<a href="https://kyzylorda-news.kz/">Kyzylorda-news.kz.</a> Сәрсенбіде аймақ басшысы Нұрлыбек Нәлібаев Президенттің «Әкімдердің халықпен кездесулерін өткізу туралы» Жарлығы аясында құқық қорғау органдарының басшыларымен бірге Жалағаш ауданының тұрғындарымен жеке қабылдау өткізді.Аудандық Оқушылар үйінде өткен жеке қабылдауға облыстық сот төрағасы Әділхады Шығамбаев, облыс прокурорының бірінші орынбасары Исламбек Төлегенов, Ұлттық қауіпсіздік комитетінің Қызылорда облысы және Байқоңыр қаласы бойынша департаментінің бастығы Болат Қалмырзаев, облыстық полиция департаментінің бастығы Мұхтар Қожабаев, облыстық экономикалық тергеп-тексеру департаментінің басшысы Бақыт Қайшыбеков келді. Сондай-ақ, сыбайлас жемқорлыққа қарсы іс-қимыл агенттігінің облыстық департаменті басшысының бірінші орынбасары Серікжан Мырзалы және мемлекеттік кірістер департаментінің басшысы Ғани Аманов қатысты.Ашықтық қағидасына негізделген қабылдауда барлығы 40-тан астам азаматтың өтініші қаралды. Облыс әкіміне 21 тұрғын өз сұрақтарымен келді. Жергілікті азаматтар жер телімдерін рәсімдеу, жайылымдық алқапты егістікке ауыстыру, жұмысқа орналасу, әлеуметтік көмек алу, тұрғын үйге қол жеткізу, соғыс ардагеріне мектеп есімін беру, қайтарымсыз грант алу, иесіз жүрген иттерді жою, аяқ су мәселесін көтерді.Мәселен, Мырзабай ахун ауылының тұрғыны, 73 жастағы зейнеткер елді мекенде емхана салып беруді сұрады. Облыс әкімі бұл мәселе назарда бар екенін атап өтіп, қазіргі таңда құрылыс-сметалық құжаттама сараптамадан өткенін мәлімдеді. Сондай-ақ, Қаракеткен ауылдық округын жедел жәрдем автокөлігімен қамтуды сұраған 59 жастағы тұрғынға нақты түсіндірме берілді. Сатып алу процестеріне байланысты жедел жәрдем көлігі 2024 жылы әкелінеді.<blockquote>«Облыс әкімінің ауданға келетінін естіп, қабылдауға жазылдым. Жүздесуде інімнің кәсіпкерлік мақсатта грант алу комиссиясына қатысты өзекті сұрағымды қойдым. Бұған дейін маған жауапты мамандардан жеткілікті деңгейде жауап ала алмадым. Аймақтың әкімі сауалыма бей-жай қарамай, тиісті басшыларға нақты тапсырма берді», - деді Гүлжан Бедерова.</blockquote><blockquote>«Облыс әкімінің қабылдауында екі мәселе көтердім. Алғашқысы - өзім тұратын Мырзабай ахун ауылында емхана ескірген, яғни жаңасын салу. Ол жөнінде алдағы уақытта жобалық-сметалық құжат дайындап, сараптамадан өткізілетіні жөнінде білдім. Екінші мәселе - ауылдық клуб үйінің жоқтығы. Өтінішімізге құлақ асқан облыс басшылығына тұрғындар атынан алғысымды білдіремін», - деді Төребек Тәуіпбаев.</blockquote>Ал, құқық қорғау органдарының басшыларына 19 азамат өз мәселесін жеткізіп, заң аясында тиісті түсіндірме алды. Аймақ басшысы әрбір мәселені сала мамандарымен бірге мұқият зерделеп, заңдылығына қарай шешім қабылданатынын жеткізді және жауапты басқарма басшыларына нақты тапсырма берді.Сондай-ақ, сапар барысында облыс әкімі Нұрлыбек Нәлібаев Президент Жарлығы аясында тұрғындармен кездесіп, сұрақтарына жауап берді.Еске салу керек, облыс әкімі Нұрлыбек Нәлібаев өңір басшысы болып келген сәттен бері 23 рет қабылдау өткізіп, 300-ден астам азаматтың мәселесін саралады.<img src="https://knadmin.beoblood.kz/uploads/46_f1c159e2ad.jpg" alt="46.jpg"><img src="https://knadmin.beoblood.kz/uploads/44_4f889e35db.jpg" alt="44.jpg"><img src="https://knadmin.beoblood.kz/uploads/47_10a3e10c38.jpg" alt="47.jpg"><img src="https://knadmin.beoblood.kz/uploads/45_9005f99a9e.jpg" alt="45.jpg"><img src="https://knadmin.beoblood.kz/uploads/43_ef18a01621.jpg" alt="43.jpg"><img src="https://knadmin.beoblood.kz/uploads/42_1cc6cfb673.jpg" alt="42.jpg">

