<a href="https://kyzylorda-news.kz/">Kyzylorda-news.kz</a> &nbsp;Елімізде есірткі қылмысының алдын алуға және жолын кесуге бағытталған «Қарасора-2026» арнайы жедел-профилактикалық іс-шарасы өтіп <a href="https://kaz.inform.kz/news/kizilordada-auildar-maninan-esrtk-alkabi-tabildi-286f16e8/">жатыр.</a>Іс-шара 1 маусым мен 31 қазан аралығына жоспарланған. Мақсат&nbsp;– құқықбұзушылықтардың алдын алу, құрамында есірткі заты бар өсімдіктерді заңсыз өсіру және дайындау деректерінің жолын кесу.<blockquote>–&nbsp;Іс-шара басталғалы облыс көлемінде барлығы 9 құқықбұзушылыққа тосқауыл қойылды. Оның 8-і&nbsp;– есірткі өсіру, 1-і&nbsp;– есірткіге байланысты қылмыстық теріс қылық. Есірткі өсіру деректерінің 3-і далалық аумақтарда, 5-і тұрғын үйлердің ауласында анықталды. Заңсыз өсірілген, құрамында есірткі заты бар өсімдіктер тәркіленді. Заңсыз есірткі өсірумен айналысқан 5 адам құрықталып, оларға қатысты заң талаптарына сәйкес процессуалдық шешім қабылданды,&nbsp;– деп хабарлады облыстық полиция департаментінен.</blockquote>Сонымен қатар әскери тікұшақтың көмегімен 3 рет әуеден бақылау жүргізіліп, Абай және Бірқазан ауылдарының маңында есірткі өсірудің 2 дерегі тіркелді.«Қарасора-2026» операциясы аясында синтетикалық есірткі өндіру фактілерін анықтау, есірткі сақтау орындарын табу және заңсыз айналымға қарсы кешенді шаралар қабылданатынын бұрын жазғанбыз.Фото: Қызылорда облыстық полиция департаменті

Қызылордада ауылдар маңынан есірткі алқабы табылды

Фото: egemen.kz<a href="https://kyzylorda-news.kz/">Kyzylorda-news.kz</a> 12 маусым - Дүниежүзілік балалар еңбегіне қарсы күрес күні. Бұл күн бүкіл әлемде оқудың орнына жұмыс істеуге мәжбүр болған миллиондаған балаларға назар аударуды мақсат етеді.БҰҰ мәліметі бойынша 160 миллион бала еңбекке тартылған. Бұл - әлемдегі әрбір оныншы бала жұмыс істейді дегенді көрсетеді.Қазақстан Республикасының «Бала құқықтары туралы» Заңының 16-бабына сәйкес балалар он төрт жастан бастап, ата-аналарының рұқсатымен оқудан бос кезiнде денсаулығына және өсіп-жетiлуiне оңтайлы, баланың дене бiтiмiне, имандылығына және психикалық жай-күйiне зиян келтiрмейтiн қоғамдық пайдалы еңбекке қатысуға, сондай-ақ мамандық алуға құқығы бар.&nbsp;Дегенмен, әрбір баланың еңбек етуге құқығы бар екені жазылғанымен, бұл құқық баланың мүддесіне сай келуі қажет. Сондай-ақ, еңбек ету баланың өміріне, денсаулығына, психологиялық жай-күйіне зиян келтірмей жүзеге асырылуы және олардың білім алуына кедергі болмауға тиіс.&nbsp;Қазақстан Республикасының Еңбек кодексінде кәмелетке толмағандарды жұмысқа қабылдау, олардың еңбегіне ақы төлеу және өзге де ерекшеліктері қарастырылған.&nbsp;Кодекстің 31 бабының 1 тармағына сәйкес он алты жасқа толған азаматтармен еңбек шартын жасасуға жол беріледі.Сонымен қатар, Кодекстің 31 бабының 2 тармағына сәйкес еңбек шарты15 жасқа толған азаматтармен, олардың орта білім, негізгі орта, жалпы орта білім беру ұйымында білім алған жағдайда, 14 жасқа толған оқушылармен оқудан бос уақытында денсаулығына зиян келтірмейтін және оқу процесін бұзбайтын жұмысты орындау үшін жасалуы мүмкін. Мұндай жағдайларда, кәмелетке толмағандармен бірге еңбек шартына оның ата-анасының бірі, қамқоршысы немесе асырап алушысы қол қоюға тиіс.Сонымен қатар, кәмелетке толмағандарды ауыр жұмыстарға, зиянды және қауіпті еңбек жағдайлары бар объектілерге, түнгі уақыттағы жұмыстарға тартуға қатаң тыйым салынған.Қазақстан Республикасының заңнамасы балалар еңбегіне шектеулер белгілейді және кәмелетке толмағанды еңбек шартын жасаспай жұмысқа жібергені, балаларды балалар еңбегінің ең нашар түрлеріне тартқаны үшін қылмыстық және әкімшілік жауапкершілікті көздейді.Балаларды заңсыз еңбек етуден қорғау – қоғам тарапынан үнемі назар аударуды, ведомствоаралық өзара іс-қимылды және қолдауды талап ететін басым бағыт. Кәмелетке толмаған балалардың құқықтары мен заңды мүдделерін қорғау мемлекет алдындағы маңызды міндеттердің бірі болып табылады.Берікбол Байхожаев Қазақстан Республикасындағы&nbsp; Адам құқықтары жөніндегі уәкілдің&nbsp; Қызылорда облысы бойынша өкілі&nbsp; &nbsp;

