<a href="https://kyzylorda-news.kz/">Kyzylorda-news.kz.</a> Қазалы ауданында 27 наурыз – Халықаралық театр күніне орай «Театр – өмір айнасы» атты драма ұжымдарының аудандық фестивалі өтті.&nbsp;Аудандық театр ұжымдары фестиваль нәтижесі бойынша Абай ауылындағы №90 мектеп оқушылары жүрек жылытар «Дауыл әкелген дәрігер» атты көрінісін сәтті сахналап, «Үздік қойылым» номинациясын иеленді. &nbsp;Ал «Үздік режиссер» номинациясы Бозкөл ауылдық мәдениет үйінің драма үйірмесінің режиссері Ляззат Тәңірбергеноваға бұйырса, «Үздік әйел бейнесін» Түктібаев ауылынан келген Назерке Дәулетжанова иеленді. Сонымен қатар, Жалаңтөс батыр ауылының өнерпазы Ербол Ізтілеуов «Үздік ер адам бейнесін» қанжығаласа, өркендеулік Болатбек Рсалы «Үздік актерді» алды. Басқа да, «Ең жас актер» мен «Көрермен көзайымы» бағамы басықаралық Нұрсат Қожабаев пен Бекарыстан би ауылынан келген Шерхан Тілеуназарға бұйырды.&nbsp;Рухани азыққа қаныққан жұрт көңілі көншіп, сахна төрінен орын алған марапат иелері ыстық ықылас пен ду қол шапалаққа бөленді.Айтулы датада ауданда «Абай» қойылымы сахналанды. Қазалылық көрермендер Мұхтар Әуезовтің «Абай жолы» романы желісіндегі қойылымды тамашалады. Қ.Пірімов ауылындағы Қ.Күлетов атындағы №92 мектептің оқушылары сахналаған спектакльге аудан әкімінің орынбасары Дәурен Тілеумбетов арнайы барды.Қойылымда дала кемеңгерінің ақындық әлемін қамти отырып, сол заманның бет-бейнесін ашып көрсетілді. Сондай-ақ, Абай рухының ұлылығы мен талантының сан қыры асқан шеберлікпен бейнеленді. Өскелең ұрпақты отансүйгіштікке тәрбиелеп, тіліміз бен дінімізді берік ұстауды дәріптеді.&nbsp;Қойылым соңында аудан әкімінің орынбасары Дәурен Тілеумбетов сахнада жан-дүниесімен беріліп ойнаған оқушылардың актерлік шеберліктеріне риза болып, &nbsp;ауылдан осындай өнерлі өрендердің шығып келе жатқаны қуантатынын жеткізді. Халыққа ерекше көңіл күй сыйлаған өнерпаздарға аудан әкімі Мұхтар Оразбаевтың Алғыс хатын табыстап, шығармашылық табыс тіледі.<figure class="image"><img src="https://knadmin.beoblood.kz/uploads/337880036_704323358047286_7200968468621960135_n_3c830f7316.jpg" alt="337880036_704323358047286_7200968468621960135_n.jpg"></figure><figure class="image"><img src="https://knadmin.beoblood.kz/uploads/337526202_774601787441049_5503799964093901970_n_3e7dbc3c42.jpg" alt="337526202_774601787441049_5503799964093901970_n.jpg"></figure>

Қазалы ауданында театр ұжымдарының фестивалі өтті

<a href="https://kyzylorda-news.kz/">Kyzylorda-news.kz.</a>&nbsp; Amanat партиясынан мәжіліске кімдер өткені белгілі болды, - деп хабарлайды партияның баспасөз қызметі. &nbsp;Amanat партиясының Саяси кеңесі Бюросының шешімімен 40 кандидаттың тізімі бекітіліп, ҚР Парламенті Мәжілісінің VIII шақырылымының депутаттары ретінде тіркеу үшін Орталық сайлау комиссиясына жолданды.Мәжілістегі Amanat партиясы фракциясының жаңа құрамындағы әйелдер, 35 жасқа дейінгі жастар және ерекше қажеттілігі бар адамдардың үлесі 32 пайыз болды.Олардың ішінде:1. &nbsp; &nbsp; &nbsp;Абдиев Ерлан Тұрсынбайұлы2. &nbsp; &nbsp; &nbsp;Авершин Константин Викторович3. &nbsp; &nbsp; &nbsp;Адамбеков Тілектес Серікбайұлы4. &nbsp; &nbsp; &nbsp;Аймағамбетов Асхат Қанатұлы5. &nbsp; &nbsp; &nbsp;Әбенов Мұрат Абдуламитұлы6. &nbsp; &nbsp; &nbsp;Әшімбетов Нұржан Кемерұлы7. &nbsp; &nbsp; &nbsp;Әшімжанов Жанарбек Садықанұлы8. &nbsp; &nbsp; &nbsp;Әлтай Аманжол Дүйсенбайұлы9. &nbsp; &nbsp; &nbsp;Бәшімов Марат Советұлы10. &nbsp; &nbsp;Бейсенбаев Елнұр Сабыржанұлы11. &nbsp; &nbsp;Бейсенғалиев Берік Тұрсынбекұлы12. &nbsp; &nbsp;Дементьева Наталья Григорьевна13. &nbsp; &nbsp;Ергешбаев Мұрат Нәлхожаұлы14. &nbsp; &nbsp;Елеуов Ғалымжан Алмасбекұлы15. &nbsp; &nbsp;Заитов Ринат Рифхатұлы16. &nbsp; &nbsp;Имашева Снежанна Валерьевна17. &nbsp; &nbsp;Ізмұхамбетов Бақтықожа Салахатдинұлы18. &nbsp; &nbsp;Казанцев Павел Олегович19. &nbsp; &nbsp;Керімбек Болат Бақбергенұлы20. &nbsp; &nbsp;Колода Дмитрий Владимирович21. &nbsp; &nbsp;Қошанов Ерлан Жақанұлы22. &nbsp; &nbsp;Құспан Айгүл Сайфоллақызы23. &nbsp; &nbsp;Кучинская Юлия Владимировна24. &nbsp; &nbsp;Мұсабаев Самат Базарбайұлы25. &nbsp; &nbsp;Нұртаза Самат Русланұлы26. &nbsp; &nbsp;Пономарев Сергей Михайлович27. &nbsp; &nbsp;Рау Альберт Павлович28. &nbsp; &nbsp;Рожин Максим Николаевич29. &nbsp; &nbsp;Савельева Татьяна Михайловна30. &nbsp; &nbsp;Саиров Ерлан Бияхметұлы31. &nbsp; &nbsp;Сарым Айдос Әміроллаұлы32. &nbsp; &nbsp;Сарсенғалиев Нартай Аралбайұлы33. &nbsp; &nbsp;Смағұлов Бауыржан Әміржанұлы34. &nbsp; &nbsp;Смышляева Екатерина Васильевна35. &nbsp; &nbsp;Сүлейменова Жұлдыз Досбергенқызы36. &nbsp; &nbsp;Тәкиев Мәди Төкешұлы37. &nbsp; &nbsp;Толықбай Мақсат Мәлікұлы38. &nbsp; &nbsp;Тұрганов Дүйсенбай Нұрбайұлы39. &nbsp; &nbsp;Шапақ Үнзила Шапаққызы40. &nbsp; &nbsp;Шаталов Никита СергеевичЕске салайық, партиялық тізімдер бойынша Парламент Мәжілісі депутаттарының кезектен тыс сайлау қорытындысына сәйкес, Amanat сайлаушылардың 53,9 пайыз дауысын жинады. Бұл 40 депутаттық мандатқа сәйкес келеді. &nbsp;<figure class="image"><img src="https://knadmin.beoblood.kz/uploads/128da28f14cdec2f19d1fcb4872b283f_0be596d7fe.jpg" alt="128da28f14cdec2f19d1fcb4872b283f.jpg"></figure>

