<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласының «Access» бағдарламасының оқушылары «Қызылорда – кітап оқитын қала» ұранымен волонтерлік іс-шара өткізді.&nbsp;«Access» бағдарламасының оқушылары сол күнге дейін орталық алаңда орналасқан қобыз формасындағы кітап сөресі жайлы сыныптастары мен достарына хабарландыру жүргізді. Кітап сөресінің мақсаты - адамдарға үйінде бар кітабын бөлісуге мүмкіндік беру, сонымен қатар айырбасу ретінде ұнаған кез келген кітапты алу. Осы айтулы күні Access оқушылары достарын да қайырымдылыққа қатысуға шақырды. Нәтижесінде 60-тан астам кітап, &nbsp;кітап сөрелеріне қойылды. Шараға «Кітап құрттары» клубының мүшелері де келіп, кітапқұмар жастарға ағылшын тіліндегі кітаптарды сыйға тартып, қоғамға жасаған игі істері үшін алғыстарын білдірді. Қайырымдылыққа арнаған бұл күн оқушылар үшін ерекше болды. «Access» бағдарламасының оқушылары қаладағы қоғамдық кітап сөресіне әртүрлі қызықты кітаптарды жинап, қала тұрғындарына &nbsp;кітаптар сыйлап және өздері де кітапты сыйлыққа алды.&nbsp;Волонтерлік іс-шара өткізген балалардың оқып жатқан бағдарламасының толық атауы "The English Access Microscholarship Program". Ол бағдарлама Қызылорда қаласында 2022 жылдың маусымның 1 нен бастап жұмыс жасауда. Бағдарламада 24 оқушы және 3 ағылшын тілі мұғалімі жұмыс жасайды, оның ішінде Сейлова Зауреш, Рахымжанова Жанар және “Fulbright” бағдарламасының стипендиаты Kelsey Dabrowski. English Access Microscholarship бағдарламасы АҚШ Мемлекеттік департаменті жасаған халықаралық жоба. Қызылорда қаласы бойынша бағдарлама АҚШ Мемлекеттік департаменті және “Зерайна” қоғамдық фонд арқылы жүзеге асырылады. Бағдарламаның негізгі мақсаты - экономикалық жағынан қолайсыз топтағы жасөспірімдерге білім алуға, болашақта жұмысқа және жалпы өмірде жоғары мүмкіндіктер пен жетістіктерге қол жеткізуге көмектеседі.<figure class="image"><img src="https://knadmin.beoblood.kz/uploads/2_d26fba1e04.jpg" alt="2.jpg"></figure><figure class="image"><img src="https://knadmin.beoblood.kz/uploads/1_c3c8ef45c6.jpg" alt="1.jpg"></figure>

«Access» бағдарламасының оқушылары волонтерлік іс-шара өткізді

<a href="https://kyzylorda-news.kz/">Kyzylorda-news.kz.</a> Қызылорда қаласында жылу беру маусымы жоспарға сәйкес тұрақты өтуде. Бұл туралы қала әкімдігінің баспасөз орталығында өткен брифингте жауапты сала басшылары хабарлады.Бүгінде 815 көпқабатты тұрғын үй толығымен жылу жүйесіне қосылған. Оның ішінде 774 тұрғын үй орталықтандырылған жылу жүйесімен, ал қалған 41 үй автономдық блокты модульдік қазандықтар арқылы жылытылады. &nbsp;<blockquote>«Тұрғын үйлерді тұрақты жылумен қамтамасыз ету мақсатында «Қызылордажылуэлектр орталығы» МКК-дағы жылу көздерінің негізгі қондырғылары қалыпты жағдайда жұмыс жасауда. Яғни, КОГТЭС-тегі №1,2,3 газотурбиналық қондырғысы мен су қазандығы, ЖЭО-ның №9 бу қазандығы мен №3 турбогенераторы, Оңтүстік қазандығы бойынша №3,5,6,7 бу қазандықтары, қаланың мөлтек аудандарында орналасқан 15 дана автономды блок модульді және Белкөл қазандықтарымен жылу беру температурасы сыртқы ауа райының температурасына (75, 77 оС) сәйкес берілуде», - деді «Қызылорда жылу электр орталығы» мекемесінің бөлім басшысы Хасанғали Иманғалиев.</blockquote>Сондай-ақ, тұрғындар тарапынан әлеуметтік желіде жолданған сауалдардың басым көпшілігінде жылу бөлмелерге теңгерімді түрде берілмейтіндігі (бір бөлмелер ыстық, екіншілері суып кетуі) хабарланады.&nbsp;<blockquote>«Оның басты себептерің бірі – тұрғындардың түрлі жолмен өз пәтерлерлерінің жоспарларын өзгертуі немесе пәтерішілік жылу құбырларында ауа айналымының болмауы, құбырларға тазарту жұмыстарының уақытылы жүргізілмеуі. &nbsp; Бұл жағдайда «Тұрғын үй қатынастары туралы» ҚР Заңына (32-бап, 1-тармақ) сәйкес, пәтерлердің, тұрғын емес үй-жайлардың меншік иелері кондоминиум объектісінің ортақ мүлкіне ағымдағы және күрделі жөндеу жүргізуді қоса алғанда, кондоминиум объектісінің ортақ мүлкін күтіп-ұстау және оның қауіпсіз пайдаланылуын қамтамасыз ету жөніндегі шараларды қолдануға міндетті екендігі көрсетілген. Осыған сәйкес, тұрғын үйдің инженерлік жүйелерін қалыпқа келтіру үшін тұрғындар қажетті материалдарды алу арқылы басқару органымен (ПИК/КСК) бірлесе жөндеу жұмыстарын жүргізуі қажет. Яғни, ортақ меншігі болып табылатын тұрғын үйді күтіп ұстау және жөндеу жұмыстарын жүргізу тұрғындардың өз міндеті болып табылады», - деді қалалық тұрғын үй инспекциясы бөлімінің басшысы Абзал Рысбек.</blockquote>Жалпы, Қызылорда қаласы бойынша жылу желілерінің ұзындығы – 190 шақырымды құрайды. Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев биылғы жылу маусымы барысында &nbsp;жылу желілеріне жоспарланған жөндеу жұмыстары толығымен &nbsp;бекітілген кестеге сәйкес жүргізілгендігін атап өтті.<figure class="image"><img src="https://knadmin.beoblood.kz/uploads/318449124_3248706372062765_5886690579734282388_n_d089b7e047.jpg" alt="318449124_3248706372062765_5886690579734282388_n.jpg"></figure>

