60-тан аса тауық қырылып қалды. Оқиға Баласор қаласында, той өткен орынға жақын жердегі құс фабрикасында болған. Бұл туралы Times of India басылымы жазды, деп хабарлайды&nbsp;<a href="https://stan.kz/">Stan.kz</a>.
Анығында, 63 тауық өліп қалған. Мамандардың айтуынша, тауықтардың қырылуына той музыкасы себеп болған. Құс фабрикасының иесі полицияға шағым түсіріп үлгерді.
Ол той шеруі фабрика жанынан өткен соң, тауықтардың өліп қалғанын шағымында жазған.
<blockquote>
 «Бірақ күйеу жігіттің достары маған айқайлап, музыканың даусын жоғарылатты. Олар менің құс фабрикамның алдына әдейілеп 15 минутқа тоқтады», – деді фабрика иесі полицейлерге.
</blockquote>
Той тойлаушылар кете салысымен, құстар өліп қалды. Ветеринарлардың айтуынша, тауықтар жүрек талмасына ұшыраған.
<blockquote>
 «Менің фермамда 2000-ға жуық тауық бар еді. 63 өлі тауықтың әрқайсысының салмағы – 3 келі. Шамамен 25 мың рупи шығынға баттым. Өлі тауықтар әлі де фермада жатыр, себебі полицейлер тергеу аяқталғанға дейін оларды тастамауды сұрады», – деп түйіндеді сөзін фермер.&nbsp;
</blockquote>
Полиция аталған факті бойынша тергеу амалдарын бастады.

Той әнін тыңдаған 63 тауық өліп қалды

<a href="https://kyzylorda-news.kz/">Kyzylorda-news.kz.</a>&nbsp;Аты аңызға айналған спортшы Диего Марадона есімінің енді жұлдызы жоғары болмақ, деп хабарлайды «<a href="https://24.kz/kz/zha-aly-tar/lemde/item/512623-k-ktegi-zh-ldyz-a-maradona-esimi-berildi">Хабар 24</a>».
Бұл туралы марқұмның жылдығын атап өту шарасында Оңтүстік Америка футбол федерациясы мәлімдеді. Ұйым өкілдері Марадона жұлдыздай жарқырап өтті, енді ол аспаннан сәулесін төгеді деді. Еске алу рәсіміне Мексикадағы Әлем чемпионатында жеңіске жеткен құрама мүшелері де қатысты. Осыдан тура бір жыл бұрын 60 жастан асқан шағында даңқты аяқ доп шебері өмірден озған болатын. Көптеген жанкүйерлер оны әлі ұмыта алмай, егіліп жүр.
<blockquote>
 «Қазір Диегоны жамандап жатқандар бар. Бірақ мен оның жақсы қасиеттерін көбірек айтуымыз керек деп ойлаймын. Ол шынында әлемге ортақ тұлға болатын. Марадонаны елдің бәрі таниды», – деді футболшының жанкүйері.
</blockquote>

Көктегі жұлдызға Марадона есімі берілді

<a href="https://kyzylorda-news.kz/">Kyzylorda-news.kz.</a> Алматы қалалық №15 емхананың педиатр-дәрігері Мөлдір Әкімжан жүкті әйелдер Pfizer вакцинасын салдырғаннан кейін қандай жанама әсерлер болуы мүмкін екенін айтты.&nbsp;
Дәрігердің сөзінше, 70-80 пайыз жағдайда жүкті әйелдерде ешқандай жанама әсер болмайды.&nbsp;
<blockquote>
 «Дүниежүзілік денсаулық сақтау ұйымының мәліметінше, жүкті және бала емізетін әйелдерде Pfizer вакцинасын салдырғаннан кейін жанама әсерлер болмады. Вакцинациядан кейін жоспарланған реакциялар болған. Яғни екпе салдырған жердің ауырсынуы, қышыну сияқты аллергиялық реакция. Ауыр жанама әсерлер болмады», – дейді Мөлдір Әкімжан.&nbsp;&nbsp;
</blockquote>
Еске салайық, 10 қарашада Алматы әуежайына Qatar Airways әуекомпаниясының Pfizer вакцинасы бар борты қонған болатын. Жалпы 379 мың доза келді. Қазақстан жалпы 4 миллион 230 мың доза Pfizer вакцинасын сатып алды, олар 2 миллион 115 мың жүкті, бала емізетін және жасөспірімдерге арналған.
<a href="https://massaget.kz/layfstayl/Zdorove/66721/">massaget.kz</a>

Pfizer салдырған жүкті әйелдерде қандай жанама әсер болуы мүмкін?

Kyzylorda-news.kz. Қазақстанда өткен тәулікте 1311 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 61, Алматы қаласы – 89, Шымкент қаласы – 36, Ақмола облысы – 88, Ақтөбе облысы – 17, Алматы облысы – 60, Атырау облысы – 32, Шығыс Қазақстан облысы – 77, Жамбыл облысы – 17, Қарағанды облысы – 147, Қостанай облысы – 311, Қызылорда облысы – 11, Маңғыстау облысы – 2, Павлодар облысы – 291, Солтүстік Қазақстан облысы – 50, Түркістан облысы – 22.
Қазақстан бойынша жазылғандар саны – 933107.

Қазақстан және Қызылорда облысының жаңалықтары