«Қызылорда облысының Құрметті азаматы»: Облыстық мәслихаттың кезектен тыс XVІІІ сессиясында белгілі болды

<a href="https://www.gov.kz/memleket/entities/kyzylorda/press/news/1"></a><a href="https://kyzylorda-news.kz/">Kyzylorda-news.kz.</a> Қазалы ауданында «Қарашалан» сервистік дайындау орталығы» ЖШС 7 жыл бойы балық және балық өнімдерін өңдеумен айналысады.
Серіктестікте айына 100 тонна шикізат өңделеді. Кәсіпорын түрлі өнімдердің оннан астам түрін шығарады және Еуропаға экспортқа жібереді. Деликатестер де бар. Бұл көксерке уылдырығы, табан, осы балықтардан тартылған ет және филе.

Қызылордада Еуропаға балық экспортталады

<a href="https://kyzylorda-news.kz/">Kyzylorda-news.kz.</a> Бүгін «Даму» кәсіпкерлікті дамыту қорының Бағдарламаны басқару және мониторинг жөніндегі басқарушы директоры Талғат Смағұловтың қатысуымен Қызылорда облыстық кәсіпкерлік және өнеркәсіп басқармасында мәжіліс отырысы өтті.
Жиынға облыстық кәсіпкерлік және өнеркәсіп басқармасы басшысының орынбасары Фердоуси Қожабергенов, «Даму» ҚДҚ АҚ-ның Қызылорда облысы бойынша филиалының директоры Жомарт Ермағанбет және облыстағы бизнес өкілдері офлайн , ал «Zoom» қосымшасы арқылы аудандық кәсіпкерлік және туризм бөлімінің басшылары онлайн форматта қатысты.
Жиында кәсіпкерлерге мемлекет тарапынан қолдау көрсету, оның ішінде жеңілдікпен несие беру, қажетті инфрақұрылымдарды жеткізу, мемлекеттік гранттар талқыланды.
Талғат Темірұлы мемлекеттік қолдау шаралары туралы жергілікті атқарушы органдар мен кәсіпкерлерге шағын және орта бизнес саласындағы мемлекеттік бағдарламалар туралы кеңінен ақпарат берді. Және де облыста жүзеге асырылып жатқан жобаларға назар аударды.
Сондай-ақ, өз кезегінде облыстық кәсіпкерлік және өнеркәсіп басқармасы басшысының орынбасары Фердоуси Қожабергенов 2010 жылдан бастап бүгінге дейін осы «Даму» қоры арқылы облыста жалпы несие портфелі шамамен 130 млрд. теңгені құрайтын 3,5 мыңнан аса жоба субсидияланып, 2 мыңнан аса жобаға мемлекет тарапынан кепілдік берілгенін атап өтті.
Сонымен бірге, мәжілісте кәсіпкерлер өз бастамалары бойынша біраз сұрақтар қойды.
Жиынды қорытындылай келе, Фердоуси Әбілқасымұлы, облыста тек сауда мен қызмет көрсету жолға қойылған, ал өндірістер жоқтың қасы екенін тілге тиек етіп, Ұлттық жоба шеңберінде жобаларды қаржыландыруда осы басымдыққа мән беруіміз қажет екенін жеткізді.
<img src="https://kyzylorda-news.kz/wp-content/uploads/2022/08/300465903_1245690619525466_7726469858756924718_n.jpg" alt="" />

