<a href="https://kyzylorda-news.kz/">Kyzylorda-news.kz.</a> Халқының мақтанышына айналған ән падишасы, КСРО және Қазақстанның халық әртісі, Халық қаһарманы Роза Бағланованың туғанына биыл ғасыр толды.
Мемлекет басшысы Қасым-Жомарт Тоқаев әншінің құрметіне мерекелік іс-шаралар өткізуге үлкен маңыз беріп, жалпыреспубликалық деңгейде Сыр сандуғашын еске алу іс-шаралары өтуде. 
Бүгін облыс әкімі Нұрлыбек Нәлібаев Роза Бағланованың 100 жылдығына орай «Ақмаңдайлым» атты республикалық әншілер конкурсының ашылу рәсіміне қатысты. Іс-шараға әншінің ұлы Тәжен мен келіні Марал, жергілікті ардагерлер, өнер қайраткелері қатысты.
Аймақ басшысы өнерсүйер қауымды Сыр елінің біртуар перзентінің мерейтойымен құттықтап, конкурсқа қатысушыларға сәттілік тіледі.
<blockquote>
 «Бүгін Сыр елінде ән мен өнер мерекесі ғана емес, ұлт руханиятының асқақтаған күні десе болады. Қазақтың қаһарман қызы Роза Бағланованың есімі ұрпақтан ұрпаққа жалғаса берсін. Бүгінгі байқауға қатысып отырған жастар арасынан Роза апасына ұқсаған таланттар шығады деп сенемін!», – деді облыс әкімі.
</blockquote>
Сөз соңында Нұрлыбек Нәлібаев ән падишасының ұлы Тәжен мен келіні Маралға қазақы дәстүрге сай сый-сияпат жасады.
Айта кетейік, конкурсқа қазақтың ән өнерін асқақтатып, ұлт мәдениетін көтеруге еңбек сіңіріп жүрген – Рамазан Тайманов, Күлән Қалымбетова, Жеңіс Сейдуллаұлы, Бахтияр Тайлақбаев, Сембек Жұмағалиев секілді еліміздің кәсіби өнер тарландары қазылық етуде.
Өнер байқауында еліміздің түкпір-түкпірінен келген жас әншілер бақ сынауда.
<img src="https://kyzylorda-news.kz/wp-content/uploads/2022/04/278572720_285767060411212_6426505297102284860_n.jpg" alt="" />
<img src="https://kyzylorda-news.kz/wp-content/uploads/2022/04/278295201_285767067077878_8832389208497293510_n.jpg" alt="" />
<img src="https://kyzylorda-news.kz/wp-content/uploads/2022/04/278566375_285767160411202_6193947375216966176_n.jpg" alt="" />
<img src="https://kyzylorda-news.kz/wp-content/uploads/2022/04/278738683_285767173744534_8492124268761103057_n.jpg" alt="" />
<img src="https://kyzylorda-news.kz/wp-content/uploads/2022/04/278649416_285767337077851_8795797870398231245_n.jpg" alt="" />

Қызылордада Роза Бағланованың құрметіне «Ақмаңдайлым» байқауы басталды

<a href="https://kyzylorda-news.kz/">Kyzylorda-news.kz.</a>&nbsp;Көлік жуу бекетінде администратор боп жұмыс жасаған Санжар (есімі өзгертілді) өз өмірінде орын алған қателік үшін өкінетінін айтады. Абайсызда адам өлтіріп, 18 жылға бас бостандығынан айрылған ол бүгінде мерзімінің 9 жылын өтеген. Алайда кейіпкеріміз өткенге оралғысы келмей, оқиға барысын баяндаудан бас тартты.
<blockquote>
 «Бұл маған берілген санақ. Бойымдағы күш-жігерімді, білімімді елге жұмсайтын уақытта абақтыда отырмын. Мұнда келгенде жасым 22-де болатын. 37 жаста босатылады екем. Оңай емес әрине. Дегенмен жақсылықтан үміттімін. Мерзімімді аяқтап әке-шешемнің жанына барсам, шаңырақ көтерсем, өзімнің жеке кәсібімді ашсам деймін. Мұнда өндірістік аймақта жұмыс жасап жүрмін. Кәсіптік мектепте оқып, сантехник, сварщик мамандығы бойынша 2 диплом алдым. Түрме деген аты болмаса дәл сол бостандықтағыдай өзіне тән тіршілігі бар. Жалқаулар екі қолын қалтасына салып бос жүрсе, ал өмірін өзгертуді қалайтындар, еңбекқұмарлар өндірістік аймақтағы әртүрлі цехтарда еңбек етеді. Ең бастысы адамның өзінде өмірге деген құштарлық басым болса жасаған қателігінен сабақ алып, нәтиже шығара алады», – деді Санжар жүзінен үміт сәулесі ұшқындап.
</blockquote>
Кейіпкеріміз Қорқыт ата атындағы Қызылорда мемлекеттік университетін бітіріп, мемлекеттік мекемелерде экономист боп қызмет атқарған. Кейінен жеке кәсіпке бет бұрып, әпкесінің көлік жуу бекетіне администратор болады. Өмірінің қиын сәттері осында басталған екен.
ЗК-169/5 мекемесі бойынша тәрбие бөлімінің бастығы, әділет майоры Алтынбек Өскенбаев Санжардың тәртібі, қызметкерлермен қарым-қатынасы жақсы екенін жеткізді. Мекеме тарапынан марапаттаулар алып жүр.

