<a href="https://kyzylorda-news.kz/">Kyzylorda-news.kz.</a> Қазақстан Республикасының Энергетика министрі Болат Ақшолақовтың Қызылорда облысының тұрғындарымен кездесуі өтетінін хабарлаймыз.
Кездесу 2022 жылғы 21 мамырда сағат 10:30-да Қызылорда қаласы «Достық үйінде» (мекенжайы: Ы.Жақаев көшесі, 24) өтеді.
Сұрақтар b.kaulbaev@energo.gov.kz, kuantkanova.aru@mail.ru, пошталарына және +7 (775) – 855 55 19, +7 (700) – 263 14 12 (WhatsApp) телефон нөмірлері арқылы қабылданады.

Энергетика министрі Қызылорда облысының тұрғындарымен кездеседі

<a href="https://kyzylorda-news.kz/">Kyzylorda-news.kz.</a> Бүгін Сыр елінде ҚР Еңбек сіңірген қайраткері Батырхан Шөкеновтың 60 жылдығына орай «Отан –Ана» республикалық әншілер конкурсы басталды. Байқауға еліміздің әр өңірінен 20-дан астам өнерпаз қатысады. Бұл жөнінде Өңірлік коммуникациялар қызметінде өткен брифингте облыстық мәдениет және спорт басқармасының басшысы Руслан Рүстемов хабарлады.
<blockquote>
 «Отан-Ана» республикалық байқауы дәстүрлі түрде өткелі отыр. Сонымен қатар байқауға халықаралық конкурстардың лауреаты, композитор Ринат Гайсин, Сыр елінің тумасы, ҚР мәдениет саласының қайраткері, әнші Мәдина Сәдуақасова, Құрмет орденінің иегері, мәдениет саласының үздігі Қайрат Баекенов және жерлесіміз, халықаралық байқаулардың лауреаты Сәбит Ұлықпанұлы қазылық ететін болады,- деді басқарма басшысы Руслан Рүстемов.
</blockquote>
Республикалық конкурс 2 кезеңнен тұрады. Байқаудың негізгі талабы – қатысушылар жанды дауыста өнер көрсетуі керек. Осы орайда ҚР мәдениет саласының қайраткері, жерлесіміз Мәдина Сәдуақасова мен композитор Ринат Гайсин жас әншілерге сәттілік тілеп, Батырхан Шөкенов туралы ыстық естеліктерін еске алды.
<blockquote>
 Батыр ағамыздың құрметіне ұйымдастырылған республикалық байқау жоғары деңгейде өтетініне сенімдімін. Бұл байқауға қатысушы өнерпаздардың барлығы дерлік өте мықты. Себебі Батырхан Шөкеновтың шығармашылығындағы әндерді орындау кез келген өнерпаздың қолынан келе бермейді. Баршаларыңызды ән додасының куәсі болуға шақырамын, – деді әнші Мәдина Сәдуақасова.
</blockquote>
Айта кетейік, 18 мамыр күні Батырхан Шөкеновтың ескерткішіне гүл шоғын қою рәсімі өткізіліп, шара соңы орталық алаңда гала концертпен жалғасады.
<blockquote>
 Батырхан Шөкеновтың шығармашылығы, әндері, қайталанбас тұлғасы ешқашан өшпейді. Сыр елінің төрінде өтіп жатқан байқау әрі қарай жоғары деңгейде жалғасатынына сенемін. Байқауды ұйымдастырушыларға ерекше алғыс білдіремін, -деді Ринат Гайсин. 
</blockquote>
<img src="https://kyzylorda-news.kz/wp-content/uploads/2022/05/279925544_3102323003354519_1251041162896349390_n.jpg" alt="" />

Қызылордада «Отан –Ана» республикалық әншілер конкурсы басталды

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасына 19 жастағы қала тұрғыны жүгініп, алаяқтық әрекеттің құрбаны болғанын айтқан. Жәбірленушінің&nbsp; айтуынша оның&nbsp; танысы 2021 жылдың желтоқсан айында банк арқылы&nbsp; атынан 1 миллион 300 мың теңге көлемінде&nbsp; тауарлық несие рәсімдеп алған.
Біраз уақыт өткен соң берешектері көбейіп, банктен хабар келгенде &nbsp;жәбірленуші полицияға жүгінген. Жедел іздестіру жұмыстарының нәтижесінде 20 жастағы күдікті ұсталды.
<blockquote>
 «Аталған дерек бойынша Қазақстан Республикасының Қылмыстық кодексінің 190-бабының 1-бөлігі (Алаяқтық) бойынша сәйкес сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды».
</blockquote>

