<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 21 студенті Қазақстан Республикасы Президентінің стипендиясына ие болды. Президенттік стипендия оқу &nbsp;үлгерімі «өте жақсы» және университеттің қоғамдық жұмыстарында белсенділігімен ерекшеленген білім алушыларға тағайындалып отыр.&nbsp;
Президенттік стипендия иеленген жастардың барлығы дерлік үздік әрі ізденімпаз. Олардың қатарында «Химия-Биология» мамандығының 3-курс студенті Гүлназ Оңғар да бар.
<blockquote>«Университетке қабылданғаннан кейін өнер жарыстарына жиі қатысып, біліммен қатар шығармашылық қабілетімді де дамытуға тырыстым. Ал 2-курстан бастап ғылыми жұмыстарға қызығушылығым арта бастады. Ғылыми жетекшім, химия ғылымдарының кандидаты Гүлжан Балықбаевамен бірге қойдың құйрық майынан жақпа май дайындау мақсатында зерттеу жасадық. Сондай-ақ, «Жасыл химия» клубындағы студенттермен бірге осы өңірде өсірілетін өсімдіктерден құрамы таза, табиғи сабын дайындап шығардық. Қазір адамдардың көпшілігі бүйрек ауруына жиі шалдығады. Сондықтан жантақ ағашынан бүйрекке пайдалы сусын да әзірледік. Биылдан бастап стипендия көлемінің артқанына қуаныштымын, бұл жастарға үлкен мүмкіндік»,– деді Гүлназ Талғатқызы.</blockquote>
Еліміздегі үздік жүз студенттің қатарына енген Назым Балғараева да биыл Президенттік стипендия иеленді.
<blockquote>«Университеттегі «Бастауыш оқытудың педагогикасы мен әдістемесі» мамандығының 3-курсында білім аламын. Қазіргі уақытта педагогика және психология саласы бойынша зерттеу жұмыстарымен айналысудамын. Ал, бастауышта оқытудың қиындықтары туралы жазған мақалам бойынша еліміздегі «100 үздік жас ғалымның» қатарына қосылдым. Алдағы уақытта педагогика саласы бойынша ғылыми жұмыстармен тереңірек айналысқым келеді. Президенттік стипендия білім алушыларға үлкен мотивация береді. Кейбір студенттердің сабақ уақытынан тыс жұмыс істеп, қосымша қаражат табатыны рас. Бірақ қазіргі уақытта үздіктер қатарынан көрініп, жоғары шәкіртақыны иеленуге мүмкіндік мол», – деді студент.</blockquote>Айта кету керек, стипендия күндізгі оқу нысаны бойынша 3-курстан бастап мемлекеттік білім беру тапсырысы аясында және ақылы негізде тек «өте жақсы» (А, А-) оқитын студенттерге беріледі.&nbsp; Стипендия білім алушылардың мынадай санаттарына тағайындалады:&nbsp; &nbsp; &nbsp;1) республикалық және халықаралық олимпиадалардың, шығармашылық конкурстардың, спорттық жарыстардың, фестивальдардың жеңімпаздары немесе жаңалық авторлары;&nbsp; &nbsp; &nbsp;2) ғылыми еңбек жинақтарында, республикалық және халықаралық ғылыми журналдарда жарияланымдары бар білім алушылар;&nbsp; &nbsp; &nbsp;3) табыстары дипломдармен, грамоталармен, сертификаттармен, куәліктермен расталған ғылыми-зерттеу жұмыстарымен белсенді айналысатындар;&nbsp; &nbsp; &nbsp;4) білім беру ұйымының қоғамдық, мәдени және спорттық өміріне белсене араласатындар.Қазақстан Республикасы Президентінің стипендиясын иеленген білім алушылар тізімі:1. Азамат Абимолдаев – 6В03238-Журналистика білім беру бағдарламасының 4-курс студенті. 2. Нұржан Жарылқасын – 6В04140-Экономика білім беру бағдарламасының 4-курс студенті. 3. Перизат Тобжан – 6В06149-Ақпараттық жүйелер білім беру бағдарламасының 4-курс студенті. 4. Ақжайық Тәжі – 6В01101-Педагогика және психология білім беру бағдарламасының 4-курс студенті. 5. Жаңыл Сәрсенбай – 6В04140-Экономика білім беру бағдарламасының 4-курс студенті. 6. Жансая Мирамбекқызы – 6В01517-Биология білім беру бағдарламасының 4-курс студенті. 7. Әлия Бекенова – 6В04141-Есеп және аудит білім беру бағдарламасының 4-курс студенті. 8. Динара Амирова – 6В11177-Туризм білім беру бағдарламасының 3-курс студенті. 9. Ақбота Әміртай – 6В07369-Жерге орналастыру білім беру бағдарламасының 3-курс студенті. 10. Нұрсұлтан Абибуллаұлы – 6В10276-Әлеуметтік жұмыс білім беру бағдарламасының 3-курс студенті. 11. Аружан Алтынбаева – 6В01303-Бастауыш оқыту педагогикасы мен әдістемесі білім беру бағдарламасының 3-курс студенті. 12. Малика Нургалиева – 6В01303-Бастауыш оқыту педагогикасы мен әдістемесі білім беру бағдарламасының 3-курс студенті. 13. Гүлназ Оңғар – 6В01516-Химия-Биология білім беру бағдарламасының 3-курс студенті. 14. Айсұлу Мақаш – 6В01511-Математика-Информатика білім беру бағдарламасының 3-курс студенті. 15. Нұрсауле Сейткамалова – 6В01303-Бастауыш оқытудың педагогикасы мен әдістемесі білім беру бағдарламасының 3-курс студенті. 16. Назым Балғараева – 6В01303-Бастауыш оқытудың педагогикасы мен әдістемесі білім беру бағдарламасының 3-курс студенті. 17. Айжан Орынбасар – 6В04139-Мемлекеттік және жергілікті басқару білім беру бағдарламасының 3-курс студенті. 18. Ғайни Кошкинбаева – 6В01303-Бастауыш оқытудың педагогикасы мен әдістемесі білім беру бағдарламасының 3-курс студенті. 19. Нұратай Жақсыбай – 6В11279-Өмір тіршілігінің қауіпсіздігі және қоршаған ортаны қорғау білім беру бағдарламасының 3-курс студенті. 20. Айжан Бақытжан – 6В04245-Құқықтану (Азаматтық-Құқықтық) білім беру бағдарламасының 3-курс студенті. 21. Мақпал Абдукаимова – 6В01406-Дене шынықтыру және спорт білім беру бағдарламасының 3-курс студенті.<img src="https://knadmin.beoblood.kz/uploads/korkyt_slajder_8a0c59ec76.jpeg" alt="korkyt-slajder.jpeg">

