<a href="https://kyzylorda-news.kz/">Kyzylorda-news.kz.</a> Медициналық сақтандырудың жоқтығынан жүкті әйелді есепке алудан бас тартылуы мүмкін бе; егер ЖК-сі бар болса, «декреттегі әйел» МӘМС жарнасын төлеуі тиіс пе; МӘМС шеңберінде жүктілікке байланысты УДЗ тиесілі ме? Әлеуметтік медициналық сақтандыру қорының Қызылорда облысы бойынша филиалы Қызылорда қаласының №6 қалалық емханасының акушерлік-гинекологиялық бөлімшесінің меңгерушісі Индира Ермахановамен бірлесіп, болашақ аналар жиі кездесетін жағдайлар бойынша түсініктеме дайындады.1-жағдай:&nbsp;Мені жүктілік бойынша есепке қоюдан бас тартылады, себебі мен сақтандырылмағанмын. Менің 12 айға ақы төлеуге мүмкіндігім жоқ, не істеуім керек?Жүктілік бойынша есепке тұру үшін әйелдің келесі мамандарға жүгінуге мүмкіндігі бар:&nbsp;1) акушер-гинеколог – оның консультациясы МӘМС шеңберінде жүргізіледі, сондықтан қабылдауға жазылу үшін сақтандырылған болу қажет;2) жалпы практика дәрігері және акушер – олардың қабылдауы тегін медициналық көмектің кепілдік берілген көлемі шеңберінде жүргізіледі, адамның сақтандырылған мәртебесі қажет емес. Яғни сақтандырылмаған жүкті әйелді емхананың учаскесінде қабылдауға және жүктілік бойынша есепке қоюға болады.&nbsp;Содан кейін үш күн ішінде әйел жеңілдікті санаттың өкілі – «Жұмыс істемейтін жүкті әйел» ретінде сақтандырылған мәртебесін алады. Ал ол жұмыссыз болса, мемлекет ол үшін жарна төлейді. Бұл оған МӘМС тізбесіне кіретін қажетті тексерулерден, скринингтерден және т. б. өтуге мүмкіндік береді. Сондай-ақ, бірыңғай жиынтық төлемді (БЖТ) төлеушілер үшін түсініктеме бергім келеді. Оны өздері үшін жұмыс істейтін адамдар төлейтіндіктен, БЖТ төлейтін әйел бұдан былай «жұмыс істемейтін» болып саналмайды және жеңілдік санатынан шығарылады.2-жағдай:Мен жүктімін, есепте тұрмын. Жеңілдік санатына кіретін адам ретінде сақтандырылғанмын. Бірақ декреттік төлемдерді алу үшін БЖТ төледім, қазір жүйедегі мәртебем «САҚТАНДЫРЫЛМАҒАН». Неліктен бұл орын алды және мәртебені қайтадан алу үшін не істеу керек?МӘМС жүүйесінде жеңілдік санаты «Жұмыс істемейтін жүкті әйел» деп аталады. Олар үшін МӘМС жарналарын мемлекет төлейді. Бұл санатқа ресми түрде жұмыс істемейтін және соңғы 2 айда зейнетақы жарналары мен әлеуметтік аударымдар түспеген әйел кіре алады. Егер әйел ресми түрде жұмыс істесе, онда декреттік демалысқа шыққаннан кейін жұмыс беруші ол үшін жарналар мен аударымдарды төлеуді тоқтатады. Және ол «Жүктілікке және босануға, жаңа туған баланы (балаларды) асырап алуға байланысты, бала (балалар) үш жасқа толғанға дейін оның (олардың) күтіміне байланысты демалыстағы адамдар» жеңілдікті санатына енгізіледі. Бұдан әрі ол мемлекет есебінен сақтандырылған болып табылады.&nbsp; БЖТ-ға келетін болсақ, салық заңнамасы бойынша оны ресми жұмысқа орналаспаған, тіркелген ЖК-сі жоқ, бірақ кәсіпкерлік қызметті жүзеге асыратындар төлейді. Бірыңғай жиынтық төлем бірнеше төлемдерді қамтиды: БЖТ – ның 10% – ы жеке табыс салығын, 20% - ы Мемлекеттік әлеуметтік сақтандыру қорына әлеуметтік аударымдарды, 30% - ы Бірыңғай жинақтаушы зейнетақы қорына міндетті зейнетақы жарналарын, 40 % – ы Әлеуметтік медициналық сақтандыру қорына міндетті әлеуметтік медициналық сақтандыруға аударымдарды құрайды. БЖТ-ны қандай да бір табыс алатын азаматтар төлейді. Яғни, егер жүкті әйел БЖТ төлесе, онда ол ЖҰМЫС ІСТЕЙДІ деп саналады.Жеңілдік санатына қайта оралу үшін екі ай бойы БЖТ төлемеу керек. Содан кейін ғана &nbsp;жүкті әйел жұмыссыз ретінде сақтандырылған мәртебесін алады.&nbsp;Мысалы, егер БЖТ наурыз айында төленген болса, жеңілдік мәртебесін алу үшін сәуір және мамыр айларына төлемдер болмауы тиіс. Жеңілдік мәртебесі маусым айында беріледі. Бала туылғаннан кейін жұмыс істемейтін әйел басқа жеңілдік санатына енеді-үш жасқа дейінгі балаларға күтім жасайтын жұмыс істемейтін адамдар.