<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысының тапсырмасымен білім беру ұйымдарында “Оқуға құштар мектеп” жобасы жүзеге асырылуда. Осы бастамаға еліміздің ұлттық мұнай-газ компаниясы да үн қосып, алғашқы қадамын Қызылорда облысынан бастап, өңірдегі барлық мектепті «National Geographic Qazaqstan» журналының жылдық жазылымымен қамтамасыз етуде.Осы орайда бүгін Тәкей Есетов атындағы №264 мектеп-лицейде география пәнінің мұғалімдері мен мектеп директорының ғылыми-әдістемелік жөніндегі орынбасарлары және мектеп оқушыларының қатысуымен өткен жиында «ҚазМұнайГаз» ұлттық компаниясының басқарма төрағасы Мағзұм Мырзағалиев танымал журналға бір жылдық тегін жазылымға сертификатты салтанатты түрде тапсырды.Айта кетейік, «National Geographic Qazastan» халықаралық журналы АҚШ географиялық қоғамының бастауымен 1888 жылдан бастап шығып келе жатқан баспасы. Танымал журнал әлемнің 38 тілінде, 80-ге жуық елге тарайды. Журнал географиядан бастап биология, химия, антропология, тарих, космос пен медицина салаларын да қамтиды.Ғылым саласындағы қазақ тілді контенттің қолжетімділігін қамтамасыз етуге қолдау көрсетіп, отандық туризмге қосып жатқан үлестері үшін облыс әкімінің орынбасары Нұрымбет Сақтағанов және облыстық білім басқармасының басшысы Мейрамбек Шермағанбет ұлттық компанияның басқарма төрағасына ерекше алғысын білдірді.Жиын соңында National Geographic ресурстарын сабақ барысында тиімді қолдануға бағытталған қаламыздың география пәні мұғалімдеріне арналған арнайы семинар өткізілді. Астана қаласынан арнайы келген тренерлер ғылым саласындағы онлайн және офлайн ресурстарды сабақ барысында қосымша материал ретінде қолдану әдістерін таныстырды. Сондай-ақ, алдағы уақытта National Geographic шетелдік офисынан сыныпта және сыныптан тыс өткізілетін сабақтардың методикалық әдістерін әкелу жоспарланып отыр.<figure class="image"><img src="https://knadmin.beoblood.kz/uploads/94da9ca7_d375_4187_aeba_40ba78bd876d_52bb7b7548.jpg" alt="94da9ca7-d375-4187-aeba-40ba78bd876d.jpg"></figure>&nbsp;<figure class="image"><img src="https://knadmin.beoblood.kz/uploads/f63ec6ef_06e5_4394_829b_4529719fa255_4129ec4964.jpg" alt="f63ec6ef-06e5-4394-829b-4529719fa255.jpg"></figure>&nbsp;<figure class="image"><img src="https://knadmin.beoblood.kz/uploads/0e949516_f239_4b9b_970f_690f3a9dc859_5d908e4991.jpg" alt="0e949516-f239-4b9b-970f-690f3a9dc859.jpg"></figure>

«ҚазМұнайГаз» Сыр мұғалімдеріне «National geographic Qazaqstan» журналына бір жылға тегін жазылу сертификатын табыстады

<a href="https://kyzylorda-news.kz/">Kyzylorda-news.kz.</a>&nbsp; Өңірде білім саласы қызметкерлерінің құқықтары мен әдеп қағидаларының сақталуын қамтамасыз ету бойынша облыстық білім басқармасы мен білім саласында сапаны қамтамасыз ету департаменті және білім және ғылым қызметкерлері кәсіподағымен үшжақты меморандум жасалды.Аталған құжатқа қол қоюдағы басты мақсат – білім беру ұйымдарында заңнамалардың, педагог әдеп қағидаларының сақталуын қамтамасыз ету және сала қызметкерлерінің әлеуметтік - экономикалық және еңбек құқықтары мен мүдделерін қорғау. Тараптар осы бағыттағы жүйелі өзара іс-қимыл мен өзара ынтымақтастықты қамтамасыз ету үшін келісімге келді.Жиында облыстық білім басқармасының басшысы Мейрамбек Шермағанбет үшжақты келісім аясында сала қызметкерлерінің құқықтары мен мүдделерін қорғауда атқаратын жұмыстардың көп екенін айтты.<blockquote>«Аталған меморандум арқылы білім беру мекемелері мен ұйымдарында еңбек заңдылығының сақталуына жоспарлы қоғамдық бақылау жүргізіп, әдістемелік көмек көрсету жоспарланып отыр. Сондай-ақ, ҚР «Педагог мәртебесі туралы» Заңында айқындалған педагогикалық әдепті сақтау принциптері бойынша түсіндірме жұмыстарын жүргізіп, педагогикалық әдептің бұзылуының алдын алу бойынша ұсыныстар енгізетін боламыз, - деді басқарма басшысы.</blockquote>

