<a href="https://kyzylorda-news.kz/">Kyzylorda-news.kz.</a>&nbsp; Жалпыұлттық социал-демократиялық партиясының тізімі бойынша Парламент Мәжілісінің депутаттығына кандидат Мақсұт Насибулов Астанада жұмыссыз жүрген азаматтармен кездесті.Кездесу барысында жұмыспен қамтумен қатар, азаматтардың несие берешегі туралы мәселелер көтерілді. Кандидаттың мәліметінше, 7,4 млн азаматтың басында кем дегенде бір несие бар. Жыл сайын бұл көрсеткіш артпаса, төмендеген емес. Мәселен, соңғы 12 айдың қорытындысы бойынша несие алған отандастарымыздың саны 962 мыңға артқан.<blockquote>«Бұл мәселені тұрғындардың әлеуметтік жағдайын арттыру арқылы реттеуге болады. Ол үшін нарықта сұранысқа сай мамандықтарды оқытуды мықтап қолға алған жөн. Оқу ақысын субсидиялау сияқты қаржылық проблемалардың да шешілуі маңызды», – деді Мақсұт Насибулов.</blockquote>Кездесуде жастарды баспанамен қамту мәселесі де сөз болды. Еліміздің бараз өңірінде, соның ішінде Алматы қаласында жастар үшін баспана – ең өзекті мәселе. Қалада пәтердің бағасы тым жоғары. Әрине, еңбек жолын енді ғана бастаған жастар бірден пәтер сатып ала алмайтыны түсінікті. Бірақ солай екен деп еш қарекетсіз қол қусырып отыруға болмайды. Жастардың баспана алуына жан-жақты жағдай жасау керек. Бұл – мемлекеттің басты міндетінің бірі. Осы орайда Жалпыұлттық социал-демократиялық партиясы жергілікті әкімдіктер тиімді тәсілдер ойластыруы керек деп есептейді.<blockquote>«Әкімдік жалға берілетін тұрғын-үй салу үшін инвесторларға тартымды болатын тиімді тәсілдерді ойластыруға тиіс. Бірақ жалдамалы үйлер тым қымбатқа түспеуі керек. Ондай пәтерлер, ең алдымен, қолжетімді болуға тиіс. Жалпы, жастар үшін бас­паналы болу қол жетпес арманға айналмауы керек. Басында баспанасы бар жастардың ертеңгі күнге деген сенімі артады. Қалаларда тұрғын-үй тапшылығын азайту – аса маңызды міндет», – дейді кандидат.</blockquote>Мақсұт Насибулов халықтың басым бөлігінің кедейлігі туралы мәселені көтерді. Оның айтуынша, халықтың жаппай кедейлігі мемлекетке өте қымбатқа түседі. «Бұл ретте, мәселені шешу үшін тың тетіктерді іске қосу маңызды», деді ол.&nbsp;

