<a href="https://kyzylorda-news.kz/">Kyzylorda-news.kz.</a> Жайма шуақ жаз мезгілінің басталуына да санаулы күндер қалды. Бұл кезеңде көпшілік демалысқа шығып, саяхаттауға тырысады. Бірі отбасымен, келесілері достарымен, кейбіреулері жалғыз жүгін жинап жолға шығуға қамданады. Дұрыс-ақ, демалғанға не жетсін?! Алайда, өз еліміздің көрікті жерлерін көруден гөрі шет ел асып, өзге мемлекеттің кереметтерін тамашалауға асығатындардың көптігі көңіл қынжылтады. Бұған себеп те жоқ емес. Өйткені, Қазақстанда көрікті жерлерге барып демалуға әлі де жұрттың қолы жете бермейді. Ал қолы жеткендер: «Бағасына қызмет көрсету сапасы сай емес» деп қапаланды.&nbsp;Қазіргі таңда әлем бойынша ішкі жалпы өнімнің 10%-ы туризмнен түсетіні белгілі. Бұл әлемнің дамыған елдері қызмет көрсету саласының кілтін таба білгенін аңғартады. Кейінгі жылдары елімізде де туризм саласына ерекше көңіл бөлініп келеді. Осы орайда оқырмандарға «Қазақстанда демалу қалтаға қонымды ма? Көрікті жерлерімізге келушілер қатары неге көп емес?» деген сауал жолдаған едік.Шынар КҮНДІЛДА: Туризм – табыс көзіЖуырда Мемлекет басшысы Қасым-Жомарт Тоқаев VIII сайланған Парламенттің бірінші сессиясында ел дамуына үлес қосатын бірнеше маңызды бағытқа тоқталып, соның ішінде Үкімет пен Парламент туризмді дамыту мәселесіне баса назар аударуға тиіс екенін жеткізді. «Тағы бір маңызды мәселе. Үкімет және Парламент туризмді дамыту мәселесіне баса назар аударуға тиіс. Еліміздегі туризмнің әлеуеті зор, көрікті жерлеріміз өте көп. Бірақ, сол жерлерге барып, демалуға әлі де жұрттың қолы жете бермейді. Бұл салаға тың серпін беру үшін, ең алдымен, инфрақұрылым мәселесін кешенді түрде шешіп, қызмет сапасын түбегейлі жақсарту қажет. Кәсіпкерлер туризмнің болашағы зор екенін көруі керек. Сол үшін қажетті жағдайды жасаған жөн. Осы салаға салынған жеке инвестицияның көлемі, іштен және сырттан келген туристердің саны неғұрлым көп болса, жұмыстың нәтижесі де соғұрлым тиімді болмақ», – деді президент.Өзім Қазақстанның көптеген жерлерінде болдым. Туған жердің тамаша табиғатына көз тояды. Қалтаға аса салмақ түсірді дей алмаймын. Дегенмен халықтың жағдайы әртүрлі. Президент тапсырмасында айтылған мәселелер орындалса, елдегі туризм айтарлықтай дамиды. Туризм ол үлкен табыс көзі. Сондықтан туризм саласындағы кәсіпкерлер бірден күреп табам деп емес, халықты қалай өзіне шақыруға болатындығын ойлау керек.Самал ЕРБОЛҚЫЗЫ: Қызмет көрсету сапасы ақсап тұрҚазақстанның туризмін шетел туризмімен салыстыруға мүлде келмейді. Отбасымызбен Түркияның Анталия қаласына бардық. Кемер деген жерінде дамалдық. Ал Қазақстанда Шымкентте «Тау самалында», Бурабайда, Ақтау, Сарыағаш, Қапшағайда болдық. Айырмашылық өте көп. Мәселен, Бурабайда отбасымен үш күн демалатын қаржыға Түркия жерінде бір апта демалдық. Қазақстанда сервис бағасына тұрмайды. Қызмет көрсету сапасы ақсап тұр. Сол себепті ел шет елге кетеді.Бізде бұл сала енді-енді дамып келе жатыр деп айтуға болады. Біздің елдегі негізгі байлық бұл табиғат екені сөзсіз. Сондықтан табиғат аясындағы саяхатқа, экологиялық туризмге баса назар аудару керек сияқты. Менің ойымша туризмді дамытудағы барлық фокусты табиғаты әсем жерлерге, яғни Алматы, Ақмола, Маңғыстау, Шығыс Қазақстан сынды аймақтарға аудару керек. Әзірше еліміздегі тек осы аймақтар ғана көркем табиғатымен шетелдік туристерді тарта алады деп ойлаймын.Ұлхан ӨТЕГЕНОВА: Отандық туризм орташа деңгейдеЖалпы, туризм саласы елімізде енді дамып келе жатыр ғой. Сондықтан бұл саланың кемшіліктері жеткілікті. Алайда 4-5 жыл бұрын бізде туризм деген түсінік тек шетелге шығумен ғана байланысты болғанын айту керек.Қазақстанның туризмін Түркия, БАӘ, Мысыр, Тайланд секілді елдермен салыстыруға келмейді. Себебі бізде жазғы туристік маусым өте қысқа. Алакөлде шомылу маусымы бар-жоғы бір жарым, екі ай ғана. Сол екі айдың ішінде демалыс орнының иесі, туроператор, турагент, тасымалдау компаниясы барынша пайда тауып қалуға тырысады. Сондықтан да баға қымбаттайды. Мысалы, жазғы шомылу маусымында адамдар Алакөл, Каспий, Балқаш пен Бурабайға ағылады. Сұраныс артқаннан кейін демалыс орнының иесі бағаны көтереді. Себебі оның демалыс орны 9 ай бос тұрды.Ал демалыс орнының басшылығы клиенттерге сапалы қызмет көрсетуге тырыспайды. Байқағаным жұмысшы ретінде мектеп оқушыларын арзан жұмыс күші ретінде пайдаланады. Ал олар кәсіби маман болмағандықтан, туристермен жылы қарым-қатынас құра алмайды. Содан арада жанжал туындап, сөзге келіп қалуы мүмкін. Осыдан кейін отандық туризмнің сапасы әрине орташа деңгейде деуге тура келеді.Гүлнұр ЖЕҢІСБЕК, «KAZALY TOUR» туристік агенттігінің бас менеджері: Әр адамның ойы әртүрліМен бұған дейін бірнеше адамды шет елге жібердім. Олардың айтуынша, Қазақстанда демалғаннан көрі шет елде демалған әлдеқайда тиімді. Себебі, шет елді көрген сезім бөлек және ол жақта барлығы қарастырылған.Мәселен 180-250 мыңның аралығында қаржыңыз болса, жаздың күні бір апта Дубайда демалып қайта аласыз. Қонақ үйге орналасуға, тамақтануға, қыдыруға, серуендеуге, гид қызметін пайдалануға да осы ақша жетеді. Ал Қазақстанда бір адамның өзіне үш күнге 150-200 мың үш күнге жетпейді. Бұл ақшаға тек жатар орын таба аласыз.Дәл қазір мен Түркістанға сапарды қолға алдық. Бұйырса, 1 мамыр күні жолға шығамыз. Бір күнге бір адамға 15 мың теңге деп баға қойдым. Оған барып-қайту жолы, таңғы ас, Арыстан баб, Гауһар ана, Отырар қалашығы, Ахмет Яссауи кесенесіне барып, керуен сарайын аралаймыз. Саяхаттаушылар түскі ас және кешкі асқа ғана өздері ақша төлейді. Қалған қызмет 15 мыңның ішінде.Алла қаласы жаз мезгілінің орта кезінде Алматыға қарай тур ашқымыз келіп отыр. Әр адамның ойы әртүрлі. Шет елде қыдырып үйренгендер демалысқа шығу бойына шет елді аңсап тұрады. Қазақстанда қыдыру туралы ойламайды. Ал керсінше ұшаққа мінуден қорқатындар да бар. Олар пойызға мініп, Қазақстанды аралағанды жөн көреді.

