<a href="https://kyzylorda-news.kz/">Kyzylorda-news.kz.</a> Бүгін Қазақстан Республикасының Президенттігіне кандидат Жигули Дайрабаев Панфилов ауданындағы «Ернар» шаруа қожалығына барып, кәсіпорын ұжымымен кездесті. Қазіргі уақытта аталмыш өндіріс ошағы Головацкий ауылының тұрғындарын тұрақты жұмыспен қамтамасыз етіп, ауыл шаруашылығы саласының дамуына ауқымды үлес қосып отыр.&nbsp;Өз кезегінде Жигули Дайрабаев кәсіпорынның заманауи технологияларды белсенді қолданатындығын ерекше атап өтті. Кандидаттың айтуынша, соңғы жылдары әлемде су ресурстарының ахуалы бойынша алаңдаушылық артып келеді. Халық саны ұлғайып, өнеркәсіп пен ауыл шаруашылығы қарқынды дамуда. Бұл өз кезегінде суды пайдаланудың көлемін арттырып отыр.<blockquote>«Біз жаңа технологиялар мен цифрландыру арқылы суды үнемдеуге көшуіміз керек. Су тапшылығын жоюдың басқа жолы жоқ. Бұл – аса маңызды міндет. Суарудың су үнемдеу технологияларын толық көлемде енгізу су шығынын азайтып, өнімділікті арттыра отырып, суармалы жерлерді ұтымды пайдалануға мүмкіндік береді», – деді кандидат.</blockquote>Бүгінде агросектор саласына жаңбырлатып суару әдісін енгізудің тиімділігі орасан. Әдісті қолдану кезінде тыңайтқыштар мен құнарлы заттар жоғалып кетпейді. Яғни, несібесін жерден табатын диқандар үшін өте қолайлы.<blockquote>«Жаңбырлатып суару әдісі шөлді және шөлейтті жерлерді игілікке жаратып, бау-бақша егу, жылыжайлар салып, өнім алуға жақсы мүмкіндік береді. Елімізде әлемдік озық тәжірибелерді ауыл шаруашылығына енгізу жұмыстары жасалып жатыр. Бастысы біз осы жолды белсенді жалғастыруымыз тиіс. Ауыл шаруашылығы саласына бағытталған субсидия көлемін ұлғайту және лизингтік компанияларға қолдау көрсетуіміз қажет», – дейді Жигули Дайрабаев.&nbsp;</blockquote>Өз кезегінде «Ернар» шаруа қожалығының басшысы Олжас Жапарқұлов кандидатқа және «Ауыл» партиясының өкілдеріне алғысын білдірді.&nbsp;<blockquote>«Партияның аудандық мәслихаттардағы депутаттары ауыл шаруашылығы саласын дамытуда, жұртшылықты алаңдатқан мәселелерді шешуде белсенді жұмыс жүргізуде. Алдағы уақытта да партияның басымдық беретін бағыттарын бірлесе жүзеге асыруымыз керек», – дейді Олжас Жапарқұлов.</blockquote>Сонымен қатар, Жигули Дайрабаев Жаркент қаласының тұрғындарымен кездесіп, сұрақтарына жауап берді. Көпшілікті, әсіресе Қытай елімен ынтымақтастық мәселесі қызықтырды. Кандидат көршілес мемлекеттермен әрдайым достық қарым-қатынаста болу маңызды екендігін атап өтті.&nbsp;Жиын соңында Жигули Дайрабаев өзінің сайлауалды бағдарламасының негізгі бағыттарын баяндап, алдағы жоспарларымен бөлісті.&nbsp;<img src="https://knadmin.beoblood.kz/uploads/19_9fe6e4cf34.jpeg" alt="19.jpeg"><img src="https://knadmin.beoblood.kz/uploads/22_84e4a46e1c.jpeg" alt="22.jpeg"><img src="https://knadmin.beoblood.kz/uploads/20_ab00c6934d.jpeg" alt="20.jpeg"><img src="https://knadmin.beoblood.kz/uploads/21_259749f88b.jpeg" alt="21.jpeg"> &nbsp;

Жигули Дайрабаев: Жаңа технологиялар мен цифрландыру арқылы суды үнемдеуге көшуіміз керек

