<a href="https://kyzylorda-news.kz/">Kyzylorda-news.kz.</a> «Бизнестің жол картасы 2020» бағдарламасы аясында индустриялық аймақ құру үшін Арал қаласының солтүстік-шығыс бетінен 6 гектар жер телімібөлінген.
Қазіргі таңда индустриялық аймақта жалпы құны 3,2 млрд. теңгені құрайтын 4 жобаны іске асыру жоспарланып отыр. Оның ішінде 21 азаматты жұмыспен қамтитын, құны 169,8 млн. теңгені құрайтын 2 жоба іске қосылған.
<blockquote>
 «Жалпы құны – 38,3 млн. теңгені құрайтын «Берекет» ШҚ-ның «Ет өнімдерін өндіру және тұшпара цехын ашу» жобасын жүзеге асыру үшін 1 гектар жер телімі табысталды. Қазіргі таңда кешеннің негізігі бөлігі «Ет және ет өнімдерін өндіру» цехының құрылысы аяқталып, қуаттылығы бойынша жылына 550 тонна ет өнімдерін шығару межеленген. Жоба 2016 жылы шілде айының басында іске қосылған. Бүгінде 9 адамды жұмыспен қамтып отыр. Ал, тұшпара цехын ашу бойынша жобалау іздестіру жұмыстары жүргізілуде. Сонымен қатар &nbsp;«Жаңа Арал» ЖШС-нің «Қаптама кірпіш өндіру» жобасының құны – 131,5 млн. теңгені құрайды. &nbsp;Индустриалдық аймақтан 1 гектар жер телімі бөлініп, 2017 жылы тамыз айында іске қосылды. Қуаттылығы бойынша жылына 4,0 млн. тонна кірпіш шығару көзделген. 12 адам жұмыспен қамтылған. Мемлекеттік қолдау шарасы арқылы Арал ауданының индустриялық аймағынан 1 гектар жер телімі және жер қойнауын пайдалану құқығы берілді. Кәсіпорын маусымдық сипатқа ие», – дейді аудан әкімі Серік Сермағамбетов.
</blockquote>
Индустриялық аймаққа кірген тағы бір жоба «Жаңа Арал» ЖШС-нің «Жүн және теріні алғашқы өңдеу» жобасы. Жалпы құны – 70,0 млн. теңге болатын жобаға 3 гектар жер телімі бөлінген. Іске қосылу кезінде 46 адам жұмыспен қамтылатын болады. Жоба бастамашысы бүгінде тері үлгілерін Қытай және Өзбекстан мемлекеттеріне жіберіп, тиісті зерттеу жұмыстарын ұйымдастырылуда. Сондай-ақ, қосымша техникалық тұз өндіру бағытында жұмыстар жүргізуде.
Сонымен қатар, «Qazaq Camel» ЖШС-нің «Түйе сүтінен құрғақ ұнтақ дайындау зауытының құрылысы» жобасына индустриалдық аймақтан 1 гектар жер телімі бөлінген. Жалпы құны – 3 млрд. теңге болатын жобаның қуаттылығы – 700 мың тонна сүт ұнтағын өндіру. Бүгінгі таңда сүт жинақтау ғимаратының құрылысы 100 пайыз аяқталған. Тиісті құрылғылар ағымдағы жылдың қыркүйек айында жеткізіледі деп күтілуде. Құрғақ ұнтақтар шығару цехының ғимараты бойынша жоба сметалық құжаттары дайындалуда. Жалпы жобаны іске қосу мерзімі ағымдағы жылдың желтоқсан айына межеленген.
Айта кетейік, аталған жобалардан бөлек, индустриялық аймақтың жер телімін кеңейту есебінен қосымша жалпы құны – 3,3 млрд. теңге болатын 
2 жобаны енгізу жоспарлануда.
1. «Аралтұз» АҚ-ның жалпы құны – 3 млрд. теңге болатын «Қап шығару зауытының құрылысы» жобасы аясында 250 жұмыс орны ашылады деп жоспарланған.
2. Дара кәсіпкер «Алпысбаев Ықыластың» «Мал бордақылау алаңы және шұжық өндіру цехін ашу» жобасы. Жалпы құны – 320 млн. теңгені құрайды. Іске қосылғанда 25 адам жұмыспен қамтылады.
Бұдан бөлек, қазіргі таңда индустриялық аймақты қосымша 12 гектарға дейін ұлғайту бойынша тиісті жұмыстар ұйымдастырылуда.
<img src="https://kyzylorda-news.kz/wp-content/uploads/2022/08/serik-1.jpg" alt="" />

