<a href="https://kyzylorda-news.kz/">Kyzylorda-news.kz.</a> Алматыда ҚР Білім және ғылым министрі, белгілі педагог және мемлекет қайраткері Шәмша Беркімбаеваның 80 жылдығына орай ұйымдастырылған еске алу іс-шаралары аяқталды. NIS Шәмша Көпбайқызымен дос болған, бірге оқып, қызмет атқарған тұлғалардың басын қосты.
 Ауқымды шараның Қазақ ұлттық қыздар педагогикалық университетінде ашылуының терең мағыналық мәні бар. Тәуелсіз Қазақстанда жоғары оқу орынның табысты жандануы 2003 жылы Шәмша Көпбайқызы ректор болып тағайындалған кезде басталды. Ұстаздың жетекшілігі мен ерік-жігерінің арқасында университетте Студенттер үйі құрылды, ал мерейтой аясында оған ресми түрде Шәмша Беркімбаеваның есімі берілді. Отбасылық мұрағаттағы қолжазбалар, кітаптар, құжаттар мен марапаттар университеттің бас ғимараты – Ақтұмар мұражайындағы ұстаздың атын алған орталықта жинақталды.
 Шәмша Көпбайқызы аяқтап үлгермеген «Қазақ мектебі – ұлт тірегі» кітабының тұсаукесері еске алу шараларының басты оқиғасына айналды.Бірегей жинақты NIS Педагогикалық шеберлік орталығы толықтай әзірлеп, өздерінің полиграфиялық кешенінде басып шығарды.
<blockquote> «Қазақ мектебі – ұлт тірегі» еңбегі – бүкіл саналы ғұмырын отандық білім беруге, оның ішінде ауыл мектебіне арнаған Шәмша Беркімбаеваның ұстаздық өсиеті», – деп атап өтті Шәмша Көпбайқызымен ұзақ жылдар бірге қызмет еткен Қазақстанның еңбек сіңірген қайраткері, дипломат, ғалым, журналист Қуаныш Сұлтанов.</blockquote>
 Сондай-ақ NIS Педагогикалық шеберлік орталығы Шәмша Беркімбаеваның өмірі мен мұғалімдік қызметіне арналған «Шамшырақтай туған елдің Шәмшасы» деректі фильмін түсірді.
<blockquote> «Бүгінде еліміздің жүздеген мұғалімі өзін Шәмша Беркімбаеваның шәкіртімін деп атай алады. Шәмша Көпбайқызының өмір жолы –мектепке қызмет етуді мақсат еткен нағыз ұстаздың лайықты үлгісі. Шәмша Көпбайқызымен әріптес және дос болған жандар оның бойынан мемлекет мүддесін қамтамасыз ету, мамандыққа адал болу, әдептілік пен сенімділік секілді қасиеттерді көре білді», – деді «Назарбаев Зияткерлік мектептері» ДББҰ Басқарма төрайымы Күләш Шәмшидинова.</blockquote> Өз ісінің нағыз маманыШәмша Беркімбаева туралы университет мінберінде ұстаздың достары мен әріптестері – Қазақстан Республикасының Еңбек ЕріАягүл Миразова, педагогика ғылымдарының докторы, Ы.Алтынсарин атындағы ҰБА бас ғылыми қызметкері Жауымбай Қараев, Қызылорда педагогикалық училищесінде Шәмша Көпбайқызымен студенттік кезден құрбы болған белгілі ұстаздар Роза Киікбаева, Қуанышкүл Меңдеяқова, ҚР Мемлекеттік сыйлығының иегері, дәрігер-анестезиолог Гүлзада Ізбасарова, сондай-ақ қыздар педагогикалық университетінің өкілдері, ректор Гүлмира Қанаева мен профессор міндетін атқарушы Ләззат Әділбекова өз естеліктерімен бөлісті. Жиында айтылған әрбірсөз Шәмша Беркімбаеваның қатардағы ұстаздан министрге дейінгі табысты кәсіби мансабының заңдылығы мен оның адами талантын растады. Еске алу іс-шаралардың қорытындысы әр жылдары Шәмша Беркімбаеваға арналған өлеңдер мен әндерден құралған концерттік бағдарламамен ұласты. &nbsp;<img src="https://knadmin.beoblood.kz/uploads/BA_a_3_86a51997d9.jpeg" alt="БАҚ-қа (3).jpeg"><img src="https://knadmin.beoblood.kz/uploads/BA_a_4_735c58cb62.jpeg" alt="БАҚ-қа (4).jpeg">

Белгілі педагог және мемлекет қайраткері Шәмша Беркімбаеваның 80 жылдығы атап өтілді

