<a href="https://kyzylorda-news.kz/">Kyzylorda-news.kz.</a>&nbsp;Президент Қасым-Жомарт Тоқаев салтанатты рәсімге қатысушыларды&nbsp; Отан қорғаушы күнімен және Жеңіс мейрамымен құттықтап, еліміздің қауіпсіздігін қамтамасыз ету ісіндегі әскери қызметшілер мен арнаулы мемлекеттік органдар қызметкерлерінің үлесін ерекше атап өтті.
<blockquote>
 «Биыл Қазақстан Қарулы Күштерінің құрылғанына 30 жыл толып отыр. Осы кезеңде әскеріміз айбынды армияға айналды. Қырағы жауынгерлеріміз ел шебін қас қақпай күзетіп тұр. Олар мемлекеттігімізді нығайтуға зор еңбек сіңіруде. Қарулы Күштеріміз – Тәуелсіздіктің мызғымас тұғыры, елдіктің берік қалқаны», – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1651820565_KZ3_6146.jpg" alt="" />
Президент жақсы жабдықталған заманауи армия мемлекеттілігіміздің берік қорғаны екенін айтты.
<blockquote>
 – Геосаяси тұрақсыздық, жаңа сын-тегеуріндер мен қауіп-қатерлер жағдайында біз ұлттық мүддемізді қорғауға, мемлекетіміздің егемендігі мен аумақтық тұтастығын сақтауға дайын болуымыз керек. Сондықтан қорғаныс әлеуетін нығайту әрдайым біздің маңызды басымдығымыз болады, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1651820700_DSC_8055_2.jpg" alt="" />
Мемлекет басшысы күштік органдарда қызмет етудің абыройлы миссия және үлкен жауапкершілік екенін атап өтті. Оның айтуынша,&nbsp; Қазақстан Қарулы Күштерінің сарбаздары мен сардарлары өздерінің ептіліктері мен қабілеттерін тұрақты түрде шыңдай отырып, озық жауынгерлік шеберліктерін көрсетіп келеді.
Президент Екінші Дүниежүзілік соғыста 500-ге жуық жерлесіміз Кеңес Одағының батыры атанғанын, бірақ көптеген майдангеріміздің ерліктері түрлі себептерге байланысты елеусіз қалғанын еске салды.&nbsp;
<img src="https://www.akorda.kz/public/assets/media/uploadMedia/1651820565_KZ1_4637_2.jpg" alt="" />
Қасым-Жомарт Тоқаев жиынға қатысушы офицерлерге аты аңызға айналған үш ержүрек жауынгердің ерен ерлігі туралы айтты. Бұл майдангерлерге қаза болғаннан кейін бүгін «Халық қаһарманы» атағы берілді.
<blockquote>
 – Біріншісі – атақты мерген Төлеуғали Әбдібеков. Ол бір өзі майдан даласында 397 жаудың көзін жойған. Бұл ерлік тиісті құжаттармен дәлелденген. Қазақтың қаһарман ұлы қаза тапқаннан кейін Кеңес Одағының Батыры атағына ұсынылған. Бірақ, ерлігі ескерусіз қалды. Капитан Александр Несмиянов та ерекше ерлік пен қаһармандық көрсетті. Ол бораған оққа қарамастан, орда бекінген бүкіл батальонды өзімен бірге шабуылға көтерді. Жау қорғанысын бірінші болып бұзған Несмиянов жаудың 20 жауынгерімен жалғыз алысып, 13-інің көзін жойған. Қалғанын бас сауғалауға мәжбүр етті. Кезекті ұрыста ол жау шебінің тылына өтіп, басты қауіпті өзіне бұрды, сөйтіп жаудың қорғаныс шебін серіктерінің бұзып өтуіне мүмкіндік жасады. Ал ротаның екі командирі жараланған соң, басшылықты өз &nbsp;қолына алды. Александр Несмиянов үш рет Кеңес Одағының Батыры атағына ұсынылды, бірақ, әр кез оған әділетсіздік жасалып, елеусіз қалды. Жерлесіміз Ыбырайым Сүлейменов те құралайды көзге атқан нағыз мерген болған. Ол бір жылдың ішінде 289 жау әскерін жойды. Бұл ерлік те тарихи деректерде көрсетілген. Қазақтың қаһарман қызы Мәншүк Мәметова екеуі соңғы демі қалғанша жаумен арпалысып, қаза тапты. Батыр атағына екеуі қатар ұсынылғанымен, Ыбырайым Сүлейменовтің ерлігі жоғары деңгейде бағаланбады, – деді Президент.
</blockquote>
<img src="https://www.akorda.kz/public/assets/media/uploadMedia/1651820565_KZ1_4652_2.jpg" alt="" />
Қасым-Жомарт Тоқаев салтанатты іс-шараға қатысқан Төлеуғали Әбдібеков пен Ыбырайым Сүлейменовтің туыстарына Халық қаһарманының ерекшелік белгісі «Алтын жұлдыз» бен «Отан» орденін табыстады. Ал Александр Несмияновтың наградасы музей төрінен орын алады.
Төлеуғали Әбдібековтің туысы Айгүл Кемелбаева Қасым-Жомарт Тоқаевқа және даңқты атасының атын мәңгі есте сақтауға атсалысқан жауапты тұлғалардың бәріне алғысын айтты. Ыбырайым Сүлейменовтің қарындасы Айткүл Сүлейменова Мемлекет басшысына шын жүректен алғыс білдірді. Сондай-ақ Президентке зор денсаулық тілеп, Жаңа Қазақстанды құру ісінде табысқа жетуіне ниеттестік білдірді және сөзін «Біз Сізге сенеміз», – деп аяқтады.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;
<blockquote>
 – Бұл – шын мәнінде, тарихи әділдіктің салтанат құруы. Біз ерлеріміздің есімін жаңғыртып, оларды ұлықтай беретін боламыз. Өйткені, ерлік ешқашан ескірмейді. Майдангер аға буын кейінгі ұрпаққа әрдайым үлгі-өнеге, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1651821030_KZ4_4347.jpg" alt="" />
<img src="https://www.akorda.kz/public/assets/media/uploadMedia/1651820682_DSC_7051_2.jpg" alt="" />
<img src="https://www.akorda.kz/public/assets/media/uploadMedia/1651820690_DSC_6985_2.jpg" alt="" />
Сөзінің соңында Қасым-Жомарт Тоқаев мемлекетіміздің тұтастығы мен қауіпсіздігін қорғап жүрген еліміздің барша азаматына алғыс айтты.
Бұдан кейін Президент мемлекеттік наградаларды табыстап, офицерлерге әскери және арнаулы атақтар, сыныптық шендер берді.
<img src="https://kyzylorda-news.kz/wp-content/uploads/2022/05/shen-scaled.jpg" alt="" />
<img src="https://kyzylorda-news.kz/wp-content/uploads/2022/05/dank-orden-scaled.jpg" alt="" />