Индустриялық аймақ: Арал ауданында 4 жобаны іске асыру жоспарланған

<a href="https://kyzylorda-news.kz/">Kyzylorda-news.kz.</a> Биылғы жылдың 18-21 тамыз күндері аралығында Қызылорда қаласында 50 жастан асқан ардагерлер арасында облыстық спартакиада өтті.
Облыстық спартакиада спорттың 6 түрінен, атап айтар болсақ шағын футбол, волейбол, шахмат, тоғызқұмалақ, үстел теннисі және қазақ күресінен өтті.
Спорттық шараның негізгі мақсаты бұқаралық спортты арттыру, ұлттық спорт түрлерін дамыту, салауатты өмір салтын насихаттау, қыркүйек айында Орал қаласында өтетін республикалық спартакиадаға облыс құрама командасының іріктеу және Қазақстан Республикасының Президенті Қасым-Жомарт Тоқаевтың 2020 жылғы 1 қаңтардағы «Жаңа жағдайдағы Қазақстан: іс-қимыл кезеңі» Жолдауын жүзеге асыру болып табылады.
Жоғарыда аталған спартакиадада жерлестеріміз жеңімпаз және жүлделі орындардан көрінді. Қазақ күресінен 74 келі салмақ дәрежесінде Ерманов Асқар жүлделі ІІІ орын иеленсе, 90 кг салмақта Таубаев Мұханбетқали жеңімпаз атанып қыркүйек айында Орал қаласында өтетін республикалық спартакиадаға облыс құрама командасында өнер көрсетеді. Ал үстел теннисінен еркектер арасында Шынжырбаев Садуакас жүлделі ІІ орын иеленсе, әйелдер арасында Каракулова Асылзат ІІІ орында көрінді.
Шахмат спорт түрі бойынша Ибрашов Едіге жүлделі ІІІ орын иеленді.
<img src="https://kyzylorda-news.kz/wp-content/uploads/2022/08/300950912_1251500625615459_3857125475709458360_n.jpg" alt="" />
<img src="https://kyzylorda-news.kz/wp-content/uploads/2022/08/301028136_1251500282282160_998484698933003139_n.jpg" alt="" />

Қызылордада ардагерлер арасында облыстық спартакиада өтті

Kyzylorda-news.kz. Бүгін Қазалы ауданының әкімі Мұхтар Оразбаев бекітілген кестеге сәйкес Қазалы қаласының тұрғындарымен кездесіп, халықтың ұсыныс-пікірлерін тыңдады.
Мұхтар Әуесұлы әдеттегідей алдымен ауданда жыл басынан бастап атқарылып жатқан ауқымды жұмыстарды тілге тиек етіп, алдағы жоспарларымен бөлісті.
Биылғы жылы тарихы тереңнен сыр шертетін Қазалы қаласында іргелі істер атқарылып, халықтың игілігіне пайдалануға берілді. Атап айтар болсақ, жақында ғана Қазалы қаласы көгілдір отынға қосылды. Ендігі жерде қала тұрғындары «от жағып, күл шығару» машақатынан құтылады.
Биыл апаттық жағдайдағы тұрған «Өрімтал» балабақшасы жаңа ғимаратқа көшеді. Қазіргі таңда қала аумағынан 140 орындық балабақшаның құрылысы қарқынды жүргізілуде.
Сонымен қатар, Кеңес Одағының батыры Үрмәш Түктібаев атындағы көше бойынан спорт алаңы салынып, пайдалануға берілді.
Одан бөлек, спорт кешенін салу үшін аудандық бюджеттен қаржы бөлініп, жоба-сметалық құжаттары дайындалды. Қазіргі таңда құжаттар сараптама қарауына ұсынылған.
Қала аумағында электр желілерін жөндеп, жарықтандыру бағытында да ауқымды жұмыстар бар. Бұл үшін «Шағын қалаларда бюджеттік инвестициялық жобаларды іске асыру» жобасы аясында қомақты қаржы бөлінді. Жоба бойынша 16,6 шақырым электр желісі мен 4 дана трансформатор орнатылатын болады.
Ең бастысы 10 көшені қайта жаңғырту жұмыстары толық аяқталатын болады. Өткен жылдан қалған кемшіліктерді қалыпқа келтіру үшін бюджеттен қаржы қаралды. Ал, жұмысты аяқсыз қалдырған мердігер мекеме соттың шешімімен «жозықсыз мекеме» деп танылды.
2023 жылға 52 елдімекенішілік көшелерді жөндеу үшін жоба-сматалық құжаттары дайындалып, құны 1,6 млрд. теңгені құрайтын бюджеттік өтінімдер тиісті басқармаларға тапсырылды. Оның ішінде Қазалы қаласы бойынша жалпы ұзындығы 7,2 шақырымды құрайтын көшені қайта жаңғырту жобасы ұсынылды.
Кезек ұсыныс-пікірлерге берілгенде тұрғындар өздерінің мұң-мұқтаждарын аудан басшысының назарына ұсынды. Қалалық ардагерлер кеңесінің төрағасы Темірбек Исмайлов қала аумағында атқарылған тірліктердің ауқымды екенін айтып, барша тұрғындардың атынан алғысын жеткізді.Сондай-ақ, басқосуда балалар ойын алаңын салу, орталық саябақты жөндеу, аяқ су тапшылығы сияқты бірқатар өзекті мәселелер көтерілді.
Кездесуде аудан әкімі Мұхтар Әуесұлы тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Айтылған ұсыныстарға байланысты жауапты сала жетекшілеріне бірқатар тапсырмалар жүктеді.
Басқосуда аудандық қоғамдық кеңестің төрағасы Талайлы Бөріқұлақов ауданда атқарылып жатқан жұмыстар ауқымды екенін тілге тиек етіп, елді ауызбіршілікке шақырды.
Кездесуге аудан прокуроры Дарын Әбіш, аудандық мәслихат хатшысы Бақытжан Жарылқап, облыстық мәслихат депутаты Ібайдулла Тілеп, аудандық қоғамдық кеңестің төрағасы Талайлы Бөріқұлақов, аудандық мәслихат депутаттары Әбдуали Рахметов, Ғазиз Әліш, Төребек Игіліков, Ерболат Мұқаш, «Amanat» партиясы аудандық филиалының атқарушы хатшысы Нұрғиса Жалғасбаев және бірқатар дербес бөлім мен мекеме-кәсіпорын басшылары қатысты.Кездесуден кейін аудан әкімі Мұхтар Оразбаев жеке қабылдауға жазылған азаматтарды қабылдап, олардың мұң-мұқтаждарын тыңдады.

