<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлер өңірдегі IT саласындағы жас стартапшылармен кездесіп, бірге жұмыс істеуге келісті.
Шараны Қызылорда облысының кәсіпкерлер палатасы «Атамекеннің» 9 жылдығына орай ұйымдастырды.
Шараға Кәсіпкерлер палатасының директоры Пірмұхаммед Сыздықов, Өңірлік кеңес төрағасы Ерлан Раимов, қала әкімінің орынбасары Ақзира Қасымова, Қорқыт ата университетінің ректоры Бейбіткүл Кәрімова, «Ақсауле-Мед» клиникалар желісінің құрылтайшы Алмат Байнаев, Қоғамдық тамақтану қауымдастығының төрайымы Ақмарал Абдразақова, «Мансап» ЖШС құрылтайшысы Наталья Мишукова, кәсіпкер Ғани Ботабаев, «ПРЭКО» ЖШС құрылтайшысы Мәдина Төлепова, «Байқоңыр» әлеуметтік-кәсіпкерлік корпорациясы» акционерлік қоғамының басқарма төрағасының орынбасары Руслан Досмаханов пен өзге де кәсіпкерлер және жастар қатысты.
<blockquote>
 «2014 жылы Кәсіпкерлер палатасының бастамасымен Қорқыт ата атындағы Қызылорда университетімен ынтымақтастық туралы меморандумға қол қойған болатынбыз. Нәтижесінде университет базасында Студенттік бизнес-инкубатор ашылды. Осы жылдар ішінде Кәсіпкерлер палатасы бизнес-инкубатор жұмысын жүргізуде әдістемелік көмек көрсетіп келеді. Бұл кездесуді ұйымдастырудағы мақсатымыз – жастардың стартап жобаларын тәжірибелі кәсіпкерлерге таныстыру», – деді Кәсіпкерлер палатасының директоры Пірмұхаммед Сыздықов.
</blockquote>
Кездесуде кәсіпкерлер бизнесті жүргізудің қыр-сырын айтып, тәжірибелерімен бөлісті.
Атап айтқанда, «Ақсауле-Мед» клиникалар желісінің құрылтайшы Алмат Байнаев дәрігерліктен табысты кәсіпкерге қалай айналғанын, «РАИМ» ЖШС құрылтайшысы Ерлан Раимов кәсіпке икемі жастарға қолдау көрсетуге әзір екенін жеткізді.
Басқоуда жастар Айбек Әбекен білім саласындағы мобильді қосымшасымен, Бек Қази «game dev, мемлекет секторындағы инновациялар», Оралбек Абдуллаев мейрамханаларға арналған IT жобасымен таныстырды.
Жас стартапшылардың жобасы қатысушылар арасында қызу талқыланып, қолдауға ие болды.
Қоғамдық тамақтану қауымдастығының төрайымы Ақмарал Абдразақова мейрамханаларға арналған жобаны Кәсіпкерлер палатасының алаңында әріптестерімен бірге талқылауды ұсынды.
Ал «Байқоңыр» әлеуметтік-кәсіпкерлік корпорациясы» акционерлік қоғамының басқарма төрағасының орынбасары Руслан Досмаханов өңірде IT жобаларды қолдаудың маңыздылығына тоқталып, әлеуеті бар жобаларға қаржы іздестіруге ынталы екенін жеткізді.
Кездесу қорытындысымен, Кәсіпкерлер палатасы Студенттік бизнес-инкубатор мүшелеріне кәсіпкерлер, Палата мамандарының қатысуымен 15 лекция, 5 салалық кездесу өткізетін болып келісті. Сондай-ақ бизнес-инкубатор жетекшісі Жанарыс Түбекбаев алдағы уақытта өзге де бағыттар бойынша стартап жобалардың таныстырылуын өткізуге уағдаласты.
<img src="https://kyzylorda-news.kz/wp-content/uploads/2022/09/2eae901f-c57d-448a-a982-41a8c587e215.jpg" alt="" />
<img src="https://kyzylorda-news.kz/wp-content/uploads/2022/09/ac9969ef-2ebd-4493-a1c6-aebecadfc98b.jpg" alt="" />
<img src="https://kyzylorda-news.kz/wp-content/uploads/2022/09/imgl9838-scaled.jpg" alt="" />

