Kyzylorda-news.kz. Қазақстанда әйелдердің өмір сүру ұзақтығы артып келеді. Сондай-ақ, қай қалада әйелдер көп тұратыны анықталған, деп хабарлайды Ұлттық статистика бюросы.1 ақпандағы кейінгі мәліметтер бойынша елімізде 10 118 282 әйел тұрады, оның 6,3 миллионы қалалық жерде, 3,7 миллионы ауылды жерлерде тұрады. Өңірлер арасында әйелдердің саны бойынша Алматы қаласы (1 157 823), Түркістан (1 040 069) және Алматы облыстары (753 562) көш бастап тұр.Қазақстандық қыз-келіншектердің орташа жасы 33,7 жас болады. Бұл көрсеткіш 2022 жылдың басымен салыстырғанда 2,6 жылға өскен. Әйелдердің өмір сүру ұзақтығы пандемия болған 2020-2021 жылдардан кейін қайтадан өсе бастап, 78,3 жасқа жетті.Еңбек нарығында 4 302,6 мың әйел жұмыспен қамтылған. Олардың басым көпшілігі білім беру саласында, яғни 851 мың, тағы 828 мыңы көтерме немесе бөлшек саудамен айналысады, 451 мыңы ауыл, орман және балық шаруашылығы саласында. 401 мың әйел денсаулық сақтау және халыққа әлеуметтік қызмет көрсету саласында, тағы 328 мыңы өнеркәсіп секторында жұмыс істейді. 74 мың әйел өнер, ойын-сауық және демалыс саласында жұмыс істейді.&nbsp;Айта кетейік, 849 мың әйел - жеке кәсіптердің басшысы, бұл тіркелген ЖК-нің жалпы санының 53,5 пайызы болады.

Қазақстанның қай қаласында әйелдер көп тұрады?  

Kyzylorda-news.kz. Мемлекет басшысы Қасым-Жомарт Тоқаев Қазақстан әйелдерін 8 наурыз – Халықаралық әйелдер күнімен құттықтады, деп хабарлайды Ақорданың <a href="https://www.akorda.kz/kz/memleket-basshysy-kasym-zhomart-tokaevtyn-8-nauryz-halykaralyk-ayelder-kunimen-kuttyktauy-72851">ресми сайт</a>ы.Қымбатты ханымдар!Баршаңызды Халықаралық әйелдер күнімен шын жүректен құттықтаймын!Сіздер әлемге жылулық пен жарасым сыйлап, жақын жандарыңызды махаббатқа бөлейсіздер. Аяулы аналарымыз өскелең ұрпақтың бойына адамгершілік құндылықтарды сіңіріп, оларды еңбекқор, білімпаз болуға тәрбиелейді.Бүгінде әйелдер қауымының отбасындағы, қоғам өміріндегі және мемлекетті жан-жақты дамыту ісіндегі рөлі орасан зор.Қыз-келіншектер өндірісте, шығармашылық жолында, саясат, бизнес және басқа да көптеген салада биік белестерді бағындырып келеді.Мемлекет гендерлік теңдікті сақтауға, әйелдер құқығын қорғауға және отбасы құндылықтарын нығайтуға әрдайым баса мән береді.Аналарымыз бен аруларымыздың алаңсыз өмірі – ұлтымыздың жарқын болашағының кепілі.Сіздерге зор денсаулық, бақ-береке тілеймін!Әрдайым көктем күніндей жадырап жүріңіздер!

