<a href="https://kyzylorda-news.kz/">Kyzylorda-news.kz.</a> Әйелдерге қатысты кемсітушіліктің барлық нысандарын жою туралы Конвенцияның ережелеріне сәйкес, әйелдерге қатысты зорлық-зомбылықты жоюдың халықаралық күні жыл сайын 25 қарашада атап өтіледі.Осыған байланысты, 2022 жылғы 25 қараша мен 10 желтоқсан аралығында Жалағаш ауданы аумағында аудандық полиция бөлімінің ұйымдастыруымен «Әйелдерге қатысты зорлық-зомбылықсыз 16 күн» атты республикалық акциясы өткізілуде.Акция барысында тұрмыстық зорлық-зомбылықтың алдын алу және оған қарсы тұру, полицияға деген сенім деңгейін арттыру, отбасының қоғамдағы рөлін нығайту мақсатында іс-шаралар өтеді.Жалпы, іс-шараның негізгі мақсаты – әйелдерге қатысты зорлық-зомбылықтың алдын алу және ескерту, ана мен баланы қорғау, отбасының қоғамдағы рөлін нығайту бағытында атқарылып жатқан шаралармен жалпы халықты таныстыру.Акция барысында тұрғындар арасында түсіндіру жұмыстарын жүргізу, Ішкі істер органында есепте тұрған тұлғалардың тұрғылықты мекен жайы бойынша тексеру, отбасы-тұрмыстық қатынастар саласында құқық бұзушылық жасаған тұлғаларды анықтау және есепке алу жоспарлануда, сондай-ақ олардың күнделікті өмір саласындағы қылмыстар тарапынан алдын алу.Бұл акция мүдделі мемлекеттік органдардың, үкіметтік емес ұйымдардың, жұртшылықтың және бұқаралық ақпарат құралдарының өкілдерін тарту арқылы жүзеге асырылады.<blockquote>«Егер сіз тұрмыстық зорлық-зомбылық фактілері туралы хабардар болсаңыз немесе сіз осындай зорлық-зомбылықтың құрбаны болсаңыз, бұл туралы үндемей қоймаңыз. Дереу Жалағаш АПБ сенім телефонына «102» хабарласыңыз», – дейді Жалағаш аудандық полиция бөлімінің жергілікті полиция қызметі бөлімшесінің әйелдерді зорлық-зомбылықтан қорғау тобының инспекторы полиция майоры Ұлбосын Ахметова.&nbsp;</blockquote>Осы орайда, Жалағаш аудандық білім бөлімі, аудандық прокуратура, Жалағаш Апб-нің бірлескен іс-шара жоспарына сәйкес, Жалағаш аудандық прокуратурасының прокуроры А.Есжанов, АПб-нің әйелдерді зорлық-зомбылықтан қорғау тобының инспекторы полиция майоры Ұ.Ахметова, аудандық аурухана психологы А.Есмағанбетова, аудандық білім бөлімінің әдіскері Д.Серікқазының қатысуымен, 8-11 сынып оқушыларымен құқықбұзушылықтың, зорлық-зомбылықтың, жыныстық тиіспеушіліктің алдын алу бағытында ақпараттық-танымдық кездесу болып өтті.&nbsp;Кездесу барысында бейнероликтер көрсетіліп, жастар арасында белең алған қылмыс пен құқық бұзушылықтың түрлеріне талдау жасалып, оқушыларға бос уақыттарын тиімді ұйымдастыруға, салауатты өмір салтын ұстануға, мезгілсіз жүрмеуге, бейтаныс адамдармен байланысқа түспеуге, т.б кеңестер берілді. Әлімжеттік жасау, зорлық-зомбылық пен топтық төбелестің арты заң жолымен жазаланатынын ескертіліп, түсіндірме жұмыстары жүргізілді. &nbsp;<img src="https://knadmin.beoblood.kz/uploads/317067930_851949922612298_6744076824659176469_n_4a57c90764.jpg" alt="317067930_851949922612298_6744076824659176469_n.jpg">

