<a href="https://kyzylorda-news.kz/">Kyzylorda-news.kz.</a> Келер жылы әлеуметтік салада елеулі өзгерістер орын алмақ. Нақтырақ айтқанда, еліміздегі әрбір отбасына мемлекет тарапынан берілетін жәрдемақылар мен төлемдер бір әлеуметтік кодекс арқылы жүзеге асырылады. Бұл туралы Өңірлік коммуникациялар қызметінде өткен брифингте ҚР Еңбек және халықты әлеуметтік қорғау министрі Тамара Дүйсенова хабарлады.Министрдің айтуынша, Әлеуметтік кодекстің негізгі мақсаты - әр жанұяның әл-ауқатын жақсарту мақсатында мемлекеттен берілетін тиісті жәрдемақыны дәл уақытында іске асыру болып табылады. Тиісінше, аталмыш заң аясында тек қана әлеуметтік тұрмысы төмен отбасылар ғана емес, еліміздегі барлық жанұялар мемлекеттік қолдаудың игілігін пайдалануға мүмкіндік алмақ.<blockquote>«Мемлекет басшысы Қасым-Жомарт Тоқаев биылғы Жолдауында халықтың әлеуметтік жағдайын жақсартуға ерекше басымдық беріп, тиісті тапсырмаларды жүктеді. Осыған сәйкес, биыл зейнетақы мөлшеріне, толық емес отбасыларына берілетін жәрдемақы, мүгедектігі бар азаматтарды әлеуметтік тұрғыда қамтамасыз ету бағытында бірқатар жұмыстар атқарылып, қажетті шаралар қабылданды. Соның бірі – жаңа әлеуметтік кодекс. Бұл жаңа құжат – әлеуметтік саланы реттейтін барлық заңды біріктіруге арналған жоба болмақ. Бүгінгі таңда әлеуметтік кодекстегі өзекті мәселенің бірі - отбасылық цифрлық карта. Бұл әлеуметтік карта – әрбір қазақстандық отбасының дербес базасы ретінде қалыптасуы керек. Яғни, мемлекеттен берілетін қолдау мен жәрдемақы туралы ақпарат осы цифрлық картада енгізілуі шарт. Айта кетейін, биыл әлеуметтік жәрдемақының түрлері бойынша 800 мыңнан астам анаға бірде-бір құжатсыз арнайы көмектер берілді. Сол үшін қала және аудан басшылары тұрғындарға отбасылық цифрлық картаның тиімділігін түсіндіріп, толық ақпараттандырылуы керек», - деді министр Тамара Дүйсенова.</blockquote><figure class="image"><img src="https://knadmin.beoblood.kz/uploads/4c09eb58b8c3ad8db3d7ab9aa6b8f970_1280x720_2577125891.jpeg" alt="4c09eb58b8c3ad8db3d7ab9aa6b8f970_1280x720.jpeg"></figure>

Тамара Дүйсенова: Қала және аудан басшылары отбасылық цифрлық картаның тиімділігін түсіндіру қажет

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалында аймақтағы қолөнер шеберлерімен кездесу ұйымдастырылды.Шараны ашқан партия филиалының Атқарушы хатшысы Ләйлә Төрешова қолөнеріміздің озық үлгілерінің қаймағын бұзбай қазіргі күнге дейін жеткізіп, өнерін кейінгі ұрпаққа өнеге етіп отырған шеберлердің жұмыстарына ризашылығын білдіріп, игілікті істеріне сәттілік тіледі.Мұнан соң облыстық кәсіпкерлер палатасы мен облыстық кәсіпкерлік және өнеркәсіп, ауыл шаруашылығы және жер қатынастары басқармалары мен қалалық жұмыспен қамту орталығының өкілдері арнайы хабарлама жасап, кәсіпкерлік кеңістігіндегі әйел азаматтардың белсенділігі мен оларға мемлекет тарапынан жасалып жатқан қолдаулар мен жобалар және гранттар жайында мәліметтер берді.Кездесу барысында облыстық әйелдер кеңесінің төрайымы Райкүл Байназарова мен облыстық іскер әйелдер кеңесінің жетекшісі Наталья Мишукова әйелдердің ел дамуындағы рөліне тоқталып, қолөнершілер тарапынан түскен ұсыныстарды тыңдап, сұрақ-жауап алмасты.Шара соңында өңіріміздің мәдениеті мен қолөнерінің дамуына үлес қосып жүрген шеберлерге алғыс білдіріліп, құрмет көрсетілді.<figure class="image"><img src="https://knadmin.beoblood.kz/uploads/320444808_693532498853429_6810371727840054453_n_066274baaf.jpg" alt="320444808_693532498853429_6810371727840054453_n.jpg"></figure><figure class="image"><img src="https://knadmin.beoblood.kz/uploads/320324704_553365986637771_7087012640128167606_n_0349101c45.jpg" alt="320324704_553365986637771_7087012640128167606_n.jpg"></figure>&nbsp;<figure class="image"><img src="https://knadmin.beoblood.kz/uploads/320055304_876458510466275_7634973761364954288_n_b162cfcc31.jpg" alt="320055304_876458510466275_7634973761364954288_n.jpg"></figure>&nbsp;<figure class="image"><img src="https://knadmin.beoblood.kz/uploads/320234175_712616276769294_2778063657073109917_n_de6c9bd06c.jpg" alt="320234175_712616276769294_2778063657073109917_n.jpg"></figure>