Қызылорда: Университеттің 21 студенті Президенттік стипендия иеленді

<a href="https://kyzylorda-news.kz/">Kyzylorda-news.kz.</a> Қызылорда облысынан 800-ге жуық жастар әскерге аттану жоспарланған болатын.
Бүгін Өңірлік коммуникациялар қызметінің ұйымдастыруымен мерзімді күзгі әскерге шақыру науқанына байланысты көшпелі брифинг өтті.&nbsp;
2022 жылдың 31 желтоқсанына дейін Қызылорда облысынан 800-ге жуық жастар әскерге аттану жоспарланған болатын. Оның ішінде ҚР Қарулы күштерінің қатарына 350-ге жуық, Ұлттық ұланға 270-тен астам, Ұлттық қауіпсіздік комитетінің Шекара қызметіне 150-ге жуық және Мемлекеттік күзет қызметіне 4 адам шақырылады. Бүгінде 250-ге жуық Сыр жастары Ұлттық қауіпсіздік комитетінің Шекара қызметі мен ҚР Қарулы күштерінің қатарында қызмет етуге аттанды.
<blockquote>«Қазір таңда ҚР Қарулы Күштеріне қарасты әскери бөлімдеріне мерзімді әскери қызметке шақыру жұмыстары жүргізілуде. Облыс көлеміндегі барлық жиын пункттері күзгі мерзімді әскери қызметке шақыруға қызмет жасауда. Әскерге шақыру SMS-хабарламалар немесе үйіне және жұмыс орындарына дербес шақырту қағаздарын жіберу арқылы жүзеге асырылуда. Сыр елінің азаматтары ішінен Отан алдындағы борыштарын өтеуге белсенділік танытып жатқандары жетерлік. Күзгі мерзімді әскери қызметке шақыру науқаны осы жылдың аяғына дейін жалғасады», - деді Қызылорда облысы қорғаныс істері жөніндегі департаментінің бастығы полковник Ғалымжан Тасжанов.</blockquote>
Айта кетсек, жоғары білімі, мамандығы бар азаматтар жақсы нәтижелер көрсету арқылы келісімшарт бойынша әскери қызметке орналаса алады.
<figure class="image"><img src="https://knadmin.beoblood.kz/uploads/311843517_1642197102842462_7885952852194242486_n_2bf8512edb.jpg" alt="311843517_1642197102842462_7885952852194242486_n.jpg"></figure>

