<a href="https://kyzylorda-news.kz/">Kyzylorda-news.kz.</a> Қызылорда облысының санитариялық-эпидемиологиялық бақылау қызметінің бақылауында 324 жалпы білім беретін мекеме бар. Оның ішінде 305 мектеп, 8 кешкі мектеп және 11 мектеп-интернат.
Бүгінгі күні жалпы білім беретін ұйымдардағы тығыздылық және апатты жағдайдағы мектептер мәселесін шешу мақсатында облыста 8 мектептің құрылысы жүргізілуде. Мемлекеттік-жеке кәсіпкерлік әріптестігі негізінде Қызылорда қаласында 2 жеке мектеп, Арал ауданында 1 жеке мектеп салынуда. Сонымен қатар Арал ауданы Тоқабай елді мекеніндегі апаттық ғимараттағы №248 орта мектеп үшін жеке инвестор есебінен 100 орындық мектеп құрылысы қарқынды жүруде.
2022 жылғы 1 қыркүйекке Арал қаласындағы апатты жағдайдағы №71 орта мектеп үшін жаңа типтік жобадағы 100 орындық интернаты бар 200 орындық және Жаңақорған кентіндегі №169 мектеп үшін 600 орындық жаңа мектеп пайдалануға беріледі деп күтілуде. Одан бөлек жаңа оқу жылына және жыл соңына дейін жаңа 7 мектеп оқушыларды қабылдайды деп күтілуде.
Облыс бойынша үш ауысымда оқыту қаупі бар 6 мектеп бар. Оларды жою мақсатында 4 мектепке қосымша құрылыс жұмыстарын бастауға қаржы бөлінген. Мектептің су, кәріз, жарық, жылу, желдету жүйелерін жаңалау, балаларға және персоналға арналған санитариялық тораптар орнату бойынша 6 мектепке күрделі жөндеу жұмыстары жүргізілуде.
Қызылорда облысындағы мектеп және мектеп-интернаттың 79-ы қалада, 237-сі ауылдық елді мекендерде орналасқан. Олардың 88% типтік жобада, ал 12% бейімделген ғимаратта орналасқан. Басым көпшілігі, яғни 94% орталықтандырылған су жүйесіне қосылған, 6% су тасымалды, су баспа құдықтан алынады. Мектептердің 96,5% орталықтандырылған, жергілікті бу қазандығы арқылы, 11 мектеп пешпен жылытылады. Бұл жөнінде санитариялық-эпидемиологиялық бақылау қызметі тарапынан санитариялық нормативтерге сәйкестендіру туралы тиісті ескерту жұмыстары жүргізілді. 
Оқушыларды медициналық көмекпен қамтамасыз ету мақсатында облыстағы жалпы білім беретін мектептердің 97 пайызында медкабинет қарастырылған. Барлығы қажетті медициналық құралдармен жабдықталған.
Мектеп оқушыларының қауіпсіздігін қамтамасыз ету үшін облыс бойынша 2020-2021 оқу жылдары 91 мектептің сыртқы дәретханаларын ішке кіргізу жұмыстары жүргізілді. Бүгінгі күні тек Сырдария ауданында мектепке кіргізілген ішкі дәретханалар санитариялық қағидалар талабына сай қабырға арлықтарға бөлініп, еден-қабырғалары кафельденіп, ер балаларға арнайы қондырғылар (писсуар) орнатылған. Аймақтағы барлық мектепте ішкі дәретханалар жұмыс жасауда. Дегенмен, Қазалы, Қармақшы, Жалағаш, Шиелі аудандарындағы ішкі дәретханалар санитариялық қағидалар талаптарына сәйкес демонтаждалып, қалған дәретханалар қалпына келтіру жұмыстарын талап етеді. 
Мектептерде кәріз жүйесінің (санитариялық тораптардың) жүйелі жұмыс жасауы үшін сарқынды суды төгетін арнайы ассенизациялық автокөлік мәселесін шешу де кезек күттірмейтін мәселелердің бірі.
Өткен 2021-2022 оқу жылы кезеңінде Қызылорда облысының санитариялық-эпидемиологиялық бақылау қызметімен ерекше тәртіп бойынша тексерумен 272 мектеп, жоспардан тыс тексерумен 317 мектеп қамтылды. Нәтижесінде жалпы білім беретін мектептерде санитариялық қағидалар талаптарын бұзғаны үшін 272 санитариялық нұсқама берілді, 341 айыппұл салынды, 3 қызметкер жұмыстан уақытша шеттетілді.
Санитариялық-эпидемиологиялық қорытындысыз жұмыс жасаған және апаттық жағдайдағы мектептер бойынша облыстық ауданаралық экономикалық сотқа 5 мектептің жұмысын уақытша тоқтату туралы талап арыз жолданды, санитариялық нұсқаманың орындалмауы бойынша 5 материал әкімшілік сотқа жолданды.
Жаңа 2022-2023 оқу жылы қарсаңында жергілікті әкімдік пен білім бөлімдерімен бірлесіп, барлық аудан, қалада бірлескен бұйрық негізінде 286 мектептің дайындығына мониторинг жүргізілді, ақпараттық түсіндірме жұмыстары жасалды, қалған мектепке мониторинг жалғасуда.
<img src="https://kyzylorda-news.kz/wp-content/uploads/2022/08/4d9ba5f9-babc-4786-9758-d663d918b82c.jpg" alt="" />