Қасым-Жомарт Тоқаев мемлекеттік наградалар, жоғары әскери және арнаулы атақтар, сыныптық шендер беру рәсіміне қатысты

<a href="https://kyzylorda-news.kz/">Kyzylorda-news.kz</a>. Қазақстан халқы Ассамблеясының Аналар кеңесі құрылған сәттен бастап тәрбиелік маңызы зор, болашағымыз саналған жастарға қажетті түрлі жобалар бойынша жұмыс істеп келеді. Осы жылдан бастап кеңес «Мәдениетті ана – мәдениетті ұлт» жобасын қолға алып, бұл бағыттағы атқарылған істер ауқымы арта түсуде.
Осы орайда Қазақстан халқы Ассамблеясының жанындағы республикалық Аналар кеңесінің төрайымы Назипа Шанаи, ҚР Мәжілісінің депутаты Наталья Жұмаділдаева Сыр өңіріне жұмыс сапарымен келді. Аталмыш жобаны жүзеге асыру мақсатында Достық үйінде этномәдени бірлестіктің жетекшілері, өңірлік Аналар кеңесінің белсенділері, облыстық, қалалық мәслихат депутаттары, іскер әйелдермен жүздесті. Алдағы жоспарларды талқылады.
Сыр өңіріндегі Аналар кеңесінің жүргізілген жемісті жұмысы туралы облыстық Аналар кеңесінің төрайымы Рахима Ахметова айтып өтті.
<blockquote>
 «Біз бірлесе атқарғанда алдымызға қойған ең ұлы мақсат- ұлтымызды мәдениетті етіп тәрбиелеу. Себебі бүгінгі ғалымдар XX ғасырдағы тұлғаларды зерттеп жатыр. Ал бізден кейінгі ұрпақ біздің кезеңіміздегі кімді зерттейді? Осы тұрғыда біз Аналар кеңесі еңбегі жанған арулар, яғни өз күшімен, білімімен жетістікке жеткен жандарды елге танытуымыз қажет. Шалғай ауылдардан шығып, өз қарым-қабілетінің, ана тәрбиесінің нәтижесінде билікке жеткен азаматтардың аналарын жұртқа көрсетуіміз керек. Үйдің модераторы да медиаторы да ана. Сондықтан өскелең ұрпақты дұрыс тәрбиелеу біздің басты миссиямыз. Мәдениетті аналардан ғана мәдениетті ұлт шығады», – деді Аналар кеңесінің төрайымы Назипа Шанаи.
</blockquote>
Кездесу барысында отбасылық құндылықтар кеңінен талқыланып, өзекті мәселелер сөз болды. «Мәдениетті ана – мәдениетті ұлт» жобасының негізгі бағыттары бойынша жұмысты қарқынды түрде жүргізу тапсырылды.
Айта кетейік, Аналар кеңесі 2014 жылдан бері жұмыс істейді. Ал Сыр өңірінде 113 аналар кеңесі бар. Оның құрамында 1103 белсенді ана отбасында өзекті мәселелерді шешуге белсене атсалысып жүр.

