<a href="https://kyzylorda-news.kz/">Kyzylorda-news.kz</a> Мәжіліс депутаты, «Ауыл» фракциясының мүшесі Ерболат Саурықов Премьер-министрдің орынбасары Ермек Көшербаевқа депутаттық сауал жолдап, соңғы уақытта жиілеп кеткен мектеп директорларын негізсіз жазалау тәжірибесіне алаңдаушылық білдірді.Ол сабақтан тыс уақытта оқушылардың жасаған құқықбұзушылықтары үшін білім беру мекемелерінің басшыларын тәртіптік жауапкершілікке тарту – әділетсіз әрі заңсыз қадам екенін атап өтті. Саурықовтың айтуынша, мектеп басшылығы тек оқу процесіне жауапты, ал тәрбиелеу мен бақылау — ең алдымен ата-ананың міндеті.<blockquote>«Мектеп директорын жазалаудың орнына, ата-ананың жауапкершілігін нақтылайтын уақыт келді», — деді депутат.</blockquote>Осыған байланысты Ерболат Саурықов Үкіметке бірқатар нақты ұсыныстарын жеткізді:<ul><li>Сабақтан тыс және демалыс уақытында болған оқиғалар үшін мектеп әкімшілігі жауап бермейтінін ресми түрде түсіндіру;</li><li>«Білім туралы» және «Құқық бұзушылықтардың алдын алу туралы» заңдарға нақты түзетулер енгізу;</li><li>Ата-аналардың жауапкершілігін айқындайтын құқықтық нормалар әзірлеу;</li><li>Ауыл мектептеріндегі кадр тапшылығының алдын алу мақсатында мұғалімдердің құқықтық қорғалуын күшейту;</li><li>Халықаралық тәжірибеге сүйене отырып, оқушының сабақтан тыс мінез-құлқы үшін ата-ананың жауапкершілігін заңмен нақты белгілеу.</li></ul>Депутаттың айтуынша, бұл бастамалар мектеп ұжымын орынсыз қысымнан қорғап, жалпы білім беру сапасын арттыруға және ауыл мектептерінің әлеуетін сақтауға бағытталған маңызды қадам болмақ.Фото: Мәжіліс

Мәжіліс депутаты мектеп директорларын негізсіз жазалау тәжірибесіне алаңдаушылық білдірді

<a href="https://kyzylorda-news.kz/">Kyzylorda-news.kz</a> Кеше «AMANAT» партияның Сырдария, Байқоңыр, Қармақшы аумақтық филиалдарының кезекті есеп беру жиыны өтті. Партияның облыстық филиалының ішкі жұмыс жоспарына сай ұйымдастырылған аппарат жиынында аталған аумақтық партия филиалдарының атқарушы хатшылары жыл басынан партия филиалымен атқарылған жұмыстарды баяндады.&nbsp;Атап айтқанда партияның «Халықпен бірге!» атты 2023-2027 жылдарға арланған сайлауалды бағдарламасын өңірде жүзеге асыруға бағытталған жол картасы тармақтарының орындалуы, қоғамдық қабылдауға келіп түскен өтініштердің шешілу динамикасы, партиялық жобалардың жүзеге асуы, депутаттық фракциялар және ақпараттық жұмыстар мен ішкі партиялық жұмыстар бойынша есеп берді.Жиынға партияның облыстық филиалының төрағасы Алмасбек Есмаханов пен атқарушы хатшы Ләйлә Төрешова сондай-ақ жауапты бөлім басшылары да қатысып, жарты жылдық жұмыстарға жасалған мониторинг қорытындысын таныстырды. Нәтижелі жұмыстар тәжірибеге ұсынылса, кемшін тұстар бойынша сын-ескертпелер айтылып, жұмысты жетілдіру бағытында ұсыныстар ортаға салынды.Жиын соңында партияның облыстық филиалының төрағасы Алмасбек Есмаханов атқарылған жұмыстарға оң бағасын беріп, партияластарды мұнымен тоқмейілсімей, жұмысты жетілдіре түсуге шақырды.&nbsp;