Облыс әкімі Жалағашта тұрғындармен жеке қабылдау өткізді

<a href="https://kyzylorda-news.kz/">Kyzylorda-news.kz.</a> Қызылордада мамандандырылған Халыққа қызмет көрсету орталығындағы медициналық байқау кабинеті жұмысын уақытша тоқтатты.Мемлекеттік корпорация Қызылорда қаласы, Тасбөгет кенті, Жаңадария көшесі 91 мекенжайында орналасқан арнайы ХҚКО-да медициналық комиссиядан өту уақытша мүмкін еместігін хабарлайды.Осыған байланысты, жүргізуші куәлігін алғаш алушылар, мерзімі өткен жүргізуші куәлігін жаңалаушылар, сот шешімімен көлік жүргізу құқығынан белгілі бір мерзімге айрылып, шектеу мерзімінен соң куәлік алуға практикалық сынақ тапсырушылар қажетті 073 формадағы медициналық анықтаманы өздері тіркелген емханадан алып келуі тиіс.Медициналық тексеру кабинеті қалыпты жұмысқа көшкен жағдайда қосымша хабарланады. Уақытша қолайсыздық үшін кешірім сұраймыз! &nbsp;

Қызылорда: ХҚО-дағы медициналық байқау кабинеті жұмысын уақытша тоқтатты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Президенттің «Әкімдердің халықпен кездесулерін өткізу туралы» Жарлығы аясында құқық қорғау органдарының бірінші басшыларымен бірге Сырдария ауданының тұрғындарымен жеке қабылдау өткізді.Ашықтық қағидасына негізделген қабылдауда барлығы 84 азаматтың өтініші қаралды. Облыс әкіміне 38 тұрғын өз сұрақтарымен келді.&nbsp;Ал, құқық қорғау органдарының басшыларына 46 азамат өз мәселесін жеткізіп, заң аясында тиісті түсіндірме алды.<figure class="media"><div data-oembed-url="https://youtu.be/knDMJGk7ciw"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/knDMJGk7ciw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Облыс әкімі Сырдария ауданында жеке қабылдау өткізді

<a href="https://kyzylorda-news.kz/">Kyzylorda-news.kz.</a> Сыр өңірі күрішті мекен болғандықтан өз несібесін сыр маржанынан тауып отырған қарапайым еңбек адамы өте көп. Солардың бірі – сырдариялық Дархан Олинов 15 жылдан аса «Мағжан и К» ЖШС механизатор болып еңбек етіп келеді. Биыл ол &nbsp;үздік механизатор атанып, құрмет төрінен көрінді. Бүгін Өңірлік коммуникациялар қызметінің ақпарат алаңында Дархан Олинов БАҚ өкілдеріне өзінің жұмысы туралы баяндады.<blockquote>«Өзім бала кезден бері ауыл шаруашылығы саласында қызмет етіп келемін. Ала жаздай егістіктің басында күрішпен айналысып, осы арқылы отбасымды асырап отырмын. Өңірдегі су тапшылығы біраз шаруаға қиындық келтіргені рас. Соған қарамастан биыл 4,5 мың гектарға күріш егіп, аудандар бойынша алдыңғы қатардан көріндік. Біздің шаруашылықта 70-ке жуық механизатор бар. Биыл солардың ішінен еңбегімді бағалап, жақында өткен Сыр диқаншыларының мерекесінде аймақ басшысы автокөліктің кілтін табыстады. Бұл әрине қарапайым еңбек адамдарын ерекше бағалауы һәм құрметтеуі деп білемін. Әр салада көптеген мамандар қызмет етуі мүмкін. Дегенмен, өз саласының білікті маманы болу нағыз өнер деп білемін», - деді «Мағжан и К» ЖШС-нің механизаторы Дархан Олинов.</blockquote><figure class="image"><img src="https://knadmin.beoblood.kz/uploads/312381862_1656880418040797_7865341112240835978_n_ef9b8bc7ce.jpg" alt="312381862_1656880418040797_7865341112240835978_n.jpg"></figure>&nbsp;

