<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2256 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 908,
Алматы қаласы – 115,
Шымкент қаласы – 79,
Ақмола облысы – 35,
Ақтөбе облысы – 26,
Алматы облысы – 268,
Атырау облысы – 20,
Шығыс Қазақстан облысы – 121,
Жамбыл облысы – 36,
Батыс Қазақстан облысы – 38,
Қарағанды облысы – 338,
Қостанай облысы – 16,
Қызылорда облысы – 25,
Маңғыстау облысы – 26,
Павлодар облысы – 161,
Солтүстік Қазақстан облысы – 29,
Түркістан облысы – 15.
Қазақстан бойынша жазылғандар саны – 980 844.

Қызылордада 25 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 16 284 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 5006,
Алматы қаласы – 2057,
Шымкент қаласы – 444,
Ақмола облысы – 1200,
Ақтөбе облысы – 586,
Алматы облысы – 467,
Атырау облысы – 556,
Шығыс Қазақстан облысы – 540,
Жамбыл облысы – 280,
Батыс Қазақстан облысы – 410,
Қарағанды облысы – 2497,
Қостанай облысы – 420,
Қызылорда облысы – 370,
Маңғыстау облысы – 256,
Павлодар облысы – 865,
Солтүстік Қазақстан облысы – 182,
Түркістан облысы – 148.
Жалпы ел бойынша ауырғандар саны – 1 117 160.

Өткен тәулікте 370 қызылордалық коронавирус жұқтырды

<a href="https://kyzylorda-news.kz/">Kyzylorda-news.kz.</a> ҚР территориясының басым бөлігіне антициклон жотасы әсер етеді. Соның салдарынан күн жауын-шашынсыз болады, деп хабарлайды Қазгидромет.
Тек еліміздің батысы мен оңтүстігінде атмосфералық фронталды бөліктердің әсерінен көбінесе қар, жаңбыр жауады, жел күшейіп, жаяу бұрқасын соғады, көктайғақ болады. Республика бойынша кей жерлерде тұман түседі.
Жамбыл облысының солтүстігі, таулы және тау бөктерлі аудандарында тұман түсіп, оңтүстік-батысы мен солтүстік-шығысында желдің жылдамдығы секундына 15-20 метрге жетеді.
Қызылорда облысының орталығында таңертең және күндіз жел 15-20 м/с жылдамдықпен соғады.
Түркістан облысының оңтүстігі, батысы, таулы және тау бөктерлі аудандарында тұман түсіп, солтүстігі мен таулы аудандарында жел соғып, жылдамдығы секундына 15-20 метрге дейін жетеді.
Түнде Алматы облысының солтүстігі мен таулы аудандарында тұман түсіп, көктайғақ болады.
Маңғыстау облысының солтүстігі мен орталығында көктайғақ болып, солтүстік-шығысында тұман түседі.
Ақмола облысының оңтүстігі мен шығысында, Батыс Қазақстан, Атырау, Павлодар облыстарының батысы мен солтүстігінде, Қостанай облысының солтүстігі мен шығысында, Солтүстік Қазақстан облысының оңтүстігінде, Шығыс Қазақстан облысының солтүстігінде тұман түседі.

21 қаңтарға арналған ауа райы болжамы

Kyzylorda-news.kz. Президент елдің адам құқықтары бойынша ұстанған және саяси жаңғыруға негізделген бағыты сақталатыны туралы мәлімдеді.
<blockquote>
 «Қазақстан халықаралық міндеттемелеріне және адам құқықтары мен заң үстемдігі саласындағы әмбебап қағидаттарға бейілдігін сақтайды. Біз саяси жаңғыруға негізделген бағытымызды ешқашан өзгертпейміз», – деп жазды Мемлекет басшысы Twitter желісіндегі парақшасында.
</blockquote>

Қасым-Жомарт Тоқаев: Біз саяси жаңғыруға негізделген бағытымызды ешқашан өзгертпейміз