Басты міндет &#8211; кәсіпкерлерді қолдау

<a href="https://kyzylorda-news.kz/">Kyzylorda-news.kz.</a> Бүгін Сырдария ауданында әкімі Мұрат Ергешбаев спортшылар күні мерекесі қарсаңында сала ардагерлері мен қызметкерлерін және жас спортшыларды қабылдады.
Аудандағы бұқаралық спортты, ұлттық спортты дамыту бағытында кешенді жоспар жасалып, тиісті жұмыстар жүргізіліп келеді.
Биылғы жылдың бірінші жартыжылдығы қорытындысымен аудан спортшылары халықаралық, республикалық, облыстық жарыстарда 6 алтын, 6 күміс, 17 қола медаль жеңіп алған. Олардың қатарында халықаралық турнирлердің, әлем біріншіліктерінің, Азия чемпионатының жүлдегерлері Әлия Сақтапбергенова, Асқар Ұлту, Оразбек Медетбаев, Жеңісбек Төлеген секілді көғалдағы хоккей спортшыларының есімдерін ерекше айтуға болады.
Кездесуде сөз алған аудан басшысы спорттың дамуына айтарлықтай үлес қосып келе жатқан ардагер-спортшыларға, жаттықтырушыларға алғысын білдірді.
<blockquote>
 «Спорт – елдің мерейін асырып, абыройын тасытатын сала. Мемлекеттің әлеуметтік саясатының маңызды бағыты болып табылады. Біздің ауданымызда дене тәрбиесімен және спортпен шұғылдану жаппай өрістеп, тұрғындарға барынша қолжетімді болуы үшін қажетті жағдайлар жасалуда. Осы ретте, Тереңөзек кентінде спорттық тренажерлық және стритбол алаңы салынып, пайдалануға берілді», – деді аудан басшысы Мұрат Нәлхожаұлы.
</blockquote>
Кездесуде ұсыныс-пікірлер айтылып, спорт күні мерекесіне орай аудан әкімінің Алғыс хатымен марапатталды.
Сонымен қатар, ҚР Еңбек сіңірген жаттықтырушысы Сұлтанбек Қобыландин ауыл жасөспірімдері арасында өткен IV-ші жазғы ойындарының кубогі мен медалін аудан әкімі Мұрат Ергешбаевқа табыстады.
<img src="https://kyzylorda-news.kz/wp-content/uploads/2022/08/300246566_1185102942052596_4862396960937133102_n.jpg" alt="" />
<img src="https://kyzylorda-news.kz/wp-content/uploads/2022/08/300389121_1185103025385921_4585503290327398578_n.jpg" alt="" />
<img src="https://kyzylorda-news.kz/wp-content/uploads/2022/08/300413827_1185103072052583_3686026124496956076_n.jpg" alt="" />
<img src="https://kyzylorda-news.kz/wp-content/uploads/2022/08/300239481_1185102958719261_1574655666592488043_n.jpg" alt="" />

Мұрат Ергешбаев спортшыларды қабылдады

<a href="https://kyzylorda-news.kz/">Kyzylorda-news.kz.</a> Қызылорда облысында 30 базар халыққа қызмет көрсетеді.
Қазіргі таңда халық қажеттілігі үшін Қызылорда облысы бойынша 30 базар қызмет көрсетеді. Оның 12-і облыс орталығында орналасқан. Бүгінде бес әмбебап, жеті мамандандырылған базар ел игілігі үшін жұмыс істеп жатыр.
Атап айтқанда, «Асбол» әмбебап базары – Қорқыт Ата №84 а, «Сыбаға» әмбебап базары – Әйтеке би № 3, «Сұлтан» әмбебап базары – Әйтеке би № 1, «Сәулет» әмбебап базары – Сәулет 38, № 4, «Қанат» әмбебап базары: Красноармейская №12, «Ақтөре» мамандандырылған базары – Қорқыт Ата көшесі, «Талғат» мамандандырылған базары – Қонаев көшесі №4, «Бабас» мамандандырылған базары- Қизатов көшесі, «Гульдана» мамандандырылған базары – Әбілқайырхан көшесі №100, 
«Авторынок» мамандандырылған базары – Сабалақ №33, «Булан» мамандандырылған базары-Ысқақов көшесі т.б.
Айта кететін жайт, бүгінде үш базар қайта жаңғыртуды қажет етеді. Атап айтар болсақ, «Сыбаға», «Сұлтан» және «Асбол» сауда базарлары. Аталған базарларды қайта жаңғырту жұмыстары 2024 жылы басталып, сол жылы толығымен аяқталып, қайта іске қосу жоспарланып отыр. Бұл базарлар заманауи үлгіде қайта жабдықталатын болады.
<img src="https://kyzylorda-news.kz/wp-content/uploads/2022/08/bazar.jpg" alt="" />