Екінші нұсқа бар. БЖТ төлемін ай сайын жалғастыруға болады, сонда әйел жеңілдікті санатқа енбейді, бірақ өзін-өзі жұмыспен қамтушы ретінде сақтандырылған мәртебесін алады.3-жағдай:Менде жұмыс істемейтін ЖК бар, бірақ ресми түрде қызметі тоқтатылған жоқ. Маған ЖК ретінде ары қарай жарна төлеу керек пе?Жоғарыда айтылғандай, жүкті әйелдің шынымен жұмыс істемейтінін және жеңілдік мәртебесіне ие бола алатындығын растау үшін соңғы екі айда ол үшін зейнетақы жарналары мен әлеуметтік жарналар түспеуі керек. Егер ЖК қызметі салық органдарында ресми түрде тоқтатылмаған болса, онда сіз қолданыстағы ЖК ретінде жарналарды төлеуді жалғастыруыңыз қажет (өйткені сіз есептілікті, тіпті «нөлдік» төлемді тапсырасыз және заң бойынша қажетті төлемдерді жүргізесіз). Жұмыс істемейтін жүкті әйел ретінде жеңілдікті санат бойынша сақтандырылу үшін ЖК-нің салық органдарындағы қызметін ресми түрде тоқтата тұру қажет. Онда сіз үшін МӘМС жарналарын мемлекет төлейтін болады. &nbsp;4- жағдай:Маған скринингтен және басқа перинаталды тексерулерден өту керек. Бірақ емханада маған жолдама берілмейді, өйткені мен сақтандырылмағанмын. Бұрын &nbsp;жұмыс істедім және жарналарды төледім, бірақ содан кейін &nbsp;жұмыстан шығып, МӘМС төлемін жасамадым. Бірақ жұмыс істемейтін жүкті әйелдер жеңілдік санатына кіреді емес пе. Неліктен мені МӘМС-ті пайдалану құқығынан айырады?<blockquote>«Сіз дұрыс айтасыз, жұмыс істемейтін жүкті әйел жеңілдік мәртебесіне ие бола алады. Сақтандырылған мәртебесін алу үшін оны жүктілік бойынша есепке қою керек. Әдетте жүктілік бойынша есепке акушер-гинеколог қояды. Оны қабылдау МӘМС тізбесіне кіреді, яғни тек сақтандырылған әйелдерге ғана қолжетімді. Алайда, егер әйел сақтандырылмаған болса, оны жалпы практика дәрігері немесе акушер қабылдап, жүктілік бойынша есепке қоя алады. Бұл дәрігердің қабылдауы тегін медициналық көмектің кепілдік берілген көлеміне кіреді. 3 күн ішінде әйел жеңілдікті санат ретінде сақтандырылған мәртебесін алады. Осыдан кейін ол МӘМС тізіміне кіретін барлық тексерулерге жолдама ала алады», – деп сарапшы түсіндірді.</blockquote>5- жағдай:Жеке клиникада &nbsp;жүкті әйелдерге &nbsp;ультрадыбыстық тексеруден өтуді, ақылы сараптама жасауды &nbsp;ұсынады. Егер мен жүктілік бойынша есепте болсам, мұны өз емханамда тегін өте аламын ба?Иә, қажетті тексерулер ТМККК және МӘМС шеңберінде қарастырылған, сондықтан оларды өз емханаңыздан өтуге болады.&nbsp;Әйел жүктілік бойынша есепке тұрады, содан кейін акушер-гинеколог онымен жүктілік кезең бойына жұмыс жүргізеді. Алдымен өмір тарихы жиналады, пациент пен оның серіктесінің медициналық деректері зерттеледі. Жүкті әйелдің жеке картасы жасалады, оған айырбастау картасы беріледі. Міндетті тексеру тағайындалады, оған зертханалық талдаулар, хромосомалық патология және құрсақішілік ұрықтың туа біткен даму ақаулары бойынша тәуекел тобын анықтау үшін пренаталдық скрининг, ЭКГ, қажет болған жағдайда ЭхоЭКГ, бүйректің УДЗ, көрсетілімдер бойынша стоматолог пен отоларингологтың консультациясы кіреді. Жүктілік кезінде үш реттік ультрадыбыстық скрининг тағайындалғанын атап өткім келеді, ол мына мерзімде жүргізіледі: 1) 11 аптадан 13 апта 6 күнге дейін; 2) 19 аптадан 21 аптаға дейін; 3) 30 аптадан 32 аптаға дейін. Яғни, сіз бұл тексерулер үшін жеке төлем жасамауға, өз емханаңыздан өтуге құқығыңыз бар», – деді Екатерина Чалиловна.Егер сұрақтарыңыз болса, сіз оларды емханаңыздан Пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаса, онда өзіңізге ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінде «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы біле аласыз.<figure class="image"><img src="https://knadmin.beoblood.kz/uploads/Nerabotayushhaya_beremen_zhenshhina_kaz_1_d057b29756.jpg" alt="Неработающая беремен женщина каз (1).jpg"></figure>

