<a href="https://kyzylorda-news.kz/">Kyzylorda-news.kz.</a> Шиелі ауданы Майлытоғай ауылында «Анаға тағзым» аллеясы ашылды.Аллеяны осы ауылдың түлегі, білікті дәрігер, танымал кәсіпкер Дүйсенкүл Тәжікова өз қаражаты есебінен салғызды. Жаңа нысанның ашылуына аудан әкімі Нұржан Ахатов қатысты.<blockquote>«Адам баласының бойындағы барлық жақсы қасиет ата тегінен, ана сүтімен дариды. Сондықтан әр баласын ақ сүт беріп, әлпештеп өсірген,&nbsp;тал бойына тәлім-тәрбие дарытып, жан жылуына бөлеген ананың орны әркез биікте. Бүгінгі «Анаға тағзым» аллеясының ашылуына осынау асыл аналарымыздың өнегелі өмірі себеп болды. Ұлтымыздың арғы-бергі шежіресінде еріне адал жар, баласына ардақты ана, отбасына ұйытқы, сондай-ақ, қилы кезеңде елге еге, ұлтқа ұран болған Бегім сұлу, Қарашаш, Айғаным, Зере, Домалақ ана сынды ақылы асқан аналар баршылық. Сол текті аналардың жалғасы, Шиелі топырағынан шыққан Шырынкүл Қазанбаева, Ұлбала Алтайбаева, Жадыра Таспамбетова, Зәкира Ержанова, Айша Меңдібаева сияқты еңбек даңқына бөленген асыл аналарымыздың есімін ел-жұрт ерекше құрмет тұтады. Сондықтан осынау ашылған аллея жас ұрпақтың жүрегіне анаға деген құрмет пен тағзым ұялатары сөзсіз», – деді Нұржан Ахатов.</blockquote>&nbsp;Аналар аллеясын салудың негізгі идеясы-қазіргі қоғамдағы әйелдің рөлін мойындау. Шиелі ауданында еңбегімен еленген тұлғалар аз емес. Дәл осы жерден әр уақытта 41 жұмысшы Еңбек Ері атағын алды. Оның бесеуі әйелдер, олар: Айша Меңдібаева, Шырынкүл Қазанбаева, Ұлбала Алтайбаева, Захира Ержанова және Жадыра Таспамбетова.<blockquote>«Ана біз үшін қадірлі де қастерлі, ұлы да ұлық ұғым. Сондықтан ауылымыздан осындай «Анаға тағзым» аллеясының ашылуы кейінгі ұрпақ үшін өте тәрбиелік мәні зор шара. Бұл жерден өткен кез келген адам анасы жайлы толғанбай өтпейді. Сонымен қатар біздің ауылдан шыққан еңбеккер, көп балалы аналарымызға қойылған құрмет деп білеміз. Осындай бастаманы көріп өскен қыз-келіншектер отбасы мен шаңырағының берекесін ойлап, адал ұрпақ тәрбелеу ісінде өзіне күш-жігер алады десем артық емес», - деді 6 баланың анасы, «Күміс алқа» иегері Ләззат Шомбалова.</blockquote><figure class="image"><img src="https://knadmin.beoblood.kz/uploads/820408f3_187c_49b2_a27b_a6973259e364_5c5ccf2a36.jpg" alt="820408f3-187c-49b2-a27b-a6973259e364.jpg"></figure><figure class="image"><img src="https://knadmin.beoblood.kz/uploads/33e2d00f_517e_4513_8517_7f137557f626_f50232d315.jpg" alt="33e2d00f-517e-4513-8517-7f137557f626.jpg"></figure>

