<a href="https://kyzylorda-news.kz/">Kyzylorda-news.kz.</a> Биылғы жылдың 7-9 қарашасында Қазақстан Республикасы Сыбайлас жемқорлыққа қарсы іс-қимыл агенттігі Қызылорда облысы бойынша департаментінің басшысы Серікжан Мырзалы облыс әкімі Нұрлыбек Нәлібаевпен жұмыс сапары аясында Шиелі, Жаңақорған және Жалағаш аудандарына барды.Сапар барысында ол өңірлердің проблемалық мәселелерімен танысып, салынып жатқан нысандарды аралады. Сонымен қатар, аудан кәсіпкерлерімен кездесіп, мәселелері бойынша азаматтарды қабылдады.Кездесуге аудан әкімінің орынбасарлары, мәслихат депутаттары, бөлім басшылары мен ауылдық округ әкімдері, ауданның құқық қорғау органдарының қызметкерлері мен қоғамдық кеңестердің өкілдері қатысты.Кездесу барысында Серікжан Мырзалы Мемлекет басшысының тапсырмаларын іске асыру шеңберінде сыбайлас жемқорлыққа қарсы қызметінің жаңа тәсілдері туралы айтты.<blockquote>«Агенттік әрбір өңір үшін сыбайлас жемқорлық тәуекелдерінің картасын әзірледі. Онда процестердің ашықтығына, әкімшілік кедергілердің болуына, заңнаманың жетілмегендігіне байланысты шешімін таппайтын өзекті мәселелердің тізбесі көрсетілген», – деп хабарлады департамент басшысы.</blockquote>Сондай-ақ, департамент басшысы аудан кәсіпкерлері мен олардың проблемалық мәселелерін шешу және іскерлік ахуалды жақсарту бойынша ұсыныстарды талқылау бойынша кездесулер өткізді.&nbsp;<blockquote>"Кәсіпкерлердің құқықтарын қорғау Мемлекет басшысы айқындаған Сыбайлас жемқорлыққа қарсы қызметтің басым міндеттерінің бірі және өңірдің әлеуметтік-экономикалық дамуының негізгі шарты болып табылады", - деп атап өтті Серікжан Мырзалы.</blockquote>Кездесу соңында қатысушыларға сыбайлас жемқорлық үшін басшылардың жауапкершілігі туралы айтылып, агенттіктің 1424 Call орталығы жұмыс істейтінін ескертті. 1424 Call орталығының негізгі міндеті сыбайлас жемқорлыққа қарсы іс-қимыл мәселелері бойынша азаматтарды тегін консультациялық қолдау және сыбайлас жемқорлық құқық бұзушылықтар туралы келіп түскен телефон хабарламаларына жедел ден қоюды қамтамасыз ету. &nbsp;

Сыбайлас жемқорлыққа қарсы іс-қимыл бойынша алдын алу жұмыстары Қызылорда облысының аудандарында жалғасуда

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаевтың 15 қараша ҚР Ұлттық валюта – теңге күні және қаржы жүйесі қызметкерлерінің кәсіби мерекесіне орай қаржыгерлерді қабылдады.<blockquote>«Баршаңызды Ұлттық валюта және қаржы қызметкерлері күні мерекесімен шын жүректен құттықтаймын! Тәуелсіз Еліміздің негізгі жетістігінің бірі – Ұлттық валюта теңгенің пайда болуы. 1993 жылы 15 қарашада Қазақстанның өз валютасы теңге айналымға енгізілді. Содан бері атаулы күн ел тұрғындары үшін ерекше мереке болып саналады. Қазір біздің валюта теңгемізді көптеген мемлекеттер біледі. Біздің теңгеміз өзінің дизайны жөнінде дүниежүзіндегі мықты валюталардың бірі болып саналады. Еліміздің экономикасы өркендеген елге айналу жолында қаржы, экономика, қазынашылық, статистика, салық жүйесінің мамандары зор еңбек сіңірді. Осы жетістіктерге Сырдария қаржыгерлерінің де қосқан үлесі аз емес. Тиыннан теңге құрап, табыстың берекесін тасытқан ардагерлеріміз ауданымыздың экономикалық көрсеткіштерінің артуына талмай еңбек етті», - деді аудан әкімі Мұрат Нәлхожаұлы.</blockquote>Қазіргі таңда сала ардагерлері салып кеткен сара жолды олардың ізбасарлары лайықты жалғастырып келеді.&nbsp;Аудан басшысы қаржы саласының ардагерлері мен қызметкерлерін кәсіби мерекелерімен құттықтап, облыс және аудан әкімінің құттықтау хаттары мен алғыстарын жеткізіп, сый-құрмет көрсетті.<figure class="image"><img src="https://knadmin.beoblood.kz/uploads/315817884_1247045585858331_3992764329243614123_n_960be79fd3.jpg" alt="315817884_1247045585858331_3992764329243614123_n.jpg"></figure>

