<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Парламент Сенаты Қаржы және бюджет комитетінің көшпелі отырысы өтіп, онда жаңартылған заңнама талаптарына сәйкес бюджет процесін іске асыру мәселелері талқыланды.Отырысқа Парламент Сенаты Қаржы және бюджет комитетінің төрағасы Сұлтанбек Мәкежанов, Ұлттық экономика министрлігі бюджет саясаты департаментінің директоры Гульором Муллабаева, Қаржы министрлігі бюджеттік жоспарлау департаментінің директоры Сейілхан Исмағұлов қатысты.Аймақ басшысы Президент тапсырмасында нақтыланған бюджет қаражатын ұтымды жоспарлау мен тиімді игеру міндетін атап өтті.<blockquote>«Мемлекет басшымыз Қасым-Жомарт Кемелұлы бюджет қаржысын тиімді жоспарлау, мақсатқа сай бөлу мен игеру жөнінде міндеттер жүктегені белгілі. Облыс бюджетінен әлеуметтік салаға 2023-2025 жылдары бөлінген қаражаттың мақсатты жұмсалуына жүргізілген зерделеу, бақылау шараларының нәтижесінде 100 млрд. теңгеге жуық қаржы үнемделді. Оның ішінде білім саласынан 58 млрд. 600 млн. теңге, «Арт спорт» бағдарламасынан 13 млрд. 100 млн. теңге, әлеуметтік қорғау саласынан 8 млрд. 200 млн. теңге үнемделіп, бюджет қазынасында қалды. Жаңадан жүзеге асырылатын инвестициялық жобаларға құжаттама әзірлеуге демеушілер есебінен 7 млрд. теңге бөлінді. Барлық 7 ауданда «Руханият орталықтарын» салып, бұған дейін әр жерде орналасқан мекемелерді бір орталыққа біріктірдік. Бұл ғимараттарды ұстап тұру шығындарын қысқартуға жол ашты. Мектептерге қосымша ғимараттар салу арқылы үш ауысымдық оқу мәселесін түбегейлі шешіп, жаңа мектеп салуға қажеттіліктің алдын алдық. Осылайша, бюджетке түсетін салмақ азайтылып, 13 млрд. 100 млн. теңге оңтайландырылды», – деді Нұрлыбек Машбекұлы.</blockquote>Мамандардың айтуынша, жаңа үшжылдық кезеңге арналған жалпы сипаттағы трансферттер Үкіметтің алдына қойылған негізгі міндеттерді шешуге, оның ішінде өңірлердің қаржылық дербестігін кеңейтуге, халық үшін әлеуметтік игіліктер мен мемлекеттік қызметтердің қолжетімділігін теңестіруге, сондай-ақ өңірлер арасындағы инфрақұрылымдық теңсіздіктерді азайтуға ықпал етеді.Жиынға қатысушылар бюджет процесін іске асыру барысында туындайтын өзекті мәселелерді, сондай-ақ елімізде қолданыстағы трансферттік тетіктерді талқылап, туындаған сұрақтарға жауап алды.

Көшпелі отырыста жаңартылған заңнама талаптары талқыланды

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің қолдауымен Қызылорда қаласында жол-көлік инфрақұрылымын дамыту бағытында маңызды жобалар жүзеге асырылып келеді. Соның нәтижесінде шаһардағы көшелер кеңіп, жол сапасы артты.<img src="https://knadmin.beoblood.kz/uploads/1_Bas_sha_ardy_ba_aly_bastamasy_701d6ec4ba.jpg" alt="1 Бас шаһардың бағалы бастамасы.jpg">&nbsp;Қала орталығымен қатар кент, ауылдық округтер және шет аймақтардағы жолдардың да жағдайы назардан тыс қалып жатқан жоқ. Солардың бірі ретінде Сұлтан Бейбарыс пен Мұстафа Шоқай көшелеріндегі жөндеу жұмыстарын атауға болады.<img src="https://knadmin.beoblood.kz/uploads/2_Bas_sha_ardy_ba_aly_bastamasy_7b7b3fb216.jpg" alt="2 Бас шаһардың бағалы бастамасы.jpg">&nbsp;Аталған учаскелерде мердігер мекеме – «Қыран» ЖШС жолшылары табысты істі жандандыруда. Олар жергілікті асфальт-бетон өнімдерін пайдалана отырып, жол сапасын сақтауға барынша мән беруде. Мұндағы учаске басшысы Марат Серкешбаевтың айтуынша, жөндеу жұмыстары сапа стандарттарына сәйкес келеді.<img src="https://knadmin.beoblood.kz/uploads/Bas_sha_ardy_ba_aly_bastamasy_61fe5d8456.jpg" alt="Бас шаһардың бағалы бастамасы.jpg">

