Kyzylorda-newskz. Бүгін аудан әкімі Мұхтар Оразбаев Қарақұм беткейдегі Шәкен ауылына арнайы барып, шалғайдағы елді мекен тұрғындарымен кездесті.Кездесуде алдымен ауданда атқарылған жұмыстар мен алдағы уақытта қолға алынатын жобалар айтылып, тұрғындар тарапынан қойылған сауалдарға жауап берілді.Сондай-ақ, Мұхтар Әуесұлы 20 қарашада өткен кезектен тыс Президент сайлауына біркісідей қатысқан ауыл халқына алғысын айтып, ризашылығын білдірді.Басқосуда шалғайдағы Шәкен ауылының тұрғындары елді мекенге трансформатор орнату, №134 мектепке оқушылар тасымалдайтын автокөлік алып беру, кәсіпкерлерге жеңілдетілген несие беру, округке қарасты Шилі елді мекеніндегі ұялы байланыс желісінің сапасын жоғарылату және тағы басқа да бірнеше өзекті мәселелерді көтерді.Тұрғындардың көтерген мәселесіне байланысты аудан әкімі Мұхтар Оразбаев жауап беріп, айтылған ұсыныстардың барлығын рет-ретімен шешу үшін жүйелі жұмыс жүргізілетіндігін тілге тиек етті.Халықпен кездесулерде аудан прокуроры Дарын Әбіш те сөз сөйлеп, елімізде алғаш рет прокуратура туралы заңға конституциялық мәртебе берілгенін жеткізді.Тұрғындармен кездесулерге аудандық мәслихат хатшысы Бақытжан Жарылқап, аудан прокуроры Дарын Әбіш, аудандық полиция бөлімі бастығының бірінші орынбасары Ғанибек Құрманалиев, аудандық мәслихат депутаты Әбдуәли Рахметов және бірқатар дербес бөлім мен мекеме-кәсіпорын басшылары қатысты.Кездесулерден соң аудан әкімі Мұхтар Оразбаев пен аудан прокуроры Дарын Әбіш тұрғындарды жеке мәселелері бойынша қабылдап, ұсыныс-пікірлерін тыңдады.<img src="https://knadmin.beoblood.kz/uploads/FB_IMG_1669393471732_78f4251b38.jpg" alt="FB_IMG_1669393471732.jpg"><img src="https://knadmin.beoblood.kz/uploads/FB_IMG_1669393466554_9ffc71b8f7.jpg" alt="FB_IMG_1669393466554.jpg">

Мұхтар Оразбаев Қарақұм беткейдегі елді мекен тұрғындарымен кездесті

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданы әкімі Асқарбек Есжановтың төрағалығымен Қазақстан Республикасы Президентінің кезектен тыс сайлауының қорытынды жиыны өтті. Басқосуда аудан басшысы алдымен саяси науқанда сырбойылықтардың, оның ішінде жалағаштықтардың да белсенділік танытқанын тілге тиек етіп, қатысушыларға да алғысын білдірді.<blockquote>«Жексенбідегі саяcи науқанда Сыр елі сыр алдырмады, ал өзіміздің жалағаштықтар жауаптылық танытты. Бұл аймақтың, жалпы аудан жұртының ел болашағына бейжай қарамайтынын аңғартады. Баршаңызға кешегі саяси науқанның жоғары деңгейде өтуіне атсалысқандарыңыз үшін алғыс білдіремін, отбастарыңызға амандық, дендеріңізге саулық, елімізге береке, бірлік тілеймін», – деді аудан әкімі Асқарбек Есжанов.</blockquote>Мұнан кейін аудандық ардагерлер кеңесінің төрағасы Садық Әлиев пен билер кеңесінің төрағасы Кенжеғара Сүлейменов сөз алып, кешегі саяси науқанның маңыздылығына тоқталды.Расында, сайлауда жалағаштықтар белсенді болды. Бұл сөзімізді саяси науқан күнгі әрбір сайлау учаскесіндегі жағдай растайды. Күннің қай мезгілінде болсын өз таңдауын жасауға келген халық көп болды. Бастысы, ел болып ауызбіршілікпен сайлауды өз деңгейінде өткіздік.Жиында Асқарбек Есжанов жексенбідегі сайлауда саяси науқанның заң аясында және жоғары деңгейде өтуіне атсалысқан бірқатар азаматты аудан әкімінің алғыс хатымен марапаттады.<img src="https://knadmin.beoblood.kz/uploads/5_a74bfbfc79.jpg" alt="5.jpg"><img src="https://knadmin.beoblood.kz/uploads/7_777d92567f.jpg" alt="7.jpg"><img src="https://knadmin.beoblood.kz/uploads/6_40c770e6ca.jpg" alt="6.jpg"> &nbsp;

Қазақстан Республикасы Президентінің кезектен тыс сайлауын өткізу мен ұйымдастыруға атсалысқан азаматтар марапатталды

