Kyzylorda-news.kz. ҚР Ұлттық экономика министрлігі Табиғи монополияларды реттеу комитетінің Қызылорда облысы бойынша департамент басшысы қызметіне Зерипбаев Мирас Максетұлы тағайындалды.
Мирас Зерипбаев осы уақытқа дейін Алматы қаласы бойынша департамент басшысының орынбасары қызметін атқарды, онда 2021 жылдан бастап осы лауазымда жұмыс істеді.
Монополияға қарсы саладағы жұмысты 2017 жылдан бастап жасай бастады, ведомствоның орталық аппаратта сарапшыдан бастап аумақтық бөлімшелерінде басшының орынбасарына дейінгі лауазымдарды атқарды.

Табиғи монополияларды реттеу комитетінің Қызылорда облысы бойынша департамент басшысы тағайындалды

<a href="https://kyzylorda-news.kz/">Kyzylorda-news.kz.</a> Қызылордада суға батып бара жатқан азамат <a href="https://www.facebook.com/100005965815856/videos/971418056853219">құтқарылды</a>.
15 мамыр күні сағат 17:00 шамасында өрт сөндіру бөлімінің қызметкерлері Сырдария өзеніне рейд жұмыстарын жүргізу барысында өзенге белгісіз адамның батып, жағаға шыға алмай жатқанын аңғарды.
Күшейтілген рейдте жүрген №7 өрт сөндіру бөлімінің қызметкерлері Бақытжан Қуанышов, Шыңғыс Сайынов, Нұрлыбек Қалабаев дереу құтқаруға кіріседі.
Қызметкерлердің көмегімен дарияның орта шенінде батып бара жатқан 1973 жылғы азамат жағаға шығарылды. Суға тұншыққан азаматқа өрт сөндірушілер алғашқы медициналық көмек көрсетті.

Қызылордада суға батып бара жатқан азамат құтқарылды (ВИДЕО)

<a href="https://kyzylorda-news.kz/">Kyzylorda-news.kz.</a> 17-19 мамыр аралығындағы күндерге арналған ауа райы болжамы жарияланды.
Алдағы үш тәулікте Қара Теңіз ауданынан ауысатын циклон, еліміздің ауа райын анықтайтын болады. Осыған байланысты еліміздің көптеген облысында жаңбыр күтіледі: 18-19 мамырда оңтүстікте, оңтүстік-шығыста, 19 мамырда солтүстікте қатты жаңбыр жауады. Республика бойынша найзағай, бұршақ, желдің күшеюі, оңтүстік-батыста шаңды дауыл болжанады.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қазақстан азаматы Ақжарқын Тұрлыбай 2014 жылы Гуанчжоу әуежайында есірткі сатпақ болды деген күдікпен ұсталған. Ол Қытай түрмесінде өмір бойына бас бостандығынан айыру жазасына кесілген еді. Тұрлыбайды осы жылы Қазақстанға экстрадициялайды деп күтуде, деп хабарлайды&nbsp;<a href="https://stan.kz/">Stan.kz</a>.
Бұл жөнінде заңгер, Sezimtal қоғамдық қорының құрылтайшысы Сұңқар Нұрмағамбетов&nbsp;<a href="https://www.facebook.com/advocatekz/posts/4835818189857057">Facebook</a>&nbsp;парақшасында жазды. Ол Ақжарқынмен бірге дәл осындай жағдайға ресейлік Мария Дапирканың да тап болғанын атап өтті. Қыздардың туған жерлеріне биыл оралуларына мүмкіндік туып отыр.
«2014 жылы Ақжарқын Тұрлыбай Гуанчжоу әуежайында ұсталған. Дәл сол жылы Хошимин қаласында (Вьетнамның оңтүстігіндегі қала – ред.) Ростов қаласының тұрғыны Мария Дапирка тұтқындалды. Орталық Азия мемлекеттері арасындағы есірткі айналымын реттеу органы қыздарды нигериялық есірткі сату тобының құрбандары болды деп таныған, олардың екеуі де сотталған және өмір бойына бас бостандығынан айырылған. Ал Ақжарқын Тұрлыбайды Қазақстанға жақын арада табыстайды деп күтеміз. Мария Дапирканың трансферіне пандемияның және әлемдегі Ресей Федерациясының жағдайы әсер етуі мүмкін. Қыздардың туған жеріне оралуының оңтайлы мүмкіндігі туып тұр», – деп жазады Сұңқар Нұрмағамбетов.
Еске салайық, Ақжарқын Тұрлыбай 2014 жылы Алматыдан Қытайға, Гуанчжоуға аттанған. Бұл сапарға шығуға қызды арасында Нигерия азаматтары болған достары итермелеген. Олар Ақжарқыннан фирмалық киімдерді Гуанчжоудан Малайзияға салып жіберуге қолқа салған. Бірақ Гуанчжоудан кеткен бойда қыз ұсталып, оның чемоданынан есірткі табылады.
Тұрлыбайдың айтуынша, ол чемоданның ішінде не бар екенін білмеген. Нигериялық есірткінің заңсыз айналымын ұйымдастырушы А.Н. сол күйі ұсталмаған, ал оның сыбайласы Ақжарқын Тұрлыбайға қарсы куәлік бермеген.
2019 жылдың соңында Гуанчжоуда Тұрлыбайға қатысты үкім шығып, сот оны өмір бойына бас бостандығынан айыру жазасына кеседі.
Ақжарқынның адвокаты Сұңқар Нұрмағамбетов бұған дейін Қазақстан мен Қытай арасында сотталғандарды отанына жіберу туралы келісім болғанын еске салған болатын. Сол заңның аясында қызды үйіне қайтаруға мүмкіндік тумақ.

