<a href="https://kyzylorda-news.kz/">Kyzylorda-news.kz.</a> Қытайда Қысқы олимпиада ойындары жалғасып жатыр.&nbsp;<a href="http://olympic.kz/">Olympic.kz.</a>
14 ақпанда бақ сынайтын қазақстандық спортшылардың тізімін ұсынды.
Фристайл-акробатикадан әйелдер арасындағы жарысқа Жанбота Алдабергенова, Ақмаржан Қалмырзаева шығады.
Басталуы: 13:00
Екінші біліктіліктің басталуы: 14:30
Финал: 17:00.
Айта кетері, Бейжіңдегі Олимпиада ойындары 3 ақпанда басталды.2022 жылғы Олимпиадаға республикадан барлығы 34 спортшы қатысады.

Бейжің Олимпиадасы: 14 ақпанда Қазақстан құрамасынан кімдер бақ сынайды?

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 27,2 млрд. теңге аударды.
<blockquote>
 «Жүйе іске қосылған 2017 жылдың 1 шілдесінен 2022 жылдың 1 ақпанына дейінгі аралықта Қызылорда облысының тұрғындары әлеуметтік медициналық сақтандыру қорына 27,2 млрд. теңге аударды, оның 18 млрд. теңгесі (66,2%) жұмыс берушілердің аударымдары болса, қалған 9,2 млрд. теңге (33,8%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