Қазалы қаласында қарқынды тірлік бар

<a href="https://kyzylorda-news.kz/">Kyzylorda-news.kz.</a> «Іскерлік байланыстар» жобасы аясында 2023 жылы Германияда тағылымдамадан өтуге өтінімдер қабылдау басталды.
Қызылорда облысының кәсіпкерлер палатасы кәсіпкерлік субъектілерінің назарына «Іскерлік байланыстар» құралы бойынша өтінімдер қабылдау басталғаны хабарлайды.
«Іскерлік байланыстар» құралы өз қызметін экономиканың басым секторларында жүзеге асыратын шағын және орта кәсіпкерлік субъектілеріне халықаралық және шетелдік ұйымдардың қолдауымен шетелдік әріптестермен іскерлік байланыстар орнату есебінен қолдау көрсетуге бағытталған.
<blockquote>
 «Біздің облысымыздан «Іскерлік байланыстар» жобасы аясында 2019 жылы «NP-Consulting» ЖШС-ң директоры Ғалым Прекешов Германияда тәжірибеден өтті. Сол жылы аталған жоба аясында оқу курстарын аяқтаған өңіріміздің 2 кәсіпкері қазір Германияда тағылымдамадан өтіп, іскерлік байланыстар орнатуда. Олар «AkDier» ЖШС-нен Айдана Шағатаева мен «Дезинфекция» ЖШС-нен Ерлан Асанов. Дәл осындай мүмкіндік өзге де кәсіпкерлерімізге туып тұр. Ол үшін кәсіпкерлер осы жылдың 22 тамызы мен 12 қыркүйек аралығында өтінім беруі керек», – деді Кәсіпкерлер палатасының директоры Пірмұхаммед Сыздықов.
</blockquote>
Үміткерлерге қойылатын талаптар: 
• басқарушылық лауазымының болуы (жоғары деңгей); 
• аяқталған жоғары білімінің болуы; 
• жалпы жұмыс өтілі 5 жылдан кем емес (кәсіпорында кемінде 2 жыл жұмыс өтілі); 
• компанияның айналым қаражаты 5000 АЕК кем емес; 
• «Іскерлік байланыстар» жобасының бірінші кезеңін аяқтағаны туралы сертификат немесе «ШОБ топ-менеджментін оқыту» компоненті бойынша сертификат немесе «Бизнес мектебі» оқыту шеңберінде сертификаты; 
• Ағылшын тілі деңгейі Upper-intermediate және одан жоғары (тек ағылшын тілінде тағылымдамадан өтуді қалайтын қатысушылар үшін) болуы шарт.
Өтініштер <a href="https://atameken.kz/kk/">atameken.kz</a> сайтында немесе <a href="https://ds.atameken.kz/">мына</a> сілтеме арқылы қабылданады
Сұрақтар бойынша Қызылорда облысының кәсіпкерлер палатасына 8 /7242/ 40 09 81 байланыс нөмірі арқылы хабарласуға болады. Жауапты маман Әсел Алушаева.
<img src="https://kyzylorda-news.kz/wp-content/uploads/2022/08/05bd1a7b-f7c7-40b9-a18a-e1f2cd83cf43.jpg" alt="" />

«Іскерлік байланыстар»: Германияда тағылымдамадан өтуге өтінімдер қабылдау басталды

<a href="https://kyzylorda-news.kz/">Kyzylorda-news.kz.</a>&nbsp;Болашақтың тәрбиесі – аналардың қолында. Осылай деген бастамашыл топ кезекті Аналар форумын Шиелі ауданында ұйымдастырды. Ұрпақ тәрбиесін ту еткен шарада келелі мәселелер қозғалды.
Форум басталмас бұрын «Мәдениетті ана-мәдениетті ұлт» жобасы аясындағы мазмұнды шарада қатысушылардың назарына «Арман» кенттік мәдениет үйінде ұлттық нақыштағы көрме көрсетілімі ұсынылды.
Шиелі ауданы әкімінің орынбасары Алмасбек Есмаханов форумда алғы сөз сөйлеп, ұрпақ тәрбиесін жетілдіруге бағытталған игілікті шараларды бірлесіп жүргізуге шақырды.
<blockquote>
 «Қай кезде болса да тәрбие тал бесіктен болуы керек. Ол отбасынан басталады. Сондықтан отбасындағы аналардың ролін кеңейту керек. Біз бүгін балаларды емес, алдымен аналарды тәрбиелеумен айналыспақпыз. Осы жұмысты жолға қоймасақ, деген мақсатымызға жете алмаймыз. 
 Ананың аялы алақаны мен әкенің қамқорлығын сезіне алмай жатқан жастардың саны күн санап артып келеді. Бұған әлбетте тек аналар ғана емес, қоғам да кінәлі»,- деді Қызылорда облыстық ҚХА жанындағы Аналар кеңесінің төрайымы Рахима Ахметова.
</blockquote>
«Ана мен бала денсаулығын қорғау» тақырыбында Шиелі аудандық орталық ауруханасының бас дәрігерінің орынбасары Бақтыгүл Мұсағалиева, «Отбасылық зорлық-зомбылықтың алдын алу» туралы Шиелі ауданы полиция бөлімінің әйелдерді зорлық зомбылықтан қорғау тобының инспекторы, полиция капитаны Назерке Көрпебаева, «Отбасы, неке мәртебесін көтеру, отбасы құндылықтарын дәріптеу» тақырыбында Шиелі аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің әдіскері Салтанат Әшірбекова, «Қазіргі өркениетті заманға сай әйелдің бейнесін қоғамдық санада қалыптастыру» жайында аудандық аналар кеңесінің төрайымы Патыма Махамбет статистикалық мәліметтерді келтіре отырып, мазмұнды баяндамалар жасады.
Облыстық Аналар кеңесінің белсенді мүшесі Лайла Пашаева, өңірдегі кулманологиялық орталықтың бас дәрігерінің орынбасары,аймақтық аналар кеңесінің мүшесі Индира Баймишова басты назарды бала тәрбиесіне аударуға шақырды. Ағашыңыздың жемісін жегіңіз келсе, шыбық кезінде дұрыстап қараңыз. Сонда ғана еңбегіңіз еш кетпейді деген ой- пікірлерін ортаға салды.
Мұнан соң өңір бірлігін сақтап, ұлт тәрбиесіне жанашырлық танытып жүрген көпбалалы ел аналары марапатталды. Форум соңы концертке ұласты.
<img src="https://kyzylorda-news.kz/wp-content/uploads/2022/08/301191229_1602544350141071_6286312343964027798_n.jpg" alt="" />
<img src="https://kyzylorda-news.kz/wp-content/uploads/2022/08/300970717_1602544546807718_8924154456533801178_n.jpg" alt="" />

