Kyzylorda-news.kz. Қазақстанда өткен тәулікте 905 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 106, Алматы қаласы – 110, Шымкент қаласы – 14, Ақмола облысы – 80, Ақтөбе облысы – 10, Алматы облысы – 35, Атырау облысы – 10, Шығыс Қазақстан облысы – 57, Жамбыл облысы – 8, Батыс Қазақстан облысы – 18, Қарағанды облысы – 101, Қостанай облысы – 107, Қызылорда облысы – 10, Маңғыстау облысы – 7, Павлодар облысы – 95, Солтүстік Қазақстан облысы – 131, Түркістан облысы – 6.
Жалпы ел бойынша ауырғандар саны 969245.

Қызылордада коронавирус жұқтырғандардың тәуліктік көрсеткіші жарияланды

Kyzylorda-news.kz. Синоптиктердің болжауынша сенбі күні елімізде тұман түсіп, көктайғақ болады, жел күшейіп, солтүстікте боран соғуы ықтимал, деп хабарлайды Қазгидромет.
27 қарашада ауқымды антициклонның әсерінен республиканың басым бөлігінде күн райы ашық болады, тек еліміздің қиыр солтүстігінде және оңтүстік-шығыстың таулы аудандарында қар жауады. Сондай-ақ, елімізде тұман түсіп, көктайғақ болады, жел күшейіп, солтүстікте боран соғуы ықтимал.
Ақмола облысының солтүстік-батысында жаяу боран соғады, облыстың солтүстігінде, шығысында жел 15-20 м/с күшеюі мүмкін.
Алматы облысының Жалаңашкөл ауданында жел 17-22 м/с күшеюі ықтимал. Түнде және таңертең Түркістан облысының таулы аудандарында тұман түседі, күндіз жел 15-20 м/с күшеюі мүмкін.
Батыс Қазақстан, Атырау облыстарының батысында, солтүстік-батысында, Ақтөбе облысының орталығында, Қарағанды, Шығыс Қазақстан облыстарының солтүстігінде тұман түсуі мүмкін.
Маңғыстау облысының солтүстік-батысында, солтүстік–шығысында көктайғақ болуы ықтимал.
Қостанай облысының солтүстік-шығысында жел 15-20 м/с күшейіп, түнде боран соғуы ықтимал.
Солтүстік Қазақстан облысында жел 15-20 м/с күшейеді, күндіз облыстың солтүстік-шығысында, оңтүстігінде екпіні 23-28 м/с жетеді, облыстың солтүстік-шығысында боран соғады.
Күндіз Павлодар облысының батысы мен солтүстігінде жел 15-20 м/с күшейеді, облыстың солтүстігінде жаяу бұрқасын соғуы ықтимал.
Қызылорда облысының орталығында тұман түсіп, күндіз желдің жылдамдығы 15-20 м/с жетеді.
Жамбыл облысының солтүстігінде және таулы аудандарында тұман түсіп, көктайғақ болады, облыстың оңтүстік-батысында, солтүстік-шығысында және таулы аудандарында желдің жылдамдығы 15-20 м/с жетеді.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы қауіпсіздігі аралас ЗК-169/5 мекемесінде 800-ден астам сотталған жазасын өтейді. Олардың жасаған қылмыстары, жаза өтеу мерзімдері де&nbsp; әр түрлі. Біреуі қарақшылық жасап сотталған болса, екіншісі есірткі бабымен, басқалары әр түрлі қылмыспен жазаларын өтеп жатыр.
Жазасын өтеп жүрген сотталғандар арасында &nbsp;құрамында есiрткi заттар бар, өсiруге тыйым салынған өсiмдiктердi заңсыз егіп-өсіргені үшін 4 жылға сотталған 60 жастағы жазасын өтеуші де бар.
<blockquote>
 «Жас болдым, алып-ұшып тұрған шағымда есірткі затының дәмін татып көрдім. Есірткінің ерекшелігі сол – бір рет дәмін татқан адамды бірден өзіне баурап алады. Нәтижесінде, қалай тәуелді болып қалғанымды да білмей қалдым. Ес біліп есейген соң бұл әдет қалмады. Одан «Сора» өсімдігін өсіруді қолға алдым. Өзіме пайдалану үшін өсірдім. Кейіннен отбасы құрдым, қаншама рет есірткіге тәуеділіктен құтыламын дегенмен құтыла алмадым. Ұлым мен қызым бар, олардың да өз отбасылары бар. Қазір немересін еркелетіп отыратын ата болып, ақыл айтып отыратын шағымда балалық шақта дәмін тартып көрген заттан құтыла алмай осылай жазамды өтеп, темір есікке телміріп, бостандықты аңсап жүрмін. Балаларым, немерелерім де кеп тұрады. Төрт жылға сотты болдым, мекемеге келгеніме бір&nbsp; жылдан асты, әлі үш жылым бар. Сот үкімімен мәжбүрлі түрде нашақорлықтан емделу тағайындалған болатын. Түзеу мекемесінде&nbsp; толық&nbsp; ем алдым », – деп күрсінді ол.
</blockquote>

