<a href="https://kyzylorda-news.kz/">Kyzylorda-news.kz.</a>&nbsp;Сырдария ауданында бұқаралық және спорттық ойын түрлерін дамыту мақсатында балалар мен жасөспірімдерге арналған ақысыз түрде спорт секциялары ашылып, жұмыс жасауда.
Аудан әкімі Мұрат Ергешбаевтың айтуынша, Сырдарияда 132 спорттық нысан, 539 спорттық секциялар жұмыс жасап тұр. «Мансұр» спорт клубында спорттың 6 түрінен 440 бала шұғылданса, ал Сырдария спорттық-зияткерлік орталығында спорттың шахмат түрінен 45 бала шұғылданады. Жалпы, қазіргі таңда халықтың 34 пайызы жүйелі түрде спортпен шұғылданады.
<blockquote>
 «Ауданның мәдениет саласында қоғамдық-саяси маңызды шаралардың күнтізбелік жоспарына сәйкес тиісті шаралар атқарылып келеді. Жыл басынан бері 390 мәдени көпшілік шаралар ұйымдастырылып, оған 51 400 көрермен тартылды. Сонымен қатар, «Балалар жылына» орай есепті кезеңге 59 шара өткізілді. Бүгінгі таңда аудан өнерпаздары елді мекендегі халықтың, еңбек адамдарының, жастар мен балалардың көңіл-күйін көтеру мақсатында «Өнер тұнған Сырдария» атты концерттік бағдарламаласын ұсынды. Аталған шаралар жыл аяғына дейін жалғасын табатын болады», – деді аудан әкімі баспасөз конференциясында.
</blockquote>
Аудан әкімінің мәлімдеуінше, Сырдария ауданы бойынша қоғамдық-саяси және діни ахуал тұрақты.
<img src="https://kyzylorda-news.kz/wp-content/uploads/2022/08/ergeshbaev.jpg" alt="" />

Сырдария ауданында халықтың 34 пайызы жүйелі түрде спортпен шұғылданады

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облыстық денсаулық сақтау басқармасының мәжіліс залында басқарманың және «Бастаманы қолдау» қоғамдық бірлестігінің ұйымдастыруымен Қызылорда облысының тұрғындарына медициналық көмек көрсету сапасын жақсартуға бағытталған конференция болып өтті.
Алғашқы болып жиында облыстық денсаулық сақтау басқармасы басшысының орынбасары Жангелді Мырзагелдіұлы мен «Бастаманы қолдау» ҚБ-нің атқарушы директоры Жанат Сапаржанова Жанат сөз алды.
Одан соң Қызылорда облысының маслихат депутаты Абибуллаева Аида Ибрагимқызының «Қызылорда облысындағы денсаулық сақтау жүйесіндегі өзекті мәселелер және оның шешілу жолдары» тақырыбындағы баяндама жасаса, жиын әрi қарай «Әлеуметтік медициналық сақтандыру қоры» АҚ-ның Қызылорда облысы филиалының халықты ақпараттандыру және өтініштерді қарау бөлімінің басшысы Рахымов Абылайхан Мейірманұлының «Қызылорда облысы бойынша ТМККК мен МӘМС аясында медициналық қызметтерді алу тәртібі мен қазіргі ахуалы» тақырыбындағы баяндамасымен және «Бастаманы қолдау» ҚБ-нің төрайымы Тулепова Мадина Ерғалиқызының «Қызылорда облысының тұрғындарына медициналық көмек көрсету сапасын жақсартуға бағытталған іс-шараларды іске асырудың жол картасының орындалуы» тақырыбындағы баяндамамен жалғасты.
Жиын соңында қатысушылар тарапынан сұрақтар қойылып, ұсыныстар айтылды.
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-18.14.05-1.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-18.14.05.jpeg" alt="" />

Қызылордада тұрғындарға медициналық көмек көрсету сапасын жақсартуға бағытталған конференция болып өтті