Мұрат Ергешбаев: Сырдария қаржыгерлерінің де қосқан үлесі аз емес

<a href="https://kyzylorda-news.kz/">Kyzylorda-news.kz.</a>&nbsp; Баршаңызға белгілі Қазақстан Республикасының кезектен тыс президент сайлауы 2022 жылдың 20 қарашасында өтеді. Бұл Қазақстан тәуелсіздік алғаннан бері өткізілген жетінші президенттік сайлау және 1999 жылдан бері қатарынан алтыншы кезектен тыс сайлау болмақ.&nbsp;&nbsp;Қазақстан болашағы үшін нақты қадам деп есептеймін. Өйткені Жаңа Қазақстанды қалыптастыру жолында қолға алынып жатқан кешенді реформалар көшін осы сынды саяси аренада салмағы басым шаралар бастау керек. Мемлекет қаржылай қолдау жасаған кезде бәсекеге қабілетті шағын және орта бизнес өкілдеріне баса мән беруді жалғастырмақ.&nbsp;Сондықтан әрбір азаматты жаңа кезеңнің жарқын бастамасына айналған кезектен тыс Президент сайлауына қатысып өз таңдауыңызды жасап, дауыс беруге шақырамын.&nbsp;&nbsp;Әсел Бурмаханова,Арал ауданы, жеке кәсіпкер.<figure class="image"><img src="https://knadmin.beoblood.kz/uploads/315403310_3432871413660804_2478580409518285886_n_f94b79e089.jpg" alt="315403310_3432871413660804_2478580409518285886_n.jpg"></figure>

Әсел Бурмаханова: Жарқын болашақты бірге жасайық 

<a href="https://kyzylorda-news.kz/">Kyzylorda-news.kz.</a> Баға тұрақтылығын сақтау мақсатында Сырдария ауданының әкімдігі жанынан құрылған мобильді тобы аудандағы ірілі-ұсақты азық-түлік сататын дүкендердегі 19 түрлі әлеуметтік маңызы бар азық-түлік өнімдеріне мониторинг және азық-түлік өнімдерінің сатып алу бағасынан 15 пайыздан асырмау жөнінде түсіндірме жұмыстары жүргізілді.Нәтижесінде, «Серікбол» сауда орталығында 1 келі күріштің бағасы 350 теңгеден 320 теңгеге, бірінші сұрыпты бидай ұнының 1 келісі 247 теңгеден 210 теңгеге, күнбағыс майының литрі 840 теңгеден 760 теңгеге, «Жазира» сауда дүкенінде 1 келі күріштің бағасы 350 теңгеден 300 теңгеге, құмшекер бағасы 1 келісіне 530 теңгеден 500 теңгеге төмендеді.Аудан кәсіпкерлерінің назарына «Сауда қызметін реттеу туралы» Қазақстан Республикасы Заңының (бұдан әрі - Заң) 9-бабына сәйкес «Ішкі сауда субъектісі әлеуметтік маңызы бар азық-түлік тауарына әлеуметтік маңызы бар азық-түлік тауарын беру шартында көрсетілген, өндірушінің босату бағасының немесе көтерме сауда арқылы берушінің сатып алу бағасының 15% аспайтын шекті сауда үстемесінің мөлшерін белгілейді» делінген.Осы Заңның 8-бабына сәйкес, жергілікті атқарушы органдар ӘМАТ рұқсат етілген шекті бөлшек сауда бағаларының мөлшерін бекітеді.Сонымен қатар, жергiлiктi атқарушы органдар ӘМАТ рұқсат етілген шекті бөлшек сауда бағалары және сауда үстемесі мөлшерінің сақталуына мемлекеттік бақылауды жүзеге асырады.Сондай-ақ, «Әкімшілік құқық бұзушылық туралы» ҚР Кодексіне сәйкес бағаға қатысты заңбұзушылықтарға тиісті жауапкершіліктер көзделген.<figure class="image"><img src="https://knadmin.beoblood.kz/uploads/315420577_1365796730893225_4989118420200430120_n_6c454e2eb2.jpg" alt="315420577_1365796730893225_4989118420200430120_n.jpg"></figure>

