<a href="https://kyzylorda-news.kz/">Kyzylorda-news.kz.</a>&nbsp; Бүгін Қазалы ауданының әкімі Мұхтар Оразбаев бастаған арнайы топ өкілдері облыс әкімінің тапсырмасына сәйкес аудандағы құқық бұзушылық пен топтық төбелестің алдын алу мақсатында Қазалы гуманитарлық-техникалық колледж студенттері және ата-аналармен кездесті.Жиынды жүргізген аудан басшысы орын алған топтық төбелесті түсіндіріп, бүгінгі қоғамдағы бала тәрбиесінің маңыздылығына тоқталды.<blockquote>«Несін жасырайық, қазір кейбір ата-ананы «баламның жанында кім жүр, ол кіммен араласады?» – деген сұрақ мазаламайтын болды. Өкініштісі сол, баламен бірге отырып тамақ ішпейтін де жағдайға жеттік. Дастархан басына келді деген күннің өзінде ұялы телефонға телміріп отырады. Үнемі бұлай отыру жас өскіннің психологиясын бұзады. Сондықтан ата-аналар тарапынан қатаң бақылау болуы қажет, – деді аудан әкімі М.Әуесұлы.</blockquote>Мұнан соң аудан прокуроры Дарын Әбіш сөз алып, оқиғаға қатысы бар 5 балаға қатысты тергеп-тексеру жұмыстары жүріп жатқанын айтты.<blockquote>«Әлі тергеу жүргізіліп жатыр. Барлығы анықталған соң қатысы бар жастарға қылмыстық қатаң шара көріледі. Бұрын төбелес болмады емес, болды. Бірақ қазіргідей түсіріп алып, әлеуметтік желіге жүктеп, тарату болмады. Оны да жасаған өзінің айналасында жүрген жандар. «Ауруын жасырған өледі». Сондықтан осындай шараларда барлығын бүкпей айту керек. Сонда ғана аудандағы құқық бұзушылық пен топтық төбелестің алдын ала аламыз», – деді аудан прокуроры.</blockquote>Артынша аудандық мәслихат төрағасы Ғазиз Әліш сөз тізгінін алып, қылмыстық іске барған кәмілетке толмаған балалардың ата-анасына айыппұл салынатынын айтты.<blockquote>«Қазір ауданымыз тұтас Қазақстанның талқылауында. Бір құмалақ, бір қарын майды шірітеді дегендей, бір оқиға ауданды жаман жағынан көрсетті. Қазір балаларға әкімшілік шара көрілетін болса, ол келешекте оның алдынан шығады. Сол үшін осы бастан теріс қылыққа, қылмысты әрекетке бармау қажет. Ол – өз болашағыңа балта шапқанмен тең», – деді аудандық мәслихат төрағасы.</blockquote>Жиын соңында ата-аналар тарапынан ұсыныс-пікірлер айтылды. Соған сай жауаптары да берілді. Айта кеткен жөн, жиынға аудан әкімінің орынбасары Дәурен Тілеумбетов, аудандық мәслихат депутаты Нұрғиса Жалғасбаев пен Есет Табынбаев және аудандық полиция қызметкерлері қатысты.&nbsp;

Мұхтар Оразбаев колледж студенттері және ата-аналармен кездесті 

<a href="https://kyzylorda-news.kz/">Kyzylorda-news.kz.</a> Қармақшы ауданының санитариялық-эпидемиологиялық бақылау басқармасының өткен жылы өнімдердің қауіпсіздігіне мониторинг жүргізу мақсатында жылдық жоспар-кесте жұмысына сай аудан көлеміндегі азық-түлік пен тағам түрлеріне сынама сатып алу жұмыстарын жүргізілді. Іс-шара негізінде аудандағы сауда үйлері мен азық-түлік дүкендеріне талдау жұмыстары жүрді.&nbsp;Жоспарға сәйкес 36 нысан қаралуы тиіс болса, сынама сатып алу жұмыстары жүргізілген сауда орындарының саны 12-ні құрады. Сынама сатып алу бюджет қаражаты есебінен жүргізіледі. Биылғы жұмсалған қаржы 360000 теңге болса, алынған сынама саны – 176. Мониторинг шеңберінде сараптама жүргізуге іріктеліп алынған сынамалардың 89,7% (158) тамақ өнімдері, 10,2% (18) тамақ емес өнімдердің үлесінде болды. Оның ішінде отандық өнімдер өнімдер саны – 55 , ЕАС – 104, өзге де елдерден алынған сынамалар саны – 14.&nbsp;Сараптама жүргізуге іріктеліп алынған 176 сынамалардың түрлеріне жеке тоқталсақ. Атап айтқанда, 16-і ет өнімдері, 39-і сүт өнімдері, 20-сы кондитерлік өнімдер, 14-і құс өнімдері, 5-і балық , 11-і май өнімдері, 9-ы ауыз сулар, 6-ы ұн, жарма өнімдері, 2-еуі алькоголді сусындар, 7-еуі алькоголсіз сусындар, 2-еуі өзге де тамақ өнімдері, 2-еуі балалар ойыншығы, 2-еуі балалар мен жас өспірімдерге арналған жеңіл өнеркәсіп (киімдер) өнімдер, 9-ы тұрмыстық химия өнімдері, 2-еуі жеке гигиена заттары тағы басқа алынды.ҚР ДСМ СЭБК «Ұллтық сараптама &nbsp;орталығы» ШЩҚ РМК &nbsp; Қызылорда облысы бойынша филиалымен жүргізілген зерттеулер қортындысы бойынша 176 сынаманың 6,2% (11сынама) техникалық регламенттер талаптарына сәйкес келмеген. Өткен жылмен салыстырғанда 3 пайызға төмендеген (2021жылы барлығы 206 сынамадан 19 сәйкессіздік анықталған). Ағымдағы жылы ет өнім және ет &nbsp;өнімдері -16/7 (органелептика – 1, құрғақ қалдық – 1, мезофильді аэробты факультативті анаэробты микроорганизмдер саны – 2, ІТТБ-2 0,0001 г анықталған) және тағы да басқа құс және құс өнімдері – 14/1, май өнімдері – 11/1, балаларға арналған бұйымдардан киім 2/1, ойыншық 2/1 өнімдерінен таңбалануы бойынша мемлекеттік тілде мәлімет көрсетілмеген сәйкессіздіктері анықталып отыр. Санитариялық-эпидемиологялық сараптама қортындысымен техникалық регламенттеріне сәйкес келмеген 11 өнімнің 2,7% (3) отандық өнімді құраса, 2,8 (6,3) Еуразиялық экономикалық одаққа мүше елдердің және өзге елдерден әкелген өнімдердің үлесінде. Анықталған кемшіліктерге сәйкес Кеден одағы техникалық регламент талаптарына сайкес келмеген өнімдер бойынша анықталған сауда орындарының жеке кәсіпкерлі субъектісіне басқарма тарапынан бұзушылықты жою туралы 6 ұйғарым берілді. Дүкен сөрелерінен &nbsp;зерттеу жұмыстарына сәйкес мынадай өнім түрлері алынды. Тауық еті – 1 дана 1820 грам , жалпы соммасы 1500 теңге, 6 – дана ет өнімдері жалпы салмағы &nbsp;2400 грам, соммасы 3720 теңге, шырын өнімдері 1 дана, 1 литр 400 теңге, Астория шұжығы 1 дана. Шемішке май 72.5% &nbsp;2 дана 800 грам, балалар бұйымы &nbsp;«PANDA», балаларға арналған бөтелке 1 дана 1800 теңгені құрады. Талаптарға сәйкес келмеген өнімдер кәсіпкерге ескертіліп дүкен сөрелерінен алынып тасталды.&nbsp;Қазақстан Республикасында тексерулерге және профилактикалық бақылауды барып жүргізуге мораторий енгізу туралы Қазақстан Республикасы Президентінің 2019 жылғы 26 желтоқсандағы № 229 Жарлығының №44 07.12.2022жылғы өзгерістер енгізілуіне байланысты Орталық мемлекеттік және жергілікті атқарушы органдар 2020 жылғы 1 қаңтардан бастап 2024 жылғы 1 қаңтарға дейін шағын кәсіпкерлік субъектілерің, оның ішінде микрокәсіпкерлік субъектілерін тексерулерді және профилактикалық бақылауды барып жүргізуді тоқтатсын деп көрсетілгенімен 9) тармағында халықтың санитариялық-эпидемиологиялық саламаттылығы саласында өнім қауіпсіздігінің мониторингін жүзеге асыру үшін өнімді іріктеу және оған санитариялық-эпидемиологиялық сараптама жасау мақсатындағы профилактикалық қадағалауды барып жүргізу қосылмайтыны айқын көрсетілген.Басқарманың қазіргі міндеттерінің бірі ҚР-ның ішкі сауда нарығының айналымына келіп түсетін ,сатылатын , өндірілетін тамақ және тамақ емес халық тұтынатын &nbsp;өнімдердің қауіпсіздігін бақылау жүргізу болып табылатындықтан аудан көлеміндегі сауда нарығына халыққа сапалы тағам және тамақ емес тұтынатын өнімдерді тасымалдау барысында Еуразиялық экономикалық одаққа мүше елдердің және өзге елдерден әкелінетін тауарлардың мемлекеттік тілдерде таңбаларының болуына , тасымаладануы, сақталуына аса мән беру қажеттігін аудан көлеміндегі кәсіпкерлік субъектілеріннің кейбір заңнамалық актілеріне кәсіпкерлік қызмет саласында жаңа реттеушілік саясатты ендіру болып табылады

