<a href="https://kyzylorda-news.kz/">Kyzylorda-news.kz.</a> Республика күніне орай «Алтын дән - 2022» мерекесі аясында Қызылорда қаласындағы ипподром алаңында аламан бәйге ұйымдастырылды. Ұлттық спортқа жанашыр тұрғындар шабондоздардың шабысын байқап, бәйге алаңына асыққан азаматтарға рух берді.Айтулы додаға биыл ұлттық ат спортының 4 түрінен 100-ге жуық шабандоз бас қосып, бақтарын сынады. Еліміздің бірнеше аймағынан сәйгүлігін сайлап келген шабандоздар қызылордалықтарға ерекше көңіл-күй сыйлады.Облыс әкімі зиялы қауыммен бірге аламан бәйгеге барып, жүйріктер жарысын тамашалады. Төзім мен жігер, қайрат пен мінез сынға түскен сайыста шын мықты анықталды.Бес шақырымды артқа тастаған тай жарыста шиелілік Дамир Әуезхан І орынды иеленсе, 11 шақырымды құрайтын құнан бәйгеде жалағаштық шабандоз Ержан Әлихан бірінші болып келді. Ал, 15 шақырымды оңай еңсерген топ бәйгеде жамбылдық тарлан Асылжан Назар мәре сызығына ең алғаш болып жетіп, 2 миллион теңге иеленді.Аламан бәйгенің жүлдесі жалағаштық батыр Ержан Алиханға бұйырды. Шабандозға 4 миллион теңгенің сертификаты табысталды.Облыс әкімі Нұрлыбек Нәлібаев аламанға ат қосып, бәйгеде бабын байқап, жүйрік атанған нар азаматтарды құттықтады. Айта кетейік, соңғы жылдары өңірде ұлттық спорт бұқаралық сипат алып келеді. Облыста 16 мыңнан аса спортшы ұлттық спорт түрімен шұғылданады. Олардың әр қайсысы үздік көрсеткіштерге қол жеткізіп, ел абыройын асқақтатып, әлемдік ареналарда көк туды көкте желбіретуде. &nbsp;<figure class="image"><img src="https://knadmin.beoblood.kz/uploads/bajge1_78c4da23a4.jpg" alt="байге1.jpg"></figure><figure class="image"><img src="https://knadmin.beoblood.kz/uploads/ippodrom_cc7b6d9d33.jpg" alt="ипподром.jpg"></figure><figure class="image"><img src="https://knadmin.beoblood.kz/uploads/bajge2_61c7b720dd.jpg" alt="байге2.jpg"></figure><figure class="image"><img src="https://knadmin.beoblood.kz/uploads/bajge3_884b8956c1.jpg" alt="байге3.jpg"></figure>

Қызылорда: Аламан бәйгеде оза шапқан шабандоз 4 миллион теңге иеленді

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің өтуіне орай, 17 қазан күні Қазақстаның басым бөлігінде ауа райы жауын-шашынды. Күндіз елдің оңтүстігіндегі таулы аймақтарда нөсер жаңбыр жауады, деп хабарлайды Қазгидромет.Кәсіпорынның деректеріне қарағанда, елдің батысында ғана антициклон жотасы әсерінен күн жауын-шашынсыз болады. Республиканың кей жерлерінде жел күшейеді, батысында, солтүстік- батысында, солтүстігінде – тұман.

17 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев «<a href="https://www.facebook.com/profile.php?id=100080294677470">Facebook</a>» әлеуметтік желісіндегі парақшасында «Алтын дән» мерекелік шарасы туралы жазба қалдырды.&nbsp;<blockquote>«Қадірлі жерлестер! Сыр өңірінің қамбасын молайтып, береке мен бірліктің саясына топтаса білген диқандарымыз биыл 188 500 гектар жерге егін егіп, күріштің әр гектарынан 56,7 центнерден өнім алып, жарты миллионға жуық ақмаржанды қамбаға толтырды. Шыққан өнімді шашаусыз жиып алған дала еңбеккерлерін «Алтын дән» мерекелік шарасы аясында марапаттап, ілтипат білдірдім.&nbsp; Аймақтың ауыл шаруашылығы саласында абыройлы әрі өнімді еңбек еткен қос қайраткеріміз Жарылқасын Шәрiпов пен Имамзада Шағыртаевқа «Қызылорда облысының Құрметтi азаматы» атағын табыс еттік. Бүгін диқандар қауымы жерлестеріміз үшін 2000 тонна Сырдың дәмін ала келіп, ауыл шаруашылығы жәрмеңкесін өткізді. Базар бағамынан 15-20 пайыз төмен бағада өнім ұсынған шаруалар жыл аяғына дейін әр апта сайын тұрақты түрде жәрмеңкелер ұйымдастыратын болады.&nbsp; Берекелі күздегі «Алтын дән» шарасын аламан бәйгемен қорытындыладық.&nbsp; Сәйгүлігін сайлап, бәйгеде бабын байқап, жүйрік атанған нар азаматтар ұлттық спортымызды тағы бір жаңғыртты.&nbsp; Берекелі ісіміз бен жұдырықтай жұмылған бірлігіміз арқылы адал еңбек етудің артықшылығын көрсеткен барша шаруаларға риясыз алғыс айтамын. Сыр елі өркендей берсін!», - деп жазды аймақ басшысы.</blockquote><figure class="image"><img src="https://knadmin.beoblood.kz/uploads/Nalibaev1_bfe64da3dd.jpg" alt="Налибаев1.jpg"></figure><figure class="image"><img src="https://knadmin.beoblood.kz/uploads/kolik_3d7c725e6e.jpg" alt="колик.jpg"></figure>