Білім беру саласында үшжақты меморандум жасалды

<a href="https://kyzylorda-news.kz/">Kyzylorda-news.kz.</a> Қызылорда қалалық полиция басқармасының бастығы полиция полковнигі Әбдібек Жаназаров өткен жылы атқарылған жұмыстар барысын баяндады.&nbsp;Полицияның қызмет атқару аймағы бойынша қала үш аймаққа бөлінген. Яғни, облыс орталығы және Ақсай, Тасбөгет полиция бөлімдерінің аймақтары. Сонымен қатар, қалаға қарасты 8 елдімекенде 8 учаскелік инспекторы мен 4 көмекші қызмет атқаруда.&nbsp;<blockquote>«Бүгінде «102» арнасы арқылы тәулігіне 150-ден астам әр түрлі хабарламалар тіркеледі. Тіркелген қылмыстың 38 пайызын ұрлық, 26 пайызын алаяқтық қылмыстары құрап отыр. Өткен жылы қала көлемінде криминогендік ахуалды сауықтыру бағытында 12 айда жекелеген қылмыс түрлерінің алдын-алуға байланысты «Пәтер», «Қару», «Мал ұрлаушы», «Автоұрлық», «Аккумулятор» «Құқықтық тәртіп» атты жедел профилактикалық іс-шаралар &nbsp;ұйымдастырылды. Сонымен қатар, мереке күндері, сенбі, жексенбі күндері &nbsp;ахуалы күрделі деген 50 шақты кафе-барларға қосымша қызметкерлер қойылды. Соның нәтижесінде әр түрлі әкімшілік құқық бұзғаны үшін 162 369 азаматқа әкімшілік хаттамалар толтырылды, - деді Әбдібек Сламбекұлы.</blockquote>Облыс орталығында басқармаға қарасты жедел басқару орталығымен бақыланатын 272 бейнебақылау камералары орнатылған. Бейнебақылаулар заңбұзушылықтың алдын алуға, қылмыстың ізін суытпай ашылуына үлкен септігін тигізіп келеді. Мәселен, осы бейнебақылау камераларының көмегімен 12 айда 29 387 әкімшілік құқық бұзушылықтар анықталып, 136 қылмыс ашылған.Жол көлік оқиғаларының алдын-алу мақсатында да түрлі профилактикалық бағытта «Қауіпсіз жол», «Жаяу жүргінші», «Заңсыз жолаушы тасымалдаушы», «Автобус» атты жедел профилактикалық іс-шаралар бірнеше реттен ұйымдастырылды. Нәтижесінде 12 айдың қорытындысымен орын алған жол көлік оқиғалары 2,8 пайызға төмендеген.Кәмелетке толмағандармен және оларға қарсы &nbsp;жасалатын қылмыстардың алдын-алу бағытында «Жасөспірім», «Балалар қысқы демалыста», «Қауіпсіз мектеп», «Балалар түнгі қалада» атты жедел профилактикалық шаралар ұйымдастырылып келеді.

