<a href="https://kyzylorda-news.kz/">Kyzylorda-news.kz.</a> Бір қарағанда, «қазір немесе ешқашан» тіркесі өмірдің негізгі қағидасы ретінде ұстануға тым қиын көрінуі мүмкін. Бірақ жапондар осы жерде және қазір бақытты болу өнері немесе «итиго итиэні» меңгерген. Ол бізді қазіргі сәтті жіберіп алмауға үйретеді, өйткені ол ешқашан қайталанбайды.&nbsp;
«Итиго итиэ» 一期一会 өрнегін жапон тілінен сөзбе-сөз аударғанда «бір рет – бір сәт» немесе «бір сәт – бір мүмкіндік» деп аударуға болады. Ал бұл қазір болып жатқан оқиға өмірдің басты құндылығы екенін білдіреді. Қазіргі уақытта қалай өмір сүретініңіз сіздің өміріңіздің қалған бөлігіне әсер етуі мүмкін. Итиго Итиэнің бұл принципі «көбелек әсерімен» ұқсас: біздің қазіргі кез келген әрекетіміз немесе әрекетсіздігіміз болашақта бірегей, қайталанбас нәтижеге әкеледі.
Итиго Итиэ концепциясының негізін қалаушы XVI ғасырдағы шай рәсімінің ұлы шебері Сен но Рикю атты Ринзайдың дзен-буддисттік мектебінің монахы болған деп есептеледі. Шай кешінің иесі мен қонақтарының бір-біріне деген сыйластық қарым-қатынасының негізін салып, оны «өмірдегі бір мүмкіндік» деп аударатын сөз тіркесімен атаған. Осы арқылы ол шай кездесуінің ешуақытта дәл сол қалпында қайталанбайтынын ұғындырып, әрбір сәттің ерекшелігін бағалау қажеттілігіне назар аудартқысы келді.&nbsp;
Кейінірек танымал өрнек шай әлемінен үлкен өмірге аяқ басып, оның семантикалық түсіндірмесі сәл ғана өзгеріске ұшырады. Бүгінгі күні ол «бұл кездесу тек осында және қазір» деген мағынада қолданылады және жапондар қазіргі сәттің бірегейлігін, тағдыр берген кездесудің маңыздылығын және қажеттілігін атап өткісі келетін әртүрлі жағдайларда қолданылады.
<img src="https://kyzylorda-news.kz/wp-content/uploads/2022/05/sakwra.jpg" alt="" />
Жапондар түсінігінде бақытқа қалай жетуге болады?
Қазірдің өзінде үйде уақыт өткізе отырып, көпшілігіміз болашақтағы жобалар, кездесулер, сапарларды ойлап өмір сүреміз. Жапондардың итиго итиэ философиясы баяулауды және қазіргі сәттен ләззат алуды және жақын адамдарыңызбен байланысуды насихаттайды.
