<a href="https://kyzylorda-news.kz/">Kyzylorda-news.kz.</a>&nbsp; Достық үйінде облыстық Қазақстан халқы ассамблеясы жанындағы Қоғамдық келісім кеңесінің төртінші тоқсандағы отырысы өтті. Отырыста Қызылорда облысының жолаушылар көлігі және автомобиль жолдары басқармасы басшысының орынбасары Жалғасбаев Ерқыран Ертілеуұлының «Аймақтағы жолаушылар көлігі мен автомобиль жолдарының жағдайы» тақырыбындағы ақпараты тыңдалды.&nbsp;Кеңес отырысы барысында Қоғамдық келісім кеңесінің мүшесі Талғат Телеубаев «Қызылорда-Жезқазған» автомобиль жолдарын жүргізу бойынша қандай жұмыстар жүргізіліп жатыр? деген сауалын қойды.<blockquote>«Қызылорда-Жезқазған» жолына 106 млрд. теңге қаржы қаралған. Бастапқы құрылыстар басталды. Мемлекеттік сатып алу «Қазавтожол» АҚ тарапынан жүруде. 2024 жылға дейін жөндеу жұмыстары аяқталады деп күтілуде»,- деді басқарма басшысының орынбасары Ерқыран Жалғасбаев.&nbsp;</blockquote>Өкінішке орай жол көлік оқиғаларының 75 пайызы Арал бағытында орын алған. Оның себептері де әртүрлі. Бұл мәселе бойынша облыс әкімдігіне ұсыныс берілген. Алдағы уақытта жұмыстар жүргізілмек.&nbsp;<blockquote>«Батыс Европа – Батыс Қытай» автожолы қай кезде кеңейтіледі? Жаңақорған мен Арал, Сексеуілге дейінгі аралықта трассаның үстімен өтетін мал жүретін өткелдерінің болмауы сәтсіздіктерге әкеліп жатыр. Бұл мәселелердің шешімі қалай болады деген сауалдарды ортаға салды», - қоғамдық келісім кеңесінің мүшесі Ғани Байұлы.&nbsp;</blockquote>Кеңес отырысында қалаішілік қоғамдық көлік мәселелерін ретке келтіру, олардың бағыттарын реттеу және өзге де ұсыныс-пікірлер айтылды. &nbsp;<figure class="image"><img src="https://knadmin.beoblood.kz/uploads/MW_6_A1487_a26bf28fa9.jpg" alt="MW6A1487.jpg"></figure><figure class="image"><img src="https://knadmin.beoblood.kz/uploads/MW_6_A1464_76fe6266ed.JPG" alt="MW6A1464.JPG"></figure><figure class="image"><img src="https://knadmin.beoblood.kz/uploads/MW_6_A1461_99f4ce30b7.JPG" alt="MW6A1461.JPG"></figure>

Қоғамдық келісім кеңесінің отырысы өтті

<a href="https://kyzylorda-news.kz/">Kyzylorda-news.kz.</a> 17 қараша – Халықаралық студенттер күні. Бүгінде білімі мен шығармашылық өнерін &nbsp;ұштастыру арқылы биіктерді бағындырып жүрген сырбойылық студенттер аз емес. Студенттердің төл мерекесіне орай Өңірлік коммуникациялар қызметінде өткен баспасөз конференциясында «Қазақстан студенттер Альянсының» Қызылорда облысы бойынша филиалының төрағасы Сабыржан Қуандық аталмыш ұйымның атқарған жұмыстарына тоқталды.&nbsp;<blockquote>«Қазақстан студенттер Альянсы ұйымы – жастардың құқықтық, әлеуметтік-экономикалық мәселелерін шешуге және кәсіби бағыт-бағдар беруге ықпал ететін алдыңғы қатарлы республикалық ұйым болып табылады. Қазіргі таңда облыстық штабқа қарасты 3 бөлімше жұмыс істейді. Атап айтқанда, Қорқыт ата атындағы Қызылорда университетінде, М.Мәметова атындағы Қызылорда педагогикалық жоғары колледжінде және Қызылорда медициналық жоғары колледжінің белсенділерінен құрылған топ өкілдері студенттердің әртүрлі бағытта дамуына өз үлестерін қосуда. Біздің ұйымда 150-ге жуық студент мүше ретінде тіркелген. &nbsp;Белсенді жастардың қатысуымен жыл басынан бері 200-ден астам мәдени-көпшілік, спорттық, интеллектуалдық шаралар өткізілді», - деді ұйым төрағасы Сабыржан Қуандық.</blockquote>Қорқыт ата атындағы Қызылорда университетінің студенті, «Халық» республикалық газетінің тілшісі Ердәулет Қалиев пен М.Мәметова атындағы Қызылорда педагогикалық жоғары колледжінің студенті Диляра Ақылбек өздерінің жеткен жетістіктерін баяндап, алдағы жоспарларымен бөлісті.<blockquote>«Жақында өткен Ұлттық мереке Республика күні қарсаңында ҚР ғылым және жоғары білім министрлігі ұйымдастырған «Менің арманымдағы Қазақстан» атты эссе байқауына қатысып, еліміздің түкпір-түкпірінен жиналған студенттер арасында бірінші орынға ие болдым. Одан бөлек түрлі байқаулар мен ғылыми жобаларда жеңіс төрінен көрдім. Осындай мүмкіндіктерді сыйлаған университеттегі барша ұстаздарыма алғыс білдіремін», - деді Қорқыт ата атындағы Қызылорда университетінің студенті Ердәулет Сәрсенұлы.&nbsp;</blockquote>М.Мәметова атындағы Қызылорда педагогикалық жоғары колледжінің студенті Диляра Ақылбек оқу орнында студенттерді қолдауға арналған ауқымды шаралар жиі өткізілетінін айтты.<blockquote>«Қазіргі таңда біздің колледжде жас студенттерді қолдауға арналған ауқымды шаралар жиі өткізіледі. Соның бірі – жақында өткен қайырымдылық шарасында колледж студенттері өздері дайындаған тағамдарын сатып, жиналған қаржы көмекке мұқтаж жандардың игілігіне жұмсалды. Одан бөлек, «Жастар рухы» жастар қанаты ұйымы еркін форматта &nbsp;басқосулар ұйымдастыру арқылы білім алушылар уақыттарын тиімді пайдаланады. «Жас толқын» шығармашылық ұйымы да студенттердің шығармашылыққа бейімділігін одан әрі дамытуға бағытталған ұйым. Мінекей, біздің колледжде осындай ұйымдар арқылы студенттер жан-жақты дамуда. Барша студенттерді мерекелерімен құттықтаймыз», - деді М.Мәметова атындағы Қызылорда педагогикалық жоғары колледжінің студенті Диляра Ақылбек.</blockquote><figure class="image"><img src="https://knadmin.beoblood.kz/uploads/315843821_1667141130348059_6023337643474602001_n_33e3f442fb.jpg" alt="315843821_1667141130348059_6023337643474602001_n.jpg"></figure>