Назипа Шанаи: Мәдениетті аналардан ғана мәдениетті ұлт шығады

<a href="https://kyzylorda-news.kz/">Kyzylorda-news.kz</a>. ҚР Білім және ғылым І вице-министрі Шолпан Каринова Сыр еліне жұмыс сапары барысында Қорқыт ата атындағы Қызылорда университетінің профессор-оқытушылары және белсенді студенттермен кездесті.
Кездесу «Баланың кешенді дамуы: шығармашылық әлеуетін ашу» атты музыка, көркем еңбек пәндері мұғалімдерінің және қосымша білім беру ұйымдары педагогтерінің республикалық съезі аясында өтті. Жиында Басқарма Төрағасы-Ректор Бейбіткүл Кәрімова білім, ғылым саласында атқарылған жұмыстар мен алдағы жоспарларды баяндады.
<blockquote>
 «Австралия мемлекетінің Кәсіби білім беру Стандарты негізінде Қорқыт ата университетінің педагогикалық бағыттағы білім сапасын арттыру бағытында «Болашақ педагогтарды қалыптастыру моделі» әзірленді. Модельді жүзеге асыру үшін облыстық білім басқармасымен бірігіп сапалы педагогты қалыптастыру бойынша 2022-2025 жылдарға арналған екі жақты Меморандум жасалды. Биыл аймақта 7514 оқушы мектеп бітіреді. Оның 61% (4733 оқушы) педагогикалық бағытты таңдады. Осыған орай, өңірдің білім ұйымдарын сапалы педагог кадрларымен қамтамасыз ету үшін ғылыми зерттеу жұмыстарына жетекшілік жасау, «Жас педагог» курсын ұйымдастыру, пәндік олимпиада женімпаздарына университет грантын тағайындау, оқу ақысына жеңілдіктер беру т.б. жұмыстар жүргізіледі», – деді Бейбіткүл Сәрсемханқызы.
</blockquote>
Сонымен қатар, басқосуда еңбек нарығына қажетті мамандар даярлау, педагог статусы, жоо-да білім сапасын жақсарту, білім алушылардың ғылыми мақала жазуы және ҰБТ сұрақтары бойынша ұсыныстар айтылды.
Шара барысында ғылыми-инновациялық, академиялық саясат және тәрбие беру жұмыстары бойынша университеттің жетістіктері мен жастар ұйымдарының жобалары таныстырылды. Сондай-ақ, қолөнер шеберлері мен университет ғалымдарының ғылыми еңбектерінің кітап көрмесі қойылды.
Айта кетейік, биыл Қорқыт ата атындағы Қызылорда университеті тәуелсіз аккредиттеу және рейтинг агенттігі (НААР) арқылы халықаралық мамандандырылған аккредиттеу рәсімінен сәтті өтті. Нәтижесінде 108 білім беру бағдарламасына халықаралық мамандандырылған аккредиттеу туралы куәлігі берілді.
Қазіргі таңда оқу орнында 8055 білім алушы бар. Ал университеттің білім беру және ғылыми қызметін 488 оқытушы-профессор жүргізуде. Олардың арасында 22 ғылым докторы, 175 ғылым кандидаты, 34 PhD қызмет етеді.
<img src="https://kyzylorda-news.kz/wp-content/uploads/2022/05/p1888826-scaled.jpg" alt="" />
<img src="https://kyzylorda-news.kz/wp-content/uploads/2022/05/p1888862-scaled.jpg" alt="" />
<img src="https://kyzylorda-news.kz/wp-content/uploads/2022/05/p1888912-scaled.jpg" alt="" />
<img src="https://kyzylorda-news.kz/wp-content/uploads/2022/05/p1899013-scaled.jpg" alt="" />
<img src="https://kyzylorda-news.kz/wp-content/uploads/2022/05/p1899361-scaled.jpg" alt="" />
<img src="https://kyzylorda-news.kz/wp-content/uploads/2022/05/p1899455-scaled.jpg" alt="" />

ҚР Білім және ғылым бірінші вице-министрі университеттің профессор-оқытушылары, белсенді студенттерімен кездесті