Қолөнер шеберлері партия алаңында бас қосты

<a href="https://kyzylorda-news.kz/">Kyzylorda-news.kz.</a> Қармақшы ауданындағы Шәмшат Төлепова атындағы аудандық мәдениет үйінде ақиқатын ардақтап, рух тегін салмақтаған, ұлтым деп теңдік үшін жан берген жасампаздарды ұлықтаған, тарихын тұмар жүректей қастерлеп, Желтоқсанда от болып алаулаған батыр ағаларымыз бен апаларымызбен кездесу кеші болып өтті.Желтоқсан оқиғасына қатысқан батырларымыздың ерлігін кейінгі ұрпаққа насихаттау үшін ұйымдастырылған кездесу кешіне аудан әкімінің орынбасары Жұлдызхан Байназарұлы, сондай-ақ Желтоқсанға қатысушы бірқатар азаматтар арнайы қатысты.Әділетсіздіктің ажал құрсауына төзбеген, намыс пен арды көздеген, антына адал Желтоқсан оқиғасына қатысушылар Әбдіғұлов Мырзағұл, Шыныбаев Нұрман, Шәймерденов Ерік, Бисенбаев Ерлан және желтоқсан оқиғасының құрбаны Әбдіқадыров Берікболдың жұбайы Сетенова Ләззат апайларымыз қатысып, тарихи оқиғаға қатысты қиын сәттерді еске алып, желтоқсаншы сол кездегі жастардың жанқиярлық ерліктерімен бөлісті.<blockquote>«Қазақ еліне Тәуелсіздік оңайлықпен келген жоғы тарихтан белгілі. Біз егемендікке ызғарлы Желтоқсанда кеңестік отаршылдық саясатына қарсы күрескен намысшыл, батыр қазақ жастарының патриоттық рухының арқасында қол жеткіздік. Қазақстанның еркіндігі мен бостандығы жолында бастарын өлімге тіккен Желтоқсан оқиғасының қатысушыларының ерліктері келешек ұрпақтың жадында мәңгі сақталмақ», – деді сөз алғандар.</blockquote>Шараның соңында Қармақшы ауданы әкімінің орынбасары батырларымызға ыстық лебізін білдіріп, сый-сияпатын көрсетті. &nbsp;<img src="https://knadmin.beoblood.kz/uploads/11_362210a531.jpg" alt="11.jpg">

Желтоқсан оқиғасына қатысушылармен кездесу кеші өтті

<a href="https://kyzylorda-news.kz/">Kyzylorda-news.kz.</a> Биылғы жылдың қараша айында Қызылорда облысы бойынша 51 адам коронавирус жұқтырған, желтоқсан айының 14 күнінде 50 жағдай есепке алынды. Бұл туралы Өңірлік коммуникациялар департаментінде өткен брифингте Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.&nbsp;Пандемия басталғаннан бері Қызылорда облысы бойынша коронавирус инфекциясының 25887 жағдайы анықталды. Оның ішінде 16974 жағдай ауру симптомдарымен болса, 8913 дерегі клиникалық белгілерінсіз тіркелді. &nbsp;Жыл басынан бері 6453 адам коронавирус індетіне шалдыққан, оның ішінде 1228 жағдай 14 жасқа дейінгі балалар арасында анықталды.&nbsp;<blockquote>«Биылғы жылдың қараша айында 51 дерек тіркелсе, желтоқсан айының кешегі күніне дейін 50 жағдай есепке алынды. Бұл алдыңғы айдың ұқсас мерзімімен салыстырғанда 31 жағдайға артқандығын көрсетеді. Соңғы уақытта тіркеліп жатқан коронавирустың басым көпшілігі клиникалық симптомдарымен анықталуда. Атап айтқанда, &nbsp;желтоқсан айында тіркелген COVID-19 &nbsp;деректерінің 93 пайызында дене қызуының көтерілуі, әлсіздік, тамақтың ауыруы, бұлшықеттердің ауырсынуы секілді ауру белгілері байқалуда», - деді Әлия Әбдіқайымова.&nbsp;</blockquote>Пандемия басталғалы бері аймақта өткен жылы айлық ең жоғары көрсеткіш тамыз айында тіркелген болатын. Бұл айда 5333 жағдай есепке алынды. Биылғы жылы аурушаңдық көрсеткіштері 2 рет көтерілді. Қаңтар айында 4293 дерек және шілде айында 1020 жағдай анықталды.&nbsp;<blockquote>«Қыркүйек, қазан айларында төмендеу тенденциясы байқалғанымен, қараша айынан бастап сырқаттанушылық көрсеткіштерінде өсім байқалады», - деді департамент басшысының орынбасары.&nbsp;</blockquote>Брифинг барысында блыс көлемінде емханаларда коронавирус инфекциясына қарсы вакцинация жалғасып жатқаны айтылды.&nbsp;<blockquote>«Бүгінгі күні вакцинаның І-ші компонентін екпе алуға тиісті контингенттің 95 пайызы, ІІ-ші компонентін 94 пайызы алған. Бүгінгі күні облыста КазВак, Синофарм және Пфайзер вакциналарының қоры бар. Айналымда әлі де коронавирус инфекциясы бар. Қазақстанда толық геномдық секвенирлеу нәтижесінде коронавирустық инфекцияның «Омикрон» штамы вирусының айналымы анықталып, оның 0,5 пайызда «Цербер» субгенетикалық желісі табылды. Жаңа «Цербер» штамының белгілері омикронның бұрынғы кіші түрлерінен айтарлықтай ерекшеленбейді. Ауру көбінесе жіті респираторлық аурудың жеңіл түрінде болады. Қызудың көтерілуі, буын ауруы, аздап мұрыннан су ағу, әлсіздік болуы мүмкін, кейбіреулерінде ішек аурулары болады. Штамм тез жұғуымен ерекшеленеді, алайда аса қауіпті емес. Науқастарды диагностикалау және емдеу басқа COVID-19 штамдарынан ерекшеленбейді», - дейді Әлия Әбдіқайымова.&nbsp;</blockquote>Айта кетейік, аталған штамм Қызылорда облысында анықталған жоқ.