Қармақшыда өнім  қауіпсіздігінің қауқары қандай?

<a href="https://kyzylorda-news.kz/">Kyzylorda-news.kz.</a> Тіл жанашыры, Қызылорда облыстық Қазақстан халқы ассамблеясы жанындағы Журналистер мен сарапшылар клубының жетекшісі Елена Рыбина мемлекеттік тілді меңгеруге барлық жағдай жасалғанын айтты.<blockquote>«Ел егемендігінің маңызды рәміздерінің бірі - мемлекеттік тіл. Бүгінгі таңда мемлекеттік тілдің рөлін арттыру бойынша жұмыстар белсенді жүргізіліп жатқаны қуантады. Оны қолдану аясы кеңейіп, қарттар мен жастар арасында қазақ тілін үйренуге деген ұмтылыс артып келеді. Әрине, мемлекет тілді меңгеру үшін барлық жағдай жасалуда. Оқыту курстары, тегін тілдік мектептер көптеген адамдарға осы бай және әдемі тілді үйренуге көмектесті», - деді Елена Рыбина.&nbsp;</blockquote>Клуб жетекшісі өз сөзінде сыртқы жарнамада сауатсыз аудармалар, белгілер мен жарнамалық билбордтардағы қателіктер бар екенін де жасырмады.&nbsp;<blockquote>«Бұл мемлекеттік тілдің мәртебесіне нұқсан келтіреді. Интернет кеңістігінде қазақ тіліндегі контенттің сапасын арттыру, оқулықтардың мазмұнын жақсарту, қазақ тілінде құжаттаманы сауатты жүргізу мәселесі өзекті болып қала береді. Ел Президенті Қасым-Жомарт Тоқаев атап өткендей «Мен қазақ тілінің мемлекеттік тіл ретіндегі рөлі артып, этносаралық қатынастардың тіліне айналатын кезең келеді деп санаймын. Бірақ бұл деңгейге жету үшін бәріміз көп жұмыс істеуіміз керек. Қазақ тілінің бай қоры мен оның ішкі мүмкіндіктері тұтынушының тілдік сұранысын толық қанағаттандыратын мақсатқа жету керек. Бұл міндетті шешуге Қазақстанда тұратын барлық азаматтар қосылуға тиіс». Кеңес Одағының Батыры, Ұлы Отан соғысының қатысушысы, жазушы Бауыржан Момышұлы «Өз ана тілін білмейтін адам – тамырын білмейді» деп атап өтті. Ана тілін білмейтін адамдар өздерінің тарихын, мәдениеті мен дәстүрлерін білмейді. Сондықтан әр адам тілді көздің қарашығындай қорғауы керек. Мемлекеттік тілді білу - әрбір қазақстандықтың патриоттық борышы», - деді Елена Рыбина.</blockquote>

Елена Рыбина: Мемлекеттік тіл - бірлік пен татулық кепілі

<a href="https://kyzylorda-news.kz/">Kyzylorda-news.kz.</a> Достық үйінің мәжіліс залында Қызылорда облыстық қоғамдық даму басқармасының «Қоғамдық келісім» КММ ұйымдастыруымен облыстық медиаторлар кеңесінің отырысы өтті. Медиацияны халық арасында ілгерілету мақсатын көздеген шараға «Қоғамдық келісім» КММ директоры Бақытжан Камалов, «Әділдік жолы» РҚБ облыстық филиал басшысы, облыстық Қазақстан халқы ассамблеясы жанындағы «Медиаторлар кеңесінің» төрағасы Ләззат Бақтыбаева және облыстық медиаторлар кеңесінің мүшелері қатысты.Отырыс модераторы «Әділдік жолы» РҚБ облыстық филиал басшысы, облыстық Қазақстан халқы ассамблеясы жанындағы «Медиаторлар кеңесінің» төрағасы Ләззат Бақтыбаева шараның негізгі мақсатына тоқталды. Өңірдегі медиация саласына қатысты туындаған өзекті мәселелерді талқылау, ауқымдылығына қарай шешімін қарастыру, түйіні шешуге келмесе жоғары лауазымды тұлғалар мен мемлекеттік органдарға жеткізу керектігін айтып өтті.Облыстық Қазақстан халқы ассамблеясы жанындағы Медиация кабинетінің жетекшісі Шахизат Абдраманова 2022 жылы атқарылған жұмыстарға тоқталды.<blockquote>«Жыл көлемінде медиация институтын насихаттауға бағытталған барлығы 86 түрлі форматты кездесулер, дөңгелек үстел отырыстары, оқыту семинарлары мен түсіндіру шаралары ұйымдастырылса, аталмыш шараларға 1300-ге жуық тұрғын қамтылды. Облыс бойынша медиаторлардың көмегімен &nbsp;60 өтініш бойынша келісім орнатылып, дауласушы тараптар ымыраға келді», - деді Шахизат Абдраманова.</blockquote>Қазақстан халқы ассамблеясы қызметінің аясында медиация институтын дамыту арқылы қоғамдық келісімді қамтамасыз ету бағытындағы шаралары көрініс тапқан бейнеролик көрсетілімі болды. Сондай-ақ, медиацияны ілгерлету бағытында өзге де кеңес белсенділерінің хабарламалары тыңдалды. &nbsp;Келелі басқосуда ұйымдастырушылар тарапынан кеңес құрамына облыстық сот, прокуратура, ішкі істер органдарынан арнайы мамандар қосу туралы ұсыныс айтылды. Кеңес мүшелерімен келісілген жаңа жұмыс жоспары бекітілді.<img src="https://knadmin.beoblood.kz/uploads/340504626_594548442396460_2366028647111571848_n_3ff83a0804.jpg" alt="340504626_594548442396460_2366028647111571848_n.jpg">

