Сырдарияда ауқымды құрылыс жобасы іске асты

<a href="https://kyzylorda-news.kz/">Kyzylorda-news.kz.</a> Қазалы ауданында сегіз мыңға жуық шағын және орта кәсіпкерлік субъектілері жұмыс істеп тұр. Оның ішінде, 294 заңды тұлға, 4541 жеке кәсіпкер, 1637 шаруа қожалығы болып табылады. Ал, осы жылдың басынан жаңадан 1133 кәсіпкер тіркелген. Осындай кәсіптерінің арқасында күнделікті табысын тауып отырған жандар елден көмек сұрамай, керісінше, мемлекеттің қазынасына қомақты қаржы құйып отыр.Қазір шет елдерде адамға қажетті ақуыз заттары арасында балықтан жасалған тағам үлесі 17 проценттен 83 процентке дейін жетеді, дейді мамандар. Кез келген мемлекеттің экономикасында су маржанының алатын орны ерекше. Әсіресе, балықтың майына – бүгінгі күннің тілімен айтқанда, омега дәруменіне сұраныс жоғары. Балықтың бағалы саналуы жалғыз бұл емес, оның бойында адам ағзасына пайдалы өзге де түрлі құнарлы дәрумендер бар. Сондықтан да, мамандар тарапынан аптасына екі-үш рет ас мәзіріне қосуға кеңес беріледі.&nbsp;Сулы өңірлерде таралған балықтың ішінде Қазақстанда 150-ден астам түрі кездеседі. Олардың ішінде сазан, кексерке, табан, ақмарқа сияқты түрлері бар. Қазақстан балық шаруашылығы жөнінен Ресей мен Украинадан кейін үшінші орын алады. Ал, ішкі су қоймаларында бағалы сазан, көксерке, табан, шортан, жайын балықтарын аулауда Ресейден кейінгі екінші орында келеді.&nbsp;Қазалы ауданы маңайында көл айдындары мен өзендер баршылық. Арал теңізі де, аса қашық емес. Дегенмен, балық аулап, оны өсірумен айналысушылар қатары саусақпен санарлық. Соның бірегейі – Түркіменбай Таубаев 10 жылға жуық балық саласына мән беріп жүр. Жәй жүрген жоқ. Іскер жан «Алтайыр» шаруа қожалығын ұршықша иіруде. Кәсіптің көзін дөп басатын ер сан салалы ауыр жүкті жалғыз көтермейді. Жанына Арман, Рауан және Мархабат есімді еңбекқор ұлдарына түрлі шаруаны жүктеп, отбасылық бизнесін дамытып отыр. Оның иелігінде «Алтын көл», «Ақ құдық» және «Шортанбасады» көлдері бар. Бұған қоса, Қуаңның бойында заңдастырылған арнайы питомнигінде балық шабақтарын көбейтумен айналысады.&nbsp;<blockquote>«Балық өндірісіне әу бастан қызығушылығым зор. Осы күні түрлі саланы қамтыған шаруашылықты жүргіземін. Балық өсіруден тәжірибем жеткілікті. Десек те, Алматыдағы Балық мектебінен дәріс алып, заңды сертификат алдым. Онда кәсіпке кететін шығын, оны қалай жүргізу керек. Мемлекеттен қандай көмек бар және оны алу үшін қандай құжаттар қажеттігін осы мектептен ілім алғанда меңгердім», – дейді кәсіпкер.</blockquote>Оның айтуынша, 10 жылдан бері теңізден, су арналарынан майда шабақтарды құтқарады. Негізінен, сазан, карп, карас, жайын, шортан, толстолоб және амур балықтарының шабақтарын құрал-сайманмен іріктеп сүзіп алады. Арнайы ауқымды цестрнасы бар көлікпен 10-20 мың данасын питомнигіне әкеледі. Алға қойған жоспарлары да жетерлік. Келесі межесі – облыста тірі балық қызметін ұсынуды қолға алу. Бұл ойының да, жүзеге асуына да сәл қалды. Құжаттары әзір. Жері белгіленген. Өнімге тапсырыс беретін аспаздық орындармен келісімшарт жасасқан. Енді, тек, бір Аллаға тәуекел етіп, ісін бастау ғана қалды. Байқасаңыз, бұл Алматы мен Шымкенттен кейінгі өңірдегі алғашқы жоба болмақ. Осындай істі бастауда не кедергі, деген сауалымызға да жауабы әзір.&nbsp;<blockquote>«Ең бірінші, балық өсірумен айналысуға жағдай жасалып, жер мәселесі шешілуі қажет. Сырдария сағасы мен көл жанынан жалға жер берілсе, жұмыс істейтін азаматтар көп. Үкіметтен субсидия көмек жоқ. Дегенмен, өз қаражатыммен жан-жаққа барып, құжаттарымды реттедім. Бұйырса, жұмысымды жандандыруға дайынмын», – дейді Түркіменбай Әкімбайұлы.&nbsp;</blockquote>Сонымен қатар, ол тұщы өзен суларының теңізге аз мөлшерде құйылуы, теңіз суының тұздылығын сақтайды да, онда тіршілік ететін балықтардың өміріне қауіп туғызады. Тұщы су балықтарын қорғаудағы ең маңызды мәселе олардың уылдырық шашатын жерін, қыстайтын шұңқырларын қорғау және қыста қатып қалмау шараларын ұйымдастыру қажет дегенді алға тартты. Су қоймаларының балық өнімін арттыру үшін балықтарды жерсіндіру жұмысын жүргізген жөн. Балықтың негізгі қорегі жануарлар мен өсімдіктерді де жерсіндіру керек. Әсіресе, ішкі су қоймаларындағы балықтардың қорын көбейтуге және оларды қорғауға ерекше көңіл бөлінілгені тиіс. Аудандағы көлдер мен өзендерде бағалы кәсіптік балықтарды өсіруге мүмкіндік жасалса және оларды көптеп аулау да, негізгі міндеттердің бірі ретінде жүзеге асырылса, деген ұсынысын білдірді.&nbsp;«Балық – халық байлығы» деген бар. Оның қорын молайтуға қамқорлық жасау – балық корғау инспекциясының, балық аулаумен шұғылданатын кәсіпорындардың, су шаруашылық орындары басшыларының абыройлы ісі. Бұл маңызды іске бүкіл жұртшылық белсене қатысқаны дұрыс-ақ.Есесіне, халық үшін балық аса қажетті тағамның түрі болып есептеледі. Ғалымдардың зерттеулеріне сенсек, əр адам орта есеппен жылына 14,6 келі балық өніміне зəру. Бұл қажеттілікті өтеу үшін балық өсіру, аулау мен импорт көлемін жылына 272 мың тоннаға дейін жеткізу керек екен.&nbsp;Еске салсақ, отандық балық шаруашылығын жандандыру мақсатында ел үкіметі балық шаруашылығын дамытуға арнайы көңіл бөліп, осыдан бірнеше жыл бұрын ұзақ мерзімді шаралар бағдарламасын қабылдады. Балық шаруашылығын дамытудың 2021-2030 жылдарға арналған бағдарламасының индикаторлары мемлекеттік қолдау шараларына ғана емес, осындай кәсіпкерлердің белсенді қызметіне бағытталған.

