<a href="https://kyzylorda-news.kz/ru/">Kyzylorda-news.kz</a> Сыр өңірі – &nbsp;қасиетті де қастерлі халық өнері дамыған, сан түрлі тарихи оқиғалар мен көзқарастар бір мүддеге тоғысқан өлке. Сол себепті өңірде өмір сүрген жырау, жыршы, ақын, күйші, әнші, сал-серілер шығармашылығы қазақ елінде, қала берді әлем әдебиетінде ерекше орынға ие. Сыр елінде өмір сүріп, аты үш жүзге мәлім болған ақын-жырауларымыз ұрпақ тәрбиесінде имандылық пен адамгершілік қасиеттерді тұлға бойына сіңіруді басты назарда ұстаған. Бұл ән-күй, жырларымыз ұлтымыздың болашағына үлгі-өнеге ретінде жол салған. Соның ішінде Сыр сүлейлерінің көп бөлігі Қармақшы өңірінде туып-өсіп, айшықты жыр күмбезін жасағаны баршаға мәлім.Осы орайда, 12 қараша күні «2022 – Балалар жылы» аясында Қармақшы аудандық Т.Салқынбайұлы атындағы әуез мектебінің ұйымдастырумен Сыр сүлейі, даңқты ақын, шығыстың шайыры атанған Тұрмағамбет Ізтілеуовтің 140 жылдығына арналған «Ширатқан шым жібектен көгені едім» атты жас жыршылар арасындағы байқау өткізілді.&nbsp;Байқауға К.Рүстембеков атындағы Жыраулар үйінен 12 талапкер шәкірттер қатыстырылып, нәтижесінде жас ерекшеліктеріне орай Балтабай Талант І орын, Оңғарқызы Арай І орын, Елдес Мәди ІІ орын, Мархабатова Фатима ІІ орын, Жақыпова Көркем ІІ орын, Маратқызы Аяулым ІІІ орын, Райымбек Азима ІІ орын, Амантай Айдана ІІІ орындарды иеленді. Сонымен қатар Сағатова Нұрсезім, Асылбекқызы Альгида, Бекжасарқызы Жазира аудандық білім бөлімінің басшысы Гүлзира Мәжитқызының арнайы алғыс хаттарымен марапатталды.<img src="https://knadmin.beoblood.kz/uploads/316308691_2376784142476204_5214182644159385363_n_cb31f26942.jpg" alt="316308691_2376784142476204_5214182644159385363_n.jpg"><img src="https://knadmin.beoblood.kz/uploads/316108927_2376785132476105_6938425177306405758_n_d5db65a967.jpg" alt="316108927_2376785132476105_6938425177306405758_n.jpg">

Қармақшы ауданы: «Ширатқан шым жібектен көгені едім» атты жас жыршылар байқауы өтті

<a href="https://kyzylorda-news.kz/ru/">Kyzylorda-news.kz</a>. Арал аудандық «Толқын» газетінің бас редакторы Абай Елешов ҚР Президентінің кезектен тыс сайлауына қатысты пікір білдірді.&nbsp;<blockquote>«20- қараша. Таңмен таласа тұрған аудан тұрғындары өздерінің алдын ала белгіленген сайлау учаскелеріне қарай бет түзеді. Барлық сайлау учаскелері ашылғаннан бастап-ақ, бір сәт адамнан арылмады. Әлеуметтік желіде белгілі болғандай тұңғыш дауыс беруші, қарт дауыс беруші, отбасымен келіп дауыс беруші анықталып, арнайы сый- сияпатқа қол жеткізіп жатты. Әрбір екі сағат сайын аудандық сайлау комиссиясы облыс орталығына деректер жолдап, сайлаудың барысы анықталып отырды. Тағы бір айта кететін жайт №53сайлау учаскесінде аудан әкімі Серік Сермағамбетовте дауысын беріп, бюлеттень толтырды. Сондай-ақ,осынау саяси науқанда абыз ақсақал Шәкірат Дәрмағамбетовте таңдауын жасап,жарқын кезең орнайтынына сенім білдірді. Енді бір сайлау учаскесіне шаңырақ көтерген жас жұбайлар да келіп лайықты тұлғаға дауыс берді», - дейді Абай Елешов.</blockquote>Жалпы, Арал ауданы қай кездеде тарихи сәттерде қалыс қалған емес. Бұл жолы да солай болды.&nbsp;<blockquote>«Нақтырақ тоқталсақ, аудан сайлаушылары белсенділігі бойынша алдыңғы қатардан табылды. Республикамыздағы өңірлер бөлінісі есебінше Қызылорда облысының көрсеткіші 81,07 пайызға жетті. Оның ішінде аралдықтардың бар екеніне ешкім шүбә келтірмесі анық. Осымен ел күткен сайлау да аяқталды. Кемел келешек, еңселі ертең, баянды болашақ жолында конституциялық құқын пайдаланып, тарихтың жаңа парағын ашқан, яғни, Әділетті Қазақстан құруға үн қосқан барша Арал халқына риясыз пейілмен алғысымды білдіремін. Ел тыныш,аспанымыз ашық болсын», - дейді бас редактор.</blockquote><img src="https://knadmin.beoblood.kz/uploads/316280013_1299948827422512_2811086292186589846_n_0c52751a61.jpg" alt="316280013_1299948827422512_2811086292186589846_n.jpg">

