<a href="https://kyzylorda-news.kz/">Kyzylorda-news.kz.</a>&nbsp;Ел Тәуелсіздігінің 30 жылдық мерейтойы қарсаңында бүгін облыс әкімі Гүлшара Әбдіқалықова ветеринариялық ұйымдарға жаңа қызметтік автокөліктердің кілтін табыстады.
Аймақ басшысы салтанатты шараға қатысушыларды айтулы мерекемен құттықтап, өңірдің эпизоотиялық ахуалын сақтауда және тамақ қауіпсіздігін қамтамасыз етуде ветеринариялық ұйымдардың еңбегінің орны ерекше екенін тілге тиек етті.
<blockquote>
 «Мемлекет басшысы Қасым-Жомарт Кемелұлы «Халық бірлігі және жүйелі реформалар – ел өркендеуінің берік негізі» атты өз Жолдауында ветеринария саласын жетілдіруге үлкен мән берді. Сондықтан осы салада жүйелі жұмыстар атқарылуда. Себебі ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес. Бұл, түптеп келгенде, ауылдағы ағайынның әл-ауқатына және облыстың агроөнеркәсіп саласының дамуына тікелей әсер етеді. Ветеринария саласындағы жұмыстарды ілгерілету үшін 2021-2023 жылдарға арналған «Жол картасын» жасадық. Ал, ұйымдарды материалдық-техникалық жабдықтау мақсатында биыл облыстық бюджеттен 111 млн. теңге қаржы бөлініп, нәтижесінде өздеріңіз көріп тұрғандай, 2013 жылдан бері жаңартылмаған 15 қызметтік көлік ауыстырылды. Бұл жұмыстар келер жылы да жалғасын табатын болады», -деді Гүлшара Әбдіқалықова.
</blockquote>
Іс-шарада тапсырылған 15 қызметтік көліктің Арал ауданына 4, Қармақшы, Жалағаш, Жаңақорған аудандарына және Қызылорда қаласына 2 көліктен, Қазалы, Сырдария мен Шиелі аудандарына 1 автокөліктен жол тартты. Келер жылы да ветеринария саласының материалдық-техникалық базасын нығайту мақсатында жергілікті бюджеттен бөлінетін қаржыны арттыру көзделіп отыр. Яғни, келер жылы 30 автокөлік, 140 компьютер, 140 дана термочемодан алынбақ.
<img src="https://kyzylorda-news.kz/wp-content/uploads/2021/12/mashina2.jpg" alt="" />
<img src="https://kyzylorda-news.kz/wp-content/uploads/2021/12/mashina1.jpg" alt="" />