Қызылордада мектептердің санитариялық-эпидемиологиялық жағдайы бақылауда

<a href="https://kyzylorda-news.kz/">Kyzylorda-news.kz.</a> Қызылорда облысында 33 мыңнан астам оқушы мектеп формасы мен кеңсе тауарларын сатып алу үшін қаржылай көмек алды.
Бүгінде облыс бойынша 37 389 теңге көлеміндегі бір реттік қаржылай көмек алған оқушылардың саны 33 312 құрап, меже толығымен орындалды. Бұл туралы бүгін Өңірлік коммуникациялар қызметінде өткізілген брифингте облыстық білім басқармасының басшысы Мейрамбек Шермағанбет мәлімдеді.
Сонымен қатар аталмыш қор арқылы қаржы алмайтын балаларға «Мектепке жол» акциясы шеңберінде демеушілер есебінен 7 мыңнан астам балаға 102 млн. теңге көлеміндегі қаржыға көмек көрсетілді.
<blockquote>
 «Бұл көмек арқылы ата-аналар өздерінің банктегі шотына ақшаны тікелей алып, балаларына мектеп формасын, кеңсе тауарларын және аяқ киімін өз бетінше таңдай алады. Мұның артықшылығы – бала ата-анасымен бірге таңдаған киіммен мектепке бара алуында. Бүгінде аймағымыз бойынша қаржылай көмекті алатын 33 312 балаға жергілікті бюджеттен 1,2 млрд. теңге бөлініп, бала басына 37 389 теңгеден қаржылай көмек берілді», – деді Мейрамбек Зинабдинұлы.
</blockquote>
Естеріңізге сала кетейік, «Жалпыға міндетті білім беру» қорынан атаулы әлеуметтік көмек алатын отбасылардың балаларына, сондай-ақ АӘК алмайтын, бірақ жан басына шаққандағы орташа табысы ең төменгі күнкөріс деңгейінен төмен отбасылардың балаларына, жетім балаларға және ата-анасының қамқорлығынсыз қалған балалар, төтенше жағдайға тап болған оқушылар алады. Ал бұл қор арқылы қаржы алмайтын балаларға демеушілер есебінен материалдық көмек көрсетілуде.
<img src="https://kyzylorda-news.kz/wp-content/uploads/2022/08/303503299_1429622554207612_7712213160825714932_n.jpg" alt="" />