Зейнетке шығатын шағында сотталып кеткен жазасын өтеуші өкінетінін айтты

<a href="https://kyzylorda-news.kz/">Kyzylorda-news.kz.</a>&nbsp;Қазақстанның мемлекеттік қызметшілеріне қосымша&nbsp;жұмыс істеуге заңды түрде рұқсат берілмек. Ақпаратты мемлекеттік қызмет істері агенттігі (ҚҚА) «Қазақстан Республикасының кейбір заңнамалық актілеріне мемлекеттік қызмет көрсету мәселелері бойынша өзгерістер мен толықтырулар енгізу туралы» заң жобасының тұжырымдамасында ұсынады, деп хабарлайды&nbsp;<a href="https://stan.kz/">Stan.kz</a>.
<blockquote>
 «Қазақстан Республикасының мемлекеттік қызметі туралы» Заңының 13-бабына сәйкес, мемлекеттік қызметшілердің өзге де ақы төленетін (педагогикалық, ғылыми және өзге де шығармашылық қызметтен басқа) және кәсіпкерлік қызметпен айналысуға, оның ішінде кәсіпкерлік қызметке қатысуға құқығы жоқ. Қазіргі таңда бұл бағытта белгілі бір шаралар қолға алынып жатқанымен, мемлекеттік қызметшілер лайықты жалақы алмай отыр. Осыған байланысты, біздің ойымызша, бұл шектеулерді әлсіретіп, оларға қосымша табыс алу мүмкіндігін беру қажет», – делінген хабарламада.
</blockquote>
Бұл ретте, идея авторларының пікірінше, қосымша жұмыс мемлекеттік қызметтің беделін түсіруге, мемлекет мүддесіне қайшы келмеу керек.
<blockquote>
 «Бұл ретте қызметтің жекелеген түрлерін шектейтін критерийлерді белгілеу орынды сияқты. Мысалы, тыйым салу мемлекеттік қызметшілердің қызметтік міндеттерін орындауына кедергі келтіретін, мүдделер қақтығысының туындауына әкеп соғатын, мемлекеттік қызметтің беделін түсіретін және (немесе) тұлғаның моральдық-этикалық бейнесін бұзатын «өзге» әрекеттерге қатысты», – делінген құжатта.
</blockquote>
Атап өткендей, сонау 2020 жылдың наурызында мемлекеттік қызметкерлердің&nbsp;жұмыс уақытынан тыс уақытта шығармашылық және өзге де ақылы қызметпен айналысу тәртібін қамтамасыз ету тапсырылған болатын.
<blockquote>
 «Жоғарыда айтылғандарды ескере отырып, біз заңнамаға сәйкес мемлекеттік қызметшілердің кәсіпкерлік қызметпен айналысуға шектеулерді сақтай отырып, басқа да ақы төленетін қызметпен айналысу мүмкіндігі туралы мәселені пысықтауға болады деп есептейміз», – делінген тұжырымдамада.
</blockquote>

Қазақстанда мемлекеттік қызметкерлерге қосымша жұмыс істеуге заңды түрде рұқсат берілмек