Қызылордада ветеринариялық ұйымдарға жаңа қызметтік көліктердің кілті табысталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіқалықова Сырдария ауданына барып, бірқатар әлеуметтік нысанның жұмысымен танысып, көпбалалы аналарға 5 тұрғын үйдің кілтін табыс етіп, 10 отбасыға қуаныш сыйлады.
Жаңа үйлер аудандағы әлеуметтік аз қамтылған және көпбалалы отбасыларға берілді.
Пәтер кілттерін табыстау рәсімінде облыс әкімі Гүлшара Әбдіқалықова шараға қатысушыларды Тәуелсіздік күнімен құттықтап, тұрғындарды баспанамен қамту ісі қарқынды жүргізілетінін тілге тиек етті.
<blockquote>
 «Ең алдымен баршаңызды ең басты ұлық мерекеміз – қастерлі де қасиетті Тәуелсіздігіміздің 30 жылдығымен шын жүректен құттықтаймын! Жыл сайын өңірімізде түрлі заманауи нысандар бой көтеріп, көркейіп-көріктене түсуде. Халықты тұрғын үймен қамту да – жолға қойылған жақсы істердің бірі. Бүгін 710 шаршы метрді құрайтын 2 пәтерлік 5 тұрғын үй құрылысы аяқталып, халық игілігіне беріліп отыр. Жыл соңына дейін тағы да 63 отбасы жаңа шаңыраққа ие болады деп жоспарлап отырмыз. Жаңа қоныстарыңыз құтты болсын, шаңырақтарыңыз шаттыққа толсын! Алдағы мерекелер мен қуанышты күндерді жаңа қоңыстарыңызда жақсы қарсы алыңыздар! Әр отбасына береке-бірлік, амандық тілеймін»,-деді облыс әкімі.
</blockquote>
Биыл өңірде республикалық бюджеттен қажетті қаржы қаралып, 30 тұрғын үй сатып алынбақ. Сондай-ақ, жыл соңына дейін 11 елді мекенде 33 тұрғын үйдің құрылысын аяқтап, кезекте тұрған көп балалы отбасыларға беру жоспарланып отыр.
Облыс әкімі Сырдария ауданына сапары аясында Ақжарма ауылындағы «Ақжарма-2» шаруа қожалығына тиесілі күріш ақтайтын зауыт жұмысымен танысты.
Айта кету керек, зауыттың жылдық қуаттылығы 630 тоннаны құрайды. Күніне 50 тонна күрішті ақтауға қауқарлы. 10 адам тұрақты жұмыспен қамтылған.
Мұнан соң, облыс әкімі Тереңөзек кентінде «Ауыл-Ел бесігі» бағдарламасы аясында күрделі жөндеуден өткен орталық стадионға барып, жұмысын саралады. Спортшылармен кездесіп, пікір алмасты.
Әрі қарай аймақ басшысы қуаттылығы 60 тонна жем шығаратын «Аққұм Жер» ЖШС-нің зауыт жұмысымен танысты.
Облыс әкімі Гүлшара Әбдіқалықова биыл шаруаларға түскен ауыртпалықты тілге тиек етіп, осы тектес жем шығаратын зауыттардың тиімді әрі маңызды жобаларды көбейту қажет екенін алға тартты.
<img src="https://kyzylorda-news.kz/wp-content/uploads/2021/12/wjj.jpg" alt="" />
<img src="https://kyzylorda-news.kz/wp-content/uploads/2021/12/wj.jpg" alt="" />
<img src="https://kyzylorda-news.kz/wp-content/uploads/2021/12/zhatka.jpg" alt="" />
<img src="https://kyzylorda-news.kz/wp-content/uploads/2021/12/kwrish.jpg" alt="" />
<img src="https://kyzylorda-news.kz/wp-content/uploads/2021/12/kwrish1.jpg" alt="" />
<img src="https://kyzylorda-news.kz/wp-content/uploads/2021/12/syrdarija.jpg" alt="" />

Сырдария ауданында Тәуелсіздік күніне орай 10 отбасыға пәтер кілті берілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 1132 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 193,
Алматы қаласы – 76,
Ақмола облысы – 80,
Ақтөбе облысы – 17,
Алматы облысы – 31,
Атырау облысы – 5,
Шығыс Қазақстан облысы – 55,
Жамбыл облысы – 11,
Батыс Қазақстан облысы – 76,
Қарағанды облысы – 152,
Қостанай облысы – 161,
Қызылорда облысы – 7,
Маңғыстау облысы – 5,
Павлодар облысы – 138,
Солтүстік Қазақстан облысы – 111,
Түркістан облысы – 14.
Қазақстан бойынша жазылғандар саны – 947 583.

Қызылордада 7 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 568 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 100,
Алматы қаласы – 34,
Шымкент қаласы – 3,
Ақмола облысы – 58,
Ақтөбе облысы – 7,
Алматы облысы – 16,
Атырау облысы – 4,
Шығыс Қазақстан облысы – 21,
Жамбыл облысы – 4,
Батыс Қазақстан облысы – 18,
Қарағанды облысы – 82,
Қостанай облысы – 58,
Қызылорда облысы – 5,
Павлодар облысы – 73,
Солтүстік Қазақстан облысы – 77,
Түркістан облысы – 8.
Жалпы ел бойынша ауырғандар саны – 978 930.