Сырдарияда мобильді топ мүшелері баға тұрақтылығын бақылады

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайыловтың төрағалығымен өткен Үкімет отырысында Қазақстанның биылғы 10 айдағы әлеуметтік-экономикалық даму қорытындысы мен жылыту кезеңіндегі өрт қауіпсіздігін қамтамасыз ету мәселелері қаралды. Жиынға министрлер мен селекторлық байланыс арқылы өңір әкімдері қатысты.Бірінші мәселе бойынша Ұлттық экономика министрі Әлібек Қуантыров баяндама жасап, аталған кезеңде республикада ЖІӨ өсу қарқыны 2,5%-ды құрағанын, өңірлер арасында инвестициялардың өсу қарқыны бойынша Қызылорда облысы бірінші орында екенін, яғни аймақтағы өсім 25%-ды құрағанын жеткізді.<blockquote>«Есепті кезеңде инвестицияның өсу қарқыны бойынша үздік көрсеткіштер Қызылорда, Шығыс және Батыс Қазақстан облыстарында тіркелген», - деді Әлібек Қуаңтыров.</blockquote>Министр құрылыс-монтаждау жұмыстарының көлемі бойынша Шымкент қаласы мен Ақмола және Қызылорда облыстары алдыңғы қатарында екенін баса айтты. Есепті кезеңде Сыр өңірінде құрылыс-монтаждау жұмыстарының көлемі 22,9%-ға ұлғайды.Баяндамадан соң Үкімет басшысы барлық негізгі макрокөрсеткіштер бойынша Қостанай, Ақмола, Шығыс Қазақстан, Қызылорда облыстары мен Алматыда өсім бар екенін қоса айтты. Бұл ретте тұрақты даму қарқынын ұстап тұру үшін экономиканы әрі қарай әртараптандыру, инвестиция тарту және тұрақты жұмыс орындарын құру бойынша жұмысты күшейтуді тапсырды.Екінші мәселе бойынша Төтенше жағдайлар министрі Юрий Ильин Қазақстанда жыл басынан бері 9647 өрт тіркеліп, онда қаза тапқанын және әртүрлі дәрежедегі күйіктер мен уланулар орын алғанын хабарлады. Қаза тапқандардың жалпы санының басым бөлігі мас күйінде болған.Премьер-Министр алдағы уақытта қайғылы жағдайларды болдырмас үшін қауіпсіздік шараларын күшейтуді міндеттеді.Селектордан кейін Үкімет басшысының тапсырмаларын орындау бағытында облыс әкімі Нұрлыбек Нәлібаев жиын өткізіп, аймақта макроэкономикалық көрсеткіштер бойынша өңдеу өнеркәсібінде оң тенденция бар екенін жеткізді. Есепті кезеңде 193,8 млрд. теңгенің өнімі өндіріліп, өсім 8,3 пайызды құраған. Дегенмен, мұнай көлемінің азаюына байланысты өңдеу өнеркәсібінде әлі де төмендеу орын алғанын қаперге салды.Жиында аймақ басшысы Қызылорда қаласында өңдеу өнеркәсібінің бірқатар секторы бойынша жұмыстар баяу жүргізілгенін тілге тиек етіп, қала әкімі Асылбек Шәменовке қолда бар барлық ресурстарды пайдаланып, тиісті шаралар қабылдау қажет екенін ескертті.Сондай-ақ, ауыл шаруашылығы өнімінде өсім небәрі 0,1% құрағаны айтылып, төмен көрсеткішке жол берген аудан әкімдеріне жұмысты күшейту тапсырылды.<blockquote>- Мұнай қоры азайды екен деп қол қусыруға болмайды. Жаңа тетіктерді іздеп, өндірісті алға жылжытуға баса мән беру керек. Ауыл шаруашылығы бағытында негізгі астығымыз күріштің көлемі қысқарғанын білесіздер. Егіс басталмас бұрын шаруаларға нақты күріштің көлемін белгілеуді тапсырдым, бізге жалған сандық деректердің қажеті жоқ. Биыл егін егуге ынталы шаруа отбасыларға жер бөліп, қажетті өнімді алуға мүмкіндік қарастырдық. Күрішпен қатар басқа да дақылдарды егіп, әртараптандырудың аясын кеңейтіп, бақша өнімдерін егуге тиіспіз. Сондықтан істің ұтырын таба білу маңызды. Аудан әкімдері мұнай мен күрішке иек артып отыра бермей, өндірісті дамытуға, шағын және орта кәсіпкерлікті жандандыруға және мал шаруашылығының әлеуетін көтеруге жұмыс жүргізуі тиіс,-деді Нурлыбек Нәлібаев.</blockquote>Жиында облыс әкімі азық-түлік қорында тапшылықты болдырмау, халық күнделікті тұтынатын өнімдердің әсіресе күріштің бағасын тұрақты ұстап тұру үшін жауапты сала басшыларына нақты жұмыстарды міндеттеді.Жылыту маусымы кезінде көмір қорының жеткілікті болуын, тұрғын үйлер мен әлеуметтік нысандарда жылу беру жұмыстары іркіліссіз жүруі қажет екенін алға тартты. Жиын соңында бірқатар бағыттар бойынша тапсырмалар берді.<img src="https://knadmin.beoblood.kz/uploads/315201502_430474742607109_3717990531398639302_n_4484fb19e2.jpg" alt="315201502_430474742607109_3717990531398639302_n.jpg"><img src="https://knadmin.beoblood.kz/uploads/315131484_430474855940431_9179784732939079634_n_7a71247ce3.jpg" alt="315131484_430474855940431_9179784732939079634_n.jpg"><img src="https://knadmin.beoblood.kz/uploads/315302657_430474752607108_7924144263915129378_n_02064442e3.jpg" alt="315302657_430474752607108_7924144263915129378_n.jpg">

