<a href="https://kyzylorda-news.kz/">Kyzylorda-news.kz.</a>&nbsp; Қызылордада «Балалар жылы» аясында Н. Бекежанов атындағы қазақ академиялық музыкалық драма театрында «Өнер қуған өрендер» атты концерт өтті.
Облыстық&nbsp;мәдениет, архивтер және құжаттама басқармасының ұйымдастыруымен өткен мәдени шараға аймақтағы көркемөнер үйірмелерінің 200-ден аса тәрбиеленушісі қатысты.
Концертке облыс әкімінің орынбасары Қайрат Нұртай қатысып, жас өрендерге лебізін білдіріп, өнерпаздарға сәттілік тіледі.
Сахнада жас жыршылар мен дәстүрлі орындаушылар, фольклорлық ансамбльдер, бишілер мен күйшілер, вокалдық орындаушылар мен өңірімізде тұңғыш рет жұмысын бастаған балет студиясының өрендері өнер көрсетті.
<img src="https://kyzylorda-news.kz/wp-content/uploads/2022/03/277171746_3071025176484302_3727786171148325802_n.jpg" alt="" />
<img src="https://kyzylorda-news.kz/wp-content/uploads/2022/03/277534720_3071025323150954_3523348925319546383_n.jpg" alt="" />
<img src="https://kyzylorda-news.kz/wp-content/uploads/2022/03/277660343_3071024669817686_3466154088602896227_n.jpg" alt="" />
<img src="https://kyzylorda-news.kz/wp-content/uploads/2022/03/277793088_3071024736484346_5435955541711447113_n.jpg" alt="" />

Қызылорда: «Балалар жылы» аясында өткен концертке 200-ден аса өнерпаз қатысты

Kyzylorda-news.kz. Қызылордада «Жас ұлан» балалар мен жасөспірімдер ұйымының ұйымдастыруымен қайырымдылық жәрмеңкесі өтті. Балалар жылында сөзден іске көшкен Сыр ұландары көп балалы және тұрмысы төмен отбасыларға көмектесуді мақсат еткен.
Сый жәрмеңкеге арнайы шақырылған отбасылар қойылған киім-кешек, оқу құралдары мен тұрмысқа қажетті заттардан керегін алды.
Көпшілікке қуаныш сыйлаған игі істе жасұландықтар белсенділік танытты. Өздері киген, бұдан кейін де киюге жарайтын киім-кешектері мен ата-аналардың көмегімен жаңа заттар және оқу құралдарын қайырымдылық шараға ұсынған.
<blockquote>
 “Жас ұлан” ұйымының мектепте өткізіліп жатқан шараларын білеміз. Бүгін қала мектептерінің басын қосып қайырымдылық шараларының да ұйытқысы болып жатқанын көрдік. Достарын қуантуға асыққан жасұландықтарға аналық алғысымды білдіремін. 8 балам бар. Осы жерден әр қайсысына бір-бірден керек жарағымды алдым. Бұл біз үшін үлкен көмек”,- дейді көпбалалы ана Фариза Елеуова.
</blockquote>
“Қайырымдылықпен қадам басамыз” атты акция аясында ұйымдастырылған әлеуметтік жәрмеңке алдағы уақытта да жалғасын табады. Ұйымдастырушылар қайырымды істі 1 маусым — Халықаралық балалар күнінің қарсаңында да өткізуді жоспарлап отыр.
<blockquote>
 “Мемлекет басшысы биыл елімізде” Балалар жылы” деп жариялады. Өскелең ұрпақтың үйлесімді дамуы мен бақытты балалық шағы бұл біздің жалпыұлттық міндетіміз. Осы орайда Қызылорда облыстық “Жас ұлан” ұйымында 2022 жылды “Жас ұланның жұлдызды жылы” деп жариялады. Ұйым осы уақытқа дейін іс-шаралар, акциялар, түрлі жобалар іске асырып жатыр. Бүгінде аймақ мектептірінде “Ақылды бейсенбі”, “Әкем үйреткен”, “Оқуға құштар ұлан”, “Көңілді үзіліс”, “Менімен бірге арманда” тағы сол сияқты түрлі іс-шаралар жүргізіліп жатыр. Бұған қоса ұландар әлеуметтік жобалардан да қалыс қалмайды. Бүгінгі қайырымдылық шарасы соның дәлелі. Барлық бала тең дәрежеде мектепке барып білім алуға құқылы. Олардың достарымен қатар мектепке баруына тұрмыстық жағдайы кедергі келтірмеуі үшін жас ұландықтар қолдан келген көмегін беріп жатыр. Көптеген отбасына толық қажеттіліктерін өтей алмасақ та көмектесе алдық деп ойлаймыз. Игі іс алдағы уақытта да жалғасын табатын болады”,- деді облыстық “Жас ұлан” балалар мен жасөспірімдер ұйымының атқарушы хатшысы Гүлайым Ақмырзаева.
</blockquote>
<img src="https://kyzylorda-news.kz/wp-content/uploads/2022/03/img-20220331-wa0048.jpg" alt="" />
<img src="https://kyzylorda-news.kz/wp-content/uploads/2022/03/img-20220331-wa0042.jpg" alt="" />
<img src="https://kyzylorda-news.kz/wp-content/uploads/2022/03/img-20220331-wa0037.jpg" alt="" />