Коронавирус: Қызылордада 14 күнде 50 жағдай тіркелді

<a href="https://kyzylorda-news.kz/">Kyzylorda-news.kz.</a> Бас Прокурор Берік Асыловтың төрағалығымен есірткі құралдарының заңсыз айналымы, сондай-ақ азаптауларға қарсы іс-қимыл жөніндегі уәкілетті, құқық қорғау және арнаулы органдар қызметінің тиімділігі мәселелері бойынша Заңдылықты, құқықтық тәртіпті қамтамасыз ету және қылмысқа қарсы күрес жөніндегі үйлестіру кеңесінің отырысы өтті.Үйлестіру кеңесінің жұмысына құқық қорғау және арнаулы органдардың, бейінді министрліктердің басшылары және басқа да мүдделі адамдар қатысты.Бірінші мәселе бойынша отырысты ашқан қадағалау ведомствосының басшысы есірткі құралдарының заңсыз айналымына қарсы іс-қимыл саласында бірқатар заңнамалық және практикалық шаралар қабылданғанын атап өтті. Жауапкершілік айтарлықтай күшейтілді.2020 жылдан бастап есірткіні интернет арқылы тұтынуға және өткізуге көндіру қылмыстардың ауыр және аса ауыр құрамына жатқызылды. Есірткіні жарнамалау және насихаттау үшін қылмыстық жауаптылық енгізілді.Осы бірлескен шаралардың барлығы есірткі қылмыстылығын тұрақтандыруға мүмкіндік берді.<blockquote>«ІІМ мен ҰҚК ағымдағы жылдың өзінде 64 есірткі зертханасын жойды. Шамамен 13 тонна есірткі, оның ішінде 33 кг героин және 500 кг синтетика тәркіленді. Тек осы жылы есірткі сататын 1400 сайт бұғатталды. Алайда алда әлі көп жұмыс күтіп тұр, жағдай әлі де күрделі», - деді Берік Асылов.</blockquote>Осыған байланысты қылмыстық қудалау органдарының басшыларына, облыс прокурорларына ұйымдасқан топтарды, контрабанданы, есірткі зертханаларын, есірткі заттарын жеткізу және өткізу арналарын анықтауға бағытталған ведомствоаралық өзара іс-қимылды күшейту тапсырылды.Өз кезегінде ІІМ Есірткіге қарсы күрес жөніндегі кешенді жоспарды сапалы пысықтауды және бекітуді қамтамасыз етуі қажет.Екінші мәселеде азаптауларға және тергеу мен анықтаудың басқа да рұқсат етілмеген әдістеріне қарсы тұрудың тиімділігі талқыланды.Бас Прокурор Президенттің азаптауларды жою бойынша нақты міндет қойғанына назар аударды. Бұл үшін олардың алдын алу бойынша қажетті құқықтық шаралар қабылданды.Қылмыстық заңнамада азаптаулар туралы жеке бап көзделген және жаза күшейтілген.Жаңа жылдан бастап азаптауларды тек прокурорлар тексеретін болады.Бас бостандығынан айыру орындарында сотталғандардың арыз беруі үшін терминалдар орнату жалғасуда. Колонияларда, тергеу изоляторларында және қылмыстық қудалау органдарының қызметтік үй-жайларында үздіксіз бейнебақылау енгізіледі.Осы және басқа да шараларды халықаралық сарапшылар, оның ішінде БҰҰ Азаптауларға қарсы комитетінің өкілдері оң бағалады.Қазіргі уақытта азаптауларға қарсы іс-қимыл жөніндегі бірлескен бұйрықтың жобасы әзірленді, оның негізгі міндеті азаматты ұстау және қылмыстық қудалау органдарына жеткізу сәтінен бастап рұқсат етілмеген әдістердің алдын алу болып табылады.Сондай-ақ процестік мәртебесі жоқ адаммен келіссөздер, әңгімелер, сауалнамалар жүргізуге тыйым салынады. Азаптауларды қолдану шарттарын жоюға мүмкіндік беретін басқа да шаралар көзделген.Берік Асылов азаптаулардың жүйелі проблемаларына, себептері мен шарттарына, сондай-ақ оларды барлық құқық қорғау және мемлекеттік органдармен өзара іс-қимылда жою қажеттігіне назар аударды.ІІМ-ге өз еркімен ұстауға негіз болатын ішкі нормативтік актілерге ревизия жүргізу және оларды халықаралық талаптарға сәйкес келтіру тапсырылды.Сонымен қатар, «Құқық қорғау қызметі туралы» Заңның 80-бабын мүлтіксіз орындау қажеттігі атап өтілді, оған сәйкес қызметкерлері азаптауға немесе азаматтардың конституциялық құқықтарын жүйелі түрде бұзған басшылар қызметінен босатылуға жатады.Қорытындылай келе, қадағалау органының басшысы облыс прокурорларынан Адам құқықтары жөніндегі уәкілдің жаңадан құрылған өңірлік өкілдерімен, құқық қорғау ұйымдарымен және заң қоғамдастығымен өзара іс-қимыл орнатуды талап етті.<figure class="image"><img src="https://knadmin.beoblood.kz/uploads/Whats_App_Image_2022_12_15_at_16_51_35_2_7f8887931f.jpeg" alt="WhatsApp Image 2022-12-15 at 16.51.35 (2).jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2022_12_15_at_16_51_35_1_ec9f65e18d.jpeg" alt="WhatsApp Image 2022-12-15 at 16.51.35 (1).jpeg"></figure>