Қызылорда облысында 30 базар халыққа қызмет көрсетеді

<a href="https://kyzylorda-news.kz/">Kyzylorda-news.kz.</a> Ел дамуында ауданның да айшықты нысандары аймақтың ажарын аша түскендей. Әлеуметтік нысандар бой көтеріп, халыққа пайдаланылуға беріліп келеді. Одан бөлек, жол бойы алаңдарының құрылысы қарқынын арттырғаны айқын. Жыл басынан бері облыс қазынасынан қаражат қаралып, бұл қаржыға екі абаттандыру, 16 жол жөндеу жұмыстары қолға алынған. Мұнан бөлек те көптеген іс жолға қойылды.
Қармақшы ауданының әкімі Әділбек Ерсұлтанов пен аудандық ардагерлер кеңесінің төрағасы Асқар Мереков, сондай-ақ бірқатар бөлім басшылары аталған бағыттағы атқарылып жатқан жұмыстармен танысты.
Аудандағы алдыңғы қатардағы Тәуелсіздік көшесі орташа жөндеуден өткізіліп жатыр. Осы көшемен аттас ықшам аудандағы балалар ойын алаңына да жөндеу жұмыстары қолға алынды. Бұдан бөлек, С.Көбеев, С.Сейфуллин, Тайшық би, Қ.Мүсіркегенов, А.Иманов, Б.Момышұлы, Е.Сексенбаев көшелері де биылғы бюджеттің қаражатымен халыққа жағдай жасалынып, жаңа күйге енбек.
Тек көшелерді ғана емес, аллеялар мен саябақтарды да абаттандыру қолға алынды. Сонымен қатар Тайшық би көшесіндегі «Сыр сүлейлері» аллеясы ауданымыздың айшықты орындарының біріне айналуда.
Мұнан соң бірнеше балалар ойын алаңының құрылысы жүретін аумақтарды аралады. Кент орталығындағы №121 орта мектептің күрделі жұмыстары және «Достық» сауда үйінің жанында орналасқан бақша өнімдерін сатуға арналған сауда қатарының жай-күйін де өз көздерімен көрді. Құрылысы қарқынды жүріп жатқан денешынықтыру-сауықтыру кешеніне бас сұқты. Сонымен қатар кент орталығында орналасқан бақша өнімдерін сатуға арналған сауда орнында болды.
<img src="https://kyzylorda-news.kz/wp-content/uploads/2022/08/299473626_2142416619262566_1220961551429050216_n.jpg" alt="" />
<img src="https://kyzylorda-news.kz/wp-content/uploads/2022/08/299131989_2142416635929231_2237879587664466254_n.jpg" alt="" />

Қармақшы ауданында құрылыс қарқынды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің бірінші орынбасары Серік Қожаниязовтың қатысуымен облыстық мәслихаттың кезектен тыс XVІІІ сессиясы өтті. Сессияны облыстық мәслихат хатшысы Наурызбай Байқадамов жүргізді.
Жиынға облыстық мәслихат депутаттары, басқарма басшылары қатысты.
Күн тәртібінде 4 мәселе қаралды. Атап айтсақ, «Қызылорда облысының құрметті азаматы» атағын беру, Қызылорда облысындағы жасыл екпелерді күтіп-ұстау және қорғау, қалалар және елді мекендердің аумақтарын абаттандырудың қағидаларын бекіту, облыстық сайлау комиссиясының құрамына өзгерістер енгізу және Қызылорда облысының әкімдігі жанындағы мемлекеттік рәміздер жөніндегі комиссияның дербес құрамына өзгерістер енгізу туралы.
Әр мәселе бойынша жауапты сала басшылары баяндама жасады. Жиында аппарат басшысының міндетін атқарушы Ерлан Қарабалаев депутаттарға «Құрметті азамат» атағына лайық деп ұсынылған азаматтардың еңбегі мен өңірге жасаған жетістіктерін тізбелеп берді.
С.Қожаниязов ұсынылған 7 кандидаттың әрбірі Тәуелсіз Қазақстанның даму жылнамасында өзіндік із қалдырып, мемлекет мүддесіне қызмет етудің абыройлы жол екенін дәлелдеп, қоғам құрметіне ие болған тұлғалар екенін айтып, депутаттарды қолдауға шақырды.
«Биыл үміткерлердің саны көп көрінуі мүмкін. Бұл атаққа кезінде осындай көлемде бірнеше рет ұсыныс жасалып, берілген болатын. Құрметті атаққа лайықты қайраткерлеріміз жеткілікті. Осы уақытқа дейін жинаған абыройларының жемісін көргені жақсы дәстүр деп санаймыз.
Бұл марапаттарды атаулы күндерде яғни педагогтердің Тамыз мәслихаты, Конституция күнінде, «Алтын Күз» және «Рәміздер күнінің 30 жылдығы» мерекелік даталарда салтанатты түрде табыстайтын боламыз,-деді С.Қожаниязов.
Ұсынылған кандидаттар арасында саналы ғұмырын білім саласына арнаған қос ардагер Төлепберген Қасымов пен Марк Подольский, ауылшаруашылығы саласының дамуына сүбелі үлес қосып, ел игілігі жолында қызмет еткен Жарылқасын Шәріпов, белгілі сәулетші, ҚР Мемлекеттік Елтаңбасының авторы Жандарбек Мәлібеков пен Түркі әлеміне ортақ жауһар туындылардың әлемнің танылуына және кейінгі ұрпаққа насихаттауда айрықша қолтаңбасы бар профессор Алмасбек Алматов бар.
Сонымен қатар А.Сызғанов атындағы ұлттық хирургия орталығының директоры, ғалым Болатбек Баймаханов және туған жерді түлетуге зор үлес қосқан кәсіпкер Имамзада Шағыртаев ұсынылды. 
Депутаттар барлық кандидаттарды лайық деп танып, қолдап дауыс берді.
<img src="https://kyzylorda-news.kz/wp-content/uploads/2022/08/300511418_366563285664922_2698555675821806780_n.jpg" alt="" />
<img src="https://kyzylorda-news.kz/wp-content/uploads/2022/08/300158675_366563232331594_3458306651284032031_n.jpg" alt="" />