Қызылордада жылу беру маусымы тұрақты өтуде

<a href="https://kyzylorda-news.kz/">Kyzylorda-news.kz.</a> Баланы кітап оқуға қызықтыру – қазіргі таңда үлкен шаруа. Себебі барлық бала бірдей кітаппен дос бола бермейді. Ал көптеген ата-аналардың бала тәрбиесіндегі басты сұрақтарының бірі – «Балалардың кітап оқуға қызығушылығын қалай арттыруға болады?». Әсіресе, смартфондар мен планшетті қолдарынан тастамай ойнайтын бүгінгі балалардың кітап оқуға қызығушылықтары еш оянбайтындай көрінеді.Балаларды кітап оқуға баулуда Жалағаш ауданында «Анама және Маған» атты балаларға арналған кітап дүкені жұмыс жасап тұр. Аудан тұрғыны Айдана Жұмағалиқызы ашқан кітап дүкенінің іші жып-жинақы, аурасы бала түгіл ересек адамның өзін баурап алады. Шағын бір бөлменің іші түрлі кітапқа толы. Түрлі баспаның өнімдері бар. Сөреде Әліппе оқулығынан бастап, қазақ және әртүрлі ұлттардың ертегілерінің, қатырма қағазды суретті кітапшалардың, 3D нұсқасында жасалған ертегі кітаптардың, авторлық кітаптардың сонымен бірге есепті, логикалық ойындардан тұратын кітаптардың, магнитті математиканың, орысша-қазақша, қазақша-ағылшынша сөздіктердің 3 жастан 15 жасқа дейінгі балалардың ақыл-ойын дамытып, толық адам етіп қалыптастыруда таптырмас көрнекі құрал және ұлттық тәрбие беруде де маңызы зор жоба екені белгілі.Бұл жөнінде Айдананың өзі:<blockquote>«Қазірде бала тәрбиесі, әсіресе жас ұрпаққа ұлттық тәрбие беру өзекті мәселеге айналып отыр. Сонымен бірге баланы тек тәрбиелеп қана қоймай, есі кіріп, айналасын, өзін қоршаған ортасын танығаннан бастап оларға заманға сай білім беріп, ғылым үйрету – тек ата-ананың, тәрбиешінің, мұғалімнің ғана міндеті емес, тұтас қоғамның мойнындағы жауапкершілік. Мен де осы қоғамның бір мүшесімін. Өскелең ұрпақтың келешегі мені де бей-жай қалдырмайды. Өзім де бала тәрбиелеп отырмын. Кейде қалаға барғанымда балаларға арналған кітап сатып алып, жинай бастадым. Ондағы ойым: бала тәрбиесіне тәжірибем аз болғандықтан, әлгі кітаптарды балама өзінің жасына сәйкес кезең-кезеңімен оқытып, көмекші құрал, қосымша тәрбиеші ретінде пайдаланғым келді. Қазір төрт жасар қызымның дүниетанымы кеңейді, күн өткен сайын кітапқа қызығушылығы артып келеді. Әріп таниды, жүргізіп оқиды және мазмұнды талдай алмаса да, кітап бетіндегі оқиғаға құрылған суреттерге қарап өзіндік ойын айта алады. Сондай-ақ, мен тек өз баламның ғана емес, өзге балаларға тілекші ана ретінде ойлана келе осындай дүкен ашуға бел будым. Кітап – адамзатқа ортақ қазына, рухани байлық. Оны жеке қарастыруға және жеке мүддеге пайдалануға болмайды. Сол үшін де мен бұл жұмысыма кәсіп деп қарамаймын, бала тәрбиесіне қосқан үлесім деп ойлаймын. Алайда менің бұл дүкенді ашудағы ең басты мақсатым – таңнан кешке дейін теледидар мен смартфонға телмірген және соған бар уақытын ұрлатып, денсаулығын беріп жатқан балаларға араша түсіп, оларға қызықты кітап ұсыну және оқыту», – дейді кітап дүкенінің иесі.</blockquote>Айдана Жұмағалиқызы кітап дүкенін ашарда мемлекеттің көмегіне жүгінбей, қолында бар қаржысымен кәсібін бастаған. Ғимаратты да жалға алған. Алайда өзінің айтуынша, дүкенге келушілер, кітап алушылар, тапсырыс берушілер көп екен. Бағалары да қолжетімді. Еліміздегі «Аруна», «Алматыкітап» және Ресейдің «Робинс», «Клевер», «Умка» баспаларына тапсырыс беріп алдырады екен. Аталған баспалардың өнімдері мазмұны жағынан да тартымды, көркемдік сапасы да жоғары, салмағы жеңіл, баланың қолына ұстап оқуына ыңғайлы, әріптері ірі, суреттері қанық.«Баланың ой-қиялы шексіз, арманы да айдан ары асып кетеді. Сол секілді тіл үйренемін деген баланың талабына да шектеу қоюға болмайды. Сол себепті дүкенде орыс, ағылшын тіліндегі ертегілер де бар. Әрі десе, бұл – қазіргі заманның талабы. Бүгінгі бүлдіршін ертеңгі күні ержетіп, бойжетіп студент атанады. Шет елдерде білім алуға толық мүмкіндігі бар. Оның үстіне қазіргі жастар саяхаттап жер көреді, ел көреді, олардың тұрмыс-тіршілігімен, салт-дәстүрімен танысады. Ол өсіп келе жатқан жастардың танымдық деңгейіне оң әсер етеді. Сол сапарлардың барысында көп тіл білгеннің пайдасы болмаса, зияны тимейді. Сондықтан балалар тек орысша ғана емес, сонымен бірге ағылшын, француз, неміс, қытай, араб тілдерін де меңгерсе артық болмайды. Тек өз ана тілін алдыңғы орынға қойса болғаны. «Жеті жұрттың тілін біл» деп бабаларымыз бекер айтқан жоқ қой», – дейді Айдана Жұмағалиқызы.Расында мұндай балаларға арналған кітап дүкені аудан түгіл, облыс орталығында тапшы. Осы тұрғыдан қарағанда, кейіпкеріміз өзі айтқандай, жеке кәсіп емес, игілікті іс бастап отыр.&nbsp; &nbsp;<figure class="image"><img src="https://knadmin.beoblood.kz/uploads/Screenshot_20221205_134131_Instagram_9e7600fb11.jpg" alt="Screenshot_20221205-134131_Instagram.jpg"></figure><figure class="image"><img src="https://knadmin.beoblood.kz/uploads/Screenshot_20221205_135443_Instagram_f6186d1abc.jpg" alt="Screenshot_20221205-135443_Instagram.jpg"></figure>