Көрікті жерлерімізге келушілер қатары неге сиреп барады?

<a href="https://kyzylorda-news.kz/">Kyzylorda-news.kz.</a> Бүгінгі Үкімет отырысында алдағы жылу беру маусымына дайындық мәселелері талқыланды. Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді.Жылу беру маусымының қорытындысы және алдағы маусымға дайындық жөнінде облыстық энергетика және тұрғын үй-коммуналдық шаруашылығы басқармасының басшысы Руслан Нұрмағанбетов баяндады.Аймақ басшысы облыс бойынша жылу беру маусымы тұрақты өткенімен, қыста тұрғындарды электр жарығымен, көмірмен қамтуда бірқатар мәселе туындағанын атап өтті. Қатты желден 1 сәуірде Әйтеке би кентіндегі жылу орталығының мұржасы құлап, апатты жағдай болды, 30-ға жуық елді мекенде жарық сөнді.Осы мәселелерді ескерткен облыс әкімі келесі жылу беру маусымына дайындықты қазірден бастауды, қажетті отын қорын жинақтап, әлеуметтік нысандардың әзірлігін қамтамасыз етуді тапсырды. ҚР Энергетика министрлігінің хабарлауынша, ертеңнен бастап елімізде жанар-жағар май бағасының көтерілуі жоспарланған. Сондықтан азық-түлік пен құрылыс материалдарының бағасын күнделікті бақылауға алып, әр жағдайды жіті зерттеп, баса мән беру міндеттелді. Бұдан бөлек, жауапты мекемелерге облыс аумағында орналасқан 122 жанар-жағармай бекетінде, әсіресе «Батыс Еуропа – Батыс Қытай» автомобиль жолының бойындағы бекеттерде күнделікті қордың болуын бақылау жөнінде тапсырма берілді.Күн тәртібіндегі мәселеден бөлек жиында жастар және кәмелетке толмаған балалар арасында құқық бұзушылықтың алдын алу барысы қаралды.<blockquote>«Қазалы ауданындағы оқушылар арасында орын алған жағдай қоғамның қатаң сынына ұшырады. Мән-жайды анықтап талқылау үшін шұғыл жиын өтті. Нәтижесінде Қазалы аудандық полиция бөлімі бастығының қызметтік міндетіне толық сәйкес еместігі жөнінде салалық министрлікке ұсыныс берілді. Бұдан бөлек, жергілікті атқарушы орган басшыларының, білім беру ұйымдарының лауазымды тұлғаларының тәртіптік жауапкершіліктері қаралды. Қызылорда қаласы және аудан әкімдері, кәмелетке толмағандар арасындағы құқық бұзушылықтың алдын алу үшін екі ай бойы, тұрақты түрде күшейтілген режимде рейд ұйымдастыру керек», – деді облыс әкімі.</blockquote>Облыстық білім басқармасына барлық мектептерде, колледждерде ата-аналар және білім алушыларға арналған түсіндірме шаралары мен жиналыстар ұйымдастыру тапсырылды.<figure class="image"><img src="https://knadmin.beoblood.kz/uploads/340863165_551332300462724_8109389733749788947_n_d069fd4c2d.jpg" alt="340863165_551332300462724_8109389733749788947_n.jpg"></figure>&nbsp;<figure class="image"><img src="https://knadmin.beoblood.kz/uploads/340839954_746653590527730_8678685421401934380_n_2b0dda0b90.jpg" alt="340839954_746653590527730_8678685421401934380_n.jpg"></figure>

Үкімет отырысында алдағы жылу беру маусымына дайындық мәселелері талқыланды

<a href="https://kyzylorda-news.kz/">Kyzylorda-news.kz.</a> Демалыс күндері футболдан ел біріншілігінің бесінші туры өткізілді.&nbsp;Биыл Премьер-лигада сынға түсіп жатқан қызылордалық «Қайсар» өз алаңында Қарағандының «Шахтерін» қабылдады.Биылғы доп додасын екі команда да сәтсіз бастаған еді. Жерлестеріміз алғашқы үш турда небәрі бір ұпай жинады. Төртінші турда сырт алаңда Ақтаудың «Каспийін» жеңіп, жанкүйер көңілін бір серпілтіп тастағандай. Ал қарағандылық клуб төрт ойында небәрі бір ұпай олжалап, турнир кестесінде төменгі орынның бірін місе тұтты.Осындай себептерге байланысты командалар өзара кездесуді бірден шабуылмен бастады. Алғашқы минуттан қарбалас болып жатты. Қарағандылық клуб бірінші шабуылында «Қайсар» қақпасынан саңылау тапты. Қызылордалық қорғаушылардың қателігін пайдалана білген «Шахтер» шабуылшысы Иван Свиридов командасын алға шығарды.Ендігі кезекте алаң иелері тізгінді өз қолына алуға тырысты. Қос қанаттан шабуыл жасап, қарағандылық клубты тықсыра бастады. Бірнеше мәрте бұрыштама добы берілді. Осындай сәттердің бірінде «Қайсардың» жартылай қорғаушысы Горан Милойко ұлттық құрама қақпасын күзетіп жүрген Игорь Шацкийді қапы қалдырып кетті. Бұл – ойынның 19-минуты болатын.Жерлестеріміз бұдан кейін де тізгінді өз қолына алуға тырысты. Белсенділігі байқалып тұрды. Нәтижесінде 39-минутта қызылордалық қорғаушы Әділет Кеңесбектің тепкен добы қақпа торында тулап жатты.Ойынның екінші кезеңінде қарағандылық команда есепті теңестіруге ұмтылды. Тоқсан минут түгесілер тұста олардың басымдығы байқалып тұрды. Десе де таблодағы есепке өзгеріс енген жоқ. Нәтижесінде «Қайсар» қарсыласынан 2:1 есебімен басым түсті. Турнир кестесінде сегізінші орынға көтерілді.Енді жерлестеріміз алдағы ойынын 15 сәуірде Талдықорғанда «Жетісу» командасына қарсы өткізеді.Айта кетсек, бесінші турда «Қайрат» өз алаңында «Жетісуға» 2:3, «Тобыл» «Астанаға» 0:1 есебімен есе жіберсе, «Ордабасы» мен «Ақтөбе» 1:1 есебіне қанағат білдірді.Сондай-ақ, «Оқжетпес» «Ақсуды» 3:0, «Мақтарал» «Каспийді» 3:1, «Қызылжар» «Атырауды» 1:0, «Қайсар» «Шахтерді» 2:1 есебімен тізе бүктірді.