Баспана тапшылығын азайту – басты міндет

<a href="https://kyzylorda-news.kz/">Kyzylorda-news.kz.</a>&nbsp; Азат Перуашев бастаған «Ақ жол» партиясының республикалық штаб мүшелері Алматы облысына барды. Олар «Rollton» және «Bigbon» брендтерімен өнім шығаратын Қонаев қаласындағы «Маревен Фуд» компаниясының еңбек ұжымымен кездесті.Мұнда жылына 40 мың тоннадан асатын 65 түрлі өнім шығарылады. Кәсіпорында 850 қызметкер жұмыс істейді, өндірген өнімдері оннан астам алыс және жақын шетелге экспортталып отыр.<blockquote>« «Ақ жол» партиясы – кәсіпкерлер мен отандық тауар өндірушілердің өкілі. Біз бизнестің мүдделерін қорғау және ілгерілету үшін көп жұмыс атқарып келеміз. Бұған дейін сіздердің компанияларыңыз «Ақ жол» партиясына кірістер органдарының экспортталатын өнімге қосымша құн салығын қайтарудан бас тарту мәселесімен жүгінген еді. Біз Бас прокурор мен Жоғарғы сотқа дейін жеттік, кәсіпорын талабының дұрыстығы дәлелденді. Партия алдағы уақытта да компанияның дамуын қадағалап, қажет болған жағдайда мұндай маңызды инвестициялық жобаны жүзеге асыруға көмектеседі. Оның үстіне, мәселе азық-түлік тауарлары бағасының инфляциясы соңғы жылдары қатты байқалған тамақ өнеркәсібі туралы болып отыр», – деді Азат Перуашев.</blockquote>Кездесу барысында «Ақ жол» лидері партияның саяси бағдарламасының басым бағыттарын атап өтті. Ол адал бәсекелестік, әлеуметтік саясат, сыбайлас жемқорлықпен күрес, былтырғы конституциялық реформа және шетелге заңсыз шығарылған қаржыны елге қайтару мәселелеріне жан-жақты тоқталды. Кездесу емін-еркін пікір алмасуға ұласып, компания қызметкерлері несиенің қолжетімділігі, тұрғын үй бағасы, балалар жәрдемақысы туралы сұрақтар қойды. Бағаны ұстап тұру мәселесіне қатысты «Ақ жол» төрағасы Ұлттық банктің базалық мөлшерлемені көтеріп, несиені қымбаттату саясатын сынға алды.<blockquote>«Бұл жерде екі маңызды жайт бар: біріншісі – нарықты отандық тауарлармен толтыру. Екіншісі – ақшаның құны. Өйткені нарықтағы жағдай тауар мен ақша массасының арақатынасы­мен анықталады. Ақша көп, ал тауар аз болған жағдайда, сәйкесінше тауар қымбаттайды. Ал ақша аз, тауар көп болғанда, керісінше, кері үдеріс жүреді. Бізде мынадай жағдай: бүгінде Ұлттық банк базалық мөлшерлемені көтеру, яғни ақша массасын азайту арқылы бағаның өсуін тежеуге тырысып отыр», – деді А.Перуашев.</blockquote>

Кәсіпкерлер құқығы қорғалады

<a href="https://kyzylorda-news.kz/">Kyzylorda-news.kz.</a> Мемлекеттік корпорация қызметтерді сапалы түрде көрсету мақсатында 1414 желісінің жұмысын тұрақты түрде дамытып келеді. Бірыңғай байланыс орталығының желісінде 24/7 тәулік бойы мемлекеттік қызметтер бойынша кеңес беретін робот іске қосылды.&nbsp;Бірыңғай байланыс орталығының роботы ХҚКО-ға кезекке тұру, құжаттардың дайындығын тексеру, психоневрологиялық және наркологиялық диспансерден анықтамалар беру сияқты қызметтерді көрсете алады. Кезекті брондау үшін нөмірді енгізетін батырмада ЖСН-ды теріп, өзіңізге жақын ХҚКО-ны таңдап, орталыққа келу уақытын ескерту қажет. Оған қоса, робот арқылы анықтама алу үшін телефонға келген SMS хабарламадағы кодты растай отырып, ЖСН енгізу керек. Барлық қадамдар дұрыс орындалағаннан кейін 1414 нөмірінен SMS хабарлама арқылы анықтамаға сілтеме жіберіледі. Сонымен қатар, робот белгілі бір қызметті алу үшін қажетті құжаттардың тізімін SMS хабарлама арқылы жолдайды.<blockquote>«Виртуалды оператордың әлі де кемшілік тұстары бар. Қоңырау шалу барысында робот сізді дұрыс түсінбейтін жағдайлар болуы мүмкін, бірақ оны неғұрлым көп адам қолданса, кеңес беру деңгейі соғұрлым жақсарады. Біз мұнымен тоқтап қалмай, алдағы уақытта робот көрсететін мемлекеттік қызметтер тізімін арттыратынымызды атап өтемін», - деді Мемлекеттік корпорациясының басқарма төрағасы Сүйеніш Әбділдин атап өтті.</blockquote>Робот ең танымал 50 мемлекеттік қызметтер бойынша кеңес береді.Ол төлқұжат, жеке куәлік, электрондық цифрлық қолтаңба алу, бала тууына байланысты берілетін жәрдемақы, зейнетақы төлемдерін алу сияқты қызметтерден бөлек, басқа да сұрақтарға жауап береді.Айта кетейік, 1414 Бірыңғай байланыс орталығы азаматтарға 11 жылдан астам уақыт бойы қызмет көрсетіп келеді.Жыл басынан бері желіге 1,2 миллионнан астам қоңырау түскен, оның 35 пайызына робот қызмет көрсетті.1414 желісіне қоңырау шалу тегін және барлық ұялы байланыс операторларының пайдаланушылары мен стационарлық телефоннан қоңырау шалатын азаматтарүшін қолжетімді.