Қызылорда облыстық мәслихаттың кезектен тыс XVІІІ сессиясы өтті

<a href="https://kyzylorda-news.kz/">Kyzylorda-news.kz.</a>&nbsp;Бүгін Сырдария ауданының әкімі Мұрат Ергешбаев Шаған ауылындағы жаңа спорт алаңының ашылуы салтанатына қатысып, балғындарды құттықтады.
Спорт күні мерекесі қарсаңында «Шаған жер» серіктестігінің директоры Жеңісбек Сыздықов балаларға тарту жасады. Құны 10 миллион теңгені құрайтын спорт алаңында шағандық балғындар жаттығу жасап, футбол және баскетболмен шұғылданатын болады.
<blockquote>
 «Ел келешегі – бүгінгі ойын балалары. Сондықтан біз олардың талап-тілегімен санасып, сұранысын қанағаттандыруға тиіспіз. Мемлекет басшысының Жарлығында да балалар ойнайтын, спортпен шұғылданатын алаңдарды көптеп салуымыз қажеттігін айтылып келеді. Міне бүгінгі шағын спорт алаңы «Шаған жер» серіктестігінің балаларға арнаған үлкен тартуы деп білемін. Осы жерден болашақ спортшылар мен ел абыройын асқақтататын дарабоздар шығады деп сенемін. Себебі балаға құйылған инвестиция ел болашағының жарқын кепілі. Бүгінгі күнді мерекеге ұластырып, жан жақты қолдау көрсетіп жатқан шаруашылық басшысы мен серіктестік ұжымына шынайы алғысымды білдіремін», -деді аудан әкімі өз сөзінде.
</blockquote>
Сонымен қатар шарада «Amanat» партиясы аудандық филиалының атқарушы хатшысы Еркебұлан Жақып сөз сөйлеп, елге қамқор болған азаматтарға ризашылығын білдірді. Ал аудандық ардагер кеңесінің төрағасы М.Келдібаев бата беріп, ақ тілектерін жеткізді.
Іс-шара соңында аудан басшысы №6 егіс бригадасындағы мақсары жинау науқанын көріп, еңбеккерлермен тілдесті.
Еске сала кетейік, «Шаған жер» ЖШС-і 300-ге жуық тұрғынды тұрақты жұмыспен қамтып отырған аудандағы іргелі шаруашылық. Дала еңбеккерлері биыл 2 900 гектар алқапқа Сыр маржанын егіп, одан мол өнім алуға ниетті.
<img src="https://kyzylorda-news.kz/wp-content/uploads/2022/08/300125796_1185062868723270_2358217613392902331_n.jpg" alt="" />
<img src="https://kyzylorda-news.kz/wp-content/uploads/2022/08/300425752_1185063038723253_7775905896366731613_n.jpg" alt="" />
<img src="https://kyzylorda-news.kz/wp-content/uploads/2022/08/300497486_1185063085389915_7110930258515338727_n.jpg" alt="" />
<img src="https://kyzylorda-news.kz/wp-content/uploads/2022/08/300449187_1185062915389932_4488704142096268092_n.jpg" alt="" />