Қызылорда өңірі инвестициялардың өсу қарқыны бойынша республикада алдыңғы қатарда

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов жұмыс сапарымен Жаңақұрылыс ауылдық округінде болды. Онда аудан әкімі жуырда ғана құрылыс жұмыстары жүргізілген «Нұралы-Жарма» каналына барды.&nbsp;Айта кетейік, үстіміздегі жылдың маусым айында басталған гидронысан қараша айының басында толықтай іске қосылды. Ондағы мақсат ауылдың &nbsp;сумен қамтамасыз етілуін және экологиялық жағдайын жақсарту, жайылымдық, шабындық жерлерді суландыру. Нәтижесінде 700 метрге жуық &nbsp;канал бойы қазылып, тазартылды. Атқарылған жұмыстарға ауыл тұрғындары ризашылығын білдіріп, ендігі кезекте мал азығы қорын молайтуға, егін шаруашылығымен айналысуға аталған су құрылығысының көп көмегі тиетіндігін жеткізді.&nbsp;Осыдан кейін аудан әкімі, «Самара-Шымкент-Қамыстыбас-Аманөткел-Жаңақұрылыс» бағытындағы автожолдың құрылыс барысымен танысты. Қазіргі таңда нысанның астыңғы қиыршық тас төсеу жұмыстары жүргізілуде. 21 шақырымды құрайтын автомобиль жолының құрылысы келер жылға өтпелі болып табылады. Аудан әкімі Серік Сағитжанұлы құрылыс жұмыстарының сапалы орындалуын қадағалауды &nbsp;жауапты бөлімдерге тапсырды.&nbsp;Аудан әкімі жұмыс сапары барысында Қаратерең ауылдық округінде болып, тұрғындармен кездесті. Серік Сағитжанұлы халықпен басқосуда аудан көлемінде жыл басынан бері атқарылған жұмыстарды тізбектеп, жасалған жемісті жұмыстар туралы баяндады. Тұрғындар өз кезегінде шабындық жер, жарық мәселесін қозғап, жедел-жәрдем көлігінің қажеттігін жеткізді.&nbsp;Аудан әкімі Серік Сермағамбетов жарық мәселесін шешу үшін тиісті шаралар атқарылып, қолданыстағы трансформаторды балансқа алу жұмыстары жүргізіліп электрмен жабдықтаушы, қызмет көрсетуші мекемелерге арнайы тапсырмалар берілгендігін айтты. Сондай-ақ шабындық жер мәселесі бойынша кәсіпкерлер алдымен жергілікті қоғамдастықтың оң шешімін алу арқылы ғана жерді арендаға алуға болатындығын жеткізіп, алдағы уақытта мұндай мәселелер орын алмауы үшін жауапты бөлімдерге тиісті шаралар қабылдауды тапсырды. Ал жедел-жәрдем көлігін алу үшін ұсыным берілген, денсаулық нысанын қажетті автомобильмен қамту мақсатындағы жұмыстар ұдайы назарда екендін тілге тиек етті.&nbsp; Аудан әкімі Серік Сағитжанұлы «Бөген-Ақлақ» автомобиль жолының орташа жөндеу жұмыстары барысын саралады. Қазіргі уақытта құрылыс жұмыстары жүргізіулде. Нысан келесі жылға өтпелі.<figure class="image"><img src="https://knadmin.beoblood.kz/uploads/aral1_746663abef.jpg" alt="арал1.jpg"></figure><figure class="image"><img src="https://knadmin.beoblood.kz/uploads/Aral2_f504ab2f95.jpg" alt="Арал2.jpg"></figure>

