<a href="https://kyzylorda-news.kz/">Kyzylorda-news.kz</a> Бас прокуратурада Берік Асыловтың төрағалығымен отандық және шетелдік инвесторлар өкілдерінің қатысуымен инвестицияларды қорғау жөніндегі форум өттіФорум жұмысына Қазақстан Республикасы Президент Әкімшілігінің, Үкіметтің, Парламент Мәжілісінің, «Атамекен» ұлттық кәсіпкерлер палатасының, Біріккен Ұлттар Ұйымының, Еуропадағы қауіпсіздік және ынтымақтастық ұйымының, Қазақстан инвесторлары қауымдастығының өкілдері, сондай-ақ Еуропалық Одақтың елшісі қатысты.Сонымен қатар, бейнеконференция байланысы арқылы форумға өңірлердің әкімдері мен прокурорлары, сондай-ақ бизнес өкілдері қатысты.

Инвестицияларды қорғау жөніндегі форум өтті

<a href="https://kyzylorda-news.kz/">Kyzylorda-news.kz</a> Өңірде полиция, БАҚ өкілдерінің және жергілікті атқарушы органдардың қатысуымен ауқымды жедел-профилактикалық рейдтер жүргізілуде.&nbsp;Қоғам тыныштығы мен қауіпсіздігін сақтау — құқық қорғау органдарының басты міндеті. Ал осы жолда халық пен билік арасындағы сенімді арттыруда БАҚ-тың рөлі ерекше. Себебі журналистер рейд барысын көпшілікке шынайы әрі ашық түрде көрсетеді.&nbsp;Мұндай бірлескен іс-шаралар барысында қала көшелеріндегі тәртіп, қоғамдық орындардағы қауіпсіздік, жол қауіпсіздігі, заң бұзушылықтардың алдын алу мәселелері басты назарға алынды. &nbsp;Рейд барысында тәртіп сақшыларымен барлығы 358 әкімшілік құқық бұзушылықтың жолы кесілді. Мысалы қоғамдық орындарға масаң күйде келудің 64 дерегі, ортақ пайдаланылатын орындарды ластаудың - 5, тыныштықты бұзудың 44 дерегінің жолы кесілді. Құқық бұзушылықтың дер кезінде жолын кесу, алдын алу және әрбір тәртіп бұзушыны жауапқа тарту жауапкершілікті қалыптастырудың, халықтың құқықтық мәдениетін арттыру жөніндегі жүйелі жұмыстың маңызды құралы болып табылады.Сонымен қатар 42 жасөспірім заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болған.Баланы кешкі уақытта жалғыз жіберу арқылы оны қауіп-қатерге ұшыратып қана қоймай, заңды бұзуға дейін барады. Өйткені көбіне түнгі уақытта ересектердің еріп жүруінсіз жүрген кәмелетке толмағандармен және оларға қарсы жасалатын құқық бұзушылықтар мен қылмыстар жасалатыны жасырын емес. &nbsp;Рейд барысында ойын – сауық орындарында &nbsp;жастар арасында кальян тұтынуға жол берілмеді: темекі өнімдерін, оның ішінде кальянды тұтынудың 6 дерегінің жолы кесілді.Осындай бақылау мен түсіндіру жұмыстары жасөспірімдер арасындағы құқық бұзушылықтың азаюына, сондай-ақ олардың бос уақытын тиімді әрі қауіпсіз өткізуіне ықпал етеді.Рейд барысында 3 сәуір күні облыс орталығында полиция қызметкерлері есірткі құралдарын заңсыз сақтау, тасымалдау және тарату фактісінің жолын кесті. &nbsp;Бұл дерек бойынша қылмыстық іс қозғалып, тергеу жүргізілуде. Бұл дер кезінде қабылданған шаралар одан да ауыр салдардың алдын алуға мүмкіндік береді. &nbsp; &nbsp; &nbsp;&nbsp;<blockquote>«Қызылорда облысының Полиция департаменті қоғамдық тәртіп пен қауіпсіздікті қамтамасыз ету бағытындағы жұмыстарды тұрақты түрде жалғастырып келеді. Себебі мұндай шаралар халыққа құқықтық мәдениеттің маңызын түсіндіруге ықпал етпек. &nbsp;Өңірде жүргізіліп жатқан жүйелі профилактикалық шаралар мен бақылау жұмыстарының нәтижесінде «Заң мен тәртіп» толық орнатылған» деді Қызылорда облысы Полиция департаментінің бастығы С.Ергешов.</blockquote>

