<a href="https://kyzylorda-news.kz/">Kyzylorda-news.kz.</a>&nbsp; 2023 жылдың екінші айы да басталды. Жаңа жыл қарсаңында түрлі болжамын бөліскен нумеролог Құралай Бахыт "<a href="https://www.youtube.com/watch?v=jCXG84ncmgY">Оян</a>" таңғы бағдарламасында қонақ болып, ақпан айында қазақстандықтарды қандай жаңалық күтіп тұрғанын айтты.<blockquote>"Астрологтар да, нумерологтар да санмен жұмыс істейді. Әр жылдың, әр айдың саны бар. Биылғы жылдың саны жеті болса, ақпан айының саны - тоғыз. Тоғыз - бұл қорытындылау саны. Мысалы, наурыз жаңа жыл, жаңа бастамалар кезеңі болса, ақпан айы сол өзгерістер алдында өзіңе есеп беріп, қорытынды жасауға шақырады. Сол себепті, ауыр айлардың бірі саналады. Мәселен, жол апатының алдын алу, қауіпсіздік шараларын сақтау сынды нәрселерді қаперде ұстаған жөн. Егер бір бастамаңыз болса, келесі айға шегере тұрыңыз", - дейді нумеролог. Құралай Бақыт әр айдың өзіндік артықшылығы мен кемшілігі болатынын жеткізді.</blockquote>"Ақпан айы рухани дамуға жақсы. Өзіңе есеп беретін ай. Білім сауаттылығы артатын ай. Инновация дамитын ай. Сондай-ақ жабылып тұрған қазанның беті ашылатын, яғни, әділетті ай. Үкімет басында бір шешім не заң қабылданса, бәрі әділетті әрі шынайы болмақ", - дейді маман. Сонымен қатар нумеролог 2023 жылы орта жастағы адамдардың шаңырақ құрып, отбасылы болатынын айтты.<blockquote>&nbsp;"Өткен жылдың соңында осы бағдарламаға келгенде биыл махаббат, той-думан жылы деп айтқанмын. Қазір сол белгілер байқалып жатқан сияқты. Орта жастағы, мансап жолында жүрген жандар отбасылы болуға бет бұрады. Ерке Есмахан мен Раим соның дәлелі сияқты", - деді ол.&nbsp;</blockquote>

Ақпан айында қазақстандықтарды не күтіп тұр?

<a href="https://kyzylorda-news.kz/">Kyzylorda-news.kz.</a> Сырдария өзенінде ахуал тұрақты, су деңгейі бірқалыпты жағдайда екенін Өңірлік коммуникациялар қызметінің ақпарат алаңында өткен брифингте Арал-Сырдария бассейндік инспекция басшысының міндетін атқарушы Зейнолла Қазтоғанов мәлімдеді.<blockquote>« Қазіргі таңда Шардара су қоймасына секундына 1453 метр су келіп жатыр. Шардара су қоймасындағы су көлемі 4633 млн. текше метр, оның төменге тасталып жатқан су көлемі секундына 900 текше метр. Арыс өзенімен Сырдария өзеніне түсіп жатқан су көлемі секундына 130 текше метр. Жалпы, Қызылорда облысы шекарасына Көктөбе су бекеті арқылы секундына 645 текше метр.Айта кету керек, Сырдария өзенінде мұз Түркістан облысы Маяқұм елді мекені тұсындағы иіндерде ұстасты. Шардара су қоймасымен Көксарай су реттегішінің жұмыс кестесі бақылауға алынып, жергілікті атқарушы органдар, Төтенше жағдайлар департаменті және су шаруашылығы ұйымдарымен Сырдария өзеніндегі су шаруашылық жағдайына күнделікті мониторинг жұмыстары жүргізілуде, - деді ол.</blockquote>Бүгінгі уақыттағы ақпаратқа сәйкес, Сырдария өзенінде мұздың қалыңдығы Арал ауданындағы Қаратерең су бекетінде орташа 40 см, Қазалы су бекетінде орташа 53 см, Қармақшы-Жосалы су бекетінде орташа 38 см, Қызылорда қаласы тұсында орташа 40 см, Керкелмес су бекетінде орташа 35 см, Төменарық су бекетінде орташа 20 см құрап отыр.«Облыс аумағында Сырдария өзенінің бойында орналасқан стратегиялық маңызы бар Қызылорда су торабы, Айтек су торабы, Қазалы су торабы және Ақлақ су тораптары пайдалану Ережесіне сәйкес қауіпсіздігі және бірқалыпты жұмыс жасауын қамтамасыз ету мақсатында тразиттік режимге көшіріліп қалыпты жұмыс жасауда. Диспетчерлер тарапынан 1 сағат сайын су деңгейлері бақыланып отыр. Сонымен қатар, Сырдария өзеніндегі мұз ұстасу жағдайында Қызылорда су торабына дейін су деңгейін төмендету мақсатында Жаңақорған, Шиелі аудандары аумағындағы каналдармен секундына 132,0 текше метр алынса, Қазалы су торабына дейін (Қараөзек арнасын қоса есептегенде) секундына 55,0 текше метр су алынуда», - деді «Қазсушар» РМК Қызылорда филиалының су шаруашылығы нысандарын пайдалану бөлімінің басшысы Асанбаев Айдос Мәлібекұлы мәлімдеді.&nbsp;<figure class="image"><img src="https://knadmin.beoblood.kz/uploads/329130015_873593397248028_7032373023955415092_n_dbdb54c6a9.jpg" alt="329130015_873593397248028_7032373023955415092_n.jpg"></figure>

