<a href="https://kyzylorda-news.kz/">Kyzylorda-news.kz.</a> Киелі де, қасиетті Қазалы ауданына қарасты ауылдық округтердің ішінде еңбекқорлығымен ерекшеленетін елді мекеннің бірі – Бірлік ауылы болып табылады. Мұндағы халық бар жан-тәнімен мемлекеттің, әрі, өз ісін де ұршықша иіреді. Осыдан-ақ, бірліктіктер еңбекке бір табан жақын екенін байқауға болады.1928-1934 жылдары халық асыра сілтеуге шыдамай қырылғанда, аман қалғандары Қарақалпақстан және Арал теңізі жағасына көшкен. 1934 жылы елге қайта оралған. Сол жылдары халық жиынының хаттамасымен колхоз құрылады. Оған біріккен елді мекендегі тұрғындардың ауызбіршілігі берік болсын, деп колхозға «Бірлік» атауы берілді. Жиналыстың қаулысымен басқарма төрағалығына Жармахан Бекетаев атты іскер азамат сайланады. Ол колхозды басқарған жылдары ел егін егіп, мал ұстап, дариядан балық аулап, аштықтан құтылды. Тұрғындар арасында беделі артып, әйелдерге күнделікті бір қазан тамақ астырып жағдайы төмен үйлерге таратқан. Осылайша, ол колхозды 1945 жылға дейін басқарады.Бірлік ауылы, Қазалы ауданының орталығы, Әйтеке би кентінен 35 шақырым қашықтықта, Сырдария өзенінің сол жағалауында орналасқан. Жер көлемі – 7095 гектарды алып жатқан ауылдың 606 гектарына егін егіледі. Сонымен қатар, оның – 848-і шабындыққа берілсе, 3194-і жайылымдық жерге бөлінген. Еңбекқор жандар жылда таң атқаннан кеш батқанға дейін егістік басында егін егеді, жайылымда мал бағады. Әрбір уақыты бағалы тұрғындар қорадағы жануарларына шөп орып, жаз бойы қыстық азығын алысқа сабылмай, ауыл маңынан дайындайды. Бұдан бөлек, Сырдария өзенінен балық аулап, қыста қамыс, отын шауып, оны сатып тіршілік етеді.Атауына сай, ауылда 135 тұрғын үй бар. Ондағы жан басы – 755 адамды құрайды. Округте халыққа Бірлік ауылдық округі әкімі аппараты, №102 орта мектеп, фельдшерлік-акушерлік пункті, клуб, кітапхана, пошта және байланыс бөлімшесі қалтқысыз қызмет көрсетеді.Ауыл шаруашылығы саласымен «Алшын» жауапкершілігі шектеулі серіктестігі, көгалдандыру көркейту және ауылдың санитарлық тазалығы және аяқсу әкелумен «Қарлаң» селолық тұтыну кооперативі айналысады. 1997 жылы мешіт үйі қайта жаңғыртылып, Керімберді ұрпағы Сәбит Әлімжанұлы молда болып, жұртшылықты имандылыққа шақыруда.Кәсібі өрлеп, ісі алға басқан «Алшын»&nbsp;1959 жылы Бірлік ауылында «Откорм» совхозы құрылады. 1972 жылы «Откорм» совхозы тарап, мал дайындайтын мекеме болып қайта жасақталды. Араға бес жыл салып, бұл мекеме Қазалы аудандық мал өсіру, бордақылау және дайындау бірлестігі болды. Сол кезде ауылда үлкен құрылыстар 4000 бас малға арналып қора-жай, монша, жұмысшы қызметкерлерге тұрғын үйлер салынды.Кейіннен бірлестікті мал шаруашылығының маманы – Қоламсақ Жолмырзаевтың басқаруымен ауыл шаруашылығы өрістеп, халықтың әл-ауқаты жақсарады. Жаңа кеңсе үйі, дүкен, сауда орталығы, 90 орындық балалар бақшасы, мектеп, материалдық қоймалар салынып, 7 гектарлық жеміс бағы ашылды.Сексенінші жылдары ауылдың жағдайын жақсарту мақсатында бірқатар азамат аянбай еңбек етті. Беріректе бірлестікті Бек Ерқанатов, «Бірлік» акционерлік қоғамын Чекалин Мұратбаев басқарып күріш егуге ауысты.1996 жылы 460 гектар жерге күріш егіліп, әр гектардан 51 центнерден өнім алынды. Соның арқасында, «Бірлік» акционерлік қоғамы аудан жеңімпазы атанды. Осы жылы акционерлік қоғамға күріш егісінің маманы Есенгелді Мәлиев келіп, мол өнім алуға сүбелі үлес қосты. Ол 16 жылға жуық «Алшын» жауапкершілігі шектеулі серіктестігін абыроймен басқарды. Ондағы дала еңбеккерлерінің күшімен жыл сайын 200 гектар күріш дақылы егіліп, 25-30 центнерден орташа өнім алынуда. «Көне Қарлаң», «Бірлік» және «Нарман» каналдары арқылы егілген егіс алқаптары аяқ сумен қамтамасыз етіледі. Бүгінде «Алшынның» ісі өрге басуына серіктестік басшысы Жүсіпбек Дәкібаев аянбай тер төгуде. Бірлігі бекем бірліктіктер&nbsp;Ауызбіршілігі мол Бірлік ауылында халықтың жағдайы жақсы. Бірлік ауылының Жанқожа батыр көшесінің түнгі жарықшамдары жаңартылды. Аталған көшенің сол беткей жолына ағымдағы жөндеу жұмыстары жүргізілді. Округті көгалдандыру үшін жеке кәсіпкердің өз күшімен 16 гектар жер дайындалып, жан-жағы қоршалды. Бірлік ауылындағы №102 мектепте қазіргі уақытта 151 бала оқиды.Бүгінде ауылдық кітапханадағы кітап қоры 9000 данаға жеткен. Мәдени шараларды ерекше ықыласпен өткізетін тұрғындарға жаңадан клуб үйі асарлату әдісімен салынды. Онда Таня Оспанова жүйелі қызмет етуде. Басың ауырып, балтырың сыздағанда ақхалаттыларға жүгінетін мұқтаж жандарға жаңадан бой көтерген фельдшерлік-акушерлік пункт әркез көмекке әзір тұрады. Медицина саласының мамандары дер кезінде ауыл тұрғындарының денсаулығын қадағалап, ем-доммен қатар қажетті кеңес береді. Ондағы Рая Бақытова тәжірибелі маман. Байланыс саласының қызметі де осал емес. Бұл жүйенің жақсы жұмыс істеуіне Боранбай Әбдіров барынша күш-мүмкіндігін жұмсауда.2005 жылы «Бірлік ауылдық округі әкімі аппараты» мемлекеттік мекемесі қайта құрылды. Қазір 2019 жылдан бері басқарып келе жатқан округ әкімі Өміртай Өтеп-Әлі ауылдың бүгінгі ахуалы туралы айтып берді.<blockquote>«Өткен жылдың бастапқы айларында, округті көгалдандыру мақсатында жеке кәсіпкердің өз күшімен 16 гектар жер дайындалды. Бүгінде жомарт жанды азаматтың жоспары бойынша қоршау жұмысы жүргізілуде. Бұдан бөлек, алдағы уақытта атқарылар шаралар баршылық. Бірлік ауылын гүлдендіру аясында діттеген мақсаттарды кезең-кезеңімен орындау жоспарда бар. Жергілікті халықтың ұсыныстары да ескеріледі», – дейді Бірлік ауылдық округінің әкімі Өміртай Өтеп-Әлі.</blockquote>Ауылда ардагерлер кеңесі, әйелдер кеңесі және жастар ұйымы бар. Бір қуантарлығы, жас және қажетті мамандарға арналып 2003-2008 жыл аралығында 8 тұрғын үй салынды. Берекесі ұйыған Бірлік ауылының аймағын дамытатын жастар баспанамен қамтамасыз етілді.Қазіргі таңда елдің ахуалын жақсарту және ауызбіршілігін сақтау мақсатында бірқатар жұмыстар мен игі шаралар атқарылуда.