Қызылордада 102 арнасына тәулігіне 150-ден астам хабарлама тіркеледі

<a href="https://kyzylorda-news.kz/">Kyzylorda-news.kz.</a> Қызылорда қаласы полиция басқармасының қызметкерлері «Профилактика апталығы» іс-шарасы аясында қала маңындағы «ПМК-29», «ПМК-66», «Қосшыңырау», «Талсуат» саяжайларына рейдтік тексерулер жүргізді. Аталған іс-шараға 50 қызметкер және 10 автопатруль жұмылдырылды.Іс-шараның басты мақсаты - қоғамдық тәртіпті қамтамасыз ету, отбасы - тұрмыстық қарым –қатынастар саласындағы қылмыс пен құқық бұзушылықтың алдын алу, тұрғылықты жері бойынша &nbsp;ІІО-да есепте тұратындарды тексеру.Аталған саяжайларда полиция қызметкерлері құқық бұзушылықтың алдын алу бойынша түрлі іс-шаралар өткізді. ІІО-да есепте тұратын тұлғалар тексеріліп, олармен құқық бұзушылықтың алдын алу бағытында профилактикалық әңгімелер жүргізілді.Іс – шара аясында елді мекенге қарасты 465 мекен – жәй тексерілді. Жүргізілген тексеру барысында 17 әкімшілік құқық бұзушылық анықталды. Оның ішінде: отбасы-тұрмыстық қатынастарды бұзу – 2, қоғамдық орында спирт ішімдігін ішу – 3 ,абаттандыру қағидаларын бұзу – 19, жеке басты куәландыратын құжаттарсыз тұру – 1 дерегі анықталып, әкімшілік жауапкершілікке тартылды.Бұл бағыттағы жұмыстар жалғасуда. &nbsp;<figure class="image"><img src="https://knadmin.beoblood.kz/uploads/b30cf752_c6a9_4090_9c91_12b9dc7bac4a_a9c5e677a4.jpg" alt="b30cf752-c6a9-4090-9c91-12b9dc7bac4a.jpg"></figure>&nbsp;<figure class="image"><img src="https://knadmin.beoblood.kz/uploads/55e27200_214e_4dc4_b410_55e022b2acf7_dbb64a2c13.jpg" alt="55e27200-214e-4dc4-b410-55e022b2acf7.jpg"></figure> &nbsp; &nbsp; &nbsp; &nbsp;

Қызылордалық полицейлер саяжай алқаптарында рейд жүргізді

<a href="https://kyzylorda-news.kz/">Kyzylorda-news.kz.</a>&nbsp; «Сарыарқа» заң кеңесшілерінің құқықтық орталығы» қоғамдық бірлестігі «Халық тану» Халықаралық қоғамдық сыйлығын тапсыру бойынша конкурстың басталғанын хабарлайды.«Халық тану» Халықаралық қоғамдық сыйлығы (бұдан әрі – ХҚС) Қазақстан Республикасының Орталық Азиядағы көшбасшылық рөлін күшейту және әлемдік экономикадағы позициясын бекіту, ел халқының үздік мамандар мен заңды тұлғаларды, Қазақстан Республикасындағыдай барлық салалық бағыттарды, сондай-ақ белсенді қатысатын немесе қатысуды жоспарлап отырған басқа елдердің заңды тұлғаларын анықтау және тану мақсатында беріледі біздің мемлекетіміздің экономикасын дамытуда. ХЕҰ үздік мамандарға, кәсіпорындардың басшыларына – экономиканың жеке, мемлекеттік және қоғамдық секторына, үздіктерді іріктеу жолымен, ұйымдастырушының сайтында халықтық дауыс беру арқылы беріледі.