Қызылордада 800-ге жуық жас әскерге аттанады

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы облыстық филиалының &nbsp;«TALQYLAU» диалог алаңында партияның кезектен - тыс ХХІV съезінде қабылданған шешімдер талқыланды. Оған съезд делагаттары мен Халықтық коалиция мүшелігіндегі саяси партиялар мен қоғамдық бірлестіктер сондай-ақ саясаткерлер мен қоғам белсенділері қатысты.&nbsp;
«AMANAT» партиясы облыстық филиалы Атқарушы хатшысының орынбасары &nbsp;Алтынбек Жарылқасынов &nbsp;ең алдымен партия съезінде &nbsp;қабылданған жаңа Саяси тұғырнама төңірегінде атап өтті. Ол негізгі идеологиялық құжат дамудың негізгі бағыттары мен саяси бірлестіктің принциптерін көрсететіндігін жеткізді.&nbsp;
<blockquote>«Бұл құжатта партия еліміздің болашағы туралы идеясын айқын көрсетіп отыр. Бұл бір күнде ғана емес, бірнеше ай бұрын түрлі сарапшылар мен партияластар талқылауына салынып, барлық өңірлерден ұсыныстар жинау және әлеуметтік сауалнамалар жүргізу арқылы партияның әрбір мүшесіне құжатқа қатысты өз пікірін айтуға мүмкіндік берілді. Соның нәтижесі ретінде, партияның жаңа құжаты қоғамымыздың &nbsp;әртүрлі топтарының көзқарастары мен мүдделерін көрсетіп отыр», – деді Алтынбек Жарылқасынов.</blockquote>
Съез делегаты, облыстық партия филиалы жанындағы партиялық бақылау комиссиясы төрағасының орынбасары Жорабек Нұрымбетов «AMANAT» партиясының съезінде елдік маңызды &nbsp;шешімдердің &nbsp;қабылдануы партияның еліміздегі ең ірі, ықпалды саяси күші ретінде әрқашан қоғамдық –саяси үдерістердің бел ортасында жүріп, түрлі көзқарастар мен ой пікірлердің тоғысатын, үндесетін алаңына айналып отырғандығын атап өтті.&nbsp;
Саясаттанушы Сәулет Сахиев өз сөзінде жаңа саяси тұғырнама: «Адам – мемлекеттің басты байлығы» идеясына негізделгендігін атап өтті.&nbsp;
<blockquote>«Басты құжаттың Адам-Қоғам-Мемлекет қағидасына негізделуі бұл - Әділетті Қазақстанды құру идеясына сәйкес келеді. Құжатта партия «Халық үніне құлақ асатын мемлекет» қағидатын нақты ұстанып отыр. Партияның мақсаты –әрбір азаматтың &nbsp;құқықтары мен мүдделері қорғалатын, сапалы білім мен медициналық қызмет ала алатын және өзінің жоспарын жүзеге асыра алатын әділетті, өркендеген мемлекет құру», - деді ол.</blockquote>Философия ғылымдарының докторы, партия филиалы жанындағы «Miras» аймақтық кеңесінің төрағасы Баймырза Қожамберлиев алқалы жиын аясында форум өтіп, онда Президенттікке үміткер ұсыну мақсатында Халықтық коалицияның құрылуы жаңа саяси мәдениет қалыптасып келе жатқандығының көрінісі екенін жеткізді.&nbsp;Өз кезегінде сөз алған Қазақстан халық &nbsp;партиясының облыстық филиалының төрағасы Мұрат Смайлов партияның Халықтық коалицияға бірігуі мен Президенттікке ортақ үміткер ұсынуы Әділетті Қазақстан құру идеясының Қазақстан халық &nbsp;партиясының алға қойған ортақ мақсаты мен үндескендігін деп атап өтті.<img src="https://knadmin.beoblood.kz/uploads/c427afb9_36f5_41e6_b438_a9f7cc65659b_019fe3079f.jpg" alt="c427afb9-36f5-41e6-b438-a9f7cc65659b.jpg"><figure class="image"><img src="https://knadmin.beoblood.kz/uploads/2e8218ce_fdf2_4979_a82c_15a9133c1917_aac5df7dbe.jpg" alt="2e8218ce-fdf2-4979-a82c-15a9133c1917.jpg"></figure>