Мейрамбек Шермағанбет: Қызылордада 33 мыңнан астам балаға қаржылай көмек берілді

<a href="https://kyzylorda-news.kz/">Kyzylorda-news.kz.</a>&nbsp;Оқу жылының басталуына қарай 80-ге жуық жаңа мектеп ашылады. Жыл соңына дейін барлығы 230-дан астам мектепті пайдалануға беру жоспарланып отыр.
<blockquote>
 «Мемлекет басшысының тапсырмасы бойынша 2025 жылдың соңына дейін елімізде 1 000 мектеп салынады. Былтыр 277 мектеп пайдалануға берілді. Биыл тағы 230 мектепті ашу жоспарланып отыр. 1 қыркүйекке дейін 80 мектеп ашылады», – деді оқу-ағарту вице-министрі Ғани Бейсембаев.
</blockquote>
Оның айтуынша, мектептерді заң бойынша әкімдіктер қаржыландырып, құрылысын жүргізеді.
<blockquote>
 «Мемлекеттік сатып алулар, жобалық-сметалық құжаттарды дайындау, жер телімдерін бөлу, инженерлік инфрақұрылым, құрылыс жұмыстарын оңтайландыру қажет, қазір онымен арнайы жұмыс тобы айналысып жатыр. Нақты құрылыс салу, әкімдіктердің мектеп салмай, үй салуға рұқсат беру тәжірибесі – ол бөлек мәселе. Соның салдарынан қазіргі мектептер бірден үш ауысымға айналады. Біз заң жүзінде мұндай мүмкіндікті толығымен жоюды талап етеміз», – деп толықтырды Бейсембаев.
</blockquote>
Жаңа мектептің басым көпшілігі демографиялық өсім белсенді және оқушылар орны жеткіліксіз аймақтарда салынып жатыр. Бұл Алматы, Атырау облыстары және Нұр-Сұлтан, Алматы қалалары. 
Өңірлердегі 200-ден астам мектепте күрделі жөндеу жұмыстары аяқталуға жақын.
<a href="https://sputnik.kz/20220831/1-qyrkuyekke-qaray-80-ge-zhuyq-zhana-mektep-ashylady-27145497.html">Sputnik.kz</a>

Жыл соңына дейін 230-дан астам жаңа мектеп ашылды

<a href="https://kyzylorda-news.kz/">Kyzylorda-news.kz.</a> Жалағаш ауданында «Мектепке жол» жалпы республикалық қайырымдылық акциясы «Мектепке жол – Шекарасыз жақсылық!» атты ұранмен өткізіліп жатыр. Аталған акция 30 қыркүйекке дейін жалғасатын болады.
Аудан әкімдігінің ұйымдастыруымен өткізілген акция аясында 1 сыныпқа келетін 167 оқушыға «Самрұқ-Қазына» АҚ демеушілігімен мектеп сөмкесі, оқуға қажетті құрал-жабдықтар табысталды.
Сонымен қатар, «Аманат» партиясы Жалағаш аудандық филиалының «Бақытты отбасы» жобасы аясында 17 балаға көмек көрсетілді. Сонымен қатар аудандық ардагерлер кеңесі 2 оқушыға қажетті құрал-жабдықтарды алып берді. Оған қоса, аудан әкімдігінің қолдауымен «Өркен Әлем» ЖШС тігін цехы 100 балаға мектеп формасын арзан бағада тігіп берсе, 60 балаға тегін мектеп формасын үлестірді. Қайырымдылық шарадан ауыл әкімдіктері мен мектептер де қалыс қалмады. Бұл мемлекеттік мекемелер акция аясында 132 балаға көмек көрсетті.
Сонымен қатар аудандағы шаруашылық төрағалары және кәсіпкерлер қайырымдылық акциясына атсалысып, көпбалалы және аз қамтылған отбасылардың балаларына көмек қолын созуда. Жалпы айтқанда, ауданда оқу жылы аясындағы науқаннан барлық мекемелер мен кәсіпкерлер қалыс қалып жатқан жоқ.
Айта кетейік, науқанға кез келген адам қатыса алады. Атап айтқанда еріктілер, бизнесмендер, меценаттар, үкіметтік емес ұйымдар және басқа да мемлекеттік мекемелер үлес қосуына мүмкіндік бар.
<img src="https://kyzylorda-news.kz/wp-content/uploads/2022/08/301786389_497556905706204_5521997735243539733_n.jpg" alt="" />