Бас прокуратурада Үйлестіру кеңесінің отырысы өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда өңіріне жұмыс сапарымен келген ҚР Еңбек және халықты әлеуметтік қорғау министрі Тамара Дүйсенова облыс әкімі Нұрлыбек Нәлібаевпен кездесіп, әлеуметтік қолдау мәселелері бойынша актив отырысын өткізді.&nbsp;Аймақ басшысы Нұрлыбек Нәлібаев ел Президенті Қасым-Жомарт Кемелұлы Тоқаевтың биылғы жылғы Жолдауында әлеуметтік саланы қолдауға және дамытуға ерекше басымдық бергенін атап өтіп, аймақта халықтың тұрмыс деңгейін жақсартуға бағытталған жұмыстарды тізбектеді.<blockquote>«Ұлттық жобалар шеңберінде 136 жоба аясында мыңнан астам жұмыс орны құрылып, олардағы жұмыспен қамтылған азаматтарға зейнетақы аударымдары 67,3 пайызды құрады. Жыл қорытындысымен бұл көрсеткіш 90 пайыздан асады деп күтілуде.Индустрияландыруды дамыту аясында өңірде жалпы құны 613,1 млрд. теңгені құрайтын 37 жоба бойынша жұмыстар жүргізілуде. Бұл 6,8 мың адамды жұмыспен қамтуға мүмкіндік береді.Әлеуметтік ахуалды тұрақтандыру мақсатында облыс әкімдігі, жұмыс беруші және облыстық кәсіподақтар орталығы арасында өзара ынтымақтастық туралы 52 ірі және орта кәсіпорынмен меморандумдарға қол қойдық. Осы жұмыстардың нәтижесінде 8 мыңнан аса жұмысшының жалақысы 50%-ға дейін көтерілді», - деді аймақ басшысы.</blockquote>Жиын барысында Еңбек және халықты әлеуметтік қорғау министрі Тамара Дүйсенова Мемлекет басшысының 10 мың тұрғынға 100 жұмыс орнын құру бастамасын жүзеге асыру аясында өңірдің жақсы нәтижелерін атап өтті. Мәселен, 4587 жұмыс орнын құру жоспарлы көрсеткіші бойынша 10 043 адам жұмысқа орналасты, яғни жоспар екі еседен артық орындалды.&nbsp;Министр Қызылорда өңіріне алдағы 3 жыл ішінде жұмыспен қамтудың белсенді шараларына 43,7 млрд.теңге қаржы қаралғанын жеткізді.&nbsp;<blockquote>«Келесі жылы Қызылорда облысында 36,6 мың адамды жұмыспен қамтуға белсенді шаралар жоспарлануда. Біздің мақсат – жұмыссыз адамдарға барынша жұмыспен қамтуға жағдай жасау. Әр бос жұмыс орнын Электрондық еңбек биржасы арқылы мониторинг жүргізіліп, еңбек келісім-шарттарымен және зейнетақы жарналарымен расталатын болады», - деді Т.Дүйсенова.&nbsp;</blockquote>Министр Әлеуметтік кодекстің артықшылықтары мен Отбасының цифрлық картасын енгізу жұмыстарының тиімділігіне тоқталды. Бұл жоба арқылы тиісті көмекті ала алмай жүрген отбасыларға 1 қыркүйектен бастап белгіленген мемлекеттік кепілдіктер туралы SMS хабарламалар жолданады.&nbsp;<blockquote>«Бүгінгі күні мемлекеттік органдардың ақпараттық жүйелеріндегі деректері бойынша Цифрлық картада 6,3 млн отбасы мен олардың 19,5 млн отбасы мүшесі туралы ақпарат жинақталған. Бұл ретте тиісті көмекті ала алмай жүрген отбасыларды анықтадық. Мұндай отбасыларға проактивті форматта мемлекеттік қолдаудың тиісті шаралары қабылдануда. Қызылорда облысының 840 тұрғынына төлем тағайындалды», - деп хабарлады Тамара Дүйсенова.&nbsp;</blockquote>Ведомство басшысы карта аясында жәрдемақылар мен әлеуметтік төлемдердің 9 түрі бойынша қызмет көрсетілсе, 2023 жылдан бастап халықты әлеуметтік қорғау саласындағы қызметтердің тізімі кеңейтілетінін атап өтті. 2025 жылға қарай Цифрлық картада әлеуметтік, білім және денсаулық сақтау салалары бойынша барлық мемлекеттік кепілдіктер қамтылады.&nbsp;Айта кетейік, министр жұмыс сапары аясында мүгедектігі бар адамдармен, ҮЕҰ өкілдерімен және еңбек ұжымдарымен кездесулер өткізіп, баспасөз брифингінде журналистердің сұрақтарына жауап берді және бірқатар медициналық-әлеуметтік мекемелерге барды.&nbsp;<figure class="image"><img src="https://knadmin.beoblood.kz/uploads/320242291_1112479099439789_6859337576395104457_n_dea571f091.jpg" alt="320242291_1112479099439789_6859337576395104457_n.jpg"></figure>&nbsp;<figure class="image"><img src="https://knadmin.beoblood.kz/uploads/320380362_1864286793921191_6574947541397246476_n_71a9b9d64f.jpg" alt="320380362_1864286793921191_6574947541397246476_n.jpg"></figure>&nbsp;<figure class="image"><img src="https://knadmin.beoblood.kz/uploads/320252235_557434142447625_2219085829126244540_n_98b251797e.jpg" alt="320252235_557434142447625_2219085829126244540_n.jpg"></figure>