«Әйелдерге қатысты зорлық-зомбылықсыз 16 күн» атты республикалық акциясы өтуде

<a href="https://kyzylorda-news.kz/">Kyzylorda-news.kz.</a> Арал қаласынан 15 км қашықтықта орналасқан Жақсықылыш кентінде заңнама талаптарына сәйкес жаңа форматтағы атаулы әлеуметтік көмек тағайындау жұмыстары өз деңгейінде жүргізіліп жатыр.&nbsp;Атап айтқанда, 2022 жылғы І жартыжылдығында кент бойынша 3 отбасына атаулы әлеуметтік көмек тағайындалып, &nbsp;шартсыз &nbsp;қаржылай төлемдер жүргізілуде. Сонымен бірге жыл көлемінде жастар практикасымен 1 адам, жалпы негізде қоғамдық жұмысқа &nbsp;11 адам, «Жасыл ел» бағдарламасы бойынша &nbsp;14 жастар қабылданып, жұмыс істеген екен. Үстіміздегі жылы пайдалануға берілген «Асылым» жеке бөбекжай-бақшасына 30 адам жұмысқа қабылданса, «Аралтұз» АҚ-мен модернизациядан өткен №2 тұз өңдеу цехына штаттық кесте бойынша 100 бірлік жұмысшыларды жұмысқа қабылдау жоспарланған. Сонымен қатар, кентте қайырымдылық шараларына баса көңіл бөлінеді. Демеушілер мен мекеме ұжымдары арқылы жыл бойы қамқорлықты қажет ететін 34 отбасыға &nbsp;әлеуметтік &nbsp;көмек көрсетілген.Жақсықылыш кентінің денсаулық саласы бойынша халыққа медициналық қызметті 2008 жылы пайдалануға берілген дәрігерлік амбулатория жүзеге асырып келеді. &nbsp;«Жақсықылыш» дәрігерлік амбулаториясында &nbsp;36 адам жұмыс істесе, оның 2-еуі &nbsp;дәрігер, 24-і орта буын медицина қызметкері, 10-ы &nbsp;техникалық қызметкер, сондай-ақ 14 төсектік күндізгі емдеу бөлімі бар. Жедел жәрдем көлігімен қамтамасыз етілген.Ел болашағын қозғаушы күштердің бірі – жастар. Олардың бүгінгі алған білімі ертеңгі болашаққа айтарлықтай пайдасын тигізері де сөзсіз.№19 орта мектебінде 1006 оқушы, 41 сынып комплектісі, 4 мектепалды даярлық тобында – 85 тәрбиеленуші, 121 мұғалім бар. &nbsp;Мектеп жанындағы шағын орталықта 26 бала тәрбиеленуде. Сонымен қатар биылғы оқу жылдың қорытындысымен 2 мектеп бітіруші түлек «Алтын белгі», 2 мектеп бітіруші үздік аттестат &nbsp;иеленіп, мемлекеттік білім грантын 35 оқушы жеңіп алды. Бастауыш сыныпта оқитын, сондай-ақ, әлеуметтік әлсіз топқа жататын 250 оқушы ыстық тамақпен қамтылған. «Ауылым – алтын бесігім» республикалық жобасы аясында № 19 орта мектебіне жапсарлас &nbsp;100 орындық қосымша оқу ғимараты салынып, пайдалануға берілді. Сонымен қатар, кентте жаңадан салынатын 300 орындық мектеп құрылысына жер телімі бөлініп отыр екен.Бала бақыты барлығынан биік екендігі анық. Осы тұста кент көлемінде екі балабақша жұмыс істеп келеді. «Күншуақ» жеке балабақшасында 40 бала тәрбиеленсе, ағымдағы жылдың қыркүйек айында 140 орындық «Асылым» жеке бөбекжай-бақшасы пайдалануға берілген.Қай өңір болмасын ондағы агроөнеркәсіп жайы туралы сөз қозғамасқа болмайды. Кенттің ауылшаруашылық саласы жұмысына назар аударар болсақ, бүгінгі күні кент бойынша 3000-ға жуық мүйізді ірі қара, 2000-ға жуық жылқы, 2300-ден аса түйе малы, 4500-нан аса қой-ешкі өсірілуде. Мал шаруашылығымен 29 шаруа қожалық, &nbsp;20 дара кәсіпкер айналысса, қалғаны жеке тұрғындардың үлесінде екен. Сонымен бірге ауылшаруашылық саласы бойынша 4 бас асыл тұқымды бұқа сатып алынған. 2 шаруа қожалығы («Бексұлтан» және «Ер-Нұр» ШҚ) 100 аналық сиырға субсидия алып, тұқымдық түрлендіру бойынша 45 100 000 тенге көлемінде несие мен грант жеңіп алған. Сондай-ақ, үстіміздегі жылы төтенше жағдайды алдын-алуды қаржыландыру резерві есебінен жайылымдық жерлерді суландыру мақсатында жаңадан 2 су ұңғымасы қазылып, мал шаруашылығын дамытуға қолайлы жағдай жасалып жатыр.Ел эконмикасын дамытушы кәсіпкерлік саласы да атаулы кентте жүйелі даму үстінде. Мәселен кент бойынша 1 акционерлік қоғам, &nbsp;6 жауапкершілігі шектеулі серіктесігі, 125 жеке кәсіпкер тіркелген екен. Оның ішінде 27 азық-түлік дүкені, 5-еуі қызмет көрсетумен (шаштараз, сұлулық салоны) айналысады. Сонымен қатар кентте &nbsp;2 &nbsp;сауда үйі (мини-маркет) ашылып, &nbsp; ағымдағы жылдың өткен мерзімінде ЖК «Жалғасбаев А» кенттен дәріхана және май құю бекеті жұмыс жасауда. Сонымен қатар, Қызылорда өңірлік инвистициялық даму орталығы арқылы 140 орындық «Асылым» жеке бөбекжай-бақшасы өз жұмысын бастап кеткен. ЖК «Жалгасбаев Н» шағын құс фермасын ашып, қазіргі таңда тауық етін (бройлер) шығарып тұрғындарға ұсынып келеді. Жеке кәсіпкерлер жылыжай, қоғамдық монша салу және тағы да басқа кәсіп түрлеріне &nbsp;қызығушылық білдіріп, жоспарлап қойған. Бүгінгі күні атаулы жұмыстың алдын-ала дайындау жұмыстары жүргізіліп келеді.Жақсықылыш кентінде әлеуметтік инфрақұрылым және абаттандыру жұмыстары бойынша біршама жұмыстар атқарылған екен. Бүгінде ауылдағы халыққа қажет әлеуметтік инфрақұрылымдарға қатысты біршама мәселелер шешімін тапқан. Кент бойынша жалпы 874 үй электр қуатымен қамтылса, ауыз су барлық үй сумен қамтамасыз етілген. &nbsp;2020 жылы кентке газ желісі жүргізіліп, 789 тұрғын үй газ &nbsp;жүйесіне қосылды. Ұзындығы 8,7 шақырымды құрайтын 17 көше жаңадан асфальтталып, 211 электр бағаналарына заманауи светодиодты шамдары орнатылды. Сондай-ақ, жаңадан жеке тұрғын үй салу үшін 60 га жер учаскесіне инфрақұрылым жүргізу жұмыстары оң шешімін тауып, алдымыздағы жылы тиісті жұмыстарды жүргізу мақсатында іс-шаралар қабылданған. Биылғы жылы кент мешітінің бастамасымен ауыл жастары мен кәсіпкерлердің демеушілігі арқылы ауылдық мешіт үйі кеңейтіліп, күрделі жөндеуден өткізілген екен.Атаулы кентте бұқаралық спортты дамытуға үлкен мән беріледі. Ауыл жастарының бастамасымен ашық спорт алаңының құрылысы жүргізіліп жатыр. &nbsp;&nbsp;