&#8220;Жас ұлан&#8221; ұйымы қайырымдылық жәрмеңкесін ұйымдастырды

<a href="https://kyzylorda-news.kz/">Kyzylorda-news.kz.</a> Бірінші сынып оқушыларының құжатын қабылдау 1 сәуірде басталып, 1 тамызға дейін жалғасады. Бұл туралы бүгін Өңірлік коммуникциялар қызметінде өткен IV тоқсандағы оқу форматы туралы баспасөз конференциясында облыстық білім басқармасының бөлім басшысы Нұрлан Дәулеталиев мәлімдеді.
Жаңа 2022-2023 оқу жылында алдын-ала болжам бойынша 1 сыныпқа 19 568 оқушы қабылданады деп күтілуде. Олардың 17 582 – і қазақ, 1 986 – ы орыс тілінде. Ал 2021-2022 оқу жылында бірінші сыныпқа барлығы 18 721 оқушы қабылданса, биылғы жылы бірінші сыныпқа келетін оқушылар саны – 847 – ге артқан.
<blockquote>
 «Мектепке алты жасар балалар мен ағымдағы жылы 6 жасқа толатын балалар қабылданады. Баланың жасы 1 қыркүйекте толық 6 жаста болса, барлық бала қабылданады. Ал жасы толық 6 – ға толмаған балалардың олардың жасы 1 қыркүйектен кейін толатын болса, тек ата-аналары немесе басқа заңды тұлғалары қалаған жағдайда мектепке бару мүмкіншіліктері бар», – деді Нұрлан Дәулеталиев.
</blockquote>
Нұрлан Базарғалиұлының айтуынша, мектепке құжаттар «электронды үкімет» веб-порталы арқылы электронды түрде жіберіледі. Ережеге сәйкес 1 сыныпқа қабылдау кезінде алдымен қызмет көрсету аумағынан өтініш (тіркелу орны бойынша) білдірген 3 үміткер, содан кейін басқа аумақтан 1 үміткер қабылданады.
Айта кетейік, ата–аналар электронды форматта өтініш, туу туралы куәлік көшірмесін, баланың денсаулық паспорты, денсаулық жағдайы туралы №065/У нысандағы анықтама және 3*4 көлеміндегі 2 дана фотосурет тапсырады. Балаларды 1 – сыныпқа қабылдауға байланысты ешқандай емтихан тапсырудың қажеттілігі жоқ.

Қызылордада 19 568 бүлдіршін 1 сыныпқа барады

<a href="https://kyzylorda-news.kz/">Kyzylorda-news.kz.</a> Қызылордадағы «Аслан» балалар кино студиясы түсірген «Сәт» атты жастар сериалының тұсауы кесілді. Сериалда спортты жанына серік еткен балалардың хикаясы көрсетіледі.
<blockquote>
 Бала махаббат, үлкеннің кішіге қамқорлығы, ер баланың қыз балаға сыйластығы сынды дүниелер де бейнеленген. Осы уақытқа дейін бес бөлімі түсірілді. Жақын арада көрермен назарына ұсынылады. Сонымен қатар Алматы қаласында балалар жылына орай бейнебаян түсірдік. Тұсаукесері «Тойдуман» және «Гәкку» арналарынан көрсетіледі, – деді «Аслан» балалар кино студиясының директоры және продюссері Жасұлан Алдабергенов.
</blockquote>
«Сәт» жастар сериалы ақпан айында түсірілді. Сериалға өнерлі әрі спортқа жақын 15 жас актер қамтылды. Киноның негізгі идеясы – жеңіске жетер жолда қиындықтан тайынбайтын шынайы өмірдегі көріністер көрсетілген.
<blockquote>
 «Өнерге кішкентай кезімнен қызыға бастадым. Үш жыл оқушылар сарайындағы хор үйірмесіне қатысып, сабақ алдым. Түрлі конкурстардан жүлделі орындарды иелендім. Ұстазым әрі демеушім Жасұлан Алдабергеновтың қолдауымен екі бейнебаян түсірдік. Бүгінде қоржынымда жеті бейнебаян бар. Алдағы уақытта жаңа әндер шығару жоспарлануда», – деді «Аслан» балалар кино студиясының оқушысы Ақылбек Нұрланұлы.
</blockquote>