Қызылорда өңірінде 10 043 адам жұмысқа орналасты

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрі Тамара Дүйсенова Қызылорда облысына жұмыс сапары барысында Талсуат ауылындағы мүмкіндігі шектеулі жандарға арналған оңалту орталығында болып, ерекше қажеттіліктері бар адамдармен және ҮЕҰ өкілдерімен кездесу өткізді. Министр балалы отбасыларға және мүмкіндігі шектеулі адамдарға көрсетілетін әлеуметтік қолдау шаралары туралы айтты.Сөз басында Тамара Дүйсенова ҚР Еңбек және халықты әлеуметтік қорғау министрлігі Әлеуметтік кодекс жобасын әзірлеуді аяқтағанын хабарлап, ол құжатта Мемлекет басшысының тапсырмаларын орындау барысында халықты әлеуметтік қолдауды жақсартуға бағытталған бірқатар шаралар көрсетілген. &nbsp;<blockquote>«Әлеуметтік кодекс жобасын әзірлеу барысында сарапшылар мен азаматтық қоғам өкілдерінен 1000-нан аса ұсыныс жиналып, 50-ден астам заң мен 200 заңға тәуелді нормативтік құқықтық актілер зерттелді. Әлеуметтік кодекс қабылданғаннан кейін 80-нен аса заңға өзгертулер енгізіліп, 10 заң күшін жоятын болады. Әлеуметтік кодекс азаматтарды өмір бойы сүйемелдеп, әлеуметтік қауіп туындаған сәтте мемлекет тарапынан қажетті көмекті көрсетіп тұрады. Бұл ретте қазақстандық отбасылардың жағдайын жақсарту мақсатында азаматтардың жекелеген осал санаттарын қолдаудан негізгі жағдайлар жасауға көшу жүзеге асырылады», - деді министр.</blockquote>Министр Әлеуметтік кодексті жүзеге асырудың бір құралы ретінде биылғы жылдың 1 қыркүйегінде пилоттық режимді іске қосылған Отбасының цифрлық картасын атап өтті. Ол азаматтарға мемлекеттік органдардан өтінімдерін күтпей, проактивті форматта көмек көрсетеді. Іске қосу кезінен бері 51 мыңнан аса адам проактивті түрде мемлекеттік қызметтерді алуға SMS алды. Бұл ретте 11,7 мың адам өтінішсіз жәрдемақы мен төлемдерді алу қызметін қолданды.Министр Тамара Дүйсенова Мемлекет басшысының тапсырмалары мен Әлеуметтік кодекс жобасын іске асыру аясында балалы отбасыларды мемлекеттік жәрдемақылар мен әлеуметтік төлемдерді төлеу мерзімін ұлғайту арқылы қолдау шараларын күшейту жоспарланып отырғанын атап өтті. Мемлекеттік әлеуметтік сақтандыру қорынан бір жарым жасқа дейін бала күтіміне, наградталған аналарға жердемақы ұлғаяды. Сондай-ақ, 2024 жылғы 1 қаңтардан бастап балалардың арнайы жинақтаушы шотына 18 жасқа дейін Ұлттық қордың жылдық инвестициялық кірісінің 50 пайызынан жинақ аударылып тұрады.Тамара Дүйсенова әлеуметтік қызмет көрсету жүйесін одан әрі жаңғырту ірі интернат-үйлерде қызмет көрсетуден қызмет алушылар тұратын жерлерде орналасқан шағын жинақталған әлеуметтік қызмет көрсету ұйымдарында қызмет көрсетуге көшу жолымен мемлекеттік көрсетілетін қызметтердің қолжетімділігін кеңейту есебінен жүзеге асырылатынын хабарлады.Сонымен қатар, әлеуметтік қызметке арнайы қызмет алушылардың отбасыларындағы жұмыссыз мүшелерін тарту жоспарлануда. Оларға тиісті еңбекақы, әлеуметтік аударымдар және еңбек өтіліндегі осы қызмет түрін ескере отырып, жеке көмекші ретінде тіркелу мүмкіндігі беріледі. Қатысушыларға қойылатын негізгі талап олардың осындай қызметтерді көрсету үшін тиісті дағдылары, қабілеті мен біліктілігінің болуы қажет.<blockquote>«Сонымен қатар, Әлеуметтік кодекс жобасында жалпы тарифтердің орнына АӘҚ-ні жан басына шаққандағы қаржыландыру қағидатын енгізу көзделіп отыр. Тариф белгілеудің жаңа жүйесі арнайы қызмет көрсететін ұйымдар үшін жан басына шаққандағы норматив пен өтемдік техникалық құралдарды жеткізетін ұйымдар үшін шекті бағаларды көздейтін болады», – деді Тамара Дүйсенова.</blockquote>Ол сондай-ақ қызметтердің сапасын арттыру және мүгедектік тобын белгілеу және оңалтудың техникалық құралдары мен АӘҚ ұсыну мәселелерінде адами факторды төмендету мақсатында медициналық-әлеуметтік сараптаманы сырттай жүргізуді енгізу және әлеуметтік қызметтер порталын дамыту жөніндегі жұмыс жалғастырылатынын айтты.Әңгіме барысында министрдің қазақстандықтарды зейнетақымен қамсыздандыру мәселелеріне ерекше назар аударды.<blockquote>«2023 жылғы 1 қаңтардан бастап базалық зейнетақының ең төменгі және ең жоғары мөлшерлемелерін кезең-кезеңімен арттыру басталады. Бұл ретте жыл сайынғы өсім шамамен 13 пайызды құрайды және барлық 2,2 млн. зейнеткерге қатысты болады. Сонымен қатар, ынтымақты зейнетақыны есептеу үшін ең жоғары табыс мөлшері 46-дан 55 АЕК-ке дейін ұлғайтылатын болады, бұл зейнетақы мөлшеріне де әсер етеді. Жалпы, жаңа шаралар пакеті 2025 жылға қарай жиынтық зейнетақыны орта есеппен 27 пайызға арттыруға мүмкіндік береді», – деді Тамара Дүйсенова.</blockquote>Кездесу барысында министр халықты жұмыспен қамту саласындағы жаңа саясат және Қазақстанның жаңа көші-қон саясаты туралы айтты.<figure class="image"><img src="https://knadmin.beoblood.kz/uploads/0a9d370b37ee5d622a637e2219c95e97_1280x720_7d037d3dcd.jpg" alt="0a9d370b37ee5d622a637e2219c95e97_1280x720.jpg"></figure>