Amanat партиясы: Қызылордадан Мәжіліске кім өткені белгілі болды  

<a href="https://kyzylorda-news.kz/">Kyzylorda-news.kz.</a>&nbsp; Қазгидромет 28 наурыз күнгі ауа райы болжамын жариялады.Жоғары қысым әсерінен Қазақстанның аумағының басым бөлігінде жауын шашынсыз ауа райы сақталады. Тек облыстың батысында атмосфералық фронтальды бөліктердің өтуіне байлаңысты жаңбыр жауады.Республика бойынша тұман, желдің күшеюі, оңтүстік-батыста шаңды дауыл соғады.

28 наурызға арналған ауа райы болжамы 

<a href="https://kyzylorda-news.kz/ru/">Kyzylorda-news.kz</a>. Жастар саясаты – бүтін бір мемлекет пен ұлт болашағының іргетасы. Қазіргі таңда аудандарда орналасқан «Жастар ресурстық орталығы» азаматтардың шығармашылық қабілетімен қатар, әлеуметтік потенциалын да аша алғаны анық. Оған қоса жастармен тікелей байланыс орнатып, туындаған мәселенің бел ортасында жүрген мамандар да салаға қатысты ой-пікірін білдіріп, ақпаратпен тұрақты бөлісуде. Осыған орай жуырда Қазалы аудандық «Жастар ресурстық орталығын» басшысы Нұрбек Ақпанбетов тілдесіп, жастарды толғандырған мәселе төңірегінде пікірін білген едік.– Нұрбек Нысанбекұлы, алғашқы сауалды бүгінге дейін орталық тарапынан атқарылған жұмыстардан бастаған жөн секілді. Басшылыққа келгеніңізге жыл толмаса да айтарлықтай істің біткенін, атқарылған жұмыстың ауқымынан хабардарсыз деп ойлаймын.– Әрине, маған жастармен жұмыс жайы таңсық емес. Аудан жастарының әл-ауқаты, тыныс-тіршілігімен жақын таныспын. Жергілікті билік пен белсенділер тарапынан жасалып жатқан қолдауларды да ауыз толтырып айтуға болатындай. Соның ішінде орталық тарапынан қолға алынған немесе атсалысқан жобалардың да маңызы ерек. Мәселен, жыл басынан бері мекеменің ұйытқы болуымен 300-ге тарта шара өткізілсе, өткен жылы аудан еріктілері әлеуметтік жағдайы төмен 23 отбасыға баспана кілтін табыстап, республика бойынша үздік «Жастар ауданы» атандық.Биылда аталған бастама өз жалғасын тауып келеді. Атап айтқанда, 60 тан астам қайырымдылық жүргізілген. Оның ішінде, 10 отбасыға жылу жүйесі, 10 отбасыға көгілдір отын құрылғысы, 15 отбасындағы балаларға ем алуы үшін қаржылық қолдаулар жасалды. Ал «Жылу сыйла жандарға» акциясы әлеуметтік жағдайы нашар отбасыларға қыстық отын берілсе, ерікті жастар мүкіндігі шектеулі отбасыларға қол көмек жұмыстарын ұсынды. Жалпы, жыл басынан беорі 37 мәдени шара, 21 спорттық сайыс, 27 кеңес беру акциясы, 40–танастам қоғамдық рейд ұйымдастырылған.– Жастар арасындағы ең өзекті мәселе – жұмыссыздық. Аталған олқылықтың орнын толтыру үшін қандай қадам жасалуда?– Аталған мәселені шешу орталық үшін де маңызын жойған емес. Себебі мемлекеттің алға қойған тапсырмасы да, жастар саясатының ұстыны да азаматтардың әлеуметтік жағдайымен өлшенетінін білеміз. Бұл орайда мекеме мамандары жоспарлы кеңес беру акциясын өткізіп, нәтижесінде 4 азамат тұрақты түрде орналасты. Бұдан бөлек, жастардың бос уақыттарын тиімді пайдалану және оларды еңбекке баулу мақсатында «Жасыл ел» жобасы бойынша барлығы 140 жас уақытша жұмыспен қамтылды.Жалпы, аудан бойынша халықты жұмыспен қамту орталығына жұмыс іздеуші ретінде 899 жұмыссыз жас хабарласқан. Олардың арасында 87-сі жұмысқа орналасса, 115-і жастар практикасына, 8-і әлеуметтік жұмыс орнына, 232-сі ақылы қоғамдық жұмысқа орналасқан.– NEET санатындағы жастармен жұмыс қай деңгейде?– Шынында, NEET санатындағы жастардың көбеюі қоғам дамуына кері әсер етуде. Сондықтан аталған топқа жататын азаматтарды анықтау, бағдар беру қолға алынып келеді. Ауданда NEET санаттағы жастарды анықтау жұмыстары екі кезең бойынша жүргізілді. Бірінші кезеңде орталық мамандары ауданға қарасты барлық елді-мекенге барып, адрестік түрде сауалнама жүргізсе, екінші кезеңде сауалнама онлайн (google) форматында іске асырылды. Қос кезең бойынша бұл қатарға жататын 1500-ге жуық.Аталған азаматтарды Қазалы көліктік-техникалық жоғары колледжі, Қазалы аграрлы техникалық колледжі оқыту курс ұйымдастырылуда. Оған қоса 2021-2025 жылдарға арналған кәсіпкерлікті дамыту бағдарламасы бойынша жұмыссыз жастарды «Халықты жұмыспен қамту орталығы» арқылы қысқа курстарға оқыту қолға алынса, ерікті жастарды «Бизнестің жол картасы бағдарламасы» аясында қайтарымсыз грант конкурсына қатыстыру көзделген, Ал, қалған жасты аудан көлемінде салынып жатырған құрылыс нысандарына, «Жасыл ел» бағдарламасы бойынша жұмысқа орналастыру ойда бар.– Қазалы жастарының қоғамдық жұмысқа араласу, еріктілік көрсеткішін қалай бағалар едіңіз?– Жастар әлеуметтік желіге тәуелді уақытта оларды қоғамдық жұмысқа араластыру, қайырымдылық жұмыстарына қатыстыру маңызды екені анық. Біздің өңірде де ерікті жастардың қатары көбейіп, бірқатар игі іс қолға алынған. Алдағы уақытта да жүйелі түрде жұмыс істеледі. Әсіресе, негізгі бағыт Neet санатындағы, қылмысқа бейім немесе жұмыссыз жастарға берілетін болады. Жоспарланған іс-шаралар мереке аясында шектеліп қалмайды. Бүгінде ауданда екі «Жастар ресурстық орталығы» бар. Бәріміз бірлесе «Жастар тәжірибесі» бағдарламасын насихаттап, маусымдық жұмыспен қамту, тұрғын үймен қамтамасыз ету, бизнес-идеяларды қолдау шарасын жалғастыра бермекпіз. Мұның бәрі еріктілерге қозғау салары белгілі. Себебі жастар жаңалыққа құштар.– Жастардың бос уақытын тиімді пайдалануға мүмкіндік жасау мақсатында нендей жұмыс атқарылды?– Бұл орайда ауыз толтырып айтарлық өзгеріс мол. Мәселен, ауыл жастарының өнерін шыңдау бағытында аудан орталығында гала-концерт ұйымдастырылып келеді. Шара аясында сала мамандарының қатысуымен «Түнгі жәрмеңке» акциясыда үздіксіз өткізілуде. Сонымен қатар, Қазалы ауданында ерікті жастарымыздың ұйымдастыруымен «Көшпелі керуен» жастар жобасының құрамы құрылды. Олар барлық елді мекендерде болып, &nbsp;жастардың бос уақытын тиімді пайдалану және NEET санатындағы жастарды мемлекеттік бағдарламаға кеңінен тарту бағытында үлес қосып келеді. Оған қоса ауыл жастарының ұсыныс-пікірін тыңдап, мәселеге өзге қырынан қарауға септесуде.Бұдан бөлек, Халықаралық жастар күніне орай, аудан көлемінде апталық шара өткізілді. Онда, спорт түрлерінен, инновациялық идеялар жәрмеңкесі, мүмкіндіктер керуені, «Жайдарман ойындары», «Барлық игілік балаларға» жастар акциясы, «ЭКО марафон»сенбілік акциялары ұйымдастырылды. Мереке қарсаңында Қазалы ауданында дәстүрге айналған Ғ.Мұратбаев-тың 120 жылдығына орай республикалық жастар сыйлығын табыстаау кеші өткізілді.Жастар пікірсайысшылар клубы, тоғызқұмалақ, шахмат, &nbsp;сурет салу үйірмесінде уақыт өткізіп, «Мобилография» курсы бойынша сапалы бейне жасауға талпынуда. Алдағы уақытта «Stаnd up» клубы, &nbsp;IT-клуб жұмысын жандандыру жоспарланған.– Әңгімеңізге рақмет!