Қасым-Жомарт Тоқаев әйелдер қауымын 8 наурыз мерекесімен құттықтады

<a href="https://kyzylorda-news.kz/">Kyzylorda-news.kz.</a> 2023 жылы Жаңақорған аудан сопртшылары жақсы жетістікпен бастады. Облыс, ел чемпионаттарында үздіктер қатарынан көрініп, аудан абыройын асырып жатыр. Әсіресе, гандболшы қыздар Алматы төрінде өткен 2008 жылы туған қыздар арасындағы ел біріншілігінде топ жарды.Сыр елінің атынан сынға түскен бұрымдылардың көшін жаңақорғандық арулар бастады. Құраманың негізгі 6 ойыншысы Құнанбайдың шәкірттері. Облыс біріншілігінде әбден іріктеліп, шыңдалған гандболшылар елдегі ең шоқтығы биік жарысқа &nbsp;тас-түйін дайындықпен барды.Әр облыстан кіл мықтылар бас қосқан жарыстың тәртібі бойынша 3 топқа бөлініп, әр топтан озып шыққан жеңімпаздар бір-бірімен жүлделі орындарға таласты. Үшінші топқа тап болған қызылордалық қыздар алдымен Қарағанды құрамасын ірі есеппен тізе бүктірді. Одан кейін Павлодар облысы мен Алматы қаласының аруларынан айласын асырып, ақтық сынға жолдама алды. Ол жақта Алматы облысының командасы мен ақтөбелік «Қандыағаш» қыздары күтіп тұрды.<blockquote>«Жарыстың деңгейі жыл сайын жоғарылап, талантты жастар өсіп келеді. Гандбол спорты біздің өңірде жақсы дамыған, мектебі қалыптасқан. Оны ұлттық құрама сапында жүрген спортшылардың жетістігінен көруге болады. Жарыстар әлі алда, бұл қыздарды енді Азия біріншілігі күтіп тұр. Әлі іріктелген жоқ, ұлттық құрама сапын чемпиондар құрайтынына сенімдіміз» деді білікті бапкер Құнанбай Салыбеков.</blockquote>Сонымен ақтық сында Ақтөбе мен Алматыдан келген бұрымдыларды қапы қалдырған Қызылорда қыздары чемпион атанды. Жаңақорғаннан облыс намысын Әсел Бахитжан, Нұрдана Қырғызбай, Аяулым Сағдат, Қызжібек Ғалым, Тоғжан Сайдалиева және Қарақат Әнуар қорғады. Құнанбаймен бірге облыс құрамасын Ольга Егунова жаттықтырды. Жалпы, ауданның қол добы спортының бүгінгі биігі керемет нәтижемен толығуда. Құнанбай қыздарының алды ұлттық құрама сапында жүр. Ал, ауданның «Сығанақ» жасөспірімдер командасы елдің 1-лигасында өнер көрсетеді. Ал, жоғарғы және супер лигасында аудан атынан сынға түсуге қаржы жағы қолбайлау болып тұр дейді бас бапкер. Әзірге қыздардың көші облыстың, ал, ең төменгі жастағылары ауданның атын қорғап жүр. Осындай жастарға неге бет бұрмасқа, осындай ауылдың қаракөздерін көтермелейтін кез келген секілді.Балуандар бабындаШымкент шаһарында өткен белбеу күресінен 23 жасқа дейінгі ерлер мен әйелдер арасындағы ҚР чемпионатында жерлестеріміз жеңіс тұғырынан көрінді. Сыр өңірінің атынан сынға түскен жаңақорғандық балуандар 3 алтын, 2 күміс және 1 қоламен қуантты. Алдымен бозкілем төріне бұрымды балуандар көтерілді. Қыздар бәсекесінде 62 келіде бақ сынаған Қамар Ермахан жартылай сынға дейін сүрінбеді. Тек финалға жолдама бұйырмай, қола жүлде үшін белдесуде барын салды. Алғашқы қола қоржынға осылай түсті.Ал, Жұлдыз Жұмаханның жұлдызы жанды. Ол ақтық сынға дейін сүрінбей өтіп, тек шешуші сәтте қарсыласына есе жіберді. Келесі күні жігіттер жарыс жолына шықты.57 келіде Алдаберген Бекзатқа тең келер қарсылас табылмады. 75 келіде қос балуанымыз ақтық сында белдесті. Алтын Маукенбай Айбергенге бұйырса, күміс Мамыт Наурызбектің еншісіне жазылды. 82 келіде өнер көрсеткен Асхан Саятқа да алтын бұйырмай, күмісті қанағат тұтты. Ең ауыр салмақ 90 келіде белдескен Өмірзақ Нұрасыл та қарсылас шақ келтірмеді.<blockquote>«Жарыс деңгейі жыл сайын өсіп, кіл мықты балуандар шығуда. Бізде қалыптасқан мектеп бар. Бұйырса, әлі талай елдің және Әлем чемпиондары шығатынына сенімдіміз. Жеңімпаздар алдағы байрақты сындарда өнер көрсететін болады» деді облыстың ағабапкері Әбдісаттар Садықов.</blockquote>Балуандарды Ербол Исабаев, Мұстафа Нышанов, Аслан Нұрқожаев, Сәулебек Атабаев және Мейірхан Қо¬жанов жаттықтырып, аламанға қосты. Тағы бір сүйіншісі, белбеу күресінен ел чемпионы болған Алдаберген Бекзат, Маукенбай Айберген және Өмірзақ Нұрасыл «Қазақстан Республикасының спорт шебері» нормативін орындады.Таеквандо мен волейболдан Сыр чемпиондарыҚызылорда қаласында таеквондо¬дан 2005-2007 және 2008-2010 жылы туылған жасөспірімдер арасында өткен облыс біріншілігінде жаңақорғандық өрендер олжалы оралды. Кәмілжан Нақышпанов пен Нұрболат Абласан баптаған жас спортшылар 3 алтын, 3 күміс және 2 қоламен сүйіншіледі. Арулар арасынан Назым Бахытқызы мен Айғаным Фазылбек облыста үздік екенін дәлелдесе, Маржан Манап пен Бибінұр Найманбай күмісті еншіледі. Ал, Әсем Аманбай қоланы қанағат тұтты. Жігіттер сынында Әбдіқадыр Аб¬дулла алтыннан алқа тағынса, Дархан Мажитаев күміспен күптелді. Нұртілеу Аманбай қолаға қол созды.<blockquote>«Бұл спорттың Жаңақорған ауданында даму қарқыны жақсы. Соңғы бес-алты жылдың көлемінде облыс және ел чемпиондары шықты. Олардың ізін басып келе жатқан бұл шәкірттерден де көп үміт күтуге болады. Олар әлі бала, нағыз бабына келу үшін әлі талай тер төгетін боламыз» деді Кәмілжан бапкер.</blockquote>Иә, Жаңақорғанда кенже қалған таеквандо, дзюдо сынды спорт түрлері соңғы жылдары жақсы дамудың жолына түсті. Осындай талантты оғландарды байрақты бәсекелерде көріп жатсақ еңбектің өтелгені. Жүлделі орыннан көрінген спортшылардың барлығы наурыз айында Тараз қаласында өтетін ҚР чемпионатына жолдама алды. Волейболдан Қызылорда облыстық білім басқармасының ұйымдастыруымен 8 наурыз – Халықаралық әйелдер күніне орай өткізілген техникалық және кәсіптік білім беру ұйымдарының оқытушы қыздары арасында волейболдан дәстүрлі облыстық жарыс жалғасын тапты. Жылда өтетін турнирде Жаңақорған аграрлы-техникалық колледжі қыздарының командасы фаворит саналатын. Бұл жолы да үздік екендерін дәлелдеді.<blockquote>«Біздің қыздар волейболдан әбден шыңдалған сақа ойыншылар. Олардың арасында ауданның намысын қорғайтын спортшылар да бар. Он жылға жуық облыстағы турнирлерде төбе көрсетіп, бірнеше мәрте чемпион атандық. Бұл неше жылдан бері маңдай тердің жемісі, бұйырса әлі талай жеңісті бағындырамыз» &nbsp;дейді команда капитаны Әсел.</blockquote>