«Қайсар» жеңіске жетті

<a href="https://kyzylorda-news.kz/">Kyzylorda-news.kz.</a> Қазірде дүкендердегі азық-түліктің және басқа да тұрмыстық тауарлардың дерлік барлығы сырттан тасымалданады. Тұтынушы көп және соған сәйкес сұраныс та өте жоғары. Әсіресе азық-түлік өнімдері. Сырттан әкелінген соң оның бағасы да күн сайын қымбаттау үстінде. Бағаны реттеудің ең тиімді жолы – кәсіпорындар ашып, халыққа өз өнімдерін ұсынып отырған жергілікті кәсіпкерлерді қаржылай қолдап, бағыт-бағдар беру. Әрине соған орай өнім сапасына талапты күшейту.&nbsp;Жуырда Жалағаш ауданының орталығындағы азық-түлік дүкендерінің сөресіндегі өтімді тауарлардың қатарына жергілікті өнім қосылды. Қорап-қалтасының сыртында «Керемет» деген саудалық атау-белгісі бар ұн өнімдерінен дайындалған үй тұшпарасы, үй мантысы, үй самсасы және чебуреки бүгінде аудан тұрғындарының көбінің дастархан мәзірінен түспейтін болған. Дәмді әрі сапалы тағамды тұтынушылардың саны артқан. Ал бұл өнімдерді жергілікті кәсіпкер Зебо Имашева үй жағдайында дайындап, нарыққа көтерме бағамен шығарып отыр.&nbsp;– Біз әзірге тұтынушымыз. Ал қай кезде де тұтынушы өндірушіге тәуелді. Осы тәуелділіктен құтылу үшін тұрмыстық қажеттіліктің тым болмаса жартысын өзіміз өндіруге тиіспіз. Менің бұл кәсіпті бастаудағы негізгі мақсатым да сол – аудан халқына сапалы әрі тиімді бағада өнім ұсыну. Әзірге шикізатты сатып алып отырмыз. Бірақ алдағы уақытта бұл мәселені де шешуге жоспар жасадық. Әзірге мемлекеттен тиісті көмек немесе кәсіпкерлік мақсатта несие алғаным жоқ, жеке қаржыммен бастадым. Кәсібімді кеңейтуді көздеп отырмын. Мүмкін сол кезде мемлекеттің қолдауын тиімді пайдаланармын, – дейді Зебо Имашева.Иә, кәсіпкердің мақсаты да, бағыты да құптарлық. Өзі дайындап отырған өнімнің шикізатын сауда орындарынан алғанымен, аудан тұрғындарына кәсіпкер ретінде қызмет көрсетіп келеді. Бүгінгі күннің басты мәселесі де, талабы да – халықты жеткілікті мөлшерде азық-түлікпен қамтамасыз ету. Бұл орайда біздің кейіпкеріміз жоғарыдағы атап өткен мәселенің бір түйінін болса да тарқатып, қойылған талаптың үдесінен шығып отыр. Расында қорап-қалтасы әсем безендірілген жергілікті «Керемет» өнімінің құрамында зиянды қоспалар жоқ, яғни экологиялық таза және бағасын да қарапайым халықтың қалтасы көтереді. Тұшпара мен манты тек өзге ұлттардың ғана емес, ет жеп үйренген қазақтың да жеңісік асына айналған бүгінде. Ал самса мен чебуреки шәй дастарханының дәмі, сәні.&nbsp;– Жалпы тамақ жасау, түрлі тағамдарды дайындау әйелге таңсық іс емес. Оны біздің күнделікті жұмысымыз десе де болады. Ал соны кәсіпке айналдыру оңай шаруа емес екен. Өйткені кез келген кәсіптің бір жағында халық тұрады. Сол үшін қандай кәсіп болса да оның қыр-сырын біліп, толық үйренуге тура келеді. Мәселен аспаздардың жұмысы сырт көзге оңай көрінгенімен, ол – ең ауыр жұмыс. Тамақ дайындауды тұтас ғылым десе де болады. Ата-бабамыз «ауру – астан» деп бекер айтқан жоқ. Ендеше, ас үйдің жауапкершілігін мойынына алған адамға барша азық-түліктің құрамындағы элементтерді танып, тиісті қоспалардың мөлшерін дәл білу міндеттеледі. Яғни жеке өзіне немесе отбасына ғана емес, көпшілікке тамақ әзірлейтін аспаз өз ісінің нағыз шебері болуы тиіс. Міне, бізге де осындай талап қойылады. Өйткені мен де халыққа осындай қызмет көрсетіп отырмын. Сондықтан бұл кәсіп маған үлкен жауапкершілік жүктеді. Кәсіби сауатыңды арттыру – жұмыс деңгейінің, өнім сапасының кепілі. Сол себепті мен үнемі жан-жақты ізденумен жүремін. Тағы бір айта кетерлігі, кәсіп иесіне қойылатын заңды талаптан бөлек, ол өзінің адал, таза, сапалы қызметімен халықтың көңілінен шығуы тиіс.&nbsp;Әрбір істің бастауында бір себепші болады. Бұл кәсіпті бастауыма ықпал еткен кәсіпкер Рита Кенжебаеваны айтпай кетуіме болмайды. Кәсіппен айналысып жүрген азаматтардың кәсібі әртүрлі болғанымен, мүддесі бір, ол – халыққа қызмет жасау деп ойлаймын. Рита апай мені көрген сайын «Қазір ауданда дайын түшпара, манты дайындап, нарыққа шығарып отырған кәсіпкерлер өте аз, тіпті жоқ десе де болады. Ал біздің ауданда мал шаруашылығы дамыған, еттен мәселе жоқ. Сенің тәжірибең бар, бұл кәсіпті бастасаң алып кетесің. Бастысы, тұрғындар тарапынан жергілікті өнімге деген сұраныс бар», деп маған бағыт-бағдар берді. Сол кісінің сөзінен соң тәуекел деп іске кірістім.&nbsp;Қазірде мен «Кереметті» үйімнен шығарып отырмын. Бір бөлмеден шағын цех аштым. Санитарлық талапқа сәйкес, қауіпсіздік ережелеріне сай жабдықтадым. Уақыт талабына ілесу үшін дайын өнімдерді қаптайтын аппараттар мен арнайы электрлі пештер сатып алдым. Күнделікті жұмысыма қажетті сиыр етін дүңгіршектер мен дүкендерден алып тұрамын. Қазірде ет сататын орындардағы тауардың сапасы ветеринариялық және санитариялық сараптамадан өтеді, қатаң бақылауда болады. Одан бөлек, біз де бұған жіті мән береміз. Өйткені өнімімізді тұтынып отырған халықтан қандай да бір шағым немесе сенімсіздік болмағанын қалаймыз.&nbsp;Цехтағы жұмыстардың барлығы дерлік қолмен жасалады. Қасымда бір көмекшім бар. Ол да кәсіби маман. Әр түйірінің салмақ мөлшері өлшенеді. Яғни стандарттық шаманы сақтаймыз. Күніне 40 келі тұшпара, 10 келі манты дайындап, түйеміз. Сонымен бірге самса мен чебуреки де жеткілікті дайындалады. Дайын өнімдерді кент орталығындағы «Бибігүл ана», «Ақниет», «Қаракөз», «Бағдат», «Рита» сауда орындарына көтерме бағамен өткіземіз. Көбіне аудан тұрғындары дүкендерден біз дайындаған өнімдердің таусылып қалғанын айтып, арнайы тапсырыс береді. Тапсырысты да дер кезінде қабылдап, уақытында дайындап береміз. Мейрамханаларда, үйлерде өтетін тойларға ұн өнімдерінен дайындалатын тағамның бірнеше түрін тапсырыс арқылы пісіреміз, – дейді Зебо Бердиярқызы.

