<a href="https://kyzylorda-news.kz/">Kyzylorda-news.kz.</a> Қызылорда облысы ПД Криминалды полиция басқармасының қызметкерлерімен жедел іздестіру іс шараларын жүргізу барысында Қазақстан Республикасы ҚК 190 - бабы (Алаяқтық) және Қазақстан Республикасы &nbsp;ҚК &nbsp;188 – бабы (Ұрлық) күдікті қатарында танылып, &nbsp;тергеуден &nbsp;бой тасалап, 2018 жылдан бері халықаралық іздеуде жүрген 31 жастағы Өзбекстан елінің тұрғыны құрықталды.&nbsp;2018 жылы күдіктіге қатысты «күзетпен ұстау» түріндегі бұлтартпау шарасы санкцияланды.Жедел уәкілдер күдіктіні Астана қаласында аумағында ұстаған. Қазіргі уақытта ол Қызылорда қалалық ПБ уақытша ұстау изоляторына қамаққа алынды.

Бес жыл бойы халықаралық іздеуде болған күдікті ұсталды

<a href="https://kyzylorda-news.kz/">Kyzylorda-news.kz.</a> Дәрігермен кеңесу, тексеруден өту керек, бірақ емхана жолдама бермейді ме? Пациент медициналық қызметтің белгілі бір түрлері бойынша медициналық ұйымды таңдауға құқылы. Бұл туралы біздің тілшімізге берген сұхбатында Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов айтты.ӘМСҚ облыстық филиалының басшысы айтып өткендей, егер медициналық себептер бойынша тексеру немесе тар маманның кеңесі қажет болса, бірақ емхана 10 жұмыс күні ішінде сізге осы медициналық қызметтерге қол жеткізуді қамтамасыз ете алмаса, сізді, бірлесіп орындау шарты бойынша, басқа медициналық ұйымға жіберу керек.<blockquote>«Белгілі бір қызмет түрлері бойынша пациент медициналық ұйымды өз бетінше таңдай алады. Мұны қалай жасауға болады? fms.kz сайттында «Медициналық қызметтерді сатып алу – Денсаулық сақтау субъектілерінің дерекқоры - КДҚ жеткізушілер» бөлімдерінде қажетті қызметті табыңыз. Жеткізушілер тізімінен медициналық ұйымды таңдап, жақын арада қабылдау бар-жоғын анықтаңыз. Жергілікті дәрігерден сол жерге жолдама беруін сұраңыз. Егер емханада сіз таңдаған медициналық ұйыммен бірлесіп орындау шарты болмаса, жолдама берілгеннен кейін ол автоматты түрде жасалады», - деп түсіндірді спикер.</blockquote>Бақыт Торғайбайұлы хабарлағандай, &nbsp;14.02.2023 жылғы кезеңде ӘМСҚ Қызылорда филиалы аймақтың 108 медициналық ұйымдарымен шарт жасасқанын (<a href="https://cloud.mail.ru/public/45D6/RcYt72Jja">тізім осында орналастырылған</a>), оның 45-і стоматологиялық қызмет көрсетеді (<a href="https://cloud.mail.ru/public/o6QW/sicrakfHY">тізім осында орналастырылған)</a>.Егер тағы сұрақтар туындап жатса, сіз өз емханаңыздағы «Пациенттерді қолдау қызметіне» жүгіне аласыз. Ал ол жерде &nbsp;мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; &nbsp;

МӘМС бойынша медициналық ұйымды таңдау құқығын қалай пайдалануға болады?