Нұрлыбек Нәлібаев: Диқандарымыз жарты миллионға жуық ақмаржанды қамбаға толтырды

&nbsp;<a href="https://kyzylorda-news.kz/">Kyzylorda-news.kz.</a> Биыл Сыр дихандары мол астық жинады. Шаруалар 188 500 гектар жерге егін егіп, күріштің әр гектарынан 56,7 центнерден өнім алып, жарты миллионға жуық ақмаржан өндірді.«Алтын дән-2022» мерекесі аясында облыс орталығында ауыл шаруашылығы жәрмеңкесі ұйымдастырылып, барлық аудандар мен Қызылорда қаласының шаруалары өз өнімдерін базар нарығынан 15-20 пайызға төмен бағада ұсынды. Жалпы есеппен ауылдардан 538 жүк көлігімен 2000 тоннаға жуық өнім әкелінді.Облыс әкімі Нұрлыбек Нәлібаев тұрғындармен бірге қала, аудандағы шаруалардың өнімі қойылған жәрмеңкелерді аралап, азық-түлік бағаларын саралап, халықпен пікірлесті.Таңсәріден жәрмеңкеге асыққан жұртшылықтың қарасы қалың болды. Әсіресе, теңізді өлке Аралдың балығы мен Жалағаштың ақмажанына, Сырдарияның қауыны мен Жаңақорғанның қарбызы пышақ үстінен өтіп кетті. Қазалының кәмпиті мен Қармақшының шұбат-қымызы, Шиелінің картоп-жуасын алуға ниеттенгендер қарасы қалың болды. Ал, Қызылорда қаласының шаруалары әкелген ет өнімдеріне ұзын-сонар кезек қалыптасты.«Тағзым алаңында» сауда қатарлары қойылған Қызылорда қаласының жәрмеңкесіне 80 жүк көлігімен 300 тоннаға жуық өнім әкелінді. Журба көшесінің бойында қармақшылық шаруа қожалықтары өз өнімдерін ұсынды. Мұнда 74 жүк көлігімен әкелінген барлығы 240 тоннаға жуық өнім сатылды.&nbsp;Титов қыстағында Әміре Қашаубаев пен Жетікөл көшелерінің қиылысында Жалағаш ауданының жәрмеңкесі өтті. Аудан кәсіпкерлері 85 жүк көлігімен 250 тонна ауыл шаруашылығы өнімдерін жеткізді. Мұнда картоп, жуадан бөлек, асқабақ пен бақша өнімдерін сатып алған тұрғындар аз емес. &nbsp;Жанқожа батыр көшесінің бойында Сырдария ауданынан жеңілдетілген бағамен 87 көлікке тиелген азық-түлік тауарлары апарылды. Көбінесе 60 тоннадан астам күріш, 60 тоннадай картоп, 45 тонна сәбіз, 40 тонна пияз, 90 тонна қауын мен қарбыз, 25 тонна асқабақ және 30 бас тоқты жеткізілді.С.Торайғыров көшесінің бойында сауда жасаған аралдық шаруалар 60 жүк көлігімен 170 тоннаға жуық азық-түлікті тиеп келді. Теңізді өлкенің молшылық шарасында облыс тұрғындарына мұздатылған балық өнімдері, ас тұзы, ет, құрт, ірімшік, 500 литр шұбат, 60 бас қой әкелінді.Қазалылық еңбеккерлер жәрмеңкеге 70 жүк көлігімен 150 тоннаға жуық өнім алып келді. Өнерпаздар жәрмеңкеге жеткен жұртшылыққа әсерлі көңіл-күй сыйлап, тоқшылық тойын думанға бөледі.Астана даңғылының бойында жаңақорғандық шаруалар 82 жүк көлігімен 300 тонна ауыл шаруашылығы өнімдерін әкелді. Ал, Шиелі ауданынан 72 газель және жүк көлігімен 260 тоннадай ауыл шаруашылығы өнімдері сатылды.Биыл аймақ басшысының тапсырмасы аясында егіс егуге ынталы ауыл халқына 10-15 гектардан жер дайындалып, нәтижесінде 6802 отбасы 1833 гектарға бақша өнімдерін егіп, жемісін көруде. &nbsp;Жәрмеңке соңында облыс әкімі Нұрлыбек Нәлібаев қала, аудан әкімдері мен ауыл шаруашылығы басқармасының басшысына азық-түлік бағасын төмендетуге мүмкіндік беретін ауыл шаруашылығы жәрмеңкелерін жыл соңына дейін әр апта сайын тұрақты түрде ұйымдастыруды тапсырды.Айта кетейік, бұған дейін елорда төрінде өткен Сыр елінің жәрмеңкесінде 500 тонна өнім сатылды. Астаналық тұрғындардың Сыр дәміне деген сұранысы жоғары болып, ақ күріш пен балық бірінші күннен сатылып кетті.<figure class="image"><img src="https://knadmin.beoblood.kz/uploads/et_9b9ca366d0.jpg" alt="ет.jpg"></figure><figure class="image"><img src="https://knadmin.beoblood.kz/uploads/311935498_407889078199009_2878140384862417763_n_3ac7b41c8a.jpg" alt="311935498_407889078199009_2878140384862417763_n.jpg"></figure><figure class="image"><img src="https://knadmin.beoblood.kz/uploads/311588171_407889024865681_4064825244176570877_n_31e627f7d1.jpg" alt="311588171_407889024865681_4064825244176570877_n.jpg"></figure><figure class="image"><img src="https://knadmin.beoblood.kz/uploads/311924654_407889204865663_5461544986448949603_n_e2622c008c.jpg" alt="311924654_407889204865663_5461544986448949603_n.jpg"></figure><figure class="image"><img src="https://knadmin.beoblood.kz/uploads/311891757_407889034865680_5240564979179777766_n_48606c8464.jpg" alt="311891757_407889034865680_5240564979179777766_n.jpg"></figure><figure class="image"><img src="https://knadmin.beoblood.kz/uploads/311602146_407889138199003_5781022822927192320_n_d910ce5c60.jpg" alt="311602146_407889138199003_5781022822927192320_n.jpg"></figure>