<a href="https://kyzylorda-news.kz/">Kyzylorda-news.kz.</a> Президенттікке кандидат Қасым-Жомарт Тоқаевтың Республикалық қоғамдық штабының мүшелері Жетісу облысының тұрғындарымен бірқатар кездесулер өткізді.Мәселен, шығармашылық зиялы қауым өкілдерімен кездесуде РҚШ мүшелері кандидаттың тарихи мұраны сақтау, мәдениетті қолдау және отандық өнерді дамыту бойынша ұсынған шараларын талқылады.&nbsp;<blockquote>«Қоғамдық келісімді нығайту, жастарға дұрыс тәрбие беру және өскелең ұрпақтың бойына жасампаз құндылықтарды сіңіру ісінде зиялы қауым өкілдері айрықша рөл атқарады. Сіздердің жастармен әңгімелесіп, оларды белсенді болуға, 20 қарашада сайлау учаскелеріне келіп, өз таңдауын жасауға шақырғандарыңыз маңызды»,– деп атап өтті Республикалық қоғамдық штабтың басшысы Ерлан Қошанов.</blockquote>Жергілікті кәсіпкерлермен және шаруалармен кездесуде кандидаттың сайлауалды бағдарламасында көрініс тапқан шағын және орта бизнесті қолдау шаралары талқыланды.Бұдан соң, Балпық би ауылында РҚШ мүшелері Көксу қант зауытының еңбек ұжымымен кездесіп, бизнес пен еңбек адамын қолдау жөніндегі басымдықтарды саралады.&nbsp;Осы күні РҚШ мүшелері өңірдегі үкіметтік емес ұйымдардың және жастар ұйымдарының басшыларымен бірге сайлауалды бағдарламаның Қазақстанды саяси жаңғыртуға арналған блогын талқылады.Ерлан Қошанов жастарға Қасым-Жомарт Тоқаевтың сайлау науқанына белсенділігі үшін алғысын білдіріп, олар ел болашағының дамуына өз үлесін қосып жатқан нағыз патриоттар екенін атап өтті. &nbsp;<img src="https://knadmin.beoblood.kz/uploads/18_708396a6f5.jpeg" alt="18.jpeg"><img src="https://knadmin.beoblood.kz/uploads/17_8ba37a5b62.jpeg" alt="17.jpeg">

Кандидаттың қоғамдық штаб мүшелері Жетісу облысының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментінің түзеу мекемелерінде сотталғандармен тәрбиелік жұмыстар қарқынды жүргізілуде. Тәрбие жұмыстарының бір бағыты ретінде №37 мекемесінің тәрбие бөлімінің қызметкерлері мекемеде жазасын өтеушілерді Салихитдин Айтбаев атындағы көркемсурет галериясына алып барды. &nbsp;Шараның мақсаты сотталғандардың эстетикалық талғамдарын арттыру, мәдени ой-өрістерін кеңейту.&nbsp;Сотталған азаматтарды көркемсурет галериясының қызметкері Айжан Сәрсенбайқызы &nbsp;қарсы алып, қазақ өнеріне өзіндік үлес қосқан Сыр елінің тұлғасы Қазақстан Суретшілер одағының мүшесі Шахмұрат Сейтмұратовтың «Суретім-өмірім» атты шығармашылық көрмесімен таныстырып, туындыларына жеке-жеке тоқталды.<blockquote>«Майлы бояумен салынған бұл өнер туындылары суретшінің көп жылғы еңбектерінің жемісі. Көрмеге суретшінің 100-ге жуық туындысы қойылған. Әрбір туындыда қазақ батырларының бейнесін, тылсым табиғат көріністерін, халықтың тұрмыс-тіршілігі мен салт-дәстүрі суреттелген», – дейді Айжан Сәрсенбайқызы.&nbsp;</blockquote>Кескіндемеші, график-суретші, Салихитдин Айтбаев пен Қазақстан Суретшілер одағының мүшесі елге белгілі суретші Шахмұрат Сейітмұратовтың туындыларымен танысқан сотталушылар бүгінгі шарадан керемет әсер алыпты.&nbsp;<blockquote>«Салихитдин Айтбаевтың сурет салған үстелімен, басқа да қолданған заттарын өз көзімізбен көрдік. Әсіресе маған Шахмұрат Сейтмұратовтың «Қаралы қағаз» туындысы ұнады. Туындыда анасы мен немересі бейнеленген. Соғысқа аттанған ұлынан қаралы қағаз алып, немересінің болашағы жайлы ойланып отырған қарт ананың мұңды жанарын суреттелген. Соғыс ешқашан болмасын, болашақ ұрпағымыз, бақытты да баянды ғұмыр кешсін. Рухани орталықтан алған әсерімізді жеткізу мүмкін емес. Мекеме қызметкерлері мен Көркемсурет галериясының ұжымына алғысым шексіз», – деді жазасын өтеуші азамат.</blockquote><img src="https://knadmin.beoblood.kz/uploads/15_cf14dad58f.jpeg" alt="15.jpeg">