<a href="https://kyzylorda-news.kz/">Kyzylorda-news.kz.</a> &nbsp;«AMANAT» партиясы облыстық филиалы жанындағы Экология жөніндегі аймақтық қоғамдық кеңестің отырысы өтті. Онда мемлекет басшысы Жолдауынан туындайтын шикізатқа тәуелділік, еңбек өнімділігі төмендігі, инновацияның жеткіліксізді секілді мәселелер сонымен қатар, аймақтың экологиялық жағдайын жақсарту мақсатында Байқоңыр ғарыш айлағының экологиялық мәселесі, мұнай компаниялары тарапынан мұнаймен ластанған топырақтарды қалпына келтіру, мұнай өндірушілерінің факелдерінің қоршаған ортаға эмиссиясы, уран өндірушілердің экологиялық талапты сақтауы, шыны зауытының экологиялық рисктері, жылу электр орталықтарынан ауаға бөлінетін зиянды қалдықтарды азайту бағытында атқарылып жатқан жұмыстар сараланды.
Кеңес отырысында Қызылорда облысы бойынша экология департаменті басшысы орынбасары міндетін атқарушы Нұрбек Садықов хабарлама жасап, осы бағыттарда департамент тарапынан атқарылып, жатқан жұмыстарды жеткізді.
Ол хабарламасында ағымдағы жылға арналған «Байқоңыр» кешенінде қоршаған ортаны қорғау саласындағы мемлекеттік экологиялық бақылау жұмыстарын жүргізу жоспарына сәйкес 4 тоқсанға 13 кәсіпорын тізімге енгізілген, ағымдағы жылдың 9 айында 10 объектіге жоспарлы тексеріс жұмыстары жүргізіліп, 8 заң бұзушылық анықталды. Қазіргі таңда анықталған кемшіліктерді жою жөнінде ұйғарымдар берілгендігін атап өтті.
Сонымен қатар, департамент басшысы орынбасары міндетін атқарушы мұнай компанияларымен ластанған топырақты қалпына келтіру мәселесіне қатысты да атап өтті. Оның айтуынша Қызылорда облысында мұнай және газ өндіру саласында 16 кәсіпорын шаруашылық қызмет атқарады. ҚР Экологиялық кодекстің заңдылық талаптарына сәйкес меншік иелері қалдықтардың құралу көздерінен олардың барынша аз көшірілуін қамтамасыз етуге тиіс талабын қамтамасыз ету бағытында мұнай өндіруші кісіпорындар өндірістік қалдықтарының уақытша сақтау, қайта өңдеу алаңдарын іске қосып пайдалануда.
<blockquote>«Облыстағы атмосфералық ауаның негізгі ластаушылары мұнай-газ өндіру кәсіпорындары болып табылады. Қондырғыларды сұйық отынға (мазутқа) ауыстыру күл шығарындыларын азайтады, бірақ күкірт пен азот оксидтерінің шығарындыларын іс жүзінде төмендетпейді. Ең экологиялық таза - газ отыны, ол мазутқа қарағанда атмосфералық ауаны үш есе аз және көмірден бес есе аз ластайды. 2022 жылдың І жартыжылдығында мұнай өндіру көлемінің азаюына байланысты ілеспе мұнай газын кәдеге жарату көлемі 97,53% - ға азайды алаулардағы газды жағу көлемі 2,47% - ға азайды»,- дейді ол.</blockquote>
Күн тәртібіне сәйкес барлық мәселелер қаралып, комиссия мүшелері тарапынан жұмысты жетілдіруге қатысты ұсыныстар айтылды.
Жиынды қорытындылаған Кеңес төрағасы Мемлекет басшысы Жолдауында атап өткен азаматтарың денсаулығы мен әл ауқатын арттыру мәселесі күн тәртібнен түспейтіндігін жеткізді. Бұл орайда экология мәселесі маңызды орын алады,- деп атап өтті.
<img src="https://knadmin.beoblood.kz/uploads/311711767_484431877055787_4745796790954886735_n_7d74c49d09.jpg" alt="311711767_484431877055787_4745796790954886735_n.jpg">
<img src="https://knadmin.beoblood.kz/uploads/310673589_484432307055744_6982254661464471107_n_538d9a3dc4.jpg" alt="310673589_484432307055744_6982254661464471107_n.jpg">

Экология жөніндегі аймақтық қоғамдық кеңестің отырысы өтті

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаменінің арнайы мемлекеттік мұрағатына 216 өтініш келіп түсті.
Қызылорда облыстық полиция департаментінің Ақпараттандыру және байланыс басқармасының арнайы мемлекеттік мұрағатында барлығы 29595 дана құжат, яғни, ішкі істер органдары бастықтарының бұйрықтары, ішкі істер органдарының бұрынғы қызметкерлерінің жеке істері, басқармашылық құжаттар мен номенклатуралық істер сақталуда. &nbsp;
Облыстық полиция департаментінің Ақпараттандыру және байланыс басқармасы арнайы мемлекеттік мұрағатының шегінде мұрағаттық анықтамаларды және мұрағаттық құжаттардың көшірмелерін беру мемлекеттік көрсетілетін қызметі бойынша тиісті жұмыстар атқарылуда.
Қызылорда облыстық полиция департаментінің арнайы мемлекеттік мұрағатына биылғы жылдың 9 айында барлығы 216 дана өтініштер келіп түсіп, оның ішінде &nbsp;жеке &nbsp;тұлғаларға қатысты – 126, заңды тұлғаларға - 90 мұрағаттық анықтамалар, бұйрық үзінділері және құжаттар көшірмелері берілді.
Мемлекеттік қызметті алуға қол жетімділігін қамтамасыз ету мақсатында ақпараттық жүйе және байланыстың үзіліссіз жұмысы қамтамасыз етіліп, қызметтерді сапалы және уақытылы орындау тәртібі қатаң бақылауға алынған. Өз кезегінде, Қызылорда облысы полиция департаментіне жүгінген тұрғындар жақын туыстарына қатысты аса маңызды ақпараттарды ала отырып, мұрағат қызметкерлерінің жұмысын жоғары бағалауда.
<figure class="image"><img src="https://knadmin.beoblood.kz/uploads/policziya_arhiv1_e4a3f63892.jpg" alt="полиция архив1.jpg"></figure>