Балалардың еңбегімен күрес: балалардың құқықтары мен кәмелетке толмағандардың мүдделерін қорғау

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Алмасбек Есмаханов Сарбұлақ ауылындағы халықпен өткен кездесуден кейін ауданымыздың дамуына зор үлес қосқан тыл ардагері, көп балалы ардақты ана Ажар Байсалованың шаңырағына барып, 90 жас мерейтойымен құттықтады.Кездесу барысында аудан әкімі мерейтой иесіне Қазалы ауданының ең жоғары марапаты – «Құрмет грамотасын» табыстап, камзол мен жаулық жауып, құрмет көрсетті. Сонымен қатар, ақжарма тілегін жеткізіп, ұзақ ғұмыр, мықты денсаулық, отбасының амандығын тіледі.Ажар Байсалова 1936 жылы дүниеге келіп, қиын-қыстау кезеңдерде ел игілігі жолында аянбай еңбек еткен жандардың бірі. Жастайынан еңбекке араласып, өмірдің талай сынағынан сүрінбей өтті. Ақсуат ауылының тумасы Байсалов Жанділдамен шаңырақ көтеріп, Қазалы қаласына қоныс аударған соң балық зауытында еңбек жолын бастады. Арнайы мамандығы болмаса да, еңбекқорлығы мен жауапкершілігінің арқасында ұжым арасында сый-құрметке бөленіп, зауыттың «Құрмет тақтасынан» түспеген. Бір мекемеде табан аудармай 30 жыл еңбек етіп, 1986 жылы зейнеткерлікке шықты.1989 жылы Сарбұлақ ауылына қоныс аударған соң да еңбек жолын тоқтатпай, жолдасымен бірге мал шаруашылығына араласып, шопанның сенімді көмекшісі болды. Саналы ғұмырын туған жердің өсіп-өркендеуіне арнаған Ажар ана – нағыз еңбек адамының жарқын үлгісі.Ажар ана – тек еңбек майданының ардагері ғана емес, берекелі әулеттің алтын діңгегі. Жолдасымен бірге 5 ұл, 3 қыз тәрбиелеп өсіріп, барлығын өмірден өз орнын табар азамат етіп жеткізді. Бүгінде 25 немере, 41 шөбере және 1 шөпшек сүйіп отырған ардақты әже ұрпағына өнеге, әулетіне тірек болып отыр.Фото: Қазалы ауданы әкімдігі