Сотталғандар қылқалам шебері Шахмұрат Сейтмұратовтың туындыларымен танысты

<a href="https://kyzylorda-news.kz/">Kyzylorda-news.kz.</a> Қызылордадағы «Жалаңтөс Баһадур Сейітқұлұлы атындағы олимпиадалық резервтің облыстық мамандандырылған мектеп-интернат-колледжі» КММ жатақханасында өрт-тактикалық оқу-жаттығу өткізілді.&nbsp;Бұл жатақханада 250 тәрбиеленуші тұрады. Мектеп-интернат кешенінің құрамына оқу ғимараты, жатақхана, асхана, көкөніс қоймасы, шаруашылық корпусы және гараждар кіреді.Оқу-жаттығудың тактикалық жоспары бойынша өрт үшінші қабаттағы жатақхана бөлмелерінің бірінде орын алып жатқаны туралы хабарлама сағат 16-дан 15 минут өткенде «112» құтқару қызметіне түсті. Аталған шақырту бойынша Өрт сөндіру қызметінен арнайы күш-құралдар жұмылдырылды. Ал қажетті көмек келгенше интернат қызметкерлеріне балаларды ғимараттың корпусынан шығару үшін бес минуттан аз уақыт қажет болды. Жедел жеткен өрт сөндірушілер барлау жұмыстарын жүргізді. Газ-түтінен қорғау буыны ғимараттың ішінде қалған 4 зардап шеккен оқушыны ғимараттан сыртқа алып шықты.&nbsp; Оқу-жаттығудың негізгі мақсаты – жедел топтар мен арнайы қызметтердің өзара іс-қимылын пысықтау.Оқу-жаттығуға 63 қызметкер 8 техникасымен жұмылдырылды. Сонымен қатар оқу-жаттығуға жергілікті полиция қызметкерлері, медициналық апаттар орталығы, газ және электр желісінің бригадалары қатысты.Қызылорда облысы ТЖД «Өрт сөндіру және авариялық-құтқару жұмыстары қызметі» бастығының орынбасары азаматтық қорғау подполковнигі Н.Исанов аталмыш өрт-тактикалық оқу-жаттығуға оң бағасын беріп, мұндай шараларды жиі өткізу өрт сөндірушілердің кәсіби дағдыларды дамытатынын айтты.&nbsp; &nbsp;<img src="https://knadmin.beoblood.kz/uploads/10_1d0e606c1f.jpeg" alt="10.jpeg"><img src="https://knadmin.beoblood.kz/uploads/13_b0e452e9c2.jpeg" alt="13.jpeg"><img src="https://knadmin.beoblood.kz/uploads/11_452a66871f.jpeg" alt="11.jpeg"><img src="https://knadmin.beoblood.kz/uploads/8_ed68df743e.jpeg" alt="8.jpeg"><img src="https://knadmin.beoblood.kz/uploads/7_46f1da94ec.jpeg" alt="7.jpeg"><img src="https://knadmin.beoblood.kz/uploads/12_4f4eb6f54a.jpeg" alt="12.jpeg">

Өрт-тактикалық оқу-жаттығуы өткізілді

«Қызылорда ОПД ЕҚҚІҚБ тарапынан жарияланған байқауға»<a href="https://kyzylorda-news.kz/">Kyzylorda-news.kz.</a>&nbsp; Мен – Қазақстан мемлекетінің жас жеткіншегімін! Менің армандарым көп! Мен аңсаған армандарыма қол жеткіземін. Мен өмірді қалаймын!Өмір – арнасы кең өзен, сол өзеннен өз арнамызды тауып ағу – менің &nbsp;басты мақсатым. Ал өз мақсатыма жету &nbsp;үшін қандай да бір қиындықтарға, кедергілерге қарсы тұруыма менің күшім жетеді. Өзімнің күшті жақтарымды көрсете аламын. Күнделікті өмірде өз-өзімді тәрбиелеп, алдыма мақсат қойдым. Мен есірткісіз өмірді таңдадым.&nbsp;Біздің адамзат жер бетінде "нашақорлық" деп аталатын зұлымдық болған уақытта өмір сұруде. Бұл адам ағзасының ауыр психикалық және физикалық бұзылуына әкеп соқтыратын есірткі қолдануға құмарлық. Алайда көпшілікті қорқыныш сезіміне баулитын заттар, жас балаларды қызықтырып, көбісінің өміріне балта шабады.Бүгінгі күні адамзат арасында осы есірткі мәселесі жайлы толғанбайтын адам қалмаған болар. Әсіресе, қазіргі кезде жастар мен жеткіншектер арасындағы есірткі мәселесі аса күрделі мәселе болып отыр. Статистикалық есептерде – бұл көрсеткіштер, ал адами тұрғыда – бұл тірі жандардың өмірі. Ал мен үшін адам өмірі –ең басты құндылық. Солардың әр қайсысына барлығымыз бірлесіп, педагогтар, дәрігерлер, ата-аналар және жеткіншектердің өздері де қолғабыс беруіміз керек. Елдегі есірткімен байланысты жағдайды жақсарту бойынша ауқымды жұмысты біз барлығымыз жұмыла атқаруымыз қажет. Сонда ғана біз оңтайлы нәтижелерге қол жеткізе аламыз. Қолдау болмаған жерде бір де бір іс табысты аяқталмайды. Ең бастысы–есірткі бизнесіне және нашақорлыққа қарсы бірлесе отырып, күресуіміз қажет.&nbsp;Есірткі - зұлым! Әрбір саналы адам мұны түсінеді. Ең бастысы - дер кезінде «жоқ» деп айту. Адамның мықты ішкі өзегі болу керек! Күшті рух болу қажет! Адам - жеке тұлға, ал жеке тұлға – өзінің даралығын көрсете білу керек! Есірткіге жол жоқ! Дана бол! Өмір керемет! Мен өмірді қалаймын! «Есірткісіз өмір ғажайып!».Шаттық ҚАЛМАҒАНБЕТ,Қызылорда қаласы,&nbsp;212 мектеп-гимназиясы#ЕСІРТКІГЕҚАРСЫБАЙҚАУЫ&nbsp;