ХҚС – бұл ең жақсы мамандар мен табысты кәсіпорындарды бөліп көрсету мүмкіндігі.«Халық тану» - бұл жай ғана халық наградасы емес. Бұл ел экономикасына тартылған мамандар мен кәсіпорындарды одан да жақсы және кәсіби жұмыс істеуге ынталандыру, басқаларды алға жылжуға ынталандыру.ХҚС 3 номинация бойынша беріледі:«Кәсіпқойлар» - Қазақстан мен шет елдер экономикасының барлық салаларындағы мемлекеттік органдардың, коммерциялық және қоғамдық ұйымдардың үздік мамандары, қатысу құны - 50 000 теңге; «Ашықтық және тұрақтылық» - Қазақстан мен шет елдер экономикасының барлық салаларындағы мемлекеттік органдардың, коммерциялық және қоғамдық ұйымдардың үздік ұйымдары мен кәсіпорындары, кәсіпкерлер үшін қатысу құны – 100 000 теңге, құрамында 50 қызметкерге дейінгі заңды тұлғалар үшін – 200 000 теңге, құрамында 50 қызметкерден жоғары заңды тұлғалар үшін – 300 000 теңге; «Қазақстанның құрметті азаматы» – ҚР батырлары-ержүрек, асыл, игі істер жасаған, бізбен бірге болмаған адамдар, бірақ олардың ел дамуына қосқан үлесін ұйымдастырушының есебінен асыра бағалау мүмкін емес.ХҚС-ға қатысуға өтінімдер енгізілуі мүмкін:- өзін-өзі ұсынған жеке тұлғалар; - мемлекеттік, қоғамдық және коммерциялық мекемелер мен кәсіпорындар.ХЕҰ өткізудің негізгі кезеңдері мен мерзімдері:Бірінші кезең - «Республикалық», 2023 жылғы 01 ақпаннан 31 наурызға дейін – еліміздің облыстары бойынша "Үздіктерге" халықтық дауыс беру.Екінші кезең - «Халықаралық», 2023 жылғы 03 сәуірден 26 мамырға дейін-халықаралық деңгейдегі "үздіктерге" халықтық дауыс беру. ҚР облыстары бойынша бірінші кезеңге қатысуға өтінімдерді қабылдау (кандидаттарды ұсыну). Қабылдау мерзімі 2023 жылғы 20 қаңтардан 30 наурызға дейін.Өтінім парағын алу үшін Instagram-да ХҚС ұйымдастырушысы: @pomog_vsem_kz жазылу қажет және сол жерде өтінім парағына сұраныс қалдырыңыз.Халықаралық деңгейдегі екінші кезеңге қатысуға өтінімдерді қабылдау (кандидаттарды ұсыну). Қабылдау мерзімі 2023 жылғы 01 наурыздан 25 мамырға дейін.ХЕҰ-ның толық ақпаратымен және ережесімен ұйымдастырушының сайтында танысуға болады:<a href="https://pomogvsem.kz/"> www.pomogvsem.kz </a>«Халық таңу» бөлімінде. &nbsp;