Шиелі ауданында «Аналар аллеясы» салынды

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев аудандық мәслихат хатшысы Бақытжан Жарылқаппен бірге Әйтеке би кентіндегі абаттандыру жұмыстарының барысын көрді.Қазіргі таңда аудан орталығы – Әйтеке би кентіне кіре берісінде қызу жұмыстар жүргізілуде. Мердігер мекеме Ерімбет Көлдеубекұлы көшесі бойынан жаяу жүргіншілер жолын орнатып, балалар ойын алаңын салуда. Сондай-ақ, халықаралық стандартқа сәйкес жасанды төсенішпен кіші футбол ойнайтын алаң мен басқа да тұрғындар демалатын орындар жасап жатыр.Аудан әкімі Мұхтар Оразбаев тұрғындар игілігі үшін пайдалануға берілетін орындардың сапасы жоғары болу қажеттігін атап айтты. Сондай-ақ, мердігер мекеме белгіленген кестеден кешігіп келе жатқанын тілге тиек етіп, мерзімінде аяқтауды тапсырды. Абаттандыру жұмыстарын белгіленген мерзімде аяқтау үшін жұмысшылар санын көбейту қажеттігін жеткізді.Мұхтар Әуесұлы аудан орталығын аралау барысында теміржол вокзалы жанында орналасқан Жалаңтөс батыр ескерткіші орналасқан алаңға да арнайы барды. Мұнда аудандық дене шынықтыру және спорт бөлімінің басшысы Орысбек Жәмшейітовке батыр баба ескерткіші орналасқан аумақта тазалық сақтау мәселесіне назар аударып, қоршауларына әрлеу жұмыстарын жүргізуді тапсырды.<img src="https://knadmin.beoblood.kz/uploads/kazaly_aa6f6eff75.jpg" alt="казалы.jpg">

Қазалы ауданының әкімі абаттандыру жұмыстарының барысын көрді

<a href="https://kyzylorda-news.kz/">Kyzylorda-news.kz.</a> Арал қаласының және белгілі ақын Зейнолла Шүкіровтің 95 жылдығына орай «Кіндігім бірге Аралмен...» атты жазба ақындар мүшәйрасы өтті.Сыр елі – сырлы да жырлы қасиетті мекен. Ғасырлар &nbsp;бойы &nbsp;атадан &nbsp;балаға &nbsp;мұра &nbsp;болып қалып отырған суырып салма ақындық өнер, серпінді жыр, төгілген терме өнері осы мекеннің рухани байлығы. Шайырлар мен сүлейлердің, талай дарабоз өнер иелері мен жыр жампоздарының арасында аламанда аты озған аралдық ақындар да аз емес. Талай белесті бағындырып, топтан озған өр ақындар ақындықтың желісін үзбей, Аралдың атын өнер сахнасында асқақтатып келеді.&nbsp;Ақындар сайысына аудан әкімінің орынбасары Кете-Төлебай Бержанов қатысты.<blockquote>«Өздеріңіз білетіндей, биыл тарихы теңізбен ұштасқан Арал қаласына 95 жыл толып отыр. Ауданның бас шаһарының айтулы мерекесі қарсаңында өткізіліп отырған ақындар мүшәйрасының мақсаты сөз жақұтын терген таланттарымызға қолдау білдіру. Шығармашылық ізденіс жолындағы жандарға демеу беру. Өлең мен жырды қару етіп ұлттың кешегісі мен бүгінін түгендеудегі еселі еңбектеріңіз жемісті болғай. Ұшқыр ойларыңыз бен шалқар шабыттарыңыз таси берсін», - деген Кете-Төлебай Бержанов қатысушыларға сәттілік тіледі.</blockquote>Қызылорда қаласы мен Қазалы, Жалағаш, сырдария, Шиелі, Жаңақорған аудандарынан қатысқан үміткерлерге Қазақстан Журналистер &nbsp;одағының мүшесі, ақын, Толыбай Абылаев, Қазақстан Журналистер одағының мүшесі, «Арал әлемі» газетінің редакторы, ақын Ерғали Абдулла және ақын Құлекешов Қайрат қазылық етті.Мүшәйра ережесіне сәйкес ақындар алдымен жалынды жырларын Арал қаласының 95 жылдығына арнаса, екінші кезеңде Зейнолла Шүкіровке арналған шығармаларын оқыды.Арал қаласының тарихымен бірге ақын З.Шүкіровтің өмірі мен шығармашылығы жайында деректер айтылды. Жыр бәйгесінің қорытындысы бойынша &nbsp;бірінші орынды аралдық ақын Алтынбек Қыстаубаев жеңіп алды. Жүлделі екінші орынды Арал ауданынан қатысқан Алмат Қойбағаров пен жаңақорғандық Азамат Қайратұлы ие болса, үшінші орынға &nbsp;аралдық Гүлжанат Әйтімова, қызылордалық ақын Айбану Қалиева және шиелілік Рахметулла Жолтаев иеленді.Жеңімпаздар мен жүлдегерлерге арнайы дипломдар мен сый-сияпаттар табысталды.<figure class="image"><img src="https://knadmin.beoblood.kz/uploads/akyn_a24c0eda89.jpg" alt="акын.jpg"></figure>