Қызылордалық кәсіпкерлер жас стартапшылармен кездесті

**[Kyzylorda-news.kz.](https://kyzylorda-news.kz/)** **Қазгидромет алдағы үш күнге арналған ауа райы болжамын жариялады.** Қазақстанның солтүстік жартысына солтүстік-батыс суық антициклон әсер етеді. Республиканың батысында, солтүстік-батысында, шығысында, оңтүстік-шығысында атмосфералық фронтальды бөліктердің өтуімен жаңбыр жауады. Шығыстың таулы аудандарында, оңтүстік-шығыста түнде жаңбыр жаңбырдың соңы қарға ұласуы мүмкін. 14-15 қыркүйекте шығыста қатты жаңбыр жауады. Республика бойынша жел күшейеді. Түнгі уақытта солтүстікте, солтүстік-батыста, орталықта, 15 қыркүйекте шығыста, Қазақстанның оңтүстік-шығысындағы таулы аудандарда 3 градусқа дейін үсік күтіледі.

Алдағы күндері елдің шығысында қар жауады

<a href="https://kyzylorda-news.kz/">Kyzylorda-news.kz.</a>&nbsp;Президент Жолдауында көпшіліктің көкейінде жүрген және шұғыл шешімдерді талап ететін білім, ғылым және заманауи техника және технологиялар салаларындағы&nbsp; өзекті мәселелер бойынша нақты қадамдар жасалды. Бұл туралы Қорқыт ата атындағы Қызылорда университеті компьютерлік ғылымдар кафедрасының қауымдастырылған профессоры Әбділда Төрешбаев мәлімдеді.
Жоғары сынып оқушылырына жаратылыстану-математика циклы бойынша оқытуды жаңа сапалы деңгейге бағыттау – кезек күттірмейтін мәселе. &nbsp;Еліміздің экономикалық тұрғыда даму нысандарына бағыттау мақсатында кәсіптік-техникалық оқу орындарының кадрларын оқу-өндірістік тәжірибелерді сәйкесті өндіріс мекемелерінде өткізуді қамтамасыз ету баса көңіл бөлу қажет.
Президент жоғары білім беруді дамыту бағытында жаңа реформаларды жүзеге асыру қажеттілігіне ерекше тоқталды. Бұл бағытта Қорқыт ата атындағы Қызылода университеті көптеген шетелдік университет, ғылыми-зерттеу орталықтарымен тығыз байланыста екенін атап айтуға болады.
Жолдауда мемлекет басшысы университеттерде ғылымды дамыту аса маңызды басымдығымыз екеніне тоқталды. Ең алдымен жетекші ғалымдарымыздың ғылыми еңбегіне лайықты жалақы төлеу мәселесі туындайды. Бұл мәселені шешу мақсатында университет ғалымдарының ғылыми-зерттеу жобаларының сапалық және сандық көрсеткіштеріне басымдық беру көзделіп отыр. Осы бағытта ғылым саласын гранттық қаржыландыру мерзімін бес жылға дейін ұзарту туралы айтылған мәселе орынды деп ойлаймын.
<img src="https://kyzylorda-news.kz/wp-content/uploads/2022/09/ed4ad327-2e56-4ad9-9ede-ccf2107d2c40.jpg" alt="" />
Қорқыт ата атындағы Қызылорда университеті компьютерлік ғылымдар кафедрасының қауымдастырылған профессоры Әбділда Төрешбаев

