<a href="https://kyzylorda-news.kz/">Kyzylorda-news.kz.</a> Облыстық референдум комиссиясы&nbsp; республикалық референдумға дайындық және оны өткізудің құқықтық аспектілері тақырыбында оқыту семинарын өткізді.
Іс-шара Арал, Қазалы, Қармақшы аудандарында ұйымдастырылды. Жиналғандар&nbsp; ағымдағы жылғы 5 маусымға тағайындалған республикалық референдум туралы, «Қазақстан Республикасының Конституциясына өзгерістер мен толықтырулар енгізу туралы» заң жобасы, респуб­ли­калық референдумды дайындау мен өткізу, қаржыландыру, үгіт, элек­тораттық оқытуды ұйым­дас­тыру, дауыс беруді байқау про­цесінің ерекшеліктері, сон­дай-ақ референдум туралы заң­наманы бұзғаны үшін жауап­кер­шілік мәселелері бойынша ойларын ортаға салды.
&nbsp;«Республикалық референдум өткізудің кейбір ерекшеліктері туралы» 
облыстық референдум комиссиясының төрағасы Ғалым Баймырзаев, «Референдум комиссияларының қызметін құжаттамалық қамтамасыз етудің ережелері мен есеп берудің тәртібі туралы» облыстық референдум комиссиясы төрағасының орынбасары Болат Накипов, «Референдумға қатысушылардың құқықтық жауапкершілігі туралы» Қармақшы ауданы прокурорының орынбасары Әнуар Муратов&nbsp; хабарлама жасады.
Семинар соңында Облыстық референдум комиссиясының және уәкілетті мемлекеттік ор­ган­дардың өкілдері семинарға қаты­сушылардың сұрақтарына толыққанды жауап берді.

Референдум комиссиясы   референдум өткізудің ерекшеліктері туралы оқыту семинарын өткізіп жатыр

<a href="https://kyzylorda-news.kz/">Kyzylorda-news.kz.</a>&nbsp; ҚР Парламенті Сенатының депутаттары Мұрат Мұхамедов және Ақмарал Әлназарова Жалағаш ауданындағы Бұқарбай батыр ауылының тұрғындарымен кездесіп, жалпыхалықтық референдум туралы оның ішінде Конституцияға енгізілетін өзгерістер және күтілетін нәтижелері туралы кеңінен түсіндіріп, ауыл тұрғындарының пікірлерін тыңдады.
Жалпыхалықтық референдумның маңыздылығы аясында болған кездесуге партияның аймақтық филиалы жанындағы қоғамдық штаб төрағасы Ләйлә Төрешова партияның аумақтық филиалы жанындағы штаб төрағасы Қаншагүл Мұстафаева, штаб мүшелері Қабылбек Нұрмағанбетов, Шағыртаев Имамзада, Ахметжамиев Асхат қатысты.
<img src="https://kyzylorda-news.kz/wp-content/uploads/2022/05/282752738_898735381526337_1649263820917428141_n.jpg" alt="" />
<img src="https://kyzylorda-news.kz/wp-content/uploads/2022/05/282563418_898735374859671_7458635344538953326_n.jpg" alt="" />

Сенаторлар ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Ішкі істер министрлігінің өкілі Шұғыла Тұрлыбек әлеуметтік желіде тараған видеоға байланысты түсінік берді.
<blockquote>
 «Электрондық төлқұжат әлемнің көптеген елінде енгізілген. Қазақстанда төлқұжаттар мен микросхемасы бар жеке куәліктер 2009 жылдан бастап шығарылады. Ондағы чип азамат туралы жеке деректерді сақтауға арналған және жеке тұлғаны анықтауға мүмкіндік береді. Чипі бар төлқұжат Қазақстан азаматтарының электронды жүйелері арқылы шекара бекетінен өтуін және паспорт-визалық бақылауды жеңілдету үшін енгізілген», – деді ІІМ өкілі арнайы баспасөз мәслихатында.
</blockquote>
Ведомство өкілінің айтуынша, төлқұжаттағы чип азамат шекарадан өткен кезде ғана арнайы құрылғының көмегімен тексеріледі.