Полиция қызметкерлері журналистермен бірлесіп ауқымды рейд жұмыстарын жүргізді

<a href="https://kyzylorda-news.kz/">Kyzylorda-news.kz</a> Қазалы ауданында жасөспірімдер арасындағы құқық бұзушылықтардың алдын алу бағытындағы жұмыстар жүйелі түрде жалғасуда. Осы мақсатта аймақ басшысы Нұрлыбек Нәлібаевтың тапсырмасына сәйкес түнгі рейдтік шаралар тұрақты ұйымдастырылып, қоғамдық орындарда тәртіпті сақтау басты назарға алынып келеді.Кезекті рейдтік жұмыстарды Аудандық қоғамдық даму бөлімінің басшысы Жәнібек Әлиев жетекшілік ететін топ жүргізді. Рейд барысында арнайы топ мүшелері кешкі уақыттан бастап Әйтеке би кентіндегі ойын алаңдарын, саябақтарды, ойын-сауық орталықтарын, компьютер клубтарын, сондай-ақ тамақтану орындарын аралап, қоғамдық тәртіптің сақталуын бақылауға алды.Іс-шара барысында кәмелетке толмаған жасөспірімдерге түсіндірме жұмыстары жүргізіліп, олардың ата-аналарына тиісті ескертулер берілді. Сонымен қатар, түнгі уақытта қараусыз жүрген оқушылардың қауіпсіздігі басты назарда болды. Рейдтік топ құрамында құқық қорғау органдарының өкілдері, білім беру саласының қызметкерлері және тиісті бөлім мамандары қамтылды.<img src="https://knadmin.beoblood.kz/uploads/Rejd_auipsizdik_2_08226dea22.jpg" alt="Рейд қауіпсіздік 2.jpg">

Жасөспірімдер қауіпсіздігі қатаң бақылауда

<a href="https://kyzylorda-news.kz/">Kyzylorda-news.kz</a> &nbsp;Аймақ басшысы Нұрлыбек Нәлібаевтың тапсырмасымен облыс әкімінің орынбасары, Қазақстан Республикасы Президентінің Байқоңыр кешеніндегі арнаулы өкілі Қайрат Нұртай Арал ауданына жұмыс сапарымен барып, әлеуметтік-инфрақұрылымдық нысандар жұмысымен танысты.Алдымен «Келешек мектептері» ұлттық жобасымен салынған 300 орындық №292 орта мектебіне барды. Мектеп заманауи талаптарға сай жабдықталған, кең әрі жарық сыныптарымен, пәндік-зертханалық кабинеттерімен ерекшеленеді. Физика, химия және биология кабинеттері тәжірибелік жұмыстар жүргізуге арналған арнайы құрал-жабдықтармен, заманауи зертханалық құрылғылармен толық қамтамасыз етілген. Информатика кабинеттерінде жаңа үлгідегі компьютерлер, интерактивті тақта және жоғары жылдамдықты интернет желісі қолжетімді.Қайрат Нұртай көпбейінді аудандық аурухана жанындағы 25 төсектік жұқпалы аурулар бөлімшесінің жұмысымен танысып, «Қамқорлық» оңалту орталығына да барды. Ғимарат 289 млн теңгеге қайта жаңғыртылған. «Қазақстан халқына» қоры қажетті құрал-жабдықтармен қамтамасыз етті. Орталықта балаларға мамандандырылған оңалту қызметтері көрсетіледі, сумен емдеу, шунгит, сенсорлық, интерактивті және тұзды шахта бөлмелері қарастырылған. Сонымен қатар, емдік дене шынықтыру, механотерапия және ойын залдары бар, логопед, дефектолог, психолог мамандар қызмет көрсетеді.Сапар барысында әлеуметтік осал топтарға арналған тұрғын үйлердің қазіргі жай-күйі де назардан тыс қалмады. Айта кетейік, өткен жылы Арал қаласында осы санаттағы 60 отбасы жаңа баспанамен қамтамасыз етілген болатын.<img src="https://knadmin.beoblood.kz/uploads/leumettik_infra_rylymdy_nysandar_2_2503129eea.jpg" alt="Әлеуметтік-инфрақұрылымдық нысандар 2.jpg">