Жыл басынан атқарылған жұмыстар сараланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен "Өнер орталығында" «XXI ғасырдың қаржылық триггерлері» тақырыбында форум өтті. Форумға Қызылорда қаласы мен аудан әкімдері, жауапты сала басшылары, білім, денсаулық сақтау, мәдениет, спорт салаларының мамандары, &nbsp;зиялы қауым, белсенді жастар ұйымдарының өкілдері қатысты.<img src="https://knadmin.beoblood.kz/uploads/Respublikaly_forum_4_4ef7f87bf0.jpg" alt="Республикалық форум 4.jpg">Аймақ басшысы қоғамдағы күрделі мәселелерді талқылап, алдағы бірлескен маңызды міндеттерді айқындау мақсатында атқарылатын жұмыстарға тоқталды.<blockquote>«Цифрлық шешімдер жылдам дамыған уақытта азаматтарымыздың құқықтарын қорғаудың, қаржылық сауаттылығын, құқықтық мәдениетін қалыптастырудың маңыздылығы артты. Президентіміз Қасым-Жомарт Кемелұлы халыққа арнаған Жолдауында: «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза, Қауіпсіз Қазақстанды құра аламыз», - деп нақты міндеттерді белгілеген болатын. Биыл 1 сәуірде Үкімет қаулысымен «Қоғамда заң мен тәртіп идеологиясын ілгерілету жөніндегі 2025 – 2030 жылдарға арналған тұжырымдама» бекітіліп, нақты міндеттер белгіленді. Өңірімізде Мемлекет басшымыздың «Заң мен Тәртіп» қағидасын іске асыруда Қызылорда облысы бойынша экономикалық тергеп-тексеру департаментімен бірлесіп, кешенді шараларды қолға алдық. Жаңа бастамаларға әрдайым қолдау көрсетіп келеміз. Заманауи мүмкіндіктерді өз пайдасына &nbsp;асырған алаяқтар жасаған қылмыстар азаматтардың лайықты өмір сүруіне теріс әсер етуде. Түрлі гаджет мен смартфондағы бағдарламалардың көмегімен жасалатын алаяқтық, кибершабуылдар схемасы сәт сайын өзгеріп, қадамдары жаңарып барады. Халықтың қаржылық қауіпсіздігі үшін қаржылық пирамидалар, құмар ойындарға тәуелділік, интернет-алаяқтық, дропперлік қылмыстардың алдын алуда уақытылы, тиісті шешімдер қабылдаудың маңыздылығы артты. Бір қарағанда жеке адамның мәселесі секілді көрінуі мүмкін. Бұл - тұтас қоғамға, әрбір отбасыға, ұрпағымыздың болашағына әсер ететін қауіп-қатер. Біз ашықтық қағидатына сәйкес, қала, аудандарда халықтың өзекті мәселелері бойынша құқық қорғау органдарының бірінші басшыларымен бірге қоғамдық қабылдауларды тұрақты &nbsp;өткізіп келеміз. Бұл өз кезегінде тұрғындардың мемлекеттік органдарға деген сенімін арттырып, әділетті қоғам құруға оң ықпал етті. Елімізде заңсыз ойын бизнесі мен лудоманияға қарсы іс-қимыл жөніндегі заң қабылданып, кешенді шараларға жол ашылды. Бұл кеселмен халық, әлеумет болып күресуіміз керек. Лудомания дертіне шалдыққан адаммен психологтар, дін мамандары жұмыс істеп, жеңіл жолмен келген ақша пайда әкелмейтінін, тек адал еңбекпен тапқан табыстың ғана берекесі болатынын ұғындыруымыз қажет. Бүгінгі форумда ұсынылған тың идеялар мен жаңа бастамалар жүйелі іске ұласып, нақты нәтижелерге бастайды деп сенемін. Форум жұмысына сәттілік тілеймін!», - деді Н. Нәлібаев.</blockquote><img src="https://knadmin.beoblood.kz/uploads/Respublikaly_forum_2_4741e58ea5.jpg" alt="Республикалық форум 2.jpg">Басқосуда Қызылорда облысы бойынша экономикалық тергеп-тексеру департаменті басшысының орынбасары Руслан Сатыбалдиев, дінтанушы Нұрлан Асанов, айтыскер ақын Мұхтар Ниязов, Қызылорда облысы бойынша экономикалық тергеп-тексеру департаментінің басшысы Аслан Кеңес баяндама жасап, қаржылық сауаттылықтың маңыздылығына тоқталды. Қоғам дертіне айналған құмар ойынға әуестіктің қауіпті екенін айтты.Іс-шарада облыс тұрғындарының қаржылық сауаттылығын арттыру, қаржы пирамидалары мен лудоманияға қарсы күрестің алдын алу бағытында белсенді әрі нәтижелі еңбек еткен азаматтар облыс әкімінің Алғыс хатымен марапатталды.<img src="https://knadmin.beoblood.kz/uploads/Respublikaly_forum_3_7909db7e77.jpg" alt="Республикалық форум 3.jpg">