Сыр елінің «Алтын дән» жәрмеңкесінде 2000 тоннаға жуық өнім сатылды

<a href="https://kyzylorda-news.kz/">Kyzylorda-news.kz.</a> Қызылорда облысы орталығындағы Жанқожа батыр көшесі, «Реалбаза» аймағында Сырдария ауданы еңбеккерлерінің ауылшарушылығы өнімдерінің жәрмеңкесі өткізілді.&nbsp;Жылдағы дәстүр бойынша мереке аясында ауылшаруашылығы өнімдерінің жәрмеңкесі жоғары деңгейде ұйымдастырылып, Тереңөзек кенті мен барлық ауылдардан арнайы келген шаруашылықтар өз өнімдерін тұрғындарға арзан бағамен ұсынды.&nbsp; Молшылық мерекесіне жиналғандардың қарасы қалың. Бірі көкөніс сатып алуға бет алса, енді бірі ет-сүт өнімдерін сатушылардың қасынан табылды. Бақша өніміне деген сұраныс та өте жоғары.Бүгінгі жәрмеңкеге ауданнан ақ күріш – 15 тонна, жем – 17 тонна, картоп – 15,5 тонна, жуа – 21 тонна, сәбіз – 8 тонна, асқабақ – 13 тонна, сүт, айран, қымыз – 350 литр, балық – 100 кг, құс еті – 170 кг, сиыр,жылқы еті – 1,8 тонна, қауын – 24 тонна, қарбыз-23 тонна, қызылша – 540 кг, қызанақ,қияр – 240 кг, алма – 900 кг, жиде – 260 кг, тосап (варенья), салат – 30 литр, бал – 115 литр, тоқты – 20 бас, 7 көлік жоңышқа, қамыс пресс шөбі, қосымша нан өнімдер, 54 көлікпен 30 түрінен барлығы 170 тонна 22 млн.теңгені &nbsp;құрайтын ауыл шаруашылығы өнімдері жеткізілді.Облыс орталығында өткен жәрмеңкеде қала тұрғындары қолжетімді бағадағы азық-түлікке молынан кенелді. Берекелі шара шеңберінде сырдариялықтар халыққа сапасы жоғары, табиғи таза өнімдерін ұсынды.&nbsp;Жәрмеңкеде аудан өнерпаздары әннен шашу шашып, мерекелік көңіл-күй сыйлады.<figure class="image"><img src="https://knadmin.beoblood.kz/uploads/syrdariya_c9492a575b.jpg" alt="сырдария.jpg"></figure>