«TALQYLAU» диалог алаңының кезекті отырысы өтті

<a href="https://kyzylorda-news.kz/">Kyzylorda-news.kz.</a> Сырдың бойын жағалай қонған елдің әрқайсысының қатпарлы тарихы бар. Әрбір ауыл, ондағы елдің терең тарихын зерттеген адам мол қазынаға ие болар еді. Сондай ауылдардың бірі Қызылорда облысы, Жалағаш ауданындағы Таң ауылы. Сонау өткен ғасырдың басында құрылып, кеңестік дәуірде ауыл шаруашылығы бағытындағы совхоз болып, күріш егумен айналысқан бұл ауыл әлі де іргесі сөгілмей, егінін егіп, малын бағып, тіршілігін жасап, өсіп, өркендеп, аймағымыздың көркейіп, дамуына үлес қосып келеді.
 Баспадан жаңада ғана шыққан бұл кітапта осы Таң ауылының тарихы, ауыл азаматтары, туған жерді түлеткен еңбеккерлер, ауылдың бүгінгі тыныс-тіршілігі туралы баяндалған. Кітапта автордың зерттеулері, мұрағаттардан алған тың деректері, ауыл азаматтарының естелік әңгімелері, сондай-ақ ауыл өмірінің әр кезеңдерін бейнелейтін фотосуреттер жинақталған.
 Кітап жас ұрпақты туған жерді сүюге, ел үшін қызмет етуге баулитын құнды дүние болады деп сенеміз. Кітаптың авторы белгілі қаламгер, Қазақстан Журналистер одағының мүшесі, жазушы-журналист, өлкетанушы Тұрақ Адисұлы. Кітапқа тапсырыс беруші ауыл шаруашылығының көрнекті ұйымдастырушысы, Жалағаш ауданының, Қызылорда облысының Құрметті азаматы Имамзада Қуанышбайұлы Шағыртаев. &nbsp;
<img src="https://knadmin.beoblood.kz/uploads/30_b02ca48259.jpg" alt="30.jpg">
<img src="https://knadmin.beoblood.kz/uploads/31_612ae6f721.jpg" alt="31.jpg">
<img src="https://knadmin.beoblood.kz/uploads/35_7d129065f8.jpg" alt="35.jpg"><img src="https://knadmin.beoblood.kz/uploads/36_0a5f2010ac.jpg" alt="36.jpg"><img src="https://knadmin.beoblood.kz/uploads/33_233ded414c.jpg" alt="33.jpg"><img src="https://knadmin.beoblood.kz/uploads/32_56ac91a54d.jpg" alt="32.jpg"><img src="https://knadmin.beoblood.kz/uploads/34_7a45b70f4a.jpg" alt="34.jpg">

Жалағашта жаңа кітап жарыққа шықты

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен қалалық «Үздік сынып жетекші – 2022» және «Үздік тәлімгер – 2022» байқауы өтті.&nbsp;
Байқаудың мақсаты мұғалімдердің өзара тәжірибе алмасуына, шығармашылық зертханасын айқындауға, оқушыларға білім берудегі өзгерістерді еркін меңгеруге бағытталған. Сонымен қатар, білім беру ұйымдарындағы тәрбие ісін жандандыру және шығармашыл жетекшілерді анықтау үшін бұл сайыс жыл сайын ұйымдастырылып отырады.
Байқаудың мақсаты – мұғалімдер тәлімгерлердің кәсіби шеберлігін арттыруға жағдай жасау, тәжірибе алмасу және педагог мамандығының беделін арттыру. Байқауға қатысушылар атқарылған жұмыстарын және жоспарлары туралы видеоролик дайындады. Сонымен қатар, арнайы өздерінің тәжірибесімен бөлісіп жоба қорғады.
Байқаудың барлық ереже-талаптарын орындап, жұмыстарын нақты, түсінікті, нағыз сынып жетекшісіне тән әдістемелік тілмен баяндаған ұстаздарды жүлделі орындар мен номинациялармен әділқазылар алқасы марапаттады.&nbsp;
Байқаудын қорытындысы бойынша бас жүлдеге «Үздік сынып жетекші – 2022» №176 орта мектебінің мұғалімі Ақмарал Турспенбетова лайық деп танылылып, облыстық кезеңге жолдама алған еді. Ақмарал Турспенбетова бүгін облыстық кезеңде І орын иеленді.&nbsp;
«Үздік тәлімгер – 2022» &nbsp;байқауында І орынды М.Шоқай атындағы №187 ІТ-мектеп-лицейінің тәлімгері Нұржанат Жаңабай жеңіп алған болатын. Нұржанат Жаңабай бүгін облыстық кезеңде «Жаңашыл тәлімгер» номинациясымен марапатталды.&nbsp;
<figure class="image"><img src="https://knadmin.beoblood.kz/uploads/311592009_1226150224779750_5754126408821385454_n_909dbe0dac.jpg" alt="311592009_1226150224779750_5754126408821385454_n.jpg"></figure>