Қазалы: Адал ісімен табысын еселеген кәсіпкер

Балалардағы агрессия мен қорқынышты жеңіп, қабілетін ашуға ынталылар қатары көбейді

<a href="https://med-classic.com/treatment/ortodontija">ФОТО&nbsp;</a><a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына МӘМС жүйесіне, медициналық көмектің сапасына қатысты өзекті мәселелермен тұрғындар жүгінеді. Ерекше бақылауда – кішкентай пациенттердің құқықтарын қорғау.Қызылорда тұрғыны Гүлжауһар Нұрекеева көмек сұрады. Немересі ерін мен таңдай жырығымен дүниеге келген. Үш айлық Айзердің ата-анасына ортодонт дәрігерінің кеңесі қажет. Алайда, тұрғылықты жері бойынша емхана дәрігерлері тиісті жолдама бермеген.<blockquote>«Дәрігерлер КМАЖ (кешенді медициналық ақпараттық жүйе) бойынша стоматологиялық клиникалардың бірінде осы қызметтерді алуға жолдағанын хабарлады. Біз ол жаққа барғанымызда, тегін медициналық қызметтерге жолдама берілмегені белгілі болды. Сондықтан клиника бізге «қоян жырық» түзету ақылы қызметтерін ұсынды. Бірақ біз бас тарттық», - дейді Гүлжауһар Нұрекеева.</blockquote>Бұл мәселені шешуге ӘМСҚ-ның облыстық филиалының мамандары қосылды. Ата-аналарға жақ-бет аймағының туа біткен патологиясы бар балаларға МӘМС қызметтерінің қандай түрлері қолжетімді екендігі түсіндірілді.<blockquote>«Қордың филиалы Айзеренің ата - аналарына ортодонттың кеңесін, стационарлық емдеу бойынша ұсынымдарды алу үшін медициналық ақпараттық жүйеге жолдама енгізуге қол жеткізді», - деді медициналық көмек көрсету сапасын бағалау және шарттық міндеттемелерді мониторингілеу бөлімінің басшысы Гүлнара Кенжебаева.</blockquote>Міндетті әлеуметтік медициналық сақтандыру жүйесіне қатысты сұрақтарыңызбен мына мекен-жайға жүгіне аласыз: Қызылорда қаласы, Қазантаев көшесі, 32, байланыс телефон нөмірлері: 8 /7242/ 55 10 16, 55 10 17.&nbsp;

18 жасқа дейінгі балаларға ортодонтиялық көмек МӘМС есебінен көрсетіледі

<a href="https://kyzylorda-news.kz/">Kyzylorda-news.kz.</a> Қызылорда облысында заңсыз сақталған қару-жарақтар мен оқ-дәрілерді өтемді түрде сатып алу акциясы өткізілуде.Ағымдағы жылдың 10 сәуірінен бастап республика көлемінде Қазақстан Республикасы Ішкі істер министрлігінің бастамасымен қару сатып алу бойынша кезекті акция өткізілуде. &nbsp; &nbsp;Акцияның негізгі мақсаты - азаматтарда заңсыз сақталған қару-жарақтар мен оқ-дәрілерді өтемді түрде қабылдау болып табылады. Қаруды өз еркімен тапсырған азаматтар қылмыстық және әкімшілік жауапкершіліктен босатылады. Алынған қарудың түріне және техникалық жай-күйіне байланысты &nbsp;сыйақы тағайындалады. &nbsp; &nbsp;&nbsp;Акция басталғалы 8 күн уақыт өтті. Осы аралықта облыс тұрғындарынан 30 өтініш түсті. Қазіргі таңда барлығы 49 дана қару қабылданған.Қазақстан Республикасы Ішкі істер министрлігінің бұйрығына сәйкес бір айлық есептік көрсеткіштің 10-нан 100-ге дейінгі мөлшерінде сыйақы тағайындалады. &nbsp;&nbsp;<blockquote>«Құрметті облыс тұрғындары! Тіркеуде жоқ заңсыз сақтаудағы қаруларды, жарылғыш заттарды полиция бөлімдеріне &nbsp;өткізіп, қарумен жасалатын қылмыстардың және төтенше оқиғалардың алдын алуда өз үлестеріңізді қосуға шақырамыз», - делінген хабарламада.&nbsp;</blockquote>