Сырдариялық шаруалардың дәстүрлі жәрмеңкесі облыс орталығында өтті

<a href="https://kyzylorda-news.kz/">Kyzylorda-news.kz.</a> 1990 жылдың 25 қазаны қазақ үшін ақ түйенің&nbsp; қарны жарылған күн еді. Ресейге бодандықты қабылдағаннан бергі екі жарым ғасырдан аса уақыт ішінде алғаш рет тәуелсіздіктің құқықтық негізі қаланды. Оны бізге сыйлаған құжат Қазақ КСР Жоғарғы Кеңесі қабылдаған мемлекеттік егемендік туралы Декларация болатын.
Декларацияның 1-бабында Кеңестік Социалистік Қазақ республикасы Егемен Республикалар Одағымен ерікті түрде бірігетіні және олармен келісімшарт негізінде қарым-қатынас құратыны көрсетілді. Екінші бапта Қазақ КСР-і ұлттық мемлекеттілігін күзетуге, қорғауға және нығайтуға шаралар қабылдайтыны жарияланды. Үшінші бап: Қазақстан аумағы мен шекараларының мызғымайтынын әрі өзгертуге жатпайтынын, оның рұқсатынсыз пайдалануға да болмайтынын паш етті. 17 баптан тұратын Декларацияның 8 және 9-баптары ерекше маңызды. Оларда республика аумағында ел Конституциясы мен заңдары үстемдікке ие екені, жер, оның қойнауы, су, әуе кеңістігі, барлық ұлттық байлық республика меншігі саналатыны бекемделді.
Декларацияның тағы бір құдіреті – КСРО-ның ыдырауын жеделдеткені. Осының алдында ғана, яғни 12 маусымда РСФСР-да егемендік Декларациясын қабылдаған еді. Екі алпауыт республиканың егемендікті жариялауы КСРО-ның тағдырын шешті.
Демек, Ұлттық Құрылтайда&nbsp; ҚР Президенті Қ.Тоқаевтың Декларация қабылдаған күнге айрықша мәртебе беру керектігі туралы айтқаны көптің көңілінен шыққан бастама болды. Менің ойымша, 25 қазанды «Қазақ мемлекеттілігінің күні» деп айдарлау керек. Неге дейсіз ғой?
Біріншіден, Қазақ хандығы да 1465 жылы қара күзде шаңырақ көтерді.
Екіншіден, кеңестік автономиялы Қазақ ­Республикасы 1920 жылы қазан айында дүниеге келді.
Үшіншіден, Қазақстан Республикасының құқықтық болмысы 25 қазанда қабылданған Декларациямен айқындалды.
Ендеше, қайта оралатын ұлттық мерекені «Қазақ мемлекеттілігі күні» деп ұлықтасақ, Құдайдың жолы болар. Ол мемлекетшіл санаға соны серпін береді.
Ханкелді Әбжанов,&nbsp; ҚР ҰҒА академигі
<a href="https://anatili.kazgazeta.kz/news/60990">Ана тілі&nbsp;</a>
<img src="https://knadmin.beoblood.kz/uploads/9pmkuve5zllno4rwk4nswss3ey1bzzhzgfiuh46s_jpg_width_1200xheight_autoxtype_1_fa617bf835.jpg" alt="9pmkuve5zllno4rwk4nswss3ey1bzzhzgfiuh46s.jpg_width=1200xheight=autoxtype=1.jpg">

25 қазанды «Қазақ мемлекеттігінің күні» деп атау керек!

Қазақтан шыққан әр саланың тұңғыштары туралы білесіз бе?

<a href="https://kyzylorda-news.kz/">Kyzylorda-news.kz.</a> &nbsp;Суық мезгілде гардеробтың маңызды бөлігі сырт киім болады. Ол бізді суықтан және желден қорғайды. Сондай-ақ ол киім үлгісіне «көңіл күй» сыйлайды. Сол үшін оны таңдағанда асықпай, жақсылап ойлану керек. Мысалы, мына сырт киім түрлеріне жоламаңыз.
<figure class="image"><img src="https://knadmin.beoblood.kz/uploads/ab14e299cd18aa89afc5c083dae0f565_9525600c99.jpg" alt="ab14e299cd18aa89afc5c083dae0f565.jpg"></figure>
1. Өте көлемді күрткелер Өте үлкен өлшемдегі күрткелер соңғы екі мерзім қатарынан сәнде болды. Бірақ қазір бұл тренд ескірді. Қазір өте көлемді киімдермен ешкімді таңғалдырмайсыз. Егер стильді көрінгіңіз келсе, көлемді күртке таңдарда шаманы біліңіз. Үрілген күрткелердің қысқа да, ұзын да түрлері сәнде болады. Бастысы, оның көлемі сіз үшін ыңғайлы болуы керек. Мысалы, автобусқа немесе көлікке мінген кезде ол ыңғайсыздық тудырмауы қажет.
<figure class="image"><img src="https://knadmin.beoblood.kz/uploads/41931b3f82303ff8b9495d8809e20dc0_8f4bf150db.jpg" alt="41931b3f82303ff8b9495d8809e20dc0.jpg"></figure>2. Жеңі қысқа пальтолар Пальтоның бұл түрі нәзіктік сыйлайтын сырт киімдердің бірі болатын. Бірақ уақыт өте бәрі өзгереді. Сол секілді стильге деген көзқарас та өзгереді. Жеңі қысқартылған сырт киімнің бір кемшілігі ол дене пішінінің пропорцияларын бұзады. Мұндай пальтоны базалық, пішінін жақсы сақтайтын және миди &nbsp;ұзындықтағы түріне ауыстыруға кеңес береміз.<figure class="image"><img src="https://knadmin.beoblood.kz/uploads/16df63be15cf45309dbad3ae7ab8cb6d_6b91589ab0.jpg" alt="16df63be15cf45309dbad3ae7ab8cb6d.jpg"></figure>3. Ішік жағалы пальтолар немесе күрткелер Бірнеше жыл бұрын табиғи ішік жағалар байлықты білдіретін. Мұндай киімді кез келген адам ала бере алмайтын. Бірақ қазір табиғи ішіктен жасалған жағасы бар сырт киімдер ескірді. Егер мұндай киімдерді ұнатсаңыз, экотеріден тігілген, пішіні өзекті сырт киімдер қарап көріңіз.<figure class="image"><img src="https://knadmin.beoblood.kz/uploads/3909df1e4bfdac6ca933b6f7a29857eb_d705578aaa.jpg" alt="3909df1e4bfdac6ca933b6f7a29857eb.jpg"></figure>4. Спорттық стильдегі парка 2008 жылғы сәнқойлар гардеробын паркасыз елестету қиын. Қысқы күрткенің бұл түрі бірнеше жыл қатарынан әйелдер де, еркектер де арасында танымал болды. Бірақ қазір ол сәннен шықты. Оның орнына жинақы авиатор-күртке немесе сәл бос тұратын сырып тігілген күртке таңдаңыз.<figure class="image"><img src="https://knadmin.beoblood.kz/uploads/9c785f3163738fed3ba9ddded5b7e4bc_db3d4d6e57.jpg" alt="9c785f3163738fed3ba9ddded5b7e4bc.jpg"></figure>5. «Қырықбуын» тоны Тонның бұл түрі 2000-жылдардың басында сәнге айналған болатын. Қыздар мұндай тондарды былғары күрткенің сыртынан да, өзін бөлек те киді. Мұндай тондардың жеңі бар да, жеңі жоқ та түрлері ескірді.<a href="https://massaget.kz/">MASSAGET</a>

Қандай сырт киімдер ескірді?  