Арал ауданының әкімі ауылдарды аралап, тұрғындармен кездесті

<a href="https://kyzylorda-news.kz/">Kyzylorda-news.kz.</a> 16 қарашада Шымкентте және Қазақстанның алты облысында қолайсыз ауа райына байланысты ескерту жарияланды."Қазгидромет" РМК болжамына сәйкес, 16 қарашада түнде Солтүстік Қазақстан облысының басым бөлігінде қар жауады. Облыстың солтүстігінде, оңтүстігінде, шығысында көктайғақ болады, қар ұшқындайды деп күтіледі.Қарағанды облысының солтүстігінде, шығысында қарлы боран, көктайғақ болады деп болжанады. Облыстың солтүстігінде, шығысында, орталығында батыстан секундына 25 метрге дейін жылдамдықпен жел соғады.Ұлытау облысында да қар ұшқындап, боран соғады, көктайғақ болады деп күтіледі.16 қарашада Шығыс Қазақстан облысында қарлы боран, көктайғақ болады деп күтіледі. Соққан желдің екпіні секундына 23-28 метрге дейін жетуі мүмкін.16 қарашада таңертең және түстен кейін Түркістан облысының таулы ауданы мен тау бөктерінде қатты жауын-шашын (жаңбыр, қар), тұман түседі деп күтіледі.Шымкентте 16 қарашада таңертең және түстен кейін қатты жауын-шашын (жаңбыр, қар) болады, екпінді жел тұрады деп күтіледі.16 қарашада түнде Ақтөбе облысының орталығында, солтүстігінде, күндіз өңірдің оңтүстігінде боран соғып, қар ұшқындайды деп болжанады.

16 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жаңақорған ауданының әкімі Мұрат Тілеуімбетов кезекті ауылдарға сапарын Сыр беткейдегі Түркістанмен шекаралас ауылдармен жалғастырды. 3 ай сайын ел алдында есеп беріп, атқарылған жұмыстарды саралап, тұрғындардың талап-тілегін тыңдап, шешу жолдарын жүйелеуді жолға қойған аудан басшысының сапары Қаратөбе ауылдық округінен басталды.Биыл аудан бойынша атқарылып жатқан жұмыстар аз емес. Ауылшаруашылығы саласында жетістік көп. Әсіресе, мал шаруасынан облыста озық. Бірінші, елді мекендерге қатынайтын жолдар жаңғырып, толықтай қалпына келген. Екінші, жарықтандыру мәселесі жүйеге келуде. Ғаламат жобаның біріне баланған жарық жүйесінің құрылысы кент орталығында басталса, келер жылы 11 ауылдың да электр жарығы толықтай түрленетін болады. Үшінші, ауыз су мәселесі кенттен бөлек, Сырдағы ауылдарда биыл реттеліп, келер жылы шешіледі деп жоспарлануда. Төртінші, газ мәселесі болса, биылға екі елді мекен көгілдір отынның игілігін көретін болады.&nbsp;<blockquote>«2023 жылы Шалқия, Құттықожа мен Төменарыққа газ тарту жұмыстарын жүйелейміз. Оның ішінде Төменарық аймағындағы ауылдар мен Кейденнің де мәселесі шешіледі. Одан кейінгі жылы Сыр беткейдегі 5 ауылға газ құбыры тартылады. Тек тау беткей мен Сырдағы 13 ауылдың жағдайы қиындау. Оның да жолын қарастырудамыз. Бұйырса 2025 жылға дейін оның да шаруасы шешіліп қалады. Егер жоспарымыз орындалса, Алла қаласа 3-4 жылдан кейін ауданға толықтай газ келеді. Ол уақыттың еншісіндегі шаруа», – деді аудан әкімі.&nbsp;</blockquote>Аудан әкімі Мұрат Тілеуімбетов қаратөбеліктермен кездесіп, аудан бойынша атқарылған жұмыстарды баяндап берді. Өткен кездесуде ауыл халқы 3 мәселе көтерген болатын. Бірінші, облыстық маңыздағы күрежолдың бойынан өтетін ауыр жүк көліктеріне тыйым салынса деген көптің тілеуі болды. Бұған жауапты басқармамен сөйлесіп, аудандық ішкі істер бөлімі тарапынан көліктердің қозғалысы бақылауға алынған. Екінші, электрик шататы шешіліп, ауылға дәл қазір керек маман қызметке кірісіпті.&nbsp;Үшінші, ауыл балалары мен жастарына арналған спорт кешенін салу жоспары. Бұл бойынша ауыл азаматы инвестиция құюға дайын, енді құжаттары дайындалуда. Тек өзге ауылдардағыдай спорт кешені жанданып, чемпиондар шықса игі. Жиын барысында аудан басшысы ауыл әкімініе ауылдағы медицина қызметкерлеріне жұмысты жандандыруды тапсырды.&nbsp;Қандөздегі қазыналы қариялар бүгін ерекше форматта кездесу өткізді. Елдік мәселеден бұрын ұрпақ тәрбиесін, бүгінгі жүйесіздікті, орта буын мен жастардың тәртібіне үлкен мән берді. Өйткені, шағын ғана ауылдардың болашағы өсіп келе жатқан жастардың қолында. Олар бүгінгідей өзгерістерді теріс жақтарына жүгінсе, онда келешегіміз күмәнді, болашағымыз бұлыңғыр болады дейді ауыл ақсақалдары.&nbsp;Жалпы ауыл халқы сұраған ауылішілік жолдар жөнделуде, жарық келер жылы толық шешіледі. Ал, қоғамдық тасымалдау бойынша алдағы уақытта жалғасын табады. Әзірге такси елге қызмет етуде, үшінші, Қалғансыр елді мекеніне барар жолды жөндеу де алдағы жылы шешіледі.Көктебе ауылы Жаңақорғандағы ең шалғай ауыл. Ауыл халқының негізгі күн көрісі ауылшаруашылығы саласы. Азын-аулақ егіннен ерттеп, төрт түлігін түгендеп отырған тұрғындар су насос мәселесін шешті. Ауыл асфальттанбаған 3 көше қалыпты, келер жылы аудан әкімі кем дегенде 1 көшені қаржыландыруға уәде берді. Ауыл халқының негізгі мәселесі бүгін көше атауларының қайта қалпына келтіру. Өйткені, көп көшенің атауы тұлғалардың есімімен емес, жай қолданыстағы сөздерге негізделіпті. Алайда, ұсыныс облыстан кейін қайтарылған. Аудан басшысы бұл мәселемен шұғыл жұмыс жасау керектігін тапсырды.&nbsp; &nbsp;<img src="https://knadmin.beoblood.kz/uploads/10_99f2792b90.jpg" alt="10.jpg"><img src="https://knadmin.beoblood.kz/uploads/9_1d0d9b36b5.jpg" alt="9.jpg">