МӘМС: Қызылордалықтар қорға 27,2 млрд. теңге аударды

<a href="https://kyzylorda-news.kz/">Kyzylorda-news.kz.</a> Қызылордада ҚР Еңбек сіңірген жаттықтырушысы, профессор Н.И.Шиндинді еске алуға арналған республикалық волейбол турнирінің жеңімпаздары анықталды.
Шара Қорқыт ата атындағы Қызылорда университеті мен облыстық дене шынықтыру және спорт басқармасының ұйымдастыруымен «Сейхун» спорттық-сауықтыру кешенінде өтті.
Сайыстың негізгі мақсаты – салауатты өмір салтын насихаттап, студенттер арасындағы байланысты нығайту. Сонымен қатар, профессор Н.И.Шиндиннің спорт саласындағы еңбегі мен бұқаралық спортты дамыту бағытында атқарған қажырлы еңбегін дәріптеу.
Турнир жеңімпаздарын марапаттау рәсіміне Қорқыт ата атындағы Қызылорда университетінің басқарма төрағасы – Ректор Бейбіткүл Кәрімова қатысты.
«Жастардың білімді, тәрбиелі, жігерлі болумен қатар салауатты өмір салтын ұстануы, спортпен тұрақты түрде шұғылдануы аса маңызды. Қазіргі уақытта университет білім алушылары халықаралық, республикалық спорт додаларында бақ сынап, ел абыройын асқақтатып жүр. Университетте әлем чемпионатының – 9, Азия чемпионатының – 27, Қазақстан чемпионатының 120 жеңімпазы мен жүлдегері бар. Бүгінде оқу ордасында спорттың 11 түрінен 21 спорт секциясы жұмыс жасайды», – деді Бейбіткүл Сәрсемханқызы.
Республикалық жарысқа әр облыстан келген 6 команда қатысты. Атап айтсақ, Нұр-Сұлтан қаласынан «Қазақ экономика, қаржы және халықаралық сауда университеті» командасы, Түркістан қаласынан «Қожа Ахмет Яссауи атындағы Халықаралық Қазақ-Түрік университеті» командасы, Шымкент қаласынан «Мирас университеті» командасы, Байқоңыр қаласынан «Байқоңыр» командасы, біздің облыстан «Қызылорда жастар» командасы және «Қорқыт Ата атындағы Қызылорда университеті» командасы бақ сынады.
Турнир қорытындысы бойынша «Байқоңыр» командасы жүлделі ІІІ орын, түркістандық «Қожа Ахмет Яссауи атындағы Халықаралық Қазақ-Түрік университеті» командасы ІІ орын иеленсе, «Қорқыт Ата атындағы Қызылорда университеті» командасы жеңіс тұғырынан көрінді.
Ал үздік ойын көрсеткені үшін Нұр-Сұлтан қаласынан келген «Қазақ экономика, қаржы және халықаралық сауда университеті», Шымкент қаласының намысын қорғаған «Мирас университеті» және сырбойылық «Қызылорда жастар» командалары арнайы номинациялармен марапатталды.
Жеңімпаздарға ұйымдастырушылар тарапынан дипломдар мен қаржылай сыйлықтар табысталды. Турнирдің жалпы жүлде қоры 500 мың теңгені құрайды. Сондай-ақ, төрешілер мен үздік ойыншылар 6 номинация бойынша марапатталды.
Айта кетейік, Қорқыт ата атындағы Қызылорда университетінде Н.И.Шиндинді еске алуға арналған волейболдан ерлер командалары арасындағы турнир 2004-2005 жылдары облыстық, ал 2006 жылдан бастап республикалық деңгейде дәстүрлі түрде өткізіліп келеді.
Николай Шиндин Н.В.Гоголь атындағы Қызылорда педагогикалық институтында дене тәрбиесі кафедрасының оқытушысы, спорттық-педагогикалық пәндер кафедрасының меңгерушісі, декан орынбасары, дене тәрбиесі факультетінің деканы қызметтерін атқарды. Ол салауатты өмір салтын насихаттауда белсенді жұмыс атқарып, университеттің оқытушылары мен студенттері арасында «Сергектік және денсаулық» спартакиадасын жандандырды. Өмірінің соңына дейін Қорқыт Ата атындағы Қызылорда мемлекеттік университетінің дене шынықтыру және бастапқы әскери дайындық кафедрасын басқарды. 1996 жылы Жоғарғы Аттестациялық Комиссияның шешімімен Николай Шиндинге доцент атағы, 2000 жылы педагогика мамандығы бойынша профессор атағы берілді. Қазақтың спорт және туризм академиясының жанындағы Дене шынықтыру және спорт саласы бойынша республикалық оқу-әдістемелік бірлестік Кеңесінің тұрақты мүшесі болады.
Ұстаздық еткен жылдары ішінде Николай Шиндин университет, қала, облыс, республика көлеміндегі спорттық іс-шараларға, әр түрлі қоғамдық жұмыстарға белсенді араласып отырды. Оның жетекшілік етуімен КСРО және Қазақстан Республикасының 30-дан астам спорт шебері дайындалып, олар әлем чемпионаты мен Азия ойындарының жеңімпаздары және жүлдегерлері атанды.
<img src="https://kyzylorda-news.kz/wp-content/uploads/2022/02/274006338_2484731288330949_8008174497527695330_n.jpg" alt="" />
<img src="https://kyzylorda-news.kz/wp-content/uploads/2022/02/273782849_2484731221664289_3060123150240363942_n.jpg" alt="" />
<img src="https://kyzylorda-news.kz/wp-content/uploads/2022/02/273807103_2484731318330946_4551685093911315880_n.jpg" alt="" />
<img src="https://kyzylorda-news.kz/wp-content/uploads/2022/02/273774148_2484731418330936_2057745820054387615_n.jpg" alt="" />