МӘМС: Жүкті әйелдердің жиі қоятын сұрақтары

<a href="https://kyzylorda-news.kz/">Kyzylorda-news.kz.</a> «QS Asia University Rankings – 2023» рейтингінің нәтижесі бойынша Қорқыт ата атындағы Қызылорда университеті ТОП-551-600 Азияның үздік жоғары оқу орындарының қатарына енді. Рейтингті Quacquarelli Symonds (QS) британдық компаниясы өткізді.&nbsp;2023 жылғы Asia Rankings – осы кезге дейін ең ауқымды түрде өткен рейтинг. Биыл рейтингке 23 елдің 760 университеті енді. Олардың қатарында Қытай, Жапония, Оңтүстік Корея, Тайвань, Гонконг, АӘА, Сингапур, Пәкістан, Иран, Үндістан, Малайзия, Вьетнам, Қазақстан, Өзбекстан, Қырғызстан, Тәжікстан және Түрікменстан және т. б. елдердің оқу орындары бар. Рейтинг нәтижесінде Азияның ең үздік 100 университеті қатарына еліміздің екі университеті кіріп, &nbsp;Қазақстан &nbsp;Орталық Азиядағы жетекші жоғары білім беру жүйесіне айналды. Сонымен қатар, Қазақстан – Орталық Азияның басқа елдері арасында университеті ең көп ұсынылған ел. Рейтингке еліміз бойынша 32 жоғарғы оқу орны енді.&nbsp;Биыл рейтингте университеттердің академиялық білім беру сапасы, жұмыс берушілер арасындағы беделі, ғылыми педагогикалық құрам мен студенттердің арақатынасы, бір қызметкерге шаққандағы жарияланымдар саны, халықаралық ғылыми байланыстар бойынша көрсеткіштері сараланды. Сондай-ақ, университеттің интернеттегі имиджі, PhD дәрежесі бар қызметкерлердің үлесі, бір мақаладағы дәйексөздер саны, шетелдік қызметкерлер және шетелдік студенттер үлесі де ескерілді.Қорқыт ата атындағы Қызылорда университетінің Asia Rankings әлемдік рейтингіне енуі қазақстандық жоғары оқу орындары арасында да, әлемдік білім беру кеңістігінде де университеттің бәсекеге қабілеттілігі мен имиджін нығайтады. Айта кету керек, 2019-2020 оқу жылымен салыстырғанда университетте білім алушылар саны 70%-ға артып, 9014 адамды құрады.Бүгінде білім ордасында 5 институт, 24 кафедра, 5 ғылыми орталық қызмет етеді. Жалпы профессор-оқытушылар құрамы 560 адамды құрайды. Оның ішінде 22 ғылым докторы, 176 ғылым кандидаты, 37 философия докторы (PhD) бар.<figure class="image"><img src="https://knadmin.beoblood.kz/uploads/Korkyt_e681bf60f3.jpg" alt="Коркыт.jpg"></figure>

Қорқыт ата атындағы Қызылорда университеті Азияның үздік жоғары оқу орындарының қатарына енді

<a href="https://kyzylorda-news.kz/">Kyzylorda-news.kz.</a> «Коворкинг» – білім мен ғылымға ұмтылған жастардың бас қосар рухани орталығы. Осы орайда бүгін жастарды тұлға ретінде қалыптастыру, кітапқа деген қызығушылығын арттыру мақсатында Жалағаш ауданына қарасты Еңбек ауылдық кітапханасында «Коворкинг» орталығы ашылды.«Коворкинг» орталығын аудандық кітапхананың директоры Ұ.Меңдібаева және Еңбек ауылдық әкімдігінің бас маманы Б.Балқанов ашып берді. Бұл игі іс оқырмандар қатарын нығайтуға өзіндік ықпалын тигізері анық. Қазіргі таңда кітапханадағы коворкинг орталығын коммуникативтік алаң деп айтуға болады.Бұл орталық достарыңызбен бос уақытты бірге өткізіп, көптеген қызықты іс-шаралар: акциялар, мерекелер, шығармашылық кездесулер, шеберлік кластар, зияткерлік ойындарға, кітапхана ресурстарын пайдалануға, жастардың бизнес, шығармашылық, оқу бағдарламалары аясындағы креативті жобаларын жарыққа шығарып, жүзеге асыруға, игілікті іс шараларда жиі бас қосатын орын.<blockquote>Отандық кітапханаларды жаңғыртып, оларды қазіргі заман талабына сай білім орталықтарына айналдыру үшін ашылып отырған орталық өскелең ұрпақты рухани құндылықтармен, ұлтымыздың дәстүрі мен тарихын құрметтеуге үндейді», – деп атап өтті ашылу рәсімінде сөз алған кітапхана директоры Ұ.Меңдібаева. &nbsp;</blockquote><img src="https://knadmin.beoblood.kz/uploads/315043396_655747346107154_938414859914764143_n_5c2570e140.jpg" alt="315043396_655747346107154_938414859914764143_n.jpg">