Сырдарияда іргелі шаруашылық балалар жылына тарту жасады

<a href="https://kyzylorda-news.kz/">Kyzylorda-news.kz.</a>&nbsp;ҚР Ақпарат және қоғамдық даму министрлігінің қолдауымен өткен республикалық «ASKHackDay» байқауында Қорқыт ата атындағы Қызылорда университетінің студенттері бас жүлдені иеленді.
Шара маусым айында Astana IT университеті базасында өткен болатын. Бүгін Өңірлік коммуникациялар қызметінің ақпарат алаңында мобильді қосымшаны әзірлеуші университет мамандары баспасөз конференциясын өткізді.
<blockquote>
 «Жастарға жоғары оқу орындары, колледждер, гранттар, стипендиялар мен бос жұмыс орындары туралы ақпарат алуға мүмкіндік беретін мобильді қосымша дайындау мақсатында «Қазақстанның студенттер Альянсы РСҚ» ҚБ «ASKHackDay: Mobile App» хакатонын өткізді. Осы жобаға қатысып бас жүлдені иемдендік. Бүгінде мобильді қосымшаны әзірлеуге кірісіп кеттік. Бұл қосымша жас түлектер мен мамандарға едәуір көмекші құрал болады деп сенеміз. Өйткені мұнда талапкерлер үшін республикадағы жоғары және орта оқу орындарындағы мамандықтар, оқуға түсу үшін қажет құжаттардың тізімі секілді пайдалы нұсқаулықтар көрсетіледі», – деді «Бизнес старт» Жастар кәсіпкерлік орталығының жетекшісі Жанарыс Түбекбаев.
 «Мобильді қосымшаның басты бетінде оқу орындарына қатысты барлық мәліметтер толықтай көрсетіледі. Қай мамандыққа қандай ұпаймен түсу туралы да көрсетіледі. Бүгінде тіркелу жұмыстары аяқталды. Енді қосымшаның ішкі жұмыстары басталады», – деді жоба жеңімпазы Темірлан Абжанов.
 «Университет атынан қатысып, жоба жеңімпазы атанғанымызға өте қуаныштымыз. Қазір негізгі дизайн жұмыстары басталды. Қосымша әзірге екі тілде, Қазақстан аумағында қолдануға арналған. Тамыз айының соңына дейін «Play Market» және «App Store» қосымшаларына толықтай орнатылады деп күтілуде», – деді ІТ маман, жоба жеңімпазы Айдос Елшібек.
</blockquote>
Айта кетейік, жүлде қоры 3 миллион теңгені құрайтын хакатонға барлығы 40 команда қатысып, оның 8-і финалға шыққан.
<img src="https://kyzylorda-news.kz/wp-content/uploads/2022/08/300250376_1599886707073502_5452841237022484038_n.jpg" alt="" />
<img src="https://kyzylorda-news.kz/wp-content/uploads/2022/08/299986381_1599886733740166_4171446901880475356_n.jpg" alt="" />

Қызылордалық студенттер республикалық байқауда топ жарды

<a href="https://kyzylorda-news.kz/">Kyzylorda-news.kz.</a>&nbsp;Алдағы тәулікте республиканың басым бөлігінде атмосфералық фронттардың әсері сақталады, ауарайы құбылмалы болады, деп хабарлайды Қазгидромет.
Еліміздің басым бөлігінде тұрақсыз ауа райы сақталады, жаңбыр жауады, найзағай соғады деп болжанады
Қазақстанның солтүстігінде және шығысында түнгі уақытта топырақ бетінде 2°С үсік жүреді, тұман түседі. Ал батыста ауа райы жауын-шашынсыз.
<blockquote>
 «Бұл аймақтарда күн сәулесі біртіндеп ауаны жылытады, ауа температурасы аздап көтеріледі деп болжанып отыр. Ауа температурасы батыста түнде + 12 + 22-ден +15+25С-қа дейін, күндіз + 27+35-тен +30+38С-қа дейін көтеріледі», – дейді синоптиктер.
</blockquote>
Ал республиканың солтүстігінде, солтүстік-батысында, шығысында және орталығында ауа температурасы түнде + 1+10С, күндіз +13+23, оңтүстікте түнде +8+18 градус жылы, күндіз +20+28-ден +23+30С-қа дейін жоғарылайды. Ал оңтүстік-шығыста түнде ауа температурасы +5+13, күндіз +17+25-тен +13+23С-қа дейін көтеріледі.