<a href="https://kyzylorda-news.kz/">Kyzylorda-news.kz.</a> Бүгін бұрынғы Т.Шевченко атындағы көшеге Кеңес Одағының батыры Үрмәш Түктібаевтың есімі берілді.
Кеңес Одағы батырының атына көше беру және ескерткіш тақтаның ашылу шарасына ҚР Сенатының депутаты М.Бақтиярұлы, қала әкімінің орынбасары Жанмұрат Сейілов, облыстық ардагерлер кеңесі төрағасының орынбасары Өмірбек Мөрәліұлы, Ү.Түктібаевтың бауырлары, ағайын-туыстары мен қала тұрғындары қатысты.
<blockquote>
 «Бұл шара еліміздің ең қасиетті де, қастерлі мерекелері 7 мамыр – Отан қорғаушылар күні және 9 мамыр – Ұлы Жеңіс күні, Қазақстан Республикасы Қарулы Күштерінің құрылғанына 30 жыл мерейтойы қарсаңында ұйымдастырылуымен ерекшеленіп отыр. Бүгін міне, киелі Сыр өңірінің даңқты перзенттерін құрмет етудің тағы бір шарасын өткізудеміз. Қаламыздың көрікті ауданындағы көшелерінің бірін Кеңес Одағының батыры Үрмәш Түктібаев атамыздың атымен атағалы тұрмыз. Мереке күнi бiз азаматтық арды ту етіп, өз өмiрлерiн құрбан еткен батыр бабаларымыздың алдында бас иемiз. Салтанатты түрде ашылғалы тұрған жаңа көше, ынтымақты халқымыздың мерейін асқақтатар көрікті орындардың біріне айналсын», – деген қала әкімінің орынбасары Жанмұрат Жақсымұратұлы барлық қатысушыларды мерекелерімен құттықтады.
</blockquote>
Сондай-ақ, шара барысында ҚР Сенатының депутаты Мұрат Бақтиярұлы мен облыстық ардагерлер кеңесі төрағасының орынбасары Өмірбек Мөрәліұлы атамыздың өмір жолы туралы сөз етті.
<img src="https://kyzylorda-news.kz/wp-content/uploads/2022/05/koshe.jpg" alt="" />
<img src="https://kyzylorda-news.kz/wp-content/uploads/2022/05/koshe1.jpg" alt="" />
<img src="https://kyzylorda-news.kz/wp-content/uploads/2022/05/koshe3.jpg" alt="" />

Қызылорда қаласы көшелерінің біріне Кеңес Одағының батыры Ү.Түктібаевтың есімі берілді

<a href="https://kyzylorda-news.kz/">Kyzylorda-news.kz.</a> Президент мемлекеттік наградалар, жоғары әскери және арнаулы атақтар, сыныптық шендер беру рәсіміне қатысты.
Қасым-Жомарт Тоқаев еліміздің қауіпсіздігін қамтамасыз ету ісіндегі әскери қызметшілер мен арнаулы мемлекеттік органдар қызметкерлерінің үлесін ерекше атап өтті.
Мемлекет басшысы Екінші Дүниежүзілік соғыста 500-ге жуық жерлесіміз Кеңес Одағының батыры атанғанын, бірақ көптеген майдангеріміздің ерліктері түрлі себептерге байланысты елеусіз қалғанын еске салды.
Қасым-Жомарт Тоқаев жиынға қатысушы офицерлерге аты аңызға айналған үш ержүрек жауынгердің ерен ерлігі туралы айтты. Бұл майдангерлерге қаза болғаннан кейін бүгін «Халық қаһарманы» атағы берілді.
<blockquote>
 «Біз ерлеріміздің есімін жаңғыртып, оларды ұлықтай беретін боламыз. Өйткені, ерлік ешқашан ескірмейді. Майдангер аға буын кейінгі ұрпаққа әрдайым үлгі-өнеге», – деді Мемлекет басшысы.
</blockquote>
Президент мемлекеттік наградаларды табыстап, офицерлерге әскери және арнаулы атақтар, сыныптық шендер берді.

Қасым-Жомарт Тоқаев: Біз ерлеріміздің есімін жаңғыртып, оларды ұлықтай беретін боламыз