Есірткісіз өмір ғажайып!

<a href="https://kyzylorda-news.kz/">Kyzylorda-news.kz.</a> 85 жылдық тарихы бар Қорқыт ата атындағы Қызылорда университетін таңдаушылардың қатары жыл сайын артып келеді. 2019-2020 оқу жылымен салыстырғанда білім алушылар саны 70%-ға &nbsp;артты. Бұл туралы университеттің басқарма төрағасы-ректоры Бейбіткүл Кәрімова 2021-2022 оқу жылында атқарылған жұмыстар туралы халық алдындағы есепті кездесуінде баяндады.Университет ауқымды, 4 бағытта жұмыс істейді. Олар – білім беру, ғылым және инновацияны, әлеуметтік-мәдени бағытты дамыту, халықаралық ынтымақтастықты нығайту.Бүгінде оқу орнында ғылымды және ғалымдарды қолдау жұмыстары қарқынды. Ғылыми жобалардан түскен табыс та жылдан жылға артып келеді.<blockquote>«Университетте 17 фундаменталды және қолданбалы ғылыми жоба іске асырылуда. Сонымен қатар біздің ғалымдар Нова Лиссабон университетімен бірге «Горизонт-2020» жобасын (Португалия) және Германияның гуманитарлық зерттеулер қорымен бірге археологиялық жобаны жүзеге асырып жатыр», – деді Бейбіткүл Сәрсемханқызы.</blockquote>Айта кету керек, биыл Мичиган университетімен бірлесіп экологиялық мәселелерді шешуге бағытталған жоба аясында да жұмыс жүргізілуде. Жобаның грантхолдеры – Қорқыт ата атындағы Қызылорда университеті болды. Біздің ғалымдар жас зерттеушілермен бірлесіп жүзеге асырған «Қазақстан университеттерінде экология және табиғатты қорғау ғылымдары бойынша негізгі оқу бағдарламаларын ілгерілету» жобасын АҚШ елшілігі қаржыландырды.Ғылымды дамытамыз десек, жас ізденушілердің еңбегіне қолдау көрсету маңызды. Университетте жас ғалымдарды қолдау мақсатында өтетін конкурс биыл да жалғасады.Оқу орнында халықаралық ынтымақтастықты нығайту шаралары да жүйелі іске асуда. «Академиялық ұтқырлық» бағдарламасы бойынша 25 студент шетелге жіберіліп, 12 шетелдік студент біздің университетте білім алуда. Сондай-ақ, 10 шетелдік маман дәріс оқып, ғылыми кеңес беруге шақырылды. &nbsp;Қазіргі уақытта университеттің TOEFL тестілеу орталығында 33 қызметкер оқиды.Оқу орны еңбек нарығына қажетті мамандықтар бойынша білім беруді басты назарда ұстайды. Университетте 115 білім беру бағдарламасы бар.Білім алушылардың сұранысқа сай сапалы маман болуымен қатар, оқу орнын бітіргесін жұмысқа орналасуы да өзекті. Білім алушылардың оқу процесі кезінде тәжірибеден өтуі де жолға қойылған.&nbsp;<blockquote>«Тәжірибеден өту үшін өндіріс орындарында 21 кафедраның 94 филиалы бар. Білім алушылардың практикадан өтуін және жұмысқа орналасуын қатамасыз ету мақсатында өндіріс орындарымен, мекемелермен 59 меморандум жасалды. Осы өндірістерге 632 түлек жүмысқа орналастырылды», – деді Бейбіткүл Кәрімова.&nbsp;</blockquote>Білім ордасының жылдан-жылға материалдық-техникалық базасы жаңарып келеді. Серіктестердің қаражаты есебінен 11 дәрісхана, 1 футбол алаңы күрделі жөндеуден өтіп заманауи жабдықтармен қамтамасыз етілді.Қорқыт ата атындағы Қызылорда университеті QS әлемдік рейтингісі бойынша Шығыс Еуропа және орталық Азия елдерінің ЖОО арасында ТОП-351-400 қатарына кіреді. &nbsp;Айта кету керек, оқу ордасында 22 жастар ұйымы, 13 спорт секциясы білім алушылардың дені сау, жігерлі, білікті тұлға болып қалыптасуына ықпал етеді.Бүгінде университетте 5 институт, 24 кафедра, 5 ғылыми орталық қызмет етеді. Жалпы профессор-оқытушылар құрамы 560 адамды құрайды. Оның ішінде 22 ғылым докторы, 176 ғылым кандидаты, 37 философия докторы (PhD) бар.&nbsp;Есепті кездесуге Қызылорда облыстық Қоғамдық кеңес төрағасы Әріп Хожбанов, Қызылорда облыстық ардагерлер ұйымының төрағасы Серік Дүйсенбаев, «Қызылорда облысының білім беру саласындағы сапаны қамтамасыз ету департаментінің басшысы, университеттің Директорлар Кеңесінің мүшесі Ғалия Дәулетова, қалалық мәслихат хатшысы Ибадулла Құттықожаев, халық қалаулылары, қоғам белсенділері, серіктестер мен түлектер қатысты. Сондай-ақ, сала өкілдері, білім беру ұйымдарының басшылары, университеттің профессорлық-оқытушылық құрамы мен білім алушылар, БАҚ өкілдері болды. &nbsp;Ректордың есебінен кейін сұрақ-жауап өткізіліп, ұсыныстар айтылды.&nbsp;Университет басшысы оқу орнының халықаралық рейтингтерде орын алуы, түлектердің жүйелі түрде жұмыспен қамтылуы, студенттердің бәсекеге қабілетті болуы және &nbsp;профессор-оқытушылар мен қызметкерлерді әлеуметтік қолдау күн тәртібіндегі негізгі мәселе екенін айтып, жиынды қорытындылады.&nbsp; &nbsp;<img src="https://knadmin.beoblood.kz/uploads/4_2883bc0260.jpg" alt="4.jpg"><img src="https://knadmin.beoblood.kz/uploads/3_4c77a6f768.jpg" alt="3.jpg"><img src="https://knadmin.beoblood.kz/uploads/2_49f9de0313.jpg" alt="2.jpg"><img src="https://knadmin.beoblood.kz/uploads/5_13da1b4651.jpg" alt="5.jpg">

