<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Әлемнің бірде бір электрондық жүйесі техникалық іркілістерден сақтана алмайды. Алайда, ақша операцияларын жүргізу кезінде сіз мұндай жағдайды бастан өткерсеңіз, оған дүрлігудің қажеті жоқ.
Fingramota.kz бұл жөнінде бірнеше ұсыным береді.
Банктің немесе банкоматтың жұмысында іркілістер болуы мүмкін немесе қандай да бір себептермен сіздің төлем картаңызға шектеу қойылуы мүмкін бірнеше жағдайды қарастырайық.
Банктің бүкіл жүйесіндегі техникалық іркіліс
Ол бірнеше минутқа, не бірнеше сағатқа созылуы мүмкін. Егер банк бұл уақытта техникалық жұмыстар жүргізетін болса, банк ол жөнінде өз сайтында немесе мобильдік қосымшаның жаңалықтар легінде хабарлауға тиіс. Бірнеше сағатқа немесе одан ұзақ уақытқа созылатын күтпеген іркілістер кезінде банк ол туралы клиенттерге SMS-жіберілім, сондай-ақ бұқаралық ақпарат құралдары немесе әлеуметтік желілер арқылы хабарлайды.
Не істеу керек? Ең бастысы&nbsp; – дүрлікпеңіз&nbsp; және тек ресми ақпаратқа сеніңіз. Техникалық жұмыстар аяқталғанға дейін күтіңіз. Осыдан кейін міндетті түрде өз шоттарыңызды тексеру қажет. Егер сіз қате тапсаңыз, сізге қызмет көрсететін банктің қызметкерлеріне қоңырау орталығының ресми нөмірі арқылы дереу хабарлаңыз.
Жалпы, мұндай жағдайлардан өзіңізді алдын ала сақтандыру абзал.&nbsp; Мұндай жағдайдан шығудың&nbsp; жолы – басқа банкте тағы бір карточка жасау, сондай-ақ үйде қолма-қол ақша ұстау, ол ақша сізге алғашқы уақытқа, мысалы, азық-түлік, жол жүру ақысына&nbsp; және т. б. үшін жеткілікті болуы керек.
Есіңізде болсын, банктердегі техникалық іркілістерге байланысты жағдайды қаржылық алаяқтар пайдаланады. Мысалы, олар сізге қаржы институтының атынан қоңырау шалып, техникалық ақауларды түзету, деректерді тексеру, қаражатыңызды «қауіпсіз» шоттарға аудару үшін карточканың нөмірін, картаның артқы жағындағы құпия үш таңбалы кодты, парольдерді т. б. сұраулары мүмкін. Ешбір жағдайда бөгде адамдарға құпия ақпаратты хабарламаңыз. Есіңізде болсын, банк қызметкерлері бұл ақпаратты ешқашанда бірінші болып сұрамайды.&nbsp; Әңгімені доғарып,&nbsp; оқыс оқиға туралы банкке хабарлаңыз.
Банк сіздің картаңызды бұғаттады
Сіздің картаңызда қаражат бар, ақша түсімдері де болуы мүмкін, алайда сіз ақшаны шешіп ала алмайсыз.Сондай-ақ, мобильді банкинг арқылы картамен операциялар жасау мүмкін емес.&nbsp; Бұл бірнеше себептерге байланысты болуы мүмкін.
<ol type="1"><li>Күдікті транзакция</li></ol>
Мысалы, банктің сіз терроризмді қаржыландыру тәуекелі жоғары елге ақшамен операциялар жасаған не клиент жүйелі түрде Ақшаны жылыстатуға қарсы күрес жөнінде қаржы шараларын әзірлеу тобының (ФАТФ) ұсынымдарын орындамайтын мемлекетте тіркелген адамдардың қатысуымен операциялар жасаған деп пайымдауға негізі бар. Клиенттің жүйелі түрде офшорлық аймақта ашылған банктік шотқа ірі көлемде өз қаражатын аударуы, ірі сомалармен операциялар, мысалы, иесі белгісіз&nbsp; шоттарға электрондық әмияндар арқылы және басқа операциялар – банк тоқтата тұруға құқылы күдікті транзакциялар болып табылады.
<ol type="1"><li>Банктік шоттағы ақшаға тыйым салу </li></ol>
Соттар сот актілерінің негізінде және сот орындаушылары сот орындаушыларының қаулылары негізінде тыйым салуы мүмкін. Шығыс операцияларын жүргізуге шектеу уәкілетті мемлекеттік органдардың немесе лауазымды адамдардың тиісті өкімдері негізінде де, мысалы, салықтарды төлемеген, тергеу жұмыстарын жүргізген, алаяқтық операцияларға күдік болған және басқалар кезінде қойылуы мүмкін.
Бұл ретте мемлекеттің жәрдемақылары мен әлеуметтік төлемдерін, сондай-ақ тұрғын үй жағдайларын жақсарту және (немесе) емделуге ақы төлеу мақсатында бірыңғай жинақтаушы зейнетақы қорынан төленетін біржолғы зейнетақы төлемдерін аудару мақсатында ашылған банк шоттары тыйым салудан және операцияларды тоқтата тұрудан қорғалған.