Қытай түрмесінде 8 жыл отырған Ақжарқын Тұрлыбай Қазақстанға қайтарылады

<a href="https://kyzylorda-news.kz/">Kyzylorda-news.kz.</a>&nbsp;Қызылордада көктемгі мерзімді әскери қызметке шақыру жұмыстары жалғасып жатыр.
Мерзімді қызметке шақыру науқаны биылғы жылдың 30 маусымына дейін жалғасады. Осы көктемде Қызылорда облысынан 700-ге жуық жасты әскерге жіберу жоспарланған. Бүгінде Сыр өңірінен 300-ден астам жас Отан қорғауға аттанып үлгерді.
Мерзімді әскери қызметке шақыру барысында жастардың мамандығы мен денсаулығына барынша мән берілуде. Сондай-ақ әскерге баруға ниет білдірушілердің саны артқаны байқалады.
<blockquote>
 «Қазір жастарды Қарулы күштерге қарасты әскери бөлімдерге мерзімді қызметке шақыру жұмыстары жүріп жатыр. Сыр елінің азаматтары ішінен Отан алдындағы борышын өтеуге белсенділік танытқан жастар жетерлік», – дейді Қызылорда облысының Қорғаныс істері жөніндегі департаменті жасақтау басқармасы мерзімді әскери қызметке әскерге шақыру бөлімінің бастығы майор Жасұлан Шанқұлов.
</blockquote>
Қарулы күштер қатарына дене дайындығы жақсы, психологиялық тест нәтижелері жоғары жастар алынып жатқанын айта кеткен жөн.
<img src="https://kyzylorda-news.kz/wp-content/uploads/2022/05/asker-1.jpg" alt="" />

Қызылордада әскерге шақыру жұмыстары жалғасып жатыр

<a href="https://kyzylorda-news.kz/">Kyzylorda-news.kz.</a> Осы дүйсенбіде, 16 мамырда қазақстандық банктер жылдық 4 процентпен жеңілдетілген автокредит бере бастайды.
Банктер корпоративтік рәсімдерді жүргізіп, өнеркәсіпті дамыту қорымен келісімшартқа отырды.
Қазақстанның бес екінші деңгейлі банкі жеңілдетілген автокредит береді. Мемлекет “Жасыл Даму” шотынан тиімді автокредитке 100 миллиард теңге бөлді. Қазақстанның өңірлеріндегі автобус парктерін жаңартуға шамамен 30 миллиард теңге бағытталады.
Жеңілдетілген автокредит алу шарттары
Үкімет жеңілдетілген автокредит бағдарламасының негізгі шарттарын бекітті:
сыйақы мөлшерлемесі – 4%;
кредит сомасы – 10 миллион теңгеден аспайды;
қаржыландыру мерзімі – 7 жылдан аспайды;
бастапқы жарна – 0%-тен бастап;
көлік құралының құны – 15 миллион теңгеден аспайды.
Қаржыландырудың ашықтығын қамтамасыз ету үшін міндетті шарт көзделген. Оған сәйкес екінші деңгейлі банктерде қарыз алушыларға қаржыландыруды ұсынудың мәртебесі мен мерзімін қадағалайтын автоматтандырылған жүйе болуға тиіс.
Сондай-ақ қарыз алушыға екі жылдың ішінде бір реттен артық автокредит алуға тыйым салынады.
Халықтың әлеуметтік осал топтарындағы азаматтардың автокредит алуға басым құқығы болады.
<a href="https://sputnik.kz/20220516/zhenildetilgen-avtokredit-bagdarlama-24825512.html">Sputnik.kz</a>