Әбділда Төрешбаев: Жолдауда қоғамдағы өзекті мәселелер айтылды

<a href="https://kyzylorda-news.kz/">Kyzylorda-news.kz.</a> Қазалы ауданының орталығы Әйтеке би кенті мен елді мекендерді газдандыру жұмыстары қарқынды жүргізілуде.
Биылдың өзінде Қазалы қаласы көгілдір отынға қосылып, тұрғындар табиғи газдың игілігін көруде. 
Қазіргі таңда аудан орталығына жақын орналасқан Жалаңтөс батыр, Қ.Пірімов, Басықара ауылдарына табиғи газ тарту жұмыстары аяқталуға жақын. Жақын күндері 3 елді мекеннің халқы табиғи газды тұтынатын болады.
Бұл бағыттағы жұмыстар мұнымен тоқтап қалған жоқ. Бүгінгі күні Абай ауылын газдандыру үшін жоба-сметалық құжаттары дайындалып жатыр. Ол үшін аудандық бюджеттен 10,2 млн теңге қаржы бөлінді.
Жобалаушы «Бірлестік» ЖШС Абай ауылын газдандыру үшін жоба-сметалық құжаттарын әзірлеп, сараптамадан өткізетін болады.
Сонымен қатар, «Бірлестік» ЖШС демеушілік есебінен «Ақтан батыр ауылының орамішілік газ құбырын салу» жобасын дайындауда.
Жобалаушы мекеме тарапынан жоба-сметалық құжаттар әзірленіп, сараптамадан өткізілгеннен кейін құрылысын қаржыландыруға ұсынылатын болады.
<img src="https://kyzylorda-news.kz/wp-content/uploads/2022/01/gaz.jpg" alt="" />

Қазалы: Абай ауылына көгілдір отын жеткізіледі

<a href="https://kyzylorda-news.kz/">Kyzylorda-news.kz.</a> Бүгін әлеуметтік-экономикалық және еңбек құқықтарын қорғау жұмыстарын жандандыру мақсатында Қызылорда облыстық аумақтық кәсіподақтар орталығының төрағасы, облыстық мәслихат депутаты Мақсұт Нәлібаев пен облыстық ұйым төрағасы, облыстық мәслихат депутаты Гүлнар Есқалиева қаладағы Е.Әуелбеков атындағы №4 облыстық мамандандырылған мектеп-лицей-интернатының бастауыш кәсіподақ ұйымымен кездесті.
Кездесу барысында ұжымның еңбек қауіпсіздігі əлеуметтік жағдайымен танысып, қолданыстағы еңбек заңнамаларына өзгерістер мен толықтырулар, кəсіподақ қозғалысын дамыту жөніндегі мəселелері талқыланып, ұсыныс-пікірлер тыңдалды.
<blockquote>
 «Бүгінгі таңда облыстық ұйым мен білім басқармасы сала өкілдерінің еңбек қатынастарын реттеуге байланысты, мүдделерді бір арнаға тоғыстырудың тиімді тәжірибесін жүргізіп отыр. Нәтижесінде мүшеліктегі барлық қызметкерлер ұжымдық шарттар арқылы қосымша кепілдіктермен қамтылып келеді», – деді комитет төрағасы Гүлнар Бабабекқызы.
</blockquote>
Кездесу аяғында сала қызметкерлеріне ұлт болашағын қалыптастырудағы қажырлы еңбегі үшін білім қызметкерлері кәсіподағының Құрмет грамоталары мен сыйлықтар табыс етілді.
<img src="https://kyzylorda-news.kz/wp-content/uploads/2022/09/306122950_1397748944385815_6377572213064793339_n.jpg" alt="" />