Аралдағы әлеуметтік-инфрақұрылымдық нысандар жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда облыстық мәслихатындағы «AMANAT» партиясы депутаттық фракциясы жетекшісінің орынбасары Мақсұт Нәлібаев партия алаңында азаматтарды жеке қабылдады.Қабылдау барысында тұрғындар тарапынан бірқатар өзекті мәселелер көтерілді. Атап айтқанда, Ә.Қоңыратбаев көшесінің тұрғындары аталған көшеде көлік қозғалысының артуына байланысты қауіпсіздік мәселесін көтерді. Тұрғындар жол қозғалысын реттеу, түнгі жарық шамдарын орнату және қазба жұмыстарынан кейін қайта қалпына келтірілмеген асфальт мәселесін шешуді сұрады. Өз кезегінде бұл мәселе бойынша қосымша зерттеу жүргізіліп, тиісті мекемелерге жазбаша өтініш жолдау ұсынылды. Сонымен қатар, қала әкімдігі мен әкімшілік полиция қызметімен бірлесіп жұмыс жасалатыны түсіндірілді.Сондай-ақ, Талсуат ауылдық округінің тұрғындары елді мекенде ауыз су мен табиғи газдың жоқтығы күнделікті тұрмысқа айтарлықтай қиындық туғызатынын жеткізді. Осыған байланысты орталықтандырылған ауыз су жүйесімен және табиғи газбен қамтамасыз ету мәселесі көтерілді. Жауап ретінде аталған мәселе толық зерделеуді қажет ететіні айтылып, тұрғындарға қала әкімінің қабылдауына кіру ұсынылды.Қабылдау барысында көтерілген барлық мәселелер бойынша тиісті түсіндірмелер беріліп, олардың шешілуі бақылауда болатыны айтылды.

Азаматтарды қабылдап, ұсыныстарын тыңдады

<a href="https://kyzylorda-news.kz/">Kyzylorda-news.kz</a> Лазерлік тегістеу – егістік алқаптың жер бедерін жоғары дәлдікпен тегістеуге мүмкіндік беретін озық технология. Бұл әдіс арнайы лазерлік құрылғылар мен автоматтандырылған техниканың көмегімен жүзеге асырылады. Нәтижесінде жер беті мінсіз деңгейде тегістеліп, су ресурстарын тиімді пайдалануға жол ашылады.Бүгінде бұл технология су тапшылығы өзекті болып отырған өңірлер үшін аса маңызды. Себебі, тегістелген алқапта су біркелкі таралып, әрбір дақыл қажетті мөлшерде ылғал алады. Бұл өз кезегінде егін өнімділігін арттырып, шығынды азайтады.Ағымдағы жылы Шиелі ауданы бойынша 10 000 гектар жер лазерлік тегістеуден өткізілуде. Бұл жұмыстарға заманауи 45 дана лазерлік тегістегіш техника жұмылдырылған. Ауыл шаруашылығы құрылымдары жаңа технологияны кеңінен енгізу арқылы өндіріс тиімділігін арттыруда.Жерді лазерлік тегістеу – жоғары өнімділікке қол жеткізудің, су ресурстарын үнемдеудің және аграрлық саланың тұрақты дамуын қамтамасыз етудің маңызды тетігі. Дұрыс тегістелген алқап – мол өнім мен үнемділіктің кепілі.Қазіргі таңда лазерлік тегістеу технологиясы – фермерлер үшін табысты арттырудың, шығынды азайтудың және заманауи егіншілікті дамытуға бағытталған сенімді шешімдердің бірі.