Университет командасы республикалық волейбол турнирінде жеңімпаз атанды

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрінің ұлттық бірыңғай тестілеуді (ҰБТ) өткізу тәртібіне өзгеріс енгізетін бұйрығы шықты, деп хабарлайды <a href="https://lenta.inform.kz/kz/ubt-mumkindigi-shekteuli-tulekterge-kosymsha-40-minut-beriledi_a3898992">ҚазАқпарат</a>.
Құжаттың жаңашылдығы ҰБТ-ға қатысу туралы өтініш беру және ҰБТ өткізу мерзімдерін қамтитынында.
Сондай-ақ, тест тапсырушының сынаққа кірген кезде өзімен бірге алып кіруіне тыйым салынатын заттардың қатары көбейіп отыр. Олар:
<ul>
<li>Мобильді байланыс құралдары (ұялы телефондар, планшеттер, iPad (Ipad), iPod (iPod), смартфондар, рациялар;</li>
<li>Ноутбуктер, плейерлер, модемдер (мобильді маршрутизаторлар);</li>
<li>Смарт сағат, сымды құлаққаптар, сымсыз, микро құлаққаптар, сымсыз бейнекамералар, GPS (ДжиПиЭс) навигаторлар, GPS (ДжиПиЭс) трекерлер, қашықтан басқару құралдары және басқа ақпарат алмасу құрылғылары.</li>
</ul>
Осы талаптарды орындап тестілеу орнына кіргеннен кейін мына әрекеттер арқылы сынақ тапсыру қажет:
<ul>
<li>тестілеу жүйесіне кіру үшін логин мен парольді көрсету;</li>
<li>компьютерге орнатылған алдыңғы камералар арқылы адам бетінің көлемдік-кеңістіктік формасын авторизациялаудан өту;</li>
<li>«ҰБТ тестілеу» интерфейсін ашу;</li>
<li>тест тапсыратын тідін таңдау, (!!!бұл ретте тестілеу басталғаннан кейін тестілеуді тапсыру тілі өзгермейді);</li>
<li>бейіндік пәндер комбинациясын таңдап, дұрыс таңдауды растаңыз;</li>
<li>ҰБТ тапсыруға кірісу.</li>
</ul>
Тест тапсырушы аталмыш жүйеге кіріп-шыққан сайын компьютерде орнатылған алдыңғы камералар арқылы бетінің көлемдік-кеңістіктік нысаны авторизациялап отырады.
Сондай-ақ, ҰБТ өткізу пунктінде электр қуаты өшірілген жағдайда немесе тестілеу жазбасы жүргізілмейтін басқа да форс-мажорлық жағдайлар кезінде тестілеу уақытша тоқтатылады және тестілеу процесін тоқтата тұру және ауыстыру туралы акт жасала отырып, басқа күнге ауыстырылады.
Яғни, ҰБТ өткізу қағидаларының тізбесіне «тестілеу процесін тоқтата тұру және ауыстыру туралы актіні» жасаудың үлгісі қосылып отыр.
Тестілеу процесін тоқтата тұру және ауыстыру туралы актіні тестілеу әкімшісі мен өңірлік мемлекеттік комиссия бірлесіп жасайды.
Министр бұйырығындағы тағы бір өзгеріс тестілеу кезіндегі үзілістерге қатысты. Атап айтсақ, тестілеу басталғаннан 120 минут өткен соң берілетін үзіліс 15 минуттан 3 минутқа дейін қысқартылды.
Көру, есту, тірек-қимыл аппаратының функциялары бұзылған мұқтаждығы бар балаларға тестілеу кезінде қосымша 40 минут беріледі. Тестілеудің әдеттегі ұзақтығы – 240 минут.
Бұйрықтың толық мәтінін мына сілтемеден көруге болады.

ҰБТ: Мүмкіндігі шектеулі түлектерге қосымша 40 минут беріледі

<a href="https://kyzylorda-news.kz/">Kyzylorda-news.kz.</a> Өткен тәулікте Қазақстанда 4 892 адам коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласында – 415,
Алматы қаласында – 1 130,
Шымкент қаласында – 0,
Ақмола облысында – 715,
Ақтөбе облысында – 0,
Алматы облысында – 224,
Атырау облысында – 303,
Шығыс Қазақстан облысында – 424,
Жамбыл облысында – 14,
Батыс Қазақстан облысында – 14,
Қарағанды облысында – 914,
Қостанай облысында – 196,
Қызылорда облысында – 36,
Маңғыстау облысында – 45,
Павлодар облысында – 403,
Солтүстік Қазақстан облысында – 55,
Түркістан облысында – 4.
Елімізде барлығы 1 224 938 адам COVID-19-дан емделіп, сауығып шықты.