Қазақстан-2022: реформалар векторы және қоғам жаңғыруының қисыны

<a href="https://kyzylorda-news.kz/">Kyzylorda-news.kz.</a> &nbsp;Елімізде бес колледж студенттерді лицензиясыз оқытқан. Бұл туралы ҚР Оқу-ағарту министрлігінің Білім саласында сапаны қамтамасыз ету комитетінде айтылды. Мемлекеттік аттестаттау кезінде техникалық және кәсіптік білім беру саласындағы бірқатар жүйелік проблемалар анықталды.Білім саласында сапаны қамтамасыз ету комитетінің ақпараты бойынша, биыл елімізде 520 колледжі мемлекеттік аттестаттаудан өтеді. Бақылау шараларынан бұрын олардың әрқайсысында ақпараттық-түсіндіру жұмыстары жүргізілді.<blockquote>«Мемлекеттік аттестаттауды өткізу лицензиясыз білім беру қызметімен айналысатын колледждерді анықтауға ықпал етті. Бұл Қостанай облысының Денисов кәсіптік-техникалық колледжі, Қарағанды облысының А.Мусин атындағы Балқаш гуманитарлық-техникалық колледжі, Қарағанды жоғары гуманитарлық, Ақтөбе гуманитарлық-техникалық колледж және Теміртау жоғары политехникалық колледжі», – дейді Комитет төрағасы Ернұр Дәуенов.</blockquote>Сондай-ақ тексерілген 315 техникалық және кәсіптік білім беру ұйымының 198-і аттестаттаудан өтпеген. Олардың басым бөлігі Ақмола, Қарағанды, Батыс Қазақстан, Алматы, Қызылорда, Павлодар, Жетісу және Түркістан облыстарында орналасқан.Аттестаттаудан өтпеу себептері – техникалық және кәсіптік білім ұйымдары әзірлейтін білім беру бағдарламаларына сай болмауы, МЖМБС талаптарына сәйкес оқытушылардың сапалық құрамының (салаға сай мамандар емес, тиісті санаттағы оқытушылардың аздығы) болмауы.Бұдан басқа, өндірістік оқытуды жоспарлау мен өткізудегі, оқыту нәтижелерінің жетістіктерін бағалаудағы, ерекше білім беру қажеттіліктері бар білім алушылар үшін жеке оқу бағдарламалары мен жоспар дайындаудағы қателіктердің орын алуы.Бұл ретте Астана және Алматы қалаларының, Солтүстік Қазақстан, Қостанай және Атырау облыстарының колледждері жақсы нәтижелер көрсетіп отыр.<a href="https://www.inform.kz/kz/elimizde-bes-kolledzh-studentterdi-licenziyasyz-okytkan_a4035525">Қазақпарат</a>

Қызылордада техникалық және кәсіптік білім беру ұйымы аттестаттаудан өтпеген

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Сырдария аудандық полиция бөліміне ауылдың 3 тұрғынынан мал ұрлығы жөнінде арыз түсті. Барымташылар олардың жайылымда жүрген &nbsp;8 бас сиырын ұрлаған.Жедел-іздестіру шаралары барысында полиция қызметкерлері күдікті ретінде 25 жастағы аудан &nbsp;тұрғынын &nbsp;анықтап, ұстады. Айғақ заттар ретінде ұрланған &nbsp;малдардың терісі және сирақтары алынды.Жәбірленушілерге келтірілген шығынның соммасы 3 млн. 500 мың теңгені құрады.«Күдікті уақытша ұстау изоляторына қамалды. Қазіргі танда осы қылмысқа қатысы бар басқа да тұлғаларды анықтау мақсатында жедел – іздестіру іс – шарасы жүргізілуде. Аталған дерек бойынша Қазақстан Республикасы Қылмыстық кодексінің 188-1 - бабының 3-бөлігімен (Мал ұрлығы) сотқа дейінгі тергеп-тексеру әрекеттері жүргізілуде. Оқиғаның қалған мән-жайлары анықталуда», - делінген полиция департаментінің таратқан хабарламасында.&nbsp;<figure class="image"><img src="https://knadmin.beoblood.kz/uploads/image_14_02_23_11_04_312025f276.jpeg" alt="image-14-02-23-11-04.jpeg"></figure>