Сырдария өзеніндегі ахуал тұрақты

<a href="https://kyzylorda-news.kz/">Kyzylorda-news.kz.</a> ҚР Үкіметі Аппараты Басшысының &nbsp;бірінші орынбасары Ғабит Сыздықбеков &nbsp;Қызылорда облысына жұмыс сапарымен келіп, облыс әкімі Нұрлыбек Нәлібаевпен бірге өңірдегі «Қызылорда-Жезқазған» автожолын қайта жаңғырту жұмыстары және Сырдария өзенінің жағдайымен танысты. Делегация құрамында ҚР ЭТРМ Су ресурстары комитеті төрағасының орынбасары Досбол Бекмағанбетов, «ҚазАвтоЖол» ҰК» АҚ басқарма төрағасы, директорлар кеңесінің мүшесі Мейрхат Қасымбаев және «ҚазАвтоЖол» ҰК» АҚ сыртқы займдар департамент директоры Марат Махамбетов бар.Алдымен аймақ басшысы Ғабит Әбдімәжітұлына Қызылорда су торабының қайта жаңғырту жұмыстарымен таныстырды. Нысан 1956 жылы салынған. &nbsp;Қазіргі таңда ол 110,0 мың.га суармалы және 250 мың.га жайылымдық жерлерді аяқ сумен қамтиды. Мұнда 2020 жылы басталған қайта жаңғырту жұмыстары барысында сол жағалаудағы шлюз-реттегіш, жаңа су торабы, су бекеттері мен трансформаторлық қосалқы станция салынып, торап аймағы абаттандырылатын болады. Жобаның бас мердігері жұмысты биыл аяқтамақ.Әрі қарай делегация мүшелері «Қызылорда-Жезқазған» автожолын қайта жаңғырту барысымен танысып, жол құрылысына қажетті битумды сақтайтын қоймаларды аралады. Еске салсақ, аталған автокөлік жолын қалпына келтіру мәселесі көптеген жылдар бойы шешімін таппай келді. 2021 жылы Қызылорда облысындағы 204 шақырым бойынша 6 лотқа бөлініп, мемлекеттік сатып алу конкурсы өткізілді. Өткен жылы мердігер мекемелер «Қытай азаматтық инженерлік-құрылыс корпорациясы» ЖШҚ, «Қыран» ЖШС, «Гуйчжоу жол-инженерлік корпорациясы» ЖШҚ, және «Stecol Corporation» құрылысқа қажетті құжаттарды әзірлеп, дайындық жұмыстарын жүргізді.Биыл мердігер мекемелер жолдың 100 шақырымнан астам бөлігін аяқтауды жоспарлауда, құрылыс материалдарының басым бөлігі қоймаға жеткізілді.<blockquote>«Қызылорда-Жезқазған жолы Президенттің тікелей бақылауындағы үлкен жоба. Халықтың да біршама уақыттан бері көтеріп жүрген мәселесі. Сондықтан жолдың сапалы салынуы, мерзімінде аяқталуы өте маңызды. Бұл жоба жол бойы логистикасын дамытып, жол қатынасын едәуір жеңілдетуге сеп болмақ», - деді танысу барысында Ғабит Әбдімәжітұлы.</blockquote><blockquote>«Расымен халық бұл жаңалықты ұзақ күтті. Ел Президенті Қасым-Жомарт Кемелұлының бастамасымен жоба басталды. Біз өзіміздің аймақтан өтетін жолдың сапалы салынуына атсалысатын боламыз», - деді облыс әкімі Нұрлыбек Нәлібаев.</blockquote>Түстен кейін Ғабит Сыздықбеков аймақ басшысымен бірге Жаңақорған және Шиелі аудандарына тікұшақпен барып, Сырдария өзеніндегі су деңгейін көріп, жағдаймен танысты. Айта кетейік, қазіргі таңда облыста 29 су басу қауіпі бар аймақ анықталып, оған 366 арнайы техника бірлігі және 1137 адамы бар 138 жауапты мекеме бекітілді. Облыстың барлық аумағында өзен бойында тәулік бойы кезекшілік ұйымдастырылуда. Дариядағы жағдай қалыпты, барлық қажетті материалдар мен техника қамтамасыз етілген.Сапар соңында ҚР Үкіметі Аппараты Басшысының &nbsp;бірінші орынбасары өңірдегі жүргізілген жұмыстар табысты аяқталуына тілектестік білдірді. Ғабит Әбдімәжітұлының жұмыс сапары Түркістан облысында жалғасатын болады.<figure class="image"><img src="https://knadmin.beoblood.kz/uploads/329533254_740463844029274_2001454943487115764_n_3e4f0b77e5.jpg" alt="329533254_740463844029274_2001454943487115764_n.jpg"></figure><figure class="image image_resized" style="width:100%;"><img src="https://knadmin.beoblood.kz/uploads/329586113_1878315859177063_3168556457254692514_n_5c36daeaf4.jpg" alt="329586113_1878315859177063_3168556457254692514_n.jpg"></figure><figure class="image"><img src="https://knadmin.beoblood.kz/uploads/329594968_2134590650057701_7319882050292124576_n_cd00024938.jpg" alt="329594968_2134590650057701_7319882050292124576_n.jpg"></figure>