Бас шаһардың бағалы бастамасы

<a href="https://kyzylorda-news.kz/">Kyzylorda-news.kz</a> Елімізде әрбір жұмыскерге медициналық скринингтен өту үшін үш күндік заңды демалыс беріледі. Аталған әлеуметтік демалыс туралы Еңбек кодексінің 87-бабында жазылған. Еңбек кодексінегі жаңашылдықтың енгеніне біраз уақыт өтсе де, бұл құқықты қолданатындар қатары көбеймей отыр. Тіпті біразы бейхабар болуы да мүмкін. Демалысты қалай рәсімдеу керек және жұмыс беруші демалыс бермесе, қайда жүгіну керек — <a href="https://kaz.inform.kz/news/meditsinalik-skriningten-otetn-zhumisshi-3-kun-demalis-aluga-kukili-cf6bbd/">Kazinform тілшісі</a>нің материалында.&nbsp;Әлеуметтік демалыс қалай рәсімделедіСкрининг – нақты бір жас тобындағы азаматтарға аурулардың алдын алуға, ерте кезеңде анықтауға арналған. Еңбек және халықты әлеуметтік қорғау министрлігі Мемлекеттік еңбек инспекциясы комитетінің бас сарапшысы Шолпан Молдабекованың айтуынша, ҚР денсаулық сақтау саласындағы кейбір заңнамалық актілерге 2020 жылы өзгерістер енгізілді. Сол жылы жұмыс берушіге скринингтік зерттеулер өтуге демалыс беру міндеті енгізілді.<blockquote>– Жұмыс берушілер кедергісіз, жұмысшының жұмыс орнын сақтай отырып, орташа жалақысын сақтай отырып осы демалыстарды беруге міндетті. Мысалы бұл үш күн бір жолы беріледі немесе бір жылдың ішінде бөлініп берілуі мүмкін. Бұл еңбек демалысы жұмыскердің еңбек стажына кіреді, жұмыс орны сақталады, жалақысы сақталады. Ал егер жұмыс беруші еңбек демалыстарын, оның ішінде әлеуметтік демалыстарды беруден бас тартса, әкімшілік жауапкершілікке тартылады. Айыппұл мөлшері кәсіпкерлік субъектісінің түріне байланысты 20-дан 100 МРП-ға дейін (400 мың теңгеге дейін) жетуі мүмкін, – деді Шолпан Молдабекова.</blockquote>Скринингтен өту қажеттігін учаскелік дәрігерлер анықтайды. Яғни олар белгілі бір жас тобындағы тұрғындарға қоңырау шалады немесе 1414 нөмірі арқылы, Damumed және 109 қосымшалары арқылы хабарлама жібереді. Осы хабарлама скринингтік зерттеулерге демалыс алуға негіз болады және жұмысшы үш күндік демалыс алуға өтініш жазады.Егер жұмыс беруші әлеуметтік демалыс беруден бас тартса, қызметкер тұрғылықты жері бойынша Еңбек инспекциясына шағымдана алады.Қандай скринингтер қолжетімдіӘдетте скринингтер 30 жастан басталады. Мұндай тексерулер қатарына жүрек-қан тамырлары жүйесінің аурулары (артериалдық гипертония, ишемиялық жүрек ауруы), қант диабеті, глаукома, онкологиялық аурулар — сүт безі рагы, жатыр мойны рагы, колоректальды рак, В және С вирустық гепатиттері және ми қан айналымының бұзылыстары кіреді. Мұндай профилактика ауыр ауруларды ерте анықтап, мүгедектікке немесе өлімге әкелетін күрделі асқынулардың алдын алуға көмектеседі.2025 жылға дейін онкоскринингтер МӘМС пакетіне қамтылған сақтандырылған адамдарға ғана қолжетімді болды. Алайда медициналық қызмет көрсету тәртібі қайта қаралғаннан кейін, олар кепілдендірілген тегін медициналық көмектің көлеміне енгізіліп, сақтандыру мәртебесіне қарамастан барлық қазақстандықтарға қолжетімді болды.