«XXI ғасырдың қаржылық триггерлері» тақырыбында форум өтті

<a href="https://kyzylorda-news.kz/">Kyzylorda-news.kz</a>&nbsp; Бүгінде интернет алаяқтық көбейді. Халыққа қанша рет ескерту жасалып, сақтық шаралары жүргізілсе де алаяқтарға тап болып жатқандар саны өсуде. Оның үстіне жақында 16 миллион қазақстандықтың жеке дерегі таралып кетті. Бұл өзге адамның атынан несие алуға үлкен олжа. Өкініштісі халық алаяқтың құрбаны болып, өзі алмаған несиені төлеуге мәжбүр. Тіпті ол миллиондар болса да. Өз атынан рәсімделген несие болған соң, төлемеске амал жоқ...&nbsp;16 маусымда Қазақстан тұрғындарының жеке дерегінің тарап кеткендігін кибершабуылдарды талдау және тергеу орталығының&nbsp;президенті Олжас Сәтиев растады.<blockquote>– Ақпараттық қауіпсіздік комитеті құқық қорғау және арнайы органдармен бірлесіп, ұсынылған мәліметтердің шынайылығы мен өзектілігін анықтау мақсатында кешенді тексеру жүргізіп жатыр. Алғашқы талдау бұл деректердің мемлекеттік емес, яғни жекеменшік ақпараттық жүйелерден алынуы мүмкін екенін көрсетіп отыр. Мемлекеттік ақпараттық жүйелерден дербес деректердің таралуы немесе хакерлік шабуылдар&nbsp;тіркелген жоқ. Тексеру толық аяқталғанға дейін қандай да бір қорытынды жасау&nbsp;ерте, –&nbsp;деді.</blockquote>Қызылорда облысының прокуратурасының былтырғы берген мәліметінде&nbsp;«IT ТERGEU»&nbsp;жобасы аясында интернет алаяқтық&nbsp;қылмыстарды дер кезінде ашу мен сапалы тергеп-тексеруді жүзеге асыру үшін «Киберпол» тобы құрылып, құрамына тәжірибелі прокурорлар мен полиция қызметкерлері енгізілгені көрсетілген. Жасанды интеллект мүмкіндігін қолданып, 749 қылмыстық іс бойынша 1074&nbsp;ұялы телефон нөмірі тексеріліп, 151 қылмыс ашылып, 62 қылмыскер құрықталған екен.Интернет алаяқтық – заманауи технологиялардың дамуына байланысты кең таралған қылмыс түрі. Біздің елімізде де бұл мәселе өзекті болып отыр. Себебі жыл сайын мыңдаған азаматтар киберқылмыскерлердің құрбанына айналуда. Түрлі желілер арқылы алаяқтардың арбауына түскен азаматтың саны аз емес.&nbsp;Облыстық полиция департаментінің киберпол басқармасы бастығының орынбасары Тимур Хамитов интернет алаяқтықтың алдын алу үшін өңірде атқарылып жатқан жұмыстарды мәлімдеді.<blockquote>– Интернет алаяқтықтың басқа қылмыстарға қарағанда басты ерекшелігі – жалпақ жұрттың бәріне қатысты жасалуында болып отыр. Ол дегеніміз &nbsp;қолында компьютер, смартфон, планшеті бар адам кез келген уақытта интернет алаяқтың құрбанына айналуы мүмкін. Қылмыскерлер уақыт талабынан қалмай, азаматтардың ақшалай қаражатын жымқырудың түрлі жаңа әдіс-тәсілін қолдануда. Әсіресе, олар әлеуметтік желінің мүмкіндігін ұтымды пайдаланып отыр. Жыл басынан бастап облыста 186 интернет-алаяқтық дерегі бойынша қылмыстық іс тіркеліп, сотқа дейінгі тергеп-тексеру нәтижесімен 66 қылмыстық іс өндірістен аяқталып, түпкілікті шешім қабылданған. Қазіргі уақытта өңірде ең жиі кездесіп жүрген бірнеше интернет алаяқтықтың түрі бар. Ең жиі кездесетіні – өзін ұялы байланыс операторы немесе банк қызметкері ретінде таныстырып, жеке деректеріңізге қол жеткізгісі келеді.</blockquote>Айта кету керек, Қазақстанның байланыс операторлары алаяқтық мақсатпен шетелден қоңырау шалатын нөмірлерді бұғаттайды. Осы уақытқа дейін 50 миллионнан астам қоңырау бұғатталған. Облыста интернет-алаяқтық қылмыстарымен айналысу мақсатында «Киберқылмысқа қарсы іс-қимыл басқармасы» құрылып, арнайы ақпараттық техникалармен жабдықталып ашу бағытында жұмыстарды атқаруда, – деді Тимур Зуфарұлы.Алаяқтардың аңыздары әртүрлі болды. Бірақ әрқашан бір нәрсе – сіздің «көмегіңізсіз» бірде-бір алаяқ сіздің шотыңызға қол жеткізе алмайды. Статистикаға сәйкес, банктік карталарға байланысты&nbsp;барлық алаяқтықтықтың 95%-дан астамы пайдаланушылар қаскүнемдерге жетпейтін қажет ақпаратты: смс-кодтарын, CVV-кодтарын және жарамдылық мерзімді, жеке кабинеттің құпиясөздерін өздері берген кезде болады. Осылайша, адамдар өздерінің жинақтарынан хакерлер шоттарын бұзғандықтан емес, өздерінің сенгіштігіне байланысты айырылады. Бұл туралы fingramota.kz мәлімдеді. Кейбір тұтынушылар өздерінің деректерін, телефон нөмірлері мен карталарының деректемелерін жалған байқаулар, ұтыс ойындары мен сауалнамалардың парақшаларында немесе нағыз нақты қаржы ұйымдарының, дүкендер мен басқа да компаниялардың жалған сайттарында енгізеді.