<a href="https://kyzylorda-news.kz/">Kyzylorda-news.kz.</a> Автомобиль жолдары мемлекет экономикасының күретамыры екені барлығымызға белгілі. Сондай-ақ, автомобиль жолдары халықтың қарым-қатынасы мен жүріп-тұрысының арқасында дамитын әлеуметтік-мәдени байланыстардың алтын арқауы болып табылады. Сондықтан да елдегі автомобиль жолдарының сапасын, әлеуетін қамтамасыз ету мемлекеттің басты міндеттерінің бірі екені сөзсіз.Осы орайда, автомобиль жолдары комитетінің төрағасы Төлеген Абдуллин биыл атқарылған жұмыстың алдын ала қорытындыларын шығарып, келесі жылға жоспарларымен бөлісті. Яғни, биыл құрылыс-монтаждау жұмыстарымен жалпы қолданыстағы 11 мың шақырымнан астам автожол қамтылған.<blockquote>«Республикалық желі бойынша 4 мың шақырымда құрылыс және реконструкция жұмыстары жүргізіліп жатыр, соның 1,2 мың шақырымын аяқтаймыз. Күрделі және орташа жөндеумен шамамен 3 мың шақырым жол қамтылды, соның 900 шақырымына жуығында жұмыстар мәресіне жетті. Жергілікті автожолдар желісіне тоқталар болсам, жөндеудің барлық түрімен 4,6 мың шақырым жол қамтылған, соның 2,6 мың шақырымы аяқталады», – деді Төлеген Абдуллин.</blockquote>Осылайша, жыл қорытындысы бойынша нормативтік жағдайдағы жолдардың үлесі республикалық желі бойынша 91 пайызғаға және жергілікті желі бойынша 85 пайызға дейін жеткізілетін болады. Сондай-ақ, Төлеген Абдуллин брифингте биыл ұзындығы 72 шақырым болатын «Подстепное – Федоровка» автожолының екі учаскесін реконструкциялау жұмыстары басталғанын мәлімдеді. Қалған 2 учаскеде қаражат тарту есебінен қаржыландыру мәселесі пысықталуда.Бұдан бөлек биыл Қызылорда облысының аумағы бойынша «Қызылорда-Жезқазған» автожолын қайта жаңарту басталғанын хабарлады. Ал Ұлытау облысының аумағындағы қалған учаскелер бойынша мердігерлік ұйымды анықтау үшін конкурстық рәсімдер жүргізіліп жатқанын айтты. Сондай-ақ жекелеген учаскелерде жобалау сметалық құжаттамалар әзірлеу жұмыстары аяқталуда. Аталған жобалар Мемлекет басшысының тапсырмасы аясында жүзеге асырылып жатқанын айта кеткен жөн.<blockquote>«Әлеуетті жобаларға тоқтала кетсем, жобалау процесінде 3 жаңа жоба бар. Атап айтқанда, Орал қаласының оңтүстік-батыс айналма жолымен «Атырау-Орал», «Жезқазған-Қарағанда» және «Ақтөбе-Ұлғайсын». Жобалау жұмыстарын 2023 жылы аяқтау көзделіп отыр. Бұдан соң құрылыс-монтаждау жұмыстарын бастау жоспарлануда», – деді Комитет төрағасы Төлеген Абдуллин.</blockquote>2023 жылғы жоспарға сәйкес жолдардың нормативтік жағдайын арттырып, сақтау үшін шамамен 3,5 мың шақырым жол жөндеумен қамтылмақ. &nbsp;<img src="https://knadmin.beoblood.kz/uploads/7_e904fe7b1d.jpg" alt="7.jpg">

Төлеген Абдуллин: «Қызылорда-Жезқазған» автожолын қайта жаңарту жұмыстары басталды

