<a href="https://kyzylorda-news.kz/ru/">Kyzylorda-news.kz.</a> Дара кәсіпкерлер мен өзін өзі жұмыспен қамтыған адамдар жиі түрлі «кредиттік делдалдардың» көмегіне жүгініп жатады және де алаяқтарға орташа есеппен қарыз сомасының 10%-ынтөлеуге қарсы емес. Бұл IDF Eurasia компаниясының Қазақстанның барлық аймақтарынан 12 мың респонденттердің арасында жүргізген&nbsp; соңғы зерттеулерінің нәтижесі болды.
Заңды тұлғалар мен ДК зиянкестер үшін ерекше қызығушылық туғызады, және, көп жағдайда, оның «құрбандары» қаржы алаяқтарының&nbsp; қолына ақшаны, сондай-ақ маңызды конфиденциалды ақпаратты өздері салып береді. Fingramota.kz-пен бірлесіп, бизнесмендер іс жүзінде кімдерге тап болатындары және өзін, сондай-ақ &nbsp;өз қаржысын қалайша қорғай алатындарын қарастырайық.
Делдалдардың түрлері
«Қара кредиторлар» көрсететін қызметтер – бұл қазақстандық кәсіпкерлер жиі тап болып жататын алаяқтықтың кеңінен таралған тәсілдерінің бірі. Интернет&nbsp; мен мұндалап тұрған «жеңілдікті онлайн-кредиттер», «төмен пайыздық мөлшерлемемен микроқарыздар», «артық төлемсіз адал кредиттер» ресімдеу бойынша қызметтер көрсетуге көмектесетін-мыс күмәнді делдалдардың хабарландыруларына толы, бұл ретте қарыз алушының дербес кредиттік есебіндегі мәліметтер олар үшін ешқандай рөл атқармайды. Мұндай делдалдар теріс кредиттік тарихты азын-аулақ ақы үшін «тазартуды» ұсынуы мүмкін.
Есіңізде болсын!
Кредиттік тарих – бұл 5 жыл ішінде барлық міндеттемелер: жабық, ағымдағы, мерзімі өткен кредиттер; қайтару мерзімдері; кредиттік ұйымдарға өтініштер туралы барлық ақпарат сақталатын қарыз алушының өзіндік досьесі. Жақсы кредиттік тарих – бұл екінші деңгейдегі банктер, банк операцияларының жекелеген түрлерін жүзеге асыратын ұйымдар (мысалы, «Қазпочта» АҚ) және микроқаржылық қызметті жүзеге асыратын ұйымдар (МҚҰ, кредиттік серіктестіктер, ломбардтар) – кредиторлар үшін қарыз алушының оң имиджі. Кредиттік ұйымда лицензияның болуын ҚР Қаржы нарығын реттеу және дамыту агенттігінің www.gov.kz сайтынан тексере аласыз.
Кредиттік бюроға ешқандай жеке компаниялар қолжеткізе алмайды, сәйкесінше, олар&nbsp; мерзімін өткізіп алулар және басқа да ақпараттарды жоя отырып кредиттік тарихты тазарта алмайды
Қарызды «өте кремет» шарттармен ресімдеуге келетін болсақ, мынаны есте сақтау керек: Қазақстанда әлеуетті қарыз алушы мен кредитор арасында «жеңілдікті мөлшерлеме бойынша кредиттерге» көмектесе алатын ешқандай да делдалдар жоқ. Сонымен, сізге осындай кредит «алуға» кепілдік беретін адам алаяқ екендігі айдан анық! Қаскүнемдер тек кредиттермен ғана емес, сонымен қатар әкімшілік мәселелерді шеше отырып, әртүрлі тендерлерде &nbsp;«көмек» ұсынуы мүмкін екендігін айта кетейік. Алаяқтыққа байланысты тәуекелдерді азайту үшін ресми түрде жұмыс істеп, бизнесте тек ашық схемаларды қолданған дұрыс!
Телефон алаяқтары
Телефон алаяқтарының схемалары жылдар бойы дамып, жетілдіріліп келеді, алаяқтар өзінің әлеуетті құрбандарының санын арттыру үшін заманауи технологиялар мен әлеуметтік инженерия әдістерін белсенді түрде қолданып отырады.
Қаскөйлер өздерін банктердің, құқық қорғау органдарының қызметкерлері, сатып алушылар, сатушылар ретінде де таныстыруы мүмкін, олардың басты міндеті абонентті сөзге тарту, вирустық қосымшаны жүктеу не картаның толық деректемелерін, оның ішінде артқы жағындағы үш таңбалы кодты, сондай-ақ SMS арқылы растау кодын айтып беруге мәжбүрлеу болып табылады.
Есіңізде болсын!
Сізге қызмет көрсетілетін банктің өзіңізге таныс төрт таңбалы нөмірінен қоңырау шалып, мысалы, қауіпсіздік қызметінен хабарласып тұрмын деп айтса да, бәрібір сақ болыңыз.&nbsp; Алаяқтар кез келген нөмірді өз мүддесіне пайдаланып, хабарласуы мүмкін, алайда ол әлемнің басқа түкпірінде отыруы да мүмкін. Егер қоңырау шалушы ақша туралы сөз бастаса, онда бұл әңгімені бірден аяқтаңыз және жедел желі нөмірін өз бетіңізше тере отырып банкке немесе бұның алдында өзіңізге қызмет көрсеткен банк менеджеріне қайта қоңырау шалыңыз.&nbsp;&nbsp;
Банк менеджерлері ешқашан сіздің төлем деректеріңізді алу үшін бірінші болып қоңырау шалмайды. Олар ақшаңызды дереу «қауіпсіз» шотқа аудару қажет деп қоқан-лоқы көрсетіп, қорқытпайды. Егер Банк операцияны күмәнді деп санаса, ол барлық шоттарды бірден бұғаттайды, содан кейін барып орын алған жағдайдың мән-жәйін анықтайды.
Сондай-ақ,&nbsp; қаскөйлер өздерін салық қызметі, прокуратура, ІІМ, үкіметтік емес және басқа да ұйымдардың қызметкерлері ретінде таныстыруы мүмкін, алайда жеке деректеріңізді алғысы келетін бейтаныс адамдарға сенбеңіз!
Фишинг-алаяқтар
Фишинг, яғни, пайдаланушылардың идентификаттаушы деректерін алу үшін пайдаланылатын интернет-алаяқтықтың түрі кез келген бизнеске елеулі зиян келтіруі мүмкін. Мысалы, қаскүнемдер сіздің электрондық поштаңызға бизнес-серіктестен немесе ірі форум ұйымдастырушысынан қандай да бір жобаны қарауды немесе іс-шараға қатысу үшін ақы төлеуді ұсынған хат жіберуі мүмкін. Сілтемені басу арқылы сіз түпнұсқадан айырмашылығы жоқ фишингтік сайтқа кіресіз. Немесе компанияның жалпы желісіне енетін және маңызды есептік деректерге қол жеткізетін зиянды бағдарламалық қамтылымды (БҚ) автоматты түрде жүктеу орын алуы мүмкін. Осылайша, сіз және сіздің кәсіпорныңыз туралы конфиденциалды ақпарат сыртқа жария болуы мүмкін, бұл алаяқтарға сіздің шоттарыңызды иеленуге, ақша аударымдарын жасауға немесе жалған қарыз ресімдеуге мүмкіндік береді.