Қызылордада акция аясында 49 қару сатып алынды

<a href="https://kyzylorda-news.kz/">Kyzylorda-news.kz.</a> Қызылорда облысында тарих сырын шертетін ескерткіштер көп. Сондай өзіндік құндылығымен танымал ескерткіштердің бірі Молқалан кесенесі.&nbsp;Бүгін 18 сәуір – Халықаралық ескерткіштер мен тарихи орындар күніне орай Өңірлік коммуникациялар қызметінің ұйымдастыруымен Сырдария ауданы, Іңкәрдария ауылында орналасқан Молқалан кесенесінде көшпелі брифинг өтті. Бүгінде кесене республикалық маңызы бар тарих және мәдениет ескерткіштерінің және «Қазақстанның киелі жерлерінің географиясы» жобасы аясында өңірлік қасиетті нысандар тізіміне енгізілген. Кесененің тарихына тоқталсақ, Молқалан он алтыншы ғасырда дүйім жұртқа белгілі әулие болған деседі, қазіргі кезде де халықтың арасында үлкен танымалдыққа ие. Кесене соңғы рет 2007 жылы реставрациядан өткен.&nbsp;Сондай-ақ, жоспарға сәйкес наурыз-сәуір айларында арнайы лицензиясы бар «Қазқайтажаңарту» РМК-ның &nbsp;Қызылорда филиалының тарапынан республикалық маңызы бар Молқалан кесенесіне реставрациялық жұмыстар қарқынды жүргізілуде. Сонымен қатар, биылғы жылы Көтібар мұнарасы, Қарасопы кесенесі, Сығанақ қалашығына қайта реставрация жұмыстарын жүргізу жоспарланып отыр. Бұл ескерткіш орта ғасырда Орта Азияның сәулет өнерінің дамығандығының айқын көрінісі. Бүгінгі таңда Молқалан кесенесінің басына келушілер саны көп.<img src="https://knadmin.beoblood.kz/uploads/342040742_222857290430276_8703683172034803064_n_ff99f8f760.jpg" alt="342040742_222857290430276_8703683172034803064_n.jpg">

Сыр өңірі тарихи орындарға бай

<a href="https://kyzylorda-news.kz/">Kyzylorda-news.kz.</a>&nbsp; Биылғы жылы Сырдария ауданының бірнеше елді-мекенінде электр желілерін толықтай ауыстыру жұмыстары басталғаны белгілі. Жыл сайын ауыл тұрғындары тарапынан электр желілерінің тозуына байланысты айтылатын сын ескертпелеріне байланысты, бүгінде тиісті қаржы көздері қарастырылып, ауқымды жұмыс қарқынды жүргізілуде.Жақында аудандық мәслихат депутаты Нұрман Абдрасилов Аманкелді ауылындағы электр желілерін толықтай ауыстыру жұмыстарына партиялық бақылау жасау мақсатында "Универсал Строй-Сервис" ЖШС-ның жұмыс барысымен танысты. &nbsp;Аманкелді ауылында мердігер серіктестігі электр желілерін толықтай ауыстыру жұмыстарын бірнеше күннен бері жүргізіп келеді. Осыған орай ауыл тұрғындары мен ақсақалдары атқарылып жатқан жұмыстардың барысына байланысты ескертулер беріп, бірнеше ұсыныстар түсірген.Осы мәселеге орай партиялық бақылауға мердігер мекеменің өкілдері, техникалық байқаушы және ауыл тұрғындары қатысып, түсіндірме жұмыстары жасалды. Ауыл тұрғындарының өмір сапасына тікелей әсер ететін ауқымды жұмыс аяқталғанша аталған жұмыс партия бақылауында болатыны ескертілді.<blockquote>&nbsp;Биылғы жылы Аманкелді ауылынан ауыл тұрғындары маған сенім білдіріп, депутат етіп сайлады. Мандатқа ие болғаннан соң сайлауалды бағдарлама бойынша атқарылатын жұмыстардың тізбегіне жоспар жасадым. Бүгін Аманкелді ауылында жүргізіліп жатқан электр желілерін ауыстыру жұмыстарының барысымен таныстым. Тиісті мердігер мекеменің жауапты мамандарымен жұмыстың сапасын тексердік. Қарапайым ғана мысал, жаңадан орнатылған бірнеше электр бағаналары бос тұр, түбіндегі топырағына нығыздау жұмыстары жүргізілмеген. Біздің аймақтың ауа райы қандай болатыны белгілі. Қатты соққан жел мен жауында жаңадан салынған бағаналар теңселіп, құлап қалуы мүмкін. Сондықтан осы және тағы да басқа кемшіліктерге ескерту жасадық. Алдағы уақытта "Универсал Строй-Сервис" ЖШС-нің мамандары кемшілікті жойып, қалыпқа келтіретіндіктерін айтты, – дейді аудандық мәслихат депутаты Нұрман Абдрасилов.</blockquote>Айту керек, мердігер мекеме басшылығы ауылда басталған ауқымды жұмыс үстіміздегі жылдың қыркүйек айына дейін сапалы және мерзімінде аяқталатынын жеткізді. &nbsp;