<a href="https://kyzylorda-news.kz/">Kyzylorda-news.kz.</a> Қызылорда облыстық ветеринария басқармасы басшысы Шахмардан Қойшыбаевтың айтуынша, биылғы жылдың 10 айында 35 мыңнан аса ит пен мысыққа екпе егілген.Қызылорда қаласында «Жануарларға жауапкершілікпен қарау туралы» Қазақстан Республикасының Заңы күшіне енгенше 1300 бас қаңғыбас ит ауланып жойылған. Бүгінде аймақта тұрғындардың өтініштері бойынша адам денсаулығына қауіп төндірген және агрессивті иттер аулануда.&nbsp;<blockquote>«Қызылорда облыстық мәслихаттың ХХ сессиясында «Жануарларды аулау, уақытша ұстау және жансыздандыру», «Үй жануарларын ұстау және серуендету» қағидалары бекітілді. Сонымен қатар, иесі бар иттер мен мысықтарға құтыру және эхинококкоз ауруларына қарсы жылда тұрақты алдын ала егу жұмыстары жүргізілуде. Биылғы жылдың 10 айында 29,6 мың бас ит, 5,5 мың бас мысық егілді», - дейді Шахмардан Қойшыбаев.</blockquote>Басқарма басшысының айтуынша, қазіргі күні, ҚР Қаржы министрінің бұйрығына сәйкес бюджеттік бағдарламалар айқындалып, оның ішінде «Қараусыз қалған және қаңғыбас жануарларды уақытша ұстау», «Қараусыз қалған және қаңғыбас жануарларды сәйкестендіру», «Қаңғыбас жануарларды вакцинациялау және стерилизациялау», «Иелері халықтың әлеуметтік осал топтарына жататын үй жануарларын сәйкестендіру» жұмыстарын ұйымдастыру облыстың ветеринария басқармасына жүктеліп отыр.<blockquote>«Аудандардағы тұрғын үй коммуналдық шаруашылық, жолаушылар көлігі және автомобиль жолдары бөлімдеріне «Жануарларға арналған панажайлар, уақытша ұстау пункттерін салу», «Үй жануарларына арналған панажайларды, уақытша ұстау пункттерін ұстау» жұмыстарын ұйымдастыру құзыреттіліктері берілді. Осыған байланысты басқарма тарапынан жануарларды аулау, күтіп ұстау, сәйкестендіру, вакцинациялау, стерилизациялау жұмыстарына қажетті қаржы көлемінің жобасы 458,7 млн. теңге есептелді. Ал аудан, қала әкімдері панажайлар, уақытша ұстау пункттерін салуға жер телімдерін әзірлеп, қажетті қаржы көлемін есептеп, жоба-сметалық құжаттарды әзірлеу пысықталуда», - дейді Шахмардан Қойшыбаев.</blockquote><figure class="image"><img src="https://knadmin.beoblood.kz/uploads/316308609_1673949456333893_695150121747757026_n_35b3ee448e.jpg" alt="316308609_1673949456333893_695150121747757026_n.jpg"></figure>

Қызылордада биыл 10 айда 35 мыңнан аса ит-мысыққа екпе егілді

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, Жаңақорған ауданы әкімінің кезекті сапары үш ауылға бағытталды. Яғни, Қожамберді, Төменарық және Сүттіқұдық ауылына жолы түсті.Аудан әкімі алдымен Қожамберді тұрғындарымен кездесті. Сайлау науқанында белсенділік танытқан барша жаңақорғандықтарға алғыс білдірді. Бұл ауылда осыдан үш ай бұрын көтерілген мәселенің бірі – жайылымдық жер. Осы мәселе бойынша аудан басшысы бұл тығырықтан шығудың жолын ұсынды. Келер жылы қызылға, яғни құмға өндіріс орындарының қолдауымен скважина қаздырып, төрт түлікті сонда жіберу.Сондай-ақ, ауылдағы ағайын ауыз су мәселесіне алаңдаулы екен.<blockquote>«Бұл мәселе біздің құзырымызда емес. Өйткені, қаржы республикалық бюджеттен келеді. Бірақ, қуантарлығы келер жылға қаржы қаралды, бұйырса ауыз су жүргізіліп, толық іске қосылса, жөндеусіз қалған көшелер асфальттанады. Сәл сабыр сақтап күте тұруға тура келеді», – деді аудан басшысы.</blockquote>Аудандағы халық санынан үздік үштікті құрайтын ауылдың бірі Төменарық. Келер жылы бұл ауылда қос қуаныш орын алады. Бірінші, қаншама жылдан бері күткен аурухана құрылысы басталғалы тұр.Аудан басшысының айтуынша, &nbsp;негізі бұл құрылыстың іргетасы 2024 жылдың бюджетіне ысырылған, алайда, келер жылға қосылатын болыпты. Сондықтан алдағы жылы Төменарық аймағы күткен аурухана құрылысы басталмақ.Екінші жағымды жаңалық көгілдір отынның келуі. 2023 жылдың соңына дейін төменарықтықтар газға қосылатын болады.<blockquote>«Жаңақорғанда газ мәселесін шешу бойынша ауқымды жұмыстар атқарылуда. Келер жылы бұйырса Төменарықпен қатар, Жайылма, Шалқия, Құттықожа және Кейден ауылына газ құбырын тарту бойынша жұмыс басталады. Бұйыртып жатса келер жылдың соңы немесе 2024 жылы Төменарық зонасындағы ауылдар мен дарияның арғы бетіндегі 5 ауылға газ тарту құрылысы басталады. Барлығы уақыттың еншісінде, ең бастысы, жобамыз толық мақұлданды. Биылдың өзінде екі ауылға газ келіп тұр», – деді аудан әкімі.</blockquote>Соңғы мәселе, ауылдан үстінен өтетін “Семей-Қызылорда” пойызының тоқтауы. Бұл да әкімнің тікелей назарына алынды.Ал Сүттіқұдық тұрғындары көшелердің жарығы мен асфальт және электр желілерінің нашарлығына шағымдануда.<blockquote>«Әр ауылдың әкімі жаңашыл, ізденімпаз болуы тиіс. Қазіргі қоғамда бұғып қалуға болмайды. Ауылға керекті жоба болса, оның заңдылығы мен тиімділігін сараптап, қолдауға дайынбыз. Сондықтан, бар мәселені ауданға ысырып тастамай, ауыл әкімі де жұмыс жасау керек. Белсенді болыңыздар, мен кез келген бастаманы қолдауға дайынмын. Бұйырса келер жылы әр ауыл келбетінің гүлденуіне қомақты қаржы беріледі, соны тиімді пайдаланып, ауыл келбетін ажарландырып қою керексіздер. Ол үшін бүгіннен ауыл ақсақалдары мен қауымдастықпен ақылдаса отырып, іске кірісу керек», – деп межені айқындады.</blockquote><img src="https://knadmin.beoblood.kz/uploads/317085689_3306483382933335_1370807466492178290_n_81dc61a1d0.jpg" alt="317085689_3306483382933335_1370807466492178290_n.jpg"><img src="https://knadmin.beoblood.kz/uploads/317070845_3306483432933330_6243010110467702735_n_3dad188338.jpg" alt="317070845_3306483432933330_6243010110467702735_n.jpg">