Не істеу керек? Банкке ресми байланыс арналары арқылы хабарласу қажет. Бұғаттаудың себебін нақтылаңыз және оны жойыңыз, тек бұзушылық фактісі жойылғаннан кейін немесе қарыз болған жағдайда өтегеннен кейін банк ақшаны алуға рұқсат береді.
Егер сіздің картаңыз бойынша операцияларды жүргізуге шектеулер мемлекеттік органдардың немесе лауазымды тұлғалардың актілері мен өкімдеріне байланысты болса, онда қажетті түсіндірмелерді алу үшін тікелей соларға жүгіну қажет.
Банкомат жұмысындағы ақау
Банкоматтар – бұл әртүрлі себептерге байланысты ақаулар туындауы мүмкін күрделі құрылғылар. Оның жұмысында әртүрлі істен шығу жағдайлары болып тұрады. Мысалы, шотқа қолма-қол ақша салу кезінде ақау болуы және ақша картаға түспеуі мүмкін.
Не істеу керек? Бұл жағдайда сіз банкомат дисплейін суретке түсіріп, ақауды тіркеу үшін бірден банкке қоңырау шала аласыз. Бұл ретте сізден банкоматтың орналасқан мекенжайы, операцияның түрі мен уақыты, сомасы, сіздің деректеріңіз, карта деректері сұралуы мүмкін. Егер ақау уақытша болса, банкомат кейінірек операцияны жалғастыра алады немесе клиентке автоматты түрде ақшаны қайтара алады. Сондықтан құрылғының жанында тағы біраз уақыт күту керек, осы уақытта банк операторымен байланыста болыңыз. Егер жағдай шешілмесе, банкке өтініш жазыңыз, банкоматтан чектің көшірмесін, оның экранының суретін қоса беріңіз. Көптеген банктер бұл өтінішті электронды түрде қабылдайды: олар сізге кері байланыс нысанына сілтеме жібереді, онда сіз толық ақпарат қалдырып, фото дәлелдемелерді қоса беруіңіз керек. Егер банкоматтың жұмысындағы ақау расталса, банк сізге ақшаны 1-5 күн ішінде қайтарады.
Сондай-ақ, банкомат жұмысында ақау пайда болса, құрылғы берілді деп есептеген қолма-қол ақшаның берілмеуіне әкелуі мүмкін, оған себеп купюроларды беру кезінде ақшаның кептеліп, берілуі тоқтап қалуында&nbsp; не банкомат чекте көрсетілген ақшадан кем соманы беруі мүмкін.
Не істеу керек? Бұл жағдайда аздап күте тұрыңыз, мүмкін құрылғы қайта іске қосылып, қатені өзі түзетуі мүмкін. Егер құрылғы сізге ақша бермесе, банкке қоңырау шалып, барлық деректерді хабарлау керек, қажет болған жағдайда берілген чектің көшірмесін қоса бере отырып, бөлімшеге тиісті өтініш жазу қажет.
Өтініште карта нөмірін, соманы, операция жүргізілген уақыт шамасын, мекенжайы мен банкомат нөмірін көрсету керек. Өтінішіңіздің көшірмесіне банктің мөрін қойғызып, күнін көрсетіп, сондай-ақ оны қабылдаған қызметкердің қолын қойғызып алыңыз. Көрсетілген күннен бастап сіздің мәселеңізді шешу үшін банкке берілетін уақыт есептеледі.
Банк, өз кезегінде, кірістірілген камералардағы жазбаларды, банкоматтың бағдарламалық қамтылымын тексере алады, аппараттың сейфін тексеріп, ішіндегі қалған купюраларды қайта есептей алады, содан кейін қандай да бір қорытындыға келеді. Аппараттың қателігі расталған жағдайда, банк ақшаны сіздің картаңызға салады.
Банкоматсізге картаны техникалық ақау кезінде де, егер сіз пин-кодты үш рет қате енгізсеңіз не картаңыз бұғатталған болса немесе оның жарамдылық мерзімі өткен жағдайда да бермеуі мүмкін.
Не істеу керек?&nbsp; Бұл жағдайда оны өзіңіз алуға тырыспаңыз. Банкоматта банктің телефон нөмірі көрсетіледі, сол телефон нөміріне қоңырау шалыңыз және болған жағдай туралы хабарлаңыз. Банк қызметкері картаңызды қайдан және қашан алуға болатындығын айтуы керек. Банк уақытша қолжетімсіз картадағы ақша қалдығын касса арқылы бере алады.
Мүмкіндігінше банк бөлімшелерінің, мемлекеттік органдар ғимараттарының және ірі сауда орталықтарының ішінде орнатылған банкоматтарды пайдаланған дұрыс. Мұндай құрылғылар жиі тексеріліп, жақсы қорғалады. Есіңізде болсын, егер сіз банкоматтан ақша алсаңыз, ПИН-кодты енгізу кезінде әрқашан пернетақтаны қолыңызбен жауып тұрыңыз. ПИН-кодты, сондай-ақ картаның толық деректемелерін, әсіресе картаның артқы жағындағы үш таңбалы кодты және карточканың жарамдылық мерзімін ешкімге айтпаңыз.
Сақ болыңыз және қаржылық сауаттылығыңызды Fingramota.kz-пен бірге арттырыңыз!