Есіңізде болсын!
Ешқашан күмәнді сілтемелерге, соның ішінде SMS, түрлі мессенджерлер арқылы келетін немесе әлеуметтік желілер директеріндегі күмәнді сілтемелерге кірмеңіз! Вирусқа қарсы БҚ-дан үнемдемеңіз, өз ұйымыңыздағы қауіпсіздік жүйесін күшейтіңіз. Ұйымның атауындағы қателер, әріптің түсіп қалуы мен жіберілген қателердің көптігі, қисық беттелуі, бөтен дизайн элементтерінің болуы күдік туғызауы тиіс. Өз қызметкерлеріңізді үнемі оқудан өткізіп отырыңыз, олар фишингті тани білулері тиіс. Фишингтік шабуылдардың түрлері күн сайын және сағат сайын өзгеріп отырады, &nbsp;сондықтан киберқауіпсіздік мақсатында қызметкерлеріңіз өздерінің есептік жазбаларына кіретін парольдарын үнемі өзгертіп тұрулары тиіс.
Жосықсыз инвестициялық делдалдар
Кейбір кәсіпкерлер жедел ақша іздестіру барысында жалған брокерлерге немесе қаржы пирамидасына тап болуы мүмкін. Өздерін жиі инвестициялық делдалдар деп таныстыратын алаяқтардың сендіру қабілеті жоғары және өз құрбандарының аңғалдығын терісі пайдаланады. Мысалы, олар бірегей инвестициялық жобаға жылдық 200-400% табыспен салым салуды немесе қор нарығында немесе Forex нарығында сауда-саттық өткізу үшін жалған брокерлік ұйыммен шарт жасасуды ұсынады. Ақыр соңында ақшаны қолға түсірген «инвестициялық делдалдар» із-түссіз жоғалады, ал кәсіпкерлер тақырға отырады.
Есіңізде болсын!
Егер сіз брокермен ынтымақтастық құруды жоспарласаңыз, оның алаяқ емес екендігіне көз жеткізу қажет. Сол себепті қаржы реттеушісінің www.gov.kz сайтында оның бағалы қағаздар нарығында кәсіпкерлік қызметті жүзеге асыруға лицензиясының бар-жоғын тексеріп алыңыз. Агенттіктің интернет-ресурсындағы брокердің барлық деректемелері лицензияда көрсетілген деректемелерге сәйкес болуы тиіс. Сондай-ақ сіздің брокеріңізде уәкілетті органның лицензиясы жоқ және жоғары кірістілік кепілдігіне уәде бере отырып, клиенттердің ақшасын инвестициялық мақсаттар үшін тартатын жосықсыз делдалдар тізіміне кіре ме, жоқ па соны міндетті түрде тексеріңіз. Бұл тізімді Агенттік 2021 жылғы маусымнан бастап өз сайтында жариялауда.&nbsp;
Қаржы пирамидасының алданып қалған салымшысы болмау үшін оның негізгі белгілерімен таныс болу қажет. Олардың ішінде негізгілерін қарастырайық:
1. Ертіп келген клиенттер үшін сыйақы. Егер сізге компанияға алып келген әрбір клиент үшін қосымша ақы төлеуге уәде берілсе, бұл ақшаны бермеу үшін және барлық таныстарды осындай қауіпті шарадан айнытуға жеткілікті негіз болып табылады.
2. Нарықтық деңгейден бірнеше есе жоғары табыстылыққа кепілдік беру. Түрлі «инвесткомпаниялар» табыстылыққа кепілдік бере алмайды, бұған заң жүзінде тыйым салынған. Егер біреу кепілдік берсе, онда ол алаяқ.
&nbsp;3. Қажетті лицензиялардың болмауы. Егер компания халықтан ақша салымдарын тартса немесе қор нарықтарына инвестиция салуды ұсынса және оның лицензиясы болмаса, онда онымен байланысуға бола ма, жоқ па дұрыстап ойланыңыз. Мұндай ұйымдар ҚР Қаржы нарығын реттеу және дамыту агенттігінің бақылауында емес, демек Сіздің құқықтарыңыз бен мүдделеріңізді ешкім қорғай алмайды.
4. Мүшелікке кіру жарнасының болуы: ресімдеуге, оқытуға, акцияларға және басқаларға. Әдетте, бұл жарна пирамида ұйымдастырушыларының негізгі табысы, сондай-ақ қаржы пирамидасының айқын және тән белгісі болып табылады.
5. Меншікті негізгі құрал-жабдықтарының, басқа да қымбат активтерінің болмауы. Оқиға жайсыз нәтижемен аяқталса, компанияның қолда бар мүлкі мен активтерін сатуға және салынған ақшаны ішінара қайтаруға болады. Бірақ қаржы пирамидаларында мұндай активтер жоқ.
6. Агрессивті жарнама кампаниясы. Қаржы пирамидаларының жарнамасы аз уақыт ішінде барынша көп клиентті тартуға негізделген және пирамидалардың негізін қалаған адамдарға тиімді болатын ақпаратты ғана қамтиды. Әрине, мұндай компания клиентінің тап болуы мүмкін тәуекелдерді жарнама берушілер белгілі себептер бойынша айтпауға тырысады.
7. Ұйым қызметінің нақты анықтамасының болмауы. Пирамиданың салымшылардың өздерінен басқа клиенттері жоқ. Сізге жеткізушілерді, мысалы, өзге де бизнес-серіктестерді ешқашан көрсетпейді. Егер компания осылай әрекет ететін болса, оған сенбеудің барлық негіздері бар, себебі ол ақша қаражатының қозғалысын бақылаудан барынша қашады.
8. Консультациялардың тек жекекездесукезіндеберілуі. Жеке кездесукезіндеклиенттіңсенімінекіріп, оны ақшасалуғакөндіруүшінәртүрліпсихологиялықайла-тәсілдердіқолдануоңайғасоғады.
9. Төлемдер тек қолма-қолақшаменқабылданады.
10. Сізді «шартқа» ойланбастан қол қоюға шақырады. Асығыс шешім қабылдамаңыз! Сіздің заңгеріңіз шартпен мұқият түрде танысып шығуы керек. Ал ең дұрысы үнемі мына қағиданы басшылыққа алыңыз – талаптарымен мұқият түрде таныспай тұрып ешқашан ешқандай шартқа қол қоймаңыз!
Fingramota.kz-пен бірге қаржылық тұрғыдан сауатты болыңыздар!