Тыл ардагерін 90 жас мерейтойымен құттықтады

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасына сәйкес жүзеге асырылып жатқан «Заң мен тәртіп үшін бизнестен 100 қайырымды қадам» акциясы аясында өңір кәсіпкерлері әлеуметтік маңызы бар бастамаларды жүзеге асыруда.Осы ретте «Абзал и К» ТС акция шеңберінде бірқатар қоғамдық және әлеуметтік іс-шараларды ұйымдастырды.Халықаралық балаларды қорғау күніне орай компанияның қолдауымен балаларға арналған мерекелік іс-шара өткізіліп, бүлдіршіндерге көтеріңкі көңіл-күй сыйланды. Шараның мақсаты – балалардың бос уақытын тиімді ұйымдастырып, оларға мерекелік көңіл-күй қалыптастыру болды.Сонымен қатар, «Абзал и К» ТС демеушілігімен Нағи Ілиясов ауылында дзюдодан балалар арасында XV республикалық турнир өткізілді. Аталған жарыс жас ұрпақты спортқа баулуға, салауатты өмір салтын насихаттауға және тәртіп пен жауапкершілік құндылықтарын қалыптастыруға бағытталды.Бизнестің осындай әлеуметтік жауапкершілігі қоғамдағы заң мен тәртіп қағидаттарын нығайтуға, өскелең ұрпақтың жан-жақты дамуына және қоғамдық игілікке үлес қосуға мүмкіндік береді.

Әлеуметтік жауапкершілік – тұрақты қоғамның негізі

<a href="https://kyzylorda-news.kz/">Kyzylorda-news.kz</a> Қызылорда облысы бойынша қылмыстық-атқару жүйесі мекемелерінде жазасын өтеп жатқан азаматтарға құқықтық көмек үздіксіз көрсетіліп келеді.№37 мекемесінің заңгері Жалғас Есмахановтың айтуынша, күн сайын 10-нан астам сотталған азамат құқықтық көмек сұрап келеді.&nbsp;Бүгін де бірнеше жазасын өтеуші сенімхат рәсімдеу тәртібіне қатысты сұрақтарымен заңгердің қабылдауында болды.&nbsp;<blockquote>– Жыл басынан бері 120-дан астам сотталғанға құқықтық кеңес берілді. Азаматтар көбіне мұрагерлік, тұрғын үй мәселелері, рақымшылық бойыншв, банк несиелері және басқа да құқықтық сұрақтар бойынша жүгінеді. Барлығына қолданыстағы заңнама талаптарына сәйкес түсіндіру жұмыстары жүргізіледі, – дейді заңгер.&nbsp;</blockquote>Құқықтық көмектің пайдасын көргендердің бірі мұрагерлік мәселесі бойынша кеңес алғанын айтты.&nbsp;<blockquote>– Әкем қайтыс болғаннан кейін мұрагерлікке қатысты сұрақтарым туындады. Заңгерден толыққанды кеңес алып, өзімнің мұрагерлікке таласым жоқ екенін білдіріп, бауырларыма сенімхат рәсімдедім. Заң талаптарын бәріміз бірдей біле бермейміз. Сондықтан мекемеде заңгердің болуы біз үшін өте маңызды. Көкейіміздегі сұрақтарға жауап алып, қажетті құқықтық көмекті уақытылы алып отырмыз, – дейді сотталған азамат.</blockquote>Мекемелерде көрсетілетін құқықтық көмек сотталғандардың заңдық сауаттылығын арттырып қана қоймай, олардың заңмен қорғалатын құқықтарын тиімді жүзеге асыруына мүмкіндік беруде.Фото: Polisia.kz