Абайсызда адам өлтіріп, 18 жылға сотталған

<a href="https://kyzylorda-news.kz/">Kyzylorda-news.kz.</a>&nbsp;Тергеу изоляторында тыйым салынған зат тәркіленді.
Қызылорда облысындағы ЗК-169/1 мекемесінің сәлем – сауқаттарды қабылдау бөлмесінде ыстық тағам арасына бірнеше ұялы телефон салып өткізбекші болған азамат ұсталды.
Нақтырақ айтар болсақ, Қызылорда қаласы ЗК-169/1 мекемесіне келген азамат 1994 жылы туған айыпталушыға алып келген сәлем-сауқатын тексеру барысында, тамақ өнімінің ішінен 2-дана қара түсті «PRO» маркалы ұялы телефоны және 1-дана қара түсті І «teхet» маркалы ұялы телефоны мен 1-дана қуаттағышы, 3-дана «билайн» сим картасы табылып, тыйым салынған заттар тәркіленді.
Қазіргі таңда аталған факт бойынша ҚР Әкімшілік құқық бұзушылық туралы кодексінің 481-бабына сәйкес (Қылмыстық-атқару жүйесінің мекемелерінде, арнаулы мекемелерде ұсталатын адамдарға тыйым салынған заттар, бұйымдар мен нәрселер беру) әкімшілік материалдар жиналып, сотқа жіберілді.
<img src="https://kyzylorda-news.kz/wp-content/uploads/2022/04/d320e7c9-b5fe-40a5-8e52-8eac5952d5ac.jpg" alt="" />

Қызылордада тергеу изоляторына келген сәлемдеменің ішінен 3 телефон табылды

*<a href="https://kyzylorda-news.kz/">Kyzylorda-news.kz.</a>&nbsp;Шиелі ауданына жұмыс сапары кезінде облыс әкімі Нұрлыбек Нәлібаев актив отырысын өткізді.*
Жиында аудан әкімі Нариман Мақұлбеков экономикалық көрсеткіштерге тоқталып, шешімін тапқан және аудан халқы үшін өзекті мәселелерге қатысты ұсынысын білдірді.
Аймақ басшысы негізгі экономикалық көрсеткіштерді бақылауда ұстап, өңірдегі кәсіпкерлерге қолдау көрсетуді, инвестиция тарту бойынша кешенді шаралар қабылдауды тапсырды.
Басқосуда Шиелі ауданының құрметті азаматы, сала ардагерлері Рахым Мауяев, Пердәлі Архабаев пен Шиелі кентінің ардагерлер кеңесінің төрағасы Болат Күлімбетов ел ішінде ауызбірліктен асқан бақыт жоқ екенін тілге тиек етіп, аймақ басшысына тілеулестігін танытып, Президент ұсынған әрбір бастаманы қолдауға шақырды.
<img src="https://kyzylorda-news.kz/wp-content/uploads/2022/04/fb_img_1650488229885.jpg" alt="" />

Нұрлыбек Нәлібаев Шиелі ауданына жұмыс сапарымен барды

<a href="https://kyzylorda-news.kz/">Kyzylorda-news.kz.</a>&nbsp;Міндетті медициналық сақтандыру жүйесіндегі мәртебеңізді бірнеше жолмен тексеруге болады.
Qoldau 24/7 мобильді қосымшасы. Ол үшін мәзірде «Сақтандырылу мәртебесін тексеру» бөлімін таңдап, ЖСН енгізу қажет. Сол кезде мәртебе және алдыңғы 12 айдағы төлемдердің болуы туралы ақпарат пайда болады.
Қосымшаны PlayMarket және AppStore-дан жүктеуге болады
Телеграмм-бот @SaqtandyryBot. Шағын бағдарламаны іске қосу үшін сілтемені ашу керек: https://t.me/SaqtandyryBot немесе іздеу жолына атау енгізіңіз, Бұдан әрі – «Сақтандырылу мәртебесін анықтау» бөлімін таңдаңыз, ЖСН енгізіңіз.
Egov.kz электрондық үкімет порталы. ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН көрсету қажет. Нәтиже 10 минут ішінде пайда болады.
Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті.
<img src="https://kyzylorda-news.kz/wp-content/uploads/2022/04/kak-proverit-statws_kaz.jpg" alt="" />

МӘМС жүйесінде сақтандырылу мәртебесін қалай тексеруге болады?