Аналар кеңесінің форумы Шиелі ауданында жалғасты

<a href="https://kyzylorda-news.kz/">Kyzylorda-news.kz.</a>&nbsp;Бүгін Үкімет басшысы Әлихан Смайловтың төрағалығымен «Жасыл Қазақстан» ұлттық жобасын іске асыру барысы мен жем-шөппен қамтамасыз ету және егін жинау науқанына дайындық мәселелері қаралған жиын өтті. Үкімет отырысына онлайн режимде министрлер мен барлық өңірдің әкімдері қатысты.
Жиында ведомоство басшылары күн тәртібіндегі мәселелер бойынша баяндама жасап, алдағы уақытта атқарылуы қажет жұмыстарды саралады.
Үкімет отырысынан кейін облыс әкімі жауапты сала басшылары мен қала, аудан әкімдеріне бірқатар нақты тапсырмалар жүктеді.
Сыр өңірінде «Жасыл Қазақстан» ұлттық жобасын жүзеге асыру шеңберінде 2022-2025 жылдарға арнайы іс-шаралар жоспары бекітілген.
Аймақ басшысы Ұлттық жобасы аясында Қызылорда облысына белгіленген іс-шараларды мерзімінде әрі сапалы атқару қажет екенін айтты.
«Қоғамда қалдықтарды бөлек жинау мәдениетін қалыптастыру мақсатында фракциялар бойынша (дымқыл және құрғақ) контейнерлерді орнату жұмыстарын жеделдету қажет. Қалдықтарды өңдеу мен кәдеге жарату үлесін арттыру үшін өңдеу инфрақұрлымын дамыту, соның ішінде жеке кәсіпкерлік субъектілерін тарта отырып кіші сұрыптау желілерін құру бойынша шаралар қабылдансын. Сонымен қатар биылғы жаңа оқу жылында орта мектеп бағдарламасында 6 сынып оқушыларын «Экология» курсымен қамтуты тапсырамын», – деді Н.Нәлібаев.
Облыс әкімі жем-шөппен қамтамасыз ету және егін жинау науқанына дайындық мәселелері қазіргі уақытта өзекті екенін айтып, қажетті бағыт-бағдар берді.
<blockquote>
 «Өздеріңіз білесіздер өткен жылы Арал ауданында жауын-шашынның болмауынан қуаңшылық орын алып, 598 бас мал шығыны орын алған болатын. Аталған жағдайды алдын алу мақсатында нақты шарлалар қабылдап, ерекше бақылауда ұстауымыз қажет. Бүгінгі күнге Арал және Қазалы аудандарында мал азығын дайындау барысы өткен жылмен салыстырғанда жоғары болғанымен, қазір уақытта басқа аудандарға қарағанда төмен деңгейде жүруде, сондықтан қажетті мал азығын дайындау жұмыстарын жеделдетіңіздер. Ал, егін жинау науқаны бағытындағы жұмыстарды белгіленген тәртіппен сапалы әрі жүйелі жүргізуіміз қажет», – деді Нұрлыбек Нәлібаев.
</blockquote>
Жиында ағымдағы жылғы күзгі дала жұмыстары мен егін орағына үкімет тарапынан кепілді бағамен бөлінген жағар-жанар майдың облысқа белгіленген кестеге сай жеткізілуін және зауыттардан тиісті уақытта тиелуін бақылауға алу, қажетті ауыл шаруашылығы техникаларымен толық қамтылуын және қосалқы бөлшектермен қамтамасыз етілуін қадағалау, мал қыстату науқанына қажетті жем-шөп қорының қажетті көлемде дайындау, қор жасақтау барысында өңірде жұмыс жасайтын күріш ақтау кәсіпорындарымен келісімдер жасау тапсырылды.
Сондай-ақ, облыс әкімі егінді жалға салатын агрегаттар мен астық комбайндарының үздіксіз жұмыс жасауы мен олардың қосалқы бөлшектермен қамтылуын және күзгі дала жұмыстарына қажетті дизель отынының уақытылы алыну, келесі жылдың егісіне қажет жоғарғы репродукциялы сапалы тұқым қорын дайындау, суармалы суды жеткізіп беру қызметіне ақы төлеу қарыздарын және кірістер (салық) органдарына берешектерін мерзімде өтеу, егін жинау жұмыстарын ағымдағы жылдың қазан айының 10-на дейінгі мерзімде аяқтау қажет екенін атап өтті.
Әртараптандыру бағытындағы дақылдар көлемін ұлғайту мәселесі де назардан тыс қалған жоқ. Аймақ басшысы: «Ер Әлі» шаруа қожалығындағы егіншілік саласын әртараптандыруға және егістікте суармалы суды үнемдеу технологияларын пайдаланудағы жүргізіліп жатқан жұмыстарды насихатап, тәжірибені кеңінен пайдалану қажет. Күріштің суды аз қажет ететін сортын өсіруді қолға алу маңызды», – деді.
Жиын соңында ирандық инвесторлармен бірлескен жүгері өсіру жобасын жалғастыру, егін шаруашылығын әртараптандыруға байланысты, Украина ғалымдарымен бірге ауыл шаруашылығы дақылдары сорттарын өңірімізде тәжірибе ретінде егуді қолға алу, облыс аумағында ветеринариялық-профилактикалық іс-шаралардың уақытылы орындалуын және эпизоотиялық ахуалды үнемі бақылауда ұстау туралы тапсырма берілді.
Мұнымен қоса, тамыз конференциясы мен білім күніне дайық барысы, «Алтын күз» іс-шарасын өткізу бойынша міндеттер айтылды.
<img src="https://kyzylorda-news.kz/wp-content/uploads/2022/08/301084154_369034825417768_1596788357320325641_n.jpg" alt="" />
<img src="https://kyzylorda-news.kz/wp-content/uploads/2022/08/301153451_369034758751108_5626278571257713795_n.jpg" alt="" />