Қызылордада «Сәт» атты жастар сериалының тұсауы кесілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова мәдениет саласының көрнекті өкілі, қобызшы, әртіс-инструменталист, оқытушы Әлқуат Қазақбаевпен кездесті.
Басқосуда Қорқыттың шығармаларын насихаттау және өңірімізде өнер саласын дамыту мәселелерін талқылады. 
Аймақ басшысы Сыр елінде рухани байлық жәдігерлерінің әрқашан орны бөлек екенін атап өтті. Сондай-ақ, өңірде рухани құндылықтарды қастерлеу бағытындағы озық туындыларды насихаттау ортақ парыз екенін тілге тиек етті.
Ал, қобызшы Әлқуат Қазақбаев өзінің зерттеу жұмыстарын таныстырып, шығармашылық жоспарларымен бөлісті.
<blockquote>
 «Қорқыт бабаның мұрасын мектеп жасымнан бері зерттеп келем, өйткені мұрасы шексіз, оны әлі талай зерттеп, зерделеу қажет. Жалпы, қазақ музыкасының түбірі – осы Қорқыттың күйлерінен бастау алады», – деді Әлқуат Дотаұлы.
</blockquote>
Қобызшы облыс әкіміне өзінің «Қорқыт ата аңыздары мен күйлері» кітабының қазақ және түрік тілдерінде жазылған нұсқалары мен жақында жарық көретін «Қорқыт ата мұрасы» кітабының қолжазбасын сыйға тартты. 
Кездесу соңында аймақ басшысы өңірімізде музыкалық өнер саласын дамыту бойынша бірлесіп жұмыс жасауға ниет білдірді.
Айта кетейік, Әлқуат Қазақбаев 1972 жылы Жамбыл облысында туған. Ол Құрманғазы атындағы Мемлекеттік академиялық ұлт аспаптар оркестрінің әртісі, Л.Н. Гумилев атындағы Еуразия ұлттық университеті қобызшылар квартетінің және Нұр-Сұлтан қаласы Мемлекеттік филармониясының «Тілеп» қобызшылар квартетінің көркемдік жетекшісі. ҚР Президенті сыйлығының лауреаты.
<img src="https://kyzylorda-news.kz/wp-content/uploads/2022/03/2.jpeg" alt="" />

Аймақ басшысы қобызшы Әлқуат Қазақбаевпен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы Жаңақорған ауданында өрік ағашы гүлдеп жатыр, деп хабарлайды <a href="https://www.inform.kz/kz/zhanakorganda-orik-agashy-guldep-zhatyr-mamandar-muny-koru-ushin-turist-tartudy-usyndy_a3917466">ҚазАқпарат</a>.
Қызылорда облысының оңтүстік бөлігінде орналасқан Жаңақорған ауданында бүгінгі күндері күн қабағы жылы.
Аудан аумағында өрік ағашы жылма-жыл сәуір айының алғашқы он күндігінде гүлдеп жататын еді. Биыл күннің жылы болуына байланысты ол наурыз айының аяғынан басталып кетті.
<blockquote>
 «Көктем мезгілі табиғаттың жасанып-жаңаратын шағы ғой. Қытымыр қыстан құтылып, адамдар жаймашуақ уақыттың әсерін сезіне бастайды. Есік алдындағы жеміс ағаштарына жан бітіп, қоршаған ортаны көркем күйге бөледі. Мен өрік ағашының гүлдегенін көріпі, сондай сезімде болдым», – дейді Жаңақорған ауданының тұрғыны Әлімжан Ержанов.
</blockquote>
Қорқыт ата атындағы Қызылорда университетінде география және биология пәндері бойынша дәріс беріп жүрген ғалым Оразхан Айдаров мұндай көркем сәттерді қалт жібермей, соны тамашалауға шетелден туристер тартуға болатынын айтады.
<img src="https://kyzylorda-news.kz/wp-content/uploads/2022/03/2203311314193440f.jpg" alt="" />
<blockquote>
 «Жапонияда сакура ағашының гүлдеуін ерекше шара ретінде өткізеді. Ол біздің өрік, шие және жиде ағашы секілді кәдімгі ағаш қой. Әрбір табиғат құбылысы адамға ерекше әсер етеді. Біз мұны әлемдік деңгейде насихаттай алсақ, оған туристерді тартуға болады. Елімізде өрік ағашының көлемі өте аз. Қазір олардың базардың бағасы 1,5-2 мың теңге тұрады. Шие де арзан емес. Сондықтан олар екінші жағынан оны еккен адамға қаржылай көмек болатыны тағы бар. Оған бастысы ықылас керек», – дейді О.Айдаров.
</blockquote>