Банк жұмысындағы іркіліс немесе «блок»: Ақшасыз қалмаудың жолдары

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қызылордалық полицейлер жол-көлік оқиғаларын алдын алу мақсатында балалар тасымалымен айналысатын барлық балабақшалар өкілдерімен кездесу өткізді.
Облыс көлемінде орналасқан балабақшалар мен мектепке дейінгі ұйымдардың балаларын тасымалдауға арналған көлік құралдарын анықтап,техникалық жай-күйіне тексеру жұмыстарын жүргізу мақсатында, қыркүйек айының 15-22 күндері, яғни, бүгіннен бастап «Балабақша» жедел-профилактикалық іс-шарасы басталды. 
Осыған орай, Қызылорда облыстық полиция департаменті бастығының бірінші орынбасары полиция полковнигі Амитов Шамшидин Егенбердіұлы түсіндірме жұмыстарын жүргізу үшін, қала көлеміндегі барлық балабақшалар өкілдерімен кездесу өткізді. 
Қызылорда облысы көлемінде қазіргі таңда 603 мектепке дейінгі білім беру ұйымдары тіркелген, Оның ішінде 441 жекеленген балабақша, 162 мемлекеттік балабақша және 76 шағын мектепке дейінгі білім беру ұйымдары бар. 
Сондықтан жол қозғалысы қауіпсіздігін қамтамасыз ету және ауыр зардапты жол апаттарына жол бермеу мақсатында, мектепке дейінгі мекемелерде және балабақшаларда балаларды тасымалдауымен айналысатын көліктерге қойылатын талаптар жөніндегі ақпарат қатысушыларға жеткізілді: 
ҚР Үкіметінің 13.11.2014 жылғы №1196 санды қаулысымен бекітілген «Жол жүрісі қағидалары» нормативтік құжатына сай, балалар тасымалдауымен айналысатын көліктерді сәйкестендіруге; 
&#8212; «Балаларды арнайы ұстау құрылғысы немесе баланы қауіпсіздік белдігінің көмегімен отырғызып қоюға мүмкіндік беретін көлік құралының конструкциясында көзделген өзге де құралдар болмаған кезде, ал механикалық көлік құралының алдыңғы орындығында балаларды арнайы ұстау құрылғысы болмаған кезде тасымалдауға тыйым салынады»;
&#8212; «Балалар топтарын ұйымдастырылған түрде тасымалдау кемінде екі есігі бар автомобиль көлігімен жолаушыларды және багажды тасымалдау ережелерінде белгіленген талаптарға жауап беретін автобустармен жүзеге асырылады»;
&#8212; «Ұйымдастырылған балалар топтарын тасымалдауға арналған автобустар сары түсті жарқылдауық маякпен жабдықталады. Бұл автобустардың алдында және артына «Балалар тасымалы» деген таным белгілері орнатылады»;
&#8212; «Балалар топтарын ұйымдастырылған түрде жасы кемінде 25 (жиырма бесте), тиісті санаттағы жүргізуші куәлігі және кемінде 5 (бес) жыл еңбек өтілі бар жүргізушілердің тасымалдануына рұқсат етіледі»;
&#8212; «Автобус шанағында тасымалданатын балалардың саны орындық санынан аспауы тиіс» &#8212; делінген.
«Балаларды тасымалдауға арналған автобустар», Техникалық талаптар және сынау әдістері мемлекетаралық стандарты нормативтік құжатының талаптарына сәйкес ұйымдастырылған балалар топтарын тасымалдауға арналған автобустар сары түсті болуы және онда 8 литрлік 2 өрт сөндіргіш құралы (огнетушитель), 2 дәрі-дәрмек қобдишасы болуы тиіс екендігі көрсетілген.
<blockquote class="wp-block-quote">«Аталған талаптарды орындамаған көлік жүргізушілеріне қатысты, Қазақстан Республикасының Әкімшілік құқық бұзушылық туралы Кодексіне сәйкес айыппұл салынады. Осы ретте, аталған талаптарды және жол жүрісі ережелерін қатаң сақтауға шақырамыз», &#8212; деп ескертті Қызылорда облысы полиция департаменті Әкімшілік полиция басқармасының бастығы Нұрмахан Пазылов.</blockquote>
<div class="wp-block-image"><figure class="aligncenter size-full"><img loading="lazy" width="2560" height="1707" src="https://kyzylorda-news.kz/wp-content/uploads/2022/09/0v4a4769-scaled.jpg" alt="" class="wp-image-166015" srcset="https://kyzylorda-news.kz/wp-content/uploads/2022/09/0v4a4769-scaled.jpg 2560w, https://kyzylorda-news.kz/wp-content/uploads/2022/09/0v4a4769-768x512.jpg 768w, https://kyzylorda-news.kz/wp-content/uploads/2022/09/0v4a4769-1536x1024.jpg 1536w, https://kyzylorda-news.kz/wp-content/uploads/2022/09/0v4a4769-2048x1365.jpg 2048w" sizes="(max-width: 2560px) 100vw, 2560px" /></figure></div>

Қызылордалық полицейлер бала тасымалдайтын балабақша өкілдерімен кездесті

Қаржылық алаяқтық кейстер: Азаматтардың жиі қоятын сұрақтары қандай?

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жалағаш кентіндегі орталық стадионда спорт ардагері Мақсұт Қарақұловты еске алуға арналған президенттік көпсайыстан аудандық ашық біріншілік өткізілді.
Спорттық жарысты аудан әкімі Асқарбек Есжанов ашып, спортшы туралы естеліктерімен бөлісіп, біріншіліктің қатысушыларына сәттілік тіледі.
<blockquote class="wp-block-quote">«Таулар алыстаған сайын биіктей береді. Мақсұт ағамыз ауданымыздың спорт саласына өлшеусіз үлес қосты. Сонымен қатар ауданның қоғамдық өміріне де белсене араласты. Мақсұт Жүнісұлының өмір жолы мен отаншылдық рухы бүгінгі жастарға үлгі-өнеге, таным мен тағылым болып қала бермек», &#8212; деді аудан басшысы.</blockquote>
Сонымен қатар шарада арда азамат туралы Айтбек Сүндетбаев, апасы Қалдыгүл Қарақұлова айтып берді. 
Жарысқа 9 ауылдан 100-ге тарта спортшы қатысты. Ашық біріншілік спорттың 4 түрінен 100 метр жүгіру, бір орыннан секіру, граната лақтыру, 1000 метрге жүгіру.
Жарыс нәтижесімен Жаңаталап ауылы жүлделі І орынды, ІІ орынды Таң ауылы, ІІІ орынды Мәдениет ауылы иеленді. Жарыс жеңімпаздары Қарақұловтар отбасы атынан арнайы Кубок, диплом, қаржылай сыйлықтарға ие болды.
Айта кету керек, Мақсұт Қарақұлов Балалар және жасөспірімдер спорт мектебінде 1998 жылы ресми түрде жеңіл атлетика бөлімшесін ашып, балалар жеңіл атлетикасының негізін салушы кәсіби маман. Ауданда 2008 жылы жасөспірімдер спорттық туризмін алғаш ұйымдастырып, дәріс беруші жаттықтырушы.
<div class="wp-block-image"><figure class="aligncenter"><img/></figure></div>
<div class="wp-block-image"><figure class="aligncenter"><img/></figure></div>