Жеңілдетілген автокредит бағдарламасы іске қосылды

<a href="https://kyzylorda-news.kz/">Kyzylorda-news.kz.</a> Қызылордада қаңтар оқиғасы кезінде полицияның ғимаратына қарулы шабуыл жасаған 3 азамат ұсталды.
Жедел іс-шаралар жүргізу барысында полиция прокуратура органдарымен бірлесіп, ағымдағы жылдың 5 қаңтар күні адамдар тобы болып Жергілікті полиция қызметі басқармасының ғимаратына атыс қаруын қолданып, қарулы шабуыл жасаған Қызылорда қаласының 3 тұрғынын ұстады. Олар қамаққа алынды. Ұсталғандардан қару тәркіленді. Бұл дерек бойынша сотқа дейінгі тергеп – тексеру әрекеттері жалғасуда.

Қаңтар оқиғасы: Қызылордада қарулы шабуыл жасаған 3 тұрғын ұсталды (ВИДЕО)

<a href="https://kyzylorda-news.kz/">Kyzylorda-news.kz.</a> Қазақ өнері орны толмас қайғыға ұшырады.
Ғибратты ғұмырын театрға арнаған Сыр өңірінің тумасы, театр және кино актері, Қазақстанның еңбек сіңірген артисі Сағат Жылгелдиев мәңгілік сапарға аттанды.

Театр және кино актері Сағат Жылгелдиев дүниеден өтті

<a href="https://kyzylorda-news.kz/">Kyzylorda-news.kz.</a> 16 мамырда солтүстік-батыс циклонының әсерінен Қазақстан аумағының басым бөлігінде құбылмалы күн райы сақталады, онымен найзағай, жаңбыр, солтүстік-батыста қатты жаңбыр күтіледі, деп хабарлайды Қазгидромет.
Тек елдің оңтүстігі мен орталығында антициклон жотасы ашық ауа райын қалыптастырады. Республика бойынша желдің күшеюі, солтүстікте, солтүстік-батыста, оңтүстік-шығыста дауыл, бұршақ, оңтүстікте, оңтүстік-батыста шаңды дауыл, солтүстік-батыста, шығыста тұман сақталады.
Күндіз&nbsp;Қызылорда облысының&nbsp;солтүстігінде желдің жылдамдығы 15-20 м/с күшейіп, шаңды дауыл тұрады.

Дүйсенбі күнге арналған ауа райы болжамы

Kyzylorda-news.kz. Бұрынғы Қорғаныс министрі Мұрат Бектанов биылғы 22 ақпаннан бері қамауда отыр, деп хабарлайды ҚазАқпарат.
«2022 жылдың 19 ақпанынан бастап аталған адамға қатысты Бас прокуратура сотқа дейінгі тергеу жүргізіп келеді, күдіктінің іс-әрекеттері ҚР Қылмыстық кодексінің 451-бабының 3-бөлігі (билікті асыра пайдалану) бойынша қарастырылуда», – деп жауап берді Бас прокуратура.
Осы бапқа сәйкес, әскери жағдайда билікті асыра пайдаланғаны үшін мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айырылып, 7 жылдан 15 жылға дейін бас бостандығынан айыруға жазаланады.Бас прокуратура тергеу мүддесі үшін басқа ақпарат жария етілмейтінін айтты.
Еске салсақ, 19 қаңтар күні Мұрат Бектанов ҚР Қорғаныс министрі лауазымынан босатылған еді. Мемлекет басшысы Қасым-Жомарт Тоқаев министрдің командирлік қабілет көрсете алмағанын сынға алды.
<blockquote>
 «Қаңтар оқиғасы кезінде Қарулы Күштер өзіне сенімсіз әрі қабілетсіз басшылығының кесірінен жүктелген міндеттерді тиісті деңгейде атқара алмады. Министр Бектанов командирлік қабілетін көрсете алмады. Командалық-штабтық және әскери жаттығулар кезінде оң нәтиже көрсеткен армиямыз бола тұра, сын сағатта оның әлеуетін пайдалана алмадық. Сырттан көмек шақыруға мәжбүр болдық, – деді Президент.
</blockquote>
Ақпан айында М. К. Бектанов осы қылмысты жасады деген күдікпен ұсталып, уақытша ұстау изоляторына қамалды.