Жаңақорғанда өрік ағашы гүлдеп жатыр &#8211; мамандар мұны көру үшін турист тартуды ұсынды

<a href="https://kyzylorda-news.kz/">Kyzylorda-news.kz.</a> Семей полицейлері ағылшын курсы кабинетінен 11 келіден астам есірткі тәркіледі, деп хабарлайды&nbsp;<a href="https://stan.kz/">Stan.kz</a>
Наурыздың басында Семей қаласы полиция басқармасы есірткі қылмысына қарсы күрес бөлімінің қызметкерлері есірткі құралдарының заңсыз айналымына қатысы бар деген күдікпен Семей қаласының білім беру орталықтарының бірінің ағылшын тілі кабинетінде Алматы қаласының 36 жастағы тұрғынын ұстаған.
<blockquote>
 “Оқу бөлмесіне тінту жүргізу барысында өсімдік тектес жасыл түсті зат салынған полиэтилен қапшыққа оралған картон қорап табылды. Сараптама қортындысына сәйкес, тәркіленген зат кептірілген марихуана болып шықты. Жалпы салмағы 11 келіден асады”, – делінген хабарламада.
</blockquote>
Дерекке қатысты ҚР ҚК-нің 297-бабы 3-бөлігі (“Есірткі заттарды, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу”) бойынша соталды тергеу басталған. Бұл баптың санциясы 10 жылдан 15 жылға дейінгі мерзімге бас бостандығынан айыру жазасын көздейді.