«Халық тану» халықаралық қоғамдық сыйлығы үшін конкурс басталды 

<a href="https://kyzylorda-news.kz/">Kyzylorda-news.kz.</a>&nbsp; Республикалық олимпиаданың аудандық, қалалық кезеңіне Қызылорда облысынан 8 ауданынан (қаладан) 5117 оқушы қатысты.Жалпы білім беретін пәндер бойынша республикалық олимпиаданың аудандық (қалалық) кезеңі 2023 жылдың 30 қаңтарынан 3 ақпан аралығында өтті. Жаратылыстану-математикалық бағытынан 2687 оқушы және қоғамдық-гуманитарлық бағытынан 2430 оқушы 13 пән бойынша сынға түсті.Олимпиада «1 компьютер – 1 оқушы – 1 камера» қағидаты бойынша өтіп, YouTube арнасында тікелей трансляция жүргізілді. Академиялық адалдық пен ашықтықты қамтамасыз ету бойынша барлық шаралар қабылданды. Тур нәтижелері мен олимпиадаға қатысушылардың жұмыстары жазылған хаттамалар аудандық, қалалық білім бөлімдерінің ресми сайттарында жарияланды. Сонымен қатар, жергілікті жерлерде «Адалдық алаңы» сыбайлас жемқорлыққа қарсы қызмет өкілдері қатысты.Республикалық олимпиаданың үшінші кезеңіне 423 оқушы өтті. Олар ақпан айының 13-18 аралығында бақ сынайтын болады.