Қызылорда-Жезқазған автожолының биыл 100 шақырымнан астамы аяқталады

<a href="https://kyzylorda-news.kz/">Kyzylorda-news.kz.</a> Еліміздің басым бөлігі әлі де, антициклон және онымен байланысты атмосфералық фронталды бөліктердің ықпалында болады. Сондықтан бүгін тұрақсыз ауа райы сақталады, деп хабарлайды Қазгидромет.&nbsp;Еліміздің солтүстік жартысында - қар жауып, жаяу бұрқасын, оңтүстікте жаңбыр мен қар түрінде жауын-шашын болады. Республика бойынша желдің күшеюі, тұман, оңтүстік-батыста, оңтүстік-шығыста – көктайғақ, түнде Түркістан облысының таулы және тау бөктеріндегі аудандарында найзағай күтіледі.

7 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы бойынша Сыбайлас жемқорлыққа қарсы іс-қимыл департаментімен «Ақ Жол» дара кәсіпкердің құқықтары қорғалды.&nbsp;Аталған кәсіпкер Қызылжарма ауылдық округінде мемлекеттік сатып алу арқылы «түнгі жарық бағаналары мен шамдарын күтіп ұстау, жанып тұруын қамтамасыз ету» қызметін көрсеткен.Алайда, жергілікті атқарушы орган атқарылған жұмысқа тиісті 2,3 млн.теңге көлемінде қаражатты кәсіпкерге 2022 жылғы қарашадан бері аудармаған.Ұзақ уақыт бойы аталған мәселесінің шешімін таппаған кәсіпкер Департаментке шағым түсірді.Туындаған мәселеге Департамент араласқаннан кейін кәсіпкерге тиесілі қаражатты әкімдік толық көлемде төледі. Айта кету керек, Сыбайлас жемқорлыққа қарсы қызмет "Бизнес жол" кәсіпкерлерді қорғау жобасын іске қосты.