Еңбек адамы - ел мақтанышы

<a href="https://kyzylorda-news.kz/">Kyzylorda-news.kz.</a> Қызылорда облысында су айдындарында балық аулау кезіндегі қайғылы оқиғаларды болдырмау, қауіпсіздікті сақтау мақсатында 63 профилактикалық рейд жүргізілді. Бұл туралы Өңірлік коммуникациялар қызметінде өткен брифингте Азаматтық қорғаныс басқармасының бастығы Асхат Тоғызбаев мәлімдеді.&nbsp;Оның айтуынша, аймақта басқарма қызметкерлері мен еріктілер рейдке жұмылдырылып 6605 тұрғынға, оның ішінде 849 жасөспірімге түсіндірме жұмыстары жүргізілген. Сонымен қатар қала аумағында адам көп шоғырланған орындарда дауыс зорайтқыш арқылы түсіндірме жұмыстары жүргізілді. Балық аулаушыларға арналған дүкендерде жадынамалар ілініп, келушілер мен сатушыларға түсіндірме жұмыстары ұйымдастырылды.&nbsp;<blockquote>«Биылғы жылы су айдындарында 29 адам, ал &nbsp;балық аулау кезінде 1 адам қаза болды. Сонымен қатар су айдындарында жыл басынан бері 11 адам құтқарылды. Балық аулау мен аң аулау кезінде &nbsp;қауіпсіздік қағидаларын ұмытпаған жөн. Алдымен қайықты мұқият қарау керек. Ескек, ескектің тұтқасы, құтқару шеңбері мен суды құйып алуға арналған шелек болуы қажет. Құтқару құралдарынсыз қайыққа отырған тұлғаға ескерту шарасы көріледі немесе Әкімшілік құқық бұзушылық туралы кодексінің 583-бабы бойынша бір айлық есептік көрсеткіш көлемінде айыппұл салынады. Түнгі мезгілде балық аулауға немесе аңға шығуға болмайды. Қайықтың жарамдылығын, құтқару жилетімен және шеңбермен, белбеумен жабдықталуын тексеру қажет. Қайықта шелек немесе суды құйып алатын кез-келген ыдыс &nbsp;болуы қажет. Өзімен бірге дәрі-дәрмек қобдишасы, қолшам, жергілікті жердің картасы, өзінің тұрған жерін құлақтандыратын құрал &nbsp;болуы тиіс», - дейді басқарма бастығы Асхат Тоғызбаев.</blockquote>Осы уақытқа дейін балық шаруашылығы инспекциясының қызметкерлерімен бірлесіп, заңсыз балық аулау бойынша 419 дерек тіркеліп, айыппұл салынған.&nbsp;<blockquote>«Аймақтағы су айдындарында 16 тыйым салынған және 47 қауіпті участок анықталды. Осы аумақтарда 27 ескерту тақтайшасы мен 11 билборд орнатылды», - дейді Асхат Тоғызбаев.</blockquote><figure class="image"><img src="https://knadmin.beoblood.kz/uploads/Ashat_96a1724c05.jpg" alt="Асхат.jpg"></figure>