Министрлік төлқұжатқа неліктен чип қойылатынын түсіндірді

<a href="https://kyzylorda-news.kz/">Kyzylorda-news.kz.</a> Гаджеттерге алаяқтық шабуылдар күн сайын жасалып тұрады. Тек 2021 жылдың бірінші жартыжылдығында, «Касперский зертханасының» деректері бойынша, Қазақстанда фишингтік сайттарға 890 мыңнан астам және түрлі акциялар мен конкурстар жүргізілетін алаяқтық ресурстарға 335 мыңнан астам кіру әрекеттері бұғатталды. Біздің еліміздің пошта трафигіндегі спамның үлесі 49%-ды құрады. Сондай-ақ алаяқтар пайдаланушылардың есептік деректерін және телефондардан басқа да жеке ақпаратты ұрлауға маманданған зиянды трояндарды белсенді түрде таратқан.
Өзіңізді және телефоныңызда сақталған құпия ақпаратты қалай қорғауға болатынын Fingramota.kz айтып береді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Алаяқтар қандай деректерді алғысы келеді
Сіздің картаңыздың немесе шотыңыздың нөмірін және сіздің атыңызды, тегіңізді, ЖСН білу, алаяқтардың шоттан ақша алуына жеткіліксіз. Бұл үшін оларға картаның толық деректемелері қажет: жарамдылық мерзімі және қауіпсіздік коды, мысалы, VISA карталарына арналған CVV кодынемесе MasterCard карталары үшін CVC-код. Сондай-ақ олар сіздің телефоныңызға SMS, логин, онлайн-банкингтен пароль, мобильді банктік қосымшадағы жеке кабинеттер түрінде келіп түсетін банктің кодтары мен хабарламаларын білуі қажет. Сонда ғана олар сіздің шотыңыз бойынша кез келген операцияларды кедергісіз орындауға мүмкіндік беретін барлық төлем ақпаратына ие болады.
Әлеуметтік инженерия мен фишингті қолдана отырып, алаяқтар сіздің гаджеттеріңізге, атап айтқанда ұялы телефонға қашықтан қол жеткізу және осылайша құпия ақпаратты ұрлау мақсатында конфиденциалды деректерді білуге тырысады.
Егер сіз алаяқтарға бұл ақпаратты өзіңіз берсеңіз, онда бұл тек сіздің кінәңіз болады. Бұл жағдайда банк ұрланған ақша қаражаты үшін жауап бермейді және өтемейді.
&nbsp;&nbsp;&nbsp;&nbsp; Гаджетіңізді кибершабуылдардан қалай қорғау керек
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Әрине, ешкім де маңызды қаржылық ақпаратты алаяқтарға өз еркімен бергісі келмейді. Онда қаскөйлер түрлі бағдарламалық қамтылымдарды&nbsp; (БҚ) пайдаланады. Мысалы, трояндарды іске қосады,&nbsp; трояндар – рұқсат берілген БҚ түрінде бүркемеленген зиянкес бағдарлама. Олар пайдаланушылардың жүйелеріне рұқсатсыз қол жеткізуге көмектеседі және қажетті қаражатты ұрлайды. Көп жағдайда трояндар мобильді қосымшалар мен мессенджерлерге шабуыл жасайды, себебі адамдар үнемі өз телефонын банктік қосымшалар орнатылған, парольдер мен басқа да маңызды ақпараттар сақталатын сенімді құрылғы ретінде қолданады. Сонда-ақ, шабуылдар кезінде электрондық хаттар, SMS немесе MMS қолданылады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;Мұндай шабуылдардан қорғану үшін тексерілген вирусқа қарсы бағдарламаларды пайдалану қажет. Оларды өзіңіз қолданатын барлық құрылғыларға орнатып алыңыз, және оларды жиі-жиі жаңартып отыруды ұмытпаңыз, себебі алаяқтар үнемі БҚ мен қосымшалардағы кемшіліктер мен осалдықтарды іздеп отырады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сіздің поштаңызға келетін сілтемелерге назар аударыңыз, егер де домен күдік туғызатын болса, сілтемені ашпаңыз, бұл жерде бұзып кіру қауіпі бар. Спамдарды бұғаттаңыз және оны корзинаға жөнелтіңіз.