Өткен тәулікте 5 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> Сенбі күні ауқымды антициклонның ықпалымен республикамыздың басым бөлігінде күн ашық болады, деп хабарлайды Қазгидромет.
Тек батыста жаңбыр мен қар түрінде жауын-шашын жауады. Республика бойынша кей жерлерде тұман, көктайғақ, желдің күшеюі күтіледі. Ал батыста жаяу бұрқасын болып, оңтүстікте шаңды дауыл соғуы ықтимал.
Түнде және таңертең Жамбыл облысының таулы және тау бөктеріндегі аудандарында тұман түседі, солтүстік-шығыста, оңтүстік-батыста және таулы аудандарда жел 15-20, екпіні 23-28 м/с күшейеді. Шығыс Қазақстан облысының орталығы мен оңтүстік-шығысында жаяу бұрқасын күтіледі, жел 15-20 м/с, күндіз Жарма ауданында екпіні 23-28 м/с жетуі мүмкін.
Алматы облысының солтүстік-батысында жел 15-20 м/с, Алакөл көлдері ауданында 20-25, екпіні 29 м/с және одан да асады. Түнде солтүстікте, орталықта, күндіз Атырау облысының шығысында тұман, көктайғақ.
Күндіз Ақтөбе облысының оңтүстігінде көктайғақ болады, солтүстік-батыста, облыс орталығында жел 15-20 м/с күшейеді.
Түркістан облысының солтүстігінде тұман түседі, күндіз таулы аудандарда желдің жылдамдығы 15-20 м/с жетеді.
Қызылорда облысының солтүстігінде көктайғақ күтіледі, түнде облыс орталығында жел 15-20 м/с күшейеді.
Қарағанды облысының батысында, орталығында жел тұрады, жылдамдығы 15-20 м/с аралығында.
Батыс Қазақстан, Қостанай облыстарының солтүстігінде, түнде және таңертең Солтүстік Қазақстан облысының батысында тұман түседі. Маңғыстау облысының солтүстігінде, солтүстік-шығысында көктайғақ болуы ықтимал.

11 желтоқсанға арналған ауа райы болжамы

Kyzylorda-news.kz. Бүгін Қызылорда облысының әкімі Гүлшара Әбдіқалықова мен қала әкімі Ғанибек Қазантаев Тәуелсіздіктің 30 жылдығы мерейтойы қарсаңында Қызылорда қаласының сол жағалауындағы 680 пәтерлік 14 тұрғын үйдің кілтін табыстады.
Жаңа пәтер иелері кезекте тұрған әлеуметтік аз қамтылған және көпбалалы отбасылар.
Аймақ басшысы тұрғындарды қоныс тойымен құттықтап, Тәуелсіздіктің 30 жыл ішінде Сыр өңіріндегі тұрғын үй салу қарқыны жоғары екенін тілге тиек етті.
<blockquote>
 “Баршаңызды алдымен еліміздің ең басты ұлық мерекесі – қасиетті Тәуелсіздігіміздің 30 жылдық мерейтойымен құттықтаймын! Бүгінгі қол жеткізген жетістіктеріміздің барлығы ҚР Тұңғыш Президенті – Елбасы Нұрсұлтан Әбішұлы Назарбаевтың көрегенділігі мен Мемлекет басшысы Қасым-Жомарт Кемелұлы Тоқаевтың сындарлы саясатының салтанатты жемісі.Құрылысы қарқынды Қызылордамызда бүгін тағы бір жаңа тұрғын үйді пайдалануға беріп, пәтер иелерінің қуанышын бөлісіп отырмыз. Үйлеріңіз сәбидің күміс күлкісіне бөленіп, шаңырақтарыңыздың түтіні түзу шықсын”, – деді Гүлшара Әбдіқалықова.
</blockquote>
Сонымен қатар, облыс әкімі мердігер мекемелердің тұрғын үйлерді уақытылы және сапалы салып, тұрғындарға табыстағанын атап өтіп, ризашылығын білдірді.
Салтанатты шарады көпбалалы ана Нұргүл Ермаханова қоныстанушылар атынан көрсетілген мүмкіндікке алғысын жеткізді.
Еске салайық, Қызылорда облысында 30 жыл ішінде 8 млн. шаршы метрге жуық тұрғын үй пайдалануға берілді. Биыл 2 408 пәтерлік 110 тұрғын үй құрылысы жүруде, оның ішінде Байқоңыр қаласында 250 пәтерлік 5 тұрғын үй бар. Жыл аяғына дейін 1 608 пәтерлік 94 тұрғын үй пайдалануға беріледі депжоспарлануда.
<img src="https://kyzylorda-news.kz/wp-content/uploads/2021/12/fb_img_1639150578819.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639150572773.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639150570471.jpg" alt="" />