Бұрынғы Қорғаныс министрі 15 жылға дейін сотталуы мүмкін

Kyzylorda-news.kz. Бүгін Мемлекет басшысы Қасым-Жомарт Тоқаев Абу-Дабиге арнайы ұшып барып, Біріккен Араб Әмірліктерінің Президенті шейх Халифа бин Зайд Әл Нахаянның қайтыс болуына байланысты көңіл айтты.
Бұл – Қазақстанның шынайы досы болған шейх Халифаға деген Мемлекет басшысының құрметі. Өйткені, ол аймақтық және халықаралық қоғамдастықтағы еліміздің бастамалары мен ірі жобаларына әрдайым жан-жақты қолдау көрсетті.
Мәселен, Шейх Халифа Зайд Әл Нахаян Нұр-Сұлтан қаласындағы мектеп құрылысына 13 миллион доллар, Шымкенттегі перинатальді орталыққа 25,5 миллион доллар, сондай-ақ «Қарағанды-Нұр-Сұлтан» автожолын қайта жөндеуге 22 миллион доллар грант бөлді.
Коронавирус пандемиясының қиын-қыстау кезінде Әмірліктер Қазақстанға бірінші болып көмек қолын созды. Атап айтқанда, 100 тонна медициналық бұйым мен қорғаныш заттары, арнаулы киімдер және басқа да құрал-жабдықтар жіберді. Шейх Халифаның қолдауымен Қазақстан мен Әмірліктер арасында сауда-экономикалық ынтымақтастық қарқынды дамыды.
2005-2021 жылдар ішінде Әмірліктерден Қазақстанға тартылған жалпы тікелей инвестиция 2,6 миллиард долларды құрады.
Бүгінде Қазақстанда Әмірліктер капиталының қатысуымен 276 бірлескен кәсіпорын жұмыс істейді.
Сондай-ақ, Елордада құны 1,6 миллиард долларды құрайтын көпфункционалды «Абу Даби Плаза» кешенінің құрылысы жүріп жатыр. Бұл – аса ірі екіжақты инвестициялық жоба.
Қасым-Жомарт Кемелұлы айтқандай, қазақстандықтар шейх Халифаны парасатты басшы, халықаралық деңгейдегі беделді саясаткер, көрнекті мемлекет қайраткері, екіжақты ынтымақтастықты нығайтуға зор еңбек сіңірген тарихи тұлға ретінде әрдайым есінде сақтайды.
Сондай-ақ, мемлекет басшысы «Қасру-л Мушриф» сарайында жаңадан сайланған БАӘ Президенті Мұхаммад ибн Заид Әл Нахайянды құттықтап, оның жұмысына сәттілік, халқына өркендеу тіледі.
Айта кетерлік жайт, бүгін Біріккен Араб Әмірліктеріне басқа да әлем лидерлері келіп көңіл айтып жатыр. Мәселен, Ұлыбритания Премьер-министрі Борис Джонсон, Франция Президенті Эммануэль Макрон, АҚШ вице-президенті Камала Харрис және т.б. лауазымды тұлғалар.

Мемлекет басшысы Абу-Дабиге барды

Kyzylorda-news.kz. Нұр-Сұлтан қаласында өтіп жатқан Киокушин KWU каратэден Азия Чемпионатының алғашқы күнінде Ката бағдарламасы бойынша ересектер арасында Сыр спортшысы Мейрамбек Мади II орын иеленді.
Мади олимпиадалық емес спорт түрлерінен жоғары спорт шеберлігі мектебінің Киокушинкай-кан каратэ бөлімшесінің спортшы. Оның жаттықтырушысы Бауыржан Мұханов.
<img src="https://kyzylorda-news.kz/wp-content/uploads/2022/05/fb_img_1652597049104.jpg" alt="" />

Қазақстан және Қызылорда облысының жаңалықтары