Электр желілерін ауыстыру жұмыстарына партиялық бақылау жүргізілді

<a href="https://kyzylorda-news.kz/">Kyzylorda-news.kz.</a> &nbsp;Ақыл таразысына салып, байыптап қарасаңыз, кәсіп істеймін деген адамға мемлекет тарапынан көрсетіліп жатқан көмек аз емес. Бұл орайда тіпті өкпелеудің жөні жоқ. Бір ұтымдысы, өз алдына кәсібін енді бастаймын дегендер қайтарымсыз грантқа ие болса, бұл орайда аз-кем тәжірибе жинақтаған, енді ісін ұлғайтуды көздегендерге шағын несие түрінде қолдау көрсетілуде.Қолыңыздан іс келіп, барды ұқсатамын десеңіз мүмкіндік көп. Кәсіп ашамын деген жанға Мемлекеттік қолдаулар қарастырылған. Тек жоспарыңыз нық болса болғаны. Бүгінде елдің дамуына үлес қосып, кәсібін дөңгелетіп отырғандар ауданымызда көбейіп келеді. Соның бірі – дүр оңғарлық Ерсін Өтепов ауылдан шағын цех ашып, шаруашылыққа қажетті әрі сұранысқа ие құрылыс материалын шығаруда.«Бастау бизнес» жобасы бойынша кәсіпкерлікті оқып, «Қызылорда өңірлік инвестициялық орталық» арқылы жас кәсіпкер 5 млн теңге несие алған. Істі бастау үшін қаражатқа Қытайдан өзі өндіріске қажетті құрал-жабдықтарын сатып алып, әрі сол жақтан құрылғының тілін үйреніп келген. Ерсіннің арғы аталары елге танымал белгілі ұста болыпты. Өзі де сол өнерден алыс емес. Қанмен келген қасиеттің арқасында кәсіпті тез игеріп, жұмысын бастап кеткен.<blockquote>«Жасымнан темір құралдарға жақын өстім. Сым, темірден бұйым жасап, ойыма келгенді ұйқастырып шығаратынмын. Кейін осы өнер кәсіп бастауыма себепші болды. Біз көбіне сырттан келетін дайын өнімге үйреніп қалғанбыз. Байқасаңыз елімізде өндіріс саласы аз. Осыдан кейін неге өзімізден цех ашып, қажетті құрылыс құралдарын шығармасқа деген ой келді. Сөйтіп осы саланы жан-жақты зерттеп, қоршауға арналған тор мен тікен сым және шеге шығаратын өндірісті қолға алдым. Өйткені ауылдағы шаруашылыққа мұндай материалдар керек-ақ. Одан бөлек ауласын белгілеп, айналасын қоршаймын дегендерге таптырмас құрал. Ал шегенің қажеті қашанда жоғары», – дейді жас кәсіпкер.</blockquote>Бүгінде Ерсіннің қолға алған ісінің аяқалысы жаман емес. Қондырғысы бір сағатта тікен сымның 70-80 метрін шығарса, тор қоршаудан 60-70 метр тоқып, дайындап береді. Бастапқыда өндіріске қажетті шикізатты Қытай мен Ресейден алдыртуға тырысыпты. Алайда қазіргі саяси ахуалға байланысты қажетті сымды Алматыдан алдыртып отыр. Кәсіпкердің цехынан шыққан өнімге тұтынушылар оң бағасын беріп те қойған. Өзге аудандардан жиі тапсырыс түсіп, істің тоқтап қалмай әрі қарай дамуына сеп болуда.

Дүроңғарлық жігіт ерекше кәсіпті игеріп отыр

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен «Абай» атындағы үш тілде оқытатын дарынды балаларға арналған мамандандырылған сыныптары бар мектеп базасында ағылшын тілі пәні мұғалімдердің қатысуымен «Continuing professional development of teachers will change lives» («Мұғалімдердің үздіксіз кәсіби дамуы өмірді өзгертеді») тақырыбында облыстық семинар өтті.Семинарға қалалық білім бөлімінің әдіскері Ғалия Ермағанбетқызы және ағылшын тілі пәні мұғалімдері қатысты.&nbsp;Шараның мақсаты &nbsp;білім беру ұйымдарының арасындағы әріптестік қатынастарды дамыта отырып, тәжірибе алмасуда жаңашылдықты қалыптастыру, педагогтердің кәсіби құзыреттілігін дамыту, кәсіби тәжірибені жаңарту, жаңалықтарды қабылдау мен меңгерту.&nbsp;Семинар барысында спикерлер кезекпен ортаға шығып, өз тәжірибелерімен бөлісті.Ең алдымен «Үздік педагог бағдарламасымен» Ә.Мүслимов атындағы №101 мектеп-лицейінің ағылшын тілі пәні мұғалімі Д.Садырбаева “My way of making my dream come true” тақырыбында семинар өтті.Одан әрі С.Толыбаев атындағы атындағы №3 мектеп-лицейінің ағылшын тілі пәні мұғалімдері М.Ердібек пен Б.Мнажев «Болашақ» бағдарламасы турасында айтты.&nbsp;Сонымен қатар «Fulbright tea» бағдарламасы бойынша Т.Есетов атындағы №264 мектеп-лицейінің ағылшын тілі пәні мұғалімі А.Амангелді өз ойын ортаға салды.Сондай-ақ «Ағылшын тілін оңай үйрену лайфхактары» тақырыбында №144 мектептің &nbsp;ағылшын тілі пәні мұғалімі Ұ.Рысмағамбет өз тәжірибесімен бөлісті.Облыстық семинар барысында «IELTS» тест орталығының ашылу салтанатымен жалғасын тапты, тест орталығының жұмыс барысы таныстырылды. Семинар соңында мұғалімдер семинардан алған әсерлерімен бөлісті.&nbsp;Облыстық оқу орталығының әдіскері Сәуле Асылбекқызы және қалалық білім бөлімінің әдіскері Ғалия Ермағанбетқызы сөз алып, семинарды жоғары дәрежеде бағалады. Жас мұғалімдерге сәттілік тілеп, озық ұстаздардың жұмыстарын дәріптеп, бүгінгі семинарда іс-тәжірибелерімен бөліскен мұғалімдерді сертификаттармен марапаттап өтті.