Тамара Дүйсенова алдағы уақытта халықты әлеуметтік қолдау шаралары күшейтілетінін айтты

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 85 жылдығына орай Қазақ тілі мен әдебиеті және журналистика кафедрасы жанындағы «Журналист» үйірмесінің ұйымдастыруымен қаламгер, ҚР Журналистер одағының мүшесі Жүзбай Таңрықбаевтің шығармашылығына арналған «Үздік эссе» байқауы өтті.&nbsp;«Үздік эссе» байқауының &nbsp;мақсаты – болашақ жас журналистердің шығармашылық қабілетін дамыту және жазу шеберлігін шыңдау, тұжырым жасап, ақпаратты сараптай алуға үйрету.&nbsp; Байқауға «Журналист» үйірмесінің мүшелері қатысты.Сайыста білім алушылар қаламгер Жүзбай Таңрықбаевтың шығармашылығына байланысты тақырыптар бойынша эссе жазды.Нәтижесінде І орынды 3-курс студенті Ердәулет Қалиев иеленді. Байқауда І орынға – 50000 теңге (1-еу), ІІ орынға – 20000 теңге (2-еу), ІІІ орынға – 10000 теңге (3-еу),&nbsp; ынталандыруға – 5000 теңгеден екі адам жүлдегер атанды.Таңрықбаев Жүзбай Ибрагимұлы 1950 жылы 10 мамыр күні бұрынғы Құмсуат қазіргі Бірлестік ауылында дүниеге келген. 1968 жылы Орджонокидзе атындағы қазақ орта мектебін бітіргеннен кейін 1968-1971 жылдары Қызылорда қаласындағы политехникумға түсіп, техник-механик мамандығын алады. Еңбек жолын «Казсельхозтехника» автобазасында жүргізушіліктен бастаған. Бірнеше автокөлік мекемелерінде басшылық қызметтер атқарған. «Казсельхозтехника» автобазасында директор, облыстық автоуправление басқармасында партком хатшысы қызметін атқарған. «Астана-моторс» ЖШС-де атқарушы директор, «Дорстой» ЖШС-де бас директордың кеңесшісі қызметтерін атқарған. 2020 жылы Шиелі ауданының «Құрметті азаматы» атағымен марапатталған. Қызылорда облыстық сотының жанындағы соттармен өзара іс-қимыл жөніндегі кеңес мүшесі. Бүгінде ол&nbsp; облыстық «Кәсіпкер келбеті»&nbsp; газеті мен республикалық «Кәсіпкер және мәдениет»&nbsp; журналын 10 жылдан астам уақыт шығарып,&nbsp; сол басылымдарға басшылық жасап келеді. Бүгінге дейін 10-нан аса кітап жазған.<figure class="image"><img src="https://knadmin.beoblood.kz/uploads/Whats_App_Image_2022_12_15_at_15_33_18_2_a1ac3387ed.jpeg" alt="WhatsApp Image 2022-12-15 at 15.33.18 (2).jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2022_12_15_at_15_33_18_1_6b7b0bbc33.jpeg" alt="WhatsApp Image 2022-12-15 at 15.33.18 (1).jpeg"></figure>

«Үздік эссе» байқауының жеңімпаздары марапатталды

<a href="https://kyzylorda-news.kz/">Kyzylorda-news.kz.</a> Тәуелсіздік күні қарсаңында білім беру ұйымдарының оқушылары арасында Қызылорда облыстық қоғамдық даму басқармасы «Қоғамдық келісім» &nbsp;КММ ұйымдастыруымен «Тәуелсіздік елдің ертеңі» атты мәнерлеп оқудан байқау өтті.&nbsp;Байқаудың мақсаты - этнос жастарын еліміздің тәуелсіздік алған жылдар ішіндегі жеткен жетістіктерімен таныстыру, әлем таныған ел екенін дәлелдеу, білімдерін кеңейту. Жастардың бойында рухани-адамгершілігін ояту және туған жерге деген сүйіспеншілігін арттыру. Мемлекеттік тілді үйрену арқылы жастарды патриоттыққа тәрбиелеу және балалардың қоғамдық белсенділігін арттыру.Байқауға №4, 5, 6, 101 орта мектептерден 5-6 сыныптың &nbsp;оқушылары қатысып, бақ сынады.Әділ қазылар құрамында «Қоғамдық келісім» КММ бөлім басшылары Бауыржан Үсенбаев, Шахизат Абдраманова және аға сарапшы, тіл жанашыры Светлана Крюгер болды.Байқау нәтижесінде бірінші орынды М.Сужиков атындағы №6 мектептің оқушысы Дарья Старчиева, Ә. Мүсілімов атындағы №101 мектептің оқушысы Дияр Жолдас, екінші орынды М.Сужиков атындағы №6 мектептің оқушысы Дарья Федосияди, Ә. Мүсілімов атындағы №101 мектептің оқушысы Ерасыл Еркінұлы, үшінші орынды №5 мектеп-лицейінің оқушысы Ратмир Катешев және №4 IT мектеп-лицейінің оқушысы Айзере Ертуғанқызы иеленді.<figure class="image"><img src="https://knadmin.beoblood.kz/uploads/320284885_708459383903239_1976811171819655915_n_c0a03d6c5a.jpg" alt="320284885_708459383903239_1976811171819655915_n.jpg"></figure>