Мысалы, «Итиго Итиэ. Жапондардың осы жерде және қазір бақытты болу өнері» кітабында сол өнерді игерудің бірнеше ережесі жазылған:&nbsp;
Ештеңені кейінге қалдырмаңыз. Мүмкіндікті пайдаланбасаңыз, оны жіберіп аласыз.
Әрбір оқиға сіздің өміріңіздегі соңғы оқиға сияқты қабылдануы керек.
Бүгінмен өмір сүріңіз, өткенді ойламаңыз және болашаққа қатысты алаңдамаңыз.
Ұмытылмас тәжірибе алу үшін ешқашан жасалмаған нәрсені жасаңыз.
Әлемнің бізге беретін белгілерін түсініңіз. Сиқырлы кездейсоқтық – бұл тек сәттілік емес, уақытында уысыңа түскен сәттер.
Әр кездесуді ерекше оқиғаны күтпей-ақ мерекеге айналдырыңыз
Күнделікті күйбең тірліктен арылып, өмір ғажайыптарын тамашалап отыру медитациясын үйреніңіз.
Өмірдің әрбір сәтін айқынырақ қабылдау үшін тыңдау, қарау, ұстау, дәмін тату және иісін сезу өнерін үйреніңіз.&nbsp;
<img src="https://kyzylorda-news.kz/wp-content/uploads/2022/05/sakwra1.jpg" alt="" />
Бұл ұғым тек бақыт туралы ғана емес
Итиго итиэ табиғаттың өтпелі құбылыстарына көз жүгіртуді де алға тартады. Жапондарда қоршаған әлемді эстетикалық тұрғыдан қабылдау арқылы пайда болған ханами (гүлдерге тамсану), цукими (айға тамсану), хотаругари (жанған отқа сүйсіну) сияқты дәстүрлер бар.
Жас жапондар қазіргі өмір қарқынына ілесеміз деп бұл қасиеттерін жоғалтқанға ұқсаса да, жапон зейнеткерлері бұрынғы әдеттерінше өмір сүреді. Әйелдер көбінесе гүлдерге немесе шай рәсіміне әуес келеді. Олар ерте тұрады. Күріш пісіріп, балық қуырады. Ал қарттар иттерін серуендетеді.
Бірақ, кәрі немесе жас екеніне қарамай, әр жапон күтетін бір сәр бар. Ол – &nbsp;өмірдің қарқынын сәл баяулататын жылдың бір мезгілі. Ол – сакураның гүлдеуі. Бұл сәт жыл сайын тек бір аптадан сәл астам уақытқа созылады. Сондықтан жапондар мұндай сәтті қалт жібермейді.&nbsp;
Мұндай түсінік басқа ұлттарда да кездеседі, мысалы, швед тілінде фика, ал дат тілінде хюгге сөзі осы мағынада қолданылады.
Итиго Итиэ мен оған ұқсас басқа тұжырымдамалардың ең басты қағидасы – осы сәтпен өмір сүру.
<a href="https://massaget.kz/layfstayl/alemtanu/syrly-alem/67958/">massaget.kz</a>