Қызылордада кәсіпкердің құқығы қорғалды

<a href="https://kyzylorda-news.kz/">Kyzylorda-news.kz.</a> Қызылорда облысында «Казспекторстрой» ЖШС екі қызметкері жұмыс орнында уланып көз жұмды, деп хабарлайды <a href="https://opennews.kz/society/11538-yzylordada-mekeme-zhmysshylary-belgisiz-zattan-ulanyp-ajtys-boldy.html?fbclid=IwAR2vv7U27aJpCCCTIxpJSmcymuA8vioItA5kW79xeclOA_2L5JCOuRobp1A">Opennews.kz</a>.Оқиға 3 ақпанда Қызылорда облысында «Саутс-ойл» ЖШС қосалқы мердігері «Казспекторстрой» ЖШС-де болды.<blockquote>«Серіктестікте еңбек ететін екі қызметкер алдын ала мәліметтерге сәйкес «белгісіз заттан улану салдарынан туындаған жүрек жетіспеушілігі» салдарынан қайтыс болды деген диагноз қойылды. Қаза болу дерегі бойынша ҚР Қылмыстық кодексінің 304-бабымен қылмыстық іс тіркелді. Онда санитариялық қағидаларды немесе гигиеналық нормативтерді бұзу жағдайы көрсетілген. Бұл бойынша сотқа дейінгі тергеп-тексеру әрекеттері басталды», - деп мәлім етті Қызылорда облыстық полиция департаментінен.</blockquote>Ведомство мәліметінше, тиісті сапартамалар тағайындалған. Оқиғаның мән-жайын анықтауға бағытталған кешенді тексеру жұмыстары жүргізілуде.

Қызылордада мекеме жұмысшылары уланып қайтыс болды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорында өткен жылы Қорға жүгінген азаматтардың өтініш-шағымдары бойынша қорытынды жасады. 2022 жылдың 1 қаңтарынан 31 желтоқсанға дейін Бірыңғай ақпараттық медициналық Call-орталығына 759 164 өтінім келіп түскен. &nbsp;Оның ішінде 707,5 мың адам кеңес алса, 24 мың жүгінуші шағым қалдырды. &nbsp;Талдау көрсеткендей, өтініштердің 85%-ында 1406-ға қоңырау шалынған. Шамамен 14% өтінім Қорға Qoldau 24/7» мобильді қосымшасына келіп түсті. Қордың fms.kz ресми сайты, Telegram-дағы @Saqtandyrýbot, ҚР Денсаулық сақтау министрлігінің сайты мен блогы сынды кері байланыс арналары да халық арасында танымал.&nbsp;Әлеуметтік медициналық сақтандыру қорында атап өткендей, өтінімдердің 93%-ында кеңес берілсе, 50 мыңнан астам өтінімді егжей-тегжейлі қарау және жауап беру үшін 2-ші және 3-ші қолдау желісіне жіберілді.Астана, Алматы, Ақмола және Ақтөбе облыстарының тұрғындары әлеуметтік медициналық сақтандыру қоры операторларының кеңесін белсенді пайдаланады.Қорда атап өткендей, республикалық маңызы бар қалаларда ел халқының 20%-ы тұрады. Сәйкесінше бұнда медициналық қызметтерді тұтынушылар &nbsp;басым әрі халық тарапынан жиі сұрақтар қойылады.&nbsp;Әлеуметтік медициналық сақтандыру қоры өзін пациенттердің омбудсмені ретінде ұстанатыны көпшілікке мәлім. Сол себепті адамдар медициналық көмек алу кезінде құқықтары бұзылған жағдайда &nbsp;Қорға жазып, хабарласады. &nbsp;Өткен жылы пациенттер Қорға 24 мың шағым жіберген. Алдыңғы кезеңмен салыстырғанда олардың саны 35%-ға артты (2021 жылы 17,7 мың шағым). Шағымдардың жартысына жуығы Алматы, Астана қалаларына және Қарағанды облысына тиесілі.Азаматтар көбінесе медициналық көмектің сапасыз көрсетілгенін айтып шағымданады (32,6%). Екінші орында – медициналық көмек көрсетуден бас тарту тұр (19%). Сондай-ақ медициналық көмекті ұзақ күту (5,8%), дәрі-дәрмектермен қамтамасыз етуден бас тарту (4,8%), этика мен деонтологияны бұзу &nbsp;(4%), медициналық ұйымның &nbsp;ақпараттық жүйелерінде &nbsp;көрсетілмеген қызметті көрсетілді деп көрсеткен жалған ақпарат (3,2%) бойынша шағымдар түсті.&nbsp;Қордың Қызылорда филиалына 2022 жылы 391 шағым түсті. 2021 жылмен салыстырғанда олардың саны 35% – ға өсті (2021 ж. - 253 шағым).<blockquote>«Пациенттер өз емханаларында бейінді мамандар болмаған кезде, басқа медициналық ұйымдарға жолдама ала алмағандарын немесе &nbsp;ақылы негіздегі тексерулер мен консультацияларға жіберілгендерін, сонымен қатар, уақтылы ем ала алмай немесе сапасыз емделгендерін, бейінді дәрігерлердің консультацияларын ұзақ күткендерін, медицина қызметкерлерінің &nbsp;дөрекі әрекеті, &nbsp;ТМККК кіретін медициналық көмекті алуға сақтандыру мәртебесін заңсыз талап еткендерін және өз құқықтары бұзылғанын айтып шағымданады», - деп атап өтті Қордың Қызылорда облысы бойынша филиалының директоры Бақыт Исмаханбетов.&nbsp;</blockquote>Естеріңізге сала кетейік, Әлеуметтік медициналық сақтандыру қорының сарапшылары әрбір шағым бойынша жоспардан тыс мониторинг жүргізеді және оның қорытындысы бойынша бұзушылықтар &nbsp;расталған жағдайда айыппұл санкциялары қарастырылады. Қор келіп түскен өтініш-шағымдарды талдау және мониторинг арқылы кері байланыс сапасына халықтың көңілі толғанын анықтайды. Жыл қорытындысы бойынша 95,3% толыққанды жауап беріледі.Медициналық қызметтерді көрсетуден бас тартқан жағдайда, медқызметтердің сапасына көңілі толмаған пациенттер медициналық ұйымнан ресми жауап алу және тиісті шаралар қабылдау үшін &nbsp;жоғарыда аталған байланыс арналары бойынша міндетті түрде ресми өтінім қалдыру қажет.&nbsp;Әлеуметтік желілерде жазылған шағымдар процессуалдық шешім қабылдау үшін ресми өтінім &nbsp;болып табылмайды.Егер тағы сұрақтар туындап жатса, сіз өз емханаңыздағы «Пациенттерді қолдау қызметіне» жүгіне аласыз. Ал ол жерде &nbsp;мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, &nbsp; &nbsp; 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; &nbsp;