Жалағашта Президенттік көпсайыстан аудандық ашық біріншілік өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> 15 қыркүйекте Қазақстанда алғашқы медициналық-санитариялық көмек ұйымына еркін тіркелу науқаны басталды. Бұл науқан қараша айының ортасына дейін жалғаспақ. &nbsp;
2022 жылы алғашқы медициналық-санитариялық көмек көрсететін &nbsp;626 медициналық ұйым Қормен шарт жасасты. Оның 326-сі (53%) мемлекеттік мекеме және 258-і (47%) жекеменшік. Олардың тізімін Қордың fms.kz сайтында, «Клиниканы таңдау» бөлімінен көруге болады.&nbsp; Пациент алғашқы медициналық санитариялық көмек көрсететін мемлекеттік, сонымен қатар жекеменшік ұйымға тiркеле алады. Алдын ала сiз таңдаған клиникада бос учаскелер бар-жоғын нақтылап алғаныңыз абзал.
Тіркеу науқаны не үшін қажет?
Аталмыш акция елімізде&nbsp; жыл сайын өткізіледі. Науқан кезінде қазақстандықтар өздері тіркеуде тұрған&nbsp;емхананың жұмысына қанағаттанбаса, басқа емханаға ауыса алады немесе өз &nbsp;емханасы ішінде басқа учаскелік дәрігерді таңдауға мүмкіндігі бар.
Алғашқы медициналық-санитариялық көмек ұйымына тіркелген пациент учаскелік дәрігердің қабылдауы, өзінің денсаулық жағдайын бақылау, амбулаториялық дәрі-дәрмекпен қамтамасыз ету, скринингтік тексерулер, диагностикалық зертханалық және аспаптық зерттеулер сынды медициналық көмек пен емдеуге жатқызуға жолдама алады.
Медициналық көмексіз қалмауы үшін ел азаматтары тұрғылықты жері бойынша емханада немесе электрондық үкімет веб-порталындағы &nbsp;жеке деректерде (ЭЦҚ арқылы авторизациялау) тіркелу мәртебесін тексеру қажет.
Айта кетерлігі, тіркеу науқаны пациентке 2023 жылдың 1 қаңтарынан бастап қызмет көрсететін клиниканы таңдауына мүмкіндік береді.
Емхананы&nbsp;таңдау кезінде&nbsp;нені ескеру&nbsp;қажет?
Емхана таңдауда басты ескеретін жайт – ол үйден 15-20 минут уақытта жаяу жететін жерде орналасқаны жөн. Барлық емханалар аумақтық қағидат бойынша жұмыс істейді және пациент емхананың қызмет көрсету аумағында тұрған кезде ғана үйде медициналық көмек көрсетіледі.&nbsp;&nbsp; Бұл учаскелік дәрігердің немесе мобильді бригаданың көмегі қажет болған жағдайда оның жедел жетуіне, сондай-ақ, отбасы мүшелерінің бір дәрігерге қаралуына мүмкіндік береді.
Емханаға қалай тіркелуге болады?
Бірінші әдіс, бұл барлық азаматарға арналған. Электрондық үкіметтің веб-порталы арқылы бекіту: www.egov.kz сайтындағы «Денсаулық сақтау» бөлімінде «Медициналық-санитариялық алғашқы көмек көрсететін медициналық ұйымға тіркелу» қызметін таңдау қажет. Ары қарай электрондық өтініштің барлық жолдарын толтыру қажет. Пациент туралы мәліметтерді емхана мемлекеттік ақпараттық жүйелерден автоматты түрде алады. Жауап оң болған жағдайда медициналық ұйымға тіркелгеніңіз туралы хабарлама беріледі.
Екінші әдіс бұл, халықтың жекелеген санаттарына арналған. Олар емханаға жеке басын куәландыратын құжатпен тікелей жүгіне алады. Атап айтар болсақ, олар зейнеткерлер, мүгедектер, қамқоршылар тағайындалған заң бойынша бала кезінен мүгедектер, қорғаншылар немесе қамқоршылар, патронаттық тәрбиешілер, колонияда жазасын өтеушілер, студенттер, мерзімді қызмет әскери қызметшілері, шет мемлекеттерде туған балалар, сенімхат бойынша бекітуді рәсімдейтіндер.
Тіркелу науқанына әркім қатысуы керек пе?
&nbsp;Емхананы еркін таңдау құқығын пайдаланбаған азаматтар бұрын өзі қаралған алғашқы медициналық-санитариялық көмек ұйымында тіркелген күйі қалады. &nbsp;
Егер медициналық көмек көрсету сапасына қатысты сұрақтарыңыз болса, сіз оларды өз емханаңыздағы Пациенттерді қолдау қызметіне қоя аласыз. Егер жағдайды сол жерде шешу мүмкін болмаса, онда Әлеуметтік медициналық сақтандыру қорына ыңғайлы байланыс арналары арқылы жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.
Сақтандыру мәртебесін тексеру және жүргізілген төлемдер туралы egov.kz ҚР электрондық үкіметі сайтының &#171;Денсаулық сақтау&#187; бөлімінде &#171;Медициналық қызметтер туралы және МӘМС-ға аударылған сомалар туралы ақпарат&#187; мемлекеттік қызметі арқылы білуге болады.
<figure class="wp-block-image"><img src="https://www.inform.kz/radmin/fotofiles/a/2022/09/15/2209151029232694g.jpg" alt=""/></figure>
<figure class="wp-block-image"><img src="https://www.inform.kz/radmin/fotofiles/a/2022/09/15/2209151029246205g.jpg" alt=""/></figure>
<figure class="wp-block-image"><img src="https://www.inform.kz/radmin/fotofiles/a/2022/09/15/2209151029263615g.jpg" alt=""/></figure>
<figure class="wp-block-image"><img src="https://www.inform.kz/radmin/fotofiles/a/2022/09/15/2209151029275225g.jpg" alt=""/></figure>
<figure class="wp-block-image"><img src="https://www.inform.kz/radmin/fotofiles/a/2022/09/15/2209151029299535g.jpg" alt=""/></figure>