&nbsp;Бұдан басқа, алаяқтар&nbsp;өздерін біреудің достары мен таныстары ретінде таныстырып, аккаунтты бұзу арқылы сіздің байланысатын адамдарыңыздан қарызға ақша сұрай алады. Есіңізде болсын, сіз тіпті көмектесуге дайын болсаңыз да, ақпаратты міндетті түрде тексеріп алуыңыз керек, ол үшін қоңырау соғыңыз, ал ең дұрысы жеке кездесіңіз. Ешбір &nbsp;жағдайда қаражатты түсініксіз және бейтаныс карталар мен шоттарға аудармаңыз. Сонда сіз аударымның адресатқа жететініне сенімді боласыз.&nbsp;Облыстық сот берген мәліметке көз жүгіртсек, интернет алаяқтықтық құрбаны болғандар біздің өңірде де жеткілікті. Сот арқылы шешіліп, медиацияның көмегімен шешімін тапқандар да бар. Мәселен,&nbsp;Байқоңыр қалалық сотында 1 000 000 теңге көлемінде негізсіз баюды және сот шығындарын өндіру туралы талап қоюы бойынша азаматтық іс қаралған. Талап қоюшы өзінің интернет-алаяқтардың құрбаны болғанын, азаматтық-құқықтық қатынастардың жоқтығына қарамастан, белгісіз тұлғаның банктен несие алып жауапкерге ақша аударуға көндіргенін, оның есебінен жауапкер негізсіз байығанын көрсеткен. Нәтижесінде тараптар дауды медиация тәртібімен реттеу туралы келісімге келгенін айтып, аралағындағы келісімді бекітуді сұрады.&nbsp;Келісімнің шарттарына сәйкес, жауапкер талап қоюшыға ақшаны әр ай сайын 50 000 теңгеден төлеп тұруға міндеттелді.&nbsp; &nbsp; &nbsp;Сондай-ақ Шиелі аудандық сотында талап қоюшы жауапкерден негізсіз баю сомасын өндіріп алу туралы азаматтық ісі қаралған.Іс құжаттарына сәйкес, талап қоюшының ұялы телефонына өзі жұмыс істейтін емхана директоры азамат Қ.-ның атынан «Ұлттық қауіпсіздік қызметкерлері Қазақстаннан тыс жерлерге аударымдармен айналысатын емхана қызметкерлеріне қызығушылық танытып отырғаны туралы» sms-хабарлама келген. Осыдан кейін ұялы телефонына Н. есімді азамат хабарласып, өзін ҰҚК қызметкері ретінде таныстырып, «Талап қоюшының есепшотынан тыйым салынған ұйымдардың шоттарына ақшалай қаражат жөнелтілгенін» айтып сендірген және осы мәселе бойынша банк қызметкері хабарласатынын айтқан.&nbsp;Әрі қарай талап қоюшыға өзін банк қызметкері ретінде таныстырған азаматша қоңырау шалып, белгісіз біреулер талап қоюшының атынан несие алуға тырысып жатқанын айтып, оның нұсқауы бойынша «Хоум Кредит банк» бөлімшесіне барып, 2 000 000 теңге сомасында несие, «Банк Центр Кредит» бөлімшесіне барып 675 000 теңге сомасында несие, «Каспи Банк» бөлімшесіне барып 1 000 000 теңге сомасында несие алдырып, «Банк Центр Кредит» АҚ-ның терминалы арқылы бірнеше операциялар жасап, ақшалай қаражаттарды жібергізген. Одан әрі талап қоюшы жауапкердің есепшотына 500 000 мың теңге аударып жіберген.&nbsp;Алаяқтарға алданып қалғанын білгеннен кейін талап қоюшы полицияға арызбен жүгініп, Қазақстан Республикасы Қылмыстық Кодексінің 190-бабының 2-бөлігімен қылмыстық іс қозғалған.&nbsp; &nbsp;Талап қоюшы талабында емхана директорының атынан сөйлескен алаяқтар екенін кейін білгенін, жауапкер Ш.-ның карточкалық есепшотына 500 000 теңге сомасындағы ақшалай қаражатты аударып жібергенін көрсетіп, жауапкерден ақша өндіруді сұраған.&nbsp; &nbsp; &nbsp; Жауапкер сотта талап қоюды толығымен мойындап, азаматтық істі өзінің қатысуынсыз қарауды сұраған. Шиелі аудандық сотының шешімімен талап қоюшының талабы қанағаттандырылып, жауапкерден негізсіз баю сомасы 500 000 теңге және сот шығындары өндірілді.&nbsp;&nbsp; &nbsp;Облыстық сот берген мәліметте осыған ұқсас жағдайлар көп кездескен. Біршама іс медиация көмегімен шешімін тапқан. Десе де, алаяқтарға алданып, маңдай терімен тапқан еңбек ақысымен төлеп жүргендер қатары қанша? Интернет алаяқтық жасқа да, кәріге де қарап тұрған жоқ. Адамның оп-оңай сеніміне кіріп, көздеген мақсатына жетуде. Бұларға тоқтау болатын уақыт әлі жақын емес. Сондықтан да алаяқтан сақтанып, қаржылық сауаттылықты арттырып, кімге болса да сене салмаған абзал...Мөлдір САБЫРЖАНФото: Нұрболат НҰРЖАУБАЙ

