<a href="https://kyzylorda-news.kz/">Kyzylorda-news.kz.</a> Қазалы ауданы әкімдігінде 2022 жылдың вегетациялық кезеңіне және көктемгі дала жұмыстарына дайындық барысына арналған мәжіліс өтті.
Басқосуға облыстық ауыл шаруашылығы басқармасының басшысы Талғат Дүйсебаев, «Арал-Сырдария» бассейндік инспекциясының басшысы Сейілбек Нұрымбетов, «Ыбырай Жақаев атындағы қазақ күріш шаруашылығы ғылыми-зерттеу институты»ЖШС басқарма төрағасының орынбасары Әсет Тоқтамысов, «Қазсушар» мекемесі Қызылорда филиалы директорының орынбасары Жорабек Ерназаров, облыстық табиғи ресурстар және табиғат пайдалануды реттеу басқармасы басшысының орынбасары Жұлдызай Айтжанова және дербес бөлім мен шаруашылық басшылары қатысты.
Мәжілісті аудан әкімі Мұхтар Оразбаев ашып, күн тәртібіндегі мәселенің өте маңызды екенін атап өтті.
<blockquote>
 «Бүгінгі мәжілістің күн тәртібінде Сырдария өзеніндегі болжанып отырған су тапшылығы жағдайында ауылшаруашылығы дақылдарын орналастыру сызбасын қайта қарап, вегетация кезінде дақылдарды суармалы сумен қамтамасыз ету мәселелері қаралатын болады.
 Өткен аптада ауданымызға ҚР Парламенті Мәжілісі депутаттарының іссапары барысында да Өздеріңізбен кездесіп, бұл мәселелерді талқылаған болатынбыз. Депутаттар мәселені Үкімет деңгейінде көтеріп, барынша қолдау көрсетуге уәде берді.
 Сондай-ақ, 5 ақпанда Қазақстан Республикасы Экология, геология және табиғи ресурстар вице-министрі Қожаниязов Серік Салауатұлының қатысуымен өткізілген мәжілісте вегетациялық кезең аса күрделі су тапшылығы жағдайында өтетіндігі айтылды. Биыл Көксарай су қоймасына мүлдем су жиналмайды деп болжанып отыр.
 Бұл мәселені Үкімет басшысынан бастап, тиісті министрліктер мен облыс әкімі жоғары деңгейде көтеріп, су тапшылығын болдырмау үшін көрші елдермен келіссөздер жүргізілуде.
 Бұл жағдайда биылға межеленіп отырған күріш егісін суармалы сумен қамтамасыз етуде қиындықтар туары анық.
 Өздеріңіздің ұсыныстарыңызға сәйкес, ауданда «Вегетациялық кезеңде егістікті суармалы сумен қамтамасыз ету» жөнінде жұмысшы тобы құрылды. Өздеріңізбен бірлесіп, ең тиімді шешімдерді қабылдай отырып, барлық мәселелерді оңынан шешетін боламыз деп сенемін, – деді Мұхтар Әуесұлы.
</blockquote>
<img src="https://kyzylorda-news.kz/wp-content/uploads/2022/02/00-3.jpg" alt="" />
Күн тәртібіндегі мәселелерге байланысты «Арал-Сырдария» бассейндік инспекциясының басшысы Сейілбек НұрымбетовСырдария өзені бойындағы су шаруашылығы жағдайы, «Қазсушар» мекемесі Қызылорда филиалы директорының орынбасары Жорабек Ерназаровауылшаруашылығы дақылдарын вегетация кезінде суармалы сумен қамтамасыз ету мәселесі,«Ыбырай Жақаев атындағы қазақ күріш шаруашылығы ғылыми-зерттеу институты»ЖШС басқарма төрағасының орынбасары Әсет Тоқтамысовсу тапшылығы жағдайында егін шаруашылығында су қорларын тиімді пайдалану, облыстық ауыл шаруашылығы басқармасының басшысы Талғат Дүйсебаев көктемгі дала жұмыстарына дайындық барысы және ауыл шаруашылығы дақылдарын орналастыру сызбасын қайта қарау бағытындағы жұмыстар жөнінде хабарлама жасап, бүгінгі таңдағы нақты жағдайды баяндады.
Мұнан соң кезек ұсыныс-пікірлерге беріліп, «Жалаңтөс батыр» ЖШС директоры Қасқырбай Әлімбай, «Сыр маржаны» ЖШС директоры, облыстық мәслихат депутаты Мнажадин Өтеев, «РЗА Агро» ЖШС директоры, аудандық мәслихат депутаты Нұрлан Имандосов күн тәртібіндегі мәселелерге байланысты ойларын жеткізді.
Шаруашылық басшылары бірінші кезекте ауданда күріш алқабын мұнан әрі қысқарту көптеген мәселелерге әкеліп соғатынын жеткізді. Біріншіден, егістік алқабы қысқарған жағдайда жердің тұздылығы артып, жарамсыз күйге түседі. Екіншіден, ауданда жұмыссыздық деңгейі артады. Қазіргі таңда қаншама адам шаруашылықтарда еңбек етіп, отбасын асырап отыр.
Бұдан бөлек, егістікті әртараптандыру, субсидия төлеу, «Қараөзек» су қоймасының маңызы, Қуаңдарияның арнасын Сырдария өзеніне қоспау, бүркемелеп суарудың тиімділігі және егістіктің картографиясын бюджет есебінен жасау жөнінде мәселелер талқыланды.
Сондай-ақ, Ыбырай Жақаев атындағы қазақ күріш шаруашылығы ғылыми-зерттеу институтының ғылыми қызметкерлері тарапынаншаруашылық басшыларына әртараптандыру бағытында суды аз тұтынатын, тұзды жерге төзімді құмай, түйежоңышқа секілді өсімдіктерді егу жөнінде ұсыныстар айтылды.
Басқосуда облыстық ауыл шаруашылығы басқармасының басшысы Талғат Дүйсебаев шаруашылық басшыларының сұрақтарына жауап беріп,өз ұсыныстарын да жеткізді.
<blockquote>
 «Сырдария өзеніндегі судың жағдайы жыл сайын күрделеніп бара жатқанын өздеріңіз көріп отырсыздар. Алдағы уақытта су деңгейі азаймаса көбеймейтін секілді. Оның үстіне ғалымдардың айтуынша, болашақта әлемде су тапшылығы орын алады. Сондықтан біз егістік егуді жаңа технологияларды пайдалана отырып, өсіруіміз қажет. Мұны мен жайдан-жай айтып отырғаным жоқ. Себебі Израиль мемлекетінің жері біздің жерімізден де өте нашар. Дегенмен ол ел дүниежүзіне 70 түрлі жеміс-жидек пен көкөніс түрлерін экспорттайды. Сол сияқты біз де ғалымдармен бірігіп жұмыс істеп, осы жерге бейімделетін дақылдарды егуіміз қажет», – деді Талғат Тұрсынұлы.
</blockquote>
Маңызды мәселелер талқыланған мәжілісті аудан әкімі Мұхтар Оразбаев қорытындылап, Қазалыға арнайылап келген сала басшылары мен мамандарға алғысын айтты.
<img src="https://kyzylorda-news.kz/wp-content/uploads/2022/02/03-1.jpg" alt="" />