Университет басқарма төрағасы-ректорының халық алдындағы есепті кездесуі өтті

<a href="https://kyzylorda-news.kz/">Kyzylorda-news.kz.</a> Н.Бекежанов атындағы қазақ академиялық музыкалық драма театры сахнасында белгілі актер, Қазақстанның еңбек сіңірген қайраткері Бақытбек Темірбековтің шығармашылық кеші өтті.Кеште облыстық мәдениет және спорт басқармасының басшысы Руслан Рүстемов ердің жасына толған өнер иесін құттықтап, зерлі шапан жауып, жылы лебізін білдірді.Бақытбек Темірбеков Қорқыт ата атындағы Қызылорда мемлекеттік университетінде жоғары білім алған. Облыстық театр артисі әрдайым батыр, өр тұлғалы жігіттердің бейнесін сомдап келеді. Мәселен, «Сүю серті» қойылымындағы Қалдан, «Қозы Көрпеш – Баян сұлу» спектакліндегі Қодар, «Исатайдың барында» драмасындағы Махамбет ролі актер шеберлігінің шырқау биігі деуге болады. Әсіресе, Махамбет ақын, Махамбет батыр бейнесінің орны бөлек. &nbsp;Актердің сан қырлы талантын жарқырата ашқан рөлі – &nbsp;«Макбет» трагедиясындағы Макбет образы. Макбет те оны биікке көтерді. «Жылдың үздік актері», «Ең үздік эпизодтық роль үшін» номинацияларымен марапатталды. Т.Айнақұлов атындағы жүлдені, Қазақстан Жастар одағының «Серпер» жастар сыйлығын алды. Мәдениет саласының үздігі, Қазақстанның еңбек сіңірген қайраткері. Театр ұжымымен бірге республикалық, халықаралық, фестивальдарға қатысып, Шотландияда, Түркия, Қазан, Әзербайжан елдерінің сахналарында өнер көрсетті.«Сыр сахнасының сардары» атты шығармашылық кеш шымылдығын Бақытбек Темірбеков ұлы ұстаздарына тағзым етумен ашты. Өмірінің соңына дейін қазақ театрының дамуына қалтқысыз еңбек еткен Қазақстанның халық артисі Серік Шотықов, Қазақстанның еңбек сіңірген артисі Әлия Арысбайқызы, Қазақстанның еңбек сіңірген қайраткері Үмүгүлсін Бегімова, Қазақстанның еңбек сіңірген қызметкері Серік Пірмаханов, «Құрмет» орденінің иегері Ұлбатай Баяділова, Мәдениет қайраткері Ораз Нәсімханов және Якуда Халықұловтай өнер мен өмірдегі ұстаздарының аруағымен киелі сахнада жүрек тебіренте сырласты. Еске алып, тағзым етті, өнер отын, театр рухын сөндірмеуге ант етті. &nbsp;Осылайша басталған шығармашылық кештің мағынасы терең және өнер айдынында жүзіп келе жатқан жастарға үлгі ретінде берері мол болды.Кеште Б.Темірбековтің сахнагер болып қалыптасуына үлесін қосқан Қазақстанның еңбек сіңірген қайраткері, профессор Хұсейн Әмір-Темір мерейтой иесін құттықтады. Әріптестері әннен шашу шашып, мерейтойлық тарту ұсынды. &nbsp;