Жерді лазерлік тегістеу – заманауи егіншіліктің тиімді шешімі

<a href="https://kyzylorda-news.kz/">Kyzylorda-news.kz</a> Көктем-жаз мезгілдерінің келуімен орман және дала өрттерінің туындау қаупі күрт артады. Құрғақ шөптің көбеюі, жоғары температура, желдің күшеюі және адам факторлары табиғи өрттердің негізгі себептері болып табылады. Мұндай төтенше жағдайлар тек табиғатқа ғана емес, адам өміріне, ауыл шаруашылығына және ел экономикасына да орасан зиян келтіреді.Статистикалық деректерге сүйенсек, орман және дала өрттерінің басым бөлігі адамдардың салғырттығынан орын алады. Атап айтқанда, сөндірілмеген от, бей-берекет жағылған қоқыс, темекі тұқылын тастау, құрғақ шөпті әдейі өртеу сияқты әрекеттер қайғылы жағдайларға әкелуде.Осыған байланысты Қызылорда облысында орман-дала өрттерінің алдын алу мақсатында кешенді профилактикалық жұмыстар жүргізілуде. Төтенше жағдайлар департаменті орман шаруашылығы мекемелерімен және жергілікті атқарушы органдармен бірлесіп, рейдтік іс-шараларды күшейтті. Өрт қаупі жоғары аймақтарда мониторинг жүргізіліп, минералданған жолақтар жасалуда.Сонымен қатар, ауыл тұрғындары мен шаруа қожалықтарына түсіндіру жұмыстары кеңінен ұйымдастырылуда. Халыққа өрт қауіпсіздігі ережелерін сақтау қажеттілігі туралы жадынамалар таратылып, бұқаралық ақпарат құралдары мен әлеуметтік желілер арқылы ақпараттық-насихат жұмыстары күшейтілді.Мамандар келесі қауіпсіздік шараларын қатаң сақтауды ескертеді:<ul><li style="text-align:justify;">Орман мен дала аумағында ашық от жақпау;</li><li style="text-align:justify;">Шөп пен қоқысты рұқсатсыз өртемеу;</li><li style="text-align:justify;">Темекі қалдықтарын бей-берекет тастамау;</li><li style="text-align:justify;">Балаларды қараусыз қалдырмау;</li><li style="text-align:justify;">Өрт байқалған жағдайда дереу 101 немесе 112 нөміріне хабарлау.</li></ul>Табиғатты қорғау – әрбір азаматтың борышы. Өрттің алдын алу – оны сөндіруден әлдеқайда тиімді әрі қауіпсіз. Сондықтан қарапайым қауіпсіздік талаптарын сақтау арқылы біз үлкен апаттардың алдын ала аламыз.Орман мен дала – болашақ ұрпаққа аманат. Оны өрттен бірге қорғайық!Фото: freepik.com