Жем-шөппен қамтамасыз ету және егін жинау науқанына дайындық пысықталды

Азық-түлік: бір айлық азық-түлікке қанша қаржы жұмсалады?

<a href="https://kyzylorda-news.kz/">Kyzylorda-news.kz.</a> Ауыл – қашан да қазақтың алтын бесігі, ұлттың тозбас темірқазығы. Ал ауыл ахуалының жақсаруы тұрғындар үшін де жақсылықтың нышаны болмақ. Ауылдың әрбір мәселесі шешімін тауып, мұндағы елдің еңсесі көтеріңкі болса, болашақ та баянды. Ежелгі мекеннің мұңы тарқаса, бұл да егемендіктің ерен көрінісінің бірі.
Жағақорған ауданының әкімі Мұрат Тілеуімбетов ауданының сыр беткейіндегі Көктөбе, Қандөз, Қаратөбе, Келінтөбе, Аққорған және Қожакент елді мекендерінде ауыл тұрғындарымен кездесті. Аудан әкімімен бірге кездесу жиынына аудандық ардагерлер кеңесінің төрағасы Өмірсерік Тақырбасов, аудандық мәслихат хатшысы Ғалымжан Сопбеков, аудан прокуроры Дабыл Аянұлы, аудандық полиция бөлімінің бастығы, полиция полковнигі Ғани Тұрсекеев және тиісті бөлім басшылары қатысты.
Кездесу барысында аудан басшысы ағымдағы жылдың мамыр айында елді мекендерді аралау барысында ауыл тұрғындар тарапынан айтылған ұсыныс – пікірлердің бүгінгі таңда орындалуы және жыл соңына дейін атқарылатын жұмыстар жөнінде баяндады.
Алғашқы кездесу Көктөбе елді мекенінен басталды. Аудан әкімі Мұрат Жолкелдіұлы мамыр айындағы кездесуде негізгі көтерілген 3 – 4 мәселе барлық елді мекендерде өте күрделі екендігін атап өтті.
Атап айтар болсақ, электр желілерінің ескіргендігі, ауыз су және аяқ сумен қамтылу деңгейінің төмендігі және елді мекендерді газға қосу. Бірінші мәселе барлық елді мекенге ортақ ең үлкен мәселе электр қуатымен қамту. Биыл «Ауыл – ел бесігі» бағдарламасы аясында республикалық бюджеттен 898,9 млн. теңге бөлініп, аудан орталығындағы электр желілерін жаңғырту жұмыстары басталды. Жобаның құны 3,4 млрд. теңге. Сондай-ақ 9 елді мекеннің (Қандөз, Келінтөбе, Қожакент, М.Нәлібаев, Қыркеңсе, Манап, Құттықожа, Сунақата, Аққорған) электр желісін жаңғыртуға демеушілер есебінен жоба дайындалып, сараптамадан өткізіліп, республикалық бюджеттен қаржыландыруға ұсындық.
Аталған жобалар толық іске асқан уақытта қалған елді мекендердің электр желілерін аудан орталығынан ауыстырылатын, жарамды трансформатор, темір – бетон бағандар мен электр желілерін пайдалана отырып, 2 жыл көлемінде шешеміз деген жоспарымыз бар.
Екінші мәселе ауыз сумен қамту. «Талап – Сырдария» топтық су құбырымен ауыз су алатын елді мекендер қазір белгілі бір уақыт аралығында ғана су алады. Себебі Талап бас су кешеніндегі жобаға сәйкес қазылған 8 ұңғыма сағатына 65 текше метр дебиттің орнына небәрі 35 – 40 текше метр су беруде. Яғни, дебиттің жеткіліксіздігінен 27 елді мекенге үздіксіз толыққанды ауыз су жеткізе алмай отыр. Осыған байланысты Су ресурстары комитетінің тапсырысымен қосымша 5 ұңғыманы бұрғылау жұмыстарына 584,3 млн. теңгенің жобасы жасалды, келер жылы бұл жұмыс іске асады деп жоспарлап отырмыз.
Өткен кездесуде Келінтөбе ауылында ауыз су жүйесімен қамтылмаған үйлер барын және резервуардың қуаты төмен екендігі айтылған болатын. Біз бірден жоба-сметалық құжаттарын әзірлеуге аудандық бюджеттен қаржы бөлдік. Келер жылы сараптаманың оң қорытындысын алып, қаржыландыруға ұсынатын боламыз.
Алдағы екі жылда осы топтық су құбырлары бойындағы мәселе шешіледі. Осы жобалардың барлығы толық іске асқанда ауданда орталықтандырылған ауыз су жүйесімен қамтылған тұрғындардың үлесі 100 пайызға жеткізіледі.
Үшінші мәселе аяқ су мәселесі. Көктөбе ауылдық округі тұсынан «Су тоспасын» салу мәселесі өте өзекті. Мұны облыс әкімі де жақсы біледі, Мемлекет басшысы мен Үкімет басшысына жеткізілген. Бұл жоба су тапшылығына байланысты облыс бойынша республикалық деңгейде атқарылған шаралар барысында ҚР Экология, геология және табиғи ресурстар министрлігінің іс-шаралар Жоспарына енгізілген. Үкімет тарапынан оң шешімін табады деп күтіп отырмыз.
Бірақ, бұл ұзақ уақыт пен мол қаржыны талап ететіндіктен облыс әкімдігі шұғыл шаралар қабылдауда. Қазіргі таңда облыстық табиғи ресурстар және табиғат пайдалануды реттеу басқармасы Келінтөбе магистарльді каналының сағасынан жоғары, ұзындығы 6,2 шақырым болатын канал қазып, Келінтөбе каналына қосуға жоба-сметалық құжаттар әзірлеп жатыр. Сонда Келінтөбе каналының сағасы қазіргі сағадан 4-5 шақырым жоғары болып, дариядағы су деңгейі төмен болса да каналға келетін су мөлшері азаймайтын болады. Осы жобадан да көп үміт күтіп отырмыз. 
Төртінші мәселе елді мекендерді газдандыру.
Бүгінде аудан орталығы ғана табиғи газға қосылған болатын. Республикалық бюджеттен қаржы бөлініп, Бірлік, Қыраш елді мекендерін газдандыру басталды. Жыл соңында екі ауыл тұрғындары көгілдір отынның игілігін көретін болады.
Сонымен қатар, Шалқия және Құттықожа, Төменарық елді мекендерін газдандыру жұмысын бастау үшін аудандық бюджеттен әр жобаға 100 мың теңгеден қаржы бөліп, мемлекеттік сатып алу шараларын жүргізіп жатырмыз. Мердігерді анықтап, шарт жасап қойсақ облыстық бюджеттен қаржы бөлінген сәтте құрылысы басталады. Кейден, Жайылма елді мекендерін газдандыру жобаларын республикалық салалық министрліктерге өткізіп қойдық. Жобаның жалпы құны 3 млрд. 918 млн. теңге.
Қандөз және Келінтөбе ауыл тұрғындары дәрігер маманның жетіспейтіндігін сөзге тиек етті. Бұл жөнінде аудандық емхананың бас дәрігері Сәкен Үсейнов осы жылдың қыркүйек айында бірнеше ауылдық округтерге дәрігерлер қоныс аударатындығын айтып өтті. Оның ішінде осы Келінтөбе мен Қандөз ауылы да бар.
Әрбір кездесу соңында тұрғындардың жеке мәселелерін тыңдау мақсатында жеке қабылдау өтті.
Бүгін аудан әкімі Өзгент, М.Нәлібаев, Жаңарық, Әбдіғаппар, Байкенже, Кейден елді мекенінің тұрғындарымен кездеседі.
<img src="https://kyzylorda-news.kz/wp-content/uploads/2022/08/299748829_3227954867452854_790238418458036834_n.jpg" alt="" />
<img src="https://kyzylorda-news.kz/wp-content/uploads/2022/08/300656555_3227954964119511_3351025240301011247_n.jpg" alt="" />