Қызылордада «IELTS» тест орталығы ашылды

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық білім басқармасының басшысы Мейрамбек Шермағанбет жалпы білім беретін пәндер бойынша республикалық олимпиаданың қоғамдық-гуманитарлық бағыты бойынша IV кезеңінің өткізілу барысымен танысты. Бұл туралы облыстық білім басқармасының баспасөз қызметі хабарлады. &nbsp;«Дарын» орталығының базасында өтіп жатқан білім бәйгесіне Қызылорда облысынан 7 пән бойынша 29 оқушы қатысып, бақ сынауда.Басқарма басшысы тестілеу жұмысымен танысып, оқушыларға сәттілік тіледі.<blockquote>«Тестілеудің өткізілуі мен адалдықты қамтамасыз ету, бақылау мақсатында бүгін ҚР ОАМ Балалардың құқықтарын қорғау комитетінен, республикалық «Дарын» орталығынан, білім саласындағы сапаны бақылау департаментінен және ата-аналар комитетінің өкілдері қатысуда. Облыстық кезеңнен оқ бойы оза шауып, республикада аймақ абыройын қорғап жатқан оқушыларымыз жеңімпаз атанады деген сенімдемін. Баршаңызға сәттілік тілеймін», - деді Мейрамбек Зинабдинұлы.</blockquote>Айта кетейік, білім бәсекесі 13-18 ақпан күндері аралығында өтеді. Олимпиаданың өткізілу барысын төмендегі сілтеме арқылы көре аласыздар.1. <a href="https://youtube.com/live/d798NeyJruo?feature=share&amp;fbclid=IwAR0aIubYIAfdsQt6hwZRcPDzN559WctJXMOe7h8_4WZxXcA2EyNSXmSs1r8">https://youtube.com/live/d798NeyJruo?feature=share</a>2. <a href="https://l.facebook.com/l.php?u=https%3A%2F%2Fyoutube.com%2Flive%2F9kc0mpxXtwQ%3Ffeature%3Dshare%26fbclid%3DIwAR20pDYpD9470MvAbV2lLY79oZrO6it2bOQUQGd2WyJnPiQO46S5dq_kli8&amp;h=AT0gpx2X2b4acTMtkeGTF1AIW5QtHK3wVeJi31MRM98NaTB_1jciCCHfpBbep2Z9nlBJKo12eC0QWpKGKTlkTxkk-Sl6OTNwSFTbTmXHlUljTnMoMCsGE_gQlkoy9WTQsIRO&amp;__tn__=-UK-R&amp;c[0]=AT0PXZ5moKegNxHZ1DcKGx9G7U4rvGPWaNonC9Wo3Iq1eH8DXO08hcahQGaSXHeD5eitQoSr3pIl6B_45f6l87jXUWvcYY1s8Tf6WLg-NdPFunxNpxDw4DDpQMOiOpWhjlrh8by0NWCH8uWSMP_ueXWjiwSxM4B1aRlW9pizxq1Lck_zisMUZw3Veg">https://youtube.com/live/9kc0mpxXtwQ?feature=share</a>3. <a href="https://youtube.com/live/Js5AmPSCr9M?feature=share">https://youtube.com/live/Js5AmPSCr9M?feature=share</a><figure class="image"><img src="https://knadmin.beoblood.kz/uploads/337557792_3558508581097899_4583804090864186230_n_8beb66addd.jpg" alt="337557792_3558508581097899_4583804090864186230_n.jpg"></figure>