Жалағаш: Балаларға арналған креативті кітап дүкені 

<a href="https://kyzylorda-news.kz/">Kyzylorda-news.kz.</a> Қызылорда облыстық полиция департаментінің және Қазақстан Республикасы Ішкі істер министрлігі, ҚР Экология, геология және табиғи ресурстар министрлігі және ҚР Ұлттық қауіпсіздік комитетінің төрағасының бірлескен бұйрығына сәйкес, киіктерге қатысты браконьерлік фактілерін анықтауға және ашуға, олардың мүйіздерін заңсыз дайындаумен және елімізден тыс жерге контрабандалық шығарумен айналысатын адамдарды анықтау мақсатында Қармақшы ауданы көлемінде биылғы жылдың 1-31 желтоқсан аралығында «Киік» жедел профилактикалық іс-шарасы өткізілуде.Іс-шараның мақсаты – табиғатты қорғау заңнамасын бұзуды, биологиялық ресурстар объектілері мен өнімдерінің заңсыз айналымының алдын алу, анықтау болып табылады. «Киік» жедел профилактикалық іс-шарада оған жергілікті полиция қызметінің, әкімшілік, криминалдық полиция, тергеу және анықтау бөліністерінің күштері мен құралдарының қажетті саны жұмылдырып, құқық бұзушыларды анықтап, жауапкершілікке тарту көзделген.Алдағы уақытта тәртіп сақшылары аудан көлемінде киік жануарын аулаған тұлғаларға қарсы жүйелі жұмыстар жүргізеді.&nbsp; &nbsp;<img src="https://knadmin.beoblood.kz/uploads/52581_9a252213bb.jpg" alt="52581.jpg">

Қармақшы ауданы: «Киік» жедел-профилактикалық іс-шарасы өтуде

<a href="https://kyzylorda-news.kz/">Kyzylorda-news.kz.</a> Егін шаруашылығын дамыту бүгінгі күннің алға қойылған маңызды міндеттерінің бірі.&nbsp;Аталған сала өркендесе өңіріміздің, тұтастай еліміздің экономикасына қосар үлесі орасан.Осыған орай, аудан бойынша егін шаруашылығын дамыту мақсатында 2022-2024 жылдарға арналған даму жоспары әзірленіп, егіс көлемін 800 гектардан 3000 гектарға дейін жеткізудің Жол картасы бекітілді. Сондай-ақ, егін шаруашылығын дамытуға байланысты оның ішінде, мал азықтық шөптер (жоңышқа), бақша, көкөніс және тағы да басқа дақылдарды ұлғайту шеңберінде біршама жұмыстар ұйымдастырылды.Бүгінгі күнге, Арал ауданы бойынша табысталып берілген жерлерге барлығы 704,2 гектар егістік дақылдары орналастырылды.Биылғы жылы суды тиімді пайдалану әдістерімен суды аз қажет ететін қондырғылармен пайдалануды қолға алынған.Оған дәлел, Ақирек ауылдық округіндегі «Асхат» және «Нұр-Дана» шаруа қожалықтары подпленка әдісімен 7 гектар жерге бақша дақылдарын орналастырса, Сексеуіл кентінің жеке тұрғындары 4 гектар жерге бақша дақылдарын екті. Ал, Атанши ауылдық округіндегі жеке кәсіпкер Е.Төреханов 10 гектар жерге тамшылатып суару әдісімен бақша, көкөніс дақыларын орналастырса, Аманөткел ауылдық округіндегі «Camel Pro» шаруа қожалығы 80 гектар астам жерге жаңбырлатып суару қондырғысы арқылы жаңа жоңышқа тұқымын септі.Сонымен бірге егістік жерлерді суару үшін биылғы жылы 10 дана жылжымалы ДНУ-200/75 дизельді су насосы сатып алынып берілді. Алынған су насостары егін егуге кіріскен сыр беткейіндегі ауылдық округтерге табысталған.<img src="https://knadmin.beoblood.kz/uploads/318227670_1454419765082650_7317643856612586034_n_0f0f3a9b93.jpg" alt="318227670_1454419765082650_7317643856612586034_n.jpg">