«Мектепке жол»: Жалағашта 167 оқушыға оқу құралдары табысталды

<a href="https://kyzylorda-news.kz/">Kyzylorda-news.kz.</a>&nbsp;2022-2023 жаңа оқу жылында аймақтағы 295 мемлекеттік және 16 жекеменшік мектептерде 182 мың оқушы білім алады деп жоспарлануда. Бұл көрсеткіш өткен жылмен салыстырғанда бес мың оқушыға артқанын білдіреді. Сондай-ақ, биылғы оқу жылының ұзақтығы 36 оқу аптасы болып бекітілді. Тиісінше, сабақ жоспарының уақыты ұзартылып, оқушылар күніне 5-6 пәннен оқитын болады. Бұл туралы Өңірлік коммуникациялар қызметінде өткен брифингте облыстық білім басқармасының басшысы Мейрамбек Шермағанбет хабарлады.
Басқарма басшысының айтуынша, қазіргі оқу бағдарламасында бірқатар түзетулер енгізіліп, бірінші сынып оқушыларына «Шетел тілі» және «Орыс тілі пәндері» оқытылмайды. Ал барлық сыныптарда «Өзін-өзі тану» пәні үлгілік оқу жоспарының инвариантты компонентінен алынып тасталынды.
<blockquote>
 «Жаңа оқу жылында облыс бойынша 18 мыңға жуық бала бірінші сыныптың табалдырығын аттамақшы. Осы ретте қазақ тілінде оқытатын мектептерде бірінші сынып оқушылары қазақ тілінде, орыс тілінде оқытатын мектептерде – қазақ және орыс тілдерінде оқытылатын болады. Қазақ мектептерінде орыс тілі пәні 2 сыныптан бастап оқытылатын болса, ағылшын тілі 3 сыныптан бастап оқу жоспарына енгізілмек. Ал оқушылардың білімін бағалау көрсеткішінде өзгеріс болмайды. Сонымен қатар, қаладағы үш ауысымда оқытатын 6 мектептен басқа барлық білім беру ұйымдары 5 күндік оқу аптасына ауыстырылды. Жалпы оқулық және оқу-әдістемелік кешендермен толық қамту бойынша 13 баспамен 86 келісім-шарт жасалынған болатын. Осыған сәйкес, 637 313 дана жаңа оқулық алынып, екінші сынып кітаптары толығымен жаңартылды. Ал қалған сыныптың оқулықтары 20 пайызға толықтырылды. Сондай-ақ, «Мектепке жол» акциясы шеңберінде демеушілер есебінен 7 105 балаға қаржылай көмек көрсетілсе, жергілікті бюджеттен 33 268 балаға – 37 389 теңгеден қаржылай көмек берілді. Айта кетейін, «Жалпыға міндетті білім беру» қорынан атаулы әлеуметтік көмек алатын отбасылардың балаларына, сондай-ақ АӘК алмайтын, бірақ жан басына шаққандағы орташа табысы ең төменгі күнкөріс деңгейінен төмен отбасылардың балаларына, жетім балаларға және ата-анасының қамқорлығынсыз қалған балалар, төтенше жағдайға тап болған оқушыларға қаржылай көмек көрсетілді», – деді облыстық білім басқармасының басшысы Мейрамбек Шермағанбет.
</blockquote>
Брифинг барысында басқарма басшысы орта оқу орындарындағы дайындық барысына тоқталып өтті. Биыл өңірдегі 30 колледжде 20 мыңға жуық студент білім алады деп күтілуде.
<blockquote>
 «Орта оқу орындарындағы сабақтар дәстүрлі форматта басталады. Қазіргі уақытта техникалық және кәсіптік білім беру ұйымдарына оқуға түсу үшін өтініштерді қабылдау аяқталды. Нәтижесінде, оқуға түсу үшін 6198 өтініш түссе, оның 4989-ы мемлекеттік білім грантына болса, 1209-ы ақылы негізде білім алуға құжат тапсырған. Биыл колледждерге бөлінген грант саны – 4708-і құрап отыр», – деді Мейрамбек Зинабдинұлы.
</blockquote>
<img src="https://kyzylorda-news.kz/wp-content/uploads/2022/08/303596848_1608075476254625_6136340705807368963_n.jpg" alt="" />

Ертең 1 қыркүйек: Облыстың бас ұстазы не дейді?