Абай Елешов: Баянды болашаққа жарқын жол 

<a href="https://kyzylorda-news.kz/ru/">Kyzylorda-news.kz</a>. МӘМС жүйесін енгізу балалар денсаулығы профилактикасына және оларды емдеуге көбірек қаражат бөлуге мүмкіндік берді. Бір бала үшін жұмсалатын денсаулық сақтау жүйесінің шығындары 22 %-ға өсті. Әлеуметтік медициналық сақтандыру қорында балаларға медициналық көмекке қанша қаражат жұмсалғаны туралы есеп берілді.Өздеріңіз білетіндей, 2022 жыл Балалар жылы болып жарияланды. Әлеуметтік медициналық сақтандыру қоры қазақстандық балалар МӘМС жүйесінде автоматты түрде сақтандырылғанын еске салды. Олар үшін жарналарды ЖСН алған сәттен бастап кәмелетке толғанға дейін мемлекет төлейді. Бұл балаларға ТМККК аясында ғана емес, міндетті әлеуметтік медициналық сақтандыру пакетіне кіретін медициналық көмекті де алуға мүмкіндік береді. &nbsp;Әлеуметтік медициналық сақтандыру қорында хабарлағандай, емханаларға тіркелген балалар саны жыл сайын артып келеді. 2020 жылы &nbsp; &nbsp; туғаннан бастап 17 жасқа дейінгі 6 млн 290 мыңға жуық, 2021 жылы 6 млн 467 мыңнан астам, ал 2022 жылдың 9 айының қорытындысы бойынша 6 млн 568 мыңнан астам бала тіркелген.&nbsp;<blockquote>«Өткен жылы балаларға ТМККК және МӘМС аясында жалпы 350 млрд теңгеге медициналық көмек көрсетілді. Биыл 33 %-ға өсім күтілуде. 2022 жылдың 9 айында 324 млрд теңгеге медициналық қызметтер көрсетілді», – деп Қорда атап өтті.</blockquote>Шығыстардың негізгі үлесін амбулаториялық-емханалық көмек (53%) құрайды. Ағымдағы жылдың 9 айында оған 232 млрд теңге жұмсалды. Осы кезеңде балалар тәулік бойғы стационарларда 300 мың жағдайда 70 млрд теңгеге жуық, күндізгі стационарларда 39 мың жағдайда 3 млрд теңгеге жуық қаражатқа емделді. Бұдан басқа, ауылдық стационарларда 15 млрд теңгеден астам сомаға 120 мыңға жуық бала ем алды. 2022 жылдың 9 айының қорытындысы бойынша балаларға жоғары технологиялық медициналық көмек көрсетуге 768 жағдай бойынша шамамен 3,4 млрд теңге бөлінді.МӘМС жүйесі енгізілгелі медициналық оңалту сынды маңызды бағыт қарқынды дамып келеді. &nbsp;Балалар көрсеткіштері бойынша оңалтуға тегін жіберіледі. Аталған кезеңде тәулік бойғы және күндізгі стационарлар жағдайында 70 мыңға жуық бала 12,6 млрд теңгеден астам қаражатқа емделді.Сондай-ақ аурулардың алдын алуға көп көңіл бөлінеді. Аталған кезеңде балаларды профилактикалық тексеруге шамамен 30 млрд теңге бағытталды. 9 айдың қорытындысы бойынша мектеп медицинасы қызметтері үшін 20 млрд теңге төленді. 9 айдың қорытындысы бойынша күндізгі стационар жағдайында бағдарламалық гемодиализ қызметтері 13 млрд теңгеден астам сомаға көрсетілді. Балаларды амбулаториялық дәрі дәрмекпен қамтамасыз етуге 5 млрд теңге бөлінді.<blockquote>«МӘМС жүйесі халықтың әлеуметтік осал топтарына тегін стоматологиялық көмек көрсетуге мүмкіндік беретіні белгілі. Талдау көрсеткендей, МӘМС бойынша стоматологиялық көмектің негізгі тұтынушылары балалар болып табылады. 2022 жылдың 9 айында 25,1 млрд теңгеге 8,8 млн-ға жуық стоматологиялық қызмет көрсетілді», – деп мәлімдеді Қор өкілдері.</blockquote>Жалпы алғанда, 1 балаға арналған шығыстар 2021 жылғы 54,1 мың теңгеден 2022 жылы 65,8 мың теңгеге дейін ұлғайды.Егер сізде медциналық қызмет көрсету бойынша сұрақтар туындаса, оларды өз емханаңыздағы «Пациенттерді қолдау» қызметіне хабарласып, қоя аласыз. Егер ол жерде мардымды жауап ала алмасаңыз, Әлеуметтік медициналық сақтандыру қорының өзіңізге ыңғайлы байланыс арнасы арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Дәл осы құралдар сақтандыру мәртебесін тексеруге мүмкіндік береді. Сондай-ақ, жүргізілген төлемдер туралы ҚР электрондық үкіметінің egov.kz сайтында, «Денсаулық сақтау» бөлімінде, «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады.<img src="https://knadmin.beoblood.kz/uploads/Deti_PMSP_kaz_837d2c92df.png" alt="Дети_ПМСП каз.png">

Балаларға 324 млрд теңгеге медициналық қызмет көрсетілді 

<a href="https://kyzylorda-news.kz/ru/">Kyzylorda-news.kz</a>. Қызылорда облыстық неміс этномәдени бірлестігінің жетекшісі Ирина Шек ҚР Президентінің кезектен тыс сайлауына қатысты пікір білдірді.&nbsp;<blockquote>«Кешегі саяси науқан еліміздегі тұрақтылықты сақтап қалу үшін және бейбітшілік пен бақытты болашақ үшін жасалған маңызды шешім болды. Себебі бұл шешім - біздің еліміздің қуатын арттырудағы, бірлігін нығайта түсудегі тағы бір тарихи мүмкіндік деп білемін. Аналар міндеті болса, жастарға осы күрделі әлемде өздерінің лайықты орнын анықтау, мүмкіндігінше өзін-өзі тануға көмектесу. Осы орайда мен ана, әже ретінде жауапты сәтте балаларыма бірауыздан үлес қосып, өзінің азаматтық ұстанымын көрсете отырып, сайлауда &nbsp;дауыс беруде белсенді болуға шақырдым», - дейді Ирина Шек.&nbsp;</blockquote>Пікір білдіруші өзінің бұл саяси науқанда дұрыс шешім қабылдағанын айтты.<blockquote>«Бұл жолғы сайлау еліміздегі ортақ мақсаттың, татулықтың, ауызбіршіліктің, болашаққа деген толық сенімнің көрінісі болды. «Ырыс алды – ынтымақ» демекші, жасампаз елдің жаңа тарихын бастауда ынтымағымызды көрсетіп, дұрыс шешім қабылдадым деп сенемін», - дейді Ирина Шек.&nbsp;</blockquote>Бірлестік жетекшісі «халқымыздың бірлігі – болашағымыздың кепілі» деп ойын түйді.<figure class="image"><img src="https://knadmin.beoblood.kz/uploads/sajlau_7a67fcab6d.jpeg" alt="сайлау.jpeg"></figure>