Аралда жазба ақындар мүшәйрасы өтті

<a href="https://kyzylorda-news.kz/">Kyzylorda-news.kz.</a> Қылмыстық атқару саласына қарасты Қызылорда облысындағы №68 мемлекеттік мекемесінің заңгері Асқар Мұратбек қамауындағыларға 120 жеке қабылдау мен 5 оқу дәрісін өткізіді. Бұл жұмыстар, тергеудегілер мен сотталғандардың өтініштері негізінде өткізілген жеке қабылдаулар.Жеке қабылдау кезінде &nbsp;азаматтар мекеме заңгеріне өздерінің қылмыстық, азаматтық істері, аппеляциялық шағымдары, прокурордың өтініш хаттары бойынша &nbsp;сұрақтарын қойып, нақты &nbsp;жауаптарын алып отырады. Ал өткізілген дәрістерінде &nbsp;ҚР Қылмыстық кодексінің 55 бабы «Белгілі бір қылмыстық құқық бұзушылық үшін көзделген жазадан гөрі неғұрлым жеңіл жаза тағайындау» бойынша және қылмыстық кодекстің міндеттері мен &nbsp;осы кодексте қамтылған кейбір ұғымдарды түсіндірді.Сондай-ақ, өтініштері негізінде заңгер Асқар Мұратбекұлы АХАЖ бөлімі қызметкерлерімен бірлесе отырып, 7 азаматқа неке куәлігін алып берді. Бұдан бөлек 30-ға жуық сенімхат дайындады. Бұл сенімхаттар істі болғандардың атындағы жылжымайтын мүліктер: үйі, жері мен көліктері мен мүгедектігін алу және кредиттері бойынша дайындалған құжаттар.Заңгер қызметтік міндеттемесі негізінде &nbsp;жеке құрам және мекеме жұмыстары бойынша шығарылған бұйрықтар мен жасалынған келісімшарттардың заңдылығын да ұдайы қадағалап тексеріп отырады.Қазіргі уақытта мекемеде жыл басынан ҚР «Мемлекеттік сатып алу туралы» Заңына сәйкес 183 келісімшарт жасалынды.Заңгерлік жүктелген міндетіне сәйкес, Асқар Мұратбектің тікелей қатысуымен 1 талап арыз бойынша сот инстанциясында №68 мекемесінің мүдделерін қорғау жұмыстары жүргізілді.<figure class="image image_resized" style="width:75%;"><img src="https://knadmin.beoblood.kz/uploads/turme_b333f37187.jpg" alt="турме.jpg"></figure>

