Kyzylorda-news.kz. Қызылордада «Автобус» іс-шарасының екі күнінде жол қозғалысы ережесін бұзудың 174 дерегі анықталды.
ҚР ІІМ-нің нұсқауына сәйкес, облыс көлемінде өтіп жатқан «Автобус» жедел-профилактикалық іс-шарасының 2 күнінде жолаушылар тасымалдауды жүзеге асырушылар тарапынан жол жүрісі қағидаларын бұзудың барлығы 174 дерегі анықталды.
Оның ішінде, жолаушыларды, багажды және жүктерді тасымалдау қағидаларын бұзған - 22,тасымалдау кезінде жүргізушілердің еңбек және демалыс режимін бұзған - 1,заңсыз қайта жабдықтаған - 30, рейс алдындағы қарап тексеруден өтпеген - 17, міндетті техникалық байқаудан өтпеген – 18, көлік басқару кезінде ұялы телефон пайдаланған 32 жүргізушіге қатысты әкімшілік хаттамалар толтырылды. ҚР-ның міндетті сақтандыру заңнамасын бұзған 8 хаттама толтырылды.
Сонымен қатар, облыс бойынша адамдарды тасымалдайтын 78 автобустың жылыту, электр жабдықтары және т.б. жағдайы тексерілді. Айып тұрағына 3 автокөлік қойылып, 5 көліктің мемлекеттік белгілері шешілді.
Бұл бағыттағы жұмыстар өз жалғасын табатын болады.
Айта кетейік, бұған дейін Қармақшы ауданында «Автобус» жедел-профилактикалық іс-шарасы жалғасып жатқанын хабарлаған болатынбыз.