<a href="https://kyzylorda-news.kz/">Kyzylorda-news.kz.</a>&nbsp; Бүгін «БАҚ» шаруашылығының егіс алқабына алғашқы орақ түсті.
Рәсімге Сырдария ауданының әкімі Мұрат Ергешбаев, облыстық мәслихат депутаты, «Жан-Арай» ЖШС-нің директоры Бағдаулет Махашов, «Қызылдихан» ШҚ-ның төрағасы Алданберген Құлбаев, шаруашылық төрағасы Серік Әбжалиев, Қалжан Ахун ауылдық округ әкімі Ғ.Акбаров және ауыл ардагерлері, шаруашылық қызметкерлері қатысты.
Егінге орақ салу рәсімінде аудан басшысы егіншілерді науқандық жұмыстардың басталуымен құтықтады.
<blockquote>
 «Күріш біздің елдің, Сыр бойының негізгі байлығы. Ендігі мәселе осы байлықты шашпай-төкпей, ысырапсыз жинап алып, халықтың игілігіне жарату. Астық мол болып, қырман тасысын», – деді аудан әкімі.
</blockquote>
Өз кезегінде «Жан Арай» ЖШС-нің директоры Бағдаулет Махашов, «Қызылдихан» ШҚ-ның төрағасы Алданберген Құлбаев атқарылған жұмыстар жөнінде мағлұмат беріп, алдағы уақытта жүзеге асырылатын жұмыс жоспарларымен таныстырды.
№1 өндірістік егіс бригадасы алқабында өткен шарада сала ардагерлері ақ батасын беріп, өнімнің мол болып, қырманның тасуына тілектерін білдірді.
«Бақ» шаруашылығында 39 адам жұмыспен қамтылған. Ағымдағы жылы негізгі өнім сыр салысын 523 гектар алқапқа егіп, одан мол алуға ниетті.
<img src="https://kyzylorda-news.kz/wp-content/uploads/2022/08/301971616_1192709927958564_2701012984072635117_n.jpg" alt="" />

Сырдарияда «БАҚ» шаруа қожалығында егінге орақ түсті

<a href="https://kyzylorda-news.kz/">Kyzylorda-news.kz.</a>&nbsp;Телерадио хабарларын тарату саласындағы ұлттық оператор «Қазтелерадио» АҚ Ақмола, Атырау, Ақтөбе, Батыс Қазақстан, Шығыс Қазақстан, Абай және Қызылорда облыстарында аналогты телевизияны өшіре отырып, цифрлық эфирлік телевизияға көшу жұмыстарын жүргізіп жатыр.
Аналогты телевизияны өшіре отырып, ЦЭТВ-ға толық көшу процесі нақты алынған өңірдің дайындығына байланысты және халықты алдын ала хабардар ете отырып, Қазақстан Республикасы Үкіметінің шешімі негізінде кезең-кезеңімен жүзеге асырылады. Аталған облыстарда қазірдің өзінде желі құрылып, цифрлық телевизия енгізілген.
Естеріңізге сала кетейік, цифрлық эфирлік хабар таратуға көшу «Цифрлық Қазақстан-2020» мемлекеттік бағдарламасы аясында кезең-кезеңімен жүзеге асырылуда. 2012 жылдан басталған ЦЭТВ енгізу кезеңі ішінде «Қазтелерадио» АҚ 561 радиотелевизиялық станцияны пайдалануға берді.
Жалпыалғанда, цифрлықэфирлік телевизияжелісінде 827 радиотелевизиялық станция салынады. Желіні құру технологиясы мемлекеттік және республикалық деңгейдегі коммерциялық телеарналарды, сондай-ақ, облыстық, жергілікті арналарды қоса кіргізе отырып, арналардың топтамаларын (мультиплекстерін) қалыптастыруға мүмкіндік береді. Оның ішінде, Қызылорда облысы бойынша 30 радиотелевизиялық станция жоспарланып, бүгінгі таңда 17-сі іске қосылған.
Бүгінгі таңда цифрлық эфирлік телевизияны қабылдау Қазақстан Республикасы халқының 92,43%-ы, ал облысымызда жоғарыда аталған 17 РТС 174 елді мекенді қамтып, тұрғындарымыздың 80%-ы үшін қолжетімді. Бұл жоба арқасында 2025 жылға қарай Республика халқының кемінде 98%-ы цифрлық эфирлік телевизияны көру мүмкіндігіне ие болады.