<a href="https://kyzylorda-news.kz/">Kyzylorda-news.kz.</a> Сырдария ауданында әлеуметтік нысандардың құрылысы қарқынды жүргізілуде. Атап айтар болсақ, орталық стадионға салынатын жаттығу және стритбол алаңы, Бесарық елді мекеніндегі спорт кешені және Жетікөл елді мекеніндегі аудандық бюджет есебінен салынып жатқан үш бөлмелі екі тұрғын үйдің құрылысы. Одан өзге, аудандағы жол мәселесі де ретке келтірілуде. Бұл туралы Сырдария ауданының әкімі Мұрат Ергешбаев мәлімдеді.
<blockquote>
 «Биылғы жылы аудан бойынша автомобиль жолдарын жөндеуге 1,3 млрд. теңге қаржы бөлініп, 23 жоба іске асырылуда. Аудандық маңызы бар автомобиль жолдары бойынша 146,5 млн. теңге қаржы бөлініп, 9 шақырым автомобиль жолдарына орташа жөндеу жұмыстары аяқталуда. Сонымен қатар, 2023 жылға республикалық бюджеттен қаржыландыруға Тереңөзек кенті және елді мекендердің көшелерін орташа жөндеу бойынша облыстық жолаушылар көлігі және автомобиль жолдары басқармасына бюджеттік өтінім ұсынылды», – деді аудан әкімі Мұрат Ергешбаев өңірлік коммуникациялар қызметінде өткен баспасөз конференциясында.
</blockquote>
Айта кетейік, Сырдария аймақтағы ілеспе газға қосылған аудандардың қатарында. Бүгінде аудан орталығы 80 пайыз табиғи отынмен қамтылған. Бұл бағыттағы жұмыстар әлі де жалғасуда. Мәселен, Тереңөзек кентінде жаңадан салынған тұрғын үйлерді газдандыру мақсатында құны 143,8 млн. теңге болатын жоба құрылысы аяқталып, қазіргі таңда «Қызылорда Газ тарату» мекемесімен бірлесіп газды қосу жұмыстары жүргізілуде. Оған қоса, екі елді мекенді газдандыруға 2023 жылға республикалық бюджеттен қаржыландыруға бюджеттік өтінім ұсынылды. Қосымша екі ауылдық округті газдандыруға жоба-сметалық құжаттама әзірленіп, мемлекеттік сараптамадан өткізілуде. 
Халықтың сұранысы және басты қажеттіліктерінің бірі – елді мекендерді жарықтандыру. Аталмыш бағытта 2022 жылы «Айдарлы, Аманкелді, Жетікөл, Қоғалыкөл елді мекендерін электрмен жабдықтау» жобаларына 1,6 млрд. теңгеге бюджеттік өтінім жолданған. Ал тұрғындарды таза ауызсумен қамту мәселесі бойынша аудан әкімі:
Аудан бойынша тұрғындар 100 пайыз ауызсу жүйесімен қамтылған. ОДСП «Арал» Сырдария аудандық филиалымен бірлесіп жүргізілген зерделеу жұмыстарына сәйкес 2006 жылдан бастап салынған Тереңөзек, Шаған, Аманкелді, Қоғалыкөл елді мекендерінде ауызсу құбырларының тозығы жетіп, күрделі жөндеуді қажет ететіндігі анықталды. Осыған сәйкес, 2023 жылға республикалық бюджеттен қаржыландырылуға Тереңөзек кентіндегі 10 көшенің су құбырларын жаңарту бойынша облыстық құрылыс, сәулет және қала құрылысы басқармасына бюджеттік өтінім ұсынылды, – деп мәлімдеді.
<img src="https://kyzylorda-news.kz/wp-content/uploads/2022/08/296729767_1172099133352977_4875511467911990092_n.jpg" alt="" />
<img src="https://kyzylorda-news.kz/wp-content/uploads/2022/08/296798470_1172098940019663_3363972967382805986_n.jpg" alt="" />

Сырдарияда инфрақұрылым жоғары деңгейде жүргізілуде

<a href="https://kyzylorda-news.kz/">Kyzylorda-news.kz.</a>&nbsp;Әр мамандықтың қоғамда алатын өзіндік орны, мәртебесі бар. Сондай мәртебелі мамандықтардың бірі құрылысшы мамандығы екендігі баршамызға аян. Құрылысшы – адамзат өркениетiнiң бастауында тұрған мамандық.
Құрылысшылар мерекесі қарсаңында ауданның сәулеті мен келбетіне сән беріп, үлес қосып келе жатырған алтын қолды құрылыс саласының мамандарымен ардагерлеріне құрмет көрсетіліп, салтанатты шара өтті.
Мерекелік шарада аудан әкімінің орынбасары Ерсұлтан Апетов аудан әкімі атынан шырайлы Шиелінің әсем сәулетін құруға қатысушылардың барлығын кәсіби мерекелері – құрылысшылар күнімен шын жүректен құттықтады.
<blockquote>
 «Құрылыс индустриясы – экономиканың негізгі іргетасы. Кез келген елдің экономикалық күш қуаты мен әлеуметтік тұрақтылығы құрылыстың дамуымен тікелей байланысты. Аудан бойынша құрылыс жұмыстары жыл сайын өркендеп, қарыштап қарқын алып келеді. Өңіріміздің әлеуметтік-экономикалық дамуына, көркеюіне құрылысшылар қауымының қосқан үлесі зор» – деп атап өтті Ерсұлтан Апетов.
</blockquote>
Бүгінде ауданымызда «Ауыл – Ел бесігі» бағдарламасы аясында Шиелі кентінде денешынықтыру-сауықтыру кешенінің құрылыс жұмыстары басталып, Бала би елді мекенінің балалар-жасөспірімдер спорт мектебінің ғимараты күрделі жөндеу жұмыстарынан өтуде. Аудан орталығындағы бірнеше оқу орындарының бу қазандықтарын газға ауыстыру жұмыстары жүргізілуде.
Шиелі кентіндегі Көкшоқы спорт клубының жабық ғимаратына 105 млн теңге қаржы бөлінді.
Облыс әкімінің тікелей қолдауымен Байсын елді мекеніндегі 250 орындық №207 мектептің құрылысына 762 млн теңге қаржы қаралып, құрылыс жұмыстары басталды.
Тұрғындарды баспанамен қамту мақсатында ауданымызда «Нұрлы жер» мемлекеттік тұрғын үй құрылысы бағдарламасы аясында 18 пәтерлі 4 тұрғын үй құрылысы жүргізілуде.
Кеше ғана аймақ басшысының тапсырмасына сәйкес және тікелей қолдауымен құрылысшылар мерекесі аясында құны 2,1 млрд.теңге қаржыны құрайтын, 15 мыңға жуық халқы бар 6 ауылдық округімізді газдандыру мақсатында басты Мұстафа Шоқай автоматты газ реттегіш станциясының құрылысы басталды.
Осындай ілкімді істердің арқасында ауданымыздың келбеті, ауылдарымыздың ажары айшықталуда. Ел қуанышына айналған ғажайып кешендер мен көрікті үйлердің көптеп салынуына құрылысшылардың сіңірген еңбектері ерен. Олар да білікті, іскер және қабілетті маман ретінде елдің әлеуметтік-экономикалық деңгейінің өсуіне айтарлықтай өз үлестерін қосуда.
Шара барысында Ерсұлтан Амантайұлы құрылыс саласының дамуына елеулі үлес қосып жүрген білікті мамандарға, ардагерлерге облыс және аудан әкімінің марапаттарын табыстады.
Аудандық ардагерлер кеңесінің төрағасы Өркен Исмайл, аудандық құрылысшылар ұйымының төрағасы Ғани Есімов, құрылыс саласының еңбек сіңірген ардагері Қуандық Әлтай ағаларымыз мерейлі мерекеге жылы лебіздерімен тілектерін жеткізіп, алғыстарын білдірді.
<img src="https://kyzylorda-news.kz/wp-content/uploads/2022/08/299020706_1371887593341696_4941497230550535415_n.jpg" alt="" />
<img src="https://kyzylorda-news.kz/wp-content/uploads/2022/08/298939411_1371887570008365_6998854332970917906_n.jpg" alt="" />