Қызылордада медиаторлар кеңесінің отырысы өтті

<a href="https://kyzylorda-news.kz/">Kyzylorda-news.kz.</a> Бүгін еліміздің басым бөлігі жоғары қысым ықпалында болады, осыған байланысты көбіне жауын-шашынсыз ауа райы күтіледі, деп хабарлайды Қазгидромет.Тек Қазақстанның шығысында, оңтүстігінде, оңтүстік-шығысында атмосфералық фронттардың әсерінен жаңбыр және қар түрінде жауын-шашын жауады.Республика бойынша жел күшейеді, оңтүстік пен оңтүстік-шығыста - найзағай, бұршақ, батыста - шаңды дауыл, солтүстік-батыста және орталықта - тұман түседі.

12 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласы әкімдігі жанынан құрылған жедел топ жастар мен жасөспірімдер арасында құқық бұзушылықтың алдын алу мақсатында түнгі рейд жұмыстарын жүргізді.Қызылорда қаласы әкімінің орынбасары Жанмұрат Сейілов жетекшілік ететін жедел топ құрамында қалалық полиция басқармасы, білім бөлімі, қоғамдық даму бөлімінің қызметкерлерінен жасақталған. Балалар қауіпсіздігін бақылау мақсатында арнайы құрылған жедел топ қаладағы бірнеше мөлтек аудандар мен көңіл көтеретін орындарды аралап, заңды өкілінің қарауынсыз жүрген кәмелет жасына толмаған 15 жасөспірімді анықтады. Аталған балалардың ата-аналары шақыртылып, Қазақстан Республикасының Әкімшілік құқық бұзушылық кодексінің 442-бабының 2-бөлігі бойынша хаттамалар толтырылды.&nbsp;Рейдтің мақсаты − қылмыс пен құқық бұзушылықтың алдын алу. Қазақстан Республикасының заңына сәйкес кәмелеттік жасқа толмаған жастардың түнгі 23:00-ден кейін заңды өкілінсіз көшеде немесе ойын сауық орталықтарында жүрмеуін тексеру және қадағалау.Айта кету керек, жастар мен жасөспірімдер арасындағы құқық бұзушылық пен қылмысты алдын алуға бағытталған шаралар күнделікті жүргізілетін болады. Сондықтан барша ата-аналардан балаларды беймезгіл уақытта қараусыз қалдырмауды сұраймыз.

Балалар қауіпсіздігін назардан тыс қалдыруға болмайды

<a href="https://kyzylorda-news.kz/">Kyzylorda-news.kz.</a> Күн жылып, жердің тоңы жібіген кезде басталатын жыл сайынғы көктемгі дала жұмыстары Қызылорда қаласында да қарқын алды. Бұл – күзде орғанын кәдеге жаратқан егіншілердің тағы да қарбаласқа түсетін, қайнаған еңбектің қызатын шағы. Егістік жерді тазалау, жер жырту, тұқым себу, суару жұмыстары рет-ретімен жасалып, мол өнім алуға бағыт ұсталады.&nbsp;Бүгінде ауыл шаруашылығы саласы еліміздің экономикалық, әлеуметтік өмірінде айрықша орын алатыны баршамызға белгілі. Мемлекет тарапынан шағын және орта кәсіпкерлікті дамыту бағытында бағдарламаларды жүзеге асыру қарқынды даму үстінде. Қазақтың жүрегі – ауылда. Жаһандану дәуірінде қазақылықтың қаймағын бұзбай сақтап отырған ауыл адамдары екені баршаға мәлім. Жылма-жыл егіс көлемін ұлғайтып, жер Анадан берекелі өнім жинай білген, төрт түлігін түлетіп, ыдысы ақтан арылмаған жергілікті тұрғындардың табыс қазанын қайната түсуіне үлкен жол ашылып келеді.&nbsp; Олай болса, биылғы көктемнің шуағымен, жер-ананың қызуымен егілетін көктемгі егістің барысы қалай? Қанша гектар жерге егін егілмекші? Техникалар күші жеткілікті ме? Осы сұрақтарымызбен қалалық ауыл шаруашылығы және жер қатынастары бөліміне хабарластық.Дайындық басталдыБөлім мамандарының айтуынша, биыл барлығы 9036 гектарға егін егу жоспарлануда. Оның ішінде негізгі дақыл күріш – 3610 гектар, дәнді дақыл –107 гектар, бау-бақша, көкөніс – 2820 гектар, мал азықтық дақыл – 2499 гектар.&nbsp;Ерте көктемде егілетін ауыл шаруашылығы дақылдарын егу жұмыстары басталып, бүгінгі күнге 1849 гектар ескі жоңышқаны тырмалап, 170 гектар жаңа жоңышқа, 52 гектар жаздық бидай, 35 гектар қант құмайы егілді. Қашыртқылар мен су арналарын тазалау, гидротехникалық құрылыстарды жөндеу бойынша ішкі су жолдарын 54300 текшеметр топырақ шығарылып, 4 гидробекет пен 2 су құрылысы жөндеуден өтті.&nbsp;Сонымен қатар осы жылдың егісіне 918 тонна күріш тұқымы құйылып, оның 23%-ын отандық сорттар, 77%-ын ресейлік сорттарды құрап отыр. Қажетті минералдық тыңайтқыштың көлемі 3278 тоннаны құрап, толығымен сатып алынды. Оған қоса ауыл шаруашылығы құрылымдарының сұранысы бойынша биыл арамшөптерге қарсы қолданатын гербицидтердің қажетті көлемі 4264 литрді құрап отыр.&nbsp;Көктемгі және күзгі дала жұмыстарын жүргізуге қажетті 1007 тонна дизель отынын жеткізіп беруші операторлар «РК Мұнай» және «Жібек Жолы LTD» ЖШС белгіленді. Бүгінгі күнге шаруашылық құрылымдарының қажетті дизель отынының сұранысы бойынша келісім-шартқа отыруда. Айталық, 1 литрі 215 теңгеден босатылуда, көктемге-479 тоннаны, күзге-528 тоннаны құрауда. Көктемгі дала жұмыстарын жүргізуге барлығы 148 ауыл шаруашылығы техникасы қатысуда. Оның ішінде 91 трактор, 22 трактор тіркемесі, 21 соқа, 9 дән сепкіш, 5 жүк көлігі бар.Егін егемін десең, жер беріледіСонымен қатар облыс әкімінің жергілікті ауыл тұрғындарын өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында қосымша жерлер дайындап беру тапсырмасына сәйкес 30 гектар жер ашып беру жоспарлануда. Қарауылтөбе ауылдық округінен-10 гектар, Қызылөзек ауылынан-20 гектар болып белгіленді. Осыған орай қала әкімдігінің әлеуметтік желідегі ресми сайтына хабарландыру жарияланып, бүгінгі күнге 25 тұрғын егін егуге өтініш білдірген. Өтінім қабылдау жалғасуда.&nbsp;Күріш дақылдарын егу оңтайлы мерзімдері бойынша «Ы.Жақаев атындағы Қазақ Күріш ғылыми зерттеу институты» ЖШС арқылы жасалып, сәуір айының 3-ші онкүндігінде бастау жоспарлануда. Көктемгі дала және егін егу жұмыстарының атқарылу барысы тұрақты бақылауда.&nbsp;Бүгінде қаладағы ауа райының құбылып тұрғанына қарамастан жауаптылар да көктемгі дала жұмысына білек сыбана кірісіп кетті. Ал шаруалардың еңбегінің нәтижесін уақыттың өзі көрсетеді.&nbsp;Негізі егін егу – жауапты кезең. Көктемгі егіс – дала жұмыстары алдағы уақытта да қарқын ала түспек. Ендігі міндет – берілген мүмкіндікті толық пайдалана отырып, ұйымшылдықпен еңбек ету. Басты мақсат – егін егу жұмыстарын қысқа мерзімде аяқтап, мол өнімнің негізін қалау. Бұл берекелі, игілікті іс барысында егін егумен айналысатын әрбір шаруашылықтың басшысы мен диқандарға үлкен жауапкершілік пен міндет жүктеледі. Себебі көктемнің әр күні жылға азық деген…