Қызылордада 100 үздік мектеп қатарындағы ұйыммен кездесу өтті

<a href="https://kyzylorda-news.kz/">Kyzylorda-news.kz.</a> Қызылорда облысының аграрлық саласы ел экономикасының дамуына өзіндік үлесін қосып келеді.
Ауыл шаруашылығында бәсекеге қабілетті өнім өндіре отырып, азық-түлік қауіпсіздігін қамтамасыз ету мәселесі жолға қойылған.
Жалпы, биылғы жылы 188,5 мың гектар жерге ауыл шаруашылығы дақылдары орналастырылса, оның ішінде дәнді дақылдар – 91,7 мың гектарды, майлы дақылдар – 5,9 мың гектарды, мал азықтық дақылдар – 71,3 мың гектарды, картоп, көкөніс, бақша – 19,6 мың гектарды, негізгі дақыл күріштің көлемі 78,6 мың гектарды құрады.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілді. Қазіргі таңда Сыр елінде күрішке орақ салынып, егін жинау науқаны қарқынды жүруде.
Қазіргі таңда, облыста 228,4 мың тонна картоп, көкөніс, бақша және 20,6 мың тонна ет, 50,2 мың тонна сүт өндіріліп отыр.
Мал шаруашылығын дамыту бойынша жүйелі жұмыстар жолға қойылып, нәтижесінде, өткен жылмен салыстырғанда мүйізді ірі қара мал басы – 8,9% ға, қой мен ешкі -5,8%-ға, жылқы – 17,2%-ға, түйе – 7,1%, құс – 2,8%-ға көбейген.
Бүгінде Сыр елінің ауыл шаруашылығы өнімдері әлемнің 20 мемлекетіне экспортталуда.
Экспортталған өнімнің 91,8 пайызы облыстың негізгі дақылы – күріш өнімі болса, бұл өнімдер Ресей, Беларусь, Қырғызстан, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак мемлекеттеріне жөнелтілуде.
<img src="https://kyzylorda-news.kz/wp-content/uploads/2022/09/305889080_3248182228788339_5424506927878959385_n.jpg" alt="" />
<img src="https://kyzylorda-news.kz/wp-content/uploads/2022/09/305938419_3248182232121672_3401863605118821014_n.jpg" alt="" />
<img src="https://kyzylorda-news.kz/wp-content/uploads/2022/09/305844635_3248182302121665_8012502208245960493_n.jpg" alt="" />

Қызылордада ауыл шаруашылығы саласы қарқынды дамып келеді

<a href="https://kyzylorda-news.kz/">Kyzylorda-news.kz.</a>&nbsp;«Тазалық – саулық негізі, саулық – байлық негізі» демекші, қоршаған ортаның тазалығына жауапкершілікпен қарау – әрбір азаматтың басты міндеті.
Әрбір азамат өзінің жұтып отырған ауасына, ішіп отырған суына құрмет көрсетіп, тазалықты басты назарда ұстауы қажет.
Осы орайда, Шиелі ауданы бойынша 10 қыркүйек күні жаппай санитарлық тазалық жұмыстары жүргізілді. Аудан орталығын, елді мекендердің айналасын тазалау, қоқыстан арылту, шөптерді шауып, белгіленген орындарға шығару, арықтарды күл-қоқыстардан арылту, әктеу, сырлау жұмыстары жандандырылды.
Аудандағы барлық еңбек ұжымдары, мекемелер мен ұйымдар, жеке кәсіпкерлер, қоғамның белсенді азаматтары мен жастар және тұрғын үй иелері көше тазалығын өз ауласынан бастап, туған жерінің көркеюіне өзіндік үлестерін қосуда.
Бұл бағытта аудан тұрғындарына, халық көп шоғырланатын жерлерде тазалыққа үндейтін үнпарақтар таратылып, қосымша түсіндірме жұмыстары жүргізілуде.
«Жұмыла көтерген жүк жеңіл» демекші, ауданның көрікті болуын қалайтын әр адам бұл іске үлес қосуы тиіс. Қоғам тазалығын сақтау – бүгінгі күннің басты талабы және баршамызға ортақ іс.
<img src="https://kyzylorda-news.kz/wp-content/uploads/2022/09/306773772_1392833551247100_2577758802484966205_n.jpg" alt="" />