Бірлігі жарасқан Бірлік ауылы

<a href="https://kyzylorda-news.kz/">Kyzylorda-news.kz.</a> Жыл сайын көктем-күз мезгілдерінде Конго-Қырым геморрагиялық қызбасы ауруының алдын алу мақсатында кенеге қарсы арнайы залалсыздандыру жұмыстары жүргізіледі. Биылғы жылы да бұл үрдіс өз жалғасын тапты.&nbsp;Сейсенбі күні өткен дизенсекция жұмыстарына ауылдық округ әкімдері, Қызылорда облыстық санитариялық-эпидемиялогиялық бақылау департаменті басшысының міндетін атқарушы Алия Мүтәліпқызы, сондай-ақ аудан әкімінің орынбасары Ерсұлтан Апетов пен бөлім басшылары қатысты.Шарада аудан әкімінің орынбасары кент және ауылдық округ әкімдері мен осы жұмыстарды жүргізетін мамандарға тиісті іс-шараларды нақты орындап, залалсыздандыру жұмыстарының уақытылы жүргізілуіне ықпал етуді тапсырды. Айта кетейік, Шиелі ауданында 17 елді мекен қолайсыз аймақтар қатарына енген. Қазіргі таңда аудан аумағында Конго-Қырым геморрагиялық қызбасы ауруының табиғи ошағында санитарлық тазарту жұмыстары басталды.Ал, Қызылорда облыстық санитариялық-эпидемиялогиялық бақылау департаменті басшысының міндетін атқарушы Алия Мүтәліпқызы тұрғындар арасында түсіндірме жұмыстарын күшейтіп, тұрғын үй аумағында жиналып қалған күл-қоқыстарды белгіленген қоқыс полигондарына шығару керектігін ескертті. Бұл арқылы дезинсекция жұмыстарының тиімділігі артпақ. Конго Қырым геморрагиялық қызбасы ауруының негізгі тасымалдаушысы – иксод кенелері. Сондықтан, адамдар арасында аталған ауру кенелердің белсенділігі артқан кезде жиі кездеседі. Қазіргі уақытта бұл ауру түрін емдеу әдістері оң нәтиже беруде. Сондықтан, егер сізді кене шағып алған болса, міндетті түрде тұрғылықты жер бойынша емдеу мекемесіне көмекке жүгініңіз. Медицина қызметкерлері сізді 14 күн бойы бақылайды.&nbsp;Кенелер құмдағы мал жайылымдарында, мал қораларда, малдарда болғандықтан, алдағы уақытта механикалық тазарту жұмыстары осы аталған аумақтарда жүргізілетін болады.

Шиелі ауданында залалсыздандыру жұмыстары басталды

<a href="https://kyzylorda-news.kz/">Kyzylorda-news.kz.</a> &nbsp;Облыс әкімінің орынбасaры Балмейір Сансызбайұлы жұмыс сапарымен Жалағаш ауданына барып, Жалағаш ауданында биылғы жылы жүзеге асырылатын жобалармен танысты.Облыс әкімінің орынбасарына 2023 жылы Жалағаш кентіндегі жалпы құны 643,6 млн. теңгені құрайтын М.Шәменов, І.Нұркенов, И.Панфилов, Мысық би, А.Бектібаев көшелері күрделі жөндеуден өткізіліп, ПМК-09 көшесіне ағымдағы жөндеу жұмыстары жүргізілетіндігі және қосымша 7 көшені күрделі жөндеуге жоба сметалық құжаттар дайындалғандығы баяндалды. Сонымен қатар, іс-сапар барысында аудандық маңызы бар Жаңадария бағытындағы автожолды орташа жөндеу жұмыстары да таныстырылды. Жоба құны - 392 миллион теңге. Жоба өтпелі. Орташа жөндеу жұмыстары 2022 жылы басталған. Мердігер мекеме: «Ақтоған» ЖШС.&nbsp;Қазіргі таңда Жаңадария бағытындағы автожолдың 10-шақырымы жөнделуде. 17 шақырымдық автожол құрылысы мамыр айында аяқталады. Жұмыс сапары барысында облыс әкімінің орынбасары Балмейір Сансызбайұлы Жалағаш ауданында атқарылып жатқан жұмыстарға оң бағасын берді.Айта кетейік, Жалағаш ауданы бойынша картоп бақша дақылдарын орналастыруға 500 гектар жер дайындалған. Маусымдық кезеңге әр отбасыға уақытша жер беріледі. Жер алуға өтінішті Жалағаш кенті және ауылдық округ әкімі аппараттарында беруге болады. &nbsp;