Ең ұзақ өмір сүретін жапондардың бақыт туралы түсінігі қандай?

Kyzylorda-news.kz. Қызылорда облысы әкімінің орынбасары Мархабат Жайымбетовтың төрағалығымен Қызылорда қаласын дамытудың проблемалық мәселелері және оларды шешу жолдарын талқылау бойынша кеңес отырысы өтті.
Сала басшылары баяндама жасап, атқарылған жұмыстарды тізбеледі. Жиында облыс әкімінің орынбасары шаһардың әлеуметтік-экономикалық даму мәселелері аймақ басшысының ұдайы бақылауында екенін жеткізіп, ең өзекті проблемалардың шешілу жолдарын бірге қарастыру қажет деді.
<blockquote>
 «Өңір экономикасын әртараптандыру мақсатында құны 667 млрд.теңгені құрайтын 22 жобаның тізімін жасадық. Оның ішінде, 19 жобаны қаржыландыру мақсатында «Қазақстан Даму Банкі», «Өнеркәсіпті дамыту қоры», «Аграрлық несие корпорациясы» акционерлік қоғамымен жұмыстар жүргізілуде. Ал, кредиттік тұрғын үй және инженерлік-коммуникациялық инфрақұрылым құрылысына қосымша 30 млрд. теңге тарту мәселесі шешілуде. Сондай-ақ, облыс әкімінің тапсырмасымен қөпқабатты тұрғын үйлердің қасбеттерін жөндеу жұмыстары, оның ішінде Қорқыт ата атындағы әуежайдың жөндеу жұмыстары басталып кетті. Қаланың дамуына қосымша 5 млрд.теңге көлемінде қаражат бөлінді», – деді Мархабат Жайымбетов.
</blockquote>
Отырыста Мархабат Жайымбетов облыс орталығына инвестиция тарту, өңдеу өнеркәсібін көтеру мен кәсіпкерлікті дамыту мәселесіне ерекше назар аударды. Сонымен қатар, «Қызылорда Автобус паркінің» материалдық базасын нығайту жайы сөз болды. Жауапты сала басшысына жолаушылардың ыңғайлылығы үшін электрондық төлем жүйесін одан әрі дамыту міндеттелді. Айта кетейік, жуық арада облыс әкімінің қолдауымен автобус паркі 150 көлікпен жаңартылмақ.
«Қызылорда су жүйесі» мекемесі жұмысын тұрғындар жиі сынға алады. Облыс әкімінің орынбасары аталған мекеменің өзіне жүктелген міндеттерді толық орындамағанын қаперге салып, дебиторлық қарыздарды жинау көрсеткішінің төмен екенін назарға алды. Сондай-ақ, қаланы абаттандыру жұмыстары мен санитарлық-гигиеналық талаптардыңда сын көтермейтінін жеткізді. Парк, сквер, аллеяларда қоғамдық әжетхананың жоқтығын тілге тиек етіп, қала басшылығына халық көп шоғырланатын орындарға кәсіпкерлерді тартып, санитарлық-гигиеналық тораптарды салу жұмыстарын қолға алуды тапсырды. Сондай-ақ, базарларды заманауи қалыпқа келтіру кезек күттірмейтінін шегелеп айтты.
Мұнан өзге тұрғын үйлерді салу, жұмысы тұралап қалған құрылыс нысандарының жағдайын бақылауды және жол сапасына жете мән беру керектігі айтылды. Мархабат Жайымбетов, әсіресе, жоспардағы тұрғын үй мен инфрақұрылым құрылысына қажетті жобалық-сметалық құжаттардың дер кезінде дайын болмайтынын баса айтып, белгіленген межені орындап, республикадағы өз үлесімізді алу керектігін жеткізді.
Басқосуда аймақтағы атқарылатын ілкімді істер де сөз болды. Тұрғын үй қорын көбейту мақсатында 1000-ға жуық пәтер салынып, пайдалануға берілмек. Ал құрылыс жұмыстарын жүргізуге Нұр-Сұлтан, Алматы қалаларының кәсіпкерлері шақырылды. Сол жағалаудан бой көтеретін Үстел теннисі орталығы бұқаралық спортты дамытуға септігін тигізбек. Сонымен қатар, жаңа Өнер театры мен Салтанат сарайы да қаланың сәулетіне әр бермек.

Қызылорда қаласын дамытудың өзекті мәселелері талқыланды

Kyzylorda-news.kz. Қазақстанда 13 өңірде ауа райына байланысты ескерту жарияланды.
Ал Қызылордада күн ашық, ауа температурасы +28 +30 градус болады. Желдің жылдамдығы 5-10 м/с