Сырдария ауданында 8 сиыр ұрлаған 25 жастағы тұрғын ұсталды

<a href="https://kyzylorda-news.kz/">Kyzylorda-news.kz.</a> Келісімшарт мерзімі аяқталғаннан кейін жұмыстан босатылған қазақстандық әскери қызметшілерге еңбек өтілі үшін зейнетақы төлемдеріне құқық беріледі, - деп хабарлайды astanatv.kz.Бірақ зейнетақы алу үшін еңбек өтілі мен жалпы еңбек өтілі 25 жылдан кем болмауы керек. Бұл туралы Қорғаныс министрлігі өкілдері &nbsp;хабарлады.Сондай-ақ, департамент 2016 жылғы 1 қаңтардан кейін жұмыстан босатылған әскерилерге мемлекеттік базалық зейнетақы құқығын беру мүмкіндігін қарастырып жатыр. 1998 жылғы 1 қаңтардан кейін қызметке кірген және 2016 жылғы 1 қаңтарға дейін жұмыстан босатылғандардың зейнетақысын индексациялау да министрліктің бақылауында.&nbsp;

Әскери зейнетақы: қандай өзгеріс болады?  

<a href="https://kyzylorda-news.kz/">Kyzylorda-news.kz.</a>&nbsp; Түркияның Газиантеп провинциясындағы Нурдагы қаласы қатты зардап шекті. Сондықтан оны толығымен бұзып тастауға шешім қабылданды. Бұл туралы губернатордың міндетін атқарушы Осман Бильгин мәлімдеді.Қазіргі кезде адам болуы мүмкін деген соңғы сегіз үйде іздестіру жұмыстары жүргізіліп жатыр.<blockquote>"Біз үлкен апатты бастан кешірдік. Қала құрылысы министрі Куруммен бір шешімге келді. Үйіндінің бәрін жинаймыз, қаланы толығымен бұзамыз, 100 процентке сүріледі. Бір ғана қираған үйдің астынан 150 адам шықты. Барлығы қайтыс болған. Біз қаланы жаңадан салып шығамыз", - деді Бильгин.</blockquote>Түрік бұқаралық ақпарат құралдарының мәліметіне сәйкес, қала халқының саны кем дегенде 40 мың адам болғанАйта кетері, бұған дейін Түркияның қала құрылысы мен қоршаған орта министрлігі 10 провинцияда 132 мың үйдің салынғанын хабарлаған. Соның ішінде 7 584 нысан жер сілкінісі кезінде толығымен немесе ішінара қираған. Бұдан бөлек, 12 617 үй тұруға жарамсыз деп танылды.6 ақпанда Түркияның оңтүстік-батысында 7,7 магнитудалы қатты жер сілкінісі болды. Соңғы ақпаратқа сәйкес, 31 мыңнан астам адам қайтыс болды.