Ерсұлтан Апетов: Құрылыс индустриясы – экономиканың негізгі іргетасы

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданының әкімі Мұхтар Оразбаевтың халықпен кездесуі Сарыкөл ауылдық округінде жалғасты.
Басқосуға аудандық мәслихат хатшысы Бақытжан Жарылқап, облыстық мәслихат депутаты Мнажадин Өтеев, аудандық қоғамдық кеңес төрағасы Талайлы Бөріқұлақов, аудандық полиция бөлімінің бастығы Болат Кабизов, аудандық мәслихат депутаттары Әбдуәли Рахметов, Ғазиз Әліш және бірқатар дербес бөлім мен мекеме-кәсіпорын басшылары қатысты.
Абай ауылдық клубында өткен басқосуда Мұхтар Әуесұлы аудан көлеміндегі атқарылған ауқымды істер мен межелі жұмыстарды және алдағы міндеттер мен жоспарлар туралы баяндап өтті.
Сондай-ақ, Абай ауылына көгілдір отын тарту үшін жоба-сметалық құжаттары дайындалып жатқандығын және І.Саймаханов пен Жаңа ауыл көшесіне жөндеу жүргізіп, Ақсай каналына тоспа салу мәселесі бойынша бюджеттік өтінім тапсырылғанын жеткізді.
Кездесу барысында жергілікті тұрғындар сөз кезегін алып, өздерінің ұсыныс-пікірлерін айтты.
Тұрғындар тарапынан жайылымдылық жерлерді суландырып, мал азығын дайындау, жеке қожалықтардың иелігіне өтіп кеткен жерлерді кері қайтарып, ауыл тұрғындарына пайдалануға беру, елді мекен сыртындағы бақшалыққа электр насос орнату сынды мәселелерді көтерілді.
Сондай-ақ, ақсақалдар дәл қазіргі уақытта округтегі №90 мектептің директоры және ауыл мешітінің имамы жоқ екенін айтып, бұл мәселелерді де тез арада шешіп беруін сұрады.
Аудан әкімі Мұхтар Оразбаев тұрғындар тарапынан айтылған әрбір ұсыныс-пікір назардан тыс қалмайтынын айтып, сұрақтарға жеке-жеке жауап берді.
Кездесуден кейін аудан әкімі Мұхтар Оразбаев жеке қабылдауға жазылған азаматтарды қабылдап, ұсыныс-пікірлерін тыңдады.
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-17.35.18-1.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-17.35.18.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-17.35.18-2.jpeg" alt="" />

Қазалы ауданының әкімі ауыл халқының ұсыныс-пікірлерін тыңдады

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданының жыл басынан бері макроэкономикалық көрсеткіштерінде өсу тенденциясы байқалады. Мәселен, есепті кезең ішінде өңдеу өнеркәсібі, ауыл шаруашылығы, сауда айналымы жақсарып, пайдалануға берілген тұрғын үйлер көлемі артып, инвестициялар тарту мәселесі жолға қойылған.
2022 жылға арналған аудан бюджетінің кірістер көлемі 13 млрд теңге көлемінде жоспарланса, оның 68 пайызы әлеуметтік салаға бағытталған. Бұл туралы аудан әкімі Мұрат Ергешбаев өңірлік коммуникациялар қызметінде өткен брифинг барысында мәлімдеді.
<blockquote>
 «Биылғы егіс маусымында 33,1 мың гектарға ауыл шаруашылығы дақылдары орналастырылды. Негізгі дақыл күріштің көлемі – 20 728 гектар. Одан өзге, ауданда бидай, мақсары, күнбағыс, қант құмайы, сүрлемдік жүгері, жоңышқа, картоп, көкөніс және бақша өнімдері егілді. Аймақ басшысы Нұрлыбек Машбекұлының азық-түлік қауіпсіздігін қамтамасыз ету мақсатында тұрғындар өзін-өзі қамти алатын әлеуметтік маңызы бар бақша өнімдері мен көкөністерге елді мекендердегі шаруашылық құрылымдары арқылы егіс алқаптарынан қосымша жер дайындалып, 90 гектарға картоп, 20 гектарға көкөніс, 100 гектарына бақша дақылдары егілді. Мал шаруашылығында төрт түлік мал басы мен өндірілген өнім көлемінде де тұрақты өсім бар», – деді Сырдария ауданының әкімі Мұрат Нәлқожаұлы.
</blockquote>
Сондай-ақ, аудандағы жұмыссыздық мәселесі де өз шешімін тауып келеді. Биыл 2156 жаңа жұмыс орындарын құру жоспарланса, осы уақытқа дейін жоспардың жартысынан астамы орындалған. Аудан әкімінің айтуынша, жыл соңына дейін 400-ден астам тұрақты жұмыс орнын құру жоспарлануда.
Кәсіпкерлік саласында да оң көрсеткіш жоғарылап келеді. Жартыжылдық қорытынды бойынша жұмыс істеп тұрған шағын және орта кәсіпкерлік субъектілерінің белсенділік көрсеткіші 94,2 пайызды еңсерген. Жалпы алғанда, жыл басталғалы аудан бойынша мемлекеттік және өңірлік бағдарламалар аясында құны 1,4 млрд. теңгені құрайтын 106 жоба қаржыландырылған. Жыл соңына дейін несиелендіруді қажет ететін құны 1,2 млрд. теңгені құрайтын 237 жобаның тізімі жасақталып, тиісті қаржы ұйымдарына ұсынылуда.
<img src="https://kyzylorda-news.kz/wp-content/uploads/2022/08/ergeshbaev.jpg" alt="" />