Нұрбек Ақпанбетов : Жастар жаңалыққа құштар

<a href="https://kyzylorda-news.kz/ru/">Kyzylorda-news.kz</a>. Бұрын халық «медицина саласынан мән кетті» деуші еді. Олай дейтініне негіз де, түрлі себеп те бар болатын. Өйткені, өз кезегін күту, дәрігерді тағатсыздана тосу, бір қағаз үшін емхананы түгелімен аралау сынды жүйке жұқартарлық жөнсіз әрекеттерден шаршайтын-ды. Сонымен қатар, медициналық мекемелердің құрылғылармен қамтамасыз етілмеуі салдарынан бір емхана тұрмақ, көрші мемлекетті де жағалап кететін. Көпшілікке көмегін тигізеді деп жасалған «Дамумедтің» де дамымай, дағдарғанын көрдік. Мұның бәрі, әлбетте медицинаның осалдығын білдіріп тұр. Кейде бір өзгерісті байқап, көңілдегі күдіктен арылғымыз келгенімен, тасада жасырынған кемшін тұстар су бетіне қайта қалқып шығады. Осылайша, шикіліктер шексіздікке ұласқанын білгенде тағы қапа болады. Бұл мәселе денсаулыққа кеп тірелгенде жұртшылықтың дабыл қағуы орынды. Ересектердің емін былай қойғанда, қазір балалардың асқынған дертіне шипа табылып жатыр ма? Жалпы, балаларда жиі кездесетін аурулар қандай? Облысымыздағы медицинаның қазіргі жайы ше? Мәселенің мәнісін бірге барлап көрелік.Әр ата-ана үшін бауыр еті баласының денсаулығы басты назарда. Сайып келгенде, бала денсаулығы – қоғам және мемлекет үшін де маңызды. Өйткені, бүгінгі жас – елінің ертеңі екені айтпаса да түсінікті. Сондықтан, осы тұста олқылыққа жол бермей, дертке дауа боларлық емді ертерек ескеру керек. Қол-аяқты құрсаулап тастайтын қатерлі ісіктер балалар арасында жиі туындайды. Осындайда «баламның табанына кірген тікен, маңдайыма қадалсын» деп шарқ ұратын ата-аналар арнайы ем-домға жүгінеді. Сол уақытта дәрігерлер дәрменсіздік танытпауы тиіс. Себебі, балаларда күрделі онкологиялық аурулардың көптеп кездесуі аса сақтықты талап етеді. Жалпы, көз аурулары, лейкоз және ақ қан аурулары өте көп таралған.Мәселен, 2017 жылы 558 бала онкологиялық ауруларға шалдықса, оның 230-ы осы лейкоз, ақ қан ауруы болып анықталған.Лейкоз ең бірінші ангинадан және өкпе қабынуынан басталады. Себебі, бұл қабынулар адамның иммунитетін түсіріп, әлсірететін көрінеді. Әлі толық зерттелмеген, анықталуы қиын аурудың белгілерін де бірден болжау мүмкін емес. Десек те, онколог мамандардың айтуынша, ақ қанның алғашқы белгілеріне бас ауыру мен бас айналу, түнде терлеу, асқа деген тәбеттің нашарлауы, дене қызуының күрт көтерілуі, әлсіздік пен шаршау және салмақтың тез азаюы мен жиі инфекция тиюі жатады. Сондықтан дәрігерлер бала денсаулығына салғырт қарамай, уақытылы тексерілу керектігін тілге тиек етеді. Оның үстіне алғашқы кезеңдер де қатерлі аурудың бірден анықталғаны игі, әйтпесе келесі кезеңінде дерт асқынып кетсе, тіпті мықты маман мен қуатты құрылғының өзі қауқарсыз екенін де жасырмады.Балаларда кездесетін келесі кесел – көз аурулары. Әлбетте, еңкейген сәбидің өзі телефонға телмірудің әдетке айналдырғанда, жасөспірімдердің жағдайы мәз емес екенін бірден аңғаруға болады. Мұның көз жанарынан айырылуға дейін апаратын ауыр дерттің бірі. Соңғы жылдары облыс бойынша 18 жасқа дейінгі балалар арасындағы көз ауруына шалдыққан 248134 бала тіркеуде тұрған. Статистикаға сүйенсек, облыста 360 бала көз ауруларынан мүгедектікке шығып отыр. Аурулардың ауыр соққылары сананы сарсаңға салып, белгілері тіпті жүректі ауыртып жібереді. Мамандар бүгінгі күні асқынған дерттің де дауасы табылып, медициналық құрылғылардың көмегімен құлан-таза айығып жатқандарын жеткізді. Бірақ, бұл сөздің жаны бар ма? Осы тұста, облыстық балалар ауруханасы ауыр дерттермен қалай күресіп келеді?<blockquote>– Облыстық балалар ауруханасының 97%-ы заманауи медициналық құралдармен жабдықталған. 2021 жылы аталған орталықта 2500-ден аса ота жасалған. Бұл ауруханада алғаш рет өкпенің буллезді эмфиземасына күрделі ота жасалды. Медицина мамандарының кәсібилігінің арқасында ота сәтті өтті,- дейді облыстық балалар ауруханасының бас дәрігері Зоя Көшенова.</blockquote>Жыл сайын дәрігерлер кәсіби біліктілігін арттыру мақсатында республикада, шетелдерде тәжірибе алмасады екен. Соның нәтижесінде, республикалық емханаларға барып емделетін балалар саны күрт төмендеп, күрделі емдер мен оталар балалар ауруханасында жасалатын көрінеді.<blockquote>– Облыста балалар хирургиясы қарқынды дамып келеді. Бүгінде заманауи құрал-жабдықтардың көмегімен әртүрлі деңгейдегі оталарды тіліксіз, яғни лазер аппаратымен жасаудамыз. Орталықта алғаш рет 16 жастағы баланың өкпесіне ота жасалып, сәтті шықты,- дейді жедел хирургия бөлімінің меңгерушісі Әлімжан Төлегенов.</blockquote>Дәйекті деректерге көз жүгіртсек, өңіріміздегі медицина жағдайы оңалып келе жатқан секілді. Бірақ, бұл құлақты жауыр етер құрғақ сөз бен жайыла берер жалаң сөз боп шықпаса игі. Сайып келгенде, жұртшылықтың «сырты бүтін, іші түтін» әдемі әңгімеге сеніп, талай рет басы тасқа тиіп, аузы күйген.Ендігі медицина саласынан осындай оңды өзгерістер күтеміз. Сонда ғана ауруы жанына батқан балалар мен ересектер аттанға бергісіз айғайға салмай, көрші мемлекеттің көлеңкесінде ем іздеп жүрмес еді. Қорыта айтқанда, іргесі халық үшін деп қаланған ауруханалардың ілгері жылжуы тиіс. Сондықтан, мықты маман мен қуатты құрылғылардан құр қалмағанымыз абзал.

Бала денсаулығы басты орында

Kyzylorda-news.kz. &nbsp;Қазақстан Республикасының Индустрия және инфрақұрылымдық даму министрлігі аппараты басшысының бұйрығымен Мақұлбеков Нариман Әскербекұлы Қызылорда облысы бойынша көліктік бақылау инспекциясының басшысы лауазымына тағайындалды.Облыс әкімі Нұрлыбек Нәлібаев кадрлық өзгерістерге байланысты актив отырысында Нариман Әскербекұлын құттықтап, жаңа қызметіне сәттілік тіледі.<blockquote>«Нариман Әскербекұлы Сіздерге жақсы таныс, мемлекеттік қызметтің түрлі сатысынан өтіп, облыс әкімі аппараты басшысының орынбасары, Шиелі ауданының әкімі қызметтерін абыроймен атқарған тәжірибелі және іскер басшы. Әр жылдары прокуратура саласында тергеуші-стажердан бастап, Қармақшы, Қазалы аудандарының прокуроры, облыс прокурорының орынбасары, Қазақстан Республикасының Бас прокуратурасында басшылық қызмет атқарып, азаматтардың құқықтары мен заң үстемдігін қамтамасыз етуге өз үлесін қосты.Нариман Әскербекұлы «Байқоңыр» кешенiнде екі ел арасындағы келісімге сәйкес сонда тұратын Қазақстан Республикасы азаматтарының құқықтарын қорғауға байланысты мемлекеттiк саясатты жүзеге асыруға бағытталған жұмыстарды жүргізді. Жаңа қызметте өңірдің транзиттік әлеуетіне сәйкес автомобиль жолдарындағы ірі габаритті және ауыр салмақты көлік құралдары мен теміржол көлігіндегі қозғалыс қауіпсіздігін қамтамасыз етуге бағытталған тиісті жұмыстарды үйлестіреді», – деді аймақ басшысы.</blockquote>Жиында облыстық ардагерлер кеңесінің төрағасы Серік Дүйсенбаев әріптесін құттықтап, ізгі тілектерін арнады. Айта кетейік, Нариман Әскербекұлы осы уақытқа дейін Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы қызметін атқарып келген.&nbsp;