Елімізде емханаға тіркеу науқаны басталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Шиелі ауданы әкімдігінің мәжіліс залында аудан әкімі Нұржан Ахатовтың төрағалығымен аппарат мәжілісі өтті.
Мәжіліске аудан әкімінің орынбасарлары, кент және ауылдық округ әкімдері мен барлық дербес бөлім басшылары, «AMANAT» партиясы Шиелі аудандық филиалының атқарушы хатшысы Болат Сыздық пен аудандық мәслихат хатшысы Тұрмағанбет Жағыпбаров қатысты.
Мәжіліс барысында Жиделіарық, Бестам және Телікөл ауылдық округтері бойынша жыл басынан бері атқарылған жұмыстар мен алдағы міндеттері талқыланды.
Жиделіарық ауылдық округінде атқарылған жұмыстар туралы ауыл әкімі Е.Әбілдашев баяндады.
Ауыз су, аяқ су, электр жарығы шешімін тапқан ауылда биылғы жылы 1226 гектар жерге егін егілген. Мал шаруашылығы саласында МІҚ 2020 басқа, қой-ешкі 2770 басқа, жылқы 569 басқа көбейген және 350 құс тіркелген. Сондай-ақ, «Бизнес Бастау» жобасы бойынша кәсіпкерлік негіздерінде оқыған 2 ауыл тұрғыны жиыны 2 450 400 теңге көлемінде қайтарымсыз грант иеленіп, «мал басын көбейту» атты бизнес жобасын жүзеге асыруда. Осы орайда, аудандық ауыл шаруашылығы бөлімінің басшысы М.Әшірбековтің тарапынан пада ұйымдастыру мәселесі және аудандық мәслихат хатшысы Т.Жағыпбаровтың тарапынан бекітілген жайылымдық жер мәселесі туралы сөз қозғалып, ұсыныстар айтылды.
«Балаларға арналған ойын алаңы», «Жаттығу алаңы», «Шағын спорт алаңы», «Тағзым алаңы» бар ауылдық округті абаттандыру мақсатында биыл санитарлық тазалық, көркейту және көгалдандыру жұмыстары жүргізіліп, әкімдік, мектеп, клуб аулаларына 70 терек, қара ағаш қаламшалары отырғызылған. Аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Д.Аман «Жасыл ел» бағдарламасы аясында ағаш отырғызудың жылдық жоспарын орындау қажеттігін еске салды. Аудан әкімі ауылдың кіре беріс тұсынан бастап жолдың екі жағына да жағалай ағаш отырғызу жұмыстарын жандандыруды тапсырды.
Ал Бестам ауылдық округінде биыл «Ауыл – ел бесігі» бағдарламасымен 7 көшеге орташа жөндеу жұмыстары жүргізілген. Ауылда 870 гектар күріш, 104 гектара картоп, 77 гектар көкөніс, 80 гектар бақша өнімдері егілген.
Ауыл әкімі Ф.Ержанның айтуынша, жаңа клуб құрылысына жоба сметалық құжаттары әзірленіп, жуық арада 150 орындық жаңа клуб құрылысы басталғалы отыр. Сондай-ақ, Ә.Әбуов көшесіне транформатор орнатылатын жері белгіленіп, жаңа трансформатор орнатылатын болады. Елді мекенге мектепке дейінгі 900 метр жерге жаяу жүргінші жолын салу, 4 дана аялдама орнату және ауылдың кіре-беріс, шыға-беріс жерлеріне бейне бақылау камерасын орнатуға жоба сметалық құжаттары әзірленіп тиісті мекемеге жолданған.
Аудан әкімінің тарапынан Бестам ауылдық округіндегі №205 мектеп ғимаратының 1-ші қабатындағы дуалдарды қалпына келтіріп, спорт зал еденін ауыстыру аса маңызды жұмыс екендігі ескертіліп, шұғыл түрде тиісті жұмыстарды атқару тапсырылды.
Ал Ә.Тәжібаев елді мекеніндегі атап айтқанда I квартал, Ә.Тәжібаев көшесіне және III кварталға жәй жөндеу жұмыстарына қаржы бөлініп, жол жөндеу жұмыстары жүргізілген. Аудандық бюджеттен елді мекенге трансформатор алуға 2 700 000 теңге бөлініп, қазіргі таңда мемлекеттік сатып алу порталы арқылы баға ұсынысымен жарияланған.
Ауыл әкімі Ә.Сәрсенбаевтың хабарламасы бойынша, алдағы уақытта Ә.Тәжібаев елді мекенін аяқ сумен қалыпты жағдайда қамтамасыз ету мақсатында көршілес Алғабас ауылдық округіне қарасты «Берекелі» шаруа қожалығының егістік алқабы арқылы ауылға аяқ су алып келу жұмыстары, елді мекенді электр жарығымен тұрақты түрде қамтамасыз ету үшін электр желілерін жаңалау және ауылды газбен қамтамасыз ету жұмыстары жоспарланған.
Баяндамашыларға аталған мәселелерге қатысты аудан әкімінің және «AMANAT» партиясы Шиелі аудандық филиалының атқарушы хатшысы мен аудандық мәслихат хатшысының тарапынан, бөлім басшыларының тарапынан түрлі сауалдар қойылып, жан-жақты талқыланды.
Мәжіліс соңында аудан басшысы орынбасарларына, аппарат басшысы мен кент және ауылдық округ әкімдеріне, барлық бөлім басшыларына қатаң тапсырмалар беріп, уақытылы және сапалы орындалуын талап етті.
<div class="wp-block-image"><figure class="aligncenter size-full"><img loading="lazy" width="959" height="586" src="https://kyzylorda-news.kz/wp-content/uploads/2022/09/306160951_1394895491040906_6201979367833867367_n.jpg" alt="" class="wp-image-165977" srcset="https://kyzylorda-news.kz/wp-content/uploads/2022/09/306160951_1394895491040906_6201979367833867367_n.jpg 959w, https://kyzylorda-news.kz/wp-content/uploads/2022/09/306160951_1394895491040906_6201979367833867367_n-768x469.jpg 768w" sizes="(max-width: 959px) 100vw, 959px" /></figure></div>

Шиелі: Бестам ауылында 150 орындық жаңа клуб салынады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазалы ауданының әкімі Мұхтар Оразбаев Қазалы қаласының жастарымен кездесіп, ұсыныс-пікірлерін тыңдады.
Кездесуге келген жастар аудан әкімі Мұхтар Оразбаевқа Б.Қосаев көшесінің аяқ жағында орналасқан бос орынға балалар ойын алаңы мен 40х20 метр болатын кіші футбол ойнайтын алаң салып беруді сұрады.
Аудандық қоғамдық кеңестің мүшесі Жәнібек Жұбанғанов ойын алаңы мен спорт алаңы салынатын орынға қала жастарының күшімен 100-ге жуық машина құм төгілгенін жеткізді.
Кездесу барысында Жасарал Сералиев, Рахманберді Исмағұлов та сөз сөйлеп, бірқатар ұсыныстарын айтты.
Жастардың ұсыныс-пікірлерін тыңдаған Мұхтар Әуесұлы ауданда спорт алаңдары мен кешендерін салу жұмыстары қарқынды жүргізіліп жатқанын жеткізді. Алдағы уақытта Қазалы қаласы бойынша екі спорт кешенін салу жоспарда бар тілге тиек етті. Оның бірі мемлекет қаржысына салынса, екіншісі жеке кәсіпкердің есебінен салынады.
Ал, жастардың Б.Қосаев көшесіне спорт алаңдарын салу жөніндегі ұсынысына сәйкес аудандық құрылыс, сәулет және қала құрылысы бөлімінің басшысы Нұрбек Күзембаевқа жоба-сметалық құжаттарын дайындап, қаржысын есептеуді тапсырды.
Аудан әкімі Мұхтар Оразбаев жастарды спортпен шұғылданып, қоғамға пайдалы жұмыстармен айналысу жөнінде ұсыныстарын жеткізді.
Еркін форматта өткен кездесуде аудан прокуроры Дарын Әбіш, аудандық полиция бөлімінің бастығы Болат Кабизов жастар арасындағы топтық төбелестің алдын алу бағытында бірлесіп жұмыс істеуге шақырды.
<div class="wp-block-image"><figure class="aligncenter size-full"><img loading="lazy" width="1280" height="857" src="https://kyzylorda-news.kz/wp-content/uploads/2022/09/306153499_3455397834681139_7144307064410984780_n.jpg" alt="" class="wp-image-165969" srcset="https://kyzylorda-news.kz/wp-content/uploads/2022/09/306153499_3455397834681139_7144307064410984780_n.jpg 1280w, https://kyzylorda-news.kz/wp-content/uploads/2022/09/306153499_3455397834681139_7144307064410984780_n-768x514.jpg 768w" sizes="(max-width: 1280px) 100vw, 1280px" /></figure></div>