Қызылордада ұстаздар арасында байқау өтті

<a href="https://kyzylorda-news.kz/">Kyzylorda-news.kz.</a> 2022 жыл 20 қараша Қазақстан Республикасы Президентінің сайлауы. Әр азаматтың дауысы маңызды. 20 қараша 2022 жыл.

Әр азаматтың дауысы маңызды

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді. Қазақстан Республикасының Президенттігіне кандидатқа қойылатын талаптар.

Қазақстан Республикасының Президенттігіне кандидатқа қойылатын талаптар

<a href="https://kyzylorda-news.kz/">Kyzylorda-news.kz.</a> 2022 жылғы 20 қарашада Қазақстан Республикасы Президентінің сайлауы өтеді.

Қазақстан Республикасы Президентінің сайлауы

<a href="https://kyzylorda-news.kz/">Kyzylorda-news.kz.</a> &nbsp;Қазгидромет синоптиктері алдағы күндерге арналған ауа райы болжамын жариялады.
Синоптиктердің мәліметінше,&nbsp;циклон жырасының әсерінен, демалыс күндері еліміздің көп бөлігінде жаңбыр жауады, солтүстік аймақтарда қар аралас жаңбыр болады.
<blockquote>"Атлантикалық аймақтардан антициклонның келуінен ауа температурасы біртіндеп төмендейді, ал аптаның басында жауын-шашын тоқтайды. Елдің оңтүстік-шығысында атмосфералық фронттармен аптаның аяғына дейін жаңбыр жауады. Республика бойынша желдің күшеюі күтіледі, елдің шығысында, солтүстігінде, батысында-тұман, солтүстігінде-көктайғақ болжанады", -делінен хабарламада.</blockquote>
Сондай-ақ, ауа температурасы төмендейді.
<blockquote>"Ауа температурасы республиканың басым бөлігінде төмендейді. Қазақстанның батысында түнде 10 градус жылы - 3 градус аязға дейін төмендейді, күндіз 8-15 градус, оңтүстік-батыста 20 градус жылыға дейін жоғарылайды; солтүстікте, елдің орталығында түнгі уақытта 8 градус жылы - 3 градус аязға дейін, күндіз 5-14 градус жылыға дейін төмендейді; шығыста негізгі фон түнде 8 градус жылы - градус 5 аяз, күндіз 10-21 градус жылыға дейін төмендейді; республиканың оңтүстігінде түнде 0-11 градус жылыға дейін, күндіз 15-23 градус жылыға дейін төмендейді; оңтүстік-шығыста түнде негізгі фон 3-12 градус жылы, таулы аймақтарда 3 градус жылы - 5 градус аязға дейін, күндіз 7-20 градус жылыға дейін төмендейді", -делінген хабарламада.</blockquote>&nbsp;

Демалыс күндері ауа райы қандай болады?  