Нариман Мақұлбеков жаңа қызметке тағайындалды

Kyzylorda-news.kz. Облыс әкімі Нұрлыбек Нәлібаев кадрлық өзгерістерге байланысты актив отырысында жаңа басқарма басшысын таныстырды.ҚР Денсаулық сақтау министрлігі, Мемлекеттік қызмет істері агенттігінің келісімі негізінде облыс әкімінің өкімімен Қызылорда облысы денсаулық сақтау басқармасының басшысы лауазымына Искаков Олжас Ермекұлы тағайындалды.<blockquote>«Олжас Ермекұлы – қызметте сатылап өскен білікті маман. &nbsp;Аймақтың денсаулық сақтау саласымен жақсы таныс, өзекті мәселелердің оңтайлы шешімін табуға әлеуеті жеткілікті, білікті кадр.Президентіміздің денсаулық сақтау саласындағы нақты тапсырмаларын орындау, халықтың әл-ауқатын көтеру аса маңызды. Бұл ретте, жауапкершілік жүгі ауыр саладағы жұмысына сәттілһік тілеп, облысымыздың денсаулық сақтау саласын тың бастамалар мен жаңа жетістіктерге жетелейді деп сенім артамыз»,– &nbsp;деді аймақ басшысы.</blockquote>Жоғары санатты хирург, ҚР денсаулық сақтау ісінің үздігі Абдулла &nbsp;Шүленбаев әріптесін жаңа қызметке тағайындалуымен құттықтап, сәттілік тіледі.Олжас Искаков 1988 жылы Қызылорда қаласында дүниеге келген. Санжар Асфендияров атындағы Қазақ Ұлттық медицина университетін «Емдеу ісі», Қазтұтынуодағы Қарағанды университетін «Экономика саласындағы құқықтық реттеу» мамандықтары бойынша бітірген. Денсаулық сақтау саласындағы менеджмент магистрі. Бүгінгі күні Алматы менеджмент университетінде докторантура бойынша өз білімін жетілдіруде.Еңбек жолын 2013 жылы № 3 қалалық емханада учаскелік дәрігер болып бастап, 2018 жылға дейін осы емханада бөлімше меңгерушісі, бас дәрігердің емдеу ісі жөніндегі орынбасары қызметтерін атқарған. 2018-2021 жылдар аралығында Қызылорда облысы денсаулық сақтау басқармасының бөлім басшысы, басқарма басшысының орынбасары болып жұмыс істеді. 2021 жылдан осы кезге дейін Денсаулық сақтау министрлігі Ана мен бала денсаулығын сақтау департаментінің басқарма басшысы, департамент директорының орынбасары қызметтерін атқарып келді.<img src="https://knadmin.beoblood.kz/uploads/FB_IMG_1679934179579_896116a609.jpg" alt="FB_IMG_1679934179579.jpg">

Қызылорда облысы денсаулық сақтау басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Жуырда Б.Қабылұлы атындағы аудандық мәдениет үйінде Шиелі аудандық полиция бөлімінің басшысы, полиция полковнигі Д.Беркімбаев аудан халқына былтырғы атқарылған істер мен алдағы уақытта негізгі атқарылатын профилактикалық жұмыстары туралы есеп беру жиынын өткізді.Жиынға аудан әкімінің орынбасары Б.Ысмағұлов және кент және ауылдық округ әкімдері, бірқатар сала мамандары қатысты.&nbsp;Жиында құқық бұзушылық фактілері сөз болып, Шиелі аудандық полиция бөлімінің басшысы, полиция полковнигі Д.Беркімбаев өткен жылы ауданның криминогендік ахуалы тұрақты жағдайда қалыптасқандығын айтты. Сондай-ақ, кісі өлтіру, мал ұрлығы, бұзақылық, бөтен мүлік ұрлығы, пәтер ұрлығы, алаяқтық, әйел зорлау және автокөлікті ұрлау қылмыстары бір шама азайғандығы сөз болып, қылмыстардың алдын-алу бағытында атқарылған жұмыстар нәтижесін көрсетіп, денсаулыққа қасақана ауыр зиян келтіру, тонау, қарақшылық, бопсалау, қалта ұрлығы және қару ұрлау сынды қылмыстарға жол берілмегендігі мәлім болды.