Оңай олжа: Алаяқтар кәсіпкерлерді қалай алдайды?

<a href="https://kyzylorda-news.kz/ru/">Kyzylorda-news.kz.</a> Кеше партияның облыстық филиалының алаңында облыстық мәслихаттағы «AMANAT» партиясы фракциясының мүшелері, облыстық мәслихат депутаттары Қылышбай Бисенов пен Аманжол Оңғарбаев қабылдау өткізді.
Қабылдауға келушілер әлеуметтік мәселелермен қатар шығармашылыққа қолдау білдіру, жоғары және орта арнаулы оқу орындарының жайы мен денсаулық сақтау саласы бойынша өтініштері мен ұсыныстарын білдірді.
Мәселен, Аманжол Оңғарбаевтың қабылдауына келген қала тұрғыны Қызылорда қаласы мен Сырдария ауданының құрметті азаматы Әскербек Рахымбекұлының 80 жылдығына орай еске алу кешін ұйымдастыруға және 2 томдық шығармалар жинағын баспадан шығаруға қолдау білдіруді сұрады. Аманжол Сақыпұлы мәселе бойынша мүмкіндік шегінде ат салысуға дайын екендігін жеткізді.
Сонымен қатар, қабылдауға келуші тұрғын осыған дейін депутат қабылдауына келіп, жылу құбырларын ауыстырып беруге көмек көрсету туралы өтінішін қараусыз қалдырмай, қайырымдылық көмек қолын созғанына алғысын білдірді.
Жалпы қабылдаулар барысында бірқатар мәселелер сол жерде оң шешімін тауып, зерттеуді қажет ететін өтініштер бойынша өтініш иелеріне қосымша хабар берілетіндігі түсіндірілді.
<img src="https://kyzylorda-news.kz/wp-content/uploads/2022/07/293437873_417410483757927_5842832092603004339_n.jpg" alt="" />