Аудан әкімі Қожамберді, Төменарық және Сүттіқұдық ауылының халқымен кездесті

<a href="https://kyzylorda-news.kz/">Kyzylorda-news.kz.</a> Қызылордада ветеринария саласы бойынша 2013 жылдан бері жаңартылмаған автокөліктер алғаш рет жаңартылды. Бұл туралы Өңірлік коммуникациялар қызметінің баспасөз алаңында Қызылорда облыстық ветеринария басқармасының басшысы Шахмардан Қойшыбаев мәлімдеді.&nbsp;Мемлекет басшысы өткен жылғы Жолдауында мал басының амандығы және өнімділігі ветеринарлардың тиімді жұмысына байланысты екенін атап өтті. Сонымен қатар, ветеринариялық ұйымдар заман талабына сай болмаса ауыл шаруашылығы өнімдерінің экспортын арттыру мүмкін еместігіне тоқталып, ветеринария саласын реформалау туралы тапсырмалар берді.&nbsp; Осыған байланысты ветеринариялық ұйым мамандарының еңбек жалақыларын көтеру, материалдық-техникалық базасын жаңарту бойынша өңірде біршама жұмыстар атқарылды.<blockquote>«Ветеринариялық ұйымдардың материалдық-техникалық базасын жаңарту жұмыстары жүргізілді. Өткен жылы облыстық бюджеттен 111 млн. теңге қаржы бөлініп, 2013 жылдан бері жаңартылмаған автокөліктер алғаш рет жаңартылып, 15 дана УАЗ автокөлігі берілді. Сондай-ақ биылғы жылы да облыстық бюджеттен 73 млн. теңге бөлініп, қан үлгілерін жеткізуге арналған 140 термочемодан және ауыл шаруашылығы жануарларын бірдейлендіру жұмыстарын ақпараттық жүйеге енгізуді, мемлекеттік қызмет көрсетуді уақытылы, сапалы жүргізу мақсатында 140 компьютер жиынтығы сатып алынды», - деді басқарма басшысы.&nbsp;</blockquote>Келер жылы аймақта 30 дана арнайы автокөлік, 23 дана термочемодан, 23 дана компьютер жиынтығын сатып алуға қажетті қаржы қаралып отыр.<blockquote>«Биылғы жылы облыс бойынша эпизоотияға қарсы іс-шаралар жүргізуге 1 140 млн. теңге бөлінді. Бұл қаржы ветеринар мамандардың айлық жалақыларын 40 пайызға көтеруге жеткіліксіз болып, қосымша 723,8 млн. теңге қаралды. Нәтижесінде сәуір айынан бастап айлық жалақылары ветфельдшерлердікі 95-100 мыңнан 120-130 мың теңгеге, ветдәрігерлердікі 100-105 мыңнан 140-150 мың теңгеге, ветпункт менгерушілерінікі 110-120 мыңнан 180-190 мың теңгеге көтерілді», - дейді Шахмардан Қойшыбаев.</blockquote><figure class="image"><img src="https://knadmin.beoblood.kz/uploads/316308609_1673949456333893_695150121747757026_n_35b3ee448e.jpg" alt="316308609_1673949456333893_695150121747757026_n.jpg"></figure>