 Қызылорда: Су айдындарында жыл басынан бері 11 адам құтқарылды

<a href="https://kyzylorda-news.kz/">Kyzylorda-news.kz.</a>&nbsp; Министр Дархан Қыдырәлі Қызылорда, Түркістан және Шымкент халқымен кездеседі.Қызылорда қаласы - 2022 жылғы 3 қарашада («Достық үйі» ғимараты, Жахаев к, 24) сағат 10:30;Түркістан қаласы – 2022 жылғы 4 қарашада («Ақжайық» музыкалық мектебінің ғимараты, «Жаңа қала» шағын ауданы, 19) сағат 14:30;Шымкент қаласы – 2022 жылғы 5 қарашада («Оқушылар сарайы» ғимараты, Қонаев к.,2/3) сағат 14:30.ҚР Ақпарат және қоғамдық даму министрлігінің қызметі саласына қатысты мәселелер бойынша Министрліктің <a href="https://www.gov.kz/.../qogam/virtual-reception/question...">ресми сайты</a> арқылы «онлайн-қабылдау» - «сұрақ - жауап» - «министрмен кездесу» сұрақ санатын таңдап сұрақ қоюыңызға болады.Сонымен қатар, халықпен кездесуден кейін азаматтарды жеке қабылдау жоспарланған. Жеке қабылдауға жазылу үшін өтінімдерді қабылдау сағат 09.00-ден 18.00-ге дейін 8 (705) 638-66-84 (Сагубаева Алма Жасқайратқызы) нөмірі бойынша жүзеге асырылады.

Министр Дархан Қыдырәлі Қызылорда, Түркістан және Шымкент халқымен кездеседі

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Ұлттық қауіпсіздік комитетінің 30 жылдығы мен Республика күні мерекесіне орай «Сейхун» спорттық-сауықтыру кешенінде Қызылорда облысының арнаулы, құқық қорғау органдары, күштік және әскери құрылымдар ардагерлері мен 45 жастан асқан қызметкерлері арасында шағын футболдан жарыс өткізілді. &nbsp;Жарыстың мақсаты ұлттық мерекені кеңінен атап өту, салауатты өмір салтын насихаттау, ардагерлер мен қызметкерлер арасында ынтымақтастықты нығайту.&nbsp;Аталған спорттық бәсекеге 6 командадан 60 ойыншы қатысты. - Қазақстан Республикасы Ұлттық қауіпсіздік комитетінің Қызылорда облысы және Байқоңыр қаласы бойынша департаменті; - Қазақстан Республикасы Ұлттық қауіпсіздік комитеті Шекара қызметінің Қызылорда облысы бойынша департаменті; - &nbsp;Қызылорда облысының Полиция департаментінен - 2 команда; - Қызылорда облысы бойынша Экономикалық тергеу департаменті; - Қызылорда облысының Төтенше жағдайлар департаменті.Дүбірлі сайысты ҰҚК Қызылорда облысы және Байқоңыр қаласы бойынша департаментінің бастығы полковник Б.А.Қалмырзаев ашып, жуырда өткен ұлттық мереке - Республика күнімен құттықтады. Сонымен қатар, Қазақстанның тұрақтылығын қамтамасыз етуде Ұлттық қауіпсіздік комитеті мен күштік құрылымдарының орнын, олардың үлесін ерекше атап өтіп, жарысқа қатысушыларға ақ жол тіледі.Турнир барысында топтық ойындардан соң бірінші жартылай финалда аумақтық орган командасы облыстық Экономикалық тергеу департаментін жеңіп, финалда ҰҚК Шекара қызметінің облыстық департаментін айқын басымдылықпен ұтып, ҰҚК Қызылорда облысы және Байқоңыр қаласы бойынша департаменті турнир жеңімпазы атанды. Ал үшінші орынға облыстық Полиция департаменті жайғасты. Жарыс нәтижесі бойынша Департамент бастығы және ҰҚК ардагерлері женімпаздарды грамоталар, медальдар, кубоктар және бағалы сыйлықтармен марапаттады. Сонымен қатар, үздік ойыншы, шабуылшы, қақпашы және Ардагер ойыншы номинациялары табысталды.Сайыс аяқталғаннан соң қатысушы командалар капитандары мен ардагерлер ұйымдары төрағаларының қатысуымен баспасөз конференциясы өтті. Онда турнирді ұйымдастырушы тарапқа алғыстар айтылып, өзара ынтымақтастықты нығайтуға бағытталған осындай шаралар бұдан әрі көптеп өткізілетіндігі аталып өтілді.<img src="https://knadmin.beoblood.kz/uploads/1eee5c45_269d_4557_a66d_b6a143b3565b_54b3d74805.jpg" alt="1eee5c45-269d-4557-a66d-b6a143b3565b.jpg"><img src="https://knadmin.beoblood.kz/uploads/858f4a4e_ae1b_443e_98d1_99c3c5ae5b7b_3cdfdcef80.jpg" alt="858f4a4e-ae1b-443e-98d1-99c3c5ae5b7b.jpg"><img src="https://knadmin.beoblood.kz/uploads/5770e8f9_56ec_44ea_9968_2472e5af785f_5a2eeca49d.jpg" alt="5770e8f9-56ec-44ea-9968-2472e5af785f.jpg"><figure class="image"><img src="https://knadmin.beoblood.kz/uploads/bbca4dd5_94f7_42a4_b31c_f2f901e371a9_672f8d6b0e.jpg" alt="bbca4dd5-94f7-42a4-b31c-f2f901e371a9.jpg"></figure>