Қазалыда көктемгі дала жұмыстарына дайындық барысы талқыланды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің жас ғалымдары АҚШ-тың Мичиган мемлекеттік университетімен бірігіп, америкалық кеңес тарапынан қаржыландырылатын жобаны ұтып алды. Бұл туралы университеттің баспасөз қызметі хабарлады.
Жас ғалымдарға 10 күн бойы Мичиган мемлекеттік университеті, Джорд Вашингтон, Оңтүстік Дакота, Майн, және Нью-Йорк қаласындағы Пэйс университетерінің профессорлары офлайн форматта дәріс оқиды. Сондай-ақ, жас зерттеушілердің НАСА ғарыштық агенттігінің Қазақстандағы және Орталық Азиядағы қазіргі және келешектегі жобаларына қатысуға мүмкіндіктері бар.
Жобаның тақырыбы: «Қазақстан аумағындағы жоғарғы оқу орындарында экология және қоршаған орта ғылымдар саласында негізі оқу бағдарламаларын дамыту».
<blockquote>
 «Біздің ғалымдар жоба аясында АҚШ оқу орындарымен тәжірибе алмасып, экология саласының оқытылу процесімен таныспақ. Аталған жоба екі ел университеттері арасындағы ынтымақтастықтың артуына және студенттердің тәжірибе алмасуына ықпал етеді», – деді халықаралық байланыстар бөлімінің басшысы Гүлназия Әлмаханова.
</blockquote>