Қызылордада заңгер қамаудағыларға құқықтық көмек көрсетті

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігінде жауын жауады, деп хабарлайды Қазгидромет.Кәсіпорынның болжамына қарағанда, атлантикалық циклон ойпатының ықпалымен және атмосфералық фронталды бөліктердің өтуіне орай Қазақстанның басым бөлігінде жауын (жаңбыр, қар) жауады.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Ізгілік пен жақсылыққа бастайтын V республикалық «Мейірім керуені» байқауына өтінім қабылдау басталды. Бұл шараның басты мақсаты – қайырымдылық идеяларын барынша насихаттап, белсенді азаматтардың қайырымды істерін жұртшылыққа таныту болып табылады. Бұл туралы Өңірлік коммуникациялар қызметінде өткен брифингте іскер әйелдер ассоциациясының Қызылорда облысы бойынша төрағасы Манат Алмашева хабарлады.<blockquote>«Қазақ – халқы қайырымды істен ешқашан қашпаған халық. Онысын жария етуден ұялатын жүрегі мейірімге толы адамдар қаншама. Осы орайда бесінші рет ұйымдастырылып отырған республикалық «Мейірім керуені» байқауына әлеуметтік мәселелерді шешуде зор үлес қосып жүрген және қайырымдылық шараларын ұйымдастыруда белсенділік танытып жүрген азаматтар қатыса алады. Бұл байқау «Асар», «Туған жер», «Батыл жүрек», «Мейірім жолында», «Қайырымдылық тарихы», «Бала жүрегі», «Жануарға мейірім» атты 7 номинация бойынша өтеді. Аталған жобаны ұйымдастырушылар – Нұрсұлтан Назарбаев қоры, Қазақстанның іскер әйелдер қауымдастығы, «КТК» республикалық телеарнасы. Қазіргі таңда біздің облысымызда арнайы жұмыс тобы құрылды. Олар өңіріміздегі қарапайым жомарт жандарды насихаттауға үлес қосатын болады», - деді Манат Тамабайқызы.</blockquote><blockquote>«Қайырымдылық – жалпы адамзаттың бойындағы асыл қасиеттердің бірі. Қазақта «Қайырым жасасаң, қайырын өзің көресін» деген сөз бар. Бүгінде тұрмыс тауқыметін көріп, жылы сөз бен мейірімге мұқтаж, өзгелерден көмек күтетін азаматтар саны жылдан-жылға артып барады. Сол себепті облыстық Қазақстан халқы Ассамблеясы жанындағы Аналар кеңесі көпбалалы және жалғыз басты аналарға, мүгедектігі бар бала тәрбиелеп отырған нәзік жандыларға әрдайым көмек қолын созуға дайын. Осы ретте барша жерлестермізді жақсылық жасауға шақырамын»! - деді облыстық ҚХА жанындағы Аналар кеңесінің төрайымы Рахима Ахметова.</blockquote>Айта кетейік, «Мейірім керуені» республикалық байқауына қатысуға өтінімдер 30 желтоқсанға дейін қабылданады.<figure class="image"><img src="https://knadmin.beoblood.kz/uploads/311472883_1644496719279167_559902840629242332_n_bd90da3e29.jpg" alt="311472883_1644496719279167_559902840629242332_n.jpg"></figure>

