<a href="https://kyzylorda-news.kz/">Kyzylorda-news.kz.</a>&nbsp; Бүгін «AMANAT» партиясының Қызылорда қалалық филиалының жанынан құрылған ақпараттық насихат тобының өкілдері Шәріп Әбдірахманов пен Айгүл Мұсабаева ардагерлермен кездесіп, Мемлекет басшысының Жолдауынан туындайтын негізгі басымдықтарды ортақ талқыға салды.Мәселен, ақпараттық топ мүшесі Айгүл Мұсабаева Жолдаудағы зейнетақы жүйесінің тиімділігін арттыру бағытында жүргізілетін шаралар төңірегінде атап өтті.<blockquote>«Президент Жолдауда зейнетақы жүйесін қайта іске қосу қажеттігін айтты. Ең төменгі базалық зейнетақы мөлшерлемесін ең төменгі күнкөріс деңгейінің 70 пайызына, ал ең жоғарысын 120 пайызға дейін жеткізу қажет. Бұрын қабылданған шешімдермен бірге бұл 2025 жылға қарай жалпы зейнетақыны орта есеппен 27 пайызға арттыруға мүмкіндік береді»,- деді А.Мұсабаева.</blockquote>Жиында сондай-ақ мемлекеттік бағдарламаларда қауіпсіздікті қамтамасыз ету, экономикалық саясатты одан әрі жетілдіру, әлеуметтік әріптестік пен адами капиталдың сапасын жақсарту, еңбек нарықтарын жаңғырту, әрбір сектордың жауапкершілігін арттыру жөніндегі даму бағыттары мен стратегиясы төңірегінде да айтылды.Өз кезегінде сөз алған ардагер Жүзбай Таңрақбай ардагерлер қауымы Жолдаудағы қоғам мен мемлекет алдында тұрған міндеттерді ақылмен, сабырмен, ғылыми нақтылықпен қабылдап, ондағы міндеттерді бірлесе атқаруға қашан да дайын екенін жеткізді.<figure class="image"><img src="https://knadmin.beoblood.kz/uploads/311585464_488986516600323_5514471911227907581_n_6ca86c401f.jpg" alt="311585464_488986516600323_5514471911227907581_n.jpg"></figure>