Арал ауданында егін шаруашылығын дамып келеді 

<a href="https://kyzylorda-news.kz/">Kyzylorda-news.kz.</a> Кәсіпкерлікті дамыту – ел экономикасын дамытудың бірден-бір кепілі. Бүгінде осы бағытты ұстанған мемлекет шағын және орта бизнестің дамуына жағдай жасап, қолдау көрсетуде. Мемлекет тарапынан шағын және орта кәсіпкерлікті дамытуға бағытталып жатқан бағдармалар да аз емес. Осы бағдарламалардың нәтижесінде Қармақшы ауданында бәсекеге қабілетті кәсіпкерлердің қатары артып келеді.Биыл Қармақшы ауданы бойынша Бай¬қоңыр қаласын қоспағанда 4032 кәсіпкерлік субъектісі тіркелген. Өткен жылдың тиісті кезеңімен салыстырғанда ауыз толтырып айтарлықтай өсім бар, яғни – 120,6%. Оның ішінде жұмыс істеп тұрған кәсіпкерлік субъектілер саны – 3 713. Ақтөбе және Ақжар ауылынан басқа елді мекендерде өткен жылмен салыстырғанда кәсіпкерлік нысандар көптеп ашылған. Ауданда жұмыс жасап тұрған кәсіпкерлік субъектілердің саны жалпы, тір¬келгендер ішіндегі үлесі бойынша 92,1%-ті құрайды. Биыл ІІ тоқсан бойынша шағын және орта кәсіпкерліктегі жұмыспен қамтылғандар саны 5 022 адамды құрады. Бұл өткен жылмен салыстырғанда 100%- ті құрап отыр. Ал шығарылған өнім көлемі 4,4 млрд теңгені құрап, 90,1%-ке орындалды.&nbsp;<blockquote>«2022 жылдың 10 айында аудан бойынша өнеркәсіп өнімінің көлемі 3,9 млрд теңгені құрап, өткен жылдың сәйкес кезеңімен салыстырғанда 109,3%-ке, ал өңдеу өнеркәсібіндегі өнім көлемі 3,2 млрд теңгені құрап, 110,7%-ке орындалды. Жыл қорытындысымен өнеркәсіп өнімі 102,3%-ті өңдеу өнеркәсібі 105,7%-ті құрайды деп болжап отырмыз. Өнеркәсіп өнімінің көлемін негізінен өңделген күріш құрайды. Статистикаға сәйкес, өткен жыл көлемінде 8 875 тонна күріш өңделген болса, осы жылдың 10 айында 10 163 тонна күріш өңделген, бұл өткен жылдың сәйкес кезеңімен салыстырғанда 145,4%-ті құрады. Кәсіпорындармен ІІІ тоқсанда тапсырған 600 тоннаға жуық өңделген күріш көлемін жыл соңына дейінгі есепке алынатын резерв ретінде қарастырып отырмыз», – дейді аудандық кәсіпкерлік, өнеркәсіп және туризм бөлімінің басшысы Біржан Өмірзақов.</blockquote>Жыл басынан бері мемлекеттік бағдарламалар шең¬берінде 111 жобаға 1,9 млрд теңге несие, 504 жобаға 608,6 млн теңгенің гранттары берілген. Атап айтқанда, «2021-2025 жылдарға арналған кәсіпкерлікті дамыту жөніндегі ұлттық жоба» («Бизнестің жол картасы – 2025») шеңберінде құны 726,6 млн теңге болатын 58 жоба несиелендірілді, 1 жобаға 5 млн теңгенің гранты табысталған. «Микробизнес-Қызылорда» бағдарламасы шеңберінде құны 94,3 млн теңге болатын 16 жоба, «Атамекен» микроқаржы ұйымы арқылы жалпы құны 59,3 млн теңге болатын 15 жоба, аграрлық несие корпорациясының «Іскер» бағдарламасының шеңберінде 13 жоба 60,1 млн теңгеге несиелендірілсе, «Агробизнес» бағдарламасы шеңберінде 978,2 млн теңгеге 9 жоба қаржыландырылған. «Ұлттық жоба» бағдарламасы шеңберінде әлеуметтік әлсіз топтар санатына кіретін жұмыссыз 503 азаматтың бизнес бастамаларына 603,6 млн теңгенің гранты берілген.Сонымен қатар, «Қызылорда» өңірлік инвестициялық орталығының» Бақылау Кеңесіне ұсынуға жалпы құны 185,0 млн теңге болатын 31 жоба іріктелген. Жыл басынан бері Жосалы кентінде Шолпан Махмутованың «Шынар ана» автобекеті, «Әмбебап» ЖШС-нің «Ғибрат ас үйі» мейрамханасы, Нағима Тоқсанбаеваның жеміс-жидек пен көкөніс сататын сауда үйі, Ерлан Нағашыбаевтың фотостудиясының құрылысы аяқталып, іске қосылған. Мұнан өзге бірқатар кәсіпкерлік нысандардың құрылысы басталыпты. Атап айтар болсақ, аудан азаматтары Абай Маратовтың көлік жуу орталығы, Нұрлыбек Өтегеновтің дүкен және сұлулық салоны, Рауа Бұйрабаеваның балабақшасы, Мейрбек Сыдықовтың тез тамақтанатын кафетерийі, Тұрар Нұртазаеваның жол бойындағы санитарлық-гигиеналық торабы, Айна Тұрғанованың сауда орталығы, «Бибінұр базарының» ғимаратына күрделі жөндеу жұмыстары, Дина Серікбаеваның кәсіпкерлік нысаны, мен Гүлнар Серікбаеваның көлік жуу орны. Сонымен қатар, жеке кәсіпкер Нағима Тоқсанбаева Жосалы кентіндегі «Таңсықбай» базарын сатып алып, заманауи үлгіде сауда орталығының құрылысын бастауға дайындық жұмысын жүргізуде. Жоспарға сәйкес, құрылыс жұмысы келер жылдың І тоқсанында басталады деп жоспарланған.Қолдан келетін ісіммен айналысып, кәсіп қыламын деген азаматтарға мүмкіндік көп. Тек нақты жоспарың мен ынтаң болса жеткілікті. Жалпы, қазіргі таңда елімізде, оның ішінде Қызылорда облысында жаңашыл жас кәсіпкерлер мен озық идеясы бар адамдарға үлкен мүмкіндіктер мен демеу берілуде. Тек сол қолдауды ұтымды пайдалана білсе жеткілікті. &nbsp;<img src="https://knadmin.beoblood.kz/uploads/315691737_2220302084807352_3102042299201955202_n_914d68f07c.jpg" alt="315691737_2220302084807352_3102042299201955202_n.jpg"><img src="https://knadmin.beoblood.kz/uploads/316099939_2220301871474040_1787452942337429960_n_5140641bcb.jpg" alt="316099939_2220301871474040_1787452942337429960_n.jpg"><img src="https://knadmin.beoblood.kz/uploads/314752586_2220302148140679_1175582095153495057_n_e7f444819c.jpg" alt="314752586_2220302148140679_1175582095153495057_n.jpg">