Орман мен дала өрттерінің алдын алу – ортақ міндет

<a href="https://kyzylorda-news.kz/">Kyzylorda-news.kz</a> Бүгін Тәжік-Ауған шекарасынан қазақстандық әскерилердің шығарылғанына 25 жыл толуына және 7 сәуір – «Ерлік күніне» орай Қазалы мәдени – демалыс кешеніндегі «Тағзым» аллеясында әскери қақтығыстарда қаза тапқан жауынгерлерді еске алуға арналған тағылымды іс-шара өтті.Іс-шарада аудан әкімі Алмасбек Есмаханов, аудандық мәслихат төрағасы Ғазиз Әліш, аудандық мәслихат депутаттары, ел ағалары және Тәжік шекарасында әскери қызметін өтеген ардагерлер мен жас сарбаздар Тәжік-Ауған соғысының ардагерлеріне арналған ескерткішке гүл шоқтарын қойып, ерлікпен қаза тапқан азаматтарды бір минут үнсіздікпен еске алды. Сондай-ақ рухтарына арнап құран бағыштады.&nbsp;Еске алу рәсімінде аудан әкімі Алмасбек Әбілқасымұлы елден жырақ шекара шебінде жүріп, ел тыныштығы жолында күрескен азаматтардың еңбегі мен ерлігі жайында айтып сөз қозғады.<img src="https://knadmin.beoblood.kz/uploads/T_zhik_Au_an_so_ysy_25_zhyl_3_1caecdcc0d.jpg" alt="Тәжік-Ауған соғысы 25 жыл 3.jpg"><blockquote>– Тәжік шекарасына біздің ауданымыздан 26 азамат аттанып, әскери борыштарын өтеді. Өкінішке қарай, қақтығыстар кезінде сол ерлердің бірі Отан алдындағы борышын өтеу барысында жерлесіміз Есетов Қанат жат жерде ерлікпен қаза тапты. Тағы үш азаматымыз елге аман оралғанымен, кейіннен өмірден өтті. 1995 жылдың 7 сәуірінде Дарваз ауданындағы Пшихавар тау шатқалында қанды шайқас болып, Қазақстандық жетінші біріктірілген ротаның жауынгерлері тосыннан жасалған шабуылға тап болып, бес сағат бойы ерлікпен қарсы тұрды. Сол ұрыста 17 жауынгеріміз ерлікпен қаза тауып, ондаған сарбаз жарақат алды. Пшихавар тау шатқалында болған шайқасқа қатысқан қазақстандық ротаның ішінде қазалылық Оңталап Кашимовта болып, ерліктің үлгісін көрсетіп, елімізге аман-есен оралды. Бүгінгі таңда ауданымызда тәжік-ауған шекарасындағы қақтығыстың 22 ардагері ортамызда. Олар — тірі тарих, ерліктің куәсі, батырлықтың белгісі. Сын сағатта ел қорғаған ерлердің өнегелі жолы бүгінгі және келер ұрпақ жадында мәңгі сақталады, – деді аудан әкімі.</blockquote>Жиында Ардагерлер одағының Тәжік-Ауған шекарасында жауынгерлік қимылдарына және әскери қақтығыстарына қатысушылардың Қазалы аудандық қоғамдық бірлестігінің төрағасы Руслан Баймбетов сөз сөйлеп, қарулы қақтығыс кезеңіндегі естеліктермен бөлісті.Айта кету керек, осыдан 33 жыл бұрын, яғни 1993 жылы қаңтар айында Тәуелсіз Мемлекеттер Достастығына мүше елдердің басшылары тәжік-ауған шекарасын заңсыз қарулы топтардан бірлесіп қорғау туралы маңызды келісімге қол қойды. Бұл келісім – өңірлік тұрақтылық пен қауіпсіздікті қамтамасыз етудегі маңызды қадамдардың бірі болды. Осы міндетті орындау мақсатында Қазақстан Республикасынан арнайы құрама батальон жасақталып, оның құрамында Қорғаныс министрлігі, Ұлттық қауіпсіздік комитетінің Шекара қызметі және Ішкі істер министрлігінің Ішкі әскерлерінен құралған жауынгерлер 8 жыл бойы тәжік-ауған шекарасында қызмет атқарды. Осы жылдар ішінде 2 мыңнан астам қазақстандық сарбаз бен офицер ТМД-ның оңтүстік шекарасын қорғауға қатысып, бауырлас Тәжікстан халқына көмек көрсетті. Олар тек әскери міндетін ғана орындап қойған жоқ, сонымен қатар адамгершілік пен достықтың, халықаралық ынтымақтастықтың үлгісін көрсетті.<img src="https://knadmin.beoblood.kz/uploads/T_zhik_Au_an_so_ysy_25_zhyl_4_5203fffcc0.jpg" alt="Тәжік-Ауған соғысы 25 жыл 4.jpg">