Жаңақорғандық гандболшы жеңіс тұғырында

Kyzylorda-news.kz. Бүгін Қазақстанда 8 наурыз – Халықаралық әйелдер күні мерекесі аталып өтеді.Бұл күннің тарихы әйелдер құқығы үшін күреспен тікелей байланысты. 1857 жылы 8 наурызда Нью-Йоркте жұмысшы әйелдер манифестке жиналды. Олар 10 сағаттық жұмыс күнін, жарық әрі құрғақ жұмыс орындарын, ер адамдармен бірдей жалақы мөлшерін талап еткен еді. Әйелдер сол кездері 16 сағат тер төккен еңбектеріне өте аз жалақы алатын. Ал 1910 жылы Копенгагендегі социалист әйелдердің халықаралық конференциясында герман және халықаралық жұмысшы қозғалысының қайраткері Клара Цеткиннің ұсынысымен наурыздың 8-ін Халықаралық әйелдер күні ретінде атап өту туралы шешім қабылданды.1914 жылдан кейін бірнеше елде 8 наурыз әйелдер мерекесі ретінде аталатын болды. Бұл күн – әйелдер құқын қорғау және халықаралық бейбітшілік күні. Біріккен Ұлттар Ұйымы 1975 жылды Халықаралық әйелдер жылы деп жариялап, сол жылғы наурыздың 8-інен бастап Әйелдер құқын қорғау және халықаралық бейбітшілік күнін өткізе бастады. Қазақстан Республикасында да бұл мерекеге аса мән беріліп, осы күні елорда мен барлық облыстарда мерекелік іс-шаралар ұйымдастырылады.Бұдан бұрын хабарланғандай, 7 наурыз күні Мемлекет басшысы Қасым-Жомарт Тоқаев 8 наурыз – Халықаралық әйелдер күніне арналған мерекелік <a href="https://www.inform.kz/kz/ar-balanyn-zhetistigi-ana-mahabbatynyn-zhemisi-prezident_a4043541">іс-шараға қатысты.</a><blockquote>«Шын мәнінде, әрбір адам үшін анадан ұлы, анадан қымбат ешкім жоқ. Ең қастерлі құндылықтарымыз «Жер-ана», «Отан-ана» ұғымдарымен тығыз байланысты. «Ата ұлды, ана ұлтты тәрбиелейді» дейді. Бұл сөздің айрықша мән-маңызы бар. Ұлт болашағы ұрпақ тәрбиесінен басталады. Әр баланың жетістігі – ана махаббатының жемісі. Ұлы Абай айтқан «Толық адамға» тән асыл қасиеттер ұрпақтың бойына ана арқылы дариды», – деді Президент.</blockquote>Салтанатты жиын соңында Мемлекет басшысы «Аруана» үздік әйелдер жобасы байқауының жеңімпаздарын марапаттады. Бұл марапат әртүрлі салада әлеуметтік маңызы бар жобалармен айналысып, азаматтық қоғамның дамуына елеулі үлес қосып жүрген іскер әйелдерге он номинация бойынша табысталды.&nbsp;&nbsp;&nbsp;&nbsp;&nbsp;ҚазАқпарат