Биыл ветеринар мамандардың жалақысы көтерілген

<a href="https://kyzylorda-news.kz/">Kyzylorda-news.kz.</a> Қазақстан Республикасының орталық мемлекеттік музейі, Қызылорда облыстық мәдениет және спорт басқармасы және Қызылорда облыстық тарихи-өлкетану музейі үшжақты меморандумға қол қойды.&nbsp;Қазақстан Республикасы мәдениет және спорт министрлігінің қолдауымен ғылыми-зерттеу және мәдени-білім жұмыстары бойынша музей қызметкерлерінің біліктілігін арттыру жолдарын жүйелеу және дамыту мақсатында ҚР Орталық музейінде ұйымдастырылған республикалық ғылыми-әдістемелік семинар-тренинг аясында «Қызылорда облыстық тарихи-өлкетану музейі» директоры Көзейбаев Сапар Алиясқарұлы мен «Қазақстан Республикасының орталық мемлекеттік музейі» директоры Харипова Рашида Ерімқызы музей ісі және тәжірибе алмасу саласында ынтымақтастық туралы меморандумға қол қойды.&nbsp;Осы меморандум негізінде екі музей мәдени-білім беру мен ғылыми қор жобаларын әзірлеуді ынталандырып, баспа басылымдарымен және өзара қызығушылық тудыратын құжаттардың көшірмелерімен алмасып, ғылыми-әдістемелік семинарларға, ғылыми-тәжірибелік конференцияларға, диалог алаңдарына және өзге де іс-шараларға бірлесіп қатысу арқылы тәжірибе және білім алмасатын болады.<figure class="image"><img src="https://knadmin.beoblood.kz/uploads/315209168_1664462763951241_3280941585107676390_n_1cbbd14862.jpg" alt="315209168_1664462763951241_3280941585107676390_n.jpg"></figure>

Қызылорда: Тәжірибе алмасу саласында ынтымақтастық туралы меморандумға қол қойды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев өзінің «Жаңа Қазақстан: жаңару мен жаңғыру жолы» атты Қазақстан халқына жолдауында заң тәртібін күшейту және құқық қорғау қызметін жетілдіру мақсатында Прокуратура және Адам құқығы жөніндегі уәкіл туралы Конституциялық заңдар қабылдау қажеттігін атап өткен болатын.2022 жылдың 5 қарашасында Президентпен 6 заңға қол қойылды. Соның бірі – «Қазақстан Республикасының Прокуратурасы туралы» Конституциялық Заңы. Еліміздің тарихында алғаш рет бұл заң Конституциялық мәртебесіне ие болды. Конституциялық заң адамдар мен азаматтардың құқықтары мен бостандықтарын қорғау бағытында прокуратураның құқық қорғау функциясын күшейтіп, прокурорлардың құзыретін кеңейтті.Осы өзгерістерге сәйкес Жалағаш ауданының прокуроры Шыңғыс Есжанов жергілікті атқарушы, құқық қорғау және БАҚ өкілдерінің қатысуымен жиын өткізіп, онда Конституциялық заңның ерекшеліктері мен новеллаларына тоқталды.Бұл ерекшеліктерге тоқталатын болсақ, жаңа заң бойынша Бас Прокурор Конституциялық сотқа жүгіну құқықығына ие болды. Бұл ерекше мүмкіндік арқылы Бас Прокурор Конституциялық сотқа нормативтік-құқықтық актілер бойынша ресми түсініктеме беру үшін жүгінеді, сондай-ақ Бас Прокурордың өтінішімен Конституция нормаларына қатысты ресми түсіндіруді талап етуге ұсыныстар енгізе алады.Алғаш рет «Прокуратура туралы» Конституциялық заңмен прокурорларға елден заңсыз шығарылған сырттағы активтерді қайтарумен айналысу құзыреті берілді. Яғни, прокурорлар қылмыстық жолмен алынған кірістерді шетелден қайтару, оның ішінде қылмыстық процестен тыс мемлекеттің мүддесін білдіру бойынша халықаралық ынтымақтастық жөніндегі қызметті үйлестіру жұмысын іске асырады.Жаңа заңмен прокуратураға кәсіпкерлік субъектілерін тексеру құқығы берілді. Бұл құзырет тек Қазақстан Республикасы Президентінің, Бас Прокурордың тапсырмасымен және олардың келісімі бойынша ғана жүзеге асырылатын болады.Келесі ерекшелік – прокурорлар әкімшілік құқық бұзушылық туралы іс бойынша қосымша тексеріс жүргізуге, атқарушылық іс жүргізуге, жазаларды орындауға, прокуратураның талабы бойынша жүргізілетін тексерулерге, мемлекеттік құқықтық статистика және арнайы есепке алу мәселелері бойынша да жазбаша нұсқаулар беруге құқылы.Сонымен қатар, Жаңа Заң бойынша прокурор шығаратын қаулылар нақтыланып, қосымша жедел-іздестіру іс-шараларын жүргізу туралы, күзетпен ұстау, жазасын өтеп жатқан, сондай-ақ пробация есебінде тұрған адамдарға қатысты тәртіптік жазалар мен көтермелеулердің күшін жою, лауазымды және өзге де адамның актісін немесе әрекетін тексеру не өтінішті қарау аяқталғанға дейін үш жұмыс күніне дейін тоқтата тұру, сот орындаушыларының заңсыз актілерінің күшін жою және прокурорлық қадағалау актісін мәжбүрлеп орындату туралы қаулы шығаратын болды және олар міндетті түрде орындалуға жатады.Осыдан бөлек, прокуратура заңды бұзуға жол бермеу туралы түсіндірме енгізеді. Бұндай заңды түсіндіру шарасы тек ауызша және жазбаша ғана емес, жария нысанда да жүргізіледі.Тағы бір ерекшелік прокурорлардың ақпаратқа қол жеткізу мүмкіндігі туралы. Прокурор өз құзыретіне сәйкес дербес деректерді және заңмен қорғалатын өзге де құпияны қорғау жөніндегі талаптарды сақтай отырып, ақпаратқа, мәліметтер мен құжаттарға және өзге де материалдарға, сондай-ақ мемлекеттік органдар мен ұйымдардың ақпараттық жүйелері мен ресурстарына қол жеткізуге құқылы. Яғни, қажеттілік туындаған жағдайда прокурор тиісті тәртіптерді сақтай отырып, кез келген ақпаратқа қол жеткізе алады.Сонымен бірге бұл қабылданған «Прокуратура туралы» ҚР Конституциялық заңы алдағы уақытта елімізде адамдар мен азаматтардың бостандығы мен құқықтарын қорғау, әділ әрі құқықтық мемлекет құру жолындағы маңызды қадам болып табылатынын атап өтті.Жиын соңында аудан прокуроры баспасөз өкілдерінің сұрақтарына нақты жауаптар берді.<img src="https://knadmin.beoblood.kz/uploads/3_b1ffec2058.jpg" alt="3.jpg">