Қызылордалық студенттердің мерейі асқақ

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, барлық деңгейдегі әкімдер жыл бойы халықпен кездесулер өткізіп, кездесу барысында халықты толғандыратын әлеуметтік мәселелерге баса назар аударып, туындаған мәселелерді шешудің жолдарын түсіндіруді және қарастыруды тапсырған болатын. Осы ретте, Жаңақорған аудан әкімі Мұрат Тілеуімбетов және Жаңақорған ауданының мәслихат хатшысы Ғалымжан Сопбеков ауданымыздың тау беткейіндегі Манап, Талап, Жаманбай батыр ауылдық округінде болып, ауыл тұрғындарымен кездесті.Әрбір кездесуден соң аудан басшысы ауыл тұрғындарымен жеке қабылдау өткізді. Талап ауылдық округінің ардагерлер кеңесінің төрағасы Төлеген Әбдірейімов елді мекенге газ жүйесін жүргізу жөнінде сұрақ қойды.<blockquote>«Биыл Бірлік және Қыраш ауылдық округіне газ жүйесін жүргізу жұмыстарын толық аяқтап, жыл соңына дейін екі елді мекен көгілдір отынның игілігін көретін болады. 2023 жылы Шалқия, Құттықожа мен Төменарыққа газ тарту жұмыстарын жүйелейміз. Оның ішінде Төменарық аймағындағы Екпінді, Сунақата, Сүттіқұдық, Қожамберді, Жайылма ауылдық округтер мен Кейденнің де мәселесі шешіледі. Одан кейінгі жылы Сыр мен тау беткейіндегі елді мекендерге газ құбыры тартылады. Оның да жолын қарастырудамыз. Бұйырса 2025 жылға дейін оның да шаруасы шешіліп қалады. Егер жоспарымыз орындалса, 3-4 жылдан кейін ауданға толықтай газ келеді», – деді аудан әкімі.</blockquote>Манап елді мекенінде өткен жеке қабылдауға "Толағай Р" жеке балабақшасының меңгерушісі Назира Өтебаева 50 орындық балабақша ғимаратын №160 орта мектеп жанындағы интернат ғимаратына сатып алуды ұсынды. Аталған ұсыныс бойынша аудан әкімі бірінші көне мектеп интернатқа жөндеу жұмыстарын жүргізу үшін жасалынатын жоба сметалық құжат жобасының құнын анықтау қажет екендігін, ал егер кәсіпкер ұсынып отырған ғимарат бағасы тиімдірек болса сатып алуға болатынын жеткізді.<img src="https://knadmin.beoblood.kz/uploads/315394283_3298891183692555_1839938341036524611_n_8511bfce2f.jpg" alt="315394283_3298891183692555_1839938341036524611_n.jpg">