Жалағаш ауданының Еңбек ауылдық кітапханасында "коворкинг" орталығы ашылды

<a href="https://kyzylorda-news.kz/">Kyzylorda-news.kz.</a> Бүгін Президенттікке кандидат Қасым-Жомарт Тоқаевтың Республикалық қоғамдық штабының мүшелері Павлодар облысының жұртшылығымен, кәсіпорындардың еңбек ұжымдарымен және жастарымен бірқатар кездесу өткізді.Үгіт-насихат науқаны басталғаннан бері ел өңірлерінде сайлаушылармен 13 мыңнан астам кездесу өтті. Олардың басты мақсаты – кандидат Қасым-Жомарт Тоқаевтың сайлауалды бастамаларын тұрғындарға жеткізу.Екібастұз қаласында РҚШ мүшелері әлемдегі ең үлкен «Богатырь» ашық көмір кенішінің еңбек ұжымымен кездесіп, кеншілерге кандидаттың бағдарламасындағы жұмысшылардың құқықтарын қорғау және өндірістегі қауіпсіздікті арттыруға қатысты басымдықтары туралы айтып берді.<blockquote>«Азаматтардың адал өнімді еңбегі құрметтелуі, қорғалуы және оған лайықты еңбекақы төленуі тиіс. Қызметкерлердің мансаптық болашағы мен табысы олардың кәсібилігіне, жауапкершілігі мен әбжілдігіне байланысты болуы керек. Жастарды еңбекқорлыққа баулыған жөн», - деді Республикалық қоғамдық штаб делегациясының басшысы Асхат Оралов.</blockquote>Павлодарда Қасым-Жомарт Тоқаевтың жақтастары трамвай басқармасы мен электролиз зауытының ұжымдарымен кездесу өткізді. Жүздесу барысында кандидаттың сайлауалды бағдарламасындағы жаңа өңірлік саясатқа арналған бөлімі талқыланды.Бұдан соң Достық үйінде штаб мүшелері өңір жұртшылығымен сайлауалды бағдарламаның негізгі бағыттарын талқылады. «Торайғыров университетінде» ғылыми қоғамдастық өкілдері сайлауалды бағдарламада көрсетілген әлеуметтік қолдау шараларын қарастырды.Жастар белсенділерімен кездесуде РҚШ мүшелері – жастар саясатындағы, ал кәсіпкерлерімен жүздесуде экономика саласындағы сайлауалды бастамаларға тоқталды.Осы күні Павлодардағыкандидаттың қоғамдық қабылдау бөлмесінде Асхат Оралов өңір тұрғындарынан келіп түскен ұсыныстармен және тілектермен танысты.Жалпы, бүгін Республикалық қоғамдық штаб мүшелері Павлодар облысының Ақсу, Екібастұз қалаларында, сондай-ақ Баянауыл, Железин, Успен және т.б. аудандарында сайлаушылармен 20-дан астам кездесу өткізді. &nbsp;<img src="https://knadmin.beoblood.kz/uploads/26_86533f4573.jpeg" alt="26.jpeg">

Қасым-Жомарт Тоқаевтың қоғамдық штаб мүшелері Павлодар облысының сайлаушыларымен кездесті

<a href="https://kyzylorda-news.kz/">Kyzylorda-news.kz.</a> Отбасы банкі осы жылдың 1 қазанынан бастап депозиттер бойынша өтемақы алуға өтініш қабылдауда. Өтінімді 2023 жылдың 1 қаңтарын қоса алғанға дейін беруге болады. Бұл туралы бүгін Өңірлік коммуникациялар қызметінің ақпараттық алаңында өткен брифингте «Отбасы банкі» АҚ Қызылорда облыстық филиалының директоры Әділжан Сәулебаев мәлімдеді.Отбасы банкінде ашылған азаматтардың депозиттері тиісті теңгелік салымдарды қорғау бағдарламасына қатысады. Яғни Отбасы Банкінің салымшылары 2022 жылдың 23 ақпанына дейін жинаған өз салымдарының 10 пайызын алады деген сөз.<blockquote>«10 пайыз көлемінде өтемақы төленетін ең жоғарғы сома - 20 миллион теңге. Бұл бір банкте ашылған барлық депозиттің жалпы сомасы. Яғни бұл жағдайда 2 миллион теңге өтемақы алуға болады. Банк мәліметіне, 2022 жылдың 23 ақпанындағы жағдай бойынша Отбасы банкінде жалпы көлемі 1,6 триллион теңгеге 2,3 миллион жинақ шоты болды. Бекітілген ережеге сәйкес, өтемақы өтініш беру арқылы төлем келісімін растаған салымшыларға ғана төленеді. Бұл процес онлайн режимде істейді. Яғни <a href="https://l.facebook.com/l.php?u=http%3A%2F%2Fwww.otbasybank.kz%2F%3Ffbclid%3DIwAR2gjBvgY35KEZpjZPFWKNONFMn7zCcgytUUuDm5eCwZYx5lIiYlZByAQ2U&amp;h=AT29wUAwNpNi7UTgLO0FGKz0rDxcAfdNTvf9xAsFLcZOGIG1hCnKGHyURUwtGXTnkEtFaMcR21IDq_q-WmwqMFMmzZNSmefSXCuOrVj4dF-8QFXY-maomzU9J1JYElgN4vE&amp;__tn__=-UK-R&amp;c[0]=AT3gqbHYebS1qE3abo34YCieveH1x6_qJ1Vpt4SiPxYLOm-WnC_0538HkKFnH5UHDm-X-R97dpqH9TMKLTlivPraf0l9Jo-uCmmzyMshcBLOxhrBNxX75XVoKgb2ucRJn0-UKAbfXPYRw6N86iabTGykP1DTshUYB7q99yBfu4CGU0DNcB7r">www.otbasybank.kz</a> мекенжайы бойынша Баспана маркет жылжымайтын мүлік порталындағы жеке кабинетте беруге болады»,-деді Әділжан Рахымжанұлы.</blockquote>Айта кететін жайт, жақын туыстарға (тегін) тағайындалған салымдар, сондай-ақ біріктірілген депозиттерге де өтемақы беріледі.<figure class="image"><img src="https://knadmin.beoblood.kz/uploads/314494241_1662063504189155_2526885972688401755_n_2558e127b7.jpg" alt="314494241_1662063504189155_2526885972688401755_n.jpg"></figure>