<blockquote>— Бүгінгі таңда скринингтердің көпшілігі тегін медициналық көмек көлемі аясында жүргізіледі. Мысалы, қан айналымы жүйесінің аурулары мен қант диабетіне арналған тексерулер толықтай осы пакетке енгізілген. Президент тапсырмасымен 2025 жылдан бастап барлық онкоскрининг кезеңдері тегін болды. Бұл тексерулердің қолжетімділігін, үздіксіздігін қамтамасыз етеді, — деді С.Қайрбекова атындағы Ұлттық ғылыми денсаулық сақтау орталығының бастапқы медициналық-санитарлық көмектің жетекшісі Әсел Хасенова.</blockquote>Айта кететін жайт, үш күндік әлеуметтік демалыс тек қана скринингке байланысты емес, жүктіліктің алғашқы 10 аптасына дейін тіркеуге тұруға да арналған. Яғни жүкті болған кезде де 10 аптаға дейін «ерте тіркеу» ұғымы бар. Демалысты осыған да қолдануға болады.Ауруы анықталғандарға «жасыл дәліз» қолданыладыДәрігерлер халықтың көпшілігі хабардар болса да, денсаулығына немқұрайлы қарайтынын айтуда. Мысалы, елордадағы емханалардың бірі күніне 30 науқасқа хабарласып, скринингке шақырса, 10-ы ғана тексерілуге келеді.<blockquote>– Омырау қатерлі ісігі, тоқ ішек қатерлі ісігі, артериялық қан қысымы немесе қант диабетін бізге келген 30 адамның 10-ынан немесе бесеуінен анықтап отырмыз. Жатыр мойны ісігі, сүт безі ісігі келген адамдардың 10 пайызынан анықталып отыр. Олардың алдын алу үшін 30 жастан бастап әр 4 жыл сайын скринингке келу керек. Қант диабеті, артериялық қан қысымы тексеруі – 40 жастан басталады және екі жылда бір рет өтеді. Тоқ ішек ісігінің скринингі 50 жастан басталады, – дейді Жалпы практика дәрігері Жансая Темірбекқызы.</blockquote>Дәрігердің айтуынша, қазір аурулардың басым бөлігі жасарып жатыр.<blockquote>– Мен білетін қант диабеті мен қан қысымының жоғарылауы, онкологиялық аурулар бойынша бұрын 50-60 жастан асқандар жиі келетін. Қазір 30-40 жастан асқандар көбейген. Қазір көптеген адам денсаулығына көңіл бөлмейді, арнайы келіп, скринингтен өтетіндер саусақпен санаулы, – деді ол.</blockquote>Сонымен бірге, осындай скринингте ауруы анықталғандарға «жасыл дәліз» тәсілі қолданылады.<blockquote>– Бұл науқастар еш кедергісіз тікелей онколог-мамандарға кеңес алуға жіберіледі, арнайы тексерілу тәртібі жасалады. Өйткені ол науқастарды емханалар жоғалтып алмауы керек. Сол себепті «жасыл коридор» қарастырылған және көптеген нұсқаулықтар, бұйрықтар бар, – деп түсіндірді Медициналық-санитарлық алғашқы көмек орталығының бас маманы Лаура Қожагелидева.</blockquote>Фото: Нұрболат Нұржаубай