Облыс әкімінің орынбасары жұмыс сапарымен Жалағаш ауданына барды

<a href="https://kyzylorda-news.kz/">Kyzylorda-news.kz.</a> Қармақшы ауданы, Жосалы кенті, №183 орта мектебінің спорт залында Жандос Бахытжанұлы Досымхановты еске алуға арналған шағын-футболдан 2009-2010 жылы туылған жасөспірімдер арасындағы облыстық ашық турнир болып өтті.Турнирдің мақсаты - ауданда шағын-футбол ойынын облыс көлемінде дамытып, Республикаға облыс құрама командасын іріктеу және Жандос Бақытжанұлын еске алу болып табылды. Аудандық ашық турнирге Қызылорда қаласы, Сырдария ауданы, Қазалы ауданы және Қармақшы ауданынан 9 команда 80-ге жуық жасөспірім қатысты.Аудандық ашық турнирде үздік ойын өрнегін көрсеткен спортшыларды арнайы медаль, кубок және алғыс хаттармен марапаттады.&nbsp; Үздік қақпашы номинациясымен Қызылорда қаласынынан келген Нұрсұлтан Ерахмет иеленсе, Үздік қорғаушы номинациясы қармақшылық №250 мектеп-лицейінің оқушысы Дінмұхаммед Әлқуатов иеленді. Үздік шабуылшы атауын Куаныш (Жандос) Тасбергенов алса, Үздік ойыншы номинациясын Қазалы ауданынан ат терлетіп келген Нұраділ Ағаділ иеленді. Ал Үздік сұрмерген номинациясы №26 мектептің оқушысы Ыбырайым Жанаділовке бұйырды. Сонымен қатар І орынды 15 ОРМБЖМ алса, ІІ орыннан №26 мектеп көрінді, ал ІІІ орынды №183 мектеп місе тұтты.Қазақ күресінен «Алтын белбеу» жарысы өттіАғымдағы жылдың 14-15 сәуір күндері аралығында Жосалы кенті Спорт кешенінде қазақ күресінен ХІV аудандық «Алтын белбеу» жарысы өтті. Жарыстың мақсаты - облыста ұлттық спорт түрлерін дамыту арқылы салауатты өмір салтын қалыптастыру, Республикалық «Қазақстан Барысы» турниріне облыс спортшыларын іріктеу болып табылды. Қармақшы аудандық жарысқа 8 команда 90-ға жуық палуан қатысты.<img src="https://knadmin.beoblood.kz/uploads/336783265_1027615828211994_4143095994556252730_n_4078138e65.jpg" alt="336783265_1027615828211994_4143095994556252730_n.jpg">Самбодан Қармақшы аудандық ашық біріншілік өттіАғымдағы жылдың 14-15 сәуір күндері аралығында Қармақшы ауданы, Төретам кентіндегі Дене шынықтыру сауықтыру кешенінде Самбо күресінен 2011-2012 жылы туылған кіші жасөспірімдер арасында аудандық ашық біріншілік болып өтті.<img src="https://knadmin.beoblood.kz/uploads/336913610_926976175173275_8503845746347698667_n_e18a0097e8.jpg" alt="336913610_926976175173275_8503845746347698667_n.jpg"> &nbsp;

Қармақшыда Жандос Бахытжанұлын еске алуға арналған облыстық турнир өтті

Жаңақорғанда қызанақ өсіру жолға қойылған

<a href="https://kyzylorda-news.kz/">Kyzylorda-news.kz.</a> Қызылордада 2023 жылдың 3 айында сарып ауруының 11 дерегі анықталды. Бұл көрсеткіш 2022 жылдың сәйкес мерзімімен салыстырғанда 3 жағдайға артқан. 14 жасқа дейінгі балалар мен жасөспірімдер арасында аурушаңдық көрсеткішінің өсу тенденциясы байқалады. Ағымдағы жылдың 3 айында 5 дерек тіркелген болса, 2022 жылдың І тоқсанында 2 жағдай анықталған.Аудандар кесімінде алатын болсақ, сарып ауруы Қармақшы, Жаңақорған және Қызылорда қаласында тіркелді. Солардың ішінде Қармақшы ауданында-3, Жаңақорған ауданында-2, Қызылорда қаласында 6 жағдай есепке алынды.Індетке шалдыққандардың арасында ауыл тұрғындарының үлесі 45,4% құрады. Бруцеллез жұқтырғандардың барлығы да ауылшаруашылық малдары бойынша бруцеллезден қолайлы елді мекен тұрғындары.&nbsp;Жас санаттары бойынша жіктейтін болсақ, 14 жасқа дейінгілер үлесі -18%, 15-19 жас –27%, 19 жастан жоғары 55%. &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Эпидемиологиялық талдау жүргізу барысында анықталғандай бруцеллез ауруымен сырқаттанған 9 науқас үй жағдайында уақ және өзге де үй &nbsp; ауылшаруашылық малдарына күтім жасайды, қалған 2 адам мал шаруашылығымен айналыспайды, сүт-етті сауда орындарынан сатып алып тұтынады.Ауру ошақтарында індетке қарсы барлық іс-шаралар жүргізілді, қарым-қатынаста болған 40 адам зертханалық тексерумен қамтылды, ошақтан 1 науқас анықталды. Барлығы медициналық бақылауға алынды.Аурудың негізгі көзі – жануарлар. Сарып ауруы адамға көбінесе жанасу мен алиментарлы жолдар арқылы жұғады. Сондықтан Қызылорда облысының санитариялық-эпидемиологиялық бақылау департаменті ауру малды төлдету, қойдың жүнін қырқып, одан өнім алу кезінде арнайы киім, резеңке қолғапты пайдалан, сүт және сүт өнімдерін, ет және ет өнімдерін қолданар алдында термиялық өңдеуден міндетті түрде өткізуі қажеттігін еске салады.Аурудың клиникалық белгілері – дене қызуының көтерілуі, тершеңдік, дене салмағын жоғалту. Індетке шалдыққан адамның буындары ауырып, бұлшық еттері мен жүйке жүйесі зақымданады. Жыныс мүшелеріне әсер &nbsp;еткен жағдайда ерлерде орхитке, әйелдерде түсік тастауға, &nbsp;жатырдың қабынуына, мастит ауруларына әкеліп соқтырады. Ал балалар мен жасөспірімдерді белсіздік ауруымен зақымдауы мүмкін. Сондықтан дер кезінде дәрігерге қаралмаған жағдайда бруцеллез асқынып, мүгедектікке әкеліп &nbsp;соқтыруы мүмкін.