Қызылорда облысы полиция департаменінің арнайы мемлекеттік мұрағатына 216 өтініш келіп түсті

<a href="https://kyzylorda-news.kz/">Kyzylorda-news.kz.</a> Республикалық «Born Nomad Power Awards 2022» байқауында қызылордалық қолөнерші, кәсіпкер Қарлығаш Серікбайқызы Ильясова «Қолөнерші әйел» номинациясы бойынша ІІ орынға ие болды.
Биыл аталған байқауға Қызылорда облысынан 10 қолөнерші өтінім берді. Оның ішінде 3 қызылордалық қолөнерші финалға жолдама алды. Олар: Қарлығаш Ильясова, Әйгерім Бахтиярова, Азат Мырзаева. Қызылорда облысының кәсіпкерлер палатасының сарапшысы Назым Мұрсал байқауға қатысушы қызылордалықтарға әдістемелік көмек көрсетіп, құжаттарын толық сүйемелдеді. &nbsp;
«BORN NOMAD» жобасын 2021 жылдың маусым айында АҚШ Елшілігі «Атамекен» Ұлттық кәсіпкерлер палатасы, ExxonMobil және Chevron компанияларымен бірлесе жүзеге асырған болатын.
Ол Америка Құрама Штаттарымен Қазақстан арасындағы сауда қарым-қатынастарды құру үшін қолөнершілер, саудагерлер және салалық тараптар арасындағы кәсіпкер әйелдерге арналған онлайн платформаны дамытуға көмектесу үшін әзірленген.
Биыл «Born Nomad» жобасының директоры Айка Әлемі және ҚР ҰКП «Атамекен» жаңа серіктес «Kazakh Tourism» ҰК АҚ-мен бірлесіп жобаны басқаруды қолға алды.
«Born Nomad Power Awards 2022» — «Born Nomad Power» жобасының жалғасы, қолөнершілер ме ншығармашылық сала өкілдеріне өздерін көрсетуге, жобаларын коммерцияландыру бойынша қабілеттерін дамытуға мүмкіндік беретін байқау.
«Born Nomad Power Awards 2022» қазақстандық өнімді экспорттық нарықтарда ілгерілету, кәсіпқойлардан, сарапшылардан, қолөнер, дизайн, сән, туризм және шығармашылық салалардағы мамандардан құнды кеңестер алу мен идеяларға қолдау табу мүмкіндігін береді.
BORN NOMAD POWER AWARD 2022 байқауы келесі номинациялар бойынша өтті: ⁃ Дәстүр ⁃ Инновация ⁃ Қолөнерші ⁃ Жас талант ⁃ Қолөнер және цифрлық дизайн ⁃ Шығармашылық ынтымақтастық.
<figure class="image"><img src="https://knadmin.beoblood.kz/uploads/7e8d9152_0d89_4518_8af7_c47909e9de4b_4d2a6415d9.jpg" alt="7e8d9152-0d89-4518-8af7-c47909e9de4b.jpg"></figure>

Қызылордалық кәсіпкер «Born Nomad Power Awards 2022» республикалық байқауынан жүлдемен оралды

<a href="https://kyzylorda-news.kz/">Kyzylorda-news.kz.</a> Қызылорда, Алматы және Өскеменде Қазақстан, Әзербайжан және Грузия азаматтарынан тұратын қылмыстық топ мүшелеріне сот үкімі шықты, деп хабарлайды ҚР Ұлттық қауіпсіздік комитетінің <a href="https://www.gov.kz/memleket/entities/knb/press/news/details/439924?lang=kk">баспасөз</a> қызметі.
Ұлттық қауіпсіздік комитеті және прокуратура органдары бірлесіп жүргізген арнайы операция барысында Қызылорда, Алматы және Өскемен қалаларында Қазақстан, Әзербайжан және Грузия азаматтарынан тұратын қылмыстық топ мүшелері құрықталды.
Тергеу барысында олардың аса үлкен көлемде жоғары сапасымен ерекшеленетін жалған АҚШ долларын және евроны Қазақстан аумағына әкелуге және өткізуге қатысы барлығы дәлелденді. Валюта Түркиядан Қазақстанға пошта арқылы жасырылған күйде жөнелтіліп отырған.
Қызылорда облысының Мамандандырылған ауданаралық қылмыстық сотының шешімімен топ басшылары мен мүшелері трансұлттық ұйымдасқан қылмыстық топты құрғандары және оған қатысқандары, сонымен қатар жалған ақшаны өткізгендері үшін кінәлі деп танылды.
<blockquote>«Кінәлі азаматтар 9 жылдан бастап 17 жылға дейін ұзақ мерзімге бас бостандықтарынан айыру жазасына кесілді. Қолданылған шаралар еліміздің экономикалық әлеуетіне келтіретін залалды жоюға және қылмыстық ахуалды жақсартуға тиімді әсер етті», - делінген ҰҚК баспасөз қызметінің таратқан ақпаратта.</blockquote>
<figure class="image"><img src="https://knadmin.beoblood.kz/uploads/aksha1_ce63391a04.jpg" alt="акша1.jpg"></figure>
<figure class="image"><img src="https://knadmin.beoblood.kz/uploads/aksha3_dc37db8848.jpg" alt="акша3.jpg"></figure>