Өңірде шағын және орта кәсіпкерлік субъектілерінің саны артты

<a href="https://kyzylorda-news.kz/">Kyzylorda-news.kz.</a> Қазақстан Республикасының 2002 жылғы 18 наурызындағы №304 Заңының 3-бабының 4-тармақшасына сәйкес, әділет органдары заң көмегін ұйымдастыру және көрсету мен құқықтық насихатты қамтамасыз ету жұмыстарын жүзеге асыруға міндетті.Осыған орай, Қызылорда облысы бойынша қылмыстық-атқару қызметі саласына қарасты &nbsp;№68 мемлекеттік мекемесіндегі сотталған азаматтарға тегін құқықтық кеңестер беру үшін Қызылорда облысының Әділет департаментінің мамандары арасында кездесу ұйымдастырылды.Кездесуге Тіркеу қызметі саласындағы әдістемелік қамтамасыз ету және бақылау &nbsp;бөлімінің бас маманы Ж.Нағашыбай, &nbsp;Қызылорда облыстық нотариаттық палатасының нотариусы А.Тажиев және Қызылорда облыстық адвокаттар алқасының адвокаты Б.Ширахманова мен А.Жұбатханов және баспасөз хатшысы А.Нүрпейісова келді.Кездесу барысында мекеменің шаруашылық бөліміне қалдырылған жазасын өтеуші азаматтары &nbsp;тарапынан сала мамандарына өздерінің қылмыстық, азаматтық істері, бас бостандығынан айыру орындарынан босап шыққаннан кейін үкім бойынша келтірілген залалды өндіру мерзімдері бойынша көптеген сұрақтар қойылды. Қойылған сұрақтар бойынша білікті мамандар кеңінен құқықтық түсінік берді.Бұл кездесуде сотталғандарды негізінен шартты түрде мерзімінен бұрын босату, оларға шығарылған сот үкімдерінің объективтілігі мәселелері қызықтырды.<img src="https://knadmin.beoblood.kz/uploads/Whats_App_Image_2022_12_05_at_11_12_17_51692b2580.jpeg" alt="WhatsApp Image 2022-12-05 at 11.12.17.jpeg">

Қызылордада әділет департаментінің мамандары бас бостандығынан айырылғандармен кездесті