<a href="https://kyzylorda-news.kz/">Kyzylorda-news.kz.</a> «Қазақ тілі» қоғамының Орталық кеңесінің жаңа құрамына ҚР Парламентінің қос палатасының депутаттары мен филиал төрағалары және зиялы қауым өкілдерінен құралған 47 адам сайланды. Ал Орталық кеңес басқармасының жаңа құрамына 18 адам сайланып, қызметке кірісті, деп хабарлайды ҚазАқпарат.
Түркістанда өткен қоғамның VI құрылтайында Мемлекеттік хатшы Қырымбек Көшербаев ҚР Тұңғыш Президенті, Елбасы Нұрсұлтан Назарбаев пен ҚР Президенті Қасым-Жомарт Тоқаевтың құрылтайға арналған құттықтау хаттарын оқып берді. Сондай-ақ қазақ тілінің қолданылу аясын кеңейту үшін маңызды жұмыстар жалғасатынын, елді біріктіретін фактор мемлекеттік тіл екенін атап өтті. Президент әкімшілігі мен ел үкіметі тарапынан қазақ тілінің мәртебесін көтеруге барынша қолдау көрсетіле беретінін мәлімдеді. Мемлекеттік тіл саясатын тиімді іске асыру бағытындағы жоспарларды саралап, тиісті тапсырмалар мен жоспарларды бекітті.
<blockquote>
 «Бұл құрылтайды Түркістанда өткізуімізде мән бар. Елбасының тарихи шешімімен Түркістан облысы құрылып, Түркістан қаласы облыс орталығы ретінде дамып келеді. Қыруар жұмыс атқарылып жатыр. Сіздер – ел алдында жүрген азаматсыздар. Елорданы көріп жүрсіздер, бұл жолы Түркістанның жаңа келбетін көрсін, қуансын деп құрылтайды осында ұйымдастыруды жөн көрдік», – деді Қ.Көшербаев.
</blockquote>
Келелі басқосуда «Қазақ тілі» қоғамының атқарған жұмысы бойынша Орталық кеңесінің есебі тыңдалды. Қоғам филиалдарының басшылары да баяндама жасап, өз ұсыныстарын білдірді. Сонымен бірге қоғамның жаңа бағдарламасы мен жарғысы қабылданды. Құрылтайда делегаттардың ашық дауыс беруі арқылы халықаралық «Қазақ тілі» қоғамының президенті болып сайланған ҚР Парламенті Мәжілісінің депутаты Берік Әбдіғалиұлы мемлекеттік тілді тұғырына толық қондыру бағытында жұмыс күшейетінін жеткізді.
<blockquote>
 «Қазақ тілінің мәселесін қазақ тілді ортада ғана талқылай бермей, орыс тілді ортада да талқылап, мемлекеттік тілдің маңыздылығын кей ағайындарға түсіндіру керек. Қазақстанның әрбір азаматы қазақ тілін білуге міндетті», – деді ол.
</blockquote>
Құрылтай барысында өңірлерде қоғам филиалдарының жұмысы күшейтіліп, бас кеңсе Алматыдан Нұр-Сұлтанға көшірілетіні айтылды. Бас ұйым мен филиалдардың жұмыс жоспары бекітілді. Сондай-ақ жиын барысында «Қазақ тілі» қоғамдық бірлестігінің Қызылорда облыстық филиалының төрағасы Сәдуақас Аңсат «Парасат» орденімен, А.Байтұрсынұлы атындағы Тіл білімі институтының директоры, ғалым Анар Фазылжанова «Құрмет» орденімен марапатталды. Оларды Мемлекеттік хатшы Қ.Көшербаев арнайы марапаттап, қазақ тіліне қосқан үлестері үшін алғысын білдірді.
Маңызды басқосуда ҚР Парламенті Мәжілісінің депутаты Геннадий Шиповских әлеуметтік желілер мен ғаламторда қазақша контенттерді көбейтіп, жастардың сұранысын қанағаттандыру керек деген пікірін білдірсе, қоғам қайраткері Оразкүл Асанғазы мен тіл жанашыры Асылы Осман мемлекеттік тілді толық тұғырына қондыруға кері әсерін тигізіп отырған факторларға тоқталып, қазақ тілінің болашағы үшін нақты жұмыстар атқарылуы керектігін жеткізді.
Түркістан облысында 2 күнге созылған құрылтайға қатысушылар Арыстан баб пен Қожа Ахмет Ясауи кесенесіне зиярат жасап, бабалар рухына тағзым етті. Осы сапарда делегаттар тіл жанашырлары әрі қоғам қайраткерлері Өзбекәлі Жәнібеков пен Өмірзақ Айтбаевты еске алды. Жиынға қатысушылар Түркістандағы оң өзгерістерге ризашылықтарын білдіріп, құрылтайдағы маңызды бастамаларды жүзеге асыруға бар күштерін салатындарын жеткізді.
<img src="https://kyzylorda-news.kz/wp-content/uploads/2021/11/211126112200297e.jpg" alt="" />