Қазақстандықтар мемлекеттік қызметтерді 1414 арқылы ала алады

<a href="https://kyzylorda-news.kz/">Kyzylorda-news.kz.</a> Астана қаласында «Байтақ» партиясының ұйымдастыруымен өткен «ЭкоХакатон» акциясы қоғам назарын қоқыс мәселесіне аударуды көздеді.Жер бетіндегі күрделі экологиялық ахуалдың бірі – қалдықтардың жайы. Технологиялық үдерістің нәтижесінде көп нәрсе қолжетімді. Солардың ішінде жүздеген жылдан астам уақыт сақталатын полиэтилен пакеттері, пластикалық бөтелкелер бар. Дүниежүзілік банктің есебінше, 2050 жылға қарай әлемдегі тұрмыстық қалдықтың көлемі 3,4 млрд тоннаға жетеді. Бұл келешекте Жер планетасының үлкен қоқыс полигонына айналатынын білдіреді. Бірқатар дамушы елде қалдықты бөліп жинау мәдениеті әлі күнге жолға қойылмаған. Өкінішке қарай, бұл қатарда Қазақстан да бар.Студенттермен кездесу барысында партия мүшесі және экобелсенді Мирас Аббасов саналы тұтынуға көшудің маңыздылығын атап өтті.<blockquote>«Қазіргі күні әлемді маркетолог мамандар билеп, өз тауарларын ұсынады. Ал біз өз кезегімізде нақтылай заттардың қаншалықты қажеті бар екенін санамыздан өткізуіміз керек. Мысалы, бір джинсы шалбар шығару сегіз мың литр суды қажет етеді және оған басқа да ресурстар қажет. Сондықтан әр затты алмас бұрын ой таразысынан өткізу керек», деді ол.</blockquote>Астана қаласында әзірге бір ғана қоқыс өңдейтін зауыт бар. Екіншісі әзірге жоспарда ғана тұр.&nbsp;<blockquote>«Қала көшелерінде ұшып жүрген пакеттер мен шашылып жатқан пластикалық бөтелкелерді реттеу үшін «ЭкоХакатон» қатысушылары жабық қоқыс жәшігін орнатуды ұсынды. Күн сайын Астанада 50 мың полиэтилен өнімі қоқысқа жөнелтіледі», деді М.Аббасов.</blockquote>Студенттерді мазалайтын экологиялық мәселелер – Есіл өзенінің ластануы мен Талдыкөл тағдыры. Сондай-ақ жастар қала тұрғындарының экобел­сенділігін арттыру мақсатында сенбілік­тердің форматын өзгертіп, экоквест, марафон сияқты қызықты іс-шараларды өткізуді ұсынды.<blockquote>«Байтақ» партиясының жасыл экономика бо­йынша хатшысы Шыңғыс Лепсібаев партияның Астана аумағында ғана емес Қазақстан бойынша экологиялық жағдайды жақсартудың жос­парымен бөлісті. Байтақтар көгалдандыру мен тұрғын үй-коммуналдық шаруашылығы саласында жаңа тәсілдерді қолдайды. Бар болғаны төрт жыл көлемінде партия мүшелері халықаралық стандартқа сәйкес келетін қала көрінісін көгал­дандыруды жоспарлап отыр.</blockquote>