Арал ауданында инфрақұрылымға қатысты біршама мәселелер шешімін тапқан

<a href="https://kyzylorda-news.kz/">Kyzylorda-news.kz.</a> Әбділда Тәжібаев атындағы Қызылорда облыстық әмбебап ғылыми кітапханасы «Кітап бізді өзгертеді» жобасын өткізді.&nbsp;Жоба аясында «Кітап құрттары» ерікті жастар ұйымымен бірлесіп рухани құндылықтарды насихаттап, оқырмандардың кітапқа деген қызығушылығын арттырып, кітап оқуды ілгерілету мақсатында облыс орталығындағы орталық көше Арбаттың бойында «Жастар – Start» атты буккроссинг ұйымдастырылды.&nbsp;«Буккроссинг» қозғалысы кітап пен оқырман арасын жақындатудың тиімді жолы. Кез-келген адам оқыған қызықты кітаптарын буккроссинг сөрелеріне қойып, орнына сол сөреден өзі оқымаған кітапты алып кетуі арқылы достарымен бөліседі.&nbsp;Іс-шара барысында кітап сүйер оқырмандар кез келген ұсынылған кітапты оқып, оны жеке пайдаланудағы басқа кітапқа айырбастауға мүмкіндік алды. Буккроссингте оқырмандарға әр түрлі әдеби жанрдағы көркем кітаптар ұсынылды.Сонымен қатар облыстық кітапхананың ұйымдастыруымен 2022 жыл - Балалар жылына орай түрлі іс-шараларды өткізіп келеді.&nbsp;Балаларды кітап оқуға қызықтыру мақсатында ұйымдастырылған шара апта басында өтті. Оқушылардың сәндік қолданбалы шығарма бұйымдарына деген қызығушылылығын ояту, қолөнер дағдыларын үйрету мақсатында фетрден кітап жасау бойынша шеберлік сағаты ұйымдастырылды.Шараға Б.Шалғынбаев атындағы №217 ІТ-мектеп-лицейінің көркем еңбек пәнінің мұғалімі Рисманбетова Гүлмира Сағындыққызы 8-сынып оқушылары қатысты.Шара барысында балаларға фетрден кітап жасаудың тәсілдері, қажетті құрал-жабдықты дұрыс пайдалану және қауіпсіздік ережелерін сақтау туралы мәлімет берілді. Шара соңында қатысушылар «Қарлығаштың құйрығы неге айыр?» атты ертегісі бойынша кітап жасап шығарды.<figure class="image"><img src="https://knadmin.beoblood.kz/uploads/316408132_3434738696848734_4958276450278656495_n_9fba391350.jpg" alt="316408132_3434738696848734_4958276450278656495_n.jpg"></figure><figure class="image"><img src="https://knadmin.beoblood.kz/uploads/316411916_3435508763438394_5657231630244358523_n_3a321b9b4e.jpg" alt="316411916_3435508763438394_5657231630244358523_n.jpg"></figure>