Ағылшын тілі курсы кабинетінен 11 келі есірткі табылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жұмыс сапарымен Сырдария ауданына барды.
Аймақ басшысы ең алдымен Ақжарма ауылдық округінің тұрғындарымен кездесті. Ақсақалдар ауылға қатынайтын жедел-жәрдем көлігінің тозығы жеткендігін және мектепке күрделі жөндеу жұмыстарын жүргізуге мән беру сынды мәселелерді көтерді. Облыс әкімі әрбір ауылдың әлеуметтік мәселесі кезең-кезеңімен шешімін табатынын және әрбір ұсыныстың ескерілетінін жеткізді.
Мұнан соң өңір басшысы Гүлшара Әбдіқалықова Тереңөзек кентіндегі «Мансұр» жеке спорт клубы мен «Бақнұр-Бөбек-3» бөбекжай-балабақшасының жұмысымен танысты. Мұнда спортпен шұғылданып жатқан жастармен тілдесті.
Спорт клубы 2020 жылы пайдалануға берілді. Жаттығушылар шахмат, дзюдо, қазақ күресі, таеквондо спорт түрлерімен айналысады. 8 тұрғын жұмыспен қамтылған. Ал, «Бақнұр-Бөбек-3» балабақшасының жұмысы 2015 жылы басталған. 150 орындық мектепке дейінгі ұйымда кітапхана, әдіскерлер мен оқыту бөлмесі бар.
Облыс әкімі білім саласына инвестиция құюға мүдделі жеке кәсіпкерлердің қатары артып жатқанын тілге тиек етіп, балалардың лайықты білім алуына қажетті шараларды жалғастыру қажеттігін жеткізді.
Жұмыс сапары аясында облыс әкімі Гүлшара Әбдіқалықова Сырдариядағы Қалжан Ахун ауылдық округінде медициналық пункттің жұмысымен танысып, ауыл халқының ұсыныс-пікірлерін тыңдады. Елдің азаматтары медициналық пунктке күрделі жөндеу жұмысы қажет екенін айтып, аяқ су мәселесін шешіп беруді сұрады. Облыс әкімі мемлекеттік бағдарламалар арқылы медициналық бекетке арналған ғимаратты қайта жөндеу жұмыстарына тиісті қаржы бөлу мәселесі қаралғанын айтып, аяқ су мәселесіне қатысты сала басшыларына бірқатар тапсырма берді.
Одан әрі аймақ басшысы 1600-ден астам тұрғыны бар Сәкен Сейфуллин ауылының азаматтарымен пікірлесіп, толғандырып жүрген сауалдарын тыңдады.
Кездесу барысында мектепте жөндеу жұмыстарын жүргізу, көгілдір отынға қосылу, жол салу, тұрғын үй құрылысы, бизнеске «Қызылорда» өңірлік инвестиция орталығы арқылы аз пайызбен несие алу мәселелері айтылды.
Өңір басшысы «Ауыл ел бесігі» бағдарламасы арқылы аймақта бірнеше ауылдың инфрақұрылым мәселесі жақсарғанын назарға салып, бизнес жасауға ынталы азаматтарды қолдау қажеттігін атап өтті.
Облыс әкімі ауданға сапары барысында Асқар Тоқмағамбетов ауылдық округіндегі тұрғындармен кездесіп, бірқатар әлеуметтік мәселелерді талқылады. Оның ішінде елді-мекенді газға қосу, жол салу, амбулаторияны жөндеуге қатысты сұрақтар бар. Сонымен қатар, азаматтар жер үлесі мәселесін көтерді.
Аймақ басшысы жер дауы мәселесі заң аясында екі тараптың бірлескен шешімі негізінде түйіні тарқатылатынын еске салды.
Айта кетейік, осы кезге дейін облыс әкімі 120-ға жуық елді мекенді аралап, түйінді мәселелерді саралай келе түпкілікті шешім қабылдауға ықпал етуде.
<img src="https://kyzylorda-news.kz/wp-content/uploads/2022/03/276174693_272282911759627_6571865144610553400_n.jpg" alt="" />
<img src="https://kyzylorda-news.kz/wp-content/uploads/2022/03/277464839_272282428426342_1703671165152878592_n.jpg" alt="" />
<img src="https://kyzylorda-news.kz/wp-content/uploads/2022/03/277310564_272283655092886_6510848421136829663_n.jpg" alt="" />
<img src="https://kyzylorda-news.kz/wp-content/uploads/2022/03/277464821_272284805092771_8329994021376634656_n.jpg" alt="" />
<img src="https://kyzylorda-news.kz/wp-content/uploads/2022/03/277247866_272282541759664_8839012148870655851_n.jpg" alt="" />
<img src="https://kyzylorda-news.kz/wp-content/uploads/2022/03/277357372_272283755092876_4530561602216596132_n.jpg" alt="" />
<img src="https://kyzylorda-news.kz/wp-content/uploads/2022/03/277353330_272283858426199_8084270204179370476_n.jpg" alt="" />
<img src="https://kyzylorda-news.kz/wp-content/uploads/2022/03/277346319_272284725092779_5096518485835393053_n.jpg" alt="" />