15 мамырға арналған ауа райы болжамы

Kyzylorda-news.kz. 5 мамыр – Халықаралық Отбасы күні қарсаңында Қызылорда қаласының әкімі Асылбек Шаменов алтын құрсақты аналарды қабылдап, Мемлекет басшысының Жарлығымен тағайындалған «Алтын алқа», «Күміс алқа» мәртебелі наградаларын табыс етті.
Қала әкімі демографияның өсуіне елеулі үлес қосқан, шаңырақтың шырайы бола білген ақ жаулықты аналардың қоғам өміріндегі алар орны ерекше екенін айтып, ілтипатын жеткізді.
<blockquote>
 «Отбасы байлығы – Отанның байлығы. Сіздер, Тәуелсіз елдің еркін ұрпақтарын ғана емес, тұтас ұлтты тәрбиелеуге үлес қосып келесіздер. Елімізде отбасы институтын дамытуға байланысты ауқымды іс-шаралар кешені қабылданып, аналарды қолдау шаралары тұрақты түрде іске асуда. Қала аумағында түрлі деңгейдегі игі бастамалардың бәрінде әйел аналардың қолтаңбасы бар. Оның ішінде еліміздің әлеуметтік-экономикалық және демографиялық дамуына үлес қосып жүрген өздеріңіз секілді алтын құрсақты аналарымыздың еңбегін айтпасқа болмайды. Баланы өмірге әкеліп қана қоймай, оған қоршаған ортаның құндылығын, еліміздің мәдениеті мен ұлттық салт-дәстүрімізді түсіндіріп, қоғамға пайдалы азамат етіп өсіру – үлкен мектеп, тәжірибе», – деді Асылбек Өмірбекұлы.
</blockquote>
Іс-шара барысында аналар қауымы ақжарма тілектерін арнап, ана мен баланы қолдауға бағытталған ұсыныстарын жеткізді.
Айта кетейік, бүгінде мемлекет тарапынан көпбалалы аналарға түрлі сипаттағы әлеуметтік көмектер көрсетілуде. Қоғам өміріне белсенді әйелдерді жұмыспен қамту, кәсіптік оқуларға жолдама беру, жаңа бизнес идеяларына қолдау шаралары тұрақты түрде іске асады.
<img src="https://kyzylorda-news.kz/wp-content/uploads/2022/05/fb_img_1652582887481.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652582890637.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652582896328.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652582913168.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652582903246.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652582916887.jpg" alt="" />

Қызылордада алтын құрсақты аналар ардақталды

Өзіміз денсаулыққа зиян деп жүрген кейбір тағамдардың адам ағзасына пайдасы мол көрінеді. Мәселен, неміс ғалымдарының айтуынша, жұмыртқа мен картоп, сары май мен сүт өнімдері бір қарағанда адамға зиян көрінгенімен, дұрыстап жесе, ағзаға пайдасы көп екен. Сол тағамдарға тоқталып өтсек.
<img src="https://kyzylorda-news.kz/wp-content/uploads/2022/05/zhwmyrtka.jpg" alt="" />
Жұмыртқа. Жұмыртқада холестерин көп деп жегісі келмейтіндер баршылық. Холестерин болғаны үшін зиянды тағам көреміз. Алайда дәрігер мамандардың айтуынша, адам ағзасында холестерин көбейіп кетуінің негізгі себебі – көп қозғалмау, спортпен айналыспау. Ал ең бастысы генетикалық текке байланысты. Ең соңғы себебі – осы тамақ.
Тамақтан келетін холестерин мөлшері 25 пайыздан аспайды. Демек, холестерин тек тағамнан келеді деген түсінік жаңсақ.
Жұмыртқада пайдалы заттар жетерлік. Құрамында қанықпаған май қышқылы, ақуыз бен дәрумендердің бүкіл түрі бар.
<img src="https://kyzylorda-news.kz/wp-content/uploads/2022/05/kartop.jpg" alt="" />
Картоп. Картопта крахмал, яғни, қанттың бір түрі көп болғандықтан, гликемиялық индексі жоғары деп оны зиян көреміз. Гликемиялық индекс дегеніміз – қандағы қант мөлшерін деңгейін көрсететін белгі. Бірақ картоптың да өз пайдасы бар. Мәселен мамандардың айтуынша, картопты асып және суытып жеген пайдалы болады екен.
Сонда құрамындағы крахмал азайып, ішек жұмысына пайдасы артады. Ішектегі пайдалы бактериялардың азығы болатын көрінеді.
Асылған картоптың құрамында жасұсынық мол, В және С тобындағы дәрумендер, калий сынды минералды заттар көп болады.
<img src="https://kyzylorda-news.kz/wp-content/uploads/2022/05/maj.jpg" alt="" />
Сары май. Бұл жерде сары май деп отырғанымыз кәдімгі қазақтың ауылдағы сап-сары майы емес. Дүкендегі өндірістен шығатын сары майды (сливочное масло) айтып отырмыз. Мұндай майда холестерин көп болады деседі. Бірақ жоғарыда жұмыртқаның жайын айтқанда холестериннің негізінен неден көбейетінін айтқан едік.
Сондықтан көп қозғалыста жүретін, генетикалық жағынан холестеринге бейім адам болмасаңыз, сары майдан қорқып қажет емес.
Сары майдың құрамындағы заттар адамның жүйке жүйесіне пайдалы әрі D тобындағы дәрумендерге бай.
<img src="https://kyzylorda-news.kz/wp-content/uploads/2022/05/swt.jpg" alt="" />
Сүт өнімдері. Сүт өнімдері адамды гипертония, диабет, жұқпалы инфекция сынды аурулардан қорғайтын көрінеді. Сүтте D дәрумені көп. Ол адамның иммунды жүйесін жақсартады.
<a href="https://massaget.kz/layfstayl/Zdorove/67956/">massaget.kz</a>