Танысының атынан несие алған қызылордалық ұсталды

<a href="https://kyzylorda-news.kz/">Kyzylorda-news.kz.</a>&nbsp; Әкімдердің жұмысын автокөлік жолдарының сапасы бойынша анықтау жоспарланып отыр. Бұл туралы индустрия және инфрақұрылымдық даму министрі Қайырбек Өскенбаев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Министрдің айтуынша, жолдардың сапасын қамтамасыз ету үшін 1 мыңнан астам нормативтік-құқықтық акті қайта өңделіп жатыр. Сонымен қатар, жолдардың сапасы бойынша әкімдер рейтингін анықтау жөніндегі әдістеме әзірленіп, қазіргі таңда келісу және бекіту рәсімі жүргізілуде.
<blockquote>
 “Жолдардың негізгі бөлігі, яғни 75 мың шақырымы жергілікті жолға жатады. Негізінен, осы жергілікті жолдарға халықтың көңілі толмайды. Біз бұл жолдарды бірлесіп қаржыландыруға дайынбыз. Бірақ қызмет сапасын да талап етуге тиіспіз. Егер бізді қолдап жатса, онда облыстарда әкімдер рейтингін енгіземіз”, – деп түсіндірді Өскенбаев үкімет кулуарында.
</blockquote>
Айтуынша, әкімдердің жұмысы жөндеген жолдардың шақырымы мен оның сапасына қарай бағаланады.

Әкімдердің рейтингі жол сапасы бойынша анықталады

<a href="https://kyzylorda-news.kz/">Kyzylorda-news.kz.</a>&nbsp; Қызылордада республикалық аналар кеңесі бастамасымен қолға алынған «Мәдениетті ана – мәдениетті ұлт» жобасының тұсаукесері өтті.
Шараның алғы сөзін алған Қоғамдық даму басқармасының «Қоғамдық келісім» КММ директоры Бақытжан Камалов Қызылорда облыстық ҚХА жанындағы Аналар кеңесі&nbsp; жас ұрпаққа өзіндік тәрбие, өнегелі жол көрсетіп келе атқан бірегей кеңес. Әр жыл сайын түрлі шаралар мен қайырымдылық жұмыстардан кенжелеп қалған емес. Игілікті істің төрінен табылатын Аналар кеңесінің алдағы жоспары да ауқымды екенін алға тартты.
Мұнан соң Шыңғыс Айтматовтың «Ана – жер – Ана» прологын ерекше ықыласпен, әсерлі етіп&nbsp; Жастар театрының әртісі Динара Нұрлыбай орындады. Ақынның туындысы арқылы елдегі достық, ынтымақ, ырыс, берекеден асқан ешнәрсе жоқ екендігін жеткізді.
Тұсаукесер барысында қалалық мәслихат депутаты, аналар кеңесінің мүшесі Айгүл Мұсабаева, Алтын алқа иесі Қуанышкүл Мырзабаева, әкелер кеңесінің мүшесі Угай Борис, Славяне этномәдени бірлестігінің жетекшісі Галина Щербакова отбасындағы тұрақтылық, жастар тәрбиесі, салауатты да саналы ұрпақ тәрбиелеу, үлгілі отбасын қалыптастыру бағытында ой қозғап, пікірлерімен бөлісті.
Сырдың ақын қызы Толқын Қабылша өлеңін оқып, «Қуаныш» әжелер ансамблі әсем ән орындады. Ал «Мансап» жеке бастауыш мектеп оқушылары өз өнерлерін ортаға салды.
Тұсаукесердің жалғасы «Сән мен сымбат» фотокөрмесімен жалғасын тапты.
Фотокөрмеде облыстық ҚХА аналар кеңесінің төрайымы Рахима Ахметова Тәуелсіздіктің 30 жылдығына арналған «Тәуелсіздіктің нәзік келбеті» жобасының мән-маңызын түсіндіріп, мақсатына тоқталып өтті.
Одан кейін қатысушылар Қазақстан қолөнершілер одағының мүшесі Айдана Әләйдарова әзірлеген қолөнер бұйымдары мен ұлттық киімдер көрмесін тамашалады. Ұлттық нақыштағы киімдер көрсетілімі де көпшіліктің назарына ұсынылды.
Шарада Қызылорда облыстық ҚХА төрағасының қоғамдық негіздегі орынбасары Ирина Шек сөйлеп, кеңестің алдағы жұмысына сәттілік тіледі.
<img src="https://kyzylorda-news.kz/wp-content/uploads/2022/05/mw6a2512-scaled.jpg" alt="" />
<img src="https://kyzylorda-news.kz/wp-content/uploads/2022/05/mw6a2643-scaled.jpg" alt="" />
<img src="https://kyzylorda-news.kz/wp-content/uploads/2022/05/mw6a2489-scaled.jpg" alt="" />