Алдағы демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев белгіленген кестеге сәйкес Ғ.Мұратбаев пен Ақсуат ауылдарының тұрғындарымен кездесіп, ұсыныс-пікірлерін тыңдады.
Ауыл тұрғындарымен кездесуде Мұхтар Әуесұлы алдымен ауданда атқарылған игілікті істерді тілге тиек етіп, алдағы жоспарымен бөлісті. Сонымен қатар, екінші тоқсанның қорытындысымен өткен кездесуде көтерілген мәселелердің орындалу барысымен таныстырды.
Еркін форматта өткен кездесулерде негізінен халықтың ой-пікірлерін, олардың мұң-мұқтаждарын тыңдауға маңыз берілді.
Ғ.Мұратбаев ауылдық мәдениет үйінде өткен басқосуда тұрғындар жайылымдылық жерлерге аяқ су жіберу, ауыз су құбырларын жөндеу ұсыныстарын жеткізді.
Сондай-ақ, ауылдық әйелдер кеңесінің төрайымы Базаркүл Жәрімбетова жас ұрпақты ұлттық құндылықтар арқылы тәрбиелеуге байланысты айтқан ұсынысы әлі қолдау таппағанын жеткізді. Егер бұл жоба іске асатын болса ауылдағы ақжаулықты аналарымыз жас буынға киіз басып, жүн түту, ұршық иіруді үйретеді.
Ақсуаттық азаматтар ауылдың тұсынан өтіп жатқан көгілдір отын игілігін көрсек деп тілейді.
Ал, Байқожа ауылының тұрғындары елді мекендегі ауыз су мен электр желілерін жөндеу жұмыстары тезірек аяқталып, ел игілігіне берілсе деген ұсыныстарын айтты.
Аудан әкімі Мұхтар Оразбаев Қазалыда атқарылған әрбір жұмыс тұрғындардың ұсыныс-пікірлері арқылы жүзеге асып жатқанын атап өтті. Сондай-ақ, әрбір тұрғынның сұрағына жеке-жеке жауап беріп, тиісті заңдылықтарын түсіндірді.
Сонымен қатар, барлық тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Айтылған ұсыныстарға байланысты жауапты сала жетекшілеріне бірқатар тапсырмалар жүктеді.
Кездесуге аудандық мәслихат хатшысы Бақытжан Жарылқап, аудандық полиция бөлімінің бастығы Болат Кабизов, облыстық мәслихат депутаты Ібайдулла Тілеп, аудандық қоғамдық кеңестің төрағасы Талайлы Бөріқұлақов, аудандық мәслихат депутаты Ғазиз Әліш, «Amanat» партиясы аудандық филиалының атқарушы хатшысы Нұрғиса Жалғасбаев және бірқатар дербес бөлім мен мекеме-кәсіпорын басшылары қатысты.
Тұрғындармен кездесулерден кейін аудан әкімі Мұхтар Оразбаев Ғ.Мұратбаев ауылындағы №91 мектеп пен балабақша, Ақсуат ауылындағы №100 мектепк арнайы барып, білім ордаларының жаңа оқу жылына дайындығымен танысты.
Сондай-ақ, тұрғындарды жеке мәселелері бойынша қабылдап, ұсыныс-пікірлерін тыңдады.
<img src="https://kyzylorda-news.kz/wp-content/uploads/2022/08/299985431_3433448570209399_4481059498752936216_n.jpg" alt="" />
<img src="https://kyzylorda-news.kz/wp-content/uploads/2022/08/300195965_3433448693542720_2349925023031637367_n.jpg" alt="" />