Қызылордада көпбалалы отбасылар баспаналы болды

Kyzylorda-news.kz. Биыл ел Тәуелсіздігінің 30 жылдығымен қатар, Желтоқсан оқиғасына 35 жыл толып отыр. Осыған орай, қала әкімі Ғанибек Қазантаев желтоқсан оқиғасына қатысушыларды қабылдады.
Кездесуде шаһар басшысы тәуелсіздіктің оңай жолмен келмегендігін, еліміздің егемендігі жолында бастарын бәйгеге тіккен желтоқсан оқиғасына қатысушылардың ерліктері уақыт өткен сайын жадымызда жаңғырып, кейінгі ұрпаққа үлгі болатындығын ерекше атап өтті.
<blockquote>
 «Сіздер әр салада табысты еңбек етіп, еліміздің әлеуметтік-экономикалық әлеуетін арттыруда бар күш-жігерлеріңізді арнап келесіздер. Өздеріңізбен бірге Тәуелсіздігімізді нығайтып, ел үшін бірге қызмет ете береміз. Сіздердің құрметтеріңізге жыл аяғына дейін желтоқсан оқиғасына қатысушыларға арналған ескерткіш ашуды жоспарлап отырмыз. «Тағзым алаңы» аумағында орналасатын ескерткіш – жас ұрпаққа аға буын өкілдерінің ерлігін насихаттайтын рухани орын болмақ», – деді Ғанибек Қонысбекұлы.
</blockquote>
Шара соңында желтоқсан оқиғасына қатысушыларға қала әкімінің құттықтаулары мен сый-сыяпаттары табыс етілді.
<img src="https://kyzylorda-news.kz/wp-content/uploads/2021/12/fb_img_1639149743389.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149745871.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149747989.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149750170.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149752402.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149760011.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149762434.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149767666.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149765301.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149770379.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149772818.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149775501.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149777722.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149781272.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639149783738.jpg" alt="" />

Ғанибек Қазантаев Желтоқсан оқиғасына қатысушыларды қабылдады

Kyzylorda-news.kz. Бүгін облыс әкімі, «Nur Otan» партиясы Қызылорда облыстық филиалының төрағасы Гүлшара Әбдіқалықованың қатысуымен Тәуелсіздіктің 30 жылдық мерекесіне орай партиялық наградаларды салтанатты табыстау шарасы өтті.
Мерекелік шарада аймақ басшысы мерейтойлық құттықтауын жеткізіп, бірқатар азаматтарды марапаттады.
<blockquote>
 Баршаңызды Ел Тәуелсіздігінің 30 жылдығымен құттықтаймын! Ел мен Елбасы егіз ұғым десек, Тәуелсіз Қазақстанның іргетасының қаланып, шекарасының шегенделіп, бүгінгідей беделді әрі қуатты мемлекет болуында Тұңғыш Президентіміз Нұрсұлтан Әбішұлы Назарбаевтың еңбегі ерекше. 
 Қазіргі таңда халқымыздың қолдауымен және «Елдіктің жеті тұғыры» қағидаттары жиынтығында айтылғандай саясаттағы сабақтастығымыздың арқасында Елбасы салған сара жолды Мемлекет басшысы Қасым-Жомарт Кемелұлы жалғастыруда. 
 Елбасының бастамасымен құрылған «Nur Otan» партиясының да ел дамуымен қатар келе жатқан 20 жылдан астам уақытта Тәуелсіз Қазақстанның саяси және әлеуметтік – экономикалық өркендеуін қамтамасыз етудегі ролі жоғары, – деді Гүлшара Әбдіқалықова.
</blockquote>
Жиында партия бастамаларына қолдау білдіріп, белсенділік танытқан 15 партия мүшелері «Белсенді қызметі үшін» төсбелгісімен марапатталды. Атап айтқанда, Жаңақорған ауданының тұрғындары, партия ардагері Изадила Нарзилдаев, Байқоңыр қаласының тұрғыны, партия ардагері Райхан Байшораева, 4 дүркін әлем чемпионы, «Мұз айдыны» директоры Ильин Илья, ақын, 3 мәрте «Алтын домбыраның» иегері, облыстық халық шығармашылығын дамыту және мәдени-продюсерлік орталығының басшысы Мұхтар Ниязов және т.б. азаматтар бар.
<hr />