Ирина Шек: Халқымыздың бірлігі – болашағымыздың кепілі

<a href="https://kyzylorda-news.kz/ru/">Kyzylorda-news.kz</a> Бүгінгі таңда Жаңақоған ауданының әлеуметтік-экономикалық маңызды мәселелері кезең-кезеңімен шешімін тауып, халықтың әлеуметтік жағдайын жақсартуда біршама жұмыстар атқарылып келеді. Осы орайда Жаңақорған аудандық мәслихатының жетінші шақырылымында бас қосқан депутаттар кезектен тыс ХХVIII сессияда күн тәртібіне жеті мәселені бекітіп, талқыға салды. Сессияға аудан әкімінің орынбасары Бекболат Шәріпбеков, аудандық мәслихат депутаттары, бөлім басшылары, кент және ауылдық округ әкімдері қатысты.Жаңақорған аудандық мәслихат хатшысы Ғалымжан Жарқынбекұлының төрағалығымен өткен кезектен тыс сессия барысы мәслихат депутаты, аудандық жұмыспен қамту бөлімі басшысының орынбасары Мәжит Балқожаевты құрметті зейнет жасына шығуымен құттықтаудан басталды. Хатшы өз кезегінде барша депутаттар атынан шынайы ықыласын білдіріп, иығына шапан жапты. Құрметті демалысқа шыққан қуанышты күнімен құттықтаған әріптестері Мәжит Байқожаевты еткен еңбегі мен төккен теріңінің аз еместігін, алдағы уақытта сол еңбектің зейнетін көріп, еңбек демалысының әр күні шалқыған шаттыққа толы болуын тіледі.&nbsp;Күн тәртібіне енген бірінші мәселе «2022-2024 жылға арналған аудандық бюджет туралы» 2021 жылғы 27 желтоқсандағы №148 Жаңақорған ауданы мәслихатының шешіміне өзгерістер енгізу» туралы аудандық экономика және бюджеттік жоспарлау бөлімінің басшысы Семсер Әсенов хабарлама жасады.&nbsp;<blockquote>«Биылғы жылдың 14 қарашасында облыстық мәслихаттың кезектен тыс 21 сессиясында облыстық мәслихат депутаты Жангелді Ысқақ Жаңақорған ауданы орталығындағы «Саяжай-1» учаскесіндегі 300 гектар аумаққа инженерлік-инфрақұрылымдық желілер орнату және музей мәселесі бойынша сауалдары мен ұсыныс-пікірлерін басқарма басшыларына жеткізіп, оған қаражат бөлуін сұраған болатын. Осы ұсыныстың бірі қолдау тауып, «Саяжай-1» учаскесінде егжей-тегжейлі жоспарлау жобасына сәйкес ауданы 300 гектар аумақта инженерлік инфрақұрылым желілерін жүргізуге 21 878,2 мың теңге қаржы бөлінді», – деді ол.&nbsp;</blockquote>Сондай-ақ, Жаңақорған ауданы жер комиссиясының дербес құрамын және комиссия туралы ережені бекіту туралы Әбілғазы Төлегенов баяндама оқыса, «Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау Қағидаларын бекіту туралы» 2020 жылғы 2 қазандағы №495 Жаңақорған ауданы мәслихатының шешіміне өзгеріс енгізу туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Аягөз Нұржанқызы хабарлама жасады. Ал аудан бойынша 2022 жылға арналған кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең төмен мөлшерін бекіту туралы аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің басшысы Қайрат Сапарбаев, Әбдіғаппар елді мекенінің даму сызбасына өзгеріс енгізу туралы сәулет, қала құрылысы және құрылыс бөлімінің басшысы Орман Ахметов баяндама оқыса, аудандық мәслихат аппараты құқықтық жұмыстар бөлімшесінің басшысы Ербол Сүйіндіков «Жаңақорған ауданы мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту және Жаңақорған ауданы мәслихаты шешімінің күші жойылды деп тану туралы хабарламасын көпшілікке таныстырды.&nbsp;Сонымен қатар, сессия төрағасы Ғалымжан Жарқынбекұлы алдағы уақытта 2023-2025 жылдарға арналған аудан бюджетіне ұсынылатын жобаларды, аудандық мәслихат пен қоғамдық кеңес бірігіп талқылап, нақты ұсыныстар енгізуді тапсырды. Күн тәртібіне ұсынылған өзге де мәселелер бойынша хабарламалар тыңдалып, депутаттар тарапынан қойылған сұрақтар мен ұсыныс пікірлерге хабарламашылар тарапынан тиісті жауаптар беріліп, шешім қабылданды. Барлық мәселе қаралып, тиісті шешімдер қабылданғаннан кейін мәслихат хатшысы Ғалымжан Жарқынбекұлы сөз сөйлеп, жылдың аяқталуға жақын қалғанын негізге алып, басым бағыттар мен маңызды жоспарлар жөнінде пікір білдірді.&nbsp; &nbsp;<img src="https://knadmin.beoblood.kz/uploads/293970531_3199683260280015_5278860201324656000_n_b2b5d1d91f.jpg" alt="293970531_3199683260280015_5278860201324656000_n.jpg">

Жаңақорғанда әлеуметтік-экономикалық маңызды мәселелер талқыланды

<a href="https://kyzylorda-news.kz/ru/">Kyzylorda-news.kz</a>. Биылғы жылдың 9 айында Әлеуметтік медициналық сақтандыру қорының филиалына Қызылорда облысының медициналық мекемелерінің қызметіне қатысты 351 шағым түсті. Өткен жылдың сәйкес кезеңімен салыстырғанда (157 шағым) шағымдар саны 2,4 есеге өскен. Бұл туралы біздің тілшімізге Қызылорда облысы бойынша Әлеуметтік медициналық сақтандыру қоры филиалының бөлім басшысы Абылайхан Рахимов мәлімдеді.Бөлім басшысының айтуынша, өтініштердің себептері дәрі-дәрмектердің болмауы, консультациялық-диагностикалық қызметтерді ұзақ күту, емханалар мен ауруханалардағы медициналық көмектің сапасы, медициналық ұйымдар қызметкерлерінің дәрігерлік этика мен деонтологияны сақтамауы, ауруханаға жатқызудан бас тарту және т.б.<blockquote>«Қор жеткізушілерді халыққа қызмет көрсету жұмысын жақсартуға ынталандыру бойынша жүйелі шаралар қабылдап жатқанын атап өткім келеді. Әлеуметтік медициналық сақтандыру қорының сарапшылары тегін медициналық көмектің кепілдік берілген көлемі мен МӘМС пакеті бойынша жеткізушілер көрсететін қызметтердің сапасы мен көлеміне мониторингті жалғастыруда», - деді Абылайхан Рахимов.</blockquote>Егер пациентке медициналық көмек көрсетуден бас тартылса немесе тиісті түрде көрсетілмесе, онда 1406 нөмірі, «Qoldau - 24\7» мобильді қосымшасы немесе «SaqtandyruBot» Telegram-бот бойынша жүгіну қажет. Қордың мамандары мен сарапшылары жедел жауап беріп, қажетті көмек көрсетеді.<img src="https://knadmin.beoblood.kz/uploads/Obratnaya_svyaz_kaz_64e8cb3bde.jpg" alt="Обратная связь каз.jpg">

Медициналық сақтандыру қорына қызылордалықтардан 300-ден астам шағым түсті

<a href="https://kyzylorda-news.kz/ru/">Kyzylorda-news.kz</a> Қасым-Жомарт Тоқаев Республикалық қоғамдық штабқа келіп, кезектен тыс Президент сайлауындағы «Ашық қоғам» аймақтық зерттеулер халықаралық институты жүргізген Exit poll-дың қорытындысымен танысты.Еxit poll нәтижесі бойынша Қ.К.Тоқаев 82,45 пайыз дауыс жинады деген мәлімет жарияланды. Бұл қазақстандықтардың сайлауға келіп, Қасым-Жомарт Кемелұлына, Әділетті және Қуатты Қазақстанға дауыс беріп, дұрыс таңдау жасауы деп білеміз. Сайлау өз дәрежесінде әділ әрі ашық түрде өткізілді.Сайлауға Сыр халқының 81,07 пайызы қатысып, Әділетті Қазақстан құруға ниетті екендіктерін көрсетті. Бұл – ел бірлігінің айқын көрінісі.Қ.К.Тоқаевтың жеңісі – халқымыздың ортақ жеңісі!Әділетті Қазақстанды бірге құрайық!Ләйлә ТӨРЕШОВА,Облыстық партия филиалының Атқарушы хатшысы.&nbsp;<img src="https://knadmin.beoblood.kz/uploads/315629547_1866669287015788_2551502703797385995_n_cd86556415.jpg" alt="315629547_1866669287015788_2551502703797385995_n.jpg">