Қызылордада «Мәдениетті ана – мәдениетті ұлт» жобасының тұсаукесері өтті

<a href="https://kyzylorda-news.kz/">Kyzylorda-news.kz.</a> Қызылорда облыстық референдум комиссиясы сайлау учаскелерінің төрағалары мен хатшыларына арналған оқыту семинарын өткізді. Семинарға&nbsp; 200-ге жуық адам қатысты.
Жиында «Қазақстан Республикасының Конституциясына өзгерістер мен толықтырулар енгізу туралы» ҚР Заңының жобасы, республикалық референдумды дайындау мен өткізу, кейбір ерекшеліктері, комиссия қызметін құжаттамалық қамтамасыз етудің ерекшеліктері мен есеп берудің тәртібі, референдумды ұйымдастыру мен өткізудің ұйымдастырушылық аспектілері, шетелдік байқаушылармен жұмыс мәселелері бойынша кеңінен түсіндірілді.
Семинардың спикерлер облыстық референдум комиссиясының төрағасы Ғалым Қонақбайұлы, комиссия хатшысы Аякөз Мұратбекқызы, төрағаның орынбасары Болат Нұржігітұлы, шетелдік байқаушыларға арналған жәрдемдесу орталығының жетекшісі Темірболат&nbsp; Ыбырайұлы сөз алып, саяси жүйе туралы сөз қозғады. Сонымен қатар қалалық прокуратураның аға прокуроры Қуандық Бауыржан&nbsp; референдумға қатысушылардың құқықтық жауапкершілігі туралы кеңес берді.
Семинар соңында облыстық референдум комиссиясының және уәкілетті мемлекеттік органдардың өкілдері референдумға қатысты сауалдарға толыққанды жауап берді.
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-22.12.13.jpeg" alt="" />

Қызылордада сайлау учаскелерінің төрағалары мен хатшыларына арналған оқыту семинары өтті