«Nur Otan» партиясының  «Белсенді қызметі үшін» төсбелгісі  табысталды

<a href="https://kyzylorda-news.kz/">Kyzylorda-news.kz.</a> Қызылорда облысында спорттық және әуесқой балық аулаушылар қоғамының құрылғанына 4 жылдан асты.
2017 жылы негізі қаланған қоғамның – аймақтағы спорттық және әуесқой балық аулауды дамыту және оны көпшілікке тарату.
Біршама уақыттан бері жұмыс жасап келе жатқан әуесқойлар ұйымының да өз мәселесі бар.
<blockquote>
 «Облыс аумағында балық шаруашылығында маңызы бар Кіші Арал теңізі, Сырдария өзені және жергілікті маңызы бар 196 су айдыны бар. Өңірдегі спорттық және әуесқой балық аулауды насихаттау және дамыту үшін облыс орталығынан белгілі бір су айдынын анықтау керек. Бұл осы уақыттағы заман талабы. Әуесқой балықшылар демалыс кезіндегі бос уақытты әр көлді жағалап, олардың егерлерінен рұқсат сұрап өткізіп жүрміз», – дейді «Қызылорда Fish» облыс бойынша спорттық және әуесқой балық аулаушылар қоғамы» қоғамдық бірлестігінің төрағасы Серік Жұбаназаров.
</blockquote>
Бірлестік төрағасы Сырдария өзенінде су тапшылығы орын алған 2 жыл уақыттан бері, балық аулайтын орындар болмай қалғанын жеткізді. Ол балық аулау ісін хоббиге айналдырған жандарға арнайы су айдыны бекітілсе, балық аулаудың түрлері бойынша жарыстар, әртүрлі көпшілік шаралар ұйымдастыруға болатынын айтты.

Серік Жұбаназаров: Әуесқой балық аулауды насихаттау үшін белгілі бір су айдынын анықтау керек

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асылбек Шаменов ҚР Президенті Қасым-Жомарт Тоқаевтың қабылдауында болған «Тәуелсіздік ұрпақтары» грантының жеңімпазы Айсана Намурадинды қабылдады.
«Тәуелсіздік ұрпақтары» грантына республика бойынша барлығы 410 үміткер өтінім берген, оның ішінде «Медиа» бағыты бойынша 60 өтінім түскен, сол 60 жоба ішінен Намурадин Айсананың Т.Жүргенов атындағы №123 мектеп-лицейінен «Coworking» орталығын ашу туралы жобасы қолдау тапты.
Айсана Намурадин бұған дейін де «Біргеміз сабақтастық бағыты» бойынша 300 000 теңге, ҮЕҰ-дың ұйымдастыруымен аз қамтылған отбасындағы балаларға ағылшын тілін тегін үйрету мақсатында 500 000 теңге гранттарының иегері атанған.
Қабылдауда грант иегеріне аудан әкімінің алғыс хаты және естелік сыйлығы табысталды.
Қабылдау барысында аудандық ішкі саясат бөлімінің басшысы Шарабан Қалыбаев пен аудандық білім бөлімінің басшысы Талғат Садықов Айсана Қанатқызын жеңісімен құттықтап, ыстық ықыластарын білдірді.