Облыста 186 интернет-алаяқтық дерегі бойынша қылмыстық іс тіркелген

<a href="https://kyzylorda-news.kz/">Kyzylorda-news.kz</a> <img src="https://aqmeshit-aptalygy.kz/wp-content/uploads/2025/06/5-7.webp" alt="">Қазақстанда декреттік төлемді көбірек алу үшін табысын асырып көрсеткен 4 әйелге қатысты қылмыстық іс сотқа жолданды. Қазір оның үшеуін сот қарап жатыр. Бұл туралы Еңбек және халықты әлеуметтік қорғау министрлігі&nbsp;<a href="https://azattyq-ruhy.kz/">Azattyq Rýhy</a>&nbsp;ресми сауалына берген жауабында айтты.Қазір республика бойынша декретке шыққан аналарға қатысты сегіз өңірде 17 қылмыстық іс тіркелген. Соның төртеуі сот органдарына жіберілген.<blockquote>«Осыған дейін төлеушілермен (жұмыс берушілермен) жүргізілген жеке тексеріс негізінде нақты еңбек қатынастары болмаса да әлеуметтік аударымдарды аударған жағдайлар анықталған. Бүгінгі таңда Қор филиалдарының өтініші негізінде құқық қорғау органдары 17 қылмыстық іс қозғады. Олар: Ақтөбе, Алматы, Қызылорда, Жамбыл, Шығыс Қазақстан, Абай облыстары және Алматы, Шымкент қалалары. Қозғалған қылмыстық істер аясында құқық қорғау органдары жедел-тергеу әрекеттерін жүргізіп жатыр. 4 қылмыстық іс (Ақтөбе, Қызылорда, Абай облыстары мен Шымкент қаласында) сот органдарына жолданып, оның ішінде 3 қылмыстық іс қаралып жатыр», – делінген ресми жауапта.</blockquote>Қылмыстық істер бойынша шешімді сот қабылдайды.Естеріңізге салайық, осы жылдың басында еңбек және халықты әлеуметтік қорғау министрі Светлана Жақыпова Қазақстанда декреттік төлем ашу үшін табысын асырып көрсеткен 113 әйелге қатысты 16 қылмыстық іс қозғалғанын&nbsp;<a href="https://azattyq-ruhy.kz/society/85778-kazakstanda-dekretke-millionmen-shykk-ysy-kelgen-113-iel-sottalyp-ketui-mumkin">мәлімдеген.</a>&nbsp;Олар мемлекетке 158 млн теңгеден астам залал келтірген. Тағы 1,5 мың әйел табысын асыра көрсеткенін&nbsp;<a href="https://azattyq-ruhy.kz/society/86644-bir-zharym-myn-iel-kin-sin-moiyndagan-kazakstanda-dekretke-shykk-an-analarga-karsy-li-de-kylmystyk-ister-kozgalyp-zhatyr">мойындап,</a>&nbsp;Мемлекеттік әлеуметтік сақтандыру қорындағы 3,4 млрд теңгені үнемдеген.Фото: Нұрболат Нұржаубай

Қазақстанда «декретке миллионмен» шыққан аналардың ісі сотқа жетті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде «Таза Қазақстан» республикалық экологиялық бағдарламасының іске асырылу барысы қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысында Премьер-министр Мемлекет басшысының «Таза Қазақстан» бастамасын жүзеге асыруға қатысты бірқатар тапсырма берді.«Үлкенді сыйлау, мәдени мұра нысандары мен инфрақұрылымға ұқыпты қарау, дәстүрлі отбасылық құндылықтарды дамыту жаңа тәрбие беру парадигмасының құрамдас бөлігіне айналуы керек.Бүгіннің өзінде осы бағытта түрлі акциялар, таза ауада жаппай сауықтыру жаттығулары, дөңгелек үстелдер, флешмобтар мен басқа да іс-шаралар өткізіліп жатыр.Үлгі боларлық мысалдар мен қоғамдық маңызы бар бастамалар арқылы тәртіпке, салауатты өмір салтына, экологиялық мәдениетке, рухани дамуға бағытталған орнықты, позитивті күн тәртібін қалыптастырған жөн», – деп атап өтті Олжас Бектенов.Экология және табиғи ресурстар министрінің мәліметінше, бүгінде мемлекеттік орман қоры аумағына 1,3 млрд, оның ішінде Арал теңізінің құрғаған табанына 48,7 млн сексеуіл көшеті отырғызылған. Қазалы қаласындағы 33 гектар алаңда жылына 3 млн көшет өсіретін орман тәлімбағының құрылысы аяқталды.Айта кетейік, Мемлекет басшысы 2021-2025 жылдар аралығында Арал теңізінің құрғаған ұлтанындағы 1,1 млн. гектарға сексеуіл екпелерін егу жөнінде тапсырма берген болатын. 2021-2024 жылдары 659,1 мың гектар алқапқа екпе егілді. Биыл қалған 440,9 мың гектар аумаққа сексеуіл көшеттері мен галофитті тұқымдар егу жоспарлануда.Бұл жұмыстарды атқаруға бюджеттен тыс қаражат тартылды. Өткен жылы «Қазмұнайгаз» ұлттық компаниясы акционерлік қоғамы 500 млн қаржы бөлсе, Қызылорда, Түркістан облыстары әкімдіктері мен КАТКО және "Республикалық орман селекциялық тұқым өсіру орталығы" орман екпелерін өтемдік отырғызу бойынша міндеттемелерді Арал теңізінің құрғаған табанына қайта бөлу үшін бесжақты келісім жасалды. КАТКО бөлген 2,2 млрд. теңге жоспарланған Арал теңізінің құрғаған табанының жұмыс көлемін қаржыландыруға мүмкіндік береді.Президент бастамасымен қолға алынған «Таза Қазақстан» республикалық бағдарламасы аясында қаламыздағы, аудан орталықтарындағы, ауылдардағы парктер, скверлер мен аллеялар, көпқабатты тұрғын үйлердің аулалары абаттандырылуда.Аталған жұмыстарға қала, аудандар мен барлық ауылдық елді мекендер белсенді қатысып келеді. Аймағымыздың сәулеттік келбеті жаңарды.Демеушілер есебінен Қызылорда қаласының орталық алаңы, Жаңақорғанда заманауи демалыс паркі, Сырдария ауданы Нағи Ілиясов ауылында «Еңбекшілер паркі» пайдалануға берілді. Дәл осындай демалыс орны жақында ғана Қазалы ауданында ел игілігіне табысталды.Қазір қаламыздағы Президент саябағы, Қорқыт Ата мемориалды аллеясы қайта жаңғыртылуда.Фото: Қызылорда облысы әкімінің баспасөз қызметі