Қалдықсыз қоғам қалыптастыруымыз керек 

<a href="https://kyzylorda-news.kz/">Kyzylorda-news.kz.</a> Қазақстан Халық партиясы Астана қалалық филиалының үгіт-насихат тобы «ҚТЖ – Жүк тасымалы» ЖШС ұжымымен кездесті. Парламент Мәжілісінің депутаттығына кандидаттар теміржолшыларды партияның сайлауалды бағдарламасын таныстырды.Партия өкілдері Әділетті Қазақстанның басты байлығы адам екенін атап өтті. «Халық партиясы – социал-демократиялық бағыттағы саяси күш. Ол халықтың мүддесін білдіреді. Жаңа Қазақстанға жалдамалы қызметкерлердің әлеуметтік және еңбек құқығын тиісінше қорғайтын жаңа Еңбек кодексі қажет», деді Астана қалалық мәслихатының депутаттығына үміткер Дархан Рамазанов.Партия еңбек адамын үнемі назарда ұстайды. Партия жаңа Еңбек кодексін қабылдауды талап етеді. «Жүк тасымалы саласында нәзік жандардың да ең­бек ететінін білеміз. Әйелдерге 63 жасқа дейін жұ­мыс істеу оңай емес. Сондықтан біз әйелдерді 58 жас­та зейнетке шығаруды талап етеміз», деді Парла­мент Мәжілісіне кандидат Нұрдәулет Оразханов.Ал Парламент Мәжілісінің депутаттығына үміткер Ирина Смирнова Көкшетаудағы «Евразия групп Қазақстан» компаниясының ұжымымен кездесіп, жиналғандарды партияның сайлауалды бағдарламасымен таныстырды.И.Смирнова партия елде қалыптасқан жүйені өзгертуді талап ететінін, ал халық сапалы медицина мен білімге қол жеткізгісі келетінін айтты. ҚХП сайлауалды бағдарламасында жастарды тұрғын үймен қамту ұсынылған. Ол үш санат бойынша жүзеге асады. Біріншісі – кейіннен сатып алу мүмкіндігімен жалға берілетін тұрғын үй. Баспананы жалға алу мерзімі – 14 жыл. Екіншісі – ипотекалық бағдарлама арқылы жылдық 4%-бен қолжетімді тұрғын үй. Баспананы сатып алу мерзімі – 14 жыл. Үшіншісі – ҚХП бағдарламасына сәйкес келетін басқа құрылыс салушылардан жаңа баспана және қайталама нарықтағы тұрғын үй. Мұнда да ипотекалық бағдарлама арқылы жылдық 4%-бен сатып алу мүмкіндігі қарастырылады. Сондай-ақ тұрғын үй алаңы 40 шаршы метрден 78 шаршы метрге дейін болуы шарт. Тұрғын үй кілті мемлекет ас үй сөрелерімен, кір жуғыш машинасымен, пешпен қамтамасыз етілгеннен кейін тапсырылуы қажет және тұрғын үйлерге іргелес аумақ балалар алаңдарымен, автотұрақ орындарымен жабдықталуға тиіс. «Біз жастардың сапалы өмір сүруіне жағдай жасауымыз керек», деді И.Смирнова.