<a href="https://kyzylorda-news.kz/">Kyzylorda-news.kz.</a> Бiлiм беру жүйесi қоғамның әлеуметтiк-экономикалық дамуында жетекшi рөл атқарады. Жалпы, білім беру саласының мақсаты бәсекеге қабілетті маман дайындау болып табылады. Ал мектеп білім үйрететін орта болса, оның жүрегі мұғалім екендігі сөзсіз. Білім мен ғылым алға басқан заманда бәсекеге қабілетті, білімді, іскер азаматтарды дайындау қоғамның басты міндеті және мақсаты бола бермек.Осы орайда, Жалағаш ауданының білім саласы соңғы жылдары серпін алғанын білеміз. Аудан жыл сайынғы Ұлттық біріңғай тестілеудің нәтижесімен, республикалық, қала берді халықаралық білім бәйгелерінде топ жарып жүрген талапты шәкірттерімен қашан да алдыңғы қатардан көрініп келеді. Жалпы, Жалағаштың жыл қорытындысымен облыстағы білім беру орындарының ішінен озық шығып, үздік атануында ауданға қарасты Жаңадария ауылдық №203 орта мектебінің еңбегі орасан зор.Алғашында бастауыш сыныптық, одан кейін сегіз жылдық, негізгі білім беретін, ал 1970 жылдан бастап орта білім беретін білім ошағы әр жыл сайын жаңалыққа қол жеткізді. Мектеп қабырғасында 25 балаға арналған «Береке» шағын орталығы ашылды. Содан бері мектеп ұжымы бүгінгі күн талабына сай ел болашағын тәрбиелеу жолында мақсатты жұмыс істеп келеді. Аталған білім ошағында ғылыми жоба, олимпиадаларда жүлдегер атанғандардың үлесі өсім алыпты. Биыл да алтын ұядағы білімді жастар бірнеше жеңіс тұғырын бағындырып, ұстаздарының еңбегін еселей түсті. Атап айтар болсақ, мектептегі 9 сынып оқушысы Ұлпан Амандық облыстық «Жыл оқушысы» сайысының аудандық кезеңінде ІІІ орынды, 6 сынып оқушысы Гүлсезім Мұрынбаева «Менің отбасымдағы дәстүрлер» тақырыбындағы бейнероликтер байқауында ІІ орынды, 7 сынып оқушысы Гүлім Жанболатқызы &nbsp;«Зерде» конкурсының І кезеңінің аудандық секциясында ІІІ орынды, 2 сынып оқушысы Аңсатқан Естай «Менің отбасым» аудандық сурет байқауында І орынды, 5 сынып оқушысы Нұржан Қартаңбай «Отбасы өнегесі» бейнероликтер байқауында ІІ орынды, 11 сынып оқушысы Әбілқайыр Айтмағанбет «Театрдың ғажайып әлемі» театр өнерінің республикалық фестиваль-байқауының облыстық кезеңінде «Үздік ер адам рөлі» номинациясы бойынша үздіктер қатарынан көрінгенін айта кету керек.Ал спортта жүрген ауыл балаларының жеңісті сәттері өз алдына бір бөлек. 8-11 сынып оқушылары арасында өткен «Қол күресі» спорт түрінен 60 келі салмақта жүлделі ІІ орынды Нұртөре Жақсыбай, Мардан Зәкір 65 келіден жоғары салмақта жүлделі ІІ орынды, Әбіш Батыржан лингвистикадан республикалық олимпиаданың аудандық кезеңінде ІІІ орынды иеленсе, Шерхан Сауранбек асық атудан аудандық жарыста үздіктер қатарынан көрінді.Әрине, осындай жетістіктерге жету үшін оқушылармен бірге күні-түні ізденіс үстінде жүріп, олардың кішігірім жүлдесінің өзіне шын жүрегімен қуана білетін ұстаздардың еңбегін де елеусіз қалдыруға болмайды. Ерлан Жүсіпбеков басқаратын білім ошағында түрлі бағыттағы байқауларда, білім сайыстарында жүлделі орындарды иеленіп жүрген Ғалия Ильясова, Қанат Тұрғанов, Жазира Нұрмаханова, Жарқынбек Бостанов сынды мұғалімдер бар. Мектеп мұғалімдері білім бәйгелеріне шәкірт баптап қана қоймай, өздері де кәсібіи жарыстарда үздіктер қатарынан көрініп келеді. Атап айтсақ, Әсия Тұрмаханова тәрбиелік шараларда белсенділік танытса, Бағжан Есенова өз шығармашылығын дамытуда «Үздік мұғалім-2021» номинациясын иеленген. Мұғалімнің кәсіби жетістіктері сараланып, Қалжан Бақтыбаева үздік педагогикалық идеялар фестивалі аясында «Шығармашыл толқын» номинациясы бойынша ІІІ орынды, Айнұр Мұрынбаева «Үздік бастауыш пәні мұғалімі-2021» атанып ІІ орынды алса, облыстық «Өрлеу» орталығынан да ІІ дәрежелі дипломға ие болды. Тағы сол сияқты мектеп мұғалімі Шолпан Мұрынбаева «Үздік авторлық бағдарлама-2021» байқауында І орын, Әлия Тұрмаханова «Үздік қазақ тілі мен әдебиеті пәні мұғалімі-2021» ІІІ орын, «Үздік дене шынықтыру пәні мұғалімі-2021» байқауында мектеп мұғалімі Әуесхан Тұрғанов «Жаңашыл мұғалім» номинациясымен марапатталған.Мектеп ұжымы жас мамандармен толығып, бүгінде ұжымдық еңбектің нәтижесінде &nbsp;білім беру ошағындағы білім сапасы артқан. Мектептегі тәрбие бағытында да жасалып жатқан жұмыстар ауқымды. Кешегі жыл қорытындысымен мектеп мұғалімдері Бағжан Есенова «Шығармашыл мұғалім-2021», Шолпан Мұрынбаева «Жылдың үздік мұғалімі-2021», Әсия Тұрмаханова «Сынып жеткші-көшбасшы-2021» атанды. Ал мектеп ұжымының биылғы жетістігінің қатарында мектеп мұғалімі Б.Есенованың «Құрмет» грамотасы мен «Педагогикалық идеялар панорамасы» облыстық байқауының аудандық кезеңінен алған ІІ орны, мектеп мұғалімі Ш.Мұрынбаеваның осы байқаудың аудандық кезеңінен алған І орны, мектеп мұғалімі А.Жұматаеваның ІІІ орны бар. Айта кету керек, аталған мектепте жыл сайынғы «Мектепке жол» аясындағы қайырымдылық шарасын өткізу де дәстүрге айналған. Бұл игі істе белсенділік танытып, көмек қолын созатын демеушілердің қатарында «Айбатыр» ЖШ, «Маулен» ЖШ бар.Сонымен қатар, мектеп тарапынан жастардың бос уақытын тиімді пайдалану, салауатты өмір салтын ұстануға бағытталған шаралар ауылда жиі ұйымдастырылады. Бұл үшін 2018 жылы мектеп жанынан дзюдо үйірмесі ашылып, мақсатты түрде жұмыс істеуде. Спорт және жастар ісі жөніндегі мамандардың ұйымдастыруымен мектеп қабырғасында кешкілік спорттық ойын түрлерінен жарыстар өтіп &nbsp;тұрады. Ауыл жастарын аудандық сайыстарға қатыстыру, оларды ынталандыру, жаттықтыру жұмыстары күнделікті мектептің спорт залында жүргізіледі. Бұл спорт үйірмесі 45 баланы &nbsp;қамти алады. Дзюдо күресіне қатысушы балалардың дені республика, облыс, аудан көлемінде турнирлерге қатысып, жүлделі орындарға ие болып жүр. &nbsp;<img src="https://knadmin.beoblood.kz/uploads/316110981_871081774075027_3750472015479645123_n_53b8c9ff3b.jpg" alt="316110981_871081774075027_3750472015479645123_n.jpg"><img src="https://knadmin.beoblood.kz/uploads/317066714_872217370628134_4332057784015102179_n_94c9bc7a94.jpg" alt="317066714_872217370628134_4332057784015102179_n.jpg">

Ауыл мектебі үздіктер қатарында

<a href="https://kyzylorda-news.kz/">Kyzylorda-news.kz.</a> Бүгіннен бастап Қызылорда облысы аумағында «Автобус» жедел-профилактикалық іс-шарасы басталды.Шараның мақсаты - облыс көлемінде жолаушылар мен жүктерді тасымалдауды жүзеге асыратын жүргізушілер арасында көлікке қатысты тәртіпті арттыру. Сондай-ақ ауданаралық, қалааралық, облысаралық және халықаралық жолдардағы қызметін тіркеусіз жүзеге асыратын азаматтарға қатысты бақылауды жетілдіру. Аталған іс-шара биылғы жылдың 5-желтоқсанында басталды. &nbsp;Республикалық «Автобус» жедел-профилактикалық іс-шарасы 11-желтоқсанға дейін жалғасын табатын болады.Іс-шара барысында автокөлік қозғалысының ықтимал жасырын бағыттарын анықтау, оның ішінде, заңсыз жолаушылар тасымалымен айналысатын жеңіл такси автокөліктері бойынша құқық бұзушылықтарды анықтау бойынша Көліктік бақылау инспекциясы өкілдері қатарынан мобильді топтар құрылады. Бұл мобильді топтар рейс алдында жүргізушіні медициналық тексерістен өткізеді. Сонымен қатар олардың еңбек және демалыс режимін сақтауына және сапарға шығатын автокөліктерді міндетті түрде техникалық тексеруге ерекше назар аударылатын болады.<img src="https://knadmin.beoblood.kz/uploads/1531800310_1517370670_1517369464_31dvdautobus1_58ccb90fb1.jpg" alt="1531800310_1517370670_1517369464_31dvdautobus1.jpg">