Жалағаш: Аудан прокурорының төрағалығымен жиын өткізілді

<a href="https://kyzylorda-news.kz/">Kyzylorda-news.kz.</a> Қазақстан Республикасы Ішкі істер органдарының Құрметті ардагері Мылтықбай Пейісовтың есіміне Қызылорда облысы Сырдария ауданы Шіркейлі ауылынан көше аты берілді.&nbsp;Шараға Қызылорда облысы полиция департаментінің басшылығы, облыстық Ардагерлер кеңесі, аудан,ауыл әкімдігі өкілдері, ардагердің туған-туысқандары қатысты.Запастағы милиция полковнигі Мылтықбай Пейісовтың ел үшін жасаған еңбегі ерен.<blockquote>«Көптеген жылдар бойы Ішкі істер органдарында қызмет атқарып, біліктілік пен қажыр-қайраты арқасында зор абырой биігінен көрініп, қоғамға, ұрпаққа абзал жан ретінде танылған Мылтықбай ағамыздың өмірі, еңбек жолдары баршамызға өнеге. Бүгінгі тарихи тағылымды күнде Мылтықбай Пейісұлының рухына тағзым ете отырып, Ата ізін ұлықтаған ұрпақтарына облыстық Полиция департаменті атынан береке-бірлік, амандық тілеймін. Ерін ардақтаған ел аман болсын», – деді Қызылорда облысы полиция басқарма бастығы полиция полковнигі Бауыржан Ибраев.</blockquote>Пейісов Мылтықбай Пейісұлы 1929 жылы 20-шы желтоқсанда Қызылорда облысының Сырдария ауданына қарасты Шіркейлі ауылында дүниеге келген.Осы ауылда «Қызылту» атындағы 7 жылдық мектепті бітіріп, 1944-1946 жылдар аралығында колхозда жұмыс істеген. 1946 жылдың тамыз айында Қызылорда қаласындағы М.Маметова атындағы педогогикалық училищеге түсіп, оны 1949 жылы бітіріп, Тереңөзек ауданының «ВЛКЖО», «Қызылту» орта мектептерінде бастауыш сынып оқушыларына сабақ берген. 1952 жылдың қараша айында армия қатарына алынып, 1955 жылдың қараша айына дейін Приморск крайы, Ворошилов қаласына қарасты Барабаш селосында 62133 номерлі арнайы батальонда азаматтық борышын атқарып, осы әскери бөлімде коммунистік партия қатарына қабылданған.1956 жылдың ақпан айында Қызылорда қалалық партия комитетінің жолдамасымен ішкі істер органына қызметке жіберіліп, жұмысты қалалық ішкі істер бөлімінде қатардағы милиционерден бастап, 1957 жылдың тамыз айында КСРО ішкі істер министрлігінің Ташкент қаласындағы милицияның арнайы орта мектебіне түсіп, 1959 жылы бітіріп шыққан.Қызметті Қызылорда облыстық ішкі істер басқармасында жалғастырып, қылмыс іздестіру бөлімінде жедел, аға жедел уәкіл, бастықтың орынбасары, қалалық ішкі істер бөлімінде бастықтың орынбасары, Сырдария аудандық ішкі істер бөлімінде, облыстық ішкі істер басқармасында БХСС (жемқорлықпен күрес жүргізетін бөлім) бөлімдерінде бастық болып қызмет атқарған.Қызылорда облыстық ішкі істер басқармасында қызмет істеп жүрген кезінде 2 рет (4 жыл) партбюроның хатшысы, ал Сырдария ауданында бірнеше рет аудандық партия комитетінің Пленум мүшелігіне, атқару комитетінің мүшелігіне және аудандық кеңестің депутаты болып сайланған.Ішкі істер органдарында 38 жыл қызмет атқарып, 1990 жылдың тамыз айында милиция полковнигі шенінде зейнеткерлікке шыққан. Білімі жоғары, 1966 жылы сырттай ішкі істер министрлігінің Алматы қаласындағы жоғарғы мектебін бітірген, заңгер.1990 жылдан бастап облыстық ішкі істер органдары Ардагерлер кеңесінің басшы қызметінде, 1990-2000 ж.ж. төрағаның орынбасары, 2000 - 2016 жылдары аралығында Кеңестің төрағасы қызметін атқарған.Ұлы Отан соғысы кезінде колхозда Үздік жұмыс істегені үшін КСРО Жоғарғы Кеңесінің 1947 жылғы жарлығымен «Ерен еңбегі үшін» медальмен, ҰОС-ғы Жеңістің 50, 55, 60, 65 жылдық омыраулық медальдарымен, ішкі істер органдарында ұзақ жылдар «мінсіз қызмет атқарған еңбегі үшін» ішкі істер министрлігінің ІІІ-ІІ-І дәрежелі, Қ.Р-сы полициясының 15 жылдығы және В.И.Лениннің туғанына 100 жылдығы омыраулық медальдармен марапатталған.Ардагерлер ұйымының жұмысында белсенділік көрсеткені үшін Ішкі істер министрлігінің «Құрметті Ардагері» омыраулық белгісімен, 2002, 2007 жылдары Құрмет Грамотасымен және 2010 жылы облыс әкімінің Алғысымен марапатталған.<figure class="image"><img src="https://knadmin.beoblood.kz/uploads/316240228_152465964188389_1871222123509760993_n_4d41f190ff.jpg" alt="316240228_152465964188389_1871222123509760993_n.jpg"></figure><figure class="image"><img src="https://knadmin.beoblood.kz/uploads/316172436_152465944188391_3789351628528193116_n_0214df8de2.jpg" alt="316172436_152465944188391_3789351628528193116_n.jpg"></figure><figure class="image"><img src="https://knadmin.beoblood.kz/uploads/316415939_152465924188393_554749283219589136_n_a517987e9b.jpg" alt="316415939_152465924188393_554749283219589136_n.jpg"></figure><figure class="image"><img src="https://knadmin.beoblood.kz/uploads/315849348_152465904188395_8808935807378389032_n_cef77d9cbb.jpg" alt="315849348_152465904188395_8808935807378389032_n.jpg"></figure>