<a href="https://kyzylorda-news.kz/">Kyzylorda-news.kz.</a>&nbsp; Дәрігер-диетолог Татьяна Залетова Sputnik радиосына берген сұхбатында тұмаудың алдын алу үшін иммундық жүйені жақсартуға көмектесетін табиғи өнімдерді тұтыну керек екенін айтты.
<blockquote>“Маусымдық инфекциялармен күресу үшін дұрыс тамақтану керек. Кей өнімдерді табиғи антибиотик ретінде тұтынса болады. Соның ішіндегі ең танымалы – сарымсақ, бала кезде бәрімізге сарымсақ жеу керек дейтін", – деп еске алды диетолог.</blockquote>
Оның айтуынша, сарымсақтың иммундық жүйені&nbsp;белсендіріп, вирустармен күресуге көмектесетіні расымен дәлелденген. Ең бастысы, оны күзгі суыққа дейін және күз мезгілінде жиі жеу керек.
Сонымен қатар, райхан шөбі де ағзаны зиянды микробтардан қорғайтынын дәрігер атап өтті.
<blockquote>"Табиғи антибиотиктер қатарына&nbsp;райханды қосар едім. Ол дезинфекциялық және бактерицидтік қасиеттерге ие. Ол суық тиюдің алдын алады, сонымен қатар асқазан инфекциясын жеңуге көмектеседі", - дейді Залетова.</blockquote>Алайда&nbsp;сарымсақ пен райхан толыққанды ем бола алмайды. Дәрігердің пайымдауынша, бұл тек профилактика есебінде қолданылуы тиіс.<blockquote>"Табиғи антибиотиктер инфекциядан қорғануға, алдын алуға көмектеседі, бірақ&nbsp;суық тигенде толыққанды дәрі-дәрмектің орнын алмастыра алмайды. Сондықтан дәрігер берген ем-шара түрінен бас тартуға болмайды", – деп түсіндірді Татьяна Залетова.</blockquote><a href="https://stan.kz/">Stan.kz&nbsp;</a>

Диетолог тұмаудың алдын алатын өнімдерді атады

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы орталығында ауыл шаруашылығы өнімдерінің жәрмеңкесі өтті. «Қала күніне» орай ұйымдастырылған ауқымды шараға қазалылықтар да белсене қатысып, тұрғындарға арзан бағада ауыл шаруашылығы өнімдерін ұсынды.Қазалы ауданының жәрмеңкесіне Қызылорда облысының әкімі Нұрлыбек Нәлібаев арнайы келіп, аудан шаруаларының ұсынған өнімдерімен танысты. Аудан әкімі Мұхтар Оразбаев мұндағы барлық өнімдердің тұрғындарға нарықтағыдан төмен бағамен босатылып жатқанын жеткізді.Қызылорда қаласындағы Ғ.Мұратбаев пен Қ.Яссауи көшелерінің қиылысындағы жәрмеңкеде халықтың қарасы қалың болды. Қаланың әр түкпірінен келген тұрғындар өздеріне қажетті өнімдерді көптеп алып, барлығының бағасы облыс орталығындағы нарықтан 10-15 пайызға төмен сатылғанына дән риза.<blockquote>«Қазалы ауданының жәрмеңкесінде барлық азықтың түрі бар. Ауданның брендіне айналған «Қазалы» конфетіне сұраныс жоғары болып тұр. Арнайы іздеп келіп жатқандар да бар. Жәрмеңкедегі баға көңілімнен шықты», - дейді қала тұрғыны.</blockquote>Қазалылық еңбеккерлер 70 автокөлікпен жәрмеңкеге 150 тоннаға жуық өнім алып келді. Атап айтқанда, 8 тонна күріш, 60 тонна картоп, көкөніс, 15 тонна бақша өнімдері, 1,5 тонна ет, 2,5 тонна сүт өнімдері, 12 тоннадан астам балық және 1,5 тонна «Қазалы» конфеті және тағы басқа өнімдер бар.<figure class="image"><img src="https://knadmin.beoblood.kz/uploads/kazaly_2ee14e324a.jpg" alt="казалы.jpg"></figure>