Қызылордада жалған ақша өткізумен айналысқан қылмыстық топ мүшелері сотталды

<a href="https://kyzylorda-news.kz/">Kyzylorda-news.kz.</a> Қазақстан Республикасы мен Түркия Республикасы арасындағы дипломатиялық қатынастарға 30-жыл. Осыған орай, қос Мемлекет басшысының Бірлескен мәлімдемесі жарияланды, деп хабарлайды Ақорда.
Қазақстан Республикасы Президенті Қасым-Жомарт Тоқаевтың шақыруымен Түркия Республикасы Президенті Режеп Тайип Ердоған Қазақстанға мемлекеттік сапармен келді.
Түркия Республикасының Президенті Р.Т. Ердоғанның 12-13 қазан күндері Қазақстанға сапары барысында өткен Жоғары деңгейлі стратегиялық ынтымақтастық кеңесінің 4-отырысы елдер арасындағы ықпалдастықты нығайтуға жасалған маңызды қадам болды.
Президенттер бұл сапардың екі ел арасындағы кеңейтілген стратегиялық әріптестікті одан әрі нығайтуға елеулі үлес қосатынына сенім білдіріп, мемлекеттер арасындағы саяси диалогты түрлі деңгейдегі өзара сапарлар мен кездесулер арқылы жалғастырудың қажеттігін атап өтті.
Өзара достық пен түсіністік жағдайында өткен кездесулер барысында Тараптар екіжақты ынтымақтастықты одан әрі тереңдету мүмкіндіктерін қарастырып, өңірлік және халықаралық өзекті мәселелер бойынша пікір алмасты.
Тараптар 2022 жылғы 2 наурызда Түркия мен Қазақстан арасындағы дипломатиялық қатынастардың 30 жылдығы аталып өткенін назарға ала отырып, төмендегілерді мәлімдейді:
1. 30 жылда ортақ тарих, тіл мен мәдениетке негізделген достық пен бауырластық байланыстарға, тығыз саяси диалог пен көп қырлы ынтымақтастықтың даму қарқынына қанағаттанушылықтарын білдірді.
2. Екі ел арасындағы жан-жақты ықпалдастықты нығайтып, дамытуда 1994 жылғы 17 қазандағы Түркия Республикасы мен Қазақстан Республикасы арасындағы Достық және ынтымақтастық туралы келісім мен 2009 жылғы 22 қазандағы Түркия Республикасы мен Қазақстан Республикасы арасындағы Стратегиялық әріптестік туралы келісімдер маңызды рөл атқаратынын растады.
Осы ретте, Түркия мен Қазақстан арасында мемлекетаралық ынтымақтастықтың барлық салаларын реттейтін ауқымды шарттық-құқықтық база қалыптасқанын атап өтті.
3. 2021 жылы Түркия Қазақстанның ең ірі сауда серіктестері арасында 5-орынды иеленді. Тараптар, екіжақты сауда көлемінің тұрақты түрде артуын қанағаттанушылықпен атап өтіп, алдағы жылдарда сауда көлемін теңгерімді түрде 10 млрд долларға жеткізу үшін қажетті шараларды қабылдау қажеттігін атап көрсетті.
4. 2022 жылғы 4 наурыз күні Астана қаласында Сауда-экономикалық ынтымақтастық жөніндегі Түркия-Қазақстан үкіметаралық комиссиясының 12-отырысының өткізілгенін қанағаттанушылықпен атап өтіп, отырыс соңында қол қойылған Іс-әрекет жоспарының маңыздылығына тоқталып өтті.
5. Тараптар Транскаспий Шығыс-Батыс Орта дәліз арқылы жүк тасымалының ұлғаюын құптай отырып, көлік және логистика саласындағы ынтымақтастықты одан әрі дамытуға уағдаласты. Транскаспий бағытын және Баку-Тбилиси-Карс жаңа желісін тиімді пайдалану үшін тиісті мекемелер арасындағы үйлестіруді күшейтудің маңыздылығын атап өтті.
Екі ел арасындағы стратегиялық әріптестіктің маңызды бөлігі болып табылатын өзара достық пен бауырластыққа негізделген мәдени-гуманитарлық қарым-қатынастардың да қарқынды дамып келе жатқанына қанағаттанушылық білдірді.
6. Қорғаныс өнеркәсібі саласындағы ынтымақтастықты тереңдету және осы мақсатта бірлескен өндірісті қоса алғанда, әртүрлі ынтымақтастық мүмкіндіктерін қарастыру және жүзеге асыруға келісті.
7. Терроризм мен экстремизмнің барлық түрлеріне қарсы табанды күресуге, екі елдің ұлттық қауіпсіздігіне қатер төндіретін барлық құрылымдарға қарсы күресті күшейтуге, қорғаныс пен қауіпсіздік саласындағы диалог тетіктері арқылы ынтымақтастықты тереңдетуге келісті.
8. Білім беру саласындағы ынтымақтастықты дамыту мақсатында Түркияның «Маариф» қорының Қазақстандағы қызметін бастауына қажетті қолдау көрсетудің маңыздылығын атап өтті.
9. Қоршаған орта және орман шаруашылығы салаларындағы екіжақты ынтымақтастықты жалғастыруға дайын екендіктерін білдірді.
10. Екіжақты әрі түркі әлемі аясында БАҚ және ақпарат саласындағы ынтымақтастық пен үйлестіруді тереңдетуге келісіп, осы орайда Түркі елдерінің ақпарат агенттіктері одағының құрылуын құптады.
11. Жаһандық және өңірлік тұрақтылық, бейбітшілік пен өркендеу мақсатына сәйкес бірлесіп әрекет ету, Түркі мемлекеттері ұйымы (ТМҰ) және басқа халықаралық ұйымдарда және көпжақты платформаларда үйлестіруді қамтамасыз ету, барлық мүмкін болған жағдайларда тараптардың халықаралық ұйымдарда ұсынылған шешімдері мен бастамаларын және кандидатураларын өзара қолдауға келісті.
12. Тараптар өзара маңызды жаһандық мәселелер бойынша пікір алмасып, халықаралық күн тәртібіндегі өзекті тақырыптар бойынша ұстанымдарының ұқсастығын растады. БҰҰ, ЕҚЫҰ, АӨСШК, ЭЫҰ, ИЫҰ, ТМҰ мен басқа да халықаралық және өңірлік ұйымдар шеңберінде өзара тиімді ынтымақтастықты жалғастыруға уағдаласты.
13. Екі ел арасындағы Түркі мемлекеттері ұйымы, ТҮРКСОЙ, ТүркПА және Түркі академиясының құрылғаннан бергі жетістіктеріне қанағаттанушылық білдіре отырып, олардың түркі әлеміндегі бірлескен және үйлестірілген іс-қимылдарды қамтамасыз етудегі және Түркі әлемінің құндылықтары мен мүдделерін өңірлік және халықаралық аренада одан әрі арттыруға бейілділігін атап өтті.
14. Азиядағы өзара іс-қимыл және сенім шаралары кеңесін толыққанды ұйымға айналдыру жөніндегі Қазақстан төрағалығының бастамасын біртіндеп жүргізуге, сондай-ақ оның әлеуетін бірлесіп дамытуға ниетті екендерін білдірді.
15. Жастар мен мемлекеттік қызметшілердің мансаптық өсуіне қолдау көрсету мақсатында екі ел арасындағы ынтымақтастықты адам ресурстары саласында бірлескен жобаларды жүзеге асыру арқылы нығайтуға келісті.
16. Қазақстан мен Түркия арасындағы кеңейтілген стратегиялық ынтымақтастықты одан әрі тиімді түрде дамыта беруге және өңірдегі бейбітшілік пен тұрақтылыққа үлес қосатындай ынтымақтастықты тереңдетуге деген ниеттерін қуаттады.
Тараптар 2022 жылғы 10-11 мамырда Қазақстан Республикасының Президенті Қ.К. Тоқаевтың Түркияға және Түркия Республикасының Президенті Р.Т. Ердоғанның Қазақстанға жасаған мемлекеттік сапарлары мен қол жеткізілген уағдаластықтарды жоғары бағалап, оларды жүзеге асыруға барынша күш-қуат салуға дайындығын растады.
Осы Бірлескен мәлімдеме 2022 жылғы 12 қазанда Астана қаласында қазақ және түрік тілдерінде қабылданды.