Ләйлә Төрешова: Сайлау әділ әрі ашық түрде өткізілді

<a href="https://kyzylorda-news.kz/ru/">Kyzylorda-news.kz</a>. Қызылорда облыстық шешен этномәдени бірлестігінің белсендісі Дени Лалуев кешегі өткен ҚР Президентінің кезектен тыс сайлауына қатысты өзінің пікірін білдірді. Ол саяси науқанда өзінің азаматтық белсенділігін көрсеткенін айтты.&nbsp;<blockquote>«Мен бірінші рет президенттік сайлауға қатыстым. Анаммен бірге &nbsp;өзіміздің белгіленген сайлау учаскісіне барып, алғаш рет қолыма бюллетень алып, өз таңдауымды жасадым. Бұл мен үшін өте маңызды, әрі жауапты күн болды. Өзімнің азаматтық белсенділігімді көрсете білдім. Алғашқы рет дауыс беруші ретінде сыйлық алдым. Бұл күн есте қалары сөзсіз», - дейді Дени Лалуев.&nbsp;</blockquote>Белсенді жас елдің өркендеуіне ат салысып, туған жердің гүлденуіне үлес қосып, Әділетті Қазақстан құрылуы жолында ерінбей еңбек ететінін айтты.&nbsp;<blockquote>«Қазақстаным гүлдене берсін!», «Бірлік, ынтымағымыз берік болсын!» деп анам жиі тілегіне қосады. Мен де еліміздің келешегі кемел, болашағы жарқын болатынына сенемін. Сол мақсатта аянбай еңбек етіп, өз үлесімді қосатын боламын. Елдің ертеңі біздер, яғни, жастардың қолында десек, біз әрқайсысымыз елдің ертеңі үшін тірлік жасауымыз қажет. Мен бұл сайлауда өз таңдауыма күмән келтірместен, Қасым-Жомарт Кемелұлы Тоқаевқа дауыс бердім», - деді белсенді жас.&nbsp;</blockquote><figure class="image"><img src="https://knadmin.beoblood.kz/uploads/Whats_App_Image_2022_11_21_at_10_34_55_59b0fd589f.jpeg" alt="WhatsApp Image 2022-11-21 at 10.34.55.jpeg"></figure>

Дени Лалуев: Азаматтық белсенділігімді көрсеттім

<a href="https://kyzylorda-news.kz/ru/">Kyzylorda-news.kz</a> Әр мамандықтың өзіне тән қызығы мен қиындығы болады. Бірақ, соның ішінде өрт сөндіру қызметінің жауапкершілігі зор және арнайы зерттеулер мен сараптаулардың қорытындысымен қауіпті мамандықтардың қатарына қосылған. Рас, олар сын сағатта өзгенің амандығы үшін бастарын қатерге тігеді. Сондықтан тәулік бойы көз ілмей қоғамдағы өрт қауіпсіздігін қамтамасыз ететін бұл салада қызмет атқаратын қандай маман да құрметке лайық.&nbsp;Ел алғысына бөленіп келе жатқан осындай жандардың бірі – Жалағаш аудандық өрт сөндіру бөлімінің радиобайланысшысы Гүлжайна Кеңесбаева. Гүлжайна Дәрменбайқызының бұл салада қызмет істеп келе жатқанына он бес жыл болыпты. Осы уақыттар ішінде Гүлжайна өрт сөндіру қызметінің қыр-сырына әбден қанықты және ол бүгінде өзінен кейінгі жас мамандарға кеңес беріп, бағыт-бағдар көрсетіп келеді. Өз жұмысына аса жауапкершілікпен қарайтын тәжірибелі маманға айналды. Өрт сөндіру қызметінің қиындығын және әрбір қызметкерден талап етілетін жауапкершіліктің ауыр екенін жоғарыда айтып өттім. Сондықтан бұл салаға нәзікжандылар аса көп келе бермейді. Нақтырақ айтсақ, қыз-келіншектер өрт сөндіру қызметінің тастай талабы мен қатал тәртібіне көндігіп кете алмайды. Айта кетейік, біздің бөлімде тек қызыл жалынмен арпалысатын өрт сөндірушілер құрамының жұмысы ғана ауыр емес, барлық қызметкерлердің де өзіне жүктелген жауапкершілігі, атқаруы тиіс және міндетті қызметі бар. Қыл аяғы мекемедегі техникалық қызметкерлердің өзі тәртіпке бағынады. Жұмысқа дәлме-дәл уақытымен келіп, дәлме-дәл уақытымен кетеді. Біздің бөлімнің қызметкерлері үшін уақыт аса бағалы. Кейде бірнеше секунттың өзі жағдайды өзгертіп жіберіп жатады. Мәселен, өрт шыққан орындарға дабыл түскен уақыттан бір минут кешігіп барсақ, көп нәрсені жоғалтуымыз мүмкін. Сондықтан бөлімде барлық жұмыс өзінің межелі уақтында атқарылуы тиіс. Біз ұстанатын қағида да осы! Кейіпкеріміздің күнделікті қызметі де осындай жауапкершілікті талап етеді. Ол өрт сөндіру бөлімінің ең жауапты жұмысын атқарады.Кеңесбаева Гүлжайна Дәрменбайқызы мектеп бітірген соң Қызылорда қаласындағы ауыл шаруашылығы техникумында оқып, технолог мамандығын алып шығады. 2007 жылдан бастап аудандық өрт сөндіру бөлімінде абыроймен қызмет істеп келеді. Радиобайланысшының жұмысы оңай емес. Бір ауысымда тәулік бойы жұмыс істейтін Гүлжайна Кеңесбаева аудан орталығы мен елді мекендердегі өрт оқиғаларына қатысты шұғыл хабарламаларды қабылдап, олардың нақты мекен-жайын тіркеп, дабыл белгісін қосады. Дабыл көтерілгенде сақадай сай тұрған жеке құрам өрт шыққан жерге жедел аттандырылады. Әсіресе, көктем, күз айларында өрт оқиғалары көп орын алады. Жаз айларында дала өрті, ал, қыс айларында тұрғын үйлерден тұтанған өрттер көбейеді. Әрине, бұл жағдайлардың барлығы да адамдардың салғырттығынан, жауапсыздығынан орын алып жатады. Жылу пештерінің ақауы және бөлмелердегі электр желілері мен жабдықтарының ашық, қараусыз қалуының салдары бірнеше отбасын материалдық шығынға ұшыратып, тіпті кейде адам өліміне де душар қылады. Сондықтан жылдың төрт мезгілінде де радиобайлансышының алдындағы телефондардың тұтқасы босамайды. Бір қуанарлығы, арнайы техникалар мен сын сағатта әбжіл әрекет жасайтын өрт сөндірушілердің арқасында қызыл жалын