Сырдария ауданы бюджетінің 68 пайызы әлеуметтік салаға бағытталған

<a href="https://kyzylorda-news.kz/">Kyzylorda-news.kz.</a>&nbsp;Алдағы тәулікте Қазақстанның солтүстік өңірлерінің тұрғындарын, температураның біртіндеп төмендеуі күтуде, деп хабарлайды Қазгидромет.
Мұның себебі – Солтүстік-Батыс антициклоны. Оның жотасы республиканың барлық аумағында таралса да, батыста ыстық ауа райы сақтала бермек. Сонымен қатар ол фронтальді бөлімдерді Республиканың орталық, шығыс және оңтүстік-шығыс аймақтарына ауыстырады, солайша жаңбыр жауады, күн күркірейді, бұршақ жаууы және қатты жел болуы мүмкін.
Ауа температурасының біртіндеп төмендеуі келесідей болмақ: республиканың солтүстігінде түнде +10 +18°С-тан +5 +10°С-қа дейін, күндіз +23 +30°С-тан 18 +23°С-қа дейін. Ауа температурасының негізгі аясы күндіз батыста +32 +40°С, солтүстік-батыста +28 +38°С, орталықта +22 +33°С, шығыста +20 +28°С, оңтүстікте +32 +42°С, елдің оңтүстік-шығысында күндіз +22 +32°С-тан +25 +35°С-қа дейін.