Жаңақорған аудан әкімі тау беткейдегі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Мемлекет тарапынан халықтың әл-ауқатын жақсарту мақсатында түрлі бағыттағы бағдарламалар жүзеге асуда. Соның бірі – «Ұлттық жоба» шеңберінде бизнес-идеяларды іске асыруға арналған қайтарымсыз грант. Оның мөлшері – 400 АЕК. Бұл дегеніміз – 1 225 200 теңге.Бүгін ІІІ Интернационал ауылдық округінде жаңа кәсіпкерлік нысан ашылды. Ауыл тұрғындарының игілігіне &nbsp;мемлекеттік бағдарлама арқылы қайтарымсыз қаражат алып, кәсібін бастаған жас кәсіпкер Г.Есенова «Кондитер өнімдерін өндіру» цехын іске қосты.&nbsp;Бұл қуанышқа ауылдық округ әкімі Нурлыбек Сайымов ардагерлер және &nbsp;тұрғындар қатысты.&nbsp;Кәсіпкерлік нысанның ашылу салтанатында ауыл әкімі сөз сөйлеп, халықтың игілігі жолындағы жасап жатқан істеріңіз оңынан болсын деп ақжарма тілегін жеткізсе, ардагер М.Түйімбетов ақ батасын берді.&nbsp;<blockquote>«Қазір кәсіп бастаймын немесе кәсібімді ұлғайтамын дегендерге мемлекет тарапынан түрлі жағдайлар жасалынып жатыр. Қайтарымсыз мемлекеттік грант соның бір дәлелі. Бұл шағын іс бастауға қаражаты жоқтарға немесе қаражаты жетпеген белгілі бір санаттағы азаматтарға үлкен көмек. Мысалы мен қолымнан келетін кәсібімді мемлекеттің осынау көмегі арқылы бастағаныма өте қуаныштымын. Бұл берекенің бастауы болса керек», - деді жас кәсіпкер келген көпшілікке алғысын білдірді.</blockquote>Айта кетейік, ауылдық округ бойынша бүгінгі күнге тіркелген кәсіпкерлік субъектілер саны 112 бірлік.&nbsp;«Бизнестің жол картасы-2025» бағдарламасы шеңберінде 3 жоба 87,5 млн. теңгеге, «Атамекен» микроқаржы ұйымы арқылы 1 жоба 2 млн. теңгеге несиелендірілді.&nbsp;Сонымен қатар «2021-2025 жылдарға арналған кәсіпкерлікті дамыту жөніндегі» Ұлттық жоба шеңберінде өз ісін жаңадан бастаймын деген жұмыссыз 16 азамат құны 19,6 млн.теңгенің грантын жеңіп алған болатын.&nbsp;Қазіргі таңда барлығы тиісті қаражаттарын алып, жобалары бойынша кәсіптерін бастады.<figure class="image"><img src="https://knadmin.beoblood.kz/uploads/315597478_3627332797551140_6103790996008628620_n_f7d496011d.jpg" alt="315597478_3627332797551140_6103790996008628620_n.jpg"></figure>

ІІІ Интернационал ауылдық округінде жаңа кәсіпкерлік нысан ашылды

<a href="https://kyzylorda-news.kz/">Kyzylorda-news.kz.</a> «Білекті бірді жығады, білімді мыңды жығады» демекші, бүкіл әлем жұртшылығы білім мен ғылымға бет бұрған заманда бәсекеге қабілетті ұрпақ тәрбиелеу, білімімен мыңды орайтын жастарды қалыптастыру мемлекет болашағы үшін аса маңызды. Кез келген елдің экономикасы әр салаға жетекші бола алатын білікті мамандардың жетерлік болуымен дамиды. Ал білім шыңына шыға алған мемлекет қана әлемдік деңгейде еркін самғап, өз бағытын дұрыс таңдай алады. Сондықтан елдің келешек тұтқасын ұстар ұрпақтың білімді де білікті болуы ең алдымен ұстазға байланысты.&nbsp;Жалағаш ауданына қарасты Таң ауылындағы №118 орта мектептің мұғалімдері бала бойына білім дарытуда, заманның өзгерісіне бейімделе алатын, бәсекеге қабілетті тұлға қалыптастыруда бар білім біліктерін аяған емес. Ұстаздық жолдың жауапты әрі қиын екенін жете түсінген мектеп ұжымы қай істе болмасын ауызбіршілікпен жұмыс жасайды.&nbsp;1981 жылы пайданалуға берілген 624 орындық білім ошағы өткен жылы күрделі жөндеуден өтіпті. Типтік жобадағы мектеп ғимараты қазір заманауи жабдықтармен жабдықталып, талапқа сай білім беруде.&nbsp;<blockquote>«Мұғалімнің негізгі мақсаты – оқушылардың шығармашылық қабілетін, өзіндік таным біліктілігін дамыта отырып, алған білімдерін өмірде қолдана білуге үйрету. Әрине, оңай жұмыс емес. Дегенмен, қанша жылдан бері көптеген шәкірттің қанатын қатайтып, өміріне жететін рухани азық пен тәрбие беріп, үлкен өмірге аяқтандыру ұстаздардың еңбегінің ақталғаны деп білемін. Мектеп мұғалімдері өз іс-тәжірибелерінде күн сайын білім берудегі жаңаша түрлі әдіс-тәсілдерді қолданып, оқушыларды оқу-танымдық, шығармашылық іс-әрекетке ынталандырып және әр оқушының нәтижеге жетуі үшін жағдайын жасауды басты орынға қойып келеді. Сондықтан болар, шүкір, жыл сайынғы нәтижеміз жаман емес. Негізі бүгінгі жас ұрпақ білімді болса, елдің келешегі кемел болары ақиқат. Жастардың білімді болуы жаһандық дәуірде бәсекеге қабілетті мемлекеттің негізін қалауына жол ашады. Мұндағы негізгі ой – білім бәйгесінде биіктен көрінетін білікті маман, уақыт талабына сай, кез келген кезеңде бәсекеге дайын тұлға қалыптастыру», – деген мектеп директоры Бүркітбай Доспанов компьютерлік сауаттылық, шет тілдерін білу әркімнің алға басуына жол ашатын заманауи талаптар екенін айтады.&nbsp;</blockquote>Аталған мектепте қазір 250 оқушы білім алуда. Былтырғы оқу жылының қорытындысы бойынша 11 сыныпты бітірушілердің саны 11 болса, ұлттық бірыңғай тестілеуге 10 түлек қатысып, орташа балл 89,5 пайызды құраған екен. Мемлекеттік грант иегерлерінің саны 7, облыс әкімінің грант иегері 1, ақылы оқу орнына түсушілер саны 3. Ал «Алтын белгіге ие болған» Гүлнафиз Әзілханқызы ұлттық сынамада 125 балл жинап, мектеп мақтанышына айналған. 9 сыныпты бітірушілер саны 20 болса, оның 8-і арнаулы орта оқу орындарына түсіп, қалған 12 оқушы 10 сыныпты жалғастыруда. 9 сыныпты бітірушілердің 2-еуі негізгі орта білімін «Үздік аттестатпен» аяқтаған.&nbsp;Былтырғы жылдың ең басты жетістіктерін республикалық білім сайыстарында сынға түскен Гүлім Алматқызы, Мұхамедали Атымтаев, Нұрдидар Жасұланұлы иемденген. Бұдан бөлек Таң ауылдық №118 орта мектепте аяулы ұстаздарының еселі еңбегін нәтижесіз қалдырмай, мектептің абыройын асқақтатып, жүлделі орындарды еншілеп жүрген оқушылар жетерлік. Биылғы оқу жылының өзінде Толғанай Әуезхан, Ұлмекен Сахи сынды білімді жастар түрлі байқауларда жеңімпаз атанып үлгерген.&nbsp;Осындай білім бәйгесінде талайды артқа тастап кіл мықтының ішінен дараланып, жемісті, жеңісті сәттерді қанжығасына байлап жүрген жүйріктерді баптап, білім нәрімен сусындатып, күш-жігерін білім жолында сарп етіп келе жатқан ұстаздардың да еңбегі қашанда құрметке лайықты екені даусыз. Еселі еңбегі еленген педагогтардың қатарында «Үздік тәлімгер – 2022» атанған мектеп тәлімгері З.Жәнібекова, &nbsp;«Үздік сынып жетекші &nbsp;– 2022» номинациясына ие болған бастауыш сынып мұғалімі Б.Тажмакова, «Үздік қоғамдық – гуманитарлық пәндер бірлестік жетекшісі – 2022» ағылшын тілінің мұғалімі Ж.Нағашыбек, «Үздік бейіндік оқыту жөніндегі орынбасар – 2022» Ж.Есжанов бастаған бірқатар білікті маман иелері бар.&nbsp;Жалпы ауданға қарасты қай білім ошағын алып қарасақ та, нәтижелері көңіл көншітерліктей. Жыл сайын ұлттық тестілеуден де аудан абыройы төмендеген емес. Білімді жастарды қалыптастыруда күш салып жүрген білікті мамандардың да жұмысында жүйе бар.&nbsp; &nbsp;<img src="https://knadmin.beoblood.kz/uploads/21_b4ddb04f61.jpeg" alt="21.jpeg"><img src="https://knadmin.beoblood.kz/uploads/20_4192241656.jpeg" alt="20.jpeg">