ЖОБА: «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасының Заңы

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының прокуроры Нұрлан Бижанов «Прокуратура туралы» Заңның 31-бабының тәртібімен қызылордалықтарға үндеу жариялады.
***
Құрметті азаматтар! Өңірімізде ауыл шаруашылығы мақсатындағы жер үлестерін (пай) бөлуге қатысты даулар жиілеп кетті.
Бұл даулар негізінен шаруа қожалықтары мен серіктестік қатысушыларының арасында жер үлестерін бөлу барысында орын алуда.
Тараптар ымыраға келмеген жағдайда мемлекеттік органдар шара қабылдамайтынын алға тартып, заңсыз митингілер, жиналыстар өткізуде.
Кәсіпкерлік Кодексінің 18-бабына сәйкес мемлекеттің кәсіпкерлік субъектілерінің, олардың бірлестіктерінің ісінезаңсыз араласуына жол берілмейді.
Осыған байланысты белгілі бір серіктестіктің немесе шаруа, фермер қожалықтары құрамынан шығу және жер үлесінбөліпалутәртібі Жеркодексімен «Жауапкершілігі шектеулі және қосымша жауапкершілігі бар серіктестіктер туралы» Заңмен(бұдан әрі – Заң)реттелетінін түсіндіреміз.
Азаматтар шаруа немесе фермер қожалығын не ауыл шаруашылығы өндірісін ұйымдастыру үшін қатысушылар (мүшелер) құрамынан шыққан кезде қатысушылардың жалпы жиналысының шешімі бойынша үлесін немесе пайын, жер учаскесін қоса алғанда, нақтылы бөліп шығаруға (бөлісуге) не үлесінің немесе пайының құнын төлетіп алуға құқылы.
Қатысушылардың құрамынан шығу туралы және жер учаскесінбөліп шығару туралы өтініш ауыл шаруашылығы ұйымына беріледі(Жер кодексінің 101-бабының 3-бөлігі).
Заңның 43-бабының 4-тармағына сәйкес жауапкершілігі шектеулі серіктестікке қатысушылардың жалпы жиналысысеріктестік қызметіне байланысты кез келген мәселені қарауға алуға құқылы. 
Бұл реттежер үлестері мен телімдерін бөліп шығару мәселесі серіктестіктіңқұрылтай құжаттарында белгіленген тәртіппен оның қатысушыларыныңжалпы жиналысында қаралып, шешіледі.
Құрылтай құжаттарында жер учаскесін бөліп беру тәртібі көрсетілмеген жағдайда Жер кодексінің 101-бабы 4-тармағыныңнормалары қолданылады.
Серіктестік құрамынан шығуға ниет білдіріп, пай үлестері ретінде бөлінген жер учаскелерімен және қатысушылардың жалпы жиналыс шешімімен келіспеген жағдайда, мұндай даулар Азаматтық процестік кодексінің 1-бабы 3-бөлігіне сәйкес сотта қаралады.
Осыған байланысты барлық жер құқықтық қатынастарынан туындайтын даулар бойынша соттарға жүгіну қажет.
Сонымен қатар ауыл шаруашылық мақсатындағы жер учаскелеріне пайдалану құқығы жоқ (тиісті құқық белгілейтін құжаттарынсыз) тұлғалардың жер телімдерін заңсыз иеленіп алу, оны пайдалану фактілері орын алуда.
Жер учаскесіне құқық белгілейтін құжаттардың түсінігі мен толық тізіміЖер кодексінің 12-бабының 24-тармақшасында көрсетілген.
Мемлекеттік меншіктегі жер учаскесіне құқық беру тәртібі жәнешаруа немесе фермер қожалығын, ауыл шаруашылығы өндірісін жүргізу үшін жер учаскелерін беру ерекшеліктері Жер кодексінің 43, 43-1-баптарында белгіленген.
Бұл талаптарды сақтамай, жер учаскелерінеөзінше билік етуге жол бергені үшін әкімшілікжәне қылмыстықжауаптылықтар көзделген.
Құқық қорғау органдары белгіленген тәртіпке, қоғамдық қауіпсіздікке қол сұғатын кез келген құқық бұзушылықтың жолын кесетінін, сондай-ақ оларға жол бермеуге заңда көзделген шараларды қолданатынын ескертеміз.
Сондықтан азаматтарды қолданыстағы заңнама талаптарын мүлтіксіз сақтауға, арандатушылыққа бой алдырмауға және заңсыз митингілерге қатыспауға шақырамыз.
Н.БИЖАНОВ,
Қызылорда облысының прокуроры