Денсаулыққа зиян деп жүрген тағамдардың пайдасы

<a href="https://kyzylorda-news.kz/">Kyzylorda-news.kz.</a> Дәрігер-диетолог, нутрициолог кофені неліктен тамақтанар алдында немесе одан кейін бірден ішуге болмайтынын түсіндірді.
Наталья Нефедованың айтуынша, таңғы ас кезінде кофе ішу дұрыс емес. Себебі сергітетін бұл сусын ағзаға тамақпен бірге түсетін қоректік заттардың сіңуіне кедергі келтіреді.
<blockquote>
 «Кофенің құрамында металдардың ағзаға сіңуіне жол бермейтін хелаттар бар. Егер сіз үнемі кофе ішсеңіз, ағзаңызда мырыш, темір, магний аз болады. Кофені тамақтан кейін 30 минуттан соң ішкен дұрыс», – дейді дәрігер-диетолог.
</blockquote>
Кофе ағзадағы кальцийдің сіңуін нашарлатады. Алайда шығынның орнын толтыруға сүт өнімдерін пайдалану көмектеседі.
<blockquote>
 «Кофе ағзадағы кальцийді кетіреді. 200 миллиграмм кофеинге шамамен 12 миллиграмм кальций деп есептейсіз. Бұл – шамамен бір шыны сусынның мөлшері. Сондықтан кофені сүтпен ішкен дұрыс. Себебі сүттің құрамында кальций бар. Немесе ірімшік қосылған қара кофені де ішуге болады. Өсімдік сүті де қолайлы. Алайда құрамында қанты жоқ, дәрумендерге, кальцийге, темірге бай сусынды таңдауыңыз керек», – деп кеңес берді Наталья Нефедова.
</blockquote>
Алайда кофеге сүт қосқан кезде сусынның майлылық мөлшері артып, толыққанды тағамға айналатынын ескерген жөн, дейді диетолог. Ол осыны есте ұстап, тәтті дәмдеуіштер қосылған кофеден бас тартуды ұсынады.
<blockquote>
 «Сусынның майлылық мөлшерін де ескерген дұрыс. Мысалы, 500 миллилитр капучино құрамында 206 килокалория бар. Себебі оның құрамында сүт көп. Бұл шамамен екі кесе кофе. Бір ғана кесе ішсеңіз де, толыққанды тағам ретінде саналады. Десе де ең қауіпті кофе сусындарына түрлі сұйықтықтар (сироп) мен тәтті дәмдеуіштер қосылғаны жатады. Мұндай сусынды көп мөлшерде ішсеңіз, салмақ қосуыңыз мүмкін», – деп ескертті дәрігер.
</blockquote>
<a href="https://sputnik.kz/20220513/kofeni-qay-uaqytta-ishken-durys---dariger-kenesi-24790544.html">Sputnik.kz</a>

Кофені қай уақытта ішкен дұрыс &#8211; дәрігер кеңесі

Kyzylorda-news.kz. Түркия елінің Стамбул қаласында өтіп жатқан бокстан әйелдер арасындағы Әлем біріншілігін қазалылық боксшы Гүлсая Ержан жеңіспен бастады.
Шаршы алаңдағы алғашқы қарсыласы украиналық былғары қолғап шеберін айқын басымдықпен жеңген жерлесіміз келесі кезеңге жолдама алды.
Жеңіске жеткен жерлесімізді әлем біріншілігіндегі алғашқы асуымен құттықтап, алдағы жекпе-жектеріне сәттілік тілейміз!