Бүгін – Халықаралық әйелдер күні 

<a href="https://kyzylorda-news.kz/">Kyzylorda-news.kz.</a> Жаңақорған ауданында 37 мыңнан астам гектарға егін егілмек.<blockquote>«Жаңақорған ауданы бойынша 37781 гектарға егіс егу жоспарланып отыр. Ауданда ауылшаруашылық өндірісімен айналысатын 781 шаруашылық құрылымдары болса, соның 485-і егін шаруашылығымен айналысады. Оның ішінде 175 шаруашылық күріш еккелі отыр. Биылғы жылы күріш 8346 гектарға, күздік бидай 3151 гектарға, жаздық бидай 194 гектарға, жаздық арпа 30 гектар, тары 260 гектарға, дәндік жүгері 700 гектарға, күнбағыс 46 гектар, жоңышқа 5000 гектар, сүрлемдік жүгері 30 гектар, қант қызылшасы 5 гектар, картоп 580 гектар, көкөніс 616 гектар, бақша 2095 гектар жерге орналастырылғалы отыр. Азық-түлік қауіпсіздігін сақтау бағытында қосымша жерлер ашылып 295 гектар жерге картоп, көкөніс, бақша орналастыру бағытында жұмыстар атқарылуда» деді аудандық ауыл шаруашылығы және жер қатынастары бөлімінің басшысы Талғат Зейдалиев хабарлама жасады.</blockquote>Түсінгеніміз, биыл облыс әкімінің тікелей тапсырмасы бойынша ауыл халқының азық-түліктік дақылдармен өз - өзін қамтамасыз ету әлеуетін арттыру талабына оң басымдықтар беріліп отыр екен. Отбасылар ынтымақтасып егістікпен айналысып, нәтижесінде әлеуметтік маңызы бар азық-түлік қорын жасап алуы алдағы уақытта да нарық саясатының қауіпсіздігін қамтамасыз етуге үлкен сеп. Осы бағытта шаруашылықтарда 150 га жер шеңгелден тазартылып 90 га жер сақадай-сай тұр. Ауданда 2087 тонна күріш тұқымы дайын. Басқа дақылдар тұқымдығы да жеткілікті Минералды тыңайтқыштар мен гербицидтер де қажетті деңгейде бөлінуде. Техника, жанар-жағар май мәселесінде іркіліс болмауы үшін қажетті жұмыстар атқарылуда. Бұл бағытта 1422 тонна дизель отыны бөлініпті. Оның 200 тоннаға жуығы шаруашылықтарға таратылып берілмек. Осы мәселелер туралы айтқан бөлім басшысының хабарламасынан соң аудан әкімі Мұрат Жолкелдіұлы көктемгі дала жұмыстарына дайындық барысындағы басты олқылықтар – егістіктерге су баратын каналдардың талапқа сай тазаланбауын сынға алды. Осы бағыттағы қаперсіздіктен алдағы уақытта алдымыздан шығар кедергілерді ескертіп, жауапты тұлғаларды орнынан тұрғызды.Ауданда екі-үш жылдан бері күріштің көлемі 6 мың гектардың айналасынан аспауы көптің көңілін күпті етіп, шаруа қожалықтары мен қарапайым шаруалардың қайта-қайта қолқалауымен жоғары орындарға шығып, биылғы жылы аудан аумағында күріш егуді 8346 гектарға арттыруға қол жеткізген әкім егістікке су баратын каналдар жайы жалғыз - жарымның емес, жалпының еңбегін еш, тұзын сор етерін, сондықтан бүгіннен бастап бір кісідей ынтымақты тірлік қажет екенін ескертті. Шаруашылықтардың барлығы ұйымдаса отырып, осы аумақтағы жерге нақты су баратындай етуге ерте көктемнен әрекетке көшкені жөн. Хабарламада тазалауды қажет ететін каналдар жайы талқыланды, Түгіскен ауылында канал сағасында лайқа басқан 41 шақырым жер демеушілер күшімен қазылып басталғаны жөнінде білдік. Өйткені канал бойында 370 га егістік жерге су уақтылы баруы керек. Елдікке сын болар алдағы науқанда ауызбіршілікпен қимылдағандар ғана ұтады. Бұған дейін жұмысты дұрыс ұйымдастырмай, салбөкселікке салынған Қожакент, Өзгент, Машбек ауылы атқа мінерлеріне де осы талапты қойды әкім. Ал аудандық ауыл шаруашылығы бөлімі басшылығына осы жұмыстардың барлығын қадағалауды тапсырды.Ізгі ниеттің ізденушілері кемӘкімдік мәжілісінде жергілікті жердегі тұрғындардың әлеуметтік жағдайын көтеру үшін оларға ауыл шаруашылық дақылдарын егіп алуға жан-жақты жанашырлықпен жасалған жұмыс жайына тоқталды. Бұл ізгі ниеттің де ізденушілері кем болып тұр. Мәселен, Сүттіқұдық ауылында 800 га жерді меншіктеп, мемлекеттен қаржы бөліп, он бір скважина қаздырып, жарық жүргізіп, су келтірген енапат еңбектің шырайын кіргізер шынайы егелері нақтыланбай тұр. Ауылда басы артық жұмыс көзі жоқ, жым-жырт қалғыған қарапайым тұрмысқа жан бітіріп, туған жер топырағын түлетуде тілек қосып, қимылдайтын-ақ кез. Бұл агроаймаққа ауыл халқы ғана емес, кент тұрғындары да егінін егіп, несібесін теріп алуына мол мүмкіндік бар. Скважина іске қосылып, жұмыс болмаған жағдайда құмға көміліп, көзі тұншығады. Осы мәселені ескерткен әкім халықтық бастаманы тиісті мәреге апаруға дәрменсіздік танытып отырған ауыл әкімдерін қатты сынға алды.Төменарық, Қожамберді, Сунақата және Екпінді, Жайылма ауылдық округінде ниеттенген отбасылардың барын Сүттіқұдық ауылында 40 гектар жердің ғана игерілгенін білдік. Әр скважина қасында 3-4 га жерге түрен салынып, қоршауын жүргізу басталыпты. Жалпы бұл жұмыстарды мамыр айына дейін бітіру тапсырылды. Агрозонасы жоқ Қыраш, Қосүйеңкі, Манап елді мекендерінде әкімдердің ұйымдастыруымен осындай қимыл-әрекеттің қажеттігі айтылды. Осы бағытта аудан бойынша 295 гектар жердің ғана игерілуі көңілді көншітпейді. Екпінді, Еңбек, Жайылма, Жаңақорғанның да ынталы азаматтары арнайы агрозонада бас біріктіріп берекелі кәсіпті қарқындатар болса ауыл халқын жұмыспен қамтудың бір көзі осы.Әкім келесі кезекте ауыл әкімдеріне шаруаларға жеңілдетілген жанар-жағар майдың, несиелердің уақытында бөлінуіне ықпал етуді тапсырды. Егістікке керекті дизель отыны 20 шаруашылыққа 240 теңгеден беріліп отыр. Енді алдағы уақытта осының тапшылығын болдырмау бағытында зерттеп-зерделеп, қажетті шараларды қабылдау жөнінде кәсіпкерлік бөліміне тапсырма берді. Дизель отыны мен бензиннің қосымша қорын қамдау жөнінде ескертті.Күн тәртібіндегі екінші мәселе – азаматтарды көктемгі мерзімді әскери қызметке шақыру науқанының орындалуы бойынша Жаңақорған ауданы қорғаныс бөлімі бастығы Нұрбол Есенәлиев баяндады. Ол қазірде 3185 азамат аудандық қорғаныс бөлімінде тіркеуде, оның ішінде 1292 азамат мерзімді әскери қызмет жасында, 1893 азамат түрлі себептермен шақырудан босатылғанын айтты. Осы шақыруда 134 азамат әскерге жөнелтілу керек. Осыған орай барлық кент, ауылдық округ әкімдеріне тапсырма берілген. Дәрігерлік сараптамадан өткізуге 1517 шақырту қағазы жібертілген. Соның ішінде 119 бала комиссиядан өтті. Бұл жұмыстарда Жаңақорған кенті мен Көктөбе, Шалқия ауылдық округтері алда келеді екен, керісінше Аққорған, Қожакент, Ақүйік, Жаңарық, Өзгент, Жайылма, Байкенже ауылдық округтері көштің соңында қалыпты.Қорғаныс бөлімі басшысы жалпы еліміз бойынша шекара қызметіне 400 баланың орны толмай тұрғаны, оның ішінде Қызылорда облысының үлесі 27-ні көрсетіп тұрғанын айтты. Алдағы уақытта мемлекеттік тапсырыстың орындалуына әкімдер бізбен бірігіп жұмыс жасаса деген тілегін жеткізді. Сонымен қатар ауданда сарбаздарды дәрігерлік тексерістен өткізуде облыс бойынша тек біздің ауданымызда нақтылық пен жүйелілік сақталып келе жатқанын, қорғаныс министрінің №727 бұйрығы бойынша шақырылушы азаматтардың ішкі құрылысын және жүректі УДЗ-дан тексеру қосылғанын, бізде бұл мәселелер де толық шешімін тапқанын айтып, сала басшысына рахметін жеткізді. Бір кілтипан, әскерге барудан жалтарған бала, жіберуге қарсы ата-ана көп. Бұл орайда аудан әкімі «Мұнымен әр ата-ана баласына жақсылық жасадым деуі қате. Қиындықта қайралмаған, Отанын қор¬ғаудан қашатын жанның ертеңі не болады? Ер емес, ез тәрбиелеп шығарып жатырмыз. Денсаулығы жақсы баланың бетін қайтармау керек» деді. Бұл бағытта аудандық ішкі істер бөліміне қорғаныс бөлімімен бірге жоспарды орындауды тапсырды.Үшінші мәселе, кент және елді мекендердің санитарлық тазалығы туралы арнайы слайдта аудан әкімі жанынан тағайындалған арнайы комиссияның ауылдарды аралағандағы бейне түсірілімдері назарға ұсынылды. Сунақата, Екпінді, Шалқия, Ақүйік, Қаратөбе ауылдық округінің атына сындар айтылып, қатаң ескертулер жасалды. Одан әрі облыста бір жылға екі рет «Үлгілі ауыл» номинациясы белгіленгенін, қай аудан таза болса сол өңірге погрузчик, су себетін машина, мусоровоз, басқа да құралдар берілетінін айтты. Сондықтан елді мекендерді де ретке келтіру, аркаларын жаңалау, жарықтандыру мәселесінің өзектілігін қаперге салды. Осы орайда әкімнің орынбасарларына бекітілген территориялар бойынша жауапкершілік сұралатынын ескертті. Кәсіпкерлік бөліміне орталық көшелердегі дүкендердің алдына егелерінің жарық орнатуын міндеттеуді тапсырды. Бұл бағытта ауданның тұрғын үй коммуналды шаруашылығы, жолаушылар көлігі және автомобилль жолдары мекемесі басшылығына да нақты тапсырмалар жүктелді.