ауыздықталып, тұрғындардың қауіпсіздігі қамтамсыз етіледі. Бұл орайда Гүлжайнаның да еңбегі зор екенін айта кеткеніміз жөн. Сырт көзге жеңіл көрінгенімен, радиобайланысшының қызметі өте жауапты. Біріншіден, оған білім мен біліктілік, тәжірибе және жауапкершілік қажет. Сонымен бірге шұғыл түскен шақыруларды аптықпай, саспай саралап, байыптай алатын байсалды мінез керек. Өйткені, өрт сөндірушілердің жеке құрамы межелі жерге кешікпей уақытында жетуі – радиобайланысшының берген нақты мекен-жай координаттарына тікелей байланысты. Сол үшін телефон тұтқасында отырған қызметкердің жұмыс уақытында ойы сергек, қимылы батыл да, ширақ болуы тиіс. Ал, төтенше жағдайлар қызметкерлерінің болмысына тән бұл қасиеттердің барлығы Гүлжайнаның бойынан табылады.&nbsp;Мақаламыздың басында төтенше жағдайлар, соның ішінде өрт сөндіру қызметі физикалық, психологиялық тұрғыдан шынығып, әбден шыңдалған ер азаматтар ғана шыдап, төзетін тәртібі қатал сала екенін айттық. Ендеше, осы әскери тәртіпке негізделген қағидалар мен ережелерге бағынып, ер азаматтармен бірдей дәрежеде қызмет атқарып келе жатқан &nbsp;Гүлжайна Дәрменбайқызының атына қандай мақтау айтсақ та жарасады. Бұл жайында өзінің де айтары бар.<blockquote>– Әрине, қыз балаларға, әсіресе, әйел адамға әскери салада, құқық қорғау орындарында немесе өрт сөндіру бөлімдерінде қызмет атқару оңай емес. Мейлі, соғыс нүктесінде болмаса да, қылмыстың бел ортасында жүрмесе де, қызыл жалын мен қою түтіннің ортасына кірмесе де, әйел затының сол салаларда қызмет етуінің өзі ерлік деп білемін. Өйткені, бұл аталған басқарма, бөлімдерде жұмыс істейтін азаматтардың функционалдық қызметтері әртүрлі болғанымен, мекеменің ішкі тәртібі ұжымның барлық мүшесіне ортақ. Жұмысқа деген жауапкершілік барлығынан бірдей талап етіледі. Оның үстіне өрт сөндіру бөліміндегі қызметкерлердің 97 пайызы ер азаматтар. Ал өңкей ер адамдардың ортасында бірлі-жарым қыз-келіншектердің қызмет етуі Еуропада қалыпты жағдай болып танылғанымен, қазақ қоғамы үшін әлі күнге ерсі көрінетіні рас. Алайда, сол мамандық өзіңнің жан қалауың болса және болмысың сол мамандыққа бейім болса, неге ер азаматтармен бірдей дәрежеде қызмет атқармасқа?! Бұл қызметтің нәзікжандылар үшін пайдасы болмаса, зияны жоқ. Адамның психологиясын түзеп, орнықты мінез-құлық қалыптастырады. Тарихтан белгілі, қазақ қыздары ерлермен тізе қосып жауға шауып, ерлік көрсетті, аналарамыз кешегі кеңес дәуірінде ауыр техникаларды тізгіндеді, белін шарт буынып, жүздеген шақырым жармалар қазды және сол ауыр жұмыстардың барлығын қол күшімен атқарды. Оның қасында біз бейбіт заманда қызмет етіп жатырмыз. Өрт сөндіру саласының тәртіп, ережелері әскери жүйенің негізінде жасалып, түзілген. Бұл салада қызмет еткендер қатаң тәртіп пен бұйрыққа бағынады. Кез-келген уақытта дабыл белгісі қосылса, уақытпен санаспай қызметіңе кете бересің. Мәселен, түн ортасында менің телефоныма дабыл қоңырауы түсіп, шақырту келсе, шырт ұйқымнан оянып, белгілі уақыттың ішінде өрт сөндіру бөлімінен табылуға тиіспін. Тәртіп солай! Ал, бұл әйел адам үшін ауыр ма, жеңіл ме?! Бұндайда жолдасым екеуміз бір салада қызмет еткеніміздің пайдасы тиді, бір-бірімізге түсіністікпен қараймыз. Мен қызметімді мақтан тұтамын. Егер маған тағы да мамандық таңдау мүмкіндігі берілсе, көп ойланбастан өрт сөндіру бөлімін таңдар едім…Біздің әулетімізде құқық қорғау органдары мен өрт сөндіру бөлімі қызметкерлері және әскери саланың өкілі бар. Күйеуім Құтыбасов Нұрболат та аудандық өрт сөндіру бөлімінде ұзақ жыл қызмет етіп, зейнет демалысына шықты. Қайын атам Құтыбасов Мұхтар аудандық ішкі істер бөлімінде абыройлы қызмет атқарды. Қазірде зейнет демалысында. Ал, Құтыбас Гүлшат Қазақстан Республикасының Ұлттық Ұланында ұзақ жыл қызмет атқарып, зейнет демалысына шықты. Егер біздің балаларымыз да ата-анасының жолын жалғап, өрт сөндіру бөлімінде қызмет істеуге ниетті болса, қуана рұқсат береміз. Өйткені, біздің отбасымыз үшін &nbsp;өрт сөндіру бөлімінің әрбір қызметкері құрметті және олардың қызмет барысындағы кәсіби шеберліктерінің, адам өмірін құтқару сәттеріндегі жауапкершіліктерінің нәтижесінде көрінетін көзсіз ерліктері ұрпаққа үлгі, жастарға берілетін патриоттық тәрбиенің өзегі, – дейді Гүлжайна Кеңесбаева.</blockquote>Иә, расында, өрт сөндірушілердің ерліктері көп. Олар өрт болған сайын ажалмен бетпе-бет келеді. Жан-жағын жалмап бара жатқан тілсіз жаудың құрсауынан адамдарды аман алып шығу үшін жанталасады. Тағы да айтамыз, өрт сөндіру кезіндегі оң нәтижелердің барлығында да Гүлжайна Кеңесбаеваның үлесі бар. Сонымен бірге Гүлжайна өз қызметі шеңберінде белгіленген арнаулы уақытын өрт қауіпсіздігінің алдын алу мақсатындағы тұрғындардың, аудандағы мекеме қызметкерлерінің арасында жүргізетін үгіт-насихат және түсіндірме жұмыстарына арнайды.&nbsp;<figure class="image"><img src="https://knadmin.beoblood.kz/uploads/image_21_11_22_11_22_f918ebacee.jpeg" alt="image-21-11-22-11-22.jpeg"></figure>