Еңбек адамының жағдайы үнемі назарда

<a href="https://kyzylorda-news.kz/">Kyzylorda-news.kz.</a>&nbsp; «Respublica» партиясы атынан сайлауға түсетін кандидаттар небәрі 4 күннің ішінде 10 мың қазақстандықпен кездесті. Бүгінде еліміз бойынша 20 облыстық штаб жұмысын жалғастырып жатыр.Жақында «Respublica» партиясының төраға­лары мен кандидаттары Тараз қаласына барды. Мұнда жер­гілікті кәсіпкерлер, түрлі саладағы компа­ния­лардың еңбек ұжымдарымен кездесулер өтті. Көп­шіліктің алдында партия төрағасы Айдарбек Қожа­назаров, тең төраға Сырымбек Тау, Мәжіліс депу­тат­тығына кандидаттар – Қуаныш Шонбай, Қыр­мызы Жандосова, Екатерина Смолякова, Әсел Дә­кен, Олжас Болатбекұлы және Бақытбек Хамит сөз сөй­леді. Олар партия бағдарламасымен танысты­рып, «Елде нені өзгерту қажет?» деген сауалды талқылады.<blockquote>«Рас, біздің саясатта тәжірибеміз жоқ. Бірақ уәде беріп, кейін оны орындамай қалудан тәжірибеміз жоқ. Сіздерге беретін жалғыз уәдеміз мынау: Сіз «Respublica» партиясынан тек шындықты естисіз, кейде бұл шындық ащы болуы мүмкін», деді А.Қожаназаров.</blockquote>Екатерина Смолякова адамдарға өзгерістерге үміт сыйлайтын жаңа партия құрғаны үшін әріп­тес­теріне алғыс айтты. «Мен – қазақ тілі мен әде­бие­ті пәнінің мұғалімімін. Жастармен жұмыс істеу­де10 жылдан астам тәжірибем бар. Екі бала­ның анасымын. Балаларымның болашағын өзіме үл­гі бо­лат­ын адамдарға сенімді түрде тапсыр­ғым келеді, сол үшін де осы партияның қатарына қосы­­лып, өзгерістерге атсалыспақпын», деді Е.Смолякова.Партияның тең төрағасы Сырымбек Тау Қазақ­станда ауқымды реформалар жүргізілу керектігін айтты. Ең алдымен, қарызға белшесінен батқан ел азаматтарының жағдайын жақсартуға баса назар аудару керек. Ол ел тұрғындарының, тіпті азық-түлік алу үшін де несие алатынына қынжылды.Ал Алматы облысының Кербұлақ ауданында өткен кездесуде партияның тең төрағасы, Мәжіліс депутаттығына кандидат Динара Шүкіжанова: «Қазіргі сайлау кезеңі еліміз үшін ерекше, өйткені көп жылдардан бері алғаш рет жаңа партиялар тіркеліп, саяси науқанға белсенді түрде қатысып жатыр. Біз – «Respublica» партиясы, бизнес өкілдері, саяси аренаға жаңадан қадам басқанымызға қарамастан елді қалай өзгерту керектігін білеміз. Біз шын жүректен азат және гүлденген Қазақстанда өмір сүргіміз келеді», деді.

Өзгеріс ел өмірін жақсартады

<a href="https://kyzylorda-news.kz/">Kyzylorda-news.kz.</a>&nbsp; «Amanat» партиясының республикалық сайлауалды штабының мүшелері өңірлерде сайлаушылармен кездесуді жалғастырып келеді. Бұл жолы аманаттықтар Қарағанды облысында болып, тұрғындарды сайлауалды бағдарламасымен таныстырды.Теміртауда экологтар, қала белсенділері және өнеркәсіп кәсіпорындарының өкілдерімен кездесу барысында партияның «Халықпен бірге!» сайлауалды бағдарламасында көрсетілген экологиялық ахуалды жақсарту шаралары талқыланды.<blockquote>«Экология – азаматтардың өмір сүру сапасына әсер ететін маңызды факторлардың бірі. Сондықтан біздің сайлауалды бағдар­ламамыздың бүтіндей бір бөлімі қоршаған ортаны қорғауға арналып отыр. Біз өндіруші және энергетикалық компаниялардың заңнама аясында жұмыс істеуін қадағалаймыз. Заң талаптарын айналып өткісі келетіндерге мүмкін­дік берілмейді», – деді партия төрағасы Ерлан Қошанов.</blockquote>Сондай-ақ құжатта ластану деңгейі жоғары елді мекендердегі кәсіпорындардан шығатын қалдықтардың нормативін 40 пайызға дейін төмендету көзделген. Су балансын сақтау үшін 14 жаңа су қоймасын салу және жұмыс істеп тұрған 16 су қоймасын қайта жаңарту жоспарланып отыр.Костенко атындағы шахтада партиялықтар көмір өндірушілер мен металлургтер кәсіподақ ұйымдарының өкілдерімен кездесті. «Біліктілігі шетелдіктермен бірдей қазақстандық мамандар олармен тең жалақы алатын болады. Партиялықтар зиянды және қауіпті өндірістерде жұмыс істейтін жұмысшылардың зейнетке ерте шығу мүмкіндігіне қол жеткізеді. Еліміздің барлық кәсіпорнында еңбек медицинасы қызметі іске қосылады», деді партия басшылығы.Бұдан соң партиялықтар Қарағанды қаласын­дағы «Сұрыптау» теміржол стансасының еңбек ұжымымен көлік және логистика саласындағы өзекті мәселелерді талқылады.Сайлауалды бағдарламада еліміздегі темір­жолдарда пайдаланылатын отандық материал­дардың үлесін ұлғайту көзделіп отыр. Ескі вагондар Қазақстанда өндірілген жаңа вагондарға ауыстырылады.