Жәрмеңке: Қазалылықтар 8 тонна күріш әкелді

<a href="https://kyzylorda-news.kz/">Kyzylorda-news.kz.</a> Мұстафа Шоқайдың өмірінің жеткіліксіз зерттелген бөлігі Грузиядағы 1919 –1921 жылдар екендігі белгілі. Осыны ескеріп, еліміздің Тбилисидегі елшілігінің кеңесшісі болып қызмет етіп жүрген кезімде Грузия Ұлттық мұрағатында жұмыс істеуге рұқсат алып, Алаштың ардақты арысының саяси және публицистикалық қызметіне қатысты мағлұматтарды жинастырдым.&nbsp;
Ал ақиқатына келсек, Қоқанда екі ай ғана өмір сүрген Түркістан Мұқтариаты күшпен жаншылған соң, Мұстафа Шоқай 1919 г. Бұл кезде Кавказ елдерінде тұңғыш демократиялық республикалар құрылып, саяси өмір қайнап жатқан кез еді. Мұнда Мұстафа Шоқай 1921 жылы 26 ақпанда Тбилисиге Кеңес әскері басып кірген соң, Батуми арқылы Түркияға өткенге дейін Түркістанның өкілі ретінде белсенді саяси қызмет атарды.&nbsp;
Саяси күрестің айнасы болған ол мерзімде Мұстафа Шоқай баспасөзде жалынды публицистикасын да қатар алып жүрді. Мұстафа Тбилисиде 1919 –1920 жылдары «Ерікті одақ» баспасынан «На рубеже» журналын шығарып әрі редакторы болды. Бұл жерде айта кетерлігі, Ұлттық архив қызметкерлерінің мәліметтеріне сәйкес, 1921 жылы мұрағат жәдігерлерін сақтап қалу мақсатында оларды жасырып, кейін түгелдей жинап алу мүмкін болмаған. Осы себептен Грузия ұлттық архивінде «На рубеже» журналының тек №6 саны ғана сақталған.
<figure class="image"><img src="https://knadmin.beoblood.kz/uploads/6347a596b45df_d7f0d84d88.jpg" alt="6347a596b45df.jpg"></figure>
<img class="image_resized" style="width:1250px;" src="https://kazgazeta.kz/storage/photos/1/ULAN-DR/6347a596b45df.jpg" alt="">
Сонымен қатар М.Шоқай сол жылдары Грузияда басылып шыққан «Борьба» және «Вольный Горец» мерзімді басылымдарында Түркістаннан алынған деректер негізінде қазақ даласындағы қиын жағдай мен әділетсіздік туралы көптеген мақалалар жариялаған. Осылайша «На рубеже» журналының 1920 жылғы 15 қаңтардағы №6 санында М.Шоқайдың «Сәлде оранған коммунизм» (түркістандық боль­шевиктердің шығыс саясатының парақшасы) («Коммунизм в чалме» (страничка восточной политики туркестанских большевиков) атты мақаласы жарық көрген. Туындыда түркістандықтардың құқықсыз, қаналған жағдайы әшкереленеді. Автор мақаласын «Түркістандағы жергілікті жұрт қанша төзімді немесе енжар болғанымен, олар өздерінің құқықсыз жағдайына ұзақ көне алмады» деп бастайды.
<img src="https://knadmin.beoblood.kz/uploads/6347a5e7a8d8e_3be3bc77de.jpg" alt="6347a5e7a8d8e.jpg"><img class="image_resized" style="width:1250px;" src="https://kazgazeta.kz/storage/photos/1/ULAN-DR/6347a5e7a8d8e.jpg" alt="">
Сұңғыла саясаткерлігімен, жан-жақты білімділігімен, шешендігімен танылған Мұстафа Шоқайдың мақалаларынан бүгінде біз оның геосаяси түсінігін терең және жан-жақтылығын көре аламыз. Мақалада ол, Түркістанның Шығысқа «жол ашатын кілт», Ұлыбритания империализмінің осал жері болып табылатын Үндістанға апарар жол ретіндегі геосаяси маңыздылығын атап көрсетеді. Сонымен қатар ұлттық азаттық жолының түркістандық мұсылмандардың түсінігінде тең құқылы бауырластық, қатар өмір сүру, көршілес мемлекеттермен еркін одақта болу екендігіне баса назар аударылады. Бұл дегеніңіз озық демократияшыл көзқарас емес пе?!
Мақаланың басты желісі ­Түркі­стандағы мұсылман халқына азаттық керек екенін түсінген боль­шевиктердің «ұлт азаттық идеясын діни фанатизмнің қызыл сәлдесімен әшекейлеуге» тырысуын әшкерелеуге құрылған.
Сондай-ақ «На рубеже» журналы­ның №1-2 сандарында Мұстафа Шоқайдың «Түркістан және революция», ал №5 санында «Нағыз күн қашан келер екен?» атты мақалалары жарияланған. Алайда өкінішке қарай, басылымның бұл сандары мұрағатта сақталмаған.&nbsp;&nbsp;&nbsp;&nbsp;&nbsp;