Қызылордалық жастар буккроссинг қозғалысына қосылды

<a href="https://kyzylorda-news.kz/">Kyzylorda-news.kz.</a> Биыл Қызылорда облысында эпизоотиялық ахуал тұрақты сақталуда. Сәйкесінше, жыл басынан бері 5 мыңнан астам жануарға 14 түрлі жұқпалы ауруға қарсы &nbsp;арнайы препарат салынып, алдын ала егу жұмыстары 100 пайызға толық орындалды. Бұл туралы Өңірлік коммуникациялар қызметінде өткен брифингте облыстық ветеринария басқармасының басшысы Шахмардан Қойшыбаев хабарлады.<blockquote>«Қазіргі таңда республика бойынша 299 елдімекен аса қауіпті 20 түрлі аурудың қолайсыз ошағы ретінде тіркеліп отыр. Алайда біздің өңірімізде эпизоотиялық жағдай тұрақты деп бағалануда. Биыл жануарлар мен адамға ортақ жұқпалы бруцеллез ауруының алдын алу мақсатында 1318,4 мың мал басының қан құрамы тексерілді. Нәтижесінде 99 жануардан аталған ауру анықталып, ветеринариялық-санитариялық талаптарға сәйкес залалсыздандырылды», - дейді Шахмардан Қойшыбаев.</blockquote>Басқарма басшысының айтуынша, бірдейлендіру ақпараттық жүйесіне енгізілмеген ауыл шаруашылығы жануарларын тіркеу үшін «Жасыл дәліз -3» &nbsp;арқылы 70,5 мың мал басы аталған жүйеге енгізілген.&nbsp;<blockquote>«Осыған сәйкес, төрт-түлік саны былтырғы жылға қарағанда 6 пайызға өскен. Нақтырақ айтқанда, мүйізді ірі қара саны – 7,6 пайызға, уақ мал – 3,3 пайызға, жылқы – 17,5 пайызға, түйе – 7,7 пайызға көбейді. Былтыр қабылданған «Жануарларға жауапкершілікпен қарау туралы» ҚР Заңына сәйкес, облыс көлемінде үй жануарларын құтыру және эхинококкоз ауруына қарсы егу жұмыстары да белсенді түрде жүргізілуде», - деді Шахмардан Қойшыбаев.</blockquote>Айта кетейік, облыс бойынша мал өлекселері мен биологиялық қалдықтарды тастайтын 146 мал қорымы бар. Оның ішінде, ветеринариялық-санитариялық талаптарға сәйкес 90 типтік жобадағы, қалған 56-ы қарапайым шұқырлар.&nbsp;<figure class="image"><img src="https://knadmin.beoblood.kz/uploads/316308609_1673949456333893_695150121747757026_n_35b3ee448e.jpg" alt="316308609_1673949456333893_695150121747757026_n.jpg"></figure>

Шахмардан Қойшыбаев: Қызылордада эпизоотиялық жағдай қалыпты деңгейде

<a href="https://kyzylorda-news.kz/">Kyzylorda-news.kz.</a> Жаңақорған аудандық &nbsp;пробация есебіндегі &nbsp;Алмас есімді жазасын өтеуші өз кәсібін ашып, ісін алға жүргізіп отыр. &nbsp;Ол сот үкімімен ҚР ҚК-нің 293 бабының 3- бөлігімен (бұзақылық) кінәлі деп танылып, 3 жыл 6 айға бас бостандығын шектеу тағайындалып, &nbsp;пробация есебіне алынған. &nbsp;&nbsp;Жеке кәсіп ашсам деген ниеттенген Алмасқа &nbsp; пробация инпекторлары құқықтық көмек көрсетеді. &nbsp;Нәтижесінде ол &nbsp;«Нәтижелі жұмыспен қамту және жаппай кәсіпкерлікті дамыту» бағдарламасының «Бастау Бизнес» жобасы бойынша бір айлық «Кәсіпкерлік негіздері» курсын оқып, онлайн тестілеуін тапсырып, сертификатын алып, өз жобасын қорғап шыққан. Мемлекеттен қайтарымсыз 1 млн 225 200 теңге грант ұтып алып, мал шаруашылығымен айналысуда.&nbsp;<blockquote>«Мемлекеттен қайтарымсыз қаражат алып, жылқы өсірумен &nbsp;айналысып жатырмын. Ата-бабаларымыз төрт түліктің ішінде жылқы малын ерекше қадір тұтқан. Мінсе көлік, жесе тамақ, сауса сусын. &nbsp;Алға қойған мақсатым да &nbsp;бар. Жылқы басын көбейтіп, бордақылаумен де айналысатын боламын. Кез келген істің белгілі бір қиындығы мен сын сағаты болады. Бұл жұмыс табан етті талап еткенмен, берер берекесі мол. Сондықтан да бұл кәсіпке балаларымды да баулып жүрмін»,-деді есептегі азамат.&nbsp;</blockquote>Аудандық пробация қызметінің бастығы әділет майоры Анарбек Искаковтың айтуынша пробация бақылауындағы азаматтар арасында 3 сотталған жеке кәсіп ашып, мемлекетткен қайтарымсыз қаражат алған.&nbsp;<blockquote>«Олардың барлығы мал шаруашылығмен айналысып, ісін дөңгелетіп отыр. Тағы 2 азамат жеке кәсіп ашуға ниеттеніп, «Нәтижелі жұмыспен қамту және жаппай кәсіпкерлікті дамыту» бағдарламасының «Бастау Бизнес» жобасы бойынша бір айлық «Кәсіпкерлік негіздері» курсын оқып жатыр. Олар сертификатын алған соң &nbsp;өз жобаларын коммиссия алдында қорғап, мақұлданып жатса, мемлекеттен қайтарымсыз грант ала алады», - деді әділет майоры Анарбек Искаков. &nbsp;</blockquote>&nbsp;