Қызылордалық Гүлсая Ержан әлем чемпионатын жеңіспен бастады

Kyzylorda-news.kz. Еңбек және халықты әлеуметтік қорғау министрі Тамара Дүйсенова зейнет жасын төмендетуге қарсы емес екенін айтты
Тамара Дүйсенова зейнет жасын 58 жасқа дейін төмендету бойынша Қазақстан әйелдері қозғалысының өкілдерімен кездесті.
<blockquote>
 «Мен қазақстандықтардың зейнетке ерте шығуына қарсы емеспін. Бізде қазірдің өзінде зейнетақы аннуитетін рәсімдеуге және зейнет демалысына 55 жаста шығуға мүмкіндік бар. Факторлардың барлығын бірлесе отырып зерттеуіміз керек. Бұл кейін азаматтарымыздың зейнетақысы төмен болмауы үшін қажет. Азаматтардың табысын ескеріп, зейнетке ерте шығудың бірнеше тәсілін қарастыруымыз керек», – деді ол.
</blockquote>
Кездесу кезінде белсенділер зейнет жасын төмендетуге байланысты өз ұсыныстарын жеткізді. Оны министрлік жанындағы арнайы жұмыс тобы жан-жақты зерделейді.Жиында экономика секторларындағы жасы 50-ден асқан әйелдердің табысы мен әлеуметтік мәртебесі, төмен зейнетақы алатындардың мәселесі де көтерілді.
<a href="https://stan.kz/men-kazakstandiktardin-zeynetke-erte-shiguina-karsi-emespin---enbek-ministri-364413/">Stan.kz</a>

Тамара Дүйсенова: Мен қазақстандықтардың зейнетке ерте шығуына қарсы емеспін

Kyzylorda-news.kz. Денсаулық сақтау министрлігі елде коронавирус инфекциясы штамдарының айналымына мониторинг жүргізуді жалғастыруда.
Биылғы жылдың сәуір-мамырында жүргізілген ПТР скринингтің қорытындысы бойынша коронавирус инфекциясы штамдарының түрлі нұсқаларының айналымы анықталды. Барлық өңірлерде BA.1 «Омикрон» штамы 98,6 %-да анықталды, оның ішінде 12 өңірде BA.2 «Стелс-Омикрон» штамы 36,7%-да анықталды. Бұл туралы ҚР Денсаулық сақтау министрлігінің Telegram каналында жариялады.
Сондай-ақ, B. 1.617-like Delta штамы айналымда жүр және зерттелетін сынамалар санының 1,4%-ын құрайды. ПТР скрининг нәтижелерін растау үшін толық геномдық секвенирлеу жүргізіледі, ол осы айдың соңына қарай аяқталады.
Эпидемиологиялық жағдай тұрақтанғанына қарамастан, министрлік коронавирус инфекциясына қарсы вакцинацияны, ревакцинацияны уақтылы жүргізуді ұсынады.
<blockquote>
 «6 ай бұрын және одан да көп уақыт бұрын вакцинация курсын алған адамдар ревакцинациялауға жататынын естеріңізге саламыз. Қазіргі уақытта Қазақстанда КВИ-ға қарсы вакцинациялау және ревакцинациялау үшін халыққа вакциналардың 3 түрі (Пфайзер, Синофарм және КазВак) қолжетімді, олардың 2-уін Дүниежүзілік денсаулық сақтау ұйымы мақұлдаған», – делінген хабарламада.
</blockquote>