Мұхтар Оразбаев: Тұрғындар ұсынысы ескерусіз қалмайды

<a href="https://kyzylorda-news.kz/">Kyzylorda-news.kz.</a> Археологтар Жанкент қалашығы VII ғасырда бой көтергенін анықтады.
Қызылорда облысындағы ортағасырлық Жанкент қаласының орнында археологиялық қазба жұмыстары биыл да өз жалғасын тапты.
Зерттеушілер жаратылыстану ғылымдары әдістерін қолданып, Жанкенттің абсалюттік жасын анықтады. Бұған дейінгі деректерде көне қаланың ІХ-ХІ ғасырларда бой көтергені айтылса, жаңа зерттеулер шаһардың іргетасы VІІ ғасырда қаланғанын көрсетті.
Ескерткіш бүгінде төрт жерден қазылып, археологтар заманауи инновациялық құрал-жабдықтардың көмегімен зерттеу жұмыстарын жүргізіп жатыр. Табылған жәдігерлер археологиялық зерттеулер зертханасында өңделіп, облыстық тарихи-өлкетану мұражайына беріледі.
Айта кетейік, жобаның ғылыми жетекшілері археология ғылымдарының докторы, профессор Генрих Харке, тарих ғылымдарының кандидаты Әзілхан Тажекеев және тарих ғылымдарының кандидаты, профессор Ирина Аржанцева. Зерттеу жұмыстарына Тюбинген университетінің, Ресейдің Жоғары Экономика мектебінің, Мәскеу мемлекеттік университетінің және Қорқыт ата атындағы Қызылорда университетінің студенттері мен 35 ғалым қатысып жатыр.
Жанкент қорғаны&nbsp;– республикалық сипаттағы археологиялық ескерткіш.&nbsp;Қазалы ауданы&nbsp;территориясындағы&nbsp;Өркендеу ауылдық округінің&nbsp;орталығына іргелес жатқан биік төбе сияқты топырақ басқан қорғанның орнында VІІ – ХІV ғасырларда Жанкент, Янгикент қаласы өмір сүрген. Түрікмен тарихшысы Абұлғазы Баһадүрдің айтуынша, оғыз еліне жүздеген жыл астана болып келген, Сыр өзенінің аяғында тұратын ұлы мұра – Жанкент қаласы еді. Оғыздар осы жерді ерте заманнан мекендеп, патшалары астана қала – Жанкентте отырған. Жанкент шаһары Сыр өзенінің сол жақ бетінде, Қазалы қаласынан 15 шақырым жерде жатыр.
<img src="https://kyzylorda-news.kz/wp-content/uploads/2022/08/p1959649-scaled.jpg" alt="" />
<img src="https://kyzylorda-news.kz/wp-content/uploads/2022/08/p1959706-scaled.jpg" alt="" />

Қазақстан және Қызылорда облысының жаңалықтары

«Қызылорда облысының Құрметті азаматы»: Облыстық мәслихаттың кезектен тыс XVІІІ сессиясында белгілі болды

Қызылордада Еуропаға балық экспортталады

Басты міндет – кәсіпкерлерді қолдау

Мұрат Ергешбаев спортшыларды қабылдады

Қызылорда облысында 30 базар халыққа қызмет көрсетеді

Қармақшы ауданында құрылыс қарқынды

Қызылорда облыстық мәслихаттың кезектен тыс XVІІІ сессиясы өтті

Сырдарияда іргелі шаруашылық балалар жылына тарту жасады

Қызылордалық студенттер республикалық байқауда топ жарды

Алдағы демалыс күндері ауа райы қандай болады?

Мұхтар Оразбаев: Тұрғындар ұсынысы ескерусіз қалмайды

Археологтар Жанкент қалашығы VII ғасырда бой көтергенін анықтады

Қазақстан және Қызылорда облысының жаңалықтары

«Қызылорда облысының Құрметті азаматы»: Облыстық мәслихаттың кезектен тыс XVІІІ сессиясында белгілі болды

Қызылордада Еуропаға балық экспортталады

Басты міндет &#8211; кәсіпкерлерді қолдау

Мұрат Ергешбаев спортшыларды қабылдады

Қызылорда облысында 30 базар халыққа қызмет көрсетеді

Қармақшы ауданында құрылыс қарқынды

Қызылорда облыстық мәслихаттың кезектен тыс XVІІІ сессиясы өтті

Сырдарияда іргелі шаруашылық балалар жылына тарту жасады

Қызылордалық студенттер республикалық байқауда топ жарды

Алдағы демалыс күндері ауа райы қандай болады?

Мұхтар Оразбаев: Тұрғындар ұсынысы ескерусіз қалмайды

Археологтар Жанкент қалашығы VII ғасырда бой көтергенін анықтады

Басты міндет – кәсіпкерлерді қолдау