Қызылорда облысында сотталғандарға құқықтық көмек тұрақты көрсетілуде  

<a href="https://kyzylorda-news.kz/">Kyzylorda-news.kz</a> Сырдария&nbsp;ауданының әкімі Берік Сәрменбаевтың төрағалығымен су жеткізіп беру қызметі тарифінің өсу себептерін түсіндіру мәселесіне арналған мәжіліс өтті. Жиынға сала мамандары және аудандағы шаруашылық құрылымдарының төрағалары қатысты.Аудан басшысы Президентіміз Қасым-Жомарт Кемелұлы Тоқаевтың Қазақстан халқына арнаған Жолдауларында аграрлық секторды дамытуға, су ресурстарын тиімді пайдалануға және су үнемдеу технологияларын енгізуге ерекше назар аударылып келе жатқаны атап өтті.<blockquote>– Су мәселесі – ауданымыз үшін аса маңызды әрі өзекті тақырыптардың бірі. Бүгінгі таңда су тапшылығы жағдайында әрбір тамшы суды тиімді пайдалануымыз қажет. Су жеткізіп беру қызметінің тарифіне қатысты тұрғындар мен шаруашылық құрылымдары арасында түсіндіру жұмыстарын тұрақты жүргізу керек. Ең бастысы – диқандарды вегетациялық кезеңде қажетті сумен қамтамасыз ету және су ресурстарын ұтымды пайдалану мәдениетін қалыптастыру. Бұл бағыттағы жұмыстар алдағы уақытта да жүйелі түрде жалғасатын болады, – деді Берік Әбдіғаппарұлы.</blockquote>Кездесуде су шаруашылығы саласындағы су тарифтерін қалыптастыру тетіктері, тарифтердің өзгеру себептері, ирригациялық жүйелерді жаңғырту және су үнемдеу технологияларын кеңінен енгізу бағытындағы жұмыстар жан-жақты түсіндірілді.Сонымен қатар, шаруашылық құрылымдары өкілдері тарапынан су үнемдеу технологияларын енгізу мәселелері бойынша ұсыныстар мен пікірлер айтылды.Жиын қорытындысында аудан басшысы су ресурстарын тиімді басқару, ауыл шаруашылығы құрылымдарын тұрақты сумен қамтамасыз ету және тұрғындар арасында түсіндіру жұмыстарын күшейту бағытындағы жұмыстарды жүйелі түрде жалғастыруды тапсырды.Фото: Сырдария ауданы әкімінің баспасөз қызметі

Сырдария ауданында су жеткізу қызметінің тарифі бойынша түсіндіру жұмыстары жүргізілді

<a href="https://kyzylorda-news.kz/">Kyzylorda-news.kz</a> Қызылорда облысы бойынша «Азаматтарға арналған үкімет» мемлекеттік корпорациясы» КЕАҚ филиалының хабарлауынша, ағымдағы жылдың 12 маусымынан бастап қаладағы мамандандырылған халыққа қызмет көрсету орталығында күрделі жөндеу жұмыстары басталады.Сонымен қатар, ғимаратты жаңарту жұмыстары кезең-кезеңімен жүргізіліп, халыққа қызмет көрсету үдерісі тоқтатылмайды. Өзгерістер тек фототүсіру аймағының орналасуына қатысты болады. Жөндеу жұмыстары кезеңінде фотозона уақытша басқа жерге көшіріледі.Облыстық филиалдың мәліметінше, жөндеу жұмыстары орталыққа келушілер мен қызметкерлер үшін қолайлы жағдай жасауға бағытталған.«Мамандандырылған бөлім мемлекеттік қызметтерді бұрынғы режимде көрсетуді жалғастырады. Жөндеу жұмыстары кезең-кезеңімен жүргізілетіндіктен, қызмет алушыларға келетін қолайсыздықтар барынша азайтылады. Жөндеу аясында ғимараттағы ескі плиткаларды демонтаждау және шатырды жылылау жұмыстары жоспарланған. Қауіпсіздікті қамтамасыз ету және барлық қажетті сақтық шараларын сақтау мәселелеріне ерекше назар аударылады. Жөндеу жұмыстарына байланысты уақытша өзгерістерге келушілер түсіністікпен қарайды деп сенеміз», – деді Қызылорда облысы бойынша «Азаматтарға арналған үкімет» мемлекеттік корпорациясы филиалының директоры Аида Абибуллаева.