Есесіне Мұстафа Шоқайдың арқасында қазақ даласының ғасырлар бойғы қасіретін Тбилиси архиві сақтап қалған. Осыдан 100 жыл бұрын шыққан, беттері әбден сарғайған «Вольный горец» газетінің 1920 жылғы 8 наурызындағы №33 санында басылған «Дала қасіреті» (қырғыздың хаты) атты мақалада революция «жетістіктері» нәтижесінде жыл санап хәлі мүшкілденіп, мүддесі жаншылған,&nbsp; күнкөріс қамы әбден қиындаған халқының қасіретіне жүрегі қан жылаған автор бұл жағдайдан шығу жолдарын іздеген.
Аталмыш мақалаға түсініктеме ретінде «тілшіміз Жанаев қазақ даласының зиялы өкілінен ана тілінде хат алғаны, онда кеңес үкіметі басқаруындағы Ресейдің шетінде орналасқан халықтардың көңіл-күйі сипатталған соң, хаттың толық басылғаны» айтылған. Хат жазушы «біздің еркін дала енді жолшыны қонақжай жылулықпен қарсы алмайды, бұрынғы кеңшілік жоқ. Барлық жерде қирау мен өлімнің ізі жатыр» деп әңгімелейді. «Ақыр соңында революцияның барлық мағынасы тек бір нәрсеге – тірі қалу, халықты аман сақтап қалу үшін күреске келіп тірелді» деген жолдар бар. Ал революция жолында «алым-салық тек жалғыз малмен төленбеді: дала қаңырап бос қалды... 1920 жылдың өзінде қазақ даласында адам шығыны жарты миллионнан асып түсті» деген сөздері жан түршіктіреді.
1920 жылы «Вольный Горец» газе­тінің бірнеше нөмірінде басылған «Шығыс проблемалары» (Кеңес өкіметі мен қырғыздар) атты мақалалар сериясының авторы өзін «Қыпшақ-оғлы» деп атайды. Бұл орайда Мұстафа Шоқайдың Қыпшақ тайпасы Бошай бөлімінен тарайтын Жанай руына жататынын ескеріп, Мұзаффар Жанаев және «Қыпшақұлы» деген бүркеншік аттарымен жазылған қазақтың жоғын жоқтаған мақалалар оған тікелей тиесілі деп санаймыз.&nbsp;
«Вольный горец» газетінің 1920 жылғы 16 ақпан №30 санындағы «Шеттегі коммунистердің саясаты» атты мақалаға да Түркістаннан келген адамдардың ақпараттары негіз болған. Мұнда мұсылман халқына жалпы дауыс беру құқығының берілмеуі қатал сынға алынады. Мәселен, Кеңес съездерінде «бұратана халық» пен «келімсектер» арасында тең өкілеттілік сақталмайтыны, Түркістан халқының 95 пайызын құрайтын «бұратана халық» барлық съездерде тек 20-25 делегат мандатына ие болатыны айтылады. Осы ретте автор Мәскеуден Ташкенге қызыл жалаумен көмкеріліп, жасыл жарты ай суреттері салынған поездармен насихатшылардың көптеп келетінін, панисламдық ұрандардың айтылатынын, мұсылмандық «байрамдардың» салтанатты тойланатынын, алайда мұсылмандардың өз елін басқаруға қатысуы мәселесі көтеріле қалса, түркістандық большевиктердің революция туының «тазалығын» қорғаушы бола қалатынын ашына жазады.&nbsp; <img class="image_resized" style="width:3024px;" src="https://kazgazeta.kz/storage/photos/1/ULAN-DR/6347a6caa81d7.jpg" alt="">«Вольный Горец» газетінде (№32, 1920 жылғы 1 наурыз) жарияланған «Орта Азиядағы «түрікшілдік пен исламшылдық» мақаласының&nbsp; авторы – Мұзаффар Жанаев. Мақалада «осы жолдардың авторы өз халқының және елінің ұлттық өзін-өзі таныту ісіне барынша қатыса отырып, ұлттық азаттыққа бар ықыласымен жаны ашып, тағдырдың тезіне сай империалистік есіркеушілердің тегеурінді уысына түсіп қалған барлық мұсылман халықтарымен бірге өзін, не панисламистерге де, не пантүрікшілерге де жатқызбайтынын» айтқан. Алайда «бұл жағдаят оған жалпыға аян бұлжымайтын факт – мұсылман халықтарымен ішкі рухани байланыс туралы атап айтуға ешбір кедергі бола алмайды» деп тұжырымдайды автор.
Осылайша Мұстафа Шоқайдың аталған мақалаларына ұлт тәуелсіздігі&nbsp; үшін күрес пен ұлт рухын қорғау арқау болғанын көреміз. Сол алмағайып заманда Алаш ардақтысы өзінің тамаша білімін елімізді азат және озық елдер қатарына қосу, халқымыздың ұлттық санасын қалыптастыру, өз елін өзі басқаруына демократиялық жолмен қол жеткізу мүддесіне жұмсаған. Ол ХХ ғасыр басындағы ұлт зиялыларымен бірлесе отырып, қазақ елінің жарқын болашағы үшін жан аямай күресті. Осы күресте М.Шоқай жауларының қыспағымен шетелге амалсыз кетсе де, сыртта жүріп өмірінің соңына дейін күрескерлік жолын жалғастырды.
Гүлмира &nbsp;СҰЛТАНӘЛИ
<a href="https://anatili.kazgazeta.kz/news/61064">Ана тілі&nbsp;</a>
&nbsp;