Шиеліде жаппай санитарлық тазалық жұмыстары жүргізілді

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданы Әйтеке би кентіндегі оңтүстік шығыс аумағындағы тұрғындардың ұйымдастыруымен «Әділетті аудан. Біртұтас жұрт. Берекелі ауыл» тақырыбымен ауқымды шара ұйымдастырылды.
Мазмұны мол шарада аудан әкімі Мұхтар Оразбаев құттықтау сөз сөйлеп, игілікті іске ұйытқы болған азаматтарға алғысын айтты.
Сонымен қатар, шараны жоғары деңгейде өтуіне атсалысқан жандарды «Алғыс хатпен» марапаттады.
Ауыл ақсақалы Қарсақбай Әбдірахман да құттықтау сөз сөйлеп, оңтүстік шығыс аумақта тұратын тұрғындардың үндеуін оқып берді. Ол өз үндеуінде «Жеңіс» саябағынан спорт кешенін салу, спорт кешеніне Кеңес одағының батыры, армия генералы Сағадат Нұрмағамбетовтың есімін беру, Қ.Сәтбаев көшесіндегі балалар алаңы кеңейту сияқты мәселелердің шешімін тапса деген көпшіліктің тілегін білдірді. Ал, Жанқожа батыр атындағы мешіттің бас имамы Берік қажы Сүлейменов дүниеден өткен марқұмдардың рухына құран бағыштады. Ауыл азаматтарының ұйымдастыруымен Қаныш Сәтбаев пен Әбубәкір Тыныбаев көшелерінің қиылысында ақшаңқан киіз үйлер тігіліп, алтыбақан құрылды.
Бұл шараға арнайы келген барлық балалар үшін батуттар қойылып, тәттілер тегін таратылды. Одан бөлек, шараға ұлттық киімдер киіп келген балақайларға да сыйлықтар үлестірілді. Сонымен қатар, балғын балуандар белдесіп, 15 жасқа дейінгі жасөспірімдер салмағы 30 келі болатын марқа қозыны көтеріп сайысты.
Жеңімпаздар мен жүлдегерге ұйымдастырушылардың тарапынан бағалы сыйлықтар табыс етілді. 
Ересектер арасында спорттық сайыстар ұйымдастырылып, қой көтеру мен арқан тартыстан жеңімпаз атанғандар ақшалай сыйлықтармен марапатталды.
Шара аясында Қаныш Сәтбаев пен Әбубәкір Тыныбаев көшелерінің қиылысынан бұлақ ашылды. Игілікті іске аудан әкімі Мұхтар Оразбаев оң болсын айтып, салтанатты түрде бұлақты іске қосты.
Алдағы уақытта тұрғындар осы бұлақтың көмегімен гүлдер мен түрлі көшеттер егіп, гүлзар бағын ашуды жоспарлап отыр.
<img src="https://kyzylorda-news.kz/wp-content/uploads/2022/09/305561764_3451772681710321_2109891104669937861_n.jpg" alt="" />
<img src="https://kyzylorda-news.kz/wp-content/uploads/2022/09/306319917_3451771308377125_5526145402813477047_n.jpg" alt="" />
<img src="https://kyzylorda-news.kz/wp-content/uploads/2022/09/305663008_3451772941710295_4687039431210692284_n.jpg" alt="" />
<img src="https://kyzylorda-news.kz/wp-content/uploads/2022/09/305620389_3451772965043626_7595932561892890854_n.jpg" alt="" />

Қазалылықтар «Әділетті аудан. Біртұтас жұрт. Берекелі ауыл» шарасын ұйымдастырды

<a href="https://kyzylorda-news.kz/">Kyzylorda-news.kz.</a> Өзбекстан Республикасының Наманган қаласында 8-11 қыркүйек күндері аралығында өткен ересектер арасындағы белбеу күресіне қатысушы Жандос Әбубәкіров әлем чемпионы атанды.
Жандос Шәкенұлы 57 келі салмақта бақ сынасқан болатын.
Чемпионды жерлестері Қазақстан темір жолының Шиелі филиалында салтанатты түрде қарсы алды.
Туған жеріне оралған чемпион Жандос Әбубәкіров бапкеріне, жерлестеріне ризашылығын білдіріп, Шиеліден данқты спортшылар шығуына тілектес болып, алдағы уақытта бұдан да зор жетістіктерге ұмтылатынын жеткізді.
Сонымен қатар белбеу күресінен әлем чемпионын аудан әкімі Нұржан Ахатов қабылдады.
Әлем біріншілігінде көк туымызды желбіретіп, әнұранымызды әуелеткен Жандосты аудан әкімі жеңісімен құттықтап, алғыс хатпен марапаттап, ыстық ықыласын білдірді.
Өз кезегінде Жандос Әбубәкіров та аудан әкіміне алғысын айтып, алдағы уақытта бұдан да зор жетістіктерге ұмтылатынын жеткізді.
Айта кетейік, Жандос Әбубәкіров белбеу күресі бойынша Қызылорда облысынан шыққан тұнғыш әлем чемпионы. Ол осы уақытқа дейін ересектер және жастар арасында Қазақстан біріншілігінің чемпионы, белбеу күресінен жастар арасындағы әлем чемпионы, Халықаралық дәрежедегі спорт шебері атанған.
<img src="https://kyzylorda-news.kz/wp-content/uploads/2022/09/306329654_1392809854582803_9177514168971479292_n.jpg" alt="" />
<img src="https://kyzylorda-news.kz/wp-content/uploads/2022/09/305997601_1392896164574172_5467772077713421641_n.jpg" alt="" />
<img src="https://kyzylorda-news.kz/wp-content/uploads/2022/09/306227954_1392896421240813_3468882220442181294_n.jpg" alt="" />