Қазақстан-Түркия дипломатиялық қатынастарына 30 жыл: Тоқаев пен Ердоғанның Бірлескен мәлімдемесі

<a href="https://kyzylorda-news.kz/">Kyzylorda-news.kz.</a> Қармақшы ауданына қарасты ІІІ Интернационал ауылында мемлекет тарапынан көмек алған жас кәсіпкер жаңа кәсіп бастады.&nbsp;
Мемлекет тарапынан халықтың әл-ауқатын жақсарту мақсатында түрлі бағыттағы бағдарламалар жүзеге асуда. Соның бірі – «Ұлттық жоба» шеңберінде бизнес-идеяларды іске асыруға арналған қайтарымсыз грант. Оның мөлшері – 400 айлық есептік көрсеткіш, яғни, 1 225 200 теңге.
Бүгін ауыл тұрғындарының игілігіне мемлекеттік бағдарлама арқылы қайтарымсыз қаражат алып, кәсібін бастаған жас кәсіпкер Айнұр Диқанбаева тез дайындалатын тағам сататын сауда орнын іске қосты. Бұл қуанышқа ауылдық округ әкімі Нурлыбек Сайымов, ардагерлер және ауыл тұрғындары қатысты.&nbsp;
Кәсіпкерлік нысанның ашылу салтанатында ауыл әкімі сөз сөйлеп, халықтың игілігі жолындағы жасап жатқан істеріңіз оңынан болсын деп ақжарма тілегін жеткізсе, ауыл ардагерлерінің төрағасы Сайлау Мұхтаров ақ батасын берді.&nbsp;
<blockquote>«Қазір кәсіп бастаймын немесе кәсібімді ұлғайтамын дегендерге мемлекет тарапынан түрлі жағдайлар жасалынып жатыр. Қайтарымсыз мемлекеттік грант соның бір дәлелі. Бұл шағын іс бастауға қаражаты жоқтарға немесе қаражаты жетпеген белгілі бір санаттағы азаматтарға үлкен көмек. Мысалы мен қолымнан келетін кәсібімді мемлекеттің осынау көмегі арқылы бастағаныма өте қуаныштымын. Бұл берекенің бастауы болса керек» – деп, &nbsp;жас кәсіпкер келген көпшілікке алғысын білдірді.</blockquote>
Айта кетейік, ауылдық округ бойынша Ұлттық жоба шеңберінде 17 тұрғын конкурска қатысуға өтінім берді. Жобаның 1,2,3 лек бойынша 9 азамат қайтарымсыз грантқа қол жеткізсе, қалған азаматтар &nbsp;4 лек бойынша өткен конкурс нәтижесімен белгілі болады.
<figure class="image"><img src="https://knadmin.beoblood.kz/uploads/kasip_6e2e8f1489.jpg" alt="касип.jpg"></figure>