Жолдау: Қызылордалық ардагерлер бас қосты

<a href="https://kyzylorda-news.kz/">Kyzylorda-news.kz.</a> 25 қазан – Республика күніне орай Қызылорда облыстық Қазақстан халқы ассамблеясы жанындағы Аналар кеңесінің ұйымдастыруымен жас отбасылармен кездесу өтті.&nbsp;Шараға облыстың әр ауданынан келген үлгілі жас отбасылар, аналар кеңесінің белсенді мүшелері, облыстағы әйелдер істері және отбасылық демографиялық саясат жөніндегі комиссия хатшысы Қаламқас Каримова, Қызылорда облыстық ҚХА хатшылығының меңгерушісі, облыстық қоғамдық даму басқармасының этносаралық қатынастар мәселелері жөніндегі бөлімінің басшысы Әйгерім Алиева қатысты.«Отаным – мақтанышым, отбасым - тірегім» тақырыбымен өрбіген шараның шымылдығын Аналар кеңесінің төрағасы Рахима Ахметова ашып, ұлттық мереке – Республика күнімен құттықтап, қатысушыларға ізгі лебізін білдірді.&nbsp;Шараның алғы сөзі Қызылорда облыстық қоғамдық даму басқармасының «Қоғамдық келісім» КММ директорының міндетін атқарушы Айбек Дайрабайға берілді.&nbsp;<blockquote>«Адал еңбегінің арқасында нәпақасын тауып, түрлі салада қызмет етіп, отбасының берекесін арттырып отырған жандарды дәріптеу, насихаттауды &nbsp;ел Президенті Қасым-Жомарт Тоқаев өз Жолдауында тапсырған болатын. Осы ретте Аналар кеңесі ауқымды жұмыстар жүргізіп келеді. Әсіресе шалғай ауылдардан шығып, өз күшімен, білімімен, ана тәрбиесінің нәтижесінде &nbsp;үлкен жетістіктерге жеткен жандардың аналарын елге танытуда елеулі жұмыстарды атқаруда. Біздің өңірлік Аналар кеңесінің бастамасымен қолға алынған өнегелі аналарға «Ел анасы» номинациясын табыстау рәсімі жуырда Республикалық Аналар кеңесінің кеңейтілген отырысында үлгі ретінде жалғасын тапты. Сыр аналарының жұмысына оң баға берілді. «Мәдениетті ана – мәдениетті ұлт» жобасының негізгі бағыттарының бірі де осы. Нағыз ел аналарын насихаттау. Ендігі кезекте бұндай жұмыстар республика көлемінде жалғасын таппақ», - деп атап өтті Айбек Дайрабай.&nbsp;</blockquote>Мерекелік кездесуге облыстың барлық аудандарынан және Байқоңыр қаласынан үлгілі жас отбасылар қатысып, арнайы дайындаған бейнероликтерін көрсетті.&nbsp;Мұнан соң ардақты ана, аяулы әже Ұлбосын Бекмағамбетова, Сырдария, Қазалы, Жаңақорған ауданынан келген жас отбасы мүшелері сөз сөйлеп, отбасы құндылықтары, оның қадірі мен қасиеті туралы мағыналы дүниелерді айтты. Ұрпақ тәрбиесі – ұлт болашағының кепілі. Әр бала атаның қанымен, ананың сүтімен келетін туабітті қасиеттер сияқты ұлттық рухани &nbsp;құндылықтарды да алдымен отбасындағы тәрбиемен сіңіретіні анық. Ендеше ұлттық тәрбие ел болып ертеңге нық қадам басудың негізі болмақ деген орамды ойлары мен пікірлерін ортаға салды.&nbsp;Мерекелік кездесуде «Қуаныш» әжелер ансамблі, №140 орта мектептің ұстаздары мен Ж.Нұрманов атындағы №198 орта мектептің оқушылары, бір отбасының балалары Адина мен Алина әсем әнді әуелетіп, кештің көркін қыздырды.&nbsp;Шара соңында отбасы құндылықтарын берік сақтап, өзгелерге өнеге болып жүрген &nbsp;жас отбасылар марапатталды.&nbsp;<figure class="image"><img src="https://knadmin.beoblood.kz/uploads/311925308_3333703300282160_2042471912890947364_n_b7ada97388.jpg" alt="311925308_3333703300282160_2042471912890947364_n.jpg"></figure><figure class="image"><img src="https://knadmin.beoblood.kz/uploads/312342188_3333704270282063_8992004906451988983_n_59c6dce5ea.jpg" alt="312342188_3333704270282063_8992004906451988983_n.jpg"></figure><figure class="image"><img src="https://knadmin.beoblood.kz/uploads/311735189_3333703466948810_826844233982106767_n_77300a6162.jpg" alt="311735189_3333703466948810_826844233982106767_n.jpg"></figure>

Қызылордада Аналар кеңесінің мүшелері жас отбасылармен кездесті

<a href="https://kyzylorda-news.kz/">Kyzylorda-news.kz.</a> №19 бағыттың жол сызбасын қайта жаңартып, халыққа қызмет көрсетуге бағытқа қосылғандығын жеткіземіз. Бағыт «Саяхат» мөлтек ауданы мен «Титов» мөлтек ауданын қамтиды.Бағыттың жол жүру аялдамаларын, суретте көрсетілген сызбадан біле аласыздар.<figure class="image image_resized" style="width:90.5%;"><img src="https://knadmin.beoblood.kz/uploads/0b3d9a3d97d134e4562df96d276d46cb_1280x720_c29b4ce3fb.jpeg" alt="0b3d9a3d97d134e4562df96d276d46cb_1280x720.jpeg"></figure>