Қызылордадағы мамандандырылған ХҚКО күрделі жөндеу жұмыстары басталады

<a href="https://kyzylorda-news.kz/">Kyzylorda-news.kz</a> Қазақстанның оңтүстік өңірлерінде алдағы күндері аптап ыстық сақталып, ауа температурасы +40°C-қа дейін көтеріледі. Сонымен қатар елдің басым бөлігінде жаңбыр жауып, найзағай ойнап, желдің күшеюі күтіледі. Астана мен Алматыда да жауын-шашынды, құбылмалы ауа райы болжанып отыр. Бұл туралы ТЖМ мәлім<a href="https://kaz.inform.kz/news/bugn-eldn-basim-bolgnde-zhanbir-men-nayzagay-kutled-cddbd02b"> етті.</a>Қазақстанның оңтүстігінде аптап ыстық болып, ауа температурасы +40°C дейін көтеріледі. Елдің басым бөлігінде жаңбыр жауып, найзағай ойнайды және жел күшейеді.Астанада ауа райы құбылмалы, жаңбыр күтіледі. Желдің жылдамдығы 9-14 м/с, екпіні 15-20 м/с дейін жетеді. Ауа температурасы түнде +14...+16°C, күндіз +25...+27°C.Алматыда күн бұлтты, жаңбыр жауып, найзағай ойнайды. Жел 3-8 м/с, екпіні 13 м/с дейін. Ауа температурасы түнде +17...+19°C, күндіз +28...+30°C.Фото: freepik.com