Медициналық скринингтен өтетін жұмысшы 3 күн демалыс алуға құқылы

<a href="https://kyzylorda-news.kz/">Kyzylorda-news.kz</a> Қызылордада пробация есебіндегі азаматтар мұражайға экскурсия жасады, - деп хабарлайды <a href="https://polisia.kz/qyzylordada-probatsiya-esebindegi-azamattar-murazhajgha-ekskursiya-zhasady/">Polisia.kz.</a>Музей қызметкері есептегі азаматтарды жылы шыраймен қарсы алып, оларға музейдің залдары, ондағы экспонаттар туралы кеңінен таныстырды. Сондай ақ өлке тарихы туралы тың ақпараттар берді. Төл тарихымызбен ұлттық идеологиямызды насихаттайтын рухани- мәдени орталық қорындағы экспонаттарды тамашалады.&nbsp;<blockquote>- Музейге экскурсия жасау барысында тарихи құнды, өзіндік маңызы бар қаншама экспонаттармен таныстық. Өткеніміздің тарихынан сыр шертетін залдарды аралап, артына өшпес мұра қалдырған өлкемізде өмір сүрген би-шешендер,батырлар өнер иелері және Тәуелсіз Қазақстанның айшықты оқиғаларынан туралы мол мағұлмат алдық. Музейден үлкен әсер алып, рухани тұрғыда байып қайттық. Осы шараны ұйымдастырған пробация қызметкерлерімен музей қызметкерлеріне алғысы шексіз, - деді есептегі азамат.&nbsp;</blockquote>Қызылорда қалалық пробация қызметі пробация есебіндегі сотталғандарды қалалық мұражайға алып барды.<blockquote>- Біздің басты мақсатымыз – пробация есебіндегі азаматтарды қоғамға бейімдеп, олардың мәдени және рухани дамуына жағдай жасау. Осындай шаралар арқылы азаматтар өз өлкесінің тарихымен жақынырақ танысып, елжандылық сезімін қалыптастырады. Бұл – қайта әлеуметтенудің маңызды бір бөлігі. Алдағы уақытта да осындай тәрбиелік мәні зор іс-шараларды тұрақты түрде ұйымдастыру жоспарда бар, – деді пробация инспекторы Ержан Акбар.</blockquote>Фото: Polisia.kz

Қызылордада пробация есебіндегі азаматтар мұражайға экскурсия жасады  

<a href="https://kyzylorda-news.kz/">Kyzylorda-news.kz</a> Қазақстан Халық партиясының Қызылорда облыстық филиалы өрт қауіпсіздігі бойынша ақпараттық акция өткізді.Акцияның мақсаты – азаматтарға өрттің алдын алу ережелерін түсіндіру және төтенше жағдай туындаған кезде дұрыс әрекет етуге шақыру болды.Акция барысында тұрғын үйлер мен көпқабатты ғимараттарды, адам көп шоғырланатын базар мен сауда орындарын және шағын дүкендерді аралап, жадынамалар мен ақпараттық парақшалар таратылды. Онда өрт қауіпсіздігін сақтау жөніндегі кеңестер мен шұғыл қызметтердің байланыс нөмірлері көрсетілген.Жылыту маусымы басталғалы тұрмыстық өрттің алдын алу мәселесіне ерекше назар аударылды. Азаматтардың қауіпсіздігі – мемлекет, қоғам және әрбір адамның ортақ жауапкершілігі.

Қауіпсіздік – бәріміздің ортақ міндетіміз!

<a href="https://kyzylorda-news.kz/">Kyzylorda-news.kz</a> Елордада Instagram әлеуметтік желісі арқылы жалған парақша ашып, тұрғындарды алдаған алаяқтыққа күдікті ұсталды, - деп хабарлайды <a href="https://polisia.kz/elordada-aleumettik-zheli-arqyly-zhalghan-paraqsha-ashyp-turghyndardy-aldaghan-kudikti-ustaldy/">Polisia.kz.</a>Астана қаласының полиция қызметкерлері әлеуметтік желі арқылы жасалған алаяқтық қылмысының бетін ашты. Тергеу барысында анықталғандай, 21 жастағы күдікті Instagram әлеуметтік желісінде жалған парақша ашып, өзін жиһаз сатумен айналысатын кәсіпкер ретінде көрсеткен.&nbsp;Ол түрлі жиһаз түрлерін төмен бағамен жарнамалап, "жеткізіп беремін" деген уәдемен азаматтардың сеніміне кірген. Ол алдын ала төлем жасауды талап етіп, ақшаны алған соң байланысқа шықпай отырған. Нәтижесінде екі тұрғын алданған. Жалпы шығын көлемі 150 мың теңгені құрады.&nbsp;Оның басқа да қылмыстарға қатыстылығы тексерілуде. Полиция азаматтарды қырағылық танытып, осындай қылмыстардың құрбаны болмауға шақырады. &nbsp;Алдын ала төлем жасамауды және сатушының нақты мекенжайын және ресми құжаттарын тексеруді ұсынады. Егер сіз де алаяқтықтың құрбаны болсаңыз, дереу "102" нөміріне хабарласыңыз немесе жақын жердегі полиция бөлімшесіне жүгініңіз.Фото: Polisia.kz&nbsp;