Қызылордалық ғалымдар америкалық жобаны ұтып алды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 3146 адам коронавирус ифекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 320
Алматы қаласы – 570
Шымкент қаласы – 566
Ақмола облысы – 177
Алматы облысы – 150
Атырау облысы – 64
Шығыс Қазақстан облысы – 62
Жамбыл облысы – 63
Батыс Қазақстан облысы – 202
Қарағанды облысы – 52
Қостанай облысы – 175
Қызылорда облысы – 16
Маңғыстау облысы – 3
Павлодар облысы – 566
Солтүстік Қазақстан облысы – 145
Түркістан облысы – 15
Қазақстан бойынша жазылғандар саны – 1259430.

Covid-19: 16 қызылордалық дертінен айықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 598 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 69
Алматы қаласы – 206
Шымкент қаласы – 5
Ақмола облысы – 22
Ақтөбе облысы – 7
Алматы облысы – 36
Атырау облысы – 12
Шығыс Қазақстан облысы – 27
Жамбыл облысы – 4
Батыс Қазақстан облысы – 14
Қарағанды облысы – 33
Қостанай облысы – 42
Қызылорда облысы – 2
Маңғыстау облысы – 12
Павлодар облысы – 43
Солтүстік Қазақстан облысы – 62
Түркістан облысы – 2
Жалпы ел бойынша ауырғандар саны 1300164.

Қызылордада өткен тәулікте 2 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Сәрсенбі күні елдің солтүстігінде, орталығында және шығысында қар жауып, көктайғақ күтіледі, деп хабарлайды Қазгидромет.
Еліміздің қалған аумағында антициклон жотасының әсерінен жауын-шашынсыз ауа райы сақталады. Жекелеген өңірлерде тұман, екпінді жел болжанады.
Ақмола облысының солтүстік-батысы мен оңтүстігінде тұман, көктайғақ күтіледі, түнде солтүстігінде, шығысында жел 15-20 м/с күшейеді, шығыс жартысында бұрқасын болады.
Түнде және таңертең Алматы облысының солтүстігінде тұман болжанады. Жалаңашкөл ауданында жел 18-23 м/с күшейеді.
Жамбыл облысының солтүстік-шығысында және таулы аудандарында жел 15-20 м/с артады. Түнде және таңертең солтүстігінде және өңірдің таулы аудандарында тұман болады.
Қостанай облысының солтүстік-шығысында жаяу бұрқасын жүріп, желдің күші 15-20 м/с артады. Өңірдің батысы мен оңтүстік-батысында тұман күтіледі.
Солтүстік Қазақстан облысының оңтүстігінде тұман, түнде шығысында, күндіз солтүстігінде жаяу бұрқасын, көктайғақ болады. Күндіз өңірдің солтүстігінде, батысында желдің жылдамдығы 15-20 м/с жетеді.
Павлодар облысының солтүстігінде, орталығында тұман, көктайғақ күтіледі.
Шығыс Қазақстан облысының солтүстігінде бұрқасын болады. Жарма ауданында жел 15-20 м/с күшейеді.
Батыс Қазақстан облысының солтүстігінде, Атырау облысының батысында, орталығында солтүстігінде, Ақтөбе облысының солтүстігінде, оңтүстік-шығысында, орталығында, түнде және таңертең Маңғыстау облысының орталығында тұман болжанады.

Сәрсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасы Парламенті Мәжілісі төрағасының орынбасары Балайым Кесебаева «Сыр медиа» ЖШС-на арнайы келіп, облыстың БАҚ өкілдерімен кездесті.
Шараға облыстық мәслихат депутаты Аманжол Оңғарбаев, қаламгерлер қауымы қатысты. Жиында бірқатар ұсыныстар айтты.
Өңірдегі өткір мәселелердің бірі – жер дауы, саладағы шикіліктер. Оны реттеуді заңнамалық тұрғыда шындап қолға алу қажет. Сондай-ақ, журналистер «Көкарал» бөгетінің бұзылып кету қаупі барын, бөгетте жарық пайда болғаны туралы мәселе бес жылдан бері айтылып та келе жатқанын жеткізді. Дегенмен, бүкіл өңірге экологиялық апат қаупін төндіріп тұрған проблемаға аймақ журналистері тарапынан қанша көтерілсе де, жеткілікті көңіл бөлінбей келеді. Қазіргі таңда «Көкаралды» жөндеуден өткізу жобасы жасалғанымен, мемлекеттік сараптамадан өткізуге республикалық бюджеттен қаржы бөлінуі қажет.
Сонымен қатар, су ресурстары бойынша заңнаманы қайта қарау, Су шаруашылығы министрлігін құру, аймақ азаматтары арасында наразылық тудырып отырған оңтүстік аудандардағы ақылы жолдар мәселелері айтылды. Балайым Кесебаева аталған мәселелердің барлығы назардан тыс қалмайтынын айтып, аймаққа сапары барысында жер дауына қатысты мәселелерді құқықтық тұрғыдан барынша зерделегенін атап өтті.
<blockquote>
 «Шаруашылық мақсаттағы жер дауына қатысты бірқатар аудандарда болып, азаматтардың талап-тілектерін тыңдадық. Бұл ретте туындап отырған даулар жер саласындағы заңнамаға ғана емес, жерді пайдаланушы шаруашылықтар, серіктестіктердің ішкі жағдайларына да байланысты. Әйтпесе, дау-дамайлар жалпы жиналыс аясында Жер кодексіне сәйкес реттелуі керек еді. Көп жағдайда мәселе әр кезеңде шаруашылық жұмысын жүргізген төрағалардың қарыздарына, қаржылық жағдайларына, есепсіз шығыстарына байланысты. Қазіргі уақытта кей жерлерде аудит жүруде, кей жерлерде сараптама жұмыстары жүргізіліп, тіпті, қылмыстық істер қозғалуда. Сондықтан, әзірге нақты мынадай өзгерістер енгізіледі деп айтуға ерте. Салада өте күрделі құқықтық проблемалар бар. Жер даулары бойынша облыс басшылығы, заң органдарымен кездескеннен кейін Үкімет алдына ұсыныстар енгізу керек», – деді Мәжіліс Төрағасының орынбасары.
</blockquote>
Сонымен қатар, қаламгерлер Қызылорда облысының экономикалық тұрғыдан толығымен дотацияланған аймақ екенін, соңғы уақытта орын алып отырған экологиялық апаттар, тұрғындардың әлеуметтік жағдайын ескерсек, өңірде жалақы мөлшері төмен екенін де атап өтті. Мүмкіндігі шектеулі жандарға қатысты жеңілдіктер қарастыру, кәсіпке даярлау, оларға кедергісіз орта қалыптастыру бағытындағы қарама-қайшылықтар да айтылды.
Бұдан бөлек, баға мәселесі де күн тәртібінде тұр. Аймақта сұйытылған газ бағасы 6 ай мерзімге ғана арзандатылғанымен, басқа жанармай түрлері, азық-түлік, тұрмыстық техника, басқа да қажетті тауарлардың барлығының бағасы аспандап тұр.
Жиын соңында БАҚ өкілдерінің статусы, олардың әлеуметтік-экономикалық, құқықтық тұрғыдан қорғалуы мәселелері көтерілді. Әлі күнге дейін «төртінші билік» өкілдеріне қатысты көптеген талаптар, міндеттемелер болғанымен, құқықтарының дұрыс қорғалмауы, құзырлы органдардан қажетті ақпаратты уақытылы ала алмау, басқа да проблемалар жетерлік. Өз кезегінде Балайым Кесебаева мәселені Мәжіліс депутаттары назарға алатынын айтты.