Гүлжайна Кеңесбаева: Біздің отбасымыз үшін  өрт сөндіру бөлімінің әрбір қызметкері құрметті

<a href="https://kyzylorda-news.kz/ru/">Kyzylorda-news.kz</a> Мемлекеттің экономиалық және әлеуметтік реттеуін жүзеге асыруға серпін беретін маңызды механизмдердің бірі – қоғамның қаржы жүйесі. Осы қаржы жүйесінің ең маңызды саласы – мемлекеттік бюджет. Бюджеттің тиіс орындарға уақытылы жетуі, тұрақты жоспармен, ұтымды пайдалануы ел дамуына ықпал етеді.Осы орайда Жалағаш ауданында аудандық мәслихатының кезектен тыс 26 сессиясы өтті. Сессия отырысында депутаттар бес мәселе қарап, тиісті сала басшыларының баяндамаларына құлақ түрді. Жиында аудан әкімінің орынбасары Алтынбек Дәрібаев, аудандық мәслихат хатшысы Гүлзат Құрманбаева, мәслихат депутаттары, кент, ауыл әкімдері, мекеме, бөлім басшылары қатысты.Күн тәртібіндегі бірінші мәселе бойынша хабарлама жасаған аудандық экономика және бюджеттік жоспарлау бөлімінің басшысы Жұпар Баймаханова «2022-2024 жылдарға арналған аудандық бюджет туралы» Жалағаш аудандық &nbsp;мәслихатының &nbsp;2021 жылғы 22 желтоқсандағы №12-1 шешіміне өзгерістер енгізуге тоқталды.&nbsp;<blockquote>«2022 жылға арналған аудан бюджетін нақтылау биыл он айдың қорытындысымен барлық бюджеттік бағдарлама әкімшілерінің биылғы жылға арналған қаржыландыру жоспарларына қайта есептеу жүргізілді. Нәтижесінде бюджеттік бағдарлама әкімшілерінен үнемделген және нақты төлемнен қалатын 124 045,8 мың теңге &nbsp;анықталды. &nbsp;2022 жылға нақтыланған аудан бюджетінің 2 121 208,3 мың теңге жергілікті кірістер болжамы 204 265 мың теңгеге орындалмайды. Жылдың аяқталуына аз ғана уақыт қалуына байланысты аудан бюджетінің шығыс бөлігінің бюджеттік бағдарламаларынан &nbsp;120 661 мың теңге қысқартылады. Сәйкесінше аудан бюджетінің жергілікті кірістер болжамының орындалмауына байланысты салық түсімдері қысқартылады», – деген бөлім басшысы салық түсімдері корпоративтік табыс салығы 5 786 мың теңге, жеке табыс салығы 30591 мың теңге, әлеуметтік салық 54 393 мың теңге, жер учаскелерiн сатудан түсетін түсiмдерден 5 000,0 мың теңге, азаматтардан пәтерлер сатудан түсетін түсімдерден 24 891 мың теңге екенін де айта кетті.&nbsp;</blockquote>Баяндамашының сөзінше, бюджеттік бағдарлама әкімшілерінен үнемделген 3384,8 мың теңге және өткен жылдың қорытындысымен аудан бюджетінде қалыптасқан бос қалдықты бюджеттік бағдарламаларға қайта бағыттау жобаланбақ.Айта кетейік, бюджеттік бағдарламаларға бағытталатын қаржы аудан әкімдігі бойынша аппараттың ағымдағы шығындарына, оның ішінде еңбекақы мен әлеуметтік төлемдерге, іс-сапар шығындарына, түрлі шығындарына, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі бойынша «Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет, спорт саласынаң &nbsp;мамандарына отын сатып алуға Қазақстан Республикасының заңнамасына сәйкес, әлеуметтік көмек көрсету» &nbsp;бюджеттік бағдарламасына, &nbsp;ауданның құрылыс, сәулет және қала құрылысы бөлімі бойынша «Спорт объектілерін дамытуға» ауданның дене шынықтыру және спорт &nbsp;бөлімі бойынша «Әртүрлі спорт түрлері бойынша аудан құрама командаларының мүшелерін дайындау және олардың облыстық спорт жарыстарына қатысуы» бюджеттік бағдарламасына, «Ведомстволық бағыныстағы мемлекеттік мекемелер мен ұйымдардың күрделі шығыстарына» ауданның мәдениет және тілдерді дамыту бөлімі бойынша «Мәдени демалыс жұмысын қолдау» бюджеттік бағдарламасына &nbsp;жұмсалады. Яғни аудандық мәдениет үйінің “Алтын күз – 2022” іс-шарасын өткізу, Мәдениет және өнерді дамыту орталығының &nbsp;Т.Мәдиев, К.Бердәулетовтерді еске алу арналған іс-шараны өткізу шығындарына бағытталады. Аппараттың ағымдағы шығындарына 789 мың теңге ауыстырылу арқылы бағыттау &nbsp;жобаланды.&nbsp;Ал аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Қ.Бөлембаев Жалағаш аудандық мәслихатының 2020 жылғы 28 қазандағы №64-2 «Әлеуметтiк көмек көрсету, оның мөлшерлерiн белгiлеу және мұқтаж азаматтардың жекелеген санаттарының тiзбесiн айқындау қағидаларын бекіту туралы» шешіміне өзгерістер енгізу туралы сөз етті.&nbsp;Бөлім басшысының айтуынша, енгізілетін өзгерістерде өмірлік қиын жағдай туындаған кезде мұқтаж азаматтардың жекелеген санаттарына әлеуметтік көмек &nbsp;көрсетілмек. Атап айтар болсақ, табиғи зілзаланың немесе өрт оқиғасы орын алған мекен-жай бойынша тұрақты тіркелген, табиғи зілзаланың немесе өрттің салдарынан зардап шеккен азаматтарға осы &nbsp;өмірлік қиын жағдайда туындаған сәттен бастап алты ай ішінде жан басына шаққандағы орташа табысы есепке алынбай көмек көрсетілмек.&nbsp;Тарқатып айтсақ, қайтыс болған әрбір отбасы мүшесіне бір рет қырық айлық есептік көрсеткіш, азаматқа не оның мүлкіне зиян келтірілген жағдайда бір рет жүз елу айлық есептік көрсеткіш мөлшерінде, өмірлік қиын жағдайда қалған, оның ішінде әлеуметтік мәні бар аурулардың және &nbsp;айналадағыларға қауіп төндіретін аурулардың салдарынан тыныс-тіршілігі шектеулі адамдарға, яғни туберкулез ауруымен диспансерлік есепте тұрған адамдарға жан басына шаққандағы орташа табысы есепке алынбай, ай сайын он айлық есептік көрсеткіш мөлшерінде, гемобластоздар мен апластикалық анемияны қосқанда, гемотологиялық аурулармен диспансерлік есепте тұрған балалардың ата-аналарына немесе өзге де заңды өкілдеріне жан басына шаққандағы орташа табысы есепке алынбай, ай сайын 7,6 айлық есептік көрсеткіш мөлшерінде, адамның иммун тапшылығы вирусынан туындаған диспансерлік есепте тұрған балалардың ата-аналарына немесе өзге де заңды өкілдеріне жан басына шаққандағы орташа табысы есепке алынбай, тиісті қаржы жылына арналған республикалық бюджет туралы заңында белгіленген ең төмен күнкөріс деңгейінің ай сайын екі еселенген мөлшерінде көмек көрсетіледі.Бұдан бөлек, сессия отырысында Қазақстан Республикасының жоғары оқу орындарында күндізгі оқу нысаны бойынша білім алатын, заңда белгіленген ең төменгі күнкөріс деңгейінің үш еселенген шамасынан төмен халықтың әлеуметтік осал топтарынан шыққан адамдарға өтелетін әлеуметтік көмек туралы да сөз болды. Мәселен, жетім, мүгедектігі бар, ата-анасының қамқорлығынсыз қалған балаларға, балалар үйлері мен балалар ауылдарының тәрбиеленушілеріне, асыраушысынан айырылу жағдайы бойынша берiлетiн мемлекеттiк әлеуметтiк жәрдемақы алатын, ата-анасының екеуі де жасына байланысты зейнеткер болып табылатын немесе біреуі мүгедектігі бар адам болып табылатын, құрамында бірге тұратын кәмелетке толмаған төрт және одан көп балалары, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар көпбалалы, мүгедектігі бар балаларды тәрбиелеп отырған, толық емес отбасыларындағы балаларға, студенттерге әлеуметтік көмек оқу орындары ұсынатын білім беру қызметі мөлшерінде жыл сайынғы бір жолғы төлемнен, сонымен қатар жетпіс екі айлық есептік көрсеткіш мөлшерінде тамақтануға және тұруға кететін шығындарды өтейтін бір жолғы әлеуметтік көмектен тұрады.<blockquote>«16 желтоқсан – Тәуелсіздік күні Қазақстандағы 1986 жылғы 17-18 желтоқсан оқиғаларына қатысқан, осы оқиғаларда қасақана кісі өлтіргені және милиция қызметкерінің, халық жасақшысының өміріне қастандық жасағаны үшін сотталған, өздеріне қатысты қылмыстық істерді қайта қараудың қолданылып жүрген тәртібі сақталатын адамдарды қоспағанда, басқаларға 100 000 теңге мөлшерінде көмек көрсету ұсынылады. Сонымен бірге ата-аналарымен немесе олардың орнындағы адамдармен бірге бас бостандығынан айыру орындарында, айдауда, жер аударуда немесе арнайы қоныс аударуда болған саяси қуғын-сүргін құрбандарының балаларына, сондай-ақ қуғын-сүргін кезінде он сегіз жасқа толмаған және оны қолдану нәтижесінде ата-анасының немесе олардың біреуінің қамқорлығынсыз қалған саяси қуғын-сүргін құрбандарының балаларына 3 айлық есептік көрсеткіш мөлшерінде көмек көрсетуді де назарға алып отыр», – деген аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Қанат Бөлембаев сессия отырысының үшінші мәселесіне көшті.&nbsp;</blockquote>Жалағаш аудандық мәслихатының 2021 жылғы 17 қарашадағы №10-2 «Жалағаш ауданында мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу тәртібі мен мөлшерін айқындау туралы» шешіміне өзгерістер енгізу туралы баяндаған бөлім басшысы бұл ретте де бірқатар өзгерістердің барын жеткізді.&nbsp;<blockquote>«Қазақстан Республикасының кейбір заңнамалық актілеріне мүгедектігі бар адамдардың өмір сүру сапасын жақсарту мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес, Жалағаш аудандық мәслихатының «Жалағаш ауданында мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу тәртібі мен мөлшерін айқындау туралы» шешіміне бірқатар өзгерістер енгізу ұсынылып отыр. №10-2 шешімінде көрсетілген «мүгедектер» деген сөз «мүгедектігі бар балалар» деген сөзбен ауыстыру және «өндіріп алу» &nbsp;деген сөз «өтеу» деген сөзбен жаңа редакцияда жазылуы нақтыланды», –деді бөлім басшысы Қ.Шамшатұлы.</blockquote>Мұнан бөлек басқосуда аудандық мәслихат депутаты, комиссия төрағасы Г.Айтжанова аудандық мәслихаттың «Әлеуметтік-мәдени даму, халықты әлеуметтік қорғау мәселелері, заңдылық және азаматтар құқығы» жөніндегі тұрақты комиссия төрағасының есебіне тоқталса, аудандық мәслихат депутаты, комиссия төрағасы Ж.Тәттібаев Жалағаш аудандық мәслихатының «Өнеркәсіп, құрылыс, көлік, коммуналдық шаруашылық, аграрлық, кәсіпкерлік және қоршаған ортаны қорғау мәселелері» жөніндегі тұрақты комиссия төрағасының есебі бойынша хабарлама жасады. Соңғы екі мәселе бұған дейін де тұрақты комиссия отырысында жан-жақты талқыланғанын алға тартқан мәслихат депутаттары бұған қатысты ешқандай қарсылық жоқ екенін жеткізді.Сессияда қаралған күн тәртібіндегі мәселелер жан-жақты талқыланып, баяндамашыларға депутаттар тарапынан сұрақтар қойылды. Аудандық мәслихаттың кезектен тыс өткен 26 сессиясының күн тәртібіне ұсынылған мәселелердің барлығы депутаттар тарапынан қолдау тапты, бірауыздан бекітілді. &nbsp;<img src="https://knadmin.beoblood.kz/uploads/236167234_689807789085765_8810628800500462801_n_9b717f5e1a.jpg" alt="236167234_689807789085765_8810628800500462801_n.jpg">