Зебо Имашева: Жергілікті өнімге деген сұраныс көп

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында кәсіпкерлік көкжиегін кеңейтіп, қызылордалық тұтынушылардың сұранысын қанағаттандырып келе жатқан жиһаз шығарушы цехтың бірі ЖК «Нұртөре».2020 жылы ата кәсіпті қолға алған Нұрлыбек Есқалиев 2022 жылдың желтоқсан айында мемлекеттік бағдарламаның көмегімен, яғни «Қызылорда» өңірлік инвестициялық орталығы микроқаржы ұйымы арқылы 10 млн. теңгеге қолдау алып, цех тынысын кеңейтіп отыр. Кәсіпкер ол қаражатқа өндіріске қажетті жабдықтар сатып алып, жұмыс өнімділігін арттырды. Бүгінде 5 адамды тұрақты жұмыспен қамтып отыр.Цехта үй мен кеңсеге, мектеп және басқа да ғимараттарға қажетті заманауи үлгідегі есіктер мен жақтаулардың, баспалдақтардың сан алуан түрі әзірленеді. Дайын болған өнімдер «Сығанақ» базарынан және Бәйтерек-3 тұрғын ауданы, 49 көше бойынан тұтынушыға жеткізіледі.<blockquote>«Қазір мемлекет тарапынан жеңілдетілген несие де, түрлі гранттар да берілуде. Бұл қолдауды тек тиімді пайдалана білу керек. Цехта әрбір материал сұраныс иесінің талабына сай дайындалады. Жиһаздарды дайындау барысында жергілікті өнімдерді пайдаланамыз. Мысалы, әйнек қызылордалық зауыттан шығарылса, есіктердің қаптамасын (упаковка) «Мүгедектер қоғамына» тапсырыс беріп, жасатудамыз. Осы іспетті, құрылыс жүргізіп жатқан мердігер мекемелерден қолдау күтеміз», – дейді «Нұртөре» ЖК-нің директоры Нұрлыбек Есқалиев.</blockquote>&nbsp;&nbsp;&nbsp;

Қызылордалық кәсіпкер 5 адамды жұмыспен қамтып отыр 

<a href="https://kyzylorda-news.kz/">Kyzylorda-news.kz.</a> Қызылорда облысының көлемінде орта, арнаулы оқу орындарының оқушы, студенттері арасында «Есірткісіз өмір ғажайып...» тақырыбында фотосайыс ұйымдастырылды.Сайыстың негізгі мақсаты - кәмелетке толмағандар арасындағы нашақорлық проблемаларын және қатысушылардың ақпаратты қолжетімді ұсыну арқылы олардың жеке пікірлерін баяндау мүмкіндігін түсіндіру және өскелең ұрпақтың бос уақытын тиімді пайдалануға тарту болып табылады.Байқауға 6-18 жас аралығындағы 200-ден астам жастар қатысты, оның ішінде сайыстың екінші кезеңіне 60 қатысушы өтті. Байқауда қатысушылар өз ойларын шығармашылық арқылы жеткізе білді, заманауи техниканың мүмкіндіктерін пайдаланып, өз суреттерінде нашақорлық проблемаларын көрсете алды.&nbsp;Сайыстық комиссияның шешіміне сәйкес, 25 қатысушы аймақтық жеңімпаз деп танылды.Жүлдегерлер: Арал ауданының №69 орта мектеп оқушысы Қойшанова Еркеназ, Қазалы ауданының №249 орта мектеп-лицей оқущысы Мақсат Али-Имран, Шиелі ауданының №46 орта мектеп-лицей оқушысы Ақәділ Аделя, Қызылорда қаласының №3 орта мектеп-лицей оқушысы Балтабай Айзере, Қызылорда қаласының №271,280 орта мектеп оқушылары Қарғабай Жұлдызай және Мұханбетәлі Ұлан, М.Мәметова атындағы Қызылорда жоғары педагогикалық колледж студенттері Ғалымжан Зарина мен Абсатқызы Малика, «ORDA» жоғары гуманитарлық колледжінің студенті Ғалымжанқызы Анель. Жеңімпаздар дипломдармен және бағалы сыйлықтармен марапатталады.Динара МАХАНОВА