Есеп беру жиынында ақпарлы мерзімде барлық сала бойынша 9917 әкімшілік құқық бұзушылық фактісі анықталып, тәртіп бұзушылықтың нақты көрсеткіші айтылды. Нәтижесінде құқық бұзушылықтың 4677-не жалпы сомасы 64 млн теңгеден астам айыппұл салынса, 53 млн теңгеден астамы өндірілгендігі және өндіру көрсеткіші 83,4 процентті құраған. Жалпы айтқанда, жылдан-жылға қылмыстың төмендеу тенденциясы байқалып келеді. 2022 жылы да, жалпы тіркелген құқық бұзушылықтың саны 15,7 процентке төмендеген.Жиын соңында полиция қызметкерлері халыққа ашықтық қағидатын ұстанып, сондай-ақ полиция мен халықтың арасындағы байланысты одан әрі арттыру керектігін ескертті. Сонымен қатар шараға қатысушылар сала мамандарына атқарылған жұмыстар бойынша сұрақтар қойып, ұсыныс – пікірлерін білдірді.

Шиеліде тәртіп сақшылары есеп берді

<a href="https://kyzylorda-news.kz/">Kyzylorda-news.kz.</a> Қыс аяғы бітіп, қар кетісімен-ақ, айналаны тазалап, жерге шыбық қадап, тал отырғызу адамзатқа зор пайдасын тигізіп қана қоймай, аймақтың ажарын да аша түсетіні анық. Жерге шаншылған әрбір талдың күтімі жақсы болса, жайқалған жасыл желек жазда сая, қыста пана болады емес пе? «Бағбан болсаң, бақ өсір, балама деп тағы өсір» деген аталы сөздің түбінде де тереңінен түсінгенге тәлімді тәмсіл жатыр.Жуырда аудан әкімі Нұржан Сәбитұлының бастамасымен аймақ маңы мен аудан елді мекендерінің санитарлық тазалық жағдайын жақсарту мақсатына бағытталған сенбілік жұмыстары бастау алғаны белгілі. Бүгінде осы игілікті іс үздіксіз жүргізіліп, жалғасын тауып жатыр. Түрлі мекемелер мен шаруа қожалықтары аудан орталығына, жол бойына және басқа да бөлінген аумақтарға ағаш көшеттерін отырғызып, аталған орындарда тазалық жұмыстарын атқарып үлгерген. Көктем келіп, күн жылына бастаған шақта қызу жүргізіліп жатқан тал егу, көркейту-көгалдандыру жұмыстарына үн қосып, қолдау білдірген жандардың қатарында ауданымыздың ардагерлері де бар.&nbsp;Аудандық ардагерлер кеңесінің төрағасы Өркен Исмаил, Шиелі кентінің ардагерлер кеңесінің төрағасы Болат Күлімбет сияқты үлкен буын өкілдерінің ұйымдастыруымен жүзеге асқан іс-шара барысында кент аумағына 400 түп көшет егілді.Бұл арқылы ардагер қауым барлық аудан тұрғындарына үндеу жасап, оларды тазалыққа, ортақ ауданымызды бірге көркейтуге атсалысуға шақырмақ.&nbsp;<blockquote>«Аудан әкімінің үндеуімен бастау алған көркейту-көгалдандыру жұмыстарын біз де қолдап, атсалыспақ ниеттеміз. Осы мақсатта аудандағы барлық елді мекендердің ардагерлері игі бастамаға өз үлестерін қосып жатыр. Ағашты ерте ексең, ерте шығады. Ақпан айының аяғынан бастап аймақ маңына түрлі ұйымдар мен мекеме қызметкерлері шыбық қадап, ағаш отырғызып үлгерді. Біздің атқарып жатқан ісімізді соның жалғасы деуге болады, – дейді Өркен Исмаил.</blockquote>Бүгінде көпшілікке үлгі боларлық осындай бастаманың басында жүрген жандар көп. Сол сияқты әрбір тұрғын тұрғылықты жердің тазалығына мән беріп, егілген ағаш көшеттерінің өсуіне жағдай жасаса, ауданның көркіне көрік қосыла түсетіні сөзсіз. «Бұлақ көзін ашып, көзіңді қалдыр, жақсылық мұра шашып, ізіңді қалдыр, бау-бақша өсіріп, өзіңді қалдыр, жаса нұр» дейді бабалар өсиеті. Мұның өзі – тал егудің адамзат тіршілігі үшін аса бір маңызды әрі қажетті іс екенінің дәлелі.Ендеше, саялы ағаштың ұрпаққа аяулы мирас болып қалатынын ескеріп, қоғамның игілігі үшін атқарылып жатқан жұмыстарға біздің де қолдау көрсеткеніміз абзал. Айлардың сұлтаны болған қасиетті Рамазан айында да дінімізде теңдесі жоқ, сауабы мол үш түрлі әрекеттің бірі саналған ағаш егу ісіне бір кісідей атсалысайық.