COVID-19: Өткен тәулікте 36 қызылордалық дерттен айықты

<a href="https://kyzylorda-news.kz/">Kyzylorda-news.kz.</a> Өткен тәулікте 1 311 адам коронавирус жұқтырды, деп хабарлайды coronavirus2020.kz.
Аймақтар бойынша:
Нұр-Сұлтан қаласында – 112,
Алматы қаласында – 382,
Шымкент қаласында – 7,
Ақмола облысында – 108,
Ақтөбе облысында – 22,
Алматы облысында – 70,
Атырау облысында – 17,
Шығыс Қазақстан облысында – 36,
Жамбыл облысында – 13,
Батыс Қазақстан облысында – 36,
Қарағанды облысында – 74,
Қостанай облысында -115,
Қызылорда облысында -12,
Маңғыстау облысында – 5,
Павлодар облысында – 157,
Солтүстік Қазақстан облысында – 143,
Түркістан облысында – 2.
Қазіргі таңда елімізде коронавирус инфекциясын жұқтырғандар саны 1 291 220 жетті.

Қызылордада 12 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Солтүстік-батыс циклонына байланысты ҚР территориясының басым бөлігінде қар жауады, деп хабарлайды Қазгидромет.
Яғни, еліміздің оңтүстігі, оңтүстік-шығысы және оңтүстік-батысында жауын-шашын түседі.
Республика бойынша кей жерлерде тұман, бұрқасын, еліміздің оңтүстігі, оңтүстік-шығысы және оңтүстік-батысында көктайғақ болады, басым бөлігінде жел күшейеді.
Қызылорда облысының түнде басым бөлігінде, күндіз орталығында, оңтүстігінде көктайғақ болады. Түнде өңірдің солтүстігінде, орталығында, күндіз басым бөлігінде жел екпіні 15-20 м/с дейін күшейеді.

14 ақпанға арналған ауа райы болжамы

Kyzylorda-news.kz. Денсаулық сақтау министрлігі пациенттердің бейінді мамандарға қаралуын жеңілдетуді жоспарлап отыр. Қолданыстағы ережелерге сәйкес, емхана пациенті алдымен учаскелік терапевтке барып, тексерілуі керек.
Қажет болса, учаскелік инспектор науқасты тиісті медициналық маманға жазады. Алайда, қолданыстағы тәртіп көптеген шағым тудырды. Сондықтан денсаулық сақтау министрлігі бұйрық қабылдауды жоспарлап отыр. Құжатқа сәйкес, кейбір жағдайларда бейінді маманға терапевтке бармай-ақ кіруге болады.
Мұндай жағдайларға мыналар жатады:
– шұғыл жағдайлар мен жарақаттар, оның ішінде офтальмологиялық, оториноларингологиялық және басқа да жарақаттар;
– шұғыл және жоспарлы стоматологиялық көмек көрсету;
– дерматовенерологиялық аурулар;
– тіркелген жері бойынша акушер-гинеколог пен психолог қабылдауы;
– онкологиялық және гематологиялық аурулар болуы мүмкін кезде;
– ауруының бойынша динамикалық бақылау;
– жастар денсаулық орталықтарына;
– бір жағдай бойынша бейінді маманға қайта қабылдау кезінде;
– жылжымалы медициналық кешендердің және т.б. қызметтерін көрсету кезінде.
<a href="https://sputnik.kz/20220212/qanday-zhagdayda-terapevtke-barmay-aq-tiisti-mamanga-qaraluga-bolady-22736771.html">Sputnik.kz</a>

Қандай жағдайда терапевтке бармай-ақ тиісті маманға қаралуға болады?