Елордада әлеуметтік желі арқылы жалған парақша ашып, тұрғындарды алдаған күдікті ұсталды  

<a href="https://kyzylorda-news.kz/">Kyzylorda-news.kz</a> Ұлттық банк төрағасы Тимур Сүлейменов ұлттық валютаның дизайны неге өзгеріп жатқанын түсіндірді, – деп хабарлайды <a href="https://kaz.inform.kz/news/tengenn-dizayni-nelkten-ozgertld-ulttik-bank-zhauabi-834ec5/">Қазақпарат.</a><blockquote>- Тәуелсіздік жылдарында ұлттық валютаның енгізілгеніне 32 жыл болды. Осы уақытта үш рет өзгерді. Бастапқыда алғашқы теңге шықты, содан кейін 10-шы жылдары өзгеріс болса, енді 20-шы жылдары осындай бастама жүзеге асып жатыр. Менің ойымша, «теңгенің дизайнын жиі өзгеріп жатыр» деп айту - қисынсыз. Бұл жағдайға әртүлі қырынан қарауға болады. Біреулер доллардың дизайны өзргеріссіз басылып жатқанын алға тартуы мүмкін. Дегенмен, әр елде өзінің таңдауы бар, - деді Т. Сүлейменов Ұлттық банкте өткен баспасөз мәслихатында.</blockquote>Оның айтуынша, дизайндағы өзгеріс жалған ақша басатындарға тосқауыл қою үшін, сондай-ақ ұлттық қолма-қол ақшаны, банкноттарды дамыту тұрғысында керек. Бұл жұмыстардың барлығын Ұлттық банктің дизайнерлік тобы жүзеге асырды.<blockquote>- Атап айтқанда, бұған қосымша қаражат жұмсалмады. Бұл ақша, купюралар қалай болғанда да басылып шығатын еді, яғни ескі банкнот қалай басылса, жаңасы да солай шығады. Ескілері көбіне жарамсыз күйде болғандықтан, соның бәрін қабылдап, жоямыз. Сондықтан жаңа дизайнға қосымша ақша жұмсаған жоқпыз, - деді ҰБ басшысы.</blockquote>Бұдан бұрын хабарланғандай, Ұлттық банк базалық мөлшерлемені 18%-ға дейін көтерді.Айта кетейік, теңгенің тарихы 1993 жылғы 3 қарашадан бастау алады. Дәл осы күні ұлттық валютаны айналымға енгізу жөніндегі мемлекеттік комиссия құрылған болатын. 1993 жылғы 12 қарашада «Қазақстан Республикасының ұлттық валютасын енгізу туралы» Жарлыққа қол қойылды. Ал 15 қарашадан бастап теңге еліміздегі жаңа төлем бірлігіне айналды.Фото: Александр Павский/Kazinform