Отбасы банк: Депозиттер бойынша өтемақы алуға өтініш қабылдануда

<a href="https://kyzylorda-news.kz/">Kyzylorda-news.kz.</a> Еңбек адамы қоғамда әрқашан құрметке лайықты. Мұны Мемлекет басшысы да өз сөзінде айтқан болатын. Маңдай термен елге адал қызмет еткендердің бірі - «Таң ЛТД» ЖШС механизаторы Қуанышбай Есқалиев 40 жылдан астам егістік басында жұмыс істеген. Бүгінде бейнетінің зейнетін көріп отырса да, тынымсыз тіршілікке бойы үйренген ол әлі де шаруашылық басында жас буынға өз білгенін үйретіп келеді. Жуырда өткен Сыр диқандарының мерекесінде аймақ басшысының қолынан автокөлік алып, халық алдында еңбегі еленді.&nbsp;Бүгін Өңірлік коммуникациялар қызметінде өткен брифингте Қуанышбай Есқалиев БАҚ өкілдеріне өзінің қызмет жолын баяндап берді.<blockquote>«Өзім Арал ауданы, Ақбасты елді мекенінде 1956 жылы дүниеге келдім. Әкем балықшы, анам үй шаруасындағы кісі болатын. Балалық шағымызда Арал теңізі тартылып, зауыттардың жұмысы тоқтаған еді. Сол қиын-қыстау кезеңде 10 жылдық біліммен ерте еңбекке араласып, отбасымызбен Жалағаш ауданына көштік. 1977 жылдан бастап шаруашылықта механизатор болып қызмет еттім. Көктем және күз мезгілдерінде күнделікті мыңға жуық шөп пресін басу, сабан басу сынды жұмыстарды үздіксіз істедік. Қазіргі таңда зейнетте болсам да егістік басына жиі барып тұрамын. Бар білгенімді жастарға үйрету арқылы білікті маман даярлағым келеді. Ал отбасым жайлы айтатын болсам, жұбайым да біраз жылдан бері шаруа қожалығында қызмет атқарды. Бүгінде зейнеткер. Өзім қызмет қылған шаруашылық басшылары әрқашан еңбегімді жоғары бағалады. Үйге керекті техникалармен де қамтамасыз етіп отырды. Ал жақында облыс әкімі автокөліктің кілтін табыстап, «Үздік механизатор» атандым. Еңбек жолымды ескеріп жатқан барша азаматтарға алғысым шексіз», - деді Қуанышбай Есқалиев.</blockquote>

Қуанышбай Есқалиев: Шаруашылық басшылары әрқашан еңбегімді жоғары бағалады

<a href="https://kyzylorda-news.kz/">Kyzylorda-news.kz.</a> 2022 жылдың 9 қарашасында ҚР Президенттігіне Жалпыұлттық социал-демократиялық партиясы атынан кандидат Нұрлан Әуесбаев Астана қаласында сайлаушылармен кездесу өткізді.Кездесу барысында кандидат жиналған қауымға сайлауалды бағдарламасының басым бағыттары жөнінде баяндап берді.Нұрлан Әуесбаевтың пікірінше, мемлекет алдында тұрған басты мәселелердің бірі – сыбайлас жемқорлықтың деңгейін төмендету. Ол үшін бірқатар саяси реформаларды жүзеге асыру керек.Реформалардың бірі бюджет процедураларын жетілдірумен айқындалады. Әр елдімекенде өзіне тиесілі ашық бюджет жасақталып, нақты уақыт режимінде онлайн түрде мемлекет ақшасының қалай және қайда жұмсалып жатқандығы ашық көрсетіліп отыруы керек.Сондай-ақ орталық және жергілікті атқару органдарында барлық деңгейдегі депутаттар мен шенеуніктердің кіріс-шығысы туралы міндетті жария декларацияны шұғыл түрде енгізу қажет.Сонымен бірге Нұрлан Әуесбаев заңсыз баюға қатысты қылмыстық жауапкершілікті қатаңдатуды ұсынды. Оның пікірінше, парақорлармен нәтижелі күрестің жалғыз жолы осы. &nbsp;

Нұрлан Әуесбаев заңсыз баюға қатысты қылмыстық жауапкершілікті қатаңдатуды ұсынды

<a href="https://kyzylorda-news.kz/">Kyzylorda-news.kz.</a> Президенттікке кандидат Салтанат Тұрсынбекова Қостанайда құқық қорғаушылармен және заңгерлермен кездесу өткізді. &nbsp;Онда ол елдегі басшылық қызметтегі әйелдердің құзыреттілігі төмен екенін айтты.<blockquote>«Қазақстандағы басшылық лауазымдардағы гендерлік өкілдіктің жағдайы аса мәз емес. &nbsp;Әйелдер ел халқының басым бөлігін құраса да, басшылық қызметтегі әйелдер саны өте аз. &nbsp;Құзыреттілік жоқтығынан әйелдердің пікірі ескерілмейді», - деді ол.</blockquote>Ұлттық статистика бюросының мәліметі бойынша Қазақстан Республикасының халқы 19 миллион адамды құрайды, оның 52 пайызы әйелдер. 2020 жылғы есепке сәйкес, елімізде жұмыс істейтін әрбір екінші әйелдің (47,3%) жоғары немесе жоғары оқу орнынан кейінгі білімі болды. &nbsp;Жоғары білімді жұмыспен қамтылған ерлердің үлесіне бәрі 38,1% құрайды.«Біздің елде әйелдер көп, олардың арасында білімдісі де көп. &nbsp;Бірақ басшылық қызметтерде көзге көрінетін теңгерімсіздік бар. Оған мына жағдайларды мысал ретінде алуға болады: қазір бізде облыс немесе республикалық маңызы бар қаланың бірде-бір әйел әкімі жоқ. &nbsp;Тек екі әйел министр бар. Содан кейін олар әдеттегідей әйелдер ғана басқаратын –денсаулық сақтау мен әлеуметтік қорғау салалары. Парламенттегі әйелдердің саны үштен біріне де жетпейді», - дейді ол.Сондай-ақ, спикер партиялық тізімдерге әйелдер мен жастардың кем дегенде 30 пайызы кіруі керек деген квота туралы да айтты.<blockquote>«Бүгінде заңнамада әйелдер құқығын шектейтін белгілі бір 30%-дық квоталар қарастырылған. Мен бұл квоталармен мүлде келіспеймін. Басқа ешбір елде мұндай нәрсе іс жүзінде жасалып жатқан жоқ. Бұл 30%-дық норма болатындай қандай да бір өнімем есқой. Мен әйелде ер азаматтар істейтін барлық лауазымдарда қызмет етуі керек деп есептеймін. Құзыреттілік тең болуы керек! Егер бізде халықтың 52 пайызы әйелдер болса, Парламенттегі, квазимемлекеттіксектордағы, кез келген саладағы әйелдердің үлесі кем дегенде 50 пайыз болуы тиіс. Мен өз бағдарламамда гендерлік теңдік туралы да айтып жүрмін», – дейді Салтанат Тұрсынбекова.</blockquote>Еске салайық, Қостанай облысы – кандидаттың сайлау алдындағы үгіт-насихат сапары аясындағы жетінші өңір. Мұнда ол №4. емхананың дәрігерлерімен кездесу өткізді. Құқық қорғаушы бұған дейін Астана, Алматы, Шымкент қалаларында, Қарағанды, Ақмола және Түркістан облыстарында болған.<img src="https://knadmin.beoblood.kz/uploads/TURSYNBEKOVA_KOSTANAJ_22_7ca6098c19.jpg" alt="ТУРСЫНБЕКОВА_КОСТАНАЙ_22.jpg">