Қызылордада жыл басынан бері 11 адам сарып ауруын жұқтырған

<a href="https://kyzylorda-news.kz/">Kyzylorda-news.kz.</a> Алаяқтарға керегі азаматтардың дербес деректері, оны қолға түсіру үшін олар заманауи технологиялар мен әлеуметтік инженерия әдістерін әккі қолданумен түрлі айла-амалдар ойлап табады.&nbsp;ҚР ІІМ деректері бойынша 2022 жылы Қазақстанда 20,5 мыңға жуық интернет-алаяқтық тіркелген, бұл осыдан бұрынғы бір жылмен салыстырғанда 4%-ға аз.Fingramota.kz тағы да ескертеді: өзіңіз және төлем карточкаларыңыз туралы конфиденциалды ақпаратты ешкімге бермеңіз және ашық қолжетімді жерлерде жарияламаңыз.Фишинг-шабуылдардың кеңінен тараған түрлері: электрондық пошта арқылы вирустық хаттар жіберу, SMS-хабарлар немесе аттас жалған сайтқа әкелетін push-хабарламалар.Көп жағдайда, алаяқтар электрондық хаттарда немесе телефонмен сөйлесу кезінде өздерін белгілі ұйымдардың өкілдеріміз деп таныстырады және тартымды, қызықтыратын ұсыныстар жасайды, мәселен: түрлі ұтыстар мен лотереяларға қатысу немесе олардың борыштары коллекторларға берілді, және берешек сомасын білу үшін көрсетілген сілтемеге өту қажет деп қорқытады.Егер сіз фишингтік сілтеме бойынша өтіп, өз деректеріңізді енгізсеңіз, автоматты түрде алаяқтардың қармағына түсесіз.Алаяқтардың тағы да бір қулығы – танымал мессенджерлерде, оның ішінде банктердің атынан жалған боттар құру. Бұл боттар арқылы түрлі қаржы қызметтерін алуға немесе «жеңілдікті кредитке» өтініш беруге, әлеуметтік төлемдер алуға, кредиттік тарихтан теріс ақпаратты жоюға және өзге де қызметтер алуға болады-мыс. Жалған боттар пайдаланушыларға дербес деректерін және банктік картаның деректерін енгізуді сұрайды. Алаяқтар мұндай ақпарат мәлім болған сәттен бастап аңғал азаматтардың карточкаларынан барлық ақшаны шешіп алуға және оған қоса алаяқтық тәсілмен оларға кредит ресімдеулері мүмкін.Бөгде адамдарға нені хабарлауға болмайды?«Дербес деректер және оларды қорғау туралы» ҚР Заңына сәйкес дербес деректер мәліметтер негізінде айқындалған немесе айқындалатын дербес деректер субъектісіне қатысты, электрондық, қағаз және (немесе) өзге де материалдық жеткізгіште тiркелген cол мәліметтер болып есептеледі. Яғни, бұл адамды анықтауға болатын барлық нәрсе: аты-жөні, ЖСН, мекенжайы, телефоны, фото -, бейнематериалдар, физиологиялық ерекшеліктері және т. б.Қолжетімділік бойынша дербес деректер:- жалпыға қолжетімді;- қолжетімділігі шектеулі болып бөлінеді.Қандай дербес деректер жалпыға қолжетімді болып табылады?Бұл Қазақстан Республикасының заңнамасына сәйкес конфиденциалдылықты сақтау талаптары қолданылмайтын мәліметтер. Оларға қол жеткізу субъектінің келісімімен еркін болып табылады. Мысалы, мұндай дербес деректердің көздері - бұл түрлі өмірбаяндық анықтамалықтар, телефон, мекенжай кітаптары, жалпыға қолжетімді электрондық ақпараттық ресурстар, БАҚ.Егер сіздің жеке ақпаратыңыз интернетте «жүрсе», бірақ бұл мәліметтерді жинау және өңдеу заңнаманы анық бұза отырып жүргізілсе, онда сіздің талабыңыз бойынша (шешім ретінде, сайт әкімшілеріне немесе уәкілетті мемлекеттік органдарға жүгінуге болады) не сот шешімі бойынша бұл ақпаратты бір жұмыс күні ішінде жалпыға қолжетімді дербес дереккөздерінен алып тастауға болады.Сіздің келісіміңіз болған жағдайда, жеке деректерді жалпыға қолжетімді дереккөздерде таратуға рұқсат етіледі! Сондықтан, ешқашан қарамай түрлі: шарт, келісім, соның ішінде цифрлық форматтағы құжаттарға қол қоймаңыз. Шарттарымен, соның ішінде сіздің жеке деректеріңізді жинауға және өңдеуге қатысты шарттармен мұқият танысыңыз.Қол жетімділігі шектеулі дербес деректер дегеніміз не?Бұл Қазақстан Республикасының заңнамасымен шектелген дербес деректер. Мысалы, бұл адамның анықтау деректері (тегі, аты, әкесінің аты, жылы, туған күні, ұлты), тұрғылықты жері (тіркелген жері), жеке сәйкестендіру нөмірі (ЖСН), жеке басын куәландыратын құжаттар, дактилоскопиялық ақпарат, яғни адамның саусақтары мен алақандарының папиллярлық бедерлері құрылымының ерекшеліктері туралы биометриялық деректер, және басқалар. Бұл деректерге қол жеткізу Қазақстан Республикасының заңнамасымен шектелген. Қаржылық алаяқтар арасында үлкен қызығушылық тудыратын осы деректер.