«Мейірім керуені» республикалық байқауы басталды

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов «Орман шаруашылығы қызметкерлері күні» мерекесіне орай сала ардагерлері мен қызметкерлерін қабылдады.Жалағаш ауданында 769,5 мың гектар орман қорын күтіп-ұстауға 56 жұмысшылар қызмет етуде. Олардың тынымсыз еңбегінің арқасында ауданның орманмен қамтылған жерлердің аумағы биыл 255 мың гектарға артты.<blockquote>«Орманшы - табиғатқа қорғаншы» десек, жаңылмаймыз. Табиғатты қалай болса, солай пайдалану оның тепе-теңдігін бұзып, экологиялық тұрақтылыққа кері әсер етеді. Сол үшін мемлекеттің баға жетпес байлығы – табиғатты қорғап, көгалдандыруда орманшының алар орны бөлек. Тыныс-тіршілігіміз үшін маңызы зор саланы нығайтуда сіздер білікті де білімді, іскер де қабілетті маман ретінде өзгелерге үлгі-өнеге болып, ауданның экологиялық ахуалын жақсартып, көгалдандыру мақсатында еңбек етіп келесіздер», - деді аудан басшысы құттықтау сөзінде.&nbsp;</blockquote>Мерекелік қабылдауда Асқарбек Темірбекұлы сала қызметкерлерін марапаттап, алдағы жұмыстарына сәттілік тіледі.&nbsp;<blockquote>«Орманшы болу оңай емес. Қыстың қытымыр аязы мен жаздың аптап ыстығына шыдас беріп, әрбір түп талдың бой алып кетуіне, аң құстың амандығына тікелей жауап береді. Сыр елінің табиғатын, орманды сақтап, қорғау үшін әрі қарай да аянбай еңбек ете беретіндеріңізге сенім білдіріп, қиындығы мен қызығы қатар жүрген еңбектеріңізге толайым табыс, шаңырақтарыңызға шаттық, құт-береке тілеймін», - деді аудан басшысы.&nbsp;</blockquote>Сала ардагері Айтбай Шегебаев та қабылдауда өз әріптестерін мерейлі мерекемен құттықтап, аудан басшылығына алғысын жеткізді.&nbsp;Атап өту керек, Қызылорда облысының елді мекендерді көгалдандыру және жасыл аймақ құрудың 2021-2025 жылдарға арналған Өңіраралық жоспарына сәйкес биылғы жылы Жалағаш ауданы елді мекендерінде 4649 дана (1,86 га) ағаштарды отырғызу көзделген. Оның ішінде Сыр талы – 3000 дана, Терек – 1000 дана, Қараағаш – 649 дана.&nbsp;Биылғы жылы көктемгі көркейту-көгалдандыру екі айлығының барысында 4649 ағаш, яғни, 1,86 гектар жерге отырғызылды. Оның ішінде Сыр талы – 1899 дана, Терек -1370 дана, Қараағаш – 1380 дана. Яғни жоспар толығымен орындалды. Ағаштардың шығымдылығы 71 пайызды құрады.<figure class="image"><img src="https://knadmin.beoblood.kz/uploads/zhalagash1_0ef1e53ad1.jpg" alt="жалагаш1.jpg"></figure>