Мұхтар Оразбаев Қазалы қаласының жастарымен кездесті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Мемлекеттік әлеуметтік сақтандыру қорының балалы отбасыларды әлеуметтік қолдаудағы рөлі қандай? Осы және өзге де сұрақтардың жауабын білу үшін Қызылорда облысы бойынша «Мемлекеттік әлеуметтік сақтандыру қоры» АҚ филиалының директоры Денеева Гүлсім Жұмағалиқызымен сұхбаттасқан едік.
Мемлекеттік әлеуметтік сақтандыру қоры балалы отбасыларды әлеуметтік қолдауда қандай рөл атқарады?
Қазақстанда балалы отбасыларды әлеуметтік қолдау ата-аналардың жұмыспен қамтылуына байланысты мемлекеттік бюджет және Мемлекеттік әлеуметтік сақтандыру қоры (МӘСҚ) қаражаты есебінен кешенді түрде көрсетіледі.
Бүгінде бала туған кезде ата-аналардың бірі еңбек қызметін жүзеге асыруына қарамастан, бала туғанда берілетін мемлекеттік жәрдемақыны бюджеттен алады, оның мөлшері бірінші, екінші, үшінші балаға–38 АЕК-ті, ал төртінші және одан көп балаға–63 АЕК-ті құрайды.
Сонымен қатар, жұмыс істемейтін аналар бюджеттен бір жасқа дейінгі бала күтімі бойынша ай сайынғы мемлекеттік жәрдемақыны алады, оның мөлшері баланың туу кезектілігіне байланысты болады.
Жұмыс істейтін әйелдерге келетін болсақ, олардың мүдделерін қорғау мақсатында Қазақстанда 2008 жылдан бастап ана мен баланы әлеуметтік сақтандыру енгізілді.
ҚР Еңбек кодексіне сәйкес әйелдерге жүктілігі және босануы бойынша жұмыс орнынан демалыс беріледі. Осындай демалысты ресімдегеннен кейін болашақ ана жүктілікке және босануға байланысты табысынан айырылған жағдайда МӘСҚ-дан әлеуметтік төлем алуға өтініш береді.
Бұл төлемнің мөлшері демалыстың алдындағы соңғы жылдағы әлеуметтік аударымдар аударылған орташа айлық табысына байланысты болады. Биылғы жылдың бірінші жартыжылдығында мұндай төлемді Қызылорда облысы бойыншабарлығы 3153243,8 мың теңгеге 6720 жуық әйел алды.
Бала туғаннан кейін ата-аналардың бірі МӘСҚ-дан бір жасқа дейінгі бала күтіміне байланысты табысынан айырылуы жағдайына төленетін әлеуметтік төлемге жүгіне алады.&nbsp; Төлем мөлшері баланың туған күніне дейінгі соңғы 2 жылдағы орташа айлық табыстың 40% &#8212; ын құрайды.
Ағымдағы жылдың бірінші жартыжылдығында мұндай төлемді Қызылорда облысы бойынша барлығы 4101060,3 мың теңге сомаға 26865 &nbsp;адам алды.
Осылайша, жұмыс істейтін ата-аналар жұмыссыздарға қарағанда әлеуметтік төлемдерді көбірек алады.
Мемлекет басшысының 2022 жылғы 1 қыркүйектегі Жолдауы аясындабала күтіміне төленетін төлем кезеңін бір жастан бір жарым жасқа дейін ұлғайту көзделген. Осы төлем бойынша қандай өзгерістер күтіліп отырғанын толығырақ айтып берсеңіз.
Аналарды әлеуметтік қолдау деңгейін арттыру үшін 2023 жылғы 1 қаңтардан бастап бала күтімі бойынша әлеуметтік төлем тағайындау кезеңі бір жастан бір жарым жасқа дейін ұлғайтылатын болады.
Бұл ретте, бала туғанға дейінгі соңғы 24 ай ішінде кемінде 6 ай әлеуметтік аударымдар түскен адамдарға МӘСҚ-дан төлем тағайындалатын болады. Талап етілетін еңбек өтілінің ең төменгі деңгейі &#8212; 6 ай болмаған қатысушыларға бюджеттен бір жарым жасқа толғанға дейін бала күтімі бойынша мемлекеттік жәрдемақы тағайындалады.
Сондай-ақ, еңбек қызметін қайта жалғастырған жағдайда әлеуметтік төлем тоқтамайды, керісінше сол сияқты мемлекеттік жәрдемақы мөлшері деңгейінде жалғасады деп көзделуде.
Елбасы Жолдауында цифрлық отбасы картасы да жарияланды. Бұл туралы көбірек айтып бере аласыз ба?
Баласы бар отбасы үшін, әрине, алаңдаушылықтар көп. Мемлекеттік органдардың цифрлық технологияларды дамытуы және әлеуметтік төлемдерді тағайындау процестерін автоматтандыруы мемлекеттік қызметтердің сапасы мен халық үшін қолжетімділігін арттыру мақсатында оларды көрсету процестерін оңтайландыруға мүмкіндік берді.
Мәселен, электронды қызметтер көрсету қарқындыдамуда. Мысалы, жүктілік және босану бойынша төлем алу үшін egov.kz порталы арқылы, ал бір жасқа дейінгі бала күтімі үшін төлем egov.kz порталы арқылы немесе екінші деңгейлі банктердің мобильді қосымшалары арқылы жүгінуге болады.
Әсіресе, азаматтарға өтініш бермей ақ,&nbsp;&nbsp; проактивті форматта көрсетілетін қызметтер сұранысқа ие болуда, ол үшін қызметті алу құқығын іске асыруға келіп түскен смс-хабарламаға өз жауабын-келісімін берсе жеткілікті.
Мемлекет басшысының тапсырмасы бойынша 2022 жылдың1 қыркүйегінен бастап пилоттық режимде Отбасының цифрлық картасын енгізу басталды.
Іс жүзінде Карта &#8212;
<ul><li>бұл әлеуметтік мәртебесіне байланысты, кепілдендірілген мемлекеттік қолдаудың қандай да бір түрін алу құқықтары туралы ақпарат беретін азаматтардың күн сайынғы «электрондық жаршысы»;</li><li>көрсетілетін мемлекеттік қызметтің проактивті форматының жаңа құралы. Яғни, мемлекет ақпараттық жүйе арқылы азаматқа тиісті органдарға жүгінбей-ақ мемлекеттік қолдаудың қандай да бір түрін алуды өзі ұсынатын болады.</li></ul>
Бұл бүгінгі таңда өңірдің және тұтастай елдің әлеуметтік портретін қалыптастыруға ғана емес, сонымен бірге халықты әлеуметтік қорғау шараларын іске асыруға бағытталған мемлекеттік бюджет пен МӘСҚ қаражатын пайдаланудың тиімділігін арттыруға мүмкіндік береді.
Бұл ретте тұрғындар Халыққа қызмет көрсету орталықтары арқылы да дәстүрлі әдіспен төлем алуға өтініш білдіре алады.
Тұтастай алғанда, Қазақстанда отбасын, ана мен баланы мемлекеттік қолдау әлеуметтік қамсыздандырудың басты басымдықтарының бірі болып табылады.
<div class="wp-block-image"><figure class="aligncenter size-full"><img loading="lazy" width="640" height="960" src="https://kyzylorda-news.kz/wp-content/uploads/2022/09/deneeva.jpg" alt="" class="wp-image-165755"/></figure></div>