&nbsp; Операциялық жүйені жаңартып отырыңыз және барлық қосымшаларға, пошта жәшіктеріне, әлеуметтік желілердегі аккаунттарға сенімді және әртүрлі құпия сөздерді орнатыңыз. Қосымшалардың және басқа да маңызды сервистердің&nbsp; парольдерін/кіру кодтарын телефонда сақтамаңыз. Құрылғының жадында&nbsp;&nbsp; электрондық цифрлық қолтаңбаның (ЭЦҚ) кілтін сақтамаңыз. Құрылғылардың жадында банк карталарының фотосуреттерін, сондай-ақ парольдің жазылуы мен дербес/құпия деректердің ұрлануына әкелуі мүмкін басқа да ақпаратты бейнелейтін фотосуреттерді сақтамаңыз және мессенджерлерде жібермеңіз.
&nbsp;&nbsp;&nbsp;&nbsp;&nbsp;&nbsp;&nbsp; Тексерілген ақпарат көздеріне ғана сеніңіз …
Айфон иелері қосымшаларды AppStore-ден ғана, ал Android базасындағы телефондар – Google Play-ден алуға қажет. Қосымшаны жүктемес бұрын пайдаланушылардың түсіндірмелерімен мұқият танысыңыз және әзірлеушілердің қосымшаны кезеңмен жаңартып отыруына (ресми дүкендерде міндетті тәртіппен соңғы жаңартулардың күні көрсетілген) көз жеткізіңіз. Уақыт өткен сайын орнатылған қосымшалардың тізімін тексеріңіз. Керек емесін, егер оларды жиі пайдаланбасаңыз, әсіресе, егер олар ресми дереккөздеріне болмаса және соңғы рет қашан жаңартылған белгісіз болса алып тастаңыз. Сіз құрылғынызды бұзу әрекетіне осылайша жол бермейсіз. Банк картасын қосымшалардың ақылы сервистарына байланыстырмаңыз.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; …және белгісіз адамдарға сенбеңіз
Сіз зиянды бағдарламалар ғана қауіп төндірмейтіндігін түсінуге тиіссіз. Алаяқтар сіздің ақшаңызды алу және гаджетіңізді басқару үшін қашықтан қолжетімділіктің жария бағдарламаларын жиі пайдаланады. Осы бағдарламалардың көмегімен қылмыскерлер мыналарды: банктен келетін пароль мен кодтары бар SMS-ты оқи алады, сіздің мобильдік&nbsp; банктік қосымшаға кіре алады, сіздің атыңыздан ақша аударады немесе кредит алады. Мұның бәрі, егер сіз өзіңіздің мобильді телефонға «шпиондық» қосымшаны көшіріп алған болсаңыз іске асады. Сондықтан сізден түрлі себептер бойынша қандай да бір бағдарламаны немесе қосымшаны көшіріп алуды сұрайтын адамдарға сенудің қажеті жоқ. Мысалы, сізге телефонға банктің немесе өзге де қаржы ұйымдарының қызметкерлері болып қоңырау шалады және сіздің шотыңызға алаяқтық шабуылдарға байланысты қосымшаны көшіріп алуды сұрайды.
Конфиденциалдылық теңшеуін мұқият бақылаңыз
&nbsp;Қосымшалар орнатқан жағдайда, бағдарламаға деректерді бақылауға, геолокацияға және байланыс телефондар тізіміне кіруге рұқсат беру-бермеу керектігін ойланыңыз. Мұны қажет болған жағдайда ғана жасауға болады, мысалы: такси қосымшасына сіздің орналасқан жеріңізді білуге немесе коллаж жасау үшін галереяңызға кіруге мүмкіндік беріңіз. Егер талаптардан күдіктенсеңіз, бас тартуға және басқа, неғұрлым сенімді қосымшаны таңдауға құқығыңыз бар. Пайдаланушы келісімін жаңартқан кезде онымен мұқият танысып, барлық шарттарды зерделеуді ұсынамыз.
Қосымшаларыңызға бірдей парольдер қоймаңыз
Пароль қою кезінде ол кемінде сегіз таңбадан тұруы керек екенін ұмытпаңыз: цифрлар, бас әріптер және басқа да белгілер. Танымал сөздерді, туған-туыстар мен достардың туған күнін, аты-жөндерін пайдалану ұсынылмайды. Әрбір аккаунтқа немесе қосымшаға әртүрлі парольдер қоюға ерінбеңіз. Телефон сізге парольді автоматты түрде сақтауды ұсына ма? Бас тартыңыз. Әр уақытта парольді қайта енгізуге тырысыңыз. Екі факторлы бірдейлендіруді теңшеңіз, содан кейін жүйе SMS-хабарлама немесе электрондық мекенжайға хабарлама түрінде дереу келетін кодты растауды сұрайды.