Шаруалар егістік науқанына қызу дайындықты бастады

<a href="https://kyzylorda-news.kz/ru/">Kyzylorda-news.kz</a>. Республикалық басылымдардан Канаданың жасөспірімдер хоккей лигалары командаларының құрамындағы Марк Уэбб есімді ойыншының сұхбатын көзім шалғаны бар. Алматы қаласында туған «Карлтон Плэйс Джуниор Канадианс» клубының хоккейшісі Қазақстан ұлттық құрамасында өнер көрсеткісі келетінін айтқан. Ең қызығы, Марктің анасы Нұргүл Қызылорда қаласының тумасы болып шықты. Ол Канада Үкіметінде, нақтырақ айтсақ, Сыртқы істер министрлігінде сауда жөніндегі кеңесші қызметін атқарады.Нұргүл Қорқыт ата атындағы Қызылорда университетінде бухгалтерлік есеп және экономика мамандығы бойынша білім алған. Содан соң құқықтану мамандығы бойынша Ахмет Яссауи атындағы халықаралық қазақ-түрік университетінде оқуын жалғастырған. Қызылорда облыстық әділет басқармасында заңгер болып жұмыс істеген. Кейін ата-анасының рұқсатымен Алматы қаласына қоныс аударған.<blockquote>«Сол уақытта бас кеңсесі Алматыда орналасқан KEGOC компаниясына жұмысқа тұрдым. Одан Ұлттық банкке ауыстым. Америкалық компанияда консультант қызметін атқарып жүрген күйеуім банктің ішіндегі кеңселердің бірін жалдап, сонда жұмыс істейтін. Ол да заңгер. Сөйтіп көңіліміз жарасып, отбасылы болдық. Үлкен және ортаншы ұлым Қазақстанда дүниеге келді. Кейіннен жұмыс бабымен Черногория, Албания, Үндістан, Болгария және Армения елдерінде тұрдық. Сосын Канадаға келіп, соның ішінде ел астанасы Оттаваға тұрақтадық. Осында кіші ұлымыз дүниеге келді. Ұлдарымның ағылшын және қазақ тіліндегі қос есімі бар. Үлкен ұлымның есімі – Эрик-Әкежан. Ол дүниеге келерден бір жыл бұрын әкем дүние салды. Сол себепті тұңғышымды Әкежан деп атауды жөн көрдім. Екінші ұлымды Марк-Әсет атадық. Ал кенжемізді әкесі Фин-Абай деп атауды жөн көрді. Осы ретте қызықты оқиғаға тоқталсам, бірде Алматыда қыдырып жүргенімізде Абай даңғылынан өтіп бара жатып «Ана жерде жазылған жазу менің есімім секілді ме?», – деді Фин-Абай.</blockquote>Сосын Абай есімімен аталған метрода ақынның бейнесін көрсетіп, ол туралы бар білгенімізді айтып бердік. Фин-Абай Қазақстанды ерекше жақсы көреді. Қызылордада туысымыздың үйлену тойына барғанымызда той тойлап, көңіл көтеріп жүрген халықтың дарқандығы мен кең пейіліне риза болып: «Мен осында тұрғым келеді. Адамдар сондай көңілді», – деген болатын. Жолдасым да Абай туралы көп біледі. Үйде ұлы ақынның ағылшын тіліне аударылған кітаптары жетерлік, – дейді жерлесіміз.Шетел азаматына өзге елдің Үкімет аппаратына жұмысқа тұру оңай емес. Алайда кейіпкеріміз Оттаваға келген соң Carleton университетінің магистратура бөліміне оқуға түсіп, халықаралық қатынастар факультетінде білімін жалғастырған. Магистратурада оқып жүргендерге мемлекеттік қызметке орналасуға мүмкіндік беретін арнайы бағдарламаны пайдаланып, қазір Канаданың өзге елдермен сауда қатынастарын дамытуға атсалысып жүргеніне 7 жылға жуықтапты.<blockquote>«Канадада министрлікке жұмысқа тұру екінің бірінің қолынан келе бермейді. Бірақ мен жаңағы бағдарлама бойынша конкурстан өту үшін барымды салдым. Жалпы Қазақстанда жүрмесем де, елде болып жатқан жайттарды бақылап отырамын. Ұлым да болашақта Қазақстанның ұлттық құрамасы сапында ойнауды армандайды. Елге барсақ, «Барыс» командасында ойнайтын боласың, «Барыс» барлығын жеңеді» деп айтып отырамын.</blockquote>Егер елге шақыратын болса, жанына еріп келетін едім. Жалпы Марк-Әсет бастапқыда Канадаға келгісі келмеген. Әкесінің жұмысы бойынша түрлі елде жүргенде Канадаға тек еңбек демалысында келіп-кетіп жүретінбіз. Сол себепті әдепкіде Канада ұлдарыма тек туристік орын секілді көрінетін. Армениядан сонда көшеміз деп шешім қабылдағанда Марк: «Онда барғанда біз не істейміз?» – деп барғысы келмейтінін айтқаны есімде.Бірде Оттавада Қазақстан жасөспірімдер құрамасының Чехия командасына қарсы өткізген ойынына билет пен «Қазақстан» деген жазуы бар шарф сатып алып, аренада «Алға!» деп айқайлап, отбасымызбен жанкүйер болғанбыз. Ұлдарым қазір де<blockquote>«Қазақстан құрамасы ойнайды. Кеттік, бірге көреміз!» деп мені өздерімен ертіп алады. Үлкенім университетте криминология факультетінде оқиды. Ол да біз секілді заңгер болғысы келеді. Алайда айта кету керек, Канадада заңгер мамандығын меңгергісі келетін жастар алдымен ұқсас мамандық бойынша бакалавриат бөлімінде оқып, сосын заңгер дипломын алуға мүмкіндік беретін екінші оқуды оқуы тиіс», – дейді ол.</blockquote>Жерлесіміз қазақ және ағылшын тілдерінен бөлек, француз, серб және болгар тілдерін меңгерген. Сөйлескенде екінші тілді араластырмауға, қазақша әңгімелескенде ана тілімізді шұбарламауға тырысатыны да байқалады. Бұған Қызылорданың қазақылықтың қаймағы бұзылмаған өңір екені және тұрғындардың 95 проценті қазақ тілінде сөйлеуі себеп.<blockquote>«Қазақ тілін ұмытып қалмас үшін туған-туыстарыммен жиі сөйлесуге тырысамын. Ал ұлдарым жетік сөйлей алмаса да жақсы түсінеді. Кенжем Фин-Абайды еркелетіп, «Ұлым» деп бастасам, ол бірден: «Ай қылып, күн қылып бере салған сол, солай ма?» – деп қазақ тілінде жалғастырып әкетеді. Сосын балаларым Мюзикола тобы орындайтын «Әй-әй, бөпем» атты бесік жырын жатқа біледі. Қазір «Ауылым көшіп барады…» деп бірінші шумағын әндетіп бастасам, олар «Алмалыға-ай…Кім көнбейді тағдырдың салғанына-ай» деп әрі қарай әкетеді, – дейді кейіпкеріміз.</blockquote>Жерлесіміз ауылдағы ыстық таба нанның иісін, құнарлы құрт пен сөгін ерекше сағынады. Әр демалыста ет асып немесе шелпек пісіруді әдетке айналдырған екен.<blockquote>«Оттавада тұратын мұсылмандар саны аз. Ұлдарыма құран бағыштап, шелпек таратып, өмірден озған туыстарды, әсіресе әкемді еске алып тұру керек екенін айтып, «Бізде осылай істейді» деп түсіндіремін. Үлкен ұлым әкеме қатты ұқсайды. Әкемнің де шашы бұйра болатын, екеуінің мінезі ұқсас», – дейді ол әңгіме арасында.</blockquote>Табысты маман, отбасында аяулы ана атанып отырған кейіпкермен тілдесе отырып, талай белесті бағындырарлық¬тай күш-қайрат байқалғаны рас. Бұған іштей риза болдық. Әйел шын ниеттенсе, қолынан келмейтін дүние жоқ деген пікірге қосылдық.