«AMANAT»: Фракция мүшелері халықты қабылдады

*<a href="https://kyzylorda-news.kz/ru/">Kyzylorda-news.kz.</a> Қазақстанда өткен тәулікте коронавирус инфекциясын жұқтырған 820 жағдай тіркелді, деп хабарлайды ҚазАқпарат.*
COVID-19 таралуына жол бермеу жөніндегі ведомствоаралық комиссияның мәліметінше, елімізде коронавирус инфекциясын жұқтырғандар саны 1 311 190-ға жетті.
«Соңғы тәулікте ауырғандардың ішінде
Нұр-Сұлтан қаласында – 180,
Алматы қаласында – 280,
Шымкент қаласында – 87,
Ақмола облысында – 8,
Ақтөбе облысында – 3,
Алматы облысында – 67,
Атырау облысында – 17,
Шығыс Қазақстан облысында – 12,
Жамбыл облысында – 35,
Батыс Қазақстан облысында – 7,
Қарағанды облысында – 56,
Қостанай облысында – 9,
Қызылорда облысында – 19,
Маңғыстау облысында – 10,
Павлодар облысында – 8,
Солтүстік Қазақстан облысында – 9,
Түркістан облысында 13 адам анықталды», – деп жазды комиссия.
Ал қауіпті індеттен бүгін 343 адам жазылып, қатарға қосылды. Оның ішінде,
Нұр-Сұлтан қаласында – 74,
Алматы қаласында – 236,
Шымкент қаласында – 0,
Атырау облысында – 2,
Жамбыл облысында – 9,
Қарағанды облысында – 16,
Қостанай облысында – 4,
Павлодар облысында 2 адам тұрады.
Елімізде барлығы 1 293 899 адам COVID-19-дан емделіп, сауығып шықты.

Қызылордада коронавирус жұқтырғандар саны күрт өсті

<a href="https://kyzylorda-news.kz/ru/">Kyzylorda-news.kz.</a> Заманауи ақпараттық технологиялар мемлекеттік қызмет түрлерін онлайн режимде алу мүмкіндігін кеңейтуде. Пандемия жағдайында университетке бетпе-бет байланыссыз құжаттарды тапсырудың бірнеше тәсілдері әзірленіп, сынақтан өтті.
Жоғары оқу орындарының талапкерлерді виртуалды қабылдауы ең сенімді тәсілдерінің біріне айналып отыр. Өткен жылы шалғайдағы ауылдардың мыңдаған түлектерінің құжаттары қабылданды. 
Биылғы жылы жоғары оқу орындары виртуалды кеңселерін қайта ашты және қабылдау комиссиялары алғашқы жұмыс күндерінен бастап өтініштерді онлайн қабылдауға әзір. Мұнда университет қызметкерлері кеңес береді және бейне байланыс арқылы құжаттарды қабылдайтын болады.
Қызмет көрсетудің тиімділігі мен жылдамдығын арттыру мақсатында сондай-ақ, ауа райының аптап ыстығы жағдайында қызметкерлердің штаты кеңейтілді. Қызмет көрсетуге студенттер қатарынан еріктілер тобы тартылуда. ЖОО-ның басшылығы қабылдау комиссиясына толық дайындығы туралы мәлімдеді.
Биыл білім беру гранттарын тағайындау конкурсына қатысу үшін құжаттарды қабылдау 2022 жылдың 13-20 шілде аралығында жүзеге асырылмақ. Сондықтан Egov электронды үкімет порталындағы уақытша олқылықтар талапкерлердің қызмет көрсету сапасына және құжаттар тапсыруына еш кері әсерін тигізбейді.
Университеттер мен виртуалды қабылдау комиссиялары үшін барлық қажетті байланыс ақпараттары Ұлттық тестілеу орталығының <a href="http://www.testcenter.kz/?fbclid=IwAR11QdTNqd1z_3LzcgeHQ_2EBolNACKV78sI3VK2uFO9egkJCZXe5xXuTsY">www.testcenter.kz</a> сайтында орналасқан.

Талапкерлер ЖОО-ға түсу үшін құжаттарды үйден шықпай-ақ тапсыра алады

<a href="https://kyzylorda-news.kz/ru/">Kyzylorda-news.kz.</a> Әлеуметтік желіде арнайы форма киген&nbsp;жігіттердің шамамен 12-13 жастағы баланы ағын судан&nbsp;құтқару сәті&nbsp;қызу талқылануда. Желі қолданушылары бұл адамдар үшін уайымдап, олардың қай ел азаматтары екенін өздерінше топшылады. Дегенмен көпшілік олардың қазақстандық емес екеніне сенімді болды. Бұл оқиғаның мән-жайы белгілі болды.
Әлеуметтік желіде тараған кадрларда қатты ағыс алып кеткен баланың артынан полиция киіміндегі үш ер адам мен тағы бір баланың жүгіріп келе жатқаны көрінеді.&nbsp;Екі ер адам суға секіріп, нәтижесінде олар баланы құтқарып қалады. Алайда суға секірген тәртіп сақшыларының өздері ағын сумен төмен қарай түседі. Видеоның соңында олар суға батып кеткендей болып, көрінбей қалады.
Қазақстанның Төтенше жағдайлар министрлігі видеода болған оқиғаның басқа елде түсірілгенін, себебі “оқиға туралы кезекші қызметкеріне шақырту түспегенін” мәлімдеді.
Қытайлық БАҚ жағдай туралы ақпарат таратты. Оқиға Қытайдың Шыңжаң-Ұйғыр автономиялық ауданында орналасқан&nbsp;Қызылсу-Қырғыз автономиялық облысының қалалық округі мен&nbsp;астанасы Артушта&nbsp; болғаны белгілі болды.
<blockquote>
 “Үш патрульдік қызметкер сүзу каналына батып бара жатқан 11 жасар баланы тапты. Тәртіп сақшылары Өміржан Тұрғын мен Рахманжан Мұхтар оған көмектесу үшін суға секірді. Каналдың екі жағындағы&nbsp;тегіс тас тақталар болғандықтан екеуін ағыс алып кетті. Полиция соған қарамастан баланы аман алып қалды”, – деп хабарлайды&nbsp;<a href="https://www.chinanews.com.cn/sh/shipin/cns-d/2022/07-10/news931662.shtml">China News</a>&nbsp;<a href="https://https//www.chinanews.com.cn/sh/shipin/cns-d/2022/07-10/news931662.shtml"></a>басылымында.
</blockquote>
Рахманжан Мұхтар әріптесінің шыға алмай жатқанын, ағыс төмен әкетіп бара жатқанын көрген.
<blockquote>
 “Денедегі жаралары мен шаршағанына қарамастан, ол тез арада әріптесіне қарай жүгіріп, оны құтқару үшін екінші рет каналға секіреді. Ең соңында полиция жағаға шыға алған. Өміржан Тұрғын құтқару операциясы кезінде аяғы мен белінен жарақат алған,&nbsp;сондай-ақ әртүрлі дәрежедегі басқа да жарақаттары бар”, –&nbsp;деп атап өтті басылым.
</blockquote>
Ал бала бірден&nbsp;емделуге ауруханаға жіберілді, оның өміріне қауіп төніп тұрған жоқ.
<a href="https://stan.kz/">Stan.kz</a>