Дербес&nbsp;деректер алаяқтардың қолына&nbsp;қалай түседі?Әдетте, қаржы ұйымдары сенімді қорғаныс жүйесін қолданады, олар үнемі жаңартылып отырады. Алайда, қаскүнемдерге шағын ұйымдардың, мысалы, интернет-дүкендердің, түрлі сервистік компаниялардың дерекқорларын бұзу қиындық туғызбайды.Алайда, көп жағдайда, адамдар өздері туралы ақпаратты үшінші тұлғаларға беріп қойғанын өздері де білмей қалады. Мысалы, олар Желіде жеке ақпараттарын жария етулері мүмкін. Олар өз суреттерін әлеуметтік желілерге салады, орналасқан жерін көрсетеді, құпия ақпаратты оқып, оларды алаяқтарға беретін, лицензиясы жоқ қосымшаларды жүктейді.Конкурстарды, ұтыс ойындарын, гивтерді ұнататындар көбінесе алаяқтардың құрбаны болады. Фишингтік беттерде олар ойланбастан өздері жөнінде және төлем карточкасы туралы деректер қалдырады. Кейбір пайдаланушылар өз нөмірлерін әлеуметтік желілерде және мессенджерлерде (ұялы немесе қалалық) жариялайды, өзінің ЖСН-ын көрсетеді. Бүгінде осы ақпаратты пайдалана отырып, қазақстандықтардың әлеуметтік желілердегі аккаунттары, айыппұлдардың, салықтардың болуы туралы толыққанды мәліметтер мен басқа да қызықты мәліметтерді бере алатын көптеген қосымшалар бар. Алаяқтарға бар болғаны олардан пазл құрастыру ғана қалады.Деректеріңізді қаржы алаяқтарынан қорғау үшін қарапайым қауіпсіздік ережелерін сақтаңыз:Ешқашан, ешбір сылтауға қарамастан ешкімге құпиясөздер, логиндер, кодтар мен басқа да жеке деректеріңізді (ЖСН, жеке куәлік, паспорт нөмірлері, төлем картасының деректемелері: картаның артқы жағындағы үшмәнді код (CVV/CVC-код), картаның нөмірі, қолданыс мерзімі және т.б.) хабарламаңыз.Өзіңіздің жеке басыңызды куәландыратын құжатты ешкімге бермеңіз және кепіл ретінде қалдырмаңыз; әлеуметтік желілерде өзіңіздің құжаттарыңыздың фотосуреттерін жарияламаңыз және оларды WhatsApp, Telegram, Viber мен басқа да мессенджерлер арқылы үшінші адамдарға жібермеңіз.Өзіңіздің деректеріңізді күмәнді интернет-байқаулар мен лотереяларға қатысу мақсатында жібермеңіз.Фишингтік сілтемелерге кірмеңіз.Күдікті сайттарда тіркеуден өтуден бұрын олардың мекенжайын тексеріп алыңыз, ол https:/ деп басталуға тиіс.Егер сіз, мысалы, ұтыс ойынын өткізіп жатқан ұйымның бар екеніне күмәнданатын болсаңыз, онымен ресми нөмірі бойынша хабарласып, ақпаратты нақтылаңыз.Егер сізге банктің менеджері қоңырау соғып, сіздің шотыңызға алаяқтық шабуылдардың жасалып жатқандығын айтып, қорқытатын болса, «қарсы» кредит ресімдеуді немесе банкомат арқылы ақша шығаруды өтінетін болса, әңгімені тоқтатыңыз және ақпаратты қайтадан тексеру үшін банктің call-орталығына хабарласыңыз.Онлайн - дүкенде шопинг жасау үшін бұл сайттың шынында интернет-дүкен ретінде тіркелгеніне көз жеткізіңіз. Мұндай сауда-саттық жасау үшін бөлек карта (виртуалды, цифрлық) ашқан дұрыс.Шот немесе карта ашқан кезде операциялар туралы SMS немесе push-хабарламалар қызметін қостырыңыз.Өз мобильдік банктік қосымшаңызда, сондай-ақ поштаңызға және әлеуметтік желілердегі аккаунттарыңызға күрделі пароль қолданыңыз. Пароль әр түрлі болуға тиіс.Өз құрылғыларыңызда антивирустық БҚ-ны үнемі жаңартып отырыңыз.Маңызды!&nbsp;Балаларыңызды және егде жастағы туыстарыңызды әлеуметтік алаяқ-инженерлерден қорғау үшін, оларға осы ережелер жайында айтуды ұмытпаңыз!Егер Сіз алаяқтарға дербес ақпарат беріп қойсаңыз не істеу керек?Шұғыл түрде өз картаңызды бұғаттап, банктік қосымшадағы жеке кабинетіңіздің, электрондық поштаңыздың, әлеуметтік желілердегі аккаунттарыңыздың паролін ауыстыруды кейінге қалдырмаңыз. Оған қоса, егер алаяқтар сіздің шотыңыздан ақшаны шешіп үлгерсе, дереу өз банкіңізге, сондай-ақ құқық қорғау органдарына жүгініңіз. Банк картаны бұғаттап, қайта жаңасын шығарады.Сондай-ақ, алаяқтардың сіздің атыңызға жалған қарыз ресімдемегеніне көз жеткізу үшін, міндетті түрде кредиттік бюроларда, ХҚКО-да немесе egov.kz сайтында дербес кредиттік есепті алып, оны мұқият зерделеңіз.Қырағылық танытып, қаржылық сауаттылығыңызды Fingramota.kz-пен бірге арттырыңыз!&nbsp;