Қызылордалық полицейлер фотобайқау ұйымдастырды

<a href="https://kyzylorda-news.kz/">Kyzylorda-news.kz.</a> Қызылорда облысындағы И.В.Панфилов атындағы №5 мектеп-лицейде Қызылорда облысы әкімінің орынбасары Нұрымбет Сақтағановтың 2023 жылғы 10 сәуірдегі «Балалар, жасөспірімдер және жастар арасында құқық бұзушылық пен топтық төбелестің алдын алу және болдырмау бойынша іс-шаралар» жоспарына сәйкес мектеп-лицей ұжымының қатысуымен арнайы жиын ұйымдастарылды.&nbsp;Жиынның басты мақсаты – білім беру ұйымдарының директорлары, орынбасарлары, полиция қызметкерлері, белсенді ата-аналар, жастар мен зиялы қауым өкілдерінен тұратын арнайы мобильді топ құрып, рейдтік іс-шараларға кезекпен шығу кестесін әзірлеу. Сонымен қатар жиында кәмелетке толмаған жасөспірімдерді түн мезгілінде заңды өкілінсіз жібермеу, отбасылық қатаң қадағалауға алу мәселесін ата-аналардың назарына сынып жетекшілер тарапынан жеткізуді ұйымдастыру қажеттілігі де айтылды. Мектеп басшылығы жиында оқушылар арасында құқықбұзушылықты болдырмау мақсатында түсіндірме жұмыстарын жүргізу керектігін де ескертті. Сонымен қатар жиында балалардың қауіпсіздігі де таңда басты назарда тұрған мәселе екені және мектептегі бақылау мен күзет қызметі күшейтілгені айтылды.Ал кешкілік уақытта мектеп-лицейі әкімшілігі жанынан құрылған арнайы топ «Жасөспірім» жедел-профилактикалық іс-шарасына қатысты. Мамандар кешкі 23.00-ден кейін кәмелет жасына толмаған жасөспірімдердің заңды өкілінсіз көшеде, ойын-сауық орталықтарында жүрмеуін бақылады. Рейд барысында &nbsp;қала көшелері, мешіт, ойын-сауық орындары, балалар көп шоғырланатын аймақтар қатаң бақыланды.

Жасөспірімдер құқықбұзушылыққа қарсы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің студенті Жамбыл Бақытәліұлы «Менің пірім – Сүйінбай» атты халықаралық жас ақындар айтысында ІІІ орын иеленді.Абай атындағы Қазақ ұлттық педагогикалық университетінің ұйымдастыруымен өткен жыр додасына республиканың түкпір-түкпірінен, &nbsp;Өзбекстан, Қырғызстан, Қытай және Моңғолиядан қырыққа жуық ақын қатысты.Жастар білім мен ғылым жетістіктері, отансүйгіштік, ұлттық сана-сезімді қалыптастырудағы өскелең ұрпақтың үлесі туралы жырлады.&nbsp;Жыр аламанына ҚР Еңбек сіңірген қайраткері Жүрсін Ерман, ақын Ринат Заитов, «Алаш» халықаралық әдеби сыйлығының лауреаты, белгілі ақын Серік Қалиев, қазақ өнерінің майталмандары қазылық жасады.<blockquote>«Бұл айтыстың орны мен үшін бөлек болды. Себебі, халықаралық деңгейдегі байқауға алғаш рет қатыстым. Жыр бәйгесіне қатысушылардың осалы болмады. Солардың ішінен дара шығу оңай емес. Айтыс екі кезеңнен тұрды. Ақтық кезеңге 18 айтыскер жолдама алдық. Байқау жоғары деңгейде өтті. Осы ретте сенім білдіріп, қолдау көрсеткен университет ұжымына алғыс білдіремін», – деді Жамбыл Бақытәліұлы. &nbsp;</blockquote>Жас ақын Қытай елінің Іле өңірінде дүниеге келген. 2019 жылы елге оралып, бүгінде Қорқыт ата атындағы Қызылорда университетінде «Журналистика» мамандығының 3-курсында білім алуда.