Талқыға түскен видеоның кейіпкерлері жайлы мәлімет белгілі болды

<a href="https://kyzylorda-news.kz/ru/">Kyzylorda-news.kz.</a> Достық үйінде Қызылорда облыстық қоғамдық даму басқармасы мен облыстық «Қызылорда – Невада – Семей» қоғамдық бірлестігінің ұйымдастыруымен дөңгелек үстел өтті.
Оған ҚР Семей ядролық сынақ полигоны ерекше тәуекел етулер бөлімінің заңды тұлғалар бірлестігінің төрағасы Ержан Дүйсенбаев, осы бірлестіктің Нұр-Сұлтан қаласы бойынша өкілдігінің төрағасы Қайырбек &nbsp;Құсаинов арнайы қатысты.
Жиынға қатысқан қоғамдық даму басқармасы басшысының орынбасары Қуаныш Жанұзақов Семей ядролық полигонында әскери борышын өтеген ардагерлеріміз бүгінде түрлі салада қызмет етіп, өңірдің әлеуметтік-экономикалық дамуына үлес қосып келетінін атап өтті.
Қонақтар өз кезегінде бірлестік тарапынан республика көлемінде атқарылып жатқан жұмыстарға жан-жақты тоқталып, алдағы жоспарларымен бөлісті.
«Қызылорда – Невада – Семей» қоғамдық бірлестігінің төрағасы Әбіш Сәбит Ыдырысұлы, ардагерлер Семей ядролық сынақ полигонының зардаптарын жою, әскери қызметте болған азаматтарды әлеуметтік қамсыздандыру мәселелері төңірегінде пікірін білдірді. &nbsp;
Дөңгелек үстелдің қорытындысы бойынша алдағы уақытта аталған мәселелер бойынша кешенді жұмыстар атқару жоспарланды.

Неведа Семей қозғалысының мәселелері талқыланды

<a href="https://kyzylorda-news.kz/ru/">Kyzylorda-news.kz.</a> Биыл Қызылорда облысында ұзындығы 348 шақырымды құрайтын автомобиль жолдары мен көпір өткелдерін және көшелерді жөндеуден өткізу жоспарланған. Ол үшін республикалық және облыстық бюджеттен барлығы 18,5 млрд. теңге бөлініп отыр.Бүгінгі күні 104 шақырым жол желісі жөндеуден өткізіліп, 4,7 млрд. теңгесі толық игерілді. Бұл туралы аймақ басшысы облыстық мәслихаттың кезекті 17-ші сессиясында мәлімдеді.
«Нұрлы жол» бағдарламасы аясында жоспарланған 13 млрд. 272 млн. теңге қаржыға 104 км. жол салынды. Ал, «Өңірлерді дамыту» бағдарламасына сәйкес облыс орталығындағы Сұлтан Бейбарыс көшесінен Қызылжарма каналына дейінгі4 шақырымды құрайтын магистралды көшенің құрылысы аяқталып, пайдалануға берілді.
<blockquote>
 «Облыстық бюджеттен «Кіші қалаларды дамыту» бағдарламасы шеңберінде 69 млн. теңге бөлініп, Арал қаласының 10 көшесі және Қазалы қаласының 10 көшесі қайта жаңғыртудан өткізілуде.
 «Ауыл – ел бесігі» бағдарламасы бойынша республикалық бюджеттен 1 млрд.&nbsp;594 млн. теңге бөлініп, 14 жобаның құрылыс жұмыстары жүргізілуде.
 Сонымен қатар, облыстық бюджеттен Қызылорда қаласы мен облыс аумағында кент, ауылдық округтердің 50 шақырымболатын көшелерін жөндеу жұмыстарына 3 млрд.&nbsp;345&nbsp;&nbsp;млн.&nbsp;теңге бөлінді», деді аймақ басшысы.
</blockquote>
Өткен жылдың қорытындысымен облыстық және аудандық маңызы бар автомобиль жолдарының жақсы және қанағаттанарлық жағдайы белгіленген индикаторлық көрсеткіш – 75 пайызға жеткізілген. 2022 жылы бұл индикаторлық көрсеткішті 82 пайызға жеткізу көзделіп отыр.