Әлеуметтік медициналық сақтандыру қорына пациенттер қандай шағымдармен жүгінді?

<a href="https://kyzylorda-news.kz/">Kyzylorda-news.kz.</a> 2023 жылғы 3 наурыздан бастап төлем мерзімі өткен қарыздары және микрокредиттері бар &nbsp;азаматтар банкроттық рәсіміне өтініш бере алады. Міндетті талап – борышкердің проблемалық берешекті реттеу рәсімінен өтуі.Fingramota.kz қарыздар мен микрокредиттер бойынша төлем мерзімі өткен жағдайда қарыз алушыларға не істеу керектігін толығырақ айтып береді.2021 жылғы 1 қазаннан бастап Қазақстанда кредитті өтеуде қиындықтарға тап болған азаматтардың проблемалық берешегін реттеу тәртібі қолданылады. Банктер мен микроқаржы ұйымдары (МҚҰ) оны орындауға және қарыздар мен микрокредиттерді қайта құрылымдауға берген борышкерлердің өтініштерін қарауға міндетті.2022 жылы кредиттік ұйымдар қарыз алушылардың 708,7 мың өтінішін қарады, оның ішінде 527,8 мың қарыз алушының қайта құрылымдауға берген өтініштерінің 74,5%-ы мақұлданды.Қаржы нарығын реттеу және дамыту агенттігінің (бұдан әрі – Агенттік) талабы бойынша кредиттік ұйымдар қарыздар мен микрокредиттер бойынша мерзімі өткен берешекті реттеудің міндетті тәртібі ескерілетін ішкі нормативтік құжаттарды жаңартты. Ресми интернет-ресурстарда, әлеуметтік желілерде және мобильдік қосымшаларда банктер мен МҚҰ мерзімі өткен берешекті реттеу тетігі туралы ақпарат орналастырады, сондай-ақ кредиттерді қайта құрылымдау мәселелері бойынша қарыз алушыларға кеңес беру үшін қосымша жедел желілер ашады.Қарыз алушының және кредиттік ұйымның іс-қимыл алгоритміТәртіпке сәйкес, кредитор (банк немесе МҚҰ) төлем мерзімін кешіктіру басталған сәттен бастап 20 күн ішінде ол туралы қарыз алушыға хабарлауға міндетті. Хабарламада кредиттік ұйымдар азаматтарға:кредит бойынша төлем жасау; қарыздың мөлшері және өтемеген жағдайда, қарыз алушы үшін салдарын көрсете отырып, мерзімі өткен берешекті өтеу қажеттігі; қарызды қайта құрылымдау мәселесі бойынша кредиторға жүгіну туралы хабарлайды. Өз кезегінде, мерзімін өткізу пайда болған қарыз алушылар ол басталған күннен бастап 30 күн ішінде қарыздар мен микрокредиттерді қайта құрылымдау үшін кредиттік ұйымға өтініш беруге тиіс. Өтініште пайда болған мерзімін өткізудің себебін көрсету және ықтимал қайта құрылымдауға өз нұсқаларын ұсынуға, кірісінің төмендегені және өз міндеттемелері бойынша төлеу мүмкіндігінің болмайтынын растаушы құжаттарды ұсынуға тиіс. &nbsp;Қарыз алушының өтініші міндетті түрде қабылдануға, тіркелуге, есепке алуға және оны банк және МҚҰ қарауға тиіс. Кредитор өтінішті күнтізбелік 15 күн ішінде қарауға тиіс, содан кейін жауап беруге міндетті. Оң жауап болған жағдайда, банк және МҚҰ қарыз алушыға қарыз шартын өзгерту бойынша &nbsp;ұсыныс жасайды. &nbsp;Теріс жауап болған жағдайда, олар бас тартудың себептерін негіздеулері тиіс.