Құқық қорғау органдарының қызметкерлері мен ардагерлері арасында шағын футболдан жарыс өтті  

<a href="https://kyzylorda-news.kz/">Kyzylorda-news.kz.</a> Қызылорда облысында жылу беру маусымына байланысты өрт қауіпсіздігінің алдын алу шаралары белсенді жүргізілуде. Атап айтқанда, тұрғын-үй секторларына арнайы дабыл қаққыш қондырғы орнатылып, облыс тұрғындарына қауіпсіздік ережелері күнделікті түсіндірілуде. Бұл жөнінде Өңірлік коммуникациялар қызметінде өткен брифингте облыстық төтенше жағдайлар департаменті бастығының орынбасары Нұрсұлтан Ибрагимов хабарлады.<blockquote>«Бүгінде тұрмыстағы өрттің алдын алу мақсатында полиция қызметкерлерімен бірге &nbsp;күнделікті рейд жұмыстары ұйымдастырылуда. Жалпы өңірде былтырғы жылмен салыстырғанда өрттің тіркелу деңгейі 36 пайызға азайып отыр. Бүгінгі күнге дейін облыс тұрғынына арнайы үнпарақтар таратылып, үгіт-насихат жұмыстары өткізілуде. Алдағы уақытта бұл жұмыстар өз жалғасын табатын болады», - деді облыстық төтенше жағдайлар департаменті бастығының орынбасары Нұрсұлтан Ибрагимов.</blockquote>Брифинг барысында балық аулау кезіндегі сақтық шаралары да айтылды. Сала мамандарының айтуынша, биыл балық аулау кезінде 11 адам құтқарылған.&nbsp;<blockquote>«Балық аулау кезінде қарапайым ережелерді сақтау маңызды. Себебі, су айдындарындағы белгіленбеген орындарда балық аулау адам өміріне қауіпті. Биыл облыс көлемінде «Балық шаруашылығы инспекциясының» қызметкерлерімен бірлесіп, профилактикалық іс-шара ұйымдастырылды. Шара барысында заңсыз балық аулаудың 419 дерегі тіркеліп, айыппұл салынды», - деді Асхат Тоғызбаев.</blockquote><figure class="image"><img src="https://knadmin.beoblood.kz/uploads/chs_32b11bb094.jpg" alt="чс.jpg"></figure>