Қызылордада «Тәуелсіздік елдің ертеңі» байқауы өтті

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрі Тамара Дүйсенова Қызылорда облысына жұмыс сапары барысында аймақ активімен кездесу өткізді. ЕХӘҚМ басшысы биліктің жергілікті атқарушы органына халықты жұмыспен қамту мәселесіне аса көңіл бөлуге шақырды.Іс-шараға облыс басшысы Нұрлыбек Нәлібаев, облыс маслихатының өкілдері, жергілікті атқарушы органдардың басшылары мен облыстың аудан әкімдері қатысты.Тамара Дүйсенова өз сөзінде Қызылорда облысында а.ж. 11 ай ішінде 32&nbsp;231 адам жұмысқа орналастырылды деп атап өтті, оның ішінде жұмыспен қамту орталықтары арқылы бос жұмыс орындарына – 13&nbsp;132 адам, ұлттық жобаларды жүзеге асыру аясында – 4&nbsp;640, жұмыспен қамтудың белсенді шаралары бойынша – 14&nbsp;459.<blockquote>«Жұмыс орындарымен қамту мониторингін жүргізу тәртібіне сәйкес азаматтарды жұмысқа орналастыру оларға міндетті зейнетақы жарналарын жүргізумен расталатынына назар аударғым келеді. Қызылорда облысында бұл көрсеткіш 77% құрайды. Ал Қазалы ауданында ұлттық жобаларды жүзеге асыру барысында жұмысқа орналасқан азаматтар үшін зейнетақы жарналары бар тұлғалардың үлесі 49 % құрайды», - деп Тамара Дүйсенова атап өтті.</blockquote>Бұл ретте Министр Мемлекет басшысының 10 мың тұрғынға 100 жұмыс орнын құру бастамасын жүзеге асыру аясында өңірдің жақсы нәтижелерін атап өтті. Мәселен, 4587 жұмыс орнын құру жоспарлы көрсеткіші бойынша 10&nbsp;043 адам немесе 219 % нақты жұмысқа орналастырылды.<blockquote>«Келесі жылы Қызылорда облысында 36,6 мың адамды жұмыспен қамтуға белсенді шаралар жоспарлануда. Тұрақты жұмыс орындарын құруға басты назар аударып және Мемлекет басшысының тапсырламарын орындауда біркелкілікті қамтамасыз етуді сұраймын. Біздің мақсат – жұмыссыз адамдарға барынша жұмыспен қамтуға жағдай жасау. Әр бос жұмыс орнын Электрондық еңбек биржасы арқылы мониторинг жүргізіліп, еңбек келісім-шарттарымен және зейнетақы жарналарымен расталатын болады», - деді ЕХӘҚМ басшысы.</blockquote>Министр кездесуге келген қатысушыларға Отбасының цифрлық картасын (бұдан әрі – ОЦК) енгізу бойынша атқарылып жатқан жұмыстар туралы хабардар етті.<blockquote>«Бүгінгі күні мемлекеттік органдардың ақпараттық жүйелеріндегі деректері бойынша Цифрлық картада 6,3 млн отбасы мен олардың 19,5 млн отбасы мүшелері туралы ақпарат жинақталған. Бұл ретте тиісті көмекті ала алмай жүрген отбасыларды анықтадық. Мұндай отбасыларға 1 қыркүйектен бастап оларға белгіленген мемлекеттік кепілдіктер туралы SMS-хабарламалар жолдануда. Проактивті форматта оларға мемлекеттік қолдаудың тиісті шаралары қабылдануда. Қызылорда облысының 840 тұрғынына төлем тағайындалды», - деп хабарлады Тамара Дүйсенова.</blockquote>Министр мемлекеттік қызметтердің уақтылы көрсетілмегендігіне мысал ретінде Қызылорда облысындағы отбасы бала күтімі бойынша әлеуметтік төлем алғанымен, бала тууына байланысты біржолғы жәрдемақы алуға өтініш бермегенін келтіріп өтті.ЕХӘҚМ басшысы қазіргі таңда ОЦК аясында проактивті режимде жәрдемақылар мен әлеуметтік төлемдердің 9 түрі бойынша қызмет көрсетіліп жатқанын айтты. 2023 жылдан бастап халықты әлеуметтік қорғау саласындағы қызметтердің тізімі кеңейтіледі. 2025 жылға қарай Цифрлық картада әлеуметтік, білім және денсаулық сақтау салалары бойынша барлық мемлекеттік кепілдіктер қамтылатын болады.Кездесу барысында Тамара Дүйсенова жергілікті атқарушы билік өкілдерімен жұмыс берушілердің еңбек заңнамасының нормаларын сақтауы, өндірістердегі еңбекті қорғау мен қауіпсіздікті қамтамасыз ету, қызметкерлерді жазатайым оқиғалардан сақтандыру, балалы отбасылар мен мүгедектерге қолдау көрсету, зейнетақы мен әлеуметтік қамсыздандыру мәселелерін талқылады.<figure class="image"><img src="https://knadmin.beoblood.kz/uploads/319691932_418873547031838_5492004899994818913_n_38eaba2314.jpg" alt="319691932_418873547031838_5492004899994818913_n.jpg"></figure>&nbsp;<figure class="image"><img src="https://knadmin.beoblood.kz/uploads/319827436_526068902898853_2403602546872131282_n_c41c403c77.jpg" alt="319827436_526068902898853_2403602546872131282_n.jpg"></figure>