«Қазақ тілі» қоғамының Орталық кеңесінің жаңа құрамына 47 адам сайланды

&nbsp;<a href="https://kyzylorda-news.kz/">Kyzylorda-news.kz.</a>&nbsp; Қазгидромет 27-29 қарашаға арналған ауа райы болжамын жариялады.&nbsp;
Синоптиктердің хабарлауынша, Қазақстанға солтүстік-батыс антициклоны ығысып келеді. Соның әсерінен жауын-шашынсыз болып, солтүстікте күн суытады.
Алайда батыс өңірлерге Ресейдің еуропалық бөлігінен жылы фронт келеді. Сондықтан күндіз ауа температурасы көтеріледі.
Солтүстік&nbsp;аймақта түнде минус 10-18, күндіз 7-15 градус аяз.
Батыста&nbsp;күндіз 0 – плюс 5 градусқа дейін жылынады. Ал оңтүстік-батыста плюс 12 градус.
Шығыста&nbsp;түнде минус 15-23 градустан минус 8-16 градусқа дейін біршама жылынады. Күндіз 0 – минус 10.
Оңтүстікте&nbsp;де ауа температурасы көтеріледі. Түнде 0 – минус 10 градустан 0 – плюс 5- қа дейін, күндіз 0-10 жылыдан плюс 3-15 градусқа дейін көтеріледі.
Ал оңтүстік-шығыста түнде 0 – минус 10, күндіз минус 3 – плюс 7 градус шамасында болады.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Бүгін бұқаралық ақпарат құралдары өкілдері Қызылорда қаласында орналасқан 1414 Біріңғай байланыс орталығының жұмысымен танысты. Биылғы жылдың мамыр айының 29 күні облыс орталығында 1414 біріңғай байланыс орталығының Қызылорда қалалық бөлімі ашылды. Мұндай орталық осыған дейін Республика бойынша Нұр-Сұлтан қаласында ғана болған.
Азаматтар электронда үкімет порталымен жұмыс істеген кезде ақпаратты немесе қызметті алу барысында қиындыққа кезігеді. Осы жағдайда пайдаланушылар «Call-орталық», «Кері байланыс» және «1414 нөміріне» қоңырау шалу арқылы, кеңес және көмек ала алады.
Қазіргі таңда «Азаматтарға арналған үкімет» КЕАҚ АҚ Қызылорда облысы бойынша филиалының Қызылорда қалалық Бірыңғай байланыс орталығының жалпы штат саны 109 құрайды, бүгінде бөлімде штат бойынша 92 қызметкер бар. Оның 4-і мүмкіндігі шектеулі жандар.
Ашылғалы бері аталған орталыққа азаматтардан 747 мың 108 қоңырау келіп түскен. Яғни, 1 күнде келіп түскен қоңырау саны – 7686-ге жуық, 1 күнде 1 қызметкер шамамен 90-130 қоңырау қабылдайды.
Ағымдағы жылдың мамыр айы мен қыркүйек айы аралығында 1414 бірыңғай байланыс орталығының ең үздік қызметкерлері шілде айында Қуандықова Айтолған-3514, тамыз айында Айдарбек Ақниет-3403, қыркүйек айында Шонай Азиза-3115, қазан айында Айсаутова-3234 қоңырау қабылдаған.
Бейне қоңырау ХҚО ЫАЖ-дегі оператор саны-7. Жұмыс орны тиісті жабыдықтармен толық қамтылған. ЦОН мобильды қосымшасы арқылы, 24 мемлекеттік қызмет түрін көрсетеді.
Бірыңғай байланыс орталығы Қызылорда қаласы Н.Назарбаев даңғылы 11 мекен-жайында орналасқан. Ғимарат көлемі 392,7 шаршы метр құрайды.
«Қазақтелеком» арқылы 100 мб жылдамдығы бар интернет желісімен, ХД платформасы арқылы жұмыс атқарылуда.
Еліміз бойынша 1414 Біріңғай байланыс орталығы 2011 жылғы 29 қарашада “Ұлттық ақпараттық технологиялар” АҚ call-орталығының базасында құрылды. Call-орталық Нұр-сұлтан қаласында ашылды және бірінші жылы онда 20 оператор жұмыс істеді. Бүгінде орталық қызметіне 10 жыл толып отыр.