Жамбыл Бақытәліұлы − халықаралық айтыстың жүлдегері

<a href="https://kyzylorda-news.kz/">Kyzylorda-news.kz.</a> Бұған дейін Қызылорда қаласында көше салу, жөндеу жұмыстарын жүргізу өзекті болса, қазір қалада жаяу жүргіншілер жолын салу қолға алынуда. Бұл – тұрғындардың сұранысы.&nbsp;Жаяу жүргіншілер жолын салуға облыстық бюджеттен 690 миллион теңге бөлінген. Бұл қаржыға қала бойынша жалпы ұзындығы 34 шақырымды құрайтын 19 жаяу жүргінші жолы салынбақ. Қазіргі таңда конкурс талабына сай жауапты мердігер мекемелер анықталған. 10 жаяу жүргінші жолын «Қызылорда жолдары» ЖШС мекемесі салса, қалған тоғызы «Ақнұр-Авто» ЖШС мекемесінің жауапкершілігінде.&nbsp;Қазіргі кезде аталған 10 жаяу жүргінші жолының құрылысы аяқталуға жақын.<blockquote>«Халықтың сұранысы аясында биыл жаяу жүргіншілер жолын салуға басымдық берілді. Осыған орай 19 жаяу жүргінші жолын салуға тиісті қаражат облыстық бюджеттен бөлінді. Құрылыс жұмыстарын жүргізуге екі мердігер мекеме бекітілген. Қазіргі таңда 10 көшеге жауапты «Қызылорда жолдары» ЖШС мекемесі 7 жаяу жүргінші жолының негізгі бөлігін салып бітірді. Енді асфальт төсеу жұмыстары қалды. Қазір қаланың Шанхай аталынып кеткен шағын ауданындағы Ж.Шанин көшесі мен қаладағы СПМК-70 шағын ауданындағы Тараз көшесі және Халыққа қызмет көрсету орталығы аумағындағы Отырар көшесінің аяқ жағына бордюрлер орнату, қиыршық тас төсеу сынды жұмыстар істелуде», – дейді қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі бастығының орынбасары Дархан Бақтияр.</blockquote>Жаяу жүргіншілер жолы талап бойынша әлеуметтік нысандар орналасқан, халық көп шоғырланатын аумаққа салынады. Сондықтан бұл жолдарды ұзақ уақыт ел игілігіне жарағаны жөн. Жол салушы мамандар қаржы, құрылыс материалдары жағынан ешқандай тапшылық жоғын айтады. Сондай-ақ жұмыс барысы да кестеге сай уақытылы жүргізілуде. Мамандардың сөзінше, жаяу жүргіншілер жолы келер айға дейін толық пайдалануға беріледі. Қалған 9 көшедегі жаяу жүргіншілер жолының құрылысы әні-міне басталады деп күтілуде. Оған жауапты «Ақнұр-авто» ЖШС мекемесімен тиісті құжаттар жақында рәсімделген. Сондықтан істің барысы кешіктіріліп жатқан көрінеді. Ал жалпы құрылыс жұмыстары мамыр айына дейін аяқталып, ел игілігіне берілуі керек.<blockquote>«Алда жаз маусымы. Бұл кезеңде жұртшылық кешкі уақытта жаяу жүргенді жөн көреді. Сондықтан жаяу жүргіншілер жолы қажет. Ал балалардың, тұрғындардың қауіпсіздігі үшін мектеп, аурухана сынды нысандар орналасқан аумаққа салынғаны дұрыс. Жазда немерелермен бір уақыт есік алдына шығасың. Алайда көшеде жүйткіген көлік, қолды-аяққа тұрмайтын кішкентай балалар жүгіріп кете береді. Көлік қағып кете ме деп қорқасың. Амал жоқ үйдің ауласынан шығармаймыз. Жаяу жүргіншілер жолының салынып жатқанына қуаныштымыз. Бұл да бір қарапайым тұрғындарға жасалған қамқорлық деп білемін», – дейді СПМК-70 шағын ауданының тұрғыны Жәмила Тасболатқызы.</blockquote>Қала инфрақұрылымының жылдан-жылға дамып, халықтың басты қажеттіліктерінің &nbsp;қанағаттандырылуы тұрғындарды қуантуда. Мәселен, биыл қала бойынша 231 көше жөнделеді деп жоспарлануда. Бүгінде мердігер мекемелер анықталып, бірқатар көшенің жөндеу жұмыстары басталған. Қала мен оған қарасты кент, ауылдық округ көшелерін жөндеуге барлық бюджеттен және мемлекеттік бағдарламалармен 10 млрд 246 млн теңге қаражат бөлінген.Сала мамандары кей көшелердегі жеке тұрғын үй иелерінің есігінің алдын жаяу жүргіншілер түсетін жолға дейін асфальттап алғанын айтады. Бұл өз кезегінде құрылыс заттарын үнемдеуге мүмкіндік берген. Осы үнемделген материалдарды мердігер мекеме жаяу жүргінші жолы жоқ басқа да көшелерге төселмек.