Экология ахуалы талқыланды

<a href="https://kyzylorda-news.kz/">Kyzylorda-news.kz.</a>&nbsp; «Ауыл» партиясынан Парламент Мәжілісінің депутаттығына және жергілікті мәслихаттарға кандидаттар үгіт-насихат жұмысын Семей қаласындағы қоғамдық көліктерде жүргізді. Іс-шараға Мәжіліс депутаттығына кандидат – Қайрат Айтуғанов, Серік Егізбаев, Дәурен Рахымбек, Дәулеткерей Кәпұлы және Жандос Тұрсынғалиев қатысты.Парламент Мәжілісінің депутаттығына «Ауыл» партиясы атынан түсетін кандидаттар мен жергілікті мәслихаттар депутаттығына үміткерлер үгіт-насихат жұмысын күндізгі сағат 11.00-де қоғамдық қөліктердің соңғы аялдамасынан бастады. Алдымен автобустарды «Ауыл» партиясының сайлауға қатысты «Ауыл төрге шықсын!» сияқты ұрандар жазылған жарнамамен әрледі. Кейін кандидаттар мен белсенділер үш топқа бөлініп, қала тұрғындарымен, жолаушылармен кездесті. Іс-шара аясында автобусқа кірген жолаушыларға партияның сайлауалды бағдарламасының негізгі бағыттары түсіндірілді. Халық­тан жергілікті атқарушы органның жұмы­сын жақсартуға арналған ұсыныстарды жинады.<blockquote>«Партия әкімдер мен мәслихат депутаттары­ның халық алдындағы дербес жауапкершілі­гін күшейтеді. Ол үшін жергілікті мемлекет­тік басқару және өзін-өзі басқару туралы заңнаманы түбегейлі қайта қарайды. Олар халық алдындағы міндеттерін орындамаған жағдайда ең қатаң шараларды қолдануға қол жеткізеді», – деді Парламент Мәжілісі сайлауына «Ауыл» партиясы атынан түсетін кандидат Дәулеткерей Кәпұлы.</blockquote>Кейін кандидаттар автобустар тиесілі автопаркке барып, көлік жүргізушілерімен кездесті. Көлік жүргізушілері өздерін толғандыратын мәселелермен, атап өтсек, жалақы, еңбек жағдай­лары, жұмыс жүктемесі туралы сұрақтар­мен бөлісіп, еңбек адамының мәртебесін көтеру туралы ұсыныстарын партия өкілдеріне жеткізді.Кандидат Қайрат Айтуғановтың айтуынша, «Ауыл» партиясы Мәжіліске барғанда еңбек адамына ерекше құқықтық мәртебе беруге қол жеткізеді. Партияның ауылдықтарға ғана емес, қалалықтарға да ұсынатын көптеген бағыты бар екенін атап өтті. «Қуатты ауыл – елдің сенімді тірегі. Біз азық-түлік нарығынан артық делдалдарды ығыстыру үшін бар күшімізді саламыз. Фермерлерді ірі сауда орталықтарына мүмкіндігінше жақындатамыз», деді кандидат.

Қоғамдық көліктегі кездесу

<a href="https://kyzylorda-news.kz/">Kyzylorda-news.kz.</a> Қызылорда облысында өтіп жатқан «Мигрант» жедел-профилактикалық іс-шарасының 3 күнінде 107 құқық бұзушылық анықталды.Айта кетейік, көші-қон заңнамасын бұзған 54 шетелдікке оның 9-ы республика аумағынан аластатылды. Сонымен қатар еңбек қызметін заңсыз жүзеге асырған Қазақстан Республикасының 53 азаматына әкімшілік шаралар көрілді. &nbsp;«Құрметті облыс тұрғындары! &nbsp;Шет мемлекеттерден жұмыс жасауға келген шетел азаматтарын заңда көрсетілген мерзімде құжаттарын жергілікті Халыққа қызмет көрсету орталығы арқылы заңдастырып, жұмысқа рұқсат алып, халықтың ҚР көші-қон заңнамасын бұзбай, жұмыс жасатқандарыңыз абзал.