ББО алдына алғашында мына мақсаттар қойылды:
<ul>
<li>мемлекеттік қызметтер бойынша азаматтарға кеңес беру</li>
<li>Мемлекеттік қызметтерді алу үшін қажетті құжаттар бойынша ақпарат ұсыну</li>
<li>“бір терезе” қағидаты бойынша байланыс орталығы арқылы азаматтардың мемлекеттік органдармен байланысы</li>
</ul>
2018 жылы “Цифрлық Қазақстан” мемлекеттік бағдарламасын іске асыру шеңберінде бірыңғай байланыс орталығы порталда виртуалды консультантты енгізді Egov.kz. клиенттер арнайы чатта виртуалды кеңесшіге хабарласып, мемлекеттік қызметтер бойынша ақпаратты мәтіндік түрде ала алды. Жасанды интеллект технологиясының көмегімен құрылған чат-бот әлеуметтік желілер мен мессенджерлер (Telegram, VK, Facebook) арқылы бірқатар мемлекеттік қызметтерді көрсете алды.
120008, Қызылорда қаласы, Абай Құнанбаев даңғылы, 48 тел./факс: 8(7242) 23-44-35, 23-48-19 e-mail: kense_kyzylorda@goscorp.kz 120008, город Кызылорда, проспект Абая Кунанбаева, 48 тел./факс: 8(7242) 23-44-35, 23-48-19 e-mail: kense_kyzylorda@goscorp.kz
2021 жылдың сәуір айында “Ұлттық ақпараттық технологиялар” АҚ “Азаматтарға арналған үкімет”Мемлекеттік корпорациясына 1414 Бірыңғай байланыс орталығын берген болатын.
Биылғы жылдың жазында Қызылорда, Қостанай, Көкшетау және Петропавл қалаларында бірыңғай байланыс орталығының бөлім кеңселері ашылды.
Қазіргі уақытта бірыңғай республика бойынша барлық байланыс орталығында 353 оператор жұмыс істейді, олар 690 Мемлекеттік қызмет, 243 сервис және 10 ақпараттық-коммуникациялық қызмет бойынша кеңес береді.
Сондай-ақ, клиенттерге Ashyq қосымшасы бойынша вакцинация туралы ақпарат ұсынылады, ерекше қажеттіліктері бар адамдарға мемлекеттік қызметтерді ұсыну үшін ХҚКО қызметкерлерінің үйге баруы бойынша өтінімдер қабылданады. ББО-ның өзекті деректер базасын қалыптастыру үшін 26 мемлекеттік органмен өзара іс-қимыл жасайды.
Қазіргі уақытта бірыңғай байланыс орталығы күніне орта есеппен 75 мың сұрауды өңдейді. Өңделген сұраныстардың рекордтық саны -100 мың қоңырау. Бірыңғай байланыс орталығының өткізу қабілетін арттыру үшін клиенттерден қоңырауларды ғана емес, аудио және бейне хабарламаларды да қабылдауға мүмкіндік беретін бірыңғай арналы платформаға көшу жүргізілді. Оператордың жауабын күту уақыты 16 секундқа дейін қысқарды, мәзірден кейін жоғалған қоңыраулардың пайызы және 30 секунд күту-1%, тұтынушылардың қанағаттанушылығының орташа бағасы бес балдық шкала бойынша 4,78 баллға дейін өсті.
10 жыл ішінде бірыңғай байланыс орталығының операторлары 40 млн астам өтініш қабылдады. ББО WSIS PROJECT PRIZES халықаралық байқауының жүлдегері, EN 15838 халықаралық стандарт талаптарына сәйкестік сертификатының иегері болып табылады. 2017 жылы Бірыңғай байланыс орталығы “Хрустальная гарнитура” халықаралық байқауының “мемлекеттік органдар мен ТКШ секторында халыққа қызмет көрсету бойынша үздік орталық” номинациясы бойынша жеңімпазы атанды.