«Таза Қазақстан» республикалық экологиялық бағдарламасының іске асырылу барысы қаралды

<a href="https://kyzylorda-news.kz/">Kyzylorda-news.kz</a> Кеше «AMANAT» партиясы облыстық филиалының төрағасы Алмасбек Есмахановтың төрағалығымен «Ауыл аманаты» партиялық жобасын жүзеге асыруға бағытталған жұмысшы топтың отырысы өтті. Онда ауыл тұрғындарына ауыл шаруашылығы кооперациясына қатысты нормативтік-құқықтық актілер мен мемлекеттік қолдау шараларын түсіндіру бойынша ақпараттық жұмыстың тиімділігін арттыру мәселелері талқыланды.Мемлекет басшысының «Әділетті Қазақстан: бәріміз және әрқайсымыз үшін. Қазір және әрдайым» атты бағдарламасына және партияның «Халықпен бірге!» сайлауалды бағдарламасына сәйкес ауыл тұрғындарының табысын арттырудың негізгі шарты ауыл шаруашылығы кооперациясын дамыту болып табылады. Осы орайда ағымдағы жылы партияның «Ауыл аманаты» жобасы аясында жеңілдетілген шағын несиелерді бөлу кезінде басымдық кооперативтерге берілмек. Мұны жиын барысында партия филиалының төрағасы Алмасбек Есмаханов атап өтті.«Бүгінде ауылдық елді мекендер мен шағын қалалар бөлінісінде болжамды инвестициялық жобалар тізбесі де нақтыланған. Атап айтсақ, өңірде 2025 жылға арналған 313 жобаның, 17-і кооперативтік жоба ретінде белгіленген. Қазір оны іске асыру бойынша жергілікті атқарушы органдармен бірлескен жұмыстар қолға алынды»,- дейді ол.Филиал төрағасы ауылдық жерлерде кооперацияны дамытуда жеке қосалқы шаруашылықтардың кооперативтік модель туралы хабарының төмендігі басты проблемалардың бірі екенін атап өтіп, облыс әкімінің бірінші орынбасары Данияр Жаналиновтың бекітуімен арнайы ақпараттық топ құрылғандығын жеткізді. Жұмысшы топ елді мекендерді аралап, бастапқы кезде кооператив құру бойынша түсіндірме және насихаттау шараларын үйлестірмек.Жиын барысында ақпараттық топтың жұмыс кестесі әзірленді. Онда осы аптада Шиелі ауданы бойынша Майлытоғай, Тартоғай, Жиделіарық пен Бестам ауылдарын аралап, онан кейін алдағы аптада жаңа кооперативтік жобалардың құрылтайшыларымен үздік өндірістік алаңдарда кездесу, бастамашыл топтан кейін халықпен тікелей кездесулер ұйымдастыру жоспарланған.

«Ауыл аманаты»: Кооперативтерге басымдық беріледі

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы Полиция департаментінде «Заң мен тәртіп» қағидатын іске асыру мақсатында Ашық есік күні ұйымдастырылды. Іс-шара барысында департаменттің материалдық-техникалық мүмкіндіктері, заманауи жабдықтар, арнайы көліктер мен криминалистикалық құрал-жабдықтардың көрмесі көпшілік назарына ұсынылды.Шараның ашылуында Қызылорда облысы Полиция департаменті бастығының орынбасары полиция полковнигі Оралбек Омаров сөз сөйлеп, полиция жұмысының ашықтығы мен қоғаммен тығыз байланысының маңыздылығын атап өтті. Ол жастар мен тұрғындарға тәртіп сақшыларының қызметі, техникалық әлеуеті және қауіпсіздікті қамтамасыз етудегі заманауи тәсілдер туралы айтып өтті.Көрме барысында криминалистикалық зерттеулер мен техникалардың қолданылу тәсілдері таныстырылып, келушілерге полиция қызметкерлері тарапынан түсіндірме жұмыстары жүргізілді.Іс-шара құқық қорғау органдарының халықпен ашық және сенімді қарым-қатынаста жұмыс істеуін көрсететін маңызды қадам болды.Фото: Qyzylorda PD