Телефонды жоғалтып алған жағдайда деректердің қауіпсіздігін қалай сақтау қажет?
Байланыссыз төлем жасау үшін гаджеттерін пайдаланатын телефон иелеріне екі есе мұқият болу қажет. Телефонды жоғалтып алуға болады немесе оны ұрлап кетуі мүмкін. Осындай ықтималдылықты ескере отырып, бұл туралы алдын ала ойланып, смартфон қаскөйлердің қолына түскен жағдайда өзіңізді қауіптен сақтау қажет.
Ұялы телефоныңызды жоғалтқан жағдайда не істеу қажет?
<ol>
<li>Бұғаттауды пайдаланыңыз</li>
</ol>
Телефонның теңшеулерінде экранның автоматты бұғатталуын қосыңыз, саусақ ізінің немесе Face ID көмегі арқылы биометрикалық құпиясөзді қолданыңыз.
<ul>
<li>Қадағалау теңшеуін орнатыңыз</li>
</ul>
Құрылғының орналасқан орнын қашықтан қадағалауға мүмкіндік беретін бағдарламаны пайдаланыңыз. Телефоныңызды жоғалтып алған жағдайда сіз өзіңіздің гаджетіңіздің қай жерде екенін қадағалап, оған қосылып, өзіңіздің барлық деректеріңізді өшіре аласыз.
Мысалы, Android базасындағы құрылғыларда Google Find My Device&nbsp; телефонды іздеу функциясы бар, Samsung девайстарында – Samsung Find My Mobile ұқсас опциясы, iOS алаңында – Find My iPhone опциясы бар. Оларды гаджеттің теңшеуінде міндетті түрде алдын ала іске қосыңыз.
<ul>
<li>Резервтік көшірмелер жасаңыз</li>
</ul>
Міндетті түрде деректеріңіздің резервтік көшірмелерін жасаңыз. Бұл опция теңшеу конфигурациясын, барлық қосымшаларды және жеке ақпаратты сақтау үшін ойлап табылған. Берілген функция жоғалған құрылғыдан деректерді қалпына келтіруге және оларды жаңа құрылғыға көшіруге көмектеседі.
Егер сіздің телефоныңыз ұрланған болса, қандай әрекеттер жасау керек?
&nbsp;&nbsp; Сіздің банктік картаңызға тікелей байланысты нөмірі бар телефон жоғалған жағдайда, сізге қызмет көрсететін банкке шұғыл түрде хабарласуға кеңес береміз.Барлық карталарды бұғаттауды сұраңыз. Оларды кейін қайта шығаруға тура келеді. Басқа құрылғылардан пошта жәшіктеріне, әлеуметтік желілердегі аккаунттарға құпия сөздерді шұғыл түрде өзгертіңіз.
&nbsp;Егер сіз телефоныңыз ұрланғанына сенімді болсаңыз, ұрлық туралы құқық қорғау органдарына өтініш жазуды ұсынамыз, тіркелген көшірмені өзіңізде сақтаңыз.Сіздің шотыңыз бойынша операциялар соңғы рет қашан жасалғанын банктен нақтылаңыз.Егер алаяқтар сіздің картаңыздан қаражат алып үлгерсе, онда банкке өтініш жазып, ішкі тергеу жүргізуді сұраңыз.Сіз барлық сақтық шараларын сақтадыңыз деп талап етіңіз. Осы өтінішке телефонды ұрлау туралы өтініштің көшірмесін қоса беріңіз.
Кредиттік тарихыңызды міндетті түрде кредиттік бюродан сұраңыз, Қазақстанда олар екеу: Мемлекеттік кредиттік бюро және Бірінші кредиттік бюро, сондай-ақ портал арқылы egov.kz немесе тұрғылықты жері бойынша ХҚКО.Мұны жасау қажет, өйткені қаскүнемдер сіздің атыңызға кредит алуға тырысуы мүмкін. Fingramota.kz бұл жағдайда не істеу керектігі туралы жазған.
Мұндай жағдайларды болдырмауға тырысыңыз, ең жақсы шара – алдын-алу шарасы, телефонды, құпия деректеріңізді сақтаңыз және қаржылық сауаттылығыңызды Fingramota.kz!-пен арттырыңыз!Бізге әлеуметтік желілерде жазылыңыз!