Теңгенің дизайны неліктен өзгертілді - Ұлттық банк жауабы 

<a href="https://kyzylorda-news.kz/">Kyzylorda-news.kz</a> Енді eGov.kz порталына электрондық цифрлық қолтаңбамен кіру үшін азамат&nbsp;жеке тұлғасын қосымша растау керек.&nbsp;Қазан айынан бастап eGov.kz порталы мен оның сервистерінің, соның ішінде eOtinish және “Ашық үкімет”&nbsp;жүйелерінің пайдаланушылары жаңартылған тәсілмен авторизациядан өтеді.&nbsp;Бұл туралы&nbsp;<a href="https://stan.kz/egovkz-portalina-kiru-tartibi-ozgerdi-1414-ten-sms-kod-424632/">Stan.kz&nbsp;</a>ақпарат агенттігі хабарлайды.Азамат порталға ЭЦҚ арқылы кіргеннен кейін пайдаланушы жеке басын 1414 қысқа нөмірінен келетін SMS-код арқылы қосымша растауы керек. “Ұлттық ақпараттық технологиялар”&nbsp;АҚ мәліметінше, бұл екінші кезеңі бөгде адам&nbsp;ЭЦҚ-ға қол жеткізген күннің өзінде рұқсатсыз кірудің алдын алуға мүмкіндік береді.Код тек пайдаланушы өз жеке кабинетімен алдын ала байланыстырған нөмірге ғана жіберіледі. Егер нөмір тіркелмеген болса, SMS хабарлама келмейді. Ал шетелде жүргендерге 1414 нөмірінен хабарламалар тек халықаралық роуминг қосылған жағдайда ғана жетеді.SMS-кодтың орнына eGov Mobile қосымшасын пайдалануға болады. Бұл жағдайда сайттағы QR-кодты сканерлейсіз.<blockquote>“ЭЦҚ-ны басқа адамдарға беруге болмайды. Электрондық қолтаңба — бұл жеке құрал және ол тек иесінің иелігінде болуы тиіс”, –&nbsp;дейді &nbsp;“Ұлттық ақпараттық технологиялар”&nbsp;АҚ.</blockquote>Заңды тұлға атынан құжаттарға тек ұйым басшысы немесе ресми сенімхат алған қызметкер қол қоя алады, бірақ әрқайсысы өзінің жеке ЭЦҚ-сын қолдануға міндетті. Сенімхат өкілеттікті растайды, бірақ электрондық кілттің өзін алмастырмайды.ЭЦҚ-ны дұрыс пайдаланбағаны үшін әкімшілік айыппұлдар қарастырылған:<ul><li style="text-align:justify;">Жеке тұлғаларға – 50 АЕК (196 600 теңге);</li><li style="text-align:justify;">Лауазымды тұлғаларға, шағын бизнес пен ҮЕҰ-ларға – 100 АЕК;</li><li style="text-align:justify;">Орта бизнеске – 150 АЕК;</li><li style="text-align:justify;">Ірі бизнеске – 200 АЕК.</li></ul>&nbsp;Фото: eGov.kz

eGov.kz порталына кіру тәртібі өзгерді: 1414-тен SMS код керек

<a href="https://kyzylorda-news.kz/">Kyzylorda-news.kz</a> Қызылорда қаласының Қазақстанның астанасы болғанына биыл 100 жыл толып отыр. Осы мерейлі дата аясында «AMANAT» партиясы Қызылорда қалалық филиалында «КІТАП-AMANAT» жобасы шеңберінде «Тарих тұғыры – Қызылорда. 100 жылдық шежіре» атты кітап көрмесі ұйымдастырылды.Іс-шараның мақсаты – Сыр өңірінің бай тарихын, рухани мұрасын және ел дамуына қосқан үлесін кеңінен насихаттау, сонымен қатар жастар арасында кітап оқуға деген қызығушылықты арттыру.Көрменің салтанатты ашылуына партияның облыстық филиалының атқарушы хатшысы Ләйлә Төрешова &nbsp;және партияның қалалық филиалының атқарушы хатшысы Гүлшат Мұсаева қатысты.Іс-шара барысында қонақтарға Сыр елінің әсем әндері мен ұлттық күйлері ұсынылып, көрменің рухани мазмұнын байыта түсті.&nbsp;Сондай-ақ, қатысушыларға Қызылорданың тарихына қатысты қызықты блиц-сұрақтар қойылып, жеңімпаздарға естелік сыйлықтар табысталды.Көрмеде Қызылорда облыстық Ә.Тәжібаев атындағы әмбебап ғылыми кітапханасының қызметкерлері &nbsp;Сыр өңірінің өткені мен бүгінін сипаттайтын, өңір тұлғаларының өмірі мен еңбегін қамтитын құнды кітаптар топтамасын көпшілік назарына ұсынды.Іс-шараға қатысушылар қала тарихына арналған мұндай жобалардың маңыздылығын атап өтіп, кітап оқу мәдениетін қалыптастыру – елдің рухани дамуының басты кепілі екенін айтты.