Қызылордада биыл ұзындығы 34 шақырым жаяу жүргіншілер жолы салынады

<a href="https://kyzylorda-news.kz/">Kyzylorda-news.kz.</a> Бүгінгі өмірде орын алған түйіткілді мәселелер аз емес. Бірі жалақы аздығын айтып айқайласа, енді бірі денсаулық, білім саласындағы сыбайлас жемқорлық туралы дабыл қағып жүр. Әсілінде, кемшіліктің барлығы айналып келгенде тәрбиеге байланысты болмақ. Ата-ана ұрпағына қандай тәрбие берсе, оның жемісін де өзі көреді. Ал балаға тәрбие мен білім беретін алғашқы баспалдақ – мектеп қабырғасы екені жасырын емес. Білімнің негізі қаланатын бастауыш мектептен бастап бала әріп танып, оқуды, сызуды, есептеуді үйренетіні тағы бар. Ол үшін ұстаздар қауымы тер төгіп, баланың құлағына ілім нәрін құятыны сөзсіз.Осы күні біздің қозғайтын мәселеміз үлгірімі нашар оқушы төңірегінде болмақ. Үлгірімі төмен оқушы қайдан шығады? Аталған сауалға бір жақты жауап іздеу дұрыс емес, әрине! Бұл жерде мәселенің шешімін мектептегі ұстазынан, үйдегі ата-анасынан немесе айналасындағы қоршаған ортадан іздеуге болады. Алдымен ұстазға неге байланысты екенін тарқатып талдасақ. Біздіңше, мектепте, байырғы ұстаздардан бері қалыптасқан әдет бар. Дәлірек айтқанда, әдіс-тәсіл деуге болады. Демек мұғалімнің көпшілігі алдындағы бар оқушының ішінен алғырына, білімге деген құлшыныс танытатындарға ғана аса көңіл бөледі, солармен ғана жұмыс жасайды. Өзгелерінің партада отырғаны болмаса, әркім өз ісімен айналысып, мұғалімге кедергі келтірмесе болғаны. Әрине алдында отырған барлық баланың бірдей талантты, дарынды болмайтыны анық. Араларында оқуға зерек немесе есепке жүйріктері болатыны сөзсіз. Ал мұғалімнің негізгі міндеті – баланың барлығына бірдей білім беру болып табылады. Бүгінде оқытудың бірнеше әдіс-тәсілі бар екендігінен де хабардармыз.Бір сыныптағы оқушыларды 2-3 топқа бөліп, қабілеттіне қарай тапсырмаларды бөліп орындату маңызды рөл ойнайды. Осы ретте бұл әдістің өзі бала санасын бұзатынын, ондай кезде өзін өзгеден төмен санап, онсыз да үлгірімі төмен оқушының ештеңеге құлқы болмайтыны айдан анық, яғни оқушыны жікке бөлу арқылы оның одан әрі білім алуына мұғалімнің өзі кедергі жасап тұрған сыңайлы. Керісінше үлгірімі төмен оқушыны алға сүйреудің орнына оны өзгелердің алдында төмендетіп, психологиясына әсер етуі мұғалімнің тәжірибиесіздігінен. Бұдан кейін бір сыныптың оқушылары арасында бөліну, үлгірімі төмен оқушыларды менсінбеу секілді алалау пайда болатыны бар.Шындығын да әңгіменің өзегі нашар оқушының үлгірімі туралы айтылғандықтан алдымен ардагер-ұстаздан пікір білуді жөн санадық.<blockquote>&nbsp;Саналы ғұмырымды ұстаздыққа арнадым. Бастауыш сыныптың мұғалімі ретінде буыны қатаймаған, тілі де дұрыс шықпаған балалармен жұмыс істедім. Әрине алғыр оқушы да, жәй қабылдайтын оқушы да болады. Тәжірибемде тәрбиесі қиын оқушылар да кездесті. Дегенмен мұғалімге ата-ана баласын сеніп тапсырғаннан кейін онымен дұрыс жұмыс істеу мұғалімнің шеберлігіне байланысты. Ерінбей-жалықпай, уақытпен санаспай оқу үлгірімі төмен баламен қосымша бір-екі сағат артық жұмыс жасаса, балаға қолдау білдірсе, өзгермейтін оқушы болмайды. Білім саласында бастауыш сынып мұғалімдеріне жетекшілік жасадым. Сонда небір тәжірибелі мұғалімдер болды. Сабақтың алдында ертерек келіп, оқуы төмендеп кеткен оқушылардың оқуын түзеп, қайта-қайта баламен жұмыс істеп, нашар деген оқушының өзінен үздік оқушы шығарғандар болды. Кейде түгел бір сыныптың өзінде ылғи бестікпен оқитындар болатын. Ал кейбір сыныпта керісінше, ылғи үлгірімі төмен оқушылар отыратын. Осындай сәттен өту үшін ұстаздың өзіне көп іздену керек, әріптестерімен тығыз байланыс орнатып, баланың қызығушылығын анықтап, қандай жағдайда баланы қызықтыруға болатынын зерделеп, біліп, содан кейін сол әдіспен, қызығушылығын оятып оқыту керек. Мықты ұстаздан нашар оқушы шықпайды. Ұстаз ол баланың екінші анасы іспетті жай сөзбен түсіндіріп, жақсы көріп тұруы керек. Сонда ғана бала мектепке, ұстазына асығып тұрады, – дейді Сырдария ауданының ардагер-ұстазы Ұлтуған Бимырзаева.</blockquote>Шын мәнінде бастауыш мектепте жақсы оқыған бала, негізгі мектепке көшкенде оқу үлгірімінде өзгеріс болатыны рас. Оны мұғалімдер жаңа пәндердің қосылуымен, жаңа ұстаздардың келуімен байланыстырады. Оқу пәндерінің бағдарламасы да күрделене түсіп, тағы да талабы барлар алға жылжып, үлгірімі төмен оқушылар бұрынғысанан да төмендеп кетеді.Кез келген ата-ананың басында бар мәселе – баласының сабақ үлгірімі туралы сөз қозғағанда алдымен ұстаздарды кіналау оңай сияқты. Десек те оған ата-ана да жауапты екенін ұмытпайық. Күні бойы қолынан ұялы телефонын тастамайтын баладан сабақ сұрамақ түгілі, оның бос уақытында немен айналысатынан бейхабар ата-аналар да жоқ емес, бар. Үйде баласының сабағын қадағалайтын ата-ана баласының үлгірімін қадағалап жүреді. Төмендеп кеткен жағдайда мұғалімдермен байланысып, мән-жайды білуге тырысады. Сондықтан бізде бір жақты пікір білдірмей ата-аналардың да ойын білуге тырыстық.<blockquote>Қазіргі кезде балалардың сабаққа деген ынтасы нашар екенін мойындауымыз керек. Бірақ барлық бала бірдей емес. Алғыр, дарынды, балалар да бар. Менің қызым сабағын үздік оқымағанымен, күнделікті қадағалаудың арқасында қатарынан қалмай келеді. Қазір алтыншы сыныпта оқитын қызымның сабақ үлгірімі туралы ойлансам, ертеңгі күні осы білгенінен де айырылып қаламыз ба деген ой келеді. Дегенмен сыныптағы оқушылардың деңгейін қаншалықты екенін мұғалім біледі емес пе? Сондықтан оқытудың басқа да әдістерін пайдаланып, қайткен күнде де жаңа тақырыпты оқушыларға түсінікті тілде түсіндіруге тырысу керек деп ойлаймын. Одан бөлек оқушылар кейбір мұғалімнің сабақ сұра¬майтынын біліп алған. Соның салдарынан уақыт өте олар сабақ үлгірімін нашарлатып алады, кейде оны түзетуге құлықтары да болмай жатады. Оған демеу болып, түсінбеген тақырыптарын қайтадан түсіндіріп жатқан мұғалімдер кейде кездеспей жатады. Елдің баласына жаны ашитын мұғалімдердің азайып кеткені қынжылтады.Қазір мұғалімдердің жағдайы жақсарды. Ел Президенті жалақыларын жыл сайын көтеріп жатыр. Тіпті жағдайы төмен мұғалім жоқ десем жаңылыспаймын. Әлеуметтік жағдайларын жақсартып, жоғары жалақыларының арқасында көбісі жаңа қоныс салып тұрмыс-жағдайларын да жақсартып алуға тырысып жатыр. Бұған ешкімнің дауы жоқ. Десе де алдындағы оқушының сабағына жауапкершілікпен қарап, қосымша сабаққа шақырып, қадағалау болса, ертеңгі күні сол мектептің, ұстаздың да абыройын көтеретін шәкірті емес пе? Сондықтан мұғалімге бөлінетін факультатив сабақтарынан бөлек үлгірімі төмендеген пәндерден қосымша сабақ ұйымдастыру туралы ұсыныс айтқым келеді, – дейді ата-ана Н.Ғаниқызы.</blockquote>Орынды ұсыныс, таңертеңнен кешке дейін ешқандай мұғалім қазір мектепте жүрмейді. Әркім сабағына қатысып, тиісті сағатын беріп кетеді. Қазір қосымша қоғамдық жұмыстардан да босатылды. Сондықтан қосымша сабақ беріп, оқушының сабағын жақсартуға көмектесу мұғалімнің өзіне байланысты. Қазір қалтасы көтеретін ата-ана баласын ақылы оқытып жатыр. Осындайда заңды сұрақ туындайды.Неліктен мектептегі пәнді ата-ана ақылы түрде өзге мұғалімге баласын оқуға беруі керек? Неліктен бала мектеп қабырғасында жүріп, мұғалімнің сабағынан білім үйренбейді? Мұғалімге берілетін жалақы осындай олқылықтың орнын толтыруға жетпейді ме, әлде мұғалімнің көздегені тек материалдық жағдайды жақсарту ма? Онсыз да оныншы мен он бірінші сыныпта оқитын баласы барлар таңдау пәні бойынша баласын ақылы оқытып жатыр. Бала грантқа түсуі үшін міндетті түрде осындай ақылы оқуды оқыса ғана жоғарғы балл алады деген оймен жүрген ата-аналар жетерлік. Осы жағдайды пайдаланып мықты деген мұғалімдер жеке курстар ашып, ақылы оқытуды кәсіпке айналдырып алды. Мейлі ғой, баласынан ештемесін аямайтын ата-ана қанша ақша берсе де баласын оқытып алады. Дегенмен мұғалімнің еңбегі алдындағы шәкіртінің жетістігімен бағаланатындығын ұмытпай, ізденіс пен шығармашылықты серік етіп, ұстаздар қауымы шәкіртерін мақсатына жетуіне себепкер болып жатса нұр үстіне нұр болар еді.&nbsp;&nbsp;

Сырдариялық оқушылардың үлгерімі қандай?