Басқарма басшысы республикалық олимпиадаға қатысушыларға сәттілік тіледі

<a href="https://kyzylorda-news.kz/">Kyzylorda-news.kz.</a>&nbsp; Арал ауданның оң имиджін қалыптастыруға айтарлықтай үлес қосып жүрген салалардың бірі Арал аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі. Аталған мекеменің &nbsp;басшысы Ғалия Тоғысқызымен сұхбаттасып, мекеменің жұмысынан жан-жақты мағлұмат алған едік.&nbsp;–Әр жылдың өз салмағы, жемісі, міндеті бар.Ендеше, үстіміздегі жылы, яғни, 2023 жылы халықты жұмыспен қамту барысын атап өтсеңіз…–2023 жылдың 1 сәуіріне жұмыспен қамту орталығына жұмыс іздеуші ретінде хабарласқандар саны – 2222 адам. Тұрақты және уақытша жұмысқа орналасқандар саны – 239 адам. Жылбасынанқоғамдықжұмыстарға 710 адам тартылды. 248 жаңа тұрақты жұмыс орны ашылды. Жыл басынан хабарласқан мүгедектігі бар адамдар саны – 123. Олардан тұрақты жұмысқа орналасқандары – 12 адам, қоғамдық жұмысқа жіберілгені – 28, жастар практикасына – 2 адам. Бастау бизнеске 42 адам оқуда. Есепті кезеңнің аяғына жұмыссыздар саны – 111 адам. Жыл басынан 3 рет бос жұмыс орындарының жәрмеңкесі өткізілді. 16 мекемеден 69 бос жұмыс орны ұсынылды. Өткізілген жәрмеңкеге барлығы 341 адам қатысты. Оның ішінде 38 адам тұрақты жұмысқа, 17 адам қоғамдық жұмыстарға жолданды. 2023 жылдың наурыз айына тіркелгенжұмыссыздықдеңгейі 5,0 пайыздықұрады.–2021-2025 жылдарға арналған кәсіпкерлікті дамыту жөніндегі ұлттық жобасының биылғы өзгерістеріне байланысты сөз сабақтай кетсеңіз…– 2022 жылы «Күміс жас» жобасы бойынша жұмыссыздарды зейнетке шығуға дейін жұмыспен қамту ұзақтығы: 12 айдан артық емес, ай сайынғы субсидия мөлшері жалақы мөлшерінің 50%-ын құрайды, бірақ 30 (отыз) АЕК-тен аспайтын болса, 2023 жылға өзгеріске сәйкес, 50 жастан асқан жұмыссыз адамдар «Күміс жас» жобасына қатысушылары болып табылады. Ұзақтығы – 36 ай. Жалақы: ай сайынғы жалақысының субсидия мөлшері: қатысудың бірінші 12 айында 70 %-ын құрайды, бірақ 30 (отыз) АЕК-тен (103 500 тг. ) аспайды.Қатысудың 13 айынан бастап 24 айына дейін 65%-ын құрайды, бірақ 30 (отыз) АЕК-тен аспайды. Қатысудың 25 айынан бастап 36 айына дейін 60 %-ын құрайды, бірақ 30 (отыз) АЕК-тен аспайды.–Аты айтып тұрғандай, өзіңіз жетекшілік ететін сала бұқарамен тікелей байланысты.Содан да шығар, әлеуметтік төлемдер сіздің қызметкерлеріңіз арқылы жүргізіледі. Олай болса, биылғы жылғы ерекшеліктерді жеткізсеңіз…– 2023 жылдың І тоқсанында Мемлекеттік атаулы әлеуметтік көмекке 234 отбасына (1397 отбасы мүшелеріне) 34749,9 мың теңге тағайындалып, төленді.Атаулы әлеуметтік көмек алушылардың 1-6 жасқа дейінгі балаларына 2022 жылы азық-түлік, гигиеналық құралдар берілетін болса, ағымдағы жылдың қаңтар айынан 1,5 айлық есептік көрсеткіш мөлшерінде қаржылай төленетін болды. Яғни 1 (бір) балаға 5 175 теңгеден. Атаулы әлеуметтік көмек алушылардың ішіндегі жұмысқа жарамды мүшелерін белсенді шараларға тарту барысында 6 адам тұрақты жұмысқа, 23 адам ақылы қоғамдық жұмысқа және 1 адам әлеуметтік жұмысқа жолданды. Сондай-ақ 9 мамыр – Жеңіс күні және 16 желтоқсан – Тәуелсіздік күні мерекелері қарсаңында төленетін біржолғы әлеуметтік көмектер 40 айлық есептік көрсеткішке (1 адамға 138 000 теңге) көбейту үшін қолданыстағы аудандық мәслихаттың шешіміне өзгерістер енгізіліп, келісім алу үшін Қызылорда облыстық Әділет департаментіне жолданды. Осы аталған шешімге өзгеріс енген жағдайда, қосымша бюджеттен қаржы сұратылып, төленетін болады.–Мүгедектігі бар адамдардың оңалту бағдарламасы бойынша қандай жұмыстар жалғасты немесе нендей істер қолға алынды? Осы туралы білсек…–2023 жылдың І тоқсанында 255 жүріп-тұруы қиын І топ мүгедектігі бар адамдарға 255 жеке көмекші қызмет жасады, жеке көмекшілердің қызметіне 64679,9 мың теңге төленді. 