Жаңақорған ауданының әкімі ауылдарды аралап, тұрғындарды жеке қабылдады

<a href="https://kyzylorda-news.kz/">Kyzylorda-news.kz.</a> Қызылорда гарнизонындағы Әуе шабуылына қарсы қорғаныс әскерлеріне қарасты әскери бөлімі басқармасы жыл сайын өтетін республикалық «Мектепке жол» акциясы аясында іс-шара ұйымдастырды.
Бөлім командирі капитан Жанболат Әкенов және бөлімнің басқа да әскери қызметішілері аталған қайырымдылық акциясына белсене атсалысты. Бөлім басшылығы бөлімдегі көп балалы әскери қызметшілердің отбасыларына барып, мектепке баратын балаларға оқуға қажетті барлық құралдарын алуға көмек қолын созды. Балаларға қажеттіліктерін тапсыру барысында әскери қызметшілер балаларға алдағы оқу жылын жақсы нәтижемен аяқтауларына, спортпен шұғылдануларына кеңес беріп, жақсы тілектерін білдірді.
Акция барысында материалдық және моральдық көмек қолын созған жауынгерлерге көп балалы ата-аналар мен балалар өз алғыстарын білдірді.
<blockquote>
 «Мұндай қайырымды істер әскерилерге елге қызмет етумен бірге жүретін үлкен міндет. Тек жұмыста ғана емес, басқа уақыттарда да бір-бірімізге жанашыр болуымыз керек. Алдағы уақытта да, біз жауынгерлер, кез-келген жақсы іс-шараларға атсалысуға дайынбыз», – дейді әскери бөлім командирінің орынбасары аға лейтенант Ақылбек Болат.
</blockquote>
Қызылорда гарнизонында «Балалар жылы» аясында балаларға арналған басқа да көптеген іс-шаралар атқарылуда.
<img src="https://kyzylorda-news.kz/wp-content/uploads/2022/08/5b8f3e00-5d0b-43eb-9030-b84b3cc7711e.jpg" alt="" />

«Мектепке жол» республикалық акциясы жалғасуда

<a href="https://kyzylorda-news.kz/">Kyzylorda-news.kz.</a> Қазалы ауданының орталығы – Әйтеке би кентінде автоматтандырылған электрондық емтихан алаңы салынуда. Ол үшін облыстық бюджеттен тиісті қаржысы бөлінген.
Қазіргі таңда мердігер мекеме «Болашақ» ЖШС құрылыс жұмыстарын қарқынды жүргізуде. Жақын күндері құрылыс жұмыстары толық аяқталып, автоматтандырылған электрондық емтихан алаңы пайдалануға беріледі.
Айта кетейік, бұған дейін аудан тұрғындары жүргізуші куәлігін алу үшін облыс орталығына барып, біршама қиындықтарға тап болатын. Енді ол олқылықтың шешімі табылатын күн алыс емес. Мұнда қазалылықтармен қатар, көршілес Арал мен Қармақшы аудандарының тұрғындары да жүргізуші куәлігіне қол жеткізе алады.

Қазалыда автоматтандырылған электрондық емтихан алаңы салынуда

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжановтың төрағалығымен аппараттық мәжіліс өтті.
Күн тәртібінде 2022 жылдың 7 ай қорытындысымен ауданның әлеуметтік-экономикалық даму қорытындылары туралы, жылу беру маусымына дайындық, жаңа оқу жылына дайындық және егін жинау жұмыстары туралы хабарламалар жасалды.
Ауданның қаңтар-шілде айларындағы әлеуметтік-экономикалық даму көрсеткіштері туралы аудандық экономика және бюджеттік жоспарлау бөлімінің басшысы Жұпар Баймаханова баяндама жасады. Оның айтуынша 7 айдың қорытындысымен ауданның әлеуметтік-экономикалық даму көрсеткіштерінде өсім қалыптасқан.
<blockquote>