Биылдан бастап «Еңбек» мемлекеттік бағдарламасының мерзімі аяқталды, оның орнына 2021-2025 жылдарға арналған кәсіпкерлікті дамыту бойынша Ұлттық жоба қабылданды. Жоба мақсаты халықты жұмыспен қамтуды арттыру мақсатында шағын бизнесті дамыту деді Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдікәрімов.
Жоба аясында ержелерге өзгерістер енгізілмек. Соның бірі – жастар тәжірибесінің мерзімін 12 айға дейін ұзарту және айлық жалақысын 30 айлық есептік көрсеткішке дейін көтеру. Айта кету керек, былтыр «Еңбек» мемлекеттік бағдарламасының бағыттарына 35037 адам қатысты.
<blockquote>
 «Президентіміз Үкіметке «Жастар тәжірибесі» және «Алғашқы жұмыс орны» жобаларына қатысудың мерзімін созып, еңбекақысын көтеру мүмкіндігін қарастыруды тапсырды. Халықтың әлеуметтік осал тобындағы жастардың іскерлік бастамаларын іске асыруға жағдай жасау мақсатында Үкіметке тиісті гранттардың мөлшерін 2 есеге, яғни 400 айлық есептік көрсеткішке дейін көбейту жүктелді», – деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Жақсылықұлы.
</blockquote>

«Жастар тәжірибесі» бағдарламасы 1 жылға созылады

Kyzylorda-news.kz. Қызылорда облысы көлемінде өтіп жатқан «Құқық тәртібі» жедел профилактикалық іс-шарасы кезінде 3 атыс қаруы тәркіленді. Облыс орталығында 358 жалдамалы пәтер тексерілді.
Қызылорда облысы Полиция департаментінің Қармақшы аудандық полиция бөлімінің учаскелік полиция инспекторларымен қызмет атқару барысында 37 жастағы ауыл тұрғынының үйінде ІІО тіркеуде жоқ, 16-калибрлі, 2 ұңғылы, нөмірсіз аңшы мылтығын заңсыз сақтағаны анықталды. 
Осы тектес дерек 18 қаңтарда Сырдария ауданында орын алды. Сырдария аудандық полиция бөлімінің қызметкері 53 жастағы аудан тұрғынының фазендасын тексеру кезінде ІІО-да тіркеуде жоқ, 16 калибрлі, «ИЖ» маркалы аңшы мылтығын заңсыз сақтағанын анықтаған.
Анықталған деректер бойынша Қазақстан Республикасы Әкімшілік құқық бұзушылық туралы кодексінің 482–бабының 1-бөлігімен әкімшілік хаттамалар рәсімделіп, сотқа жолданды. 
Облыс бойынша барлығы 1301 әкімшілік құқық бұзушылық тіркелді.
Ұсақ бұзақылықтың -127 дерегі тіркелсе, қоғамдық орында масаң күйде болудың-117 дерегі, қоғамдық тәртіпті қамтамасыз етуге қатысатын адамның заңды талабына бағынбаудың -2 дерегі, жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауының4 дерегі анықталды.
Сонымен қатар, спорттық және спорттық-бұқаралық, ойын-сауық мәдени-бұқаралық іс-шараларды өткізуді ұйымдастыру тәртібін бұзудың 150 дерегі, Қазақстан Республикасында тiркеусiз не жеке басты куәландыратын құжаттарсыз тұрудың-148 дерегі, құқық қорғау органы немесе арнаулы мемлекеттік органның заңды өкіміне немесе талабына бағынбау бойынша1 дерек анықталып,барлығы заңға сәйкес жауапкершілікке тартылды.
Бұл бағыттағы жұмыстар өз жалғасын табатын болады.