Қызылордалық Нұргүл Канадада Үкіметінде жұмыс істейді

<a href="https://kyzylorda-news.kz/ru/">Kyzylorda-news.kz</a>. Ғасырлар бойы ауыздан-ауызға тарап, мұра болып жеткен жыршылық өнерді жалғастырушылар жетерлік. Жан тебірентер терменің мақамын бұзбай, нақышына келтіре орындап жүрген Малика Маратқызы соның қатарында. 4-сыныпта домбыра үйірмесіне қатысып, 13 жасында жыр айтуды бастаған кейіпкеріміз – Қармақшыдағы Көшеней Рүстембеков атындағы жыраулар үйінің шәкірті. Қазақтың қара домбырасының үнін әуелетіп, киелі өнерді дәріптеп жүрген жасқа Қорқыт ата атындағы Қызылорда университетіндегі дәстүрлі музыка өнері кафедрасының аға оқытушысы Руслан Ахметов жетекшілік жасайды.– Малика, сізді жыршы ретінде танимыз. Оқырманға таңсық тағы қандай қырыңыз бар?– Қолыма қойын дәптер алып, өлең түртетінім бар. Шығар-машылық адамы болған соң көп нәрсеге уақыт жоғалтқым келмейді. Кітап оқығанды ұнатамын. Бәлкім уақыт өте басқа қырынан да танып қаларсыздар. Бір ғана өзгермейтін дүние бар. Ешқашан қолымнан домбыра түспейтіні анық.– Өнерге келуіңізге не түрткі болды? Қаннан берілген қасиет пе?– Өнерге тоқталуыма кезінде ата-анам қарсы болған еді. Кейін рұқсатын берді. Дегенмен де өнер адамы бо¬луды бала кезден қаладым. Арманымды қалайда жүзеге асыру керек деген ойда болдым. Домбыраға деген қызығушылығым ерекше болатын. Қадірлі аспаптың құлағында ойнауды мақсат тұттым. 4-сыныптан бастап домбыра үйірмесіне бардым. Ұстазым – Айгүл Жағалова. Сол кісіге қызығып өстім. Өнерге келуім қаннан берілген қасиет. Атам жырау, ақын кісі болған. Жорықбай деген. Қазір аға-апайларымыз сол кісінің жырын айтуда. Мұның өзі мен үшін үлкен мақтаныш. Сондықтан да бойымдағы өнерді қаннан берілген қасиет деп толық айта аламын.– Бұған дейін бірнеше байқауда суырылып шы¬ғып, топ жардыңыз. Жақында «Арқада Наушаубайдың Нұржаны өткен» атты республикалық байқауда бас жүлде еншілепсіз. Талап қандай еді, қиындық болмады ма?– Тобыл қаласында өткен республикалық жыр-терме, дәстүрлі ән орындаушылар байқауына барлығы 18 өнерпаз қатысты. Соның ішінен үздік шығу маған бұйырыпты. Байқау шарты бойынша қатысушы екі әннен орындауы керек. Еркін тақырыпта өңіріміздің мақтанышы, тарихи тұлға Базар атамыздың термесін орындадым. Ал Нұржан Наушабайұлы шығармасын дәріптеуде «Тақпақ» атты өлеңін Сырдың мақамына салып айттым. Ешқандай қиындық туындамады. Мен атақ үшін өнер көретпеймін. Өзіме ұнайтын іспен айналысу – өмірлік ұстанымым.– Кімнің жыры жаныңызға жақын?– Бұл жерде «мына кісінің жырлары жаныма жақын» деп айта алмаймын. Егер әншілік, бишілік тағы басқа өнер болса, ол кезде біреуге еліктеуге, біреуді үлгі тұтып жақын тартуға болар. Бірақ жыршылық өнерге бұл жат. Жыр өнері болған соң барлық ақын, жырауларды оқып, жырын жаттаймыз. Тек Сыр өңірімен ғана шектелмейміз.– «Жырау», «жыршы» деп жатамыз. Екеуінің айырмашылығы неде?– Жыршы мен жырауды көп жағдайда ажырата алмайды. Жалпы екеуі екі мағына береді. Мәселен, жырау – өзінің жанынан өлең шығарып, мақам сазға салатын, соны орындайтын кісі. Базар жырау деп жатамыз. Базар жыраудың жырын орындап жүрміз. Жырау – қазақ әдебиетінің көрнекі өкілі. Әдебиетте де, тарихта да маңызды орын алар тұлға. «Жырау – эпикалық дастандар мен толғауларды орындайтын халық поэзиясының өкілі. «Жыр» сөзінен туындайды» деген түсінік «Қазақ әдебиетінің энциклопедиясында» берілген. Жыршы – бір термені алып, мақам сазға орнықтырып, соны орындаушы. Дастандарды, термелерді орындаушы. «Жыршы – жыр айтушы, таратушы. Жыршылар домбыраның не қобыздың сүйемелдеуімен мақаммен, әнмен айтады. Жыршы жыраулармен бірге өмір сүрген және оған дейін де болған. Әдебиет тарихында жыршылар орны ерекше. Себебі бүкіл жыраулар поэзиясы болсын, эпостық жыр¬лар бол¬сын, халық ауыз әдебиетінің барлық үлгілері осы жыршылар арқылы жеткен. Олар өзі жырлайтын шығармаларын, толғауын белгілі бір аспаппен сүйе¬мелдеп, кейде әуенге салып айтқан. Жыршы – тек жырды жеткізуші ғана емес, ұлы өнер иесі.– Домбыра тартуды қайдан үйрендіңіз?– Менің домбыраға жақын екенімді білсе де, домбыраны бір күнде үйренгенімді көбісі біле бермес. Жоғарыда айтып өткен Айгүл ұстазымның Жұлдызай деген қызы болатын. Сол қыз термеде оқитын, өзі бастап маған үйреткен еді. Қызығушылығымнан болар бір сәтте, бір күнде үйреніп алыппын. Сабақтан қашып кетіп, биге барамын деп домбыраға баратынмын. Ұстазымның да берген тәлімі көп. Әр жеткен жетістігім маған бар білгенін үйреткен ұстаздарымның арқасы. Алдағы уақытта мен секілді домбыраға қызығушылық танытқан бүлдіршіндердің арманын орындауға жұмыс істеуге асықпын.– Сұқбатыңызға рақмет!