Қызылордада пробация есебіндегі тұрғын жылқы өсірумен айналысып жатыр  

<a href="https://kyzylorda-news.kz/">Kyzylorda-news.kz.</a> Синоптиктер 26-28 қарашаға арналған ауа райы болжамын ұсынды.Метеорологтар мәліметінше, демалыс күндері Қазақстан аумағының басым бөлігіне солтүстік антициклон әсер етеді, соған байланысты республиканың солтүстік-батысында, солтүстігінде, орталығы мен шығысында ауа температурасы төмендейді және жауын-шашын тоқтайды деп күтіледі.Атмосфералық фронттарға байланысты 26 қарашада шығыста, 26-28 қарашада республиканың оңтүстігінде және оңтүстік-шығысында тұрақсыз ауа райы күтіледі, қар түріндегі жауын-шашын болады, 26 қарашада шығыста, 26-27 қарашада оңтүстік-шығыста – қалың қар жауады.<blockquote>"Республиканың шығысында, оңтүстігінде және оңтүстік-шығысында тұман күтіледі, жел секундына 15-28 метр күшейеді, шығыста бұрқасын, оңтүстікте және оңтүстік-шығыста көктайғақ болады. Түнде ауа температурасы төмендейді: батыста 5-15 градус аяз, 26-27 қарашада солтүстік-батыста 20-30 градус аязға дейін, солтүстікте 23-36 градус аязға дейін, орталықта 17-34 градус аязға дейін, 27-28 қарашада шығыста 27-38 градус аязға дейін, 27-28 қарашада оңтүстікте, оңтүстік-шығыста 5-15 градусқа дейін, таулы жерлерде 15-20 градус аязға дейін", - делінген хабарламада.</blockquote>

Алдағы күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Бүгін Қасым-Жомарт Тоқаевтың Республикалық қоғамдық штабының қорытынды отырысы өтті. Жиын барысында үгіт-насихат кезеңінде атқарылған жұмыстар талқыланды.Штаб басшысы Ерлан Қошанов президенттік сайлау заңға және халықаралық нормаларға толық сәйкес өткенін жеткізді.<blockquote>«Жалпы, бұл сайлау қоғам мен биліктің елдің ертеңгі дамуына қатысты түсінігі ортақ екенін көрсетті. Халық Президенттің реформалары белгіленген мерзімде және толық орындалатынына сенімді болуы керек. Бұл – Халықтық коалицияның басты міндеті», – деді Штаб басшысы.</blockquote>Ерлан Қошанов Халықтық коалицияның, Республикалық және аймақтық қоғамдық штабтардың мүшелеріне, сенімді өкілдерге, жастар белсенділері мен бақылаушыларға атқарылған жұмыстар үшін алғысын білдірді.Үгіт-насихат науқаны кезінде Қасым-Жомарт Тоқаевтың жақтастары 42 қала мен 5000-нан астам ауылды аралады. Олар өткізген 24 мың үгіт-насихат іс-шарасына 3 миллион сайлаушы қатысты. Кездесулер барысында азаматтардан 40 мыңнан астам ұсыныс пен тілек жиналды.<blockquote>«Халықтық коалицияның жұмысы мұнымен аяқталмайды. Біз бәріміз Мемлекет басшысы жақтастарының командасында қаламыз. Коалицияға кірген барлық қоғамдық-саяси күш Қасым-Жомарт Тоқаевтың Сайлауалды бағдарламасын және барлық саяси реформаны жүзеге асыруға белсенді атсалысады деп ойлаймын», – деді Ерлан Қошанов.</blockquote>Жиын барысында тұңғыш ғарышкер, «Халық қаһарманы» Тоқтар Әубәкіров, «Ақ жол» Қазақстан демократиялық партиясының төрағасы Азат Перуашев, Қазақстан Халық партиясының басшысы Ермұхамет Ертісбаев, қоғам қайраткері Жақсыбек Құлекеев, Қазақстанның Азаматтық Альянсының президенті Бану Нұрғазиева, Қазақстан Жазушылар одағының төрағасы Ұлықбек Есдәулет, белгілі заңгер Бақытжан Базарбек, Павлодар облыстық қоғамдық штабының басшысы Илья Теренченко және «Qazaqstan Team» жастар бірлестігінің басшысы Олжас Сүлейменов және коалицияның басқа да мүшелері сөз сөйледі. &nbsp;<img src="https://knadmin.beoblood.kz/uploads/316129643_721725885981235_5448287020368326533_n_a0832b0bf1.jpg" alt="316129643_721725885981235_5448287020368326533_n.jpg"><img src="https://knadmin.beoblood.kz/uploads/315162777_721725962647894_7632401221269397060_n_d0aa396f42.jpg" alt="315162777_721725962647894_7632401221269397060_n.jpg"><img src="https://knadmin.beoblood.kz/uploads/315540798_721725979314559_7592893484865865607_n_cf31b6c259.jpg" alt="315540798_721725979314559_7592893484865865607_n.jpg"><img src="https://knadmin.beoblood.kz/uploads/316268246_721725912647899_6516421110365442614_n_329fcac680.jpg" alt="316268246_721725912647899_6516421110365442614_n.jpg">