Шиелі ауданының тұрғындары әлем чемпионын күтіп алды

Қазақ киносы күніне орай Kinoplexx билет құнын 300 теңгеге түсіріп сатуда

Kyzylorda-news.kz. Қызылорда облысы әкімінің тапсырмасына және Қызылорда облыстық полиция департаментінің нұсқауына сәйкес, қылмыс пен жол-көлік оқиғаларының алдын алу мақсатында биылғы жылдың 10-11қыркүйек күндері Жалағаш ауданы көлемінде қауіпсіздік деңгейін арттыру бағытында жұмыстар жүргізілді.
Атқарылған жұмыстардың қатарында қылмыстардың алдын алумен террористік және экстремистік сипаттағы өзге құқыққа қайшы әрекеттерді уақытылы ескерту, олардың жолын кесу, қоғамдық тәртіпті сақтау, жол қауіпсіздігінің алдын алу жұмыстары да бар.
Аудан бойынша полиция бөлімінен 40 қызметкер, атап айтқанда Жалағаш кентіне 26 қызметкер, 6 автокөлік, елді мекенге 14 қызметкер, 7 автокөлік бөлініп, жұмыс жасады.
Аудан көлемінде сенбі, жексенбі күндері қылмыстық оқиғалар орын алған жоқ. Екі күнде атқарылған жұмыстың нәтижесінде қоғамдық қауіпсіздік саласы бойынша 46 әкімшілік хаттама рәсімделсе, жол қауіпсіздік саласы бойынша 118 әкімшілік хаттама рәсімделді. Айып алаңға 13 автокөлік қамалды. Бұл бағыттағы жұмыстар қатаң бақылауға алынып, алдағы уақытта өз жалғасын табатын болады.
Қызмет атқару барысында сыбайлас жемқорлыққа, келеңсіз жағдайлар мен төтенше жағдайларға жол берілген жоқ.
<img src="https://kyzylorda-news.kz/wp-content/uploads/2022/09/fb_img_1662951048427.jpg" alt="" />

Жалағашта екі күнде 210 әкімшілік хаттама рәсімделді

Kyzylorda-news.kz. Күрішті, ырысты Сыр елінде ырзық-несібе толысты. Қызылорда облысының диқандары ел байтағы – Нұр-Сұлтан қаласында екі күндік жәрмеңке өткізді. Қызылорда өңірінің молшылық сыйын елордалықтар үлкен ықыласпен қабыл алды.
Сыр бойынан әкелінген 500 тоннадан астам өнім нарықтан 15-20% төмен бағамен халыққа ұсынылды. Жәрмеңкеде ауыл шаруашылығы өнімдерінің көрмесі ұйымдастырылды. Сонымен қатар, сырбойылық өнерпаздардың қатысуымен мерекелік концерт өтті.
Бұдан бөлек, облыс тарапынан қайырымдылық қоры аясында жағдайы төмен отбасыларға азық-түлік себеттері таратылды.
Жәрмеңкеге келген елордалықтар дән риза.
<img src="https://kyzylorda-news.kz/wp-content/uploads/2022/09/fb_img_1662950262768.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662950276527.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662950287569.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662950279378.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662950268736.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662950265649.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662950273954.jpg" alt="" />

Қазақстан және Қызылорда облысының жаңалықтары