Биыл Қызылорда облысында 348 шақырым жол жөнделеді

<a href="https://kyzylorda-news.kz/ru/">Kyzylorda-news.kz.</a> Бүгінгі күні табиғи газды облыс халқының 67 пайызы тұтынады. Биыл ауылдық елді мекендерді газдандыру бойынша 13 жобаны іске асыру басталды, оның 7-уі осы жылы аяқталады.
Облыс әкімі Нұрлыбек Нәлібаев облыстық мәслихаттың кезекті 17-ші сессиясында осылай деп мәлімдеді.
Нәтижесінде, 15 мыңнан астам халқы бар 8 елді мекен (Ақмая, Алғабас, Пірімов, Басықара, Жалантөс батыр, Бірлік, Қыраш, Қазалы қаласы) табиғи газға қол жеткізеді. Осылайша, газ тұтынатын халық санының үлесі 68 пайызға жетеді.

Қызылорда облысында 8 елді мекен газдандырылады

&nbsp;<a href="https://kyzylorda-news.kz/ru/">Kyzylorda-news.kz.</a> Қазгидромет 13 шілдеге арналған ауа райы болжамын жариялады.
Атмосфералық ауа ағындардың өтуі ҚР аумағының басым бөлігінде құбылмалы ауа райын сақтайтын болады – найзағаймен бірге жаңбыр жауады, желдің күшеюі, еліміздің оңтүстік-батысында, оңтүстігінде шаңды дауыл соғып, батысында бұршақ жауады. Тек Қазақстанның оңтүстігі, оңтүстік-батысы, солтүстік-батысы және орталығында жауын-шашынсыз ауа райы күтіледі.
Қызылорда облысында төтенше өрт қаупі сақталады.

Сәрсенбіге арналған ауа райы болжамы

<h4 id="kyzylordanewskzhttpskyzylordanewskzru2022202373nbsp"><a href="https://kyzylorda-news.kz/ru/">Kyzylorda-news.kz.</a> Бакалавриатқа түсу үшін 2022-2023 оқу жылында 73 мыңнан астам грант бөлінді.&nbsp;</h4>
Бұл туралы &nbsp;Ғылым және жоғары білім министрлігінің баспасөз қызметі мәлімдейді.
Гранттардың басым бөлігі «Инженерлік, өңдеу, құрылыс салалары» білім беру бағдарлама топтарына бөлінді, олардың саны 17 794 грантты құрайды. Ал «Педагогикалық ғылымдарға» – 10 810 грант, «Ақпараттық-коммуникациялық технологиялар» саласына – 9 103 грант, «Жаратылыстану ғылымдары, математика және статистика» бағытына– 6 288 грант тиесілі. Осылайша, техникалық бағыттар бойынша мемлекеттік тапсырыстың үлесі 60% – ға дейін ұлғайды.
ҰБТ қорытындысы бойынша кемінде 65 балл жинаған талапкерлер ұлттық жоғары оқу орындарына, кемінде 50 балмен басқа жоғары оқу орындарына түсе алады. Бұл ретте «Педагогикалық ғылымдар» және «Құқық» білім беру салалары бойынша шекті балл кемінде 75 балл, «Денсаулық сақтау» − кемінде 70 балл, «Ауыл шаруашылығы және биоресурстар», «Ветеринария» – кемінде 60 балды құрайды.
Биыл білім беру гранттарын тағайындау конкурсына қатысу үшін құжаттарды қабылдау 13 шілде күні басталып, 20 шілдеге дейін жалғасады. Қабылдау жоғары оқу орындарының қабылдау комиссиялары арқылы жүзеге асырылатын болады. Алыс аймақтарда тұратын талапкерлердің ыңғайы үшін жоғары оқу орындарында виртуалдық қабылдау комиссиялары жұмыс істеп, талапкерлерге бейне байланыс арқылы кеңес береді. Сонымен қатар құжаттарды қабылдау кез келген жоо (орналасқан жері бойынша) арқылы жүзеге асыруға болады.&nbsp;&nbsp;&nbsp;&nbsp;
Оқуға түсушілер 16 мамыр мен 5 шілде аралығында өткен ҰБТ-ның екі нәтижесінің біреуін конкурсқа ұсына алады.
Мемлекеттік білім беру гранттарын тағайындау конкурсына қатысуға құжаттарды электронды түрде тапсыру үшін талапкерлерге келесі құжаттар қажет: &nbsp;
<ol>
<li>жеке куәлік;</li>
<li>ҰБТ сертификаты;</li>
<li>3х4 көлеміндегі фото;</li>
<li>орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом);</li>
<li>№ 075/у нысанындағы медициналық анықтама және № 063/у нысанындағы профилактикалық екпелер картасы;</li>
<li>ер жігіттер үшін әскери тіркелу куәлігі;</li>
<li>жеңілдетілген санат бойынша конкурсқа қатысу үшін растайтын құжаттар.</li>
</ol>
Егер талапкер «Алтын белгі» иегері немесе отансүйгіштік және белсенді азаматтық ұстанымы үшін ерекшелік белгісімен марапатталған болса, онда ол басқа үміткерлермен балдары тең болған жағдайда басым құқыққа ие болады. Олимпиадалар мен спорттық жарыстардың жеңімпаздары үшін де осындай басымдылық қарастырылған.&nbsp;
Биыл алғаш рет Мемлекет басшысының тапсырмасы бойынша білім беру грантының жаңа түрі анықталды: «Халықтың тығыз орналасқан және батыс өңірлерінің жастарының жетекші жоғары оқуорындарында оқуға&nbsp;арналған мақсатты білім беру гранты». Бұл Атырау және Маңғыстау облыстарының 10 мың талапкеріне жоғары оқу орындарында білім алу үшін мақсатты гранттар алуға мүмкіндік береді. Мақсатты «Атырау-Маңғыстау» грантына конкурсқа ағымдағы жылдың мектеп түлектері қатыса алады. Бұл ретте олар бір уақытта жалпы конкурсқа, оның ішінде «Серпін» байқауына қатыса алмайды.
Сонымен қатар халықтың әлеуметтік осал топтарына бөлінетін гранттар саны көбейтілді. Кәмелетке толмаған төрт және одан көп бала тәрбиелеп отырған отбасылардағы балалар үшін гранттардың жалпы санының 5%-ы, кемінде үш жыл толық емес отбасы мәртебесі бар отбасылардан шыққан балаларға – 1%, І, ІІ топтағы мүгедек балаларды тәрбиелеп отырған отбасылардан шыққан түлектерге білім беру гранттарының 1%-ы көзделген. Жетім балалар және ата-анасының қамқорлығынсыз қалған балалар мен I, II топтағы мүгедектер, бала кезінен мүгедектер, мүгедек балалар арасынан шыққан азаматтар үшін квота гранттар санының&nbsp;1%-ын құрайды. Жыл сайын Қазақстан Республикасының азаматы болып табылмайтын ұлты қазақ адамдарға (қандастарға) гранттардың&nbsp;4%-ы беріледі.