Таң ауылдық орта мектебінің жұмысы жүйелі

<a href="https://kyzylorda-news.kz/">Kyzylorda-news.kz.</a> &nbsp;Міндетті әлеуметтік медициналық сақтандыру жүйесінде сақтандырылмағандардың&nbsp;қатарында&nbsp;Қызылорда облысының 35 мыңнан астам жалдамалы қызметкері бар. Бұл туралы аудан тұрғындарымен кездесулерде&nbsp;Әлеуметтік медициналық сақтандыру қорының облыстық филиалының директоры Бақыт Исмаханбетов мәлімдеді.Қармақшы ауданында 4,5 мыңға жуық, Жалағаш ауданында 5 мыңнан астам, Сырдария ауданында да осыншама тұрғын сақтандырылмаған.Жалпы, МӘМС жүйесінен тыс өңірдің 135 мыңға жуық адам бар.Бақыт Исмаханбетовтың айтуынша, негізінен ауыл тұрғындары 12 ай&nbsp;бойы&nbsp;МӘМС үшін жарна төлемеген. Сондай-ақ бірқатар мектептердің, балабақшалардың, жеке ұйымдардың қызметкерлері, жеке кәсіпкерлер МӘМС жүйесінен тыс қалды. Мәселен, Сырдария ауданында сақтандырылмаған тұрғындардың жартысына жуығы&nbsp;- жалдамалы&nbsp;қызметкерлер. Себептердің қатарында: бухгалтерлердің демалыс кезінде қызметкерлерге МӘМС-ке аударымдар мен жарналарды дұрыс есептемеуі, жұмыс берушілермен еңбек шарттарының болмауы, осыған байланысты МӘМС-ке аударымдар жүргізілмеген.<blockquote>«Міндетті әлеуметтік медициналық сақтандыру - әр азаматтың өз денсаулығы, жақындарының денсаулығы үшін әлеуметтік жауапкершілігі. Бұл қаржыландырылатын жүйе емес, ұлттың жалпы генофондтың қоры. МӘМС жүйесі халықтың барлық топтарына жоғары технологиялық, қымбат медициналық қызметтерге қол жеткізуді қамтамасыз етуге арналған», - деп атап өтті ӘМСҚ облыстық филиалының директоры.</blockquote>Бақыт Исмаханбетов ауыл тұрғындарын МӘМС жүйесінде сақтандырылған азаматтардың қатарында болуға шақырды. Егер сізге медициналық қызмет көрсетуден бас тартылса,&nbsp;онда өз емханаңыздың Пациентті қолдау қызметіне хабарласуыңыз қажет. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<figure class="image"><img src="https://knadmin.beoblood.kz/uploads/Karmakshy_16_640adc7c0f.jpeg" alt="Кармакшы 16.jpeg"></figure> <img src="https://knadmin.beoblood.kz/uploads/Karmakshy_9_f7c9a2ab7a.jpeg" alt="Кармакшы 9.jpeg">