Жаңақорған ауданында 37 мыңнан астам гектарға егін егіледі

<a href="https://kyzylorda-news.kz/">Kyzylorda-news.kz.</a> Жаңақорған ауданында «Газ бағасы 57 теңгеден қымбаттамайды» дейді – деді «Қызылорда газ» мекемесінің өкілі.Жаңақорған ауданында «PETRORETAIL» ЖШС-нің Жаңақорған АЖБ басшысы Бейбіт Мүсілімов, «Қызылорда мұнай өнімдері» Жаңақорған АЖБ басшысы Бауыржан Искаков, «Синойл» ЖШС, «Жаңақорған Ойл» ЖШС бас есепшісі Болат Ташметов, «Бәйтерек» дара кәсіпкерінің басшысы Алмахан Мырзабаев, «Автогаз Трэйд» ЖШС-нің басшысы Шәзинда Сұлтан, «Қызылорда газ» мекемесінің өкілі Мейіржан Хасанов газ саласындағы жұмыстарға тоқталды.<blockquote>«Ауданда газ тапшылығын болдырмау үшін арнайы лимит қойылды. Бұрын күніне 9 тоннаға дейін газды сатылуға шығарсақ, бүгін 6 тонна сатылуда. Газдың бағасы тұрақты, литрі 57 теңгеге бағалануда. Әрі халықтың кезек күту мәселесі жоқ» деді «Қызылорда газ» мекемесінің өкілі Мейіржан Хасанов.</blockquote>Тақырыпқа журналистік көзқарасымды қоса кетсем. Жасыратыны жоқ еліміздің бірнеше аймағында газ тапшылығы бар. Көршілес жатқан, Түркістан, Жамбыл облыстарында газ сату пунктерінде халықтың қарасы көбейген. Демек, отыз жыл бұрын ғалымдарымыз болжағандай табиғи рессурстық тәуелділіктен ажырап, жасыл экономикаға бет алар күн де алыс емес.Сондықтан, әлемдік заманауи үрдіске сай, күн панельдерімен жүретін автокөліктер тұтыну қажет-ақ. Қазірдің өзінде өзбек ағайындардың нарыққа шығарған эконом-класс көліктері Түркістанның кең көшелерінде көптеп кездесе бастады. Күннен де, тоқ көзінен де қуат алатын көліктің бағасы да қолжетімділігі біздің сұранысымызды одан әрі арттырып тұр. Автомобилографтар алдағы он жылда елімізде газ көліктері мүлдем сұранысқа ие болмайтынын алға тартады емес пе? Меніңше, біз көлік тарихында жаңа кезеңге аяқ басып жатқандаймыз

Жаңақорғанда газ бағасы 57 теңгеден қымбаттамайды

Kyzylorda-news.kz. Қазгидромет 8 наурыз күнгі ауа райы болжамын жариялады.Қазақстанның басым бөлігі әлі де Каспи теңізі ауданынан келген циклонының ықпалында болады. Осыған байланысты республиканың басым бөлігінде жауын-шашын, солтүстігінде, шығысында қатты жауын-шашын (жаңбыр, қар), оңтүстігінде, оңтүстік-шығысында күндіз қатты жаңбыр жауады. Тек еліміздің батысы ғана антициклон жоталары әсерінен жауын-шашынсыз ауа райы күтіледі.Республика бойынша желдің күшеюі, еліміздің солтүстік жартысында, шығысында, орталығында жаяу бұрқасын, оңтүстігінде найзағай күтіледі. ҚР бойынша тұман және көктайғақ күтіледі.Солтүстік Қазақстан облысының оңтүстігінде түнде қатты қар жауады, Шығыс Қазақстан облысының солтүстігінде, шығысында, Абай облысының солтүстігінде, түнде Павлодар облысының батысында, солтүстігінде жауын-шашын (жаңбыр, қар) болжанады.Алматы облысының оңтүстігінде, таулы аудандарында, Түркістан облысының солтүстігінде, оңтүстігінде, тау және тау бөктерлі аудандарында, Жамбыл облысының солтүстігінде, батысында, оңтүстігінде, таулы аудандарында жаңбыр жауады.Павлодар облысының оңтүстігінде, батысында, Абай облысының орталығында, түнде Ақмола, Қарағанды, Шығыс Қазақстан облыстарының солтүстігінде, шығысында, Түркістан облысының тау асуларында соққан желдің жылдамдығы 30 м/с жетеді.