Түркияда бір қаланы толығымен бұзып тастауға шешім қабылданды

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаментінің ұйымдастыруымен Ауғанстан аймағынан Кеңес әскерлерінің шығарылғанына 34 жыл толуына орай жиын өтті.&nbsp;1979 жыл 25 желтоқсан және 1989 жыл 15 ақпан. Бұл екі даталы күн естен кетпейтін тарихта ізі қалған жылдар мен күндер. 1979 жыл 25 желтоқсан - Ауғанстан жеріне Кеңес Одағы жауынгерлерінің жіберілген күні. 1989 жылдың 15 ақпаны - Ауғанстан жерінен &nbsp;Кеңес әскерлерінің шығарылған күні.&nbsp;Қазіргі таңда Полиция департаментінде 1 Ауған соғысының ардагері қызмет атқарса, &nbsp; 19 &nbsp; ардагер ішкі істер органындарынан &nbsp;зейнетке шыққан. Олар &nbsp; Жарас Оспанов, Мейрамбек Байтлеуов, Нұрсұлтан Ибадуллаев, Асқар Ерманов, Мұрат Тасанов, Серикбай Есмаханов, Батырхан Жорықбаев, Марат Мұратбаев, Қуанышбек Сыздықов, Рашид Жүсүпов, Сабыр Саменов, Серік Шабдаров, &nbsp;Сәбит Тәжіғұлов. Шара барысында Полиция департаменті бастығының орынбасары полиция полковнигі Амиржан Утегенов Ауған соғысы ардагерлерінің ерлігі бүгінгі жастарға мықты тәлім болатынын айта кетіп, мұндай кездесулердің жас қызметкерлерді тәрбиелеуде негіз болатынын білдірді.&nbsp;«15 ақпан Ауғанстан аймағынан Кеңес әскерлерінің шығарылған күніне 34 жыл» толуына орай және еліміздің амандығын, &nbsp;тыныштығын қамтамасыз етуге қосқан үлестері үшін Ауған соғысының ардагерлері Қызылорда облысы Полиция департаментінің «Алғыс хатымен» марапатталды.&nbsp; &nbsp;<figure class="image"><img src="https://knadmin.beoblood.kz/uploads/0_V4_A5314_cf046ee4a7.JPG" alt="0V4A5314.JPG"></figure>&nbsp;<figure class="image"><img src="https://knadmin.beoblood.kz/uploads/0_V4_A5335_190d53f98c.JPG" alt="0V4A5335.JPG"></figure>&nbsp;<figure class="image"><img src="https://knadmin.beoblood.kz/uploads/0_V4_A5392_a0f09de0c2.JPG" alt="0V4A5392.JPG"></figure>

Ауған соғысының ардагерлері марапатталды

<a href="https://kyzylorda-news.kz/">Kyzylorda-news.kz.</a> Арал ауданы Жақсықылыш кентінің тұрғыны Нұржан Жалғасбаев құс өсірумен айналысып, өнімін аудан халқына ұсынып келеді.&nbsp;Аудан әкімі Серік Сермағамбетов аталған шаруашылық жұмысын көрді. Жеке кәсіпкер аудан басшысына фабрикадағы жұмысты және құсты өсіру, сою, сақтау барысын таныстырды.Бүгінде жоба бастамашысы айына 7 тонна тауық етін өндіріп, аудан дүкендеріне өткізуде. Шаруашылықта 3 адам жұмыспен қамтылған. Осы кезге дейін өткізілген ауылшаруашылық жәрмеңкелерінде өнім жоғары сұранысқа ие болған.&nbsp;Аудан әкімі кәсіпкерге алдағы уақытта шаруашылықты кеңейту мақсатында мемлекеттік бағдарламалар шеңберінде тиісті қолдау шаралары көрсетілетіндігін жеткізді.&nbsp;Нұржан Жалғасбаев құс етін өндіру көлемін ұлғайтып, өнімдерді өзге аймақтарға ұсынуға ниетті.<figure class="image"><img src="https://knadmin.beoblood.kz/uploads/330257005_937813454251285_4176448844576022677_n_a56d2369de.jpg" alt="330257005_937813454251285_4176448844576022677_n.jpg"></figure>

Арал ауданының әкімі құс шаруашылығының жұмысымен танысты

<a href="https://kyzylorda-news.kz/">Kyzylorda-news.kz.</a> Бүгін ел аумағының басым бөлігінде тұман түседі, деп хабарлайды Қазгидромет.&nbsp;Солтүстік-батыс циклон жырасының әсерінен, Қазақстанның батысында, солтүстік-батысында қар, оңтүстігінде жауын-шашын болып, жаяу бұрқасын, желдің күшеюі, батысында, оңтүстігінде көктайғақ күтіледі.Тек республикамыздың солтүстік жартысында, орталығында, шығысында, оңтүстік-шығысында – ауа райы жауын-шашынсыз.