Салтанат Тұрсынбекова: Мен әйелдерге арналған квоталармен мүлде келіспеймін

<a href="https://kyzylorda-news.kz/">Kyzylorda-news.kz.</a> Өткен жылы проблемалық берешектің өсуін шектеу үшін кредиттер бойынша берешекті сотқа дейін реттеудің заңнамалық тәртібі енгізілді. Осыған байланысты, Қазақстан Республикасының Қаржы нарығын реттеу және дамыту агенттігі жыл басында микроқаржы ұйымдарынан (бұдан әрі – МҚҰ) азаматтардың микрокредиттер бойынша проблемалық берешегінің деңгейін азайту жөніндегі жеке жоспарларды талап етті.Жеке жоспарлар шеңберінде кепілсіз тұтынушылық кредиттердің негізгі көлемі тиесілі 30 МҚҰ-да 2022 жылдың соңына дейін 567 мың төлемге қабілетсіз қарыз алушының проблемалық берешегін реттеу жөніндегі іс-шараларды өткізу жоспарланып отыр. Оның ішінде 432 мың қарыз алушының кредиттері бойынша 33,1 млрд теңге сомасындағы проблемалық берешекті қайта құрылымдау, кепілсіз микрокредиттер бойынша 107 мың қарыз алушының 800 млн теңге сомасындағы проблемалық берешегін ішінара есептен шығару және 28 мың қарыз алушының қарызы бойынша 600 млн теңге сомасындағы қарызды толық есептен шығару.Бүгінгі таңда проблемалық берешекті қайта құрылымдау тәртібі заңнамада белгіленген. Қазір борыш жүктемесін азайту қарыз алушылардың өтініші бойынша жүргізілуі мүмкін. Бұл ретте МҚҰ қарыз алушының &nbsp;қаржылық жағдайын, оның кірісінің деңгейін, әлеуметтік мәртебесін және өмір сүру жағдайларын жеке талдау негізінде айқындайды. Бұдан басқа, МҚҰ проблемалық берешекті қарыз алушы үшін жақсартатын талаптармен біржақты тәртіппен дербес қайта құрылымдауға құқылы. Проблемалық берешек толық немесе ішінара есептен шығарылған жағдайда, МҚҰ ХҚЕС стандарттарына сәйкес, есептен шығарудан болған зиян өтелетін провизияларды қалыптастырады. Қайта құрылымдауды жүргізу туралы ақпарат қарыз алушының кредиттік тарихында көрсетілетінін атап өткен жөн.