8 наурыз: Тұман түсіп, көктайғақ болады

<a href="https://kyzylorda-news.kz/">Kyzylorda-news.kz.</a>&nbsp; Жалағаш ауданында «SinPro» сауда белгісімен тосол, антифриз тәрізді суыққа төзімді сұйықтықтар шығарыла бастады. Жеке кәсіпкер Асхат Ермекбаев өңірде болмаған тың кәсіпті мемлекеттік бағдарлама арқылы жүзеге асырған. Оған себеп – сырттан келетін өнім бағасына тәуелділікті азайту.Расымен бізде өзге елден келетін өнім көп. Бұл түрлі делдалдар арқылы қолдан қолға өтіп, бағаның өсуіне әсер етпей тұрмайды. Осындай кедергіні жоюға кейінгі жылдары қызылордалық кәсіпкерлер де бел шеше кіріскендей.Антифриздің де, тосолдың да атқарар жұмысы бірдей деп айтуға болады. Қыста нөл немесе -1 градуста су мұзға айналып қата бастаса, бұл өнім -40 градусқа дейін қатпайды. Сондай-ақ жаз айларында автокөлікте судың қайнауы жиі кездесіп жатады. Антифриз болса ондай кедергілерге жол бермейді.<blockquote>Айта кетейін, мен өзім химик-технологпын. Содан болар, осы өндірістің қыр-сырын меңгеру онша қиынға түспеді. Жеке қаражатымды салдым, қосымша мемлекеттік бағдарлама арқылы қолдау алдым. Дұрысы, 2021-2025 жылдарға арналған кәсіпкерлікті дамыту жөніндегі ұлттық жоба шеңберінде 5 млн теңге қайтарымсыз грант ұттым. Одан бөлек, «Қызылорда» өңірлік инвестициялық орталығы арқылы алты пайыз мөлшерінде 6 млн теңге несие рәсімдеп, бизнесті кеңейтуге күш салдық. Бастысы, мемлекет қолдауы біз секілді жас кәсіпкерлердің дамуы мен шығаратын өнімнің құнын тұрақтандыруға көп көмегін тигізіп келеді, – дейді Асхат Ермекбаев.</blockquote>Асхаттың шағын өндіріс орнында шығатын өнімді алғашқы отандық тауар деп есептеуге болады. Еуропалық стандартқа құрылған кәсіпорын күніне автокөлікке арналған антифриз бен тосолдың әрқайсысынан 1000 литрден шығарады.<blockquote>«Барлық технологиялық құрылғыларды, химиялық қоспаларды Ресейден алдырамыз. Жеңіл көліктен бастап үлкен кәсіпорындарда жұмыс істейтін қозғалтқыштарға қажетті антифриз түрлерін өндіруді бастадық. Қазір өндірісте бес адам жұмыс істейді. Шетелдік брендтерге қарамастан, біздің автохимиялық өнім нарықта өз орнын тапты. Қазір ауданның барлық автобөлшек сататын дүкендерінде біздің тауарлар тұр. Енді кәсіпорын көлемін үлкейткім де келеді», – дейді кәсіпкер.</blockquote>Асхат жақында антифриз өніміне «СТ-KZ» сертификатын алғанын айтты. Аталған сертификат – тауардың Қазақстан аумағында өндірілгенін немесе өңделгенін растайтын құжат. Демек, өзімізден шыққан өнімнің өзге де елдерге экспорттауға мүмкіндігі бар.&nbsp;