Балайым Кесебаева: Жер дауында өте күрделі құқықтық проблемалар бар

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары міндетті әлеуметтік медициналық сақтандыру жүйесі аясында COVID-19 және коронавирустық пневмониядан кейінгі оңалту қызметтерін толық ала алады. Бұл оңалту қызметі 3 кезең арқылы жүргізіледі. Бұл туралы Өңірлік коммуникациялар қызметінде өткен брифингте «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
<blockquote>
 «COVID-19 және пневмониядан кейінгі оңалтудың мақсаты – тыныс алуды жақсарту, мазасыздық пен депрессия белгілерін жою, дененің бұзылған жүйесін қалпына келтіру және өмір сүру сапасын жақсарту бойынша қызмет көрсетеді. Науқас ауруханадан шыққаннан кейін сырқаттың ауырлығына, қосалқы патологиялардың болуына байланысты медициналық оңалтудың екінші кезеңіне немесе үшінші кезеңіне жіберілуі мүмкін. Егер науқас коронавирус жұқпасымен ауырғанда қанның оттегімен қанығуы 95 пайыздан төмен болса және өкпенің зақымдану көлемі 50 пайыздан асса екінші кезеңді қалпына келтіруге жатады. Орташа ауыр бұзылулары бар пациенттер үшінші кезеңге жіберіледі. Медициналық оңалтуға жіберу тәртібі бойынша науқастың жағдайын бағалау үшін реабилитолог немесе учаскелік дәрігермен кеңесу керек. Тексеру кезінде тыныс алу жүйесі мен өмір сүру қабілеті ескеріледі. Биыл медициналық оңалту қызметтерін көрсету үшін 31 медициналық ұйыммен келісім шарт жасалды», – деді Бақыт Исмаханбетов.
</blockquote>

Медициналық оңалту қызметтерін алу тәртібі түсіндірілді

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры 2022 жылы 1389 медициналық ұйыммен медициналық қызмет көрсетуге шарт жасасты, оның жартысынан көбі – жекеменшік ұйымдар. Биыл халыққа медициналық қызметтерді қаржыландыруға 2 трлн теңге қарастырылған, мұның ішінде 838 млрд теңге МӘМС жүйесінде бағытталады.
Әлеуметтік медициналық сақтандыру қорында атап өтілгендей, МӘМС жүйесі «пациент қай жерге қаралса, ақысы сонда аударылады» қағидаты бойынша жұмыс істейді.
Пациенттің қандай да бір тексерулерден өту кезінде Қордың медициналық қызмет жеткізушілері тізбесінен медициналық ұйымды таңдауға құқығы бар. Ол үшін учаскелік дәрігердің немесе өз емханасының тар бейінді маманының жолдамасы болуы қажет.
«Қажетті медициналық қызметті алу үшін Қормен осы қызметтерді көрсетуге шарт жасасқан клиникалардың кез келгенін таңдауға болады. Қордың медициналық қызмет жеткізушілері арасында жеке клиникалар үлесі басым екенін атап өткіміз келеді – 717 медициналық ұйым. Бұл Қордың барлық қызмет жеткізушілерінің 50% – дан астамы. Азаматтар мамандардың консультацияларын алуға, диагностикалық процедуралардан, оның ішінде жеке медициналық ұйымдарда ақысыз, медициналық сақтандыру шеңберінде учаскелік дәрігердің жолдамасы бойынша өтуге мүмкіндігі бар. Науқастардың алған қызметтері үшін төлемді Қор жүргізеді», – деп Қордың Басқарма Төрағасының орынбасары Ілияс Мұхамеджан атап өтті.
Сондай-ақ, Қорда тіркелген жері бойынша емханада қызмет көрсету мүмкіндігі болмаған жағдайда дәрігер осы қызметтерді көрсетуге бірлесіп орындау шарты жасалған басқа медициналық ұйымға жолдама беруі тиіс екенін түсіндірді. Немесе пациент осы қызметті көрсететін Қордың жеткізушілері ішінен медициналық ұйымды өзі таңдай алады. Онда учаскелік дәрігерден жолдама ҚР Денсаулық сақтау министрлігінің ақпараттық жүйелерінде автоматты түрде бірлесіп орындау шартын қалыптастыру үшін негіз болып табылады.&nbsp;&nbsp;
Қазіргі уақытта 1 389 медициналық ұйым ТМККК және МӘМС бойынша медициналық қызметтер көрсетуге Қордың тікелей жеткізушілері болып табылады.
Ең көп тіркелген медициналық қызмет жеткізушілері амбулаториялық жағдайда консультациялық-диагностикалық көмек, медициналық оңалту, мамандандырылған стационарды алмастыратын көмек, алғашқы медициналық-санитариялық көмек көрсету бойынша екендігін атап өткен жөн.
Қор сайтында медициналық қызмет жеткізушілер тізімін қалай пайдалануға болады?
Қордың fms.kz сайтында «Пациент үшін» деген бөлімде «Емхананы таңдау» деген кіші бөлімде ТМККК және МӘМС медициналық көмек көрсетушілерінің тізбесі <a href="https://fms.kz/kontaktnaya-informatsia/vybrat-kliniku/.">мына жерде</a> орналастырылған.
Тізімдерде Сіз өзіңіздің тұратын облысыңызды немесе аймағыңызды, содан кейін медициналық көмек түрін таңдауыңыз керек. Сондай-ақ, мұнда ЭКҰ, медициналық оңалту қызметтеріне жеткізушілер тізбелері, қажетті уақытта жаңартылып отыратын бірлескен орындаушылардың тізбелері жарияланады.
Консультациялық-диагностикалық қызметтерге өнім берушілердің тізбесі-стоматология, рентгенография, ПТР-тестілеу, КТ және МРТ&nbsp; <a href="https://fms.kz/zakupki/postavshchiki-kdu-uslug/">мына жерде</a> орналасқан.
Егер сізде медициналық көмектің сапасы мен уақтылы көрсету бойынша сұрақтар туындаса, сіз емхананың Пациенттерді қолдау және Ішкі аудит қызметіне немесе сізге ыңғайлы келесі байланыс арнасы бойынша Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