Қызылордада өрттің тіркелу деңгейі 36 пайызға азайған

<a href="https://kyzylorda-news.kz/">Kyzylorda-news.kz.</a>&nbsp; ҚР президенті болуға үміткер Қарақат Әбден Ақтөбе қаласының сайлаушылармен кездесу өткізді. Сайлауалды жиында үміткержергілікті тұрғындармен, Іскер әйелдерқауымдастығының өкілдерімен кездесті.&nbsp;Жиын барысында президенттікке үміткер өзінің сайлауалды бағдарламасын таныстырып, әлеуметтік сала, әйелдің қоғамдағы рөлі мен көп балалы әйелдердің жағдайы туралы сөз қозғалды.<blockquote>«Бір қолымен бесік тербетіп, бір қолымен әлемді тербеген көп балалы аналар қоғамға, жастарға &nbsp;үлгі болу керек. Көп балалы ана болу – нағыз ерлік. Бүгінгі кездесуде келген ақтөбелік әйелдер қауымы осының жарқын үлгісі бола алады. Олардың белсенділік танытып жүргені қуантады. Ел игілігі үшін әйелдердің көшбасшылық қасиеттерін дұрыс бағытта дамыту, ежелден қалыптасқан ұлттық құндылықтарды сақтау мен отбасындағы &nbsp;бала тәрбиесі әйелдердің басты назарында екені белгілі болды. Өзім көп балалы ана ретінде әйел-ана, қазақ қызы ұлт айнасына айналу керек деп санаймын», - деп атап өтті Қарақат Әбден.</blockquote>Жиналған әйелдер қауымы бала тәрбиесіндегі тіл мәселесінің өзектілігін де тілге тиек етті.&nbsp;<blockquote>«Әйел адам отбасында да, іскерлік бағытта да жетістікке жету үшін жан-жақты болып, іздену керек, өзін дамыту керек екендігін түсіндім. Қарақат Әбден бүгін бізге үлкен мотивация берді», -деп бөлісті Ақтөбе қаласының Іскер әйелдер кеңесінің жастар қанаты төрайымы Майра Сауырбаева.</blockquote>Еске салсақ, Қарақат Әбден бұған дейін Ақмола облысы, Қарағанды, Астана, Екібастұз, Семей, Павлодар, Талғар, Есікқалаларының тұрғындарымен жүздескен еді. Алдағы уақытта оның Батыс Қазақстан, Қызылорда, Ұлытау облысы сайлаушыларымен кездесу өткізетіні мәлім. &nbsp;<figure class="image"><img src="https://knadmin.beoblood.kz/uploads/17a67957_d7d4_40b3_b840_be454ec6803c_5c228c73d7.jpg" alt="17a67957-d7d4-40b3-b840-be454ec6803c.jpg"></figure>