Қызылорда: Республикалық олимпиаданың екінші кезең қорытындысы шықты

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облыстық ҚХА жанындағы ақпараттық түсіндіру тобының мүшелері М.Мәметова атындағы педагогикалық жоғары колледж оқытушыларымен, студенттермен кездесті.Кездесуге облыстық қоғамдық даму басқармасының «Қоғамдық келісім» КММ бөлім басшысы Мұхтар Ибраев, кәсіби медиатор, облыстық қазақстан халқы ассамблеясы жанындағы ақпараттық - түсіндіру тобының мүшесі - Жақсыбай Жакеев, Кәсіби медиатор, Қызылорда облысының құрметті ардагері, халықаралық қолөнершілер одағының мүшесі - Қанибек Сәдуақасов, облыстық Татар этномәдени бірлестігінің жетекшісі, ақпараттық - түсіндіру тобының мүшесі - Галия Гизатуллина және «Қоғамдық келісім» КММ аға сарапшысы, облыстық Қазақстан халқы Ассамблеясы жанындағы «Абай қазынасына саяхат» клубының жетекшісі - Пак Елена қатысты. &nbsp;<blockquote>«Еңселі ел, іргелі мемлекет атануы, бірлік, келісім және өзара қолдау қағидаттарына негізделген Қазақстан халқы Ассамблеясының рөлі ерекше. Қазіргі таңда қоғамдық келісім мен жалпыұлттық бірліктің қазақстандық моделі әлемдегі ең табысты жобалардың бірі болып танылады. Бүгінде Ұлы Дала төрінде, бір шаңырақтың астында 100-ден астам, ал Алаштың анасына айналған Сыр өңірінде 35 этнос өкілдері тату-тәтті өмір сүруде. Олар мемлекетіміздің өсіп-өркендеуіне, бәсекеге қабілетті 30 елдің қатарына енуіне аянбай еңбек етуде», - дейді &nbsp;«Қоғамдық келісім» орталығының бөлім басшысы Мұхтар Ибраев.</blockquote>Ақпараттық түсіндіру тобының мүшелері «Қоғамдық келісімді сақтау – еліміздің әрбір азаматының перзенттік парызы» тақырыбында ой өрбітіп, бүгінде елімізде этносаралық тату-тәтті қарым-қатынас пен қоғамдық келісімнің қазақстандық өзіндік үлгісі жайында және жалпы адами құндылықтарға негізделген рухани-адамгершілік дағдыларды қалыптастыру мәселелерін назарда ұстау бағытында сөз қозғалды.&nbsp;Қатысушылар тарапынан сұрақтар қойылып, кездесу пікір алмасуға ұласты. <img src="https://knadmin.beoblood.kz/uploads/MW_6_A6306_f6e45c9500.JPG" alt="MW6A6306.JPG">&nbsp;<figure class="image"><img src="https://knadmin.beoblood.kz/uploads/MW_6_A6316_436a1163f4.jpg" alt="MW6A6316.jpg"></figure>

ҚХА жанындағы ақпараттық түсіндіру тобының мүшелері жастармен кездесті

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында әлеуметтік маңызы бар азық-түлік тауарларының қоры мен бағасын реттеу және тұрғын үй-коммуналдық инфрақұрылымды дамыту жөніндегі шаралар талқыланды.Жиында министрлер мен бірқатар өңір әкімдері аталған мәселелер бойынша атқарылған жұмыстарды баяндады.Үкімет басшысы сатып алу-сату кезіндегі тауарлар көлемі мен бағасын ерекше бақылауға алуды тапсырып,өңірлерде құрылыс маусымын уақытылы бастау үшін тиісті жер учаскелерін алдын ала бөлу, жобалық құжаттаманы әзірлеу және қажетті инфрақұрылымды жүргізу маңызды екенін атап өтті.Үкімет басшысының тапсырмаларын орындау бағытында облыс әкімі Нұрлыбек Нәлібаев облыстық ауыл шаруашылығы және жер қатынастары басқармасына тұрақтандыру қорының қаражатына толығымен облыстың және өзге өңірлердің тауарөндірушілерінен тікелей өніммен қамту мәселесін қолға алуды тапсырды. «Байқоңыр» әлеуметтік кәсіпкерлік корпорациясы» АҚ өндіруші кәсіпорындар және ауыл шаруашылығы құрылымдарымен тікелей келісім жасай отырып, сатып алынған өнімдерді әлеуметтік дүкендерден бөлек басқа да ірі сауда орталықтары арқылы сатылуын үйлестіру тауар интервенцияларын жүргізу және дебиторлық қарыздарды өндіру жүктелді. Мұнан бөлек, облыстық кәсіпкерлік және өнеркәсіп басқармасы делдалдық схемаларды қысқарту бойынша тиісті жұмыстарды жүргізіп, баға үстемесін қадағалау бойынша міндет қойылды.Ал, күн тәртібіндегі екінші мәселе бойынша Қызылорда қаласы және аудан әкімдеріне 2023 жылы пайдалануға берілетін тұрғын үйді уақытылы аяқтап, Арал және Қазалы аудандарының орталықтарында кәріздік тазарту станцияларының құрылыс құжаттарын келісу жұмыстарын жүргізу жөнінде тапсырма берілді.