Телефоныңызды қаржы алаяқтарынан қалай қорғауға болады?

<a href="https://kyzylorda-news.kz/">Kyzylorda-news.kz.</a> Қаржы пирамидаларының құрбаны болған азаматтар қаржылық алаяқтардың әрекеттерінен қайтадан зардап шегуі мүмкін. Интернет-алаяқтықтың жаңа түрі пайда болды, оның мәні – қаражатын түрлі қаржы пирамидаларына салған азаматтарға ақшаны қайтарып алуға көмек көрсету, – деп хабарлайды Fingramota.kz.
Атап айтқанда, алаяқтар қаражатты қайтарып алу бойынша қызмет ұсынады, кейде сомалары қаржы пирамидасына салынған ақшадан артық болады. Қаскүнемдер «аса жоғары өтемақы сомасын төлеуді» «заңгерлердің ақысы», «салық» төлеу және басқа да «міндетті төлемдермен» түсіндіреді.&nbsp;
Нәтижесінде азаматтар қаржы пирамидасына салған қаражаттан бірнеше есе артық қаражат жоғалтады әрі тиісінше ешқандай өтемақыға ие болмайды.
Ресей Федерациясының Салымшылар мен акционерлердің құқықтарын қорғау жөніндегі федералды қоғамдық-мемлекеттік қоры осыған ұқсас сызбаны анықтады. Қор сайтын (<a href="https://fedfond.ru/">https://fedfond.ru/</a>) толығымен көшіріп алған жалған Азия салымшылар мен акционерлердің құқықтарын қорғау жөніндегі қор алаяқтардың сайтында (<a href="https://fedfond.com/">https://fedfond.com/</a>) Қордың атынан «QuestraWorld» және «AssetManagement» қаржы пирамидаларының қызметінен «өтемақы» алу мүмкіндігі туралы ақпарат орналастырылған.
Бұл ретте Қор тізілімінде аталған компаниялар жоқ және оларды болашақта да енгізуге болмайды, өйткені тізілімге Ресей Федерациясының аумағында ғана әрекет еткен ұйымдар енгізіледі. Өтемақыларды да қор РФ азаматтарына ғана төлейді.&nbsp;
Осыған байланыстықаржы пирамидаларының әрекетінен зардап шеккен Қазақстан Республикасының азаматтарына өтемақы төлеу мүмкіндігі туралы бүкіл ақпарат дәйексіз болып табылады.
Егер сіз Ресей Федерациясының Салымшылар мен акционерлердің құқықтарын қорғау жөніндегі федералды қоғамдық-мемлекеттік қоры жәнеАзия салымшылар мен акционерлердің құқықтарын қорғау жөніндегі қор атынан өтемақы төлеу туралы ұсыныс алсаңыз, аталған ақпаратқа сенбеңіз және құқық қорғау органдарына хабарлаңыз.