Жалағаш ауданы: Бюджет нақты мақсаттарға бағытталады

<a href="https://kyzylorda-news.kz/ru/">Kyzylorda-news.kz</a> Жексенбі күні Жалағаш ауданы Жалағаш кенті орталығында ауданның ауыл шаруашылығы өнімдерінің жәрмеңкесі өтті. Жәрмеңкеде өңірде өндірілген ауыл шаруашылығы өнімдері халыққа нарықтан 10-15 пайызға төмен бағада ұсынылды.&nbsp;Таңертеңмен ерте басталған жәрмеңкеге тауар өндірушілер мен кәсіпкерлердің алып келген түрлі өнімдерінің бағасынан бөлек сапасы да өте жоғары болды. Атап айтар болсақ, күріш, сиыр еті, картоп, қызанақ, қырыққабат, сөк талқан, құрт пен сүт, балық секілді өнімдер жәрмеңкенің сәнін келтірді. &nbsp;Алдымен сайлау учаскесіне барып өз таңдауын жасап, жәрмеңкеде сауда жасағандар қатарында Асанәлі Арапбаев та бар. Ол бүгінгі жәрмеңкеде қыстық азығын қамдап алыпты. Көлігінің артындағы өнімдерге қарасақ, әсіресе ол бақша өнімдеріне басымдық беріпті.&nbsp;<blockquote>«Қыстың қамын жаз ойла» дейді ғой, менде үйге басты тұтынатын азық-түліктерді осы жәрмеңкеден сатып алуды жөн көрдім. «Сайлау учаскесінде таңдау жасап, енді сауда жасап жатырмыз. Жәрмеңкеде азық-түліктің барлық түрі бар. Бастысы бағасы қолға қонымды, сондай-ақ барлығы да өзіміздің жергілікті өнімдер екен. &nbsp;Барлығы керемет, тура бір сайлау емес, ауданда мерейтой өтіп жатқан секілді. Орталық алаңда түрлі спорттық шаралар өтіп жатыр, ол жақты да бір тамашалап қайттым, – дейді кент тұрғыны.</blockquote>Айта кетейік, жәрмеңкеге жергілікті шаруашылықтар 45 көлікпен 162 тонна ауыл шаруашылығы өнімдерін жеткізген. Жалпы құны 45 млн теңгеден асатын ауыл шаруашылығы өнімдері жалағаштықтарға нарықтан 10-15 пайыз төмен бағада ұсынылды.&nbsp; &nbsp;<img src="https://knadmin.beoblood.kz/uploads/fb1fc599_f02d_43fe_9341_526281372f86_f276579b16.jpeg" alt="fb1fc599-f02d-43fe-9341-526281372f86.jpeg">