Қызылорда облысында «Автобус» жедел-профилактикалық іс-шарасы басталды

<a href="https://kyzylorda-news.kz/">Kyzylorda-news.kz.</a> 21 ғасыр ғылым мен білімнің, жаңа технологиялардың, оның ішінде робототехниканың қарышты дамыған заманы. Қазірде бұл бағыт әлем экономикасы мен әлеуметін ілгерілетуші салаға айналған. Себебі барлық салада жаңаша көзқарас қалыптасып, тиімді технология қолданысқа енуде. Сондықтан да бүгінде IT саласы мамандарына сұраныс өте жоғары. Болашақта да бұл сала мамандарына сұраныс артпаса, кемімесі анық. Өйткені жаңа технологияларға қажеттілік туындаған сайын, оны оны басқаруда білікті мамандарды қажет ететін болады. Осы бағытта елімізде жаңа технологияларды игеруде жаңашыл жас буындарды дайындау үшін біраз жұмыстар атқарылуда. Соның бірі Жаңақорған аудандық оқушылар орталығында Дастан Қадыров жетекшілік ететін робототехника үйірмесі.&nbsp;IT технопаркі орталығында 2017 жылдан бастап робототехника үйірмесі ретінде жұмыс жасап келеді. Қазіргі таңда үйірме заманауи жабдықтармен толықтай жабдықталған. Робототехника кабинетіне LEGO mindstorms EV 3 жинақтары қойылған. Оның ішіндегі бөлшектер мен майда детальдары түгел бар. Бұл құрылғылар балалардың ойлау қабілетін, қолдын моторикасын дамытады екен.&nbsp;Жалпы, IT технопаркінде 3 үйірме жұмыс істейді. Олар Smartlab, 3D әлемі, робототехника. Smartlab үйірмесінде балалар IT программалық тілдерді үйренсе, 3D әлемі 3 өлшемді сызба сызады. Жасаған сызба жұмыстарын 3D принтерімен шығарады.&nbsp; Дастан Қадыровтың айтуынша, күн өткен сайын балалардың қызығушылығы осы салаға артып келеді екен. Бүгінде тек аудан орталығында емес, ауылдағы мектептерде де робототехника үйірмелері ашылуда. Бұрын қаланың білім ордаларында мұндай сабақтар жүргізілсе, енді ауыл балалары инновациялық игіліктерді меңгеруіне мүмкіндігі мол көрінеді. Қазіргі таңда аудан орталығындағы мектептерден робототехника үйірмесіне 36 оқушы келіп дәріс алады.<blockquote>«Техника құрастыру оңай емес. Оған уақыт, білім, күш-жігер қажет. Робототехника үйірмесінен қатысушылар математика, информатика, физика, ағылшын геометрия, пәніндегі формулалармен жан-жақты зерделі жұмыс істейді. Мәселен, олар математика пәнінен бір формула үйренсе, үйірмеде сол формуланы пайдаланып тәжірибе жүзінде шындайды. Физикалық күш арқылы роботты, оның қимылын жасайды. Программалары көбіне ағылшын тілінде. Робот жасау арқылы балалардың ойлау қабілеті дамиды, теориялық ілімді тәжірибе жүзінде жүзеге асырады. Оқушылар 3 топқа бөлініп әр топта 12 оқушыдан болады. Олар роботты құрастыруды және бағдарламалау негіздерін үйренеді. Үйірмеге жас ерекшеліктеріне қарай 9 жастан жоғары жеткіншектерді, ал кейде ынтасы жақсы оқушыларды да қабылдаймыз. Мұнда олар роботтардың жеңілінен бастап күрделісіне дейін жасап шығады, – дейді үйірме жетекшісі.</blockquote>Үйірме тәрбиленушілері түрлі деңгейде робототехника бойынша облыстық, республикалық жарыстарда көзге түсіп, жүлделі орындарды алып жүр. Әр бала өз қиялындағы еркін тақырыпта роботын қағазға түсіріп, оның бөлшектерін құрап, әрі бағдарламасын әзірлеуге толықтай бейімделген. Сондай-ақ, оқушылар тек құрастырып қана қоймай, компьютермен бағдарлама жазуды да меңгерген.Оқушылардың осы салаға қызығушылығын арттыруда түрлі аудандық, облыстық, республикалық жарыс түрлері ұйымдастырылып отырады екен. Мысалы, аудандық іріктеуден облыстық жарысқа жолдама алған «Дарын» облыстық қосымша білім білім беру орталығының 5-11 сынып оқушылары арасында «Robo FestORDA» облыстық фестивалінен робо арқан тартыстан 4 команда қатысып жүлделі орындар алған. Заңғар мектебінің 4 сынып оқушылары Арнат Әбдірасіл, Нұрәлем Әнуарбек, №169 мектеп оқушысы Жарқын Сайпиров қатысып, 1 орынды қанжығасына байлаған. Қыз қуу сайысы бойынша №125 мектептің 9 сынып оқушысы Заңғар Әлиасқар 2 орыннан көрінді. Ернар Ильяс, Нұрмұхаммед Ерланұлы, Азамат Әбламитов, Мұхамедәлі Ырыскелді жеңіс тұғырынан көрініпті.Бір қуантарлығы, үйірме жаңа технологияларды игеріп қана қоймай, сол жаңашылдықты қазақтың ой-танымына ұштастырып, бала бойына сіңіруді мақсат етіпті. Мәселен, Robo Fest-ORDA» облыстық фестивалі қазақтың ұлттық ойындарын қазіргі заманауи технологииялармен ұштастырып, ұйымдастырылады екен. Қазақы нақыштағы робо арқан тартыс мұнда құрастыру жағынан баланы дамытса, ал қыз қууда робот жігіт робот қызды ережесіне сай күрделі жолмен қуып жету керек. Сондай-ақ, ақсүйекті өзінің арнайы алаңында роботтар іздеп жүріп табуы керек, тапқан робот жеңіске жетеді. Асық ату шеңбердің ішіне асықтар тізбектеліп қойылады. Роботтар белгілі қашықтықтан асықтарға тигізуі керек, сөйтіп тигізген әр асыққа ұпай беріледі. Міне, әртүрлі дәстүрлі ойындар арқылы, жаңа технологияны меңгеру тәсілін үйірме жолға қойып, сол бойынша жетістіктерге де жетіпті.Жалпы, жаңа технологиялар, оның ішінде робототехника саласын меңгеру баланың ойлау қабілетін жақсартып, өмірге деген қадамына сенімділік білдіреді. Өйткені, бұл салада әлі де ашылмаған жаңалықтар жетерлік. Ал осындай қызығушылықтың нәтижесінде жас буынмен бірге еліміздің робототехника саласы да алға басары сөзсіз.&nbsp; &nbsp;<img src="https://knadmin.beoblood.kz/uploads/3_dek_compressed_d4ce95e600.jpg" alt="3-dek_compressed.jpg">