Малика Маратқызы: Өнерге келуіме ата-анам қарсы болды

<a href="https://kyzylorda-news.kz/ru/">Kyzylorda-news.kz</a>. Жер бетіндегі ұлттардың 3 пайызының ғана жеке мемлекеті бар десек, тәуелсіз ел ретінде мойындалған халықтардың да жаһандану барысында жұтылу қаупі бар. Жапония сынды толықтай жапондықтардан ғана құралатын, ұлттық бұйымдары мен өмір сүру салтын әлі күнге дейін сақтап қалған мемлекет көпке үлгі. Осы орайда уақыт өткен сайын қазақстандықтардың да ұлттық бұйым, киім, әшекейлер мен ыдыстарға деген сұранысы артуда. Соңғы жылдары ұлттық нақышта киіну сәнде болса, қазақылықтың бояуы көрінетін детальдарды пайдалану елден ерекшелену мен эстетикалық талғам үдесінен шығудың көрінісіне айналды. Соның ішінде өңірде ұлттық өнерді ұлықтап, өзгелерге де насихаттап, алғаш рет «Қолөнер» ұлттық нақыш орталығын ашқан Аида Керімқұлованың еңбегін елеусіз қалдыра алмаймыз.А.Байтұрсынов пен Төле би көшелерінің қиылысында орналасқан «Sapa ka» жеңіл өнеркәсіп орталығы 2011 жылы құрылды. Бір айда 2000 дана мектеп формасы, 100 дана ұзату көйлегі сынды жекелеген немесе мемлекеттік тапсырыстарды жүзеге асыруға қауқарлы командада 30 адам жұмыс істейді. Оның ішінде жобаның бір бөлігі ретінде қарастырылатын «этно-ауыл» ұлттық мәдени кешенінің жұмысын жандандырып жүргендері де бар.Сонымен аталған орталықтың басқадан басты ерекшелігі – қолөнермен айналысатын, атадан балаға мұра етіп, бүгінгі күнге жеткізе білер өз саласының үздіктерінің басын қосуда, «алтыдағы баладан алпыстағы қартқа дейінгі» қазақстандықтарды ұлттық нақыштағы тауарларымен қамтамасыз ете алуында. Барлық өнім мемлекеттік стандарт талаптарына сай болғандықтан жоғары сапада жасалады. Орталық ұлттық нақыштағы көйлектерге, мектеп және офис формаларына, арнаулы жұмыс киімдеріне, жеке қорғау құралдарына қолжетімді бағада тапсырыс қабылдауда.Ұмыт қала бастаған ұлттық туындыларды жаңғыртып жүрген кәсіпкер Аида Әбдіқайымқызы әлеуметтік желіде тұтынушыға ұсынып отырған әр тауардың шығу тарихын, салт-дәстүрге қатысты маңызын түсіндіру арқылы жарнамалауды қолға алған. Ал бір рет тапсырыс берген жанның тұрақты тұтынушыға айналатыны сөзсіз. Ғимараттың ішінде орналасқан жасауы дайын киіз үй, алтыбақан – фотосессия үшін таптырмас локация ғана емес, жанды жайландыратын орын.<blockquote>«Әдетте жас жұбайлар, отбасылық фотосессия жоспарлағандар бізге келеді. Кішкентай баладан қарт кісілерге дейін арнайы ұлттық нақыштағы киімді табуға болады. Мәселен, жеке фотосессияда ұлттық нақыштағы әшекей, сәукеле, жеңсіз, көйлек, етік 20 000 теңгені құрайды. Жас жұбайларға екі ұлттық образ қосып беріледі. Бағаға көпшіліктің қалтасына қарай келісім жасауға болады. Ең бастысы – бізде талғамға қарай түрлі образ бар. Жалға алудан бөлек дайын қазақы киімдерді сатып алуға немесе арнайы тапсырыспен тіктіруге болады», – дейді орталықтың атқарушы директоры Әли Кеңесұлы.</blockquote>Сонымен бірге орталықтан суретшілердің картиналарын, қолөнер шеберлерінің сазбалшықпен жасалған дүниелерін көре аласыз. Тағамның құнарын сақтап, бойға бар нәрімен жеткізетін ағаш ыдыстар мен бұйымдар да бар. Жүзік, білезік, өңіржиек, алқаның да түр-түрін табасыз. Ал тапсырысқа сай, оюлы немесе өзгеше детальді көрпе, киімдерді тігуде «Barudan» мәшинесінің еңбегі зор. Оның тілін білетін білікті маман, Түркиядан арнайы шақырту арқылы келіп, орталықта қызмет ететін Мұрат Гүлтекиннің айтуынша, мәшине құрылымындағы бір шоғырбаста 12 дана ине бар. Компьютерлік бағдарламалау арқылы қажетті өрнектер оңай жасалады. Одан бөлек лазерлік кесу арқылы сурет, түрлі күрделі оюларды салатын тағы бір мәшине бар. Мұндай технология облыс бойынша осы орталықта ғана қолданылады.Аида Әбдіқайымқызының осы бағытта іске асып жатқан тағы бір жобасы – «этно-ауыл» мәдени кешені. Өткен жылы ашылған этноауылда Қырғызстаннан алынған англо-араб, Ресейден әкелінген араб тұқымды екі жылқы бар. Туған күн сынды атаулы күнді осында өткізіп, достарыңызбен бірге киіз үйде тамақтанып, демалуға болады. Тіпті күнделікті күйбең тірліктен қажығанда демалыс ретінде садақ атуға келіп, жылқымен шауып, белсенді әрі ерекше уақыт өткізу мүмкіндік бар. Орталық та, этно ауыл да фотозоналық кешен ретінде қарастырылғанымен, ән мен күй төгіліп, сал-серілер сауық құратындай, қазақ боп туғаның үшін тағы бір мәрте қуанатындай ерекше жайлылық сыйлайды. Жылдар алға жылжыса да, жалықтырмайтын ұлттық ерекшелігіміз әр қазақтың бойынан табылады. Тек содан қол үзіп қалмасақ екен.Сонымен бірге орталықтан суретшілердің картиналарын, қолөнер шеберлерінің сазбалшықпен жасалған дүниелерін көре аласыз. Тағамның құнарын сақтап, бойға бар нәрімен жеткізетін ағаш ыдыстар мен бұйымдар да бар. Жүзік, білезік, өңіржиек, алқаның да түр-түрін табасыз. Ал тапсырысқа сай, оюлы немесе өзгеше детальді көрпе, киімдерді тігуде «Barudan» мәшинесінің еңбегі зор. Оның тілін білетін білікті маман, Түркиядан арнайы шақырту арқылы келіп, орталықта қызмет ететін Мұрат Гүлтекиннің айтуынша, мәшине құрылымындағы бір шоғырбаста 12 дана ине бар. Компьютерлік бағдарламалау арқылы қажетті өрнектер оңай жасалады. Одан бөлек лазерлік кесу арқылы сурет, түрлі күрделі оюларды салатын тағы бір мәшине бар. Мұндай технология облыс бойынша осы орталықта ғана қолданылады.Аида Әбдіқайымқызының осы бағытта іске асып жатқан тағы бір жобасы – «этно-ауыл» мәдени кешені. Өткен жылы ашылған этноауылда Қырғызстаннан алынған англо-араб, Ресейден әкелінген араб тұқымды екі жылқы бар. Туған күн сынды атаулы күнді осында өткізіп, достарыңызбен бірге киіз үйде тамақтанып, демалуға болады. Тіпті күнделікті күйбең тірліктен қажығанда демалыс ретінде садақ атуға келіп, жылқымен шауып, белсенді әрі ерекше уақыт өткізу мүмкіндік бар. Орталық та, этно ауыл да фотозоналық кешен ретінде қарастырылғанымен, ән мен күй төгіліп, сал-серілер сауық құратындай, қазақ боп туғаның үшін тағы бір мәрте қуанатындай ерекше жайлылық сыйлайды. Жылдар алға жылжыса да, жалықтырмайтын ұлттық ерекшелігіміз әр қазақтың бойынан табылады. Тек содан қол үзіп қалмасақ екен.