Майданда қаза тапқан жауынгерлерді еске алды

<a href="https://kyzylorda-news.kz/">Kyzylorda-news.kz</a> Аймақ басшысының тапсырмасымен облыс әкімінің бірінші орынбасары Данияр Жаналинов Жалағаш ауданына жұмыс сапарымен барып, елді мекендердегі жол құрылысы, пайдалануға берілген және қайта жаңғыртудан өткен ғимараттардың қазіргі жай-күйімен танысты.Алдымен Аққұм ауылдық округіне аялдап, жол құрылысы жұмыстарының нәтижесін көрді. Мұнда 2023-2024 жылдары 457,1 млн теңгеге 10 көше күрделі жөндеуден өткен болатын.&nbsp;«Ауыл – ел бесігі» жобасымен 2022 жылы 140,0 млн теңгеге салынған Таң ауылдық округіндегі дәрігерлік амбулаторияның, «Ауылда денсаулық сақтауды жаңғырту» ұлттық жобасымен &nbsp;өткен жылы пайдалануға берілген Қаракеткен ауылындағы дәрігерлік амбулаторияның жұмысы да назардан тыс қалмады.Ал Жалағаш кентіндегі Мемлекет басшысының тапсырмасымен және аймақ басшысының қолдауымен бой көтерген «Руханият орталығына» бүгінде музей, кітапхана, архив, неке қию залы, сондай-ақ ардагерлер мен аналар кеңесі, жастар орталығы, азаматтық қоғам өкілдері, тарихи-мәдени ұйымдар біріккен.Былтыр Жалағаш ауданында әлеуметтік жағынан осал топ санатындағы 111 отбасыға жаңа баспана кілті табысталған болатын. Облыс әкімінің бірінші орынбасары осы тұрғын үйлерді де көріп шықты.&nbsp;<img src="https://knadmin.beoblood.kz/uploads/Zhanalinov_Zhala_ash_audany_is_sapar_2_5232b2a301.jpg" alt="Жаналинов Жалағаш ауданы іс-сапар 2.jpg">

Әлеуметтік нысандар халыққа қалтқысыз қызмет көрсетуде

<a href="https://kyzylorda-news.kz/">Kyzylorda-news.kz</a> Шиеліде өткен «Ашық есік» күні тұрғындар үшін тиімді мүмкіндікке айналды. Жолдамасыз және тегін ұйымдастырылған қабылдау барысында бір күннің өзінде 142 адам дәрігер қарауынан өтті.7 сәуір – Дүниежүзілік денсаулық күніне орай Шиелі аудандық көпбейінді орталық ауруханасында «Ашық есік» күні ұйымдастырылды. Іс-шараның мақсаты – тұрғындардың денсаулығын нығайту, аурулардың алдын алу және профилактикалық тексерулердің маңыздылығын арттыру.Шара барысында онколог, уролог, гинеколог, жалпы тәжірибелі дәрігерлер мен ультрадыбыстық зерттеу (УДЗ) мамандары қабылдау жүргізді. Тұрғындарға тегін медициналық тексеруден өтіп, өз денсаулық жағдайын бақылауға мүмкіндік берілді.Айта кету керек, қабылдау медициналық сақтандыруға қарамастан, жолдамасыз негізде ұйымдастырылды. Қажет болған жағдайда пациенттерге тиісті медициналық кеңестер берілді.<img src="https://knadmin.beoblood.kz/uploads/nyus_densauly_2_1_9a4f909f04.jpg" alt="ньюс денсаулық (2) (1).jpg">Ашық есік күні аясында барлығы 142 адам әртүрлі сала мамандарына қаралып, профилактикалық тексеруден өтті.Ақмая ауылының тұрғыны Күнсұлу Камалова шара туралы өз әсерімен бөлісті:<blockquote>«Ашық есік күнінің ұйымдастырылуы өте жоғары деңгейде өтті. Қажетті кабинеттерге кіріп, тексеруден өтіп, дәрігерлік кеңестер алдық. Осындай шаралар алдағы уақытта да жиі өткізілсе екен», – деді ол.</blockquote>Сонымен қатар, аудан мектептерінде оқушыларға арналған ақпараттық-түсіндіру жұмыстары жүргізілді. Атап айтқанда:«Ауырып ем іздегенше, ауырмаудың жолын ізде»&nbsp; «Зиянды әдеттің денсаулыққа зияны»&nbsp; «Салауатты өмір салтын ұстан»&nbsp; «Тиімді тамақтану» &nbsp; тақырыптарында семинарлар өткізіліп, бейнероликтер көрсетіліп, флешмобтар ұйымдастырылды.Шара аясында №48 Ә.Қоңыратбаев атындағы мектеп-лицейінің жоғары сынып оқушыларына арнайы семинар ұйымдастырылды. Кездесуде АИТВ/ЖИТС-тің алдын алу, жұғу жолдары, қорғану шаралары және жауапты мінез-құлықтың маңыздылығы түсіндірілді. Оқушылар өздерін толғандырған сұрақтарын қойып, мамандардан нақты жауаптар алды. Сонымен қатар ақпараттық материалдар таратылып, салауатты өмір салтын ұстану қажеттігі айтылды.Мақсұт Ибрашев