Алаяқтар қаржы пирамидаларының әрекетінен зардап шеккендерге өтемақы ұсынуда

<a href="https://kyzylorda-news.kz/">Kyzylorda-news.kz.</a> Қазақстан Республикасының Мәдениет және спорт министрлігі 21 мамырда Мәдениет және өнер қызметкерлерінің кәсіби мерекесіне орай қасиетті Түркістан қаласында мәдениет және өнер саласының ұйымдары мен қызметкерлерінің «Рухани қазына – 2022» фестивалінің жеңімпаздарын салтанатты түрде марапаттады.
Біздің анықтама. Қазылар алқасы еліміздің 17 өңірінен келіп түскен кітапхана саласы бойынша – 125 өтінімді, мәдени ойын-сауық саласы бойынша 87 өтінімді, музей саласы бойынша 73 өтінімді қарастырды.
Бір аптаға созылған байқау нәтижесі бүгін ресми жарияланып, фестивальдің 44 жеңімпазы арнайы сыйлықтармен марапатталды.
Қазақстан Республикасы Мәдениет және спорт вице-министрі Серік Жарасбаев фестивальге қатысушыларды марапаттау рәсімінде сөз сөйлеп, мәдениет және өнер саласының қызметкерлерін кәсіби мерекемен құттықтады.
Бұдан бөлек, Фестиваль жеңімпаздарын Қазақстан Республикасының Мәдениет және спорт министрлігінің Мәдениет комитетінің төрағасының орынбасары Күміс Сейітова, «Қазақстан Республикасының Ұлттық кітапханасы» республикалық мемлекеттік мекемесінің директоры, қазылар алқасының төрағасы Бахытжамал Оспанова, «Бозоқ» Мемлекеттік тарихи-мәдени музей-қорығы» республикалық мемлекеттік қазыналық кәсіпорнының директоры қазылар алқасының төрағасы Сәуле Бөрібаева, «Жүсіпбек Елебеков атындағы республикалық эстрадалық-цирк колледжі» республикалық мемлекеттік қазыналық кәсіпорнының директоры, Қазақстанның еңбек сіңірген қайраткері, қазылар алқасының төрағасы Жеңіс Сейдуллаұлы, Дәстүрлі әнші, Қазақстанның еңбек сіңірген қайраткері Ардақ Балажанова марапаттап, қаржылай сыйлық табыстады.
Сыр өңірінен Қызылорда облыстық тарихи- өлкетану музейінің филиалы Арал ауданық тарихи-өлкетану музейінің, Балықшылар бөлімі «Үздік аудандық (қалалық) маңызы бар музей» номинациясы бойынша 1 000 000 (бір миллион) теңгені жеңіп алса, «Үздік аудандық (қалалық) мәдениет үйі, мәдениет сарайының қызметкері» номинация бойынша Жалағаш аудандық мәдениет үйі жанындағы «Алтын-Арай» ән-би ансамблінің жетекшісі Бурабай Руслан Әбдібекұлы 500 000 (бес жүз мың) теңгені еншілеп қайтты.
<img src="https://kyzylorda-news.kz/wp-content/uploads/2022/05/281847310_1528528934211292_5339329104143206932_n.jpg" alt="" />

«Рухани қазына»: Аралдағы балықшылар музейі үздіктер қатарында

<a href="https://kyzylorda-news.kz/">Kyzylorda-news.kz.</a>&nbsp; Театр өнерінің туындысын тамашалауға еліміздің түкпір-түкпірінен өнер және мәдениет майталмандары, зиялы қауым өкілдері және Түркістан қаласының өнерсүйер қауымы қатысты, деп хабарлайды ҚазАқпарат.
«Қорқыт туралы аңыз» пластикалық спектаклінде Қорқыт алып қарағаштан ойып қобыз жасайды. Әлемді қобыз үнімен әлдилеген бабамыз, көрген түсінен шошып, өлімнен қашады. Жерұйық мекенді іздейді. «Қайда барса да, Қорқыттың көріне» кезігіп, ақыры туған жеріне – дүниенің кіндігі саналатын Сыр-Дарияға оралады. 
<img src="https://www.inform.kz/radmin/fotofiles/2022/05/23/2205230019437844f.jpg" alt="" />
Жазушы-драматург Ермек Аманшаевтың либреттосы бойынша қойылған «Қорқыт туралы аңыз» атты пластикалық спектаклін белгілі ресейлік балетмейстер Константин Семенов сахналады. Композиторы – дарынды жас композитор Хамит Шанғалиев. Көркемдік жетекшісі – Айнұр Көпбасарова. 
<img src="https://www.inform.kz/radmin/fotofiles/2022/05/23/2205230019437843f.jpg" alt="" />
Қойылымда кейіпкер сөзі көп емес, өйткені бұл – пластикалық спектакль. Өзгеше айтқанда, артистер оқиғаны, қойылым кейіпкерлерінің ішкі сезімдерін би қимылдары арқылы баяндайды. Бұдан бөлек, пластикалық театр – адамдар түрлі тілде сөйлесетін қоғамға арналған, ал би қимылдарын аудармасыз түсінуге болады. 
<img src="https://www.inform.kz/radmin/fotofiles/2022/05/23/2205230019437842f.jpg" alt="" />
Қойылымды тамашалаған Мәдениет және спорт вице-министрі Серік Жарасбаев, Түркістан облысының әкімі Өмірзақ Шөкеев Түркістанды түркі әлемінің мәдени және рухани орталығына айналдыру жолында театрдың маңызы зор екенін айтып, өнер ұжымына алғыс айтты.