Жаңақорған ауданының әкімі ауыл тұрғындарының мәселесін тыңдады

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында өткен «Алтын күз - 2022» мерекесіне белсене қатысып, баршаға ортақ науқанды абыроймен өткізу үшін атсалысқан аудандағы бірқатар мекеме басшылары, шаруа қожалық төрағалары, жеке кәсіпкерлер, бөлім басшылары мен қызметкерлері марапатталды. Бұл туралы Шиелі аудан әкімдігінің баспасөз қызметі хабарлады.&nbsp;Жиынды аудан әкімі Нұржан Сәбитұлы ашып, молшылық мерекесін жоғарғы деңгейде өткізуге өз септігін тигізген азаматтарға шынайы алғысын білдірді.<blockquote>«Алтын күз - 2022» мерекесіне белсене қатысқандарыңыз үшін барлығыңызға алғыс білдіремін. Осы еңбектеріңіз арқылы сіздер шиелілік диқандардың ала жаздай еткен еңбегінің лайықты түрде бағалануына үлес қостыңыздар. Алдағы уақытта да ауданды дамыту жолындағы игілікті істердің басы-қасында жүріп, халық игілігі үшін бірге атсалысайық, - деді аудан әкімі Нұржан Ахатов.</blockquote>Жиын соңында Шиелі аудандық ардагерлер кеңесінің төрағасы Өркен Исмаил мен қоғамдық кеңес төрағасы Қабілеш Бекішов сөз алды. Ардагерлер аудандағы жанашыр азаматтарға рақметін айтып, көптің атынан алғыстарын жеткізді.<figure class="image"><img src="https://knadmin.beoblood.kz/uploads/315334253_1441914626338992_8535458510802598004_n_bd2b9d3026.jpg" alt="315334253_1441914626338992_8535458510802598004_n.jpg"></figure>

Шиеліде «Алтын күз – 2022» мерекесінің мерейін үстем еткен азаматтар марапатталды