<a href="https://kyzylorda-news.kz/">Kyzylorda-news.kz.</a> Қоғамда ең қауіпті мамандықтардың бірі – өрт сөндіруші қызметі екені белгілі. Қауіпсіздік ережесіне салғырттық қараудан немесе табиғи апаттың салдарынан орын алатын түрлі өрттермен бетпе-бет келіп, тілсіз жауды тұзақтауда аянбай тер төгетін маман иелерінің жұмысы оңай емес. Кез келген уақытта осы ержүрек жігіттер өз өмірін қатерге тігіп, көмекке келеді. Сондықтан төтенше жағдайларда ең алдымен тұрғындарды құтқаруға тырысатын өрт сөндіруші мамандардың еңбегі ерлікпен тең десек артық айтпаймыз. Осындай батыр, жанқияр, салқынқанды жігіттер кімдер? Олардың жұмыс күні қалай өтеді, қандай жағдайда жұмыс жасайды? Осы сұрақтарға жауап алу мақсатында шығармашылық топ, яғни әріптесім Нұрболат Қаржаубай екеуміз таң атысымен Қызылорда қаласындағы №1 мамандандырылған өрт сөндіру бөліміне жол тарттық.Қызмет бекеттен басталадыКүн ұясынан шықпай тұрып, бөлімше ауласында жұмыс күні басталып кеткен. Ұйқысын аша алмай жүрген бір де бір қызметкер байқалмайды. Ендігі үйреніп те кеткен болар. Бөлімше аумағында бақылау бекеті, автотұрақ орналасса, сондай-ақ спорттық көрсеткіштер мен спорттық жабдықтар, жаттығу мұнарасы, кедергілер жолағы, тіпті спорттық ойын алаңдары жасақталған.&nbsp;Сөйтіп бөлімшеде өрт-құтқару қызметінде жаңа аусым басталды. Бүгін жұмысқа түскен өрт сөндіруші, яғни құтқарушылар 24 сағат бойы осында болады. Яғни бір тәулік қызметте болып, үш күн демалады. Аусым техникалық қауіпсіздік бойынша нұсқамалық пен жеке құрамға маңызды мәліметтерді жеткізуден басталды. Ары қарай құтқарушылар көліктердің жағдайын, құтқаруға қажетті құрал-жабдықтарды бір тексеріп шықты. Одан кейін арнайы оқу-жаттығу сабақтары өткізіледі. Сабақта қай күні қандай өртке шықты, сол апатты тұсауда қандай қателіктер жіберілді, осының барлығы талдаудан өтеді. Өрт сөндірушілерде теориялық сабақтан басқа практикалық сабақтар кестесі де бар. Яғни дабыл соғылғанда олар бірден жаттығуға шығады. Дабылды ести салысымен киім, қажетті жарақтарды алып, көлікке отырып, бөлімше аумағынан шығады. Бұл шынайы оқиға емес, қауіп-қатер дабылы оқу-жаттығу үшін берілді. Ал бұл әрекет жауапты маман үшін кәсібилікті тағы да бір пысықтау.Біліктілік басты назардаАйта кететін жайт, 19 қазан құтқарушылар күні қарсаңында кіл жүйрікте кім жүйрікті анықтайтын өрт-құтқару спорттық сайысы басталыпты. &nbsp;Ұжымдық қарым-қатынас пен кәсіби шеберлік сынға түсетін жарыста 15 команда бақ сынайды. Бүгін ең әсерлі кезең жауынгерлік қанат жаюдан жарыс өтеді. Жарыс бөлімше ауласында сағат 9.00-де басталып кетті. Сайыс өте тартысты, әрі қызықты өтті. Ұжымдардың мықты дайындықпен келгендігі байқалып тұрды. Өрт сөндіру және авариялық құтқару жұмыстары қызметінің баспасөз хатшысы Алия Ережепованың айтуынша, мұндай жарыстардың қызметкерлер үшін тигізер пайдасы мол көрінеді.<blockquote>«Егер қаланың ішінде төтенше жағдай орын алса, құтқарушылар 10-15 минуттың ішінде жетуге міндетті. Мысалы өрт сөндірушілердің киімдерінің өзі 8 кг болады. Оның үстіне газқағарды және арнайы құрал-жабдықтарын қосасыз, барлығы 30 кг қосымша салмақты көтеріп жүруі керек. Ал мына көліктердің су сыйымдылығы 7 тонналық, секундына 8 литр су шашады. Секундына 8 литр су шашса, әрі кетсе су 2 минутқа ғана жетеді. Өрт сөндірушілер суды тоқтатпау үшін қала аумағында орналасқан өрт гидранттарына қосылады. Сол себепті өрт сөндірушілер физикалық тұрғыдан әркезде дайын болуы қажет», – дейді Алия Ережепова.