Жаңақорған ауданы: ІТ технопаркі орталығында робототехника үйірмесі жұмыс істеуде

<a href="https://kyzylorda-news.kz/">Kyzylorda-news.kz.</a> Республикалық «Ел бірлігі» тик-ток хаус жобасынан қызылорда ассамблея жастары бірінші орынды жеңіп алдыҚР Ақпарат және қоғамдық даму министрлігі және Қазақстан халқы Ассамблеясының ұйымдастыруымен өткен «Ел бірлігі» тик-ток хаус жобасында Қызылорда облысының «Ассамблея жастары» ұйымының мүшелері, белсенді тик-токерлері жеңімпаз атанды.Айта кету керек, үстіміздегі жылдың 21 қарашасында Астана қаласында ҚР Ақпарат және қоғамдық даму министрлігі қолдауымен «Ел бірлігі: Тik-Tok house» жобасы бастау алды. &nbsp;«Қоғамдық келісім» РММ бастамасымен қолға алынған аталған жоба ағымдағы жылдың 18 желтоқсанына дейін жалғасады.«TikTok house» жобасының мақсаты – жалпымәдени және жалпытарихи құндылықтарды, мәдениетаралық диалогты дамытуға, қазақстандық этностарды «бірлігіміз әралуандықта» қағидаты бойынша біртұтас ұлтқа интеграциялауға, оның ішінде қазақ тілін үйрену және елдің қоғамдық дамуының 100 өзекті тақырыбы бойынша бейнеконтент жасауға бағытталған бірегей алаң құру. Яғни, «TikTok house» – бұл блогерлер ортақ мазмұнды қысқа бейнероликтер түсіретін және оларды #qogam_life ортақ хэштегі бойынша tiktok беттеріне орналастыратын арнайы алаң.<figure class="image"><img src="https://knadmin.beoblood.kz/uploads/o_a6a1780f94.jpg" alt="о.jpg"></figure>

Тик-ток хаус жобасында Қызылорда ассамблея жастары бірінші орын иеленді

<a href="https://kyzylorda-news.kz/">Kyzylorda-news.kz.</a> Өткен сенбіде Қызылорда қаласындағы Титов қыстағында Жалағаш ауданы мен «Байқоңыр ӘКК» АҚ-ның ұйымдастыруымен ауыл шаруашылығы өнімдерінің жәрмеңкесі өтті.Таңертеңмен ерте басталған жәрмеңкеге жалағаштық тауар өндірушілер мен кәсіпкерлердің алып келген өнімінің жалпы көлемі 50 көлікпен 167 тонна ауыл шаруашылық өнімдерін әкелді. Яғни күріш, сиыр еті, картоп, қызанақ, қырыққабат, сөк талқан, құрт пен сүт секілді өнімдер жәрмеңкенің сәнін келтірді. &nbsp;Атап айтқанда, 45 тонна картоп, 35 тн күріш, 20 тн сәбіз, 9 тн жуа, 10 тн қырыққабат, 2 тн жылқы, сиыр еті, 15 тн асқабақ және тағы басқа да өнімдер базар нарығынан 15-20 пайыз арзан бағада.<blockquote>«Қазір дүкендерде кез келген азық-түлік өнімінің бағасы қымбат болып тұр. Әрине, жаз бойы күтіп-баптаған қолдың сапалы өнімін сатып алғанды жөн көреміз. Біз секілді қала тұрғындарына жер мәселесі қиын, болмаса өзім де ішіп-жейтін бақша өнімдерін егіп, мал баптағанға не жетсін. Осында ауыл шаруашылығы жәрмеңесі қаламызда жиі ұйымдастылса жақсы болары сөзсіз. Ұйымдастырушыларға көп рақмет. Өнімдердің бағасы қалтаға қонымды, сапасы да жоғары», &nbsp;– дейді қала тұрғыны.&nbsp; &nbsp;</blockquote><img src="https://knadmin.beoblood.kz/uploads/318143253_1597307867387952_1960640091630519481_n_85a4718945.jpg" alt="318143253_1597307867387952_1960640091630519481_n.jpg"><img src="https://knadmin.beoblood.kz/uploads/318166807_1597307904054615_2184840327164112889_n_21de52bd7e.jpg" alt="318166807_1597307904054615_2184840327164112889_n.jpg"><img src="https://knadmin.beoblood.kz/uploads/318321734_1597309097387829_6353540029461115991_n_b1f15fdef9.jpg" alt="318321734_1597309097387829_6353540029461115991_n.jpg"><img src="https://knadmin.beoblood.kz/uploads/317944398_1597309320721140_5491447279665568914_n_8a8099c1c4.jpg" alt="317944398_1597309320721140_5491447279665568914_n.jpg">

Қазақстан және Қызылорда облысының жаңалықтары