Жалағаштық кәсіпкер суыққа төзімді сұйықтықтар шығарып жатыр

<a href="https://kyzylorda-news.kz/">Kyzylorda-news.kz.</a>&nbsp; Әйел – әсемдіктің символы ғана емес, қажырлы еңбегімен танылған өрліктің де ерен үлгісі. Олар өмірге ұрпақ әкелумен қатар қоғам өміріне де белсене араласып, әр салада білікті маман ретінде танылып жүр. Сондай жандардың бірі – Бақытжамал Жүгінісова. Ол талай жыл табанды еңбек етіп, қазір де зейнетке шықса да еңбектен қол үзбеген жан. Толығырақ танысып, мақалада баяндалады.&nbsp;Бақытжамал Жүгінісова 1962 жылы Қазалы ауданында дүниеге келген. 1964 жылдар шамасында әкесі Әзбергеннің қызмет бабымен Аралға қоныс аударған. Арал қаласындағы іргелі білім ордасының бірі №83 орта мектептің табалдырығын аттап, сол мектептің алғашқы түлектерінің бірі болып қанат қаққан.<blockquote>– Мектепті бітірген соң жоғары мамандық алуды алдыма мақсат етті. Осылайша сол кездегі Тараз құрылыс институтына "су құрылысы инженері" мамандығы бойынша оқуға түстім. Оқуды 1984 жылы аяқтадым. Ол кезде дипломды мамандарды жолдамамен жұмысқа орналастыратын. Мен Орал қаласына аттандым. Сондағы Батыс Қазақстан су құрылысы жобасын жасайтын институтқа инженер қызметіне орналастым. 1987 жылы туған жерім Аралға келдім. Осындағы Арал балық өндірістік акционерлік қоғамында инженер болып қызмет жасадым, – деген кейіпкеріміз еңбек жолының баспалдағын айтып берді.&nbsp;</blockquote>Бақытжамал Әзбергенқызы 1986 жылы жолдасы Бақыт Жүгінісовпен шаңырақ көтереді. Өзі бір отбасының келіні, ана атанып жүріп әйелдер мәселесіне мән беріп, қоғамдағы әйелдердің мұң-мұқтажын өтесем деген мақсат қояды. 2001 жылы &nbsp;«Арал әйелдері» қоғамдық бірлестігіне қызметке келеді. 2006 жылы «Арал теңізі» қоғамдық бірлестігінің атқарушы директоры қызметін атқарады. Ал 2007 жылдан бастап «Арал әйелдері» қоғамдық бірлестігінің төрайымы ретінде қызмет істеп келеді.&nbsp;<blockquote>– Біздің қоғамдық бірлестік Аралдағы әйелдердің мәселесіне мән беріп, олармен түрлі бағыттағы шаралар ұйымдастырып келеді. Осы уақытқа дейін ауыл әйелдерін көтеріп, жұмыссыз санаттағы жастарға, қыз-келіншектерге өз кәсіптерін ашуға, бизнес жобалар дайындауға көмек көрсеттік. Сондай-ақ арнайы мамандарды шақырып, әйелдер арасында түрлі шеберлік курстарын тегін үйретіп жүрміз. Жалпы қазір қыз-келіншектерге жан-жақты қолдау керек. Отбасындағы беріктік пен береке әйелге байланысты. "Заманына қарай адамы" дегендей, қазір әйелдер үй шаруасымен отырып қалғысы келмейді. Еңбек етіп, қоғам өміріне араласқысы келеді. Сол жағынан қолдау көрсетіп жүрген жайымыз бар, – дейді Бақытжамал Әзбергенқызы.&nbsp;</blockquote>Бақытжамал апай бастамашы болып жүрген талай игі шаралады естіп те, көріп те жүрміз. Нәзік жандылардың &nbsp;өз ісімен айналысып, табысты әйелге айналуына қолдау көрсетіп жүрген жан. Арал аудандық «Аналар кеңесінің» белсенді мүшесі. Оның жеткен жетістіктері мен бағындырған белестері көп. Жоғары басшылық тарапынан Құрмет грамотасына, Алғысқа бөленіп жүр. Барақ кейіпкеріміз өзімнің ең үлкен жетістігі әйелдерге көмек көрсетіп, алғысын алудан асқан құрмет жоқ екендігін айтады.&nbsp;Бақытжамал Жүгінісова отбасылық бақытқа кенеліп, өмірге төрт бала әкелді. Қазірде бәрі бір-бір отбасы болып өмірден өз орындарын тапқан. Былтыр құрметті зейнетке шықты. Еңбектен қол үзбей жүріп, аралдық аруларға қолдау көрсету ісін одан әрі жалғап жүрген табанды әйел, көпбалалы ана, мейірімді әже Бақытжамал Әзбергенқызы қандай мақтауға лайықты жан.

Аналарға бағыт берген асыл жан

<a href="https://kyzylorda-news.kz/">Kyzylorda-news.kz.</a> Он жылдай бұрын қызылордалық кәсіпкер Ғалым Прекешов басқаратын «NP-Consulting» ЖШС құрылыс саласына қажетті каска шығару ісін қолға алды. Бүгінде өндіріс орнында тәулігіне 500 қорғаушы каска шығаруға мүмкіндік бар. Оған қоса кәсіпкер жақында 19 литрлік су бөтелкесіне арналған қақпақ өндіруді қолға алды. Аталған өнімдерге тұтынушылар тарапынан сұраныс зор, еліміздің барлық өңіріне тасымалдануда.<blockquote>«Бірқатар құрылыс компаниясымен келісім жасап жатырмыз. Сол себепті алдағы уақытта үш ауысымда жұмыс жасауды межелеп отырмыз. Жалпы кәсіпорында еңбек ететін жұмысшы саны алған тапсырысқа байланысты өзгереді. Біз өндірген каскаларды құрылыс саласындағы барлық компания қызметкерлері киеді. Өнім сапасына 3 жылға дейін кепілдік бар. Жылдан-жылға өнім өндіру артып келеді. Былтыр 34 мың дана каска шығарылды. Бұл уақытта жұмысшылар саны 15 адамға дейін жетті. Қазір он шақты адам тұрақты еңбекпен қамтылған. Маусымдық кезеңде жұмыс күші көбейеді», – деді кәсіпкер.</blockquote>Өндіріс орнында тәулігіне 10 мыңға жуық қақпақ шығаруға мүмкіндік бар. Олардың 2 түрі дайындалады. Қызылордадан өзге атыраулық өнім өндірушілердің сұранысы толық қамтамасыз етілуде. Сондай-ақ, Ақтау және Жезқазған қалаларында тұрақты тұтынушылар бар. Қазір Алматы қаласында нарыққа шығып жатыр.<blockquote>«Елімізде қақпақ шығару өндірісі әзірге бізден басқа ешкімде жоқ. Өнім бір мәрте қолдануға жарамды, оны жасауға полиэтилен материалы пайдаланылады. Адам денсаулығына ешқандай зияны жоқ. Шикізатты негізінен Ресейден жеткізіп отырмыз. Өнімдер әзірше экспортқа шығарылмайды. Оның себебі де жоқ емес. Қажетті шикізатты негізінен шетелден тасымалдаймыз. Келешекте өнім құны арзанға түсіп жатса, көршілес Қырғызстан және Өзбекстанға жіберуге болады. Айта кетсек, 2014 жылы касканы Ресейдің Сочи қаласында өткен Олимпиада кезінде экспортқа шағын көлемде шығарған болатынбыз», – деді кәсіпкер.</blockquote>Касканың ең төменгі бағасы 1365 теңгені құраса, ең қымбаты – 3500 теңге. Көршілес Ресейде каска шығаратын ірі кәсіпорындар бар. Әзірге еліміздің нарығында сол өнімдермен бәсекелесуге тура келеді.&nbsp;