<a href="https://kyzylorda-news.kz/">Kyzylorda-news.kz.</a> 15 қараша - Ұлттық Валюта - теңге күні және ҚР қаржы саласы қызметкерлерінің кәсіби мерекесі. 1993 жылы дәл осы күні Ұлттық валюта – теңге айналымға енгізілген болатын. Бүгін атаулы күнге орай Өңірлік коммуникациялар қызметінің ақпарат алаңында қаржы саласына елеулі үлес қосқан сала ардагерлері төл теңгенің тарихына шолу жасады. &nbsp;<blockquote>«1993 жылдың қараша айында ұлттық теңгеміз қолданысқа енгізіліп, төл теңге ретінде айналымға қосылды. Мінекей, бүгінде Ұлттық валютамызға – 29 жыл толып отыр. Тәуелсіздікке енді қолымыз жеткен уақытта қаржы саласында көптеген қиындықтар орын алды. Еліміздегі баға тұрақсыздығы, инфляция деңгейінің жоғарылауы ақша-несие саясатын жедел әзірлеуге ықпал етті. 1993 жылдың мамыр айында Англия елінің фабрикасында теңгеміз басып шығарылып елімізге әкелінді. Соған сәйкес, 1993 жылы қарашада төл теңгеміздің тарихи сәтіне куә болған едік. Қазіргі таңда еліміздің экономикасы қарқынды дамуда. Бүгінгі мерекемен барша халықты құттықтаймын», - деді қаржы саласының ардагері Ниязбек Мақанжанов.</blockquote>Қаржы және салық саласының ардагері Дайрабай Ысқақов атаулы мерекенің тарихта ойып тұрып орын алуы тегін емес екенін айтты.<blockquote>«1992 жылы ұлттық теңгеміздің толық кескіні бекітілген болатын. Сол кезден бүгінгі күнге дейін төл теңгеміз қаржы саласының ең маңызды бөлігі ретінде рөл атқаруда. Атап айтсақ, ел экономикасына шетелдік инвестициялар тартылып, өндіріс пен ауыл шаруашылығы нарықтық экономикаға сай қайта жаңғыра бастады. Бұл халықтың әлеуметтік жағдайын оңтайландыруға өз септігін тигізуде. Сол себепті бүгінгі атаулы мерекенің тарихта ойып тұрып орын алуы тегін емес», - деді қаржы және салық саласының ардагері Дайрабай Ысқақов.&nbsp;</blockquote>Қаржы саласының ардагері Қалқазбек Әжібеков 1999 жылдан бастап мемлекетіміздің экономикасы тұрақтала бастағанын жеткізді.<blockquote>«Бүгін Ұлттық валюта мен қаржы саласының кәсіби мерекесі. Осыған орай тарих беттерін парақтасақ, 1999 жылдан бастап мемлекетіміздің экономикасы тұрақтала бастады. Халқымыздың әлеуметтік жағдайы жақсарып, елімізде &nbsp;өндіріс саласы дами бастады. Алғаш валюта енгізілген күннен бастап теңгеміздің дизайны әртүрлі болып ерекшеленді. Осы себепті қаржы нарығында елеулі қызмет атқарған сала ардагерлерінің еңбегі өлшеусіз», - деді қаржы саласының ардагері Қалқазбек Әжібеков.</blockquote>Қызылорда облыстық экономика және қаржы басқармасының басшысы Нұрғали Қордабай аймақтың барлық салалары жоғары көрсеткіштерге қол жеткізіп келе жатқанын айтты.<blockquote>«Аймақтың қаржы қазандығы 1993 жылы бар болғаны 135 млн. теңге болса, білікті қаржыгерлердің жүргізген сапалы саясатының нәтижесінде бюджетіміз жыл өткен сайын еселеніп артты. Бүгінде облыстың барлық салалары жоғары көрсеткіштерге қол жеткізуде. Мәселен, республикада облысқа тартылған инвестиция көлемі бойынша бірінші орынға ие болдық. Бұл өңірдің әлеуметтік-экономикасына оң әсер ететіні сөзсіз. Бүгінгі Ұлттық валюта және қаржы саласының кәсіби мерекесімен баршаңызды құттықтаймын», - деді облыстық экономика және қаржы басқармасының басшысы Нұрғали Қордабай.</blockquote><figure class="image"><img src="https://knadmin.beoblood.kz/uploads/315291429_1666505153744990_1061410613188889452_n_5f051f530f.jpg" alt="315291429_1666505153744990_1061410613188889452_n.jpg"></figure>