Борыш жүктемесін азайту қарыз алушылардың өтініші бойынша реттелуі мүмкін

<a href="https://kyzylorda-news.kz/">Kyzylorda-news.kz.</a> Қызылордада облыстық Қазақстан халқы ассамблеясы жанындағы Аналар кеңесі және Іскер әйелдер қауымдастығы, Әйелдер күштер Альянсының ұйымдастыруымен «Мен елімнің ертеңіне сенемін!» атты кездесу өтті.&nbsp;Кездесуге аналар, әкелер кеңестерінің мүшелері, этномәдени бірлестіктердің басшылары, қалалық, облыстық мәслихат депутаттары, кәсіпкер әйелдер және БАҚ өкілдері қатысты. ZOOM бағдарламасы арқылы аудандық Аналар кеңестерінің төрайымдары қосылды.Шара модераторы Қызылорда облыстық Қазақстан халқы ассамблеясы жанындағы Аналар кеңесінің төрайымы Рахима Ахметова қазақстандықтардың үлкен таңдаудың алдында тұрғанын айтып өтті.<blockquote>«Қазіргі таңда қазақстандық қоғам үлкен таңдаудың алдында тұр. Әр азаматта – мен не үшін дауыс беремін? – деген сұрақ туындайды. Әйел-аналарды да бұл сұрақ алаңдатады. Кез-келген ананың түпкілікті арманы, тілегі – елдің тыныштығы, отбасының бірлігі, балаларының аман-саулығы», - деп атап өтті Рахима Ахметова.&nbsp;</blockquote>Келелі кездесудің алғы сөзі Қоғалыкөл ауылдық округінің әйелдер кеңесінің төрайымы Рахима Досжановаға берілді.<blockquote>«Биыл елімізде бастау алған ең ауқымды саяси өзгеріс – «Жаңа әрі әділетті Қазақстан» бастамасы. Осы ұранмен еліміздің барлық саласында оң өзгерістер орын алып келеді. Әділеттілік, ашықтық бар. Ата Заңымызда айтылған «Биліктің бастауы – халық» деген қағида шынайы орнай бастағандай. Елімізде референдум өтті. Президенттің өкілеттіктері қысқарып, халықтың билікке араласуы заңмен реттелді. Жерасты байлығымыздан түскен үлес әрбір жаңа туған қазақстандықтың жеке шотына түсетін болды. Түптеп келгенде, әлеуметтік қолдаулар артатыны көңіл қуантты», - деді Рахима Досжанова.&nbsp;</blockquote>Ж.Нұрманов атындағы №198 орта мектебінің Әкелер кеңесінің төрағасы Борис Угайдың &nbsp;биылғы басты жаңалық – Президент сайлауы екендігін алға тартты.&nbsp;<blockquote>«Енді Президент 7 жылға бір рет қана сайлана алады. 20 қараша бүкіл қазақстандықтар өз таңдауын жасайды. Жеті үміткерге дауыс береді. Сайлауға қатысу – болашағынды таңдау. Саяси науқанда белсенділік таныту – еліннің ертеңі үшін бейжай қарамау, шын патриот ретінде үн қату деп білемін», -деді Борис Угай.</blockquote>Кездесуде жас отбасы мүшелері Жомарт Абдуали мен Сандуғаш Сүйінбай «Жаңару – әуелі әр адамның жеке басынан басталады. Солай ғана күллі қоғам өзгереді. Демек, Қазақстанның жаңаруына әр азамат жауапты. Сондықтан біз қоғамдағы әрбір саяси науқаннан, қоғамдық бастамадан тысқары қалмауымыз керек», - деген пікірлерін ортаға салды.Ал қалалық мәслихат депутаты Айгүл Мұсабаева сайлауда әрбір азамат өз шешімінің, өз дауысының маңыздылығын түсінсе бұл науқанның да маңызы арта түспек деді. Сайлауға қатысу арқылы президентті ғана таңдап қоймаймыз, бұл біздің келісті келешегімізге жасаған нақты қадамымыз болып есептеледі. Сондықтан саяси маңызы зор шараға қатысып, лайықты таңдау жасау әрбір азаматымыздың құқығы әрі парызы деп атап өтті.&nbsp;Қызылорда облыстық ҚХА жанындағы Аналар кеңесінің хатшысы Светлана Крюгер бұл маңызды науқанға қатысу – әр адамның парызы. Еліміздің жарқын болашағы үшін дұрыс таңдау жасауымыз керек. Осы ретте халықтың мүддесі үшін барлық қажетті өзгерістерді жүзеге асыруды өзімізден бастаған жөн деп білемін. Мен Президент сайлауында өз таңдауымды жасап, дауыс беремін. Баршаңызды сайлауға белсенді дауыс беруге шақырамын. Ел тізгіні халықтың үмітін ақтайтын тұлғаға бұйыртсын,-деген тілегін білдірді.<figure class="image"><img src="https://knadmin.beoblood.kz/uploads/312500453_3351810265138130_5697503449202197453_n_f906efe1e6.jpg" alt="312500453_3351810265138130_5697503449202197453_n.jpg"></figure>

Қызылордада қоғам өкілдерінің қатысуымен кездесу өтті

<a href="https://kyzylorda-news.kz/">Kyzylorda-news.kz.</a> Бүгін «Ауыл» партиясынан Қазақстан Республикасының Президенттігіне кандидат Жигули Дайрабаев «DANMARD» ЖШС еңбек ұжымымен кездесті. Кездесу барысында кандидат олармен еңбек адамының рөлін арттыру және елдегі жеңіл өнеркәсіптің жай-күйі мәселелерін талқылады.&nbsp;«DANMARD» ЖШС әскер мен өрт сөндірушілерге киім тігеді. Кәсіпорын бүгінде өз өндірісін дамытуда және жетілдіруде. Кездесуде кандидат өзінің сайлауалды науқаны аясында еңбек адамының рөлі мен маңыздылығын арттыруға қол жеткізуді жоспарлап отырғанын айтты.Жигули Дайрабаев сонымен қатар, мемлекеттік тапсырыстардың &nbsp;әділ бөлінуі тиісекеніне тоқталып, ұлттық және квазимемлекеттік компаниялар тек импорттық тауарларды сатып алатынын атап өтті.<blockquote>«Елімізде жеңіл өнеркәсіп, онымен айналысатын жеке бөлім жоқ. Бұл үлкен қателік. Экономиканың осы саласын жандандыру және дамыту үшін ұлттық компаниялар отандық өндірісті қолдауы керек. Мысалы, жеңіл өнеркәсіп өнімдерін үлкен көлемде сатып ала алатын ҚТЖ-ныңбүйрегі импортқа бұрып тұрады. Нарықтық экономиканың өз заңдылығы бар, түсінеміз, бірақ бізде отандық өнеркәсіп басымдыққа ие болуы керек. Сондықтан мен барлық қазақстандықты өз өнімдерімізді қолдауға шақырамын», – деді кандидат.</blockquote>Сонымен қатар Жигули Дайрабаев өңірлерде жеңіл өнеркәсіпті дамытуды ұсынды.&nbsp;<blockquote>«Өңірлерде, әсіресе ауылдық елді мекендерде жұмыс күші мол. Ауылдарда жеңіл өнеркәсіп кәсіпорындарын дамыта отырып, біз көптеген мәселені шешіп, ауыл тұрғындарын жұмыспен қамтамасыз етер едік»,– деді Жигули Дайрабаев.</blockquote>Кездесу соңында кандидат қызметкерлердің өзінің сайлауалды бағдарламасы туралы қойған сұрақтарына жауап берді. &nbsp;<img src="https://knadmin.beoblood.kz/uploads/22_20026754a7.jpeg" alt="22.jpeg">