*<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігіне атмосфералық фронттар әсер етеді. Салдарынан жаңбыр жауады, оңтүстіктің таулы аудандарында және солтүстікте қатты жауын-шашын жауады, деп хабарлайды Қазгидромет.*
Республика бойынша жел күшейеді, солтүстікте тұман түсіп, оңтүстікте найзағай ойнайды, бұршақ жауып, дауыл тұрады.
Күндіз Қызылорда облысында күн ашық, облыс орталығында жел 15-20 м/с артады.

21 сәуірге арналған ауа райы болжамы

*<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында таза су айдындары акциясы жалғасын табуда.*
Су және жағалау маңындағы аумақтар синтетикалық материалдардан жасалған аулармен ластануда, олар ұзақ уақыт бойына шірімейді, оған түскен балық шыға алмай, өліп қалады. Балықтан басқа, ауларға суда жүзетін құстар да ілінсе, шыға алмайды, нәтижесінде су айдындарының санитарлық жай-күйі нашарлайды.
Мұнан бөлек су жағалауы да әр-түрлі заттармен айтарлықтай ластануда. Бұл қоршаған табиғи ортаға және су биоресурстарына үлкен зиян келтіруде.
Акцияның басты мақсаты осы су айдындарын суда қалдырылған және заңсыз орнатылған ауларды сүзу және жағалауды қоқыстан тазарту.
«Жалағаш орман және жануарлар дүниесін қорғау жөніндегі мемлекеттік мекемесі» жергілікті жердегі «Майкөл»,«Бегім» көлдеріне «Таза су айдындары» экологиялық акциясы аясында тазалау жұмыстарын жүргізді.
Акцияға 2 техника, 8 адам жұмылдырылып, соның нәтижесінде 500 кг жуық қоқыс қалдықтары шығарылып, арнайы қоқыс тастайтын орынға апарып тасталды.

Қызылордада таза су айдындары акциясы жалғасуда

<a href="https://kyzylorda-news.kz/">Kyzylorda-news.kz.</a> Соңғы 3 жылда облыс аймағында елді-мекендермен, шаруа қожалықтарында жеке басын куәландыратын құжатсыз және ескі үлгідегі Кеңестік Социалистік Республикалар Одағының паспортымен жүрген 67 адам анықталды. Осыған байланысты, олардың Қазақстан Республикасының азаматтығын алу үшін тиісті көмек берілді. Бұл туралы Өңірлік коммуникациялар қызметінде өткен баспасөз конференциясында «Сана сезім» қоғамдық қорының заңгері Элина Еникеева мәлімдеді.
2016 жылдың қаңтар айынан бастап «Сана Сезім» ӘБҚО қоғамдық қоры және Біріккен Ұлттар Ұйымы мен Қызылорда облысы полиция департаменті Көші-қон қызметі құрылымдарымен бірлесіп «Азаматтығы жоқ адамдарды анықтау және оларға құқықтық көмек көрсету» жобасы аясында іске асуда.
БҰҰ босқындар істері жөніндегі Агентігінің өкілі Шолпан Олжабаеваның айтуынша, ҚР Ішкі істер министрлігінің операциялық жоспарына сай бекітілген меморандумға сәйкес біршама жұмыстар атқарылды. Ал, шет елдерден келген қандас мәртебесін алған этникалық қазақтарға жеңілдетілген тәртіппен Қазақстан азаматтығын алу үшін 50 азаматқа құжаттануға көмек көрсетілді. Бұл бағыттағы жұмыстар одан әрі жалғасуда.
Сонымен қатар, бүгін ОПД көші-қон қызметі басқармасы бастығының орынбасары Сағындық Камитбеков 2 азаматқа жеке басын анықтайтын құжаттарды табыстады. Соның бірі, 42 жасына дейін құжаттанбай жүрген 1980 жылы Сырдария ауданында туылған Телғозиев Қанат. Оны «Сана сезім» әйелдер бастамаларының құқықтық орталығы анықтаған.
<img src="https://kyzylorda-news.kz/wp-content/uploads/2022/04/278899035_1515444522184388_6735628421185464244_n.jpg" alt="" />