Бұл ретте, қарыз алушының өзі ғана кредиторға өзінің қаржылық және әлеуметтік жағдайы туралы ақпарат береді, ол кірісінің азаюы немесе мүлдем жоқ болуы фактісіне &nbsp;байланысты өз міндеттемелерін толық орындай алмайтынын құжаттармен растауға тиіс. &nbsp;Егер өтінішке сұратылған құжаттар қоса берілмесе, онда кредиттік ұйым қарыз алушының өтінішін қараусыз қалдыруға құқылы.Толығырақ "<a href="https://fingramota.kz/kk/post/kreditter-bojynsha-merzimi-tken-bereshekti-alaj-retteuge-bolady">Кредиттер</a>" бөлімінен оқыңыздар&nbsp;

Кредиттер бойынша мерзімі өткен берешекті қалай реттеуге болады?

&nbsp;<a href="https://kyzylorda-news.kz/">Kyzylorda-news.kz.</a> &nbsp;Қазақстандықтар әлеуметтік желіде autonesie.kz платформасында тіркеле алмағанын айтып шағымданып жатыр. Бүгін, 6 ақпан Астана уақытымен тура сағат 10.00-де іске қосылуға тиіс болған сайт бес минут өтпей істен шыққан.Өткен аптада жеңілдетілген автокредит бойынша электронды кезек 6 ақпан күні сағат 10:00-де басталатыны хабарланды. Азаматтар autonesie.kz сайтына кіріп, өтінім беруге тиіс болатын. Қазақстандықтарға барлығы 761 өтінім ғана қабылданатыны ескертілді. Лимит аяқталған кезде платформа автоматты түрде өтінім қабылдауды тоқтатады.Алайда дүйсенбінің таңын тағатсыздана күткен қазақстандықтардің үміті ақталмады. Сағат 10.00-де сайтқа кірген адамдардың көбі өтінім бере алмаған."9.58-де бастық, 10-да ашылды. 10.01-де жабылды, ключ алды, машинаны жаздық, жабылды, содан ашылмады. Бұл жалғыз мен емес, бәрінде солай болды", - деп жазады әлеуметтік желі қолданушыларының бірі.<blockquote>"Базасы дұрыс істемеді немесе өздері бөліп алды. Әйтпесе үш рет ЭЦҚ арқылы кіріп, автоөндірушіні таңдағаннан кейін "Қате" деп шығара беру мүмкін емес қой", - деп ашуланды тағы бір азамат.</blockquote><blockquote>"Автокөліктерді Қазақстанның элитасы ғана сатып алып үлгерді", - деп ашынды желі қолданушысы.</blockquote>Көбісі электронды цифрлық қолтаңба арқылы кіргенімен, автоөндіруші таңдалмаған. Енді бірі бүкіл процедурадан өтсе де, сайт "қате" деп шығарған.Ал бес минуттан кейін тіркелу мүлде мүмкін болмады. Платформа қаржыландыру лимитінің таусылғанына байланысты өтінім қабылдауды тоқтатты.<a href="https://sputnik.kz/20230206/zhenildetilgen-avtokredit-boyynsha-otinim-qabyldaytyn-sayt-ashylmay-zhatyp-isten-shyqty-31786651.html">Sputnik</a>