ІІІ Интернационал ауылында жаңа кәсіпкерлік нысан ашылды

<a href="https://kyzylorda-news.kz/">Kyzylorda-news.kz.</a> Қызылорда облысында «Шабақ құтқару – 2022» акциясы аясында 7 млн 300 мың дана балық шабағы құтқарылды. Бұл туралы Өңірлік коммуникациялар қызметінің ақпараттық алаңында өткен брифингте облыстық табиғи ресурстар және табиғат пайдалануды реттеу басқармасының басшысы Марат Құрманбаев мәлімдеді.
- Облыс аумағында орналасқан күріш алқаптарында, каналдарда, бөлектенген су айдындарында шабақ құтқару жұмыстары жүргізілуде. Қазіргі таңда күріш алқаптарынан 4,1 млн дана балық шабағы құтқарылып, жақын маңдағы су айдындарына жіберілуде. Аталған жұмыстар 25 қазанға дейін жалғасады, - деді басқарма басшысы.
Атап өту қажет, ҚР Экология, геология және табиғи ресурстар министрлігі Балық шаруашылығы комитетінің «Қамыстыбас балық питомнигі» РМҚК-мен біржаздық балық шабақтары мен тұқым шабақтар өсіріліп, аталған шабақтардың 30-40%-ын Қамыстыбас көліне, ал 60-70%-ын Арал теңізіне жіберу жұмыстары жүргізілуде.
<blockquote>«Бүгінде Қызылорда облысы бойынша балық шаруашылығын дамытудың 2021-2030 жылдарға арналған өңірлік бағдарламасы аясында жұмыстар жалғасуда. Биыл 2030 жылға дейін жоспарланған балық өсіретін 55 көл-тауарлы су айдынының саны 69-ға жетті. 2022 жылы 409 тонна тауарлы балық өсіру межесін орындау жоспары белгіленсе, жыл басынан бері атқарылған жұмыстар нәтижесінде 360 тоннаға жеткізілді», - деп мәлімдеді Арал-Сырдария облысаралық бассейндік балық шаруашылығы инспекция басшысы Ж.Сапаров.</blockquote>
<img src="https://knadmin.beoblood.kz/uploads/311324057_1641214066274099_1495497714203238423_n_c30694c121.jpg" alt="311324057_1641214066274099_1495497714203238423_n.jpg">

«Шабақ құтқару – 2022»: 7 млн 300 мың дана балық шабағы құтқарылды

<a href="https://kyzylorda-news.kz/">Kyzylorda-news.kz.</a> Қазақстанның әрбір азаматының құқы, еркі қорғалған, адал еңбегімен, білім-білігімен көздеген асыл мұратына қол жеткізе алатын демократиялық, әділетті әрі бақуатты мемлекет құру. Бұл "AMANAT" партиясының жаңа саяси тұғырнамасының басты мақсаты болып табылады.
Осы және өзгеде маңызды саяси өзгерістер туралы съезд делегаты Амитов Нұридин Егенбердіұлы медицина саласының қызметкерлерімен кездесу барысында баяндады.
<blockquote>«Еліміздегі бірнеше республикалық және қоғамдық ұйымдар алдағы өтетін Президент сайлауына үміткер ретінде Қ.К.Тоқаевты ұсынғаны белгілі. «AMANAT» партиясының съезінде партия төрағасы Е.Қошанов жоғарыда аталған кандидатураны ұсынып, съезд делегаттары аталған ұсынысты бірауыздан қолдадық. Сондай ақ коалиция ұйымдарының форумы ауызбіршіліктің, ыңтымақтастықтың демократиялық қағидалардың жүзеге асырылуы мен елімізде орын алып жатқан саяси реформалардың жалғасы деп айтуымызға боладі», деді Нұридин Амитов.</blockquote>
Елімізді орын алып отырған айтулы саяси өзгерістерді жаңашылдықпен қабылдаған сала қызметкерлері халықтың әл-ауқатын көтеруге ерекше басымдық беріп, бұл үшін көптеген жоба-жоспарларды жүзеге асырып жүрген Қасым Жомарт Тоқаевтың кандидатурасын лайықты деп санап, оңтайлы пікірлерін білдірді.
<img src="https://knadmin.beoblood.kz/uploads/311735631_484347197064255_7652192038114020253_n_2e3d83a5cc.jpg" alt="311735631_484347197064255_7652192038114020253_n.jpg">