 «Өнеркәсіп өнімдерін өндіру 2 есеге артып, 9,9 млрд. теңгенің өнімі өндірілді. Оның ішінде өңдеу өнеркәсібі шаруашылықтардың күріш ақтау есебінен 167,0 пайызға орындалып, 5,4 млрд. теңгенің өнімі өндірілді. Негізгі капиталға тартылған инвестиция көлемі 126,7 пайызға артып, 4 млрд. 445 млн. теңгені құрады. Өндірілген ауыл шаруашылығы өнімінің көлемі 4,6 млрд. теңгеге орындалып, өткен жылдың тиісті кезеңімен салыстырғанда 101,1 пайызға орындалды. Тұрғын үй көлемі 13 470 шаршы метр болатын 92 тұрғын үй пайдалануға берілді. Бұл өткен жылдың тиісті кезеңімен салыстырғанда 198,4 пайызға артқан. Бөлшек сауда көлемінің көрсеткіші 1 127,2 млн. теңге болып, өткен жылдың осындай кезеңімен салыстырғанда 101,8 пайызға орындалды. Құрылыс жұмыстарының көлемі 2 млрд. 636 млн. теңгеге орындалып, 2021 жылдың 7 айымен салыстырғанда 104,3 пайызға артты», – деді Ж.Баймаханова.
</blockquote>
Күн тәртібіндегі екінші мәселе туралы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ө.Елеусінов баяндама жасады.
Жалағаш ауданында жылытылатын барлығы 101 әлеуметтік, бюджеттік нысандар бар. Бүгінгі күнге нысандар 696 тонна (30,9 %) сұйық отынмен, 620 тонна (21,4 %) қатты отынмен қамтамасыз етілген. Барлық нысандарда 2023 жылдың 15 қаңтарына дейінгі мерзімге қажетті отын қорын сатып алуға қаржы қарастырылған. Қалған отын қорымен қамтамасыз ету 2023 жылдың бюджеті есебінен жүргізілетін болады.
Аудан тұрғындарына 2022-2023 жылдардағы жылу беру маусымына қатты отын қажеттілігі 11500 тоннаны құрайды.
Жеке кәсіпкерлермен ауа райының ыстықтығына байланысты қатты отынды ағымдағы жылдың тамыз айының соңынан бастап жеткізу жоспарланып отыр.
Қазіргі таңда қатты отын қоймасында өткен жылу маусымынан 300 тонна көмір қоры бар. Бүгінгі күнге Жалағаш кентіндегі 1958 тұрғын үй орталықтандырылған газ желісіне қосылып, тұрғын үйлердің 61,9 пайызы газ отынын пайдалануда.
Сондай-ақ, ауылдық елді мекендерді орталықтандырылған газ желісімен қамтамасыз ету бағытында жұмыстар жүргізілуде.
<blockquote>
 «Аудандағы егін жинау жұмыстарына қатысты хабарлама жасаған аудандық ауыл шаруашылығы бөлімінің басшысы Марат Қалниязов биылғы жылы 35486,5 гектарға егiс орналастырылғанын айтты. Оның ішінде негізгі дақыл күріш – 18501 гектарды құрайды. Аудан бойынша 195 шаруашылық егін орналастыру жұмыстарымен айналысуда. Егінді әртараптандыру бағытында бидай, жүгері, арпа, мал азықтық жоңышқа дақылы өткен жылмен салыстырғанда артық орналастырылды. Сондай-ақ, тәжірибелік мақсатта алғаш рет қант құмайы, соя, сұлы, қант қызылшасы дақылдары орналастырылды. Бұл дақылдардан жоғары өнім алынған жағдайда алдағы уақытта көлемі арттырылатын болады», – деді.
</blockquote>
Асқарбек Темірбекұлы күріш егісін жинау жұмыстарын қазан айының 5-не дейін толық аяқтауға тиісті шараларды қабылдап, егін жинауды мерзімінде аяқтаумен қатар, алдағы мал қыстату науқанына аса тыңғылықты дайындықпен кірісіп, әрбір шаруашылық бойынша қажетті мал азығы мен жем-шөп қорын резервімен қамтамасыз етуді, күзгі дала жұмыстарын, атап айтқанда, келесі жылға қажетті тұқым құю, күздік бидай егу, сүдігер көтеру жұмыстарын қолайлы мерзімінде орындалуы үшін тиісті шаралар қабылдауды сала басшыларына қатаң тапсырды.
Сондай-ақ, аудан басшысы күн тәртібінде қаралған мәселелерге қатысты сала басшыларына нақты тапсырмаларды жүктеді.
<img src="https://kyzylorda-news.kz/wp-content/uploads/2022/08/301182513_1519850621800344_791505016582212647_n.jpg" alt="" />