Қоғамдық көлік: Қызылордада жаңа бағыт қосылды

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Нұрлыбек Нәлібаевтың төрағалығымен облыс әкімдігі жанындағы Сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті.Комиссия жұмысына Сыр еліне жұмыс бабымен келген ҚР Сыбайлас жемқорлыққа қарсы іс-қимыл Агенттігінің превенция қызметінің басшысы Саян Ахметжанов арнайы қатысты. Жиынға құқық қорғау және орталық атқарушы орган басшылары, үкіметтік емес ұйым өкілдері қатысты.Облыс әкімі сыбайлас жемқорлықпен күресу мемлекеттік саясаттағы негізгі басымдықтың бірі екенін алға тартып, өңірде оңтайлы жүргізілген жұмыстардың нәтижесінде көрсеткіштердің төмендегенін алға тартты.<blockquote>«Биылғы жылдың өзінде сыбайлас жемқорлық деректерін анықтап ғана қоймай, түрлі салаларда жүзеге асырылған жобаларда 77-ден аса сыбайлас жемқорлық тәуекелдерін белгілеп, оларды дер кезінде жоюға белсенді шаралар қабылдануда. Нәтижесінде өңірімізде өткен жылдың 9 ай көрсеткішімен салыстырғанда сыбайлас жемқорлық сипатындағы құқық бұзушылықтар деңгейі 8,2% азайған.Жемқорлықпен күрес - ортақ міндетіміз. Сондықтан әрбір қызметкердің тәртібі мен жауапкершілігі бірінші басшыға тікелей байланысты. Сіздер мемлекеттік қызметке жеке бас құндылығы ретінде қарайтын тұлғалардың қызметке келуіне қатаң тосқауыл қоюларыңыз қажет»,- деді Н.Нәлібаев.</blockquote>Сыбайлас жемқорлыққа қарсы іс-қимылдың ең тиімді әдісі – көрсетілетін мемлекеттік қызметтерді электрондық форматқа көшіру. Бүгінгі күні өңірімізде жергілікті атқарушы органдар тарапынан 296 мемлекеттік қызмет көрсетіледі, оның 142-сі электронды форматта жұмыс жасайды.Сондай-ақ, өңірде жүргізілген жобалық басқару аясында 2023 жылдың басынан бастап Қызылорда қаласы мен аудан әкімдіктері сыбайлас жемқорлық тәуекелдеріне ішкі талдау жүргізу, сыбайлас жемқорлыққа қарсы мәдениетті қалыптастыру және квазимемлекеттік сектор субъектілері институтын дамыту жұмыстарын атқаратын болады.Жиында Қызылорда облысының сыбайлас жемқорлыққа қарсы іс-қимыл бойынша ахуалы туралы Саян Ахметжанов жемқорлық тәуекелі жоғары салаларда ашықтық қағидатын енгізу мәселелеріне тоқталды. Ал, Сыбайлас жемқорлыққа қарсы іс-қимыл агенттігінің облыстық департаменті басшысының міндетін атқарушы Ұзынжас Бауыржан сыбайлас жемқорлық тәуекелдер картасы аясында атқарылған жұмыстар туралы баяндады.Комиссия отырысының соңында аймақ басшысы Нұрлыбек Нәлібаев жауапты сала басшыларына бірқатар тапсырма берді.<img src="https://knadmin.beoblood.kz/uploads/312265662_410833867904530_1738649488348857286_n_41a8b577c9.jpg" alt="312265662_410833867904530_1738649488348857286_n.jpg"><img src="https://knadmin.beoblood.kz/uploads/312315574_410833834571200_9082872789529711019_n_b52fbe36c6.jpg" alt="312315574_410833834571200_9082872789529711019_n.jpg">

Қызылорда өңірінде сыбайлас жемқорлық сипатындағы құқық бұзушылық деңгейі 8,2% азайған