Қызылордада жеке басын куәландыратын құжатсыз жүргендерге төлқұжат берілді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев толық емес жұмыс күні істейтін адамдардың құқығын қорғайтын заңға қол қойды, деп хабарлайды Ақорда.
<blockquote>
 «Мемлекет басшысы «Толық емес жұмыс уақыты жағдайларындағы жұмыс туралы конвенцияны (175-конвенция) ратификациялау туралы» Қазақстан Республикасының Заңына қол қойды», – делінген ақпаратта.
</blockquote>
Конвенция 1994 жылғы 24 маусымда Халықаралық еңбек ұйымының Бас конференциясында қабылданған.
Конвенция толық емес жұмыс күні жұмыс істейтін еңбекшілерді қорғауды қамтамасыз ету үшін:
– ұжымдық келіссөздер жүргізу құқығына және еңбекшілердің өкілдері ретіндегі қызмет құқығына;
– еңбек қауіпсіздігі және гигиенасына, ананы қорғауға, жыл сайынғы ақылы демалыс беруге, науқастануы бойынша демалысқа;
– жалақыны есептеу әдістеріне, демалыс және мереке күндері жұмысқа ақы төлеуге, еңбекке уақытша жарамсыздық бойынша жәрдемақыға;
– еңбек және жұмыс саласында кемсітушілікке жол бермеуге;
– еңбек қатынастарын тоқтату құқығына қатысты шаралар қабылдауды көздейді.
Конвенцияға сәйкес, толық емес және толық жұмыс уақытында қызмет істейтін азаматтардың жыл сайынғы ақылы еңбек демалысы бірдей болады.
Яғни жұмыс уақытының толық немесе толық еместігіне қарамастан қызметкерлердің еңбек демалысының ұзақтығы бірдей болуға тиіс.
Сондай-ақ конвенция үйде жұмыс істейтін жұмысшылар, соның ішінде бала күтімімен, үй шаруасымен айналысқан аналарға қолдау көрсетеді.
Жұмыс істеуге қабілетті, бірақ толық жұмыс күні режимінде істей алмайтын мүгедектігі бар адамдар үшін тең еңбек жағдайларын қамтамасыз етіп, оларға табыс табуға мүмкіндік береді.

Мемлекет басшысы толық емес жұмыс күні істейтін адамдардың құқығын қорғайтын заңға қол қойды

<a href="https://kyzylorda-news.kz/">Kyzylorda-news.kz.</a> Бүгін Қазақстан және КСРО халық артисі, Халық қаһарманы Роза Бағланованың 100 жылдығы аясында туған жері Сыр елінде әншінің ескерткіші ашылды.
Облыс орталығының қақ төрінен орын алған ескерткіштің ашылу салтанатында Қызылорда облысының әкімі Нұрлыбек Машбекұлы құттықтау сөз сөйлеп, Роза Тәжібайқызының ұлы Тәжен мен келіні Марал өз лебіздерін білдірді.
Ескерткіштің ашылу рәсімі Роза Бағланованың 100 жылдығына арналған «Ақмаңдайлым» республикалық әншілер конкурсына ұласып жатыр.
<img src="https://kyzylorda-news.kz/wp-content/uploads/2022/04/zhenis.jpg" alt="" />