1414 біріңғай байланыс орталығына 10 жыл

<a href="https://kyzylorda-news.kz/">Kyzylorda-news.kz.</a> Елімізде кәсіпкерлікті дамыту – жаңа жұмыс орындарын құру мен бюджеттік кірісті ұлғайтудың басты көзі екені белгілі. Бұл бағытта “Бизнестің жол картасы 2025” мемлекеттік бағдарламасы шеңберінде кәсіпкерлердің жаңашыл жобаларын қайтарымсыз жолмен қаржыландыру мақсатында 2013 жылдан бері конкурстық іріктеу өткізіліп келеді. Өңірлік коммуникациялар қызметінде өткен брифингте облыстық кәсіпкерлік және туризм басқармасы басшысының орынбасары Талғат Бекішов өңірде жүзеге асырылатын жобалар туралы баяндады.
<blockquote>
 «Бағдарламаның өңірлік үйлестірушісі ретінде – облыстық кәсіпкерлік және туризм басқармасымен 2021 жылы конкурстық іріктеу өткізу үшін бюджеттен 261 млн. теңге қарастырылды. Жалпы бөлінген қаржының 10 млн.теңгесі шағын кәсіпкерлерге қарастырылған болса, 250 млн. теңге 18-29 жас аралығындағы кәсіпкерлердің жобаларын қаржыландыруға бөлінді. Биылғы жылдың 6-8 қыркүйек аралығында кәсіпкерлердің бизнес-жобалары конкурстық комиссия қарауына ұсынылды. Осы орайда, 68 кәсіпкердің жобасы қайтарымсыз гранттармен қамтамасыз етілді», – деді Талғат Бекішов.
</blockquote>
Конкурсқа ұсынылған бизнес-жобалар мемлекеттік гранттар беру қағидалары негізінде жүзеге асырылмақ. Сондай-ақ, бизнес-жобалардың негізгі үлесі – жеңіл өнеркәсіп салаларына бағытталған.
<blockquote>
 «Мемлекеттік гранттар беруге мақұлданған бизнес-жобаларының негізгі үлесі өнеркәсіп секторына тиесілі. Атап айтқанда, тамақ, киім өнімдері және құрылыс материалдарын шығаратын шағын цехтар үлесінде. Конкурстың комиссия шешімімен “Эко ыдыс-аяқ өндірісі”, “Шеге өндірісі”, “Резеңке аяқ-киім өндірісі”, “Чипсы өндірісі”, “Тент шығаратын цех”, “Макулатура қабылдау пункті” секілді жаңадан іске қосылатын бірқатар жобалар қолдау тапты. Жаңадан ісін бастаған, әсіресе жас кәсіпкерлер үшін мемлекеттік гранттар беру айтарлықтай қолдау болады деп санаймын», – деді «Dalatex» компаниясының басшысы Ділмұхамед Абизов.
</blockquote>

Қызылордалық 68 кәсіпкердің бизнес жобасы қайтарымсыз грантқа ие болды

<a href="https://kyzylorda-news.kz/">Kyzylorda-news.kz.</a>&nbsp; Жылу беру маусымында облыстағы әлеуметтік нысандарға 33,3 мың тонна көмір қоры қажет. Бүгінгі күні жалпы қажеттіліктің 98 пайызы яғни 32,6 мың тоннасы әкелінді. Ал, тұрғындарға қажетті 140,4 мың тонна көмірдің 97 пайызы жеткізілді. Бұл жөнінде Өңірлік коммуникациялар қызметінде өткен брифингте облыстық энергетика және тұрғын үй – коммуналдық шаруашылық басқармасының басшысы Ерлан Жаңабаев мәлімдеді.
<blockquote>
 «Қазіргі таңда облыстағы барлық көмір қоймаларында 2 630 тонна көмір қоры бар. Бұдан бөлек, өңірге 156 вагон яғни 10 920 тонна көмір жеткізілмек. Көмірдің бағасы маркаларына және елді-мекен қашықтығына байланысты, қала және аудан орталықтарындағы көмір қоймаларында тоннасы 14,4 мың мен 18 мың теңге аралығында тұрғындарға сатылуда», – деді басқарма басшысы Ерлан Мақсотұлы.
</blockquote>
Бүгінгі таңда облыс бойынша көмір сатумен 30 кәсіпкер айналысады. Оның 24-і өңірлік оператор ретінде белгіленген.
<blockquote>
 «Көмір бағасының өсімін алдын алу мақсатында көмір сатушы кәсіпорындармен барлығы 19 екі жақты меморандум жасалынды. Меморандумға сәйкес көмір бағасы 13 мың теңге мен 18 500 теңге аралығында сатылмақ. Сонымен қатар, облыс әкімдігі көмірді тауарлық биржалар арқылы сатып алу туралы түсіндірме жұмыстары жүргізілуде», – деді сауданы дамыту бөлімінің басшысы Нұрлан Шырынбеков.
</blockquote>