Қызылорда облысының прокуроры сырбойылықтарға үндеу жариялады

<a href="https://kyzylorda-news.kz/">Kyzylorda-news.kz.</a> Қазіргі таңда алаяқтар азаматтарды алдаудың жаңа схемаларын ойлап табуда. Осыған орай Fingramota.kz олардың арбауларына қалай түсіп қалмау жөнінде айтып береді.
Бүгінгі таңда өзекті проблемаға айналған бірнеше алаяқтық оқиғаларын,&nbsp; сондай-ақ сіздің ақшаңызды қорғауға көмектесетін қарапайым мінез-құлық ережелерін қарастырайық.
1. Жалған сатып алушылар өз құрбандарына телефон соғып, тауарды сатып алғысы келетіндерін және алдын ала төлем енгізуге&nbsp; әзір екендіктерін айтады. Бұл ретте, алаяқтар өздерін бухгалтерлер немесе фирмалардың директорларымыз деп таныстырып, ЖСН, картаңызбен байланыстырылған телефон нөмірін, банктік картаның нөмірін, ағымдағы және жинақ шотының нөмірлері сияқты деректемелерді атауды сұрайды. Сатып алушы деректемелерді атаған кезде олар ақша аударымын нақтылау үшін оның нөміріне жіберілген SMS-хабармен келген кодты айтып беруді сұрайды. Кодты аласымен алаяқтар клиенттің интернет-банкингдегі телефон нөмірін ауыстырады да шоттардан ақшаны шығарып алады. Әсіресе, бұл интернет-сауда алаңдарында жиі кездеседі, себебі онда сатушы мен сатып алушының арасындағы қарым-қатынасты ешкім реттемейді. Сондықтан, мұндай ресурстарда кез келген операция жасаған кезде бірнеше қағиданы еске сақтау қажет:
<ul>
<li>Ешбір жағдайда бейтаныс адамдарға жеке басты куәландыратын құжаттардың көшірмелерін қоса алғанда, өзіңіздің дербес деректеріңізді жібермеңіз;&nbsp;</li>
<li>Ешқашан төлем картасының деректемелерін: 16-таңбалы нөмірді, ұстаушының атын, қолданыс мерзімін, CVV/CVC-кодты (картаның артқы жағындағы үш таңбалы нөмірді)</li>
<li>Операцияларды авторизациялау және растау үшін ешкімге SMS-кодтарды, оның ішінде банк қызметкерлеріне хабарламаңыз;</li>
<li>Банктік карталарыңызды үшінші тұлғаларға (тіпті туыстарыңызға), соның ішінде кафелер мен мейрамханаларда төлем жасау үшін бермеңіз;</li>
<li>Карта жоғалған жағдайда дереу бұғаттаңыз және банктің жедел желісіне қоңырау шалып, барлық операцияларды тоқтата тұрыңыз, сондай-ақ шоттарды бұғаттау мақсатында барынша қысқа мерзімде банк бөлімшесіне барған жөн;</li>
<li>Банк қызметкерлері карта бойынша деректерді немесе алынған SMS-терді ұсыну талабымен клиентке ешқашан бірінші болып қоңырау шалмайды. Осы мәселелер бойынша кез-келген байланыс тек клиентпен басталады;</li>
<li>Егер сіз Интернет арқылы банктік картаны пайдаланып төлемдер жасап, сатып алсаңыз, күдікті поштаны ашпаңыз және белгісіз сілтемелерді баспаңыз. Олардың құрамында алаяқтарға компьютерден ақпаратты қашықтықтан бере алатын вирус болуы мүмкін;</li>
<li>Ұялы телефоныңызға шоттың барлық өзгерістері және жасалған транзакциялар бойынша ақпарат келуі үшін ұялы банк қызметін ай сайынғы төлем үшін қосыңыз. Осылайша, сіз өз картаңыз бойынша күдікті операцияларды жедел қадағалай аласыз.</li>
</ul>
2. Сіз мобильді телефоныңызды жоғалтып немесе ұрлатып алдыңыз. Алаяқтар сіздің шоттарыңыздан ақшаны алып алады не жоғалған телефонның нөмірі бойынша интернет-банкингке тіркелу арқылы төлем жасауы мүмкін немесе қосылып тұрған мобильдік банкинг немесе&nbsp; мобильдік қосымша арқылы кіре алады.
Бірінші кезекте банктің саll-орталығына немесе банктің жақын жердегі бөлімшесіне өтініш жасаңыз, сондай-ақ Интернет-банкинг арқылы өзіңіздің шотыңызды бұғаттау қажет.
Сонымен қатар жоғалған телефонның нөмірін мобильдік оператор арқылы бұғаттау қажет.
3. Әлеуетті құрбанға өздерін банк қызметкерлеріміз деп&nbsp; қоңырау соғады, оның банк картасы бойынша күмәнді операциялардың байқалғандығын мәлімдейді және оларды болдырмау мақсатында мынадай бірқатар деректемелерді: ЖСН, карта байланыстырылған телефон нөмірін, банк картасының нөмірін, ағымдағы және жинақ шотының нөмірін көрсетуді сұрайды. Бұл ретте олар үнемі психологиялық қысым көрсетеді, оларға бұл деректерді бермеген жағдайда, барлық ақша лезде жоғалып кетеді деп қорқытуы мүмкін.
Бұл жағдайда не істеуге болады? Тұтқаны қойып, сізге мобильдік телефондағы ақпаратты нақтылау үшін қызмет көрсететін банкке телефон соғыңыз, ең дұрысы банктің жақын жердегі бөлімшесіне барып, сіздің шотыңызға шабуыл жасау әрекеті туралы ресми өтініш жазыңыз. Ешбір жағдайда алаяқтармен диалогты жалғастырмаңыз және ешқандай ақпарат бермеңіз.
Банк қызметкерлерінің іс-қимыл регламенті бар, оған сәйкес банк қызметкерлері клиентке бірінші болып қоңырау шалмайды және карта бойынша деректерді, жеке деректерді не алынған SMS-ты беруді талап етпейді. Осы мәселелер бойынша кез келген сөйлесуге клиент қана бастамашы бола алады.
4. Алаяқтар сіздің төлем карточкаларыңыздың деректемелерін алу мақсатында танымал интернет-дүкенді, банктің сайтын не фишинг сайт деп аталатын әлеуметтік желіні жасайды. Оған сілтеме қолданыстағы пошталық мекенжайлар базасы арқылы таратылады, оның ішінде сіздің де мекенжайыңыз болуы мүмкін.
Интернет-алаяқтардың алдауына түсіп қалмау үшін мынадай бірнеше қағидаларды еске сақтаңыз:
<ul>
<li>жеке деректеріңізді еш жерде көрсетпеңіз;</li>
<li>сайттың ресімделуіне көңіл бөліңіз;</li>
<li>мекенжай жолындағы сілтеменің дұрыстығын тексеріңіз;</li>
<li>қорғалған https қосылымын пайдаланыңыз;</li>
<li>күмәнді хаттарды іріктеңіз;</li>
<li>банктік аккаунттарға кіру үшін wi-fi-ға ашық кіру нүктелерін пайдаланбаңыз;</li>
<li>төлем нысанына көңіл бөліңіз. Сенімді интернет-дүкендерде ол жаңа терезеде ашылады және төлем жүйелерінің біреуінің (VISA, Mastercard) верификациясы болады.</li>
</ul>
5. Жалған сатушылар сауда немесе ақпараттық алаңдарда жылжымайтын мүлікті немесе көлік құралын төмен бағаға сату туралы «шұғыл» хабарландыру орналастырады. Бұл ретте алаяқтар өздерін шетелдік фирманың қызметкері ретінде таныстырып,Қазақстаннан жұмыс бабымен шұғыл кетіп қалғанын айтып, төлем қабілеттілігін растау үшін жылдам ақша аударымдары арқылы өз туысының атына ақша қаражатын жіберуді сұрайды. Сатып алушы аударымды жүзеге асырған кезде, олар тексеру үшін-мыс аударым деректемелерін айтуыңызды сұрайды. Деректемелерді алғаннан кейін алаяқтар өз атына аударым жасайды.
Есіңізде болсын, кез&nbsp; келген мәміле ресми түрде және заңды жолмен жасалуға және тіркелуге тиіс. Алдын ала төленген жағдайда да оны алу туралы жеке құжат (қолхат) жасалады.
Осы қарапайым, бірақ тиімді қағидаларды сақтау қаражатыңызды алаяқтардан қорғайды. Айтпақшы, бұл қағидалар қарт адамдар үшін өте маңызды. Өз туыстарыңыз бен жақындарыңыздың ешқашан алаяқтардың қолына түсіп қалмауы үшін оларға міндетті түрде бұл туралы айтыңыз.&nbsp; Әрқашан есіңізде болсын, судың да сұрауы бар! Өздеріңіздің дербес деректеріңізді қорғаңыз, олардың жоғалғаны анықталған жағдайда дереу шоттарды, оларға байланыстырылған телефон нөмірлерін бұғаттаңыз және құқық қорғау органдарына хабарласыңыз.
Өзіңізге және ақшаңызға сақ болыңыз, Fingramota.kz бірге қаржылық сауаттылығыңызды арттырыңыз!
<img src="https://kyzylorda-news.kz/wp-content/uploads/2022/05/alajak.jpg" alt="" />