Асқарбек Есжанов орманшыларды құттықтады

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаев ауыл шаруашылығы саласында 9 айдың қортындысымен жалпы өнім көлемі 15,0 млрд. теңгеге жеткенін айтты. Аудан басшысы бұл туралы «Facebook» әлеуметтік желісінде хабарлады.&nbsp;«Құрметті аудан тұрғындары! Қадірлі дархан дала дихандары! «Егінді өсіре білу – алғашқы асу ғана. Ысырапсыз жинап алу – мәре» деген Ыбырай Жақаевтың дана сөзі бар. Күз маусымы – дала еңбеккерлерінің мерейі тасып, абыройы асқақтайтын кезең.&nbsp;Осындай берекелі кезеңде ауданымыз аймағымызда «АГРОӨНЕРКӘСІП КЕШЕНІН ДАМЫТУ БОЙЫНША - ҮЗДІК АУДАН» атанып, үлкен жетістікке жетті. Аудан диқандарының биылғы зор табысы – біріншіден, тынымсыз еңбектің жемісі болса, екіншіден, аграрлық салаға көрсетіліп отырған қолдаулардың нәтижесі.&nbsp;Мемлекет басшысы Қасым-Жомарт Кемелұлы Тоқаев Қазақстан халқына арнаған Жолдауында «Ауыл шаруашылығын дамыту – негізгі проблеманың бірі. &nbsp;Осы саладағы ахуал мемлекетіміздің азық-түлік қауіпсіздігіне тікелей әсер етеді. Еліміздің ауыл шаруашылығы өнімдерінің көлемін &nbsp;арттыру қажет. Бұл – стратегиялық міндет» екенін атап өтті.Жолдауға үн қосқан аймағымыз бен ауданымыз бүгінде жоғары нәтижеге қол жеткізді. Облыс әкімі Нәлібаев Нұрлыбек Машбекұлының тапсырмасымен азық-түлік қауіпсіздігін қамтамасыз ету мақсатында арнайы көкөніс өсіретін жерлер ашылды. Су тапшылығының алдын алу мақсатында облыстық бюджеттен 19 насос бөлініп, тиісті жұмыстар атқарылды.&nbsp; Осындай мемлекеттік қолдауларды тиімді пайдаланудың арқасында ауданның ауыл шаруашылығы өндірісінің дамуында оң нәтижелер қалыптасты.Ауыл шаруашылығы саласында 9 айдың қортындысымен жалпы өнім көлемі 15,0 млрд. теңгеге жетіп, өткен жылмен салыстырғанда &nbsp;14,3 пайызға, оның ішінде егін шаруашылығы өнімі 19,9 пайызға, мал шаруашылығы өнімі 1,6 пайызға артқан. Егілген 20728 гектар күріштің әр гектарынан 64 центнерден өнім алуды дихандарымыз қамтамасыз етті.Қадірменді ағайын! Ел байлығын молайтудағы ерекше табыстарыңыз құтты болсын, шаңырақтарыңызға шаттық, &nbsp;құт-береке тілеймін! Халық игілігі үшін жасаған жұмыстарыңыз әрдайым нәтижелі, жемісті болсын!&nbsp;Дала еңбеккерлерінің адал да берекелі еңбегіне ризашылығымызды білдіреміз! Қамбамыз дәнге, қорамыз малға толып, халқымыздың ырыс- құты арта берсін, несібеміз мол болсын!», - деп жазды аудан әкімі.<figure class="image"><img src="https://knadmin.beoblood.kz/uploads/syrdariya_3cb294cf80.jpg" alt="сырдария.jpg"></figure>

Мұрат Ергешбаев: Күріштің әр гектарынан 64 центнерден өнім алынды

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың апта сайын өтетін жеке қабылдауында түрлі мәселелер көтеріледі. Тұрғындардың бірі тұрақты жұмысқа орналастыруды сұраса, енді бірі көшеге асфальт төсеуді сұрайды.&nbsp;Ал, Әйтеке би кентіндегі 5 қабатты үйдің тұрғындары ғимарат төбесіне шатыр орнатып, жауын-шашыннан қорғау жөнінде өтініш айтады. Бір қарағанда қарапайым ғана мәселенің шешілу жолы оңай болғанмен, іс жүзінде олай емес. Себебі, бұл үйлер жеке тұрғындарға тиесілі болғандықтан бюджеттен қаржы бөлуге мүмкіндік жоқ. Сондықтан да көпқабатты тұрғын үйдің төбесіне шатыр орнату жұмыстары аудан кәсіпкерлерінің демеушілігімен жүзеге асырылуда.&nbsp;Бүгін аудан әкімі Мұхтар Оразбаев тиісті сала басшыларымен бірге Желтоқсан көшесіндегі 5 қабатты тұрғын үйге арнайы барып, құрылыс жұмыстарының барысын көрді. Тиісті сала басшыларына жауын-шашын басталмай тұрып, белгіленген жұмысты сапалы етіп аяқтауды тапсырды.Мұнан соң Мұхтар Әуесұлы көпқабатты тұрғын үйдің ауласында «Жаңақала» пәтериелері кооперативінің төрағасы Әлмұрат Амановқа балалар ойын алаңының қоршауларын ретке келтіріп, тазалық сақтауға шақырды.<figure class="image"><img src="https://knadmin.beoblood.kz/uploads/kazaly2_86139f8074.jpg" alt="казалы2.jpg"></figure>