Қызылордада тыл ардагері атына көше берілді

<a href="https://kyzylorda-news.kz/">Kyzylorda-news.kz.</a>&nbsp;Бүгін Жалағаш ауданында Қазақстан Республикасы Президент сайлауының қорытындысын қолдау мақсатында денсаулық сақтау саласының өкілдерімен кездесу өтті.Кездесу барысында қоғамдық штаб мүшелері Нәрікбаев Мұрат, Гүлнур Аманбаева, Шамитаева Әсем және Жақсылық Елубай кезектен тыс Президент сайлауының дауыс беру нәтижелерін айтып өтті.Жиын барысында штаб мүшелері сайлауға бару көрсеткіші бойынша Қызылорда облысы алдыңғы қатарларда болғаны және орталық сайлау комиссиясының қорытынды нәтижесі бойынша Қасым-Жомарт Тоқаев 81,31 пайыз дауыс жинап, жеңіске жеткендігін мәлімдеді.Сонымен қатар, сала өкілдері өз ойларын ортаға салып, сайлаудың жүйелі түрде әділ өткізілгендігін және Қасым-Жомарт Кемелұлы Тоқаевқа халық сеніп, бір ауыздан дауыс бергендігін айтып өтті.&nbsp;Сондай-ақ, аудандық денсаулық сақтау саласының қызметкерлері Қазақстан Республикасының Президентіне денсаулық сақтау саласын дамытуға, біліктілікті арттыруға және тәжірибе алмасуға қажетті жағдай жасайтынына зор сенім білдіретіндерін жеткізді. Біздің ендігі міндетіміз Президентіміздің ұсынған реформаларын жүзеге асыруға үлес қосу болып табылады дейдіОтырыс соңында сала өкілдері өткен сайлау туралы өз пікірлерін білдірді. Олар сондай-ақ, Қасым-Жомарт Тоқаевтың жеңісі туралы мақтанышын айтып, жылы лебіздерін жеткізді. &nbsp;<img src="https://knadmin.beoblood.kz/uploads/316153976_1049091713157369_4582012147979939352_n_3d56bcef58.jpg" alt="316153976_1049091713157369_4582012147979939352_n.jpg">