Коалиция ұйымдарының форумы елімізде орын алып жатқан саяси реформалардың жалғасы 

<a href="https://kyzylorda-news.kz/">Kyzylorda-news.kz.</a> Съезд делегаттары «AMANAT» партиясының кезектен тыс XXIV Съезі мен Қасым-Жомарт Тоқаевты қолдау жөніндегі Халықтық коалиция форумының қорытындыларын қызу талқылауды жалғастыруда.
Осы орайда бүгін саяси жиынның делегаттары Бақдаулет Махашов пен Жорабек Нұрымбетов «Жан Арай» ЖШС-де еңбек ұжымымен экспромт кездесу өткізіп, тарихи жиынның жаңалықтарымен бөлісті.
<blockquote>«Партия мен ел үшін маңызды әрі тарихи күннің куәсі болдым. Өздеріңізге белгілі қазақстандықтардың өмір сүру сапасын жақсарту мәселесі Мемлекет басшысының әр Жолдауында айтылып, жүйелі жұмыстар арқасында іске асырылуда. Партия съезінде маңызды мәселелер көтеріліп, бірқатар шешімдер қабылданды. Осы орайда әлемдегі аумалы-төкпелі заманда Мемлекет басшысының реформалары жанында ұлт болып ұйысу керекпіз.» деді съезд делегаты Бақдаулет Махашов.</blockquote>
Мұнан соң сөз алған Жорабек Нұымбетов «Съезде қаралған күн тәртібіндегі негізгі мәселелердің тағы бірі – партиямыздың жаңа Саяси Тұғырнаманың қабылдануы болды. Саяси тұғырнама – ел азаматтары ұсыныс-пікірлерінің бағдаршамы болмақ. Себебі жаңа құжат жұртшылық алдында талқыланып, беделді сарапшылармен сарапталған. Еліміздегі әрбір тұрғынның мәселелері осы құжат көрініс тапты.» деді.
Кездесу барысында ауылшаруашылық саласының жұмысшылары Қасым-Жомарт Тоқаевтың Президенттікке ұсынылуын толық қолдайтындарын айтып, оң көзқарастарын білдірді.
<img src="https://knadmin.beoblood.kz/uploads/310556125_484302457068729_3898990329053351897_n_a79c5990cd.jpg" alt="310556125_484302457068729_3898990329053351897_n.jpg">

Съезд делегаттары экспромт кездесу өткізді

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасы алаңында жер қатынастары саласына жауапты мемлекеттік орган мен ұйым өкілдері бизнес өкілдеріне сала құжаттарын рәсімдеу жолдарын түсіндіріп берді.
 Шараға облыстық жер ресурстарын басқару департаментінің, «Азаматтарға арналған үкімет» КЕ АҚ Қызылорда облысы бойынша филиалының, қалалық сәулет және қала құрылысы мен жер қатынастары бөлімінің өкілдері қатысты. Кәсіпкерлер палатасы директорының орынбасары Гауһар Елеусінова 2023 жылдың 1 қаңтарында кәсіпкерлік субъектілерін тексеруге қойылған үш жылдық мораторийдің мерзімі аяқталатынын атап өтті.
<blockquote> «Атамекен» Ұлттық кәсіпкерлер палатасы мораторий мерзімін 1 жылға ұзарту жөнінде Үкіметке ұсыныс берді. Дегенмен кәсіпкерлер осы уақытқа дейін рәсімделмеген құжаттары болса қазірден қолға алғаны жөн. Бүгінгі шарада жер қатынастары саласы бойынша мамандардың басын қосып отырмыз. Алдағы уақытта өзге де салалар бойынша түсіндірме жұмыстарын жүргіземіз», – деді Палата директорының орынбасары Гауһар Елеусінова.</blockquote>
 Облыстық жер ресурстарын басқару департаментінің бөлім басшысы Руслан Баймаханов осы жылдың тамызында Мемлекет басшысы жерді бақылау саласына қатысты мораторийді алып тастағанын жеткізіп, жер учаскесі нысаналы мақсаты бойынша пайдаланылмаған жағдайда қабылданатын шараларды түсіндірді.
 Ал қалалық жер қатынастары бөлімінің маманы Руслан Қыпшақбаев жер учаскесінің нысаналы мақсатын өзгерту тәртіптерімен таныстырып шықты. Сала маманы жер учаскесінің нысаналы мақсатын тұрғын үйден кәсіпкерлікке ауыстыруға бір ай мерзім кететінін атап өтті.
 Қалалық сәулет және қала құрылысы бөлімінің бас маманы Нұрсұлтан Баймырзаев кәсіпкерлікке арналған құрылыс нысандарына қажет рұқсат құжаттарының талаптарымен таныстырды.
 Айта кету керек, жақында қала әкімі Асылбек Шәменов, «Азаматтарға арналған үкімет» КЕ АҚ Қызылорда облыстық филиалының директоры Аида Әбибуллаева, Палата директоры Пірмұхаммед Сыздықов кәсіпкерлердің жер қатынастарына қатысты құжаттарын рәсімдеуді оңтайландыру үшін үш жақты меморандумға қол қойды. Тараптар жер учаскесінің рұқсат құжаттарын заңдастыруға қатысты кәсіпкерлердің өтініштерін қысқа мерзімде қарап, рәсімдеу үшін тиісті шаралар қабылдауға келісті.&nbsp;
<img src="https://knadmin.beoblood.kz/uploads/24_85964fa206.jpg" alt="24.jpg"> &nbsp;