Жәрмеңкеде 162 тонна ауыл шаруашылығы өнімі ұсынылды

<a href="https://kyzylorda-news.kz/ru/">Kyzylorda-news.kz</a>. Жалағаш индустриалды-аграрлық колледжінде жастарды жұмыспен қамту мәселесіне арналған іс-шара өтті. Іс-шараға аудан әкімінің орынбасары Жасұлан Еспенбет, аудандық кәсіпкерлік, өнеркәсіп және туризм бөлімінің бас маманы Бақытқали Демеуов, облыстық кәсіпкерлік палатасының аудандық филиалы директоры Самат Карипов, колледждің жұмыс беруші әлеуметтік серіктестері «МИРАЖ» шаруа қожалығының өкілі Төрехан Бақтыбаев, «Айнабаева» жеке кәсіпкерлігінің басшысы Салтанат Айнабаева, «Жалағаш электр тарату торабы» КРЭК басшысының орынбасары Жанболат Тәттібаев және т.б жұмыс беруші шаруа қожалық басшылары, колледж оқытушылары мен студенттері қатысты.&nbsp;Іс-шара жоспарына сәйкес қатысушылар алдымен колледждің материалдық-техикалық базасымен танысып, «Жас маман» жобасы бойынша алынған заманауи техникалар және құрал-жабдықтармен танысты.&nbsp;Оқу орнының Ғани Серікбаев бастаған басшылық құрамы механизатор және аспаз ісіне қатысты екі жоба дайындап, оны сәтті қорғап шығады. Олар аталған жобада Жалағаш ауданының аграрлық өңір екенін, онда дәл сол жылы 166 шаруашылық 29 мың гектар алқапқа күріш егетінін баяндап, жергілікті шаруашылықтарға тәжірибелі механизаторлар мен аспазшылар қажет екенін дәлелдеп шығады. Тыңғылықты дайындалған қос жоба қолдау тауып, Жалағаштағы аталған оқу орны 439 млн теңге грант жеңіп алды. Тиісті қаражатқа сатып алынған саладағы озық технологиялар мен аспаз ісіне қажетті заманауи апараттар, құрал-жабдықтар бүгінде мұндағы студенттер мен оқушылардың тәжірибе шыңдауына айтарлықтай қолғабыс болып отыр.&nbsp;Бұрын бұл технологиялар оқу орнына келмей тұрып, колледж түлектері үшін екі қолға бір күрек табу оңай соқпайтын. Себебі олар мұнда бұрыннан қалған көне техникалар мен құрал-жабдықтар арқылы тәжірибе шыңдаған. Ал болашақта бұл жұмыс жасайтын салаға озық технология келгені әлдеқашан. Сондықтан жергілікті шаруашылықтардың басым бөлігі ондағы мамандарды жұмысқа ала бермейтін еді. Алған жағдайда өздері тәжірибеден бір өткізетін. Қазір ше, бүгінде бәрі басқаша. Бұған соңғы жылдардағы колледж түлектерінің жұмысқа орналасу көрсеткіші толық дәлел.&nbsp; Өткен жылы оқу орнын 129 түлек бітірсе, бүгінде оның 82 пайызы өз мамандығы бойынша жұмысқа орналасқан. 9 бала мамандығын жетілдіру мақсатында ЖОО-да білімін жалғастырса, қалғаны Отан алдындағы борышын өтеп жатыр екен. Әрине бұл колледжге келген жаңа технологиялардың жемісі екеніне ешкімнің дауы жоқ. Себебі Ғани Серікбаев мұндағы балалардан білікті маман қалыптастыру үшін теориядан тәжірибеге басымдық беретінін айтады. Директордың бұл сөзінің растығына жоғарыдағы бір жылдың нәтижесі де дәлел екені анық. Тіпті әлгі бағдарламаның арқасында жыл сайын колледжбен меморандумға отырып, жас мамандарды жұмыспен қамтуды дәстүрге айналдырған жергілікті кәсіп-орындар мен шаруашылықтар қатары да көбейіп келеді екен. Олардың ішінде ауыл шаруашылығы саласында өзіндік қолтаңбасы бар аудандағы іргелі шаруашылықтардың бірі «Мираж» бен қоғамдық тамақтану саласында халық сұранысын қамтамасыз етуге қауһарлы «Айнабаева» ЖК бар. Әрине колледж дайындаған мамандарға басқа да жұмыс беруші тараптардан сұраныс жетерлік. Бірақ біз атап өткен қос кәсіпорын оқу орнының түлектерін жыл сайын жұмыспен қамтуды дәстүрге айналдырыпты. Тіпті «Мираж» шаруа қожалығының төрағасы Мейрамбек Бақтыбаев колледж студенттерінің базадағы заманауи техникалармен тәжірибе шыңдауы үшін шаруашылыққа тиесілі алқапты тегін береді екен. Тіпті жанармай жағынан да қарасқан күндер болыпты. Кешегі шарада аудан әкімінің орынбасары Жасұлан Еспенбет «Мираж» ШҚ төрағасы мен «Айнабаева» ЖК басшысына Оқу-ағарту министрінің арнайы алғыс хатын табыстады. Жұмыс беруші әлеуметтік серіктес мекемелер колледж үшін өзіндік үлкен орны бар ынтымақтастықтағы ұжым болып табылады.&nbsp;Қазақстан бойынша 800-ге жуық колледж болса, соның бірі – Жалағаш индустриалды-аграрлық колледжі. Аймақта «Жас маман» бағдарламасымен грант жеңіп алған 6 колледждің бірі де бірегейі осы оқу орны. 60 жылдан астам тарихы бар колледж бүгінде 281 балаға «Электрик», «Механизатор», «Аспаз ісі», «Құрылысшы» және «Дәнекерлеуші» мамандықтары бойынша білім беруде. Қарапайым жұмысшы мамандықтар тапшы болып отырған қазіргі қоғамда бұл колледждің орны ерекше. Колледж директоры Ғани Серікбаев жергілікті кәсіпорындар мен шаруашылықтар тарапынан бүгінде түлектерге сұраныс түсіп жатқанын айтады.&nbsp;<blockquote>«Қай шаруаның да өз маманы жасағаны дұрыс. Сонда ғана жұмыста сапа болады, бір жағынан еңбек өнімділігі де еселенеді. Қазір бізден түлеп ұшқан студенттерге жергілікті кәсіпорындар мен шаруашылықтардан сұраныс түсіп жатыр. Әсіресе кешегі бағдарламамен келген озық технологиялар колледж бітірушілерінің жұмыспен қамтылуына сеп болып отыр. Себебі оларға өз мамандығын игертуде теориядан практикаға басымдық беріледі. Біз бұл техникаларды жергілікті шаруашылықтарға жалға бере алмаймыз, бірақ жалданып олардың жұмысын бітіріп береміз. Осыған дейін заманауи техникаларымызбен бірқатар жергілікті шаруашылықтардың көктемгі және күзгі науқан тұсында жасалатын жұмыстарының барлығын жасап бердік. Оның барлығын осы колледж қабырғасындағы студенттер жасады. Демек біздің оқу орнын бітірген түлектер алдағы уақытта дайын маман болып шығады деген сөз. Жуырда жергілікті шаруашылықтардың біріне талдау жасадық. Әлгі шаруашылықта 70 механизатор жұмыс жасайды. Оның елуінің мамандығы мұғалім, заңгер, дәрігер, тіпті араларында психологтар да бар. Міне, біз осыдан-ақ қарапайым жұмысшы мамандықтардың қоғамда тапшы екенін аңғарамыз. Ал бұл түйткілді мәселені шешуге колледждің толық қауһары жетеді», – дейді оқу орнының басшысы Ғани Серікбаев. &nbsp;&nbsp;</blockquote>Іс-шарада Жалағаш индустриалды-аграрлық колледжінің директоры Ғани Серікбаев пен Жалағаш ауданы әкімінің орынбасары Жасұлан Еспенбет және жұмыс берушілер, «МИРАЖ» шаруа қожалығының төрағасы Мейрамбек Бақтыбаев және «Айнабаева» жеке кәсіпкерлігінің басшысы Салтанат Айнабаева арасында өзара әріптестік меморандумға қол қойылды. Дәл осы құжаттар аясында жергілікті кәсіпорын мен шаруашылық басшысы колледждің біршама түлегін жұмыспен қамти отырып, олардың еңбек қауіпсіздігін сақтай отырып, жұмыс жасауына жағдай жасайды.<img src="https://knadmin.beoblood.kz/uploads/315700585_1435662213628860_8716179783785534427_n_e996df72fe.jpg" alt="315700585_1435662213628860_8716179783785534427_n.jpg"><img src="https://knadmin.beoblood.kz/uploads/315885411_1436130083582073_5528757374573357417_n_9e5ee78cd8.jpg" alt="315885411_1436130083582073_5528757374573357417_n.jpg"><img src="https://knadmin.beoblood.kz/uploads/315828366_1436130163582065_7626385295405394277_n_4f5a7cf34e.jpg" alt="315828366_1436130163582065_7626385295405394277_n.jpg"> &nbsp;

Қазақстан және Қызылорда облысының жаңалықтары