Гүлшара Әбдіқалықова Сырдария ауданы тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp;Мемлекеттің дамуына мемлекеттік қызметшілердің қосар үлесі мен салмағы ерекше. Мемлекеттік бағдарламалар мен реформалардың тиімді жүзеге асуы да мемлекеттік қызметшілердің білімі мен біліктілігіне байланысты.
Өткен жылы мемлекеттік органдардың құрылымына жүргізілген оңтайландыру жұмыстарына байланысты Қызылорда облысындағы мемлекеттік қызметшілердің штат саны 330 бірлікке қысқартылды. Жыл басына Сыр өңіріндегі мемлекеттік қызметшілердің штаттық саны 3&nbsp;345 бірлікті құрап отыр. Олардың 14-і саяси, 1-і «А» корпусының және 3&nbsp;236-ы «Б» корпусының мемлекеттік әкімшілік қызметшілері болып келеді.
Мемлекеттік қызметшілердің 94,6 пайызының жоғары білімі бар. Ал, 5 пайыздан астам арнаулы орта білімі бар тұлғалар негізінен аудандық және ауылдық деңгейдегі төменгі лауазымдарды атқарады. Сондай-ақ, аймақтағы 7 қызметшінің ғылым кандидаты, 1 қызметшінің ғылым докторы ғылыми дәрежесі бар. Мемлекеттік қызметшілердің қатарында «Болашақ» халықаралық бағдарламасының – 4, ҚР Президенті жанындағы Мемлекеттік басқару академиясының – 19, шетелдік оқу орындарының – 29 түлегі болса, екі немесе одан көп білімі иелерінің саны – 762 адам болып отыр.
Мемлекеттік қызметтегілердің орташа жасы41 жасты құраса, басым бөлігі, 33 пайыздан астамы 30 бен 40 жас аралығындағылар. Ал, қызметшілердің мемлекеттік қызметтегі орташа еңбек өтілі 12 жылды құрап отыр. Әрбір үшінші қызметкердің 3 жылдан 9 жылға дейінгі аралықта жұмыс өтілі бар, олардың үлесі – 33 пайыз.
Аймақта меритократия қағидаты, яғни қызмет барысында сатылап өсу талабы нақты жүзеге асырылуда. Оған дәлел, соңғы жылдары мемлекеттік органдағы ішкі конкурстар арқылы жоғары тұрған лауазымдарға тағайындалғандардың үлесі жыл сайын артып, өткен жылдың қорытындысымен 76,7 пайызға жетті. Ал, конкурс өткізілместен бос мемлекеттік әкімшілік лауазымдарға ауысу тәртібімен жоғары тұрған лауазымдарға тағайындалғандардың үлесі 34 пайызға жуықтады.
Былтыр облыс бойынша мемлекеттік органдарда бос лауазымдарға орналасуға 499 конкурс өткізіліп, 356 үміткер бос лауазымдарға қабылданды. Жалпы конкурстар нәтижесімен бос лауазымдарға қабылданған азаматтардың 44,2 пайызы мемлекеттік қызметтің табалдырығын алғаш аттанғандар. Конкурстардың әңгімелесу сатысының барлығы дерлік қоғамдық байқаушылардың қатысуымен өткен. Қоғамдық байқаушы ретінде конкурстардың тең жарымына мемлекеттік қызмет істері жөніндегі уәкілетті органның, яғни Қазақстан Республикасы Мемлекеттік қызмет істері агенттігінің Қызылорда облысы бойынша департаментінің қызметкерлері қатысса, басқаларына жергілікті деңгейдегі мәслихат депутаттары, саяси партия, БАҚ, ҮЕҰ өкілдері және басқа мемлекеттік органдардың қызметкерлері байқаушы болған.
Бақытжан НҰРАЛЫ,
Қазақстан Республикасының Мемлекеттік қызмет істері агенттігінің
Қызылорда облысы бойынша департаментінің бас маманы