Шиеліде 142 адам бір күнде тегін медициналық тексеруден өтті

<a href="https://kyzylorda-news.kz/">Kyzylorda-news.kz</a> Өңірде қоғам саулығына тікелей қауіп төндіретін &nbsp;есірткіге қарсы күрес &nbsp;жұмыстары жүйелі түрде жүзеге асырылып келеді. Осы ретте өңірде атқарылып жатқан жұмыстар нәтижесіз емес. Өңірлік коммуникациялар қызметінің баспасөз алаңында облыстық полиция департаментінің есірткі қылмысына қарсы күрес басқармасының бастығы Біржан Багисовтың айтуынша, құқық қорғау органдары бұл бағытта кешенді әрі нақты шараларды қолға алған.<blockquote>– Облыс орталығында полиция қызметкерлері күнделікті көпқабатты үйлердің аулалары, гараждар мен құрылыс нысандарын тексеріп, жедел басқару орталығының бейнекамералары арқылы тұрақты бақылау жүргізуде. «Amanat» партиясының өкілдерімен бірлесіп есірткі жарнамасы бар 20 граффити жойылды. Нәтижесінде мұндай заңсыз жазулардың саны азайды. Сонымен қатар, «Кибернадзор» жүйесі арқылы синтетикалық есірткіні жарнамалаған 115 сайт бұғатталды. Қазіргі уақытта іздеудегі қылмыскерлерді анықтау бағытындағы жұмыстар жалғасуда. Жергілікті бюджет есебінен тұрғындардың нашақорлыққа қарсы иммунитетін қалыптастыру мақсатында 210 профилактикалық іс-шара өткізілді, - деді Біржан Бабырұлы.</blockquote>Оның айтуынша, қазіргі таңда ұйымдасқан қылмыстық топтардың әрекеттерін анықтау және қылмыстық жолмен алынған қаражаттарды заңдастыру деректерін әшкерелеу бағытында кешенді жедел-іздестіру шаралары жүргізілуде.

«Кибернадзор» жүйесі арқылы 115 сайт бұғатталды

<a href="https://kyzylorda-news.kz/">Kyzylorda-news.kz</a> Төтенше жағдайлар және дүлей зілзалалар қаупін азайту орталығының базасында Қазақстан тарапының төрағалығымен Орталық Кеңестің он сегізінші отырысы өтті.Отырыс жұмысына Қазақстан Республикасының Төтенше жағдайлар министрі генерал-лейтенант Шыңғыс Әрінов және Қырғыз Республикасының Төтенше жағдайлар министрі Канатбек Чыныбаев, сондай-ақ Кеңес мүшелері мен бейінді бөлімшелердің өкілдері қатысты.Іс-шара барысында орталықтың 2025 жылғы қызметінің қорытындысы ұсынылып, 2026 жылға арналған жұмыстың басым бағыттары айқындалды. Қатысушыларға Орталық Азия елдерінде апаттар қаупін азайту, климаттың өзгеруіне бейімделу және ақпараттық-коммуникациялық технологияларды енгізу салаларындағы жобаларды іске асыру барысы туралы ақпарат ұсынылды.2025 жылы Орталық өңірлік ынтымақтастықты дамытуға, халықаралық ұйымдармен өзара іс-қимылды нығайтуға, сондай-ақ мемлекеттік органдар мен халықтың төтенше жағдайларға дайындығын арттыруға бағытталған кешенді іс-шаралар жүзеге асырылғаны атап өтілді.Өз сөзінде Шыңғыс Әрінов Орталықтың өңірлік мемлекеттердің күш-жігерін үйлестіру, тәжірибе алмасу және төтенше жағдайлардың алдын алу мен оларды жою саласында келісілген шешімдер әзірлеу үшін тиімді алаң ретіндегі маңыздылығын атап өтті. Орталықты одан әрі дамыту және халықаралық ынтымақтастықты кеңейту мәселелеріне ерекше назар аударылды.Отырыс соңында ынтымақтастықты одан әрі дамытуға және оның қызметінің тиімділігін арттыруға бағытталған Орталық Кеңесінің тиісті шешіміне қол қойылды.

Қазақстан және Қызылорда облысының жаңалықтары