Актер мерейтойына орай «Сыр сахнасының сардары» атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қызлордада қоғамдық көліктердің саны мен сапа мәселесі әлі маңызды. Нұрлыбек Нәлібаев облыс басшысы қызметіне келген сәттен автобус паркін жаңартуға ерекше мән беріп, тікелей қолдау көрсетуде. Нәтижесінде 150 автобус алуға қаржы бөлінді. Қазірге дейін қаланың транзиттік әлеуетін дамыту бағытында «Қызылорда автобус паркі» жаңа 60 автобуспен толықты.Қоғамдық көлік жүйесін тұрақтандыру аясында жылжымалы құрамды жаңалау және бағыттар желісін ұлғайту жұмыстары қызу жүріп жатыр. Бұған дейін Қызылорда автобус паркіне «Өнеркәсіпті дамыту қоры» АҚ арқылы жаңадан лизингке 150 автобус алуға 1,43 млрд теңге қаржы бөлінген. Серіктестік пен аталған Қор және «ҚазТехна» (QazTehna) компаниясымен тиісті шарттарға қол қойып, жұмыс жалғасуда. Қазір 60 автобус келіп, оның 39-ы бағытқа қосылған. &nbsp;&nbsp;&nbsp;&nbsp;&nbsp;&nbsp;Білуімізше, автопарктің техникалық базасын қалыптастыру мақсатында бірнеше рет жаңа автобустар алынды. Қазіргі таңда 135 автобус бар. Олардың 60-ы істен шыққан. 75-і жүріп тұр. Қолданыста бес жылдан аса жүрген көліктердің алды жүруге жарамайды. Жаңаны күтіп ұстау, бұзылғанды жөндеу – парк қызметкерлерінің міндеті.<blockquote>«Таңертең бір бағытқа шыққан автобус&nbsp; кешке дейін 290 шақырым жол жүреді. Техника болған соң бұзылмай тұрмайды. Дегенмен паркте бұзылған көліктерді жөндейтін барлық мамандар бар.&nbsp; Қазір жөндеуде 30 автобус тұр. Оларға қосалқы бөлшектер қажет. Алматы қаласы арқылы Қытайдан алдырамыз. Тапсырыс беріп қойдық», −&nbsp; дейді «Қызылорда автобус паркі» серіктестігі өндірістік техникалық бөлім басшысы Ерлан&nbsp; Сәрсенбаев.</blockquote>Автобус паркіне D санатындағы бесжылдық тәжірибесі бар&nbsp; жүргізушілер қажет. Бұрын 240 жүргізуші қызмет атқарған. Олардың көбі осында тәжірибе жинап, Алматы, Астана қалаларына кетіпті. Себебі онда жүргізушілер жалақысы жоғары.<blockquote>«Қазір 120 жүргізуші бар. Олардың жалақысын кейінгі уақытта 40 пайызға көтердік. Қазір бағытын толық орындаса, қолдарына 150 мың теңге&nbsp; жалақы алады. Жолда жүретін сағатына байланысты. Әлеуметтік мекеме болған соң мәселелер болып тұрады. Уақытында шешімін табуға тырысамыз», – дейді «Қызылорда автобус паркі» серіктестігінің директоры Руслан Ерсұлтанұлы.</blockquote>Мамандар айтуынша, тұрғындар өтінішіне сәйкес жаңадан 20-шы бағыт&nbsp; іске&nbsp; қосылады. Бұл бағыт Қызылжарма ауылынан бастап, Бейбарыс сұлтан көшесімен жүріп өтіп,&nbsp; «Арай» шағын ауданын қамтиды.&nbsp; Картасы дайын бағытқа жақын күндері жолға шығатын жаңа автобустар да келіп тұр.<figure class="image"><img src="https://knadmin.beoblood.kz/uploads/avtobus1_92c88ac0de.jpg" alt="автобус1.jpg"></figure>