&nbsp;</blockquote>Айта кетейік, 2022 жылғы 9 айында Қызылорда облысы Төтенше жағдайлар департаменті «Өрт сөндіру және авариялық-құтқару жұмыстары қызметі» мемлекеттік мекемесінің бөлімдерімен дабыл бойынша 9 422 рет шыққан. Өткен жылмен салыстырғанда 2 472 шығысқа немесе 26,3 пайызға көбейген. Оның ішінде өртке 311 рет шығып, өткен жылмен салыстырғанда 15 шығысқа немесе 4,9 пайызға артқан. Кадр саясатына тоқталсақ, қазіргі таңда 11 бос жұмыс орны жарияланған. Ең бастысы аталған салаға жұмысқа орналасам деген азаматтарға қандай мамандықта білім алғаны маңызды емес. Физикалық, психологиялық тұрғыдан дайын болып, іріктеу конкурсынан өтуі керек. Конкурстан өткен соң әрі қарай Шымкент қаласына оқуға жіберіледі. Сондай-ақ өрт сөндіру мамандығы бойынша арнайы Мәлік Ғабдуллин атындағы азаматтық қорғау академиясы мамандар дайындайды.Сайыстан соң бізде өрт сөндірушіден сұхбат алуды жөн көрдік. Өзінің спорттық жарысын жақсы нәтижемен тәмамдаған №5 өрт сөндіру бөлімінің қарауыл бастығы Мұхамбетжан Алдабергенді әңгімеге тарттық. Ол аталған салада 2020 жылдан бері қызмет етеді екен.&nbsp;&nbsp;<blockquote>«Мен оқуды бітіргеннен кейін қандай салада жұмыс істеймін деп көп ойланбадым. Бала кезден құтқарушы, оның ішінде өрт сөндіруші боламын деп армандайтынмын. Армандап қана қоймай, спортпен айналысып, физикалық тұрғыдан өзімді осы мамандыққа дайындадым. Шүкір, жаман емес, бүгінде ең жауапты салада қызмет етудемін. Біздің бөлімше әрдайым кез келген уақытта, қандай жағдай болмасын адам өмірін құтқаруға дайын. Өз өмірлерін қатерге тігіп, төтенше жағдайға тап болған адамдарды құтқарады. Негізі бізге жүктелген тәртіп бойынша кез келген бөлім қызметкерлері &nbsp;төтенше оқиға болған орынға он минуттың ішінде жетуі керек. Сондықтан біз барынша ыждағатты түрде, жағдайға сай әрекет етуге дайын болуымыз міндетті. Сондай-ақ тұрғындарға өрт қауіпсіздігін қатаң сақтауға кеңес беремін», – дейді Мұхамбетжан Алдаберген.</blockquote>Сонымен қатар құтқарушылар тек физикалық емес, психикалық жағынан да дайындықтан өтеді. Ол үшін бөлімшеде психолог мамандар жұмыс істейді. Осындай қауіпті қызметтің жалақы мөлшері жоғары болмаса да, ұнатқан мамандық бойынша жұмыс істегенде мұның бәрі маңызды емес болып қалатынын айтады. Жақында мынадай оқиға болыпты. Ғимараттың 5-ші этажында өрт болып, пәтер ішінде күйеуі, әйелі, кішкентай баласы қалып қойған. Өрт сөндірушілер барғанда кішкентай бала каска кейген құтқарушылардан қорқып, жылаған. Тәжірибелі өрт сөндіруші дереу каскасын шешіп, балаға газқағар аппаратын кигізіп, аман-есен құтқарып шыққан. Міне, осындай салқынқанды құтқарушылардың әрекеті, қоғам алдында сенімділікті оятады.Түйін: Бөлімшеге сапар барысында түйгеніміз олар күнделікті өмірде қандай төтенше жағдайлармен бетпе-бет келетінін, қиындықты қалай еңсеретіндерін ашылып, көп айта да бермейді. Қызмет бабында азды-көпті ерліктер жасаса да, олар өз еңбектерін ерлік деп санамайды. «Ел игілігіне абыройлы қызмет етіп, алғысқа бөлене беріңіздер» деп, бізде өрт сөндіруші қызметімізді аяқтадық.Жандос Жазкен<img src="https://knadmin.beoblood.kz/uploads/Whats_App_Image_2022_10_13_at_19_35_42_1_fb151b3733.jpeg" alt="WhatsApp Image 2022-10-13 at 19.35.42 (1).jpeg"><img src="https://knadmin.beoblood.kz/uploads/Whats_App_Image_2022_10_13_at_19_35_42_2_f041d6b3a4.jpeg" alt="WhatsApp Image 2022-10-13 at 19.35.42 (2).jpeg"><img src="https://knadmin.beoblood.kz/uploads/Whats_App_Image_2022_10_13_at_19_35_40_2_2c9cbb786f.jpeg" alt="WhatsApp Image 2022-10-13 at 19.35.40 (2).jpeg"><img src="https://knadmin.beoblood.kz/uploads/2_cba74c1837.jpg" alt="2.jpg"><img src="https://knadmin.beoblood.kz/uploads/3_57af03aa49.jpg" alt="3.jpg"> <img src="https://knadmin.beoblood.kz/uploads/4_5a7bfe6d9e.jpg" alt="4.jpg">&nbsp;