«Тарих тұғыры – Қызылорда. 100 жылдық шежіре» атты кітап көрмесі өтті

Бүгін Қызылордадағы М.Мәметова атындағы педагогикалық жоғары колледжінде «Тіл және әдебиет контексіндегі құндылықтар жүйесі: трансформациясы және заманауи әдістемелік ізденістер» тақырыбында халықаралық &nbsp;ғылыми-тәжірибелік конференция өтті. &nbsp;Конференция ҚР Білім беру ісінің үздігі, ҚР Білім беру ісінің құрметті қызметкері, еңбек ардагері Тазагүл Сейтжанқызының туғанына 80 жыл толуына арналды. Т.Сейтжанқызының өмірі мен шығармашылығын дәріптеу, ХХІ ғасырдағы қазақ филологиясының жетістіктері мен алдағы келелі мәселелерін, &nbsp;қазіргі қазақ тіл білімі мен әдебиеттанудың теориялық, практикалық, әдістемелік мәселелерін, тіл мен әдебиетті оқытуда жасанды интеллектінің мүмкіндіктерін зерделеу мақсатында өткен конференцияда көршілес Түркия, Қытай республикасынан zoom платформасы арқылы ғалымдар қосылды.&nbsp;<img src="https://knadmin.beoblood.kz/uploads/IMG_20251011_WA_0025_b3bbd4072a.jpg" alt="IMG-20251011-WA0025.jpg"> Қорқыт Ата университетінің Құрметті профессоры, Қазақстанның еңбек сіңірген қайраткері, Түркия, “Қазақстан мәдениет және сауда орталығының” басшысы, Қазақстанның Ыстамбұлдағы алғашқы консулы Уәйіс Ержан Убайдаұлы Т.Сейтжанқызы жайында ұлағатты естеліктерімен бөлісті. ҚХР Бейжің қаласындағы Орталық Ұлттар университетінің доценті, PhD Айнұр Әбіш «Қазақ халқының көшпелі өмірі және ұлттық құндылықтары» тақырыбында баяндама жасады. Әл-Фараби атындағы ҚазҰУ профессоры, филология ғылымдарының докторы Гүлдархан Нұрғазықызы «Қазақ мәдениетіндегі құндылықтар әлемі»; әл-Фараби атындағы ҚазҰУ профессоры, филология ғылымдарының докторы Салқынбай Анар Бекмырзақызы «Абай іліміндегі “түсіну – меңгеру – тану” қалыбы» тақырыбында баяндама оқыды.&nbsp; Медицина ғылымдарының кандидаты, Қазақстанның еңбек сіңірген қайраткері, Қызылорда облысының Құрметті азаматы, еңбек ардагері &nbsp;Тұрғанбай Маханов, педагогика ғылымдарының кандидаты, Қазақстанның еңбек сіңірген қайраткері, ҚР Білім беру ісінің құрметті қызметкері, Қызылорда облысының Құрметті азаматы Әлима Жақыпқызы, Қорқыт Ата атындағы Қызылорда университетінің қауымдастырылған профессоры, филология ғылымдарының кандидаты Күлдірсін Сейтжанқызы Тазагүл ұстаздың ұстанымы мен азаматтық болмысын әңгімеледі. Пленарлық мәжіліс соңында Т.Сейтжанқызы жайлы «Дария ғұмыр» кітабының тұсаукесер рәсімі өтті. &nbsp; Конференцияның халықаралық дәрежеде өтуіне атсалысқан және мазмұнды да мағыналы, салиқалы да сындарлы сөзін арнаған Ержан Убайдаұлына және онымен бірге zoom платформасына қосылып, семинарға қатысқан қазақ бауырларымызға ұйымдастырушылар зор алғыс білдіреді.