Қарақат Әбден: Көп балалы ана болу – нағыз ерлік

<a href="https://kyzylorda-news.kz/">Kyzylorda-news.kz.</a> Бүгін Қазақстан Республикасының Президенттігіне кандидат Жигули Дайрабаев Павлодар облысы Екібастұз қаласының базарында болып аймақтық азық-түлік нарықтарындағы жағдаймен танысты. Сатушылармен, сатып алушылармен, өнім жеткізушілермен кездесті. Олардыңел өміріне қатысты пікірлерін тыңдады.Сатып алушылар тарапынан бағаларға қатысты көптеген сұрақ болды. Негізінен бағаның тұрақсыздығы, оның үнемі көтерілетіні, тауардың қымбаттығы туралы айтылды. Сатушылардан отандық тауар өндірушілерден тауарларды жүйелі түрде жеткізу жоқ, сондықтан импорттық дайын өнімдермен жұмыс істеуге тура келеді деген шағым болды.&nbsp;«Базардағы сатып алушылармен, сатушылармен әңгімелескен кезде өзімнің сайлауалды бағдарламамның және мен президенттікке ұсынған «Ауыл» партиясы ұстанымының дұрыстығына тағы да көз жеткіздім. Азық-түлік тауарлары бағасының тұрақты өсуі елдің азық-түлік қауіпсіздігіне тікелей және нақты төнген қауіп. &nbsp;Азық-түлік қауіпсіздігі элементтерінің бірі – азаматтардың қол жетімді, қолайлы бағамен азық-түлік сатып алу мүмкіндігі. Бұл біздің елде жоқ. Мұның бәрі реттелуі үшін ең бастысы, күшті қолдау қажет. Қаптамаға ыңғайлы, сапалы, сұрыпталған өнім көп болуы керек. Ол үшін кооперативтер, сату кооперативтері құрылуы тиіс. Мемлекеттің аграрлық саясатын үйлестіру қажет. Ол үшін ауыл шаруашылығы инфрақұрылымын құру қажет. Ауыл &nbsp;еңбеккерлерінің ауылда өндіретін өнімдерін дәл осы ұйымдар сатып алып, қалаға жеткізеді. Мұның бәрі ауыл шаруашылығы тауарын өндірушілердің кооперациясы негізінде болуы тиіс. &nbsp; &nbsp;Бұған дейін көтерме сауда орталықтары болған. Бірақ ол әдеттегідей басталмай жатып жоқ болды. Жалпы идея өте дұрыс еді. Бірақ біздің шенеуніктер әдеттегідей бәрін керісінше жасады. Үй шатырдан емес, іргетастан бастап салынатынын қаперге де алмады. Тауар өндірушілерді тыңдамады.Жобаны жүзеге асырудағы түсініксіз идеялар мен механизмдер нәтижесінде бәрін тас-талқан қылды. Бағалар қолайлы болуы үшін ауылшаруашылық өнімдерін көбірек өндіріп, сапалы өнім шығару керек. Мемлекет шаруаларды ынталандыру үшін бәрін жасауы тиіс, сонда олар өнім көлемі мен сапасын арттырады. Ол үшін мемлекеттік қолдау жүйесін, оның ішінде әсіресе ауыл шаруашылығын субсидиялау жүйесін өзгерту қажет. Ол ауыл шаруашылығы өнімдерінің көлемі мен сапасын арттыруды ынталандыруға бағытталуы тиіс. Субсидия түпкілікті өнімге төленуі керек. Бүгінгі субсидия кез келген адамды байытады, тек фермерлерді емес.Егер кооперативтер туралы айтатын болсақ, қағаз жүзінде құрылған 2700 кооператив бар. Бізге түрлі бағыттағы нақты кооперативтер қажет», – деді Жигули Дайрабаев.&nbsp;Екібастұздағы ерекше жағдай – еттің делдалсыз тікелей сатылымға шығарылатыны болды. Мұндағы ет басқа қалаларға қарағанда біршама арзан. Келісі 1700-1800 теңгеден саудаланады. Тарихи отаны Қазақстанға Қытайдан оралған қандас халал өнімдерін шығарады. Етті өзі мал өсіретін алыс ауылдан таситын оған Екібастұз қаласынан мал соятын орын керек. Бірақ кәсібін дамытқысы келген еңбек адамынақаладан орын берілмеген.Бұдан кейін кандидат қалалық ақсақалдар кеңесімен кездесті. Олармен шахмат ойнай отырып, әңгімелесіп, біршама мәселені талқылады. Ақсақалдар кандидатқа зейнетақы активтерін басқаруды қалай жоспарлайтыны жайында сұрақ қойды.&nbsp; &nbsp;<figure class="image"><img src="https://knadmin.beoblood.kz/uploads/Whats_App_Image_2022_11_02_at_14_33_15_1_986758ad79.jpeg" alt="WhatsApp Image 2022-11-02 at 14.33.15 (1).jpeg"></figure>