29 тіл-құлақ кемістігі бар мүгедектігі бар адамдарға 5 ымдау тілі маманы қызмет көрсетті, ымдау тілі мамандарына 2155,8 мың теңге төленді.Гигиеналыққұралдарғабүгінгітаңға 325 мүгедектігі бар адамдардың гигиеналық құралдарға әлеуметтік қызметтер порталы арқылы берілген тапсырыстары бойынша 53754,0 мың теңгесі төленіп, гигиеналық құралдары үйлеріне жеткізілді.Мүгедектігі бар адамдардың оңалту бағдарламасына сәйкес: протездік-ортопедиялық көмек– 59 адамға;тифлотехникалыққұралдар– 96 адамға; сурдотехникалық құралдар – 7 адамға; жүріп-тұру құралдары – 21 адамға; санаторлы-курорттық ем 3 адамға Қызылорда қаласында орналасқан «Талсуат-мүгедектерді оңалту орталығына» ем алуға 17 мүгедектігі бар адам, 1 қарт жолданды.Мемлекеттік әлеуметтік тапсырыспен «Арал ауданы мүгедектер ұйымы қоғамдық бірлестігі» 18 жасқа дейінгімүмкіндігі шектеулі 25 балағакүндіз болу бөлімшесі бойынша жартылай стационар жағдайында қызмет көрсетеді. Қызылорда қаласында орналасқан №2 арнаулы әлеуметтік қызметтер көрсету орталығына мүгедектігі бар 6 адам, №1 Қызылорда арнаулы әлеуметтік қызметтер көрсету орталығына 1 жалғызбасты қарт жолданды. Сонымен қатар мүгедектерді тасымалдау (инватакси) қызметін ұйымдастыруға 2000,0 мың теңгесі төленді. Мемлекеттік әлеуметтік тапсырыс арқылы «Арал қаласы бойынша мүмкіндіктері шектеулі мүгедектерді қорғау және қолдау» қоғамдық бірлестігімен келісім шарт жасалып, олардан 3 автокөлікпен 28 мүгедектігі бар адамдарды тасымалдады. Үйден әлеуметтік қызмет көрсету бойынша аудан бойынша 109 мүгедектігі бар балаларға 32 әлеуметтік қызметкер, 92 жалғызілікті қарттар мен мүгедектігі бар адамдарға 18 әлеуметтік қызметкер қызмет көрсетеді.–Қазіргі таңда мемлекет мүгедек жандарға барынша қолдау көрсетіп келе жатқанын білеміз. Қуанамыз, жақсылыққа балаймыз. Өйткені, Ата Заңымызда тайға таңба басқандай адам басты байлығымыз саналады. Олай болса, тағдыр тауқыметін тартып, мүгедектік статусты алған жанға берілетін жәрдемақыдағы өзгерістерді баяндай кетсеңіз…– Алдағы уақытта мүгедектігі бар адамға қызмет көрсеткен отбасы мүшесіне жалақы төленетін болады. Бұл ретте отбасы мүшесі жеке көмекші немесе әлеуметтік қызметкер ретінде ресімделеді. Бұл жұмысқа еңбекақы төленеді және әлеуметтік төлемдер, зейнетақы жарналары аударылады. Осылайша, отбасының еңбек жасындағы жұмыссыз мүшелері қызметке орналасады. Сөйтіп, әлеуметтік тәуекел туындаған жағдайда әлеуметтік қамсыздандыру шараларымен толық қамтылады.–Әлеуметтік саладағы оң өзгерістің бірқатарынан құлағдар болып, көңіл көншітерлік істердің бастау алғанына қуанып отырғанымды жасыра алмаймын. Бұл мемлекеттің халыққа жасаған ұдайы қамқорлығының жемісі. Енді сізден сұрарымалдағы бағыттарыңыз бен жоспарларыңыз жайында ой бөліссеңіз…– Мүгедектігі бар адамдарға әзірленген оңалтудың жеке бағдарламаларын 100 пайыз орындау; 2023 жылға аудан бойынша мүгедектігі бар адамдар үшін 32 инфрақұрылым объектісінің бейімдеу жұмыстарын жыл аяғына дейін толық аяқтау; аудан әкімінің қолдауымен бөлімге қарасты Арал аудандық отбасын қолдау орталығына жұмыстарын жүргізілуде. Бұл орталықтың негізігі атқаратын қызметтері: қолайсыз, өмірлік қиын жағдайда немесе оның туындау қатері аймағында жүрген адамдарды анықтау және оларға әлеуметтік-тұрмыстық, әлеуметтік-медициналық, әлеуметтік-психологиялық көмек алуға жәрдем көрсету;балалар мен балалы отбасыларды өмірлік қиын жағдайда әлеуметтік оңалту мен бейімдеудің жеке бағдарламаларын әзірлеуге және оны іске асыруға қатысады;өз құзыреті шегінде тұрмыстық зорлық-зомбылық профилактикасы бойынша жұмыстарға қатысады; мүгедектігі бар адамдарға және олардың отбасы мүшелеріне, осал топтағы азаматтардың жеке қабілеттері, дағдылары ескеріліп, жұмыс іздеулері мен жұмысқа орналасуларына ықпал ету Мемлекеттік қызметтер және басқа қызметтер түрлерін алу үшін құжаттарын рәсімдеу бойынша көмектер беру болып табылады.&nbsp;