Қазақстанда стелс-омикрон штамы анықталды

Kyzylorda-news.kz. Қызылорда облысында ауыл шаруашылығы жануарлары арасында ауру ошақтарын болдырмау мақсатында аса қауіпті 14 түрлі ауруға қарсы препараттар сатып алынады. Бекітілген 5 айлық жоспарға сәйкес, жануарларға – 3052,5 мың доза препарат егілуі қажет. Бүгінде оның 75,9 пайызы орындалды. Бұл туралы Өңірлік коммуникациялар қызметінде өткен брифингте облыстық ветеринария басқармасының басшысы Шахмардан Қойшыбаев хабарлады.
<blockquote>
 «Жануарлар арасында бруцеллез ауруына қарсы 151,5 мың бас мүйізді ірі қара, 147,1 мың бас уақ малға диагностикалық тексеріс жүргізілді. Нәтижесінде, 16 бас мүйізді ірі қарадан оң нәтиже анықталды. Оларға ветеринариялық-санитариялық шаралар жүргізілді. Биыл ауыл шаруашылығы жануарларын бірдейлендірудің бекітілген жоспарына сәйкес, «Жасыл дәліз–3» жүйесі арқылы тиісті жұмыстар атқарылуда. Алдын ала дерек бойынша облыста бірдейлендіру жүргізілмеген 36 531 бас жануар нақтыланды. Қазіргі таңда 49 239 бас мүйізді ірі қара қор базасына енгізілді. Сонымен қатар «Жануарларға жауапкершілікпен қарау туралы» ҚР Заңына қол қойылды. Осыған сәйкес, өңірде «Үй жануарларын ұстау және серуендету», «Жануарларды аулау, уақытша ұстау және жансыздандыру» қағидалары бекітілетін болады. Қазіргі таңда облыс әкімдігі тарапынан 7 жоба қарастырылды. Алдағы уақытта 4 жоба әзірленеді», – деді басқарма басшысы Шахмардан Қойшыбаев.
</blockquote>

Қызылорда облысында эпизоотиялық жағдай тұрақты

Kyzylorda-news.kz. Еліміздің Ата заңына түзетулер топтамасын енгізуге қатысты жалпыхалықтық референдум өтеді. Осы тарихи бастаманы қолдау мақсатында «AMANAT» партиясы жанынан арнайы қоғамдық штабтар құрылып ел арасында насихат жұмыстарын жүргізіде.
Бүгін Қазалы аудандық партия филиалы жанындағы штаб төрағасы Нұрғиса Жалғасбаев және штаб мүшесі Нұрлан Имандосов референдум маңыздылығын түсіндіру бойынша «РЗА-Агро» ЖШС қызметкерлерімен кездесті.
Жиын барысында штаб өкілдері референдум өткізу – демокартиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті. Сондай-ақ, елге оң өзгеріс әкелуге септігін тигізетін, еліміздің Ата заңы – Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.
Кездесу барысында серіктестік қызметкерлері мемлекет басшысының Конституцияға ұсынылатын түзетулерді референдум шеңберінде бүкілхалықтық дауыс беруге шығару туралы шешімін азаматтардың болашаққа және әділ қоғамға деген сенімін ақтайтын, арттыратын дұрыс қадам екенін жақсы қабылдап қолдайтындықтарын және Қазақстан азаматы ретінде белсенді қатысатындықтарын жеткізді.