Асқарбек Есжанов: Тұрғындарға көмірдің үздіксіз жеткізіліп тұруын үнемі назарда ұстауды тапсырамын

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов Ақтоған, Алмалы, Керделі, Қарғалы ауылдық округі халқымен кездесіп, тұрғындар тарапынан қойылған сұрақтарға жауап берді.
Кездесудің төрттен бір бөлігі ауданның негізгі әлеуметтік-экономикалық көрсеткіштері туралы баяндаманы таныстыруға арналса, қалған бөлігі ауыл халқының сауалдарына арналды.
Жұма күнге белгіленген кездесу Ақтоған ауылдық округінде болды. Мұнда ауыл халқы медициналық дәрігерлік амбулаторияның ескіргендігін, жаңадан медициналық ғимарат салу туралы ұсыныстарын айтты.
Ақтоған ауылдық округінен кейінгі кездесу көршілес Алмалы ауылдық округінде өтті. Кездесуде ауыл тұрғындары елді-мекенге көгілдір отын мен жол мәселесі оң шешімін тапса деген ұсыныс-пікірлерін білдірді.
Аудан әкімінің кездесуі одан әрі Керделі ауылдық округінде жалғасты. Белгілі әнші, композитор Нартай Бекежанов ауылында 550-ге жуық отбасы тұрады. Биылғы жылы «Ауыл ел-бесігі» бағдарламасы аясында Н.Бекежанов ауылында 15 көше асфальттанып, түнгі жарық бағаналары толықтай жаңартылды. Керделі ауылы 100 пайыз жолдары жөнделген, ауыз су мәселесі шешілген, көгілдір отынға қосылған елді мекендердің қатарында. Ауыл тұрғындары электр мен су шаруашылығына қажетті мамандары бөлінсе деген ұсыныстарын жеткізді.
Аудан орталығынан шалғайда орналасқан Қарғалы ауылдық округінің тұрғындары тарапынан азық-түлік бағасы жайы қозғалды. Бұл мәселеге байланысты аудан әкімі кәсіпкерлермен келіссөздер жүргізіп төменгі бағада азық-түлік жеткізіп беруді қарастыратындығын жеткізді.
Кездесу соңында аудан әкімі Нұржан Сәбитұлы әрбір тұрғындар тарапынан көтерілген мәселе қараусыз қалмайтындығын, жан-жақты сала мамандарымен бірлесе отырып зерттеліп, шешу бағытында тиісті шаралар қабылданатындығын жеткізді. Тұрғындар мәселесі аудан әкімдігінің басты назарында болатындығын айтты.
Кездесу соңында ауыл ақсақалдары аудан әкімінің жұмысына толайым сәттілік тілеп, ақ­батасын берді.
<img src="https://kyzylorda-news.kz/wp-content/uploads/2022/08/300827141_1378584549338667_2467347237837063124_n.jpg" alt="" />

Қазақстан және Қызылорда облысының жаңалықтары