Демалыс күндеріне арналған ауа райы болжамы

<a href="https://kyzylorda-news.kz/">Kyzylorda-news.kz.</a> Елімізде жаңа оқу жылынан бастап 1-сынып оқушыларын үш тілде&nbsp;оқыту алынып тасталды. Енді оқушылар орыс тілін екінші сыныптан, ағылшын тілін үшінші сыныптан бастап оқиды. Сонымен қатар жаңа пәндер енгізіледі, деп хабарлайды <a href="https://stan.kz/news-368656/">Stan.kz</a>.
Қазақстанда 2022-2023 оқу жылы&nbsp;1 қыркүйекте дәстүрлі форматта басталады. Бұған дейін оқу-ағарту министрі Асхат Аймағанбетов онлайн форматқа қарағанда дәстүрлі түрде оқу бағытын қолдайтынын айтқан болатын. Бұл министрдің сөзінше, балалардың біліммен ғана емес, сонымен қатар қоршаған ортаны танып-біліп, дүниетанымдарын кеңейтіп, дамуына үлкен әсерін тигізеді.&nbsp;
1-сынып оқушылары шет тілін оқымайды
Министр балалардың 6 жастан бастап 1-сыныпқа қабылданатынын және осы жылғы&nbsp;өтініштер бойынша мектепке қадам басушы оқушылардың&nbsp;70%-ы қазақ тілін таңдағаны туралы мәлімет берді.&nbsp;Оқу-ағарту министрінің сөзінше, жаңа оқу жылынан бастап 1-сынып оқушылары тек қазақ тілінде әліппені оқып, жазып үйренеді. Ал орыс тілі 2-сыныпта, ағылшын тілі 3-сыныпта қосылады.&nbsp;
Жаңа оқу жылында қазақ сыныптарында «Әліппе» мен «Ана тілі» оқытылады. Ал орыс сыныптары «Казахский язык» и «Букварь/ Обучение грамоте» пәндерімен сауат ашатын болады.
Мектеп формасы қандай болмақ?&nbsp;
Енді оқу-ағарту министрлігі&nbsp;енгізген өзгеріске сәйкес формаға қатысты облыс мектептеріне ортақ бір ғана талап болады. Бала облыс аймағында бір мектептен екінші мектепке ауысса, бұрынғы&nbsp;формасын киіп бара алады. Әр облыста өз мектеп формаларының түсі белгіленген. Сондықтан биыл да мектеп формасына байланысты қойылатын талаптар өзгеріссіз қалады. Осы орайда ата-аналар балаларына дайындап, қойған немесе бұрын сатып алған формаларын кигізе алады.
Жаңа пәндер
Сенатта өткен парламенттік тыңдауда вице-премьер Ералы Тоғжанов&nbsp;2022-2023 оқу жылында барлық мектепте еңбекке баулу сабақтары оқытылатынын айтқан болатын.&nbsp; Мектепке қайта оралатын пән 1-сыныптан бастап оқытылады деген жоспар бар.
Бұдан бөлек, мектептерде кәсіптік бағдар беретін мамандар болады. Олар оқушыларға болашақ мамандықты таңдауға көмектеседі.
Сонымен қатар жаңа оқу жылынан бастап Қазақстанда мектеп оқушылары «Патриотизм және жаһандық құзыреттер» атты курстан өтпек. Бұл туралы Ы. Алтынсарин атындағы ұлттық білім академиясының президенті Мәдина Тыныбаева хабарлаған.
«Патриотизм және жаһандық құзыреттер» атты курс 5-11 сынып оқушыларына арналған.&nbsp;Бұл жаңа сабақ 2022-2023 оқу жылында қолданысқа енгізілмек және ол&nbsp;факультатив форматында оқытылады.
Курс мынадай модульдерден тұрады:
<ul>
<li>«Қаржылық сауаттылық және кәсіпкерлік негіздері»,</li>
<li>«Азаматтық»,</li>
<li>«Парасаттылық пен әдеп»,</li>
<li>«Экология мәдениеті»,</li>
<li>«Сыни тұрғыдан ойлау»,</li>
<li>«Зайырлылық және дінтану негіздері»,</li>
<li>«Медиа сауаттылық».</li>
</ul>
Сыныптар мен жас ерекшеліктеріне қарай балалар осы бағыттар бойынша бөлініп, оқытылады.&nbsp;
Тағы бір өзгеріс 2023 жылдан бастап кейбір қазақстандық мектептерде шахмат жаңа факультативтік пән ретінде оқытылады. Жыл сайын мұндай мектептер саны артып, кейіннен шахмат сабағы мектеп бағдарламасына енетін болады.
Бұл туралы Қазақстан шахмат федерациясының вице-президенті Дәрмен Сәдуақасов айтып берді. Федерация 2027 жылға қарай шахмат Қазақстанның барлық аймақтарында міндетті пәнге айналады деп жоспарлап отыр.
Оқу жылы ұзарады
Оқу-ағарту министрлігі оқу жылын ұзарту іс жүзінде жазғы демалыстың мерзіміне әсер етпейтінін айтты. Енді оқушылар 1 маусым мен 1 қыркүйек аралығында демалады.
Осылайша, каникулға шығудың айырмашылығы небәрі 5 күн болады. Ал жаз басталғанда, яғни 1 маусымнан бастап балалар демалысқа шыға алады.&nbsp;
Енді сапта әнұран орындау міндетті&nbsp;
ҚР Білім және ғылым министрі Асхат Аймағамбетов еліміздің барлық мектептерінде әнұранды сапта орындауды міндетті етуді ұсынды.
«Жақында ғана біз еліміздің мемлекеттік рәміздерінің 30 жылдығын атап өттік. Әрине көп нәрсе білім беру жүйесіне байланысты екенін түсінуіміз керек. Көптеген мектептерде апта сайын сап түзеп, әнұранды орындау бұрыннан жақсы дәстүрге айналған. Менің ойымша&nbsp;бұл біздің барлық мектептер үшін ереже болуы керек. Сондықтан, әріптестер, бұл бағыттағы жұмыстарды жалғастыруымыз қажет»,&nbsp; –&nbsp;деді ҚР Білім және ғылым министрі ведомствоның аппараттық отырысында.
Мектеп асханасындағы өзгерістер
Енді қазақстандық оқушылардың ата-аналары енді мектепте қандай ас берілетінін онлайн форматта бақылай алады. Барлық мектептер тамақтандыруды ұйымдастыру туралы ата-аналарға есеп беруге, мектеп асханаларының мәзірін онлайн түрде жариялауға міндеттеледі.
Енді әр білім мекемесі балаларға түскі және бесіндік асқа қандай тағамдар берілетінін ғаламторда жариялауы тиіс. Елімізде бірегей типті ас мәзірін даярлаумен Тамақтану Академиясы айналысады. Кейін оны денсаулық сақтау министрлігі мақұлдайды. Соның негізінде еліміздің барлық мектептері жеке ас карталарын жасайды.&nbsp;
Қазіргі уақытта денсаулық сақтау және оқу-ағарту министрліктері мектептің типтік мәзірін жаңалауда.&nbsp;
Мектептердегі қауіпсіздік&nbsp;
Жаңа оқу жылында білім беру ұйымдарында қауіпсіздік шараларын күшейту қолға алынбақ. Қазіргі таңда мектептердегі қауіпсіздікті күшейту мақсатында бюджеттен қосымша қаражат бөлінген.&nbsp;
Бейнебақылау камераларынан бөлек&nbsp;енді қазақстандық мектептердің кіре берісінде қызметкердің орнына арнайы күзет отыратын болады.&nbsp;
Білім беру ошақтары арнайы дайындықтан өткендігі туралы сертификаты, қару алып жүруге құқығы және күзет қызметіне рұқсаты бар жеке күзет агенттіктермен жұмыс істеуге көшеді.&nbsp;
Тұрмысы төмен оқушыларға арналған көмек&nbsp;
Қазақстанның оқу-ағарту министрлігі халықтың әлеуметтік осал топтарынан шыққан 400 мыңнан астам оқушыға берілетін көмек көлемін артқанын&nbsp;мәлімдеді.&nbsp;
Бұған дейін бөлінген сома 17 мыңнан 40 мың теңгеге дейін болса, биыл оқу-ағарту министрлігінің өтініші бойынша өзгерістер енгізілді. Енді көмек мөлшері ең төменгі күнкөріс деңгейінен, яғни 37 389 теңгеден төмен болмауы керек.&nbsp;
Сонымен қатар енді бұл ақшаны ата-аналарға қолма-қол беріледі. Осылайша ата-ана баласымен бірге жүріп оған мектеп формасын, кеңсе тауарлары мен мектепке керек-жарағын өздері таңдай алады. Бұған дейін әкімдік көмекті заттай көрсететін. Салдарынан киімдердің өлшемі мен сапасына байланысты мәселелер туындаған.
«Жалпыға міндетті білім беру» қорының аясында атаулы әлеуметтік көмек алатын отбасылардың балаларына, сондай-ақ АӘК алмайтын, бірақ жан басына шаққандағы орташа табысы күнкөріс деңгейінен төмен отбасылардың балаларына материалдық көмек көрсетіледі. Сондай-ақ жаңа оқу жылы қарсаңында жетім және ата-анасының қамқорлығынсыз қалған балалар, төтенше жағдайға тап болған оқушылар және т.б. материалдық көмек алады.
Ұстаздар тапшылығы&nbsp;
Енді маман тапшы өңірлерге білікті ұстаздарды жіберу бағдарламасы жұмыс істейді. Бұл бағдарламалар бойынша мұғалімдерге лауазымдық жалақының 2,5 есеге жоғары ынталандыру төлемдері бар, оның ішінде жоғары жалақы, үй жалдау ақысын және коммуналдық төлемдер шығынын өтеу қарастырылған.