Үкімет отырысында әлеуметтік маңызы бар азық-түлік тауарлары бағасын тұрақтандырудың жаңа тәсілдері қаралды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда облысына жұмыс сапарымен келген «ҚазМұнайГаз» ҰК» АҚ Басқарма төрағасы Мағзұм Мырзағалиевпен кездесті.Басқосуда аймақ басшысы облыстағы мұнай өндіру перспективалары туралы айтып, саладағы өзекті мәселелерді атап өтті. Аймақ басшысы «ҚазМұнайГаз» ҰК» АҚ Басқарма төрағасымен бірге өңірдегі мұнай кен орындарына барып, өндірістік нысандарының жұмысымен танысады деп жоспарлануда. &nbsp;

Нұрлыбек Нәлібаев «ҚазМұнайГаз» ҰК» АҚ басшысымен мұнай өндіру перспективаларын талқылады

<a href="https://halyqline.kz/biznes/turizm/twrizm-elimizding-negizgi-tabys-koezi-bola-ala-ma/">ФОТО</a><a href="https://kyzylorda-news.kz/">Kyzylorda-news.kz.</a> Былтыр 1 қаңтарда ҚР Мәдениет және спорт министрлігі әзірлеген кәсіпкерлік субъектілері шығындарының бір бөлігін субсидиялау қағидалары күшіне енді. Қағидаға сәйкес туризм саласының 7 бағыты бойынша кәсіпкерлер мемлекеттен субсидия ала алады. Қандай бағыттар, кімдер қатыса алады және құжаттарды қайда өткізу керек? Осы және өзге де сұрақтарға Қызылорда облысы кәсіпкерлер палатасының сарапшысы Назым Мұрсал жауап берді.– Назым Сәкенқызы, алдымен субсидия берілетін 7 бағытты атап өтсеңіз.–Туризм саласында қызмет көрсететін кәсіпкерлер үшін мемлекет жақсы қолдау ұсынып отыр. Салаға салған қаржысының бір бөлігі субсидияланады. Оның ішінде 7 бағыт таңдалды. Туристік қызмет нысандарын салу, реконструкциялау, сонымен біргежол бойындағы сервис объектілерін салу шығындарының 10 пайызы өтеледі. Кәсіпкерлік субъектілерінің санитарлық-гигиеналық тораптарды ұстауға арналған шығындары үшін ай сайын 83 300 теңгеге дейін төленеді. Туристік қызметті жүзеге асыратын кәсіпкерлерге жүргізушінің орнын қоспағанда, сыйымдылығы 8 немесе одан да көп орындығы бар көлік құралдарының, сондай-ақ &nbsp;таушаңғысыкурорттарыүшінжабдықтар мен техника сатыпалуға кеткен шығынның 25 пайызына дейін субсидияланады. Туристік пакет арқылы келген әр шетелдік турист үшінтуроператорларға 15 000 теңгеден беріледі. Ел аумағында кәмелеткетолмағанжолаушылардыәуедетасымалдаукезіндетуристікөнімгеенгізілгенбилеттіңқұны – балаларәуе билеті 100 % пайыз субсидияланады.– Бұл бағыттар бойынша кәсіпкерлер қашан және қандай құжат тапсыруы керек?–Кәсіпкерлер 4 бағыт бойынша 1 наурызға дейін өтінім беріп үлгеруі керек. Олар:туристік қызмет нысандарын салу, реконструкциялау, сонымен бірге жол бойындағы сервис объектілерін салуға жұмсалған, туристік қызметті жүзеге асыратын көлік &nbsp;құралын сатып алу барысындағы, сондай-ақ санитарлық-гигиеналық тораптарды ұстауға арналған шығындар бойынша тапсыруы керек. Әр бағыт үшін сұралатын құжат әртүрлі. Дегенмен, бірінші кезекте кәсіпкер екенін дәлелдейтін құжаты болуы және қызмет бағыты экономикалық қызмет түрлерінің жалпы классификаторына (ОКЭД) сай келуі керек. Әрі қарай, ғимараттың немесе көліктің құжаттары сұралады. Кәсіпкерлер өтінім мен құжаттарды жергілікті атқарушы органға, соның ішінде облыстық кәсіпкерлік және өнеркәсіп басқармасына тапсырады.– Кәсіпкер құжат тапсырған соң не істеуі керек?– Кәсіпкерлерден түскен өтінімдерді қарау үшін облыстық кәсіпкерлік және өнеркәсіп басқармасы тұрақты жұмыс істейтін комиссия құрады. Комиссия келіптүскенкүнненбастап он жұмыскүніішінде құжаттардың қағидаға сәйкестігін қарап, тиісті шешім қабылдайды. Біз салаға арналған қолдау тетігі жөнінде жыл басынан кәсіпкерлерге ақпарат таратып, түсіндіріп жатырмыз. Жақында Палата жанындағы Сауда, қызмет көрсету және туризм коимитетінің отырысында да сала мамандарын қатыстыра отырып, осы сұрақты көтердік, кәсіпкерлердің сұрағына жауап бердік. Облыстық кәсіпкерлік және өнеркәсіп басқармасы әзірге1 кәсіпкерден өтінім түсіп тұрғаны жөнінде ақпарат берді. Әлі де естімеген кәсіпкерлер болса хабарласуларын сұраймыз. Біздің байланыс нөміріміз 8 /7242/ 40-09-81.– Сұхбатыңызға рақмет.&nbsp;<figure class="image"><img src="https://knadmin.beoblood.kz/uploads/2_kaz_str_513da18b78.jpg" alt="2. каз - стр.jpg"></figure><figure class="image"><img src="https://knadmin.beoblood.kz/uploads/3_mashina_kaz_ca5607d7a1.jpg" alt="3. машина - каз.jpg"></figure><figure class="image"><img src="https://knadmin.beoblood.kz/uploads/5_pridorozhka_e4f2173304.jpg" alt="5. придорожка.jpg"></figure><figure class="image"><img src="https://knadmin.beoblood.kz/uploads/Mery_podderzhki_v_turizme_Stranicza_8_ca859c6efc.jpg" alt="Меры поддержки в туризме_Страница_8.jpg"></figure> &nbsp;