Мемлекеттік әлеуметтік сақтандыру қорының балалы отбасыларды әлеуметтік қолдауы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаевтың тапсырмасына сәйкес Аранды ауылында қазалылық кәсіпкер Темірхан Кенжебаевтың демеушілігімен балалар ойын алаңы мен спорт алаңы салынуда. Қазіргі таңда ойын алаңының құрылыс жұмыстарын «ҚазалыСтройСервис» ЖШС қарқынды жүргізуде.
Қазалы ауданының әкімі Мұхтар Оразбаев Аранды ауылына арнайы барып, балалар ойын алаңының құрылысын көрді.
Аранды ауылдық округінің әкімі Әбілғазы Томаев балалар ойын алаңының жалпы аумағы 70х40 метрді құрайтынын жеткізді. Алаң ішінде жаздық сахна мен тұрғындар отыратын орындар, балалар мен ересектер үшін тренажерлық құрылғылар орнатылады деп жоспарлануда.
Бүгінгі күні спорт алаңының жерін көтеріп, сыртын қоршау жұмыстары аяқталған. Ендігі кезекте алаңның жиектері биіктетіліп, жасанды төсеніштері төселетін болады.
Айта кетейік, бұған дейін Қазалы ауданына қарасты Ү.Түктібаев ауылында жаңа спорт кешенінің іргетасы қаланған болатын. Сонымен қатар биыл Қ.Пірімов ауылынан спорт кешені пайдалануға берілсе, Әйтеке би кенті мен Қазалы қаласынан, Шәкен ауылы мен Байқожа елді мекенінен 5 спорт алаңы салынды.
<div class="wp-block-image"><figure class="aligncenter size-full"><img loading="lazy" width="1280" height="875" src="https://kyzylorda-news.kz/wp-content/uploads/2022/09/306280566_3455389758015280_4701500939638618447_n.jpg" alt="" class="wp-image-165950" srcset="https://kyzylorda-news.kz/wp-content/uploads/2022/09/306280566_3455389758015280_4701500939638618447_n.jpg 1280w, https://kyzylorda-news.kz/wp-content/uploads/2022/09/306280566_3455389758015280_4701500939638618447_n-768x525.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="740" src="https://kyzylorda-news.kz/wp-content/uploads/2022/09/306127451_3455389498015306_6848157481681526527_n.jpg" alt="" class="wp-image-165951" srcset="https://kyzylorda-news.kz/wp-content/uploads/2022/09/306127451_3455389498015306_6848157481681526527_n.jpg 1280w, https://kyzylorda-news.kz/wp-content/uploads/2022/09/306127451_3455389498015306_6848157481681526527_n-768x444.jpg 768w" sizes="(max-width: 1280px) 100vw, 1280px" /></figure></div>

Қазалы ауданының Аранды ауылында балалар ойын алаңы салынуда

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Әрбір оқу орнындағы білім алушылардың жан-жақты дамуына, сыни ойлау дағдыларын қалыптастырып, ақпаратты дұрыс талдап үйренуіне барынша мүмкіндік жасалу қажет. Бұл ретте мектептер мен колледждерде дебат қозғалысын қайта жаңғыртудың ықпалы зор. Осыған орай аймақтағы білім беру ұйымдарында бүгінде мектеп директорлары мен оқушылар, студенттер арасында дебат қозғалысының жұмысы жандануда. Осы бағытта облыста алғаш рет «Өңірлік дебат» лигасы құрылып, оның жоба­лық бағыттары айқындалды.
Бүгін облыстық білім басқармасының басшысы Мейрамбек Шермағанбет жаңадан құрылған өңірлік дебат лигасының мүшелерімен кездесіп, оқушылар мен жастар арасында пікірсайыс қозғалысын дамыту, жетілдіру бағытындағы атқарылатын жұмыстарды талқылады.
Басқарма­ басшысының айтуынша, лиганы құ­рудағы басты мақсат – оқушылардың сыни ойлауын, толентарлығын, ораторлық шеберлігін, серіктестік қарым-қатынасты дамытуға мүмкіндік беру болып отыр.
<blockquote class="wp-block-quote">«Оқу-ағарту министрлігі тарапынан мектеп және студенттік дебат қозғалысын дамыту, дебат клубтарын біріктіру мақсатында өңірлік лига құру жөнінде тапсырмалар берілген болатын. Осыған орай бүгін өңіріміздегі пікірсайыс қозғалысын дамтыуда өз үлестерін қосып жүрген өздеріңізбен бас қосып отырмыз. Алдағы уақытта лига жұмысын дамыту бағытында жұмыстарды өздеріңізбен бірлесе отырып атқаратын боламыз», &#8212; деді Мейрамбек Зинабдинұлы.</blockquote>
Лига мүшелерімен өткізілген кездесуде дебатшылар өздерінің ой-пікірлерін айтып, ұсыныстарын жеткізді. Пікірсайыс ойындарының телевизиялық нұсқасын қолға алу, сондай-ақ, мектеп директорлары мен мұғалімдер арасында да ойындарды өткізу мәселелері де қамтылды. Осылайша биылғы жаңа оқу жылынан бастап аймағымыздағы дебат жұмыстары жаңаша бағытта жүргізілмек.
<div class="wp-block-image"><figure class="aligncenter size-full"><img loading="lazy" width="2048" height="1510" src="https://kyzylorda-news.kz/wp-content/uploads/2022/09/307309165_1439625553207312_8113941214062929492_n.jpg" alt="" class="wp-image-165940" srcset="https://kyzylorda-news.kz/wp-content/uploads/2022/09/307309165_1439625553207312_8113941214062929492_n.jpg 2048w, https://kyzylorda-news.kz/wp-content/uploads/2022/09/307309165_1439625553207312_8113941214062929492_n-768x566.jpg 768w, https://kyzylorda-news.kz/wp-content/uploads/2022/09/307309165_1439625553207312_8113941214062929492_n-1536x1133.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1706" src="https://kyzylorda-news.kz/wp-content/uploads/2022/09/306981049_1439625463207321_6915442095157489945_n.jpg" alt="" class="wp-image-165941" srcset="https://kyzylorda-news.kz/wp-content/uploads/2022/09/306981049_1439625463207321_6915442095157489945_n.jpg 2048w, https://kyzylorda-news.kz/wp-content/uploads/2022/09/306981049_1439625463207321_6915442095157489945_n-768x640.jpg 768w, https://kyzylorda-news.kz/wp-content/uploads/2022/09/306981049_1439625463207321_6915442095157489945_n-1536x1280.jpg 1536w" sizes="(max-width: 2048px) 100vw, 2048px" /></figure></div>