Аралдағы әлеуметтік салада серпімді жұмыс бар

<a href="https://kyzylorda-news.kz/">Kyzylorda-news.kz.</a> &nbsp;Маңызы бар әрі үлкен жауапкершілікті қажет ететін саланың бірі әлеуметтік сала. Өйткені әлеуметтік сала тікелей халықпен жұмыс істейді. Сондықтан да әлеуметтің әлеуетінің деңгейі аталған саланың жұмысына көрсетілетін баға болмақ. Кез келген мемлекеттің дамуы, қаншалықты өркениетке қадам басқаны да халқының тұрмысымен өлшенеді. Халқы кедей бола тұра, жұмыссыз бола тұра ешқандай елдің экономикасы да, әлеуметтік жағдайы да алға жылжымайды. Иә, елдегі басты мәселелердің бірі жұмыссыздық деңгейін төмендету.&nbsp;Бүгінгі күні Жалағаш ауданы бойынша экономикалық белсенді халық саны 14 947 болса, өткен жылы оның жұмыспен қамтылғаны 14 192-ні көрсетті. &nbsp;Оның ішінде жалдамалы қызметкерлер 9 372, өз бетінше жұмыспен қамтылған халық 4 820, жұмыссыздар саны 755-ті құрады. Дегенмен саланың жұмысын жоққа шығара алмаймыз, былтырғы жылы әжептәуір жаңа жұмыс орындары ашылып, тұрғындардың тұрақты жұмысқа орналасуына септігін тигізді. Мәселен, өткен жылы екі жарым мыңға жуық жаңа жұмыс орны ашылып, мың үш жүзден аса тұрақты орын, мыңнан аса уақытша орын ұсынылған. Орталыққа хабарласып, екі қолға бір күрек сұраған үш жарым мыңға жуық жанның тең жартысы бағдарламаға қатысушылар тізіміне енген.&nbsp;Әсіресе жастар арасындағы жұмыссыздықты бір жолға қою күн тәртібінде тұр. Әрине бұл тұста мемлекет қол қусырып отыр дей алмаймыз. Халық арасындағы жұмыссыздықты азайту, қазақстандықтардың әл-ауқатын арттыру, әлеуметтік жағдайды реттеу бағытында түрлі бағдарламалар жұмыс істеп тұр. Қайтарымсыз грант, төмен пайыздағы несиелер шағын және орта кәсіппен айналысамын деушілерге қолдау болса, мемлекеттік мекемелерден өтетін жастар тәжірибесі, алғашқы жұмыс орны сынды жобалар жастардың сағын сындырмай тұр.&nbsp;Былтыр желтоқсан айына дейін жастар арасында жұмыссыздықты төмендету мақсатында бірқатар жұмыс атқарылған. Мәселен, жыл басынан бері халықты жұмыспен қамту орталығына 1 500-ден аса жас жұмыс іздеуші ретінде тіркелсе, оның 905-і жұмыспен қамтудың белсенді шараларымен қамтылды. Әлеуметтік жұмыс орындарына 38, жастар практикасымен 201, қоғамдық жұмысқа 200-ден аса, ұрпақтар келісімімен 5, алғашқы жұмыс орнымен 18 жас жіберілген. Жаңа бизнес-идеяларды іске асыруға арналған мемлекеттік грантты 300 адамға беру жоспарланса, жоспар жүз пайызға орындалып, 300 адам мемлекеттік грантқа қол жеткізді. Ал қысқа мерзімді оқумен 29 адам қамтылса, мемлекеттік қолдау шараларынсыз 800-дей адам жұмысқа орналасса, оның 290-ы тұрақты жұмысқа тартылған жас мамандар болып табылады. NEET санатындағы жұмыссыз жастардың санын азайту мақсатында да жастар практикасына биылдан бастап қатысушылардың жалақысы 76 575 теңгеден 91 890 теңгеге дейін ұлғайса, бұл шараға шектеулі жасқа толмаған, соңғы 3 жылда жоғары және арнаулы орта оқу орындарын бітірген және еңбек өтілі жоқ түлектер қатыса алады.&nbsp;Сонымен бірге ақылы қоғамдық жұмыс орындарына былтырғы жылы 980 адам жолданып, жоспар 181,5 пайызға орындалған екен. Оның ішінде 126 адам тұрақты жұмысқа орналасыпты. Алғашқы жұмыс орындарына жоспар 12 адам болса, іс жүзінде 18 адам жолданып, бұл жоба бойынша да жоспар артығымен орындалған.«Ұрпақтар келісім-шарты» жобасына да 2 жыл ішінде оқуын аяқтаған және шекті жасқа толмаған білім беру ұйымдары түлектері қатыса алады екен. Аталған жоба шеңберінде жұмысқа орналасқан адамға зейнеткерлік жасқа жетуге кемінде 6 ай қалған тәлімгер тағайындалады. Жалақы көлемі 61 260 теңгеден 91 890 теңгеге дейін артқан, қатысу мерзімі де тиісінше 6 айға дейін. Жұмыс беруші жобаға қатысу мерзімі аяқталғаннан кейін жұмыссызды Еңбек кодексінің 38 бабына сәйкес, тәлімгердің бос жұмыс орнына немесе басқа бос орынға ауыстыруға міндетті. Жоғарыда аталған субсидияланатын жұмыс орындар уақытша сипатта болады және бұл орындарға орналасқан адамның еңбек қызметінің кезеңі оның еңбек өтіліне есептеледі. Орталықтың мәліметінше, өткен жылы аталған жобамен ауданда 5 адам жолданып, жоспар 100 пайызға орындалған.Айта кетейік, 2018 жылдан бастап &nbsp;жұмыс берушілерге Электрондық еңбек биржасы арқылы жұмыссыздарды таңдау құқығы берілді. Ауданда бос жұмыс орындары туралы мәліметтер электронды еңбек биржасы ақпараттық жүйесі арқылы қолжетімді түрде ұсынылады. Ал болжанатын жұмыс орындары туралы мәліметтер «Жұмыс орындарын құрудың интеграциялық картасы» ақпараттық жүйесі арқылы қалыптастырылады.

Қазақстан және Қызылорда облысының жаңалықтары