Жигули Дайрабаев: Баға тұрақсыздығы елдің азық-түлік қауіпсіздігіне төнген қауіп

<a href="https://kyzylorda-news.kz/">Kyzylorda-news.kz.</a> ҚР президенттігіне Жалпыұлттық социал-демократиялық партиясы атынанүміткер Нұрлан Әуесбаев Шымкентке сапар барысында Аймақтық сайлауалды штабқа соғып, партия активімен кездесті, сонымен бірге азаматтарды қабылдады.Іс-шара барысында Нұрлан Әуесбаев ЖСДП белсенділерін өзінің сайлауалды бағдарламасының негізгі тармақтарымен таныстырды. Құжатта баса назар саяси реформаларға аударылғанын атап өтті. Үміткердің пікірінше, «Алдымен экономика, кейін саясат» стратегиясы тиімсіз болып шықты. Партиялық-саяси өрісті толыққанды реформалау қажет.&nbsp;Кезек күттірмейтін тағы бір өзекті мәселе – экономикаға тұсау болып отырған жемқорлық. Бұл жағымсыз құбылысты жою үшін ЖСДП-дан үміткер парақорларға қатысты жазаны барынша қатайтуды ұсынады. Әуесбаевтың пікірінше, сыбайлас жемқорлық қылмыс үшін сотталғандарды мерзімінен бұрын босату құқығынан айыру қажет.Бюджет қаражатының бөлінуіне қатысты халықтық бақылау орнатылған кезде ғана сыбайлас жемқорлықпен күресуге болады. Нұрлан Әуесбаевтың пайымдауынша, ол үшін елге олигархтардың емес, халықтың түрлі топтарының қызығушылықтарын қорғайтын күшті бір палаталы парламент қажет. &nbsp;<figure class="image"><img src="https://knadmin.beoblood.kz/uploads/c34faf7b_4915_4d41_b39c_f970af6948aa_0dc70d03f1.jpg" alt="c34faf7b-4915-4d41-b39c-f970af6948aa.jpg"></figure>

Нұрлан Әуесбаев партия активімен кездесті

<a href="https://kyzylorda-news.kz/">Kyzylorda-news.kz.</a> Президенттікке кандидат Қасым-Жомарт Тоқаевтың Республикалық қоғамдық штабының мүшелері Алматы облысындағы сайлаушылар бірқатар кездесулер өткізді.Өтеген батыр ауылында балалар клиникалық ауруханасының қызметкерлерімен кездесу өтіп, оның барысында кандидаттың сайлауалды бағдарламасында көрсетілген ұлттық денсаулық сақтау жүйесін дамытудың негізгі мақсаттары талқыланды.<blockquote>«Алматы облысы – еліміздегі ең ірі өңірлердің бірі. Аймақ халықының 85%-ы ауылда тұрады. Мұнда да барлық өзге өңірдегідей шешімін күтіп тұрған мәселелер бар. Сол мәселелерді қазақстандықтар жаппай қолдайтын күшті билік қана шеше алады. Сондықтан сайлаушылардың 20 қарашада сайлау учаскелеріне келіп, елдің одан әрі даму жолын анықтайтынтаңдау жасауы маңызды», - деп атап өтті Республикалық қоғамдық штаб мүшесі Азат Перуашев.</blockquote>Бұдан әрі РҚШ мүшелері Қонаев қаласындағы Мәдениет үйінде Алматы облысының жұртшылығымен кездесті. Оған 200-ге жуық адам қатысты. Кандидаттың сайлауалды бағдарламасындағы өңірлерді дамытуға және ауылдағы инфрақұрылымды жаңартуға арналған бөлімі қызу талқыланды.&nbsp;Сондай-ақ, штаб мүшелері өңірдегі көп балалы аналарымен кандидаттың өскелең ұрпақты қолдау және тұрмысы төмен отбасыларды әлеуметтік қамсыздандыру жөніндегі сайлауалды бастамалары туралы әңгіме өрбіді.Осы күні Республикалық қоғамдық штаб мүшелері Іле ауданының құрметті азаматтарымен кандидаттың сайлауалды бағдарламасын талқылап, Қонаев қаласындағы жергілікті базарлардың бірінде жастармен кездесу өткізді. &nbsp;<figure class="image"><img src="https://knadmin.beoblood.kz/uploads/53fd27e5_44dd_418c_bd7c_87b10fd3f6a2_ca6a210e7a.jpg" alt="53fd27e5-44dd-418c-bd7c-87b10fd3f6a2.jpg"></figure><figure class="image"><img src="https://knadmin.beoblood.kz/uploads/cb05f590_e1be_4dd6_b026_11a818fd878a_fe92947281.jpg" alt="cb05f590-e1be-4dd6-b026-11a818fd878a.jpg"></figure>

Қазақстан және Қызылорда облысының жаңалықтары