Шиелінің ардагерлері тал екті

<a href="https://kyzylorda-news.kz/">Kyzylorda-news.kz.</a> Бүгінгі таңда елімізде кәсібін дөңгелетіп отырған қаншама әйел-аналар көп. Бизнесте бастаған ісінің оңтайлы жағын қарастырып, жалпы табыс айналымын толтыра түскендер қатарында ер азаматтарымызбен қоса әйелдер, қыз-келіншектер де көптеп кездеседі.Кәсіп қылып тіршілік бастаймын деген адамға бүгінде мүмкіндік көп-ақ. Өз мүмкіндігінше әркім әрқалай тірлік кешіп, тырбанып, күнкөріс қамын қылуда. «Кәсіп түбі - нәсіп» деген тәмсілдің төркініне үңілсек, оң жамбасыңа келген, ойыңда, арманыңда жүрген бастамаларыңды тәуекел етіп бастап жіберсең, әрі қарай ісің оңғарылып, бастаған кәсібіңнің берекесін, несібесін көресің деген сөз. Кәсібінің қарқыны алға өрлеп, кәсіптен дәулет пен бақ-береке тапқан жандардың бірі, Төретам кентіндегі «Ерке» тойханасының иесі, «Жадыра» ЖК-нің басшысы Жадыра Алшоразова десек қателеспейміз.Жалағаштық Жадыра Алшоразованың негізгі мамандығы – бухгалтер-экономист. Бастапқыда өз мамандығымен есеп-қисап саласында жұмыс істеп көрді. Бірақ, көңілі кәсіпкерлікке ауды да тұрды. Көп қазақтың бірі болып Жадыра да о баста «Бірдеңе істеу керек еді...» деген сөзді жиі айтты. Айтып қана қоймай, қолынан келетін іске білек түре кірісіп те кетті. Яғни, сонау 1998 жылдардан бастап, кәсіпкерлік саласына бет бұрған, осы кәсіпкерліктің көзін тауып, дүкендер ашқан Жадыра Айтбайқызы әуелгіде Байқоңыр қаласында Ресей Федерациясының салық комитетіне тіркеліп, жұлдызды қалашықта дүкен саудасымен тіршілігінің бастамасын бастайды. Осы салада тасы өрге домалаған жеке кәсіпкер Жадыра Айтбайқызы 2016 жылдан бері Төретам кентіндегі салық бөліміне тіркеліп, өз еліміздің жеке кәсіпкері атаныпты.Төретам кентіндегі маңдайалды тойханалардың бірі – «Ерке» тойханасы. Жадыра Айтбайқызының айтуынша, негізінен тойхана ғимаратының құрылыс жұмыстары 2018 жылы басталып, 2019 жылдың қараша айында сол кездегі кент әкімі Шахым Сүйембетовтің қатысуымен тойхана ғимаратының ашылуы салтанатты түрде өтіп, лентасы қиылған екен. Екі қабатты тойхана ғимаратының бірінші қабатында кафетерий, дүкен мен шағын банкет залы және наубайхана, ал екінші қабатында 350 орынға арналған тойхана бар. Еңсесі биік, көлемі ат шаптырым әдемі әшекейлермен өрнектелген тойхана залы ерекше әдемі көрінеді. Осы тойхана ашылғаннан кейін, артынша төрт айдан кейін, еліміздегі төтенше жағдайға байланысты карантиндік режим орнап, тойханалардың есігі тарс жабылғаны да белгілі. Осы тұста, яғни тойхананы енді ғана ашып, кәсібін бастаған Жадыра Айтбайқызына бұл едәуір тосқауыл болды. Дегенмен тойхана ғимаратындағы наубайхана, азық-түлік дүкені өз жұмысын жандандыра түсуіне септігін тигізді.Халқымызда «Ас атасы – нан» деген киелісөз бар, яғни астың, дәмнің үлкені – нан. Қазақ баласы ақ пен қараны ажыратып танымай тұрып-ақ оған оң қолына нан ұстауды, нанды баспауды, тастамауды үйретеді. Нан қасиетті. Адам кез келген тамақты екі күн жесе, ол қанша нәрлі болғанымен сол тамақтан жалығады. Ал бірақ адам баласы өмір бойы наннан шықпайды, наннан зерікпейді, жалықпайды. Дастарқаныңыздың үстінде күнде нан тұрмаса, көңіліңіз де, дастарқаныңыз да – орта, берекеңіз кетіп, дүние ойсырап тұрған секілді басқа тамақ көзіңізге көрінбейді. Иә, осындай қасиеттерімен құнды нан өнімдерін шығаруды біздің бүгінгі мақаламызға арқау болған кейіпкеріміз Жадыра Айтбайқызы өз кәсібінің бір саласы ретінде жандандырып, қала мен кент тұрғындарының көңілінен шығып жүрген жайы бар.Жадыра Айтбайқызы басшылық ететін наубайхананың негізгі жұмысы – нан пісіру, дегенмен көпшіліктің қажеттілігіне байланысты тәтті нан, таба нан, тандыр нан(лепешка), рагалки, бәліш, ыстық тамақ, кондитерлік өнімдер, т.б пісіру. Сондай-ақ, той дастарханына самса, чебурики, блинчик, булочкаларға тапсырыс қабылдайды.Наубайханадағы сауда жайын сұрағанымызда:&nbsp;<blockquote>«Сауда бірде олай, бірде бұлай. Былтыр карантин кезінде жұмысымыз тұралаңқырап қалғанымен, қазір енді тойға рұқсат беріп, біршама жанданып жатқан жайымыз бар, кейде, тұрғындар тарапынан түскен орындай алмай қалған сәттеріміз де кездесіп қалып жатады», дейді кәсіпкер.</blockquote>Байқоңыр қаласындағы 10 дүкенді, ал Төретам кентіндегі 5 дүкенді нан өнімдерімен қамтамасыз етіп отырған кәсіпкердің тапсырыстары да молырақ. Күнделікті нан өнімдерін берілген тапсырыс бойынша дайындайды.Бұдан бөлек тойхана ғимаратының 1-қабатындағы кафетерийде күнделікті келушілер ас-ауқатпен қамтылса, шағын банкет залы да туған күн, ұжымдық отырыстар жасауға арнайы жабдықталған. Ал азық-түлік пен арақ-шарап сататын шағын дүкен де кент тұрғындарына қалтқысыз қызмет көрсетуде.Тұрақты түрде бес адамды жұмыспен қамтып отырған кәсіпкер той болатын күндері қызмет көрсетуге 20-ға жуық жалдамалы жұмысшы алып, тойды атқарады.«Қайырымдылық жасасаң қайырымын өзің көресің» деген екен дана халқымыз. Адамға жақсылық жасау, қайырымдылық көрсету – халқымыздың мақтан етерлік дәстүрлерінің бірі. Бұл дәстүр қазақ тіршілігінде түрліше іске асып отырған. Ата-бабаларымыз қайырымдылық дегенді қазақы дәстүріміз деп түсінісіп, оны әрдайым жүзеге асырып отырған. «Адам баласына қолыңнан келсе, жақсылық қыл, жасаған жақсылығың алдыңнан шығады,» деген екен. Бір-бірімізге әрдайым жақсылық жасаудан жалықпағанымыз жөн.Қайырымдылық жасасаң қайырын өзің көресің, деген сөзді ескерген Жадыры Айтбайқызы да көмек қолын созғандарға қол ұшын беруден кенде емес. Қазақтың Жыл басы – Наурыз мерекесінде, Құрбан айтта, мектептерде өткізілген акцияларда, балалар үйіне демеушілік көрсетуден тыс қалған емес. Жағдайы төмен отбасыларға азық- түлікпен және қаржылай көмегін беріп отыратын кәсіпкердің жұмысының алға басуы да, осы әрекеттерінің қайтарымы ма деген ой түйдік. Осындайда «кең болсаң кем болмайсың» деген қазақтың сөзі еске түседі.Отан – отбасынан басталады, демекші, өлкеміздегі осындай үлгі тұтар отбасы өздерінің кәсіптерін бүкіл жанұсымен атқарады. «Бақ қайда барасың, бірлігі жарасқан елге барамын», дегендей ынтымағы мен бірлігі жарасқан отбасының еткен еңбегі мен бастаған кәсібінің алға өрлеуі осы бірліктің арқасы. Иә, «Бірлік бар жерде тірлік бар» деген осы.