Қызылордада мемлекеттік қызметшілердің саны қысқартылды

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықова Сырдария ауданына жасаған жұмыс сапары барысында ауыл шаруашылығы мәселелеріне арналған арнайы жиын өткізді. Оған салалық басқарма басшылары мен шаруалар қатысып, көктемгі егін науқанына дайындық, эпизоотиялық ахуалды тұрақтандыру, субсидияны бөлу тәртібі мен белгіленген лимит бойынша суды пайдалану мәселелерін талқылады.
Жиында өңір басшысы биыл да су деңгейінің төмен болатынын қаперге салып, суды аз қажет ететін өнімдерге басымдық беру, бекітілген лимитке байланысты суды тиімді пайдалану керектігін айтты. Қалыптасқан жағдайға қарамастан, канал арналарын тазалау, насос қондырғыларын орнату мен вегетациялық кезеңдегі әрекет ету жұмыс жоспарын тізбеледі.
<blockquote>
 «Бүгінге дейін барлық аудандағы шаруалармен кездесіп, ортақ мәселелерді талқыладық. Оның ішінде, су лимитін дұрыс пайдалану, егілетін егін көлемін нақтылауға тиіспіз. Облыстағы су тапшылығының алдын алу мақсатында Жол картасына енгізілген бірінші кезектегі 65 жобаға ҚР Үкіметі резервінен 3,6 млрд.теңге бөлінді. Оған барлығы 22 канал тазалау, 52 ұңғыманы жөндеу және бұрғылау, 133 дана насос қондырғысын алу жоспарда бар. Соның ішінде, Сырдария ауданының ауылдық елді мекендерінің экологиялық жағдайын жақсарту және егістікті суландыру мақсатында биылғы жылғы 429 млн.теңге көлемінде қаржы бөлінді. Бұл қаржыдан аяқ суға 19 насос және егістікті суландыруға 15 насос, облыстық бюджеттен 3 насос қондырғысы сатып алынады», – деді Гүлшара Әбдіқалықова.
</blockquote>
Мұнан соң аудан әкімі Мұрат Ергешбаев су тапшылығының алдын алу бойынша ауданда атқарылатын жұмыстар туралы айтса, бірқатар басқарма басшылары вегетация кезеңінде аймақта іске асырылатын жұмыстар легін баяндады.
Жиында «Ақжарма-2», «Қызылдихан» шаруа қожалық төрағалары мен «Мәді Қажы» серіктестігінің директоры субсидия алу, тыңайтқыштарды сатып алу, мал азығын дайындау мен оны тасымалдау, көктемгі егінге қажетті су қорына қатысты өзекті мәселелерін жеткізді.
Отырыста өңір басшысы су лимиті белгіленсе, егін көлемін нақтылау керектігін қаперге салды. Сондай-ақ, республикалық бюджет есебінен қоғамдық жұмыстарға бөлінетін қаржыға егін науқаны кезінде қызмет ететін мамандарды қолдау тетіктерін қарастыру керектігін еске салды.
Айтылған ұсыныстарды ескере отырып, өңір басшысы аудан әкімі мен жауапты басқарма басшыларына нақты тапсырма берді. Оның ішінде, егіске қажетті суармалы судың лимитін нақтылап, он күн сайын су жеткізу кестесін белгілеуді, каналдарды тазалау жұмыстарын жүргізуді және қажетті су насостарын алуды жеделдетуді, аудан аумағында қазуға жобалық-сметалық құжат дайындауды жүктеді.
<img src="https://kyzylorda-news.kz/wp-content/uploads/2022/03/277564895_272265181761400_6075437055104992818_n.jpg" alt="" />

Гүлшара Әбдіқалықова Сырдария ауданына жұмыс сапары барды

<a href="https://kyzylorda-news.kz/">Kyzylorda-news.kz.</a>&nbsp;Қазіргі сәтте еліміз жаңа саяси реформалар мен дамудың жаңа моделін қалыптастырып, түбегейлі өзгерістер мен бетбұрыстарға бағыт алған кезеңді бастан кешуде. Бұл туралы Мемлекет басшысы Қазақстан халқына Жолдауында баса айтқан болатын.
Облыс әкімінің орынбасары Қайрат Ырзақұлұлының айтуынша, бүгінде облыс әкімдігі тарапынан аймақтағы қоғамдық-саяси тұрақтылықты қамтамасыз ету бағытында жүйелі жұмыстар жүзеге асырылуда.
<blockquote>
 «Аймақтағы өзекті мәселелерді тиімді шешу мақсатында жыл басында «Әлеуметтік шиеленіс ошақтары картасы» бекітілді. Бұл картада барлық сала бойынша бірінші кезекте шешілуі тиіс мәселелер қамтылып, мәселені шешудің тиімді жолдары мен жауапты салаға қатысты нақты міндеттер айқындалды. Жыл басында орын алған «Қаңтар оқиғасы» бұл бағыттағы жұмыстарды әлі де күшейту керектігін және өзекті мәселелерді шешуде барлық сала асқан жауапкершілікпен жұмыс жасау қажеттігін көрсетті», – деді Қайрат Ырзақұлұлы.
</blockquote>

Қайрат Нұртай: Қоғамдық-саяси тұрақтылықты қамтамасыз етуде жұмыстар әлі де күшейтіледі