Қызылордаға 10 920 тонна көмір жеткізіледі

<a href="https://kyzylorda-news.kz/">Kyzylorda-news.kz.</a>&nbsp;Жеке тұлғалардың жер, мүлік, көлік салықтарынан түскен түсім 4-деңгейдегі бюджетке түседі. Ол кент, ауылдық округтердің бюджеті. Жергілікті атқарушы органдарының негізгі басымдығы мен мақсаты өз бюджеттерін толықтыру болып табылады. Бұл туралы бүгін Өңірлік коммуникациялар қызметінде өткен баспасөз конференциясында Қызылорда облысы бойынша мемлекеттік кірістер департаменті басшысының орынбасары Қуанышбек Бекшин хабарлады.
<blockquote>
 «2019 жылы облыста кемінде 2000 тұрғыны бар 65 округ 4-деңгейлі бюджетке көшсе, 2020 жылдан бастап барлық 146 округ 4-деңгейлі бюджетке көшіріліп, ауылдағы әлеуметтік мәселелерді дербес шешуге мүмкіндік алды. Осы жылдың 10 айында 4-деңгейлі бюджетке 880 млн 300 мың теңге болжамдалған болса, нақты 1 млрд 144млн.теңге түсіп, болжам 26 млн.теңгеге артығымен орындалды. Облыс бойынша бүгінгі таңда жер салығынан 165397 төлеуші, мүлік салығынан 157823 салық төлеуші, көлік құралдары салығынан 117326 салық төлеуші тіркелген. Ағымдағы жылдың 10 айында 4-деңгейлі бюджетті қоса алғанда бюджетке жер салығынан 62 млн.теңге, мүлік салығынан 129млн.теңге, көлік құралдары салығынан 1 млрд 743 млн. теңге өндіріліп бюджетке түсті», – деді Қуанышбек Махметұлы.
</blockquote>
Дегенмен, жер, мүлік, көлік құралдары салығынан жеке тұлғалардың бюджетке қарыздары 657 млн. теңгені құрап отыр. Осы берешекті өндіру мақсатында, департамент тарапынан жыл басынан бері жеке тұлғаларға 721 млн. теңгеге 26 430 салық бұйрығы шығарылып, жеке сот орындаушыларға жолданған.
Сонымен қатар, қазіргі таңда облыс бойынша 14810 жеке тұлғада 581 млн. теңге көлік салығынан қарыз бар. Ол салықтық кезеңі үшiн салық сомасын өз бетінше есептеп, келесі жылдың 1 сәуіріне дейін төлеуі қажет.