ӘМСҚ 1389 медициналық ұйыммен шарт жасасты

<a href="https://kyzylorda-news.kz/">Kyzylorda-news.kz.</a> Ақордада Мемлекет басшысының төрағалығымен Қауіпсіздік Кеңесінің шұғыл жиыны өтті. Онда Украинадағы жағдайларға байланысты Қазақстанның одан әрі әлеуметтік-экономикалық даму мәселелері қарастырылды.
Президент Премьер-Министр Әлихан Смайыловтың, Ұлттық Банк төрағасы Ғалымжан Пірматовтың, Премьер-Министрдің орынбасары – Сыртқы істер министрі Мұхтар Тілеубердінің, Қорғаныс министрі Руслан Жақсылықовтың және басқа да ведомство басшыларының баяндамаларын тыңдады.
<img src="https://akorda.kz/public/assets/media/uploadMedia/1645525748_KZ3_5969.jpg" alt="" />
Қасым-Жомарт Тоқаев әскери-саяси және санкциялық текетірестердің нәтижесінде ушығуы мүмкін халықаралық ахуалға шұғыл әрекет ету үшін дағдарысқа қарсы жедел шаралар жоспарын қабылдау қажет екенін айтты.
Мемлекет басшысы ықтимал экономикалық қауіп пен өзге де қатерлердің алдын алу жөнінде бірқатар нақты тапсырма берді.