МӘМС - әрбір азаматтың әлеуметтік жауапкершілігі

<a href="https://kyzylorda-news.kz/">Kyzylorda-news.kz.</a> Арал ауданы әкімінің орынбасары Кете-Төлеби Бержанов кент және ауылдық округ әкімдерінің қатысуымен жиын өткізіп, онда бірқатар мәселелерді көтерді.&nbsp;Алғашқы мәселе аудан бойынша жаңа жұмыс орындарын құрудың орындалуы туралы болды. Осы орайда аудан әкімінің орынбасары бұл мәселенің өз деңгейінде орындалмай жатқандығын жеткізіп, бұл көрсеткіш төмен деңгейді көрсеткен бірқатар ауылдық округтерді атап өтті.Жиын барысында көтерілген кезекті мәселе мерзімді әскерге шақыру және аттандыру болды. Алғаш болып аудандық қорғаныс істері жөніндегі бөлімінің басшысы Бауыржан Қуатов сөз алып, аудандағы ахуалды баяндады. Соған сәйкес ауданда 18 бен 27 жас аралығындағы ер адамдар 3875-ті құраса, осы уақытқа дейін шекара қызметіне 21 азамат, қарулы күштер командасына 35 азамат жіберілген. Ал әзірге әскерге бірде бір азамат аттандырмаған ауылдық округтер қатарында Бөген, Қамыстысбас, Қосаман, Қосжар, Беларан, Сазды бар. Сонымен қатар ол қазіргі таңда мобильді топтың үгіт-насихат жұмыстарын жасап жатқанын атап өтті.&nbsp;Басқосуда көтерілген кезекті мәселе міндетті әлеуметтік медициналық &nbsp;сақтандыру мәселесі болды. Аудан әкімінің орынбасары қала, кент, ауылдық округтерде әлі де сақтандырылмаған тұрығндар саны көп екендігіне тоқталып, балықшылар мен ауыл шаруышылығымен айналысатын шаруаларды сақтандыру керек екендігін ескертті.&nbsp;Мұнымен бірге жиында қозғалған мәселелердің өзекті екендігін айтып, ауылдық округ әкімдерін бірлесіп, жұмыстарды жүйелі түрде жалғастыруды тапсырды.<figure class="image"><img src="https://knadmin.beoblood.kz/uploads/Aral2_5d39f655cd.jpg" alt="Арал2.jpg"></figure>

Арал ауданында өзекті мәселелер талқыланды

<a href="https://kyzylorda-news.kz/">Kyzylorda-news.kz.</a> Қызылорда медициналық жоғары колледжінде «Жұмыс берушілер» күніне байланысты «Жұмыс берушілермен ынтымақтастық – колледж дамуының негізі» атты айдармен жұмыс берушілер және бітіруші түлектер арасында &nbsp;кездесу өткізілді.&nbsp;Іс-шараның негізгі мақсаты кадрларды даярлау сапасын арттыру және бітіруші түлектерді жұмыспен қамтамасыз ету, жұмыс берушілермен одан әрі тиімді өзара іс-қимыл жасау болып табылады.&nbsp;Шара барысында колледждің бітіруші түлектері жұмыс берушілерге өздерінің болашақ жас маман ретінде көкейінде жүрген сұрақтарын қойып, тұщымды жауаптар алды.Сонымен қатар, колледж директоры Тасмағанбетова Салтанат Сейтқалиқызы, «Mediker Ondiris (Медикер Өндіріс)» клиникалық орталығы директоры Бердекешова Гүлнар Алтайқызы және &nbsp;«Q-med» клиникалық орталығының директоры Базарбай Раушан Ахметоллақызымен өзара әлеуметтік серіктес ретінде Меморандумға қол қойды.Кездесу соңында жұмыс берушілер бітіруші түлектерге сәттілік тілеп, 95 жыл тарихы бар колледж мұражайымен, симуляциялық орталық жұмысымен және білім алушылар күшімен жасалған көрмемен танысты.Айта кетейік, ҚР Оқу-ағарту министрлігінің бастамасымен республиканың барлық колледждерінде жұмыс берушілер күні ұйымдастырылды.<figure class="image"><img src="https://knadmin.beoblood.kz/uploads/4577680d_149b_410f_8c55_ed1ab81029ac_a08232ea4d.jpg" alt="4577680d-149b-410f-8c55-ed1ab81029ac.jpg"></figure>