Қызылордада Роза Бағланованың ескерткіші ашылды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімінің орынбасары Қайрат Нұртайдың төрағалығымен әлеуметтік маңызы бар азық-түлік бағасын тұрақтандыру мақсатында селекторлық жиын өтті. Мәжіліске жауапты басшылары мен сауда желісінің басшылары мен өкілдері қатысты. Жиында әлеуметтік маңызы бар азық-түлік өнімдерінің бағасын тұрақтандыру бойынша атқарылуы тиіс жұмыстар барысы талқыланды.
Мәжілісті ашқан облыс әкімінің орынбасары Қайрат Ырзақұлұлы Үкімет тапсырмасына сай азық-түлік қауіпсіздігін қамтамасыз ету үшін азық-түлік тауарларының делдалдық схемалары бойынша тергеп-тексеру жұмыстарын жүргізу жұмыстары жүргізіліп жатқандығын тілге тиек етті.
<blockquote>
 «Әлеуметтік маңызы бар азық-түлік тауарларының бағаларына күнделікті мониторинг жүргізілуде. 19 әлеуметтік маңызы бар азық түлік бойынша соңғы тұтынушыға яғни, облыс тұрғындарына бірнеше делдалдық тізбектен өтіп сатылуда. Сол үшін біздің өңірдегі ірі сауда үйлері өндірушілермен тікелей жұмыс жасау қажет. Сондай-ақ соңғы уақытта кейбір дүкендерде азық-түлік тауарларына 100 пайыздық үстеме қосып сатқан кәсіп иелері де анықталды. Айналып келгенде барлығымыз да тұтынушымыз. Бір адамның мүддесі халықтың мүддесінен жоғары болмауы тиіс», – деді облыс әкімінің орынбасары.
</blockquote>
Жиында сөз алған облыстық ауыл шаруашылығы басқармасы басшысының орынбасары Айнұр Тлеулеева тұрақтандыру қоры мен әлеуметтік маңызы бар азық-түлік бағасына тоқталып өтті. 
“Бүгінгі күні тұрақтандыру қорында 1 351,0 тонна өнім қоры бар. Оның ішінде 259,4 тонна ұн, 138,3 тонна күріш, 30,1 тонна макарон, 316,1 тонна қарақұмық, 28,9 тонна қант, 81,9 тонна картоп, 4,5 тонна пияз, 144,7 тонна сәбіз, 5,2 тонна қырыққабат, 341,7 тонна күнбағыс майы. Қазіргі таңда «айналым схемасы» бойынша берілген 1 143,0 млн. теңгеге 21 келісім шарт негізінде кәсіпкерлік субъектілеріне заем берілді. Осы заем алған кәсіпкерлердің 19 түрлі әлеуметтік маңызы бар азық-түлік өнімдері және тұрақтандыру қорындағы өнімдер «Байқоңыр» ӘКК қарасты Қызылорда қаласында орналасқан 36 әлеуметтік дүкенде және қосымша 14 ірі супермаркеттерінде келісім негізінде ашылған әлеуметтік бұрыштарда нарықтан төмен бағада жеткізіліп, сатылуда”,- деді басқарма басшысының орынбасары.

Қызылордада азық-түлік өнімдеріне күнделікті мониторинг жұмыстары жүргізіліп жатыр

<a href="https://kyzylorda-news.kz/">Kyzylorda-news.kz.</a>&nbsp;Аты аңызға айналған әнші, қазақ халқының мәдениеті мен руханиятының алтын қорына зор үлес қосқан Қазақстан және КСРО халық әртісі, Халық қаһарманы Роза Бағланованың 100 жылдық мерейтойы бүгінде республика, ЮНЕСКО көлемінде аталып өтілуде. Соның бірі Қызылорда қаласында 20-21 сәуір күндері болады. Бұл туралы бүгін Өңірлік коммуникациялар қызметінде өткен брифингте облыстық мәдениет, архивтер және құжаттама басқармасы басшысының орынбасары Жанат Құрамысова хабарлады.
<blockquote>
 «Сырда өнердің тойы басталды. Сырдан қанаттанып, өресі биік ән падишасына айналған ғазиз ғұмыр иесінің мерейтойлық шаралары қаламыздың орталық алаңында Роза Бағланова ескерткішінің ашылуымен бастау алады. Ескерткіштің авторлары мүсіншілер Мұрат Сыдықов пен Бауыржан Кененбай. Оның биіктігі 5,7 метр. Тұғыры граниттен, ескерткіштің негізі қоладан құйылған», – деді Жанат Ашанқызы.
</blockquote>
Баспасөз конференциясына Роза Бағланованың продюсері болған Қуаныш Абдухалимов қатысты. Роза Тәжібайқызы – «Ғасыр адамы». «Адам өлген күні өлмейді, ұмытылған күні өледі». Сондықтан аңыз адамды ұлықтауды үзбеу қажеттігін айтты.
Роза Бағланованың ұлы Тәжен Бағланов анасы туралы жылы естеліктер айтып, оның атынан Алматы қаласында мұражай ашылатынын, туған жері Қазалы ауданындағы мұражайға да естелік заттар ұсынатынын жеткізді.
Мұнан соң сөз алған Қазақстанның еңбек сіңірген қайраткері, әнші-композитор Жеңіс Сейдоллаұлы 2 күнге созылатын «Ақмаңдайлым» атты республикалық әншілер конкурсына тоқталды. Бүгін конкурстың ашылу рәсімі болады, ертең яғни 21 сәуір күні конкурстың ІІ кезеңі өткізіледі. Конкурсқа барлық өңірден 200 талапкердің ішінен 15-і іріктеліп алынды.

Қазақстан және Қызылорда облысының жаңалықтары