Қазалыда көпқабатты тұрғын үйдің шатыры жөнделді

<a href="https://kyzylorda-news.kz/">Kyzylorda-news.kz.</a> Республика күні қарсаңында ұйымдастырылған білім қызметкерлері арасындағы облыстық спартакиада өз мәресіне жетті.Қала және аудандардан барлығы 250-ге жуық педагог қатысқан спорт додасының нәтижесімен жалпы командалық есепте​ І орынды Қызылорда қаласы иеленсе, ІІ орын Шиелі ауданына бұйырды. Ал, жүлделі ІІІ орынды Қазалыдан келген ұстаздар жеңіп алды.​Сондай-ақ, шарада спорттың шағын футбол, ерлер және әйелдер арасындағы волейбол, үстел теннисі түрлерінен үздік атанған ойыншылар да марапатталды.Командаларға облыстық білім басқармасы мен кәсіподақ ұйымының алғыс хаттары мен арнайы сыйлықтары табысталды.Үздік шыққан жеңімпаздар Тараз қаласында өтетін республикалық бәсекеге қатысатын болады.<blockquote>«Спартакида білім саласының &nbsp;қызметкерлері арасында спорттың футбол, волейбол, үстел теннисі &nbsp;3 түрінен ұйымдастырылып, біліммен ғана емес жанына спортты серік еткен 250-ге жуық мұғалімдер қауымы қатысып бақтарын сынады. Жарыс барысында мықтылар анықталып, сайысқа &nbsp;қатысушы спортшылар дүбірлі додада жеңіске деген ұмтылыс пен жігер танытты. Сіздердің қоғам мен адамзат алдындағы баға жетпес еңбектеріңізді ескере отырып, өскелең ұрпақ тәрбиелеу жолындағы өрелі жұмыстарыңызға, Жаңа Әділетті Қазақстанның дамуы жолындағы &nbsp;тынымсыз қызметтеріңізге толағай табыс тілеймін», - деді облыстық білім қызметкерлері кәсіподақ комитетінің төрайымы Гүлнар Есқалиева.</blockquote>Айта кетейік, білім қызметкерлерінің спартакиадасы Республика күніне орай Сырдария ауданында 15 қазанда басталған болатын.&nbsp;<figure class="image"><img src="https://knadmin.beoblood.kz/uploads/310769737_1465670307269503_7038517315313952182_n_1e233b5e7e.jpg" alt="310769737_1465670307269503_7038517315313952182_n.jpg"></figure>