Жұмыс берушілер медицина колледжінің түлектерімен кездесті

<a href="https://kyzylorda-news.kz/">Kyzylorda-news.kz.</a> Елордада өткен &nbsp;республикалық Жайдарманның жоғарғы лигасында қызылордалық «Қазалы» командасы &nbsp;ІІ орынды иеленді.Жалынды жастардың жүрегін жаулаған Жайдарманда вице-чемпион атанған команда бүгін Өңірлік коммуникациялар қызметінің ақпараттық алаңында БАҚ өкілдеріне сұқбат берді.&nbsp;<blockquote>«Жайдарманның атауы JCI ( Jaidarman Creative Industry) деп өзгерді. Биыл Жайдарман фестивалінде 60 команда өнер көрсетіп, 26 топ іріктелді. &nbsp;Кезең-кезеңімен өткен ойындарда үздіктер қатарынан көрініп, 2 орын алдық. Жайдарман тарихына үңілсек, Қызылордадан аға буын өкілдері &nbsp;Жайдарманның чемпионы, ал бірі үшінші орынды иеленген болатын. Ал, биыл алғаш рет Сыр елінің командасы &nbsp;вице-чемпион атанып отыр. Әрбір жеңіс жолында қаншама тер, қаншама еңбек жатыр. Бұл- біздің жеңіс қана емес, Сыр елінің де жеңісі. Негізі «Қазалы» командасының мүшелері бұрыннан Жайдарманда өнер көрсетіп жүрген жігіттер, биыл арнайы жоба ашып, команда құрдық. Мен биылғы ойында Жайдарманмен қоштастым. Өзім кеткенмен, команда қайта жасақталып, &nbsp;ойынды жалғастыратын болады», - деді «Қазалы» командасының капитаны Әліби Басаров.&nbsp;</blockquote>Сондай-ақ «Қазалы» командасының капитаны Әліби Басаров 2022 жылдың «Үздік ойыншысы» атанды.Айта кететін жайт, 27 қараша күні Қызылордада республикалық Жайдарман ойыны өтеді. Оған үздік Жайдарман топтары қатысып, жекпе-жек форматына ұйымдастырылатын болады.<img src="https://knadmin.beoblood.kz/uploads/Alibi_01149a94df.jpg" alt="Алиби.jpg">

«Қазалы» командасы вице-чемпион атанды 

<a href="https://kyzylorda-news.kz/">Kyzylorda-news.kz.</a> Қазақстан Республикасына еңбегі сіңген дәрігер Мақашева София Өтегенқызын еске алуға арналған ардагерлер мен медицина саласының қызметкерлері арасында бильярдтан турнир ұйымдастырылдыҰлттық құндылықтарымыз бен ел әлеуетін жаңғырту жолында ерен еңбегімен есте қалған аға-апаларымыздың есімін жаңғыртып, рухын ұлықтау «рухани жаңғыруымыздың» басты бағыттарының бірі. Осы мақсатқа орай, үлкен бір ұжымды басқара жүріп, тал бойына біткен нәзіктігін сақтап, адамгершілік қағидасын биік ұстап, қай ортада жүрсе де өзінің байсалды, сабырлы қалпынан таймаған, білікті, антына адал дәрігер, байыпты жандардың бірі де, бірегейі деп – Мақашева София Өтегенқызын мақтанышпен айтуға болады.Облыстық денсаулық сақтау басқармасы мен облыстық медицина қызметкерлері ардагерлер кеңесінің ұйымдастыруымен Қазақстан Республикасына еңбегі сіңген дәрігер, «КСРО денсаулық сақтау ісінің үздігі», Қызылорда қаласының «Құрметті азаматы» София Өтегенқызы Мақашеваның есімін қайта жаңғырту мақсатында ардагерлер мен медицина саласының қызметкерлері арасында бильярдтан турнир өткізілді.Шараның ашылуында облыстық денсаулық сақтау басқармасының басшысы Пазилов Сабит Бексеитұлы, медицина саласының ардагері Маханов Тұрғанбай Маханұлы және София Мақашеваның туысы, көпбейінді облыстық ауруханасының бөлім меңгерушісі Бисенбаева Рабиға Мүбаракқызы додаға қатысушыларға сәттілік тіледі.Екі топқа бөлініп жарысқан тартысты ойын қорытындысында І орынды «Ардагерлер» тобынан Зинабдин Шермағанбет, ІІ орынды Төребаев Шакизат Хамитұлы, ІІІ орынды Әмірғалиев Әбдіғаппар Әмірғалиұлы иеленсе, «Медицина қызметкерлері» арасынан І орынды орталық қалалық емхананың узист дәрігері Қайрат Жұмағұлов, ІІ орынды көпбейінді облыстық аурухананың сарапшы дәрігері Кенжебаев Сұлтанбек Айбасұлы, ІІІ орынды облыстық фтизиопульмонология орталығының &nbsp;бас дәрігері Әбләзім Әбдіғабит Әбләзімұлы қанжығаларына байлады.Турнир жеңімпаздарын облыстың бас дәрігері Сабит Бексеитұлы, Қызылорда облысының Құрметті азаматы, денсаулық саласының ардагері Маханов Тұрғанбай Маханұлы және облыстық медицина қызметкерлері ардагерлер Кеңесінің төрайымы Көзденова Раиса Әбдешқызы марапаттады.Мақашева София Өтегенқызы туралы толығырақ мәлімет берер болсақ, өзінің еңбек жолында Шиелі, Сырдария аудандық денсаулық сақтау бөлімдерін басқарған София Өтегенқызы 1952 жылы Қызылорда фельдшерлік – акушерлік мектебінің директоры болып, болашақ медицина қызметкерлерін даярлау ісіне де үлес қосты.1952 жылдан бастап облыстың денсаулық сақтау саласын үздіксіз 30 жыл басқарды. Бұл жылдары София Өтегенқызы саланы өрге сүйреп, облыс медицинасының дамуына, қалыптасуына айрықша үлес қосып, екі рет «Еңбек Қызыл Ту», «Ленин», «Октябрь революциясы» ордендерімен және бірнеше медальдарымен марапатталған.<figure class="image"><img src="https://knadmin.beoblood.kz/uploads/e068c754_1b46_45fb_81f4_285a5c5b632e_e4969cf4c6.jpg" alt="e068c754-1b46-45fb-81f4-285a5c5b632e.jpg"></figure><figure class="image"><img src="https://knadmin.beoblood.kz/uploads/7117ff43_fdac_4c63_9c93_0b523744f106_d533100390.jpg" alt="7117ff43-fdac-4c63-9c93-0b523744f106.jpg"></figure>