Төретамдық кәсіпкер бірнеше кәсіпті игеріп отыр

<a href="https://kyzylorda-news.kz/">Kyzylorda-news.kz.</a> Қазір балық шаруашылығын дамытуға мемлекеттен көрсетілетін қолдау аз емес. Соның нәтижесінде Сыр өңірінде балық бизнесі қайта өріс алуда. Балық шаруашылығын дамыту агросаясаттағы басты міндеттің бірі болғанымен, бүгінде нақты нәтижеге қол жеткізу қиындау болып тұрған сыңайлы.&nbsp;Бұл өз кезегінде ел Үкіметінің қаулысымен бекітілген «Балық шаруашылығын дамытудың 2021-2030 жылдарға арналған» бағдарламасы атты іргелі жоспардың орындалуын кешеуілдетуде. Осы межелі жылдар аралығындағы істелетін жұмыстың нәтижесі бойынша ауланатын балық түрінің үлесі 270 мың тоннаға дейін артуға тиіс-тұғын. Сыр өңірінде қандай серпін бар?&nbsp;Облыс көлеміндегі жағдайды жүйелеп көрейік. Бүгінде тауарлы балық өсіру және сирек кездесетін балық түрлерін көбейту мақсатында 2 тоған шаруашылығы құрылған. Қазіргі таңда онда сазан, ак амур, дөңмандай және африкалық жайын сынды балық түрлері өсірілуде. Сондай-ақ, облыста 2030-шы жылға дейін 12 мың тоннадан асатын балық шығаратын 16 шарбақтық шаруашылық пен 1200 тонна тауарлы балық өсіретін 12 тоғандық шаруашылық құру жоспарлануда. Бұл жөнінде Арал-Сырдария облысаралық бассейндік балық шаруашылығы инспекциясы басшысының орынбасары Жанқожа Сапаров хабарлаған болатын.&nbsp;<blockquote>«Балық шаруашылығын дамыту бағдарламасы аясында 55 тауарлы су айдыны мен 4 тоған шаруашылығы жұмыс істеуде. Жалпы аталмыш бағдарлама шеңберінде 2030 жылға дейін облыста 16 мың тонна балық өсіру межеленіп отыр. Осыған сәйкес, 15 су айдыны кәсіпшіліктен көл тауарлыға ауыстырылды. Сонымен қатар былтыр балық шабақтарын құтқару және қырылу қауіпінің алдын алу бойынша белсенді шаралар жүргізілді. Биыл да балық шаруашылығын дамыту бағытындағы нәтижелі жұмыстарды жалғастыратын боламыз» дейді Жанқожа Рамбердіұлы.</blockquote>&nbsp;