<a href="https://kyzylorda-news.kz/">Kyzylorda-news.kz.</a> Қызылорда облысының табиғи ресурстар және табиғат пайдалануды реттеу басқармасының жанынан «WhatsApp» мессенджерінде «Эко-патруль Қызылорда» жобасы жұмыс істейді.&nbsp;Жобаның мақсаты аймақтың&nbsp;санитариялық тазалық жағдайына бақылау жасау және санитариялық талаптарға сәйкес келмейтін орындарды анықтап, тазарту.&nbsp; &nbsp;«Эко-патруль Қызылорда» «WhatsApp» мессенджерінің +7 747 104 56 67 нөмірі арқылы жұмыс&nbsp;істейді.Өңірдің&nbsp;санитариялық талаптарға сәйкес келмейтін аймақтары туралы ақпараттар (видео - фото түсірілімдер мен нақты мекен-жайын) мен ұсыныстарыңызды (тек «Whatsapp» хабарламалар) жоғарыда көрсетілген нөмірге жолдауларыңызға болады.&nbsp;Қызылорда облысының таза, әрі көркейген жасыл өлкеге айналуына өз үлесіңді қос!&nbsp;

«Эко-патруль Қызылорда» жобасы жұмыс істейді

<a href="https://kyzylorda-news.kz/">Kyzylorda-news.kz.</a> «Рухтастар cases» диалог алаңында «Болашақ» университеті студенттерімен кездесу өтті.Кездесу барысында студенттермен ҚР Президенті &nbsp;Қасым-Жомарт Тоқаевтың &nbsp;«Әділетті мемлекет. Біртұтас ұлт. Берекелі қоғам» атты Қазақстан халқына жолдауы талқыланды.&nbsp;Диалог алаңының спикерлері «Жастар Рухы» ЖҚ төрағасы М.Жорабек, облыстық «Жастар ресурстық ортылығы» КММ директоры Т.Тілес және «Business start» кәсіпкерлік орталығының басшысы Ж.Тубекбаев &nbsp;оқу орнының білім алушыларымен еліміздің алдағы кезеңге арналған дамуының негізгі бағыттары туралы пікір алмасып, сұрақтарына жауап берді.Жолдауда айтылған бағыттар бойынша нақты міндеттер айқындалған. Жалпыхалықтық референдумда қабылданған конституциялық өзгерістерде жастарға жан-жақты қолдау көрсетіп, келесі жылдан бастап 100 мың жасты еңбекпен қамтитын түрлі шаралар жүзе асыру жоспары тұр. Сондықтан мемлекеттың дамуына, көзделген реформаларды іске асыруға жастар атынан бірге үлес қосумыз керек, &nbsp;– деді &nbsp;Т.Тілес.Өз кезегінде сөз алған Жастар Рухы» ЖҚ төрағасы М.Жорабек «AMANAT» партиясының &nbsp;кезектен - тыс ХХІV съезінде &nbsp;қабылданған жаңа Саяси тұғырнамаға тоқталып өтті. Ол негізгі идеологиялық құжат дамудың негізгі бағыттары мен саяси бірлестіктің принциптерін көрсететіндігін жеткізді.<figure class="image"><img src="https://knadmin.beoblood.kz/uploads/8fcf672b_93b8_41a3_a934_bd24d0a78101_a9eddd4c1f.jpg" alt="8fcf672b-93b8-41a3-a934-bd24d0a78101.jpg"></figure>