<a href="https://kyzylorda-news.kz/">Kyzylorda-news.kz.</a> Қызылорда облысында Әйелдер кәсіпкерлігін дамыту орталығынан екі айда 105 адам кеңес алды.
Кеңес алушылардың басым бөлігі – қала тұрғындары. Орталыққа келген қыз-келіншектердің 38 пайызы кәсіппен айналысушылар, қалғандары ісін ашуды жоспарлап отыр.
Кәсіпкерлер палатасындағы Іскер әйелдер кеңесінің төрайымы Жанна Аманова кәсіпкер қыз-келіншектерге ментор болып, бағыт-бағдар беріп жатқанын жеткізді.
<blockquote>
 «Әйелдер кәсіпкерлігін дамыту орталығы – мықты жоба. Қазір кәсібін ашқысы келетін арулардың қатары артып келеді. Мысалы, Қызылорданың өзінде кеңес алған жүзден астам қыз-келіншектің 60 пайыздан астамы жаңадан іс бастап көрмекмек. Осы кеңес алған қызылордалықтардың арасында сауалнама жүргізу барысында кәсіптерін ашу, жетілдіру үшін арнайы оқыту курстарын ұйымдастыруды, соның ішінде SMM курсын оқытуды сұрады. Өткен аптада Кәсіпкерлер палатасының алаңында оқыту курсын өткіздік. Аталған шараға қызылордалық қыз-келіншектерден бөлек, еліміздің басқа өңірлерінен онлайн қатысқандар да болды. Барлығы 45 адам оқыды», – дейді ментор Жанна Аманова.
</blockquote>
Ментор курсқа қатысушыларға әлеуметтік желінің әлеуетін пайдаланып, кәсібін, өнімін таныстыру, насихаттау, тұтынушылар табу, жалпы SMM стратегиясын жасауды үйреткен. Алдағы уақытта курсқа қатысушылардың әрқайсымен тәлімгерлер арнайы жұмыс істейді.
Әйелдер кәсіпкерлігін дамыту орталығының мамандары жыл соңына дейін бірнеше оқыту курсын өткізуді жоспарлап отыр. Ол үшін аймақтағы қыз-келіншектер орталыққа келіп немесе хабарласып, қызығушылық танытқан саласы бойынша сұраныс жасай алады.
Айта кету керек, Әйелдер кәсіпкерлігін дамыту орталығы еліміздің барлық өңірінде ашылған. Жобаны Азия даму банкінің қаржылай қолдауымен Қазақстандағы БҰҰ Даму бағдарламасы мен «Атамекен» ҰКП жүзеге асырып жатыр.
Аймақта кәсіппен айналысамын деген қыз-келіншектер Қызылорда облысы кәсіпкерлер палатасындағы Әйелдер кәсіпкерлігін дамыту орталығынан кеңес ала алады. Мекенжайы: Қызылорда қ., Қорқытата көш.,123, 1-қабат («Бизнеске арналған Үкімет» ғимараты), 8/7242/400202. Кеңесші: Нұрханова Жадыра Мейрамбекқызы, 8 705 116 19 10 (Whatsapp).

Қызылордада 2 айда жүзден аса әйелге кәсіпке қатысты кеңес берілді

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының директоры Пірмұхамед Сыздықов елдің болашағын ойлайтын әрбір азамат саяси жүйеге өз үлесін қосатынына сенім білдірді.
<blockquote>
 «Ата Заңымызға енгізілейін деп отырған өзгерістер елімізде әділетті қоғам құруға өз септігін тигізеді. Конституциядағы 98 баптың 33-не өзгеріс енгізіледі. Халықпен бірге қабылданайын деп отырған бұл екінші референдум. Бұл өзгерістердің барлығы қоғамда туындаған бірнеше мәселелердің шешілуіне ықпал етпек. Заңнамалық өзгерістерге жалпыхалықтық дауыс беру – әрбір қазақстандықтың саяси бағытты қалыптастыруды айқындайтын тарихи әділеттілік актісі. Бұл Жаңа Қазақстан құру жолындағы маңызды қадам. Елдің болашағын ойлайтын әрбір азамат аталған саяси жүйеге өз үлесін қосады деп ойлаймын».
</blockquote>

Пірмұхамед Сыздықов: Бұл жаңа Қазақстан құру жолындағы маңызды қадам

<a href="https://kyzylorda-news.kz/">Kyzylorda-news.kz.</a> Қызылорда облыстық кәсіподақтар кеңесі төрағасының орынбасары Марат Бәйімбетов сырбойылықтарды саяси өзгеріске дұрыс бағытта қолдауға шақырды.
<blockquote>
 «ҚР Президенті Қ.Тоқаевтың жарлығымен Конститутцияға өзгерістер мен толықтырулар енгізу жөнінде жарлық қабылдады. Республика бойынша белсенді азаматтардың қатысуымен штабтар құрылып, халықтың арасында түсіндірме жұмыстары жүргізілуде. Негізгі Заңға ұсынылып отырған өзгерістер мен толықтырулар әрбір азаматтың негізгі құқықтары мен кепілдіктерін, қоғамдағы тұрақтылық пен бірлікті қорғауға бағытталған. Осының негізінде кәсіподақта арнайы жұмыс тобы құрылды. Жоспар бойынша мақсатымыз – көпшілікке дұрыс ақпарат жеткізу. Осылайша барша халықты саяси өзгеріске дұрыс бағытта қолдауға шақырамын», – дейді Марат Бәйімбетов.
</blockquote>