Түркістанда «Қорқыт туралы аңыз» пластикалық спектаклінің премьерасы өтті

<a href="https://kyzylorda-news.kz/">Kyzylorda-news.kz.</a>&nbsp;Қазақстандық боксшы Геннадий Головкиннің промоутері Эдди Хирн Сауль «Канело» Альварес ресейлік Дмитрий Биволмен мүмкіндігінше тезірек реванш өткізуге дайын екенін мәлім етті. Мексикалық боксшы осы айдың басында Биволдан жеңіліп қалған еді, деп хабарлайды <a href="https://www.sports.kz/news/kanelo-nazval-edinstvennoe-uslovie-tretego-boya-s-golovkinyim-v-sentyabre">Sports.kz</a>.
Бұдан бұрын мексикалық боксшы биылғы қыркүйекте Геннадий Головкинмен үшінші жекпе-жек өткізуді жоспарлаған. Бірақ ресейлік боксшыдан күтпеген жеңіліс бұл жоспарға өзгеріс енгізді. Алайда, Хирн Канело мен GGG арасындағы күзгі кездесу әлі де өтуі мүмкін екенін жоққа шығармайды.
<blockquote>
 «Кеше Канеломен сөйлестім. Дүйсенбі күні онымен әрі қарай не істейтінімізді талқылаймыз. Біз оның қыркүйек айында орта салмақта «абсолютті чемпион» атағы үшін GGG-мен жұдырықтасу жоспары бар екенін білеміз. Бұл жекпе-жекті өткізуіміз керек, бірақ «Канело» Дмитрий Биволмен қарымта кездесуін күтуде. Ол Биволмен жұдырықтасқаннан кейін ғана GGG-мен кездеседі деп ойлаймын. Оны ұйымдастырудың жалғыз мүмкіндігі осы ғана шығар. Сонымен, дүйсенбі күні «Канеломен» сөйлесіп, бір аптадан кейін шешім қабылдаймыз. «Канело» Дмитриймен реванш шартын әлі нақтылаған жоқ. Біз алдағы апта және демалыс күндері барлығын талқылаймыз», – деді Хирн&nbsp;<a href="https://www.sports.kz/news/kanelo-nazval-edinstvennoe-uslovie-tretego-boya-s-golovkinyim-v-sentyabre">Talksport</a>&nbsp;-қа берген сұхбатында.
</blockquote>

«Канело» Головкинмен үшінші жекпе-жектің жалғыз шартын жариялады

<a href="https://kyzylorda-news.kz/">Kyzylorda-news.kz.</a>&nbsp; Қызылордада онлайн түрде рәсімделген, дайын нөмірлерді, техникалық төлқұжатты және жүргізуші куәлігін табыстайтын АвтоХҚО бөлімі ашылды.
Бөлім Астана даңғылы 46, мекенжайы бойынша № 2 ХҚО ғимаратында орналасқан.
Қызылорда қаласының тұрғындары енді онлайн режимінде техникалық төлқұжат, мемлекеттік нөмір алу және жүргізуші куәлігін ауыстыру кезінде Астана, 46 мекен-жайында орналасқан АвтоХҚО-ның жаңа автобөлімінен дайын құжаттарды ала алады. Жаңа бөлімде бір терезе қызмет көрсетеді, онда дайын нөмірлер, техникалық төлқұжаттар және жүргізуші куәліктері беріледі (құжатты жаңарту кезінде ғана, алғашқы жүргізуші куәліктері емтихандарды тапсырғаннан кейін мамандандырылған ХҚО-да ғана беріледі). Жыл соңына дейін мұндай бөлімдерді Қазақстанның басқа да ірі қалаларында ашу жоспарланып отыр.
Қосымша, барлық аталған мемлекеттік қызметтерді eGov порталы арқылы онлайн режимінде рәсімдеуге болатының жеткіземіз. Сондай-ақ Kaspi және Halyk Homebank мобильді қосымшалары арқылы көліктерді қайта тіркеуге болады. Жаңа бөлімде электрондық үкімет порталы арқылы тұтынушыларға тіркеу куәлігі мен жүргізуші куәлігін қайта рәсімдеу және банктік қосымшалар арқылы автокөлікті тіркеу жолдарын түсіндіретін кеңесшілер жұмыс істейді.