«Мигрант»: Қызылордада 3 күнде 107 құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Қызылордада салыққа қатысты заң талаптарын орындамаған сауда саласындағы кәсіпкерлерге 5 млн-нан 45 млн-ға дейін айыппұл салынуы мүмкін. Қызылорда облысының кәсіпкерлер палатасына әзірге 10 кәсіпкер көмек сұрап, өтініш берген. Ресми органдардың есебінде тұрғаны шамамен 60-тан астам кәсіпкер.Кәсіпкерлердің осы және өзге де мәселелері облыс әкімінің бірінші орынбасары Серік Қожаниязовтың төрағалығымен өткен жұмыс тобында қаралды.Шарада Кәсіпкерлер палатасының директоры Пірмұхаммед Сыздықов қосылған құн салығы бойынша тіркеу есебіне жататын кәсіпкерлердің проблемасын жеткізді.<blockquote>«Жылдық айналымы 20 000 айлық есептік көрсеткіштен артық кәсіпкерлер қосылған құн салығын төлеушілер қатарына енеді. Яғни кәсіпкерлер жылдық айналымы 69 млн теңгеден асқан жағдайда кірістер органына он күннің ішінде қосылған құн салығын төлеуші ретінде тіркелуі керек. Алайда бұны сауда саласында жүрген көп кәсіпкер білмей қалып жатыр. Біз Палатаға түскен 10 кәсіпкердің өтінішіне талдау жасадық. Әрқайсына 5 млн-нан 45 млн-ға дейін айыппұл салынуы мүмкін», – деді Пірмұхаммед Сыздықов.</blockquote>Отырысқа қатысқан «Қорқыт» сауда үйінің басшысы Зарина Ризванова арендаторларының, яғни жеке кәсіпкерлердің басындағы бұл мәселені шешу үшін қосылған құн салығы бойынша тіркеу есебіне тұру шегін көтеруді ұсынды.Облыстық мемлекеттік кірістер департаментінің басшысы Ғани Аманов бұл мәселе сауда саласында қызмет көрсететін біраз кәсіпкерге қиындық тудырып тұрғанын атап өтті. Сала басшысының айтуынша, республика көлемінде 2 мыңға жуық кәсіпкер осы проблемамен бетпе-бет келген. Оның 63-і – Қызылорда облысынан.Облыс әкімінің бірінші орынбасары Серік Қожаниязов Кәсіпкерлер палатасы мен кірістер департаментіне бірлесе ұсыныс дайындап, Қаржы министрлігіне жолдауды және уәкілетті мемлекеттік ұйымға түсіндірме жұмыстарын күшейтуді тапсырды. &nbsp;

Қызылордалық кәсіпкерлер салыққа байланысты проблемаларын айтты

<a href="https://kyzylorda-news.kz/">Kyzylorda-news.kz.</a> ҚР бойынша көктайғақ, тұман, найзағай, жаяу бұрқасын болып, жел күшейеді, деп хабарлайды Қазгидромет.Атлантикалық циклон жырасының және онымен байланысты атмосфералық фронттардың әсерінен ҚР басым бөлігінде құбылмалыз ауа райы сақталады – қар және жаңбыр жауады, тек еліміздің оңтүстігінде, оңтүстік-шығысында жауын-шашынсыз ауа райы күтіледі.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда өңіріндегі 6 саяси партияның өкілі алдағы Парламент Мәжілісі және мәслихат сайлауын әділ өткізу туралы бірлескен меморандумға қол қойды.&nbsp;«Аманат» партиясы, Қазақстан «Халық» партиясы, Қазақстанның «Ақ жол» демократиялық партиясы, «Ауыл» халықтық-демократиялық патриоттар партиясы, қазақстандық «Байтақ» жасылдар партиясы мен «Respublica» партиясы құжатқа қол қоя отырып, сайлауда әділ әрі заң шеңберінде бәсеке жүргізуге уағдаласты.&nbsp;Облыстық сайлау комиссиясының төрағасы Әділбек Ерсұлтанов мұндай қадам адал бәсекелестікке негізделіп, саяси мәдениет қалыптастыруға жол ашатынын атап өтті.&nbsp;Айта кетейік, аймақта 520 азамат кандидат ретінде тіркелді.

Қазақстан және Қызылорда облысының жаңалықтары