«Рухтастар cases»: «Болашақ» университетінің студенттерімен кездесу өтті

<a href="https://kyzylorda-news.kz/">Kyzylorda-news.kz.</a> «Педагогикалық тәжірибемдегі Ахмет Байтұрсынұлының идеялары» панорамалық сабақтар байқауында Қызылорда қаласындағы Зияткерлік мектептің қазақ тілі мен әдебиеті пәнінің мұғалімі Гүлзат Шынтасова І дәрежелі дипломмен марапатталды.Қостанай қаласындағы Зияткерлік мектептің бастамасымен өткізілген Ахмет Байтұрсынұлының &nbsp;150 жылдық мерейтойына арналған сайысқа &nbsp;NIS желісіндегі барлық мектептер мен жалпы білім беретін ұйымдардың ұстаздары қатысты. &nbsp;Қатысушылар өз тәжірибелерінде ұлт ұстазының педагогикасын қолдану әдістемелерімен бөлісті. &nbsp;<blockquote>«Ахмет Байтұрсынұлының педагогикалық идеялары – ұстаздар қауымына арналған жетекші нұсқаулық. Қазірде қолданып жүрген көптеген әдіс-тәсілдеріміздің мәні мен қолданысы ғалым еңбектерінде көрініс тапқан», – дейді жеңімпаз мұғалім.</blockquote>Гүлзат Бұрабайқызы өз сабағында әдіскердің ұсынған жеті қағидатын басшылыққа алып, жаңа берілетін сабақты баланың білетін мағлұматтарымен ұштастыру, тиісті таныстыру арқылы сабақтың мазмұнына ынталандыру, сұраулар қою арқылы қызығушылығын арттыру, ақпаратты сұрыптай қолдану, белсенді оқыту әдіс-тәсілдерінің оңтайлы қолдану бағыттарын &nbsp;көрсете білген.<blockquote>«Ахмет Байтұрсынұлының мұраларындағы дидактикалық ұстанымдарды қоғам талаптарына сай қазіргі оқыту әдістемесінде қолдану, дәріптеу оқушылардың ғылыми дүниетанымын, көзқарасын қалыптастыруда, белсенді, дара және өмірге бейім тұлғаны даярлауда аса қажет деп санаймын. Олақтықтың белгісі – бір әдісті болу, шеберліктің белгісі – түрлі әдісті болу» деп ғалым айтқандай, әр сабақты түрлендіріп, керек жерінде жоқ әдісті таба білу сара жолдағы үлкен міндет», – дейді жас педагог.</blockquote><figure class="image"><img src="https://knadmin.beoblood.kz/uploads/274162387_3022005934795987_1841636538901444934_n_b5ba04cc76.jpg" alt="274162387_3022005934795987_1841636538901444934_n.jpg"></figure>

Гүлзат Шынтасова: Сабақта Ахмет Байтұрсынұлының педагогикалық идеяларын басшылыққа алып отырамын

<a href="https://kyzylorda-news.kz/">Kyzylorda-news.kz.</a> Қазгидромет қараша айына арналған ауа райы болжамын жариялады.Қараша айында республиканың бүкіл аумағындағы ауа температурасы климаттық норма шамасында болжанады. Қарашада ҚР батыс жартысында нормадан аз, шығысында – нормаға жуық.Барикалық түзілімдер мен синоптикалық процестердің жиі өзгеруімен бір ай ішінде ауа температурасының ауытқуы, тұман және көктайғақ құбылыстары болжанады, ал қар жамылғысының орнатылуымен және елдің солтүстігінде желдің күшеюімен бұрқасын болуы мүмкін.Қарашаның бірінші онкүндігінде әлі де жылы ауа райы сақталады, алайда айдың екінші және үшінші онкүндігінде Қазақстан аумағына солтүстік теңіз, батыс және шығыс сібір аудандарынан суық ауа массалары жиі енетін болады. Осылайша: елдің батыс өңірлерінде ауа температурасы түнде +3+10°С-тан -5-17°С-қа дейін, күндіз +12+22°С-тан -2-10°С-қа дейін біртіндеп төмендейді. Айдың соңында ауа температураның аздап көтерілуі болжануда;ҚР солтүстік, орталық және шығыс өңірлерінде бірінші онкүндікте ауа температурасының түнде 0,-10°С-тан 0,+5°С-қа дейін, күндіз 0,+5°С-тан +5+15°С-қа дейін ауытқуы күтіледі. Екінші және үшінші онкүндіктерде ауа температурасы түнде -15-20°С дейін, күндіз -5-12°С дейін төмендейді; оңтүстікте, оңтүстік-шығыста бірінші онкүндікте күндізгі ауа температурасы +12+20°С болады деп күтілуде. Содан кейін ауа температурасы түнде -10-17°С, күндіз -1-8°С дейін біртіндеп төмендейді деп болжануда.