Қызылордалық полицейлер «Ашық есік» күнін өткізді

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясының облыстық филиалының төрағасы Алмасбек Есмаханов, партияның қалалық филиалы жанындағы партиялық бақылау комиссиясы төрағасы Мейрамбек Есжанов, партиялық бақылау инспекторы Алтынбек Жарылқасынов партия белсенділерімен бірге жаз мезгілінде аймақтағы өрт қауіпсіздігін сақтау және алдын алу мақсатында облыстық орман және жануарлар дүниесін қорғау жөніндегі мемлекеттік мекемесінің материалдық-техникалық жабдықталуына мониторинг жұмыстарын жүргізді. Ұжым қызметкерлерімен кездесіп, жұмысты жетілдіру бағытында олардың ұсыныс - пікірлерін тыңдады.Аталмыш мекеме мемлекеттік орман қоры жерлерінің шекарасында, орманды қорғау, сақтау және өсімін молайту функцияларын жүзеге асыру үшін ұйымдық құқықтық нысанында құрылған, заңды тұлға мәртебесіне ие коммерциялық емес мекеме болып табылады.Мекемеге қарасты мемлекеттік орман қорының жалпы жер көлемі 838,022 гектар оның 707612,9 гектары орманмен көмкерілген және 130409,1 гектары орман жерлер болып табылады. Қазіргі таңда мекмеде 8 орман өрт сөндіруші жұмыс жасайды. Олардың 2-і аға орман өрт сөндіруші, 6 жауынгер.Өртке қарсы 2 дана өрт сөндіру авто көлігі, 2 дана ХТХ-150-К-09 тракторлары соқасымен, 1 дана Лютонг тракторы соқасымен, 3 дана МТЗ-82 тракторлары, 1 дана сыйымдылығы 3,0 тонна жылжымалы автоцистерна, 3 дана мотопомпа бар. Бақылау жұмыстары мен жылдам хабар алмасуға негізделген мекемеге қарасты 3 өрт бақылау мұнарасы, 3 дана мобильді, 67 дана қолға ұстап жүретін рация және 1 дана стационарлы радиостанция қолданыста бар. Сонымен қатар 15 мотоцикл көлігі, 9 дана GPS навигатор, 2 дана пилотсыз ұшу аппараты сатып алынған. Жергілікті Төтенше жағдайлардың алдын алу департаментімен тығыз байланыста жұмыс жасайды.Мекеме басшысы Сейілбек Таймановтың айтуынша құрғақ және ыстық ауа райына байланысты өрттің болуы қауіптілігі неғұрлым жоғарылайды. Сондықтан осындай аумақтарда қауіпсіздік шаралары күшейтілген. Орманды, дала алқаптарда өрттердің себептері әртүрлі: демалыс орнында қараусыз жағылған күйінде қалдырылған от шоғы, сөндірмей тастап кеткен темекі тұқылы, майланған, тез жанғыш заттарды және қоқысты қалдырып кету себептерінен туындайды. Осыған орай ауа райының ысып кетуі салдарынан табиғат аясында демалушылардың отты абайсыз қолдануы және басқа да жағдайлардың, өрттің алдын-алу бағытындағы шаралар ұйымдастырылуда.Мониторинг барысында ұжым қызметкерлері тарапынан айтылған ұсыныс пікірлер назарға алынып, тиісті жұмыс жасалатын болды.

Жаз мезгілінде аймақтағы өрт қауіпсіздігін сақтау және алдын алу мақсатындағы жұмыстар пысықталды

Инвесторға арналған жадынама: шетелдік банктің сенімділігін қалайша тексеруге болады 