Жазғы демалыстың қысқаруы, жаңа пәндер, мектеп формасы –&nbsp;Елімізде жаңа оқу жылында қандай өзгерістер енгізілді

<a href="https://kyzylorda-news.kz/">Kyzylorda-news.kz.</a> Қызылорда облысының Полиция департаменті бастығының тапсырмасы сәйкес облыс орталығында «Қауіпсіз қала» жедел-профилактикалық іс-шарасы өтіп жатыр.
Оның мақсаты – Қызылорда қаласында құқықтық тәртіп пен қауіпсіздікті қамтамасыз ету жөніндегі шараларды күшейту.
Полиция қызметкерлерімен іс-шараның бір күнінде 320 әкімшілік құқық бұзушылық анықталды, оның ішінде жол қауіпсіздігі саласы бойынша 216, «нөлдік төзімділік» қағидаты бойынша 104 әкімшілік хаттама толтырылды.
Көлікті мас күйінде басқарған 6 жүргізуші, көлік құралын басқару құқығынан айырылса да қайтадан рульге отырған 2 жүргізуші, көлік құралын құжатсыз басқарғаны үшін 8 жүргізуші, сақтандыру полиссіз 15 жүргізуші және қарама – қарсы қозғалыс жолағына шыққаны үшін 2 жүргізуші жауапкершілікке тартылды.
Сонымен қатар белгіленбеген уақытта алкоголь өнімдерін сатқан 3 сатушы ҚР ӘҚБтК-нің 200-бабы бойынша, 13 азамат қоғамдық орында мас күйінде жүргені үшін және 8 адам тыныштықты бұзғаны үшін әкімшілік жауапкершілікке тартылды.
Ал, кәмелетке толмаған балалардың түнгі уақытта тұрғын үйден тыс жерде болуына жол бергені үшін 12 ата-ана, кәмелетке толмағандардың ойын-сауық мекемелерінде болуына жол бергені үшін 2 кәсіпкер әкімшілік жауапкершілікке тартылды.
Сондай-ақ «Квадрат» іс-шарасы аясында Өсербаев, Қорқыт Ата, Әйтеке би көшелерінің аумағында тұрғын үй агенттіктерінің иелері мен осы аймақтың тұрғындарына құқық бұзушылықтарға жол бермеу, санитарлық талаптарды сақтау, қоғамдық тыныштықты сақтау ережелері бойынша түсіндірме жұмыстары жүргізілді.
Жұмылдырылған полиция қызметкерлері мен автоэкипаждар қоғамдық тәртіпті қамтамасыз ету бойынша жұмысты жалғастыруда және қаланың барлық аумағында қылмыстардың жолын кесу мақсатында кешенді іс-шаралар жүргізуде.
<img src="https://kyzylorda-news.kz/wp-content/uploads/2022/08/0v4a1126-scaled.jpg" alt="" />
<img src="https://kyzylorda-news.kz/wp-content/uploads/2022/08/0v4a1169-scaled.jpg" alt="" />

Қызылордада «Қауіпсіз қала» шарасы өтіп жатыр

<a href="https://kyzylorda-news.kz/">Kyzylorda-news.kz.</a> Жалағаш ауданы әкімінің орынбасары Алтынбек Дәрібаев құрылысшылар күні кәсіби мерекесіне орай аудандағы құрылыс саласының ардагерлері мен қызметкерлеріне құрмет көрсетті.
Алтынбек Дәрібаев құрыш қолды құрылысшыларды құттықтап, ауданның осы салада жеткен жетістіктерін атап өтті.
<blockquote>
 «Биыл ауданымызда құны 2 млрд. 367,9 млн. теңгені құрайтын&nbsp;200 балаға арналған оқушылар үйі мен 50 орындық өнер мектебі ғимараты құрылысы жүргізілуде. Сонымен қатар денешынықтыру және сауықтыру кешені құрылысы салынып жатыр. Сондай-ақ 170 гектар «Ақтерек» учаскесіндегі су жинау, су айдау кешені құрылысы, Аққұм, Мәдениет елді мекендеріндегі ауыз су желісін кеңейту құрылыстары және жеке қаражат есебінен Жалағаш кентіндегі Дәуімбай елді мекенінен жаңа мешіт құрылысы жүргізіліп жатыр», – деді Алтынбек Дәрібаев.
</blockquote>
Салтанатты шарада ауданның қарқынды дамуына үлесін қосып жүрген бірқатар құрылыс саласының ардагерлері, қызметкерлері Қазақстан Республикасы Индустрия және инфрақұрылымдық даму министрлігінің&nbsp; Құрмет грамотасымен, Алғыс хатымен, облыс әкімінің, облыстық құрылыс, сәулет және қала құрылысы басқармасы басшысының, аудан әкімінің құттықтау, алғыс хаттарымен марапатталды.
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-16.07.55.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-16.07.56.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-16.07.56-1.jpeg" alt="" />