Қарашаға арналған ауа райы болжамы жарияланды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және міндетті әлеуметтік медициналық сақтандыру (МӘМС) пакеті бойынша жеткізушілер көрсеткен қызметтердің сапасы мен көлеміне мониторинг жүргізуді жалғастыруда.2022 жылдың 8 айында халыққа медициналық көмек көрсету кезінде &nbsp; &nbsp;62 759 түрлі кемшілік анықталды, медициналық ұйымдарға салынған айыппұл сомасы 752,4 млн теңгеден асты.<blockquote>«ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай - ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», - деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.</blockquote>Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 133,5 млн теңге болатын 50 490 осындай ақаулар тіркелді. Сондай-ақ, амбулаториялық-емханалық көмек көрсету кезінде 6 467 ақау, тәулік бойы жұмыс істейтін көп бейінді стационарларда медициналық көмек көрсету кезінде 5 869 кемшіліктер анықталды.Егер сізде сапалы медициналық қызметтерді алуға қатысты сұрақтар туындаса, онда өз емханаңыздың Пациентті қолдау қызметіне хабарласуыңыз қажет. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<figure class="image"><img src="https://knadmin.beoblood.kz/uploads/mems_zhuyesi_bakyt_ismahanbetov_fb95ce28d3.jpg" alt="mems-zhuyesi-bakyt-ismahanbetov.jpg"></figure>&nbsp;&nbsp;

Қызылордалықтарға көрсетілген медициналық қызметтен 62 мыңнан аса кемшілік анықталды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық қоғамдық даму басқармасының «Саяси қуғын-сүргін құрбандарын ақтау жөніндегі өңірлік экспедиция жұмысын үйлестіру» әлеуметтік жобасы аясында, «Ашық азаматтық қоғам» ақпараттық-ресурстық орталығы» қоғамдық қорының ұйымдастыруымен Жаңақорған ауданында қуғын-сүргін құрбандары жерленген тарихи орындарды анықтау, белгі қою, зерттеу жұмыстарын жүргізу мақсатында экспедиция және аудандық жұмысшы топ өкілдеріне арналған семинар өткізілді.&nbsp;Экспедиция жұмысына саяси қуғын-сүргін құрбандарын ақтау жөніндегі облыстық жұмысшы топ мүшелері Қорқыт ата атындағы Қызылорда &nbsp;университетінің доценті, тарих ғылымдарының кандидаты А.Оразбақов, «Қоғамдық келісім» КММ-нің бөлім басшысы, (PhD) доктор Д.Омаров және Түркістан облысынан Қожа Ахмет Ясауи атындағы Халықаралық қазақ-түрік университетінің профессоры, тарих ғылымдарының докторы Х.Тұрсын, тарих ғылымдарының кандидаты, доцент З.Әділбекова, «Дінтану» кафедрасының доценті С.Оразбай қатысты.Экспедиция мүшелері алдымен Жаңақорған ауданының Бесарық ауылы маңайындағы Байғабыл бауы, Қосым сарай және кент жанында орналасқан &nbsp;Жеті төбе (Секретарь төбе)атты жерлерде ашаршылық құрбандары жерленген орындармен танысып, ауыл ақсақалдарымен пікірлесті. Жұмысшы топ мүшелері тарапынан анықталған аймақтарға арнайы белгі қою, ақпараттық тақта орнату бойынша ұсыныс әзірленетін болды.&nbsp;Одан әрі, ғалымдар ауданның жұмысшы топ мүшелері, өлкетанушылар, тарихшы ғалымдармен кездесіп ой пікір алмасты.Сондай-ақ, екі өңірдегі облыстық жұмысшы топ тарапынан жасалып жатқан жұмыстарға тоқталып, өзара тәжірибелерімен бөлісті. <img src="https://knadmin.beoblood.kz/uploads/85e41f73_3998_4558_92bc_879772ec3daf_dd3a261840.jpg" alt="85e41f73-3998-4558-92bc-879772ec3daf.jpg"><img src="https://knadmin.beoblood.kz/uploads/ee27d4f0_e3db_4ee6_a4ed_6fade192724a_4e2808c369.jpg" alt="ee27d4f0-e3db-4ee6-a4ed-6fade192724a.jpg">

Ғалымдар саяси қуғын-сүргін құрбандарына белгі қойылған аймақтарға экспедиция ұйымдастырды