Жеке қауіпсіздігіңіз – өз қолыңызда!

<a href="https://kyzylorda-news.kz/">Kyzylorda-news.kz.</a> Қызылорда қаласы ЗК-169/1 мекемесінің сәлем-сауқат қабылдау бөлмесіне келген Қ. есімді азаматтың азық-түліктері арасынан тыйым салынған зат тәркіленді.
Ол бұл күні мекемеде ҚР ҚК-нің 24-бабы 3-бөлігі 1-тармағымен айыпталып, қамауда отырған досына келген болатын. Сәлем-сауқатты қабылдау бөлмесіндегі қызметкердің жұмысына деген жауапкершілігі мен қырағылығының нәтежиесінде, досына тосын сый жасамақшы болған азаматтың қулығы іске аспай қалды.
Сырттай қарағанда бір литрліктен екі пластмасса құтысындағы салқын суды ешкім ажырата алмас.
Алайда, бұл азамат бұндай сұйықтықтардың да, ашылып тексерілетінін білмеген болу керек.
Қырағы сақ бақылаушы, құтыны ашып көргенде, спирттік ішімдіктің исін бірден сезген.
Осылайша, мекеменің ішкі тәртіптеме қағидаларында көзделмеген сақтауға және пайдалануға тыйым салынған заттар болып табылғандықтан, конягі бар құты тәркіленіп, алынды.
Ал досын қуандырмақшы болған азаматтың үстінен баянат толтырылып, ісі қалалық сотқа жіберілді.

Қызылордада түрмеге МАХІ шай құтысына коньяк құйып өткізбекші болған тұрғын ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері ішек инфекциясын жұқтыру көрсеткіші 30,5 пайызға артқан. Науқастардың көпшілігі балалар. Жалпы жағдай тұрақсыз деп сипатталады.
Ресми мәлімет бойынша, биылғы жылдың 4 айында дәрігерлер жедел ішек инфекциясының 281 жағдайын тіркеген.&nbsp; 14 жасқа дейінгі балалар барлық жағдайлардың шамамен 90 пайызын құрайды, оның ішінде екі жасқа дейінгі балалар арасында көрсеткіш жоғары.
Күннің жылынуымен жедел ішек инфекциясының қаупі күрт артты.
<blockquote>
 «Бұл температураның жоғарылауы сыртқы ортада қоздырғыштардың тіршілігі мен көбеюіне қолайлы жағдай туғызатынына байланысты», – деп түсіндірді санитарлық-эпидемиологиялық бақылау департаменті.
</blockquote>
Хабарланғандай, облыста санитарлық-эпидемиологиялық бақылау қызметі өкілдері мен емдеу мекемелерінің дәрігерлерінің қатысуымен медициналық штаб құрылып, жіті ішек инфекцияларының алдын алу мақсатында санитарлық және эпидемияға қарсы шаралар күшейтілді.
Топтық тамақтан улану жағдайларын болдырмау үшін оқу орындарының тамақ бөлімшелерінің қызметкерлері, қоғамдық тамақтану орындарының аспаздары арасында санитарлық-ағарту жұмыстары жүйелі жүргізілуде.
Сонымен қатар, мамандар «алдын алу, диагностикалау және емдеуді дамытуда айтарлықтай жетістіктерге қол жеткізілгеніне» қарамастан, ішек инфекциясының жоғары көрсеткіштері тіркелетінін атап өтті.