Дербес деректеріңізге абай болыңыз: өзіңізді интернет-алаяқтардан қалай қорғауға болады  

<a href="https://kyzylorda-news.kz/">Kyzylorda-news.kz.</a> Ғылым декадасы аясында Қазақстанның жетекші ғалымдарының қатысуымен өтетін іс-шаралар жалғасуда. Қорқыт ата атындағы Қызылорда университетінде 15-17 сәуір аралығында «Ғылым және білім: даму трендтері мен перспективалары» атты ғылыми-практикалық семинар өтті.Шара аясында филология ғылымдарының докторы, профессор, Әл-Фараби атындағы Қазақ ұлттық университетінің Түркітану және Алтайтану ғылыми зерттеу институтының атқарушы директоры, тарих ғылымдарының кандидаты Нұрсұлу Шаймерденова, Темірбек Жүргенов атындағы Қазақ ұлттық өнер академиясының профессоры Меңдіғаным Шаймерденова, филология ғылымдарының кандидаты, Әл-Фараби&nbsp; атындағы ҚазҰУ доценті Джемма Аманжолова дәрістер оқыды.Профессор Нұрсұлу Шаймерденова «Бүгінгі ғылыми-зерттеу жұмысы: Не туралы жазу керек және қалай жазу керек?», «Түркология және Алтайтану ғылыми-зерттеу институты: Зерттеу бағыттары, тұлғалар, еңбектері» тақырыбында баяндама жасады.Айта кету керек, биыл Темірбек Жүргеновтің 125 жылдығы аясында ауқымды шаралар өткізілуде. Мерейтой аясында Халықралық ақпараттандыру академиясының академигі, профессор Меңдіғаным Шаймерденова «Оның есімі біздің жүрегімізде және жұмысымызда – Қазақстанның Халық Комиссары Темірбек Жүргенов», сондай-ақ «ЖОО-дағы жобалық қызмет: Идеядан нақты іске дейін» атты баяндама жасады.Доцент Джемма Аманжолованың баяндамалары «Ғылыми баяндаманың риторикасы: Ерекшеліктері мен тәсілдері» және «Қазақстанның мәдени-білім беру кеңістігі: Балалар кітабы және функционалдық сауаттылық» тақырыбына арналды.Семинарға біздің университеттің «Орыс тілі мен әдебиеті», «Тарих» білім беру бағдарламаларының докторанттары, профессор-оқытушылар және білім алушылар қатысып, тәжірибе алмасты.

 Қызылордада ғылыми-практикалық семинар өтті

<a href="https://kyzylorda-news.kz/">Kyzylorda-news.kz.</a> Қызылорда облысының Қазалы ауданына Сексенбаевтар әулеті жақсы таныс. Небәрі 2000-ға жуық халқы бар шалғайдағы шағын Кәукей ауылында бір отбасының үш бірдей баласы Назарбаев Зияткерлік мектебінің оқушысы атанып келеді. Алғашқы екеуі Нұргүл &nbsp;мен Айым 2016, 2021 жылдары мектептен түлеп ұшса, олардың ізбасары Еркесылқым бүгінде «Өркен» білім беру грантының иегері болып отыр.&nbsp;<blockquote>«Мектепке қабылданғаным туралы алғашқы болып Италиядан әпкем Айым хабарласып айтты. Ести сала көзімнен қуаныш жасы шықты. Ауыл кішкентай болған соң, барлығы бір-бірінен естіп, бүкіл ауыл халқы отбасымызды құттықтады», - дейді грант иегері.</blockquote>Үздіксіз екі жыл қатарынан дайындық жүргізген жас дарын Зияткерлік мектепте қажетті білім, дағдыны меңгеріп, болашақта биомедицина саласын зерттеп, бәсекеге қабілетті маман атанғысы келеді. Ал, «Өркен» гранты сол арманның орындалуына апарар жол деп санайды.<blockquote>«Білімді ұрпақ Қазақстанды жетілдіреді. Көптеген жастар дарынды мектепте білім алып, шетелге оқуға түсіп, алған білімін туған елінің дамуы үшін жұмсағысы келеді. Менің де арманым осы және NIS-ке түсу сол мақсатқа жетудің бір қадамы», - дейді Еркесылқым Бақытқызы.</blockquote>