Қызылордада 14 мыңнан астам адамның 581 млн. теңге көлік салығы бар

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық білім басқармасының басшысы Ақзира Қасымова бүгінгі 45 минутын шәкірттермен өткізді. Серәлі Лапин атындағы №261 мектептің 10 сынып оқушыларының арнайы ұсынысымен «Физика» пәнінен сабақ өткізген аймақтың бас ұстазы жаңа тақырыпты тың тәсілдермен түсіндірді.
Физика сабағының тақырыбы – «Изопроцестер. Изопроцестердің графиктері. Дальтон заңы». Сабақтың ерекшелігі – изопроцестерді графикалық тәсілмен сипаттай отырып, тәуелділікті анықтау мазмұнына сәйкес дайындалған. Сонымен қоса, тақырыпты ашу мақсатынды макроскопиялық параметрлердің байланыстарын көрсету үшін тәжірибе жұмысы жасалды.
Сабақта оқушылар жеке, топтық формада жұмыс жасап, тапсырмаларды жылдамдыққа орындады. Топтық жұмыста изопроцестердің графиктерін pV, pT, VT параметрлері бойынша салуға тапсырма беріліп, «Сематикалық карта» арқылы жеке жұмыс жүргізілді. Сабақ соңында оқушылармен «SWOT» талдау арқылы кері байланыс жасалды.
<blockquote>
 «Осыдан бірнеше ай бұрын аталмыш мектептің оқушылары дәріс беруімді сұрап, ұсыныстарын білдірген болатын. Шәкірттердің тілегін орындаудың сәті түсіп, бүгін ынталы оқушылардың ортасына келіп сабақ бердім. 6 жылғы үзілістен соң өткізіліп отырған бұл сабағымда балаларға барынша жаңа тақырыпты тың әдістермен түсіндіруге, ҰБТ кезеңінде есептерді шығаруда алабөтен ойлануға бағыт-бағдар бердім. Ұстаздық еткен күндерімді еске алып, оқушылармен емін-еркін топтық тапсырмаларды бірге орындадық», – деді басқарма басшысы Ақзира Бақтыбайқызы.
</blockquote>
Басқарма басшысы сабақ беру сәтінен кейін мектептің 11 сынып оқушыларымен кездесті. Еркін форматта өткізілген басқосуда Ұлттық тестке әзірлік, мамандық таңдау секілді өзекті мәселелер талқыланып, түлектер аймақтың бас ұстазымен еркін пікір алмасты.
<img src="https://kyzylorda-news.kz/wp-content/uploads/2021/11/f2f46488-2681-4cdb-99bc-93ba2d33f2f9.jpg" alt="" />
<img src="https://kyzylorda-news.kz/wp-content/uploads/2021/11/c6b51d0e-702c-4832-99c8-9f1c31e94f3c.jpg" alt="" />
<img src="https://kyzylorda-news.kz/wp-content/uploads/2021/11/af0a2bf5-7438-4e78-a25e-b621cc12de52.jpg" alt="" />

Облыстың бас ұстазы мектеп оқушыларына сабақ берді

<a href="https://kyzylorda-news.kz/">Kyzylorda-news.kz.</a> ЗК-169/1 тергеу изоляторында жазасын өтеуші бұрыңғы әйелімен қайта некелесті. Ол отбасылық жанжалдан кейін ішімдік ішіп, қалай қылмысқа барғанын білмей де қалады. Сот үкімімен 5 жылға бас бостандығынан айырылған. Соңында ерлі зайыптылар ажырасып тынады.
<blockquote>
 &nbsp;«Ажырасуымызға себеп болған, менің жасаған қылмысым. Әйелімді кінәламаймын, ол да ашумен некемізді бұзуға арыз берді. Бірақ, ортақ төрт баламыздың&nbsp; болашақ тағдырын ойлағандықтаан міне, екеуміз қайта қосылдық. Бұл маған үлкен қуат беріп, бостандыққа деген сенімімді арттырады. Жасаған қылмысым үшін қатты өкінемін»- деді жазасын өтеуші.
 «Біздің тергеу изоляторына келіп түскен жаза мерзімін өтеушілер арасында , өз әйеліме қайта некеге тұру да болып тұрады. Бұл жолы екі тараптан да &nbsp;өтініш қабылданып, тиісті АХАЖ бөліміне жолданды. Арада кәмілетке толмаған 4 баланың болуына байланысты некеге тұру өтініштері тез арада мақұлданды. Тиісті сала мамандары тергеу изоляторына келіп әйелі шақыртылып, неке куәлігі қайта табысталды» – деді мекеменің заңгер маманы Т.Өтегенов.
</blockquote>
&nbsp;Мекемеде сотталғандар әлеуметтік байланыстарын сақтайды. Ерлі-зайыптылар арасындағы сенімділікті арттыру мақсатында, бұл&nbsp; жұпқа ұзақ мерзімді кездесу ұйымдастырылған. &nbsp;Мұндай кездесулер сотталғанның көңіл-күйіне жақсы әсер етеді.
<blockquote>
 «Ішкі ережелерді бұзбай, шартты түрде мерзімінен бұрын босатылуға немесе қоныс колонияға ауысуға тырысады. Жаза басып, жаңылысқандарға деген туыстарының осындай&nbsp; моральдік тұрғыдан қолдауы құптарлық», – деді &nbsp;мекеме бастығының тәрбие жұмыстары бойынша орынбасары, әділет майоры Қ.Олжабаев
</blockquote>

Қазақстан және Қызылорда облысының жаңалықтары