Қызылордада өңірлік дебат лигасы құрылды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазалы ауданының әкімі Мұхтар Оразбаев топтық төбелестің алдын алу мақсатында Әйтеке би кентіндегі жастармен кездесіп, ұсыныс-пікірлерін тыңдады.
Жастармен жүздесуге аудан прокуроры Дарын Әбіш, аудандық полиция бөлімінің бастығы Болат Кабизов, аудан әкімінің орынбасары Дәурен Тілеумбетов, «Amanat» партиясы аудандық филиалының атқарушы хатшысы Нұрғиса Жалғасбаев, аудандық ішкі саясат бөлімінің басшысы Қайрат Әбубәкірұлы қатысты.
Кездесулерде Мұхтар Әуесұлы соңғы уақытта аудан аумағында жастар арасындағы топтық төбелес белең алып тұрғанын жеткізді. Қазіргі таңда топтық төбелестің алдын алу үшін ауданда жұмысшы топ құрылып, тиісті жұмыстар атқарылып жатқанын тілге тиек етті.
<blockquote class="wp-block-quote">«Бүгін өздеріңізбен кездесіп отырғанымыздың негізгі себебі – жастар арасындағы топтық төбелестің алдын алу. Қоғамға жат қылыққа жол бермей, жастардың пайдалы іспен айналысуына көмектесу. Сол үшін де Сіздермен кездесу ұйымдастырылуда. Егер де қандай да бір ой-пікірлеріңіз болса, біз тыңдауға әзірміз», – деді аудан басшысы.</blockquote>
Мұнан соң аудан прокуроры Дарын Әбіш, аудандық полиция бөлімінің бастығы Болат Кабизов топтық төбелестің алдын алу бағытында түрлі шаралар ұйымдастырылып жатқанын айтты. Өз кезегінде жастар аудан орталығындағы кейбір аумақтарға спорт алаңдары жетіспейтінін, бар болғанның өзінде сыртта доп тебе алмайтындықтарын жеткізді. Осыған орай спорт кешендері салынып немесе жақын маңдағы мектептердің спорт залдарын кешкі мезгілде пайдалануға рұқсат алып беруін сұрады.
Аудан әкімі Мұхтар Оразбаев қазіргі таңда Қазалыда спорт кешендері мен алаңдарын салу жұмыстары қарқынды жүргізіліп жатқанын жеткізді. Бұл жұмыстар алдағы уақытта да жалғаса беретіндігін тілге тиек етті.
Ал, жастардың кешкі мезгілде мектептер мен колледждердің спорт залдарын пайдалану жөніндегі ұсыныстарын қолдайтынын, бұл жұмыстарды үйлестіруді аудан әкімінің орынбасары Дәурен Тілеумбетовке тапсырды.
<div class="wp-block-image"><figure class="aligncenter size-full"><img loading="lazy" width="1280" height="955" src="https://kyzylorda-news.kz/wp-content/uploads/2022/09/306186820_3455399764680946_2641555786311124314_n.jpg" alt="" class="wp-image-165937" srcset="https://kyzylorda-news.kz/wp-content/uploads/2022/09/306186820_3455399764680946_2641555786311124314_n.jpg 1280w, https://kyzylorda-news.kz/wp-content/uploads/2022/09/306186820_3455399764680946_2641555786311124314_n-768x573.jpg 768w" sizes="(max-width: 1280px) 100vw, 1280px" /></figure></div>

Қазалы ауданының әкімі жастардың ұсыныс-пікірлерін тыңдады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Өткен тәулікте елімізде 405 адам коронавирустан жазылып шықты. Бұл туралы Санитариялық-эпидемиологиялық бақылау комитеті мәлім етті. 
Өңірлер бойынша: 
Нұр-Сұлтан қаласында &#8212; 24, 
Алматы қаласында &#8212; 13, 
Атырау облысында &#8212; 4, 
Абай облысында &#8212; 10,
Батыс Қазақстан облысында &#8212; 52, 
Қарағанды облысында &#8212; 40, 
Ұлытау облысында &#8212; 3, 
Қостанай облысында &#8212; 55, 
Қызылорда облысында &#8212; 2, 
Маңғыстау облысында &#8212; 25, 
Павлодар облысында &#8212; 54, 
Солтүстік Қазақстан облысында &#8212; 121, 
Түркістан облысында &#8212; 2.
Жалпы пандемия басталғалы елімізде коронавирус 1 392 109 адамнан анықталса, соның ішінде 1 363 761 адам жазылды.

Қазақстан және Қызылорда облысының жаңалықтары