Тоқаев Қауіпсіздік кеңесінің шұғыл жиынын өткізді

«Aray City Mall» сауда орталығында жәрмеңке өтеді

<a href="https://kyzylorda-news.kz/">Kyzylorda-news.kz.</a> Банктер алдағы 2023 жылы тек шенеуніктердің ақша аударымдары туралы ақпаратты салық органдарына бере бастайды. Сонымен қатар, мемлекеттік қызметшілер салық декларациясын тапсыруға міндетті болады. Бұл ретте, салық органдарына барлығының аударымдары емес, &nbsp;тек аударымдар саны белгілі бір көлемнен асатын тұлғалар туралы ғана деректер жіберіледі. Бұл көлем әлі талқылануда.
Қазақстандықтардың көпшілігінің мобильді аударымдары туралы ақпарат 2026 жылға дейін берілмейді. Жаңа ережелер кірістерді жалпыға бірдей декларациялауды енгізумен қатар кезең-кезеңімен енгізіледі, мұны өзінің кірісі туралы салықтық ақпаратты ұсыну дегенмен қатар қарастыруға болады.&nbsp;
Жалпыға бірдей декларацияны, оның ішінде ақша аударымдары туралы ақпаратты енгізу келесі кестеге сәйкес жүзеге асырылады:
<ul>
<li>I кезең. 2023 жылы мемлекеттік қызметшілер мен олардың жұбайлары, сондай-ақ оларға теңестірілген тұлғалар және жұбайлары үшін. &nbsp;2022 жылғы операциялар мен кірістері туралы деректер беріледі.</li>
<li>II кезең. 2024 жылы бюджеттік сала қызметкерлері және олардың жұбайлары, сондай-ақ квазимемлекеттік сектор субъектілерінің қызметкерлері және олардың жұбайлары үшін. Деректер 2023 жылғы операциялар мен кірістері туралы деректер беріледі.</li>
<li>III кезең. 2025 жылы заңды тұлғалардың басшылары, құрылтайшылары (қатысушылары) және олардың жұбайлары, дара кәсіпкерлер және олардың жұбайлары үшін. 2024 жылғы операциялар мен кірістері туралы деректер беріледі.</li>
<li>IV кезең. 2026 жылы халықтың қалған барлық санаттары үшін. 2025 операциялары мен кірістері туралы деректер беріледі.</li>
</ul>
Жеке тұлғалардың аударымдарына салық салынбаған және салынбайды да.
<a href="https://stan.kz/mobildi-audarimdar-tek-sheneunikter-turali-akparat-beri-360578/">Stan.kz</a>

Мобильді аударымдар: Тек шенеуніктер туралы ақпарат беріледі

<a href="https://kyzylorda-news.kz/">Kyzylorda-news.kz.</a> Елде бес күнде 13 майнингтік ферма электр энергиясынан ажыратылды. ҚР Энергетика министрлігінің мәліметінше жалпы тұтыну қуаты – 202 МВт құраған. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев хабарлады.
<blockquote>
 «Электр энергиясын тұтыну көлемінің динамикасы өткен жылмен салыстырғанда кішігірім өскені байқалады. Сонымен қатар электр энергиясын таратушы және энергиямен жабдықтаушы кәсіпорындармен бірлесіп, энергия көздерінің тапшылығы және апаттық жағдай туындаған кезде тұтынушыларды шектеу кестесі әзірленді. Бүгінде облыс аумағында электр энергия штаттық режимде берілуде», – деді басқарма басшысы Ерлан Жаңабаев.
</blockquote>
Ел аумағында 17 майнинг фермасы жұмыс істеуде. Олар өз кезегінде -540 МВт қуат көзін тұтынып отыр. Жақында ҚР Энергетика министрлігі атомдық және энергетикалық қадағалау мен бақылау комитеті мобильді топтың қатысуымен цифрлық майнинг нысандарын анықтау бойынша тексеріс жүргізуде.
<blockquote>
 «Қазіргі таңда майнингтік-фермасына байланысты тұтынушылар тіркелген жоқ. Бұл ретте, ең жоғары жүктеме сағаттарында энергия жүйесінде электр қуатының тапшылығы байқалуда. Сондықтан электр энергиясына қажеттіліктің негізгі себебі – цифрлық майнинг субъектілерінің қызметі», – деді «Қызылорда электр тарату тораптары компаниясы» АҚ-ның басқарма төрағасының міндетін атқарушы Дінмұханбет Әбдіреев.
 «Бүгінде жауапты мекемелермен талдау жүргізілуде. Майнингке қосылған нысандар анықталмады. Бұл жұмыстарды жүйелі түрде жалғастыратын боламыз», – деді «ҚР энергетика министрлігі атомдық және энергетикалық қадағалау мен бақылау комитетінің Қызылорда облысы бойынша аумақтық департаменті» ММ-нің бөлім басшысы Марат Мұңайтбасов.
</blockquote>

Қазақстан және Қызылорда облысының жаңалықтары