Қызылорда облысында аналогты эфирлік телевизия ішінара өшіріледі

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қызылорда облысының әкімі Нұрлыбек Нәлібаевты қабылдады.
Президентке облыс әкімі аймақтың әлеуметтік-экономикалық жағдайы мен даму перспективалары, инвестиция тарту, мұнай қорының сарқылуына байланысты газ өндіру, жаңа геологиялық зерттеу жұмыстары туралы баяндады.
Аймақтың негізгі макроэкономикалық көрсеткіштерінде 7 айдың қорытындысы бойынша оң динамика бар. Атап айтқанда, былтырмен салыстырғанда тартылған инвестициялар көлемі 111,5 пайыз, өндеу өнеркәсібінің көлемі 105,5 пайыз өскен.
Нұрлыбек Нәлібаев мұнай қорының сарқылуы салдарынан мұнай өндіру көлемінің кемуінің орнын толтыру үшін сейсмикалық барлау, газ қорларын игеру жұмыстары қолға алынғанын жеткізді.
Инвесторлармен жұмыс қарқын алып келеді. Президенттің тапсырмасына сәйкес, құны 215 миллиард теңгені құрайтын, қуаты 240 мегаватт жаңа жылу электр орталығы салынып, 2025 жылы тапсырылады. Сонымен қатар жеке инвестор есебінен 11,8 миллиард теңгеге Қызылорда қаласы әуежайының жаңа терминалы 2024 жылы халық игілігіне берілмек.
Облыс әкімі Сырдария өзенінің жоғарғы ағысында орналасқан мемлекеттер арасындағы келіссөздер нәтижесінде су көлемі былтырғы деңгейден артқанын жеткізді. Аймақта суды аз қажет ететін майлы және жемдік дақылдар алқаптарын ұлғайтуға басымдық беріліп, бақша және көкөніс алқаптарының көлемі көбейген. Сондай-ақ күріш саласын дамытудың жаңа бағдарламасы әзірленбек.
Мемлекет басшысына баяндалған тағы бір мәселе – еңбек дауларын шешу. Аймақтағы ірі 49 кәсіпорынмен меморандумға қол қойылды. Алдағы уақытта қызметкерлердің еңбекақысын кезең-кезеңімен арттыру көзделген.
Биыл облыста 9 мектеп, 1 Оқушылар үйі, 2 балабақша пайдалануға беріліп, 11 дене шынықтыру кешені, 6 мәдени нысанның құрылысы жүріп жатыр.
Қасым-Жомарт Тоқаев облыс әкіміне өңірдегі тұрақты әлеуметтік-экономикалық дамуды қамтамасыз етуді тапсырды.