Тұтынушылар тарапынан сұраныс жоғары

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаевтың тапсырмасымен аталған жолды жаңғырту қолға алынған болатын. Бүгінде облыс басшылығының қолдауымен ауқымды жобаны жүзеге асыру бағытында қызу жұмыс басталып кетті.<blockquote>&nbsp;Республикалық маңыздағы «Қызылорда-Жезқазған» жолын қайта жаңғырту бойынша мемлекеттік сараптаманың оң қорытындысы өткен жылдың желтоқсан айында алынды. Жобалау-іздестіру және техникалық-экономикалық негіздеме 2019-2020 жылдар аралығында жүргізілді. Ендігі кезекте 2025 жылға дейін күре жолды ел игілігіне айналдыру міндеті тұр, – деді облыстық жолаушылар көлігі және автомобиль жолдары басқармасының басшысы Пакуатдин Шамұратов.</blockquote>Күре жолдың 204 шақырымы (12-216 шақырым) Қызылорда облысының аумағында жатыр. Облыс аумағындағы жол бөлігі алты лотқа бөлінген. Қазіргі таңда олардың басым бөлігінде құрылыс жүргізетін компаниялар анықталды. Қызылорда қаласының аумағында орналасатын айналма жолы төрт жолақты болып салынады. Ұзындығы 14,6 шақырымды құрайтын бұл бөлігі 1 б санатқа енгізілген. Ал ұзындығы 201,4 шақырымға жететін қалған бөлігі екінші санатты, яғни екі жолақты болады.<blockquote>&nbsp;Қызылорда қаласы аумағындағы айналма жол толықтай жарықтандырылады. Сондай-ақ, 2 жол айрығы, 2 ауыл шаруашылығы техникалары мен үй жануарларына арналған жол өткелі, су арнасына арналған 3 көпір жоспарланған. Жол бойында салмақ, габарит, жылдамдық өлшейтін аркалар орналастырылып, демалыс алаңдары бой көтереді және 117 қиылысу мен түйісу нүктелері қарастырылған, – деді «ҚазАвтожол» ҰК» АҚ облыстық филиалы директорының орынбасары Ерсайын Мұзафар.</blockquote>Оның айтуынша, қазірге дейін 3-6 лоттар бойынша жеңімпаздар анықталды. Атап айтқанда, «Қытай азаматтық инженерлік-құрылыс компаниясы» 76-127, «Қыран» ЖШС 127-156, «Гуйчжоу жол-инженерлік корпорациясы» 156-186, «Stesol corporation» мекемесі 186-216 шақырым аралығында құрылыс жұмыстарын жүргізеді. Ал 1 және 2 лоттар бойынша тендерлік рәсімдер жасалуда. Құрылысқа техникалық қадағалаушы ретінде кореялық «Dohwa Engineering CoLTD» және қазақстандық «Consulting Group» ЖШС бірлескен кәсіпорны бекітілген.Аталған компаниялар былтыр жол құрылысына дайындық жұмыстарын жүргізді. Оның ішінде уақытша жерге орналастыруға қажетті рұқсат құжаттар мен мемлекеттік актілерді рәсімдеу, топырақ карьерлері мен су скважиналарын пайдалану үшін рұқсатнама құжаттарын алу, арнайы техникаларды жеткізу, айналма жолдарды салу, құрылыс материалдарын апару мәселесі бар.Сонымен «Қызылорда-Жезқазған» жолының құрылысы қызу бастау алатын күн жақын. Бұл, шын мәнінде, талай жылдан бері сөз күйінде келетін ең маңызды мәселенің бірі шешім тапқанын көрсетеді. Ендігі іске сәттілік болсын дейік. &nbsp;

«Қызылорда-Жезқазған» тас жолы: Жаңа мүмкіндіктерге жол ашылмақ

<a href="https://kyzylorda-news.kz/">Kyzylorda-news.kz.</a> Жалпы бүгінде облыс аумағына Сырдария өзені арқылы секундына 778 текше метр көлемінде су түсуде.Биылғы жылы 21 ақпаны 4 наурыз аралығында Жанақорған, Шиелі аудандары, Қызылорда қаласы және Сырдария, Жалағаш аудандарының өзен бойындағы елді мекендердің аумағынан сеңнің қауіпсіз жүруін жетелеудің нәтижесінде төтенше жағдайсыз өткізілді.&nbsp;Дегенмен, су өзен арнасынан асып, Қармақшы ауданы, Қызылтам елді мекені тұсындағы Далдабай, Қызылтам жолының су басу қаупі бар аумағына су жайылған. Жолаушылардың қауіпсіздігі үшін облыстық маңызы бар “Жалағаш-Жосалы” бағытындағы (Жосалыдан 43 км, Жалағаштан бері 31 км, Далдабай мен Қызылтам елді мекендерінің арасы) жол уақытша жабылды. Су алу аймақтарындағы шаруашылық иелерінің мүліктеріне, тұрғын жай ғимараттарына т.б. зақым келмеген.&nbsp;Елді мекендерге ешқандай қауіп жоқ. Қазір жауапты салалармен арнайы жұмыстар жүргізіліп, жағдай толық бақылауға алынған.&nbsp;Аталған жол - екі елді мекенді байланыстыратын жол екенін еске саламыз. Қызылтам елді мекеніне Қармақшы және Далдабай елді мекеніне Жалағаш ауданы жағынан баратын ішкі жол бар. Сол себептен оның үлкен жол қатынасына кедергі келтірмейді. Ал, «Батыс Еуропа-Батыс Қытай» халықаралық автожолы ашық, қалыпты жұмыс жасауда.Айта кету керек, биылғы жылдың 25 наурызына дейін Арал ауданынан мұз толықтай жүріп өтетіні болжануда.&nbsp;Бүгінде су басу қауіпі бар аймақтарға арнайы техника, күш-құралдары бар жауапты мекемелер бекітілді (29 су басу қауіпі бар аймаққа 136 мекеме бекітілген. Оларда 368 арнайы техника және 1 083 адам күші бар).Су тасқынына қарсы материалдық-техникалық қорлар қажетті көлемде қалыптастырылды. Ықтимал су тасқыны кезеңінде халықты көшіру пункттері дайын.Сондай-ақ, тиісті сала мамандарымен («Қазгидромет» және «Қазсушар» РМК Қызылорда филиалдары) Сырдария өзені арнасындағы 10 су бекеттері мен 4 су тораптарында су деңгейіне күнделікті мониторинг жүргізілуде. Елді мекендерге ешқандай қауіп жоқ екендігін тағы да назарға саламыз.

Қазақстан және Қызылорда облысының жаңалықтары