Аймақта 2030 жылға дейін 12 тоғандық шаруашылық құру жоспарлануда

<a href="https://kyzylorda-news.kz/">Kyzylorda-news.kz.</a> Жаңақорған аудандық ауыл шаруашылығы бөлімінің мәліметтеріне сүйенсек, биыл аудан шаруалары 37 781 гектарға егiс егуді межелеп отыр. Жалпы Жаңақорғанда ауыл шаруашылығы өндірісімен айналысатын 781 шаруашылық құрылымы болса, соның 485-і егінмен айналысады. Оның ішінде 175 шаруашылық күріш өсіруді мақсат еткен.&nbsp;«Биыл жауын-шашынның мол болуы егінші қауымға оң әсерін тигізеді деп үміт күтіп отырмыз. Былтыр аяқ судың аздығынан күріш көлемін қысқартып тастаған едік. Биыл қайта көбейттік, аудан бойынша 8346 гектар күріш дәнін тастау жоспарланып отыр. Күздік бидай 3151 гектар, жаздық бидай 194, жаздық дәндік жүгеріні 700 гектарға жеткіздік. Былтыр 2 гектарға қант қызылшасын егіп көрдік, биыл 5 гектарға межеледік. Сондай-ақ, картоп 580 гектар, көкөнiс 616 гектар, бақша өнімдері 2095 гектарды құрады» деді бас агроном Дәурен Абибуллаев.Жыл сайын әртараптандыру бағытына басымдық беріліп келеді. Азық-түлік қауіпсіздігін сақтау мен бағаны тұрақтандыру мақсатында қосымша жерлер ашылып ұжымдық түрде 295 гектарға картоп, көкөніс, бақша дақылдарын орналастыру бағытында жұмыстар атқарылуда. Жалпы бақша дақылдарын егуден әлі де кемшін қалып жатқанымыз жасырын емес. Бұл өнімдерден пайда көп болғанымен, бейнеті де көп. Күріш пен мал азығы дақылдарына техниканың көмегі керек болса, бақша өнімдерінің күтімі аса маңызды.<blockquote>«Ауданның ауыл шаруашылығы құрылымдары биылғы жылдың егісі үшін 3151 гектар күздік бидай егуді және 7300 гектар сүдігер айдауды қамтамасыз етті. Сонымен қатар ағымдағы жылы бірқатар шаруашылықтар тарапынан тамшылатып суару әдісі мен жаңбырлатып суару жүйесіне көшуге басымдық берілуде. Тамшылатып суару технологиясымен Талап ауылдық округінде «Қызылорда Агроплюс» ЖШС-де 5 гектар қызанақ егуді жоспарлауда. Жаңбырлатқыш суару технологиясымен Қожакент ауылдық округіне қарасты «Береке» шаруа қожалығы 30 гектар малазықтық дақылдарды егуді жоспарлауда» дейді бас агроном.&nbsp;</blockquote>Тамшылатып суару әдісі – ең алдымен судың ысырабын азайтудың, екіншіден өнім көлемін арттырудың бірден-бір жолы. Егін шаруасымен айналысатын кәсіп иелері осы тәсілдің пайдасын жақсы түсінеді. Бірақ көп қолдана бермейді.&nbsp;<blockquote>«Бақшаға тамшылатып суару – бұл биіктік айырмашылығы бар рельеф жағдайында жалғыз дұрыс шешім. Егер сіздің егістігіңіз көлбеу жерде орналасқан болса, онда шашыратуды қолдану тиімсіз, өйткені су сөзсіз ағып кетеді. Нәтижесінде биіктікте орналасқан учаскенің бір бөлігі құрғап, төменгі бөлігі су астында қалады. Екіншіден, тамыр астында суаруды қажет ететін өсімдіктерді өсіру кезінде қолданады. Мәселен, қызанақ, баклажан және бұрыш сияқты кейбір дақылдар жоғары ылғалдылыққа шыдамайды, сондықтан оларды тамшылату арқылы суғару керек. Жаңбырлатып суғару – бұл ауыл шаруашылық жерлерін суғарудың ескі технологиясы. Оның артықшылығы – табиғи жаңбыр суына барынша жақындығы. Сонымен қатар, технология ауаны ылғалдандыруды қамтамасыз етеді. Бұл көбіне қияр мен қырыққабатты суаруға таптырмас шешім. Сондай-ақ, әдіс өсімдіктерді шаңнан тазартады. Бұл фотосинтездің қалыпты жүруіне және тез өсуіне ықпал етеді. Жалпы бұл да тиімді тәсіл» дейді жауапты маман.</blockquote>Жаңбырлату әдісі негізінен таңертең жүргізілуі керек екен. Себебі жаңбырлатып суару әдісімен өсімдікті күндіз суаратын болса, оның жапырақтарға түсетін тамшылары күйікке әкелуі мүмкін. Ал егер кешкі уақытта суарған жағдайда жапырақтардағы ылғал түнге дейін буланып үлгермей, бұл өз кезегінде жапырақты шірітуі мүмкін. Аудан бойынша осы жылдың егісі үшін шаруашылық құрылымдарының қолында 2087 тонна күріш тұқымы бар дейді агроном. 50 тонна жоңышқа тұқымы толығымен дайын, ал 50 тонна мақсары тұқымы қажет болса оның нақты 30 тоннасы дайындалған. Минералдық тыңайтқыштар мен гербицидтер дайындауда көлемі 4462 тоннаны құраса, оның ішінде 4226 тоннасы – азотты, 236 тоннасы – фосфорлы тыңайтқыш болса, қажетті гербицидтердің көлемі 3113 литрді құраған. Қазіргі таңда шаруашылықтар тарапынан минералдық тыңайтқыштардың 3290 тоннасы (73,7%) сатып алыныпты. Техника мен жанаржағар май жеткілікті ме?&nbsp;<blockquote>«Аудан бойынша көктемгі дала жұмыстарына 1 422 тонна дизель отыны бөлінді. «Жібек Жолы LTD и К» ЖШС – 524 тонна, «Жаңақорған ОiI» ЖШС-на 898 тонна қарастырылған. Көктемгі дала жұмыстарына 207 трактор, 38 соқа, 28 дән сепкіш, 21 автомашина, 52 трактор тіркемесі толығымен дайын» дейді Дәурен Серікұлы.&nbsp;</blockquote>Осы жылдың қаңтар айында елімізде 494,1 мың тонна бензин өндірілді. Бұл өткен жылдың қаңтарымен салыстырғанда 20,6%-ға көп. Дизель отынын шығару 13%-ға, 421,8 мың тоннаға дейін өскен. Дегенмен, баға түсетін емес, шаруаларға осы жағы сәл қиындық туғызады. Ауыл шаруашылығы министрлігі биыл маусымдық ауылшаруашылық жұмыстарына дизель отынын бөлудің жаңа тетіктерін іске қосатынын хабарлаған болатын. Жалпы, біздің аудандағы дала дүбірі осылай басталыпты. &nbsp;

Қазақстан және Қызылорда облысының жаңалықтары