Ауыл мектебінен NIS-ке: Еркесылқым Бақытқызы грант иегері атанды

<a href="https://kyzylorda-news.kz/">Kyzylorda-news.kz.</a> Үш құрамдасты интеграцияланған жүйені пайдаланатын кәсіпкерлер қосымша құн салығы бойынша есепке тұрмайды. Бұл туралы Қызылорда облысы кәсіпкерлер палатасының алаңында өткен кездесуде сала мамандары айтты.Шараға Кәсіпкерлер палатасының директоры Пірмұхаммед Сыздықов, мемлекеттік кірістер департаментінің мамандары, кәсіпкерлер қатысты.Мемлекеттік кірістер департаментінің өкілі Злиха Шакетова үш құрамдасты интеграцияланған жүйенің артықшылықтарын айтып шықты.Аталған жүйе өзара байланысқан үш құрылғыдан тұрады. Олар - онлайн-бақылау касса машинасы, POS терминал, тауарларды тіркейтін автоматтандырылған жүйе. Бұл жүйе &nbsp;арнаулы салық режимімен жұмыс жасайтын жеке кәсіпкерлерге арналған. Оны пайдаланған кәсіпкерлерге мемлекеттен жеңілдіктер қарастырылған.<blockquote>«Жартыжылдық салық кезеңі үшін кіріс шегі 24 038 айлық есептік көрсеткіштен 94 086 айлық есептік көрсеткішке дейін ұлғаяды, яғни 82 931 100 &nbsp;тенгеден 324 596 700 &nbsp;теңгеге дейін оңайлатылған декларация негізінде &nbsp;жұмыс жасауына болады. Бұл жерде айта кету керек, жеңілдік беріп тұрған 70 048 АЕК-ті &nbsp;(241 665 600 теңгесі) &nbsp;міндетті түрде пос терминал арқылы есеп айырысу қажет», – деді Злиха Шакетова.</blockquote>Ал қосылған құн салығы бойынша &nbsp;жылдық шектік мәні 20 000 айлық есептік көрсеткіштен 144 184 айлық есептік көрсеткішке дейін, яғни 69 000 000 теңгеден 497 434 800 &nbsp;теңгеге дейін ұлғаяды. Ол үшін жеңілдік беріп тұрған 124 184 АЕК (428 434 800 теңге) міндетті түрде &nbsp;пос терминал арқылы өтуі керек.«Нәтижесінде осы жүйені пайдалану арқылы табыс ұлғайған кезде кәсіпкерлер АСР бойынша белгіленген шектердің асып кету немесе қосымша құн салығы бойынша есепке қою қажеттілігі туралы алаңдамауына болады», – деді мемлекеттік кірістер департаментінің маманы.Аталған жүйені орнату үшін кәсіпкерлер не істеу керек?Кәсіпкер мемлекеттік кірістер комитетінің сайтынан үш құрамдастырылған интеграцияланған жүйенің біреуін таңдап, салық төлеушілер кабинетіне кіруі және мемлекеттік кірістер органына тіркеуі қажет.Кездесуде мамандар салыққа қатысты өзге де өзгерістермен бөлісіп, кәсіпкерлердің сұрағына жауап берді.

Қызылордалық кәсіпкерлерге салық жеңілдіктерін алу жолдары түсіндірілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы Полиция департаменті бастығының міндетін атқарушы полиция полковнигі Амитов Шамшидин Егенбердіұлы жеке құрамның қатысуымен Жедел кеңес өткізіп, 3 айдың жұмысын қорытындылады.&nbsp;Алдын алу жұмыстарын күшейту нәтижесінде қылмыс деңгейі азайды.&nbsp;Полиция полковнигі Амитов Шамшидин Егенбердіұлының айтуынша өңірдегі криминогендік ахуал &nbsp;тұрақты. Ауыр қылмыстар, ұрлық, &nbsp;мал ұрлығы және алаяқтық қылмыстары төмендеді.&nbsp;Бүгінгі кеңес барысында Шамшидин Егенбердіұлы жуырда өткен Ішкі істер министрлігінің Алқа отырысында пысықталған шешімдер мен берілген тапсырмаларды &nbsp;жеке құрамның назарына &nbsp;жеткізді. &nbsp;Оның ішінде кадрлық процестерді автоматтандыру және полиция қызметін цифрландыру нәтижелері, қоғамдық тәртіпті сақтау және құқық бұзушылықтардың алдын алу мәселелері де бар. Сонымен қатар кеңес барысында департамент бастығының тергеу жөніндегі &nbsp;орынбасары &nbsp;Досжанов Амангелді Асқарұлы сөз сөйледі. &nbsp;<blockquote>«Полиция қызметкерлері халық үшін ашық болуы тиіс, өйткені құқық қорғау органдарына қойылатын негізгі талап - тиімді жұмыс, ал негізгі көрсеткіш халықтың сенімі болып табылады», - деді &nbsp;полиция полковнигі Амангелді Досжанов.</blockquote>Сонымен қатар Амангелді Асқарұлы заңдылықты сақтау, қылмыстар мен құқық бұзушылықтарды есепке алу мен тіркеудің толықтығын қамтамасыз ету, &nbsp;қылмыстық істерді тергеудің жеделдігі мен сапасын арттыру мәселелерін де &nbsp;айтып &nbsp;өтті.&nbsp;Жедел кеңес барысында полиция &nbsp;органдарының 2023 жылдың 3 айының қорытындысы бойынша жедел-қызметтік жұмыс және жеке құрам арасындағы тәртіптің, заңдылықтың жай-күйі туралы &nbsp;Департаменттің қызмет сала басшылары мен қала, аудандық полиция &nbsp;бөлімінің бастықтары баяндама &nbsp;жасады. &nbsp;&nbsp;Полиция қызметінің өзекті мәселелері, халықты жан-жақты және шынайы ақпараттандыру, полиция қызметін жетілдіру бағытындағы шаралар &nbsp; жөнінде де сөз қозғалды.&nbsp;Кеңес қорытындысы бойынша Амитов Шамшидин Егенбердіұлы жедел-қызметтік жұмыстарды қорытындылап, алдағы уақытта бұл жұмыстардың &nbsp;тиімділігін арттыру, сын-ескертпелер мен жаңа бағыттағы жұмыстар бойынша &nbsp;талап қойып, нақты шараларды белгіледі.<img src="https://knadmin.beoblood.kz/uploads/337549551_217383667565649_1147795362951087473_n_81da9653cb.jpg" alt="337549551_217383667565649_1147795362951087473_n.jpg">