Медицина саласының қызметкерлері арасында бильярдтан турнир ұйымдастырылды

<a href="https://kyzylorda-news.kz/">Kyzylorda-news.kz.</a> Соңғы 7 ай ішінде Қызылорда өңірінде заманауи нысандар салу ісі қарқын алды. Ел Президенті Қасым-Жомарт Кемелұлы Тоқаевтың Сыр еліне қолдауы негізінде облыс орталығында қала көркін еселеп, ажарын аша түсетін бірнеше зәулім ғимараттың іргетасы қаланып, жаңа әлеуметтік нысан салу бастамасы сәтті түрде жүзеге асуда.Облыс әкімі Нұрлыбек Нәлібаев аймақта туған жеріне жанашыр демеушілерді ортақ іске біріктіріп, 9 млрд.теңгеге жететін ауқымды жобалардың жүзеге асуына дәнекер болды. Нәтижесінде, өңірде бір мезетте Өнер сарайы, Неке сарайы мен Қан орталығының құрылысы басталды. Келер жылы халықаралық әуежайдың жаңа терминалы, стадион мен заманауи үлгідегі Оқушылар сарайы және көпсалалы аурухана салынады.Республика күнінде бірнеше нысан қызылордалықтарға тарту етілді. Жалағаш ауданында құны 431 млн. теңгеге 200 орындық Оқушылар үйі мен 50 орындық Өнер мектебі пайдалануға берілді. Теңізді өлке Арал ауданында 150 млн. теңгеге «Балықшылар монументі» мен аллея ашылды. Меценат қаржысы есебінен Жаңақорған ауданында құны 790 млн.теңгені құрайтын заманауи демалыс паркі ел игілігіне берілді. Ал, Сырдария ауданының Нағи Ілиясов ауылында жергілікті демеушінің қолдауымен 350 млн. теңгеге «Еңбекшілер аллеясы» бой көтерді. Қызылорда қаласындағы Автобус паркі заманауи үлгідегі стандарттарға сай жаңа 82 көлікпен толықты.Келер жылдың соңына қарай Қызылорда қаласында Сұлтан Бейбарыс көшесінің бойынан құны 3,7 млрд.теңгеге 1000 орындық өнер орталығы ел игілігіне беріледі. Мұнда мәдениет саласының симфониялық, эстрадалық және ұлттық өнер бағытында концерттік бағдарламалар мен түрлі форматтағы қоғамдық іс-шаралар да өткізіледі.Аймақта шаңырақ көтеруге ниеттенген жастар үшін құны 1,6 млрд. теңгені құрайтын заманауи үлгідегі Неке сарайы келер жылы тұрғындарға есігін айқара ашады.Сырдың сол жағалауында тағы бір әлеуметтік нысанның іргетасы қаланды. Құны 2,7 млрд. теңгені құрайтын «Қан орталығы» жылына қан мен оның компоненттерін донациялау көрсеткішін 500-ден 10 мыңға дейін жеткізеді.Белгілі кәсіпкер, меценат Марат Дүйсенбаевтың демеушілігімен құрылысы басталған құны 1,5 млрд. теңгені құрайтын «Анаға тағзым» орталығы шаһардың ажарын аша түседі. Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасының құрылысы жүргізілуде.Мемлекет басшысының биыл жариялаған «Балалар жылына» тарту ретінде Сыр елінде демеушілердің қолдауымен құны 1,6 млрд.теңгеге 80 балалар спорт-ойын алаңы пайдалануға берілді.Сол жағалауда қасбеттері заманауи талаптарға сай келетін 7-9 қабатты тұрғын үй, физика-математикалық мектеп бой көтерсе, «Қазгермұнай» ұлттық компаниясы басшылығымен келісім нәтижесінде жаңадан «Оқушылар сарайы» еңсе тіктейді.Шыны зауыты да алғашқы өнімдерін шығара бастады. Кәсіпорын өндірген 6 вагоннан тұратын алғашқы өнім Шымкент, Алматы және Астана қаласына жөнелтілді.Қазіргі кезде Өзбекстан, Ресей, Түрікменстан, Тәжікстан, Ауғанстан мен Үндістан елі қазақстандық шыны өнімдерін сатып алуға дайын. Алайда шетелге барлық өнімнің тек 30 проценті ғана сатылады. Негізгі міндет – ішкі нарықты қамтамасыз ету. Алдағы уақытта зауыттың жанынан 8 ілеспе өндіріс ашылып, шыны талшық, композиттік материалдар, айна және тағы басқа өнім түрлері жасалады.Облыста түрік компанияларымен бірлескен ынтымақтастық жаңа деңгейге көтерілді. Биыл «Акса энерджи» компаниясымен бірге қала аумағын жылу және электрмен толық қамтамасыз ететін қуаттылығы 240 мегаватты құрайтын жылу электр орталығының іргетасы қаланды. Құны 215 млрд. теңгеден асатын жоба 2025 жылы аяқталады. Тағы бір түрік компаниясымен құны 13,8 млрд. теңгеге жылына 24 мың тонна қызанақ пастасын шығаратын зауыт салу туралы келіссөздер жүргізілуде. KOÇ Holding құрамындағы компанияның бұл өндірісі амақтағы азық-түлік қауіпсіздігін қамтамасыз етіп, экспортқа қабілетті өнімдердің қатарын толықтырады.Қаланың негізгі қақпасы әуежай да қайта жаңарады. Болат Өтемұратовтың тікелей қолдауымен құны 12 млрд. теңге болатын "Қорқыт ата" әуежайының жаңа терминалы салынады. Қазірдің өзінде өзге де демеушілермен 100 млн.теңгеге бұрынғы терминалдың ішкі және сыртқы әрлеу жұмыстары жүргізілді.Биыл өңірде 4 жаңа білім ошағы ашылып, 8 мектеп жыл соңына дейін табысталады. Арал ауданының Тоқабай елді мекеніндегі апатты мектептің орнына 500 млн.теңгеге жаңа білім ордасын салу мәселесі де жеке инвестор қаражатының есебінен шешімін тапты. Ал, «Жайлы мектеп» Ұлттық жоба аясында 21 білім ұясы бой көтермек. Алдағы 3 жылда Қызылорда облысында 27 денсаулық сақтау нысанының құрылысы салынады. Орталық атқарушы органдармен бірге жасалған орнықты жұмыстардың нәтижесінде 36,4 млрд. теңгеге Қызылорда қаласынан көпсалалы аурухана мен емхана тұрғындардың игілігіне қызмет етеді.Спортсүйер қауым алдағы жылдары енді футбол ойындарын жаңа стадионда көруге мүмкіндік алады. «Саутс Ойл» компаниясының демеушілігімен Қызылорда қаласында келер жылы жаңадан жабық стадион салынады.<figure class="image"><img src="https://knadmin.beoblood.kz/uploads/315636436_430904089230841_7159584550456516101_n_a5e3e189be.jpg" alt="315636436_430904089230841_7159584550456516101_n.jpg"></figure>&nbsp;<figure class="image"><img src="https://knadmin.beoblood.kz/uploads/315409775_430904132564170_4075092471947189539_n_2a79915227.jpg" alt="315409775_430904132564170_4075092471947189539_n.jpg"></figure>