Жалағаш ауданында құрылысшыларға құрмет көрсетілді

<a href="https://kyzylorda-news.kz/">Kyzylorda-news.kz.</a> Қызылорда облысында балалар жылына орай жыл басынан 12 мыңнан астам шара өтті.
«Балалар жылы» аясында қызылордалық бүлдіршіндерге жан-жақты жағдайлар мен қолдаулар көрсетілуде. Жыл басынан бері аймағымызда 12 мыңнан астам шара өткізіліп, оған 96 мыңға жуық бала қамтылды.Балалар жылын өткізу жөніндегі іс-шаралар бекітілген жоспардың негізінде 7 бағыт бойынша жұмыстар жүргізілуде. «Білімді бала» бағыты бойынша барлық білім беру ұйымдарында тәрбиелік бағыттағы 11 мыңнан астам шара ұйымдастырылып, оған 47 311 бала қатысты. Биылдың өзінде 8 мыңнан астам бала өңірдегі лагерьлерде демалды. Ал арнайы санаттағы балалар мен халықаралық олимпиада жүлдегерлеріне 100 велосипед, 10 ноутбук және 20 бүлдіршінге «Балдаурен» республикалық лагеріне жолдама табысталды. Сондай-ақ, балаларды қосымша білім берумен қамтамасыз ету мақсатында 23 307 бала мәдени және спорттық үйірмелермен қамтылды.
«Отбасы – қауіпсіз мекен» бағыты бойынша 1 маусымда Қызылорда қаласында көп балалы отбасылар үшін 50 пәтерлі тұрғын үй пайдалануға берілді. Отбасы институтын насихаттау бағытында 300-ден астам шара өткізіліп, оған 8 мыңнан астам ата-ана қатыстырылды. Балалар туризмін дамыту мақсатында 3000-нан астам білім алушылар Қорқыт Ата кешені, Сортөбе, Жанкент, Сығанақ тарихи орындарына саяхаттар ұйымдастырылуда.
Үшінші «Дені сау бала» бағыты аясында 1-3 жас аралығындағы 26 100 бала аудиологиялық скринингтен өткізілсе, 18 жасқа дейінгі 312 000 балаға медициналық тексеру жүргізілді. Психоневрологиялық ауытқуы бар және тірек-қимыл аппараты бұзылған 142 балаға арнаулы әлеуметтік қызметтер көрсетіліп, мүгедектігі бар 150 балаға иппотерапиялық қызмет тұрақты көрсетілуде. Үйде оқытылып, тәрбиеленетін 1149 балаға әлеуметтік көмек көрсетілді, бұл мақсатқа бюджеттен 51,5 млн теңге бөлінді. Сонымен қатар Балалар жылы аясында көпбейінді облыстық балалар ауруханасында оңалту орталығы ашылды.
«Баласын жетімсіретпеген ел» бағыты бойынша «Атамекен» балалар ауылының 2 түлегіне Қорқыт ата атындағы Қызылорда университетінің білім гранты табысталды және 45 балаға «Қамбаш» лагеріне жолдама беріліп, 14 шығармашылық үйірме ашылды.
Бекітілген жоспардың бесінші бағыты «Жайлы мекен» бойынша облыста жыл соңына дейін балаларға арналған бірнеше нысандар пайдалануға беріледі деп күтілуде. Оның ішінде 6 мектеп, 1 балабақша, 1 Оқушылар үйі мен Өнер мектебі бар. Мұнымен қоса жаңа оқу жылы қарсаңында жергілікті кәсіпкерлер 3 жекеменшік мектепті іске қоспақ. Сонымен қатар 28 мектептен инклюзивті қолдау кабинеті, 47 балабақшадан логопункт және 2 ауданнан инклюзивтік ресурстық орталық пен 2 балабақшадан аутизм кабинеті ашылады. Тұрмысы төмен отбасыдан шыққан 500 балаға спорт кешендеріне тегін абонемент табысталды.
Бала қауіпсіздігі басты назарда. Бұл ретте «Бала қорғау» бағыты аясында бүгінде барлық білім беру ұйымдары 100% бейнебақылау жүйелерімен қамтылған. Ағымдағы жылы 35 мектепке бейнебақыдау жүйелерін жергілікті полиция бөлімдеріне қосу үшін облыстық бюджеттен 252 млн.тг бөлініп отыр. Ал «BALA_TIME.KZ» ақпараттық сүйемелдеу бағыты бойынша республикалық және жергілікті БАҚ-та, әлеуметтік желілер мен интернет ресурстарда 5 074 материал жарияланса, Балалар жылының логотипы бейнеленген 57 баннер орналастырылды. Облыстық «Сыр бойы», «Кызылординские вести» газеттерінде «Балалар жылы», «Өнерпаз бол», «Год детей», «Талантливые дети» тақырыптарында айдарлар ашылып, жергілікті телеарналарда 165 бейнесюжет көрсетілді.
Ал балалар жылындағы ең үлкен сый – Қызылорда қаласында заманауи үлгідегі Оқушылар сарайын салу туралы «ҚазМұнайГаз» ұлттық компаниясымен келісім жасалды. Бұл зәулім ғимарат Сырдария өзенінің сол жағалауында орналасқан жаңа тұрғын ауданда бой көтеретін болады. Сонымен қатар 80 спорт және балалар ойын алаңдары салынады. Бүгінгі күнге Қызылорда қаласында 32 алаңның құрылысы басталса, аудандарда 6 ойын алаңының құрылысы аяқталған және 5-еуінің құрылысы басталды.
Жыл соңына дейін бұл бағыттағы жұмыстар жалғасып, алдағы уақыттарда 800-ге жуық рухани-танымдық, мәдени және спорттық шаралар ұйымдастырылатын болады.
<img src="https://kyzylorda-news.kz/wp-content/uploads/2022/08/298992123_1416109642225570_1051733143222799590_n.jpg" alt="" />