«Құқық тәртібі»: Қызылордада 1301 әкімшілік құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Қаңтар айының басында жаппай тәртіпсіздіктер кезінде қаза болған қарапайым азаматтардың кредиттері кешіріледі. Бұл туралы Қаржы нарығын реттеу және дамыту агенттігі қаржылық қызметтерді тұтынушылардың құқығын қорғау департаментінің директоры Александр Терентьев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Тапсырмаға сәйкес, жаппай тәртіпсіздіктер кезінде қаза тапқан әскери қызметшілердің кредиті есептен шығарылады. Сондай-ақ, тәртіпсіздік кезінде қаза болған қарапайым азаматтардың кредиті де кешіріледі. Қазіргі таңда агенттік бұл бағытта жұмыс жүргзіп жатыр”, – деді Терентьев брифингте.
</blockquote>
Бұған дейін бірнеше банк елдегі бүлік кезінде көз жұмған әскерилер мен полицейлердің кредитін кешіретінін мәлімдеген еді.
Сондай-ақ, қаза болған полицейлер мен әскерилердің отбасына баспана беріледі. Бұған қоса, қызметтік міндетін атқару кезінде қаза тапқан әскери қызметшілер мен құқық қорғаушылардың балаларына білім гранты ұсынылады.

Тәртіпсіздіктер кезінде қаза болған қарапайым азаматтардың кредиті кешіріледі

<a href="https://kyzylorda-news.kz/">Kyzylorda-news.kz.</a> Қызылорда облысының эпидемиологиялық жағдай тұрақсыз. Жыл басынан бері коронавирус инфекциясын жұқтырудың 2 622 жағдайы анықталды. Бұл өткен жылғы желтоқсанда тіркелген көрсеткіштен 22-есеге жоғары. Соңғы тәуліктің өзінде 399 жағдай тіркелді, бұл бүкіл пандемия кезеңіндегі облыс көлемінде анықталған антирекордтық көрсеткіш.
Бұл туралы бүгін Өңірлік коммуникациялар қызметінде өткен баспасөз конференциясында Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова хабарлады.
Оның айтуынша, коронавирус инфекциясының қарқынды таралуының негізгі себептері – тұрғындар тарапынан мереке күндері санитариялық-эпидемиологиялық талаптарды орындаудың бұзылуы, сонымен қатар айналымда “омикрон” штамының болуы ықтимал деген болжам бар. Сондықтан зертханалық жолмен толық геномды секвинерлеу жүргізу үшін Нұр-Сұлтан қаласына іріктеп алынған үлгілер жөнелтілген. Нәтижесі қосымша хабарланады.
<blockquote>
 «Эпидемиологиялық талдаулар көрсеткендей, екпе алған адамдар арасында коронавирус инфекциясына шалдығу көрсеткіштері небәрі 0,4%-ды құрайды. Ал науқастанғандардың 99,6% коронавирусқа қарсы вакцина алмаған адамдар арасынан анықталып отыр. Бұл өз кезегінде екпенің жоғары тиімділігін көрсетеді. Бүгінгі күні Қызылорда облысы бойынша коронавирус инфекциясына қарсы вакцинацияның 1-ші турынан өткен тиісті контингент көрсеткіші 92,5 пайызды құраса, вакцинациялаудың толық курсынан өткен адамдар саны 87,4 пайызға жетті. Пфайзер препаратымен иммундаудың 1-турынан 20 286 адам, 2-турынан 11 405 адам өтті», – деді Әлия Мүтәліпқызы.
</blockquote>
Екінші маңызды мәселе-ревакцинация. Бастапқы вакцинациялаудан соң белгілі уақыт өткеннен кейін иммундық қорғаныс төмендей бастайды. Осы кезде қосымша дозаны алу маңызды. Себебі қорғаныш деңгейі әлсіреген ағза вирус жұқтыруға бейім келеді Ревакцинация жасау үшін облыста екпе қоры жеткілікті. Жақын арада ревакцинациялау үшін ресейлік бір компонентті «Спутник Лайт» препараты келеді деп күтілуде. Өткен жылдың қарашасынан басталған ревакцинациядан барлығы 35 276 адам өтті. Облыс көлемінде иммундаудан кейін асқыну жағдайлары тіркелген жоқ.
<img src="https://kyzylorda-news.kz/wp-content/uploads/2022/01/fb_img_1642670288022.jpg" alt="" />
Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова

Қызылорда облысында эпидахуал күрделі

<a href="https://kyzylorda-news.kz/">Kyzylorda-news.kz.</a> “Қайсар” футбол орталығының жанынан Қазалы ауданында қыздар футболы қолға алынады. 2009-2010 жылы туған қыздар аладоп әліппесін үйреніп, Қазақстан кәсіпқой лигасының регламентіне сәйкес футбол орталықтары мен академиялар арасындағы біріншілікте бақ сынайды.
<blockquote>
 Балалар және жасөспірім футболын аймақта дамыту маңызды бағыттарымыздың бірі. Ауыл-аудандағы балаларды да назардан тыс шығармауымыз керек. Жалпы қыздар футболын Қазалы ауданынан ашумыздың үлкен себебі бар. Қазыналы Қазалыда қыздар футболына сұраныс жоғары. Ауданның түлегі, Қазақстан құрамасының ойыншысы Құндыз Қожахмет бүгінде облыс мақтанышына айналып отыр. Жаңа филиалдан Құндыздың жолын жалғар шебер футболшылар түлеп ұшады деген сенім мол, – деді клуб директоры Жағыппар Жұмахметов.
</blockquote>
Айта кетейік, Қазалы ауданында жасөспірім қыздарды жаттықтырушы Әлішер Қауымбаев баптайтын болады.

Футбол: Қазалыда қыздар командасы құрылады

<a href="https://kyzylorda-news.kz/">Kyzylorda-news.kz.</a> Олимпиадалық командаға арналған спорттық форманы қазақстандық ZIBROO компаниясы шығарды. Құраманың олимпиадалық экипировкасын дайындауға бір жылдан аса уақыт кеткен. Киімді дайындау процесіне атлеттердің өздері қатысты.
Қазіргі Қазақстан тарихында алғаш рет экипировкадағы ел атауы қазақ тілінде «Qazaqstan» болып жазылады.
Шеруге арналған коллекцияны ресейлік дизайнер, SHISHKIN брендінің негізін қалаушы Дмитрий Шишкин дайындаған. Екі өндіруші ең жоғары талаптарға сай келетін, өндірістегі эко-шешімді қолдайтын және киім дизайнының әлемдік трендін қолданатын ортақ олимпиадалық эпикировка коллекциясын ұсынды.
Қысқы ойындарға арналған олимпиадалық форманың таныстырылымына жазғы спорт түрлерінің өкілдері, атап айтар болсақ, Токио Олимпиадасының жүлдегерлері Қамшыбек Қоңқабаев, Сәкен Бибосынов пен Софья Берульцева қатысты.
Фотосессияға дзюдошылар Жансай Смағұлов пен Ақмарал Науатбек, бокстан ерлер командасының капитаны Абылайхан Жүсіпов, гимнаст Аружан Қасенова мен «Барыс» хоккейшісі Самат Данияр қатысты.
<img src="https://kyzylorda-news.kz/wp-content/uploads/2022/01/fb_img_1642668392383-1.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642668387886.jpg" alt="" />