Мемлекет басшысы Қызылорда облысының әкімі Нұрлыбек Нәлібаевты қабылдады

<a href="https://kyzylorda-news.kz/">Kyzylorda-news.kz.</a>&nbsp;Конституция күні қарсаңында ЗК-169/1 тергеу изоляторының бірқатар қызметкерлері марапатталды.
Мекеме бастығының жедел және режим жұмыстары жөніндегі орынбасары, әділет капитаны Амирбек Азамат Қылмыстық атқару саласының үздігі медальімен ал, Режим және күзет бөлімінің бастығы, әділет майоры Сантай Әбсадықов, АКАӘПТЖБ-нің бастығығы, әділет капитаны Ардақ Тұрманов және Жедел бөлім бастығы әділет капитаны Нұрлан Мұхтаров мен аға жедел уәкіл,әділет капитаны Есжанов Құттыбек пен РжКБ-нің аға бақылаушысы әділет старшинасы Алтынай Тұяқбаева «Қазақстан полициясының 30 жыл» медалін кеуделеріне тағып, мерейі өсті.
Сондай-ақ бірқатар қызметкерлер Қызылорда облысы ҚАЖ департаментінің бастығы, әділет подполковнигі Ш.Есенкелдиевтің атынан қоғамдағы қауіпсіздікті қамтамасыз етуге қосқан үлесі үшін алғысқа ие болып, грамотамен марапатталды .
Тәртіп пен қатаң талапты қажет ететін ҚАЖ қызметінде он бес жылға жуық тынымсыз қызмет атқарып келе жатқан қызметкерлердің еңбегі зор.
Тергеу изоляторының қауырт күн тәртібінде ерте келіп, кеш кетіп уақытпен санаспай еңбек етіп жүрген бұл жандар өз ісінің майталмандары.
Бірі қамаудағылардың бұрынғы қылмысын ашу немесе мекеме қызметкерлерінің сыбайлас жемқорлық бойынша жедел іздестіру жұмыстарын жүргізсе, бірі қапастағылардың ішкі тәртібін қадағалап, енді бірі сотталғандарды тәрбиелеу бойынша жұмыстар атқарып келеді.
<blockquote>
 «Менің ішкі істер саласында 16 жылдан бері еңбек етіп келемін. Соның ішінде ЗК-169/1 тергеу изоляторында 2014 жылдан бері жұмыс жасап келемін. Қатардағы бақылаушыдан аға бақылаушыға дейін өстім. Көпшілік жұрт мұнда нәзік жандыларға жұмыс жасау қиын деп ойлайды. Бірақ, әйел заты қашанда қайратты, төзімді келеді. Мен де, жұмыстың қиындығына қарамай, осы мекемеде жұмыс жасағаныма тоғыз жылға жуықтап қалды. Өзімнің еліміздің тыныштығын қорғау жолында еңбек етіп жүргенімді мақтан тұтамын. Жұмысқа кірерде ант қабылдадым. Сондықтанда, антқа адалдық танытып, қиындықтарға қарсы төтеп беріп, еңбек етіп келемін. Отанға қызмет етуді парызым деп есептеймін – дейді, әділет старшинасы Алтынай Тұяқбаева.
</blockquote>
<img src="https://kyzylorda-news.kz/wp-content/uploads/2022/08/whatsapp-image-2022-08-31-at-13.22.40.jpeg" alt="" />

Алтынай Тұяқбаева: Антыма адалдық таныту басты міндетім

<a href="https://kyzylorda-news.kz/">Kyzylorda-news.kz.</a> «ҚазМұнайГаз» басшысы мен Энергетика вице-министріне қатаң сөгіс жарияланды.
Отын тұтынудың айтарлықтай өсуі және көрші елдерге дизель отынының жіберілуі жанармайдың жетіспеушілігіне әсер еткен. Сондай-ақ отандық мұнай базалары дизель отынын бөлшек сауда құнынан жоғары бағамен сатқан.
Үкімет уақытында тиісті шаралар қабылдамағаны үшін «ҚазМұнайГаз» ҰК АҚ басқарма төрағасы М.Мырзағалиев пен энергетика вице-министрі А.Мағауовқа қатаң сөгіс жариялады. Сонымен қатар тәртіптік жазалау шаралары қабылданып, Энергетика министрлігі мен ҚазМұнайГаз компаниясының бірқатар жауапты қызметкерімен еңбек қатынастары бұзылды.
Бұл мәселе – Үкіметтің ерекше бақылауында.