Биыл төл теңгеге - 29 жыл

<a href="https://kyzylorda-news.kz/">Kyzylorda-news.kz.</a> Елімізде кәсіпкерлікпен айналысуға мүмкіндік мол екені белгілі. Сол себепті де өз шаруасымен айналысып жүрген қоғалыкөлдік жас кәсіпкердің жұмысын насихаттауды жөн көрдік.Кәсіптің көзін тапқан Жәнібек Алтынбеков ерекше кәсіпке ден қойған. «Ветеринариялық қызмет көрсету орталығын ашу» жобасы арқылы кәсібін дөңгелетіп отыр.Жас кәсіпкер 2017 жылдан бастап мал бордақылаумен айналысып келеді. Ол өзінің ізденімпаздығының арқасында 2021 жылдың қыркүйек айында жас кәсіпкерлерді қолдау, кіші кәсіпкерлікті дамыту және өндірісті арттыру мақсатында жасалған инновациялық жобаға қатысып, онда ұсынған жобасы бірауыздан мақұлданады. «Ветеринариялық қызмет көрсету орталығын ашу» және өз қаражатынан ветеринариялық дәріхана ашу жобасымен өзі білетін салаға ден қойған.&nbsp;Аталған жоба комиссия мүшелерінің көңілінен шығып, қолдауға ие болады. Талабы таудай жігіттің жобасына 3 млн 400 мың теңге көлемінде қаржы бөлініп, өзі 340 мың теңге қосымша қаражат қосып, жұмысқа білек сыбанып кірісіп кетеді.<blockquote>«Негізінен, менің мамандығым – тіс дәрігері. Інім Әлібек Алтынбековтің мамандығы – мал дәрігері. Бұл жобаға қатыспас бұрын ініміз екеуміз үлкендермен көп ақылдасып, бірігіп жұмыс жасаудың кілтін таптық. Әуелі інім екеуміз есік алдына кәсіпкерлік мақсаттағы екі бөлмелі нысан салдық. Оның ішін қажетті саймандарымен жабдықтап, жан-жануарлар дәріханасын ашуға дайындадық. Ауылда барлығының қорасында дерлік мал бар. Ірілі-ұсақты мал бағумен айналысатын ауыл халқына енді аудан, облыс орталықтарына барып малға қажетті дәрі-дәрмек түрлерін алудың еш қажеті жоқ. Керекті дәрілер біздің ветеринарлық дәріхананың сөрелерінен табылады. Онымен қоса, қазір жоба аясында ультрадыбыстық зерттеу және рентген аппараттары мен қажетті құрал-саймандарымды алып жұмыс жасаудамыз», - дейді жас кәсіпкер.</blockquote><figure class="image"><img src="https://knadmin.beoblood.kz/uploads/315095316_1309402546487606_6000960758929568102_n_b098aecca8.jpg" alt="315095316_1309402546487606_6000960758929568102_n.jpg"></figure>

Қоғалыкөлдік жас кәсіпкер ветеринариялық қызмет көрсету орталығын ашты

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжанов Ұлттық валюта күніне орай қаржы саласы қызметкерлерін қабылдап, марапаттады.«Қандай қоғамда да, қандай мемлекетте де қаржы-экономика саласының алатын орны ерекше. Мемлекеттің мықтылығы, қуаттылығы, экономикалық әлеуетінің жоғары болуы дамыған қаржы жүйесінің болуымен тығыз байланысты. Жүйелі экономика – қуатты мемлекет дейтініміз де сондықтан. Аудандық бюджеттің салықтық түсімдері жылдан - жылға ұлғайып келеді. Салықтық түсімдер көлемінің ұлғайғаны аудандық бюджет кірісінің көлемінің өсуіне ықпал жасады. Атап айтқанда, 2012 жылы аудан бюджеті 5 млрд 846.8 млн теңге болса, 2022 жылы бұл көрсеткіш 14 млрд 461 млн теңгені құрап отыр. Осындай табыстарға жетуімізге Өздеріңіз секілді тәжірибелі, өз ісіне шынайы берілген, білікті мамандар, қаржы саласы қызметкерлерінің де өзіндік үлесі бар. Бүгінгі Ұлттық валюта күні мерейлі мерекесінде ел экономикасының дамуына аянбай күш-жігерін жұмсаған қаржы саласының ардагерлері мен бүгінгі сала мамандарына алғыс білдіремін», – деді аудан басшысы Асқарбек Есжанов.Жиында ауданымыздың қаржы саласының дамуына үлес қосып жүрген сала үздіктері Қызылорда облысының Құрмет грамотасымен, облыс, аудан әкімінің құттықтауымен, алғысы хатымен марапатталды.Жиын соңында сала ардагері Сәрсенкүл Күзенбаева сөз алып, қызметтегі естеліктерімен бөліссе, аудандық экономика және бюджеттік жоспарлау бөлімінің басшысы Жұпар Баймаханова әріптестерін мерейлі мерекемен құттықтады.<img src="https://knadmin.beoblood.kz/uploads/315437892_1583944845390921_4114674472585580330_n_d9646a63c4.jpg" alt="315437892_1583944845390921_4114674472585580330_n.jpg"><img src="https://knadmin.beoblood.kz/uploads/315272333_1583945712057501_8036415856600469636_n_d2b7694927.jpg" alt="315272333_1583945712057501_8036415856600469636_n.jpg"><img src="https://knadmin.beoblood.kz/uploads/315325781_1583950855390320_5369543060103573935_n_6a7fdf9e4c.jpg" alt="315325781_1583950855390320_5369543060103573935_n.jpg">

Қазақстан және Қызылорда облысының жаңалықтары