Жер учаскесінің құжаттарын рәсімдеу жолдары түсіндірілді

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Аққыр ауылындағы №188 орта мектеп ұжымы жыл сайын жаңа оқу жылын жақсы нәтижемен қорытындылауда. Оған түлектердің жоғары оқу орындарына оқуға түсуі дәлел. Ал жуырда күрделі жөндеуден өткен зәулім ғимарат білім қуған оқушылардың қажетіне жарауда.&nbsp;
 Мектеп директорының оқу ісі жөніндегі орынбасары Гүлмира Алимова ауыл мектебінде балалардың білім алуында ешқандай мәселе жоқ екенін айтады. Сондай-ақ ол жыл сайын білім алатын оқушылар қатарында айтарлықтай өсім болып жатқанын да жасырмады.&nbsp;
<blockquote> «Иә, біз – аудан орталығынан шалғайда жатқан елді мекенбіз. Дегенмен мемлекеттің ауылдық елді мекендерді, ондағы әлеуметтің әлеуетін жақсартуға бағытталған барлық қолдауынан құр қалып жатқанымыз жоқ. Өткен жылдары өзіміз жұмыс жасайтын, шәкірттер білім алатын осы мектеп ғимаратына күрделі жөндеу жұмыстары жүргізілді. Аудан және облыс орталығынан шалғайда демесеңіз, бізге де қажетті заманауи құрал-жабдықтармен жабдықталған жаңа зәулім нысанда жұмыс жасаған ұнайды. Оған мемлекет қолдау көрсетіп отыр. Осындай үлкен қолдау барда біздің алдымыздағы жауапкершілік те еселенетінін жақсы білеміз. Сондықтан шәкірт тәрбиелеуде шабытынымызды еселеп, жеткен жетістікке тоқмейілсімей, одан да жоғары нәтижеге кол жеткіземіз», – дейді Гүлмира Әбдіразаққызы. &nbsp;</blockquote>
№188 орта мектеп былтыр оқу жылын 155 оқушымен бастаған. Оның жетеуі – мектеп бітіруші. Ал ұлттық бірыңғай тестілеу нәтижесі ұстаздардың жемісті еңбек еткенін аңғартады. Мәселен, былтыр бұл мектептен түлеген 7 оқушы да ҰБТ-ға қатысып, жеті оқушының алтауы еліміздегі жоғары оқу орындарында білім алуға мемлекеттік грант жеңіп алса, біреуі облыс әкімінің грантына ие болған.&nbsp;
 Айта кетейік, биыл Аққырдағы №188 орта мектеп жаңа оқу жылын 167 оқушымен бастаған. Биыл алғаш ауылдағы алтын ұяның табалдырығын 23 бала аттап отыр. Былтыр 1 сыныпқа қабылданған балалар саны 17 болған.&nbsp; Аққырдағы ертеректе іргетасы қаланған білім ордасы 30 жылдан аса уақыт күрделі жөндеу көрмеген. Осыдан 2-3 жыл бұрын мемлекеттік бағдарлама игілімен 200 млн теңгеден астам қаражатпен көне нысан қайта жаңарды. Білім ұясының шатыры жаңартылып, есік-терезелері заманауи құрылыс материалына ауыстырылған. Ғимараттың ішінен дәретхана салынып, су, кәріз жүйелері жүргізілген. Тозығы жеткен электр жүйесі жаңаланған. Ішкі қабырғалары қайта сыланып, жаңа еден төселген. Нысанның сыртқы қабырғалары металл сайдингпен қапталған. Аулаға брусчатка, асфальт төселіп, абаттандыру жұмыстары жасалған. Мердігер мекеме білім нысанының сыртынан да дәретхана жасаған. Сыртқы есік &nbsp;жанынан мүгедектер арбасы еркін сиятын арнайы пандус салынған. Мектеп ғимаратының алдына да балалар демалатын жайлы орындықтар орнатылған. &nbsp;
 Биыл Аққырдағы орта мектепті 9 бала тәмамдайды. Олардың барлығы бүгінде ұлттық бірыңғай тестілеуде бақ сынауға ниетті. Мектеп директоры Гүлбану Орынбаева түлектерден айына екі рет ҰБТ-ға дайындық мақсатында тест алынатынын айтады. Бастысы білікті мұғалімдерден құралған бұл ұжымның бәсекеге қабілетті ұрпақ тәрбиелеудегі еңбектерінде нәтиже бар. &nbsp;
<img src="https://knadmin.beoblood.kz/uploads/19_4d09c84268.jpg" alt="19.jpg">
<img src="https://knadmin.beoblood.kz/uploads/18_f773b59cec.jpg" alt="18.jpg">

Қазақстан және Қызылорда облысының жаңалықтары