Қазақстан құрамасының олимпиадалық формасы таныстырылды

<a href="https://kyzylorda-news.kz/">Kyzylorda-news.kz.</a> Қызылорда облысының экспорттық әлеуетін өңірде агроөнеркәсіп кешенінде енгізілетін үш жоба күшейтеді. Осы өндірістердің бірі – қуаттылығы жылына 5 мың тонна болатын Қызылордадағы ет комбинаты. Оның құны – шамамен 900 миллион теңге. “Сыр маржаны” ЖШС базасында өндірісті енгізуде.
Біріккен Араб Әмірліктері, Бахрейн және Қытай кәсіпкерлері комбинаттың болашақ өнімдеріне, яғни, салқындатылған етке қызығушылық танытты. Серіктестік БАӘ бизнесмендерімен меморандумға қол қойды. Кәсіпорынның ет өнімдерінің 50 пайызы экспортқа кетеді, екінші жартысы ішкі нарықта сатылады деп болжануда.
Комбинатта Қызылорда тұрғындары үшін 25 жұмыс орны ашылады. Жақын арада іске қосу жоспарланған экспортқа бағытталған тағы бір жоба – “Qazaq Camel” ЖШС сублимацияланған түйе сүтін өндіру цехы. Жобаның құны-бір жарым миллиард теңге. Ол өңірлік Индустрияландыру картасына енгізілген және 25 адам үшін жұмыспен қамтуды ұйымдастыруды көздейді. «Мұндай жаңа өндіріс бізде әлі болған жоқ», – деп атап өтті Қызылорда облысының әкімдігінде.
Шикізат Арал және Қазалы аудандарының түйе өсірушілерінен сатып алынады. Ал дайын өнімді, яғни ұнтақты сүтті “Ақ бота” брендімен Қытайға экспортқа жіберу көзделіп отыр. Қармақшы ауданында да экспортқа бағдарланған жаңа жобаны іске асыру аяқталуда. Бұл жылына 1 500 тонна құс етін өндіретін құс фабрикасы.
«Жобаның құны 1,9 миллиард теңге», – деп нақтылады облыс әкімдігінде. Кәсіпорында 70 жұмыс орны ашылады. Бүгінгі таңда құрылыс жұмыстары 1,2 миллиард теңгеге жүргізілді. Осы қаражатқа фабрика әкімшілігінің ғимараты, бақылау-өткізу пункті, 6 құс қорасы мен инкубациялық цех салынды, мал сою цехының шатырының астына металл конструкциясын монтаждау жүргізілді, нысанның аумағы толығымен қоршалды.
Айта кетейік, «Бизнестің жол картасы» мемлекеттік бағдарламасы бойынша фабрикаға коммуникацияларды жүргізу үшін 400 миллион теңге бөлінді. Бұл нысан-«Ақтөбе и К» ЖШС мен «Байқоңыр» Әлеуметтік-кәсіпкерлік корпорациясының бірлескен жобасы.

Үш жаңа жоба Қызылорда облысының экспорттық әлеуетін күшейтеді

<a href="https://kyzylorda-news.kz/">Kyzylorda-news.kz.</a> 2021 жылы Қармақшы аудандық пробация қызметі пробация есебінде тұрған қоғамнан оқшаулаумен байланысты емес жаза түрлеріне сотталған азаматтарды әлеуметтендіру мақсатында аудандық жастар ресустық орталығымен ынтымақтастық меморандумы аясында бірқатар жұмыстар атқарылған.
Пробация есебіндегі 29 жасқа дейінгі азаматтарға білім алуына, мамандық игеруіне, кәсіп ашуымен қатар жұмысқа орталастырып, құқықтық, психологиялық көмек түрлерін көрсеткен. Бұл көмек түрлері пробация есебіне алынған сотталғандардың түзелу жолына түсіп, қоғамға, еңбекке тез араласып кетуіне септігі мол.
<blockquote>
 «Осы орталықтың көмегімен төрт сотталған азамат жұмысқа орналастырылды. Сонымен қоса тұрмыс жағдайы төмен 5 отбасыға азық- түліктей көмек беріліп, 20 сотталғанға медициналық қобдиша таратылды. Салауатты өмір салтын ұстану мақсатында мәдени-спорттық шаралар ұйымдастырылды. 2022 жылға да Жастар ресустық орталығымен ынтымақтастық меморандумына қол қойылды. Алдағы уақытта сотталған азаматтармен жиі іс-шаралар өткізелетін болады»,-деді аудандық пробация қызметінің аға инспекторы Жақсыбек Жүнісов.
</blockquote>
Айта кетейік, 2021 жылдың қортындысымен аудандық жастар ресустық орталығымен бірлесе атқарған жұмыстардың нәтижесінде, Қармақшы аудандық пробация қызметінің аға инспекторы Жүнісов Жақсыбек Әділханұлы ауданы әкімінің «Алғыс хатымен» марапатталды.

Қазақстан және Қызылорда облысының жаңалықтары