Бүгін елдің басым бөлігінде жаңбыр мен найзағай күтіледі  

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінде аудан әкімі Айтбай Жандарбековтың төрағалығымен егін шаруашылығының жай-күйі, суармалы суды тиімді пайдалану, егіс алқаптарын сумен қамтамасыз ету және су тапшылығының алдын алу мәселелеріне арналған кеңейтілген мәжіліс өтті.Жиынға Су ресурстары және ирригация министрлігінің Тарифтік саясатты реттеу департаментінің директоры Дархан Қайынбердиев, Су шаруашылығы имараттарын дамыту департаменті директорының орынбасары Жәнібек Қайшыбекұлы, Суды үнемдеу технологияларын дамыту департаментінің Ауыл шаруашылығы саласында су үнемдеу технологияларын енгізу басқармасының сарапшысы Гүлнұр Махамбет, «Қазсушар» РМК Бас директорының орынбасары Ербол Салихбаев, Экономика және қаржы департаментінің директоры Айгүл Сұлтанова, кәсіпорынның Қызылорда филиалы директорының міндетін атқарушы Нәжмадин Шамұратов, облыстық ауыл шаруашылығы және жер қатынастары басқармасы басшысының орынбасары Даулетбек Абдирасулов, Су ресурстарын пайдалануды реттеу және қорғау жөніндегі «Арал – Сырдария» бассейндік инспекциясының басшысы Зейнолла Қазтоғанов, сондай-ақ шаруа қожалықтарының жетекшілері мен жауапты сала басшылары қатысты.Жиында аудандағы егін шаруашылығының қазіргі ахуалы, суармалы суды тиімді пайдалану, егіс алқаптарын сумен қамтамасыз ету және су тапшылығының алдын алу бағытындағы атқарылып жатқан жұмыстар жан-жақты талқыланды.<img src="https://knadmin.beoblood.kz/uploads/Su_resurstaryn_tiimdi_pajdalanu_m_selesi_Shieli_2_a69fa0877a.jpg" alt="Су ресурстарын тиімді пайдалану мәселесі Шиелі 2.jpg">Мемлекет басшысы Қасым-Жомарт Кемелұлы Тоқаев Қазақстан халқына Жолдауларында аграрлық секторды дамытуға ерекше назар аударып келеді. Ауыл шаруашылығы өндірісінің тұрақты дамуы ең алдымен су ресурстарының жеткілікті болуына байланысты. Соңғы жылдары өңірде вегетациялық кезең күрделі жағдайда өтіп, биыл да су тапшылығы байқалуда. Осыған байланысты сала мамандары су жеткізу қызметінің тарифтері бойынша түсіндірме жұмыстарын жүргізіп, шаруалар тарапынан қойылған сұрақтарға жауап берді.Айта кетейік, су тапшылығының алдын алу және су үнемдеу технологияларын енгізу бағытында ауданда жүйелі жұмыстар жүргізілуде. Биыл 10 мың гектар жер лазерлік тегістеуден өткізілді. Сонымен қатар, жеке тұрғындар есебінен 3 100 гектар жерге тамшылатып суару әдісі арқылы көкөніс және бақша дақылдары орналастырылған.Сондай-ақ, «Таң ЛТД» ЖШС мен «Центр Семеноводства» ЖШС тарапынан 2 мың гектар алқапқа дәндік жүгері дақылы тамшылатып және жаңбырлатып суару технологиялары арқылы егілді. Бұл тәсілдер суды тиімді пайдаланып, оның ысырабын азайтуға және өнімділікті арттыруға мүмкіндік береді.2026 жылы ауданда 31 213 гектар жерге ауыл шаруашылығы дақылдарын орналастыру жоспарланған. &nbsp;Бүгінде «Қазсушар» РМК облыстық филиалымен 125 шаруа қожалығы 633,5 млн теңгеге су пайдалану жөнінде келісімшарт жасаған. Ауданда жалпы 61 насос қондырғысы жұмыс істейді, оның 23-і «Қазсушар» РМК теңгерімінде болса, 38-і шаруашылық құрылымдарына тиесілі. Сонымен қатар, Р-12 каналының 72-бекеттен 115-бекетке дейінгі 4,3 шақырым бөлігіне механикалық тазалау жұмыстары жүргізілді. Қазіргі таңда 36-бекеттен 72-бекетке дейінгі аралықта тиісті жұмыстар жалғасуда. Ал 2026 жылға Р-12, Жаңа Бестам, Р-10-0-1, Қамыстықақ, Р-7 және Жаңа Сұлутөбе каналдарын механикалық тазалау және қазу жұмыстарына ұсыныстар берілген.Жиын қорытындысында аудан әкімі Айтбай Жандарбеков егіс алқаптарындағы жұмыстарды сапалы әрі уақытылы жүргізудің маңыздылығына тоқталып, су ресурстарын ұтымды пайдалану, каналдар мен су шаруашылығы нысандарын күтіп ұстау, сондай-ақ шаруалардың ұсыныс-пікірлерін ескере отырып, туындаған мәселелерді жедел шешу жөнінде нақты ұсыныстар берді.Сондай-ақ, жауапты мекеме басшыларының есептері тыңдалып, өзекті мәселелерді шешу жолдары жан-жақты талқыланды.<img src="https://knadmin.beoblood.kz/uploads/Su_resurstaryn_tiimdi_pajdalanu_m_selesi_Shieli_3_41af5f962e.jpg" alt="Су ресурстарын тиімді пайдалану мәселесі Шиелі 3.jpg">