Марат Бәйімбетов: Халықты саяси өзгеріске дұрыс бағытта қолдауға шақырамын

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Қазақстанның еңбек сіңірген қайраткері, Қызылорда қаласының Құрметті азаматы, ұлағатты ұстаз Әлима Әбдіқалықованы мерейлі 70 жасқа толуына орай құттықтап, құрмет білдірді.
Аймақ басшысы білім саласында өзіндік қолтаңбасын қалдырған мерейтой иесіне жүрекжарды тілегін арнап, аймақтың ең жоғары марапаты «Құрмет грамотасын» табыстады.
<blockquote>
 «Құрметті Әлима Жақыпқызы! Сізді Сыр жұртшылығы атынан мерейлі жасыңызбен шын жүректен құттықтаймын! Мәншүк Мәметова атындағы жоғары педагогикалық колледжі өз тарихында қалыптасқан дәстүрлерді дамыта отырып, облыстың және республиканың жалпы білім беретін оқу орындары үшін білікті кадрлар дайындауға бар күш-жігеріңізді жұмсадыңыз. Сіз басшылық еткен уақытта колледжде республика бойынша алғашқылардың бірі болып интернет желісіне қосылған электронды оқу залы, мультимедиялық лингофондық кабинеттер құрылды. Киелі оқу орны Өзіңіздің жетекшілігіңізбен Сыр өңірінің мақтанышы ғана емес республикаға белгілі білім ордасына айналды. Сіздің өнегелі еңбек жолыңыз жас ұрпаққа қашан да үлгі. Сізге ұзақ ғұмыр, зор денсаулық, отбасыңызға құт-береке, амандық тілейміз», – деді Нұрлыбек Нәлібаев.
</blockquote>
Жиында облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев, Қорқыт ата атындағы Қызылорда университетінің профессоры Қазыбай Құдайбергенов мерейтой иесінің өмірінен естеліктер айтып, ақжарма тілектерін жеткізді.
Іс-шара соңында Әлима Әбдіқалықова елдің мүддесі үшін қызмет жасау үлкен бақыт екенін айтып, көрсетілген құрметке алғысын білдірді.
Әлима Жақыпқызы ұзақ жылғы табысты еңбегі үшін Президент Жарлығымен «Ерен еңбегі үшін» медалімен, «ҚР білім беру ісінің Құрметті қызметкері» белгісімен, «Ыбырай Алтынсарин» төсбелгісімен, «ҚР Еңбек сіңірген қайраткері» құрметті атағымен марапатталып, 2013 жылы «Қызылорда қаласының құрметті азаматы» атанды.
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-21.20.32.jpeg" alt="" />
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-21.20.33.jpeg" alt="" />
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-21.20.33-2.jpeg" alt="" />

Ұлағатты ұстаз Әлима Әбдіқалықова 70 жасқа толды

<a href="https://kyzylorda-news.kz/">Kyzylorda-news.kz.</a> 17 мамыр күні Қазақстанның басым аумағында құбылмалы күн райы сақталып, найзағай, жаңбыр күтіледі, деп хабарлайды Қазгидромет.
Тек еліміздің оңтүстігі мен шығысында ауа райы жауын-шашынсыз болады. Республика бойынша желдің күшеюі сақталады, елдің солтүстігінде, солтүстік-батысында, оңтүстік-шығысында – дауыл, бұршақ, оңтүстігінде, оңтүстік-батысында, солтүстік-шығысында – шаңды дауыл, солтүстікте – тұман болжанады, деп хабарлайды ҚазАқпарат Қазгидрометке сілтеме жасап.
Күндіз&nbsp;Қызылорда облысының&nbsp;солтүстігінде, орталығында шаңды дауыл тұрады. Желдің жылдамдығы 15-20 м/с жетеді.

17 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаевтың қатысуымен «Мүлік иелерінің бірлестігі институтын енгізу туралы» тақырыбында интернет конференция өтеді.
Уақыты: 2022 жылғы 22 сәуір, сағат 09.00-16.00 аралығында.
Конференцияға мына <a href="https://dialog.egov.kz/conference/2415">сілтеме</a> арқылы қосылуға болады.&nbsp;
&nbsp;

Қазақстан және Қызылорда облысының жаңалықтары