<a href="https://kyzylorda-news.kz/">Kyzylorda-news.kz.</a>&nbsp;Қызылорда обылыс әкімінің жедел штаб отырысында берген тапсырмасына сәйкес бүгін ауданда құқық бұзушылық пен топтық төбелестің алдын алу мақсатында бірқатар білім ошақтарында мектеп оқушылары мен ата-аналарының қатысуымен жиын өтті.&nbsp;Арнайы құрылған топтың алғашқысын аудан әкімі Мұхтар Оразбаев өзі басқарса, екінші топқа аудан әкімінің кеңесшісі Бақытжан Жарылқап төрағалық етті.&nbsp;Е.Бозғұлов атындағы №249 мектеп-лицейде өткен басқосудың топ құрамында облыстық мәслихат депутаты Ібайдулла Тілеп, еңбек ардагері Кемалбай Көпжасар, аудандық прокуратура және аудандық полиция қызметкерлері болды. Одан бөлек жиынға зиялы қауым өкілдері қатысты. Аудандағы құқық бұзушылық пен топтық төбелестің алдын алу жолында жасалып жатқан шараларға тоқталған аудан әкімінің кеңесшісі сөз кезегін облыстық мәслихат депутаты Ібайдулла Тілепке берді.&nbsp;<blockquote>«Әрбір шаңырақтың үкілеген үміті, бақыты, қуанышы ол – бала. Ал сол бала есейе келе ата-анасының көңіліне қаяу келтіретін жағдай жасаса ол үшін ата-ананың жауапкершілігі бірінші сұралады. Өйткені, бала тәрбиесі – үйдегі дастархан басынан басталады. Несін жасырайық, бүгінгінің жастары ханның ұлындай күн кешіп жатыр. Оны таңнан кешке дейін жұмысқа жегіп қоятын ата-ананың саны азайды. Қазір ата-аналар ұл-қызының қатарынан кем болмауы үшін қолына қымбет телефон, астына қымбат көлік тым құрығанда қымбат киім алып береді. Міне, осының барлығы қандай еңбекпен келіп жатқанын әрбір өскін түсінуі қажет. Ал оны түсінбей қарны тоқ, уайымы жоқ болған жастар кешегідей қылмысқа барады. Сондықтан балаларды үнемі қадағалауда ұстап, тіпті телефоннан не қарап жүргеніне дейін бақылап отыру қажет», – деді облыстық мәслихат депутаты.&nbsp;</blockquote>Сондай-ақ, кешегі қылмысқа қатысты жастардың жайынан хабар берген аудандық прокуратура және полиция бөлімі қызметкерлері әрқайсысына тергеп-тексеру жұмыстырына сәйкес шара көрілетінін айтты.&nbsp;Бұдан соңғы оқушылар және олардың ата-аналарымен кездесу М.Матаев атындағы №170 орта мектебінде жалғасты. Мұндада оқушылардың келешегіне алаңдаған ата-ана барлығын жіті назарда ұстауы қажет екені айтылды. Сондай-ақ, қатысушылардың ұсыныс-пікірлері тыңдалды.&nbsp;Облыс әкімінің тапсырмасына сәйкес жедел құрылған екінші топтың кезекті жиыны №276 орта мектепте өтті. Аудан әкімінің кеңесшісі Бақытжан Жарылқап жүргізген басқосуда еңбек ардагері Кемалбай Көпжасарда өз ойын бүгіп қалмады.&nbsp;<blockquote>«Шыны керек, қазір ата-ана мұғалімді кінәлауға үйреніп алған. «Балама қарсы сөйлеме, артық әңгіме айтпа» деп шыға келеді. Одан қалды телефонын көрсетіп бейнежазбаға түсіріп, қорқытады. Бұдан кейін қандай оқушы мұғалімді сыйлайды. «Алты Алаштың басы қосылса, төр – мұғалімдікі» деп Мағжан Жұмабаев бекерден бекер айтпаған. Сондықтан бар кінәні мұғалімдерге жауып қоюдан арылып, баламызды өзіміз бақылауда ұстайық», – деді еңбек ардагері.&nbsp;</blockquote>Жиын соңында ата-аналар тарапынан ұсыныстар айтылып, пікірлері ортаға салынды.&nbsp;<img src="https://knadmin.beoblood.kz/uploads/336322652_9753895411290949_7548003273660008665_n_58f2058b89.jpg" alt="336322652_9753895411290949_7548003273660008665_n.jpg"><img src="https://knadmin.beoblood.kz/uploads/336367075_3410725799175602_8791254409970061720_n_505567b981.jpg" alt="336367075_3410725799175602_8791254409970061720_n.jpg">

Қазалы ауданында арнайы топ білім ошақтарын аралады

<a href="https://kyzylorda-news.kz/">Kyzylorda-news.kz.</a> Қызылорда облысында заңсыз сақталған қару-жарақтар мен оқ-дәрілерді өтемді түрде сатып алу акциясы өткізілуде. Бұл туралы Қызылорда облыстық полиция департаментінің баспасөз қызметі хабарлады.Биылғы жылдың 10 сәуірінен бастап &nbsp;республика көлемінде ҚР Ішкі істер министрлігінің бастамасымен қару сатып алу бойынша кезекті акция өткізіліп жатыр.&nbsp;Акцияның негізгі мақсаты – аймақтағы азаматтарда заңсыз сақталған қару-жарақтар мен оқ-дәрілерді өтемді түрде, яғни ақысына қабылдау болып табылады.Департаменттің хабарлауынша, қаруды өз еркімен тапсырған облыс тұрғындары қылмыстық және әкімшілік жауапкершіліктен босатылады. Алынған қарудың түріне және техникалық жай-күйіне байланысты &nbsp;сыйақы тағайындалады. &nbsp; &nbsp;&nbsp; ҚР Ішкі істер министрлігінің бұйрығына сәйкес бір айлық есептік көрсеткіштің 10-нан 100-ге дейінгі мөлшерінде сыйақы тағайындалады. &nbsp;&nbsp;«Құрметті облыс тұрғындары! Тіркеуде жоқ заңсыз сақтаудағы қаруларды, жарылғыш заттарды полиция бөлімдеріне өткізіп, қарумен жасалатын қылмыстардың және төтенше оқиғалардың алдын алуда өз үлестеріңізді қосуға шақырамыз», делінген ақпаратта.&nbsp;

Қазақстан және Қызылорда облысының жаңалықтары