Білім беру гранттарына құжат қабылдау 13 шілдеде басталады

<a href="https://kyzylorda-news.kz/ru/">Kyzylorda-news.kz.</a> 2020 жылдың 1 қаңтарынан бастап мемлекет МӘМС жүйесіне азаматтардың 15 жеңілдетілген санаты үшін жарналар аудару бастады. Төлемдерді мемлекет төлейді. Жеңілдігі бар 15 санат «сақтандырылған» мәртебесіне ие және оларға МӘМС тізіміне кіретін барлық медициналық қызмет тегін көрсетіледі.
Мемлекет есебінен МӘМС үшін жарна төленетін жеңіл­дік­ке ие 15 санат қатарына кімдер және қалай кіреді:
1) 18 жасқа дейінгі балалар. Балаға туу туралы куә­лі­­гі табысталған, яғни жеке сәй­­кестендіру нөмірі (ЖСН) бе­ріл­ген уақыттан бастап «сақ­тан­дырылған» болып саналады.
2) Жұмыссыз ретінде ресми тіркелген тұлғалар. Мұндай мәртебе алу үшін Халықты жұ­мыс­пен қамту орталығына барып, жұмыссыз ретінде ресми тіркелу қажет.
3) Жұмыс істемейтін жүкті әйелдер. Аталған жеңілдік сана­тына ену үшін әйел тіркелген ем­ханада жүктілігі бойынша уақ­тылы есепке тұруға тиіс. Соң­ғы 2 айда ол үшін зейнетақы жар­налары мен әлеуметтік ауда­рым­дардың болмауы шарт. Жеке кәсіпкерлер ретінде тір­келген және өз қызметін тоқ­тат­паған әйелдер, сондай-ақ БЖТ төлейтін әйелдер жұмыс іс­тейтін болып саналады және же­ңілдік санатына енгізілмейді.
4) Үш жасқа толмаған бала тәр­­биесімен айналысатын жұ­мыс істемейтін тұлға. Бұл са­нат­тағылар автоматты түрде «сақ­­­­тандырылған» мәрте­бе­сіне ие болады. Бірақ ресми түр­­де жұ­мыс істемеуі және де олардың атына соңғы 2 айда зей­­нетақы жарналары мен әлеу­мет­­тік аударымдар жасалмаған бол­уы керек.
5) Жүктілікке және босануға, жаңа туған баланы асырап алуға бай­ланысты, сондай-ақ бала үш жасқа толғанға дейін оның кү­ті­міне байланысты де­ма­лыс­­тағы тұлға. Олар дема­лыс­қа рес­ми түрде шыққан кезде «сақ­тандырылған» мәрте­бе­сін алады.
6) Мүгедек баланы күтіп-баға­тын, жұмыс істемейтін адамдар. Баланың тиісті құжаттарын дайындаған кезде күтім жасайтын тұлғаның мәліметтері де­рек­қорға енгізіледі. Ке­йін автоматты түрде «сақтандырылған» мәртебесін иеленеді.
7) Бірінші топтағы мүге­декке күтім жасайтын жұмыс іс­те­­мейтін адам. Мүм­кін­дігі шек­теулі жанның тиісті құжат­та­рын дайын­да­ған кезде күтім жасайтын тұлғаның мә­лі­мет­тері дерек­қорға енгі­зі­леді. Ізінше «сақ­тан­ды­рыл­ған» мәртебесі ав­то­матты түрде беріледі.
8) Зейнетақы төлемдерін алушылар, оның ішінде Ұлы Отан соғысының ардагерлері. Бұл жерде мемлекеттен сақ­тан­дырылғандардың тізіміне Қазақ­стан­ның Бірың­ғай жинақ­тау­шы зейнетақы қорынан зейнетақы алатындардың ғана енгізілгенін атап өту қажет. Зейнетақыны әлі ресми түрде рәсімдемеген адамдар және басқа мемлекеттерден зейнетақы алатын адамдар жеңілдік мәртебесін ала ал­майды.
9) Қылмыстық-атқару (пени­тен­циарлық) жүйесінде сот үкімі бойынша жазасын өтеп жүрген адамдар. Бұл жеңілдік санатына ену үшін қамаудағы мекеменің жауапты қызметкері жазасын өтеуші адамның де­рек­терін ақпараттық жүйеге енгізуі қажет.
10) Тергеу изолятор­ларын­да­ғы адамдар, сондай-ақ үйқамақ тү­ріндегі бұлтартпау шарасы қол­данылған жұмыс істемейтін адамдар. Бұл санаттағы жандар туралы мәліметті уәкілетті органның қызметкерлері жүйеге енгізеді.
11) Жұмыс істемейтін қан­дас­тар. «Қандас» куәлігін алған соң, соңғы екі айда МӘМС үшін төлем жасалмаған болу керек. Сонда автоматты түрде же­ңіл­дік санатына енгізіледі.