Аида Керімқұлова: Қолөнерде бір ұлттың бояуы жатыр

<a href="https://kyzylorda-news.kz/ru/">Kyzylorda-news.kz</a>. «Well coffeе» ‒ қала тұрғындарының сүйікті орны. Ондағы тыныштық пен әдемі дизайн келушінің кофеден асықпай дәм татып, демалуына жағдай жасайды. Осы аптада біз «Well coffeе»-нің иесі Фархадпен бизнес және кофейня тақырыбында әңгіме өрбіттік.‒ Фархад, «Well coffeе» жобасы қалаға келмес бұрын, Қытайда кәсіп бастағаныңыздан хабардармыз. Әңгімемізді «аспан асты еліндегі» кезеңдерден бастасақ. Қытай халқынан көп нәрсе үйренген боларсыз…‒ Қаладағы №101 мектепте білім алып жүрген уақытта физика-информатика тақырыбында ғылыми жобалар жазумен айналыстым. Ал мектеп бітірер тұста ІТ саласы бойынша Қытай халық республикасының білім грантын жеңіп алып, оқуға түстім. Қытайдың Ухань қаласында бес жылға созылған студенттік кезең басқа мәдениет, өзге орта болған соң керемет өтті деп айта аламын. Қытай халқы білімге өте құштар. Мысалы, ел ішінде кітапхана көп десек те, 11-20 қабатты кітапхананың өзінен орын табу қиын болатын. Қытайда жүрген кезімде біршама кәсіпорын, зауыттарда жұмыс жасап, бизнес модельдерді үйрене бастадым. Одан бөлек кайдзен жүйесіне дағдыландым, себебі қытайлықтар жұмыс сапасы мен уақытқа аса қатты мән береді. Ухань қаласының өзінде 10 миллион халық тұрады, сондықтан бәсекеге де біздегіден әлдеқайда жоғары.Кәсіп бастауда, жалпы қай істі болсын формула арқылы жасау керегін түсіндім. Мысалы, мектепте қанша жыл бойы ағылшын тілін оқысам да тіл үйрену деңгейім мақтанарлықтай болған емес. Бірақ Қытайға барған екі айда қытай тілін жетік меңгеріп алдым. Сонда түсінгенім, адам жаңа нәрсені үйрену үшін оған мәселе қажет. Адамға бір нәрсе шынымен қажет болса, ол мәселені мимен қоса жүрекпен қабылдайды. Осылай адам өзіне дағды қалыптастырып, білімді де тез сіңіре алады.‒ «Well coffeе»-ні идеядан бизнеске айналдыруыңызға не әсер етті? Қазір кофеханалардың саны көбейгенін ескере отырып, &nbsp;«Well coffeе»-нің артықшылығын сұрағым келіп отыр…‒ Білім мен ғылым саласында жүрген соң шетелге шығуға, эсперимент жасауға инвестиция қажет болды. Ал біздің мемлекет оған қолдау көрсете алмайтын еді. Сондықтан кәсіп бастау қажеттілігі туындады. Кәсіп бастауымның бірінші себебі осы болса, екіншіден кофені ерекше жақсы көретін болған соң кофейня ашамын деп шештім. «Well coffeе»-ге дейін пластик жасап шығарумен айналыстым, одан бөлек мұғалімдерге информатика саласы бойынша курс өткіздім. Сол аралықта екі кітаптың авторы атандым. Біріншісі, қытай тіліндегі HSK тестін тапсыруға арналған 600 беттен тұратын сөздік жасап шығардық. Екінші кітап «Қытаймен бизнес» деп аталды. Алғашқы кезеңде Қытаймен бизнес жасаған соң, кәсіп бастаудың тиімді тұстарын, екі ел арасындағы нарық айырмашылығын және жас кәсіпкерлерге тілашар түрінде бастапқы ережелермен бөлістік.Кофейняға келген кезде де курс үйренбей-ақ, бизнес бағытын сұрастырып жүріп жұмысымды бастап кеттім. Себебі ағылшында «First fall» деген ұғым бар, яғни «бірінші құла, сонда ғана қателікті түсінесің» деген мағына береді. Сол қағидаға сүйеніп, бизнеске тәуекел еттім. Қазір қалада кофейня саны көп болған соң, бәсекелестердің де болуы заңды. Бірақ мен бәсекелесі жоқ жерге барсам, ең қиыны сол болар еді. Өйткені бәсеке болған сайын нарықтағы айналым үлкейеді, соған сай сала да &nbsp;дами түседі. Бәсеке көбейген сайын тұтынушылардың кофеге деген қызығушылығы мен сұранысы артады.Мысалы, «Well coffeе»-де қазір күніне орташа есеппен 40-50 кофе стакандары сатылады. Бірақ біз нарықта біріншіміз деп айта алмаймын. Бірінші орында «Global cоffeе» тұр, бізге нарықты солар ашып берді. Кофенің қалаға келгеніне екі жыл болса да, халық тез үйренісіп кеткенін байқауға болады. Статистикаға қарасаңыз, 2018 жылы Дубайдан Қазақстанға 318 тонна кофе түйіршіктері экспортталған, ал 2022 жылы бұл көрсеткіш екі есеге көбейіп, 618 тоннаға жеткен. Бұл кофе сферасының дамып келе жатқанын көрсетеді. Сондықтан алдағы уақытта аэропорт жанында, орталық алаң аумағында кофейнялар ашу ойымызда бар, қазір осы бағытта жұмыстар жүргізілуде.«Well coffeе»-ні көпшілік франшиза деп ойлайды, бірақ біз кофейняның дизайнын өзіміз жасадық. Кофейняны ашпас бұрын өте көп анализ жасадық, жалпы жұмыстар үш айға созылды.‒ «Well coffeе»-де қойылған кітаптардың тақырыбы да, түрлі жанрда болуы да көпке ұнауда. Жалпы жақсы кітап адам ойымен қатар өмірін де өзгерте алады. Осы орайда өзіңізге айрықша әсер еткен кітаптар жайлы айта өтіңізші…&nbsp;‒ Иә, кофейняда &nbsp;келушіге барынша пайдалы болады-ау деген кітаптар қоюға тырыстық. «Қасым» баспасының, «Мазмұндама» қорының әдебиеттерінен бөлек, шетелдік әдебиеттер де таңдалды. Мысалы, ол жерде адамдардың ойлау жүйесі туралы жазылған «Mindset» кітабы қойылған. Қазіргі қоғамда адамдар әр нәрсені бір ойлайтын болған соң өз бағытын таба алмауда. Адам кәсіп бастамас бұрын психологиялық тұрғыдан бақытты болу керек, сонда ғана кәсібі нәтиже береді. Қазір көбісі бірінші табыс табайын, сосын бақытты боламын деп ойлайды. Бірақ мұндай қағида бойынша жүрген адамда деградация &nbsp;көп болады. Өйткені ол көп табыс табуды ғана ойлайды да, нәтиже қалағанындай болмаса өзін жоғалтып алады. «Mindset» &nbsp;кітабында автор ойлау жүйесін шектеулі және шектеусіз деп бөледі. Қазір қала халқы өте төмен деңгейде яғни шектеулі түрде ойланады. Бұл дегенміз көп адам белгілі бір қалыппен ғана өмір сүреді. Байқасаңыз, біздің ойлау жүйемізге сыртқа факторлар өте көп әсер етеді. Қазір ойлап қарасам, менің Қытайда емін-еркін білім алып, кәсіп бастауымның бір себебі сыртқы фактордың аз болуында екен. Ешкім мені жұмсай бермейді, өз уақытым өз еркімде. Өзім қалаған дүниені жасағандықтан менде жаңа нәрсені жасауға, үйренуге деген энергия пайда болыпты.‒ Қазір кофейня қызметінен бөлек, қандай жаңа жобаларды қолға алудасыз?‒ Кофейняның екінші нүктесін ашқалы бері бизнесте өзім жіберген қателіктер жайлы кітап жазудамын. Осы орайда форсайттық зерттеу жайлы айтқым келеді. Форсайт ‒ әлеуметтік-экономикалық дамуды ұзақ мерзімді жоспарлау және әртүрлі факторлардың әсерін бағалау әдістемесі. Өнеркәсіптің үлкен болжамын жасауға алғашқы әрекетті 1950 жылдары Rand корпорациясы жасады, кейінірек жапондар 1970 жылдан бастап әр бес жыл сайын технологияның даму болашағы туралы зерттеулер жүргізді. Форсайттық зерттеу барысында сіз бизнес идеяны тіркейсіз, жылдар бойғы нәтижесін &nbsp;көрсетіп, архивке сақтап қоясыз. Негізі идея ‒ керемет нәрсе. Қазір мен ойлаған идеяны жүз жылдан кейін басқа адам ойлауы мүмкін. Сол кезде ол адам форсайттық зерттеуді білмесе, бизнес жолын қайта бастап, қателесуі мүмкін. Соның әсерінен мемлекет те жылдар бойы дамымайды.Қазір 3Д принтер бағытын дамытумен қатар, «Қытай тілін үйренудің ұтымды әдісі» атты әдістемелік құрал дайындаудамын. Сондай-ақ жастар үшін жұмыс жасайтын коворкинг орталығының жобасын жасаудамыз.‒ Сұхбатыңызға рақмет!&nbsp; &nbsp;