Референдумды қолдау мақсатында кездесу өтті

Kyzylorda-news.kz. Мемлекет басшысы Қасым-Жомарт Тоқаевтың бастамасымен Ата заңға өзгерістер мен толықтырулар енгізу жөніндегі республикалық референдум өткізудің маңыздылығын қолдау мақсатында ҚР Парламент Мәжілісінің төрағасының орынбасары, «AMANAT» партиясы республикалық штабының мүшесі Балайым Кесебаева өңіріміздегі ғалымдар және заңгерлермен кездесу өткізді.
Жиынға облыстық партия филиалының Атқарушы хатшысы, облыстық штаб төрағасы Ләйлә Төрешова мен бірқатар штаб белсенділері қатысып, жалпыхалықтық референдум туралы, дауыс берудің ережелері мен шарттары жайлы айтып, қабылданатын әр өзгеріске жеке-жеке түсініктеме берді.
<blockquote>
 «Басты мақсат – нақты саяси бәсекелестік үшін жағдай жасау, халықтың елді басқаруға қатысуын арттыру, қазақстандықтардың құқықтарын қорғаудың конституциялық тетіктерін күшейту. Ел тағдырына бей-жай қарамайтын әрбір адам өз таңдауын жасап, осы науқанға атсалысуы керек», – деді Мәжіліс депутаты Балайым Кесебаева.
</blockquote>
Сондай-ақ отырыста қатысушылар еліміздің Ата заңына енгізілетін нақты нормалардың маңыздылығына тоқталды.
Атап айтқанда, олар суперпрезиденттік модельден президенттік республикаға түпкілікті көшу, бірқатар билік өкілеттіктерін қайта бөлу, Парламенттің рөлі мен мәртебесін күшейтуді қамтамасыз ету, сайлау жүйесін реформалау мен жаңа саяси партиялардың құрылуы.
<blockquote>
 «Бұл референдум әр қазақстандыққа өз пікірін білдіруге мүмкіндік береді. Ел тұрғындары мемлекетті басқару процесіне араласа алады. Референдумға қатысып, ой-пікірлеріңізді ашық айту, қоғамға үн қосу еліміздің жарқын болашағына, жаңа өміріне қадам жасайтын маңызды күн болмақ», – деді облыстық штаб төрағасы Ләйлә Төрешова.
</blockquote>
Республикалық штаб өкілдерімен жоспарланған жұмыстар алдағы күндері де жалғасады.
<img src="https://kyzylorda-news.kz/wp-content/uploads/2022/05/img-20220513-wa0096.jpg" alt="" />

Қазақстан және Қызылорда облысының жаңалықтары

Ең ұзақ өмір сүретін жапондардың бақыт туралы түсінігі қандай?

Қызылорда қаласын дамытудың өзекті мәселелері талқыланды

15 мамырға арналған ауа райы болжамы

Қызылордада алтын құрсақты аналар ардақталды

Денсаулыққа зиян деп жүрген тағамдардың пайдасы

Кофені қай уақытта ішкен дұрыс – дәрігер кеңесі

Қызылордалық Гүлсая Ержан әлем чемпионатын жеңіспен бастады

Тамара Дүйсенова: Мен қазақстандықтардың зейнетке ерте шығуына қарсы емеспін

Қазақстанда стелс-омикрон штамы анықталды

Қызылорда облысында эпизоотиялық жағдай тұрақты

Референдумды қолдау мақсатында кездесу өтті

Референдумға қатысты ғалымдар мен заңгерлер пікірі тыңдалды

Қазақстан және Қызылорда облысының жаңалықтары

Ең ұзақ өмір сүретін жапондардың бақыт туралы түсінігі қандай?

Қызылорда қаласын дамытудың өзекті мәселелері талқыланды

15 мамырға арналған ауа райы болжамы

Қызылордада алтын құрсақты аналар ардақталды

Денсаулыққа зиян деп жүрген тағамдардың пайдасы

Кофені қай уақытта ішкен дұрыс &#8211; дәрігер кеңесі

Қызылордалық Гүлсая Ержан әлем чемпионатын жеңіспен бастады

Тамара Дүйсенова: Мен қазақстандықтардың зейнетке ерте шығуына қарсы емеспін

Қазақстанда стелс-омикрон штамы анықталды

Қызылорда облысында эпизоотиялық жағдай тұрақты

Референдумды қолдау мақсатында кездесу өтті

Референдумға қатысты ғалымдар мен заңгерлер пікірі тыңдалды

Кофені қай уақытта ішкен дұрыс – дәрігер кеңесі