Ерлан Қошанов: Халықтық коалицияның басты міндеті – Президент реформаларын орындау

<a href="https://kyzylorda-news.kz/">Kyzylorda-news.kz.</a> Қызылорда қаласының орталықтандырылған кітапханалар жүйесіне қарасты №6 кітапхана Ыбырай Жақаев атындағы Қазақ күріш ғылыми-зерттеу институтының құрылғанына 50 жыл толуына орай «Сыр күріші – ел ырысы» атты ақпараттық сағат өткізді.Іс-шара барысында Ыбырай Жақаев атындағы Қазақ күріш ғылыми-зерттеу институты Басқарма төрағасының ғылыми жұмыстар жөніндегі орынбасары, ауыл шаруашылығы ғылымдарының докторы, ҚР АШҒА корр.-мүшесі Ә.Тоқтамысов мекеменің құрылу тарихындағы тың деректермен және мекеменің тек күріш шаруашылығымен ғана емес, жергілікті климатқа бейімделген бидай, арпа, жоңышқа, сұлы және мал азықтық дақылдарының да селекциясымен, оларды өсіру технологиясымен айналысатын жайлы мол ақпарат берді.Мекеменің кіші ғылыми қызметкері Н.Жұмашев және машықтанушы А.Орынбекқызы «Тұқым шаруашылығы зертханасының» іс-тәжірибесімен күріштің жергілікті «Маржан», «Сыр сұлуы», «Ай Керім», «КазЕр-6», «Түгіскен-1», «Ай Сәуле», «Ару» және т.б. бірнеше сорттарымен, оларды өсіру, күтіп-баптау, жинау жұмыстарымен таныстырды.Кітапхана қызметкерлері күріш шаруашылығының дамуына сүбелі үлес қосқан екі мәрте Социалистік Еңбек Ері, дән атасы Ыбырай Жақаевтың және т.б. еңбек адамдарының өнегелі өмір жолымен, ауыл шаруашылығы саласындағы «Қазақстан күріші», «Күріш өсірушінің анықтамалығы», Ә.Тәжібайұлының «Күріш ауыспалы егістігін механикаландыру», Б.Айдосовтың «Дала академигі Ыбырай Жақаев және оның ізбасарлары», Ж.Әбілдаеваның «Арал өңіріндегі күріш ауыспалы егісі дақылдарының аурулары мен зиянкестері және оларды қорғау жүйесі» және т.б. әдебиеттерге библиографиялық шолу жасады.Іс-шараның мақсаты аймағымыздағы ауыл шаруашылығы саласындағы ғылыми шаңырақтың тарихымен таныстыру, ауыл шаруашылығының дамуына сүбелі үлес қосқан ғалымдардың еселі еңбектері мен ауыл шаруашылығы саласындағы әдебиеттерді насихаттау болып табылады.<figure class="image"><img src="https://knadmin.beoblood.kz/uploads/316305315_1808579822857718_8101705557817460740_n_05477ee995.jpg" alt="316305315_1808579822857718_8101705557817460740_n.jpg"></figure><figure class="image"><img src="https://knadmin.beoblood.kz/uploads/316943129_1808579819524385_3920257616143265902_n_d9d319da88.jpg" alt="316943129_1808579819524385_3920257616143265902_n.jpg"></figure> &nbsp;