Ұлт ұлығы – Мұстафа

<a href="https://kyzylorda-news.kz/">Kyzylorda-news.kz.</a>&nbsp; Үй алу үшін ең алдымен, не істеу керек? Ақша жинау қажет, кейін үй таңдау қажет. Оңай жолмен айтсақ осылай.&nbsp;
Қаржы жоспарын құрамыз. Қанша ақша жинау керек?&nbsp;
"Крыша" порталындағы кеңеске сүйенсек, бірінші кезекте үйді сатып алу жоспарын құрып қоймасаңыз, ешқашан пәтер ала алмайтыныңызды біліп алу керек.&nbsp;
Бастапқыда ақша қайда жұмсалатынын және оны қалай жұмсау, сондай-ақ, ақшаны қалай жинау керегін үйреніп алған абзал.
Қазір сіздің алдыңызда тұрған бірінші жоспар - ақша қайда кеткенін анықтау. Шығысты әрдайым бақылауда ұстап отыру қиын, алайда арнайы әдістері бар екенін бірі білсе, бірі білмейді.&nbsp;
Әр түскен жалақыдан 30 000 теңге жинап отырса, 6 жыл ішінде бастапқы жарнаны, яғни мемлекеттік бағдарлама бойынша 20 пайыз ақшаны жинай аласыз. Кейін жалдау төлемдері шамамен ипотека бойынша төлемдерге тең болады.
Жинай алатын ақшаңыз 50 000 теңгеге жетсе, онда жарнаның ақшасы 4 жылда жиналады. 100 000 теңге мөлшерлемесін алып тастағанда, бұл мерзім 2,2 жылға дейін қысқартылады. Ипотекаға алғыңыз келмесе, пәтерге қажет 15 миллионды кем дегенде сегіз жылда жинауға болады екен.
"Басты қате - асығу"
Баспана алу бойынша кеңес беріп жүрген блогер Дәулет Төлеутайұлының айтуынша, баспана алуда қазақстандықтардың басты қатесі - асығыстық.&nbsp;
<blockquote>"Біз барлығы тез болғанын қалаймыз. Қызбалықпен үй аламын деп бірден жарна салып, үй беремін деп жоқ болып кететін небір компанияларға жолығамыз. Кейде арты бір желі маркетингі немесе пирамида болып шығады. Алаяқтар адамның жанды жерін пайдаланады, "тезірек үйлі боласың" деп алдайды. Қаншама адам сан соғып қалды. Сондықтан үй аларда асықпай, барлығын саралап, нарықты зерттеп, жинаған ақшаңызға сай нұсқаларды қарастыру қажет", - дейді ол.&nbsp;</blockquote>
Оның айтуынша, қазіргі уақытта ең ыңғайлысы - артық төлем аз шығуы үшін баспананың 50 пайызын жинау.
<blockquote>"Отбасы банкте"&nbsp;үш жыл бойы бағалау көрсеткішін 16-дан асырса, артық төлем аз болады. Бірақ үш жыл бойы ешкім жинамайды, ол кезге дейін кім бар, кім жоқ деп жүреді. Сөйтіп, он жыл бойы пәтер жалдап жүретіндер бар. Мұнда ақша жинап, үй аламын деген мақсат болуы керек", - дейді ол.</blockquote>"Қаржы сауатын арттыру маңызды"Блогер үй іздеп, банк аралап жүрген тұрғындарға кеңесін берді. Қазіргі жағдайда халық қаржы сауатын арттыруы маңызды екенін айтады.&nbsp;<blockquote>"Банкке барғанда бір нәрсе біліп бару керек" деп айтамын. Әр адам қаржы сауатын арттырса екен деймін. Одан кейін келісімшарт дегенге жіті мән беру керек. Өйткені қол қойғаннан кейін әр адам жауапкершілікті өз мойнына алады. Біз оны оқымаймыз, үй берсе, келісім келсе болды дейміз де, бірнеше бет қағазға қол қоя береміз. Кейін бір кілтипаны шықса, келісімшартты сол кезде ғана оқи бастаймыз", - деп қорытындылады ол.&nbsp;</blockquote>Баспана алуда қандай заңды қулықтар немесе лайфхактар бар?Блогердің айтуынша, риэлтор, нотариустан ақша үнемдеуге болады. Сонымен қатар, комиссияларды да қарау керек екен.<blockquote>"Бүгінде сақтандыру, жылжымайтын мүлікті бағалау компаниялары көп. Мысалы, үйімнің&nbsp;құнын&nbsp;анықтау үшін бағалаушыларға хабарласқанымда, бірі он мың, екіншісі тоғыз мың сұрады. Сайып келгенде&nbsp;6 мың теңгеге таптым.&nbsp;Сондықтан әрдайым іздену керек", - дейді ол.&nbsp;</blockquote>Дәулет Төлеутайұлының айтуынша, Салық кодексінде&nbsp;ипотекаға берілетін үйлерге нотариуста 4 АЕК қана төлеу керек деген заң бар.<blockquote>"Үйді ипотекаға алғыңыз келсе, сатып алу-сату басталғанда нотариусқа міндетті түрде АЕК төлейсіз. ТҮҚЖБ-мен екі үй алдым, бірінде&nbsp;сатып алу-сатуға 30 300 теңгедей, ал екіншісінде 10 100 ғана төледім. Біріншісінде ондай заңның бар екенін білмедім", - дейді блогер.&nbsp;</blockquote>Үйді сақтандырудың да жолдарын дұрыстап қарау керек. Оның пайдасы мен зиянын жан-жақты зерттеген дұрыс, дейді Дәулет Төлеутайұлы. Баспана сатып аларда риэлторларға да жүгініп жатамыз. Бірақ мұнда да өзің ізденіп, ақша үнемдеуге болады.Massaget.kz

Қазақстан және Қызылорда облысының жаңалықтары