Ұстазға құрмет: халықаралық ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz</a> Актриса Дариға Бадықова журналист Жанар Байсемізге берген <a href="https://kznews.kz/article/qarashashtyn-omirin-oylamady-dariga-badyqova-bauyryna-basqan-qyz-turaly-aytty?fbclid=IwY2xjawNVZ2JleHRuA2FlbQIxMQABHqgipXatEmExi7c-xRJF-lT_MVCI-JGCGje58D11OebI_PshXY6xrmzh3yEs_aem_2Baqfh9sKPqUH98-uIY4Tw">сұхбатында</a> бұрынғы күйеуі Дархан Мұсаевтың “арада бала жоқ” деген мәлімдемесіне жауап берді.Бадықованың айтуынша, бұл сөздер оның қамқорлығындағы Қарашаш есімді қыздың көңіліне ауыр тиген.<blockquote>“Ортамызда бала жоқ. Бірақ мен баланы тастап кететіндей көкек ана емеспін. Қарашаш — мен өзім бауырыма басқан қыз. Оған ерекше мейірім бердім, қатарынан қалдырмадым, оқыттым. Ал Дархан деген кісі Қарашаштың өмірін де ойламай айтып отыр. Бұл сөз Қарашашқа ауыр тиді,” — деді актриса.</blockquote>Бадықова бұл жағдайдың қыздың психологиялық күйіне әсер еткенін де жасырмады.Оқиға желіде қызу талқы тудырып, қолданушылар екіге бөлінді. Кейбіреулер Дархан Мұсаевтың мәлімдемесін сынға алып, “Бала тапқандыкі емес, баққандыкі” деп жазды. Тағы бір бөлігі “Дарханның Қарашашқа деген жылулығы жоқ екені көрініп тұр” десе, енді бірі “Басқа байға кеткенде сол қызды неге ойламадың” деп пікір білдірді.Желі қолданушыларының айтуынша, бұл жағдай баланың емес, ересектердің арасындағы түсініспеушіліктің салдары. Көпшілік Қарашаштың жағдайына жанашырлық танытып, актрисаның аналық мейірімін жоғары бағалады.Фото: әлеуметтік желіден

“Қарашаштың өмірін ойламады” – Дариға Бадықова бауырына басқан қыз туралы айтты

<a href="https://kyzylorda-news.kz/">Kyzylorda-news.kz</a> Қызылорда облыстық «Славяне» қоғамдық-мәдени орталығының жетекшісі, қоғам қайраткері Щербакова Галина Сергеевнаның 70 жасқа толған мерейтойына арналған салтанатты іс-шара өтті.Мерейтой облыс әкімдігінің ғимаратында ұйымдастырылып, шараны облыстық қоғамдық даму басқармасының басшысы Каюпов Руслан Мұхамедәліұлы жүргізді.Кездесу барысында сөз алған басқарма басышысы мерейтой иесінің өңірдегі қоғамдық келісім мен бірлікті нығайту ісіне қосқан зор үлесін атап өтті. Ол Галина Сергеевнаның білім саласындағы қажырлы еңбегі мен этносаралық татулықты насихаттаудағы белсенді қызметі жас ұрпаққа үлгі екенін атап өтіп, облыс әкімі, облыстық Қазақстан халқы Ассамблеясының төрағасы Нұрлыбек Нәлібаевтың атынан құттықтау хатын табыстады.Салтанатты басқосуда неміс этномәдени бірлестігінің төрайымы Ирина Шек, ҚХА ардагері Асылбек Жұмабаев, сондай-ақ облыстық Ассамблея ардагері Рахима Ахметова, Шешен эмб төрағасының орынбасары Лайла Пашаева және Славяне орталығының белсенділері мерейтой иесіне жылы лебіздерін білдіріп, естеліктерімен бөлісті.Шара барысында Галина Сергеевнаның өңірдегі қоғамдық келісім мен халық достығын дамытуға сіңірген еңбегі ерекше атап өтілді. Ол өз сөзінде туған елі мен ел дамуы жолындағы азаматтарға ризашылығын білдіріп, өзіне көрсетілген құрмет үшін алғысын айтты.Мерейтой иесінің еселі еңбегі мен азаматтық ұстанымы Сыр өңірінің қоғамдық өмірінде ерекше орын алады. Галина Сергеевна жетекшілік ететін «Славяне» орталығы көптеген мәдени, қайырымдылық және ағартушылық шаралардың бастамашысы болып келеді.Шара соңында қатысушылар мерейтой иесіне зор денсаулық, ұзақ ғұмыр, отбасына амандық тілеп, естелік суретке түсті.Фото: Ассамблея Қызылорда

Қазақстан және Қызылорда облысының жаңалықтары