Балалар жылы: Қызылордада жыл басынан бері 12 мыңнан астам шара өтті

<a href="https://kyzylorda-news.kz/">Kyzylorda-news.kz.</a> ЗК-169/1 тергеу изоляторының жеке құрамы 13 жас маманмен толықтырылды. Олар арнайы заң саласы бойынша диплом алған соң, ҚАЖ департаментінің бос лауазымдық орындарға конкурс жариялауы негізінде қабылданып, Қостанайдағы Ш. Қабылов атындағы академияда&nbsp;&nbsp; үш айлық білімін жетілдіру курсында оқып келді.
Мекемеге алғаш келген күні&nbsp; мекеме бастығы, әділет майоры &nbsp;Қайырбек Ильясов жеке қабылдап, ҚАЖ қызметінің жауапкершілігін түсіндірді.
<blockquote>
 «Бүгін жас мамандардың кәсіби құлшынысын арттыру, жігерлендіріп көңіл – күйін көтеру, ашылуына, өз әріптестеріне өздерін көрсете білуіне көмектесу, өздерін ұжымның бір бөлшегі ретінде сезінуіне, бейімделуіне ықпал жасау мақсатында тренинг өтілді. Бұдан бөлек олармен&nbsp; танысу жұмыстары жүргізіліп жатыр.Алдағы уақытта әрқайсысының отбасына барып,&nbsp; жанұясындағы әлеуметтік ахуалын зерделейміз. Өйткені, отбасындағы жылы атмосфера олардың күнделікті қызметке түскендегі&nbsp; көңіл- күйінің сергек болуына игі әсері бар. Сондай-ақ, қызметтегі қыйындықтар игеріп,жұмысқа машықтандыру мақсатында тәлімгерлер бекітілетін болады- дейді,аға инспектор М.Тұрымбетов.
</blockquote>
Жалпы мекеменің жеке құрамының 80% пайызы отызға дейінгі жастардан құралады. Олардың дерлігі өз қызметтік міндеттерін жауапкершілікпен атқарып, антына адалдық танытып жүрген жастар. Бір құптарлығы&nbsp; жастар жұмыстарының қауырттығына қарамастан, мекемеде өткізілетін қоғамдық жұмыстарға белсене қатысып, өздерін өр рухты, ұлтжанды азаматтар ретінде көрсетіп келеді. Олардың арасында спорт шеберлері, ән айтып, сурет салатын, шахмат, дойбы, тоғызқұмалақ ойнайтын&nbsp; жан-жақты өнерлі жастар да бар.Тағы бір ерекше атап өтетін жай,жеке құрам арасында біршамасы оқу орындарын қызыл дипломмен аяқтағандар. Тәуелсіздігіміздің орнығуы жолында құқық саласына өз үлестерін&nbsp; қосып жүрген жеке құрам, осылайша білімді, білікті жас&nbsp; мамандардан құралған.
<img src="https://kyzylorda-news.kz/wp-content/uploads/2022/08/img-20220812-wa0007.jpg" alt="" />

Қазақстан және Қызылорда облысының жаңалықтары

Сырдария ауданында халықтың 34 пайызы жүйелі түрде спортпен шұғылданады

Қызылордада тұрғындарға медициналық көмек көрсету сапасын жақсартуға бағытталған конференция болып өтті

Сырдарияда инфрақұрылым жоғары деңгейде жүргізілуде

Ерсұлтан Апетов: Құрылыс индустриясы – экономиканың негізгі іргетасы

Қазалы ауданының әкімі ауыл халқының ұсыныс-пікірлерін тыңдады

Сырдария ауданы бюджетінің 68 пайызы әлеуметтік салаға бағытталған

Демалыс күндеріне арналған ауа райы болжамы

Жазғы демалыстың қысқаруы, жаңа пәндер, мектеп формасы – Елімізде жаңа оқу жылында қандай өзгерістер енгізілді

Қызылордада «Қауіпсіз қала» шарасы өтіп жатыр

Жалағаш ауданында құрылысшыларға құрмет көрсетілді

Балалар жылы: Қызылордада жыл басынан бері 12 мыңнан астам шара өтті

Тергеу изоляторының жеке құрамы жас мамандармен толықты

Қазақстан және Қызылорда облысының жаңалықтары

Сырдария ауданында халықтың 34 пайызы жүйелі түрде спортпен шұғылданады

Қызылордада тұрғындарға медициналық көмек көрсету сапасын жақсартуға бағытталған конференция болып өтті

Сырдарияда инфрақұрылым жоғары деңгейде жүргізілуде

Ерсұлтан Апетов: Құрылыс индустриясы – экономиканың негізгі іргетасы

Қазалы ауданының әкімі ауыл халқының ұсыныс-пікірлерін тыңдады

Сырдария ауданы бюджетінің 68 пайызы әлеуметтік салаға бағытталған

Демалыс күндеріне арналған ауа райы болжамы

Жазғы демалыстың қысқаруы, жаңа пәндер, мектеп формасы –&nbsp;Елімізде жаңа оқу жылында қандай өзгерістер енгізілді

Қызылордада «Қауіпсіз қала» шарасы өтіп жатыр

Жалағаш ауданында құрылысшыларға құрмет көрсетілді

Балалар жылы: Қызылордада жыл басынан бері 12 мыңнан астам шара өтті

Тергеу изоляторының жеке құрамы жас мамандармен толықты

Жазғы демалыстың қысқаруы, жаңа пәндер, мектеп формасы – Елімізде жаңа оқу жылында қандай өзгерістер енгізілді