Сыр еліндегі серпін: 7 айда ел игілігіне жаңа 18 нысан

<a href="https://kyzylorda-news.kz/">Kyzylorda-news.kz.</a> Бүгін аймақтағы балалар мен жастар шығармашылығын насихаттау, классикалық шығармалар мен эстрадалық ән салу жанрында өнерпаздардың орындаушылық шеберліктерін арттыру мақсатында тұңғыш рет Сыр елінің киелі сахнасында әнші-ұстаз, Қазақстанның еңбек сіңірген әртісі Қаракөз Ақдәулетова атындағы «Сыр бұлбұлдары» атты облыстық әншілер конкурсы бастау алды.Конкурсты Қызылорда облысының мәдениет басқармасының басшысы Руслан Рүстемұлы ашып бұлбұл әнші Бибігүл Төлегеновадан дәріс алып, ұстазына ұқсап, өзі де қазақ ән өнерінің көгінде шарықтаған, талғампаз елдің есінде сахнадағы саф даусымен қазақ және шетел композиторларының классикалық әндері мен романстарын ешкімге ұқсамайтын мәнермен ерекше орындайтын дауыс иесі Қаракөз Ақдәулетованың өнер жолындағы жарқын сәттеріне тоқталып, конкурсқа қатысушыларға сәттілік тіледі.Шығармашылық өмірінде талай таланттың танылуына жол ашып, осы жолда бар күш-жігерін, талантын аямай жұмсап, өзі өмірден өтсе де халқының ұлттық өнері мен мәдениетін әлемге танытқан шәкірттері Сыр мәдениетінің дамуына, руханият қоржының толысуына аянбай қызмет жасап келе жатыр.Осы орайда, музыкалық мәдениетке, еліміздегі вокалдық өнерге зор үлес қосқан ұстаздың есімін ұлықтау, шығармашылық жолын жас ұрпаққа насихаттау мақсатында облыстық халық шығармашылығын дамыту және мәдени продюсерлік орталығының жанынан ашылған балалар студиясына 2021 жылы Қаракөз Ақдәулетованың есімі берілді.&nbsp;<img src="https://knadmin.beoblood.kz/uploads/314735973_3253050161615135_5393709760436913000_n_d362074507.jpg" alt="314735973_3253050161615135_5393709760436913000_n.jpg"><img src="https://knadmin.beoblood.kz/uploads/315648991_3253050058281812_4101406883588754336_n_9d4175b4ab.jpg" alt="315648991_3253050058281812_4101406883588754336_n.jpg">

Қазақстан және Қызылорда облысының жаңалықтары