Жеңілдетілген автокредит бойынша өтінім қабылдайтын сайт ашылмай жатып істен шықты

<a href="https://kyzylorda-news.kz/">Kyzylorda-news.kz.</a> Кілем тоқу – ұрпақтан-ұрпаққа жалғасып келе жатқан өнер. Оны бұрын қабырғаға іліп, еденге төсеп, үйдің жылуын сақтау үшін пайдаланса, кейін сәндік бұйымға айналды. Ал, жеке кәсіпкер Жандос Шораев бүгінде тафтинг әдісімен кілем тоқумен айналысуда. XVII ғасырдан бері белгілі тафтинг технологиясын зерттеп, ол арнайы станок сатып алды. Ондағы жұмысты игеріп, алғашқы табысқа да қол жеткізді.Кәсіпкер 2022 жылы 2021-2025 жылдарға арналған кәсіпкерлікті дамыту жөніндегі ұлттық жоба шеңберінде жаңа бизнес-идеяларды іске асыру үшін бағдарламасы аясында 2,5 миллион теңге қайтарымсыз грант иегері атанып, жаңа құрылғылар мен керекті материалдар сатып алған. Бүгінде ол жергілікті үш тұрғынды жұмыспен қамтып отырған жайы бар.Кілем тоқу цехы әзірге өз үйнде орналасқан. Цехта екі кілем тоқу станогы және өзге де қажеті құрылғылар бар. Кілем сапалы шығу үшін жібек жіптер пайдаланылады. Алматы қаласынан әкеледі.&nbsp;<blockquote>«Ағылшынша tuft сөзі «түйін» деп аударылады. Бұл өндіріс технологиясының мәнін көрсетеді. Олар бір жіппен тоқымайды, бірақ түйінделген шоқтармен толтырылады. Осы технологияны меңгергеннен кейін мен алғашқы тапсырыстарды алдым. Мен айына бірнеше кілем жасаймын», – деді Жандос Шораев.&nbsp;</blockquote>Машинамен тоқылатын &nbsp;кілемдердің негізі: табиғи жіптермен &nbsp;бірге синтетикалық жасанды талшықтар, &nbsp;жүн тәріздес жіптер, химиялық &nbsp;қабыршық жіптер. Машинамен тоқылатын кілемдердің түгі мынандай түрлерге бөлінеді: тігілген тафтинг, тоқылмалы, трикотаж, тоқыма – тігілмелі, шыбықшалы киіз, флокировты.&nbsp;Кәсіпкердің айтуынша, болашақта ол өз тәжірибесін кеңейтіп, оны табысты бизнеске айналдырғысы келеді. Алматы қаласына кәсіпкерлік негіздеріне арналған сабақтарына қатысты.<blockquote>«Механикалық тоқу станогы арқылы шығарылатын тоқыма кілемдер бір түсті немесе әр түрлі түсті болады, құрылымы жағынан көп қабатты матаға ұқсас. Жоғары жылдамдықтағы көп инелі машиналармен тоқылатын кілемдер: түгі тігілмелі тафтинг және негізгі тоқымалы, трикотаж, тоқыма – тігілмелі. Кілем тоқылып бітісімен атқарылатын жұмыстар: түгі қырқылады, тазаланады, ыстық буға ұсталады, шеті әдіптеледі немесе оған шашақ тігіледі, сөйтіп, қосымша өңдеуден өткізіледі», - деп түсіндірді кәсіпкер.</blockquote>Тапсырыстар жан-жақтан түседі екен. Көбісі жақындарын қуанту мақсатында сыйлық ретінде тапсырыс береді. Кілемнің көлемдері әр-түрлі. Өнім төрт күнде тоқылады, осы уақытқа дейін 2 айдың ішінде Жандос 20-ға жуық кілем тоқыған.&nbsp;<blockquote>«Соңғы жылдары қолөнер бұйымдарының қадір-қасиетін түсінетіндердің қатары көбеюде. Кілем туралы көпшілік бір-бірінен естігендіктен тапсырыс берушілер аз емес. Сол себепті, сапаға аса мән береміз. Жібекке синтетиканы араластырып, кілемнің жылтырауын, суреттің дәл келуін қадағалаймыз. Жібек пен синтетиканы араластырмаса да болмайды. Екеуі үйлесім тапса, кілем жылтырып, көздің жауын алатындай болады. Бізге көбінесе балалары ата-аналарына тосынсый жасағысы келеді. Сонымен қатар, көбінесе халық қалаулыларына, сыйлы азаматтарға, атақты ақын-жазушыларға арналып портреттік кілемдер тоқылады», – дейді кәсіпкер.</blockquote><figure class="media"><div data-oembed-url="https://youtu.be/oyBeXMrnh_s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/oyBeXMrnh_s" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure><figure class="image"><img src="https://knadmin.beoblood.kz/uploads/328855692_569992508362643_468000650012752811_n_ac31b83529.jpg" alt="328855692_569992508362643_468000650012752811_n.jpg"></figure><figure class="image"><img src="https://knadmin.beoblood.kz/uploads/329093076_738103067672808_5772063729203316011_n_cdd8afcba9.jpg" alt="329093076_738103067672808_5772063729203316011_n.jpg"></figure>