Су ресурстарын тиімді пайдалану мәселесі қаралды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудан орталығынан 120 шақырым шалғайда орналасқан Сарбұлақ ауылына барып, елді мекеннің халқымен кездесті.Ауыл тұрғындарымен өткен кездесуде аудан басшысы Президентіміз Қасым-Жомарт Тоқаевтың бастамасымен елімізде жүзеге асып жатқан ауқымды жобалар, 1 шілде де ресми күшіне енетін Жалпыұлттық референдумда қабылданған жаңа Ата заң жайында, конституциялық реформаларды жүзеге асырудағы өңір халқының ауызбіршілігі, «Әділетті Қазақстан», «Адал адам» бағдарламасы «Заң мен тәртіп» тұжырымдамасы және елімізде өтіп жатқан маңызды жиындар жайында сөз қозғады. Мұнан кейін облыс әкімі Мұрат Ергешбаевтың басшылығымен өңірде және ауданда атқарылып жатқан жұмыстар мен алда атқарылатын жобалар жайында атап өтті. Сонымен қатар аудандағы білім, мәдениет, денсаулық сақтау, инфрақұрылым, газдандыру, ауыз сумен қамту, электр желілерін жаңғырту және жолдарды жақсарту бағытында атқарылып жатқан жұмыстардың жайын жеткізді.Кезек ұсыныс-пікірлерге келгенде сарбұлақтықтар елді мекендегі электр желілерінде жиі ақау болатынын айтып, жөндеу жұмыстарын қолға алуды сұрады. Аудан басшысы осы ретте, өткен жылдан бері ауданда елді мекендердің электр желілерін қайта жаңғырту жобалар жүзеге асыру бойынша бірнеше жобаның жүзеге асып жатқандығын жеткізді. Мәселен, «Ауыл - ел бесігі» жобасы аясында, Қазалы қаласы, Қожабақы ауылы және Ү.Түктібаев ауылдарының электр желілерін қайта жаңғырту жұмыстары, Әйтеке би кенті мен Қазалы қаласының аралығында орналасқан нысандар мен тұрғын үйлердің электр энергиясының тұтыну қуаттылығын арттыру мақсатында қосалқы стансасының құрылысы жүргізілгендігін айтты. Осы сынды Сарбұлақ ауылының электр желілерін қайта жаңғырту жұмыстарына жоба-сметалық құжаттары әзірленіп, тиісті министрлікке жолданғанын, алдағы уақытта басқа да елді мекендер сынды бөлінген қаржыға сәйкес кезең-кезеңімен тозығы жеткен электр желілерін қайта жаңғырту бойынша жұмыстар жүргізілетіндігін айтты.Халықпен өткен кездесу соңында аудан әкімі Мемлекет басшысы Қасым-Жомарт Тоқаевтың «Таза Қазақстан» республикалық экологиялық акциясының маңыздылығына тоқталып, тазалық мәдениетін қалыптастыру, қоғамдық тәртіпті сақтау және туған жерге жанашырлықпен қарауға ауыл халқын ауызбіршілікпен атсалысуға шақырды.Жиын соңында ауыл ақсақалдары елді мекенге арнайы келіп, халықтың ұсыныс-пікірін тыңдап, елдегі атқарылып жатқан игі істерді жеткізіп жатқан аудан басшысы мен азаматтарға ризашылықтарын жеткізді.&nbsp;<img src="https://knadmin.beoblood.kz/uploads/azaly_audany_t_r_yndarmen_kezdesu_2_ec70b531dd.jpg" alt="Қазалы ауданы тұрғындармен кездесу 2.jpg">

Сарбұлақ ауылының электр желілерін қайта жаңғырту жұмыстары жүргізіледі

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов жұмыс сапарымен Аққыр ауылдық округіне барып, ауыл тұрғындарымен кездесті.Жалағаш ауданының әкімі алдымен ауылдың әлеуметтік-экономикалық дамуы, әлеуметтік нысандардың жай-күйі және елді мекенде атқарылып жатқан жұмыстармен танысты.Аққыр ауылында өткен жылы Н.Таспенов және Аққыр көшелеріне күрделі жөндеу жұмыстары жүргізілді. Биыл ауылдың 3 көшесіне күрделі жөндеу жұмыстары жүргізіліп, толық аяқталды.Сонымен қатар, ауылдағы 100 орындық клуб құрылысына және «Аққыр» каналына су шаруашылығы жұмыстарын жүргізуге арналған жобалық-сметалық құжаттамалар әзірленіп, аталған жобаларды қаржыландыру мақсатында бюджеттік өтінім ұсынылды.Кездесуде аудан әкімі тұрғындардың ұсыныс-пікірлерін тыңдап, ауыл тұрғындарын толғандырған мәселелер бойынша пікір алмасты. Сондай-ақ, өңірде атқарылып жатқан жұмыстар мен алдағы кезеңге жоспарланған міндеттерге тоқталды.Алдағы уақытта күн тәртібіндегі мәселелерді кезең-кезеңі бойынша шешіп, бірқатар жұмыстарды жүйелі түрде орындалатынын жеткізді. Тұрғындардың талап-тілегі мен ұсыныс-пікірлері де назарға алынып, тиісті шаралар қабылдайтынын айтты.