Қызылордада жиырмасыншы бағыт іске қосылады

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен үгіт-насихат науқаны аясында Өскемендегі «Восток молоко» корпорациясына барды.Кандитат Мейрам Қажыкен мұндағы жұмысшыларға өзінің сайлау алды тұғырнамасының негізгі бөлімдерін түсіндірді. Жұмысшылар тарапынан әсіресе экономикалық реформалар мен азаматтық қоғамды дамытуға қатысты &nbsp;сұрақтар қойылды.&nbsp;Өз кезегінде кәсіпорын басшысы Сейілжан Сайлаубаев инфляцияның өсуі, халық пен бизнестің несиеге батуы, ең төменгі жалақы көрсеткіші сияқты проблемалық мәселелер бойынша пікір білдірді.Мейрам Қажыкен айтылған пікірлермен келісіп, &nbsp;бұл тақырыптардың басым бөлігі сайлауалды бағдарламаға енгізілгенін айтты.&nbsp; Сондай-ақ, алдағы уақытта еңбек саласында әлеуметтік әріптестікті дамытуды жоспарлап отырғанын жеткізді. Компания басшысы бұл мәселе бойынша: «жұмыс беруші – мемлекет – кәсіподақ (қызметкерлердің атынан сөйлейтін)» әлеуметтік әріптестік үштігінде біреу көшбасшы бола ма?» деген сауал қойды.&nbsp;<blockquote>«Кәсіпкерлер мен кәсіподақтар кез келген мәселелерді бірге шешуі тиіс. Ал көшбасшы Заң болуы керек. Біз әркімнің мүддесі ескерілетін және әр азамат өзі үшін шешім қабылдауға, өз мүдделерін қорғауға құқығы бар мемлекет құрып жатырмыз», – деп атап өтті кандидат.</blockquote><img src="https://knadmin.beoblood.kz/uploads/Whats_App_Image_2022_11_03_at_11_54_10_1fb623f4ea.jpeg" alt="WhatsApp Image 2022-11-03 at 11.54.10.jpeg">

Мейрам Қажыкен «Восток молоко» корпорациясының жұмысшыларымен кездесті

<a href="https://kyzylorda-news.kz/">Kyzylorda-news.kz.</a> Ақпарат және қоғамдық даму министрі Дархан Қыдырәлі Қорқыт ата атындағы Қызылорда университетінің журналистика мамандығының студенттерімен кездесті. Іс-шараға облыс әкімінің орынбасары Н.Сақтағанов, университеттің басқарма төрағасы-ректоры Бейбіткүл Каримова қатысты.Кездесуде оқу орнының құрылғанына 85 жыл толуымен құттықтап, студенттердің сұрақтарына жауап берді.<blockquote>&nbsp;«Журналистика төртінші билік бола ала ма?» деген сауалға, «журналистің өзін кәсіби тұрғыдан көрсете алуына байланысты. Тексерілген ақпарат сәл кештеу шығуы мүмкін бірақ сауатты нақты дәлелмен жазылады. Жылдам ақпарат таратамыз деп бүлдіріп алып жатады. Журналист пен блогер қатар қарайтын дүние емес. Журналистің орны қашанда жоғары. Мемлекеттік БАҚта істесе де, жеке басылымда істесе де журналистің өзіне байланысты. Журналистерге айтарым сенімді ақпарат таратуға, журналистің қадірін түсірмеуге, ізденіп, еңбек етсе деймін. Бұл журналистке де, халыққа да жақсы. Журналистке керемет сөздің шебері болудан бұрын білікті болу маңызды. Жақсы жазып, жақсы сөйлеу алуы керек. Сөз алдындағы жауапкершілікті сезіну керек», – деді министр.</blockquote>Жастармен дидарласу сәтінде «Бірінші телеарнаға баруға асығады. Мен газетке барып, жазуға машықтануға шақырамын. Жазуға төселсе, кейін кез келген арнадан орын таба алады» деген кеңестерін айтты.Университеттің аға оқытушысы Аягөз Әбдіразақова министрдің сөзін қоштап, оқу орны «Сыр Медиа» серіктесітігінің «Ақмешіт жастары» газетімен келісімге келгенін айтты. Ол арқылы жастар өндірістік тәжірбиеден өтуде деп пікір білдіріп, уақыт бөліп келгеніне алғыс білдірді.Іс-шара соңында Қорқыт ата атындағы Қызылорда университеттің басқарма төрағасы-ректоры Бейбіткүл Каримова министрге Қорқыт атаның қобыз тартып отырған естелік мүсіншесін табыс етті. Жастармен естелік суретке түсті.<figure class="image"><img src="https://knadmin.beoblood.kz/uploads/img_20221103_wa0029_6e56d2a5bd.jpg" alt="img-20221103-wa0029.jpg"></figure><img src="https://knadmin.beoblood.kz/uploads/img_20221103_wa0026_b8347c8236.jpg" alt="img-20221103-wa0026.jpg"><figure class="image"><img src="https://knadmin.beoblood.kz/uploads/img_20221103_wa0022_cf918d06cd.jpg" alt="img-20221103-wa0022.jpg"></figure> &nbsp;