Қызылордада балалар арасында ішек инфекциясын жұқтыру жағдайлары артып жатыр

<a href="https://kyzylorda-news.kz/">Kyzylorda-news.kz.</a> Қарулы күштердің 30 жылдығы қарсаңында М.Мәметова атындағы Қызылорда педагогикалық колледжінде «Егеменді ел қорғаны – Қарулы күштер» тақырыбындағы ерлік сабағы өтті.
Болашақ Отан қорғаушылармен кездесуге«Қарулы күштердің ардагерлері» Республикалық қоғамдық бірлестігі Қызылорда облыстық филиалының төрағасы Мыңділда Ршауов, «Ардагерлер одағының «Тәжік-Ауған шекарасындағы жауынгерлік қимылдарына және әскери қақтығыстарына қатысушылардың» республикалық қоғамдық бірлестігі облыстық филиалының төрағасы Марат Орынбайұлы, Қызылорда облысының қорғаныс істері жөніндегі департаменті бастығының тәрбие және идеологиялық жұмыстары жөніндегі орынбасары подполковник Алмат Жақыпов қатысты. 
Іс-шараны ұйымдастырудағы негізгі мақсатжастарды туған елінің патриоты болуға тәрбиелеу, олардың Қарулы күштерге деген мақтаныш сезімін ояту болып отыр.
Колледж студенттеріне Қарулы күштердің 30 жылдық тарихы мен әскеріміздің қазіргі кездегі қызметі туралы егжей-тегжейлі айтылып, бейнероликтер көрсетілді.
<blockquote>
 «Студенттердің арасында болашағын әскермен байланыстырғысы келетін жастардың барын байқадық. Оларды Отан қорғаушылардың күнделікті өмірі мен қару-жарақтар туралы сұрақтар қызықтырады. Жас ұрпаққа жігер беріп, рухтандыратын осындай шаралар алдағы уақытта да өтіп тұратынына сенімдімін», – дейді Қарулы күштердің ардагері Мыңділда Ршауов.
</blockquote>
Колледж бастығы Жақсыгүл Қоқанқызы ардагерлер мен әскери қызметшілерге мазмұнды әңгімелеріүшін ризашылық білдіріп, алғысын жеткізді.
<img src="https://kyzylorda-news.kz/wp-content/uploads/2022/05/stwdent-1.jpg" alt="" />

Қызылордалық студенттерге ерлік сабағы өтті

<a href="https://kyzylorda-news.kz/">Kyzylorda-news.kz.</a> «Әділет» құқықтық қызмет көрсету орталығының директоры, жергілікті тауар өндіруші кәсіпкер Дәулет Ізбасарұлы Президенттің халықтың әлеуметтік жағдайын жақсартуға, құқықтық әлеуетін көтеруге бағытталған барлық шешімдерін қолдайтынын айтты.
<blockquote>
 «Президент Қасым-Жомарт Тоқаевтың биылғы Жолдауынан кейін Жаңа Қазақстан құрудың механизмдері айқын белгілі болды. Мемлекет басшысының Үндеуі де ел тарихындағы маңызды қадамдарға жол ашады. Ата Заңды халықтың қолайлы өмір сүруіне бағыттау, адам құқығының асқақ болуына негіздеу қажетті дүние. Президент алдағы референдумда Ата заңның үштен біріне өзгеріс енетінін айтты. Сондықтан, халық болып жауапкершілік танытып, елдің болашағы үшін ат салысу қажет деп есептеймін. Әділетті Қазақстан құрудың алғы шарты ретінде Конституциялық сотты атауға болады. Бұл жөнінде де Президент өткен Жолдауында жариялады. Кез келген азамат өзінің бұзылған құқықтарын қорғау үшін тікелей Конституциялық сотқа жүгінуге болады. Президенттің халықтың әлеуметтік жағдайын жақсартуға, құқықтық әлеуетін көтеруге бағытталған барлық шешімдерін қолдаймын», – дейді Дәулет Ізбасарұлы.
</blockquote>

Қазақстан және Қызылорда облысының жаңалықтары