Kyzylorda-news.kz. Ауа райының нашарлауына байланысты бірнеше өңірде жол жабылды.
13 ақпан күні сағат 12:00-де қар, жел, боран, жолдың көрінбеуіне байланысты Ақмола және Қарағанды облыстарында барлық көлік түрлері үшін қозғалысқа шектеу қойылды.
Атап айтқанда Ақмола облысы бойынша:
1. «Екатеринбург-Алматы» тасжолының 1291-1425 шақырымы, Нұр-Сұлтаннан Теміртауға дейінгі учаске;
2. «Нұр-Сұлтан-Петропавл» тасжолының 18-231 шақырымы, Нұр-Сұлтаннан Щучинскіге дейінгі учаске Қарағанды облысы бойынша:
1. «Қызылорда-Павлодар» тасжолының 937-1135 шақырымы, Қарағанды қаласынан Павлодар облысына дейінгі учаске.
2. «Екатеринбург-Алматы» тасжолының 0-16 шақырымы, Қарағанды қаласының Солтүстік-Шығыс айналма жолындағы учаскедегі жолдар жабылды.

Ауа райының қолайсыздығына байланысты жол жабылды

Kyzylorda-news.kz. Мемлекет басшысы қаңтар оқиғасынан қайтыс болған азаматтардың отбасыларына қаржылай көмек көрсетуді тапсырды. Бұл туралы Президент қаңтар оқиғасы кезінде қайтыс болған азаматтардың рухына құран бағыштау рәсімінде айтты.
<blockquote>
 «Сол қасіретті оқиғадан бері 40 күн өтті. Бүгін марқұмдардың рухына құран бағыштау үшін мешітке арнайы келдім. Қаза болған адамдардың жақындарына тағы да көңіл айтамын. Мемлекет қаралы шаңырақтарды қараусыз қалдырмайды. Мен қайтыс болған азаматтардың отбасыларына қаржылай көмек көрсетуді тапсырдым», – деді Президент.
</blockquote>

Қасым-Жомарт Тоқаев: Қайтыс болған азаматтардың отбасыларына қаржылай көмек көрсетуді тапсырдым

Kyzylorda-news.kz. ҚР Президенті Қасым-Жомарт Тоқаев қаңтар оқиғасында көз жұмған азаматтардың рухына құран бағыштады. Бұл туралы Мемлекет басшысының баспасөз хатшысы Берік Уәли хабарлады.
<blockquote>
 “Бүгін Мемлекет басшысы Қасым-Жомарт Тоқаев Хазірет Сұлтан мешітіне арнайы барып, қаңтар оқиғасы кезінде қайтыс болған азаматтардың 40 күндігіне орай олардың рухына құран бағыштап, құрбандық шалды. Содан кейін мешітте халыққа үндеу жолдады”,- деп жазды Берік Уәли.
</blockquote>
<img src="https://kyzylorda-news.kz/wp-content/uploads/2022/02/fb_img_1644725621999.jpg" alt="" />
<img src="https://kyzylorda-news.kz/wp-content/uploads/2022/02/fb_img_1644725626825.jpg" alt="" />
<img src="https://kyzylorda-news.kz/wp-content/uploads/2022/02/fb_img_1644726082695.jpg" alt="" />

Президент халыққа үндеу жариялады (ВИДЕО)

Kyzylorda-news.kz. Қазақстанда өткен тәулікте 7144 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 525
Алматы қаласы – 1364
Шымкент қаласы – 259
Ақмола облысы – 802
Алматы облысы – 271
Атырау облысы – 349
Шығыс Қазақстан облысы – 452
Жамбыл облысы – 68
Батыс Қазақстан облысы – 15
Қарағанды облысы – 1894
Қостанай облысы – 298
Қызылорда облысы – 47
Маңғыстау облысы – 61
Павлодар облысы – 505
Солтүстік Қазақстан облысы – 111
Түркістан облысы – 123
Қазақстан бойынша жазылғандар саны – 1220046.

Қазақстан және Қызылорда облысының жаңалықтары