Қызылордалық жас кәсіпкер тафтинг тәсілімен кілем тоқиды

<a href="https://kyzylorda-news.kz/">Kyzylorda-news.kz.</a> Былтыр Қызылорда қаласындағы №10 Ы.Алтынсарин атындағы мектепке &nbsp; күрделі жөндеу жұмыстары &nbsp;жүргізіліп, Айнакөл ауылындағы №175 орта мектеп ішінде орналасқан автономды бу қазандығын сыртқа шығарылды.&nbsp;№261 мектеп пен «Күнекей» балабақшасы ғимараты көгілдір отынға қосылды. &nbsp;Бұл жұмыстардың жалғасы ретінде биыл 4 мектепке, яғни №15, №212, №211, 222 мектептеріне толық күрделі жөндеу жұмыстары жүргізілетін болады.<blockquote>«Үстіміздегі жылы Қызылорда қаласында ауқымды көлемде мектептердің құрылыс жұмыстары басталмақ. &nbsp;Яғни, «Жайлы мектеп» Ұлттық жобасы аясында облыс орталығынан заманауи үлгідегі 8 мектеп салу жоспарланған. Оның бесеуінің құрылысы биылғы жылы басталады. Атап айтқанда, СПМК-70 мөлтек ауданынан 2000 орындық және Арай-3 аудан бойынша 2000 орындық, &nbsp;Сырдария өзенінің сол жағалауынан 900 орындық мектеп, КБИ мөлтек ауданынан 600 орындық мектеп, Қызылжарма елді мекеннен 900 орындық мектеп құрылысы басталады. Сонымен қатар, Қызылорда-Жезқазған трассасы бойындағы 600 орындық мектептің құрылысы биыл аяқталып, маусым айында пайдалануға беруді жоспарлап отырмыз», - деді қалалық білім бөлімінің басшысы Ерлан Боданов7 &nbsp;</blockquote>

Қызылорда қаласында мектеп құрылысы қарқын алмақ

<a href="https://kyzylorda-news.kz/">Kyzylorda-news.kz.</a> Бүгін жеңілдетілген несие бойынша көлік алу бағдарламасы негізінде өтінімдерді қабылдау басталды, деп хабарлайды ҚазАқпарат.Бұған дейін хабарланғандай өтінімдерді қабылдау Астана уақыты бойынша сағат 10:00-де <a href="https://www.inform.kz/kz/www.autonesie.kz">www.autonesie.kz</a> ресми сайты арқылы жүргізіледі. Осы орайда өтінім беру үшін компьютер арқылы электрондық цифрлық қолтаңбаны енгізіп, қосылуға болады. Платформада тек Қазақстан Республикасының аумағында тіркелуге мүмкіндік бар.<blockquote>«Сайтта өтінім берген кезде өтініш берушінің деректері автоматты түрде ЭЦҚ арқылы қалыптасады. Өтініш беруші міндетті түрде телефон нөмірін енгізіп, автокөлік өндіруші компанияны таңдап, өтінімге қол қояды. Өтінімнің тіркелуі барысы сайттағы «жеке кабинет» арқылы тексеріледі», - делінген хабарламада.</blockquote>

Қазақстан және Қызылорда облысының жаңалықтары