<a href="https://kyzylorda-news.kz/">Kyzylorda-news.kz.</a> «AMANAT» партиясы әрбір азаматтың өтініш-тілектеріне барынша мән беріп, мәселелердің партия алаңында оң шешілуіне, немесе құқықтық тұрғыдан бағыт-бағдар берілуіне белсенді атсалысып келеді.
Осы орайда Қызылорда қалалық партия филиалында бірлескен семинар-кеңес ұйымдастырылып, кәсіпкерлерге салық заңнамалары түсіндірілді.
Атап өту керек, ағымдағы жылдың 4 наурызында «AMANAT» партиясының Республикалық қоғамдық қабылдау бөлмесінде ҚР Премьер – Министрінің орынбасары Б.Сұлтанов жеке қабылдау өткізген болатын.
Министр орынбасарының қабылдауында болған Қызылорда қаласының тұрғыны А. Абдразақова қалада тұтынылатын судың сапасының нашар болуы салдарынан, қоғамдық тамақтандыру саласында қызмет жасайтын кәсіпкерлердің салық төлеудегі есептік көрсеткіштеріне кері әсер етіп жатқанын айтып шағымданған.
Тұрғынның айтуынша 2022 жылдан бастап салық кодексіне енгізілген өзгерістер қоғамдық тамақтандыру мен сауда саласындағы кәсіпкерлер тарапынан салық төлеу мәселесінде түрлі сұрақтар туындатып отыр.
Көтерілген мәселе жан-жақты зерделеніп, қабылдау нәтижесімен бірқатар уәкілетті органдарға нақты тапсырмалар берілген. Соның ішінде ҚР Қаржы Министрлігінің Мемлекеттік кірістер комитетіне Салық кодексіне енгізілген өзгерістер бойынша семинар кеңес өткізу тапсырылды. Осы орайда партия алаңында облыстық кіріс департаментінің мамандарымен көтерілген мәселесе бойынша ҚР қолданыстағы заңнамалары аясында тиісті түсініктеме жұмыстары жүргізілді.
<img src="https://kyzylorda-news.kz/wp-content/uploads/2022/03/0611fff0-9da7-47f8-bdd3-b359a7b8b500.jpg" alt="" />
<img src="https://kyzylorda-news.kz/wp-content/uploads/2022/03/1cb1daf6-a368-4343-ba34-6e86ac059d7c.jpg" alt="" />

Қазақстан және Қызылорда облысының жаңалықтары

Қызылорда: «Балалар жылы» аясында өткен концертке 200-ден аса өнерпаз қатысты

“Жас ұлан” ұйымы қайырымдылық жәрмеңкесін ұйымдастырды

Қызылордада 19 568 бүлдіршін 1 сыныпқа барады

Қызылордада «Сәт» атты жастар сериалының тұсауы кесілді

Аймақ басшысы қобызшы Әлқуат Қазақбаевпен кездесті

Жаңақорғанда өрік ағашы гүлдеп жатыр – мамандар мұны көру үшін турист тартуды ұсынды

Ағылшын тілі курсы кабинетінен 11 келі есірткі табылды

Гүлшара Әбдіқалықова Сырдария ауданы тұрғындарымен кездесті

Қызылордада мемлекеттік қызметшілердің саны қысқартылды

Гүлшара Әбдіқалықова Сырдария ауданына жұмыс сапары барды

Қайрат Нұртай: Қоғамдық-саяси тұрақтылықты қамтамасыз етуде жұмыстар әлі де күшейтіледі

«AMANAT»: Азаматтың өтінішіне сәйкес түсіндірме жүргізілді

Қазақстан және Қызылорда облысының жаңалықтары

Қызылорда: «Балалар жылы» аясында өткен концертке 200-ден аса өнерпаз қатысты

&#8220;Жас ұлан&#8221; ұйымы қайырымдылық жәрмеңкесін ұйымдастырды

Қызылордада 19 568 бүлдіршін 1 сыныпқа барады

Қызылордада «Сәт» атты жастар сериалының тұсауы кесілді

Аймақ басшысы қобызшы Әлқуат Қазақбаевпен кездесті

Жаңақорғанда өрік ағашы гүлдеп жатыр &#8211; мамандар мұны көру үшін турист тартуды ұсынды

Ағылшын тілі курсы кабинетінен 11 келі есірткі табылды

Гүлшара Әбдіқалықова Сырдария ауданы тұрғындарымен кездесті

Қызылордада мемлекеттік қызметшілердің саны қысқартылды

Гүлшара Әбдіқалықова Сырдария ауданына жұмыс сапары барды

Қайрат Нұртай: Қоғамдық-саяси тұрақтылықты қамтамасыз етуде жұмыстар әлі де күшейтіледі

«AMANAT»: Азаматтың өтінішіне сәйкес түсіндірме жүргізілді

“Жас ұлан” ұйымы қайырымдылық жәрмеңкесін ұйымдастырды

Жаңақорғанда өрік ағашы гүлдеп жатыр – мамандар мұны көру үшін турист тартуды ұсынды