12) «Алтын алқа», «Күміс алқа» алқаларымен мара­пат­тал­ған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен марапатталған көп­балалы аналар автоматты түр­де «сақтандырылған» мәр­те­бе­сіне ие болады.
13) Мүгедектер. Ресми құжа­ты шыққан кезде, мәртебе авто­мат­­ты түрде беріледі.
14) Орта, техникалық және кәсіптік, орта білімнен кейін­гі, жоғары білім беру, сондай-ақ жоғары оқу орнынан кейінгі білім беру ұйым­да­рында күн­діз­гі оқу нысанында білім алатын тұлғалар. Қазақс­танда оқи­тын студенттер жеңіл­де­тіл­ген санатқа автоматты түрде қосы­ла­ды.
Бұл жерде шетелдік оқу орын­дарында күндіз оқитын қа­зақ­стандық студенттер МӘМС жүйе­сінде «сақтандырылған» тұлғалардың автоматты түрдегі жеңілдік мәртебесін бірден ала алмайтынын ескеру керек. Олар egov.kz электронды үкі­мет порталындағы сервисті пай­­далана отырып, жүйеде өз бе­тін­ше тіркелуі қажет. Ол үшін төмендегі әрекеттерді орындау керек:
– Іздеу жолағына «Шетелде оқи­тын студенттерді тіркеу» деп теру;
– Ашылған терезеде өтінішті тол­тыру және оқуды растайтын құжаттарды қоса беру;
– Өтінішке ЭЦҚ көмегімен қол қою;
-Көп жағдайда сақтан­ды­ру­дың жеңілдік мәртебесі жолдарды дұрыс толтырған уақытта 10 жұмыс күні ішінде беріледі;
-Егер сақтандырудың жеңіл­дік мәртебесін беру көрсе­тіл­ген мерзімнің ішінде жүзеге асы­рылмаса, Білім және ғылым министрлігінің Халықаралық ынтымақтастық департаментіне хабарласу қажет.
Студент әрбір семестр аяқ­тал­ғаннан кейін сақ­тан­ды­ры­лу мәртебесін тексеруі және оқудың өзектілігін растауы қа­жет екенін есінде ұстағаны дұ­рыс. Өйткені дерекқордағы мәліметтер өзгеруі мүмкін.
15) Жұмыс істемейтін мем­ле­­кеттік атаулы әлеуметтік кө­мек алушылар. Әлеуметтік тө­лем тағайындалған кезде «сақ­тандырылған» мәртебесі автоматты түрде беріледі.
Егер сіз осы 15 санаттың бі­рі­не кірсеңіз, бірақ «сақ­тан­ды­рыл­маған» болсаңыз, растайтын құжаттар тізімін жинап, Халыққа қызмет көрсету орталығына тапсыруыңыз керек. Ақпарат мемлекеттік органдарға жолданып, тиісті шаралардан соң сізге «САҚТАНДЫРЫЛҒАН» мәр­тебесі беріледі және сіз үшін мем­лекет жарна төлейді.
<img src="https://kyzylorda-news.kz/wp-content/uploads/2022/07/lgotnye-kategorii-kaz.jpg" alt="" />

Медициналық сақтандыру кімге тегін?

<a href="https://kyzylorda-news.kz/ru/">Kyzylorda-news.kz.</a> Қызылорда облысы төтенше жағдайлар департаменті мемлекеттік өрт бақылау басқармасының бастығы болып Асхат Оразбеков тағайындалды.
Азаматтық қорғау подполковнигі Асхат Плалұлы Оразбеков Қызылорда қаласында 1984 жылы туған.
Білімі жоғары – 2004 жылы Қорқыт Ата атындағы Қызылорда мемлекеттік университетін «құқықтану» мамандығы бойынша бітірген. 2014 жылы Болашақ университетін тәмамдап, «құрылысшы» біліктілігін алған.
Еңбек жолын 2005 жылдан Қызылорда облысы төтенше жағдайлар саласындағы мемлекеттік бақылау және қадағалау басқармасының Сырдария ауданы төтенше жағдайлар саласындағы мемлекеттік бақылау және қадағалау бөлімінің аға анықтаушысы болып бастаған. Азаматтық қорғау органдары саласында аға анықтаушы, бас маман, жедел кезекші, басқарма бастығының орынбасары қызметтерін атқарды. Бүгінгі тағайындалған қызметіне дейін&nbsp; Қызылорда қаласы төтенше жағдайлар басқармасы бастығының орынбасары қызметін абыроймен атқарды.

Қазақстан және Қызылорда облысының жаңалықтары