«Тәуелсіздік ұрпақтары»: Жалағаш ауданының әкімі грант жеңімпазын қабылдады

<h1 id="">Бокс пен ауыр атлетика Олимпиада бағдарламасынан шығып қалды</h1>
<a href="https://kyzylorda-news.kz/">Kyzylorda-news.kz.</a> Бокс пен ауыр атлетика Олимпиада бағдарламасынан шығып қалды, деп хабарлайды <a href="https://sn.kz/sn-akparat-agyny/86631-boks-pen-auyr-atletika-olimpiada-bagdarlamasynan-shygyp-kaldy?fbclid=IwAR3LrfuUpb27ZEkqhTfdday8aGAItCb0Vt6IMOR0BoeMoi-Pz_-OjEr2r2s">SN.KZ</a>.
Аталған спорт түрлерінің Олимпида бағдарламасына қайта енуі немесе енбеуі жөніндегі мәселе Халықаралық Олимпиада комитетінің 2023 жылғы сессиясында қаралады.
Халықаралық Олимпиада комитеті 2028 жылы Лос-Анджелесте өтетін Олимпиада ойындарының бағдарамасына енген 28 спорт түрінің тізімін жариялады. Аталған тізімге бокс, ауыр атлетика мен қазіргі бессайыс енген жоқ деп хабарлайды ТАСС.
ХОК президенті Томас Бах жиын барысында бокс пен ауыр атлетиканы “проблемасы көп балаларға” теңеді.
“Әңгімемді проблемасы көп балалардан бастағым кеп тұр. Бұлар – бокс пен ауыр атлетика. ХОК атқарушы комитеті бокс, ауыр атлетика және қазіргі бессайыстың өтінішін қабылдау немесе кері қайтару туралы ойланатын болады.
АІВА (Халықаралық әуесқой бокс қауымдастығы) қаржылық ашықтық бойынша жұмыстың жақсарғанын көрсетуі тиіс.
Сондай-ақ, төрешілерді тағайындауды дұрыс жолға қоюы керек. IWF (Халықаралық ауыр атлетика федерациясы) допингпен күрес жөніндегі ұсыныстарды толық орындап, допингке қарсы бағдарламаның толық тәуелсіздігін дәлелдеуі тиіс.
Ал UIPM (Халықаралық қазіргі бессайыс одағы) атпен жарысуды алмастыратын жаңа бағдарламаны дайындап шығуы қажет”, – деді ХОК президенті Томас Бах.
Аталған спорт түрлерінің Олимпида бағдарламасына қайта енуі немесе енбеуі жөніндегі мәселе Халықаралық Олимпиада комитетінің 2023 жылғы сессиясында қаралады.
Айта кетелік, ХОК Токио Олимпиадасы қарсаңында АІВА-ны өз мүшелігінен шығарып жіберген болатын. Токио Олимпиадасындағы бокс турнирі мен Олимпиадаға іріктеу жарысын ХОК өзі өткізді. Ауыр атлетика бірқатар чемпиондар мен жүлдегерлердің допингпен ұсталуына байланысты сынға ұшырады. Ал қазіргі бессайыс ат спортының орнына басқа жарыс түрін ойластырмақ.
Өйткені, Токио Олимпиадасында жарысқа түсетін жылқыны қорлаған неміс бапкерінің әрекетінен соң, әлемдік ұйым жануардың қатысы жоқ басқа спорт түрін енгізетінін мәлімдеген.
Еске сала кетейік, бұған дейін Париж Олимпиадасының бағдарламасына енбей қалған спорт түрлері анықталған болатын.

Бокс пен ауыр атлетика Олимпиада бағдарламасынан шығып қалды

<a href="https://kyzylorda-news.kz/">Kyzylorda-news.kz.</a> Бүгін А.Тоқмағанбетов атындағы мәдениет үйінде Ел Тәуелсіздігінің 30 жылдық мерейтойына арналған «Тәуелсіздік – мәңгілік ел мәртебесі» атты салтанатты шара өтті.
<blockquote>
 «Баршаңызды Ұлы дала елінің ұлық мерекесі – Тәуелсіздік күнімен шын жүректен құттықтаймын! Биыл рухы асқақ, тұғыры биік төл мемлекетімізге 30 жыл толды. Қарапайым тілмен айтқанда, нағыз ердің жасында, ұлы мақсаттардың басында тұрмыз. Іргесі берік Тәуелсіз Қазақстанның көркеюі жолында атқарған еңбектеріңіздің жемісін көре беріңіздер» – деді қала әкімінің орынбасары Бектас Нуридинов.
</blockquote>
Бектас Балғабайұлы өңіріміздің әлеуметтік-экономикалық дамуына және қоғамдық-саяси өмірінің өсіп-өркендеуіне қосқан үлестері үшін бірқатар азаматтарға Қызылорда қаласы әкімінің Алғыс хатын табыстады.
Шара Сыр елінің белгілі өнерпаздарының мерекелік концертіне және патриоттық сезімге толы кешке ұласты.
<img src="https://kyzylorda-news.kz/wp-content/uploads/2021/12/265971118_1673397859718647_5445538789535693153_n.jpg" alt="" />
<img src="https://kyzylorda-news.kz/wp-content/uploads/2021/12/265971118_1673397636385336_5489869901751851160_n.jpg" alt="" />
<img src="https://kyzylorda-news.kz/wp-content/uploads/2021/12/266366317_1673397726385327_526741109072926937_n.jpg" alt="" />
<img src="https://kyzylorda-news.kz/wp-content/uploads/2021/12/266063655_1673397703051996_133394633178381743_n.jpg" alt="" />
<img src="https://kyzylorda-news.kz/wp-content/uploads/2021/12/265999170_1673397869718646_704965312015653365_n.jpg" alt="" />

Қазақстан және Қызылорда облысының жаңалықтары