Қызылордада АвтоХҚО бөлімі ашылды

<a href="https://kyzylorda-news.kz/">Kyzylorda-news.kz.</a>&nbsp; Қазгидромет 23 мамырда болатын ерекше метеорологиялық құбылыстарға болжау консультациясын жариялады.
Бұл күні солтүстік-батыс циклонның әсері сақталады және онымен байланысты фронтальды жаңбыр жауады. Елдің батысында, оңтүстік-шығысында қатты жаңбыр болып, найзағай, бұршақ, дауыл, екпінді жел күтіледі. Республиканың оңтүстік-батысында шаңды дауыл болады. Қазақстанның солтүстік-батысында, солтүстігінде, солтүстік-шығысында топырақ бетінде үсік жүреді.
Қызылорда облысының орталығында төтенше өрт қаупі күтіледі.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қазақстан жастары конгресінің атқарушы директоры Тоқтар Болысов микрокредит беру жасын 21-ге дейін көтеруді ұсынды, деп хабарлайды <a href="https://sputnik.kz/20220520/zhastardyn-koshbasshysy-qazaqstan-kredit-24942362.html">Sputnik Қазақстан</a>.
Бүгін сенатта «Жаңа Қазақстан: жастар және жаңғыру» тақырыбында өткен парламенттік тыңдаулар кезінде конгресс басшысы маңызды мәселені көтерді. Оның айтуынша, елімізде лудомания проблемасы ушығып барады, құмар ойындарға тәуелді жастардың саны көбейді.
Қазірдің өзінде, шамамен, 350 мың қазақстандық құмар ойын құрсауынан шыға алмай жүр. Олардың басым бөлігі – жасөспірімдер.
<blockquote>
 «Мысалы, студенттер ойнаймын деп, микрокредит ұйымдарынан шағын несие алады. Бірақ артынан тәуелді болып кетеді. Ал қарызды ата-анасы төлейді. Осыған байланысты біз микрокредиттерді беру жасын 18-ден 21-ге дейін көтеруді сұраймыз», – дейді Тоқтар Болысов.
</blockquote>
Бұған дейін жарияланған статистикаға сәйкес, қазақстандықтардың 70 проценттен астамы 25-45 жасында алғаш рет кредит рәсімдейді. Соңғы кезде халық тұрмыстық заттарға ғана емес, тамақ пен киімге де кредит ала бастады. Баласын мектепке дайындау үшін қарыз рәсімдейтін ата-аналар да аз емес.

Қазақстанда кредит беру жасын ұлғайту ұсынылды

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрі Тамара Дүйсенова әйелдердің зейнет жасын төмендету мәселесі қай деңгейде қаралып жатқаны туралы айтты. Қазір белсенділер мен министрлік өз ұсыныстарын енгізген, деп хабарлайды&nbsp;<a href="https://stan.kz/">Stan.kz</a>.
<blockquote>
 «Біздің ұсыныстар белсенділерге де ұнады, сондықтан жұмыс тобымен бірге есептеп жатырмыз. Әр әлеуметтік қолдауға қаржы керек екенін білесіздер. Біз үзіліс алып, есеп жүргізген тиімді нұсқаны таңдайтынымызды айттық. Нақтыланған соң ақпарат береміз», –&nbsp;деді Тамара Дүйсенова сенат кулуарында.&nbsp;
</blockquote>
Тамара Дүйсенова әйелдерден бөлек тағы қай азаматтар категориясының зейнет жасы төмендейтінін айтты. Жинағы жетсе, кез келген азамат 50 жастан кейін зейнетке шыға алады дейді.&nbsp;
<blockquote>
 «Қазіргі заңда азаматтардың 50 жастан кейін де зейнетке шығу мүмкіндігі қарастырылған. Алайда зейнет жинағына қатысты сұрақтар бар. Біз бұларды қарастырып жатырмыз», –&nbsp;деп нақтылады министр.
</blockquote>

Қазақстан және Қызылорда облысының жаңалықтары

Референдум комиссиясы референдум өткізудің ерекшеліктері туралы оқыту семинарын өткізіп жатыр