<a href="https://kyzylorda-news.kz/">Kyzylorda-news.kz.</a> 25 қазан - Республика күніне орай Қызылорда облыстық Қазақстан халқы ассамблеясы жанындағы Журналистер мен сарапшылар клубының мүшелерімен мерекелік кездесу кеші өтті.«Ел тұрақтылығын сақтауда ақпараттық қауіпсіздіктің маңызы» тақырыбымен өткен шараға Қызылорда облыстық қоғамдық даму басқармасының «Қоғамдық келісім» КММ директорының орынбасары Айбек Дайрабай, Журналистер мен сарапшылар клубының төрағасы Елена Рыбина, республикалық, облыстық және жергілікті БАҚ өкілдері қатысты.Айбек Дайрабай журналистер қауымын мерекемен құттықтап, қоғамдық келісім мен жалпыұлттық бірлікті сақтаудағы Ассамблея институтының &nbsp;ауқымды жұмыстарын айтып өтті.&nbsp;<blockquote>«Жаһандық шеңберді алып қарайтын болсақ, фейк ақпарат, дезинформацияның тарауы - нақты, түсінікті ақпараттың, анық ақпараттың жеткіліксіздігімен байланысты болып жататын көрінеді. Иә, халық ресмиден көрі, бейресми ақпаратқа көбірек сенеді. Түрлі манипулация жасайтын топтар бұл жағдайды өз мақсаттарына қолданады. Ал, ақпарат азық сияқты ғой. Пайдалысы, пайдасызы болады. Оны тексермей, мерзімін қарамай жесек, салдары қандай болары айтпаса да белгілі. Адам позитивті ақпараттан гөрі негативті ақпараттарға 6 есе жоғары қызығушылық танытанын психологтар дәлелдеген екен. Әлеуметтік желілердің алгаритмін де ескеру керек. Соңғы уақытта өздеріңіз күә болып жүрсіздер Ассамблея тарапына жиі негативтер көп айтылады. Тіптен «Ассамблея ән салып, би билеуді ғана біледі» деген пікірлер бар. Бірақ бұл саяси институттың көпшілік білмейтін жұмыстары қаншама?! Қазір осы тақырыпты қозғап, ұшқынды маздатқысы келетіндер көп. Тұрмыстық немесе қылмыстық жанжалдардың өзін әкеліп ұлтаралық жанжал деп есептейді», - дей келе журналистер қауымының осы тақырыпта ой бөлісуге шақырды.</blockquote>Клуб төрағасы Елена Рыбина қазіргі таңда ақпараттық қауіпсіздіктің маңыздылығына тоқталды. Ел дамуына септігін тигізетін ақпараттармен қатар елдің ұйытқысын бұзып, ұлтаралық араздықты ушықтырып, мемлекеттің тұтастығына әсер ететін ақпаратты ажырата білу маңызды. Ол үшін ең бірінші тұрғындар арасында медиасауаттылықты дамытуға, адамдардың сыни ойлау қабілетін арттыру арқылы кез келген ақпаратты жан-жақты талдай білуге үйрету қажеттігін атап өтті.Ал «Азаттық радиосы» халықаралық медиа компаниясының Қызылорда облысындағы меншікті тілшісі Ерқанат Сәрсенбай &nbsp;қазақтың мәдениеті мен тілінің мәртебесін көтеру бағытындағы жұмыстарды күшейту керек деген пікірін білдірді.&nbsp;«Хабар» телеарнасының Қызылорда облысындағы меншікті тілшісі Нұрлан Жақыпбеков әлеуметтік желілерде ақпараттардың шынайылығын, анық-қанығын нақтылауға мүмкіндік беретін өңірлік «стоп-фейк», «Антифейк» секілді сайт ашып, ресми парақшаларда, ютуб арналарында анықталмаған, жалған ақпараттарға қатысты ресми мәлімдемелер беруді жандандыру қажет деген ұсынысын білдірді.&nbsp;«ASTANA TV» телеарнасының Қызылорда облысындағы меншікті тілшісі Мөлдір Қожахметова қоғамның тұтастығы мен ынтымағын сақтауда Сыр өңірі өзге өңірлерге үлгі екендігін алға тартты.Кездесу барысында БАҚ өкілдері ашық әңгіме форматында ақпараттық қауіпсіздік, ұлтаралық келісімді сақтау мен нығайтудағы Ассамблея рөлі және өзге де мәселелерді талқыға салды.&nbsp;Шара соңында клуб мүшелеріне арнайы мерекелік сертификат табысталды.<figure class="image"><img src="https://knadmin.beoblood.kz/uploads/zhurnalister_692176c473.jpg" alt="журналистер.jpg"></figure>