Назым Мұрсал: Туризм саласындағы кәсіпкерлерге мемлекет қолдау көрсетіп отыр

<a href="https://kyzylorda-news.kz/">Kyzylorda-news.kz.</a> Мемлекет басшысының «Әкімдердің халықпен кездесулерін өткізу туралы» Жарлығына сәйкес, Қазалы ауданының әкімі Мұхтар Оразбаевтың тұрғындармен кездесуі басталды. Аудан басшысы алдымен Басықара ауылының халқымен жүздесті. Ауданда 2022 жылы атқарылған жұмыстарды баяндап, биылғы жоспарлармен бөлісті. Сондай-ақ, аудан әкімі өткен жылғы кездесуде тұрғындар тарапынан айтылған ұсыныс-пікірлердің орындалу барысына да тоқталды.&nbsp;Кездесу барысында ауыл тұрғындары елді мекеннің көгілдір отынға қосылғанына қуанышты екендіктерін жеткізіп, абаттандыру жұмыстарын күтіп ұстау, электр желілерін жаңарту, жайылымдық жерді заңдастырып беру, спорт кешені мен балабақша ғимаратын салу, қоғамдық көлік мәселелерін көтерді. Аудан әкімі Мұхтар Әуесұлы тұрғындар көтерген мәселелердің әрбіріне жеке-жеке тоқталып, сұрақтарға жауап берді. Кездесуден кейін аудан басшысы жеке қабылдау өткізіп, тұрғындардың мұң-мұқтажын тыңдады.&nbsp;Аудан әкімі Мұхтар Оразбаевтың халықпен кездесуі Жалаңтөс батыр және Қ.Пірімов ауылдарында жалғасты. Кездесуде аудан басшысы өткен жылғы жұмыстардың қорытындысын баяндады. Тұрғындарды тыңдап, алда атқарылатын межелерді белгіледі.Бүгінгі күні екі ауыл да көгілдір отын игілігін көріп отыр. Ендігі кезекте әлеуметтік нысандарды газға бейімдеу үшін құжаттары әзірленуде.&nbsp; Сонымен қатар, қос ауылда да жеке тұрғын үйлерді электрмен жабдықтау және 4 көшеден жөндеуге жобасы әзірленуде.Өткен жылы Қ.Пірімов ауылынан спорт кешені пайдалануға берілсе, биыл орталық саябақтағы спорт алаңы жөнделмек. Ал Жалаңтөс батыр ауылынан спорт кешені мен Шитүбек елді мекенінен медициналық бекет құрылысын салу үшін жоба құжаттары &nbsp;дайындалды.&nbsp; Бұдан бөлек, «Әйтеке би-Басықара» көпірі қайта жаңартылып, автомобиль жолы жөнделді.&nbsp;Тұрғындар тарапынан айтылған ұсыныс-пікірлерді Мұхтар Әуесұлы мұқият тыңдап, жауап берді. Халықтың айтқан әрбір ұсынысын үнемі назарда ұстап, олардың оңтайлы шешілу жолдары қарастырылатынын жеткізді.Кездесуден кейін тұрғындар аудан әкімі Мұхтар Оразбаевтың жеке қабылдауында болып, ұсыныстар мен өтініштерін жеткізді. Тұрғындар жұмыспен қамту, тұрғын үй кезектілігі, ауылдық жерде кәсіп ашу бойынша мәселелер көтерді. Мұхтар Әуесұлы барлық өтініштер заңға сәйкес сараланып, тиісті жұмыстар атқарылатынын мәлімдеді. &nbsp;<figure class="image"><img src="https://knadmin.beoblood.kz/uploads/IMG_20230206_WA_0108_36ac5453df.jpg" alt="IMG-20230206-WA0108.jpg"></figure>&nbsp;<figure class="image"><img src="https://knadmin.beoblood.kz/uploads/IMG_20230206_WA_0097_27a4e3f658.jpg" alt="IMG-20230206-WA0097.jpg"></figure>

Қазалы ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp; 2023 жылдың екінші айы да басталды. Жаңа жыл қарсаңында түрлі болжамын бөліскен нумеролог Құралай Бахыт "<a href="https://www.youtube.com/watch?v=jCXG84ncmgY">Оян</a>" таңғы бағдарламасында қонақ болып, ақпан айында қазақстандықтарды қандай жаңалық күтіп тұрғанын айтты.<blockquote>"Астрологтар да, нумерологтар да санмен жұмыс істейді. Әр жылдың, әр айдың саны бар. Биылғы жылдың саны жеті болса, ақпан айының саны - тоғыз. Тоғыз - бұл қорытындылау саны. Мысалы, наурыз жаңа жыл, жаңа бастамалар кезеңі болса, ақпан айы сол өзгерістер алдында өзіңе есеп беріп, қорытынды жасауға шақырады. Сол себепті, ауыр айлардың бірі саналады. Мәселен, жол апатының алдын алу, қауіпсіздік шараларын сақтау сынды нәрселерді қаперде ұстаған жөн. Егер бір бастамаңыз болса, келесі айға шегере тұрыңыз", - дейді нумеролог. Құралай Бақыт әр айдың өзіндік артықшылығы мен кемшілігі болатынын жеткізді.</blockquote>"Ақпан айы рухани дамуға жақсы. Өзіңе есеп беретін ай. Білім сауаттылығы артатын ай. Инновация дамитын ай. Сондай-ақ жабылып тұрған қазанның беті ашылатын, яғни, әділетті ай. Үкімет басында бір шешім не заң қабылданса, бәрі әділетті әрі шынайы болмақ", - дейді маман. Сонымен қатар нумеролог 2023 жылы орта жастағы адамдардың шаңырақ құрып, отбасылы болатынын айтты.<blockquote>&nbsp;"Өткен жылдың соңында осы бағдарламаға келгенде биыл махаббат, той-думан жылы деп айтқанмын. Қазір сол белгілер байқалып жатқан сияқты. Орта жастағы, мансап жолында жүрген жандар отбасылы болуға бет бұрады. Ерке Есмахан мен Раим соның дәлелі сияқты", - деді ол.&nbsp;</blockquote>

Қазақстан және Қызылорда облысының жаңалықтары