Дизель тапшылығы: «ҚазМұнайГаз» басшысы мен Энергетика вице-министріне қатаң сөгіс жарияланды

<a href="https://kyzylorda-news.kz/">Kyzylorda-news.kz.</a> Қызылорда облысы орталығындағы қоймада көмір қоры жеткілікті.
Жылу маусымында қызылордалықтарды қатты отын қорымен қамтамасыз ету мақсатында маусым айында Қызылорда қаласы әкімдігімен көмір тасымалдаушы жеке кәсіпкерлер «KHAS COM» және «Қарымсақовпен» келісімшарт жасалынды.
Биыл жылу беру маусымы кезеңінде қала аумағындағы көмір тасымалдаушы жеке кәсіпкерлер тарапынан барлығы 66 000 тонна көмір әкелу жоспарланып отыр. Қазіргі уақытта «KHAS COM» жеке кәсіпкерлігінде 200 вагон, яғни, 13 800 тонна «Шұбаркөл» көмірінің қоры бар. Кәсіпкер алдағы уақытта да қатты отынды қызылордалықтарға жеткізуді жалғастыра береді. Жалпы айтқанда, облыста көмір тапшылығы орын алмайды.
Кәсіпкердің айтуынша, жылдағыдай облыс орталығына қатты отынды жеткізу жұмыстары үздіксіз жалғаса бермек.
Облыс орталығында көмір отынының тапшылығын болдырмау мақсатында қала әкімдігі тарапынан тұрақты түрде қадағалау жұмыстары жүргізіліп отыр.
Айта кету керек, биыл көмір тасымалдаушы жеке кәсіпкер «KHAS COM» қойма аумағын кеңейту арқылы тұтынушыларға қолайлы жағдай жасауды көздеген. Бұған дейін көмір сақтау қоймасының сыйымдылығы 7 вагон болатын. Қазіргі таңда қойма ауданы 15 вагонға ұлғайтылған.
<img src="https://kyzylorda-news.kz/wp-content/uploads/2022/08/302142268_3166787133588023_2363117972567863168_n.jpg" alt="" />
<img src="https://kyzylorda-news.kz/wp-content/uploads/2022/08/301056994_3166788603587876_3818601219663891007_n.jpg" alt="" />

Қызылорда облысындағы қоймада көмір қоры жеткілікті

<a href="https://kyzylorda-news.kz/">Kyzylorda-news.kz.</a> Аймақ басшысының тапсырмасына сәйкес Қызылорда облысы әкімінің орынбасары Мархабат Жайымбетов Жалағаш ауданында болып, ондағы бірқатар құрылыс нысандарының жұмысымен танысты.
Облыс әкімінің орынбасары ең алдымен Таң ауылындағы дәрігерлік амбулаторияның құрылысымен танысты. Отыз келушіге арналған дәрігерлік амбулаторияда екі стационар, психолог, терапия, дәрігерге дейінгі кабинеттер, егу бөлмесі бар.
Мұнан кейін облыс әкімінің орынбасары Жалағаш кентіндегі 200 орындық оқушылар үйі мен 50 орындық өнер мектебі құрылысымен танысты. Осыдан екі жыл бұрын құрылысы басталған ғимараттың жалпы ауданы 29 мың шаршы метрді құрайды. Оқушыларға арналған ғимараттың қуаттылығы 250 орындыққа лайықталған, яғни, оқушылар үйі мен өнер мектебі біріктірілген.
Мархабат Жайымбетов мердігер мекеме өкіліне құрылыс жұмыстарын сапалы етіп, әрі уақытылы бітіруді тапсырды.
Облыс әкімінің орынбасары кездесу қорытындысымен аудан көлеміндегі құрылысы жүріп жатқан барлық нысандар бойынша тапсырыс беруші облыстық басқарма басшыларына, аудан әкімдігіне, мердігер мекемелердің басшыларына құрылыстарды уақытында аяқтап, сапасына жауапкершілікпен қарауды жүктеді.
<img src="https://kyzylorda-news.kz/wp-content/uploads/2022/08/fb_img_1661592674397.jpg" alt="" />

Қазақстан және Қызылорда облысының жаңалықтары