Жигули Дайрабаев: Ұлттық компаниялар отандық өндірісті қолдауы керек

<a href="https://kyzylorda-news.kz/">Kyzylorda-news.kz.</a>&nbsp; 2022 жылғы 9 қарашада «ҚазМұнайГаз» ҰК АҚ-тың IPO-на қатысу үшін өтінімдерді қабылдау басталады. Институционалдық инвесторлар 2022 жылғы 30 қарашаға дейін, ал бөлшек инвесторлар 2022 жылғы 2 желтоқсанға дейін өтінім бере алады.«ҚазМұнайГаздың» шығарылған және орналастырылған акцияларының 90,42%-ы тиесілі «Самұрық-Қазына» ҰӘҚ сатуға қағаздардың жалпы көлемінің 5%-на дейін немесе шамамен 30 505 974 жай акцияны ұсынуға ниетті. Қордың ақпараты бойынша, IPO өткізу кезінде мұнай және газ өндіру операторының жай акциясының бағасы 8 406 теңгені құрайды.«ҚазМұнайГаз» ҰК АҚ компаниясының тең иесі бола алатын және одан ақша таба алатын жеке тұлғалар – бөлшек инвесторларға басымдық берілетін болады. Дивидендтік кіріс алу үшін инвестор акцияларды сатып алып, оларды өз портфелінде ұстауға тиіс.Бағалы қағаздарды қалай сатып алуға болады?Азаматтар акцияларды шығарған компаниядан оларды тікелей сатып ала алмайды. Ол үшін ҚР Қаржы нарығын реттеу және дамыту агенттігінің лицензиясы бар инвестициялық делдалдарға, мысалы, брокерлер мен дилерлерге жүгіну қажет.Брокерлердің тізімімен қаржы реттеушісінің www.gov.kz сайтында танысуға болады. Агенттіктің интернет-ресурсында көрсетілген инвестициялық делдалдың деректемелері брокердің лицензиясындағы деректемелермен сәйкес келуге тиіс екеніне назар аударыңыз.Егер сіз бағалы қағаздарды тұрақты түрде сатып алу/сату бойынша одан әрі операцияларды жүзеге асырғыңыз келсе, қор нарығы бойынша талдамалық материалдарды да алғыңыз келсе, онда брокерлерге хабарласыңыз. Көптеген брокерлер қызметтерін өз клиенттеріне веб-сайттар және/немесе мобильді қосымшалар арқылы ұсынады. Бірақ брокермен шартқа қол қоймас бұрын, кейбір жағдайларды зерттеп алыңыз – ол туралы мына жерден оқыңыз. Брокер туралы басқа клиенттердің пікірлерін, БАҚ пен интернеттегі өзге де жарияланымдарды да зерделеу қажет.Азаматтарға ыңғайлы болу үшін кейбір қаржы ұйымдары биржадағы компаниялардың акцияларын өздерінің мобильді қосымшалары арқылы, шот ашып, оны толтыру, қағаздарды сатып алу-сату, соманы өз шоттарының арасында конвертациялау және басқа да мүмкіндіктермен сатып алуды ұсынады.Акцияларды сатып алудың тағы бір тәсілі «Астана» халықаралық қаржы орталығының (АХҚО) Tabys мобильді қосымшасының «Тікелей жазылу» бөлімі болып табылады, ол акцияларды бірден сатуды жоспарламағандарға немесе брокерлік шотты кейін ашқысы келетіндерге арналған. Акцияларды кейіннен сату үшін брокерде шот ашу қажет болады. Тікелей жазылу шеңберінде клиенттің шоты АХҚО-ның Орталық депозитарийінде (AIX CSD) ашылады.Интернеті үнемі бола бермейтін, еліміздің шалғай өңірлерде тұратын инвесторлар «Қазпошта» АҚ-қа жүгіне алады. Пошта операторы қаржы реттеушісінің тиісті лицензиясы негізінде мынадай:брокердің («Қазпошта»-да шотты офлайн ашуға болады, бірақ алдымен осы қызметке тапсырыс беруге болатын бөлімшені нақтылау қажет және post.kz веб-сайты арқылы онлайн ашуға болады); шарт жасасу және брокерлік компаниямен одан әрі өзара іс-қимыл жасау үшін трансфер-агенттің қызметін ұсынады. Трансфер-агент – бұл өз клиенттері арасында құжаттарды қабылдау және беру қызметтерін көрсететін бағалы қағаздар нарығының кәсіби қатысушысы; арнайы терминалдар арқылы тікелей жазылу қызметін ұсынады. Тікелей жазылымды таңдағанда (брокерлік шот ашпай) «ҚазМұнайГаз» акцияларын «Қазпоштаның» арнайы терминалдары арқылы сатып алуға болады. Өзіңізбен бірге жеке басыңызды куәландыратын құжатыңыз болу қажет.Толығырақ <a href="https://fingramota.kz/kk/post/azmnajgaz-dy-ipo-na-alaj-atysu-bolady">"Бағалы қағаздар нарығы"</a> бөлімінен оқыңыздар&nbsp;

Қазақстан және Қызылорда облысының жаңалықтары