Қызылорда облыстық ҚХА жанындағы журналистер клубы мүшелерімен кездесу өтті

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың тұрғындармен кездесулері түстен кейін Құмжиек пен Басықара ауылдық округтерінде жалғасты.Қ.Пірімов ауылдық клубында өткен кездесуде Мұхтар Әуесұлы Құмжиек ауылдық округі әкімі болып сайланған Әділхан Әбіловті тұрғындарға таныстырып, алдағы жұмысына сәттілік тіледі.Мұнан соң 9 айдың қорытындысы бойынша ауданда атқарылған жұмыстарға қысқаша тоқталып, алдағы жоспарларымен бөлісті. Ұсыныс-пікірлерге кезек берілгенде ауыл тұрғындары өз ойларын жеткізіп, бірқатар мәселелерді айтты. Атап айтар болсақ, елді мекен маңындағы жайылымдық жерлерді суару үшін шлюз орнату, қоқыс полигонының орнын ауыстыруды сұрады. Тұрғындардың көтерген мәселесіне байланысты аудан әкімі Мұхтар Оразбаев жауап беріп, шешілу жолдары қарастырылатынын жеткізді.Басықара ауылында өткен кездесуде де Мұхтар Әуесұлы алдымен ауданда атқарылып жатқан ауқымды жұмыстармен таныстырып өтті. Содан кейін тұрғындарға кезек беріліп, ұсыныс-пікірлері тыңдалды.Басықаралықтар елді мекен маңынан скважина қазу, тұрақты жұмысқа орналасу сияқты мәселелерді көтерді.Мұхтар Әуесұлы Басықара ауылынан скважина қазу үшін биыл жоба-сметалық құжаттары әзірленіп жатқанын, келесі жылы қаржыландыруға ұсынылатынын айтты.Басқосуда өзге тұрғындардың сауалдарына да жауап беріліп, заңдылықтарға сәйкес түсіндірме жұмыстары жүргізілді. Аудан әкімі Мұхтар Оразбаев қос елді мекенге сапары кезінде мектептерге арнайы барып, білім ордаларының жай-күйімен танысты. Қысқы жылу беру маусымына дайындығы да пысықталды.Қ.Пірімов пен Басықара ауылдарындағы халықпен кездесуге аудандық мәслихат хатшысы Бақытжан Жарылқап, аудандық мәслихат депутаттары Әбдуәли Рахметов, Ғазиз Әліш, Ерболат Мұқашов, аудандық қоғамдық кеңес төрағасы Талайлы Бөріқұлақов, аудандық полиция бөлімінің бастығы Болат Кабизов және бірқатар дербес бөлім мен мекеме-кәсіпорын басшылары қатысты.<figure class="image"><img src="https://knadmin.beoblood.kz/uploads/kazaly_398c3fcba1.jpg" alt="казалы.jpg"></figure><figure class="image"><img src="https://knadmin.beoblood.kz/uploads/kazaly2_8fb8cccea8.jpg" alt="казалы2.jpg"></figure><figure class="image"><img src="https://knadmin.beoblood.kz/uploads/kazaly3_927e7a2de8.jpg" alt="казалы3.jpg"></figure><figure class="image"><img src="https://knadmin.beoblood.kz/uploads/kazaly4_9ffdd6a5a3.jpg" alt="казалы4.jpg"></figure>

Қазақстан және Қызылорда облысының жаңалықтары