Фархад Орынбасар: Кәсіп бастамас бұрын бақытты болыңыз

<a href="https://kyzylorda-news.kz/">Kyzylorda-news.kz.</a> Соңғы уақытта елімізде өскелең ұрпақтың әскери-патриоттық тәрбиесіне жүйелі түрде көңіл бөлініп, нақты қадамдардың жасалып жатқаны көз қуантады.&nbsp;Жуырда осы мақсатта аудандық Жастар ресурстық орталығының бастамасымен жалпы білім беретін мекемелердің 9-11 сынып оқушыларының қатысуымен «Ұранды елдің – ұрпағы қайсар» атты аудандық әскери-патриоттық сайысының іріктеу кезеңі өтті.Спорттық шараға ауған соғысының ардагері Ғ.Камалов, облыстық білім асқармасына қарасты аймақтық дене тәрбиесі методикалық орталығының әдіскері Е.Уаисов, Қызылорда облыстық Қоғамдық даму басқарамасының әдіскері Б.Тұрсын, сондай-ақ аудандық қоғамдық бөлімінің бас маманы Ж.Айымқұлов қатысты. Жиынды ашқан Қазалы ауданының қоғамдық бөлімінің бас маманы Жеңісбек Айымқұлов қатысушыларға сәттілік тілеп, спорттық шараның маңыздылығына тоқталды.<blockquote>– Білім жүйесінде басты назар аударатын, тәрбие салаларының бірі – отансүйгіштік тәрбие. Ұлттық дәстүрге берік, елін, жерін сүйетін азамат тәрбиелеу, жастардың бойында патриоттық сезімді қалыптастыру өскелең өмір талабынан туындап отыр. Қазіргі таңда біздің қоғамда «қазақстандық отансүйгіштік» ұғымына зор мән берілуде. Мемлекетіміздің келешек тұтқасын ұстайтын жастарды осы бастан Отанына, атамекеніне шын берілгендік рухында тәрбиелеу басты борышымыз. Қазіргі таңда жалпы білім беру мекемелерінде оқитын оқушыларға тәрбие беру мәселесіне жаңа көзқарас тұрғысынан қарау керек. Бүгінгі оқушы – ертеңгі Отан қорғаушы. Расында оқушыларды отансүйгіштікке тәрбиелеп, бойында патриотизмді қалыптастыру мектеп қабырғасынан бастау алады. Сондықтан осындай шараларға оқушыларды жиі қатыстырып, оларға әскери борыштың маңыздылығын ерте жастан түсіндіру маңызды, – дейді Жеңісбек Советұлы.</blockquote>Сайысқа аудандағы 34 мектептің оқушыларынан жасақталған командалар 6 аймаққа бөлініп, жеребе арқылы жарыс ретін белгілеп, өнер көрсетті. Жарыс ережесі бойынша командалар пневматикалық мылтықтан ату, АК-74 толық емес бөлшектеу және толық емес жинақтау, аркада жатып денені көтеру, белтемірге тартылу, сондай-ақ газтұтқышты және плаш түріндегі жалпы әскери қорғаныс жиынтығын кию сынды сайыс түрлері бойынша бақ сынады. Нәтижесінде ІІІ аймақ бойынша шеберліктерін көрсетіп, үздік деп танылған 16, 17, 95, 102, 104, 90 мектеп оқушыларынан құралған команда жеңіс тұғырынан көрінді. Ал екінші орын ІV аймақ бойынша бақ сынаған 25, 93, 96, 97, 225 мектептің құрама командасына бұйырса, үшінші орынды ІІ аймақ бойынша өнер көрсеткен 165, 204, 276, 70, 266, 134 мектеп құрама командасы қанжығалады.Сайыс жеңімпазы атанған команда мен жүлдегер командаларға ұйымдастырушы тарапынан арнайы диплом мен сыйлықтар табыс етілді. Ал өзге қатысушы құрамалар Майдакөл ауылдық округінің тұрғыны, жеке кәсіпкер Назерке Аралбайқызының демеушілігімен арнайы жинақ сандықша ие болды.

Қазақстан және Қызылорда облысының жаңалықтары