ҚР Президент сайлауының қорытындысын қолдау мақсатында денсаулық сақтау саласының өкілдерімен кездесу өтті

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданында Қызылорда облысы әкімінің 2022 жылғы 16 қарашадағы №01-5/6011-И ұйымдастыру нұсқаулығына сәйкес, «Төтенше жағдайлардың алдын алу және оларды жою бойынша іс-қимылға Азаматтық қорғау мемлекеттік жүйесін одан әрі жетілдіру, сондай-ақ қысқы кезеңдегі төтенше жағдайларға басқару органдарын, азаматтық қорғаудың күштері мен құралдарын ден қоюға дайындау» мақсатында аудан аумағында «Қыс-2022» республикалық командалық-штабтық оқу-жаттығуы өткізілді.Республикалық командалық-штабтық оқу-жаттығудың тақырыбы: «Қысқы кезеңдегі жағдайларда төтенше жағдайлардың алдын алу және жою жөніндегі іс-қимылдарға Азаматтық қорғау мемлекеттік жүйесінің басқару органдары мен күштерін дайындау».Оқу-жаттығу барысында аудандық азаматтық қорғау қызметтерінің саптық қарауы өткізіліп, күш-құрылымдардың дайындығы пысықталды. Саптық қарау өткізілгеннен кейін оқу-жаттығудың практикалық бөлігі жүргізілді. Практикалық жаттығуды жүргізу барысында авариялық-құтқару қызметтері және азаматтық қорғау құралымдарының қысқы кезең жағдайларында авариялық-құтқару және кезек күттірмейтін жұмыстарды орындауға әзірлігі тексерілді.Осылайша, аудандағы қыс мезгілінде төтенше жағдайлардың алдын алу, төтенше жағдай кезінде адам шығынын болдырмау және төтенше жағдайда ережеге сәйкес дер кезінде іс-қимыл атқаруды дұрыс ұйымдастыру мақсатында өткен оқу-жаттығу жұмыстары сала мамандарын бір пысықтаудан өткізіп алды.Қорытындылай келгенде, аудан құтқарушылары қыстың қаһарына толық дайын екендіктерін дәлелдеді. Сала басшылары құтқарушылардың биылғы қысқы маусымға дайындығы тыңғылықты деген баға берді. &nbsp;<img src="https://knadmin.beoblood.kz/uploads/316212114_1341610086583596_403271708566283205_n_1522123331.jpg" alt="316212114_1341610086583596_403271708566283205_n.jpg"><img src="https://knadmin.beoblood.kz/uploads/316539689_1341610316583573_5133922445384282486_n_61900059a9.jpg" alt="316539689_1341610316583573_5133922445384282486_n.jpg">

«Қыс – 2022» республикалық командалық-штабтық оқу-жаттығуы өткізілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық «Жастар ресурстық орталығы» мекемесінің ұйымдастыруымен «Білім. Тәрбие. Еңбек» тақырыбында студент жастармен кездесу өтті. Кездесуге Республикалық ақпаратты түсіндіру топ мүшесі Дінмұхамед Сманов арнайы қатысып, колледж студенттеріне тақырып төңірегінде мол мағлұмат берді. Білім мен тәрбиенің адам өмірінде алар рөліне кеңінен тоқталды.&nbsp;Өміріміздің даму барысын дұрыс түсініп, оның ішінде ғылымның, тәрбиенің, бүгіні мен ертеңін танып, бағдарлап отыруда тәрбие мен еңбек бөлінбестей берік, маңызды да мәнді рөл атқарады. Расында, адамзаттың жинақталған материалдық байлықтары қандай ұшан-теңіз болса, оның рухани байлығының қоры да сондай көп. Бұлардың бәрі баршаға бірдей қазына. Сондай-ақ, ата ананы сыйлау, ұстазды құрметтеу, білім алу, еңбек ету сынды адами құндылықтар мен адамға берілетін тәрбие бастаулары жөнінде сөз болған шарада тәрбие мен білім мәселесі де кеңінен қозғалды. Әбу Насыр Әл-Фараби: «Адамға ең бірінші, тәрбие беру керек. Тәрбиесіз берілген білім – адамзаттың қас жауы» дейді. Демек, әр адам алдымен отбасындағы тәрбие мен адамгершілік құндылықтарға мән бергені абзал.&nbsp;Шара соңында студенттер өз ойларымен бөлісіп, тақырып төңірегінде талқылау жасады.<figure class="image"><img src="https://knadmin.beoblood.kz/uploads/316419036_1397500654357923_6459191011152360655_n_5def55d21e.jpg" alt="316419036_1397500654357923_6459191011152360655_n.jpg"></figure>

Қазақстан және Қызылорда облысының жаңалықтары