Жүректілікті талап ететін мамандық (ФОТО)

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің бірінші орынбасары Серік Қожаниязов Орман шаруашылығы қызметкерлерін кәсіби мерекесімен құттықтап, сала үздіктерін марапаттады.&nbsp;
Мерекелік кездесуде Орманды сақтау, молықтыру және көбейтуде жылдар бойы қызмет етіп, саланың дамуына өлшеусіз үлес қосқан қызметкерлер ҚР Экология, геология және табиғи ресурстар министрлігінің І дәрежелі, ІІІ дәрежелі, «Еңбек сіңірген орман өсіруші», Құрмет грамоталарымен және облыс әкімінің, облыс әкімінің бірінші орынбасының Алғыс хаттарымен марапатталды.&nbsp;
Шара соңында Орман шаруашылығы саласының еңбек сіңірген ардагерлері ізгі лебіздерін білдірді.
<figure class="image"><img src="https://knadmin.beoblood.kz/uploads/orman_99e050bfb4.jpg" alt="орман.jpg"></figure>

Қызылордада орман шаруашылығы қызметкерлері құрметке бөленді

<a href="https://kyzylorda-news.kz/">Kyzylorda-news.kz.</a> Назарбаев Зияткерлік мектептерінде тоғызқұмалақтан V желілік спартакиада өз мәресіне жетті. Сайыс қорытындысы бойынша Қызылордадағы NIS-тің оқушылары жекелей есепте екі екінші орын иеленіп, жалпыкомандалық есепте бірінші және үшінші орындарды жеңіп алды.
Орта топта 9-сыныптың білім алушысы Жансая Досық пен 7-сыныптың оқушысы Ақберен Бақытберген мектеп намысын қорғаса, жоғары топта 12-сынып оқушысы Досымжан Райымбек пен 11-сыныптан Жұлдызай Мұнайтбасова сайысқа түсті.
<blockquote>«Үш күнге созылған ойындар өте тартысты болды. Барлығы жеті қарсыласпен сайысып, Ақтаулық ойыншыға 1 ұпай есе жібердім. Нәтижесінде жекелей есепте екінші орынға тұрақтадым», – деп бөлісті Жұлдызай Мұнайтбасова.</blockquote>
Тоғызқұмалақтан V спартакиада PlayOk платформасында қашықтан өтті. Ойыншылар рапид әдісі бойынша 3 жас ерекшелікте кезең-кезеңімен сайысқа түсті. Ақберен Бақытберген бұл желілік спартакиадаға алғаш рет қатысты. Биыл «Өркен» грантын жеңіп алған жас зияткер мектеп қоржынын күміс медальмен толықтырды.
<blockquote>«Тоғызқұмалақпен алты жылдан астам уақыт айналысып келемін. &nbsp;Бұл ойын логикалық ойлауды, төзімділікті дамытады. Әр сайыс мен үшін жаңа тәжірибе жинайтын алаң», - деді Ақберен Бақытберген.</blockquote>Айта кету керек, екі жыл қатарынан сырбойылық құрама команда спартакиада кубогын жеңіп келеді. Биыл да шәкірттер 100 оқушының ішінен оза шауып, олжалы болды.<figure class="image"><img src="https://knadmin.beoblood.kz/uploads/togyzkumalak_9dbbdaaee5.jpeg" alt="тогызкумалак.jpeg"></figure>

Қазақстан және Қызылорда облысының жаңалықтары