Қызылордада облыстық спартакиаданың жеңімпаздары анықталды

<a href="https://kyzylorda-news.kz/">Kyzylorda-news.kz.</a> 25 қазан — Республика күні аясында атқарылып жатқан шаралардың маңызы айрықша. Татулық пен тұрақтылықтың төрі болған «Достық» үйінде облыстық қоғамдық даму басқармасының «Сотсыз татуласу орталығы қызметін қамтамасыз ету» әлеуметтік жобасы аясында облыстық медиаторлар форумы басталды. Елдігімізді айқындайын мемлекеттік Гимн орындалуы шара маңыздылығын арттыра түскендей.<blockquote>«Баршаңызды алда келе жатқан 25 қазан - Республика күні ұлттық мерекесімен шын жүректен құттықтаймын! Мерейлі мереке қарсаңында өткізіліп отырған облыстық медиаторлар форумының маңызы ерекше. Елімізде медиация институтын дамыту, сотқа дейінгі және соттағы татуластыру рәсімдерін жандандыру шаралары мемлекеттік деңгейде үлкен қолдауға ие және соңғы жылдары қарқынды түрде дамып келеді», - деді облыс әкімінің орынбасары Нұрымбет Сақтағанов.</blockquote>Тәжірибесі мен біліктілігі ел бірлігін сақтаудың бір арнасы болып жүрген бірқатар кәсіби медиатор облыс әкімінің Алғыс хатымен марапатталды.Елдегі тыныштық пен қоғамдық ахуалдың қалыптылығын реттеуде кәсіби медиаторлардың еңбегі орасан.<blockquote>«Әр азаматтың пайым-пікірін тыңдап, кейбір істерді сотқа дейінгі татуласу орталығында шешімін табуға ықпал жасап жүрген кәсіп иелеріне қоғамда құрмет жоғары. Бұл ретте азаматтардың да түсіністік танытып, қолдау білдіріп, ортақ келісімге келіп, мәміле орнатып жүргенін айтуымыз керек», — деді Қызылорда облысы бойынша Соттар әкімшісі басшысының орынбасары Мөлдір Асанова.</blockquote>Құқықтық және азаматтық істердің нәтижелі шешім табуына үлес қосып жатқан медиация саласының өкілдеріне Облыстық Сот төрағасының Алғыс хаты табысталды.Айта кетейік, бұған дейін Сенат 25 қазанды Республика күні - ұлттық мереке ретінде белгілейтін құжатты мақұлдады. «Қазақстан Республикасындағы мерекелер туралы» Заңға енгізілген өзгерістерге сәйкес, 16 желтоқсан – Тәуелсіздік күні мемлекеттік мереке болып қалды. 25 қазан – Республика күні биылдан бастап жоғарғы деңгейде аталып өтеді.<img src="https://knadmin.beoblood.kz/uploads/309351408_1644446352617537_5635690788873560538_n_a66346a02d.jpg" alt="309351408_1644446352617537_5635690788873560538_n.jpg"><figure class="image"><img src="https://knadmin.beoblood.kz/uploads/312028211_1644459879282851_7901300455715582024_n_bb17cee9dd.jpg" alt="312028211_1644459879282851_7901300455715582024_n.jpg"></figure>&nbsp;

Қызылордада облыстық медиаторлар форумы басталды

<a href="https://kyzylorda-news.kz/">Kyzylorda-news.kz.</a> Балалар жылы аясында «Строй Модуль Астана» ЖШС өз қаражаты есебінен Қазалы ауданы Әйтеке би кентінен ойын алаңын салып берді.Мұнда балалар үшін сырғанақ, әткеншек сияқты ойын жабдықтары мен &nbsp;әртүрлі спорт құрылғылары орнатылған. Бұл балалардың бос уақытын тиімді өткізіп, тұрғындардың салауатты өмір салтын ұстанып, спортпен шұғылдануына мол мүмкіндік береді. Ойын алаңдарын орнату жұмыстарын жергілікті жеке кәсіпкер Жасұлан Шамұратов жүргізді.Бүгін аудандық оқушылар үйінің ауласынан салынған жаңа балалар ойын алаңының ашылу салтанаты өтті.Ашылу салтанатында аудан әкімі Мұхтар Оразбаев тұрғындардың қуанышымен бөлісіп, игілікті іске ұйытқы болған жеке кәсіпкерге алғысын білдірді.Мұнан соң Әйтеке би кентінің тұрғыны Нағима Қарымсақова жаңадан салынған алаңда асыр салып ойнаған балалардың атынан ризашылығын білдірді.Айта кетейік, бұған дейін Қазалы ауданында Балалар жылы аясында демеушілердің есебінен бірнеше спорт алаңдары салынғанын айтқан болатынбыз. Қазіргі таңда Сарбұлақ ауылында саябақ пен Әйтеке би кентінде спорт алаңының құрылысы аяқталып, ел игілігіне пайдалануға берілді.<figure class="image"><img src="https://knadmin.beoblood.kz/uploads/alan_96839d2c32.jpg" alt="алан.jpg"></figure><figure class="image"><img src="https://knadmin.beoblood.kz/uploads/alan2_eddf7a43d4.jpg" alt="алан2.jpg"></figure>

Қазақстан және Қызылорда облысының жаңалықтары