Қызылордада «Сыр күріші – ел ырысы» атты ақпараттық сағаты өтті

<a href="https://kyzylorda-news.kz/">Kyzylorda-news.kz.</a> Қызылорда облысының қоғамдық даму басқармасына қарасты «Жастар ресурстық орталығы» КММ-нің ұйымдастыруымен Байқоңыр қаласындағы Ресей Федерациясының жастарына Сырдың бас шаһарына арнайы экскурсия жүргізілді.Экскурсия барысында ең алдымен 40-тан астам Ресей Федерациясының жастары Қармақшы ауданында орналасқан «Қорқыт Ата» мемориалдық кешеніне барып, түркі жұртына ортақ зиярат ету орнымен танысты. Кешен жанынан ашылған мұражай экспозициясындағы құнды материалдармен танысып, мол мағлұмат алды.Байқоңыр жастары мұнан кейін Қызылорда қаласына келіп, облыстық «Жастар ресурстық орталығы» КММ-нің жұмысымен танысты. 2019 жылдан бері аймақ жастарын әдістемелік сүйемелдеу мен жан-жақты қолдау мақсатында ашылған орталық ғимаратының құрылысы, арнайы жабдықталуы мен креативті дизайны Ресей жастарына айрықша әсер қалдырды.Экскурсия барысында Ресей Федерациясының Мәдениет, жастар саясаты, туризм және спорт басқармасының басшысы Ким Жанна Нукатаевна Жастар ресурстық орталығының басшылығына шексіз ризашылығын білдіріп, алдағы уақытта тығыз әріптестік байланыс орнатуға тілектестік білдірді. Сонымен қатар, арнайы сый-сияпатын ұсынды.Өз кезегінде, облыстық «Жастар ресурстық орталығы» КММ-сі директорының орынбасары Ерлан Мырзалыұлы барша қонақтарға алғыс айтып, арнайы қонақкәде ұсынды.Байқоңырлық жастар облыс орталығына сапары барысында Қызылорда облыстық тарихи-өлкетану музейіне де бас сұқты. Мұнда экскурсовод тарихи жәдігерлер мен құнды мұралар жөнінде қос тілде қатар таныстырып, ресейлік азаматтарға сыр өлкесі жайында жаңа ақпараттар жеткізді.&nbsp;Экскурсия соңында қос елге есімі белгілі музыкант Батырхан Шүкенов атындағы саябаққа барып, жастар естелік суретке түсті.&nbsp; &nbsp;<img src="https://knadmin.beoblood.kz/uploads/316800816_1397018417739480_798356553054750451_n_440115c9bd.jpg" alt="316800816_1397018417739480_798356553054750451_n.jpg"><img src="https://knadmin.beoblood.kz/uploads/316814855_1397018327739489_3274730852537033771_n_f3a31adaad.jpg" alt="316814855_1397018327739489_3274730852537033771_n.jpg"><img src="https://knadmin.beoblood.kz/uploads/316816053_1397018494406139_3469673022661676233_n_4fc06b1c54.jpg" alt="316816053_1397018494406139_3469673022661676233_n.jpg">

Екі елдің жастары әріптестік-достық байланыс орнатпақ

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалы жанындағы Экономика, кәсіпкерлік және аграрлық сектор мәселелері және Өңірлік даму жөніндегі аймақтық қоғамдық кеңес мүшелері «Жан Арай» ЖШС-де ауылшарушылық саласының өкілдерімен Қазақстан Республикасы Президентінің кезектен тыс өткен сайлауының қорытындысы бойынша кездесу өткізді.Жиында Өңірлік даму жөніндегі қоғамдық кеңес төрағасы Қожахмет Ильясов сала өкілдеріне сайлау науқанына белсенді қатысып, Әділетті де Қуатты Қазақстан үшін таңдау жасағандарына алғыс білдірді.Аймақтық экономика, кәсіпкерлік және аграрлық сектор мәселелері жөніндегі қоғамдық кеңес төрағасы Бақдаулет Махашов Мемлекет басшысы Қасым-Жомарт Тоқаевтың ауылшаруашылығы саласына қатысты алдағы 7 жылға жоспарланып отырған бірқатар шаруаларды тілге тиек етіп, еңбек адамдарына жасалатын қамқорлық жайын айтты.Сонымен қатар, еліміздің агроөнеркәсіптік кешенінің қазіргі жағдайы және азық-түлік қауіпсіздігін қамтамасыз ету, саланы реформалау бойынша қабылданып жатқан шаралар туралы баяндады.Жиында сала өкілдері аталған бағдарламалардың жоғары деңгейде жүзеге асырылатынына сенім білдірді. Сондай-ақ, алдағы уақытта да ел игілігі үшін жасалатын реформаларға белсенді атсалысатындарын жеткізді.<figure class="image"><img src="https://knadmin.beoblood.kz/uploads/316286580_516456017186706_7103457414799718298_n_d592817b1c.jpg" alt="316286580_516456017186706_7103457414799718298_n.jpg"></figure>