Дархан Қыдырәлі: Журналист сөз алдындағы жауапкершілікті сезінуі керек

<a href="https://kyzylorda-news.kz/">Kyzylorda-news.kz.</a> Бүгін Ақпарат және қоғамдық даму министрі Дархан Қыдырәлі Сыр еліне жұмыс сапарымен келді.Министр алдымен қаланың сол жағалауында орналасқан Жастар ресурстық орталығына барып, жұмыс барысымен танысты.<blockquote>«Сыр жастарының бастамашыл және шығармалылық ынталары қуантты. Жастар ресурстық орталығында әртүрлі салалар қамтылған екен. Сыр жастарына арнап түрлі жобаларды қолға алып, іске асыру үшін бірқатар жұмыс атқарылып жатқанына куә болдым. Жұмыстарыңызға сәттілік тілеймін», – деді министр.</blockquote>

Ақпарат және қоғамдық даму министрі Сыр елінде

<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму министрі Дархан Қыдырәлі Сыр еліне жұмыс сапары аясында облыс тұрғындарымен кездесті. «Достық үйінде» өтіп жатқан жиынға аймақтың зиялы қауым өкілдері, үкіметтік емес ұйымдар және БАҚ өкілдері қатысты.<blockquote>«Іссапарды Қызылорда облысынан бастауымның себептері көп. Сыр өнірі Қазақ елінің бірнеше мәрте астанасы болған ата қоныс. Сондай-ақ, сан түрлі тарихи оқиғалар мен көзқарастар бір мүддеге тоғысқан өлке десек артық айтпаймыз. Өңірде өмір сүрген Қорқыт атадан бастап, жырау, жыршы, ақын, сал-серілер шығармалары қазақ әдебіиетінде, одан қалды әлем әдебиетінде өзіндік айрықша орын алады. Сондықтан арнайы Сыр еліне амандасып, пікірлесіп, бір жағынан Үкіміт мүшесі ретінде салада атқарылып жатқан жұмыстарды баяндап, сіздердің ұсыныстарыңызды тыңдау үшін келіп отырмын», – деді&nbsp;Дархан Қыдырәлі.</blockquote>Кездесу барысында облыс әкімінің орынбасары Нұрымбет Сақтағанов Мемлекет басшысының ашық азаматтық қоғамды дамыту, жастар саясаты секілді негізгі салаларда атқарылып жатқан жұмыстар туралы баяндады.Өз кезегінде Дархан Қыдырәлі Үкімет мүшесі ретіндегі алғашқы сапарын Алаштың анасы атанған Сыр елінен бастап отырғанын, негізгі мақсат аймақ халқының ұсыныс-тілегін тыңдау екенін айтты.Айта кетейік, кездесуден соң министр «Достық үйінде» азаматтармен жеке қабылдау өткізеді. &nbsp;<img src="https://knadmin.beoblood.kz/uploads/313335084_499008815606302_7151418344408145979_n_773d26e461.jpg" alt="313335084_499008815606302_7151418344408145979_n.jpg"><img src="https://knadmin.beoblood.kz/uploads/314346558_499008708939646_6398903835652256285_n_e12d7d57a5.jpg" alt="314346558_499008708939646_6398903835652256285_n.jpg">

Қазақстан және Қызылорда облысының жаңалықтары