Қызылорда облысының полиция департаменті 3 айдың жұмысын қорытындылады 

<a href="https://kyzylorda-news.kz/">Kyzylorda-news.kz.</a> Биыл «Жайлы мектеп» ұлттық жобасы аясында &nbsp;білім ошақтарының құрылысы басталады. Бұл өңірлердегі мектеп тапшылығын, үш ауысымды және апатты жағдайдағы білім ұяларын жою мақсатында жүзеге асырылмақ.Жоба аясында 2025 жылға дейін елімізде 842 &nbsp;мың оқушыға арнал-ған жаңа үлгідегі мектептер пайдалануға беріледі деп жоспарлануда. Сондай-ақ 100 мыңнан астам жұмыс орнын ашу көзделген.Жалпы пилоттық жоба туралы Мемлекет басшысы Қасым-Жомарт Тоқаевтың халыққа Жолдауында айтылған еді. Онда: «Жайлы мектеп» ұлттық жобасы қолға алынды. Біз 2025 жылға дейін 800 мың баланың &nbsp;заманауи мектепте оқуына жағдай жасаймыз. Осылайша, апатты жағдайдағы және үш ауысыммен оқитын мектеп мәселесін толық шешеміз. Бұл ауыл және қала мектептерінің айырмашылығын едәуір азайтады. Мектеп салу Үкімет және әкімдіктер үшін басты міндеттің бірі болуы керек. Жемқорлар сотталғанда, олардың заңсыз тапқан қаржысы мемлекетке өтіп, түгелдей мектеп құрылысына жұмсалуға тиіс. Үкімет осы бастаманы заң тұрғысынан рәсімдеу туралы шешім қабылдауы керек» делінген.Президент Жолдауындағы айтылған тапсырма биыл бастау алады. Жаңа да жайлы мектеп бірыңғай құрылыс стандартын сақтай отырып балалардың қауіпсіздігін қамтамасыз ете алатын, пәндік бөлмелер мен зертханалары толық жабдықталған, 1-4 және 5-11 сынып оқушылары үшін бөлек оқу аумағы мен спорт залы бар, ерекше білім беру қажеттілігі бар балалар үшін тиісті жағдай жасалған оқу орны болуы қажет.&nbsp;Қаншама реформаны бастан өткерсе де білім саласындағы қажеттіліктер азаймақ емес. Демографиялық ахуалдың артуы, қоныстанушылардың көбеюі нәтижесінде жаңа шағын аудандардың бой көтеруі білім ошағына деген сұраныс тудыруда. Мемлекет басшысы өз сөзінде елімізде әлі күнге дейін апатты, үш ауысымды мектептердің мәселесі шешілмегендігін, сондықтан аталған жобаны іске асыру Үкімет пен жергілікті атқарушы органдардың бақылауында болуы керектігін баса айтқан. Сондай-ақ бөлінген қаржының әрбір тиыны мақсатты жұмсалуын да қадағалау керектігі айтылды. Осы орайда құрылыс жүргізетін мердігер мекемелерді анықтау «Samruk-Kazyna Construction» АҚ жауапкершілігіне берілген. Бүгінде ұлттық жоба бойынша 17 облыс пен республикалық маңызы бар 3 қала бойынша конкурс жарияланған. Бұл бағыттағы жұмыстар сәуір айының соңында аяқталмақ.Жалпы еліміз бойынша «Жайлы мектеп» ұлттық жобасымен 401 мектеп салынбақ. Оның 217-сінің құрылысы биыл басталады деп күтілуде. «Samruk-Kazyna Construction» АҚ ресми сайтында берілген ақпаратқа сүйенсек, қазіргі таңда 185 нысанға конкурс жарияланып, 32 мектепке жер телімдерін бөлу жұмыстары жүргізілуде.«Жайлы мектеп» ұлттық жобасы аясында мектеп салынатын &nbsp;өңірлер қатарында Қызылорда облысы да бар. Аймақта алдағы 3 жылда 15 100 орынға арналған, құны 100 млрд теңгеден асатын 21 мектеп бой көтереді деп жоспарланған. Облыстық құрылыс басқармасының мәліметінше, биыл 10 білім ошағының құрылысы басталады. Ал оның 5-еуі облыс орталығына салынады.Білім ошағын салу тұрғындардың қажеттілігі негізінде жүзеге асатыны белгілі. Қазіргі таңда шаһардағы білім ордасы қажет деген шағын аудандар анықталып, соған сәйкес орындар белгіленген. Мәселен, сол жағалауда 900 орындық, Арай, СПМК-70 шағын ауданында 2000, КБИ шағын ауданында 600, Қызылжарма ауылдық округінде 900 орындық мектеп құрылысы &nbsp;жүргізілмек.Жоспар бойынша ұлттық жоба аясында іргесі қаланатын жайлы мектеп барлық ауыл-аймақ, қалада бірыңғай стандартпен салынады. Басты ерекшелігі бастауыш сынып оқушы¬лары бөлек, жоғары сынып оқушылары бөлек блокта білім алады. Балалардың қауіпсіздігі үшін әр блокта бейнебақылау, дыбыстық хабарлау сынды күшейтілген қауіпсіздік құрылғылары орнатылмақ. Сондай-ақ қолайлы жағдай жасау мақсатында оқушылардың оқу құралын, ауыстыратын артық киімін қоюға арналған шкафтар орнатылады. Бос уақытты тиімді өткізуге, шығармашылығын шыңдауға да лайықты жағдай жасалады. Бұл білім ошақтарында физика, химия, биология және робототехника сыныбы заманауи құралдармен жабдықталады. Жоғары жылдамдықтағы интернетке қосылып, сыныптарға touch-экрандар орнатылады. Бұдан бөлек ерекше балалардың білім алуына да бар мүмкіндік жасалады. Оқушылардың мектеп қабырғасында спортпен еркін айналысуына да қолайлы болмақ. Жайлы мектептің жобалық қуатына сәйкес бірнеше спорт залы болады. Мұндай мектепте тек оқушыларға емес мұғалімдерге де жағдай жасалады. Білім ошағына қатынау үшін қоғамдық көлік, жаяу жүргіншілер жолы, жарық бағаналары сынды мәселе туындамайды. &nbsp;Ал осыншама мүмкіндік қарастырылған нысанның құрылысы мемлекет тарапынан қаржыландырылады.Иә, бүгінде білім аламын деген балаға мектептерде барынша мүмкіндік қарастырылған. Ал «Жайлы мектеп» жобасымен салынатын оқу ошақтары мұнан да зор мүмкіндікке ие. Балалар тек ұлт ұстазы Ахмет Байтұрсынұлының: «Балалар, оқуға бар! Жатпа қарап!» деген сөзін көкейге түйсе болғаны.

Қазақстан және Қызылорда облысының жаңалықтары