14 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>Қорқыт ата атындағы Қызылорда университетінде түлектер қауымдастығының кезекті жиыны өтті. Басқосуға әр жылдары білім алған түлектер, университет басшылығы мен профессор-оқытушылар жиналды. Қатысушылар 2023-2025 жылға арналған университеттің стратегиялық даму жоспарын талқылады.Жиында Басқарма төрағасы-ректор Бейбіткүл Сәрсемханқызы оқу орнының материалдық-техникалық базасын нығайту мен дамытуға үлес қосып жүрген түлектерге алғыс білдірді. &nbsp;<blockquote>«Бүгінгі жиында әр салада жемісті еңбек етіп жүрген түлектеріміз жиналып отыр. Осы сәтті пайдалана отырып, 85 жылдық мерейтойда қолдау көрсеткен Асқар Махамбетов, Анар Ізден, Ділмұхамед Абизов, Мұхит Төребаев бастаған барлық түлектерімізге алғыс білдіремін. Сондай-ақ, сіздердің араларыңызда «Болашақ» халықаралық стипендиясының иегерлері Серік Жайырбаев, Ақбота Мамадияр бар. Біз әрдайым түлектеріміздің жетістіктерімен мақтанамыз. Сіздердің тәжірибелеріңіз бен кәсібилік қабілеттеріңіз бүгінгі жас толқынға үлгі»,-деді Б.Кәрімова.</blockquote>Жиынның модераторы әлеуметтік және тәрбие жұмыстары жөніндегі проректор Жандос Базартай кездесудің мақсат-міндетіне тоқталды. Ғылыми жұмыстар және халықаралық байланыстар жөніндегі проректор Майнұр Бөрібаева өз сөзінде университетте атқарылған жұмыстарды таныстырып, алдағы жоспарлармен бөлісті.Кездесу барысында «Best-servis LTD» ЖШС бас директоры Асқар Махамбетов атқарылған жұмыстарға оң баға беріп, сұранысқа ие сапалы кадр даярлауда өз ұсынысын білдірді.&nbsp;<blockquote>«Қазіргі таңда өңірімізде жұмысқа орналасу үлкен мәселе. Сондықтан кадр дайындағанда экспортқа шығатын студенттер санына назар аударуымыз керек. Сапалы кадр-сапалы білім. Бізде педагогтарды дайындауға үлкен мүмкіндік бар. Себебі, ізі бар, тәжірибелі мамандар бар. Сондықтан педагогика саласына басымдық беріп, осы бағытта көшбасшы атануымыз керек. Сонда ғана өңірде ғана емес, республикада, халықаралық деңгейде сұранысқа ие мамандар әзірлейміз»,-деді Асқар Аралбайұлы.</blockquote>Білім алушылардың бос уақыттарын тиімді пайдалану, олардың жайлы демалуы үшін университет ғимараттарында кинозал, кітап дүкендері, кофе бұрыштар, коворкинг аймақ, агробиологиялық аймақты абаттандыру, жасыл университет жобасы ұсынылды. «Атамекен» кәсіпкерлік палатасының директоры Пірмұхамед Сыздықов облыстағы кәсіпкерлердің қатысуымен жиын өткізіп, талқылауды ұсынды. Сонымен қатар, «DALATEX» ЖШС-нің директоры Ділмұхамед Абизов, Назарбаев мектебінің мұғалімдері Серік Жайырбаев пен Ақбота Мамадияр, қоғам белсендісі Эрик Теңізбаев, «Qyzylorda» телеарнасының режиссері Нұржан Батыршаев және химия пәнінің мұғалімі Ақмарал Серікқызы креативті пікірлерін білдірді. Қатысушылар түлектер қауымдастығының төрайымы Гүлшат Дүзелбаеваға алғыстарын білдіріп, кездесу университет жастарының әсем әнімен қорытындыланды.Айта кетейік, университеттің 85 жылдық мерейтойы аясында алғаш рет түлектер форумы ұйымдастырылып, «Біздің түлектер» атты электронды кітабы әзірленді. Алдағы уақытта әр бағыт бойынша түлектер кездесуін ұйымдастыру жоспарланды. &nbsp;<figure class="image"><img src="https://knadmin.beoblood.kz/uploads/e97cc03a_800f_4616_af4c_adc19521c60d_4a9c20f09f.jpg" alt="e97cc03a-800f-4616-af4c-adc19521c60d.jpg"></figure>&nbsp;<figure class="image"><img src="https://knadmin.beoblood.kz/uploads/925f186b_6f9b_43cd_872d_7396d70baa68_c4152d4f42.jpg" alt="925f186b-6f9b-43cd-872d-7396d70baa68.jpg"></figure>&nbsp;<figure class="image"><img src="https://knadmin.beoblood.kz/uploads/879303f4_3c7d_4ac5_a755_91843ef23cc0_ff020040e2.jpg" alt="879303f4-3c7d-4ac5-a755-91843ef23cc0.jpg"></figure>