Жалағаш ауданының әкімі Аққыр ауылындағы атқарылып жатқан жұмыстармен танысты

<a href="https://kyzylorda-news.kz/">Kyzylorda-news.kz</a> Бүгін аймақ басшысы Мұрат Ергешбаев бастаған облыс делегациясы Астана қаласына жұмыс сапарымен барып, жаңадан ашылған «Alem AI» халықаралық жасанды интеллект орталығының жұмысын көрді.«Astana Hub» халықаралық технопаркінің бас директоры Мағжан Мәдиев орталықтың негізгі бағыттары мен инфрақұрылымын таныстырды. Делегация мүшелері жасанды интеллект саласындағы инновациялық жобаларды біріктіретін сегіз қабатты бірегей экожүйені аралады.Айта кетейік, Мұрат Ергешбаев – бұл бірегей орталыққа арнайы барған облыс әкімдерінің алғашқысы. Орталықта жасанды интеллект әлеміне арналған иммерсивті көрмелер мен интерактивті кеңістіктер, жасөспірімдердің технологиялық дағдыларын дамытуға бағытталған «TUMO Astana» бағдарламасы,&nbsp;Қазақстандағы алғашқы «Tomorrow School» жасанды интеллект мектебі, ғылыми зерттеулер <img src="https://knadmin.beoblood.kz/uploads/yzylordaly_delegacziya_ALEM_AI_haly_araly_zhasandy_intellekt_ortaly_ynda_boldy_2_9688701c3a.jpg" alt="Қызылордалық делегация «ALEM AI» халықаралық жасанды интеллект орталығында болды 2.jpg">және стартаптарды қолдауға арналған ЖИ-кампус, халықаралық технологиялық компаниялардың зертханалары орналасқан.Кездесуде өңірдегі жобаларды жүзеге асыруда цифрлық технологиялар мен жасанды интеллектіні пайдалану мәселелері қаралды. Қазіргі уақытта «Kyzylorda Hub» өңірлік технопаркі базасында инновациялық жобаларды қолдау, жергілікті ІТ-қоғамдастықты дамыту және жастардың цифрлық дағдыларын арттыруда жүйелі жұмыс жүргізілуде.Жұмыс сапары кезінде цифрландыру және жасанды интеллект саласындағы бірлескен бастамаларды іске асыруға, тәжірибе алмасуға &nbsp;қатысты мәселелер де талқыланды.Бұдан бөлек, облыс әкімі Astana Smart City жобасының Ситуациялық орталығындағы қалалық инфрақұрылымды бақылау, деректерді талдау және қала қызметтерінің жұмысын нақты уақыт режимінде үйлестіру мүмкіндіктерімен танысты.Сонымен қатар, қаладағы процестерді басқаруға және түрлі ведомстволар арасындағы өзара іс-қимылды қамтамасыз етуге арналған жасанды интеллект негізіндегі платформа көрсетілді.Astana Smart City жобасы қаланы тиімді әрі қауіпсіз басқаруға мүмкіндік беретін жаңа буын интеллектуалды инфрақұрылымын қалыптастыруға бағытталған.&nbsp;

Қазақстан және Қызылорда облысының жаңалықтары