Министр Тамара Дүйсенова Қызылорда облысының активімен кездесу өткізді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы төтенше жағдайлар департаментінің Дағдарыс орталығында мемлекеттің Тәуелсіздігіне 31 жыл толуына орай іс-шара өтті.&nbsp;Мерекелік іс-шара барысында &nbsp;Төтенше жағдайлар департаментінің бастығы азаматтық қорғау полковнигі Руслан Қайрақбаев сала ардагерлерін және ұжым мүшелерін 16 желтоқсан - ел Тәуелсіздігіне 31 жыл толу мерекесімен құттықтады.&nbsp;Одан соң Ардагерлер кеңесінің төрағасы Мұрат Мұсаев қызметкерлерді ел мерекесімен құттықтады. Сонымен бірге іс-шараға қатысушыларға елдің тәуелсіздік алу жолы жөнінде &nbsp;тақырыптық бейнеролик көрсетілді. Қызметте үздік шыққан қызметкерлерге арнайы әскери атақтары табысталды. Ведомствалық наградалармен марапатталды.Атап айтқанда азаматтық қорғау полковнигі кезекті арнаулы атағы Асхат Оразбековке, азаматтық қорғау лейтенанты арнайы әскери атағы Мақсат Досмағамбетке, Абзал Жүніске, Ержан Жүргенұлына, Алмат Икматқа берілді.&nbsp;«Төтенше жағдайлардың алдын алуда және жоюда үздік шыққаны үшін» медалімен Төтенше жағдайлар департаментінің бастығының орынбасары подполковник Бекболат Әбдіқадыров, «Азаматтық қорғау жүйесін дамытуға қосқан үлесі үшін» төс белгісімен Өрт сөндіру кезекші қызметінің жедел кезекшісі Нұрхан Медеуов, Төтенше жағдайлар министрлігінің грамотасымен Жаңақорған ауданы төтенше жағдайлар басқармасының бас маманы Шынболат Шамбилов, Төтенше жағдайлар министрлігінің Алғыс хатымен Кадр саясаты басқармасының аға инспекторы Дархан Досмағанбет марапатталды.<img src="https://knadmin.beoblood.kz/uploads/319871306_881248063229967_8774678023990536204_n_ff52814a06.jpg" alt="319871306_881248063229967_8774678023990536204_n.jpg"><img src="https://knadmin.beoblood.kz/uploads/320048198_468224358795407_2334992045580797244_n_24fbe77ba4.jpg" alt="320048198_468224358795407_2334992045580797244_n.jpg">

Тәуелсіздікке 31 жыл: Мерекеде мамандар марапатталды

<a href="https://kyzylorda-news.kz/">Kyzylorda-news.kz.</a> «Сыртқы академиялық ұтқырлық» бағдарламасы бойынша РФ Ғылым академиясы Сібір бөлімінің, Новосибирск геология және минералогия институтының жетекші ғылыми қызметкері, г-м. ғ.д., профессор Сергей Кривоногов Қорқыт ата атындағы&nbsp;Қызылорда университетінің білім алушыларына дәріс өткізуде.Ғалым қараша айынан бастап Жаратылыстану институтының «Биология, география және химия» кафедрасына қарасты&nbsp; 6В01517, 7М01517, 8D01517 – «Биология», 6В01518 – «География», 6В01515, 7М01515, 8D01515–«Химия» білім беру бағдарламасының білім алушыларына&nbsp; дәріс өткізіп, бірнеше бағытта ғылыми жұмыстар жүргізуде.«Биология», «География», «Химия» БББ &nbsp;білім алушыларына &nbsp;«Изменения в масштабе орбитальных циклов земли», «Казахский сектор Евразии: «Природные изменения современной межледниковой эпохи и предшествующего оледенения», «Основы полеоклиматологии», «Изменения в масштабе тысячелетий», «Изменения тектонического масштаба», «Исторические и будущие климатические изменения» тақырыптары бойынша білім берді.Ал 7М01517, 8D01517 – «Биология», 7М01515, 8D01515–«Химия» БББ магистранттары мен докторанттарына&nbsp; магистрлік және докторлық диссертация тақырыптары бойынша &nbsp;жан-жақты бағыт-бағдар беруде.Профессор «Биология, география және химия» кафедрасының профессор-оқытушылар құрамына «Современная климатическая теория и изменения окружающей среды. &nbsp;Голоценовая история Аральского моря: уроки прошлого для понимания его современного состояния»&nbsp;&nbsp; тақырыбында семинар трениг өткізуде.Сондай-ақ, «Биология, география және химия» кафедрасының профессор-оқытушылар құрамы мен докторанттарына Scopus және Web of Science &nbsp;базаларына кіретін басылымдарда мақалалар &nbsp;жариялау бойынша әдіс тәсілдерімен ой бөлісуде.Ғалымның өткізген дәрістері мен семинар тренигтері әрбір тыңдаушыға кәсіби құзыреттіліктерін кеңейтуге, дағдыларының деңгейін жақсартуға және қызмет жүргізудің заманауи үрдістеріне бейімделуге мүмкіндік беруде.<figure class="image"><img src="https://knadmin.beoblood.kz/uploads/85d8348a_3e9a_4e5e_bfa0_c19265637a7d_8fe55781ee.jpg" alt="85d8348a-3e9a-4e5e-bfa0-c19265637a7d.jpg"></figure>

Қазақстан және Қызылорда облысының жаңалықтары