«Open talk» форматында түлектер кездесуі өтті

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданында «Отбасы – тәрбие бесігі» тақырыбында кеңейтілген отырыс өткізілді.Кеңеске облыстық білім басқармасының басшысы Мейрамбек Шермағанбет, Қызылорда облыстық бала құқықтары жөнінде уәкіл Жапырақ Ұзақбаева, аудандағы құқық қорғау саласының басшылары, кент және ауыл әкімдері, дербес бөлім басшылары, қоғамдық кеңес, ата-аналар кеңесінің төрағалары, білім саласының &nbsp;ардагерлері, педагогтар мен ата-аналар қатысты.Жиынның күн тәртібінде сәйкес «Білім беру ұйымдарындағы тәрбие жұмыстары мен алда атқарылатын іс-шаралар» туралы аудандық білім бөлімінің басшысы Жәнібеков Берік Съездұлының, облыстағы бала құқығы жөніндегі уәкіл, бала психологы Ұзақбаева Жапырақ Бегімбайқызының, «Бала тәрбиесіндегі ата-ананың рөлі» тақырыбында хабарлама жасау үшін білім саласының ардагері, «Сырдария ауданының әйелдері» қоғамдық бірлестігінің төрайымы Жанәлиева Ұлмекен Шанайқызының, «Білім беру ұйымдарында құқық бұзушылық пен зорлық-зомбылықтың алдын алу және бала қауіпсіздігін қамтамасыз ету мәселелері» туралы хабарлама облыстық білім басқармасының басшысы Мейрамбек Зинабдинұлы Шермағанбеттің баяндамалары тыңдалды.Аудан әкімі білім беру ұйымдарында құқық бұзушылық пен зорлық-зомбылықтың, суицидтің, балалардың беймезгіл уақытта көше кезуі, кибербуллингтің &nbsp;алдын алу және бала қауіпсіздігін қамтамасыз ету бағытындағы бірқатар мәселелерге тоқталды.Біздің басты мақсатымыз &nbsp;- өңірдің ерекшелігіне сәйкес жас ұрпақты ұлттық тәрбие өзегінде тәрбиелеу , келеңсіз жайттардың алдын алу және болдырмау, сонымен қатар сынып жетекшілері мен тәрбие ісіне жауапты орынбасарлардың жұмыстарын жүйелеп, озық тәжірибелерді білім беру ұйымдарына енгізу қажеттігіне арнайы тоқталды.Бала тәрбиесіне байланысты мектеп басшыларына ата-ана, ұстаз, оқушы арасында тығыз байланыс орнатуды тапсырды.&nbsp;Ауданда өткен жылы демеушілердің қолдауымен 6 балалар спорт-ойын алаңы пайдалануға беріліп, 1 балабақша ашылды. ҰБТ қорытындысы бойынша да аудан нәтижесі облыста алдыңғы қатарда. Түлектердің 92 пайызы мемлекеттік грант иегері атанды. Сонымен қатар мемлекет басшысының бастамасымен қолға алынған «Жайлы мектеп» ұлттық жобасы аясында Тереңөзек кентінен 300 орындық мектеп салынатынын &nbsp;жеткізді.

Қазақстан және Қызылорда облысының жаңалықтары