Қоғамдық кеңес мүшелері ауылшаруашылық саласының өкілдерімен кездесті

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданының әкімі Әділбек Ерсұлтанов «Ментальді арифметика» бойынша республикалық олимпиадаларда жүлдегер атанған оқушыларды қабылдады. Қабылдауға 11 оқушы, ата-аналары және мектеп мұғалімдері қатысты.«Аудандағы еліміздің нағыз жас патриоттары, білімге құштар, өзін-өзі жетілдіруге үнемі ұмтылатын, өршіл, ұлттық және азаматтық құндылықтарымызды қастерлейтін ұрпақ өсіп келеді. Бұл әрине қуантарлық жағдай. Осы ретте әрбір ата-ана, әрбір ұстаз балалар үшін лайықты үлгі болуға, нағыз қастерлі қасиеттерді таңдауға көмектесіп келеді. Оған дәлел бүгінгі бүлдіршіндеріміз. Олар қашанда ата-ана мен ұстазынан алған тәлім-тәрбиенің және өзіндік озық-ой дарындылықтары мен қарымды қабілеттерінің арқасында жетістікке жетуде. Сондықтан да әрдайым биік белестерді бағындырып, жоғарғы көрсеткіштеріңізбен алдағы уақыттада қуанта беріңіздер! Бүгінгі кездесуде баршаңызға білім белестерін бағындыруда жаңа жетістіктер мен зор шығармашылық табыстар жолында сәттілік тілеймін», – деді аудан әкімі Әділбек Ерсұлтанов.Қабылдауда оқушылардың ата-аналары сөз сөйлеп, ұл-қыздарының шығармашылығын шыңдауда атсалысқан ұстаздарының еңбегін айтып, алғыстарын жеткізді.Кездесу соңында бүлдіршіндердің білім бәсекесінде жеткен жетістіктері ескеріліп аудан әкімінің Алғыс хаттарымен марапатталды.Бүгінде ауданымызда оқушыларымыздың сабақтан тыс бос уақытын тиімді пайдалануда «Ментальді арифметика» жеке ақылы үйірмесі жұмыс жасайды. Қазіргі таңда бұл үйірме жетекшісі Жөнербаева Мереке Жолдасқызы. Үйірме 2022 жылдың наурыз айында ашылған. Оқушылар аптасына бес күн ақылы негізде қатысады. Үйірме ашылғанына аз ғана уақыт болсада жеткен жетістіктері жетерлік.Бірнеше рет Шымкент, Алматы, Астана қалаларында олимпиадаларға қатысып, жүлделі орындар алған.<img src="https://knadmin.beoblood.kz/uploads/316104945_2225464487624445_2371445701487722808_n_8355c7f07f.jpg" alt="316104945_2225464487624445_2371445701487722808_n.jpg"><img src="https://knadmin.beoblood.kz/uploads/316129548_2225464527624441_7395757777067543549_n_e94ffa1ddc.jpg" alt="316129548_2225464527624441_7395757777067543549_n.jpg"><img src="https://knadmin.beoblood.kz/uploads/316427950_2225464870957740_6335245464724881595_n_763f9835ea.jpg" alt="316427950_2225464870957740_6335245464724881595_n.jpg">

Қармақшы: «Ментальді арифметика» бойынша республикалық олимпиадаларда жүлдегер атанған оқушыларға құрмет көрсетілді

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, Жалағаш ауданы әкімінің ауылдарға жұмыс сапары Ақсу ауылында қорытындыланды. Алдымен атқарылған жұмыстарды саралап, алдағы мақсат-міндеттерге тоқталған Асқарбек Темірбекұлы бір сәт елдің талап-тілегіне де құлақ түрді.Аудан басшысы 2023 жылы Ақсуда атқарылатын бірқатар жұмыстарды атап өтті. Ақсу ауылының тұрғындары үшін қуанышты жаңалық келесі жылы ауыл тұрғындары көгілдір отынның игілігін көреді. Электр желілері толық жаңартылады. Ауылға кіре беріс жол жөнделеді. 10 ауылдық округте учаскелік полиция инспекторларына тұрғын үй берілетін болады. Олардың қатарында Ақсу ауылының учаскелік полиция инспекторы да бар. Тұрғын үй ауыл әкімшілігінің балансында болады. Осыған дейін бірнеше әкімнің тұсында айтылған ауылға кіреберіс жолдың да мәселесіне Асқарбек Темірбекұлы нүкте қойды. 2023 жылы Ақсу мен аудан орталығын жалғайтын жол күрделі жөндеуден өтеді.Елді мекенде алдағы жылы жүзеге асатын жұмыстар мұнымен шектелмейді. Келер жылы 150 орындық мәдениет үйінің іргетасы қаланады. Одан бөлек толық электр желісі жаңартылғалы тұр.Жоғарыда 2023-те кіреберіс жолдың күрделі жөндеуден өтетінін айттық. Бірақ Ақсуда жол құрылысы мұнымен шектелмейді. Келер жылы тағы мұнда ішкі 3 көшеге асфальт төселеді. Асқарбек Есжанов ауыл әкіміне халықпен ақылдасып, тағы 2 көшені ұсынуын сұрады. Демек алдағы жылы ауылда 5 көшенің сапасына мән беріледі деген сөз.Жалпы, аудан басшысының ауыл халқымен кездесуі еркін тақырыпта, сұрақ-жауап ретінде өтті. Аудан басшысымен келген тиіс сала басшылары тік тұрып, ауыл халқының көкейінде жүрген сұрақтарға жауап берді. Тұрғындар да дән риза, өздері тарапынан ұсыныстар айтып, сұрақтарын қойды. &nbsp;Нақтырақ айтсақ, ауылдағы мектепке білім саласының ардагері Бақберген Қожабаев атын беру, жер мәселесі туралы сұрақтар қойылды. Педагогикалық кеңес келіссе, мектептің атын өзгертуге еш кедергі болмайтынын айтты. Жер мәселесіне байланысты заңдылыққа сәйкес зерттеу зерделеу жүргізуге тиісті сала басшыларына нақты тапсырма берді.Қорытындылай келсек, бірлігі бекем, тірлігі тиянақты Ақсу ауылында алда атқарылар тірлік те, орындауға тиіс жоспар да жеткілікті. Айта кетейік, &nbsp;аудан әкімінің Жалағаш кенті тұрғындарымен кездесуі 29 қараша күні өтеді. &nbsp;<img src="https://knadmin.beoblood.kz/uploads/316241035_1590798068038932_9194421324400154403_n_632629256a.jpg" alt="316241035_1590798068038932_9194421324400154403_n.jpg">

Қазақстан және Қызылорда облысының жаңалықтары