<a href="https://kyzylorda-news.kz/">Kyzylorda-news.kz</a> БАҚ қызметкерлері күні қарсаңында "Тұмар-2025" ұлттық телевизиялық сыйлығының он бір номинациясы бойынша номинанттар анықталды, деп хабарлайды <a href="https://baq.kz/tumar-2025-ulttyq-syylygyna-umitkerlerdin-qysqa-tizimi-zhariyalandy-200016081/">BAQ.KZ.</a>Биыл байқауға қатысу үшін 11 номинация бойынша жетекші республикалық және өңірлік телеарналардан 300-ден астам өтінім келіп түсті. Шорт-листке 44 жұмыс енді.Жеңімпаздар есімі 27 маусымда Бұқаралық ақпарат құралдары қызметкерлерінің күні қарсаңында анықталатын болады. Жеңімпаздарға отандық телевизия саласындағы ең жоғары жетістіктері үшін «Тұмар» мүсіншесі мен 1 миллион теңге көлеміндегі қаржылай сыйақы табысталады."Тұмар - 2025" Ұлттық телевизиялық бәйгесінің номинанттары:Ең үздік әлеуметтік тележоба:• «Таза қала» - JIBEK JOLY телеарнасы• «Таза Қазақстан» - 24KZ телеарнасы• «Жақсылық жаса» - QAZAQSTAN TV телеарнасы• «Әке арманы» - АSTANA TV телеарнасыЖылдың ең үздік репортажы:• «В гостях у кочевников» - МИР телеарнасы• «Алаяқтар балаларды қыруар қаржыға сан соқтырып жатыр» - ATAMEKEN BUSINESS телеарнасы• «Театры выживают за счёт талантов» - Хабар телеарнасы• «Абадан» - ЖЕТІСУ телеарнасыЕң үздік ақпараттық-сараптамалық бағдарлама:• «Жетінші студия» - 7 арна• «Basty taqyryp» - ATAMEKEN BUSINESS телеарнасы• «Әлем және біз» - QAZAQSTAN TV телеарнасы• «President» - 24KZ телеарнасыЕң үздік журналистік зерттеу:• «АЭС және энергетикалық қауіпсіздік» - ATAMEKEN BUSINESS телеарнасы• «По следам спасительного эшелона: как доставляли продовольствие в блокадный Ленинград из Казахстана?» - МИР телеарнасы• «Мүгедектігі бар жандар жұмысты қайдан табады?» - QYZYLORDA TV телеарнасы• «Тылсым тарих: Аштық қасіреті, Құмаршық қасиеті» - ATYRAÝ TV телеарнасыЖылдың ең үздік телехикаясы:• «Күзде келген көктем» - Хабар телеарнасы• «Құтқару қызметі» - 7 арна• «12:00» - 31 арна• «111. JUZ ON BIR» - JIBEK JOLY телеарнасыЕң үздік деректі фильм:• «Человек с острова Кулалы» - JIBEK JOLY телеарнасы• «Вандализммен күрес» - ATAMEKEN BUSINESS телеарнасы• «Закладчики. Расплата» - QYZYLJAR телеарнасы• «Олимпийские свершения: казахстанские герои Парижа» - Хабар телеарнасыЕң үздік балалар тележобасы:• «Дара бала» - BALAPAN телеарнасы• «Давай меняться» - ERTIS TV телеарнасы• «Түркістан сақшылары» - TURKISTAN TV телеарнасы• «Дарын» - QOSTANAI TV телеарнасыЕң үздік өңірлік арна:77TV телеарнасы – Жамбыл облысыSaryarqa телеарнасы –Қарағанды облысыCaspian News телеарнасы – Атырау облысыULYTAU телеарнасы - Ұлытау облысыЕң үздік тележурналист:• Ақерке Бектас – QAZAQSTAN TV телеарнасы• Айнұр Иманғали –JIBEK JOLY телеарнасы• Аслан Қаженов –24KZ телеарнасы• Әйгерім Пернебекова –ALMATY TV телеарнасыЕң үздік тележүргізуші:• Оксана Петерс – 7 арнаҮмбетәлі Меймеш –ALMATY TV телеарнасы• Мөлдір Доспаева –Хабар телеарнасы• Вероника Вишневская – Еуразия бірінші арнасыЕң үздік спорттық комментатор:• Жандос Айтбай –Хабар телеарнасы• Ерік Ерсін –QAZSPORT телеарнасы• Азамат Ашимов – ATAMEKEN BUSINESS телеарнасы• Азамат Нұғыманов - QAZAQSTAN TV телеарнасыФото: gov.kz

"Тұмар-2025" ұлттық сыйлығына үміткерлердің қысқа тізімі жарияланды

<a href="https://kyzylorda-news.kz/">Kyzylorda-news.kz</a> Арал теңізінің құрғаған түбін көгалдандыру жұмыстары биыл да жалғасып жатыр. Бұл туралы Үкімет отырысында Экология министрі Ерлан Нысанбаев мәлімдеді, деп хабарлайды <a href="https://baq.kz/aral-tagdyry-ministr-naqty-zhumystardy-atady-200016101/">BAQ.KZ</a> тілшісі.Министрдің айтуынша, 2024 жылдан бастап Арал теңізінің құрғаған табанындағы орман мелиорациялық шаралар бюджеттен тыс, ірі компаниялардың қаржысы есебінен жүзеге асырылып келеді.Мәселен, "ҚазМұнайГаз" компаниясының қолдауымен өткен жылы көктемде 15 мың гектар жерге 4,4 миллион сексеуіл көшеті отырғызылды. Биыл КАТКО компаниясымен бірлесіп, 2,2 млрд теңге бөлініп, 120 мың гектарға сексеуіл тұқымы себілді және 12 мың гектарға көшет отырғызылды, – деді министр.Сапалы көшеттермен қамтамасыз ету мақсатында арнайы орман питомниктері құрылып жатыр. Өткен жылдың соңында Қазалы қаласында 33 гектар аумақта қуаты жылына 3 миллион көшет болатын питомник салынып, алғашқы 10 гектарына сексеуіл тұқымы егілген.Аралдың құрғаған аумағында да жеке питомник жобаланып жатыр. Қазірдің өзінде 15 гектар аумақта ұңғымалар бұрғыланып, инженерлік жұмыстар атқарылуда. Бұл питомникте сол өңірдің климатына бейімделген көшеттер өсірілетін болады, – деді Ерлан Нысанбаев.Министрдің айтуынша, осы жылдан бастап барлық жұмыстар Қызылорда облысында құрылған Қазақ орман шаруашылығы ғылыми-зерттеу институтының филиалының ғылыми сүйемелдеуімен жүзеге асырылып жатыр.<blockquote>Сала сарапшылары мен ғалымдар сексеуілді отырғызу жұмыстарының тиімділігіне жоғары баға беріп отыр, – деді министр.</blockquote>Фото kazaral.org

Қазақстан және Қызылорда облысының жаңалықтары